BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Lydia Ko គ្រងជើងឯកវាយកូនគោល CME Group Tour និងជាពាន LPGA លើកទី១៩ ក្នុងអាជីព

វាយកូនគោល៖ កីឡាការិនី Lydia Ko បានប្រជែងឈ្នះជើងឯកនៃព្រឹត្តិការណ៍វាយកូនគោលកម្មវិធី CME Group Tour ដែលជាជើងឯកនៅក្នុងក្របខណ្ឌ LPGA Tour លើកទី១៩ ក្នុងអាជីព។ កីឡាការិនីសញ្ជាតិនូវែហ្សេឡង់រូបនេះធ្វើបានសរុប ១៧អាន់ឌើផាក្នុងការប្រកួតដែលរៀបចំនៅរដ្ឋ Florida សហរដ្ឋអាមេរិកនេះ ដោយបានយកឈ្នះអ្នកលេខ២ កីឡាការិនីអៀកឡង់ Leona Maguire ២ស្ត្រូកដើម្បីក្លាយជាកីឡាការិនីឆ្នើមបំផុតរបស់ LPGA ប្រចាំឆ្នាំ។ ជើងឯកពានរង្វាន់ CME Group នេះ Lydia Ko ទទួលបានប្រាក់រង្វាន់ ២លានដុល្លារអាមេរិក។ លេខ៣ ក្នុងការប្រកួតបានទៅកីឡាការិនីស៊ុយអែត Anna Nordqvist ដោយធ្វើបានសរុប ១៤អាន់ឌើផា៕អត្ថបទ៖នាង សុភាវុធ

Novak Djokovic លើកពាន ATP Finals តាមស្មើកំណត់ត្រា Federer

វាយកូនបាល់៖ អតីតកីឡាករលំដាប់លេខ ១ ពិភពលោក Novak Djokovic បានក្លាយជាម្ចាស់ជើងឯក ATP Finals ក្រោយយកឈ្នះ Casper Ruud នៅវគ្គផ្តាច់ព្រ័ត្រតាមស្មើកំណត់ត្រារបស់ Roger Federer។ កីឡាករស៊ែបវ័យ ៣៥ឆ្នាំរូបនេះបានយកឈ្នះកីឡាករន័រវេស Casper Ruud ដោយលទ្ធផល ៧-៥ និង ៦-៣ នៅទីក្រុង Turin ប្រទេសអ៊ីតាលីម្សិលមិញនេះ។ ជ័យជំនះនៅក្នុងកម្មវិធីចុងក្រោយរបស់ ATP ប្រចាំឆ្នាំមួយនេះគឺជាជើងឯក ATP Finals លើកដំបូងរាប់ពីឆ្នាំ២០១៥ សំរាប់ Novak Djokovic និងជាពាន ATP Finals លើកទី៦ ក្នុងអាជីពដូចគ្នានឹងកីឡាករស្វីស Roger Federer ដែលចូលនិវត្តន៍ទៅហើយ។ ជ័យជំនះនេះដែរ Djokovic បានទទួលប្រាក់រង្វាន់ដល់ទៅជិត ៤លានដុល្លារតាមរយៈការឈ្នះពាន ហើយមិនដែលចាញ់ក្នុងកម្មវិធី៕អត្ថបទ៖នាង សុភាវុធ

Jon Rahm ឈ្នះការប្រកួត DP World Tour នៅឌូបៃ តែ McIlroy បញ្ចប់ឆ្នាំជាកីឡាករលេខ ១ នៅអឺរ៉ុប

វាយកូនគោល៖ កីឡាករវាយកូនគោលអៀកឡង់ខាងជើង Rory McIlroy បានបញ្ចប់រដូវកាល ២០២២ ជាកីឡាករលេខ ១ ប្រចាំទ្វីបអឺរ៉ុប បើទោះបីជាកីឡាករអេស្ប៉ាញ Jon Rahm គ្រងជើងឯកព្រឹត្តិការណ៍វាយកូនគោល DP World Tour Championship នៅទីក្រុងឌូបៃប្រទេសអារ៉ាប់រួមក្តី។Jon Rahm ធ្វើបាន ៥អាន់ឌើផានៅថ្ងៃចុងក្រោយ និងសរុបរួម ២០អាន់ឌើផាយកឈ្នះអ្នកលេខ២ កីឡាករអង់គ្លេស Tyrrell Hatton និងកីឡាករស៊ុយអែត Alex Noren ២ស្ត្រូក។ កីឡាករលំដាប់លេខ ១ ពិភពលោក Rory McIlroy បានបញ្ចប់ការប្រកួតនៅឌូបៃនេះចំណាត់ថ្នាក់លេខ៤ ធ្វើបានសរុប ១៧អាន់ឌើផា បន្ទាប់ពីថ្ងៃចុងក្រោយធ្វើបាន ៤អាន់ឌើផា។ Rory McIlroy បានក្លាយជាកីឡាករវាយកូនគោលទី២ ប៉ុណ្ណោះដែលឈ្នះទាំងជើងឯក FedEx Cup និង Race to Dubai នេះក្នុងរដូវកាលតែមួយ៕អត្ថបទ៖នាង សុភាវុធ

Mark Allen គ្រងជើងឯកស្នូកឃ័រពានរង្វាន់ UK Championship ក្រោយឈ្នះ Ding Junhui

ស្នូកឃ័រ៖ កីឡាករស្នូកឃ័រអៀកឡង់ខាងជើង Mark Allen បានធ្វើការវាយបកមិនគួរឱ្យជឿនៅវគ្គផ្តាច់ព្រ័ត្រយកឈ្នះកីឡាករចិន Ding Junhui ដើម្បីគ្រងជើងឯក UK Championship ជាលើកដំបូងក្នុងអាជីព។កីឡាករវ័យ ៣៥ឆ្នាំ Ding Junhui ធ្វើបានយ៉ាងល្អក្នុងដំណាក់កាល ៧ហ្វ្រេមដំបូងតាមរយៈការវាយមួយឈើបានលើសពី ១០០ពិន្ទុដល់ទៅ ៣លើកដើម្បីនាំមុខ ៦-១ហ្វ្រេម។ យ៉ាងណាក្តី Mark Allen បានធ្វើការវាយបកយ៉ាងអស្ចារ្យនៅដំណាក់កាលទី២ តាមរយៈការយកឈ្នះ ៦ហ្វ្រេមជាប់គ្នាធ្វើឱ្យការប្រកួតវិលមកប្រដេញគ្នាវិញ។ Ding Junhui ព្យាយាមត្រលប់មកវិញដែរដោយយកឈ្នះនៅហ្វ្រេមទី១៥ ដោយវាយបាន ១០៥ពិន្ទុ តែ Allen យកឈ្នះហ្វ្រេមទី១៧ ដើម្បីយកឈ្នះការប្រកួតដោយលទ្ធផលសរុប ១០-៧ហ្វ្រេម។ នេះជាការប្រកួតដែលប្រើពេលយូរបំផុតមួយនៅពានរង្វាន់ UK Championship នេះក្នុងរយៈពេល ៤៥ឆ្នាំ៕អត្ថបទ៖នាង សុភាវុធ

គុនល្បុក្កតោកម្ពុជាឈ្នះមេដាយ ៥គ្រឿងពីព្រឹត្តិការណ៍កីឡាយុទ្ធសិល្ប៍ក្បាច់គុនពិភពលោកនៅកូរ៉េ

ល្បុក្កតោ៖ ក្រុមកីឡាករ-កីឡាការិនីគុនល្បុក្កតោកម្ពុជាបានឈ្នះមេដាយចំនួន ៥គ្រឿងរួមមានមេដាយមាស ១ និងប្រាក់ ៤ នៅក្នុងការប្រកួតកីឡាយុទ្ធសិល្ប៍ក្បាច់គុនពិភពលោកប្រចាំឆ្នាំ២០២២ (International martial arts contest 2022) កាលពីថ្ងៃទី១៨ ដល់ថ្ងៃទី២០ ខែវិច្ឆិកាកន្លងទៅនៅសាធារណរដ្ឋកូរ៉េ។ លោក អ៊ួ តារា អគ្គលេខាធិការសហព័ន្ធកីឡាគុនល្បុក្កតោកម្ពុជាបានឲ្យដឹងថា ឆ្នាំនេះសម្ព័ន្ធកីឡាយុទ្ធសិល្ប៍ពិភពលោក (world martial art union) បានសម្រេចរៀបចំការប្រកួតផ្ទាល់ឡើងវិញ ក្រោយស្ងប់ស្ងាត់ជំងឺរាតត្បាតកូវីដ-១៩ បន្ទាប់ពីរៀបចំការប្រកួតតាម Online កាលពីឆ្នាំ២០២១ កន្លងទៅ។ ការប្រកួតនេះមាន ១០ប្រទេសចូលរួម រួមមានកម្ពុជា អូបេគីស្ថាន វៀតណាម ឡាវ សិង្ហបុរី ឥណ្ឌា ហ្គាណា ហ្វីលីពីន អ៊ីរ៉ង់ និងម្ចាស់ផ្ទះកូរ៉េ។ កម្ពុជាបានបញ្ជូនអត្តពលិក ១០ចូលរួម ក្នុងនោះមានគ្រូដឹកនាំ ២រូប តាមរយៈការឧបត្ថម្ភគាំទ្ររបស់គណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC)។ជាលទ្ធផលកការប្រកួតក្រុមកីឡាគុនល្បុក្កតោកម្ពុជា ដណ្ដើមបានមេដាយ ៥គ្រឿងរួមមាន៖ កីឡាការិនី ពិធី ច័ន្ទឆវី ឈ្នះមេដាយមាស ១ លើវិញ្ញាសាទ្វារមេគុនអាវុធ។ រីឯមេដាយប្រាក់ ៤គ្រឿងទៀតដណ្ដើមបានលើវិញ្ញាសាទ្វារមេគុនអាវុធ, វិញ្ញាសាទ្វារមេគុនដៃក្រុម, វិញ្ញាសាទ្វារមេគុនអាវុធក្រុម និងវិញ្ញាសាសម្ដែងជាក្រុម។ តាមរយៈលទ្ធផលនេះ ត្រូវបានលោក អ៊ួ តារា ចាត់ទុកជាពន្លឺថ្មីមួយសម្រាប់កីឡាករ-កីឡាការិនីគុនល្បុក្កតោកម្ពុជា ដែលធ្វើបានល្អក្នុងការប្រកួតលក្ខណៈអន្ដរជាតិ មុនឈានដល់ការប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ៕អត្ថបទ៖ លី ឈុនឡា

ជើងឯកពិភពលោក Max Verstappen ឈ្នះការប្រកួតបិទរដូវកាល F1 នៅអារ៉ាប់រួម

ប្រណាំងរថយន្ត៖ កីឡាករប្រណាំងរថយន្ត F1 ហូឡង់ Max Verstappen ដែលជាជើងឯកពិភពលោកទៅហើយនោះ បានប្រជែងឈ្នះការប្រកួតនៅទីលានបិទរដូវកាល ២០២២ នៅ Abu Dhabi អារ៉ាប់រួម។ នេះជាជ័យជំនះទីលានទី ១៥ ក្នុងរដូវកាល ២០២២ នេះ ដើម្បីពន្លាតកំណត់ត្រាឈ្នះច្រើនទីលានបំផុតក្នុងមួយរដូវកាល។ ចំណែកឯការប្រជែងចំណាត់ថ្នាក់លេខ២ ក្នុងតារាងជើងឯកពិភពលោកកីឡាករម៉ូណាកូរបស់ Ferrari, Charles Leclerc ដែលទទួលបានចំណាត់ថ្នាក់លេខ២ នៅ Abu Dhabi នេះ ខណៈគូប្រជែងកីឡាករម៉ិកស៊ិក Sergio Perez បានត្រឹមចំនាត់ថ្នាក់លេខ៣។ មានន័យថា Charles Leclerc បិទបញ្ចប់រដូវកាលជាជើងឯករងពីលើ Sergio Perez ត្រឹម ៣ពិន្ទុ។ជាមួយគ្នានោះដែរជើងឯកពិភពលោក ៤សម័យ Sebastian Vettel បានបិទបញ្ចប់អាជីព F1 របស់ខ្លួនជាមួយនឹងការខកចិត្តដោយបានត្រឹមចំណាត់ថ្នាក់លេខ ១០ នៅ Abu Dhabi នេះបន្ទាប់ពីជើងឯក ៧សម័យ Lewis Hamilton បានដើរចេញពីការប្រកួតនៅពេលសល់ ៤ជុំទៀតចប់។ Lewis Hamilton របស់ក្រុម Mercedes បានបិទបញ្ចប់រដូវកាល ២០២២ របស់ខ្លួនដោយមិនឈ្នះមួយទីលានណាសោះជាលើកដំបូងក្នុងអាជីព៕អត្ថបទ៖នាង សុភាវុធ

កាតាក្លាយជាក្រុមម្ចាស់ផ្ទះ World Cup ទីមួយក្នុងប្រវត្តិសាស្ត្រដែលចាញ់ថ្ងៃបើកឆាក

បាល់ទាត់៖ ក្រុមជម្រើសជាតិកាតាបានក្លាយជាក្រុមទី១ ដែលបរាជ័យថ្ងៃបើកឆាកនៅក្នុងប្រវត្តិសាស្ត្របាល់ទាត់ពិភពលោក FIFA World Cup បន្ទាប់ពីចាញ់អេក្វាដ័រ ២-០។ ខ្សែប្រយុទ្ធ Fenerbahce, Enner Valencia រកបានពីរគ្រាប់ម្នាក់ឯងតាំងពីវគ្គទី១ ឱ្យអេក្វាដ័រយកឈ្នះនៅទឹកដីកាតា។ Valencia ក៏បានក្លាយជាកីឡាករដែលស៊ុតបញ្ចូលទី ច្រើនជាងគេឱ្យក្រុមជម្រើសជាតិអេក្វាដ័រផងដែរ។ គ្រូបង្វឹកក្រុមកាតាលោក Felix Sanchez មិនមានអ្វីដោះសារឡើយ ក្រោយចាញ់ក្រុមអេក្វាដ័រថ្ងៃបើកឆាក World Cup 2022 ដោយលទ្ធផល ២-០ នេះដោយថា ក្រុមរបស់លោកធ្វើមិនបានល្អ ធ្វើមិនបានតាមអ្វីដែលគ្រោងទុក ហើយលោកមើលឃើញថា កីឡាករក្នុងក្រុមមានភាពភ័យខ្លាច និងដាក់ខ្លួនឱ្យមានសំពាធខ្លាំងពេក។ លោក Sanchez បន្តថាបរាជ័យនេះ ក្រុមរបស់លោកមានកំហុសជាច្រើនដែលត្រូវកែប្រែសម្រាប់ប្រកួតបន្ទាប់។កាតានឹងត្រូវជួបជាមួយក្រុមជើងឯកទ្វីបអាហ្វ្រិកនៅថ្ងៃសុក្រនេះ ដែលនឹងជាការប្រកួតកាន់តែលំបាកសម្រាប់ក្រុមម្ចាស់ផ្ទះ។ ក្រៅពីជាម្ចាស់ផ្ទះដែលចាញ់ប្រកួតថ្ងៃបើកឆាកដំបូងក្នុងប្រវត្តិសាស្ត្រ World Cup កាតាក៏ប្រឈមក្លាយជាក្រុមម្ចាស់ផ្ទះទី៤ ដែលធ្លាក់ក្នុងវគ្គវិលជុំក្នុងពូលផងដែរបន្ទាប់ពីស្វីសនៅឆ្នាំ១៩៥៤, ស៊ីលីនៅឆ្នាំ១៩៦២ និងអាហ្វ្រិកខាងត្បូងនៅឆ្នាំ២០១០៕អត្ថបទ៖នាង សុភាវុធ

ក្រុមកីឡាការិនីការ៉ាតេកម្ពុជាឈ្នះមេដាយសំរឹទ្ធជើងឯកពិភពលោកនៅឥណ្ឌូនេស៊ី

ការ៉ាតេ៖ ក្រុមកីឡាការ៉ាតេជម្រើសជាតិកម្ពុជាដណ្ដើមបានមេដាយសំរឹទ្ធ ១គ្រឿងក្នុងការប្រកួតជើងឯកការ៉ាតេពិភពលោក WKF Championship Series A 2022 លើវិញ្ញាសាតាកាក្រុម នៅប្រទេសឥណ្ឌូនេស៊ី កាលពីថ្ងៃទី២០ ខែវិច្ឆិកាចុងសប្ដាហ៍កន្លងទៅ។ មេដាយសំរឹទ្ធ ដែលក្រុមកីឡាការ៉ាតេកម្ពុជាទទួលបាននៅថ្ងៃចុងក្រោយ នៃព្រឹត្តិការណ៍ពិភពលោកនេះគឺដណ្ដើមបានលើវិញ្ញាសាកាតាក្រុមនារី រួមមានកីឡាការិនី ថាត ឆេងហ័ង, ពុទ្ធា ស្រីណុច និងកីឡាការិនី អូន ស្រីដា។ គួរដឹងថា កម្ពុជាបានបញ្ចូនប្រតិភូ គ្រូបង្វឹក និងអត្តពលិក ១៧រូបចូលរួមប្រកួតជើងឯកការ៉ាតេពិភពលោក នៅទីក្រុងហ្សាកាតាចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២២ ហើយសហព័ន្ធបានចាត់ទុកបេសកកម្មនេះគឺជាឱកាសមួយដ៏ល្អ សម្រាប់កីឡាករ-កីឡាការិនីកម្ពុជាធ្វើការប្រកួតប្រជែង វាស់ស្ទង់ និងដកស្រង់បច្ចេកទេស ក្នុងន័យស្វែងរកជ័យជម្នះផង និងបង្កើតសមត្ថភាពផង ដើម្បីសម្រួចដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជា៕ អត្ថបទ៖ លី ឈុនឡា

World Cup 2022 នៅកាតាជា World Cup ដែលលក់សំបុត្រថ្លៃបំផុតក្នុងប្រវត្តិសាស្ត្រ

បាល់ទាត់៖ អ្នកគាំទ្រដែលនឹងចូលរួមទស្សនាការប្រកួតបាល់ទាត់ពិភពលោក FIFA World Cup 2022 នៅប្រទេសកាតានឹងត្រូវចំណាយលុយលើសំបុត្រចូលរួមទស្សនាដែលមានតម្លៃថ្លៃជាង World Cup 2018 នៅរុស្ស៊ីដល់ទៅជិត ៤០%។ បើតាមការសិក្សា និងប្រមូលទិន្នន័យជុំវិញតម្លៃសំបុត្រដែលត្រូវបានលក់ចេញឱ្យដឹងថា តម្លៃសំបុត្រជាមធ្យមនៅកាតាគឺ ២៨៦ផោន តែបើប្រៀបធៀបនឹង World Cup នៅរុស្ស៊ីមានត្រឹម ២១៤ផោន នេះបើតាមការសិក្សាដោយ Keller Sports។ សំបុត្រ World Cup នៅកាតាមានតម្លៃថ្លៃបំផុតបើប្រៀងធៀងនឹង World Cup នៅប្រទេសផ្សេងនាពេលកន្លងមកក្នុងរយៈពេល ២០ឆ្នាំចុងក្រោយនេះ។ បើគិតតែវគ្គផ្តាច់ព្រ័ត្រ តម្លៃសំបុត្រគឺមានតម្លៃជាមធ្យម ៦៨៤ផោន ដែលមានការកើនឡើងដល់ទៅ ៥៩% ឯណោះប្រៀបធៀបទៅនឹងបួនឆ្នាំមុន។មុននេះ FIFA បានឱ្យដឹងថា សំបុត្រទស្សនា World Cup ប្រមាណជាជិត ៣លានសន្លឹកត្រូវបានលក់ចេញនៅគ្រប់កីឡដ្ឋានទាំង ៨ នៅកាតា។ បើយើងក្រឡេកបកក្រោយវិញ World Cup 2006 នៅអាល្លឺម៉ង់ត្រូវបានគេឃើញថា មានតម្លៃសមរម្យបំផុតក្នុងរយៈពេល ២០ឆ្នាំចុងក្រោយនេះដោយតម្លៃសំបុត្រចូលទស្សនាជាមធ្យមត្រឹម ១០០ផោន ហើយវគ្គផ្តាច់ព្រ័ត្រនៅទីក្រុងប៊ែកឡាំងមានតម្លៃជាមធ្យម ២២១ផោន៕អត្ថបទ៖នាង សុភាវុធ

Rafael Nadal បញ្ចប់បេសកកម្មឆ្នាំ២០២២ ជាមួយនឹងជ័យជំនះលើ Casper Ruud

វាយកូនបាល់៖ កីឡាករអេស្ប៉ាញ Rafael Nadal បានបញ្ចប់បេសកកម្មឆ្នាំ២០២២ របស់ខ្លួនជាមួយនឹងជ័យជំនះលើកីឡាករន័រវេស Casper Ruud ក្នុងជំនួបបង្គ្រប់កិច្ចនៃពានរង្វាន់ ATP Finals នៅទីក្រុង Turin ប្រទេសអ៊ីតាលី។Nadal ដែលជាកីឡាករមានលំដាប់ថ្នាក់ពិភពលោកខ្ពស់បំផុតក្នុងកម្មវិធី តាមរយៈអវត្តមានរបស់កីឡាករលំដាប់លេខ ១ ពិភពលោក Carlos Alcaraz នោះបានរងបរាជ័យពីរប្រកួតដំបូងនៅក្នុងពូល និងអស់ឱកាសឡើងជុំបន្តទៅហើយ តែប្រកួតចុងក្រោយបង្គ្រប់កិច្ចបានយកឈ្នះកីឡាករន័រវេស Casper Ruud ដោយលទ្ធផល ៧-៥ និង ៧-៥។ ថ្វីបើបរាជ័យមិនទាន់ឈ្នះពាន ATP Finals នៅក្នុងអាជីពក្តី កីឡាករវ័យ ៣៦ឆ្នាំរូបនេះក៏មានរដូវកាលដ៏អស្ចារ្យរបស់ខ្លួនផងដែរក្នុងឆ្នាំ២០២២ នេះតាមរយៈការឈ្នះជើងឯក Grand Slam ពីរគឺនៅ Australian Open និង French Open។ចំណែក Casper Ruud ថ្វីបើបរាជ័យតែគេបានកក់កៅអីនៅវគ្គបន្តរួចស្រាប់ទៅហើយ តាមរយៈជ័យជំនះពីរប្រកួតដំបូងនៅក្នុងពូលពណ៌បៃតងនេះ។ ម្នាក់ទៀតដែលនឹងត្រូវឡើងវគ្គពាក់កណ្តាលជាមួយ Casper Ruud គឺកីឡាករអាមេរិក Taylor Fritz ដែលបានយកឈ្នះកីឡាករកាណាដា Felix Auger-Aliasimme ដោយលទ្ធផល ៧-៦ ៦-៧ និង ៦-២៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Lydia Ko គ្រងជើងឯកវាយកូនគោល CME Group Tour និងជាពាន LPGA លើកទី១៩ ក្នុងអាជីព

Novak Djokovic លើកពាន ATP Finals តាមស្មើកំណត់ត្រា Federer

Jon Rahm ឈ្នះការប្រកួត DP World Tour នៅឌូបៃ តែ McIlroy បញ្ចប់ឆ្នាំជាកីឡាករលេខ ១ នៅអឺរ៉ុប

Mark Allen គ្រងជើងឯកស្នូកឃ័រពានរង្វាន់ UK Championship ក្រោយឈ្នះ Ding Junhui

គុនល្បុក្កតោកម្ពុជាឈ្នះមេដាយ ៥គ្រឿងពីព្រឹត្តិការណ៍កីឡាយុទ្ធសិល្ប៍ក្បាច់គុនពិភពលោកនៅកូរ៉េ

ជើងឯកពិភពលោក Max Verstappen ឈ្នះការប្រកួតបិទរដូវកាល F1 នៅអារ៉ាប់រួម

កាតាក្លាយជាក្រុមម្ចាស់ផ្ទះ World Cup ទីមួយក្នុងប្រវត្តិសាស្ត្រដែលចាញ់ថ្ងៃបើកឆាក

ក្រុមកីឡាការិនីការ៉ាតេកម្ពុជាឈ្នះមេដាយសំរឹទ្ធជើងឯកពិភពលោកនៅឥណ្ឌូនេស៊ី

World Cup 2022 នៅកាតាជា World Cup ដែលលក់សំបុត្រថ្លៃបំផុតក្នុងប្រវត្តិសាស្ត្រ

Rafael Nadal បញ្ចប់បេសកកម្មឆ្នាំ២០២២ ជាមួយនឹងជ័យជំនះលើ Casper Ruud

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Lydia Ko គ្រង​ជើងឯក​វាយកូនគោល CME Group Tour និង​ជា​ពាន LPGA លើក​ទី​១៩ ក្នុង​អាជីព​

Novak Djokovic លើក​ពាន ATP Finals តាម​ស្មើ​កំណត់ត្រា Federer

Jon Rahm ឈ្នះ​ការប្រកួត DP World Tour នៅ​ឌូ​បៃ ​តែ McIlroy បញ្ចប់​ឆ្នាំ​ជា​កីឡា​ករលេខ ១ នៅ​អឺរ៉ុប​

Mark Allen គ្រង​ជើងឯក​ស្នូកឃ័រ​ពានរង្វាន់ UK Championship ក្រោយ​ឈ្នះ Ding Junhui

ជើងឯក​ពិភពលោក Max Verstappen ឈ្នះ​ការប្រកួត​បិទ​រដូវ​កាល F1 នៅ​អារ៉ាប់​រួម

កាតា​ក្លាយជា​ក្រុម​ម្ចាស់ផ្ទះ World Cup ទីមួយ​ក្នុង​ប្រវត្តិសាស្ត្រ​ដែល​ចាញ់​ថ្ងៃ​បើកឆាក

ក្រុមកីឡា​ការិនី​កា​រ៉ា​តេ​កម្ពុជា​ឈ្នះ​មេដាយ​សំរឹទ្ធ​ជើងឯក​ពិភពលោក​នៅ​ឥណ្ឌូនេស៊ី

World Cup 2022 នៅ​កាតា​ជា World Cup ដែល​លក់​សំបុត្រ​ថ្លៃ​បំផុត​ក្នុង​ប្រវត្តិសាស្ត្រ​

Rafael Nadal បញ្ចប់​បេសកកម្ម​ឆ្នាំ២០២២ ជាមួយនឹង​ជ័យជំនះ​លើ Casper Ruud

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Lydia Ko គ្រងជើងឯកវាយកូនគោល CME Group Tour និងជាពាន LPGA លើកទី១៩ ក្នុងអាជីព

Novak Djokovic លើកពាន ATP Finals តាមស្មើកំណត់ត្រា Federer

Jon Rahm ឈ្នះការប្រកួត DP World Tour នៅឌូបៃ តែ McIlroy បញ្ចប់ឆ្នាំជាកីឡាករលេខ ១ នៅអឺរ៉ុប

Mark Allen គ្រងជើងឯកស្នូកឃ័រពានរង្វាន់ UK Championship ក្រោយឈ្នះ Ding Junhui

ជើងឯកពិភពលោក Max Verstappen ឈ្នះការប្រកួតបិទរដូវកាល F1 នៅអារ៉ាប់រួម

កាតាក្លាយជាក្រុមម្ចាស់ផ្ទះ World Cup ទីមួយក្នុងប្រវត្តិសាស្ត្រដែលចាញ់ថ្ងៃបើកឆាក

ក្រុមកីឡាការិនីការ៉ាតេកម្ពុជាឈ្នះមេដាយសំរឹទ្ធជើងឯកពិភពលោកនៅឥណ្ឌូនេស៊ី

World Cup 2022 នៅកាតាជា World Cup ដែលលក់សំបុត្រថ្លៃបំផុតក្នុងប្រវត្តិសាស្ត្រ

Rafael Nadal បញ្ចប់បេសកកម្មឆ្នាំ២០២២ ជាមួយនឹងជ័យជំនះលើ Casper Ruud