BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Carlos Alcaraz ក្លាយជាកីឡាករវាយកូនបាល់ក្មេងបំផុតឈរលេខ ១ ពិភពលោកនាពេលបញ្ចប់ឆ្នាំ

វាយកូនបាល់៖ កីឡាករអេស្ប៉ាញ Carlos Alcaraz បានក្លាយជាកីឡាករលំដាប់លេខ ១ ពិភពលោកនាពេលបញ្ចប់រដូវកាលជាផ្លូវការ និងជាប្រវត្តិសាស្ត្រនៅក្នុងក្របខណ្ឌវាយកូនបាល់បុរស ATP។ ស្ថិតក្នុងវ័យ ១៩ឆ្នាំ Carlos Alcaraz គឺជាកីឡាករវ័យក្មេងបំផុតដែលបញ្ចប់ឆ្នាំជាកីឡាករលេខ ១ ពិភពលោកបើគិតពីឆ្នាំ១៩៧៣។ Alcaraz បានទទួលពានតំណែងលេខ ១ ពិភពលោករបស់ខ្លួននៅថ្ងៃព្រហស្បតិ៍ម្សិលមិញនៅទីក្រុង Turin ប្រទេសអ៊ីតាលី ជាកន្លែងប្រកួតពានរង្វាន់ ATP Finals ដែលជាពានរង្វាន់បិទរដូវកាលរបស់ ATP ដែលប្រមូលផ្តុំដោយកីឡាករកំពូលរបស់ពិភពលោក ៨នាក់។ Rafael Nadal និង Stefanos Tsitsipas សុទ្ធតែមានឱកាសក្នុងឡើងឈរលេខ ១ ពិភពលោកតាមរយៈជ័យជំនះនៅទីក្រុង Turin តែពួកគេទាំងពីរសុទ្ធតែបរាជ័យនៅប្រកួតដំបូងរបស់ខ្លួនរៀងៗខ្លួននៅក្នុងពូល។ Carlos Alcaraz មិនបានចូលរួមការប្រកួត ATP Finals នេះឡើយដោយសារបញ្ហារបួសរហែកសាច់ដុំដែលបានបង្ខំឱ្យដកខ្លួនតាំងពីការប្រកួត Paris Masters សប្តាហ៍មុន។Carlos Alcaraz មានរដូវកាលដែលមិនអាចបំភ្លេចបានរបស់ខ្លួននៅក្នុងអាជីពត្រឹមវ័យ ១៩ឆ្នាំនេះនៅក្នុងឆ្នាំ២០២២ នេះដោយចាប់ផ្តើមឆ្នាំ២០២២ ឈរលេខ ៣២ ពិភពលោក និងបានឡើងមកកាន់លំដាប់កំពូលនៅខែកញ្ញា។ កីឡាករវ័យក្មេងបំផុតដែលឈរលេខ ១ ពិភពលោកនៅពេលបញ្ចប់ឆ្នាំពីមុនគឺកីឡាករអូស្ត្រាលី Lleyton Hewitt កាលពីឆ្នាំ២០០១ ក្នុងវ័យ ២០ឆ្នាំ ២៧៥ថ្ងៃ ខណៈដែល Carlos Alcaraz ធ្វើបានក្នុងវ័យ ១៩ឆ្នាំ ២១៤ថ្ងៃ៕អត្ថបទ៖នាង សុភាវុធ

អាហ្សង់ទីនរបួសកីឡាករ ២នាក់ត្រូវអវត្តមានពី World Cup

បាល់ទាត់៖ កីឡាកររបស់អាហ្សង់ទីនពីររូបរួមមាន Joaquin Correa និង Nicolas Gonzalez នឹងត្រូវអវត្តមានមិនអាចជួយក្រុមជម្រើសជាតិអាហ្សង់ទីនបានឡើយនៅ World Cup ដោយសារបញ្ហរបួស នេះបើតាមការបញ្ជាក់របស់សហព័ន្ធបាល់ទាត់អាហ្សង់ទីន AFA កាលពីថ្ងៃព្រហស្បតិ៍ម្សិលមិញ។ កីឡាកររបស់ក្លិប Atletico Madrid, Angel Correa ត្រូវបានកោះហៅដើម្បីជំនួស Nicolas Gonzalez ស្របពេលដែល Joaquin Correa របស់ Inter Milan ក៏មានរបួសដែរ។ អាហ្សង់ទីននឹងប្រកាសឈ្មោះកីឡាករដែលមកជំនួស Joaquin Correa នៅពេលបន្ទាប់។ អាហ្សង់ទីនបានយកឈ្នះអារ៉ាប់រួម ៥-០ ក្នុងជំនួបមិត្តភាពកំដៅសាចដុំកាលពីថ្ងៃពុធ តែគេមិនឃើញមានវត្តមានខ្សែការពារ Christian Romero, ខ្សែប្រយុទ្ធ Alejandro Gomez និង Paulo Dybala ឡើយ។ ក្រុមរបស់លោក Lionel Scaloni នឹងត្រូវជួបអារ៉ាប៊ីសាអ៊ូឌីតនៅថ្ងៃទី២២ ខែវិច្ឆិកានេះ៕អត្ថបទ៖នាង សុភាវុធ

ផ្លូវការ Sadio Mane មិនអាចជួយក្រុមសេណេហ្កាល់បានឡើយនៅ World Cup

បាល់ទាត់៖ ខ្សែប្រយុទ្ធសេណេហ្កាល់ Sadio Mane បានទទួលការវះកាត់របួសជង្គង់របស់ខ្លួន ដែលនឹងធ្វើឱ្យគេអវត្តមានមិនអាចជួយក្រុមជម្រើសជាតិរបស់ខ្លួននៅ World Cup បានឡើយ។ បន្ទាប់ពីប្រកាសបញ្ជីឈ្មោះកីឡាករ ២៦នាក់សម្រាប់ World Cup របស់សេណេហ្កាល់ដោយមានឈ្មោះរបស់ខ្សែប្រយុទ្ធ Bayern Munich រូបនេះ ធ្វើឱ្យអ្នកគាំទ្រមានការត្រេកអរ និងមានក្តីសង្ឃឹមមកវិញខ្លះ។ ក្រោយមកកាលពីថ្ងៃអង្គារសហព័ន្ធបាល់ទាត់សេណេហ្កាល់បញ្ជាក់ថា Mane នឹងអវត្តមានការប្រកួតដំបូងរបស់សេណេហ្កាល់នៅ World Cup។ ចុងក្រោយនៅថ្ងៃព្រហស្បតិ៍ម្សិលមិញ តាមរយៈការពិនិត្យលំអិតរបស់ក្រុមគ្រូពេទ្យបញ្ជាក់ថា របួសជង្គង់របស់កីឡាករវ័យ ៣០ឆ្នាំរូបនេះត្រូវទទួលការវះកាត់ ហើយក៏បានធ្វើការវះកាត់ភ្លាមៗទទួលបានជោគជ័យផងដែរ។Sadio Mane ដែលជាម្ចាស់ជ័យលាភីកីឡាករឆ្នើមបំផុតប្រចាំទ្វីបអាហ្វ្រិកពីរលើក គឺជាអ្នកស៊ុតបញ្ចូលទីបាល់ ១១ម៉ែត្រកាត់សេចក្តីម្នាក់ជួយក្រុមសេណេហ្កាល់លើកពាន Africa Cup of Nations ជាលើកដំបូងក្នុងប្រវត្តិសាស្ត្រ មុនពេលដែល Mane ដដែលក៏បានធ្វើរឿងដដែលយកឈ្នះអេស៊ីបនៅវគ្គ Play-Off កក់កៅអីនៅ World Cup នៅពេលនេះ។ ក្រុមសេណេហ្កាល់នឹងចាប់ផ្តើម World Cup នៅក្នុងពូល A ដោយនឹងត្រូវជួបជាមួយហូឡង់នៅថ្ងៃចន្ទសប្តាហ៍ក្រោយ មុនបន្តជួបម្ចាស់ផ្ទះកាតា និងអេក្វាដ័រ៕អត្ថបទ៖នាង សុភាវុធ

លោក Gianni Infantino នឹងបន្តដឹកនាំ FIFA មួយអាណត្តិទៀត

បាល់ទាត់៖ លោក Gianni Infantino នឹងបន្តដឹកនាំ FIFA រយៈពេល ៤ឆ្នាំទៅមុខទៀតក្នុងនាមជាបេក្ខភាពតែម្នាក់គត់ដែលនឹងឈរឈ្មោះបោះឆ្នោតជាប្រធាននៅខែមីនា ឆ្នាំ២០២៣ ឆ្នាំក្រោយ។សេចក្ដីថ្លែងការណ៍របស់ FIFA បានបញ្ជាក់ថា តាមរយៈអវសានវាទក្នុងការដាក់ពាក្យប្រជែងការបោះឆ្នោត ដើម្បីកាន់តំណែងប្រធាន FIFA បានបិទបញ្ចប់កាលពីថ្ងៃពុធ និងគ្មានបេក្ខភាពណាបានដាក់ពាក្យឡើយ។ FIFA នឹងឈានដល់មហាសន្និបាតលើកទី៧៣ របស់ខ្លួន អមជាមួយនឹងការបោះឆ្នោតជ្រើសរើសប្រធាននៅអាណត្តិថ្មីនៅខែមីនាឆ្នាំក្រោយនេះ។ បុរសវ័យ ៥២ឆ្នាំ Gianni Infantino នឹងកាន់តំណែងក្នុងអាណត្តិទី៣ របស់ខ្លួនក្រោយឈ្នះឆ្នោតជាប្រធាន FIFA ដំបូងនៅឆ្នាំ២០១៦ យកឈ្នះលោក Sheikh Salman ដែលកាន់តំណែងបន្តពីការចាកចេញរបស់លោក Sepp Blatter។កន្លងមកលោក Gianni Infantino បានទទួលការគាំទ្រជាច្រើនពីសហព័ន្ធបាល់ទាត់នៃទ្វីបផ្សេងៗដូចជា CONMEBOL ធ្លាប់បានឱ្យដឹងថា បន្ទាប់ពីមានការពិភាក្សាជុំវិញស្ថានភាពបាល់ទាត់បច្ចុប្បន្ន និងចក្ខុវិស័យនាពេលអនាគតរបស់បាល់ទាត់អាមេរិកខាងត្បូង និងពិភពលោក សមាជិករបស់ CONMEBOL ទាំងអស់សុទ្ធតែគាំទ្របេក្ខភាពលោក Gianni Infantino ដើម្បីធ្វើជាប្រធាន FIFA មួយអាណត្តិទៀត។ មិនត្រឹមតែ CONMEBOL ទេកាលពីពេលថ្មីៗនេះ សហព័ន្ធបាល់ទាត់ទ្វីបអាស៊ី AFC និងសហព័ន្ធបាល់ទាត់ទ្វីបអាហ្វ្រិក CAF សុទ្ធតែប្រកាសជំហរគាំទ្រលោក Gianni Infantino ដូចគ្នា៕អត្ថបទ៖នាង សុភាវុធ

អតីតកីឡាករ-កីឡាការិនី និងម្ចាស់មេដាយមាសស៊ីហ្គេមជាច្រើននឹងចូលរួមរត់ភ្លើងគប់ពិធីបើកកីឡាជាតិលើកទី៣

កីឡាជាតិ៖ ការប្រកួតកីឡាជាតិលើកទី៣ និងកីឡាប៉ារ៉ាហ្គេមជាតិលើកទី១ នឹងប្រារព្ធពិធីបើកការប្រកួតផ្លូវការនាល្ងាចថ្ងៃទី២១ ខែវិច្ឆិកាខាងមុខនៅពហុកីឡដ្ឋានជាតិមរតកតេជោ ក្រោមអធិបតីតភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ ស្រដៀងនឹងការរៀបចំ ២លើកមុនដែរ ពិធីបើក-បិទព្រឹត្តិការណ៍កីឡាថ្នាក់ជាតិដ៏ធំនេះនឹងមានកម្មវិធីជាច្រើន ដើម្បីអបអរសាទរ តែឆ្នាំនេះ គ្រោងនឹងមានរៀបចំនូវកម្មវិធីកាន់តែអស្ចារ្យថែមទៀត ដើម្បីជាពិសោធន៍ឆ្ពោះទៅធ្វើម្ចាស់ផ្ទះព្រឹត្តិការណ៍ប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ក្នុងនោះក៏មានពិធីរត់ភ្លើងគប់ផងដែរ ដែលនឹងត្រូវរត់ពីវិមានឈ្នះឈ្នះចូលទៅវិមានកីឡដ្ឋាននៃពហុកីឡដ្ឋានជាតិមរតកតេជោ។ យោងតាមគណៈកម្មការរៀបចំពិធីបើក-បិទបានរៀបចំនូវព្រឹទ្ធាចារ្យ អតីតកីឡាករ-កីឡាការិនី និងម្ចាស់មេដាយមាសកីឡាស៊ីហ្គេម-អាស៊ានប៉ារ៉ាហ្គេមជាច្រើនដើម្បីរត់ភ្លើងគប់ ក៏ដូចជាកាន់ទង់ និងដង្ហែទង់កីឡាជាតិឆ្ពោះទៅពិធីបើកព្រឹត្តិការណ៍កីឡាជាតិលើកទី៣ និងកីឡាប៉ារ៉ាហ្គេមជាតិលើកទី១ នាដើមសប្ដាហ៍ក្រោយ។សម្រាប់ព្រឹទ្ធាចារ្យ និងកីឡាករ-កីឡាការិនីដែលត្រូវរត់ភ្លើងគប់រួមមាន៖១. វីរកីឡាករ សាលី អ៊ូមើត ម្ចាស់មេដាយមាសកីឡាម៉ូតូទឹកនៃព្រឹត្តិការណ៍កីឡាអាស៊ីឆ្នាំ២០១៨។ អ៊ូមើតគឺជាកីឡាករឆ្នើមមួយរូបដែលធ្លាប់ដណ្ដើមបានមេដាយ និងពានរង្វាន់ជាច្រើនទៀត ទាំងការប្រកួតថ្នាក់តំបន់ អាស៊ី និងពិភពលោក។២. កីឡាករគុនខ្មែរ ប៉ោ ភារិទ្ធ ដែលជាម្ចាស់មេដាយមាសកីឡាស៊ីហ្គេមឆ្នាំ២០២២ នៅប្រទេសវៀតណាម។ កីឡាករជម្រើសជាតិប្រដាល់គុនខ្មែររូបនេះ បានបើកទំព័រប្រវត្តិសាស្ដ្រដណ្ដើមបានមេដាយមាសស៊ីហ្គេមលើកដំបូងក្នុងអាជីពរបស់ខ្លួន បន្ទាប់ពីទទួលបានជោគជ័យជាបន្ដបន្ទាប់ពីការប្រកួតក្នុងស្រុក។៣. វីរកីឡាការិនី កែ ឡេង ម្ចាស់មេដាយមាសកីឡាប៉េតង់ជើងឯកពិភពលោក ៤សម័យជាប់គ្នា និងជាកីឡាករដំបូងលើពិភពលោកដែលធ្វើបានកំណត់ត្រាដ៏អស្ចារ្យនេះ។ លើសពីនេះលោកស្រីក៏ធ្លាប់ដណ្ដើមមេដាយមាសស៊ីហ្គេម និងជើងឯកអាស៊ីជាច្រើនផងដែរ។៤. កីឡាករជនពិការ ហៀ ហុក ម្ចាស់មេដាយមាសប្រណាំងរទេះនៃកីឡាអាស៊ានប៉ារ៉ាហ្គេមឆ្នាំ២០២២ នៅឥណ្ឌូនេស៊ី ។៥. កីឡាការិនី ប៉ាល់ ឆរស្ម៊ី ម្ចាស់មេដាយមាសកីឡាវ៉ូវីណាមនៃកីឡាស៊ីហ្គេមឆ្នាំ២០២២ នៅវៀតណាម។ ប៉ាល់ ឆរស្ម៊ី ក៏ជាម្ចាស់មេដាយមាសស៊ីហ្គេម ៣សម័យជាប់គ្នា ហើយក៏ធ្លាប់ឈ្នះមេដាយមាសកីឡាវ៉ូវីណាមជើងឯកពិភពលោក និងព្រឹត្តិការណ៍អន្ដរជាតិធំៗជាច្រើនទៀត ទាំងលើកីឡាវ៉ូវីណាម និងកីឡាតេក្វាន់ដូ ITF ផងដែរ។៦. ព្រឹទ្ធាចារ្យកីឡាបាល់ទាត់ ប៉ែន ផាត អតីតកីឡាករបាល់ទាត់ជម្រើសជាតិទសវត្សរ៍ទី៦០។៧. កីឡាការិនីជនពិការ វ៉ិន ចាន់ថា ម្ចាស់មេដាយមាសលោតចម្ងាយ និងរត់ ៤០០ម៉ែត្រនៃព្រឹត្តិការណ៍កីឡាអាស៊ានប៉ារ៉ាហ្គេមឆ្នាំ២០២២ នៅឥណ្ឌូនេស៊ី។៨. វីរកីឡាការិនី ស៊ន សៀវម៉ី ម្ចាស់មេដាយមាសតេក្វាន់ដូកីឡាអាស៊ីឆ្នាំ២០១៤ នៅសាធារណរដ្ឋកូរ៉េ។ លើសពីនេះ សៀវម៉ី ក៏ជាម្ចាស់មេដាយមាសស៊ីហ្គេម ៣សម័យ រួមទាំងការដណ្ដើមបានសមិទ្ធផលធំៗជាច្រើនលើឆាកអន្ដរជាតិជូនជាតិផងដែរ។ចំណែកកីឡាករ-កីឡាការិនីត្រូវកាន់ទង់ និងដង្ហែទង់កីឡាជាតិ អមពិធីរត់ភ្លើងគប់វិញរួមមាន៖១. កីឡាករ ទូច រ៉ាឆាន់ ម្ចាស់មេដាយមាសកីឡាឃីកបុកស៊ីងស៊ីហ្គេមឆ្នាំ២០២២ នៅវៀតណាម។២. កីឡាការិនី វង ចន្ថា និងកីឡាករ ស៊ីន វង់ ម្ចាស់មេដាយមាសកីឡាប៉េតង់លើវិញ្ញាសាវាយគូចម្រុះនារី នៃការប្រកួតកីឡាស៊ីហ្គេមឆ្នាំ២០២២ នៅវៀតណាម។៣. កីឡាករ វ៉ា មិថុនា ម្ចាស់មេដាយមាសកីឡាតេក្វាន់ដូ WT នៃការប្រកួតកីឡាស៊ីហ្គេមឆ្នាំ២០២២ នៅវៀតណាម៤. កីឡាការិនី ពៅ សុខា ម្ចាស់មេដាយមាសកីឡាវ៉ូវីណាមពិភពលោកឆ្នាំ២០១៩។៥. កីឡាករ លី បូរ៉ាមី ម្ចាស់មេដាយមាសកីឡាវ៉ូវីណាមនៃការប្រកួតកីឡាស៊ីហ្គេមឆ្នាំ២០២២ នៅវៀតណាម។សូមបញ្ជាក់ថា ក្រៅពីនេះក៏មាននូវកម្មវិធីជាច្រើន ទាំងការសម្ដែងចលនាសមស្រប ការសម្ដែងក្បាច់គុនល្បុក្ក ការសម្ដែងសិល្បៈបុរស-សម័យ និងការបាញ់គាំជ្រួចដ៏អស្ចារ្យ និងកម្មវិធីជាច្រើនទៀត ដើម្បីអបអរសាទរពិធីបើក-បិទកីឡាជាតិ និងកីឡាប៉ារ៉ាហ្គេមឆ្នាំ២០២២ នេះផងដែរ៕អត្ថបទ៖ លី ឈុនឡា

ជំនាញការជប៉ុនសរសើរវគ្គបណ្ដុះបណ្ដាលអាជ្ញាកណ្ដាល-ចៅក្រម និងការប្រកួតប្រដាល់សកលអាជីពនៅកម្ពុជា

ប្រដាល់សកល៖ វគ្គបណ្ដុះបណ្ដាលអាជ្ញាកណ្ដាល-ចៅក្រមប្រដាល់សកលអាជីព និងការប្រកួតប្រដាល់សកលអាជីព Ultimate Pro Boxing 2022 ដែលរៀបចំដោយអង្គភាពចំណុះរបស់សហព័ន្ធកីឡាប្រដាល់សកលកម្ពុជា គឺគណៈកម្មការប្រដាល់សកលអាជីពកម្ពុជា បានទទួលការសរសើរពីជំនាញការជប៉ុនលោក YASUKOCHI Tsuyoshi បន្ទាប់ពីលោកបានបង្រៀន និងពិនិត្យនូវការអនុវត្តផ្ទាល់រយៈពេល ២ថ្ងៃកន្លងមក។ លោក ប៊ុយ សុភ័ណ្ឌ ប្រធានគណៈកម្មការប្រដាល់សកលអាជីពកម្ពុជា និងជាអគ្គលេខាធិការសហព័ន្ធបានបញ្ជាក់ថា ឆ្លងកាត់ការរៀបចំវគ្គបណ្ដុះបណ្ដាលអាជ្ញាកណ្ដាល-ចៅក្រមប្រដាល់សកលអាជីពកាលពីថ្ងៃទី១៦ និងថ្ងៃទី១៧ ខែវិច្ឆិកា ក៏ដូចជាការរៀបចំការប្រកួតប្រដាល់សកលអាជីពនៅថ្ងៃចុងក្រោយឃើញថា សិក្ខាកាមទាំងអស់បានអនុវត្តយ៉ាងល្អពាក់ព័ន្ធនឹងការវិនិច្ឆ័យ ក៏ដូចជាការកាត់សេចក្ដីលើសង្វៀនជាដើម។ តាមរយៈនេះលោក YASUKOCHI Tsuyoshi បានធ្វើការវាយតម្លៃខ្ពស់ ចំពោះការអនុវត្តនូវតួនាទីភារកិច្ចរបស់អាជ្ញាកណ្ដាល-ចៅក្រមកម្ពុជាដែលលោកអាចទទួលយកបាន ហើយក៏ជាការបំពេញនូវលក្ខខណ្ឌមួយ នៃស្ថាប័នកីឡាប្រដាល់សកលអាជីពអន្ដរជាតិ(WBC)។ ចំពោះការបង្ហាញសមត្ថភាពរបស់កីឡាករវិញ ក៏បានបង្ហាញនូវលក្ខណៈបច្ចេកទេសខ្ពស់គួរឲ្យកត់សម្គាល់ ដើម្បីចូលរួមការប្រកួតលក្ខណៈអន្ដរជាតិផងដែរ។អគ្គលេខាធិការសហព័ន្ធដដែលបន្ដថា យ៉ាងណាក្ដីដើម្បីជំរុញវិស័យកីឡាមួយនេះឲ្យរីកចម្រើនទាំងព្រម សហព័ន្ធនឹងបន្ដអនុវត្តការសំខាន់ៗជាបន្ដបន្ទាប់ទៀត ទី១-ការបើកវគ្គបណ្ដុះបណ្ដាលអាជ្ញាកណ្ដាល-ចៅក្រម និងទី២-ការរៀបចំការប្រកួតប្រចាំសប្ដាហ៍របស់សហព័ន្ធ ក៏ដូចជាការបញ្ជូនក្រុមជម្រើសជាតិទៅហ្វឹកហាត់ និងចូលរួមប្រកួតនៅក្រៅប្រទេសជាដើម ដើម្បីធានាបាននូវគុណផលកីឡាកម្រិតខ្ពស់ត្រៀមការប្រកួតអន្ដរជាតិនានា ពិសេសសម្រាប់កីឡាករ-កីឡាការិនីត្រៀមស៊ីហ្គេមឆ្នាំ២០២៣ តែម្ដង៕អត្ថបទ៖ លី ឈុនឡា

កីឡាជាតិនឹងដំណើរការប្រកួតចុងសប្ដាហ៍នេះ ខណៈពិធីបើកនឹងធ្វើឡើងក្រោមអធិបតីភាពសម្ដេចតេជោ

កីឡាជាតិ៖ ព្រឹត្តិការណ៍កីឡាជាតិលើកទី៣ និងកីឡាប៉ារ៉ាហ្គេមលើកទី១ ដែលរៀបចំដោយក្រសួងអប់រំ យុវជន និងកីឡា សហការជាមួយគណៈកម្មាធិការជាតិ CAMSOC គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិ ក្រោមការគាំទ្ររបស់រាជរដ្ឋាភិបាលនឹងដំណើរការប្រកួតនាចុងសប្ដាហ៍នេះ ជាមួយការជួបជុំ និងប្រជុំបច្ចេកទេសផ្សេងៗនៅថ្ងៃទី១៩-វិច្ឆិកា និងចាប់ផ្ដើមការប្រកួតនៅថ្ងៃទី២០-វិច្ឆិកា មុនពិធីបើកផ្លូវការនាល្ងាចថ្ងៃទី២១ ខែវិច្ឆិកា ដែលនឹងធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ នេះគឺជាព្រឹត្តិការណ៍កីឡាដ៏ធំដែលនឹងត្រូវរៀបចំក្នុងក្របខណ្ឌទូទៅប្រទេស បន្ទាប់ពីខកខានរៀបចំកាលពីឆ្នាំ២០២២ ដោយសារជំងឺរាតត្បាតជាសកលកូវីដ-១៩។ អ្វីដែលពិសេស ការត្រឡប់មកវិញនៃកីឡាជាតិលើកទី៣ និងកីឡាប៉ារ៉ាហ្គេមលើកទី១ នេះនឹងត្រូវរៀបចំតាមទម្រង់ស៊ីហ្គេម និងអាស៊ានប៉ារ៉ាហ្គេម ដើម្បីជាការតេស្ដសាកល្បងដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជា គឺការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នាឆ្នាំ២០២៣ ខាងមុខ។ ជាការពិតសម្រាប់កីឡាជាតិត្រូវបានរៀបចំការប្រកួតលើ ៣៨ប្រភេទកីឡា ដូចទៅនឹងប្រភេទកីឡាដែលបានអនុម័តដាក់ក្នុងការប្រកួតស៊ីហ្គេមឆ្នាំ២០២៣ នៅកម្ពុជាដែរ។ មិនតែប៉ុណ្ណោះ ការប្រកួតនៃប្រភេទកីឡានីមួយៗនឹងត្រូវរៀបចំទៅតាមទីតាំងនៃរាជធានី-ខេត្ត ដែលត្រូវរៀបចំការប្រកួតស៊ីហ្គេមទៀតផង ដូចជារាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកំពត និងខេត្តកែប។ រីឯកីឡាប៉ារ៉ាហ្គេមវិញនឹងត្រូវរៀបចំលើ ៧ប្រភេទកីឡាដោយរៀបចំតាមទម្រង់នៃការប្រកួតកីឡាអាស៊ានប៉ារ៉ាហ្គេមដូចគ្នា។មន្ដ្រីជាន់ខ្ពស់នៃក្រសួងអប់រំ យុវជន និងកីឡាបានឲ្យដឹងថា គោលបំណងសំខាន់នៃកីឡាជាតិ ក៏ដូចជាកីឡាប៉ារ៉ាហ្គេមឆ្នាំ២០២២ នេះគឺដើម្បីសាកល្បងឲ្យសហព័ន្ធកីឡាជាតិនីមួយៗមានម្ចាស់ការក្នុងការរៀប ពិសេសគណៈកម្មការរៀបចំការប្រកួតឲ្យមានភាពបន្សាំ និងស្វែងយល់ពីចំនុចខ្វះខាត ដើម្បីកែលម្អត្រៀមស៊ីហ្គេម-អាស៊ានប៉ារ៉ាហ្គេមឆ្នាំក្រោយ។ មួយវិញទៀត ដោយសារអត្តពលិកជម្រើសជាតិមួយចំនួនធំបានចេញ និងត្រៀមចេញទៅហ្វឹកហាត់នៅក្រៅប្រទេសបន្ថែមនាពេលខាងមុខ ដូច្នេះក៏ជាការផ្តល់ឱកាសឲ្យកីឡាករ-កីឡាការិនីជាយុវជន និងថ្នាល តំណាងសហព័ន្ធកីឡាជាតិនីមួយៗបានដុសខាត់សមត្ថភាព និងបង្កើនសិទ្ធផល ជាពិសេសបន្សាំខ្លួនឲ្យបានល្អផងដែរ។ឯកឧត្តម អ៊ុក សិទ្ធីជាតិ អគ្គនាយកនៃអគ្គនាយកដ្ឋានកីឡាបានបញ្ជាក់ថា កីឡាជាតិ និងកីឡាប៉ារ៉ាហ្គេមនេះមិនមែនធ្វើឡើងក្នុងគោលបំណងវាស់ស្ទង់សមត្ថភាពរបស់អត្តពលិកតែប៉ុណ្ណោះទេ ប៉ុន្តែធ្វើក្នុងគោលបំណងធំ៤ ទី១-ផ្តល់ឱកាសឲ្យមន្ត្រីដែលធ្លាប់បណ្តុះបណ្តាលហើយទាំង ៣៨ប្រភេទកីឡាបានអនុវត្តសម្រាប់ស៊ីហ្គេមឆ្នាំ២០២៣ ទាំងបរិមាណ និងគុណភាព ដើម្បីត្រៀមរៀបចំ និងកាត់សេចក្តីតាមប្រភេទកីឡានីមួយៗ។ ទី២- ពាក់ព័ន្ធនឹងទីតាំងប្រកួត ដោយយកទីតាំងទាំង៥ ត្រៀមប្រកួតកីឡាស៊ីហ្គេម ប្រកួតកីឡាជាតិ និងត្រួតពិនិត្យ និងវាយតម្លៃលើការរៀបចំពីចំនុចខ្វះខាត ដើម្បីកែលម្អឲ្យទាន់ពេលវេលាដោយសារនៅសល់ពេលច្រើន។ ទី៣- ដើម្បីផ្តល់ឱកាសឲ្យកីឡាករ កីឡាការិនីក្នុងប្រទេសបានវាស់ស្ទង់សមត្ថភាពរបស់ខ្លួន ដោយសារពួកគេមិនបានចេញទៅហ្វឹកហាត់ក្រៅប្រទេស ដូច្នេះពួកគេយកការប្រកួតក្នុងកីឡាជាតិលើកទី៣ ជាការដុសខាតសមត្ថភាព និងបង្កើនបទពិសោធន៍សម្រាប់ស៊ីហ្គេម និងទី៤- សហព័ន្ធកីឡាជាតិនីមួយៗគឺរៀបចំរចនាសម្ព័ន្ធរបស់ខ្លួនតាំងពី A ដល់ Z។ចំណុចនេះមានន័យថា តាំងពីការរៀបចំ ការកាត់សេចក្តី ដាក់មន្ត្រីបច្ចេកទេស អាជ្ញាកណ្តាល មើលទីតាំង និងសម្ភារទាំងអស់ដើម្បីទទួលបានបទពិសោធន៍ និងជឿជាក់ក្នុងការឈានទៅរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ឲ្យទទួលបានជោគជ័យ។ គួរបញ្ជាក់ថា កីឡាជាតិលើកទី៣ និងកីឡាប៉ារ៉ាហ្គេមលើកទី១ គ្រោងនឹងដំណើរការប្រកួតពីថ្ងៃទី១៩ រហូតដល់ថ្ងៃទី៣០ ខែវិច្ឆិកាខាងមុខ។ សម្រាប់ពិធីបើក-បិទនឹងធ្វើឡើងនៅពហុកីឡដ្ឋានជាតិមរតកតតេជោ ដែលតាមគម្រោងនឹងមានអ្នកចូលរួមអបអរសាទរប្រមាណជាង ៤ម៉ឺននាក់។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការ CAMSOC និងគណៈកម្មាធិការជាតិអូឡាំពិកកម្ពុជា៕អត្ថបទ៖ លី ឈុនឡា

Novak Djokovic ឡើងវគ្គពាក់កណ្តាលផ្តាច់ព្រ័ត្រ ATP Finals

វាយកូនបាល់៖ កីឡាករវាយកូនបាល់ស៊ែប Novak Djokovic បានបន្តដំណើរស្វែងរកពាន ATP Finals លើកទី៦ ក្នុងអាជីពរបស់ខ្លួន បន្ទាប់ពីយកឈ្នះកីឡាកររុស្ស៊ី Ruben Rublev ឡើងវគ្គពាក់កណ្តាលផ្តាច់ព្រ័ត្រ។ នេះជាជ័យជំនះទី២ សម្រាប់ Novak Djokovic នៅក្នុងពូលពណ៌ក្រហមនេះតាមរយៈលទ្ធផលឈ្នះ ៦-៤ និង ៦-១ នៅថ្ងៃពុធម្សិលមិញលើ Ruben Rublev នៅទីក្រុង Turin ប្រទេសអ៊ីតាលីបន្ទាប់ពីយកឈ្នះកីឡាករក្រិក Stefanos Tsitsipas នៅប្រកួតដំបូងក្នុងពូល។ Novak Djokovic ដែលលើកពាន ATP Finals ចុងក្រោយរបស់ខ្លួនតាំងពីឆ្នាំ២០១៥ នោះមិនទាន់អស់ការប្រកួតឡើយ ដោយនឹងត្រូវជួបជាមួយកីឡាកររុស្ស៊ីមួយរូបទៀត Daniil Medvedev ប្រកួតបិទបញ្ចប់ពូល។ងាកមកការប្រកួតដ៏តានតឹងមួយគូទៀតក្នុងពូលពណ៌ក្រហមនេះដែរ កីឡាករក្រិក Stefanos Tsitsipas បានយកឈ្នះអតីតកីឡាករលេខ ១ ពិភពលោក Daniil Medvedev យ៉ាងតានតឹងដោយលទ្ធផល ២ សិតទល់នឹង ១ ពិន្ទុ ៦-៣ ៦-៧(៩-១១) និង ៧-៦(៦-១)។ ជ័យជំនះនេះធ្វើឱ្យ Tsitsipas នៅសល់ឱ្យកាសចុងក្រោយដើម្បីឡើងវគ្គពាក់កណ្តាលផ្តាច់ព្រ័ត្រ ប្រសិនបើយកឈ្នះប្រកួតចុងក្រោយលើ Ruben Rublev បាន ខណៈដែល Rublev ក៏ត្រូវការជ័យជំនះដូចគ្នាដើម្បីឡើងវគ្គបន្ត។ សម្រាប់ថ្ងៃនេះជាការប្រកួតបិទបញ្ចប់ពូលពណ៌បៃតងដោយ Rafael Nadal ដែលធ្លាក់ទៅហើយនោះត្រូវជួបជាមួយកីឡាករន័រវេស Casper Ruud ដែលកក់កៅអីរួចហើយ ស្របពេលដែល Felix Auger-Aliasimme នឹងជួបជាមួយ Taylor Fritz ដើម្បីកៅអីវគ្គបន្ត៕អត្ថបទ៖នាង សុភាវុធ

Raphael Varane ថា រឿងរ៉ាវរបស់ Ronaldo ប៉ះពាល់ដល់កីឡាករដទៃទៀតក្នុងក្រុម

បាល់ទាត់៖ ខ្សែការពារបារាំង Raphael Varane បាននិយាយថា ស្ថានភាពទូទៅរបស់ក្រុមបិសាចក្រហម Manchester United ជុំវិញបញ្ហាជាមួយ Cristiano Ronaldo ពិតជាមានផលប៉ះពាល់ខ្លាំងដល់អារម្មណ៍កីឡាករផ្សេងទៀតនៅក្នុងក្រុមទាំងមូល។ នៅក្នុងកិច្ចសម្ភាសន៍ Ronaldo បាននិយាយថា ខ្លួនមានអារម្មណ៍ថាត្រូវក្លិបក្បត់ ហើយនឹងលែងគោរពដល់អ្នកចាត់ការ Erik ten Hag។ Manchester United ក្រោយមកក៏បានបញ្ជាក់ថា នឹងពិចារណាជុំវិញកិច្ចសម្ភាសន៍របស់ Ronaldo ដែលធ្វើឱ្យប៉ះពាល់ខ្លាំងដល់កិត្តិយសក្លិប។ ជុំវិញរឿងនេះមិត្តរួមក្រុមរបស់ Ronaldo ទាំងនៅ Real Madrid និង Manchester United, Raphael Varane បាននិយាយថា ពិតណាស់ថា រឿងនេះពាក់ព័ន្ធខ្លាំងដល់ពួកយើងជាមិត្តរួមក្រុម នេះមិនមែនជាការដោះស្រាយបញ្ហាដ៏ល្អឡើយ វាគួរតែជាការដោះស្រាយនៅក្រោយឆាក ប្រសើរជាងការដោះស្រាយនៅលើបណ្តាញសង្គមបែបនេះ។ Varane បានបន្តថា អ្វីដែលកីឡាករ មិត្តរួមក្រុមចង់បាននៅពេលនេះគឺដើម្បីក្រុម ដើម្បីក្លិប ដូច្នេះរាល់ការសំរេចចិត្តបែបនេះរបស់ក្លិប ក្នុងនាមជាកីឡាករត្រូវតែគោរព និងទទួលយក៕អត្ថបទ៖នាង សុភាវុធ

ខ្សែប្រយុទ្ធ Frankfurt, Randal Kolo Muani គឺជាអ្នកជំនួស Nkunku ដែលមានរបួស

បាល់ទាត់៖ ខ្សែប្រយុទ្ធក្លិបអាល្លឺម៉ង់ Randal Kolo Muani ត្រូវបានកោះហៅចូលក្រុមជម្រើសជាតិបារាំងដើម្បីជំនួស Christopher Nkunku ដែលមានរបួស។ ខ្សែប្រយុទ្ធរបស់ក្លិប RB Leipzig រូបនេះបានទទួលរងរបួសជើងអំឡុងការហ្វឹកហាត់ជាមួយក្រុមជម្រើសជាតិបារាំងកាលពីថ្ងៃអង្គារ នៅពេលប៉ះទង្គិចជាមួយខ្សែបម្រើ Real Madrid, Camavinga។ Kolo Muani របស់ Frankfurt បានស៊ុតបញ្ចូលទី ៨គ្រាប់ក្នុងការបង្ហាញខ្លួន ២៣ប្រកួតរដូវកាលនេះ។ កីឡាករវ័យ ២៣ឆ្នាំរូបនេះក៏ធ្លាប់ត្រូវបានកោះហៅចូលក្រុមជម្រើសជាតិបារាំងដែរ ដោយបានបង្ហាញខ្លួនពីរលើកជាកីឡាករបម្រុងផ្លាស់ប្តូរចូលអំឡុងការប្រកួតទល់នឹងអូទ្រីស និងដាណឺម៉ាកនៅក្របខណ្ឌ UEFA Nations League កាលពីខែកញ្ញា។ Christophe Nkunku គឺជាអ្នកស៊ុតបញ្ចូលទីច្រើនជាងគេនៅ Bundesliga រដូវកាលនេះសរុប ១២គ្រាប់ក្នុងការបង្ហាញខ្លួន ១៥ប្រកួតជាមួយក្លិប RB Leipzig។ Nkunku បានក្លាយជាកីឡាករដែលមានឈ្មោះបោះសំឡេងមួយរូបទៀត របស់ក្រុមជម្រើសជាតិបារាំងដែលខកខាន World Cup បន្ទាប់ពី Paul Pogba, N’Golo Kante និង Prisnel Kimbempe៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Carlos Alcaraz ក្លាយជាកីឡាករវាយកូនបាល់ក្មេងបំផុតឈរលេខ ១ ពិភពលោកនាពេលបញ្ចប់ឆ្នាំ

អាហ្សង់ទីនរបួសកីឡាករ ២នាក់ត្រូវអវត្តមានពី World Cup

ផ្លូវការ Sadio Mane មិនអាចជួយក្រុមសេណេហ្កាល់បានឡើយនៅ World Cup

លោក Gianni Infantino នឹងបន្តដឹកនាំ FIFA មួយអាណត្តិទៀត

អតីតកីឡាករ-កីឡាការិនី និងម្ចាស់មេដាយមាសស៊ីហ្គេមជាច្រើននឹងចូលរួមរត់ភ្លើងគប់ពិធីបើកកីឡាជាតិលើកទី៣

ជំនាញការជប៉ុនសរសើរវគ្គបណ្ដុះបណ្ដាលអាជ្ញាកណ្ដាល-ចៅក្រម និងការប្រកួតប្រដាល់សកលអាជីពនៅកម្ពុជា

កីឡាជាតិនឹងដំណើរការប្រកួតចុងសប្ដាហ៍នេះ ខណៈពិធីបើកនឹងធ្វើឡើងក្រោមអធិបតីភាពសម្ដេចតេជោ

Novak Djokovic ឡើងវគ្គពាក់កណ្តាលផ្តាច់ព្រ័ត្រ ATP Finals

Raphael Varane ថា រឿងរ៉ាវរបស់ Ronaldo ប៉ះពាល់ដល់កីឡាករដទៃទៀតក្នុងក្រុម

ខ្សែប្រយុទ្ធ Frankfurt, Randal Kolo Muani គឺជាអ្នកជំនួស Nkunku ដែលមានរបួស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Carlos Alcaraz ក្លាយជា​កីឡាករ​វាយ​កូន​បាល់​ក្មេង​បំផុត​ឈរ​លេខ ១ ពិភពលោក​នា​ពេល​បញ្ចប់​ឆ្នាំ​

អា​ហ្ស​ង់​ទីន​របួស​កីឡាករ ២​នាក់​ត្រូវ​អវត្តមាន​ពី World Cup

ផ្លូវការ Sadio Mane មិន​អាចជួយ​ក្រុម​សេ​ណេ​ហ្កា​ល់​បានឡើយ​នៅ World Cup

លោក Gianni Infantino នឹង​បន្ត​ដឹកនាំ FIFA មួយ​អាណត្តិ​ទៀត​

Novak Djokovic ឡើង​វគ្គ​ពាក់កណ្តាល​ផ្តាច់ព្រ័ត្រ ATP Finals

Raphael Varane ថា​ រឿងរ៉ាវ​របស់ Ronaldo ប៉ះពាល់​ដល់​កីឡាករ​ដទៃ​ទៀត​ក្នុង​ក្រុម​

ខ្សែប្រយុទ្ធ Frankfurt, Randal Kolo Muani គឺជា​អ្នក​ជំនួស Nkunku ដែលមាន​របួស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Carlos Alcaraz ក្លាយជាកីឡាករវាយកូនបាល់ក្មេងបំផុតឈរលេខ ១ ពិភពលោកនាពេលបញ្ចប់ឆ្នាំ

អាហ្សង់ទីនរបួសកីឡាករ ២នាក់ត្រូវអវត្តមានពី World Cup

ផ្លូវការ Sadio Mane មិនអាចជួយក្រុមសេណេហ្កាល់បានឡើយនៅ World Cup

លោក Gianni Infantino នឹងបន្តដឹកនាំ FIFA មួយអាណត្តិទៀត

Novak Djokovic ឡើងវគ្គពាក់កណ្តាលផ្តាច់ព្រ័ត្រ ATP Finals

Raphael Varane ថា រឿងរ៉ាវរបស់ Ronaldo ប៉ះពាល់ដល់កីឡាករដទៃទៀតក្នុងក្រុម

ខ្សែប្រយុទ្ធ Frankfurt, Randal Kolo Muani គឺជាអ្នកជំនួស Nkunku ដែលមានរបួស