BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

អតីតខ្សែការពារជម្រើសជាតិអង់គ្លេស Gary Cahill ចូលនិវត្តន៍ក្នុងវ័យ ៣៦ឆ្នាំ

បាល់ទាត់៖ អតីតខ្សែការពារក្រុមជម្រើសជាតិអង់គ្លេស និងតោខៀវ Chelsea, Gary Cahill បានសម្រេចចិត្តចូលនិវត្តន៍ពីអាជីពកីឡាករបាល់ទាត់ហើយនៅក្នុងវ័យ ៣៦ឆ្នាំ។ Gary Cahill ធ្លាប់ឈ្នះពានធំៗ ៨ ក្នុងរយៈពេល ៧ឆ្នាំនៅ Chelsea ដែលរួមមាន English Premier League ពីរលើក, FA Cup ពីរលើក និង UEFA Champions League មួយលើក។ Cahill បានចាប់ផ្តើមអាជីពបាល់ទាត់ដំបូងនៅ Aston Villa មុនបន្តដំណើរទៅ Bolton, Crystal Palace និង Bournemouth និងរួមមានការបង្ហាញខ្លួន ៦១ប្រកួតជាមួយក្រុមជម្រើសជាតិអង់គ្លេសផងដែរ។ ក្នុងចំណោម ៦១ប្រកួតនោះ Cahill បានបង្ហាញខ្លួននៅ World Cup ពីរលើកគឺនៅឆ្នាំ២០១៤ និង ២០១៨ ក៏ដូចជា Euro ២០១៦ ផងដែរ។ មុនប្រកាសចូលនិវត្តន៍នេះ Gary Cahill បានទំនេរពីអាជីពកីឡាកររបស់ខ្លួនតាំងពីចាកចេញពី Bournemouth ចុងរដូវកាលមុន៕អត្ថបទ៖នាង សុភាវុធ

Bruno Guimaraes និង Alex Telles រងរបួសក្នុងការហ្វឹកហាត់ជាមួយក្រុមប្រេស៊ីលមុនចេញទៅ World Cup

បាល់ទាត់៖ កីឡាករប្រេស៊ីលពីររូបរួមមាន Bruno Guimaraes និង Alex Telles បានរងរបួសអំឡុងការហ្វឹកហាត់នៅទីក្រុង Turin ប្រទេសអ៊ីតាលី មុនពេលក្រុមជើងឯកពិភពលោក ៥សម័យប្រេស៊ីលហោះហើរមកកាន់ទឹកដីកាតា។ កីឡាករវ័យ ២៥ឆ្នាំរបស់ក្លិប Newcastle, Bruno Guimaraes បានដើរចេញពីទីលានហ្វឹកហាត់ក្រោយប៉ះទង្គិចជាមួយមិត្តរួមជាតិ Rodrygo ស្របពេលដែលខ្សែការពារ Alex Telles បានប៉ះទង្គិចជាមួយ Neymar។ យ៉ាងណាក្តីគេមិនទាន់ដឹងពីស្ថានភាពរបួសរបស់កីឡាករទាំងពីរមានទំហំប៉ុណ្ណានៅឡើយ តែប្រេស៊ីលក៏បានស្វាគមន៍ការចូលហ្វឹកហាត់វិញលើកដំបូងរបស់ខ្សែការពារ Marquinhos ដែលអវត្តមានពីការប្រកួតចុងក្រោយជាមួយ PSG ចុងសប្តាហ៍កន្លងទៅ។ក្រុមបាល់ទាត់ជម្រើសជាតិប្រេស៊ីលបន្តស្នាក់នៅទីក្រុង Turin ប្រទេសអ៊ីតាលីរហូតដល់ថ្ងៃសៅរ៍ទើបហោះហើរមកកាន់ទឹកដីកាតា។ ប្រេស៊ីលស្ថិតក្នុងពូល G នៅ World Cup ដោយនឹងត្រូវជួបជាមួយស៊ែបនៅថ្ងៃទី២៤ ខែវិច្ឆិកា បន្តជួបជាមួយស្វ៊ីស និងកាមេរូន៕អត្ថបទ៖នាង សុភាវុធ

ប្រដាល់សកលអាជីពកម្ពុជាបើកវគ្គបណ្ដុះបណ្ដាលអាជ្ញាកណ្ដាល-ចៅក្រមដើម្បីឈានទៅរកការទទួលស្គាល់ពី WBC

ប្រដាល់សកល៖ គណៈកម្មការប្រដាល់សកលអាជីពកម្ពុជា ដែលជាអង្គភាពក្រោមចំណុះសហព័ន្ធកីឡាប្រដាល់សកលកម្ពុជា បានរៀបចំវគ្គបណ្ដុះបណ្ដាលអាជ្ញាកណ្ដាល-ចៅក្រមអាជីពរយៈពេល ២ថ្ងៃនៅថ្ងៃទី១៦-១៧ ខែវិច្ឆិកា ឆ្នាំ២០២២ ដើម្បីដុសខាតសមត្ថភាពមន្ដ្រីបច្ចេកទេសកម្ពុជា ឈានទៅរកការទទួលស្គាល់ពីស្ថាប័នកីឡាប្រដាល់សកលអាជីពអន្ដរជាតិ(WBC)។ លោក ប៊ុយ សុភ័ណ្ឌ ប្រធានគណៈកម្មការប្រដាល់អាជីពកម្ពុជាបានឲ្យដឹងថា វគ្គនេះមានសិក្ខាកាម ១០រូបចូលរួមក្រោមការបង្រៀនរបស់គ្រូឧទ្ទេសលោក SHOZO KATAYAMA មកពីស្ថាប័នប្រដាល់សកលអាជីពជប៉ុន។ លោកថា វគ្គនេះពិតជាមានសារៈសំខាន់ណាស់សម្រាប់អាជ្ញាកណ្ដាល-ចៅក្រមកម្ពុជា ក៏ដូចជាការបំពេញតម្រូវការរបស់ស្ថាប័នអន្ដរជាតិ ដើម្បីអាចចូលជាសមាជិក WBC នាថ្ងៃអនាគត។គួរដឹងថា វគ្គបណ្ដុះបណ្ដាលអាជ្ញាកណ្ដាល-ចៅក្រមប្រដាល់សកលអាជីពនេះគឺសិក្សាទាំងទ្រឹស្ដី និងការអនុវត្តផ្ទាល់ ជាក់ស្ដែងនៅល្ងាចថ្ងៃទី១៧ ខែវិច្ឆិកាស្អែកនេះក៏នឹងមានរៀបចំការប្រកួតប្រដាល់សកលអាជីព Ultimate Pro Boxing 2022 ដែលមានការចូលរួមពីកីឡាករជម្រើសជាតិ ក៏ដូចជាអ្នកប្រដាល់សកលអាជីពកម្ពុជា ដើម្បីផ្ដល់ឱកាសឲ្យសិក្ខាកាមបានអនុវត្តផ្ទាល់ក្នុងតួនាទីជាអាជ្ញាកណ្ដាល-ចៅក្រមរបស់ខ្លួនផងដែរ៕អត្ថបទ៖ លី ឈុនឡា

រូប Ronaldo នៅផ្ទាំងកញ្ចក់កីឡដ្ឋាន Old Trafford ត្រូវបកចេញ

បាល់ទាត់៖ តើពិតជាដល់ផ្លូវបំបែកប្រាកដហើយសម្រាប់ Cristiano Ronaldo និង Manchester United? នេះជាសំណួរដែលត្រូវបានចោទឡើងពីមជ្ឈដ្ឋានបាល់ទាត់ តែចម្លើយក៏ត្រូវបានគិតថាមិនពិបាកឆ្លើយដែរ គឺពិតប្រាកដណាស់ថា ខ្សែប្រយុទ្ធព័រទុយហ្កាល់រូបនេះនឹងមិនត្រលប់មកកាន់ក្លិប ដែលគេធ្លាប់ជោគជ័យពីមុនឡើយ។ រូបស្ទីកឃ័របិទទាំងផ្ទាំងនៅលើកញ្ចក់នៃកីឡដ្ឋាន Old Trafford ត្រូវបានបកចេញជាផ្លូវការដែលអាចបញ្ជាក់ច្បាស់ថា Ronaldo នឹងមិនត្រលប់មកកាន់ Old Trafford វិញឡើយបើទោះជាកិច្ចសន្យានៅសល់ដល់ដំណាច់រដូវកាលក្តី។ ផ្តល់កិច្ចសម្ភាសន៍ដល់អ្នកសារព័ត៌មាន អ្នកគាំទ្រក្រុមបិសាចក្រហម Manchester United មួយចំនួនបានបញ្ចេញមតិស្រដៀងគ្នាថា Ronaldo នឹងមិនត្រលប់មកវិញទេ ព្រោះគាត់បានធ្វើរឿងដែលមិនគួរធ្វើ អ្នកអាចរិះគន់នរណាម្នាក់ដែលអ្នកមិនពេញចិត្តបាន តែនេះគឺជាការរិះគន់ក្លិបទាំងមូល ដែលក្នុងគំនិតគាត់គ្មានអ្វីប្រសើរសោះសម្រាប់ក្លិបដែលគាត់ធ្លាប់រួមរស់។ ជាក់ស្តែងណាស់ Man United មិនត្រូវការគាត់ទៀតទេ អ្នកចាត់ការ Erik ten Hag កំពុងធ្វើអ្វីដែលត្រឹមត្រូវ និងបន្តដំណើរទៅមុខទៀតមិនអាចបកក្រោយ។ចំណែកឯអ្នកគាំទ្រម្នាក់ក្នុងចំណោមនោះបាននិយាយថា គាត់ជាអ្នកគាំទ្រ Ronaldo តែសង្កត់ធ្ងន់ថា Ronaldo គួរតែនិយាយរិះគន់ម្ចាស់ក្លិបគ្រួសារ Glazers គឺជារឿងត្រឹមត្រូវបំផុត តែអ្វីដែលគាត់បាននិយាយគឺប្រកាសសង្គ្រាមជាមួយក្លិបខ្លួនឯង ទាំងខ្លួនមិនទាន់ផុតកុងត្រានៅឡើយ។ រំលឹកថា កីឡាករវ័យ ៣៧ឆ្នាំរូបនេះបានផ្តល់កិច្ចសម្ភាសន៍ជាមួយលោក Piers Morgan ជាមួយនឹងការលាតត្រដាង បកអាក្រាតរឿងអវិជ្ជមានជាច្រើនរបស់ Manchester United ដែលរួមទាំងការរិះគន់អ្នកចាត់ការ Ralf Rangnink, Erik ten Hag ម្ចាស់ក្លិបគ្រួសារ Glazers ជាដើម៕អត្ថបទ៖នាង សុភាវុធ

គ្រូជំនួយទូកប្រពៃណីកម្ពុជារំពឹងទទួលបានលទ្ធផលល្អក្នុងការប្រកួតជើងឯកអាស៊ីនៅថៃ

ប្រណាំងទូក៖ ប្រតិភូ គ្រូបង្វឹក និងកីឡាករ-កីឡាការិនីនៃក្រុមជម្រើសជាតិកីឡាទូកប្រពៃណីកម្ពុជាចំនួន ៣៥នាក់បានចេញទៅប្រកួតកីឡាទូកប្រពៃណីខ្នាតអន្តរជាតិ “ទូកនាគ” ជ្រើសរើសជើងឯកអាស៊ីលើកទី១៤ ឆ្នាំ២០២២ នៅខេត្តរ៉ាក់យ៉ង ប្រទេសថៃ ខណៈគ្រូជំនួយលោក គង់ សុភាព បានបង្ហាញសុទិដ្ឋិនិយមខ្ពស់ក្នុងការស្វែងរកលទ្ធផលល្អជូនជាតិ ក៏ដូចជាត្រៀមឆ្ពោះទៅស៊ីហ្គេមឆ្នាំ២០២៣ នៅកម្ពុជា។ថ្លែងប្រាប់អ្នកសារព័ត៌មានមុនចាកចេញពីមាតុភូមិកាលពីថ្ងៃទី១៦ ខែវិច្ឆិកា លោក គង់ សុភាព បានឲ្យដឹងថា បេសកកម្មនេះគឺជាការតេស្ដសាកល្បងមួយដ៏សំខាន់សម្រាប់កីឡាករ-កីឡាការិនី បន្ទាប់ពីពួកគេបានធ្វើការហ្វឹកហាត់ជាមួយគ្រូបង្វឹកមីយ៉ាន់ម៉ាលោក Naing Naing Htoo ក្រោយទទួលបានការអនុញ្ញាតពីគណៈកម្មាធិការជាតិ CAMSOC។ ផ្អែកលើសមិទ្ធផលនៃការហ្វឹកហាត់កន្លងមក លោករំពឹងថា កីឡាករ-កីឡាការិនីកម្ពុជានឹងទទួលបានលទ្ធផលល្អប្រសើរក្នុងការប្រកួតជើងឯកអាស៊ីនេះ។សូមបញ្ជាក់ថា ប្រកួតកីឡាទូកប្រពៃណីខ្នាតអន្តរជាតិ “ទូកនាគ” ជ្រើសរើសជើងឯកអាស៊ីលើកទី១៤ ឆ្នាំ២០២២ ដែលថៃធ្វើម្ចាស់ផ្ទះនេះនឹងធ្វើដំណើរការប្រកួតពីថ្ងៃទី១៧ រហូតដល់ថ្ងៃទី២២ ខែវិច្ឆិកា ដោយមានអត្តពលិកមកពី ១២ប្រទេសចូលរួម។ ការប្រកួតនេះត្រូវបានចាត់ទុកជាឱកាសវាស់ស្ទង់ និងបង្កើតនសមត្ថភាព បច្ចេកទេសសម្រាប់កីឡាករ-កីឡាការិនីកម្ពុជា ដើម្បីត្រៀមដំណើរឆ្ពោះទៅធ្វើម្ចាស់ផ្ទះព្រឹត្តិការណ៍ស៊ីហ្គេមលើកទី៣២ នាខែឧសភា ឆ្នាំ២០២៣ ខាងមុខ៕អត្ថបទ៖ លី ឈុនឡា

ការ៉ាតេកម្ពុជាចូលរួមប្រកួតជើងឯកពិភពលោកនៅឥណ្ឌូនេស៊ី ដោយរំពឹងកើនសមត្ថភាពទ្វេដងត្រៀមស៊ីហ្គេម

ការ៉ាតេ៖ សហព័ន្ធកីឡាការ៉ាតេកម្ពុជាបានបញ្ជូនប្រតិភូ គ្រូបង្វឹក និងអត្តពលិក ១៧រូបចូលរួមប្រកួតជើងឯកការ៉ាតេពិភពលោក WKF Championship Series A 2022 នៅទីក្រុងហ្សាកាតា ប្រទេសឥណ្ឌូនេស៊ី ចាប់ពីថ្ងៃទី១៨ ដល់ថ្ងៃទី២០ ខែវិច្ឆិកាចុងសប្ដាហ៍នេះ។ លោក ហេង ផេង ប្រធានគ្រូជម្រើសជាតិកីឡាការ៉ាតេកម្ពុជា ថ្លែងប្រាប់អ្នកសារព័ត៌មានមុនចាកចេញពីមាតុភូមិ កាលពីថ្ងៃទី១៦ ខែវិច្ឆិកាថា នេះគឺជាការចេញដំណើរលើកទី១ របស់ក្រុមកីឡាការ៉េតេកម្ពុជា បន្ទាប់ពីក្រុមទី១ បានចេញទៅបោះជំរំហ្វឹកហាត់មុនកាលពី ២សប្ដាហ៍កន្លងទៅ។ លោកថា ការប្រកួតនេះមានប្រទេសចូលរួមមិនតិចជាង ៦៥ប្រទេសនោះទេ ដូច្នេះគឺជាឱកាសល្អសម្រាប់កីឡាករ-កីឡាការិនីកម្ពុជាធ្វើការប្រកួតប្រជែង វាស់ស្ទង់ និងដកស្រង់បច្ចេកទេស ក្នុងន័យស្វែងរកជ័យជម្នះផង និងបង្កើតសមត្ថភាពផង។ លោកសង្ឃឹមថា បន្ទាប់ពីការប្រកួតនេះ ក្រុមកីឡាការ៉ាតេកម្ពុជានឹងកើនសមត្ថភាពទ្វេដង ដើម្បីជាទុនត្រៀមស៊ីហ្គេមឆ្នាំ២០២៣ នៅកម្ពុជា។ចំណែកកីឡាករ ថេង គឹមឈា និងកីឡាករ ហូ ហេង ដែលបានបំពេញបេសកកម្មនេះបានសម្ដែងការសប្បាយចិត្ត និងត្រៀមខ្លួនជាស្រេចដើម្បីចូលរួមព្រឹត្តិការណ៍ដ៏ធំនេះ បន្ទាប់ពីពួកគេបានបោះជំរំហ្វឹកហាត់ ៣ខែកន្លងទៅនៅប្រទេសជប៉ុន។ ពួកគេសង្ឃឹមថា ការប្រកួតប្រជែងច្រើនក្នុងការប្រកួតជើងឯកពិភពលោកនេះ នឹងផ្ដល់នូវផលចំណេញច្រើនក្នុងការដុសខាតសមត្ថភាពបន្ថែមត្រៀមឆ្ពោះទៅស៊ីហ្គេមឆ្នាំក្រោយ។ គួរដឹងថា ក្នុងចំណោមអត្តពលិកកម្ពុជាដែលបានបញ្ចូនទៅប្រកួត WKF Championship Series A 2022 នៅហ្សាកាតានេះគឺបែងចែកជា ២ផ្នែកធំៗគឺសម្ដែង និងប្រយុទ្ធ។ សម្រាប់ផ្នែកសម្ដែងមាន ៤វិញ្ញាសាគឺវិញ្ញាសាសម្ដែងឯកត្តជនបុរស-នារី និងសម្ដែងក្រុមបុរស-នារី។ រីឯផ្នែកប្រយុទ្ធសម្រាប់បុរសពេញវ័យមាន ៥វិញ្ញាសាគឺទម្ងន់ -៦០គីឡូក្រាម, -៦៧គីឡូក្រាម, -៧៥គីឡូក្រាម, -៨៤គីឡូក្រាម និង +៨៤គីឡូក្រាម ហើយសម្រាប់នារីមាន ៣វិញ្ញាសាគឺទម្ងន់ -៥០គីឡូក្រាម, -៥៥គីឡូក្រាម និង -៦១គីឡូក្រាម៕អត្ថបទ លី ឈុនឡា, រូបភាព គង់ ហន ៕

Rafael Nadal ធ្លាក់ពីព្រឹត្តិការណ៍ ATP Finals ត្រឹមវគ្គវិលជុំក្នុងពូល

វាយកូនបាល់៖ ក្តីសង្ឃឹមចង់ឈ្នះពាន ATP Finals ជាលើកដំបូងក្នុងអាជីពរបស់កីឡាករអេស្ប៉ាញ Rafael Nadal បានបញ្ចប់ហើយក្រោយធ្លាក់ត្រឹមវគ្គវិលក្នុងពូលប៉ុណ្ណោះ។ កីឡាករវ័យ ៣៦ឆ្នាំរូបនេះបានរងបរាជ័យក្រោមស្នាដៃកីឡាករ Felix Auger-Aliasimme ៦-៣ និង ៦-៤ ដែលជាបរាជ័យទី២ ក្នុងពូលបន្ទាប់ពីបើកឆាកចាញ់កីឡាករអាមេរិក Taylor Fritz ផងដែរ។ បរាជ័យរបស់ Nadal ក៏មានន័យថាមិត្តរួមជាតិអេស្ប៉ាញ Carlos Alcaraz ធានាបានកៅអីលេខ ១ ពិភពលោកដើម្បីបញ្ចប់ឆ្នាំ២០២២ នេះផងដែរ។ បើរាប់ពី US Open មកដល់ពេលនេះ Nadal បានរងបរាជ័យ ៤ប្រកួតផ្ទួនៗហើយ។ ងាកមកការប្រកួតគូផ្សេងទៀតក្នុងពូលនេះដែរ កីឡាករន័រវេស Casper Ruud បានយកឈ្នះកីឡាករអាមេរិក Taylor Fritz ៦-៣ ៤-៦ និង ៧-៦(៨-៦)។ នេះជាជ័យជំនះទី២ របស់ Casper Ruud នៅក្នុងពូលពណ៌បៃតងនេះ៕អត្ថបទ៖នាង សុភាវុធ

Novak Djokovic ត្រូវអនុញ្ញាតឲ្យប្រកួតនៅ Grand Slam, Australian Open វិញឆ្នាំក្រោយ

វាយកូនបាល់៖ អតីតកីឡាករវាយកូនបាល់លេខ ១ ពិភពលោក Novak Djokovic ត្រូវបានអនុញ្ញាតឱ្យប្រកួតនៅព្រឹត្តិការណ៍ Grand Slam, Australian Open វិញហើយនៅឆ្នាំ២០២៣ ខាងមុខ នេះបើតាមការចុះផ្សាយរបស់សារព័ត៌មានអូស្ត្រាលី ABC កាលពីថ្ងៃអង្គារម្សិលមិញ។ កីឡាករវ័យ ៣៤ឆ្នាំរូបនេះត្រូវបានបញ្ជាឱ្យចាកចេញ ពីព្រលានយន្តហោះប្រទេសអូស្ត្រាលីកាលពីខែមករា ដោយសារតែការស្នើសុំទិដ្ឋាការមិនមានភ្ជាប់ជាមួយលិខិតអះអាងថា បានចាក់វ៉ាក់សាំង។ ជាមួយគ្នានោះដែរ Djokovic ត្រូវបានអាជ្ញាធរអូស្ត្រាលីហាមមិនឱ្យជាន់ដីអូស្ត្រាលីដល់ឆ្នាំ២០២៥ តែក្រោយមកការសម្រេចចិត្តបានផ្លាស់ប្តូរ។សារព័ត៌មាន ABC បានឱ្យដឹងថា រដ្ឋមន្ត្រីអន្តោប្រវេស៍អូស្ត្រាលី Andrew Giles បានសម្រេចចិត្តលុបចោលការដាក់បម្រាមនេះ និងបើកផ្លូវឱ្យ Djokovic មានមុខប្រកួតនៅ Australian Open ឡើងវិញ។ Novak Djokovic បានអវត្តមានពីការប្រកួត Grand Slam ពីរកម្មវិធីឆ្នាំនេះរួមមាន Australian Open និង US Open តែបានចូលលេងពីរ Grand Slam គឺ French Open ឡើងបានត្រឹមវគ្គ ៨នាក់ចុងក្រោយមុនពេលឈ្នះជើងឯក Wimbledon៕អត្ថបទ៖នាង សុភាវុធ

Ronnie O’Sullivan ឡើងវគ្គ ១៦នាក់ចុងក្រោយស្នូកឃ័រ UK Championship

ស្នូកឃ័រ៖ ជើងឯកពិភពលោកស្នូកឃ័រ ៧សម័យ Ronnie O’Sullivan បានបន្តដំណើរឈានឡើងវគ្គ ១៦នាក់ចុងក្រោយហើយនៃការប្រកួតពានរង្វាន់ UK Championship។ កីឡាករអង់គ្លេសវ័យ ៤៦ឆ្នាំរូបនេះបានយកឈ្នះកីឡាករវែល Matthew Stevens ដោយលទ្ធផល ៦-២ហ្វ្រេមក្នុងដំណើរស្វែងរកពាន UK Championship លើកទី៨ ក្នុងអាជីព។ ចំណែកឯកីឡាករអង់គ្លេស Stuart Bingham ក៏បានបន្តដំណើរទៅមុខដែរ ក្រោយយកឈ្នះមិត្តរួមជាតិអង់គ្លេស Liam Highfield ៦-២ហ្វ្រេម។ Stuart Bingham ដែលជាជើងឯកពិភពលោកឆ្នាំ២០១៥ ធ្វើមិនសូវបានល្អប៉ុន្មានទេក្នុងការប្រកួតនេះដោយវាយមួយឈើខ្ពស់បំផុតបានត្រឹម ៦១ពិន្ទុ តែកីឡាករវ័យ ៤៦ឆ្នាំរូបនេះនៅតែអាចគ្រប់គ្រងស្ថានការបានដើម្បីស្វែងរកកៅអីវគ្គផ្តាច់ព្រ័ត្រ UK Championship នេះជាលើកដំបូងដោយនឹងត្រូវជួបជាមួយ Joe Perry នៅជុំទី២។ងាកមកកីឡាករវែល Mark Williams បានធ្លាក់ពីការប្រកួតហើយក្រោយចាញ់កីឡាករ Jamie Clarke ៦-៣ហ្វ្រេម។ កីឡាករវ័យ ២៨ឆ្នាំ Jamie Clarke បានយកឈ្នះ ៣ហ្វ្រេមចុងក្រោយដើម្បីជុំទី២ UK Championship នេះជាលើកទី២ ប៉ុណ្ណោះក្នុងអាជីព ដោយនឹងត្រូវជួបជាមួយកីឡាករចិនជើងឯកបីសម័យ Ding Junhui។ រីឯកីឡាករចិនមួយរូបទៀតបច្ចុប្បន្នឈរលេខ ១៥ ពិភពលោក Yan Bingtao បានធ្លាក់ពីការប្រកួតហើយ ក្រោយចាញ់មិត្តរួមជាតិចិន Zhou Yuelong ៦-៥ហ្វ្រេម។ កីឡាករលំដាប់លេខ ២១ ពិភពលោក Zhou Yuelong នឹងត្រូវជួបជាមួយ Ronnie O’Sullivan នៅជុំទី២៕អត្ថបទ៖នាង សុភាវុធ

អតីតកីឡាករជម្រើសជាតិអង់គ្លេស Aaron Lennon ចូលនិវត្តន៍ក្នុងវ័យ ៣៥ឆ្នាំ

បាល់ទាត់៖ អតីតខ្សែបម្រើក្រុមជម្រើសជាតិអង់គ្លេស Aaron Lennon បានប្រកាសចូលនិវត្តន៍ពីអាជីពកីឡាករបាល់ទាត់ហើយនៅក្នុងវ័យ ៣៥ឆ្នាំ។ Aaron Lennon បានចាប់ផ្តើមលេងបាល់ទាត់អាជីពនៅ Leeds United មុនពេលចំណាយពេល ១០ឆ្នាំជាមួយ Tottenham Hotspur និងបន្តទៅ Everton Burnley និងក្លិបទួកគី Kayerispor។ Lennon ធ្លាប់បង្ហាញខ្លួនឱ្យក្រុមជម្រើសជាតិអង់គ្លេស ២១លើក និងបានចូលរួម World Cup ពីរលើកនៅឆ្នាំ២០០៦ និង ២០១០។ សរុបការបង្ហាញខ្លួនឱ្យក្លិបអាជីព Aaron Lennon លេងបានសរុប ៤៧៩ប្រកួតរកបាន ៣៧គ្រាប់។ សមិទ្ធផលរបស់ Lennon មានតែមួយប៉ុណ្ណោះគឺឈ្នះពាន League Cup ជាមួយ Spurs នៅឆ្នាំ២០០៨៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អតីតខ្សែការពារជម្រើសជាតិអង់គ្លេស Gary Cahill ចូលនិវត្តន៍ក្នុងវ័យ ៣៦ឆ្នាំ

Bruno Guimaraes និង Alex Telles រងរបួសក្នុងការហ្វឹកហាត់ជាមួយក្រុមប្រេស៊ីលមុនចេញទៅ World Cup

ប្រដាល់សកលអាជីពកម្ពុជាបើកវគ្គបណ្ដុះបណ្ដាលអាជ្ញាកណ្ដាល-ចៅក្រមដើម្បីឈានទៅរកការទទួលស្គាល់ពី WBC

រូប Ronaldo នៅផ្ទាំងកញ្ចក់កីឡដ្ឋាន Old Trafford ត្រូវបកចេញ

គ្រូជំនួយទូកប្រពៃណីកម្ពុជារំពឹងទទួលបានលទ្ធផលល្អក្នុងការប្រកួតជើងឯកអាស៊ីនៅថៃ

ការ៉ាតេកម្ពុជាចូលរួមប្រកួតជើងឯកពិភពលោកនៅឥណ្ឌូនេស៊ី ដោយរំពឹងកើនសមត្ថភាពទ្វេដងត្រៀមស៊ីហ្គេម

Rafael Nadal ធ្លាក់ពីព្រឹត្តិការណ៍ ATP Finals ត្រឹមវគ្គវិលជុំក្នុងពូល

Novak Djokovic ត្រូវអនុញ្ញាតឲ្យប្រកួតនៅ Grand Slam, Australian Open វិញឆ្នាំក្រោយ

Ronnie O’Sullivan ឡើងវគ្គ ១៦នាក់ចុងក្រោយស្នូកឃ័រ UK Championship

អតីតកីឡាករជម្រើសជាតិអង់គ្លេស Aaron Lennon ចូលនិវត្តន៍ក្នុងវ័យ ៣៥ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អតីត​ខ្សែការពារ​ជម្រើសជាតិ​អង់គ្លេស Gary Cahill ចូលនិវត្តន៍​ក្នុង​វ័យ ៣៦​ឆ្នាំ​

Bruno Guimaraes និង Alex Telles រងរបួស​ក្នុងការ​ហ្វឹកហាត់​ជាមួយ​ក្រុម​ប្រេ​ស៊ី​ល​មុន​ចេញទៅ World Cup

ប្រដាល់សកល​អាជីព​កម្ពុជាបើក​វគ្គ​បណ្ដុះបណ្ដាល​អាជ្ញាកណ្ដាល​-​ចៅក្រមដើម្បី​ឈានទៅរក​ការទទួលស្គាល់​ពី​ WBC

រូប Ronaldo នៅ​ផ្ទាំង​កញ្ចក់​កីឡដ្ឋាន Old Trafford ត្រូវ​បក​ចេញ​

គ្រូ​ជំនួយ​ទូក​ប្រពៃណី​កម្ពុជារំពឹង​ទទួលបាន​លទ្ធផល​ល្អ​ក្នុង​ការប្រកួត​ជើងឯក​អាស៊ី​នៅ​ថៃ​

Rafael Nadal ធ្លាក់​ពី​ព្រឹត្តិការណ៍ ATP Finals ត្រឹម​វគ្គ​វិលជុំ​ក្នុង​ពូ​ល​

Novak Djokovic ត្រូវ​អនុញ្ញាត​ឲ្យ​ប្រកួត​នៅ Grand Slam, Australian Open វិញ​ឆ្នាំក្រោយ

Ronnie O’Sullivan ឡើង​វគ្គ ១៦នាក់​ចុងក្រោយ​ស្នូកឃ័រ UK Championship

អតីត​កីឡាករ​ជម្រើសជាតិ​អង់គ្លេស Aaron Lennon ចូលនិវត្តន៍​ក្នុង​វ័យ ៣៥ឆ្នាំ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អតីតខ្សែការពារជម្រើសជាតិអង់គ្លេស Gary Cahill ចូលនិវត្តន៍ក្នុងវ័យ ៣៦ឆ្នាំ

Bruno Guimaraes និង Alex Telles រងរបួសក្នុងការហ្វឹកហាត់ជាមួយក្រុមប្រេស៊ីលមុនចេញទៅ World Cup

ប្រដាល់សកលអាជីពកម្ពុជាបើកវគ្គបណ្ដុះបណ្ដាលអាជ្ញាកណ្ដាល-ចៅក្រមដើម្បីឈានទៅរកការទទួលស្គាល់ពី WBC

រូប Ronaldo នៅផ្ទាំងកញ្ចក់កីឡដ្ឋាន Old Trafford ត្រូវបកចេញ

គ្រូជំនួយទូកប្រពៃណីកម្ពុជារំពឹងទទួលបានលទ្ធផលល្អក្នុងការប្រកួតជើងឯកអាស៊ីនៅថៃ

Rafael Nadal ធ្លាក់ពីព្រឹត្តិការណ៍ ATP Finals ត្រឹមវគ្គវិលជុំក្នុងពូល

Novak Djokovic ត្រូវអនុញ្ញាតឲ្យប្រកួតនៅ Grand Slam, Australian Open វិញឆ្នាំក្រោយ

Ronnie O’Sullivan ឡើងវគ្គ ១៦នាក់ចុងក្រោយស្នូកឃ័រ UK Championship

អតីតកីឡាករជម្រើសជាតិអង់គ្លេស Aaron Lennon ចូលនិវត្តន៍ក្នុងវ័យ ៣៥ឆ្នាំ