BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ខ្សែប្រយុទ្ធបារាំង Christopher Nkunku របួសពេលហ្វឹកហាត់ខកខានចូលរួម World Cup

បាល់ទាត់៖ ខ្សែប្រយុទ្ធបារាំង Christopher Nkunku មិនចូលរួមជាមួយក្រុមជម្រើសជាតិក្នុងព្រឹត្តិការណ៍បាល់ទាត់ពិភពលោក FIFA World Cup 2022 នៅកាតាបានឡើយ ក្រោយរងរបួសពេលហ្វឹកហាត់។ កីឡាករវ័យ ២៥ឆ្នាំដែលជាអ្នកស៊ុតបញ្ចូលទីច្រើនជាងគេនៅ Bundesliga រដូវកាលនេះបានរងរបួសជើងពេលហ្វឹកហាត់ជុំគ្នា ជាមួយក្រុមបារាំងនៅថ្ងៃអង្គារម្សិលមិញ។ Christophe Nkunku គឺជាអ្នកស៊ុតបញ្ចូលទីច្រើនជាងគេនៅ Bundesliga រដូវកាលនេះសរុប ១២គ្រាប់ក្នុងការបង្ហាញខ្លួន ១៥ប្រកួតជាមួយក្លិប RB Leipzig។ របួសរបស់ Nkunku ត្រូវបានគេឃើញថា មានការប៉ះទង្គិចជាមួយខ្សែបម្រើ Real Madrid, Eduardo Camavinga។ ក្រុមបារាំងនឹងត្រូវហោះហើរទៅកាន់ប្រទេសកាតាថ្ងៃពុធនេះ នឹងត្រូវជួបអូស្ត្រាលីមុនគេនៅក្នុងពូល D។ Nkunku បានក្លាយជាកីឡាករដែលមានឈ្មោះបោះសំឡេងមួយរូបទៀត របស់ក្រុមជម្រើសជាតិបារាំងដែលខកខាន World Cup បន្ទាប់ពី Paul Pogba, N’Golo Kante និង Prisnel Kimbempe។ អ្នកជំនួស Christopher Nkunku នៅមិនទាន់បង្ហាញដោយលោក Didier Deschamps នៅឡើយ៕អត្ថបទ៖នាង សុភាវុធ

ប្រធាន FIFA ស្នើឲ្យមានបទឈប់បាញ់នៅសង្គ្រាមរុស្ស៊ី-អ៊ុយក្រែន ១ខែអំឡុងពេល World Cup

បាល់ទាត់៖ ប្រធាន FIFA លោក Gianni Infantino បានអំពាវនាវឱ្យមានបទឈប់បាញ់រយៈពេល ១ខែចំពោះសង្គ្រាមរបស់រុស្ស៊ីនៅអ៊ុយក្រែន អំឡុងពេលព្រឹត្តិការណ៍បាល់ទាត់ពិភពលោក FIFA World Cup 2022 នៅកាតា។ ការលើកឡើងបែបនេះធ្វើឡើងក្នុងអំឡុងពេលអាហារថ្ងៃត្រង់នៃកិច្ចប្រជុំកំពូល G20 នៅកោះបាលីប្រទេសឥណ្ឌូនេស៊ីកាលពីថ្ងៃអង្គារ។ ថ្លែងទៅកាន់មេដឹកនាំនៃបណ្តាប្រទេសសេដ្ឋកិច្ចធំៗ G20 លោក Infantino បាននិយាយថា ការប្រកួតដំបូងដែលនឹងត្រូវធ្វើឡើងនៅមជ្ឈិមបូព៌ា៖ "អាចជាគន្លឹះសម្រាប់កាយវិការវិជ្ជមាន សម្រាប់សញ្ញា ឬសារនៃក្តីសង្ឃឹម"។ ប្រទេសរុស្សីគឺជាម្ចាស់ផ្ទះ World Cup លើកមុនក្នុងឆ្នាំ២០១៨ ហើយបានឈានដល់វគ្គ ៨ក្រុមចុងក្រោយ ខណៈដែលអ៊ុយក្រែនស្ថិតក្នុងចំណោមប្រទេសដែលដេញថ្លៃធ្វើជាម្ចាស់ផ្ទះ World Cup ឆ្នាំ២០៣០។ ព្រឹត្តិការណ៍បាល់ទាត់ពិភពលោកលើទឹកដីមជ្ឈិមបូព៌ា FIFA World Cup 2022 នឹងចាប់ផ្តើមនៅថ្ងៃទី២០ ចុងសប្តាហ៍នេះហើយ ដែលជាជំនួបបើកឆាករវាងម្ចាស់កាតាទទួលស្វាគមន៍អេក្វាដ័រ៕អត្ថបទ៖នាង សុភាវុធ

Man Utd បើកកញ្ចប់លុយ ១៥០លានផោនទិញអ្នកជំនួស Ronaldo ខណៈ Mbappe ជាជម្រើសទី១

បាល់ទាត់៖ ក្លិបបិសាចក្រហម Manchester United ត្រូវបានគេដឹងថាត្រៀមកញ្ចប់ថវិកា ១៥០លានផោនក្នុងការទិញខ្សែប្រយុទ្ធជួរមុខដើម្បីជំនួស Cristiano Ronaldo ដែលនឹងត្រូវចាកចេញពីក្លិប នេះបើតាមការចុះផ្សាយដោយសារព័ត៌មានជាច្រើននៅអង់គ្លេស។ សារព័ត៌មាន The Mirrors និង Daily Mail បានឱ្យដឹងថា ទឹកប្រាក់ ១៥០លានផោននេះ Manchester United បានដាក់គោលដៅកីឡាករ ៣នាក់ដែលក្នុងនោះខ្សែប្រយុទ្ធបារាំងរបស់ PSG, Kylian Mbappe គឺជាជម្រើសទី១។ ការសំរេចបើកកញ្ចប់ថវិកា ១៥០លានផោនរបស់ Manchester United ក្នុងការចាប់អារម្មណ៍លើ Kylian Mbappe នេះគឺបន្ទាប់ពី Cristiano Ronaldo បានផ្តល់កិច្ចសម្ភាសន៍ជាមួយលោក Piers Morgan និងបានបើកកាយរឿងរ៉ាវជាច្រើនពីការមិនពេញក្លិបរបស់ខ្លួន បូករួមទាំងអ្នកចាត់ការ Erik ten Hag អតីតអ្នកចាត់ការ Ralf Rangnick ជាពិសេសគឺសំដៅលើម្ចាស់ក្លិបគ្រួសារត្រកូល Glazers។Manchester United ជាក្លិបមួយក្នុងចំណោមក្លិបធំៗមិនច្រើនទេដែលអាចរ៉ាប់រងប្រាក់ឈ្នួល ៥០០.០០០ផោនក្នុងមួយសប្តាហ៍របស់ Kylian Mbappe បាន។ គេមិនទាន់មានការឆ្លើយតបផ្លូវការណាមួយឡើយពីកីឡាករបារាំង រឺក្លិប Paris Saint Germain នៅឡើយ។ ក្រៅពី Mbappe, Manchester United ក៏ត្រៀមកីឡាករពីរនាក់ទៀតជាជម្រើសប្រសិនការចរចាជាមួយ Mbappe បរាជ័យគឺរួមមានខ្សែប្រយុទ្ធជួរមុនអង់គ្លេស Harry Kane និងកីឡាកររបស់ Napoli, Victor Osimhen៕អត្ថបទ៖នាង សុភាវុធ

ក្រុមជម្រើសជាតិអង់គ្លេសធ្វើដំណើរទៅដល់ទឹកដីកាតាចូលរួម World Cup 2022

បាល់ទាត់៖ ក្រុមជម្រើសជាតិអង់គ្លេសបានធ្វើដំណើរទៅដល់ទឹកដីកាតាហើយ ដើម្បីចូលរួមព្រឹត្តិការណ៍បាល់ទាត់ពិភពលោក FIFA World Cup 2022។ មុនពេលចេញដំណើរពីទឹកដីអង់គ្លេស ក្រុមរបស់លោក Gareth Southgate ត្រូវបានអ្នកគាំទ្រជាច្រើនជូនដំណើរ និងបានជួបសំណេះសំណាលជាមួយព្រះអង្គម្ចាស់ William ផងដែរ។កីឡាករទាំង ២៦នាក់របស់អង់គ្លេសនឹងចំណាយពេលហ្វឹកហាត់ នៅទឹកដីកាតាពីរបីថ្ងៃនៅទីលានហ្វឹកហាត់ក្បែរទីក្រុងដូហា មុនពេលចាប់ផ្តើមប្រកួតដំបូងរបស់ខ្លួន។ អង់គ្លេសនឹងត្រូវជួបអ៊ីរ៉ង់មុនគេនៅក្នុងពូល B នៅថ្ងៃចន្ទ ទី២១ ខែវិច្ឆិកានេះមុនបន្តជួបជាមួយអាមេរិក និងវែល។ អង់គ្លេសកំពុងព្យាយាមធ្វើឱ្យបានល្អយ៉ាងហោចណាស់ប្រសើរជាង World Cup 2018 នៅរុស្ស៊ីកន្លងទៅដែលបានឡើងដល់វគ្គពាក់កណ្តាលផ្តាច់ព្រ័ត្រ តែចាញ់ក្រូអាស៊ីក្នុងម៉ោងបន្ថែម ១៥នាទីពីរដង ២-១ បើទោះជា Kieran Trippier ជាអ្នកស៊ុត Freekick នាំមុខមុនក៏ដោយ៕អត្ថបទ៖នាង សុភាវុធ

អតីតអ្នកប្រដាល់ អ៊ុត សុវណ្ណា បង្ហាញមោទនភាព ក្រោយកូនប្រុសជោគជ័យលើវិស័យកីឡាប៉េតង់

ប៉េតង់៖ លោក អ៊ុត សុវណ្ណា អតីតអ្នកប្រដាល់ជើងខ្លាំងមួយរូបកាលពីចន្លោះឆ្នាំ១៩៩៧-៩៨ បានបង្ហាញមោទនភាពជាខ្លាំង បន្ទាប់ពីកូនប្រុសរបស់ខ្លួន ២រូបដណ្ដើមបានមេដាយពីការប្រកួតកីឡាប៉េតង់ជើងឯកអាស៊ីលើកទី៤ នៅប្រទេសថៃកាលពីថ្មីៗ ពោលគឺម្នាក់ឈ្នះមេដាយមាស និងម្នាក់ឈ្នះមេដាយសំរឹទ្ធ។ ការលើកឡើងនេះ បន្ទាប់ពីលោក និងភរិយាបានទៅទទួសកូនប្រុស ដែលត្រឡប់មាតុភូមិវិញកាលពីដើមសប្ដាហ៍កន្លងទៅ បន្ទាប់ពីក្រុមកីឡាប៉េតង់កម្ពុជាដណ្ដើមបានមេដាយសរុប ៧គ្រឿងរួមមានមេដាយមាស ៣ ប្រាក់ ២ និងសំរឹទ្ធ ២ ក្នុងការប្រកួតជើងឯកអាស៊ីនេះ ដោយក្នុងនោះកូនប្រុសរបស់លោក អ៊ុត សុវណ្ណា ដណ្ដើមបានមេដាយ ២គ្រឿង គឺកីឡាករយុវជន អ៊ុត ដួងខែ ឈ្នះមេដាយមាសលើវិញ្ញាសាវាយកពិន្ទុយុវជន និងកីឡាករ អ៊ុត សុខជា ឈ្នះមេដាយសំរឹទ្ធលើវិញ្ញាសាយុវជន ៣នាក់ទល់ ៣នាក់។ លោក អ៊ុត សុវណ្ណា បានគូសបញ្ជាក់ថា ទោះបីគ្រួសារខ្លួនមានជីវភាពខ្វះខាតយ៉ាងណា ក៏លោករីករាយនឹងជំរុញកូនៗឲ្យលេងកីឡា ព្រោះឃើញពួកគេមានទេពកោសល្យផ្នែកកីឡាប៉េតង់ ហើយទីបំផុតក្ដីស្រម៉ៃរបស់លោកក៏ក្លាយជាការពិត បន្ទាប់ពីកូនប្រុសទាំងពីរដណ្ដើមបានមេដាយជូនជាតិ ក៏ដូចជាសហព័ន្ធ ដូចអ្វីដែលលោកប៉ង ហើយលោកសង្ឃឹមថា ពួកគេនឹងបន្ដការខិតខំប្រឹងប្រែងបន្ថែមទៀត ដើម្បីត្រៀមការប្រកួតប្រជែង និងដណ្ដើមមេដាយជូនជាតិ ពិសេសការប្រកួតស៊ីហ្គេមឆ្នាំ២០២៣ នៅកម្ពុជានាពេលខាងមុខ។ទន្ទឹមជាមួយគ្នាដែរ កីឡាករ អ៊ុត ដួងខែ ក៏បានសម្ដែងនូវសេចក្ដីរីករាយដែលខ្លួនអាចធ្វើបាន សម្រាប់ការបង្ហាញខ្លួនលើកដំបូងលើឆាកអន្ដរជាតិ។ ដួងខែ ទទួលស្គាល់ថា កំលុងពេលហ្វឹកហាត់ខ្លួនធ្វើពុំសូវបានល្អនោះទេ តែដោយសារការតាំងចិត្ត ពិសេសដោយមានការជំរុញពីអាណាព្យាបាល ថ្នាក់ដឹកនាំសហព័ន្ធ ក៏ដូចជាគ្រូបង្វឹក ទើបធ្វើឲ្យគេឈានទៅដណ្ដើមបានមេដាយលើសពីការរំពឹង។ យុវជនវ័យ ១៧ឆ្នាំរូបនេះប្ដេជ្ញានឹងបន្ដការខិតខំប្រឹងប្រែងបន្ថែមទៀត ដើម្បីឆ្ពោះទៅប្រជែងមេដាយនៅស៊ីហ្គេមឆ្នាំ២០២៣។ គួរដឹងថា បន្ទាប់ពីចំណាយពេលប្រមាណ ៤ឆ្នាំជាមួយកីឡាប៉េតង់ នេះជាលើកដំបូងហើយដែលយុវជន អ៊ុត ដួងខែ ត្រូវបានសហព័ន្ធផ្ដល់ឱកាសចេញទៅប្រកួតលើឆាកអន្ដរជាតិ ក្នុងការប្រកួតជើងឯកអាស៊ីលើកទី៤ នៅប្រទេសថៃ ដែលប្រព្រឹត្តទៅកាលពីថ្ងៃទី១០ ដល់ថ្ងៃទី១៤ ខែវិច្ឆិកាកន្លងទៅ។ ការដណ្ដើមបានមេដាយមាស ១គ្រឿងរបស់យុវជនមានដើមកំណើតពីខេត្តកណ្ដាលរូបនេះ បានធ្វើឲ្យកម្ពុជាក្លាយជាប្រទេសដណ្ដើមបានមេដាយមាសច្រើនជាងគេ ពោលគឺឈ្នះមេដាយមាស ៣ ក្នុងចំណោម ៦វិញ្ញាសា ខណៈម្ចាស់ផ្ទះថៃដណ្ដើមបានមេដាយមាស ២ និងវៀតណាមឈ្នះមេដាយមាស ១ ក្នុងចំណោមអត្តពលិក ១៥ប្រទេសដែលចូលរួមព្រឹត្តិការណ៍ប្រចាំទ្វីបអាស៊ីនេះ៕អត្ថបទ៖ លី ឈុនឡា

Djokovic យកឈ្នះ Tsitsipas ប្រកួតដំបូងនៅកម្មវិធី ATP Finals

វាយកូនបាល់៖ អតីតកីឡាករវាយកូនបាល់លេខ ១ ពិភពលោក Novak Djokovic បានយកឈ្នះកីឡាករក្រិក Stefanos Tsitsipas ក្នុងការប្រកួតដំបូងនៅព្រឹត្តិការណ៍វាយកូនបាល់ ATP Finals នៅទីក្រុង Turin ប្រទេសអ៊ីតាលី។ កីឡាករវ័យ ៣៥ឆ្នាំសញ្ជាតិស៊ែបរូបនេះបានយកឈ្នះកីឡាករក្រិកលំដាប់លេខ២ ដោយលទ្ធផលតានតឹង ៦-៤ និង ៧-៦(៧-៤)។ Novak Djokovic កំពុងស្ថិតក្នុងដំណើរស្វែងរកជើងឯក ATP Finals នេះលើកទី៦ ឱ្យស្មើនឹងកំណត់ត្រារបស់ Roger Federer ដែលបានប្រកាសចូលនិវត្តន៍ទៅហើយ។ ដោយឡែកប្រកួតផ្សេងទៀតនៅក្នុងពូលនេះដែរកីឡាកររុស្ស៊ី Ruben Rublev បានវាយបកពីបរាជ័យសិតដំបូង រហូតយកឈ្នះវិញលើកីឡាករមិត្តរួមជាតិ Daniil Medvedev ដោយលទ្ធផល ៦-៧(៧-៩) ៦-៣ និង ៧-៦(៧-៩)។ កាលពីថ្ងៃអាទិត្យ Rafael Nadal ក៏បានចាប់ផ្តើមប្រកួតដំបូងរបស់ខ្លួនដែរ តែបានត្រឹមបរាជ័យក្រោមស្នាដៃកីឡាករអាមេរិក Taylor Fritz៕អត្ថបទ៖នាង សុភាវុធ

ក្លិបនៅលីគទី៧ អង់គ្លេស Ashton United ដាក់សំណើខ្ចី Erling Haaland

បាល់ទាត់៖ ព្រឹត្តិការណ៍បាល់ទាត់ពិភពលោក FIFA World Cup 2022 នៅកាតាបានចោទជាបញ្ហាជាច្រើនសម្រាប់ក្រុមនៅលីគលំដាប់កំពូល។ ក្របខណ្ឌកំពូល Premier League នឹងត្រូវសម្រាក ៦សប្តាហ៍ដែលធ្វើឱ្យក្លិបជួបនឹងបញ្ហាលើកីឡាករដែលប្រទេសរបស់ខ្លួនមិនបានលេង World Cup រឺកីឡាករដែលមិនត្រូវបានកោះហៅដោយក្រុមជម្រើសជាតិពួកគេ ដែលធ្វើឱ្យរយៈពេល ៦សប្តាហ៍គ្មានការប្រកួត ហើយអាចនឹងបាត់បង់ទម្រង់លេងនៅពេលលីគចាប់ផ្តើមឡើងវិញនៅថ្ងៃទី២៦ ខែធ្នូ។ ជាមួយគ្នានោះដែរក្លិបបាល់ទាត់នៅលីគលំដាប់ទី៧ របស់អង់គ្លេស Ashton United FC នៅក្របខណ្ឌ Northern Premier League Division អាចដោះស្រាយបញ្ហានេះបានចំពោះខ្សែប្រយុទ្ធ Erling Haaland របស់ Manchester City ដែលទំនេរតាមរយៈការដាក់សំណើខ្ចីជើងរយៈពេល ២៨ថ្ងៃ។ គ្រូបង្វឹកក្លិប Ashton United លោក Michael Cregg និយាយថា ក្រុមរបស់លោកកំពុងស្វែងរកខ្សែប្រយុទ្ធស្រាប់ ដូច្នេះ Haaland នឹងអាចជួយក្រុមបានច្រើនដោយយ៉ាងហោចណាស់កីឡាករវ័យ ២២ឆ្នាំរូបនេះក៏អាចរកបានយ៉ាងតិច ៦គ្រាប់ដែរក្នុងចំណោម ៥ប្រកួតចំពោះមុខ។ក្លិប Ashton United មានចម្ងាយពីកីឡដ្ឋាន Etihad ត្រឹម ១០គីឡូម៉ែត្រប៉ុណ្ណោះ។ បើតាមការបញ្ជាក់របស់លោក Pep Guardiola នាពេលកន្លងទៅថា Erling Haaland នឹងចំណាយពេលសម្រាកលំហែរកាយនៅ Marbella ប្រទេសអេស្ប៉ាញ និងបន្តទៅជួបជុំក្រុមគ្រួសារនៅន័រវេស មុនត្រលប់មកហ្វឹកហាត់ជាមួយ Manchester City វិញ៕អត្ថបទ៖នាង សុភាវុធ

Ronaldo ដែលត្រូវគេក្បត់កំពុងហ្វឹកហាត់នៅទឹកដីព័រទុយហ្កាល់មុនចេញដំណើរទៅ World Cup

បាល់ទាត់៖ ក្រុមជម្រើសជាតិព័រទុយហ្កាល់បានប្រមូលផ្តុំហ្វឹកហាត់នៅក្នុងប្រទេសរបស់ខ្លួន មុនចេញដំណើរទៅកាន់ទឹកដីកាតាសម្រាប់ព្រឹត្តិការណ៍បាល់ទាត់ពិភពលោក។ កីឡាករទាំង ២៦នាក់សុទ្ធតែមានវត្តមាននៅទីលានហ្វឹកហាត់ ខណៈក្រសែភ្នែកអ្នកសារព័ត៌មានកំពុងផ្តោតលើ Cristiano Ronaldo ដែលទើបផ្តល់កិច្ចសម្ភាសន៍មួយសង្កត់ធ្ងន់ថា គេមានអារម្មណ៍ថាត្រូវក្លិបរបស់ខ្លួន Manchester United ក្បត់។ វីដេអូឃ្លីបនៃកិច្ចសម្ភាសន៍របស់ Ronaldo ជាមួយលោក Piers Morgan ត្រូវបានបញ្ចេញជាផ្នែកៗបន្តបន្ទាប់ ខណៈឃ្លីបសំខាន់មួយទៀតនោះគឺ Ronaldo សង្កត់ធ្ងន់ទៅលើម្ចាស់ក្លិបគ្រួសារត្រកូល Glazers ដែលមិនយកចិត្តទុកដាក់ពីមុខមាត់ក្លិប សំខាន់គិតតែរឿងរកលុយពីផលចំណេញ។នេះជារដូវកាលដ៏អាក្រក់មួយសម្រាប់កីឡាករវ័យ ៣៧ឆ្នាំរូបនេះមុនការបង្ហាញខ្លួននៅ World Cup ជាលើកចុងក្រោយនៃអាជីពរបស់ខ្លួន ដែលរួមមានបញ្ហាជាមួយក្លិប សតិអារម្មណ៍ដែលធ្វើឱ្យទម្រង់ធ្លាក់ចុះមិនធ្លាប់មានក្នុងអាជីព។ ក្រុមជើងឯកអឺរ៉ុបឆ្នាំ២០១៦ ព័រទុយហ្កាល់ស្ថិតក្នុងពូល H នៅ World Cup ឆ្នាំនេះដោយនឹងត្រូវជួបជាមួយហ្កាណា អ៊ុយរូហ្កាយ និងកូរ៉េ៕អត្ថបទ៖នាង សុភាវុធ

កីឡារាំសាងទំនុកចិត្តត្រៀមស៊ីហ្គេម ក្រោយឈ្នះមេដាយកម្រិតពិភពលោក ១៧គ្រឿងនៅវៀតណាម

កីឡារាំ៖ ក្រុមកីឡារាំជម្រើសជាតិកម្ពុជាបានត្រឡប់មកមាតុភូមិវិញហើយកាលពីរាត្រីថ្ងៃច័ន្ទកន្លងទៅ ក្រោយបញ្ចប់ការប្រកួតកីឡារាំជ្រើសរើសជើងឯកពិភពលោក WDSF SupeStar Championship 2022 នៅទីក្រុងហូជីមិញ ប្រទេសវៀតណាមដោយជោគជ័យ ដោយដណ្ដើមបានមេដាយសរុប ១៧គ្រឿងរួមមានមេដាយមាស ៤ ប្រាក់ ១០ និងសំរឹទ្ធ ៣។ បេសកកម្មនេះដឹកនាំដោយលោកជំទាវ ម៉ក់ វណ្ណស៊ីថា អនុប្រធានសហព័ន្ធ រួមជាមួយគ្រូបង្វឹក និងកីឡាករ-កីឡាការិនីសរុប ១៣នាក់។ សម្រាប់ដំណើរមកដល់កម្ពុជាអមជាមួយមេដាយដ៏ច្រើននេះ គឺមានការអញ្ជើញទទួលស្វាគមន៍ពីលោកជំទាវ ញ៉ែម មរកត អនុរដ្ឋលេខាធិការក្រសួងកិច្ចការនារី និងជាប្រធានសហព័ន្ធកីឡារាំកម្ពុជា រួមជាមួយថ្នាក់ដឹកនាំ និងអាណាព្យាបាលកីឡាករ-កីឡាការិនីជាច្រើនរូបផងដែរ។ លោកជំទាវ ម៉ក់ វណ្ណស៊ីថា ប្រធានប្រតិភូដឹកនាំបានឲ្យដឹងថា ការប្រកួតនេះមានរយៈពេល ៣ថ្ងៃកាលពីថ្ងៃទី១១ ដល់ថ្ងៃទី១៣ ខែវិច្ឆិកា ដោយមានអត្តពលិកមកពី ១៥ប្រទេសចូលរួមគឺមានកម្ពុជា អូស្ដ្រាលី ចិន អាល្លឺម៉ង់ អ៊ីតាលី ប៊ូឡូញ ឆាយនីសតៃប៉ិ ហុងកុង ម៉ុងហ្គោលី បារាំង កូរ៉េខាងត្បូង ម៉ាឡេស៊ី ឥណ្ឌូនេស៊ី សិង្ហបុរី និងម្ចាស់ផ្ទះវៀតណាម។ ជាលទ្ធផលគឺក្រុមកីឡារាំកម្ពុជា សម្រេចបានលទ្ធផលយ៉ាងល្អប្រសើរ ដោយឈ្នះមេដាយមាស ៤ ប្រាក់ ១០ និងសំរឹទ្ធ ៣។ចំណែកលោក ស៊ូវ តុង គ្រូបង្វឹកក្រុមកីឡារាំជម្រើសជាតិកម្ពុជា បានវាយតម្លៃខ្ពស់ចំពោះកីឡាករ-កីឡាការិនីកម្ពុជា បន្ទាប់ពីចប់ស៊ីហ្គេមលើកទី៣១ ពួកគេបានខិតខំប្រឹងប្រែងហ្វឹកហាត់ខ្លាំង រហូតកើនឡើងសមត្ថភាពគួរឲ្យកត់សម្គាល់ និងឈានទៅដណ្ដើមបានមេដាយជាច្រើនបែបនេះ។ រីឯកីឡាករ សេង សុគីម ដែលឈ្នះមេដាយមាស ១ ប្រាក់ ៤ និងសំរឹទ្ធ ១ លើវិញ្ញាសារាំគូ បានសម្ដែងនូវមោទនភាពចំពោះសមិទ្ធផលដែលខ្លួនធ្វើបាន ដោយគេបានចាត់ទុកនេះគឺជាកម្លាំងចិត្តថ្មីមួយទៀត ដើម្បីជំរុញឲ្យក្រុមជម្រើសជាតិកីឡារាំកម្ពុជាខិតខំប្រឹងប្រែង សម្រាប់ត្រៀមប្រជែងមេដាយស៊ីហ្គេមឆ្នាំ២០២៣។ដោយឡែកលោកជំទាវ ញ៉ែម មរកត បានសម្ដែងនូវសេចក្ដីរីករាយដែលកីឡាករ-កីឡាការិនីរាំកម្ពុជាបានអភិវឌ្ឍន៍សមត្ថភាពគួរឲ្យកត់សម្គាល់ រហូតធ្វើឲ្យស្ថាប័នអន្ដរជាតិមានការភ្ញាក់ផ្អើល និងកោតសរសើរចំពោះភាពរីកចម្រើនយ៉ាងឆាប់រហ័សរបស់កីឡារាំកម្ពុជា ដែលទើបកកើតក្រោយគេក៏ដោយ។ សូមបញ្ជាក់ថា ដើម្បីសម្រួចសមត្ថភាពត្រៀមស៊ីហ្គេមឆ្នាំ២០២៣ បន្ទាប់ពីបញ្ចប់បេសកកម្មប្រកួតជើងឯកកម្រិតពិភពលោកនេះ សហព័ន្ធកីឡារាំកម្ពុជាក៏គ្រោងបញ្ជូនក្រុមកីឡាករ-កីឡាការិនីជម្រើសជាតិរបស់ខ្លួនទៅបោះជុំរុំហ្វឹកហាត់រយៈពេលវែង ដើម្បីសម្រួចសមត្ថភាពឲ្យកាន់តែប្រសើរត្រៀមព្រឹត្តិការណ៍ជាប្រវត្តិសាស្ដ្រនៅកម្ពុជានេះផងដែរ៕អត្ថបទ៖ លី ឈុនឡា

ហ្កាណាប្រកាសបញ្ជីឈ្មោះកីឡាករ ២៦នាក់ទៅ World Cup ដោយមាន ២នាក់មិនធ្លាប់ជាប់ជម្រើសជាតិសោះ

បាល់ទាត់៖ សហព័ន្ធបាល់ទាត់ហ្កាណាបានប្រកាសបញ្ជីឈ្មោះកីឡាករចុងក្រោយរបស់ខ្លួនទាំង ២៦នាក់សម្រាប់ជម្រើសជាតិចេញដំណើរទៅកាន់ទឹកដីកាតាចូលរួមព្រឹត្តិការណ៍ World Cup ចុងសប្តាហ៍នេះជាមួយនឹងវត្តមានកីឡាករដែលមិនធ្លាប់ជាប់ជម្រើសជាតិសោះ ២នាក់។ Kamal Sowah មកពីក្លិបប៊ែលហ្ស៊ិក Club Bruges ត្រូវបានកោះហៅជាលើកដំបូង បន្ទាប់ពីកីឡាករវ័យ ២២ឆ្នាំរូបនេះមានទំរង់លេងគួរឱ្យភ្ញាក់ផ្អើលជាមួយក្លិបអាជីព ជាមួយនឹងការជួយ Club Bruges ឡើងវគ្គ ១៦ក្រុមចុងក្រោយ UEFA Champions League ជាលើកដំបូង។ កីឡាករម្នាក់ទៀតដែលមិនធ្លាប់កោះហៅចូលក្រុមជម្រើសជាតិហ្កាណាគឺ Salis Abdul Samed វ័យ ២២ឆ្នាំ បច្ចុប្បន្នកំពុងប្រកបអាជីពនៅក្លិបបារាំង Racing Lens ដែលកំពុងឈរលេខ២ នៅក្របខណ្ឌបារាំង Ligue 1។អតីតខ្សែប្រយុទ្ធអេស្ប៉ាញ Inaki Williams និងអតីតកីឡាករយុវជនអង់គ្លេសអាយុក្រោម ២១ឆ្នាំ Tariq Lamptey សុទ្ធតែត្រូវបានកោះហៅ តែហ្កាណាមិនអាចលួងលោមយកអតីតខ្សែប្រយុទ្ធក្រុមជម្រើសជាតិអង់គ្លេស Callum Hudson Odoi ឱ្យចូលរួមបានឡើយ។ ហ្កាណានៅតែកោះហៅប្រធានក្រុម Dede Ayew ដែលជាសមាជិកក្រុមហ្កាណាឡើងវគ្គ ៨ក្រុមុចុងក្រោយ World Cup 2010 នៅអាហ្វ្រិកខាងត្បូង។ ហ្កាណាស្ថិតក្នុងពូល H នៅ World Cup ដោយនឹងត្រូវជួបជាមួយព័រទុយហ្កាល់នៅថ្ងៃទី២៤ ខែវិច្ឆិកានេះមុនបន្តជួបជាមួយកូរ៉េ និងអ៊ុយរូហ្កាយ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

បងប្អូនជនជាតិរុស្ស៊ីដែលបាត់ខ្លួនត្រូវបានគេរកឃើញស្លាប់នៅក្នុងប្រទេសថៃ ដោយជនសង្ស័យសារភាពថាបានប្លន់សម្លាប់

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ខ្សែប្រយុទ្ធបារាំង Christopher Nkunku របួសពេលហ្វឹកហាត់ខកខានចូលរួម World Cup

ប្រធាន FIFA ស្នើឲ្យមានបទឈប់បាញ់នៅសង្គ្រាមរុស្ស៊ី-អ៊ុយក្រែន ១ខែអំឡុងពេល World Cup

Man Utd បើកកញ្ចប់លុយ ១៥០លានផោនទិញអ្នកជំនួស Ronaldo ខណៈ Mbappe ជាជម្រើសទី១

ក្រុមជម្រើសជាតិអង់គ្លេសធ្វើដំណើរទៅដល់ទឹកដីកាតាចូលរួម World Cup 2022

អតីតអ្នកប្រដាល់ អ៊ុត សុវណ្ណា បង្ហាញមោទនភាព ក្រោយកូនប្រុសជោគជ័យលើវិស័យកីឡាប៉េតង់

Djokovic យកឈ្នះ Tsitsipas ប្រកួតដំបូងនៅកម្មវិធី ATP Finals

ក្លិបនៅលីគទី៧ អង់គ្លេស Ashton United ដាក់សំណើខ្ចី Erling Haaland

Ronaldo ដែលត្រូវគេក្បត់កំពុងហ្វឹកហាត់នៅទឹកដីព័រទុយហ្កាល់មុនចេញដំណើរទៅ World Cup

កីឡារាំសាងទំនុកចិត្តត្រៀមស៊ីហ្គេម ក្រោយឈ្នះមេដាយកម្រិតពិភពលោក ១៧គ្រឿងនៅវៀតណាម

ហ្កាណាប្រកាសបញ្ជីឈ្មោះកីឡាករ ២៦នាក់ទៅ World Cup ដោយមាន ២នាក់មិនធ្លាប់ជាប់ជម្រើសជាតិសោះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ខ្សែប្រយុទ្ធ​បារាំង Christopher Nkunku របួស​ពេល​ហ្វឹកហាត់​ខកខាន​ចូលរួម World Cup

ប្រធាន FIFA ស្នើឲ្យមាន​បទ​ឈប់​បាញ់​នៅ​សង្គ្រាម​រុស្ស៊ី​-​អ៊ុយ​ក្រែ​ន ១​ខែ​អំឡុងពេល World Cup

Man Utd បើក​កញ្ចប់​លុយ ១៥០​លាន​ផោន​ទិញ​អ្នក​ជំនួស Ronaldo ខណៈ Mbappe ជា​ជម្រើស​ទី១

ក្រុម​ជម្រើសជាតិ​អង់គ្លេស​ធ្វើដំណើរ​ទៅដល់​​ទឹកដី​កាតា​ចូលរួម World Cup 2022

អតីត​អ្នក​ប្រដាល់ អ៊ុត សុ​វណ្ណា បង្ហាញ​មោទនភាព ក្រោយ​កូនប្រុស​ជោគជ័យ​លើ​វិស័យ​កីឡា​ប៉េតង់​

Djokovic យកឈ្នះ Tsitsipas ប្រកួត​ដំបូង​នៅ​កម្មវិធី ATP Finals

ក្លិប​នៅ​លី​គ​ទី​៧ អង់គ្លេស Ashton United ដាក់​សំណើ​ខ្ចី Erling Haaland

Ronaldo ដែល​ត្រូវ​គេ​ក្បត់​កំពុង​ហ្វឹកហាត់​នៅ​ទឹកដី​ព័រទុយហ្កាល់​មុន​ចេញដំណើរ​ទៅ World Cup

កីឡា​រាំ​សាង​ទំនុកចិត្ត​ត្រៀម​ស៊ី​ហ្គេម ក្រោយ​ឈ្នះ​មេដាយ​កម្រិត​ពិភពលោក ១៧​គ្រឿង​នៅ​វៀតណាម​

ហ្កា​ណា​ប្រកាស​បញ្ជី​ឈ្មោះ​កីឡាករ ២៦​នាក់​ទៅ World Cup ដោយមាន ២​នាក់​មិន​ធ្លាប់​ជាប់​ជម្រើស​ជាតិ​សោះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខ្សែប្រយុទ្ធបារាំង Christopher Nkunku របួសពេលហ្វឹកហាត់ខកខានចូលរួម World Cup

ប្រធាន FIFA ស្នើឲ្យមានបទឈប់បាញ់នៅសង្គ្រាមរុស្ស៊ី-អ៊ុយក្រែន ១ខែអំឡុងពេល World Cup

Man Utd បើកកញ្ចប់លុយ ១៥០លានផោនទិញអ្នកជំនួស Ronaldo ខណៈ Mbappe ជាជម្រើសទី១

ក្រុមជម្រើសជាតិអង់គ្លេសធ្វើដំណើរទៅដល់ទឹកដីកាតាចូលរួម World Cup 2022

អតីតអ្នកប្រដាល់ អ៊ុត សុវណ្ណា បង្ហាញមោទនភាព ក្រោយកូនប្រុសជោគជ័យលើវិស័យកីឡាប៉េតង់

Djokovic យកឈ្នះ Tsitsipas ប្រកួតដំបូងនៅកម្មវិធី ATP Finals

ក្លិបនៅលីគទី៧ អង់គ្លេស Ashton United ដាក់សំណើខ្ចី Erling Haaland

Ronaldo ដែលត្រូវគេក្បត់កំពុងហ្វឹកហាត់នៅទឹកដីព័រទុយហ្កាល់មុនចេញដំណើរទៅ World Cup

កីឡារាំសាងទំនុកចិត្តត្រៀមស៊ីហ្គេម ក្រោយឈ្នះមេដាយកម្រិតពិភពលោក ១៧គ្រឿងនៅវៀតណាម

ហ្កាណាប្រកាសបញ្ជីឈ្មោះកីឡាករ ២៦នាក់ទៅ World Cup ដោយមាន ២នាក់មិនធ្លាប់ជាប់ជម្រើសជាតិសោះ