BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Ronaldo ថា ខ្លួនមានអារម្មណ៍ថាត្រូវគេក្បត់នៅ Manchester United

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo មិនមានមុខឡើយក្នុងការប្រកួតដែល Manchester United យកឈ្នះនៅទឹកដី Fulham ២-១ យប់មិញ តែមានមុខក្នុងកិច្ចសម្ភាសន៍ផ្តាច់មុខមួយក្នុងកម្មវិធីរបស់លោក Piers Morgan។ Ronaldo ធ្លាប់មានរឿងចម្រូងចម្រាសមុនចាប់ផ្តើមរដូវកាលថ្មីតាមរយៈការចង់ចាកចេញ តែក្រោយមកក៏បានសន្យាជាមួយក្លិបពីការប្តេជ្ញាចិត្តរួមរស់ក្រោយការចាកចេញបរាជ័យ។ មកត្រឹមយប់ថ្ងៃអាទិត្យម្សិលមិញកីឡាករវ័យ ៣៧ឆ្នាំរូបនេះបានចេញមកបកស្រាយមិនលាក់លៀមថា រូបគេមានអារម្មណ៍ថាត្រូវគេក្បត់ មិនថាក្លិបទេ គឺថែមទាំងអ្នកចាត់ការ Erik ten Hag ផងដែរ ដោយចោទថាមានមនុស្សពីរបីនាក់ក្នុងក្លិប ព្យាយាមកំចាត់រូបគេឱ្យចាកចេញពីក្លិប។ Ronaldo បានបន្ថែមថា តាំងពីការចាកចេញរបស់ Sir Alex Ferguson Manchester United បានដើរថយក្រោយ និងគ្មានអ្វីអភិវឌ្ឍឡើយ។សូមបញ្ជាក់ថា Ronaldo មិនបានចូលលេងឡើយតាំងពីធ្វើជាប្រធានក្រុមពេល Manchester United ចាញ់នៅផ្ទះ Aston Villa ៣-១ កាលពីថ្ងៃទី៦ ខែវិច្ឆិកា ហើយនោះទំនងជាប្រកួតចុងក្រោយរបស់ Ronaldo ហើយនៅ Manchester United តាមរយៈកិច្ចសម្ភាសន៍ហែកហួរនេះ។ Cristiano Ronaldo នៅសល់កិច្ចសន្យារបស់ខ្លួនរហូតដល់ដំណាច់រដូវកាលនេះ តែត្រូវបានគេរំពឹងថា កីឡាករព័រទុយហ្កាល់រូបនេះនឹងមិនត្រលប់មករួមក្លិបវិញឡើយក្រោយ World Cup បញ្ចប់។ មិនមានការតបតឡើយពីក្លិបបិសាចក្រហម Manchester United មកទល់ពេលនេះក្រោយកិច្ចសម្ភាសន៍របស់ Cristiano Ronaldo ជាមួយលោក Piers Morgan កាលពីយប់មិញ៕អត្ថបទ៖នាង សុភាវុធ

ពានរង្វាន់បាល់ទាត់ពិភពលោកធ្វើដំណើរមកដល់ទឹកដីកាតាវិញ ១សប្តាហ៍មុន World Cup មកដល់

បាល់ទាត់៖ ពានរង្វាន់បាល់ទាត់ពិភពលោកបានធ្វើដំណើរមកដល់ទីក្រុងដូហាប្រទេសកាតាវិញហើយ ១សប្តាហ៍ប៉ុណ្ណោះមុនព្រឹត្តិការណ៍ FIFA World Cup 2022 ឈានចូលមកដល់នៅចុងសប្តាហ៍នេះ។ ពានរង្វាន់បាល់ទាត់ដ៏អស្ចារ្យមួយនេះបានធ្វើដំណើរឆ្លងកាត់ប្រទេសជាង ៥០ បូករួមទាំងព្រះរាជាណាចក្រកម្ពុជាផងដែរ។ ដំបូងពានបាល់ទាត់ពិភពលោកបានចេញដំណើរពីទីក្រុង Dubai អារ៉ាប់រួមកាលពីខែឧសភាឆ្លងកាត់ប្រទេសដែលមានកៅអីនៅ World Cup ទាំង ៣២ក្រុមដែលការធ្វើដំណើរទេសចរនេះចាប់ផ្តើមដំបូងតាំងពីឆ្នាំ២០០៦។ ការធ្វើដំណើររបស់ពានបាល់ទាត់ពិភពលោកនេះ គឺដើម្បីផ្តល់ឱកាសដល់អ្នកគាំទ្របាល់ទាត់ជុំវិញពិភពលោក បានឃើញផ្ទាល់ និងថតរូបអនុស្សាវរីយ៍ ជាពិសេសគឺការផ្សព្វផ្សាយឱ្យទូលំទូលាយ ដើម្បីជំរុញទឹកចិត្តយុវជនដើម្បីសម្រេចក្តីស្រមៃបាល់ទាត់របស់ខ្លួនផងដែរ។ យោងតាមច្បាប់របស់ FIFA មានតែអតីតជើងឯក និងប្រមុខថ្នាក់ដឹកនាំនៃប្រទេសនីមួយៗប៉ុណ្ណោះដែលមានសិទ្ធិប៉ះផ្ទាល់ ជាក់ស្តែងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក៏បានចាប់កាន់ផ្ទាល់ផងដែរ។ពានរង្វាន់បាល់ទាត់ពិភពលោកត្រូវបានរក្សាទុកជាបណ្តោះអាសន្នដោយក្រុមជើងឯក ក្រោយមកអ្នកឈ្នះទទួលបានច្បាប់ចម្លងមាសពិសេសមួយ មុនពេលដែលពានរង្វាន់ដើមធ្វើពីមាសត្រូវប្រគល់ជូន FIFA វិញហើយ តាមច្បាប់ និងបទប្បញ្ញត្តិ។ ថ្វីត្បិតតែពានត្រូវបានប្រគល់ឱ្យក្រុមឈ្នះក៏ដោយ វានៅតែជាកម្មសិទ្ធិរបស់ FIFA។ ពាននេះធ្វើពីមាសសុទ្ធ និងមានទម្ងន់ ៦,១៤២គីឡូក្រាម ដោយការរចនាបច្ចុប្បន្នមានអាយុកាលតាំងពីឆ្នាំ១៩៧៤៕អត្ថបទ៖នាង សុភាវុធ

មន្ដ្រីជាន់ខ្ពស់ក្រសួងអប់រំចុះសួរសុខទុក្ខក្រុមជម្រើសជាតិកំពុងប្រមូលផ្ដុំហ្វឹកហាត់នៅពហុកីឡដ្ឋានជាតិមរតតេជោ

ស៊ីហ្គេម៖ ឯកឧត្តម ប៊ូ ជុំសេរី និងឯកឧត្តម សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា ព្រមទាំងមន្ដ្រីក្រោមឱវាទកាលពីចុងសប្ដាហ៍កន្លងទៅ បានចុះជួបសំណេះសំណាល និងសួរសុខទុក្ខក្រុមជម្រើសជាតិចំនួន ១០ប្រភេទកីឡាដែលកំពុងប្រមូលផ្ដុំហ្វឹកហាត់នៅពហុកីឡដ្ឋានជាតិមរតកតេជោ សម្រាប់ត្រៀមឆ្ពោះទៅស៊ីហ្គេមឆ្នាំ២០២៣ នៅកម្ពុជា។លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡាបានឲ្យដឹងថា ការចុះសួរសុខទុក្ខរបស់មន្ដ្រីជាន់ខ្ពស់របស់ក្រសួងអប់រំ យុវជន និងកីឡានេះ ស្របតាមការយកចិត្តទុកដាក់របស់ឯកឧត្តមបណ្ឌិតសភាចារ្យ ហង់ជួន ណារ៉ុន ដើម្បីជំរុញលើកទឹកចិត្ត ក៏ដូចជាដោះស្រាយបញ្ហាប្រឈមផ្សេងៗដល់កីលាករ-កីឡាការិនី ដើម្បីធានាបាននូវការប្រមូលផ្ដុំប្រកបដោយប្រសិទ្ធភាពត្រៀមព្រឹត្តិការណ៍ជាប្រវត្តិសាស្ដ្រនាឆ្នាំក្រោយ។គួរដឹងថា បច្ចុប្បន្នមានក្រុមជម្រើសជាតិ ១០ប្រភេទកីឡាកំពុងប្រមូលផ្ដុំហ្វឹកហាត់នៅពហុកីឡដ្ឋានជាតិមរតកតេជោ ហើយក្រុមជម្រើសជាតិមួយចំនួនធំទៀត បានត្រឡប់ទៅប្រមូលផ្ដុំហ្វឹកហាត់នៅពហុកីឡដ្ឋានជាតិ(ស្ដាតអូឡាំពិក)។ ដំណាលគ្នា ដោយមានការយកចិត្តទុកដាក់ពីថ្នាក់ដឹកនាំគណៈកម្មាធិការជាតិ CAMSOC ក៏មានការបញ្ជូនប្រភេទកីឡាមួយចំនួនធំទៅហ្វឹកហាត់រយៈពេលវែងនៅប្រទេសចិន និងតាមបណ្ដាប្រទេសជាមិត្តមួយចំនួន ដើម្បីសម្រួចសមត្ថភាពត្រៀមការប្រកួតស៊ីហ្គេមលើកទី៣២ ដែលកម្ពុជានឹងធ្វើជាម្ចាស់ផ្ទះនាឆ្នាំ២០២៣ ខាងមុខផងដែរ៕អត្ថបទ៖ លី ឈុនឡា

កីឡាប៉េតង់កម្ពុជាដណ្ដើមបានមេដាយសរុប ៧គ្រឿងក្នុងការប្រកួតជើងឯកអាស៊ីនៅថៃ

ប៉េតង់៖ ក្រុមកីឡាប៉េតង់ជម្រើសជាតិកម្ពុជាបានសម្រេចជោគជ័យយ៉ាងត្រចះត្រចង់ ក្នុងការប្រកួតជើងឯកអាស៊ីលើកទី៤ នៅប្រទេសថៃកាលពីសប្ដាហ៍កន្លងទៅ ដោយដណ្ដើមបានមេដាយសរុប ៧គ្រឿងលើ ៦វិញ្ញាសារួមមានមេដាយមាស ៣ ប្រាក់ ២ និងសំរឹទ្ធ ២ ព្រមទាំងពានមួយទៀតផង។ សហព័ន្ធកីឡាប៊ូល និងប៉េតង់កម្ពុជាបានបញ្ជូនប្រតិភូ គ្រូបង្វឹក និងកីឡាករ-កីឡាការិនី ទាំងក្រុមធំ និងយុវជនសរុប ២៧នាក់ចូលរួមព្រឹត្តិការណ៍កម្រិតទ្វីបនេះកាលពីថ្ងៃទី១០ រហូតល់ដ្ងៃទី១៤ ខែវិច្ឆិកា ឆ្នាំ២០២២ នេះ។ ជាលទ្ធផលក្រុមកីឡាប៉េតង់កម្ពុជាសម្រេចបានរួមមានមេដាយមាស ៣ ដណ្ដើមបានលើវិញ្ញាសាវាយយកពិន្ទុយុវជនអាយុក្រោម ១៨ឆ្នាំដោយកីឡាករ អ៊ុត ដួងខែ, វិញ្ញាសាវាយយកពិន្ទុផ្នែកបុរសដោយកីឡាករ ថោង ឈឿន និងវិញ្ញាសាបុរស ៣នាក់ទល់ ៣នាក់ ដោយក្រុម A របស់កម្ពុជាគឺមានកីឡាករ ថោងឈឿន, យឹម សុភ័ណ្ឌ, សៅ សុភារ៉ាន់ និង តិប នរ៉ា។ ចំណែកមេដាយប្រាក់ ២ ដណ្ដើមបានលើវិញ្ញាសាវាយយកពិន្ទុនារីដោយកីឡាការិនី អ៊ុន ស្រីយ៉ា និងវិញ្ញាសានារី ៣នាក់ទល់ ៣នាក់ រួមមានកីឡាការិនី អ៊ុក ស្រីមុំ, អ៊ុន ស្រីយ៉ា, ឃួន យ៉ារី និង អ៊ុំ ដាវីន។ រីឯមេដាយសំរឹទ្ធ ២ ដណ្ដើមបានលើវិញ្ញាសាយុវជនអាយុក្រោម ១៨ឆ្នាំ ៣នាក់ទល់ ៣នាក់ ដោយក្រុម B របស់កម្ពុជាដែលមាន ភាព ផាឃិន, អ៊ុត សុខជា, នូច សុខេមរៈ និងកីឡាការិនី ហាក់ ស្រីនុត និងវិញ្ញាសាបុរស ៣នាក់ទល់ ៣នាក់ ដោយក្រុម B របស់កម្ពុជា មានកីឡាករ ហេង ស៊ូមៀន, ស៊ីន វង់, ញ៉ែម បូរ៉ា និងកីឡាករ ពុធយ៉ុន ច័ន្ទដារ៉ា។មិនតែប៉ុណ្ណោះកម្ពុជាថែមទទួលបានពានរង្វាន់ Nation Cup មួយទៀត ដែលជាពានរង្វាន់លើកទឹកចិត្តដណ្ដើមបានលើវិញ្ញាសាយុវជនអាយុក្រោម ១៨ឆ្នាំ ៣នាក់ទល់ ៣នាក់ ដោយក្រុម A របស់កម្ពុជាដែលមានកីឡាករ អ៊ុត ដួងខែ, ម៉ុង វីរៈបុត្រ, នន់ រ៉ាវីន និងកីឡាករ ជា ហេងឧត្តមរស្មី ទៀតផង។ តាមរយៈជោគជ័យនេះគឺជាកម្លាំងចិត្តមួយដ៏សំខាន់ សម្រាប់ក្រុមកីឡាប៉េតង់កម្ពុជាក្នុងដំណើរឆ្ពោះទៅស៊ីហ្គេមឆ្នាំ២០២៣ និងព្រឹត្តិការណ៍អន្ដរជាតិផ្សេងៗទៀត ដ្បិតក្នុងបេសកកម្មលើកនេះ សហព័ន្ធក៏ពានផ្ដល់ឱកាសដល់ទំពាំងស្នងឬស្សីជំនាន់ថ្មីជាច្រើនរូប បានចូលរួមប្រកួតប្រជែង និងបង្ហាញពីសក្ដានុពលរបស់ខ្លួនលើឆាកអន្ដរជាតិផងដែរ៕អត្ថបទ៖ លី ឈុនឡា

Novak Djokovic និង Carlos Alcaraz ឡើងវគ្គ ៨នាក់ចុងក្រោយ Paris Masters

វាយកូនបាល់៖ អតីតកីឡាករលំដាប់លេខ ១ ពិភពលោក Novak Djokovic បានបន្តដំណើរឡើងវគ្គ ៨នាក់ចុងក្រោយហើយនៃព្រឹត្តិការណ៍វាយកូនបាល់កម្មវិធី Paris Masters ក្រោយយកឈ្នះកីឡាកររុស្ស៊ី Karen Khachanov។ កីឡាករស៊ែបបច្ចុប្បន្នលំដាប់ថ្នាក់លេខ ៧ ពិភពលោករូបនេះបានយកឈ្នះដោយលទ្ធផល ២សិតផ្ទួនៗ ៦-៤ និង ៦-១ លើកីឡាកររុស្ស៊ី។ ម្ចាស់ជ័យលាភី Grand Slam ២១លើកវ័យ ៣៥ឆ្នាំរូបនេះនឹងបន្តដំណើរទៅជួបជាមួយកីឡាករដាណឺម៉ាក Casper Ruud រឺក៏កីឡាករអ៊ីតាលី Lorenzo Musetti ដើម្បីកៅអីវគ្គពាក់កណ្តាលផ្តាច់ព្រ័ត្រ។ ងាកមកការប្រកួតផ្សេងទៀត កីឡាករវ័យក្មេងអេស្ប៉ាញបច្ចុប្បន្នលំដាប់លេខ ១ ពិភពលោក Carlos Alcaraz ក៏បានបន្តដំណើរឡើងវគ្គ ៨នាក់ចុងក្រោយដែរក្រោយយកឈ្នះកីឡាករប៊ុលហ្ការី Grigo Dimitrov ៦-១ និង ៦-៣។ កីឡាករវ័យ ១៩ឆ្នាំអេស្ប៉ាញរូបនេះនឹងបន្តដំណើរជួបជាមួយកីឡាកររុស្ស៊ី Andrey Rublev រឺកីឡាករដាណឺម៉ាក Holger Rune នៅជុំបន្ត៕អត្ថបទ៖នាង សុភាវុធ

ខ្សែការពារអង់គ្លេសមួយរូបទៀត Ben Chilwell នឹងអវត្តមានពី World Cup ដោយសាររបួស

បាល់ទាត់៖ ខ្សែការពារអង់គ្លេសមួយរូបទៀត Ben Chilwell នឹងអវត្តមានពីក្រុមជម្រើសជាតិអង់គ្លេសនៅ World Cup ឆ្នាំនេះដោយសាររបួស។ កីឡាករវ័យ ២៥ឆ្នាំរូបនេះបានរងរបួសអំឡុងជ័យជំនះរបស់ Chelsea លើ Dinamo Zagreb ២-១ ហើយរបួសសរសៃពួរនេះនឹងត្រូវសម្រាកព្យាបាលរយៈពេល ៣ខែ។ Ben Chilwell បានក្លាយជាកីឡាករអង់គ្លេសមួយរូបទៀតដែលខកខាន World Cup ដោយសាររបួស បន្ទាប់ពីមិត្តរួមក្រុម Reece James និងកីឡាកររបស់ Manchester City ទាំងពីររូប Kyle Walker និង Kalvin Phillips។ Ben Ben Chilwell ធ្លាប់បង្ហាញខ្លួនសរុប ១៧លើកឱ្យក្រុមជម្រើសជាតិអង់គ្លេស និងជាសមាជិករបស់ក្រុមលោក Gareth Southgate នៅ Euro 2020 ដែរតែមិនបានចូលលេងឡើយ។ អង់គ្លេសនឹងប្រកាសបញ្ជីកីឡាករទាំង ២៦នាក់សម្រាប់ World Cup នៅសប្តាហ៍ក្រោយ។ អង់គ្លេសនឹងចាប់ផ្តើមយុទ្ធនាការ World Cup របស់ខ្លួនដោយនឹងត្រូវជួបក្រុមអ៊ីរ៉ង់នៅថ្ងៃទី២១ ខែវិច្ឆិកានេះ៕អត្ថបទ៖នាង សុភាវុធ

អឺរ៉ុបនឹងចាប់ផ្តើមរៀបចំពានរង្វាន់ UEFA Nations League ផ្នែកនារីនៅឆ្នាំ២០២៣

បាល់ទាត់៖ សមាគមបាល់ទាត់ទ្វីបអឺរ៉ុប UEFA បានប្រកាសពីការរៀបចំការប្រកួតព្រឹត្តិការណ៍ UEFA Nations League ផ្នែកនារីចាប់ពីឆ្នាំ២០២៣ តទៅ។ ការប្រកួត Nations League ផ្នែកបុរសត្រូវបានរៀបចំឡើងដំបូងនៅឆ្នាំ២០១៨ ដើម្បីជំនួសការប្រកួតមិត្តភាពអន្តរជាតិឱ្យមានការប្រកួតប្រជែង។ ប្រធាន UEFA លោក Aleksander Ceferin បាននិយាយថា នេះជាពេលវេលាសមស្របនៃការសម្លឹងឃើញពីការ អភិវឌ្ឍន៍បាល់ទាត់នារីឱ្យកាន់តែរីកចំរើននៅថ្ងៃអនាគត។ Women Nations League មានទម្រង់មិនខុសពីផ្នែកបុរសឡើយដោយនឹងបែងចែកលីគជាបីកម្រិត។ ក្រុមលេខ១ នៅលីគទី១ ទាំង ៤ពូលត្រូវឡើងលេងវគ្គខ្វែងពាក់កណ្តាលផ្តាច់ព្រ័ត្រ និងផ្តាច់ព្រ័ត្ររកជើងឯក ខណៈក្រុមដែលនៅក្រុមគេនៃពូលនីមួយៗត្រុវកាត់ចេញទៅលីគទី២ ហើយក្រុមលេខ១ នៃពូលនីមួយៗនៃលីគទី២ ត្រូវឡើងមកលេងលីគទី១។ការប្រកួត Nations League ក៏នឹងជាផ្នែកមួយនៃការប្រកួតជម្រុះបាល់ទាត់ស្ត្រីជើងឯកអឺរ៉ុបឆ្នាំ២០២៥ និងបាល់ទាត់ស្ត្រីពិភពលោកឆ្នាំ២០២៧ ផងដែរ។ ជារៀងរាល់ ៤ឆ្នាំ Nations League បួនក្រុមដែលឡើងវគ្គខ្វែងនឹងមាន ៣ក្រុមធានាបានកៅអីនៅអូឡាំពិក៕អត្ថបទ៖នាង សុភាវុធ

Carlos Tevez លាលែងពីតំណែងគ្រូបង្វឹកក្លិបអាហ្សង់ទីន Rosario Central

បាល់ទាត់៖ អតីតខ្សែប្រយុទ្ធអាហ្សង់ទីន Carlos Tevez បានសម្រេចចាកចេញពីតំណែងគ្រូបង្វឹកនៃក្លិបអាហ្សង់ទីន Rosario Central ហើយ ក្រោយដឹកនាំបានត្រឹម ៥ខែ។ អតីតខ្សែប្រយុទ្ធ Manchester City រូបនេះបានសម្រេចចិត្តបែបនេះនៅថ្ងៃព្រហស្បតិ៍ម្សិលមិញក្រោយ Rosario Central បញ្ចប់រដូវកាលលីគកំពូលអាហ្សង់ទីននៅលំដាប់លេខ២០ ក្នុងចំណោម ២៨ក្រុម។ បើតាមការឱ្យដឹងរបស់បុរសវ័យ ៣៨ឆ្នាំរូបនេះក្លិបបាល់ទាត់ Rosario Central នឹងបោះឆ្នោតជ្រើសរើសប្រធានក្លិបនៅថ្ងៃទី១៨ ខែធ្នូហើយ Tevez មិនសប្បាយចិត្តដែលការឃោសនា យកសំឡេងឆ្នោតប្រើប្រាស់ឈ្មោះរបស់ខ្លួន។ Rosario Central ជាក្លិបទី១ ដែលTevez ចាប់ផ្តើមអាជីពជាគ្រូបង្វឹករបស់ខ្លួន ក្រោយប្រកាសចូលនិវត្តន៍ពីអាជីពកីឡាករកាលពីខែមិថុនា។ Carlos Tevez ធ្លាប់ប្រកបបាល់ទាត់អាជីពជាមួយក្លិបជាច្រើនដូចជា Juventus, Corinthians, Shanghai Shenhua និងពីរលើកជាមួយ Boca Junior។ចំណែកនៅ Premier League វិញ Carlos Tevez បានរួមចំណែកយ៉ាងសំខាន់ក្នុងការជួយសង្គ្រោះ West Ham ពីការកាត់ចោលកាលពីឆ្នាំ២០០៧ មុនពេលផ្លាស់មកកាន់ Manchester United ឈ្នះពាន Premier League ពីរលើក និងបន្តទៅ Manchester City នៅឆ្នាំ២០០៩ និងឈ្នះពាន Premier League មួយលើកនៅឆ្នាំ២០១២។ សរុបរួមរយៈពេល ៧ឆ្នាំនៅទឹកដីអង់គ្លេស Tevez បង្ហាញខ្លួនសរុប ២០២ប្រកួតរកបាន ៨៤គ្រាប់។ Carlos Tevez ត្រូវបានកោះហៅចូលក្រុមជំរើសជាតិអាហ្សង់ទីននៅឆ្នាំ២០០៤ នៅពេលអាហ្សង់ទីនជួបអេក្វាដ័រ និងសរុបបង្ហាញខ្លួនបាន ៧៦លើក ស៊ុតបញ្ចូលទីបាន ១៣គ្រាប់៕អត្ថបទ៖នាង សុភាវុធ

Timo Werner រងរបួសត្រូវអវត្តមានពីក្រុមអាល្លឺម៉ង់នៅ World Cup

បាល់ទាត់៖ ខ្សែប្រយុទ្ធអាល្លឺម៉ង់ Timo Werner នឹងត្រូវអវត្តមានពីព្រឹត្តិការណ៍បាល់ទាត់ពិភពលោក FIFA World Cup នៅកាតាក្នុងខែនេះ ក្រោយរងរបួសកជើងដែលត្រូវសម្រាកដល់ឆ្នាំថ្មី។ កីឡាករវ័យ ២៦ឆ្នាំរូបនេះត្រូវបានផ្លាស់ចេញត្រឹមនាទីទី១៩ នៃការប្រកួតរបស់ RB Leipzig យកឈ្នះ Shakhtar Donetsk ៤-០ នៅក្របខណ្ឌ UEFA Champions League កាលពីយប់ថ្ងៃពុធ។ អតីតខ្សែប្រយុទ្ធ Chelsea ដែលវិលមកកាន់ក្លិបចាស់របស់ខ្លួនវិញកាលពីដើមរដូវកាលនោះ ធ្លាប់បានបង្ហាញខ្លួន ៥៥លើកជាមួយក្រុមជម្រើសជាតិអាល្លឺម៉ង់ស៊ុតបញ្ចូលទីបាន ២៤គ្រាប់។ Timo Werner ក៏ជាសមាជិករបស់ក្រុមអាល្លឺម៉ង់ផងដែរនៅ World Cup 2018 នៅរុស្ស៊ី និង Euro 2020 ឆ្នាំមុនមុន។ អាល្លឺម៉ង់ស្ថិតក្នុងពូល E ដែលនឹងត្រូវជួបជាមួយជប៉ុនមុនគេនៅថ្ងៃទី២៣ ខែវិច្ឆិកា មុនបន្តជួបជាមួយអេស្ប៉ាញ និងកូស្តារីកា៕អត្ថបទ៖នាង សុភាវុធ

Gerard Pique ប្រកាសចូលនិវត្តន៍ពីបាល់ទាត់មុនចប់រដូវកាល

បាល់ទាត់៖ ខ្សែការពារ Barcelona, Gerard Pique បានសម្រេចបញ្ចប់អាជីពកីឡាករបាល់ទាត់របស់ខ្លួនហើយ នៅមុនពេលដែល La Liga សម្រាកពីការប្រកួតត្រៀម World Cup។ កីឡាករវ័យ ៣៥ឆ្នាំរូបនេះបានសម្រេចបែបនេះនៅក្នុងវីដេអូឃ្លីប នៅលើបណ្តាញសង្គមរបស់ខ្លួននៅថ្ងៃព្រហស្បតិ៍ម្សិលមិញថា ការប្រកួតរបស់ Barcelona ទល់នឹង Almeria ថ្ងៃសៅរ៍នេះនឹងជាការប្រកួតចុងក្រោយរបស់ខ្លួននៅកីឡដ្ឋាន Camp Nou។ Pique បានបន្តថា ការសម្រេចចិត្តនេះដោយសារតែមិនសូវបានលេងទៀតទាត់រដូវកាលនេះ តែការរូបគេគ្មានបំណងផ្លាស់ទៅលេងឱ្យក្លិបផ្សេងដែរហើយ Barcelona គឺជាក្រុមចុងក្រោយនៃអាជីពកីឡាករ។ Gerard Pique ដែលជាសមាជិកនៃក្រុមយុវជនថ្នាលរបស់ Barcelona ដែរនោះបានប្រកាសចូលនិវត្តន៍ពីក្រុមជម្រើសជាតិអេស្ប៉ាញកាលពីឆ្នាំ ២០១៨។ Pique នៅសល់កិច្ចសន្យាជាមួយ Barcelona ដល់ឆ្នាំ២០២៤ ដែលមានន័យថា Barcelona នឹងកាត់បន្ថយការចំណាយមួយចំណែកទៀតតាមរយៈការចាកចេញរបស់ Pique។ រំលឹកថា Gerard Pique ធ្លាប់ឈ្នះជើងឯកលីគ ៩លើកនៅអេស្ប៉ាញ និងអង់គ្លេសក៏ដូចជា UEFA Champions League ៤លើក, World Cup មួយលើក និងជើងឯកអឺរ៉ុបមួយលើក៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ការស្លាប់ជនអន្តោប្រវេសន៍នៅទីក្រុងសេអ៊ូតាប្រទេសអេស្ប៉ាញឡើងដល់ជាង៧០នាក់ ក្រោយសម្រុកឆ្លងដែនពីម៉ារ៉ុក

[UPDATE] បងប្អូនជនជាតិរុស្ស៊ី ដែលបាត់ខ្លួនត្រូវបានរកឃើញស្លាប់ក្នុងប្រទេសថៃ ដោយជនសង្ស័យសារភាពថាបានប្លន់សម្លាប់

បងប្អូនជនជាតិរុស្ស៊ីដែលបាត់ខ្លួនត្រូវបានគេរកឃើញស្លាប់នៅក្នុងប្រទេសថៃ ដោយជនសង្ស័យសារភាពថាបានប្លន់សម្លាប់

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ronaldo ថា ខ្លួនមានអារម្មណ៍ថាត្រូវគេក្បត់នៅ Manchester United

ពានរង្វាន់បាល់ទាត់ពិភពលោកធ្វើដំណើរមកដល់ទឹកដីកាតាវិញ ១សប្តាហ៍មុន World Cup មកដល់

កីឡាប៉េតង់កម្ពុជាដណ្ដើមបានមេដាយសរុប ៧គ្រឿងក្នុងការប្រកួតជើងឯកអាស៊ីនៅថៃ

Novak Djokovic និង Carlos Alcaraz ឡើងវគ្គ ៨នាក់ចុងក្រោយ Paris Masters

ខ្សែការពារអង់គ្លេសមួយរូបទៀត Ben Chilwell នឹងអវត្តមានពី World Cup ដោយសាររបួស

អឺរ៉ុបនឹងចាប់ផ្តើមរៀបចំពានរង្វាន់ UEFA Nations League ផ្នែកនារីនៅឆ្នាំ២០២៣

Carlos Tevez លាលែងពីតំណែងគ្រូបង្វឹកក្លិបអាហ្សង់ទីន Rosario Central

Timo Werner រងរបួសត្រូវអវត្តមានពីក្រុមអាល្លឺម៉ង់នៅ World Cup

Gerard Pique ប្រកាសចូលនិវត្តន៍ពីបាល់ទាត់មុនចប់រដូវកាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Ronaldo ថា ​ខ្លួន​មាន​អារម្មណ៍​ថា​ត្រូវ​គេ​ក្បត់​នៅ Manchester United

ពានរង្វាន់​បាល់ទាត់​ពិភពលោក​ធ្វើដំណើរ​មកដល់​ទឹកដី​កាតា​វិញ ១សប្តាហ៍​មុន World Cup មកដល់

កីឡា​ប៉េតង់​កម្ពុជា​ដណ្ដើមបាន​មេដាយ​សរុប ៧​គ្រឿង​ក្នុងការ​ប្រកួត​ជើងឯក​អាស៊ី​នៅ​ថៃ​

Novak Djokovic និង Carlos Alcaraz ឡើង​វគ្គ ៨​នាក់​ចុងក្រោយ Paris Masters

ខ្សែការពារ​អង់គ្លេស​មួយរូប​ទៀត Ben Chilwell នឹង​អវត្តមាន​ពី World Cup ដោយសារ​របួស​

អឺរ៉ុប​នឹង​ចាប់ផ្តើម​រៀបចំ​ពានរង្វាន់ UEFA Nations League ផ្នែក​នារី​នៅ​ឆ្នាំ​២០២៣

Carlos Tevez លាលែង​ពី​តំណែង​គ្រូបង្វឹក​ក្លិប​អា​ហ្ស​ង់​ទីន Rosario Central

Timo Werner រងរបួស​ត្រូវ​អវត្តមាន​ពី​ក្រុម​អាល្លឺម៉ង់​នៅ World Cup

Gerard Pique ប្រកាស​ចូលនិវត្តន៍​ពី​បាល់ទាត់​មុន​ចប់​រដូវ​កាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Ronaldo ថា ខ្លួនមានអារម្មណ៍ថាត្រូវគេក្បត់នៅ Manchester United

ពានរង្វាន់បាល់ទាត់ពិភពលោកធ្វើដំណើរមកដល់ទឹកដីកាតាវិញ ១សប្តាហ៍មុន World Cup មកដល់

កីឡាប៉េតង់កម្ពុជាដណ្ដើមបានមេដាយសរុប ៧គ្រឿងក្នុងការប្រកួតជើងឯកអាស៊ីនៅថៃ

Novak Djokovic និង Carlos Alcaraz ឡើងវគ្គ ៨នាក់ចុងក្រោយ Paris Masters

ខ្សែការពារអង់គ្លេសមួយរូបទៀត Ben Chilwell នឹងអវត្តមានពី World Cup ដោយសាររបួស

អឺរ៉ុបនឹងចាប់ផ្តើមរៀបចំពានរង្វាន់ UEFA Nations League ផ្នែកនារីនៅឆ្នាំ២០២៣

Carlos Tevez លាលែងពីតំណែងគ្រូបង្វឹកក្លិបអាហ្សង់ទីន Rosario Central

Timo Werner រងរបួសត្រូវអវត្តមានពីក្រុមអាល្លឺម៉ង់នៅ World Cup

Gerard Pique ប្រកាសចូលនិវត្តន៍ពីបាល់ទាត់មុនចប់រដូវកាល