BTV NEWS

យុទ្ធគុនចម្រុះកម្ពុជាឈ្នះមេដាយកម្រិតទ្វីប ៣គ្រឿង ខណៈមន្ដ្រីសហព័ន្ធទទូចឲ្យមានការគាំទ្របន្ថែម

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

ព័ត៌មានកីឡា

សៅ រង្សី ចាញ់អ៊ីរ៉ង់ទាំងប្រផិតប្រផើយនៃការប្រកួតប្រដាល់សកលជើងឯកអាស៊ីនៅហ្ស៊កដានី

ប្រដាល់សកល៖ កីឡាករប្រដាល់សកលជម្រើសជាតិកម្ពុជា សៅ រង្សី បានរងបរាជ័យទាំងប្រផិតប្រផើយក្រោមថ្វីដៃកីឡាករអ៊ីរ៉ង់ Mehdi Khosravi នៅក្នុងការប្រកួតកីឡាប្រដាល់សកលជ្រើសរើសជើងឯកអាស៊ី ASBC Asian Elite Men And Women Boxing Championship 2022 នៅប្រទេសហ្ស៊កដានីកាលពីរំលងអាធ្រាតុយប់មិញ។ ការប្រកួតនេះម្ចាស់មេដាយសំរឹទ្ធស៊ីហ្គេម សៅ រង្សី ធ្វើបានយ៉ាងល្អនៅក្នុងទឹកដី១ ដោយយកឈ្នះពិន្ទុលើកីឡាករ Mehdi Khosravi ហើយថែមទាំងវាយកីឡាករអ៊ីរ៉ង់រូបនេះឲ្យអាជ្ញាកណ្ដាលរាប់ទៀតផង។ តែសោកស្ដាយនៅក្នុងទឹកទី២ និងទឹកទី៣ ស្របពេល រង្សី មានបញ្ហាឈឺដៃ និងធ្លាក់ចុះកម្លាំងស៊ុះផងនោះ បាននាំឲ្យកីឡាករអ៊ីរ៉ង់មានប្រៀបដោយវាយយកឈ្នះពិន្ទុ ២ទឹកចុងក្រោយដើម្បីទទួលបានជ័យជម្នះក្នុងការប្រកួតនេះតែម្ដង។ ដោយឡែកនៅល្ងាចថ្ងៃទី០៣ ខែវិច្ឆិកានេះនឹងមានកីឡាករជម្រើសជាតិកម្ពុជា ២រូបទៀតត្រូវធ្វើការប្រកួត ក្នុងនោះមានកីឡាករកូនកាត់ខ្មែរ-អ៊ូបេគីស្ថាន រ៉ាចាពៅ អាប់ឌុលឡា ប្រកួតជាមួយកីឡាករកូរ៉េខាងត្បូង Haneul Jung ប្រភេទទម្ងន់ ៩២គីឡូក្រាម និងកីឡាករ ណាស្រេឌីនូវ អាន់វ៉ា ជួបកីឡាករថៃ Weerapon Jongjoho ក្នុងប្រភេទទម្ងន់ ៨០គីឡូក្រាម។គួរបញ្ជាក់ថា បេសកកម្មនេះសហព័ន្ធកីឡាប្រដាល់សកលកម្ពុជា បានបញ្ចូនកីឡាករជម្រើសជាតិ ៦រូបចូលរួមក្នុងនោះមានកីឡាករ ៤រូបចាកចេញពីកម្ពុជាគឺមានកីឡាករ សៅ រង្សី, នូវ សុខទី, ទូច ដេវីត និង វ៉ែន រដ្ឋា ខណៈ ២រូបទៀតបានធ្វើដំណើរមកពីប្រទេសអូបេគីស្ថានគឺមានកីឡាករ ណាស្រេឌីនូវ អាន់វ៉ា និងកីឡាករ រ៉ាចាពៅ អាប់ឌុលឡា បន្ទាប់ពីពួកគេសម្ងំហ្វឹកហាត់នៅទីនោះ។ លោក ប៊ុយ សុភ័ណ្ឌ អគ្គលេខាធិការ និងជាប្រធានប្រតិភូបានចាត់ទុកបេសកកម្មនេះគឺជាការធ្វើតេស្ដដ៏សំខាន់ សម្រាប់កីឡាករប្រដាល់សកលជម្រើសជាតិកម្ពុជា ដើម្បីត្រៀមឆ្ពោះទៅស៊ីហ្គេមឆ្នាំ២០២៣ ដែលជាការវាស់ស្ទង់សមត្ថភាពរបស់កីឡាករម្នាក់ៗ បន្ទាប់ពីការហ្វឹកហាត់ជាមួយគ្រូបង្វឹកជនជាតិកាហ្សាក់ស្ថានលោក Kassymkhanov Berikbol Amantayevich ដែលឧបត្ថម្ភគាំទ្រដោយគណៈកម្មាធិការជាតិ CAMSOC៕អត្ថបទ៖ លី ឈុនឡា

វីរកីឡាការិនី ខាន់ ចេសា ទទួលបានការសាទរជាថ្មី ក្រោយឈ្នះមេដាយមាសជើងឯកពិភពលោក

ជឺជីតស៊ូ៖ កីឡាការិនីជឺជីតស៊ូជម្រើសជាតិ ខាន់ ចេសា បាននាំមកនូវកិត្តិយសជូនជាតិជាថ្មី បន្ទាប់ពីដណ្ដើមបានមេដាយមាសក្នុងការប្រកួតជ្រើសរើសជើងឯកពិភពលោក Ju-Jitsu World Championship 2022 នៅទីក្រុងអាប៊ូដាប៊ី ប្រទេសអារ៉ាប់រួម ក្រោយយកឈ្នះកីឡាការិនីអេស្ប៉ាញ Matthews Martin Naiomi ក្នុងវគ្គផ្ដាច់ព្រ័ត្រកាលពីយប់មិញ។ អ្វីដែលពិសេសក្រោយទទួលបានជ័យជម្នះភ្លាមៗ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក៏បានផ្ញើសារចូលរួមអបអរសាទរវីរកីឡាការិនី ខាន់ ចេសា ចំពោះការដណ្ដើមបានមេដាយមាសជូនជាតិមាតុភូមិនេះផងដែរ។ ម្ចាស់មេដាយមាសកីឡាអាស៊ីឆ្នាំ២០១៨ រូបនេះគឺជាអត្តពលិកកម្ពុជាម្នាក់ក្នុងចណោម ៣នាក់ដែលចូលរួមព្រឹត្តិការណ៍ពិភពលោកនេះដោយកញ្ញាបានប្រកួតលើវិញ្ញាសា Jiu Jitsu (Newaza) ទម្ងន់ក្រោម ៥២គីឡូក្រាម ។ វិញ្ញាសានេះមានបេក្ខភាពប្រកួតប្រជែង ១៧រូបដោយប្រើប្រព័ន្ធប្រកួតជម្រុះចាញ់ធ្លាក់ ខណៈ ចេសា បានយកឈ្នះគូប្រកួត ៥ប្រកួតៗគ្នាដើម្បីក្លាយជាម្ចាស់មេដាយមាស។ សម្រាប់លទ្ធផលការប្រកួតក្នុងនាមកីឡាការិនីដែលឈរចាំនៅជុំទី២ ឬវគ្គ ១៦នាក់ចុងក្រោយ ខាន់ ចេសា បានផ្ដួលដៃគូឲ្យបោះបង់ការប្រកួត ៣ប្រកួតជាប់គ្នា ក្នុងនោះជុំទី២ កញ្ញាបានផ្ដួលកីឡាការិនីហ្វីលីពីន Baluyot Ashley Jeraine ដោយប្រើពេលត្រឹម ២នាទី និង ២៣វិនាទី និងផ្ដួលកីឡាការិនីម្ចាស់ផ្ទះអារ៉ាប់រួម Shraim Maitha ដោយប្រើពេលត្រឹមតែ ៥៣វិនាទីនៅជុំទី៣ មុនបន្ដផ្ដួលកីឡាការិនីអ៊ីស្រាអ៊ែល Aronov Pnina ដោយប្រើពេល ៣នាទី និង ១៩វិនាទីនៅក្នុងវគ្គពាក់កណ្ដាលផ្ដាច់ព្រ័ត្រ។ឈានដល់វគ្គផ្ដាច់ព្រ័ត្រ សម្រាប់ការជួបជើងខ្លាំងមកពីតំបន់អឺរ៉ុប ទោះបី ចេសា មិនអាចផ្ដួលដៃគូឲ្យបោះបង់ការប្រកួតដូចកីឡាការិនីហ្វីលីពីន អារ៉ាប់រួម និងអ៊ីស្រាអ៊ែលយ៉ាងណាក្ដី តែកីឡាការិនីវ័យ ២១ឆ្នាំរូបនេះបានប្រើបច្ចេកទេសពិសេសរបស់ខ្លួនដោយចាប់ឃ្លេកីឡាការិនីអេស្ប៉ាញ Matthews Martin Naiomi រយៈពេល ៦នាទីពេញស្ទើររើមិនរួច ហើយជាលទ្ធផលអាជ្ញាកណ្ដាលបានផ្ដល់ជ័យជម្នះដោយពិន្ទុ ដល់កីឡាការិនីឆ្នើមរបស់កម្ពុជាដែលក្លាយជាម្ចាស់មេដាយមាសលើវិញ្ញាសាក្រោមទម្ងន់ ៥២គីឡូក្រាមតែម្ដង។ តាមរយៈជ័យជម្នះនេះក៏ទទួលបានការសាទរពីឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) និងអគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) ផងដែរ ដោយឯកឧត្តមបានកោតសរសើរចំពោះការខិតខំប្រឹងប្រែងរបស់ ខាន់ ចេសា ហើយឯកឧត្តមរំពឹងថា មេដាយមាសនេះនឹងក្លាយជាកម្លាំងចលនាដ៏សំខាន់មួយទៀត សម្រាប់សហព័ន្ធក្នុងដំណើរឆ្ពោះទៅមេដាយខ្ពស់បំផុតនៅស៊ីហ្គេមឆ្នាំ២០២៣៕អត្ថបទ៖ លី ឈុនឡា

ជប៉ុនប្រកាសកីឡាករ ២៦នាក់មុនគេសម្រាប់ World Cup និងដាក់គោលដៅឡើងដល់វគ្គ ៨ក្រុម

បាល់ទាត់៖ ជប៉ុនបានក្លាយជាក្រុមបាល់ទាត់មុនគេបង្អស់ ដែលបង្ហាញបញ្ជីឈ្មោះកីឡាករទាំង ២៦នាក់សម្រាប់ World Cup 2022 នៅកាតាក្នុងខែនេះ និងបានដាក់គោលដៅឡើងដល់វគ្គ ៨ក្រុមចុងក្រោយ។ គ្រូបង្វឹកជប៉ុនលោក Hajime Moriyasu មិនបានកោះហៅខ្សែប្រយុទ្ធ Celtic, Kyogo Furuhashi និងខ្សែប្រយុទ្ធ Vissel Kobe, Yuya Osako ឡើយសំរាប់ជម្រើសកីឡាករទាំង ២៦នាក់នេះ។ ចំណែកឯខ្សែបម្រើក្រុម Union Berlin ដែលកំពុងនាំមុខគេនៅ Bundesliga, Genki Haraguchi ក៏មិនត្រូវបានកោះហៅផងដែរ។ ក្រុមបាល់ទាត់ជប៉ុនមិនដែលមានប្រវត្តិឆ្លងផុតវគ្គ ១៦ក្រុមចុងក្រោយឡើយនៅ World Cup តែលោក Hajime Moriyasu បានដាក់គោលដៅឡើងឱ្យដល់វគ្គ ៨ក្រុមចុងក្រោយនៅកាតាឆ្នាំនេះ បើទោះជាស្ថិតក្នុងពូលជាមួយក្រុមខ្លាំងដូចជាអេស្ប៉ាញ អាល្លឺម៉ង់ និងកូស្តារីកាក្តី។ ជប៉ុននឹងត្រូវចាប់ផ្តើមបេសកកម្មរបស់ខ្លួននៅ World Cup ឆ្នាំនេះដោយនឹងត្រូវជួបជាមួយក្រុមអាល្លឺម៉ង់នៅថ្ងៃទី២៣ ខែវិច្ឆិកានេះ៕អត្ថបទ៖នាង សុភាវុធ

Manchester City ទំនងដាក់កីឡាករក្មេងៗចូលលេងយប់នេះទល់នឹង Sevilla

បាល់ទាត់៖ ក្រុមអង់គ្លេស Manchester City ទំនងជានឹងដាក់កីឡាករក្មេងៗឱ្យចូលលេងរាត្រីនេះពេលទទួលភ្ញៀវ Sevilla ដែលជាការប្រកួតបង្គ្រប់កិច្ចក្នុងពូល G នៃក្របខណ្ឌ UEFA Champions League។ លោក Pep Guardiola បាននិយាយក្នុងសន្និសីទសារព័ត៌មានមុនការប្រកួតថា កីឡាករដែលមិនសូវបានលេងជាប់លាប់នឹងត្រូវដាក់ឱ្យចូលលេងយប់នេះ។ កីឡាករក្មេងៗរបស់ City ដូចជា Cole Palmer និង Rico Lewis ត្រូវបានគេរំពឹងថាចូលលេង ខណៈដែលខ្សែប្រយុទ្ធជួរមុខ Erling Haaland បន្តអវត្តមាន។ Erling Haaland ដែលបានស៊ុតបញ្ចូលទី ២២គ្រាប់ក្នុងការបង្ហាញខ្លួន ១៥ប្រកួតរដូវកាលនេះស្ថិតក្នុងស្ថានភាពស្រួលបួល ១០០% ហើយ តែនឹងអាចចូលលេងពេលជួប Fulham ចុងសប្តាហ៍នេះ។ ចំណាត់ថ្នាក់ក្រុមទាំង ៤ នៅក្នុងពូល D បានដឹងច្បាស់លាស់អស់ហើយ ថ្វីបើនៅសល់មួយប្រកួតយប់នេះក្តី ដោយ Manchester City ឈរលេខ១, Borussia Dortmund ឈរលេខ២, Seviila ឈរលេខ៣ មានកៅអីនៅ Europa League និងលេខ៤ FC Copenhagen៕អត្ថបទ៖នាង សុភាវុធ

Spurs ឡើងវគ្គ ១៦ក្រុមចុងក្រោយ UCL ក្រោយឈ្នះនៅទឹកដី Marseille

បាល់ទាត់៖ ក្រុម Tottenham Hotspur ទីបំផុតបានឈានឡើងវគ្គ ១៦ក្រុមចុងក្រោយ និងជាក្រុមលេខ១ ក្នុងពូល D ក្រោយយកឈ្នះនៅទឹកដីបារាំងរបស់ Olympique Marseille ដោយលទ្ធផល ២-១ ទាំងប្រផិតប្រផើយនៅចុងម៉ោង។ បួនក្រុមពូល D នេះសុទ្ធតែមានឱកាសឡើងវគ្គបន្តទាំងអស់ ដោយទាមទារជ័យជំនះរៀងខ្លួន។ ម្ចាស់ផ្ទះ Marseille បានបើកការនាំមុខមុននៅនាទីទី៤៥+២ ចុងវគ្គទី១ ដោយខ្សែការពារ Chancel Mbemba ដោយលទ្ធផលបណ្តោះអាសន្នត្រឹមវគ្គទី១ នោះមានន័យថា Spurs ឈរលេខ៣ ក្នុងពូល។ យ៉ាងណាក្តីនៅវគ្គទី២ លេងបាន ៩នាទី Clement Lenglet ជាអ្នកតាមស្មើវិញឱ្យ Spurs ហើយលទ្ធផលស្មើក៏អាចឱ្យ Spurs ទៅវគ្គបន្តផងដែរ។ក្រុមម្ចាស់ផ្ទះ Marseille បានព្យាយាមវាយសម្រុកខ្លាំង ដើម្បីរកគ្រាប់ជ័យជំនះតែមិនបានសម្រេច បែជារបូតគ្រាប់វិញនៅចុងម៉ោងនាទីទី៩០+៥ ដោយ Pierre-Emile Hojbjerg។ បីពិន្ទុនេះមិនត្រឹមធ្វើឱ្យ Spurs ឡើងវគ្គបន្តទេ តែថែមទាំងបញ្ចប់លេខ ១ ក្នុងពូល D ផងដែរ។ ចំណែកឯលេខ២ ក្នុងពូលគឺក្រុមជើងឯក Europa League រដូវកាលមុន Eintracht Frankfurt ដែលបានយកឈ្នះនៅទឹកដី Sporting Lisbon ២-១ ខណៈក្រុមព័រទុយហ្កាល់មួយនេះនៅសល់កៅអី Europa League ក្នុងនាមជាក្រុមលេខ៣ ក្នុងពូល៕អត្ថបទ៖នាង សុភាវុធ

Bayern Munich បិទបញ្ចប់ពូល C ឈ្នះទាំង ៦ប្រកួត

បាល់ទាត់៖ ក្រុមជើងឯកអាល្លឺម៉ង់ Bayern Munich ដែលមានកៅអីនៅវគ្គ ១៦ក្រុមចុងក្រោយទៅហើយនោះនៅតែបន្តយកឈ្នះក្រុមភ្ញៀវ Inter Milan ២-០ ដើម្បីបិទបញ្ចប់ការប្រកួតវិលជុំក្នុងពូល C ឈ្នះទាំង ៦ប្រកួត។ ពីរគ្រាប់ជ័យជំនះរបស់ Bayern Munich សម្រេចបានដោយ Benjamin Pavard និង Eric Maxim Choupo-Moting។ ជ័យជំនះនេះធ្វើឱ្យ Bayern Munich មាន ១៨ពិន្ទុពេញពីការប្រកួតឈ្នះទាំង ៦ប្រកួត ខណៈ Inter Milan ដែលមានកៅអីនៅជុំបន្តដែរនោះបានលេខ២ ក្នុងពូលមាន ១០ពិន្ទុ។ រីឯ Barcelona បានធ្លាក់ពីវគ្គវិលជុំក្នុងពូល UEFA Champions League ពីររដូវកាលជាប់គ្នាបើទោះជាឈ្នះនៅទឹកដី Viktoria Plzen ៤-២ យប់មិញក៏ដោយ៕អត្ថបទ៖នាង សុភាវុធ

Atletico Madrid ចាញ់នៅផ្ទះ Porto សូម្បីកៅអី Europa League ក៏បាត់

បាល់ទាត់៖ ក្រុមអេស្ប៉ាញ Atletico Madrid បានធ្លាក់ចេញពីវគ្គចែកពូល UEFA Champions League ជាលើកទី២ ក្នុងប្រវត្តិសាស្ត្រក្រោយចាញ់នៅទឹកដី Porto ២-១ បាត់ទាំងកៅអី Europa League ទៅទៀត។ ក្រុមរបស់លោក Diego Simeone សង្ឃឹមថានឹងនៅសល់ក្តីសង្ឃឹមខ្លះនៅ Europa League ក្រោមស្មើនៅទឹកដី Leverkusen សប្តាហ៍មុន តែពីរគ្រាប់ក្នុងវគ្គទី១ របស់ម្ចាស់ផ្ទះ Porto ដោយខ្សែប្រយុទ្ធអ៊ីរ៉ង់ Mehdi Taremi និង Stephen Eustaquio គ្រប់គ្រាន់ល្មមធ្វើឱ្យ Porto បញ្ចប់ការប្រកួតក្នុងពូល B ជាក្រុមលេខ១ ទោះបី Atletico Madrid តាមបានមួយគ្រាប់នៅចុងម៉ោងក៏ដោយ។ នេះជាលើកដំបូងរបស់លោក Diego Simeone ដែលបានដឹកនាំ Atletico Madrid បញ្ចប់បាតពូលនៅ UCL តាំងពីចូលកាន់តំណែងនៅឆ្នាំ២០១១។ Atletico Madrid ធ្លាប់ធ្លាក់ពីវគ្គវិលជុំក្នុងពូលពីរលើកក្នុងនោះលើកទី១ រដូវកាល ២០០៩-២០១០ និងលើកទី២ រដូវកាល ២០១៧-២០១៨ ដែលធ្លាក់ទៅទើនៅ Europa League និងលើកពានតែម្តង។ សំពាធក៏ធ្លាក់កាន់ខ្លាំងទៅលើអ្នកចាត់ការអាហ្សង់ទីន Diego Simeone ក្រោយ Atletico Madrid ឈ្នះតែ ៤ប្រកួតប៉ុណ្ណោះក្នុង ១២ប្រកួតចុងក្រោយគ្រប់ក្របខណ្ឌ។ មួយគូទៀតក្នុងពូល B នេះ Club Bruges បន្តដំណើរទៅជុំបន្តតែត្រឹមជាក្រុមលេខ២ ក្នុងពូលក្រោយស្មើនៅទឹកដី Leverkusen ០-០ ខណៈក្រុមអាល្លឺម៉ង់ក្រោមការដឹកនាំរបស់ Xabi Alonso នៅសល់កៅអីនៅ Europa League៕អត្ថបទ៖នាង សុភាវុធ

អាស៊ីកោតសរសើរពីការជំរុញចលនាស្ដ្រីក្នុងកីឡារបស់កម្ពុជា

អូឡាំពិក៖ បណ្ដាសមាជិកគណៈកម្មាធិការអូឡាំពិកអាស៊ី (OCA) បានសម្ដែងការកោតសរសើរចំពោះការជំរុញចលនាស្ដ្រីក្នុងវិស័យកីឡា តាមរយៈការធ្វើបទបង្ហាញរបស់មន្ដ្រីគណៈកម្មាធិការជាតិអូឡាំពិកកម្ពុជា ក្នុងសិក្ខាសាលាស្តីពីសមភាពយែនឌ័រក្នុងវិស័យកីឡា Olympic Council of Asia Gender Equity seminar នៅប្រទេសបារ៉ែនកាលពីដើមសប្ដាហ៍កន្លងទៅ។នេះបើតាមការបញ្ជាក់របស់លោក ញ៉ាន សុខវិសាល ប្រធាននាយកដ្ឋានទំនាក់ទំនងកិច្ចការអន្ដរជាតិ បន្ទាប់ពីគណៈកម្មាធិការជាតិអូឡាំពិកកម្ពុជាបានបញ្ចូនរូបលោក រួមជាមួយលោកស្រី ប្រាក់ សម្ផស្ស អនុប្រធានគណៈកម្មការស្ដ្រី និងកីឡា ចូលរួមសិក្ខាសាលាស្តីពីសមភាពយែនឌ័រក្នុងវិស័យកីឡារយៈពេល ២ថ្ងៃកាលពីថ្ងៃទី៣០ និងថ្ងៃទី៣១ ខែតុលា ឆ្នាំ២០២២។ លោកថា សិក្ខាសាលានេះមានប្រតិភូមកពី ៤២ប្រទេសទ្វីបអាស៊ីចូលរួម ប៉ុន្ដែមាន ៤ប្រទេសប៉ុណ្ណោះដែលត្រូវបានជ្រើសរើសឲ្យធ្វើបទបង្ហាញ ក៏ដូចជាចែករំលែកពីចលនាស្ដ្រីក្នុងវិស័យកីឡាតាមបណ្ដាប្រទេសរបស់ខ្លួន ក្នុងនោះគឺមានកម្ពុជា ប៊ូតាន ម៉ុងហ្គោលី និងម្ចាស់ផ្ទះបារ៉ែន។ប្រធាននាយកដ្ឋានទំនាក់ទំនងកិច្ចការអន្ដរជាតិដដែលបន្ដថា ការធ្វើបង្ហាញរបស់ខ្លួនក្នុងនាមគណៈកម្មាធិការជាតិអូឡាំពិកកម្ពុជា បានផ្ដោតការយកចិត្តទុកដាក់លើការលើកកម្ពស់ស្ដ្រី របៀបយ៉ាងម៉េចក្នុងចលនាអូឡាំពិក ពិសេសកំឡុងពេលកូវីដ-១៩។ ក្នុងនោះកម្ពុជាក៏បានរៀបចំសិក្ខាសាលារបស់ស្ដ្រីផងដែរ អំឡុងវិបត្តិសកលនោះដោយរៀបចំឲ្យលោកស្រី ស៊ន សៀវម៉ី និងកញ្ញា ហែមថុន វិទិនី ចែករំលែក លើកទឹកចិត្ត និងបង្ហាញនូវរបៀបហាត់ប្រាណមួយចំនួន ដើម្បីឲ្យប្រជាពលរដ្ឋហាត់ប្រាណជាប្រចាំ តាមការណែនាំរបស់ខ្លួនកំឡុងពេលបិទខ្ទប់នៅផ្ទះដោយសារវិបត្តិកូវីដ-១៩ នោះ»។ តាមរយៈការធ្វើបទបង្ហាញរបស់យើងនេះ កម្ពុជាបានទទួលការកោតសរសើរពីបណ្ដាប្រទេសជាមិត្តក្នុងទ្វីបអាស៊ីទាំងអស់ថា កម្ពុជាធ្វើបទបង្ហាញបានយ៉ាងល្អ ពិសេសគឺការជំរុញចលនាស្ដ្រីក្នុងវិស័យកីឡានេះតែម្ដង។ នេះបើតាមការបញ្ជាក់បន្ថែមរបស់លោក ញ៉ាន សុខវិសាល៕អត្ថបទ៖ លី ឈុនឡា

Liverpool យកឈ្នះ Napoli តែនៅតែឈរលេខ២ ក្នុងពូល

បាល់ទាត់៖ ក្រុមហង្សក្រហម Liverpool បានបញ្ចប់ស្ថិតិឈ្នះរហូតរបស់ Napoli នៅក្នុងពូល A ក្រោយយកឈ្នះនៅទឹកដី Anfield ២-០ ប្រកួតបង្ហើយក្នុងពូល។ ក្រុមរបស់លោក Jurgen Klopp ទើបត្រលប់ពីបរាជ័យក្នុងទឹកដីខ្លួនឯងក្រោមស្នាដៃ Leeds កាលពីថ្ងៃសៅរ៍ តែគ្រាប់ជ័យជំនះទាំងពីរគ្រាប់របស់ Liverpool យប់មិញត្រូវរង់ចាំដល់ចុងម៉ោង។ Mohamed Salah ជាអ្នករកបានគ្រាប់ដំបូងនៅនាទីទី៨៥ ខណៈ Darwin Nunez ធ្វើបាននៅនាទីទី៩០+៨។ ជ័យជំនះ Liverpool នៅតែបញ្ចប់ការប្រកួតក្នុងពូល A នេះនៅចំណាត់ថ្នាក់លេខ២ ពីក្រោម Napoli ដដែលមាន ១៥ពិន្ទុដូចគ្នា តែបានបញ្ចប់ស្ថិតិមិនចាញ់សោះរបស់ Napoli ២១ប្រកួតជាប់គ្នាគ្រប់ក្របខណ្ឌ។ ក្រុមទាំងពីរបានដឹកដៃគ្នាឡើងវគ្គ ១៦ក្រុមចុងក្រោយ ខណៈលេខ៣ ក្នុងពូលដែលមានកៅអីមួយនៅវគ្គ Play-Off UEFA Europa League នោះគឺ Ajax Amsterdam ដែលបានយកឈ្នះនៅទឹកដី Rangers ៣-១។ Rangers បានក្លាយជាក្រុមស្កុតឡេនដំបូងគេ ដែលលេងវគ្គវិលជុំក្នុងពូលដោយគ្មានពិន្ទុរាប់សោះចាញ់ទាំង ៦ប្រកួត និងជាក្រុមទី២២ ក្នុងប្រវត្តិសាស្ត្រ Champions League ដែលមានកំណត់ត្រាអាក្រក់បែបនេះ៕អត្ថបទ៖នាង សុភាវុធ

អ្នកលេងម៉ូតូត្រៃ ជា លីឃាង ប្ដេជ្ញាស្វែងរកជ័យជម្នះជូនជាតិក្នុងព្រឹត្តិការណ៍អន្ដរជាតិនៅកូរ៉េ

ប្រណាំងម៉ូតូ៖ កីឡាករប្រណាំងម៉ូតូត្រៃជើងខ្លាំងកម្ពុជា ជា លីឃាង បានធ្វើដំណើរទៅសាធារណរដ្ឋកូរ៉េហើយកាលពីរាត្រីថ្ងៃទី០១ ខែវិច្ឆិកា ឆ្នាំ២០២២ ដើម្បីចូលរួមព្រឹត្តិការណ៍ប្រណាំងម៉ូតូអន្ដរជាតិ Extreme Enduro Sanlim Husqvarna Championship 2022 ចាប់ពីថ្ងៃទី០៤ ដល់ថ្ងៃទី០៦ ខែវិច្ឆិកាខាងមុខ ក្រោមការដឹកនាំ និងឧបត្ថម្ភទាំងស្រុងដោយលោក សេង តារា តំណាងសហគមន៍អ្នកជំនួញប្រទេសកូរ៉េ។ មុនចាកចេញពីមាតុភូមិ ជា លីឃាង បានសម្ដែងសេចក្ដីរីករាយដែលបានចូលរួមព្រឹត្តិការណ៍ដ៏ធំ នៅសាធារណរដ្ឋកូរ៉េ ទោះបីខ្លួនត្រូវប្រកួតលើវិញ្ញាសាថ្មីបែប Extreme Enduro ដែលជាវិញ្ញាសាជិះតាមជ្រលង និងឡើងភ្នំក៏ដោយ។ លីឃាង បានប្ដេជ្ញានឹងខិតខំឲ្យអស់ពីសមត្ថភាព ដើម្បីស្វែងរកជ័យជម្នះជូនជាតិ ក៏ដូចជាបង្ហាញឲ្យឆាកអន្ដរជាតិបានដឹងថា កម្ពុជាក៏មានកីឡាករចូលរួមព្រឹត្តិការណ៍អន្ដរជាតិនេះដែរ។ ដោយឡែកលោក សេង តារាង បានគូសបញ្ជាក់ថា ដោយសារការស្រលាញ់វិស័យកីឡាយានយន្ដ និងចង់រួមចំណែកអភិវឌ្ឍន៍កីឡាមួយនេះ ពិសេសចង់ឃើញកីឡាករកម្ពុជាមានវត្តមានក្នុងព្រឹត្តិការណ៍អន្ដរជាតិ ទើបខ្លួនសម្រេចឧបត្ថម្ភកីឡាករ ជា លីឃាង ចូលរួមការប្រកួត Extreme Enduro Sanlim Husqvarna Championship 2022។ បន្ថែមលើនេះលោកក៏មានគម្រោងនាំយកកីឡាករផ្សេងៗ ទៅប្រកួតនាពេលក្រោយទៀតផង។ក្នុងការឱកាសជូនដំណឹងកូនក្រុមឡើងយន្ដហោះផងដែរ លោក សុខ តាំង ដែលជាគ្រូបង្វឹកផ្ទាល់របស់ ជា លីឃាង បានបង្ហាញជំនឿចិត្តយ៉ាងមុតមាំលើកូនសិស្សរបស់ខ្លួន ទោះបីត្រូវប្រកួតលើវិញ្ញាសាថ្មីក៏ដោយ។ គួរដឹងថា ការប្រកួតរយៈពេល ៣ថ្ងៃលើទឹកដីកូរ៉េនាចុងសប្ដាហ៍នេះគឺមានអត្តពលិកមកពី ៦ប្រទេសចូលរួមគឺមានកម្ពុជា ជប៉ុន រុស្ស៊ី ថៃ ឆាយនីសតៃប៉ិ និងម្ចាស់ផ្ទះកូរ៉េខាងត្បូង។ បេសកកម្មនេះក៏មានការគាំទ្រពេញទំហឹងពីសហព័ន្ធកីឡាយានយន្ដកម្ពុជាផងដែរ។ សម្រាប់ ជា លីឃាង នេះជាលើកដំបូងហើយដែលគេបានចូលរួមប្រកួតអន្ដរជាតិ ក្រៅតំបន់អាស៊ាន ដ្បិតកន្លងរូបគេក៏ធ្លាប់ចូលរួមប្រកួតអន្ដរជាតិនៅប្រទេសថៃផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

កម្ពុជាធ្វើជាម្ចាស់ផ្ទះកិច្ចប្រជុំកិច្ចសហប្រតិបត្ដិការអាស៊ានស្ដីពីមុខងារសាធារណៈលើកទី២៣ និងកិច្ចប្រជុំពាក់ព័ន្ធ

អង្គការ OPECបូក អនុម័តការបង្កើនប្រេង១៨៨.០០០បារ៉ែលក្នុងមួយថ្ងៃ ចាប់ពីខែកញ្ញា

ក្រុមអាជ្ញាធរនិយាយថា មនុស្សប្រាំនាក់ស្លាប់ និង ៤១ នាក់បាត់ខ្លួន ក្រោយនាវាចម្លងបានឆាបឆេះនៅឥណ្ឌូនេស៊ី

អភិបាលក្រុងមូស្គូ៖ ការវាយប្រហារដោយគ្រាប់បែកកាលពីថ្ងៃសៅរ៍លើភោជនីយដ្ឋានជា «សកម្មភាពភេរវកម្ម»

ការវាយប្រហារដាក់គ្នារវាងរុស្ស៊ី និងអ៊ុយក្រែន បានសម្លាប់មនុស្ស ១៤ នាក់ក្នុងប្រទេសទាំងពីរ

លោកTrump៖ ការចរចាជាមួយអ៊ីរ៉ង់នឹងធ្វើឡើងនៅថ្ងៃចន្ទនេះ ប៉ុន្តែពុំកំណត់ថ្ងៃកាលបរិច្ឆេទសម្រាប់កិច្ចព្រមព្រៀង

មនុស្សច្រើននាក់ត្រូវបានសម្លាប់នៅហ្កាហ្សា ខណៈអ៊ីស្រាអែលថាគ្មានកិច្ចព្រមព្រៀងបញ្ឈប់ការវាយប្រហារទេ

ការស្លាប់ជនអន្តោប្រវេសន៍នៅទីក្រុងសេអ៊ូតាប្រទេសអេស្ប៉ាញឡើងដល់ជាង៧០នាក់ ក្រោយសម្រុកឆ្លងដែនពីម៉ារ៉ុក

[UPDATE] បងប្អូនជនជាតិរុស្ស៊ី ដែលបាត់ខ្លួនត្រូវបានរកឃើញស្លាប់ក្នុងប្រទេសថៃ ដោយជនសង្ស័យសារភាពថាបានប្លន់សម្លាប់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សៅ រង្សី ចាញ់អ៊ីរ៉ង់ទាំងប្រផិតប្រផើយនៃការប្រកួតប្រដាល់សកលជើងឯកអាស៊ីនៅហ្ស៊កដានី

វីរកីឡាការិនី ខាន់ ចេសា ទទួលបានការសាទរជាថ្មី ក្រោយឈ្នះមេដាយមាសជើងឯកពិភពលោក

ជប៉ុនប្រកាសកីឡាករ ២៦នាក់មុនគេសម្រាប់ World Cup និងដាក់គោលដៅឡើងដល់វគ្គ ៨ក្រុម

Manchester City ទំនងដាក់កីឡាករក្មេងៗចូលលេងយប់នេះទល់នឹង Sevilla

Spurs ឡើងវគ្គ ១៦ក្រុមចុងក្រោយ UCL ក្រោយឈ្នះនៅទឹកដី Marseille

Bayern Munich បិទបញ្ចប់ពូល C ឈ្នះទាំង ៦ប្រកួត

Atletico Madrid ចាញ់នៅផ្ទះ Porto សូម្បីកៅអី Europa League ក៏បាត់

អាស៊ីកោតសរសើរពីការជំរុញចលនាស្ដ្រីក្នុងកីឡារបស់កម្ពុជា

Liverpool យកឈ្នះ Napoli តែនៅតែឈរលេខ២ ក្នុងពូល

អ្នកលេងម៉ូតូត្រៃ ជា លីឃាង ប្ដេជ្ញាស្វែងរកជ័យជម្នះជូនជាតិក្នុងព្រឹត្តិការណ៍អន្ដរជាតិនៅកូរ៉េ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សៅ រង្សី ចាញ់​អ៊ីរ៉ង់ទាំង​ប្រផិតប្រផើយ​នៃ​ការប្រកួត​ប្រដាល់​សកល​ជើងឯក​អាស៊ី​នៅ​ហ្ស៊​កដា​នី

វីរកីឡាការិនី ខាន់ ចេ​សា ទទួល​បានការ​សាទរ​ជាថ្មី ក្រោយ​ឈ្នះ​មេដាយមាស​ជើងឯក​ពិភពលោក​

ជប៉ុន​ប្រកាស​កីឡាករ ២៦​នាក់​មុនគេ​សម្រាប់ World Cup និង​ដាក់​គោលដៅ​ឡើង​ដល់​វគ្គ ៨​ក្រុម​

Manchester City ទំនង​ដាក់​កីឡាករ​ក្មេងៗ​ចូល​លេង​យប់​នេះ​ទល់នឹង Sevilla

Spurs ឡើង​វគ្គ ១៦​ក្រុម​ចុងក្រោយ UCL ក្រោយ​ឈ្នះ​នៅ​ទឹកដី Marseille

Bayern Munich បិទ​បញ្ចប់​ពូ​ល C ឈ្នះ​ទាំង ៦​ប្រកួត​

Atletico Madrid ចាញ់​នៅ​ផ្ទះ Porto សូម្បី​កៅអី Europa League ក៏​បាត់​

អាស៊ី​កោតសរសើរ​ពី​ការជំរុញ​ចលនា​ស្ដ្រី​ក្នុង​កីឡា​របស់​កម្ពុជា​

Liverpool យកឈ្នះ Napoli តែ​នៅតែ​ឈរ​លេខ២ ក្នុង​ពូ​ល

អ្នកលេង​ម៉ូតូ​ត្រៃ ជា លី​ឃាង ប្ដេជ្ញា​ស្វែងរក​ជ័យជម្នះ​ជូន​ជាតិក្នុង​ព្រឹត្តិការណ៍​អន្ដរជាតិនៅ​កូរ៉េ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សៅ រង្សី ចាញ់អ៊ីរ៉ង់ទាំងប្រផិតប្រផើយនៃការប្រកួតប្រដាល់សកលជើងឯកអាស៊ីនៅហ្ស៊កដានី

វីរកីឡាការិនី ខាន់ ចេសា ទទួលបានការសាទរជាថ្មី ក្រោយឈ្នះមេដាយមាសជើងឯកពិភពលោក

ជប៉ុនប្រកាសកីឡាករ ២៦នាក់មុនគេសម្រាប់ World Cup និងដាក់គោលដៅឡើងដល់វគ្គ ៨ក្រុម

Manchester City ទំនងដាក់កីឡាករក្មេងៗចូលលេងយប់នេះទល់នឹង Sevilla

Spurs ឡើងវគ្គ ១៦ក្រុមចុងក្រោយ UCL ក្រោយឈ្នះនៅទឹកដី Marseille

Bayern Munich បិទបញ្ចប់ពូល C ឈ្នះទាំង ៦ប្រកួត

Atletico Madrid ចាញ់នៅផ្ទះ Porto សូម្បីកៅអី Europa League ក៏បាត់

អាស៊ីកោតសរសើរពីការជំរុញចលនាស្ដ្រីក្នុងកីឡារបស់កម្ពុជា

Liverpool យកឈ្នះ Napoli តែនៅតែឈរលេខ២ ក្នុងពូល

អ្នកលេងម៉ូតូត្រៃ ជា លីឃាង ប្ដេជ្ញាស្វែងរកជ័យជម្នះជូនជាតិក្នុងព្រឹត្តិការណ៍អន្ដរជាតិនៅកូរ៉េ