BTV NEWS

ឯកឧត្តមឧបនាយករដ្ឋមន្ត្រី ស៊ុន ចាន់ថុល បន្តជាប់ជាប្រធានសហព័ន្ធកីឡាក្នុងទឹកកម្ពុជាអាណត្តិទី៨ ឆ្នាំ២០២៥-២០២៩

យុទ្ធគុនចម្រុះកម្ពុជាឈ្នះមេដាយកម្រិតទ្វីប ៣គ្រឿង ខណៈមន្ដ្រីសហព័ន្ធទទូចឲ្យមានការគាំទ្របន្ថែម

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

ព័ត៌មានកីឡា

អ្នកលេងម៉ូតូត្រៃ ជា លីឃាង ប្ដេជ្ញាស្វែងរកជ័យជម្នះជូនជាតិក្នុងព្រឹត្តិការណ៍អន្ដរជាតិនៅកូរ៉េ

ប្រណាំងម៉ូតូ៖ កីឡាករប្រណាំងម៉ូតូត្រៃជើងខ្លាំងកម្ពុជា ជា លីឃាង បានធ្វើដំណើរទៅសាធារណរដ្ឋកូរ៉េហើយកាលពីរាត្រីថ្ងៃទី០១ ខែវិច្ឆិកា ឆ្នាំ២០២២ ដើម្បីចូលរួមព្រឹត្តិការណ៍ប្រណាំងម៉ូតូអន្ដរជាតិ Extreme Enduro Sanlim Husqvarna Championship 2022 ចាប់ពីថ្ងៃទី០៤ ដល់ថ្ងៃទី០៦ ខែវិច្ឆិកាខាងមុខ ក្រោមការដឹកនាំ និងឧបត្ថម្ភទាំងស្រុងដោយលោក សេង តារា តំណាងសហគមន៍អ្នកជំនួញប្រទេសកូរ៉េ។ មុនចាកចេញពីមាតុភូមិ ជា លីឃាង បានសម្ដែងសេចក្ដីរីករាយដែលបានចូលរួមព្រឹត្តិការណ៍ដ៏ធំ នៅសាធារណរដ្ឋកូរ៉េ ទោះបីខ្លួនត្រូវប្រកួតលើវិញ្ញាសាថ្មីបែប Extreme Enduro ដែលជាវិញ្ញាសាជិះតាមជ្រលង និងឡើងភ្នំក៏ដោយ។ លីឃាង បានប្ដេជ្ញានឹងខិតខំឲ្យអស់ពីសមត្ថភាព ដើម្បីស្វែងរកជ័យជម្នះជូនជាតិ ក៏ដូចជាបង្ហាញឲ្យឆាកអន្ដរជាតិបានដឹងថា កម្ពុជាក៏មានកីឡាករចូលរួមព្រឹត្តិការណ៍អន្ដរជាតិនេះដែរ។ ដោយឡែកលោក សេង តារាង បានគូសបញ្ជាក់ថា ដោយសារការស្រលាញ់វិស័យកីឡាយានយន្ដ និងចង់រួមចំណែកអភិវឌ្ឍន៍កីឡាមួយនេះ ពិសេសចង់ឃើញកីឡាករកម្ពុជាមានវត្តមានក្នុងព្រឹត្តិការណ៍អន្ដរជាតិ ទើបខ្លួនសម្រេចឧបត្ថម្ភកីឡាករ ជា លីឃាង ចូលរួមការប្រកួត Extreme Enduro Sanlim Husqvarna Championship 2022។ បន្ថែមលើនេះលោកក៏មានគម្រោងនាំយកកីឡាករផ្សេងៗ ទៅប្រកួតនាពេលក្រោយទៀតផង។ក្នុងការឱកាសជូនដំណឹងកូនក្រុមឡើងយន្ដហោះផងដែរ លោក សុខ តាំង ដែលជាគ្រូបង្វឹកផ្ទាល់របស់ ជា លីឃាង បានបង្ហាញជំនឿចិត្តយ៉ាងមុតមាំលើកូនសិស្សរបស់ខ្លួន ទោះបីត្រូវប្រកួតលើវិញ្ញាសាថ្មីក៏ដោយ។ គួរដឹងថា ការប្រកួតរយៈពេល ៣ថ្ងៃលើទឹកដីកូរ៉េនាចុងសប្ដាហ៍នេះគឺមានអត្តពលិកមកពី ៦ប្រទេសចូលរួមគឺមានកម្ពុជា ជប៉ុន រុស្ស៊ី ថៃ ឆាយនីសតៃប៉ិ និងម្ចាស់ផ្ទះកូរ៉េខាងត្បូង។ បេសកកម្មនេះក៏មានការគាំទ្រពេញទំហឹងពីសហព័ន្ធកីឡាយានយន្ដកម្ពុជាផងដែរ។ សម្រាប់ ជា លីឃាង នេះជាលើកដំបូងហើយដែលគេបានចូលរួមប្រកួតអន្ដរជាតិ ក្រៅតំបន់អាស៊ាន ដ្បិតកន្លងរូបគេក៏ធ្លាប់ចូលរួមប្រកួតអន្ដរជាតិនៅប្រទេសថៃផងដែរ៕អត្ថបទ៖ លី ឈុនឡា

ស្ថាប័នជំនាញមិនគាំទ្រការបង្កប់ល្បែងស៊ីសងក្រោមរូបភាពកីឡា តែស្នើអាជ្ញាធរគួរថ្លឹងថ្លែងលើករណីខ្លះ

បាល់ទះ៖ ថ្មីៗនេះមានករណីអាជ្ញាធរចុះរុះរើតារាងបាល់ទះមួយកន្លែង ស្ថិតនៅភូមិមានកកើត ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង បន្ទាប់ពីទទួលបានដំណឹងពីប្រជាពលរដ្ឋថា តារាងបាល់ទះនេះមានការប្រកួតភ្នាល់លុយខ្ទប់ពាន់ដុល្លារដែលបង្កឲ្យមានការចាប់អារម្មណ៍ និងមានមតិជាច្រើនបានជជែកលើបណ្ដាញសង្គម ដោយមានមតិខ្លះបានគាំទ្រការអនុវត្តរបស់អាជ្ញាធររដ្ឋបាលស្រុកសាមគ្គីមានជ័យ ខណៈមតិខ្លះហាក់មិនពេញចិត្តការអនុវត្តបែបនេះឡើយ។ ជុំវិញករណីនេះ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា ក៏បានសម្ដែងការស្ទាក់ស្ទើរក្នុងការគាំទ្រចំណាត់ការរបស់រដ្ឋបាលស្រុកសាមគ្គីមានជ័យផងដែរ។ លោកថា លោកមិនគាំទ្រដាច់ខាតការបង្កប់ល្បែងស៊ីសងក្រោមរូបភាពកីឡា ដូចជាការបើកតារាងបាល់ទះ តែក្រោយផ្ទះមានលេងបៀរ ឬអាប៉ោងជាដើម។ ប៉ុន្ដែអាជ្ញាធរគួរមានឥរិយាបថទន់ភ្លន់ជាងនេះ ដែលអាចធ្វើការជូនដំណឹង ឬណែនាំមុនក្នុងករណីសង្ស័យ មុនឈានទៅអនុវត្តវិធានការរុះរើ។ មន្ដ្រីជាន់ខ្ពស់នៃស្ថាប័នកីឡាជំនាញ និងជាអាជ្ញាធរមួយរូបផងនោះ លោកបានបន្ដថា និយាយពីច្បាប់ គ្រប់រូបភាពនៃការភ្នាល់មិនថាលេងកីឡា ឬភ្នាល់ត្រឹម ១០០រៀលនោះទេសុទ្ធតែជាល្បែងស៊ីសង។ តែក្នុងករណីគួរតែមានការថ្លឹងថ្លែង ព្រោះពេលខ្លី ប្រជាពលរដ្ឋច្រើនយកទម្លាប់លេងចេញតុង (សេវាតាមតារាង) ឬលេងដាក់ទឹកសុទ្ធដើម្បីជំរុញឲ្យមានការលេងកីឡា ដើម្បីសុខភាព ស្របតាមយុទ្ធនាការរបស់រាជរដ្ឋាភិបាល ដែលជំរុញឲ្យប្រជាជនម្នាក់ត្រូវចេះលេងកីឡាមួយប្រភេទប្រចាំជីវិត។យ៉ាងណាមិញត្រឡប់ទៅកាន់អាជ្ញាធរដ្ឋបាលស្រុកសាមគ្គីមានជ័យនាខេត្តកំពង់ឆ្នាំង បន្ទាប់ពីមានមតិរិះគន់មួយចំនួនក៏បានធ្វើការបំភ្លឺផងដេរថា គណៈបញ្ជាការឯកភាពរដ្ឋបាលស្រុក បានទទួលដំណឹងពីប្រជាពលរដ្ឋបានរាយការណ៍ថា កន្លែងលេងបាល់ទះ ១កន្លែងនៅទីតាំងនោះមានការភ្នាក់ដាក់ប្រាក់រហូតដល់ជិតមួយពាន់ដុល្លារ។ គណៈបញ្ជាការឯកភាពរដ្ឋបាលស្រុកបានចុះធ្វើកិច្ចសន្យា និងណែនាំអប់រំដល់ម្ចាស់តារាងបាល់ទះឈ្មោះ កែវ ណរី ស្ថិតនៅភូមិមានកកើត ឃុំត្បែងខ្ពស់ ឈប់ឲ្យមានការភ្នាក់ ចំពោះកីឡាដែលលេងដើម្បីសុខភាព គណៈបញ្ជាការឯកភាពរដ្ឋបាលស្រុកពុំមានការហាមឃាត់នោះទេ មានតែលើកស្ទួយដល់វិស័យកីឡាបន្ថែមទៀត៕អត្ថបទ៖ លី ឈុនឡា

Max Verstappen ឈ្នះការប្រកួត F1 នៅម៉ិកស៊ិកបំបែកកំណត់ត្រាឈ្នះច្រើនបំផុតក្នុងមួយរដូវកាល

ប្រណាំងរថយន្ត៖ ជើងឯក F1 ពិភពលោក Max Verstappen បានបន្តជោគជ័យរបស់ខ្លួន បើទោះក្លាយជាជើងឯកពិភពលោកឆ្នាំ២០២២ រួចហើយក្តី ដោយបានប្រជែងឈ្នះការប្រកួតនៅទឹកដីម៉ិកស៊ិក បំបែកកំណត់ត្រាកីឡាករដែលឈ្នះច្រើនទីលានបំផុតក្នុងមួយរដូវកាល។ កីឡាកររបស់ក្រុម Red Bull រូបនេះចេញដំណើរនៅជួរមុខគេ និងរក្សាការនាំមុខតាំងពីពេលចេញដំណើររហូតដល់ទីព្រ័ត្រ ទោះបីមានការព្យាយាមវ៉ាដោយ Lewis Hamilton នៅជុំដំបូងក៏ដោយ។ Max Verstappen បានបំបែកកំណត់ត្រា Michael Schumacher ក៏ដូចជា Sebastian Vettel ដើម្បីឈ្នះការប្រកួតច្រើនទីលានបំផុតក្នុងមួយរដូវកាលសរុប ១៤ទីលាន។ Michael Schumacher ធ្លាប់ឈ្នះសរុប ១៣ទីលានកាលពីឆ្នាំ២០០៤ និង Sebastian Vettel ឈ្នះ ១៣ទីលាននៅឆ្នាំ២០១៣។Max Verstappen ទទួលបានចំណាត់ថ្នាក់លេខ១ នៅម៉ិកស៊ិកនេះតាមពីក្រោយ Lewis Hamilton និងលេខ៣ កីឡាករម្ចាស់ផ្ទះ Sergio Perez និងធ្វើឱ្យកីឡាករម៉ិកស៊ិករូបនេះឡើងមកលេខ២ ក្នុងតារាងជើងឯកពិភពលោកពីលើ Charles Leclerc ៥ពិន្ទុវិញ។ នៅសល់តែ ២ទីលានទៀតប៉ុណ្ណោះ F1 នឹងបិទបញ្ចប់រដូវកាល ២០២២ របស់ខ្លួនពោលគឺនៅថ្ងៃទី១១ ខែវិច្ឆិកានៅប្រេស៊ីល និងថ្ងៃទី១៨ នៅអារ៉ាប់រួម៕អត្ថបទ៖នាង សុភាវុធ

Flamengo គ្រងជើងឯកក្លិបកំពូលអាមេរិកខាងត្បូង Copa Libertadores

បាល់ទាត់៖ ក្លិបប្រេស៊ីល Flamengo បានក្លាយជាជើងឯកនៃព្រឹត្តិការណ៍បាល់ទាត់ជើងឯកក្លិបកំពូលអាមេរិកខាងត្បូង Copa Libertadores ដែលដូចគ្នានឹង UEFA Champions League នៅតំបន់អឺរ៉ុប។ ជាជំនួបវគ្គផ្តាច់ព្រ័ត្ររវាងក្លិបប្រេស៊ីលទាំង២ ដែលធ្វើឡើងនៅទឹកដីប្រទេសអេក្វាដ័រ ដោយក្រុម Athletico Paranaense មានឱកាសនាំមុខមុននៅដើមវគ្គទី១ តែ Alex Santana ស៊ុតនៅមុខទីមិនចូល មុនពេលដែល Pablo Henrique ទទួលបានកាតក្រហមបណ្តេញចេញពីការប្រកួតនៅនាទីទី៤៣។ នៅវគ្គទី១ ដដែលនាទីទី៤៥ ខ្សែប្រយុទ្ធប្រេស៊ីល Gabriel Barbosa គឺជាអ្នកស៊ុតសម្រេចគ្រាប់បាល់ជ័យជំនះឱ្យ Flamengo ដើម្បីគ្រងជើងឯក Copa Libertadores នេះជាលើកទី៣ ក្នុងប្រវត្តិសាស្ត្រក្លិប បន្ទាប់ពីឈ្នះពីរលើកចុងក្រោយតាំងពីឆ្នាំ១៩៨១ និង ២០១៩។ចំណែកឯ Athletico Paranaense ដែលបច្ចុប្បន្នដឹកនាំដោយអតីតអ្នកចាត់ការ Chelsea និងក្រុមជម្រើសជាតិប្រេស៊ីលលោក Luiz Felipe Scolari និងមានអតីតប្រធានក្រុម Manchester City, Fernandinho រួមក្រុមដែលនោះបានបរាជ័យនៅវគ្គផ្តាច់ព្រ័ត្រសាជាថ្មីតាំងពីឆ្នាំ២០០៥ ដែលចាញ់ Sao Paulo៕អត្ថបទ៖នាង សុភាវុធ

មួយគ្រាប់ចុងម៉ោងជួយឱ្យ Union Berlin រក្សាការនាំមុខនៅ Bundesliga

បាល់ទាត់៖ ក្រុមកំពូលតារាងនៅក្របខណ្ឌអាល្លឺម៉ង់ Bundesliga, Union Berlin បានរក្សាការនាំមុខរបស់ខ្លួនដដែល ក្រោយវាយបកយកឈ្នះក្រុមភ្ញៀវ Borussia Monchengladbach ២-១ យប់ថ្ងៃអាទិត្យម្សិលមិញនេះ។ Bayern Munich បានយកឈ្នះ Mainz ៦-២ កាលពីថ្ងៃសៅរ៍ និងបាននាំមុខគេបណ្តោះអាសន្នមានន័យថា Union Berlin ត្រូវការឈ្នះដើម្បីឡើងមកនាំមុខវិញ។ តែការចាប់ផ្តើមមិនបានល្អឡើយ ខណៈក្រុមភ្ញៀវ Monchengladbach នាំមុខមុននៅនាទីទី៣៣ ដោយការតែតបញ្ចូលទីរបស់ Nico Elvedi។ ក្រុមម្ចាស់ផ្ទះ Union Berlin ត្រូវរង់ចាំដល់នាទីទី៧៩ ទើបអាចរកគ្រាប់តាមស្មើបានសំរេច ដោយការតែតបញ្ចូលទីមួយគ្រាប់ទៀតរបស់ Kevin Behrens។Union Berlin ដែលបាននាំមុខនៅ Bundesliga ជាងមួយខែមកហើយនោះបានរក្សាការនាំមុខរបស់ខ្លួនដដែល បន្ទាប់ពី Danilho Doekhi ជាអ្នកសំរេចគ្រាប់បាល់ជ័យជំនះនៅនាទីទី៩០+៧ ទៅហើយ។ បីពិន្ទុនេះធ្វើឱ្យ Union Berlin មានសរុប ២៦ពិន្ទុទំលាក់ Bayern Munich មកលេខ២ វិញគិតត្រឹមសប្តាហ៍ទី១២ នេះ៕អត្ថបទ៖នាង សុភាវុធ

តារាយូធូប Jake Paul យកឈ្នះតារា UFC, Anderson Silva បន្តកំណត់ត្រាប្រកួតមិនចាញ់ក្នុងអាជីពប្រដាល់

ប្រដាល់៖ តារាយូធូប Jake Paul បានបន្តកំណត់ត្រាមិនចាញ់សោះក្នុងអាជីពប្រដាល់ ក្រោយយកឈ្នះតារាប្រដាល់ក្នុងទ្រុង UFC, Anderson Silva។ អ្នកជំនាញបង្កើតវីដេអូ YouTube សញ្ជាតិអាមេរិកវ័យ ២៥ឆ្នាំរូបនេះបានវាយឱ្យកីឡាករប្រេស៊ីលវ័យ ៤៧ឆ្នាំឱ្យអាជ្ញាកណ្តាលរាប់នៅចុងទឹកទី៨ ដែលជាទឹកចុងក្រោយ។ ចៅក្រមទាំងបីបានដាក់ពិន្ទុឱ្យ Jake Paul ឈ្នះការប្រកួតនេះទាំងបីនាក់រួមមាន ៧៧-៧៤ ៧៨-៧៣ និង ៧៨-៧៣ ក្រោមក្រសែភ្នែកទស្សនិកជន ១៤,០០០នាក់នៅកីឡដ្ឋាន Desert Diamond Arena ទីក្រុង Phoenix រដ្ឋ Arizona សហរដ្ឋអាមេរិក។ Anderson Silva ត្រូវបានគេស្គាល់ថា ជាកីឡាករគុនចម្រុះកំពូលម្នាក់ដោយធ្លាប់ឈ្នះជើងឯក UFC ទំងន់មធ្យមពីឆ្នាំ២០០៦ ដល់ ២០១៣ និងមានស្ថិតិឈ្នះ ១៦ប្រកួតជាប់គ្នាមិនទាន់មាននរណាបំបែកបាននៅសង្វៀន UFC៕អត្ថបទ៖នាង សុភាវុធ

ព្រឹត្តិការណ៍វាយសី French Open បិទបញ្ចប់ដោយក្រុមវាយសីឥណ្ឌាបង្កើតប្រវត្តិសាស្ត្រ

វាយសី៖ ព្រឹត្តិការណ៍វាយសីជើងឯក French Open បានបិទបញ្ចប់នៅថ្ងៃអាទិត្យម្សិលមិញ ជាមួយនឹងការប្រកួតវិញ្ញាសាវាយគូបុរសចុងក្រោយគេ។ ក្រុមវាយសីឥណ្ឌាដែលមានកីឡាករ Satwiksairaj Rankireddy និង Chirag Shetty បានបង្កើតប្រវត្តិសាស្ត្រជាមួយនឹងការគ្រងជើងឯក French Open វិញ្ញាសាវាយគូបុរស និងក្លាយជាកីឡាករឥណ្ឌាទី១ ដែលឈ្នះជើងឯកវាយសីក្នុងក្របខណ្ឌ BMF 750 Series។ Satwiksairaj Rankireddy និង Chirag Shetty ដែលម្ចាស់មេដាយមាសនៅកីឡាករ Commonwealth នោះបានយកឈ្នះដៃគូកីឡាករឆៃនីសតៃប៉ិ Lu Ching-yao និង Yang Po-han ដោយលទ្ធផល ២១-១៣ និង ២១-១៩។ ងាកមកទស្សនាវិញ្ញាសាផ្សេងទៀតកីឡាការិនីចិន He Bingjiao បានគ្រងជើងឯកលើកទី២ របស់ខ្លួនក្រោយយកឈ្នះកីឡាការិនីអេស្ប៉ាញ Carolina Marin ១៦-២១ ២១-៩ និង ២២-២០ លើវិញ្ញាសាឯកត្តជននារី។ វិញ្ញាសាឯកត្តជនបុរសម្ចាស់មេដាយមាសអូឡាំពិកកីឡាករដាណឺម៉ាក Viktor Axelsen យកឈ្នះមិត្តរួមជាតិ Rasmus Gemke ដើម្បីឈ្នះជើងឯកទី៧ ក្នុងឆ្នាំ២០២២ នេះ។វិញ្ញាសាវាយគូនារីជ័យជំនះបានទៅក្រុមម៉ាឡេស៊ីដែលមានកីឡាការិនី Pearly Tan និង Thinaah Muralitharan ដែលបានយកឈ្នះក្រុមកីឡាការិនីជប៉ុនលំដាប់លេខ៤ ពិភពលោក Mayu Matsumoto និង Waken Nagahara។ ចុងក្រោយវិញ្ញាសាវាយគូបុរសនារី ជើងឯកពិភពលោក ៣សម័យ Zheng Siwei និង Huang Yaqiong យកឈ្នះក្រុមហូឡង់ដែលមាន Robin Tabeling និង Selena Piek នៅវគ្គផ្តាច់ព្រ័ត្រ៕អត្ថបទ៖នាង សុភាវុធ

ឯកឧត្តម នេត សាវឿន បង្ហាញសុទិដ្ឋិនិយមក្នុងការប្រជែងមេដាយមាសស៊ីហ្គេម ក្រោយចប់ពានសម្ដេចតេជោ

បាល់ទះ៖ ឯកឧត្តមនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជា បានធ្វើការវាយតម្លៃខ្ពស់ចំពោះការរៀបចំការប្រកួតបាល់ទះ ដណ្ដើមពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ២០២២ ដែលបញ្ចប់ដោយជោគជ័យ ហើយបានចាត់ទុកជាសញ្ញាណវិជ្ជមានឆ្ពោះទៅដណ្ដើមមេដាយមាសស៊ីហ្គេមលើកទី៣២ ឆ្នាំ២០២៣ នៅកម្ពុជាទៀតផង។ នេះបើតាមការបញ្ជាក់ក្នុងពិធីបិទការប្រកួត នៅសាលទីលានបាល់ទះនៃកីឡដ្ឋានព្រីនស៍កាលពីល្ងាចថ្ងៃទី៣០ ខែតុលា បន្ទាប់ពីព្រឹត្តិការណ៍ដ៏ធំនេះបានដំណើរការប្រកួតដ៏ស្វិតស្វាញ អស់រយៈពេលកន្លះខែកន្លងទៅ ដោយក្រុមបាល់ទះវិសាខាបានគ្រងតំណែងជើងឯក បន្ទាប់ពីយកឈ្នះក្រុមក្រសួងមហាផ្ទៃដោយលទ្ធផល ៣-០សិតក្នុងវគ្គផ្ដាច់ព្រ័ត្រជាមួយពិន្ទុ ២៥-១៧, ២៥-១៨ និង ២៥-១៧ពិន្ទុ។ ឯកឧត្តមសន្ដិតបណ្ឌិតមានប្រសាសន៍ថា ការរៀបចំពានរង្វាន់សម្ដេចតេជោនាយករដ្ឋមន្ដ្រីផ្ដោតលើគោលបំណងសំខាន់ៗរួមមាន៖ ១-ជាផែនការមួយក្នុងការធ្វើឲ្យកីឡាបាល់ទះកម្ពុជាកាន់តែមានគុណភាពខ្ពស់ និងឈានទៅរកស្ដង់ដារកម្រិតពិភពលោក។ ២-ពង្រឹងវិស័យបាល់ទះឲ្យមានសក្ដានុពល និងឲ្យកីឡាបាល់ទះជ្រាបចូលក្នុងក្រអៅបេះដូងរបស់យុវជន រួមចំណែកធ្វើឲ្យប្រជាជនកម្ពុជាមានសុខភាពល្អ និងចៀសឆ្ងាយពីអំពើអបាយមុខផ្សេងៗក្នុងសង្គម។ ៣-បង្កើនកម្រិតសមត្ថភាពឲ្យកាន់តែប្រសើរឡើង សម្រាប់ត្រៀមការប្រកួតសំខាន់ៗនាពេលខាងមុខ ពិសេសជ្រើសរើសកីឡាករ និងចូលជម្រើសជាតិសម្រាប់ត្រៀមស៊ីហ្គេមឆ្នាំ២០២៣។ ៤-ពង្រឹងក្រុមជម្រើសជាតិឆ្ពោះទៅឈ្នះមេដាយមាសស៊ីហ្គេមឆ្នាំ២០២៣ និងប្រកួតអន្ដរជាតិនានា។ក្នុងនាមប្រធានសហព័ន្ធ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន បានបង្ហាញសេចក្ដីរីករាយចំពោះលទ្ធផលទាំងអស់នេះ ក៏ដូចជាអបអរដល់ក្រុមជ័យលាភី ពិសេសក្រុមជម្រើសជាតិកម្ពុជាដែលបានយកឈ្នះក្រុមជម្រើសជាតិគុយបា និងសិង្ហបុរីក្នុងជំនួបមិត្តភាពអន្ដរជាតិ ដើម្បីអបអរសាទរព្រឹត្តិការណ៍នេះ។ ជ័យជម្នះនេះបានបង្ហាញពីសមត្ថភាពក្រុមជម្រើសជាតិកម្ពុជា និងធ្វើឲ្យឯកឧត្តមមានជំនឿយ៉ាងមុតមាំថា កម្ពុជានឹងធ្វើបានល្អ អាចមានឱកាសឈានទៅដណ្ដើមមេដាយមាសកីឡាស៊ីហ្គេមឆ្នាំ២០២៣។ លោកបណ្ឌិត អាំង សិរីពិសិដ្ឋ អគ្គលេខាធិការបានបញ្ជាក់ថា ការប្រកួតនេះពិតជាទទួលបានជោគជ័យយ៉ាងត្រចះត្រចង់ ហើយក៏ជាកម្លាំងចលនាដ៏សំខាន់ សម្រាប់សហព័ន្ធ ដើម្បីឆ្ពោះទៅរករៀបចំព្រឹត្តិការណ៍ធំៗជាបន្ដបន្ទាប់ទៀត ក្នុងន័យជំរុញការអភិវឌ្ឍវិស័យកីឡាបាល់ទះកម្ពុជាឲ្យកាន់តែរីកចម្រើនផងដែរ។គួរដឹងថា ការប្រកួតបាល់ទះពានរង្វាន់សម្ដេចតេជោ ហ៊ុន សែន ឆ្នាំ២០២២ គឺមាន ១២ក្រុមចូលរួមដែលបានដំណើរការប្រកួតកាលពីថ្ងៃទី១៥ ខែតុលាកន្លងទៅ។ បន្ទាប់ពីដំណើរការប្រកួតកន្លះខែទើបរកឃើញក្រុមជ័យលាភី ដោយក្រុមវិសាខាបានគ្រងជើងឯក អមប្រាក់រង្វាន់ ១ម៉ឺនដុល្លារ ខណៈក្រសួងមហាផ្ទៃទទួលបានចំណាត់ថ្នាក់លេខ២ អមប្រាក់រង្វាន់ ៥ពាន់ដុល្លារ និងលេខ៣ បានទៅក្រុមបញ្ជាការដ្ឋានអង្គរក្សដែលទទួលបានប្រាក់រង្វាន់ ៣ពាន់ដុល្លារ បន្ទាប់ពីយកឈ្នះក្រុមកងពលធំអន្តរាគមន៍លេខ៣ ដោយលទ្ធផល ៣-១សិត៕អត្ថបទ៖ លី ឈុនឡា

ស្ថាបនិកព្រឹត្តិការណ៍ Enduro Cross តស៊ូរៀបចំវគ្គទី២ ដោយជោគជ័យ ទោះបីខ្វះខាតការគាំទ្រ

ប្រណាំងម៉ូតូ៖ ព្រឹត្តិការណ៍ប្រណាំងម៉ូតូត្រៃដណ្ដើមជើងឯកឆ្នាំ២០២២ វគ្គទី២ ឬ Enduro Cross Challenge Championship Round 2 Series 2022 បានបញ្ចប់ដោយជោគជ័យកាលពីថ្ងៃទី២៩ ខែតុលាចុងសប្ដាហ៍កន្លងទៅ នៅទីលានសន្ដិភាពក្បែរគល់ស្ពានព្រែកព្នៅ ដោយកីឡាករ-កីឡាការិនីចូលរួមសរុប ១៣០នាក់។ លោក ពេជ្រ សុខា អ្នកផ្ដួចផ្ដើមគំនិតរៀបចំព្រឹត្តិការណ៍នេះបានឲ្យដឹងថា ព្រឹត្តិការណ៍ប្រណាំងម៉ូតូត្រៃឆ្លងកាត់ឧបសគ្គវគ្គទី២ ពិតជាមានភាពជក់ចិត្ត បន្ទាប់ពីគណៈកម្មការបានបន្ថែមនូវឧបសគ្គមួយចំនួន ក្នុងន័យជំរុញសមត្ថភាពកីឡាករចូលរួមឲ្យកាន់តែប្រសើរ។ យ៉ាងណាក្ដី លោកបានបង្ហាញពីការតស៊ូរៀបចំព្រឹត្តិការណ៍នេះរហូតទទួលបានជោគជ័យ ទោះបីខ្វះខាតការឧបត្ថម្ភគាំទ្រពីដៃគូសហការ ក៏ដូចជាការធ្លាក់បន្ដិចបន្ដួចនៃចំនួនកីឡាករចូលរួម បើធៀបនឹងកាលពីវគ្គទី១ ក៏ដោយ។ ដោយឡែកលោក ម៉ៅ វណ្ណៈ តំណាងគណៈកម្មការរៀបចំការប្រកួតដដែល បានសម្ដែងនូវសេចក្ដីរីករាយដែលបានរួមចំណែករៀបចំព្រឹត្តិការណ៍ Enduro Cross Challenge Championship Round 2 Series 2022 រហូតទទួលបានផ្លែផ្កា ទោះបីមានឧបត្ថម្ភក្នុងដំណើរការរៀបចំមួយចំនួនក្ដី។តាមរយៈនេះ លោកបានអំពាវនាវដល់វិស័យឯកជនបន្ដចូលរួមគាំទ្របន្ថែមទៀត ដើម្បីឲ្យគណៈកម្មការរបស់ខ្លួនមានទឹកចិត្តរៀបចំជាបន្ដបន្ទាប់ និងជំរុញវិស័យកីឡាម៉ូតូត្រៃកម្ពុជាកាន់តែរីកចម្រើន។ គួរដឹងថា ពិធីបិទការប្រកួតម៉ូតូត្រៃជើងឯកឆ្នាំ២០២២ វគ្គទី២ នេះបានធ្វើឡើងក្រោមវត្តមានលោក សុឃុន វីរៈ អនុប្រធានសហព័ន្ធកីឡាយានយន្ដកម្ពុជា។ ចំពោះការប្រកួតនេះដែរគឺបានបែងចែកជា ៦ផ្នែកផ្សេងគ្នាក្នុងនោះការប្រកួតកម្រិត A ខ្ពស់ជាងគេ បន្ទាប់មកមានការប្រកួតកម្រិត B, កម្រិត C, ការប្រកួតកម្រិត VIP, ការប្រកួតផ្នែកកីឡាការិនី និងចុងក្រោយគឺការប្រកួតកម្រិតយុវជន៕អត្ថបទ៖ លី ឈុនឡា

កៃ វ៉ាន់ស៊ីដែន ចាត់ទុក សាលី អ៊ូមើត គឺជាផ្នែកមួយនៃជោគជ័យរបស់ខ្លួនលើទឹកដីអាមេរិក

ម៉ូតូទឹក៖ កីឡាករម៉ូតូទឹកជម្រើសជាតិកម្ពុជា កៃ វ៉ាន់ស៊ីដែន បានសម្ដែងការសប្បាយចិត្តជាខ្លាំងដែលដណ្ដើមបានមេដាយមាស ក្នុងការប្រកួតជើងឯកពិភពលោក Jet Ski World Series Season 2022 ជុំទី២ នៅរដ្ឋ Arizona សហរដ្ឋអាមេរិកកាលពីថ្មីៗ។ ក្នុងនោះរូបគេបានបង្ហើបពីបុគ្គលសំខាន់ម្នាក់ ដែលស្ថិតនៅពីក្រោយនៃភាពជោគជ័យលើកដំបូងក្នុងអាជីពនេះគឺសិស្សច្បង សាលី អ៊ូមើត។ ការលើកឡើងនេះ ស្របពេល កៃ វ៉ាន់ស៊ីដែន បានធ្វើដំណើរមកដល់កម្ពុជាកាលពីថ្ងៃទី៣០ ខែតុលា ឆ្នាំ២០២២ ដោយមានការអញ្ជើញទទួលស្វាគមន៍យ៉ាងកក់ក្ដៅពីឯកឧត្តម ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជាផងដែរ។ ឈាមថ្មីនៃវិស័យម៉ូតូទឹកកម្ពុជាដដែលបានគូសបញ្ជាក់ថា ការដណ្ដើមបានមេដាយមាសកម្រិតពិភពលោកនេះគឺជាជោគជ័យមួយដ៏ធំ តែក្នុងនោះក៏ខ្លួនមិនភ្លេចវីរៈកីឡាករ សាលី អ៊ូមើត ដែលតែងតែដឹកនាំ បង្ហាត់បង្រៀន និងគាំទ្រគ្រប់បែបយ៉ាងបន្ថែមលើប្រធានក្លិប Flamingo លោក Karl Heinrich Knauf ទើបជំរុញឲ្យខ្លួនសម្រេចសមិទ្ធផលល្អដូច្នេះ។ទន្ទឹមជាមួយគ្នា ឯកឧត្តម ណុះ ស្លេះ បានសម្ដែងការអបអរសាទរចំពោះកីឡាករវ័យក្មេង កៃ វ៉ាន់ស៊ីដែន ដែលបានសាងកំណត់ត្រាថ្មីសម្រាប់ខ្លួនឯង និងធ្វើឲ្យពិភពលោកមានការភ្ញាក់ផ្អើល ចំពោះសមត្ថភាពរបស់កីឡាករកម្ពុជា។ ឯកឧត្តមថា កន្លងមកធ្លាប់តែមាន សាលី អ៊ូមើត ក៏ដូចជា ម៉ីន មូស្ដាន តែងបង្កក្ដីបារម្ភដល់គូប្រជែង តែពេលកម្ពុជា មានយុវជនជំនាន់ថ្មីបន្ថែមទៀត ដើម្បីធ្វើការប្រកួតប្រជែងដោយស្មើមុខមាត់លើឆាកអន្ដរជាតិ ហើយក៏ជាសញ្ញាណវិជ្ជមានសម្រាប់ស៊ីហ្គេមឆ្នាំ២០២៣ នៅកម្ពុជាបន្ថែមទៀតផងដែរ។ គួរដឹងថា ព្រឹត្តិការណ៍ Jet Ski World Series Season 2022 ជុំទី២ នៅអាមេរិកកាលពីដើមខែតុលាកន្លងទៅ កម្ពុជាបានបញ្ជូនកីឡាករ ៥រូបចូលរួម រួមមានកីឡាករ សាលី អ៊ូមើត ជាប្រធានក្រុម, កីឡាករ សាលី ហ្វីលីន, ម៉ីន មូស្ដាន, មីន អូស្មាន់ និងកីឡាករ កៃ វ៉ាន់ស៊ីដែន។ ជាលទ្ធផលកីឡាករ កៃ វ៉ាន់ស៊ីដែន ដណ្ដើមបានមេដាយមាសលើវិញ្ញាសា Novice ski stock ខណៈកីឡាករផ្សេងៗស្ថិតក្នុងចំណោមបេក្ខភាព Top-10 ក្នុងចំណោមកីឡាករខ្លាំងៗលើពិភពលោកចូលរួម៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ប្រធានសហព័ន្ធស្រូវអង្ករ៖ ការនំាចេញកម្ពុជាក្នុងឆ្នាំ២០២៦នេះ នឹងអាចសម្រេចបាន ១ លានតោន

អ្នកដំណើរជិត ១៤៤ នាក់បានស្លាប់ និងជាង ២៤០នាក់រងរបួសដោយសារគ្រោះថ្នាក់ចរាចរណ៍ក្នុងខែកក្កដា

មន្រ្ដីជាន់ខ្ពស់ក្រសួងការបរទេសកម្ពុជាបញ្ជាក់ប្រាប់អ្នករាយការណ៍ពិសេស UN ថា កម្ពុជាបានខិតខំលើកកម្ពស់សិទ្ធិមនុស្សលើគ្រប់ទិដ្ឋភាព

អ៊ីរ៉ង់ ពង្រីកការឈោងចាប់ផ្នែកការទូត ហើយក៍រក្សាកម្លាំងទប់ដោយយោធាផងដែរ

កម្ពុជាធ្វើជាម្ចាស់ផ្ទះកិច្ចប្រជុំកិច្ចសហប្រតិបត្ដិការអាស៊ានស្ដីពីមុខងារសាធារណៈលើកទី២៣ និងកិច្ចប្រជុំពាក់ព័ន្ធ

អង្គការ OPECបូក អនុម័តការបង្កើនប្រេង១៨៨.០០០បារ៉ែលក្នុងមួយថ្ងៃ ចាប់ពីខែកញ្ញា

ក្រុមអាជ្ញាធរនិយាយថា មនុស្សប្រាំនាក់ស្លាប់ និង ៤១ នាក់បាត់ខ្លួន ក្រោយនាវាចម្លងបានឆាបឆេះនៅឥណ្ឌូនេស៊ី

អភិបាលក្រុងមូស្គូ៖ ការវាយប្រហារដោយគ្រាប់បែកកាលពីថ្ងៃសៅរ៍លើភោជនីយដ្ឋានជា «សកម្មភាពភេរវកម្ម»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អ្នកលេងម៉ូតូត្រៃ ជា លីឃាង ប្ដេជ្ញាស្វែងរកជ័យជម្នះជូនជាតិក្នុងព្រឹត្តិការណ៍អន្ដរជាតិនៅកូរ៉េ

ស្ថាប័នជំនាញមិនគាំទ្រការបង្កប់ល្បែងស៊ីសងក្រោមរូបភាពកីឡា តែស្នើអាជ្ញាធរគួរថ្លឹងថ្លែងលើករណីខ្លះ

Max Verstappen ឈ្នះការប្រកួត F1 នៅម៉ិកស៊ិកបំបែកកំណត់ត្រាឈ្នះច្រើនបំផុតក្នុងមួយរដូវកាល

Flamengo គ្រងជើងឯកក្លិបកំពូលអាមេរិកខាងត្បូង Copa Libertadores

មួយគ្រាប់ចុងម៉ោងជួយឱ្យ Union Berlin រក្សាការនាំមុខនៅ Bundesliga

តារាយូធូប Jake Paul យកឈ្នះតារា UFC, Anderson Silva បន្តកំណត់ត្រាប្រកួតមិនចាញ់ក្នុងអាជីពប្រដាល់

ព្រឹត្តិការណ៍វាយសី French Open បិទបញ្ចប់ដោយក្រុមវាយសីឥណ្ឌាបង្កើតប្រវត្តិសាស្ត្រ

ឯកឧត្តម នេត សាវឿន បង្ហាញសុទិដ្ឋិនិយមក្នុងការប្រជែងមេដាយមាសស៊ីហ្គេម ក្រោយចប់ពានសម្ដេចតេជោ

ស្ថាបនិកព្រឹត្តិការណ៍ Enduro Cross តស៊ូរៀបចំវគ្គទី២ ដោយជោគជ័យ ទោះបីខ្វះខាតការគាំទ្រ

កៃ វ៉ាន់ស៊ីដែន ចាត់ទុក សាលី អ៊ូមើត គឺជាផ្នែកមួយនៃជោគជ័យរបស់ខ្លួនលើទឹកដីអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អ្នកលេង​ម៉ូតូ​ត្រៃ ជា លី​ឃាង ប្ដេជ្ញា​ស្វែងរក​ជ័យជម្នះ​ជូន​ជាតិក្នុង​ព្រឹត្តិការណ៍​អន្ដរជាតិនៅ​កូរ៉េ​

Max Verstappen ឈ្នះ​ការប្រកួត F1 នៅ​ម៉ិ​ក​ស៊ិ​ក​បំបែក​កំណត់ត្រា​ឈ្នះ​ច្រើន​បំផុត​ក្នុង​មួយ​រដូវ​កាល​

Flamengo គ្រង​ជើងឯក​ក្លិប​កំពូល​អាមេរិក​ខាងត្បូង Copa Libertadores

មួយ​គ្រាប់​ចុង​ម៉ោង​ជួយ​ឱ្យ Union Berlin រក្សា​ការនាំ​មុខ​នៅ Bundesliga

តារា​យូ​ធូប Jake Paul យកឈ្នះ​តារា UFC, Anderson Silva បន្ត​កំណត់ត្រា​ប្រកួត​មិន​ចាញ់​ក្នុង​អាជីព​ប្រដាល់

ព្រឹត្តិការណ៍​វាយ​សី French Open បិទ​បញ្ចប់​ដោយ​ក្រុម​វាយ​សី​ឥណ្ឌា​បង្កើត​ប្រវត្តិសាស្ត្រ

ស្ថាបនិក​ព្រឹត្តិការណ៍​ Enduro Cross ​តស៊ូ​រៀបចំ​វគ្គ​ទី​២ ដោយ​ជោគជ័យ ទោះបី​ខ្វះខាត​ការគាំទ្រ​

កៃ វ៉ាន់​ស៊ី​ដែន ចាត់​ទុក សាលី អ៊ូ​មើ​ត គឺជា​ផ្នែក​មួយ​នៃ​ជោគជ័យ​របស់​ខ្លួន​លើ​ទឹកដី​អាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកលេងម៉ូតូត្រៃ ជា លីឃាង ប្ដេជ្ញាស្វែងរកជ័យជម្នះជូនជាតិក្នុងព្រឹត្តិការណ៍អន្ដរជាតិនៅកូរ៉េ

Max Verstappen ឈ្នះការប្រកួត F1 នៅម៉ិកស៊ិកបំបែកកំណត់ត្រាឈ្នះច្រើនបំផុតក្នុងមួយរដូវកាល

Flamengo គ្រងជើងឯកក្លិបកំពូលអាមេរិកខាងត្បូង Copa Libertadores

មួយគ្រាប់ចុងម៉ោងជួយឱ្យ Union Berlin រក្សាការនាំមុខនៅ Bundesliga

តារាយូធូប Jake Paul យកឈ្នះតារា UFC, Anderson Silva បន្តកំណត់ត្រាប្រកួតមិនចាញ់ក្នុងអាជីពប្រដាល់

ព្រឹត្តិការណ៍វាយសី French Open បិទបញ្ចប់ដោយក្រុមវាយសីឥណ្ឌាបង្កើតប្រវត្តិសាស្ត្រ

ស្ថាបនិកព្រឹត្តិការណ៍ Enduro Cross តស៊ូរៀបចំវគ្គទី២ ដោយជោគជ័យ ទោះបីខ្វះខាតការគាំទ្រ

កៃ វ៉ាន់ស៊ីដែន ចាត់ទុក សាលី អ៊ូមើត គឺជាផ្នែកមួយនៃជោគជ័យរបស់ខ្លួនលើទឹកដីអាមេរិក