BTV NEWS

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

គ្រូកម្ពុជា រំពឹងជ័យជម្នះលើកដំបូង ផ្ដល់កម្លាំងចិត្តដល់កូនក្រុម មុនជួបវៀតណាម

ព័ត៌មានកីឡា

កីឡាប៉េតង់នឹងសាងសង់ទីលានប្រកួតវគ្គផ្ដាច់ព្រ័ត្រស៊ីហ្គេមក្រោមជំនួយ CAMSOC

ប៉េតង់៖ សហព័ន្ធកីឡាប៊ូល និងប៉េតង់កម្ពុជាបានប្រកាសសាងសង់ទីលានស្ដង់ដារអន្ដរជាតិមួយ សម្រាប់បម្រើឲ្យការប្រកួតវគ្គផ្ដាច់ព្រ័ត្រនៃព្រឹត្តិការណ៍កីឡាស៊ីហ្គេមឆ្នាំ២០២៣ ខាងមុខ។ នេះបើតាមការបញ្ជាក់របស់ឯកឧត្តម សុខ សប្បាយណា អគ្គលេខាធិការសហព័ន្ធ ក្នុងការប្រកួតជើងឯកថ្នាក់ជាតិឆ្នាំ២០២២ កាលពីថ្មីៗ។ ឯកឧត្តមបានឲ្យដឹងថា គម្រោងសាងសង់ទីលានស្ដង់ដារនេះគឺជាលក្ខណៈកីឡដ្ឋានតូចមួយ ដែលមានទីលានប្រកួតនៅកណ្ដាល ហើយមានកៅអីអង្គុយទស្សនាព័ន្ធជុំវិញ ដែលអាចផ្ទុកអ្នកទស្សនាប្រមាណ ៨០០ ទៅ ៩០០នាក់។ គម្រោងនេះនឹងចាប់ផ្ដើមសាងសង់ក្នុងសប្ដាហ៍នេះ ក្រោមជំនួយរបស់គណៈកម្មាធិការជាតិ CAMSOC ដែលជាសេនាធិការរបស់រាជរដ្ឋាភិបាលកម្ពុជា។ ឯកឧត្តម សុខ សូកាន ប្រធានសហព័ន្ធកីឡាប៊ូល និងប៉េតង់កម្ពុជាបានគូសបញ្ជាក់ថា តាមរយៈសមិទ្ធផលថ្មី ក្រោមការយកចិត្តទុកដាក់របស់រាជរដ្ឋាភិបាលនេះ នឹងជំរុញឲ្យកីឡាប៊ូល និងប៉េតង់កម្ពុជាមានលក្ខណៈកាន់តែល្អប្រសើរថែមទៀត ក្នុងការត្រៀមរៀបចំធ្វើម្ចាស់ផ្ទះ ក៏ដូចជាការប្រកួតប្រជែងដណ្ដើមមេដាយជូនជាតិ ក្នុងព្រឹត្តិការណ៍ជាប្រវត្តិសាស្ដ្រលើកដំបូងដែលកម្ពុជាធ្វើម្ចាស់ផ្ទះនេះ។គួរដឹងថា ទីលានស្ដង់ដារលក្ខណៈបិទជិតដែលសហការសាងសង់រវាងសហព័ន្ធ និងផ្គត់ផ្គង់ដោយគណៈកម្មាធិការជាតិ CAMSOC នេះគឺស្ថិតនៅជាប់នឹងទីលានប៊ូល និងប៉េតង់ស្ថិតក្នុងពហុកីឡដ្ឋានជាតិនាពេលបច្ចុប្បន្ន។ តាមការបញ្ជាក់ទីលានថ្មីនេះគឺសម្រាប់បម្រើឲ្យតែការប្រកួតវគ្គផ្ដាច់ព្រ័ត្រប៉ុណ្ណោះ ខណៈការប្រកួតជម្រុះនឹងត្រូវប្រកួតនៅទីលានខាងក្រៅ ដែលធ្លាប់ទទួលរៀបចំការប្រកួតអន្ដរជាតិជាច្រើនមកហើយ ក្នុងនោះក៏មានការប្រកួតជើងឯកពិភពលោកម្ដងផងដែរកាលពីឆ្នាំ២០១៩ កន្លងទៅ៕អត្ថបទ៖ លី ឈុនឡា

កម្ពុជាបន្ដយកឈ្នះម៉ុងហ្គោលី ៣-០ ក្នុងប្រកួតទី២ នៃព្រឹត្តិការណ៍ Davis Cup នៅបារ៉ែន

វាយកូនបាល់៖ ក្រុមកីឡាវាយកូនបាល់ជម្រើសជាតិកម្ពុជា បន្ដធ្វើបានយ៉ាងល្អក្នុងយុទ្ធនាការប្រកួត Davis Cup ក្រុម៤ ប្រចាំតំបន់អាស៊ី/អូសេអានីឆ្នាំ២០២២ បន្ទាប់ពីយកឈ្នះក្រុមជម្រើសជាតិម៉ុងហ្គោលដីដោយលទ្ធផល ៣-០ កាលពីល្ងាចថ្ងៃទី១៨ ខែតុលា ឆ្នាំ២០២២ នៅប្រទេសបារ៉ែន។ សម្រាប់ប្រកួតទី២ ក្នុងពូល A នេះក៏មិនខុសពីប្រកួតបើកឆាកដែរ ដោយកម្ពុជាបានយកឈ្នះគូប្រកួតទាំង ៣វិញ្ញាសា ក្នុងនោះវិញ្ញាសាឯកត្តជន កីឡាករ ឡុង សំនៀង បានយកឈ្នះកីឡាករ Undrakh Purevdorj របស់ម៉ុងហ្គោលី ដោយពិន្ទុ ៦-៣ និង ៦-៣ ដូចគ្នា។ រីឯកីឡាករ ប៊ុន កេន្នី បានយកឈ្នះកីឡាករ Gundurd Batjargal ដោយពិន្ទុ ៦-០ និង ៦-០ ដូចគ្នា។ រីឯវិញ្ញាសាវាយគូវិញ កីឡាករ ឃ្លាំង ពន្លក ចាប់ដៃគូជាមួយកីឡាករកូនកាត់ខ្មែរ-អាមេរិក Mathew Krusling បានយកឈ្នះក្រុមម៉ុងហ្គោលី កីឡាករ Khatansuikh Batbayar និង Gunburd Batjargbatjargal ដោយពិន្ទុ ៧-៥ និង ៦-៤។ជ័យជម្នះនេះបានធ្វើឲ្យក្រុមកីឡាវាយកូនបាល់ជម្រើសជាតិកម្ពុជា គ្រងតំណែងកំពូលតារាងបណ្ដោះអាសន្ន បន្ទាប់ពីយកឈ្នះគូប្រកួត ៣-០ជាប់ៗគ្នា ក្រោយប្រកួតបើកឆាកឈ្នះក្រុមជម្រើសជាតិប៊ូតាន ៣-០ ដូចគ្នាកាលពីដើមសប្ដាហ៍កន្លងទៅ។ សម្រាប់ការប្រកួតវិលជុំចុងក្រោយក្នុងពូល A គឺក្រុមជម្រើសជាតិកម្ពុជានឹងត្រូវជួបក្រុមទួកមេនីស្ថាននាថ្ងៃទី២០ ខែតុលាខាងមុខ។ ការប្រកួតនេះសម្រាប់ក្រុមឈរលេខ១ និងលេខ២ នៃពូលនីមួយៗនឹងឡើងទៅប្រកួតវគ្គខ្វែង ដើម្បីស្វែងរកបេក្ខភាពវគ្គផ្ដាច់ព្រ័ត្រ ហើយក្រុមជើងឯកនឹងទទួលបានកៅអីក្រុម៣ នៃព្រឹត្តិការណ៍ Davis Cup 2023 តែម្ដង៕អត្ថបទ៖ លី ឈុនឡា

ក្រៅពីជួសជុល និងបំពាក់កៅអីពហុកីឡដ្ឋានជាតិ ស្តាតមរតកតេជោក៏អាចនឹងប្ដូរស្មៅថ្មីដែរ

ស៊ីហ្គេម៖ ស៊ីហ្គេមឆ្នាំ២០២៣ កម្ពុជាត្រូវការទីលានស្ដង់ដារយ៉ាងហោច ៤ សម្រាប់បម្រើឲ្យការប្រកួតផ្លូវការលើវិញ្ញាសាបាល់ទាត់បុរស និងនារី ក្នុងនោះមានដូចជាវិមានកីឡដ្ឋាននៃពហុកីឡដ្ឋានជាតិមរតកតេជោ, ពហុកីឡដ្ឋានជាតិ, កីឡដ្ឋានស្ដាតចាស់ និងកីឡដ្ឋានព្រីនស៍ជាដើម។ ប៉ុន្ដែមានទីលានមួយចំនួនកំពុងដំណើរការជួសជុល ក៏ដូចជាគ្រោងធ្វើការផ្លាស់ប្ដូរស្មៅថ្មី ដូចជាពហុកីឡដ្ឋានជាតិ និងវិមានកីឡដ្ឋាននៃពហុកីឡដ្ឋានជាតិមរតកតេជោជាដើម។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានឲ្យដឹងថា បច្ចុប្បន្នទីលាននៃពហុកីឡដ្ឋានជាតិ ឬស្ដាតអូឡាំពិកកំពុងដំណើរការជួយជុល ដោយផ្លាស់ប្ដូរពីស្មៅសិប្បនិម្មិតទៅស្មៅធម្មជាតិវិញ ហើយខែវិច្ឆិកាខាងមុខនឹងធ្វើការបំពាក់កៅអីថ្មីជុំវិញប្រមាណជាង ៣៥,០០០កៅអី។ រីឯទីលានបាល់ទាត់ក្នុងវិមានកីឡដ្ឋាននៃពហុកីឡដ្ឋានជាតិមរតកតេជោវិញ ក៏គ្រោងនឹងធ្វើការផ្លាស់ប្ដូរស្មៅថ្មីដែរដើម្បីឲ្យស្របតាមលក្ខខណ្ឌ FIFA បន្ទាប់ពីការស្នើសុំពីសហព័ន្ធកីឡាបាល់ទាត់កម្ពុជា។ឯកឧត្តម វ៉ាត់ ចំរើន មានប្រសាសន៍ថា នេះគឺជាគោលការណ៍ណែនាំរបស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC និងឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ CAMSOC ដែលជំរុញឲ្យបានដាច់ខាតនូវស្ដង់ដារកីឡាតែមួយរបស់អន្ដរជាតិ ដើម្បីសេចក្ដីថ្លៃថ្នូរ និងឲ្យស័ក្ដិសមកិត្តិយសជាតិ ក្នុងនាមម្ចាស់ផ្ទះព្រឹត្តិការណ៍ប្រវត្តិសាស្ដ្រលើកដំបូង ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំនេះ៕អត្ថបទ៖ លី ឈុនឡា

Neymar ប្រាប់អង្គជំនុំជម្រះថា ខ្លួនមិនមានពាក់ព័ន្ធនឹងរឿងចរចាផ្ទេរមកកាន់ Barcelona

បាល់ទាត់៖ ខ្សែប្រយុទ្ធប្រេស៊ីល Neymar បាននិយាយប្រាប់អង្គជំនុំជម្រះថា ខ្លួនមិនបានចូលរួមក្នុងការចរចាជុំវិញការផ្ទេរពី Santos ទៅកាន់ Barcelona កាលពីឆ្នាំ២០១៣ នោះឡើយ គ្រាន់តែយល់ព្រមចុះហត្ថលេខាផ្ទេរ និងធ្វើតាមអ្វីដែលឪពុករបស់ខ្លួនប្រាប់។ Neymar រួមជាមួយចុងចោទ ៨នាក់ផ្សេងទៀតបានបង្ហាញខ្លួននៅតុលាការអេស្ប៉ាញ ជុំវិញរឿងដែលបានចោទប្រកាន់ថា មានបញ្ហាពុករលួយជុំវិញការផ្ទេរកាលពីឆ្នាំ២០១៣ នោះ។ Neymar បាននិយាយថា ផ្ទេរមកកាន់ Barcelona កាលពីឆ្នាំ២០១៣ គឺជាក្តីស្រមៃរបស់ខ្លួន និងមិនបានគិតអ្វីទាំងអស់ក្រៅពីធ្វើតាមឪពុករបស់ខ្លួន។ ក្រុមហ៊ុនវិនិយោគប្រេស៊ីល DIS គឺជាម្ចាស់សិទ្ធិ ៤០ភាគរយនៃការផ្ទេររបស់ Neymar តែក្រុមហ៊ុនមួយនេះបានបញ្ជាក់ថា ខ្លួនបានបាត់បង់ផលប្រយោជន៍ជាច្រើនដោយសារតែការផ្ទេរមានតម្លៃទាបពេក។ ចុងចោទផ្សេងទៀតគឺឪពុកម្តាយរបស់ Neymar ក្លឹបទាំងពីរអតីតប្រធានក្លឹប Barcelona លោក Josep Maria Bartomeu និង Sandro Rosell និងអតីតប្រធាន Santos Odilio Rodrigues៕អត្ថបទ៖នាង សុភាវុធ

កាតាត្រូវបានជ្រើសរើសជាម្ចាស់ផ្ទះ AFC Asian Cup 2023 ជំនួសចិន

បាល់ទាត់៖ ប្រទេសកាតាត្រូវបានជ្រើសរើសជាផ្លូវការ ជាម្ចាស់ផ្ទះនៃព្រឹត្តិការណ៍បាល់ទាត់ទ្វីបអាស៊ី AFC Asian Cup 2023 ជំនួសចិន តែកាលបរិច្ឆេទប្រកួតអាចនឹងត្រូវផ្លាស់ប្តូរ។ សហព័ន្ធបាល់ទាត់ទ្វីបអាស៊ី AFC បានប្រកាសនៅថ្ងៃចន្ទម្សិលមិញថា កាតាជាម្ចាស់ផ្ទះ AFC Asian Cup 2023 ខាងមុខ ខណៈដែលបេក្ខភាពដែលប្រជែង ២ប្រទេសផ្សេងទៀតរួមមានសាធារណរដ្ឋកូរ៉េ និងឥណ្ឌូនេស៊ីត្រូវបានមើលរំលង។ កាតាដែលនឹងជាម្ចាស់ផ្ទះ World Cup 2022 ខែក្រោយនេះ ក៏គ្រោងនឹងផ្លាស់ប្តូរកាលបរិច្ឆេទប្រកួត AFC Asian Cup 2023 ដែលជានិច្ចកាលតែងតែរៀបចំនៅចន្លោះខែមិថុនាដល់ខែកក្កដា មកប្រកួតនៅដើមឆ្នាំ២០២៤ វិញដោយសារតែបញ្ហាកំដៅ។រំលឹកថា កាតាធ្លាប់ធ្វើម្ចាស់ផ្ទះ Asian Cup ពីរលើករួចហើយកាលពីអតីតកាលគឺនៅឆ្នាំ១៩៨៨ និង ២០១១ ហើយកាតាគឺជាជើងឯកព្រឹត្តិការណ៍ចុងក្រោយបំផុតកាលពីឆ្នាំ២០១៩ នៅទឹកដីអារ៉ាប់រួម។ កាតាក៏ជាបេក្ខភាពក្នុងការដេញថ្លៃធ្វើម្ចាស់ផ្ទះ AFC Asian Cup 2027 ផងដែររួមជាមួយបេក្ខភាពផ្សេងទៀតរួមមានអ៊ីរ៉ង់ និងអ៊ូសប៊ែគីស្ថាន ខណៈការប្រកួតផ្លូវការនឹងត្រូវធ្វើឡើងនៅខែកុម្ភៈឆ្នាំក្រោយ៕អត្ថបទ៖នាង សុភាវុធ

គ្រូបង្វឹកវៀតណាមជោគជ័យបំផុត Park Hang-seo ប្រកាសចាកចេញពីតំណែងក្រោយចប់ AFF Championship

បាល់ទាត់៖ គ្រូបង្វឹកក្រុមជំរើសជាតិវៀតណាមដែលជោគជ័យបំផុតលោក Park Hang-seo បានប្រកាសចាកចេញពីតំណែងហើយនៅក្រោយចប់ព្រឹត្តិការណ៍ជើងឯកអាស៊ីអាគ្នេយ៍ AFF Championship។ សមាគមបាល់ទាត់វៀតណាមបានចេញសេចក្តីថ្លែងការរបស់ខ្លួន ពីការព្រមព្រៀងគ្នាក្នុងការបញ្ចប់កិច្ចសន្យារវាងភាគីទាំងពីរ។ គ្រូបង្វឹកសញ្ជាតិកូរ៉េរូបនេះបានដឹកនាំក្រុមជម្រើសជាតិវៀតណាមលើកពាន AFF Championship ឆ្នាំ២០១៨ ឡើងវគ្គ ៨ក្រុមចុងក្រោយ AFC Asian Cup ២០១៩ និងដឹកនាំក្រុមវៀតណាមឡើងដល់ជុំទី៣ នៃវគ្គជម្រុះបាល់ទាត់ពិភពលោកតំបន់អាស៊ីជាលើកដំបូងក្នុងប្រវត្តិសាស្ត្របាល់ទាត់វៀតណាម។ លោក Park Hang-seo ដែលជាគ្រូបង្វឹកមានប្រជាប្រិយភាពមួយនៅវៀតណាមនោះ ក៏បានដឹកនាំវៀតណាមឈ្នះមេដាយមាសស៊ីហ្គេម ២លើកផងដែរក្នុងការដឹកនាំក្រុមអាយុក្រោម ២៣ឆ្នាំ។លោក Park បាននិយាយថា រយៈពេល ៥ឆ្នាំកន្លងមកនេះ លោកបានជួបអនុស្សាវរីយ៍ល្អៗច្រើនរាប់មិនអស់ និងមានដំណើរសប្បាយរីករាយជាច្រើនជាមួយបាល់ទាត់វៀតណាម។ លោកបានបន្តថា ថ្វីបើចាកចេញ លោកនឹងបន្តធ្វើកិច្ចសហប្រតិបត្តិការផ្សេងៗទៀតជាមួយបាល់ទាត់វៀតណាម រឺក៏អនាគតលោកអាចមកដឹកនាំក្រុមជម្រើសជាតិវៀតណាមសារជាថ្មី។ ព្រឹត្តិការណ៍បាល់ទាត់ជើងឯកអាស៊ីអាគ្នេយ៍ AFF Championship ២០២២ នឹងចាប់ផ្តើមនៅថ្ងៃទី២០ ខែធ្នូបញ្ចប់នៅថ្ងៃទី១៦ ខែមករា ឆ្នាំ២០២៣៕អត្ថបទ៖នាង សុភាវុធ

សំបុត្រចូលទស្សនា World Cup លក់បានជិត ៣លានសន្លឹកហើយ

បាល់ទាត់៖ សំបុត្រចូលទស្សនាការប្រកួតបាល់ទាត់ពិភពលោក FIFA World Cup 2022 នៅកាតាឆ្នាំនេះបានលក់ចេញជិត ៣លានសន្លឹកហើយ នេះបើតាមការបញ្ជាក់របស់ប្រធាន FIFA លោក Gianni Infantino។ ប្រទេសចំនួនបីដែលគេឃើញមានការជាវសំបុត្រច្រើនជាងគេក្នុងចំណោម ២.៨៩លានសន្លឹកនេះរួមមានទី១ ម្ចាស់ផ្ទះកាតា, ទី២ សហរដ្ឋអាមេរិក និងទី៣ អារ៉ាប៊ីសាអ៊ូឌីត។ លោក Infantino ជាមួយគ្នានោះដែរក៏បានលើកឡើងដែរថា កន្លែងស្នាក់នៅចំនួនប្រមាណ ២៤ម៉ឺនកន្លែងត្រូវបានកក់ផងដែរ។ កាតាដែលជាប្រទេសតូចបំផុតធ្វើម្ចាស់ផ្ទះ World Cup នោះនឹងទទួលភ្ញៀវទេសចរណ៍ប្រមាណ ១.២លាននាក់អំឡុងព្រឹត្តិការណ៍បាល់ទាត់ធំបំផុតរបស់ពិភពលោករយៈពេល ១ខែពេញ។ ជាមួយគ្នានោះដែរអ្នកគាំទ្រមួយចំនួន ក៏ត្រូវបានគេរំពឹងថា នឹងស្នាក់នៅប្រទេសក្បែរខាងអារ៉ាប់រួមផងដែរ ដោយសារតែកន្លែងស្នាក់នៅពេញ។នាយកគ្រប់គ្រងទូទៅនៃគណៈកម្មាធិការរៀបចំព្រឹត្តិការណ៍លោក Yasir Al Jamal បាននិយាយក្នុងសន្និសីទសារព័ត៌មានផងដែរថា បន្ទប់ស្នាក់នៅចំនួន ២លានបន្ទប់ត្រូវបានកក់រួចរាល់ ហើយកាតានឹងបន្ថែមបន្ទប់ស្នាក់នៅជាង ៣ម៉ឺនបន្ទប់ទៀត។ បន្ទប់ស្នាក់មួយចំនួនធំនៅទីក្រុងដូហាត្រូវបានទុកសម្រាប់ក្រុមបាល់ទាត់ទាំង ៣២ប្រទេសរួមជាមួយមន្ត្រីពាក់ព័ន្ធ។ ជប៉ុននឹងជាក្រុមបាល់ទាត់ទី១ ដែលទៅដល់ទឹកដីកាតាមុនគេនៅថ្ងៃទី៧ ខែវិច្ឆិកាខាងមុខ៕អត្ថបទ៖នាង សុភាវុធ

រួសរាន់ឡើង! ការចុះឈ្មោះរត់ពាក់កណ្ដាលម៉ារ៉ាតុងនៅអង្គរវត្តសល់ពេល ១សប្ដាហ៍ទៀតប៉ុណ្ណោះ

ម៉ារ៉ាតុង៖ ទិវារត់ប្រណាំងអន្ដរជាតិពាក់កណ្ដាលម៉ារ៉ាតុងលើកទី២៧ នៅអង្គរវត្ត ខេត្តសៀមរាប គ្រោងនឹងប្រព្រឹត្តទៅនាថ្ងៃទី០៤ ខែធ្នូ ឆ្នាំ២០២២ ខាងមុខ។ ប៉ុន្ដែគណៈកម្មការបានបញ្ជាក់ថា ការចុះឈ្មោះចូលរួមព្រឹត្តិការណ៍កីឡា និងទេសចរណ៍ប្រចាំឆ្នាំនេះនៅសល់ពេល ១សប្ដាហ៍ទៀតប៉ុណ្ណោះ ពោលគឺនឹងឈប់ទទួលពាក្យនៅថ្ងៃទី២៤ ខែតុលាខាងមុខនេះ។លោក សែម ផល្លា នាយកបច្ចេកទេសរៀបចំព្រឹត្តិការណ៍នេះបានឲ្យដឹងថា មកទល់ពេលនេះមានភ្ញៀវជាតិ-អន្ដរជាតិប្រមាណជាង ៤ពាន់នាក់ហើយដែលបានចុះឈ្មោះរួចរាល់។ ប៉ុន្ដែស្របពេលការចុះឈ្មោះសល់រយៈពេលខ្លី លោកបានអំពាវនាវឲ្យប្រជាពលរដ្ឋ ក៏ដូចជាកីឡាករ-កីឡាការិនីជាតិ និងអន្ដរជាតិរួសរាន់ចុះឈ្មោះឲ្យបានលឿន ដើម្បីគណៈកម្មការងាយស្រួលរៀបចំសម្ភារៈ និងមេដាយជាដើមសម្រាប់ផ្ដល់ជូនអ្នកចូលរួមទាំងអស់។ ចំពោះការចុះឈ្មោះ ទាំងភ្ញៀវជាតិ និងអន្ដរជាតិអាចរកចុះឈ្មោះបាន សម្រាប់ទីតាំងភ្នំពេញ នៅក្រុមហ៊ុន Cambodia Events Organizer នៅសង្កាត់ទួលទំពូង ខណ្ឌចំការមន និងខេត្តសៀមរាប នៅក្លិបហាត់ប្រាណ Angkor Fitness។គួរដឹងថា ទិវារត់ប្រណាំងអន្ដរជាតិពាក់កណ្ដាលម៉ារ៉ាតុង គឺជាព្រឹត្តិការណ៍កីឡា និងទេសចរណ៍ដ៏ធំមួយ ដែលក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជា សហការជាមួយភាគីពាក់ព័ន្ធតែងរៀបចំរៀងរាល់ឆ្នាំនាអំឡុងខែធ្នូ ដើម្បីទាក់ទាញវិស័យទេសចរណ៍ផង និងជួយដល់ប្រតិបត្តិករទេសចរណ៍ផង ពិសេសក៏ផ្សារភ្ជាប់ជាមួយការស្វែងរកមូលនិធិសម្រាប់ជួយដល់មន្ទីរពេទ្យកុមារ និងអង្គការមនុស្សធម៌នានាផងដែរ៕អត្ថបទ៖ លី ឈុនឡា

Neymar និងឪពុកមកដល់តុលាការអេស្ប៉ាញស្តាប់ការជំនុំជម្រះបញ្ហាផ្ទេរមក Barcelona កាលពីឆ្នាំ២០១៣

បាល់ទាត់៖ ខ្សែប្រយុទ្ធប្រេស៊ីល និង PSG, Neymar រួមជាមួយនឹងឪពុករបស់ខ្លួនបានទៅដល់តុលាការអេស្ប៉ាញហើយ ដើម្បីចាប់ផ្តើមជំនុំជម្រះរឿងក្តីនៃការផ្ទេរពី Santos មកកាន់ Barcelona កាលពីឆ្នាំ២០១៣។ ក្រុមហ៊ុនវិនិយោគប្រេស៊ីលមួយបានចោទប្រកាន់ Neymar ពីបទក្លែងបន្លំ និងអំពើពុករលួយទាក់ទងនឹងការផ្ទេររបស់គាត់ទៅ Barcelona ពី Santos ក្នុងឆ្នាំ២០១៣។ កីឡាករវ័យ ៣០ឆ្នាំរូបនេះបានបដិសេធការចោទប្រកាន់នេះ ប៉ុន្តែបានចាញ់ការប្តឹងឧទ្ធរណ៍នៅតុលាការកំពូលរបស់ប្រទេសអេស្ប៉ាញក្នុងឆ្នាំ២០១៧ ដែលនាំឱ្យការកាត់ក្តីត្រូវបាននាំមកដោយរដ្ឋអាជ្ញាអេស្ប៉ាញ។ ចុងចោទផ្សេងទៀតគឺឪពុកម្តាយរបស់ Neymar ក្លឹបទាំងពីរអតីតប្រធានក្លឹប Barcelona លោក Josep Maria Bartomeu និង Sandro Rosell និងអតីតប្រធាន Santos Odilio Rodrigues។ DIS ទទួលបានភាគរយនៃសិទ្ធិរបស់ Neymar នៅពេលគាត់មានអាយុ ១៧ឆ្នាំជាថ្នូរនឹងលុយ ២លានអឺរ៉ូ។Barcelona បាននិយាយនៅពេលផ្ទេរ Neymar ថា តម្លៃផ្ទេរគឺ ៥៧.១លានអឺរ៉ូ ដែលក្នុងនោះ ៤០លានអឺរ៉ូត្រូវបានប្រគល់ទៅឱ្យគ្រួសាររបស់គាត់។ ក្រុមហ៊ុនវិនិយោគទទួលបានចំណែក ៤០% នៃប្រាក់ដែលនៅសល់ចំនួន ១៧.១លានអឺរ៉ូនោះសល់ប៉ុន្មានគឺបានទៅក្លិប Santos។ ក៏ដូចជាការទាមទារឱ្យជាប់ពន្ធនាគាររយៈពេល ៥ឆ្នាំ DIS ក៏កំពុងស្នើសុំការកាត់ទោសដាក់ពន្ធនាគារសម្រាប់ Rosell និង Bartomeu និងពិន័យជាប្រាក់ ១៤៩លានអឺរ៉ូផងដែរ៕អត្ថបទ៖នាង សុភាវុធ

កីឡាករកម្ពុជា និងកីឡាការិនីថៃឈ្នះជុំទី៣ ការប្រកួតកង់ភ្នំឆ្នាំ២០២២

ប្រណាំងកង់ភ្នំ៖ ការប្រកួតកង់ភ្នំជើងឯកជាតិ ២០២២ (WURKZ Mountain Bike Series) ដំណើរការដល់ជុំទីបីហើយ ដោយដំណើរការប្រកួតនៅចុងសប្តាហ៍កន្លងទៅនៅបរិវេណជើងភ្នំគូលែន ស្រុកបន្ទាយស្រី ខេត្តសៀមរាប ដោយមានកីឡាករ-កីឡាការិនី ៣២០នាក់ចូលរួមប្រកួត ក្នុងនោះមានកីឡាករ-កីឡាការិនីជម្រើសជាតិកង់ភ្នំថៃចូលរួមផងដែរ។ក្រោយដំណើរការប្រកួតស្ទើរពេញមួយថ្ងៃអាទិត្យ វិញ្ញាសាកម្រិត A បុរស កីឡាករជម្រើសជាតិកម្ពុជា គីម ម៉េងឡុង បញ្ចប់នៅចំណាត់ថ្នាក់លេខ១ បន្ទាប់បញ្ចប់ការប្រកួត ៥ជុំដោយប្រើថេរវេលា ១ម៉ោង ៣នាទី ២៨វិនាទី៣ ខណៈដែលកីឡាករ ឆាប ឆៃហ្វុង បញ្ចប់នៅចំណាត់ថ្នាក់ទី២ ដោយប្រើថេរវេលា ១ម៉ោង ៤នាទី ៤៣វិនាទី៦។ ចំនែកកីឡាករជម្រើសជាតិថៃ Adisak Tailangkha និង Athiphong Suwannasing ឈរនៅចំណាត់ថ្នាក់លេខ៣ និងលេខ៤រៀងគ្នា ចាញ់អ្នកឈ្នះ ២នាទី ៤៤វិនាទី និង ៣នាទី ០០វិនាទី៥។ សម្រាប់កីឡាករ ហួត ឡយរស្មី បញ្ចប់នៅចំណាត់ថ្នាក់លេខ៥ និងលេខ៦ បានទៅកីឡាករ សាង សីហា។ រីឯវិញ្ញាសានារីកម្រិតខ្ពស់ដែលប្រកួត ៤ជុំ កីឡាការិនីជម្រើសជាតិថៃ Jarinya Suebjakthin ដណ្តើមបានចំណាត់ថ្នាក់លេខ១ បន្ទាប់ពីប្រើថេរវេលា ១ម៉ោង ៥នាទី២៦វិនាទី១ ដោយបានយកឈ្នះមិត្តរួមជាតិ Thanaporn Haman ក្នុងគម្លាតថេរវេលា ១នាទី៤២វិនាទី៨។ ចំនែកកីឡាការិនីជម្រើសជាតិកម្ពុជា ខេន ម៉ាឡៃ បញ្ចប់នៅចំណាត់ថ្នាក់លេខ៣ ចាញ់អ្នកឈ្នះ៣នាទី១៦វិនាទី៧ ខណៈដែលកីឡាការិនីថៃមួយរូបទៀត Natalie PANYAWAN បញ្ចប់នៅចំណាត់ថ្នាក់លេខ៤ និងកីឡាការិនីកម្ពុជា យស កន្និការ ឈរនៅលេខ៥ និងកីឡាការិនី វន ស្រីនីត បញ្ចប់នៅចំណាត់ថ្នាក់លេខ៦។ក្រៅពីវិញ្ញាសាធំៗទាំងពីរនៅនៅមានវិញ្ញាសា B1 (ប្រកួត៤ជុំ ចម្ងាយ១៤គីឡូម៉ែត្រ) កីឡាករជម្រើសជាតិកម្ពុជា គ្រួច វ៉ា ជាអ្នកទទួលបានជ័យជំនះ លេខ២ បានទៅកីឡាករ កែវ សុផា មកពីក្លិបជិះកង់ RVC និងលេខ៣ បានទៅកីឡាករ ឆាង រ័ត្នមុន្នី មកពីក្លិបជិះកង់ខេត្តសៀមរាប ខណៈលេខ៤ កីឡាករ ភោគ ចំណាប់ និងលេខ៥ កីឡាករមកពីកំពត យូរ៉ា គីម។ វិញ្ញាសា B2 ប្រកួតបីជុំចម្ងាយជិត ១០គីឡូម៉ែត្រ កីឡាករមកពីប្រទេសថៃ Surachet Sing jui ជាអ្នកទទួលបានជ័យជំនះ លេខ២ កីឡាករ Vasco ramsperger មកពីក្រុមជិះកង់ខេត្តកំពត លេខ៣ កីឡាករ Pierre Yves CATRY មកពីក្រុមកង់ហោះ លេខ៤ កីឡាករ ហុង ចាន់មករា មកពីក្រុមជិះកង់តាខ្មៅ និងលេខ៥ កីឡាករ Julius មកពីក្រុមជិះកង់ ICF កម្ពុជា។ វិញ្ញាសា E-Bikes ចំណាត់ថ្នាក់លេខ១ បានទៅកីឡាករ ប៊ុត ឈឿន របស់ក្រុមកង់ហោះ លេខ២ កីឡាករ អ៊ូ ស៊ីផា មកពីក្រុមកង់ហោះ និងលេខ៣ កីឡាករ Pascal CATRY ក្រុមកង់ហោះ២។វិញ្ញាសា C1 ជ័យជំនះបានទៅកីឡាករ ពៅ សុភាន់ មកពីក្រុមកង់ហោះ, វិញ្ញាសា C2 ជ័យជំនះបានទៅកីឡាករ ធីម លីម៉េង មកពីក្រុមជិះកង់ខេត្តសៀមរាប, វិញ្ញា C3 លេខ១ បានទៅកីឡាករ អ៊ី លាងម៉េង របស់ក្រុមជិះកង់ Sun Bikes, វិញ្ញាសា Master ជ័យជំនះបានទៅកីឡាករ គីម សម្បត្តិ មកពីក្លិបជិះកង់ Cycle Path Club, វិញ្ញាសា CMG ជ័យជំនះបានទៅកីឡាករ ស្មគ្រ វិស្ណុ, វិញ្ញាសា VIP កីឡាករ ឈួន យ៉េនរបស់ក្លិប Sun Bikes បញ្ចប់នៅចំណាត់ថ្នាក់លេខ១ វិញ្ញាសានារី ៣ជុំក្នុងចំងាយជាង ៦គីឡូម៉ែត្រ កីឡាការិនី ខេន ម៉ាឡៃ ដណ្តើមជ័យជំនះ, វិញ្ញាសា C0 ដែលមានកីឡាករចូលរួមជាង ៦០នាក់លេខ១ បានទៅកីឡាករ ជា សុបញ្ញា មកពីក្លិបជិះកង់រិទ្ធិសែន ខេត្តកំពង់ឆ្នាំង, វិញ្ញសាកុមារ K2 ដែលមានកុមារជាង ៣០នាក់ចូលរួមប្រកួតលេខ១ បានទៅកីឡាករ វន ដាវីដ និងវិញ្ញាសា K1 លេខ១ បានទៅកុមារា លី សុវណ្ណារាជមកពីក្លិប Sun Bike និងលេខ១ កុមារី បានទៅ បញ្ញា អ៊ាន មកពីក្រុមជិះកង់សុខសាន្ត។ សូមជម្រាបជូនថា ការប្រកួតជុំទី១ នៃកម្មវិធី WURKZ Mountain Bike Series នឹងធ្វើនៅព្រែកលៀបរាជធានីភ្នំពេញ ខណៈជុំទី៥ ដែលជុំចុងក្រោយនឹងធ្វើនៅកំឡុងខែធ្នូ នៅរមណីយដ្ឋានគិរីរម្យ ខេត្តកំពង់ស្ពឺ៕អត្ថបទ៖ គង់ ហួន

បណ្ដាញសង្គម

ព័ត៌មានថ្មីៗ

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

ប្រធានចារកម្មទួរគី និងមេដឹកនាំក្រុមហាម៉ាស ពិភាក្សាអំពីផែនទីផ្លូវសម្រាប់ដំណាក់កាលទី២នៃផែនការសន្តិភាពហ្កាហ្សា

ព្រះរាជទាយាទអារ៉ាប៊ីសាអ៊ូឌីត និងប្រធានាធិបតីទួរគី ពិភាក្សាអំពីសន្តិសុខក្នុងតំបន់ និងការវាយប្រហារនៅសមុទ្រក្រហម

អាជ្ញាធរ៖ ជនអន្តោប្រវេសន៍ជាង ១៥០នាក់ ត្រូវបានសង្គ្រោះ ក្រោយទូកមានអគ្គិភ័យ នៅច្រកសមុទ្រអង់គ្លេស

អតីតមេបញ្ជាការកំពូលអ៊ុយក្រែនបញ្ជាក់ថា អ៊ុយក្រែននឹងមិនបានចូលរួមជាមួយណាតូទេ

ក្រសួងការបរទេសទួរគីថ្កោលទោសការវាយប្រហារលើនាវាពីរគ្រឿងនៅសមុទ្រខ្មៅ

មេដឹកនាំហេសបូឡានិយាយថា លោកមិនមានការជំទាស់ចំពោះការជួបជាមួយអាជ្ញាធរស៊ីរីទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡា​ប៉េតង់​នឹង​សាងសង់​ទីលាន​ប្រកួត​វគ្គ​ផ្ដាច់ព្រ័ត្រ​ស៊ី​ហ្គេម​ក្រោម​ជំនួយ​ CAMSOC

កម្ពុជា​បន្ដ​យកឈ្នះ​ម៉ុង​ហ្គោ​លី ៣-០ ក្នុង​ប្រកួត​ទី​២ នៃ​ព្រឹត្តិការណ៍ Davis Cup នៅ​បា​រ៉ែ​ន​

ក្រៅពី​ជួសជុល និង​បំពាក់​កៅអី​ពហុ​កីឡដ្ឋាន​ជាតិ ស្តាត​មរតក​តេ​ជោ​ក៏​អាច​នឹង​ប្ដូរ​ស្មៅ​ថ្មី​ដែរ

Neymar ប្រាប់​អង្គ​ជំនុំ​ជម្រះថា​ ខ្លួន​មិន​មាន​ពាក់ព័ន្ធ​នឹង​រឿង​ចរចា​ផ្ទេរ​មកកាន់ Barcelona

កាតា​ត្រូវបាន​ជ្រើសរើស​ជា​ម្ចាស់ផ្ទះ AFC Asian Cup 2023 ជំនួស​ចិន

គ្រូបង្វឹក​វៀតណាម​ជោគជ័យ​បំផុត Park Hang-seo ប្រកាស​ចាក​ចេញពី​តំណែង​ក្រោយ​ចប់ AFF Championship

សំបុត្រ​ចូល​ទស្សនា World Cup លក់បាន​ជិត ៣លាន​សន្លឹក​ហើយ​

រួសរាន់​ឡើង​! ការចុះឈ្មោះ​រត់​ពាក់កណ្ដាល​ម៉ា​រ៉ា​តុងនៅ​អង្គរវត្តសល់​ពេល ១​សប្ដាហ៍​ទៀត​ប៉ុណ្ណោះ

Neymar និង​ឪពុក​មកដល់​តុលាការ​អេ​ស្ប៉ា​ញ​ស្តាប់​ការ​ជំនុំ​ជម្រះ​បញ្ហា​ផ្ទេរ​មក Barcelona កាលពី​ឆ្នាំ​២០១៣

កីឡាករ​កម្ពុជា និង​កីឡាការិនី​ថៃ​ឈ្នះ​ជុំ​ទី​៣​ ការប្រកួត​កង់​ភ្នំ​ឆ្នាំ២០២២