BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

ឯកឧត្តម នេត សាវឿន ចាត់ទុកពានសម្ដេចតេជោ ជាឱកាសសម្រួចជម្រើសជាតិឆ្ពោះទៅដណ្ដើមមេដាយមាសស៊ីហ្គេម

បាល់ទះ៖ ការប្រកួតបាល់ទះដណ្ដើមពានរង្វាន់សម្ដេចតេជោ ហ៊ុន សែន ឆ្នាំ២០២២ បានបើកការប្រកួតផ្លូវការហើយ កាលពីថ្ងៃទី១៥ ខែតុលាចុងសប្ដាហ៍កន្លងទៅ ដោយមានបេក្ខភាពខ្លាំងៗចំនួន ១១ក្រុមចូលរួម។ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជា បានចាត់ទុកព្រឹត្តិការណ៍នេះគឺជាឱកាសសម្រួចក្រុមជម្រើសជាតិ ឆ្ពោះទៅសម្រេចបំណងដណ្ដើមមេដាយមាសស៊ីហ្គេមជាប្រវត្តិសាស្ដ្រនៅកម្ពុជានាឆ្នាំ២០២៣ ខាងមុខ។ ការលើកឡើងនេះ ស្របពេលឯកឧត្តមបានអញ្ជើញជាអធិបតីក្នុងពិធីបើក ការប្រកួតពានរង្វាន់សម្ដេចតេជោនៅសាលទីលានាបាល់ទះនៃកីឡដ្ឋានព្រីនស៍ ក្នុងនោះក៏មានការចូលរួមពីលោកជំទាវ Teo Lay Cheng ឯកអគ្គរដ្ឋទូតវិសាមញ្ញ និងពេញសមត្ថភាពថ្មីនៃសាធារណរដ្ឋសិង្ហបុរីប្រចាំនៅកម្ពុជា និងលោកជំទាវ Liurka Rodriguez Barrios ឯកអគ្គរដ្ឋទូតនៃប្រទេសគុយបាប្រចាំនៅកម្ពុជាផងដែរ។ អ្វីដែលពិសេសទៀតនោះ ដើម្បីអបអរសាទរព្រឹត្តិការណ៍ដ៏ធំនេះ ក៏មានការប្រកួតមិត្តភាពអន្ដរជាតិរវាងក្រុមបាល់ទះជម្រើសជាតិកម្ពុជា និងក្រុមជម្រើសជាតិសិង្ហបុរីផងដែរ ដោយលទ្ធផល កម្ពុជាបានយកឈ្នះក្រុមភ្ញៀវសិង្ហបុរីដោយលទ្ធផល ២-១សិតជាមួយពិន្ទុ ២៥-២១, ២២-២៥ និង ២៧-២៥។ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន បានធ្វើការវាយតម្លៃខ្ពស់ចំពោះការរៀបចំនូវពានរង្វាន់សម្ដេចតេជោនាយករដ្ឋមន្ដ្រី ក៏ដូចជាការប្រកួតមិត្តភាពអន្ដរជាតិរវាងកម្ពុជា និងសិង្ហបុរី ដោយឯកឧត្តមបានចាត់ទុកការរៀបចំនេះគឺជាផ្នែកមួយដ៏សំខាន់សម្រាប់សហព័ន្ធ ក៏ដូចជាក្រុមការងារគ្រូ ក្នុងការសម្លឹងរកធនធានកីឡាករល្អៗមកពង្រឹងក្រុមជម្រើសជាតិបន្ថែមទៀត។ក្នុងនាមប្រធានសហព័ន្ធ ឯកឧត្តមសន្ដិបណ្ឌិតបានគូបញ្ជាក់ថា ការរៀបចំពានជាច្រើននាពេលកន្លងមក ពិសេសការរៀបចំពានរង្វាន់សម្ដេចតេជោ ហ៊ុន សែន ឆ្នាំ២០២២ ជាឱកាសដែលធ្វើឲ្យសហព័ន្ធចម្រាញ់បាននូវធនធានកីឡាករ-កីឡាការិនី ដែលមានសមត្ថភាព និងទេពកោសល្យ ដើម្បីឈានទៅសម្រេចបំណងដណ្ដើមមេដាយមាស ក្នុងព្រឹត្តិការណ៍ប្រវត្តិសាស្ដ្រស៊ីហ្គេមឆ្នាំ២០២៣ ដែលកម្ពុជាធ្វើម្ចាស់ផ្ទះ។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធបានឲ្យដឹងថា ពានរង្វាន់សម្ដេចតេជោនេះនឹងប្រើពេលកន្លះខែចាប់ពីថ្ងៃទី១៥-៣០ ខែតុលា ដោយមានបេក្ខភាព ១១ក្រុមចូលរួម ហើយចែកចេញជា ៤ពូលដើម្បីធ្វើការប្រកួតជម្រុះរកក្រុមខ្លាំងឡើងវគ្គបន្ដបន្ទាប់។ សម្រាប់ប្រាក់រង្វាន់ជ័យលាភី ក្រុមជើងឯកនឹងទទួលបានពាន ១ អមប្រាក់រង្វាន់ ១ម៉ឺនដុល្លារ, លេខ២ ទទួលបាន ៥ពាន់ដុល្លារ, លេខ៣ ទទួលបាន ៣ពាន់ដុល្លារ និងលេខ៤ ទទួលបាន ២ពាន់ដុល្លារ។ដំណាលគ្នានឹងពិធីបើកការប្រកួតនេះ ក៏មានក្រុមមួយចំនួនបានចាប់ផ្ដើមការប្រកួតសន្សំពិន្ទុតាមពូលរៀងៗខ្លួនផងដែរ ជាក់ស្ដែកនៅថ្ងៃបើកឆាក ក្រុមបញ្ជាការដ្ឋានអង្គរក្សបានវាយបកយកឈ្នះក្រុមស្នងការដ្ឋាននគរបាលខេត្តត្បូងឃ្មុំ ដោយលទ្ធផល ៣-១សិតសម្រាប់ការប្រកួតមុនគេនៃពូល B។ រីឯនៅថ្ងៃទី១៦ ខែតុលាម្សិលមិញ បើកឆាកពូល A ក្រុមវិសាខាបានយកឈ្នះក្រុមរដ្ឋបាលរាជធានីភ្នំពេញ ៣-០សិត ខណៈក្រុមកងពលធំអន្ដរាគមន៍លេខ៣ បានយកឈ្នះក្រុមកូននាគឧត្ដរដោយលទ្ធផល ៣-០សិតដូចគ្នាក្នុងពូល C៕អត្ថបទ៖ លី ឈុនឡា

Liverpool បញ្ចប់ពាក្យមិនដែលចាញ់ក្នុងលីគរដូវកាលនេះរបស់ Manchester City

បាល់ទាត់៖ គ្មានឡើយក្រុមដែលលេងមិនចាញ់រដូវកាលនេះ បន្ទាប់ពីក្រុមហង្សក្រហម Liverpool យកឈ្នះ Manchester City ១-០ នៅកីឡដ្ឋាន Anfield។ Manchester City ជាក្រុមតែមួយគត់ដែលលេងមិនទាន់ចាញ់ក្នុងរដូវកាលនេះ តែអ្វីៗត្រូវបានបញ្ចប់ត្រឹមនាទីទី៧៦ ដោយមួយគ្រាប់បាល់ជ័យជំនះរបស់ Mohamed Salah ដែលស៊ុតមួយទល់នឹងមួយជាមួយអ្នកចាំទី Ederson របស់ Manchester City ក្រោយទទួលបាល់បញ្ជូនវាយបករបស់អ្នកចាំទី Liverpool, Alisson Becker។ ថ្វីបើចាញ់ Manchester City ជាក្រុមមានប្រៀបក្នុងការប្រកួតនេះតាមរយៈការគ្រប់គ្រងបាល់ ៦៣% ទល់នឹង ៣៧% ឱកាសស៊ុត ១៦-១៣ ចំគោលដៅ ៦លើកតែមិនសំរេចទី តែ Liverpool ឱកាសស៊ុត ១៣លើកចំគោលដៅ ២លើកសម្រេចទី ១គ្រាប់។ លទ្ធផលនេះធ្វើឱ្យ Liverpool ឡើងពីលេខ ១០ មកលេខ ៨ ក្នុងតារាងមាន ១៣ពិន្ទុខណៈ Manchester City បន្តឈរលេខ ២ មាន ២៣ពិន្ទុតាមពីក្រោយក្រុមកំពូលតារាង Arsenal ៤ពិន្ទុ។ Arsenal បានយកឈ្នះនៅទឹកដី Leeds United ១-០ ដោយគ្រាប់បាល់របស់ Bukayo Saka ខណៈការប្រកួតត្រូវបានផ្អាកនៅពេលលេងមិនទាន់បាន ១នាទីផង កីឡដ្ឋាន Elland Road របស់ Leeds ក៏ដាច់ចរន្តអគ្គីសនី។យ៉ាងណាក្តីគ្រាប់របស់ Bukayo Saka តាំងពីនាទីទី៣៥ គឺជាគ្រាប់ជ័យជំនះរបស់ Arsenal បើទោះបី Leeds មានឱកាសស៊ុតបាល់ពិន័យ ១១ម៉ែត្រនៅវគ្គទី២ តែខ្សែប្រយុទ្ធអង់គ្លេស Patrick Bamford ធ្វើមិនបានសំរេច។ ចំណែកក្រុមបិសាចក្រហម Manchester United និង Newcastle បញ្ចប់ទៅដោយគ្មានក្រុមស៊ុតបញ្ចូលទីនៅ Old Trafford៕អត្ថបទ៖នាង សុភាវុធ

ស៊ីហ្គេមឆ្នាំ២០២៣ នៅសល់ ២០០ថ្ងៃ ខណៈកីឡា ៣៨ប្រភេទត្រូវបានអនុម័តដាក់ក្នុងព្រឹត្តិការណ៍ប្រវត្តិសាស្ដ្រនេះ

ស៊ីហ្គេម៖ គិតត្រឹមថ្ងៃទី១៧ ខែតុលា ឆ្នាំ២០២២ នេះ កម្ពុជានៅសល់ ២០០ថ្ងៃគត់សម្រាប់ការត្រៀមធ្វើម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ស្របពេលកីឡា ៣៨ប្រភេទលើ ៦០៨វិញ្ញាសាត្រូវបានអនុម័តរួចរាល់ ដាក់ក្នុងកម្មវិធីប្រកួតនៃព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ។ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ នៃគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានចាត់ទុកថ្ងៃនេះគឺជាថ្ងៃប្រវត្តិសាស្ដ្រមួយនៃដំណើរឆ្ពោះទៅឆ្នាំ២០២៣ ដ្បិតគណៈកម្មាធិការជាតិ CAMSOC បានសម្រេចការងារសំខាន់ៗជាច្រើន ដើម្បីស្វាគមន៍ព្រឹត្តិការណ៍ដែលកម្ពុជាទន្ទឹងរង់ចាំអស់ ៦៤ឆ្នាំនេះ។ នេះបើតាមការបញ្ជាក់ក្នុងសន្និសីទសារព័ត៌មាន ស្ដីពីការប្រកាសវឌ្ឍនភាពការងាររបស់ CAMSOC និងការប្រកាសផ្សព្វផ្សាយការរាប់ថយក្រោយ ២០០ថ្ងៃត្រូវនឹងថ្ងៃទី១៧ ខែតុលា ឆ្នាំ២០២២ ដើម្បីដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីចុងសប្ដាហ៍កន្លងទៅ។ ដោយឡែកឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានឲ្យដឹងថា មកទល់ពេលនេះ ក្រុមប្រឹក្សាកីឡាអាស៊ីអាគ្នេយ៍បានអនុម័តរួចរាល់លើប្រភេទកីឡា និងវិញ្ញាសាសម្រាប់ការប្រកួតស៊ីហ្គេមនៅកម្ពុជាហើយគឺមានកីឡាចំនួន ៣៨ប្រភេទ និងញ្ញាសាចំនួន ៦០៨វិញ្ញាសា។រីឯប្រភេទកីឡាអាស៊ានប៉ារ៉ាហ្គេមលើកទី១២ ក៏បានអនុម័តរួចរាល់ដែរមានចំនួន ១៣ប្រភេទកីឡា តែមិនទាន់សម្រេចលើវិញ្ញាសាប្រកួតនោះទេ។ ក្នុងឱកាសសល់ ២០០ថ្ងៃនៃដំណើរឆ្ពោះទៅព្រឹត្តិការណ៍ប្រវត្តិសាស្ដ្រនៅកម្ពុជានេះ ឯកឧត្តមបណ្ឌិត ថោង ខុន បានអំពាវនាវឲ្យគ្រប់ភាគីពាក់ព័ន្ធ ពិសេសប្រជាពលរដ្ឋបន្ដរួមសហការគ្នាក្នុងការត្រៀមខ្លួនឲ្យបានល្អប្រសើរ ដើម្បីស្វាគមន៍ប្រតិភូកីឡា ក៏ដូចជាភ្ញៀវទេសចរអន្ដរជាតិរាប់ម៉ឺននាក់ដែលនឹងមកទស្សនាកម្សាន្ដ ក៏ដូចជាអបរសាទរកម្ពុជាក្នុងការរៀបចំការប្រកួតស៊ីហ្គេម-អាស៊ានប៉ាហ្គេមឆ្នាំ២០២៣ ដូចជារៀបចំតុបតែងក្នុងការជំរុញបរិស្ថានស្អាត និងបៃតងជាដើម។ គួរដឹងថា ស៊ីហ្គេមលើកទី៣២ នៅកម្ពុជានឹងប្រព្រឹត្តទៅពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ ដែលគិតត្រឹមថ្ងៃទី១៧ ខែតុលា ឆ្នាំ២០២២ រហូតដល់ថ្ងៃពិធីបើកព្រឹត្តិការណ៍ប្រវត្តិសាស្ដ្រនេះគឺនៅសល់ ២០០ថ្ងៃគត់។ បន្ទាប់មកកម្ពុជានឹងបន្ដរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ដែលនឹងប្រព្រឹត្តទៅពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ។ចំពោះ ៣៨ប្រភេទកីឡាដែលត្រូវបានអនុម័តដាក់ក្នុងកម្មវិធីប្រកួតកីឡាស៊ីហ្គេមឆ្នាំ២០២៣ រួមមាន៖ ១. អត្តពលកម្ម (Track&Field និង ម៉ារ៉ាតុង), ២. កីឡាលើទឹក (ហែលទឹក, លោតទឹក, បាល់ទឹក និងហែលទឹកជើងទា), ៣. វាយសី, ៤. បាល់បោះ (៥×៥ និង ៣×៣), ៥. ប៊ីយ៉ា ស្នូកឃ័រ, ៦. ប្រដាល់សកល, ៧. កាយវប្បកម្ម, ៨. អុក (អុកចត្រង្គ និងអុកចិន), ៩. ទោចក្រយាន (កង់គួក និងកង់ភ្នំ), ១០. គ្រីឃីត (T20/Sixes និង T50/T20), ១១. កីឡារាំ, ១២. កីឡាអេឡិចត្រូនិក, ១៣. គុនដាវ, ១៤. Floorball, ១៥. បាល់ទាត់ (បុរស-នារី), ១៦. វាយកូនគោល, ១៧. កាយសម្ព័ន្ធ (Aerobic និង Artistic), ១៨. ហុកគី (រួមបញ្ចូលក្នុងសាល និងក្រៅសាល), ១៩. ម៉ូតូទឹក, ២០. យូដូ, ២១. ការ៉ាតេ, ២២. យុទ្ធគុនចម្រុះ (គុនល្បុក្កតោ, Arnis គុនដំបងរបស់ហ្វីលីពីន, ជឺជីតស៊ូ, ឃីកបុកសីង, វ៉ូវីណាម, គុនខ្មែរ), ២៣. កីឡាឧបសគ្គ, ២៤. បញ្ចសីលា, ២៥. ប៉េតង់, ២៦. ទូកក្ដោង, ២៧. សីដក់, ២៨. សូហ្វតេន្នីស, ២៩. វាយកូនឃ្លីលើតុ, ៣០. តេក្វាន់ដូ WT, ៣១. វាយកូនបាល់, ៣២. ប្រណាំងទូកប្រពៃណី, ៣៣. ទ្រីយ៉ាត្លុង (រួមទាំង អាគ័រត្លុង និងឌូអាត្លុង), ៣៤. បាល់ទះ (ក្នុងសាល និងលើឆ្នេរខ្សាច់), ៣៥. លើកទម្ងន់, ៣៦. ចំបាប់, ៣៧. វ៉ូស៊ូ និង៣៨ គឺជាកីឡាសម្ដែង (Demonstration Sport) ដែលមានជាលើកដំបូងនោះគឺកីឡា Teqball៕អត្ថបទ៖ លី ឈុនឡា

ប្រមុខសហព័ន្ធកីឡាប៉េតង់ទទូចកុំឲ្យមានការរើសអើងរវាងអ្នកឈ្នះ និងអ្នកពុំទទួលបានជ័យលាភី

ប៉េតង់៖ ឯកឧត្តម សុខ សូកាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានសហព័ន្ធកីឡាប៊ូល និងប៉េតង់កម្ពុជា បានអំពាវនាវដាច់ខាតកុំឲ្យមានការរើសអើសរវាងកីឡាករ-កីឡាការិនីជ័យលាភី និងអ្នកពុំទទួលបានជ័យលាភី ផ្ទុយទៅវិញត្រូវលើកទឹកចិត្ត និងបន្ដការខិតខំប្រឹងប្រែង ដើម្បីមានឱកាសបង្ហាញសមត្ថភាពក្នុងការប្រកួតបន្ដបន្ទាប់កាន់តែប្រសើរ ទាំងថ្នាក់ជាតិ និងអន្ដរជាតិ។ ការគូសបញ្ជាក់នេះធ្វើឡើងក្នុងការប្រកួតកីឡាប៉ូល និងប៉េតង់ជ្រើសរើសជើងឯកថ្នាក់ជាតិឆ្នាំ២០២២ ដែលបានប្រព្រឹត្តទៅរយៈពេល ២ថ្ងៃកាលពីថ្ងៃទី១៥ និងថ្ងៃទី១៦ ខែតុលាចុងសប្ដាហ៍កន្លងទៅនៅពហុកីឡដ្ឋានជាតិ ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១២៤នាក់មកពី ១៧សមាគម/ក្លិបទូទាំងប្រទេស បន្ទាប់ពីបញ្ចប់ការប្រកួតជម្រុះតាមតំបន់ចំនួន ៥ និងស្ថាប័នចំនួន ៤ កាលពីថ្មីៗ។ ប្រមុខសហព័ន្ធដដែលបានវាយតម្លៃខ្ពស់ ចំពោះការប្រកួតនេះ ដែលប្រជុំដោយកីឡាករ-កីឡាការិនីជើងខ្លាំងប្រចាំតំបន់ និងស្ថាប័នមកចូលរួមប្រកួត ដែលជាឱកាសសម្រាប់សហព័ន្ធក្នុងការសម្លឹងមើលធនធានកីឡាករ-កីឡាការិនីឆ្នើមៗដើម្បីយកមកបណ្ដុះបណ្ដាល និងស្នងតំណែងរាមច្បង ក៏ដូចជាត្រៀមចូលរួមការប្រកួតជាតិ និងអន្ដរជាតិនានានៅថ្ងៃអនាគត ពិសេសព្រឹត្តិការណ៍ស៊ីហ្គេម ឆ្នាំ២០២៣ នៅកម្ពុជា។ឆ្លៀតឱកាសនោះឯកឧត្តមបានសង្កត់ធ្ងន់ថា ការប្រកួតកីឡាតែងមានឈ្នះ និងចាញ់ ហេតុនេះត្រូវចៀសវាងឲ្យផុតនូវការរើសអើងចំពោះអ្នកទទួលបានជ័យលាភី ឬពុំទទួលបានជ័យលាភី ដែលផ្ទុយពីស្មារតីកីឡា។ ផ្ទុយទៅវិញត្រូវផ្ដល់នូវការសាទរ និងលើកទឹកចិត្ត ចំពោះអ្នកដណ្ដើមបានជ័យលាភី ដែលមានសមត្ថភាពខ្ពស់ប្រកបដោយស្មារតីសាមគ្គីភាព ក្នុងនាមមហាគ្រួសារកីឡាប៉េតង់តែមួយ។ រីឯអ្នកពុំទទួលបានជ័យលាភីក៏ត្រូវបន្ដការខំប្រឹង ដើម្បីត្រៀមការប្រកួតប្រជែងជាបន្ដបន្ទាប់ទៀត។ ឆ្លងកាត់ការប្រកួតដ៏ស្វិតស្វាញរយៈពេល ២ថ្ងៃដែលធ្វើការប្រកួតលើ ៥វិញ្ញាសា ជាលទ្ធផលសម្ព័ន្ធកីឡាប៉ូល និងប៉េតង់ក្រសួងការពារជាតិ ដណ្ដើមបានមេដាយច្រើនជាងគេមានមេដាយមាស ២ និងប្រាក់ ១ ខណៈក្រសួងមហាផ្ទៃឈរលេខ២ ដណ្ដើមបានមេដាយមាស ១ ប្រាក់ ១ និងសំរឹទ្ធ។ រីឯទីស្ដីការគណៈរដ្ឋមន្ដ្រីឈរលេខ៣ ដណ្ដើមបានមេដាយមាស ១ និងសំរឹទ្ធ ២ និងសម្ព័ន្ធកីឡាប៉ូល និងប៉េតង់សម្ដេចវិបុលបញ្ញា សុខ អាន ខេត្តតាកែវ ដណ្ដើមបានមេដាយមាស ១ និងសំរឹទ្ធ ១ ឈរចំណាត់ថ្នាក់លេខ៤៕អត្ថបទ៖ លី ឈុនឡា

គ្រាប់បាល់ ''Hand of God'' របស់ Maradona ដាក់ដេញថ្លៃអាចមានតម្លៃដល់ ៣លានផោន

បាល់ទាត់៖ គ្រាប់បាល់ដែលប្រើប្រាស់ក្នុងការប្រកួតរបស់ Diego Maradona ស៊ុតបញ្ចូលទីពីរគ្រាប់ដ៏ល្បីរន្ទឺពេញពិភពលោកនឹងត្រូវដាក់ដេញថ្លៃក្នុងតម្លៃចន្លោះពី ២.៥ ទៅ ៣លានផោន។ គ្រាប់បាល់នេះត្រូវបានប្រើប្រាស់អំឡុងព្រឹត្តិការណ៍ World Cup ១៩៨៦ នៅវគ្គ ៨ក្រុមចុងក្រោយរវាងអង់គ្លេស និងអាហ្សង់ទីន។ បច្ចុប្បន្នគ្រាប់បាល់នេះជាកម្មសិទ្ធរបស់លោក Ali Bin Nasser ជាអាជ្ញាកណ្តាលទុយនេស៊ីដែលអនុញ្ញាតឱ្យគ្រាប់របស់ Diego Maradona ដែលប្រើដៃវាយបញ្ចូលទីរឺហៅថា “Hand of God”។ បាល់នេះត្រូវបានប្រើប្រាស់ពេញ ៩០នាទីនៃការប្រកួតនោះ ដែលជាការប្រកួតពេញដោយភាពចម្រូងចម្រាសក្នុងប្រវត្តិសាស្ត្របាល់ទាត់។ ក្រៅពីគ្រាប់បាល់ “Hand of God” នោះ គ្រាប់ទីពីររបស់ Maradona ក៏ជាគ្រាប់ដែលគេចង់ចាំក្នុងប្រវត្តិសាស្ត្រដែរដោយ Maradona បណ្តើរបាល់ដាច់កីឡាករអង់គ្លេស ៥នាក់ និងអ្នកចាំទីស៊ុតបញ្ចូលទីបានសម្រេច។ឆ្នាំនោះដែរអាហ្សង់ទីនឡើងដល់វគ្គផ្តាច់ព្រ័ត្រ និងយកឈ្នះម៉ិកស៊ិកលើកពាន World Cup នៅពេលនោះ។ សូមបញ្ជាក់ថា សម្ភារៈជាប់ខ្លួនរបស់ Diego Maradona ផ្សេងទៀតក៏ធ្លាប់បំបែកកំណត់ត្រាដាក់ដេញថ្លៃបានតម្លៃខ្ពស់បំផុតដែរដែលរួមមានអាវអាហ្សង់ទីននៅ World Cup ១៩៨៦ នោះបានលក់ចេញកាលពីខែឧសភាក្នុងតម្លៃ ៧.៤លានផោនដែលជាកំណត់ត្រាពិភពលោក។ កាលពីខែកញ្ញាអាវរបស់តារាបាល់បោះអាមេរិក Michael Jordan ដែលពាក់នៅវគ្គផ្តាច់ព្រ័ត្រ NBA ឆ្នាំ១៩៩៨ នោះក៏ត្រូវបានដេញថ្លៃលក់ចេញក្នុងតម្លៃ ៨.៧លានផោនជាកំណត់ត្រាថ្មី៕អត្ថបទ៖នាង សុភាវុធ

Manchester United ឈ្នះ Omonia Nicosia ទាំងតឹងទ្រូង ខណៈ Arsenal ឈ្នះនៅផ្ទះ Bodo/Glimt

បាល់ទាត់៖ ក្រុមបិសាចក្រហម Manchester United យកបាន ៣ពិន្ទុពីការប្រកួតទល់នឹងក្រុមមកពីកោះស៊ីប Omonia Nicosia ក្នុងជ័យជំនះ ១-០ នៅ Old Trafford នៃក្របខណ្ឌ UEFA Europa League។ ជាការប្រកួតដ៏តឹងទ្រូងមួយសម្រាប់ក្រុមរបស់លោក Erik ten Hag ដែលមានភាពរយគ្រប់គ្រងបាល់ដល់ទៅ ៧៨% ទល់ ២២% លើ Omonia Nicosia ហើយមានឱកាសស៊ុតដល់ទៅ ៣៤ជើងចំគោល ១៣ជើង។ អ្នកចាំទីនីហ្សេរីយ៉ារបស់ Omonia Nicosia, Francis Uzoho គឺជាតួអង្គសំខាន់ដែលបានបញ្ឈប់គ្រាប់បាល់ស៊ុតរបស់ Manchester United ដល់ទៅ ១២លើកដែលមានរួមមានឱកាសរបស់ Cristiano Ronaldo, Marcus Rashford, Fred និង Bruno Fernandez ជាដើម។ យ៉ាងណាក្តី Scott McTominay ដែលត្រូវប្តូរចូលនៅ ១០នាទីចុងក្រោយគឺជាអ្នកបំប៉ោងសំណាញ់បានសម្រេចនៅនាទីទី៩០+៣ ធ្វើឱ្យក្រុមរបស់លោក Erik ten Hag ទទួលបាន ៣ពិន្ទុបន្តឈរលេខ២ ក្នុងពូល E មាន ៩ពិន្ទុតាមពីក្រោយក្រុមលេខ១ ក្នុងពូល Real Sociedad ដែលយកឈ្នះ Sheriff Tiraspol ៣-០ យប់មិញ។ងាកមកក្រុមកាំភ្លើងធំ Arsenal ក៏រកបានបីពិន្ទុដែរពីការប្រកួតនៅទឹកដី Bodo/Glimt ១-០។ គ្រាប់បាល់ជ័យជំនះរបស់ Arsenal សម្រេចបានដោយ Bukayo Saka នៅនាទីទី២៤ ដើម្បីបញ្ចប់ដំណើរមិនចាញ់ ១៤ប្រកួតជាប់គ្នានៅក្នុងទឹកដីរបស់ Bodo/Glimt នៅអឺរ៉ុប។ បីពិន្ទុនេះ Arsenal បន្តឈរលេខ១ ក្នុងពូលមាន ៩ពិន្ទុតាមពីក្រោយដោយ PSV មាន ៧ពិន្ទុដែលយកឈ្នះ FC Zurich ៥-០ យប់មិញផងដែរ៕អត្ថបទ៖នាង សុភាវុធ

ដឹកនាំ River Plate ជាង ៨ឆ្នាំលោក Marcelo Gallardo ប្រកាសចាកចេញនៅខែធ្នូ

បាល់ទាត់៖ លោក Marcelo Gallardo ដែលជាគ្រូបង្វឹកនៃក្លិបបាល់ទាត់អាហ្សង់ទីន River Plate បានប្រកាសចាកចេញពីក្លិបហើយនៅពេលកិច្ចសន្យាអស់សុពលភាពនៅខែធ្នូខាងមុខ ក្រោយចំណាយពេលជាង ៨ឆ្នាំជាគ្រូបង្វឹក។ Marcelo Gallardo ដែលជាគ្រូបង្វឹកជោគជ័យម្នាក់ក្នុងប្រវត្តិសាស្ត្រនៃក្លិប River Plate បានសម្រេចចិត្តបែបនេះក្នុងកិច្ចប្រជុំមួយជាមួយថ្នាក់ដឹកនាំក្លិបកាលពីថ្ងៃពុធ។ លោក Marcelo Gallardo បានមកដល់ River Plate កាលពីឆ្នាំ២០១៤ និងបានដឹកនាំក្រុមឈ្នះជើងឯកសរុប ១៤ ជាមួយក្លិបអាហ្សង់ទីនមួយនេះដែលក្នុងនោះមានពានអន្តរជាតិចំនួន ៧ពានក្នុងស្រុក ៦ និងជើងឯកលីគកំពូលអាហ្សង់ទីនមួយលើកនៅឆ្នាំមុន។ក្នុងចំណោមនោះ River Plate បានយកឈ្នះគូប្រជែងក្នុងប្រវត្តិសាស្ត្រ Boca Junior ដើម្បីលើកពាន Copa Sudamericana ឆ្នាំ២០១៤ និង Copa Libertadores ៣លើកនៅឆ្នាំ២០១៥ ២០១៨ និង ២០១៩។ Marcelo Gallardo នឹងដឹកនាំ River Plate ប្រកួតចុងក្រោយក្នុងទឹកដីនៅកីឡដ្ឋាន Estadio Monumental ទល់នឹង Rosaio Central នៅថ្ងៃអាទិត្យនេះ មុននឹងប្រកួតបិទរដូវកាលនៅសប្តាហ៍ក្រោយនៅផ្ទះ Racing Club។ River Plate កំពុងឈរលេខ២ ក្នុងតារាងលីគកំពូលអាហ្សង់ទីនតាមពីក្រោយក្រុមកំពូលតារាង Boca Junior ៤ ខណៈដែល Boca Junior នៅសល់មួយប្រកួតក្នុងដៃ៕អត្ថបទ៖នាង សុភាវុធ

លោក Putin ជូនពរម្ចាស់ផ្ទះកាតាឱ្យជោគជ័យក្នុងការរៀបចំ World Cup ឆ្នាំនេះ

បាល់ទាត់៖ ប្រធានាធិបតីរុស្ស៊ីលោក Vladimir Putin បានជូនពរដល់ម្ចាស់ផ្ទះកាតាឱ្យទទួលបានជោគជ័យ ក្នុងការរៀបចំព្រឹត្តិការណ៍បាល់ទាត់ពិភពលោក FIFA World Cup ឆ្នាំនេះ។ ភាគីទាំងពីរបានចែករំលែកបទពិសោធគ្នា ជាពិសេសរុស្ស៊ីដែលជាម្ចាស់ផ្ទះ World Cup 2018 កន្លងទៅ ស្របពេលដែលមេដឹកនាំកាតា Sheikh Tamim bin Hamad Al Thani ក៏បានអរគុណដល់លោក Putin ផងដែរក្នុងការជួយជ្រោមជ្រែងកាតា និងចែករំលែកបទពិសោធ។ រុស្ស៊ីដែលឡើងដល់វគ្គ ៨ក្រុមចុងក្រោយក្នុងនាមជាម្ចាស់ផ្ទះកាលពីឆ្នាំ២០១៨ នោះមិនមានមុខនៅ World Cup ឆ្នាំនេះឡើយក្រោយការដកសិទ្ធិពី FIFA តាមរយៈសង្គ្រាមរបស់រុស្ស៊ីនៅលើទឹកដីអ៊ុយក្រែន។ យ៉ាងណាក្តីប្រភពព័ត៌មានជិតស្និតបានប្រាប់សារព៏ត៌មាន AP ថា គោលបំណងនៃកិច្ចប្រជុំនេះគឺដើម្បីរំសាយភាពតានតឹងរវាងរុស្ស៊ី និងកាតា ដែលបានកើនឡើងកំដៅ បន្ទាប់ពីទីក្រុងដូហាបានសម្តែងការគាំទ្រ ចំពោះបូរណភាពទឹកដីរបស់អ៊ុយក្រែន និងការចូលរួមរបស់រដ្ឋមន្ត្រីការពារជាតិកាតា នៅក្នុងកិច្ចប្រជុំនៃបណ្តាប្រទេសណាតូក្នុងប្រទេសអាល្លឺម៉ង់។ ប្រភពបានបន្តថា កាតាត្រូវការការគាំទ្រពីរុស្ស៊ីក្នុងបញ្ហាតំបន់ផ្សេងៗ រួមទាំងការសម្រុះសម្រួលរបស់ខ្លួននៅក្នុងប្រទេសលីប៊ី និងអ៊ីរ៉ង់៕អត្ថបទ៖នាង សុភាវុធ

Angel Di Maria នឹងអវត្តមានដល់ខែវិច្ឆិកាដោយសាររបួសសរសៃពួរ

បាល់ទាត់៖ ខ្សែបម្រើស្លាបអាហ្សង់ទីន Angel Di Maria នឹងត្រូវអវត្តមានយ៉ាងហោចណាស់ដល់ខែវិច្ឆិកា បន្ទាប់ពីក្លិបសេះបង្កង់ Juventus បានបញ្ជាក់ថា គេមានរបួសសរសៃពួរកម្រិតស្រាល។ Di Maria បានទទួលរងរបួសនេះក្នុងបរាជ័យរបស់ Juventus នៅទឹកដី Maccabi Haifa ២-០ កាលពីយប់ថ្ងៃអង្គារក្របខណ្ឌ UEFA Champions League ខណៈដែលកីឡាករវ័យ ៣៤ឆ្នាំរូបនេះបានទទួលការពិនិត្យលំអិតនៅថ្ងៃព្រហស្បតិ៍ម្សិលមិញ។ Di Maria ត្រូវបានគេរំពឹងថា ជាសមាជិកសំខាន់របស់ក្រុមជម្រើសជាតិអាហ្សង់ទីននៅ World Cup 2022 នៅកាតាឆ្នាំនេះដែលនឹងចាប់ផ្តើមនៅថ្ងៃទី២០ ខែវិច្ឆិកា។ អាហ្សង់ទីនស្ថិតនៅក្នុងពូល C ដោយចាប់ផ្តើមប្រកួតដំបូងជួបជាមួយអារ៉ាប៊ីសាអ៊ូឌីតនៅថ្ងៃទី២២ ខែវិច្ឆិកា មុនជួបជាមួយម៉ិកស៊ិក និងប៉ូឡូញ៕អត្ថបទ៖នាង សុភាវុធ

Neymar ប្រឈមជាប់ពន្ធនាគារ ៥ឆ្នាំរឿងផ្ទេរពី Santos មក Barcelona កាលពីឆ្នាំ២០១៣

បាល់ទាត់៖ ក្រុមហ៊ុនវិនិយោគប្រេស៊ីលមួយបានអំពាវនាវឱ្យ Neymar ប្រឈមមុខនឹងការកាត់ទោសជាប់ពន្ធនាគាររយៈពេល ៥ឆ្នាំ នៅពេលដែលការកាត់ទោសត្រូវធ្វើឡើងនៅសប្តាហ៍ក្រោយពីបទក្លែងបន្លំ និងអំពើពុករលួយទាក់ទងនឹងការផ្ទេររបស់គាត់ទៅ Barcelona ពី Santos ក្នុងឆ្នាំ២០១៣។ Neymar វ័យ ៣០ឆ្នាំបានបដិសេធការចោទប្រកាន់នេះ ប៉ុន្តែបានចាញ់ការប្តឹងឧទ្ធរណ៍នៅតុលាការកំពូលរបស់ប្រទេសអេស្ប៉ាញក្នុងឆ្នាំ២០១៧ ដែលនាំឱ្យការកាត់ក្តីត្រូវបាននាំមកដោយរដ្ឋអាជ្ញាអេស្ប៉ាញ។ តុលាការបាននិយាយថា កីឡាកររបស់ក្លឹប PSG រូបនេះនឹងត្រូវបង្ហាញខ្លួនដោយផ្ទាល់សម្រាប់ថ្ងៃដំបូងនៅទីក្រុង Barcelona នៅថ្ងៃចន្ទដើមសប្តាហ៍ក្រោយ ប៉ុន្តែគេមិនទាន់ច្បាស់ថាតើ Neymar នឹងត្រូវបានស្នើសុំឱ្យស្នាក់នៅសម្រាប់សវនាការទាំងមូល ដែលអាចមានរយៈពេលពីរសប្តាហ៍។ ចុងចោទផ្សេងទៀតគឺឪពុកម្តាយរបស់ Neymar ក្លឹបទាំងពីរអតីតប្រធានក្លឹប Barcelona លោក Josep Maria Bartomeu និង Sandro Rosell និងអតីតប្រធាន Santos Odilio Rodrigues។DIS ទទួលបានភាគរយនៃសិទ្ធិរបស់ Neymar នៅពេលគាត់មានអាយុ ១៧ឆ្នាំជាថ្នូរនឹងលុយ ២លានអឺរ៉ូ។ Barcelona បាននិយាយនៅពេលផ្ទេរ Neymar ថា តម្លៃផ្ទេរគឺ ៥៧,១លានអឺរ៉ូ ដែលក្នុងនោះ ៤០លានអឺរ៉ូត្រូវបានប្រគល់ទៅឱ្យគ្រួសាររបស់គាត់។ ក្រុមហ៊ុនវិនិយោគទទួលបានចំណែក ៤០% នៃប្រាក់ដែលនៅសល់ចំនួន ១៧.១លានអឺរ៉ូនោះសល់ប៉ុន្មានគឺបានទៅក្លិប Santos។ ក៏ដូចជាការទាមទារឱ្យជាប់ពន្ធនាគាររយៈពេលប្រាំឆ្នាំ DIS ក៏កំពុងស្នើសុំការកាត់ទោសដាក់ពន្ធនាគារសម្រាប់ Rosell និង Bartomeu និងពិន័យជាប្រាក់ ១៤៩លានអឺរ៉ូផងដែរ។ រដ្ឋអាជ្ញាអេស្ប៉ាញចង់បានការជាប់ពន្ធនាគាររយៈពេលពីរឆ្នាំសម្រាប់ Neymar និងការបង់ប្រាក់ពិន័យចំនួន ១០លានអឺរ៉ូ និងការជាប់ពន្ធនាគាររយៈពេល ៥ឆ្នាំសម្រាប់ Rosell បូករួមទាំងការពិន័យចំនួន ៨.៤លានអឺរ៉ូសម្រាប់ក្រុម Barcelona៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ឯកឧត្តម នេត សាវឿន ចាត់ទុកពានសម្ដេចតេជោ ជាឱកាសសម្រួចជម្រើសជាតិឆ្ពោះទៅដណ្ដើមមេដាយមាសស៊ីហ្គេម

Liverpool បញ្ចប់ពាក្យមិនដែលចាញ់ក្នុងលីគរដូវកាលនេះរបស់ Manchester City

ស៊ីហ្គេមឆ្នាំ២០២៣ នៅសល់ ២០០ថ្ងៃ ខណៈកីឡា ៣៨ប្រភេទត្រូវបានអនុម័តដាក់ក្នុងព្រឹត្តិការណ៍ប្រវត្តិសាស្ដ្រនេះ

ប្រមុខសហព័ន្ធកីឡាប៉េតង់ទទូចកុំឲ្យមានការរើសអើងរវាងអ្នកឈ្នះ និងអ្នកពុំទទួលបានជ័យលាភី

គ្រាប់បាល់ ''Hand of God'' របស់ Maradona ដាក់ដេញថ្លៃអាចមានតម្លៃដល់ ៣លានផោន

Manchester United ឈ្នះ Omonia Nicosia ទាំងតឹងទ្រូង ខណៈ Arsenal ឈ្នះនៅផ្ទះ Bodo/Glimt

ដឹកនាំ River Plate ជាង ៨ឆ្នាំលោក Marcelo Gallardo ប្រកាសចាកចេញនៅខែធ្នូ

លោក Putin ជូនពរម្ចាស់ផ្ទះកាតាឱ្យជោគជ័យក្នុងការរៀបចំ World Cup ឆ្នាំនេះ

Angel Di Maria នឹងអវត្តមានដល់ខែវិច្ឆិកាដោយសាររបួសសរសៃពួរ

Neymar ប្រឈមជាប់ពន្ធនាគារ ៥ឆ្នាំរឿងផ្ទេរពី Santos មក Barcelona កាលពីឆ្នាំ២០១៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Liverpool បញ្ចប់​ពាក្យ​មិនដែល​ចាញ់​ក្នុង​លី​គ​រដូវ​កាល​នេះ​របស់ Manchester City

ប្រមុខ​សហព័ន្ធ​កីឡា​ប៉េតង់ទទូច​កុំ​ឲ្យ​មានការ​រើសអើងរវាង​អ្នកឈ្នះ និង​អ្នក​ពុំ​ទទួលបាន​ជ័យលាភី

គ្រាប់​បាល់ ''Hand of God'' របស់ Maradona ដាក់​ដេញថ្លៃ​អាច​មាន​តម្លៃ​ដល់ ៣លាន​ផោន​

Manchester United ឈ្នះ Omonia Nicosia ទាំង​តឹងទ្រូង​ ខណៈ Arsenal ឈ្នះ​នៅផ្ទះ Bodo/Glimt

ដឹកនាំ River Plate ជាង ៨ឆ្នាំ​លោក Marcelo Gallardo ប្រកាស​ចាកចេញ​នៅ​ខែធ្នូ​

លោក Putin ជូនពរ​ម្ចាស់ផ្ទះ​កាតា​ឱ្យ​ជោគជ័យ​ក្នុងការ​រៀបចំ World Cup ឆ្នាំនេះ​

Angel Di Maria នឹង​អវត្តមាន​ដល់​ខែ​វិច្ឆិកា​ដោយសារ​របួស​សរសៃ​ពួរ

Neymar ប្រឈម​ជាប់ពន្ធនាគារ ៥ឆ្នាំ​រឿង​ផ្ទេរ​ពី Santos មក Barcelona កាលពី​ឆ្នាំ​២០១៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Liverpool បញ្ចប់ពាក្យមិនដែលចាញ់ក្នុងលីគរដូវកាលនេះរបស់ Manchester City

ប្រមុខសហព័ន្ធកីឡាប៉េតង់ទទូចកុំឲ្យមានការរើសអើងរវាងអ្នកឈ្នះ និងអ្នកពុំទទួលបានជ័យលាភី

គ្រាប់បាល់ ''Hand of God'' របស់ Maradona ដាក់ដេញថ្លៃអាចមានតម្លៃដល់ ៣លានផោន

Manchester United ឈ្នះ Omonia Nicosia ទាំងតឹងទ្រូង ខណៈ Arsenal ឈ្នះនៅផ្ទះ Bodo/Glimt

ដឹកនាំ River Plate ជាង ៨ឆ្នាំលោក Marcelo Gallardo ប្រកាសចាកចេញនៅខែធ្នូ

លោក Putin ជូនពរម្ចាស់ផ្ទះកាតាឱ្យជោគជ័យក្នុងការរៀបចំ World Cup ឆ្នាំនេះ

Angel Di Maria នឹងអវត្តមានដល់ខែវិច្ឆិកាដោយសាររបួសសរសៃពួរ

Neymar ប្រឈមជាប់ពន្ធនាគារ ៥ឆ្នាំរឿងផ្ទេរពី Santos មក Barcelona កាលពីឆ្នាំ២០១៣