BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

សហព័ន្ធបាល់ទះចាត់ទុកជំនួបមិត្តភាពជាមួយសិង្ហបុរីគឺជាឱកាសពិសេសសម្រាប់កីឡាករបម្រុង

បាល់ទះ៖ ក្រុមបាល់ទះជម្រើសជាតិកម្ពុជានឹងត្រូវជួបប្រកួតមិត្តភាពអន្ដរជាតិ ជាមួយក្រុមជម្រើសជាតិសិង្ហបុរីនាល្ងាចថ្ងៃទី១៥ ខែតុលាស្អែកនេះ ក្នុងឱកាសបើកការប្រកួតពានរង្វាន់សម្ដេចតេជោ ហ៊ុន សែន ឆ្នាំ២០២២។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធបានចាត់ទុការជំនួបមិត្តភាពនេះ គឺជាឱកាសវាស់ស្ទង់សមត្ថភាពកីឡាករពិសេសកីឡាករបម្រុង ដើម្បីបង្ហាញពីគុណតម្លៃរបស់ខ្លួនដល់គ្រូបង្វឹក។ ការលើកឡើងនេះ បន្ទាប់ពីលោកបានអញ្ជើញទទួលដំណើរមកដល់អាកាសយានដ្ឋានអន្ដរជាតិភ្នំពេញ របស់ក្រុមជម្រើសជាតិសិង្ហបុរីកាលពីថ្ងៃទី១៣ ខែតុលា ឆ្នាំ២០២២ ម្សិលមិញ។ ស្របតាមការណែនាំរបស់ថ្នាក់ដឹកនាំសហព័ន្ធ មន្ដ្រីជាន់ខ្ពស់កីឡាបាល់ទះកម្ពុជា បានបង្ហាញការស្វាគមន៍ និងទទួលបដិសណ្ឋារកិច្ចយ៉ាងកក់ក្ដៅ ចំពោះក្រុមភ្ញៀវសិង្ហបុរីដែលដឹកនាំដោយលោក Chia Min Chong អគ្គលេខាធិការសហព័ន្ធកីឡាបាល់ទះសិង្ហបុរី។ អគ្គលេខាធិការសហព័ន្ធដដែលបន្ដថា សិង្ហបុរីគឺជាក្រុមខ្លាំងមួយ។ ដូច្នេះជំនួបមិត្តភាពស្អែកនេះនឹងផ្ដល់នូវផលចំណេញច្រើន សម្រាប់ក្រុមទាំងពីរ ពិសេសកម្ពុជា ដើម្បីសម្រួចទិសដៅឆ្ពោះទៅស៊ីហ្គេមឆ្នាំ២០២៣។ ប៉ុន្ដែមានឱកាសបង្ហាញខ្លួនក្នុងព្រឹត្តិការណ៍ជាប្រវត្តិសាស្ដ្រនៅកម្ពុជានេះ កីឡាករទាំងអស់ត្រូវខំប្រឹង ខណៈក្រុមការងារគ្រូនឹងផ្ដល់ឱកាសឲ្យកីឡាករថ្មីៗបានលេង។ នេះក៏ជាវិញ្ញាសាថ្មីមួយសម្រាប់គ្រូបង្វឹក ៣សាសន៍មានចិន គុយបា និងកម្ពុជា ដើម្បីតាមដាន ដាក់ពិន្ទុ ដោយតម្លាភាពបំផុត។លោកបន្ថែមថា ក្រៅពីការប្រកួតមិត្តភាពជាមួយសិង្ហបុរី ក៏ដូចជាការត្រៀមប្រកួតមិត្តភាពជាមួយក្រុមជម្រើសជាតិគុយបានាថ្ងៃទី២០ ខែតុលា សហព័ន្ធក៏មានផែនការបញ្ជូនក្រុមជម្រើសជាតិ ទៅប្រកួតមិត្តភាពនៅក្រៅប្រទេស ដើម្បីសម្រួចសមត្ថភាពឆ្ពោះទៅសម្រេចគោលដៅនៅស៊ីហ្គេមឆ្នាំ២០២៣ ផងដែរ។ គួរដឹងថា ជំនួបមិត្តភាពអន្ដរជាតិរវាងក្រុមបាល់ទះជម្រើសជាតិកម្ពុជា និងសិង្ហបុរីនឹងប្រព្រឹត្តទៅនាវេលាម៉ោង ៧យប់ថ្ងៃទី១៥ ខែតុលាស្អែកនេះនៅកីឡដ្ឋានព្រីនស៍ ដើម្បីអបអរសាទរពិធីបើកការប្រកួតពានរង្វាន់សម្ដេចតេជោ ហ៊ុន សែន ឆ្នាំ២០២២ ខណៈសំបុត្រចូលទស្សនាការប្រកួមិត្តភាពអន្ដរជាតិនេះគឺមានតម្លៃ ៨ពាន់រៀល៕អត្ថបទ៖ លី ឈុនឡា

កីឡាករចំបាប់ ១០រូបត្រឡប់មកពីហ្វឹកហាត់នៅអ៊ីរ៉ង់ប្រកបដោយផ្លែផ្កាសម្រាប់ត្រៀមស៊ីហ្គេម

ចំបាប់៖ កីឡាករចំបាប់ជម្រើសជាតិកម្ពុជា ១០រូបបានត្រឡប់មកដល់មាតុភូមិជាមួយលទ្ធផលផ្លែផ្កាដ៏ល្អប្រសើ របន្ទាប់ពីបោះជុំរុំហ្វឹកហាត់ជិត ២ខែនៅប្រទេសអ៊ីរ៉ង់លើប្រភេទកីឡាចំបាប់ Freestyle and Greco-Romance ដើម្បីត្រៀមការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា។ លោក កាង ដែនពិសិដ្ឋ គ្រូបង្វឹកជម្រើសជាតិកម្ពុជាបានឲ្យដឹងថា កីឡាករទាំង ១០រូបបានធ្វើដំណើរមកដល់កម្ពុជាកាលពីសប្ដាហ៍មុន បន្ទាប់ពីពួកគេបានហ្វឹកហាត់នៅអ៊ីរ៉ង់ចាប់ពីថ្ងៃទី១៣ ខែកញ្ញារហូតដល់ថ្ងៃទី០៦ ខែតុលា ឆ្នាំ២០២២ ក្រោមគម្រោងថវិការបស់គណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC)។ បន្ទាប់ពីហ្វឹកហាត់នៅទីនោះ លោកសង្កេតឃើញសមិទ្ធផលរបស់កីឡាករម្នាក់ៗមានការកើនឡើងគួរឲ្យកត់សម្គាល់ ដ្បិតនៅទីនោះសម្បូរដៃគូប្រកួត និងមានក្លិបច្រើនចូលរួមប្រកួតជាមួយកីឡាករកម្ពុជា ពោលគឺរំលង ១ថ្ងៃប្រកួតម្ដង ដែលជំរុញឲ្យពួកគេអភិវឌ្ឍន៍សមត្ថភាពកាន់តែល្អប្រសើរ។ បន្ថែមលើនេះកីឡាករទាំង ១០រូបបានត្រៀមការប្រកួតជាច្រើនទៀតដើម្បីត្រៀមស៊ីហ្គេម ដូចជាការប្រកួត Maharani Cup I Senior National Championship in Medan 2022 នៅឥណ្ឌូនេស៊ីពីថ្ងៃទី២៨ ខែតុលាដល់ថ្ងៃទី០១ ខែវិច្ឆិកា និងការប្រកួតជើងឯកអាស៊ីអាគ្នេយ៍នៅកម្ពុជាពីថ្ងៃទី១៦-១៨ ខែធ្នូ ឆ្នាំ២០២២ និងការប្រកួតជើងឯកអាស៊ីនាដើមឆ្នាំក្រោយជាដើម។លោក កាង ដែនពិសិដ្ឋ តាមរយៈនេះធ្វើឲ្យសហព័ន្ធមានសង្ឃឹមខ្ពស់លើពួកគេ ក្នុងការប្រជែងរកមេដាយច្រើននៅក្នុងការប្រកួតស៊ីហ្គេមឆ្នាំក្រោយ។ ទោះបីមិនអាចសន្និដ្ឋានមុនថានឹងឈ្នះមេដាយមាស ប្រាក់ ឬសំរឹទ្ធ តែផ្អែកលើគុណផលរបស់កីឡាករកម្ពុជាពេលនេះ លោកមានជំនឿយ៉ាងមុតមាំ ពួកគេនឹងអាចដណ្ដើមមេដាយបានច្រើនជូនជាតិ។ គួរដឹងថា កីឡាករ ១០រូបដែលត្រូវបានបញ្ជូនទៅហ្វឹកហាត់នៅអ៊ីរ៉ង់ រួមមានកីឡាករ ឃុន ប៊ុនណា, ហេង វុទ្ធី, ជុន ធួន, ចាប សុខលី, សឿន សុភាស់, ថាច សុជាតិ, លឹម សុខលាង, អ៊ុល សៅហ៊ាង, ឈឿន ឈាង និង ឈឿង វាសនា ដែលដឹកនាំដោយគ្រូបង្វឹកជនជាតិអ៊ីរ៉ង់លោក Ghasemi Komeil។ ក្រៅពីពួកគេ សហព័ន្ធក៏បានបញ្ជូនកីឡាករ-កីឡាការិនី ១៥រូបផ្សេងទៀតទៅបោះជុំរុំហ្វឹកហាត់នៅចិន ដើម្បីត្រៀមព្រឹត្តិការណ៍ជាប្រវត្តិសាស្ដ្រនៅកម្ពុជាផងដែរ៕អត្ថបទ៖ លី ឈុនឡា

សិង្ហបុរីមកដល់កម្ពុជាត្រៀមប្រកួតមិត្តភាពអបអរពិធីបើកពានបាល់ទះសម្ដេចតេជោចុងសប្ដាហ៍នេះ

បាល់ទះ៖ ក្រុមបាល់ទះជម្រើសជាតិសិង្ហបុរី បានធ្វើដំណើរមកដល់រាជធានីភ្នំពេញហើយកាលពីព្រឹកថ្ងៃទី១៣ ខែតុលា ដើម្បីត្រៀមការប្រកួតមិត្តភាពអន្ដរជាតិជាមួយក្រុមជម្រើសជាតិកម្ពុជា អបអរសាទរពិធីបើកការប្រកួតបាល់ទះដណ្ដើមពានរង្វាន់សម្ដេចតេជោ ហ៊ុន សែន ឆ្នាំ២០២២ នៅល្ងាចថ្ងៃទី១៥ ខែតុលាចុងសប្ដាហ៍នេះនៅសាលទីលានបាល់ទះនៃកីឡដ្ឋានព្រីនស៍។ ដំណើរមកដល់កម្ពុជានេះត្រូវបានទទួលស្វាគមន៍យ៉ាងកក់ក្ដៅពីលោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជានៅអាកាសដ្ឋានអន្ដរជាតិភ្នំពេញ។ លោក Chia Min Chong អគ្គលេខាធិការសហព័ន្ធកីឡាបាល់ទះសិង្ហបុរី ដែលបានដឹកនាំក្រុមជម្រើសជាតិសិង្ហបុរី មកប្រកួតមិត្តភាពជាមួយក្រុមម្ចាស់ផ្ទះកម្ពុជា បានថ្លែងអំណរគុណកម្ពុជាដែលបានរៀបចំជំនួបមិត្តភាពនេះឡើង ហើយលោកពិតជារីករាយដែលបានប្រកួតជាមួយក្រុមខ្លាំងដូចជាកម្ពុជា។ បន្ថែមលើនេះលោកបានថ្លែងកោតសរសើរ ចំពោះភាពរីកចម្រើននៃវិស័យបាល់ទះកម្ពុជា ហើយលោករំពឹងថា នៅថ្ងៃអនាគតកម្ពុជានឹងក្លាយជាប្រទេសដ៏មានសក្ដានុពលលើវិស័យបាល់ទះនេះ។ លោកសង្ឃឹមថា ការប្រកួតជាមួយកម្ពុជានឹងផ្ដល់នូវអត្ថប្រយោជន៍សម្រាប់ក្រុមខ្លាំង សម្រាប់ត្រៀមស៊ីហ្គេមនៅកម្ពុជាផងដែរ។គួរដឹងថា ជំនួបមិត្តភាពអន្ដរជាតិរវាងក្រុមបាល់ទះជម្រើសជាតិកម្ពុជា និងសិង្ហបុរីនឹងប្រព្រឹត្តទៅនាវេលាម៉ោង ៧យប់ ថ្ងៃទី១៥ ខែតុលានៅកីឡដ្ឋានព្រីនស៍ ដើម្បីអបអរសាទរពិធីបើកការប្រកួតពានរង្វាន់សម្ដេចតេជោ ហ៊ុន សែន ឆ្នាំ២០២២។ ការប្រកួតនេះក៏មានការលក់សំបុត្រផងដែរក្នុងតម្លៃ ៨ពាន់រៀល។ អ្វីដែលពិសេសដើម្បីអបអរសាទរព្រឹត្តិការណ៍ធំ នៃការប្រកួតដណ្ដើមពានរង្វាន់សម្ដេចតេជោនាយករដ្ឋមន្ដ្រី ក្រៅពីការប្រកួតមិត្តភាពជាមួយសិង្ហបុរី សហព័ន្ធក៏នឹងរៀបចំឲ្យមានការប្រកួតមិត្តភាពអន្ដរជាតិ ១ប្រកួតទៀតរវាងក្រុមជម្រើសជាតិកម្ពុជា ជាមួយក្រុមជម្រើសជាតិគុយបានាថ្ងៃទី២០ ខែតុលាខាងមុខផងដែរ៕អត្ថបទ៖ លី ឈុនឡា

Australian Open បើកឲ្យកីឡាករ-កីឡាការិនីរុស្ស៊ី និងបេឡារុសចូលរួមប្រកួតវិញបាន

វាយកូនបាល់៖ កីឡាករ-កីឡាការិនីវាយកូនបាល់រុស្ស៊ី និងបេឡារុសត្រូវបានអនុញ្ញាតឱ្យចូលរួមការប្រកួត Grand Slam, Australian Open វិញបានហើយ នេះបើតាមការបញ្ជាក់របស់លោក Craig Tiley នាយកគ្រប់គ្រងទូទៅព្រឹត្តិការណ៍។ សហព័ន្ធកីឡាវាយកូនបាល់អន្តរជាតិបានហាមឃាត់មិនឱ្យកីឡាករ-កីឡាការិនីវាយកូនបាល់រុស្ស៊ី និងបេឡារុសចូលរួមការប្រកួតឡើយក្នុងការប្រកួតលក្ខណៈអន្តរជាតិនាពេលកន្លងមក ចាប់តាំងពីការចាប់ផ្តើមនៃសង្គ្រាមរបស់រុស្ស៊ីនៅលើទឹកដីអ៊ុយក្រែន។ កន្លងមក French Open និង US Open បានអនុញ្ញាតឱ្យប្រកួតធម្មតាតែមិនស្ថិតក្រោមទង់ជាតិរុស្ស៊ី រឺបេឡារុស លើកលែង Wimbledon មិនត្រូវបានអនុញ្ញាត។ ដោយឡែកសម្រាប់បញ្ហារបស់ Novak Djokovic នឹងមិនមានការហាមឃាត់ឡើយ តែអាស្រ័យលើទិដ្ឋាការដែលត្រូវបានហាមឃាត់កាលពីខែមករា ដែលហាមចូលទឹកដីអូស្ត្រាលីនោះត្រូវបានបើកចំហឡើងវិញ។អតីតកីឡាករលំដាប់លេខ ១ ពិភពលោករូបនេះត្រូវបណ្តេញពីអាកាសយានដ្ឋានអន្តរជាតិទីក្រុង Melbourne កាលពីខែមករា ជុំវិញរឿងទិដ្ឋាការដែលមិនមានអមបញ្ជាក់ជាមួយកាតវ៉ាក់សាំងដែលសាមីខ្លួន Djokovic ប្រកាសថាមិនចាក់វ៉ាក់សាំងឡើយ ទោះគេមិនឱ្យប្រកួតមួយជីវិតក្តី។ Novak Djokovic ធ្លាប់បាននិយាយកាលពីខែមុនដែរថា កំពុងរង់ចាំដំណឹងល្អពីអាជ្ញាធរអូស្ត្រាលី៕អត្ថបទ៖នាង សុភាវុធ

សហព័ន្ធបាល់ទាត់អាមេរិកខាងត្បូងគាំទ្រលោក Gianni Infantino ជាបេក្ខភាពប្រធាន FIFA មួយអាណត្តិទៀត

បាល់ទាត់៖ សហព័ន្ធបាល់ទាត់ទ្វីបអាមេរិកខាងត្បូង CONMEBOL បានប្រកាសជំហរគាំទ្រលោក Gianni Infantino ជាបេក្ខភាពប្រធាន FIFA មួយអាណត្តិទៀត។ FIFA នឹងឈានដល់មហាសន្និបាតលើកទី៧៣ របស់ខ្លួន អមជាមួយនឹងការបោះឆ្នោតជ្រើសរើសប្រធាននៅអាណត្តិថ្មីនៅខែមីនាឆ្នាំក្រោយនេះ។បុរសវ័យ ៥២ឆ្នាំ Gianni Infantino នឹងឈរឈ្មោះក្នុងអាណត្តិទី៣ របស់ខ្លួនក្រោយឈ្នះឆ្នោតជាប្រធាន FIFA ដំបូងនៅឆ្នាំ២០១៦ យកឈ្នះលោក Sheikh Salman ដែលកាន់តំណែងបន្តពីការចាកចេញរបស់លោក Sepp Blatter។ ក្នុងសេចក្ដីថ្លែងការណ៍របស់ CONMEBOL នៅថ្ងៃពុធម្សិលមិញឱ្យដឹងថា បន្ទាប់ពីមានការពិភាក្សាជុំវិញស្ថានភាពបាល់ទាត់បច្ចុប្បន្ន និងចក្ខុវិស័យនាពេលអនាគតរបស់បាល់ទាត់អាមេរិកខាងត្បូង និងពិភពលោក សមាជិករបស់ CONMEBOL ទាំងអស់សុទ្ធតែគាំទ្របេក្ខភាពលោក Gianni Infantino ដើម្បីធ្វើជាប្រធាន FIFA មួយអាណត្តិទៀត។ មិនត្រឹមតែ CONMEBOL ទេកាលពីពេលថ្មីៗនេះ សហព័ន្ធបាល់ទាត់ទ្វីបអាស៊ី AFC និងសហព័ន្ធបាល់ទាត់ទ្វីបអាហ្វ្រិក CAF សុទ្ធតែប្រកាសជំហរគាំទ្រលោក Gianni Infantino ដូចគ្នា៕អត្ថបទ៖នាង សុភាវុធ

កីឡា ៣៨ប្រភេទ និងកីឡាប៉ារ៉ាឡាំពិកចំនួន ៧ នឹងត្រូវរៀបចំក្នុងការប្រកួតកីឡាជាតិលើកទី៣

កីឡាជាតិ៖ ក្រសួងអប់រំ យុវជន និងកីឡាបានសម្រេចកីឡាចំនួន ៣៨ប្រភេទ និងកីឡាប៉ារ៉ាឡាំពិកចំនួន ៧ប្រភេទ ដើម្បីរៀបចំក្នុងការប្រកួតកីឡាជាតិលើកទី៣ ដែលគ្រោងធ្វើឡើងពីថ្ងៃទី១៩ ដល់ថ្ងៃទី៣០ ខែវិច្ឆិកា ឆ្នាំ២០២២ ខាងមុខ។ នេះបើយោងតាមសេចក្ដីប្រកាសព័ត៌មានរបស់ក្រសួង ស្ដីពីការរៀបចំការប្រកួតកីឡាជាតិលើកទី៣ ឆ្នាំ២០២២ ដែលរៀបចំឡើងក្រោមកិច្ចសហការចាំមួយគណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិទាំង ៣៨ នាខែក្រោយ។ កីឡាទាំង ៣៨ប្រភេទ និងកីឡាប៉ារ៉ាឡាំពិកចំនួន ៧ គឺមានវិញ្ញាសាប្រកួតសរុបចំនួន ៤០៥វិញ្ញាសាដែលត្រូវធ្វើឡើងនៅ ៥ទីតាំងផ្សេងៗគ្នារួមមានៅរាជធានីភ្នំពេញ ខេត្តកែប ខេត្តកំពត ខេត្តព្រះសីហនុ និងខេត្តសៀមរាប ដែលជាគោលដៅត្រៀមរៀបចំការប្រកួតកីឡាស៊ីហ្គេមឆ្នាំ២០២៣។ព្រឹត្តិការណ៍នេះធ្វើឡើងក្នុងគោលបំណងសំខាន់ៗចំនួន ៥ រួមមាន៖ ១-ផ្ដល់ឱកាសដល់សហព័ន្ធកីឡាជាតិទាំងអស់ បានដាក់មន្ដ្រីបច្ចេកទេសដែលបានបណ្ដុះបណ្ដាលរួច ឲ្យអនុវត្តការរៀបចំការប្រកួតជាក់ស្ដែងលើទីលាន ដើម្បីទទួលបានចំណេះដឹង និងបទពិសោធន៍។ ២-កីឡាករ-កីឡាការិនីបានវាស់ស្ទង់គុណផលកីឡា និងទទួលបាននូវបទពិសោធន៍នៃការប្រកួត។ ៣-រៀបចំទីលានប្រកួតឲ្យស្របតាមស្ដង់ដារតំបន់។ ៤-រៀបចំពិធីបើក-បិទឲ្យស្របតាមស្ដង់ដារស៊ីហ្គេម។ ៥-ជាការសាកល្បងចុងក្រោយ សម្រាប់ត្រៀមលក្ខណៈធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នាឆ្នាំ២០២៣ នៅកម្ពុជា។ យោងតាមប្រភពដដែលបានបញ្ជាក់ថា សម្រាប់ពិធីបើកការប្រកួតផ្លូវការគ្រោងធ្វើឡើងនាថ្ងៃទី២១ ខែវិច្ឆិកា និងពិធីបិទនាថ្ងៃទី៣០ ខែវិច្ឆិកានៅពហុកីឡដ្ឋានជាតិមរតកតេជោ ក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា៕អត្ថបទ៖ លី ឈុនឡា

Spurs ឡើងលេខ១ ក្នុងពូលក្រោយវាយបកពីក្រោយយកឈ្នះ Frankfurt ៣-២

បាល់ទាត់៖ ក្រុម Tottenham Hotspur បានឡើងមកឈរកំពូលគេវិញក្នុងពូល D នៃក្របខណ្ឌ UEFA Champions League ក្រោយវាយបកពីក្រោយយកឈ្នះក្រុមភ្ញៀវអាល្លឺម៉ង់ Eintracht Frankfurt ៣-២។ ក្រុមជើងឯក Europa League រដូវកាលមុន Frankfurt ចាប់ផ្តើមបានល្អដោយកីឡាករជប៉ុន Daichi Kamada បើកការនាំមុខមុននៅនាទីទី១៤។ យ៉ាងណាក្តីក្រុមរបស់លោក Antonio Conte បានឆ្លើយតបរហ័សដោយវាយបកពីក្រោយ ៣គ្រាប់វិញក្នុងវគ្គទី១ នេះដោយពីរគ្រាប់ធ្វើបានដោយ Heung-min Son និង Harry Kane មួយគ្រាប់ដែលបាល់ពិន័យ ១១ម៉ែត្រ។ Frankfurt សល់គ្នាតែ ១០នាក់នៅវគ្គទី២ នាទីទី៥៩ នៅពេលកីឡាករប្រេស៊ីល Tuta ទទួលបានកាតលឿងទី២ បណ្តេញចេញពីការប្រកួត តែក្រុមភ្ញៀវនៅតែអាចរកបាន ១គ្រាប់វិញដោយ Faride Alidou នៅនាទីទី៨៧។លទ្ធផលនេះធ្វើឱ្យ Spurs ឡើងមកឈរលើគេមាន ៧ពិន្ទុ ខណៈ Marseille យកឈ្នះនៅទឹកដី Sporting Lisbon ២-០ ឡើងមកឈរលេខ២ មាន ៦ពិន្ទុ, Sporting លេខ៣ មាន ៦ពិន្ទុ និង Frankfurt ក្រោមគេមាន ៤ពិន្ទុ។ បួនក្រុមក្នុងពូល D សុទ្ធតែនៅមានឱកាសឡើងវគ្គបន្តទាំងអស់ ខណៈប្រកួតបន្ទាប់ Spurs ទទួល Sporting និង Frankfurt ទទួល Marseille៕អត្ថបទ៖នាង សុភាវុធ

Bayern Munich ឡើងវគ្គ ១៦ក្រុម ១៥រដូវកាលជាប់គ្នា តែ Barcelona ប្រឈមធ្លាក់

បាល់ទាត់៖ ក្រុមជើងឯកអាល្លឺម៉ង់ Bayern Munich បានកក់កៅអីនៅ ១៦ក្រុមចុងក្រោយ UEFA Champions League ១៥រដូវកាលជាប់គ្នាក្រោយយកឈ្នះនៅទឹកដី Viktoria Plzen ៤-២។ ស្របពេលដែលទម្រង់លេងធ្លាក់នៅក្នុងលីគដែលឈ្នះតែ ៤ប្រកួតក្នុងការចាប់ផ្តើម ៩ប្រកួតរដូវកាលនេះ Bayern Munich ឈ្នះទាំង ៤ប្រកួតនៅក្នុងពូល C ក្របខណ្ឌ UCL រដូវកាលនេះដែលរួមមានស៊ុតបញ្ចូលទីគូប្រកួតសរុប ១៣គ្រាប់។ បួនគ្រាប់នាំមុខមុនក្នុងវគ្គទី១ ដោយ Sadio Mane, Thomas Muller និង Leon Goretzka ពីរគ្រាប់ម្នាក់ឯង មុនពេលដែលម្ចាស់ផ្ទះឆែកតាមបានពីរគ្រាប់វិញនៅវគ្គទី២។ លទ្ធផលនេះធ្វើឱ្យក្រុមរបស់លោក Julian Nagelsmann មាន ១២ពិន្ទុពេញដាច់ក្រុមលេខ២ Inter Milan ៥ពិន្ទុ និងដាច់ក្រុមលេខ៣ Barcelona ៨ពិន្ទុ។ក្រុមអេស្ប៉ាញ Barcelona កំពុងប្រឈមធ្លាក់ត្រឹមវគ្គវិលជុំក្នុងពូលនេះក្រោយស្មើ ៣-៣ ទល់នឹង Inter Milan ក្នុងទឹកដីខ្លួនឯង។ Ousmane Dembele បើកការនាំមុខមុននៅនាទីទី៤០ តែ Inter Milan ក៏វាយបកវិញ ២គ្រាប់ដោយ Barella និង Lautaro Martinez។ ខ្សែប្រយុទ្ធប៉ូឡូញ Robert Lewandowski នៅតែបន្តការស៊ុតបញ្ចូលទីរបស់ខ្លួន ក្រោយរកបានពីរគ្រាប់ម្នាក់ឯងនៅនាទីទី៨២ និង ៩០+២ ដែលជាគ្រាប់តាមស្មើបន្ទាប់ពី Inter Milan នាំមុខ ៣-២ ត្រឹមនាទីទី៨៩ ដោយ Robin Gosens។ ប្រកួតបន្ទាប់ Inter Milan ទទួលភ្ញៀវ Viktoria Plzen ខណៈ Barcelona ទទួល Bayern Munich៕អត្ថបទ៖នាង សុភាវុធ

Club Bruges ឡើងវគ្គ ១៦ក្រុមចុងក្រោយ UCL លើកដំបូង ក្រោយស្មើនៅទឹកដី Atletico Madrid

បាល់ទាត់៖ ក្រុមជើងឯកលីគប៊ែលហ្ស៊ិក ១៨សម័យ Club Bruges បានកក់កៅអីនៅវគ្គ ១៦ក្រុមចុងក្រោយ UEFA Champions League ជាលើកដំបូង ក្រោយស្មើនៅទឹកដីអេស្ប៉ាញរបស់ Atletico Madrid ០-០ យប់មិញ។ Club Bruges មានស្ថិតិអាក្រក់នៅ UEFA Champions League ១០រដូវកាលកន្លងមកដោយបានត្រឹមវគ្គវិលជុំក្នុងពូលប៉ុណ្ណោះ តែលើកនេះមិនធម្មតាក្រោយលេង ៤ប្រកួតមិនចាញ់។ Club Bruges ដែលបច្ចុប្បន្នកំពុងដឹកនាំដោយអតីតខ្សែការពារ Stoke និង West Ham, Carl Hoefkens បានធ្វើឱ្យក្រុមម្ចាស់ផ្ទះ Atletico Madrid តឹងចិត្តក្រោយឱកាសស៊ុត ២១លើកចំគោលដៅ ៩លើកតែបំប៉ោងសំណាញ់ទីមិនបាន ទោះបីជាក្រុមភ្ញៀវសល់គ្នាតែ ១០នាក់នៅនាទីទី៨២ ក៏ដោយ។លទ្ធផលនេះធ្វើឱ្យ Club Bruges លេង ៤ប្រកួតមាន ១០ពិន្ទុឈ្នះ ៣ ស្មើ ១ ដាច់ក្រុមលេខ២ Porto ៤ពិន្ទុ និងដាច់ក្រុមលេខ៣ Atletico Madrid ៦ពិន្ទុ។ មួយប្រកួតទៀតក្នុងពូលនេះ Porto យកឈ្នះនៅទឹកដី Bayer Leverkusen ៣-០។ ដូច្នេះក្នុងពូលនេះ ៣ក្រុមត្រូវប្រជែងគ្នាដើម្បីឱកាសទៅជុំបន្តរួមមាន Porto, Atletico Madrid និង Leverkusen៕អត្ថបទ៖នាង សុភាវុធ

ងើបពីកៅអីបម្រុង Salah ស៊ុត ៣គ្រាប់ម្នាក់ឯងក្នុងជ័យជំនះរបស់ Liverpool នៅទឹកដី Rangers ៧-១

បាល់ទាត់៖ ខ្សែប្រយុទ្ធអេស៊ីប Mohamed Salah បានត្រលប់មករកគ្រាប់បាល់បានវិញ ក្រោយងើបពីកៅអីបម្រុងមកស៊ុត ៣គ្រាប់ម្នាក់ឯកក្នុងជ័យជំនះរបស់ Liverpool ៧-១ នៅទឹកដី Rangers ក្របខណ្ឌ UCL។ ក្រុមម្ចាស់ផ្ទះ Rangers ចាប់ផ្តើមបានល្អដោយ Scott Arfield បើកការនាំមុខនៅនាទីទី១៧ មុនពេលដែលខ្សែប្រយុទ្ធប្រេស៊ីល Roberto Firmino វាយបកពីក្រោយ ២គ្រាប់ម្នាក់ឯងបូកនឹងគ្រាប់បាល់របស់ Darwin Nunez បន្ថែមគ្រាប់នាំមុខ ៣-១ ត្រឹមនាទីទី៦៦។ Mohamed Salah បានផ្លាស់ប្តូរចូលជំនួស Darwin Nunez នៅនាទីទី៦៨ ហើយរឿងមិនគួរឱ្យជឿក៏កើតឡើងគឺ Salah រកបានបីគ្រាប់ម្នាក់ឯងក្នុងចន្លោះពេលត្រឹម ៦នាទីពោលគឺនៅនាទីទី៧៥, ៨០ និង ៨១ មុនពេលដែល Harvey Elliott បន្ថែមគ្រាប់ទី៧ ក្រោយឆែក VAR។ជ័យជំនះនេះធ្វើឱ្យ Liverpool កាន់តែកៀកក្នុងការឈានឡើងវគ្គ ១៦ក្រុមចុងក្រោយដោយមាន ៩ពិន្ទុពីការប្រកួត ៤លើកដាច់ក្រុមលេខ៣ Ajax ៦ពិន្ទុពោលគឺក្រុមរបស់លោក Jurgen Klopp ត្រូវការត្រឹម ១ពិន្ទុប៉ុណ្ណោះដើម្បីឡើងវគ្គបន្ត។ ងាកមកមួយប្រកួតទៀតក្នុងពូល A នេះដែរ Napoli បានកក់កៅអីនៅវគ្គ ១៦ក្រុមហើយក្រោយយកឈ្នះក្រុមភ្ញៀវ Ajax Amsterdam ៤-២។ ជារដូវកាលមួយដ៏អស្ចារ្យសម្រាប់ Napoli នៅ UCL ឆ្នាំនេះបន្ទាប់ពី ៤ប្រកួតឈ្នះទាំង ៤ មាន ១២ពិន្ទុពេញ ហើយ ៤ប្រកួតនេះស៊ុតបញ្ចូលទីគូប្រកួតសរុប ១៧គ្រាប់៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សហព័ន្ធបាល់ទះចាត់ទុកជំនួបមិត្តភាពជាមួយសិង្ហបុរីគឺជាឱកាសពិសេសសម្រាប់កីឡាករបម្រុង

កីឡាករចំបាប់ ១០រូបត្រឡប់មកពីហ្វឹកហាត់នៅអ៊ីរ៉ង់ប្រកបដោយផ្លែផ្កាសម្រាប់ត្រៀមស៊ីហ្គេម

សិង្ហបុរីមកដល់កម្ពុជាត្រៀមប្រកួតមិត្តភាពអបអរពិធីបើកពានបាល់ទះសម្ដេចតេជោចុងសប្ដាហ៍នេះ

Australian Open បើកឲ្យកីឡាករ-កីឡាការិនីរុស្ស៊ី និងបេឡារុសចូលរួមប្រកួតវិញបាន

សហព័ន្ធបាល់ទាត់អាមេរិកខាងត្បូងគាំទ្រលោក Gianni Infantino ជាបេក្ខភាពប្រធាន FIFA មួយអាណត្តិទៀត

កីឡា ៣៨ប្រភេទ និងកីឡាប៉ារ៉ាឡាំពិកចំនួន ៧ នឹងត្រូវរៀបចំក្នុងការប្រកួតកីឡាជាតិលើកទី៣

Spurs ឡើងលេខ១ ក្នុងពូលក្រោយវាយបកពីក្រោយយកឈ្នះ Frankfurt ៣-២

Bayern Munich ឡើងវគ្គ ១៦ក្រុម ១៥រដូវកាលជាប់គ្នា តែ Barcelona ប្រឈមធ្លាក់

Club Bruges ឡើងវគ្គ ១៦ក្រុមចុងក្រោយ UCL លើកដំបូង ក្រោយស្មើនៅទឹកដី Atletico Madrid

ងើបពីកៅអីបម្រុង Salah ស៊ុត ៣គ្រាប់ម្នាក់ឯងក្នុងជ័យជំនះរបស់ Liverpool នៅទឹកដី Rangers ៧-១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សហព័ន្ធ​បាល់ទះ​ចាត់​ទុក​ជំនួប​មិត្តភាព​ជាមួយ​សិង្ហ​បុរី​គឺជា​ឱកាស​ពិសេស​សម្រាប់​កីឡាករ​បម្រុង​

កីឡាករ​ចំបាប់ ១០​រូបត្រឡប់មកពី​ហ្វឹកហាត់​នៅ​អ៊ីរ៉ង់ប្រកបដោយ​ផ្លែ​ផ្កាសម្រាប់​ត្រៀម​ស៊ី​ហ្គេម​

សិង្ហ​បុរី​មកដល់​កម្ពុជាត្រៀម​ប្រកួត​មិត្តភាពអបអរ​ពិធី​បើក​ពាន​បាល់ទះ​សម្ដេច​តេ​ជោចុង​សប្ដាហ៍​នេះ

Australian Open បើកឲ្យកីឡាករ​-​កីឡាការិនី​រុស្ស៊ី និង​បេឡា​រុស​ចូលរួម​ប្រកួត​វិញ​បាន​

សហព័ន្ធ​បាល់ទាត់​អាមេរិក​ខាងត្បូង​គាំទ្រ​លោក Gianni Infantino ជា​បេក្ខភាព​ប្រធាន FIFA មួយ​អាណត្តិ​ទៀត

កីឡា ៣៨​ប្រភេទ និង​កីឡា​ប៉ា​រ៉ា​ឡាំ​ពិ​ក​ចំនួន ៧ នឹង​ត្រូវ​រៀបចំ​ក្នុង​ការ​ប្រកួត​កីឡា​ជាតិ​លើក​ទី​៣

Spurs ឡើង​លេខ១ ក្នុង​ពូ​ល​ក្រោយ​វាយបក​ពីក្រោយ​យកឈ្នះ Frankfurt ៣-២

Bayern Munich ឡើង​វគ្គ ១៦ក្រុម ១៥រដូវ​កាល​ជាប់​គ្នា​ តែ Barcelona ប្រឈម​ធ្លាក់

Club Bruges ឡើង​វគ្គ ១៦ក្រុម​ចុងក្រោយ UCL លើកដំបូង​ ក្រោយ​ស្មើ​នៅ​ទឹកដី Atletico Madrid

ងើប​ពី​កៅអី​បម្រុង Salah ស៊ុត​ ៣គ្រាប់​ម្នាក់ឯង​ក្នុង​ជ័យជំនះ​របស់ Liverpool នៅ​ទឹកដី Rangers ៧-១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហព័ន្ធបាល់ទះចាត់ទុកជំនួបមិត្តភាពជាមួយសិង្ហបុរីគឺជាឱកាសពិសេសសម្រាប់កីឡាករបម្រុង

កីឡាករចំបាប់ ១០រូបត្រឡប់មកពីហ្វឹកហាត់នៅអ៊ីរ៉ង់ប្រកបដោយផ្លែផ្កាសម្រាប់ត្រៀមស៊ីហ្គេម

សិង្ហបុរីមកដល់កម្ពុជាត្រៀមប្រកួតមិត្តភាពអបអរពិធីបើកពានបាល់ទះសម្ដេចតេជោចុងសប្ដាហ៍នេះ

Australian Open បើកឲ្យកីឡាករ-កីឡាការិនីរុស្ស៊ី និងបេឡារុសចូលរួមប្រកួតវិញបាន

សហព័ន្ធបាល់ទាត់អាមេរិកខាងត្បូងគាំទ្រលោក Gianni Infantino ជាបេក្ខភាពប្រធាន FIFA មួយអាណត្តិទៀត

កីឡា ៣៨ប្រភេទ និងកីឡាប៉ារ៉ាឡាំពិកចំនួន ៧ នឹងត្រូវរៀបចំក្នុងការប្រកួតកីឡាជាតិលើកទី៣

Spurs ឡើងលេខ១ ក្នុងពូលក្រោយវាយបកពីក្រោយយកឈ្នះ Frankfurt ៣-២

Bayern Munich ឡើងវគ្គ ១៦ក្រុម ១៥រដូវកាលជាប់គ្នា តែ Barcelona ប្រឈមធ្លាក់

Club Bruges ឡើងវគ្គ ១៦ក្រុមចុងក្រោយ UCL លើកដំបូង ក្រោយស្មើនៅទឹកដី Atletico Madrid

ងើបពីកៅអីបម្រុង Salah ស៊ុត ៣គ្រាប់ម្នាក់ឯងក្នុងជ័យជំនះរបស់ Liverpool នៅទឹកដី Rangers ៧-១