BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

ការប្រកួតកីឡាដើម្បីទាំងអស់គ្នានៅខេត្តកណ្ដាលបញ្ចប់ដោយជោគជ័យ

កណ្ដាល៖ ការប្រកួតកីឡាដើម្បីទាំងអស់គ្នាប្រចាំខេត្តកណ្តាលឆ្នាំ២០២២ ក្រោមប្រធានបទ «ប្រជាពលរដ្ឋម្នាក់ត្រូវចេះលេងកីឡាមួយប្រភេទប្រចាំជីវិត» ដែលរៀបចំដោយមន្ទីរអប់រំ យុវជន និងកីឡាខេត្តកណ្ដាលបានបញ្ចប់ដោយជោគជ័យ ក្រោយដំណើរការប្រកួត ១សប្ដាហ៍កន្លងទៅ។ ពិធីបិទការប្រកួតនេះបានធ្វើឡើងក្រោមវត្តមានលោក ប៊ុន ផេង អភិបាលរង តំណាងឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាល រួមជាមួយមន្ត្រីក្រោមឱវាទ និងសិស្សានុសិស្ស កីឡាករ-កីឡាការិនីជាច្រើន នៅទីលានបាល់ទាត់ក្រុងតាខ្មៅ ខេត្តកណ្តាល។ យោងតាមរបាយការណ៍គណៈកម្មការរៀបចំការប្រកួត ព្រឹត្តិការណ៍នេះបានចាប់ផ្ដើមការប្រកួតពីថ្ងៃទី០៧ ដល់ថ្ងៃទី១២ ខែតុលា ដែលរៀបចំឡើងក្នុងគោលបំណងជំរុញ លើកទឹកចិត្ត ប្រជាពលរដ្ឋគ្រប់រូបឲ្យចូលរួមក្នុងសកម្មភាពហាត់ប្រាណ និងលេងកីឡាគ្រប់ប្រភេទ ដើម្បីទទួលបានសុខភាព សុខុមាលភាពសង្គម និងដើម្បីសន្តិភាព និងការអភិវឌ្ឍ។ លោក ប៊ុន ផេង អភិបាលរងខេត្តកណ្តាលបានមានប្រសាសន៍ថា ខេត្តកណ្តាលនាពេលបច្ចុប្បន្នកំពុងមានការអភិវឌ្ឍលើគ្រប់វិស័យ ក្នុងនោះវិស័យកីឡាក្នុងខេត្តក៏មានសកម្មភាពផុសផុលគួរឲ្យកត់សម្គាល់ទាំងអស់នេះ គឺជាការរួមចំណែកយ៉ាងសកម្មពីអាជ្ញាធរគ្រប់លំដាប់ថ្នាក់ មន្ទីរ អប់រំយុវជន និងកីឡាខេត្ត ក៏ដូចជាប្រជាពលរដ្ឋ ពិសេសអ្នកដែលស្រឡាញ់ និងចូលចិត្តលេងកីឡាផ្ទាល់ បានរួមចំណែកយ៉ាងសំខាន់បំផុតក្នុងការអភិវឌ្ឍវិស័យកីឡាក្នុងខេត្តឲ្យមានការរីកចម្រើន ស្របតាមយុទ្ធសាស្ត្រចតុកោណរបស់រាជរដ្ឋាភិបាលកម្ពុជា។ក្រឡេកមកការប្រកួតកីឡាដើម្បីទាំងអស់គ្នានេះវិញ លោកបានវាយតម្លៃខ្ពស់ ជាពិសេសប្រធានបទ «ប្រជាជនម្នាក់លេងកីឡាមួយប្រភេទប្រចាំជីវិត» ដែលស្របតាមយុទ្ធនាការរបស់កម្ពុជា ក្នុងដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ តាមរយៈនេះ លោកបានជំរុញឲ្យប្រជាពលរដ្ឋ និងយុវជនទាំងអស់ បន្ដសកម្មភាពកីឡា និងគាំទ្រវិស័យកីឡាគ្រប់រូបភាព ដើម្បីឆ្ពោះទៅរកភាពជោគជ័យទាំងអស់គ្នានាឆ្នាំក្រោយ។ ចំពោះលទ្ធផលការប្រកួតវិញ ក្នុងនោះប្រភេទកីឡាបាល់បោះផ្នែកនារីលេខ១ បានទៅក្រុមមន្ទីរ អប់រំយុវជន និងកីឡាខេត្តកណ្ដាល និងផ្នែកបុរសចំណាត់លេខ១ បានទៅលើក្រុមកីឡាវារៀស (ក្រុងតាខ្មៅ)។ ចំណែកកីឡាបាល់ទះ ផ្នែកនារីលេខ១ បានទៅក្រុមកីឡារួមមិត្តតែមួយ (ក្រុងតាខ្មៅ) និងផ្នែកបុរសលេខ១ បានទៅក្រុមកីឡាបក្សីឆ្លងដែន (ក្រុងតាខ្មៅ)។ រីឯកីឡាបាល់ទាត់ផ្នែកនារីលេខ១ បានទៅក្រុមកីឡាស្អាងយើងស្អាត A (ស្រុកស្អាង) និងផ្នែកបុរសលេខ១ បានទៅក្រុម TN កណ្តាល៕អត្ថបទ៖ លី ឈុនឡា

សហព័ន្ធគាំទ្រការបង្កើតពានបាល់ទះ Anchor Slamball លើកដំបូងនៅកម្ពុជា

បាល់ទះ៖ ការប្រកួតបាល់ទះដណ្ដើមពានរង្វាន់ Anchor Slamball លើកដំបូងនៅកម្ពុជាលើវិញ្ញាសា ៤នាក់ទល់ ៤នាក់នឹងចាប់ផ្ដើមការប្រកួតនាថ្ងៃទី០៥ ខែវិច្ឆិកាខាងមុខ ខណៈមន្ដ្រីជាន់ខ្ពស់សហព័ន្ធកីឡាបាល់ទះកម្ពុជាបានបង្ហាញការគាំទ្រពេញទំហឹង ដោយចាត់ទុកការរៀបចំនេះគឺជាផ្នែកមួយទៀត ដើម្បីរួមចំណែកអភិវឌ្ឍន៍វិស័យកីឡាបាល់ទះជាតិ។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធបានបញ្ជាក់ថា ស្របពេលបាល់ទះកម្ពុជាទើបទទួលបានជោគជ័យជាប្រវត្តិសាស្ដ្រ ក្នុងការដណ្ដើមមេដាយសំរឹទ្ធស៊ីហ្គេមលើកដំបូងកាលពីថ្មីៗ សហព័ន្ធមានអំរែកកាន់ធ្ងន់ក្នុងការជំរុញការអភិវឌ្ឍវិស័យកីឡាមួយនេះឲ្យកាន់តែរីកចម្រើន ហើយទាមទារឲ្យមានការចូលរួមពីគ្រប់មជ្ឈដ្ឋាន រួមទាំងវិស័យឯកជនផងដែរ។ ដូច្នេះការរៀបចំនូវព្រឹត្តិការណ៍ Anchor Slamball នេះគឺជាឱកាសថ្មីមួយទៀតដែលបណ្ដាក្លិប និងកីឡាករទូទាំប្រទេសបានចូលរួមប្រកួតប្រជែង បង្ហាញសមត្ថភាព និងទេពកោសល្យរបស់ខ្លួន។ បន្ថែមលើនេះ លោកក៏បានជំរុញឲ្យកីឡាករវ័យក្មេង ពិសេសកីឡាករអាយុក្រោម ១៨ឆ្នាំ ដ្បិតសហព័ន្ធកំពុងសម្លឹងរកកីឡាករវ័យក្មេងនេះ ដើម្បីត្រៀមការប្រកួតជើងឯកយុវជនអាស៊ីអាយុក្រោម ១៨ឆ្នាំនាពេលខាងមុខផងដែរ។ជាមួយគ្នាតំណាងក្រុមហ៊ុន Anchor សហការរៀបចំព្រឹត្តិការណ៍នេះបានបញ្ជាក់ថា គោលដៅធំដែលក្រុមហ៊ុនរៀបចំការប្រកួតនេះដើម្បីជាការចូលរួមអភិវឌ្ឍ និងលើកស្ទួយវិស័យកីឡាបាល់ទះនៅកម្ពុជា។ ការប្រកួតបាល់ទះគឺជាការប្រកួតដ៏ពេញនិយមបំផុតដែលប្រជាជនកម្ពុជាចូលចិត្តលេងណាស់។ ដូច្នេះពានរង្វាន់នេះនឹងប្រមូលផ្ដុំកីឡាករឲ្យបានជួបជុំគ្នាប្រកួតតាមលក្ខខណ្ឌស្ដង់ដារអន្ដរជាតិ។ មួយវិញទៀត ក្រុមហ៊ុនក៏មានគោលបំណងចូលរួមចំណែកជំរុញយុវជនកម្ពុជាឲ្យចូលរួមក្នុងវិស័យកីឡា ចៀសឆ្ងាយពីគ្រឿងញៀន និងអភិវឌ្ឍសមត្ថភាពកីឡាករក្នុងគោលដៅស៊ីហ្គេមឆ្នាំ២០២៣ នៅកម្ពុជាផងដែរ។លោក Loic De Laubriere ប្រធានទីផ្សាររបស់ក្រុមហ៊ុន ហ៊ិននីគែន បានបន្ថែមថា Anchor តែងតែគាំទ្រជានិច្ចចំពោះការប្រកួតបាល់ទះនៅលើទីលានធម្មតា ហើយការរៀបចំនូវទីលានបាល់ទះស្ដង់ដារ សម្រាប់បម្រើឲ្យការប្រកួតនេះ នឹងជំរុញឲ្យកីឡាករកាន់តែមានភាពកក់ក្ដៅ ក្នុងការប្រកួត និងបង្ហាញនូវសមត្ថភាព។ សូមបញ្ជាក់ថា ការប្រកួតកីឡាបាល់ទះ Anchor Slamball នេះមានក្រុមខ្លាំងៗចំនួន ៨ក្រុមក្នុងនោះមាន ៧ក្រុមមកពីរាជធានី-ខេត្ត។ ការប្រកួតនឹងធ្វើឡើងពីថ្ងៃទី០៥ ខែវិច្ឆិកា ឆ្នាំ២០២២ រហូតដល់ខែមករា ឆ្នាំ២០២៣ ខាងមុខ៕អត្ថបទ៖ លី ឈុនឡា

បឹងកេតជួបវិសាខានៅវគ្គផ្ដាច់ព្រ័ត្រពានសម្ដេចតេជោ ហ៊ុន សែន លើកដំបូង

បាល់ទាត់៖ ការប្រកួតបាល់ទាត់ដណ្ដើមពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ បានរកឃើញបេក្ខភាពវគ្គផ្ដាច់ព្រ័ត្រហើយគឺមានក្រុមបឹងកេត និងវិសាខា ដែលត្រូវជួបគ្នាលើកដំបូងក្នុងវគ្គដណ្ដើមជើងឯកនេះ បន្ទាប់ពីក្រុមទាំងពីរបានបន្ដយកឈ្នះគូប្រជែងរៀងៗខ្លួន នៅក្នុងការប្រកួតកាត់សេចក្ដីជើងទី២ នៃវគ្គពាក់កណ្ដាលផ្ដាច់ព្រ័ត្រកាលពីថ្ងៃទី១២ ខែតុលា ឆ្នាំ២០២២ ម្សិលមិញ។ ក្រុមបឹងកេតបានបន្ដយកឈ្នះក្រុមម្ចាស់ផ្ទះអគ្គិសនីកម្ពុជា ២-០ បន្ទាប់ពីពួកគេបានទទួលជ័យជម្នះ ៣-០ កាលពីសប្ដាហ៍មុន។ ២គ្រាប់ជួយឲ្យក្រុមនាគខៀវបឹងកេត ធានាកៅអីវគ្គផ្ដាច់ព្រ័ត្រពានរង្វាន់សម្ដេចតេជោ ហ៊ុន សែន ជាលើកទី២ ក្នុងប្រវត្តិសាស្ដ្ររបស់ក្លិបនេះរកបានដោយកីឡាករ សេត រ៉ស៊ីប ១គ្រាប់ និង សៀង ចន្ធា ១គ្រាប់។ សរុបលទ្ធផលទាំង ២ជើង បឹងកេតបានយកឈ្នះក្រុមក្របខណ្ឌលីគទី២ នេះ ៥-០។ ចំណែកក្រុមវិសាខាបានបន្ដយកឈ្នះក្រុមភ្នំពេញក្រោន ២-១ លើកទឹកដីរបស់ខ្លួនដូចកាលពីជើងទី១ ដែរ។ ជំនួបកាត់សេចក្ដីនេះ វិសាខា រកបាន ២គ្រាប់មុននៅវគ្គទី២ ដោយកីឡាករ រ៉ឹង ប៊ុនហៀង ទាំង ២គ្រាប់។ បន្ទាប់មកគេឃើញក្រុមភ្នំពេញក្រោន បានព្យាយាមវាយសម្រុកជាខ្លាំងរហូតដល់ចុងម៉ោង ទើបពួកគេអាចបំប៉ោងសំណាញ់ទីក្រុមម្ចាស់ផ្ទះបាន ១គ្រាប់ដោយកីឡាករ អ៊ន ចាន់ប៉ូលីន មុនអាជ្ញាកណ្ដាលផ្លុំកញ្ចែបញ្ចប់ការប្រកួត។ សរុបលទ្ធផលទាំង ២ជើង វិសាខា បានយកឈ្នះភ្នំពេញក្រោន ៤-២។នេះជាលើកទី៣ ហើយដែលវិសាខាបានឡើងវគ្គផ្ដាច់ព្រ័ត្រពានរង្វាន់សម្ដេចតេជោ ហ៊ុន សែន បន្ទាប់ពីពួកគេបានឈ្នះពាន ២ឆ្នាំជាប់គ្នាកាលពីឆ្នាំ២០២០ និងឆ្នាំ២០២១ កន្លងទៅ។ ប៉ុន្ដែនេះជាលើកដំបូងហើយដែលវិសាខា និងបឹងកេតត្រូវជួបគ្នាក្នុងវគ្គផ្ដាច់ព្រ័ត្រ នៃពានរង្វាន់ប្រើប្រាស់តែធនធានកីឡាករក្នុងស្រុកនេះ ដ្បិតកន្លងមកក្រុមទាំងពីរ បានត្រឹមធ្លាប់ជួបគ្នាក្នុងវគ្គ ៨ក្រុមចុងក្រោយ ក៏ដូចជាវគ្គពាក់កណ្ដាលផ្ដាច់ព្រ័ត្រប៉ុណ្ណោះ។ គួរដឹងថា ក្នុងពានសម្ដេចតេជោនាយករដ្ឋមន្ដ្រីនេះ បឹងកេត និងវិសាខាធ្លាប់ជួបគ្នាដំបូងកាលពីឆ្នាំ២០១៩ ក្នុងវគ្គផ្ដាច់ព្រ័ត្រ ដោយបឹងកេតបានយកឈ្នះក្នុងលទ្ធផល ៤-០។ បន្ទាប់មកឆ្នាំ២០២១ ក្រុមទាំងពីរបានជួបគ្នាក្នុងវគ្គ ៨ក្រុមចុងក្រោយ ដែលធ្វើការប្រកួត ២ជើងស្មើគ្នាទាំង ២ជើង តែវិសាខាបានយកឈ្នះដោយកាត់ទាត់បាល់ប៉េណាល់ទីកាត់សេចក្ដីក្នុងលទ្ធផល ៤-៣។ ចុងក្រោយឆ្នាំ២០២១ ក្រុមទាំងពីរបានជួបគ្នាក្នុងវគ្គពាក់កណ្ដាលផ្ដាច់ព្រ័ត្រជាថ្មី ដោយវិសាខាបានយកឈ្នះបឹងកេត ២-១។ ដូច្នេះចាំមើលតើការជួបគ្នាលើកដំបូងក្នុងវគ្គផ្ដាច់ព្រ័ត្រនាដើមខែវិច្ឆិកាខាងមុខ ក្រុមណានឹងក្លាយជាម្ចាស់ពានសម្ដេចតេជោ ហ៊ុន សែន ឆ្នាំ២០២២?អត្ថបទ៖ លី ឈុនឡា

អ្នកគាំទ្រអេស្ប៉ាញម្នាក់ធ្វើដំណើរដោយថ្មើរជើងទៅកាតាដើម្បីទស្សនា World Cup

បាល់ទាត់៖ អ្នកគាំទ្រសញ្ជាតិអេស្ប៉ាញម្នាក់កំពុងធ្វើដំណើរដោយថ្មើរជើង ដើម្បីទៅចូលរួមទស្សនាការប្រកួតបាល់ទាត់ពិភពលោក FIFA World Cup 2022 ឆ្នាំនេះនៅប្រទេសកាតា។ លោក Santiago Sanchez បានធ្វើដំណើរពីទីក្រុង Madrid ក្នុងដំណើររយៈពេល ១០ខែឱ្យដល់ទឹកដីកាតាទាន់ការប្រកួតទី១ របស់អេស្ប៉ាញ។ លោក Santiago Sanchez បានធ្វើដំណើរ ១០ ទៅ ១៥គីឡូម៉ែត្រជារៀងរាល់ថ្ងៃ ហើយមានថ្ងៃខ្លះដើរបានដល់ទៅ ៣០គីឡូម៉ែត្រ។ គំនិតនៃការផ្សងព្រេងរបស់លោកគឺមិនមែនផ្តោតលើ World Cup នោះឡើយ។ “តាមពិតទៅការធ្វើដំណើររបស់ខ្ញុំគឺដើម្បីលើកទឹកចិត្ត និងបំផុសគំនិតអ្នកដទៃឱ្យបង្ហាញថាអ្នកអាចធ្វើបាន ថាពួកគេអាចទៅឆ្ងាយបានទោះត្រឹមលទ្ធភាពតិចតួចក៏ដោយ។ នៅទីនេះខ្ញុំមានផ្ទះរបស់ខ្ញុំ នៅទីនេះខ្ញុំមានអ្វីគ្រប់យ៉ាងដែលខ្ញុំត្រូវការសម្រាប់មួយឆ្នាំ ឬពីរឆ្នាំ។ ហើយនោះជាបេសកកម្ម ឬគោលបំណងនៃការធ្វើដំណើរ។ ខ្ញុំនឹងព្យាយាមទៅទីនោះសម្រាប់ការប្រកួតទី១ របស់អេស្ប៉ាញនៅប្រទេសកាតា”។ Santiago Sanchez បានធ្វើដំណើរដល់ទឹកដីអ៊ីរ៉ាក់ហើយ ជាមួយនឹងរទេះចង់សន្តោងនឹងចង្កេះដឹកវ៉ាលីដាក់ឥវ៉ាន់ និងចំនីអាហារសម្រន់មួយចំនួន។“នៅពេលដែលខ្ញុំមកទីនេះ ក្នុងតំបន់ Kurdistan នៅភាគខាងជើង ប្រជាជននៅទីនេះចិត្តល្អណាស់។ ខ្ញុំនៅក្នុងផ្ទះរបស់គ្រួសារមួយអស់រយៈពេលជាង ១សប្តាហ៍ក្នុងទីក្រុង Zakho។ បុរសវ័យក្មេងម្នាក់បានមើលថែខ្ញុំនៅ Dohuk និងនៅ Irbil ។ នៅគ្រប់ទីក្រុងទាំងអស់ ខ្ញុំមានឱកាសចែករំលែកបទពិសោធន៍របស់ខ្ញុំជាមួយគ្រួសារក្នុងតំបន់។ ទាំងនេះគឺជាពេលវេលាដ៏ល្អបំផុត នៅពេលពួកគេបើកទ្វារឱ្យមនុស្សដែលមិនស្គាល់អ្នកចូលផ្ទះ។ ពួកគេបានមើលឃើញពីការខិតខំ និងក្តីប្រាថ្នារបស់ខ្ញុំ។ ”Santiago Sanchez គឺជាអត្តពលិក និងជាគ្រូបង្វឹកបាល់ទាត់ម្នាក់នៅទីក្រុង Madrid ហើយរូបលោកនឹងរស់នៅក្នុងតំបន់ប្រជុំជន Sulaymaniyah ប្រទេសអ៊ីរ៉ាក់នេះមួយរយៈមុនពេលឆ្លងដែនទៅប្រទេសអ៊ីរ៉ង់ ហើយបន្តដំណើរតាមទូកឆ្លងទៅប្រទេសកាតា៕អត្ថបទ៖នាង សុភាវុធ

ខ្សែការពារ Liverpool ២នាក់ទៀតត្រូវអវត្តមាន ៣សប្តាហ៍ដោយសាររបួស

បាល់ទាត់៖ ក្រុមហង្សក្រហម Liverpool កំពុងប្រឈមការលំបាកខ្លាំងក្នុងស្ថានភាពក្រុមដែលកំពុងដុនដាបរដូវកាលនេះ ស្របពេលដែលនៅពេលនេះខ្សែការពារ ២រូបទៀតមានរបួសត្រូវអវត្តមាន ៣សប្តាហ៍។ ខ្សែការពារស្លាបស្តាំអង់គ្លេស Trent Alexander-Arnold និងខ្សែការពារកណ្តាល Joel Matip សុទ្ធតែមានរបួសកជើង និងកំភួនជើងដែលទទួលរងអំឡុងការប្រកួតចាញ់នៅទឹកដី Arsenal កាលពីថ្ងៃអាទិត្យ។មុននេះដែរ Liverpool ទើបតែប្រកាសពីការអវត្តមានខ្សែប្រយុទ្ធស្លាប Luis Diaz រហូតដល់ខែធ្នូដោយសាររបួសជង្គង់ពេលជួប Arsenal ដូចគ្នា។ ក្រៅពីបីនាក់ខាងលើ Liverpool ក៏មានកីឡាករមួយចំនួនទៀតស្ថិតក្នុងបញ្ជីរបួសផងដែររួមមានខ្សែបម្រើ Arthur Melo ដែលខ្ចីពី Juventus, ខ្សែបម្រើអង់គ្លេស Alex Oxlade-Chamberlain និង Naby Keita មានរបួសភ្លៅ ស្របពេលដែលខ្សែការពារស្កុតឡេន Andrew Robertson កំពុងមានរបួសជង្គង់។Liverpool កំពុងឈរលេខ ១០ ក្នុងតារាងនៅ Premier League តាមពីក្រោយក្រុមកំពូលតារាង ១៤ពិន្ទុ ពោលគឺឈ្នះតែ ២ប្រកួតប៉ុណ្ណោះក្នុងចំណោម ៨ប្រកួតរដូវកាលនេះ។ ក្រុមរបស់លោក Jurgen Klopp នៅពេលនេះនៅសល់ ៦ប្រកួតរហូតចុងខែតុលានេះ បួករួមទាំងការប្រកួតនៅទឹកដី Rangers ក្របខណ្ឌ UEFA Champions League យប់នេះផងដែរ៕អត្ថបទ៖នាង សុភាវុធ

Juventus ចាញ់នៅផ្ទះ Maccai Haifa ខណៈ Benfica ស្មើនៅដី PSG

បាល់ទាត់៖ អ្នកចាត់ការក្រុមសេះបង្កង់ Juventus លោក Massimiliano Allegri កាន់តែស្ថិតក្នុងសំពាធបន្ទាប់ពីបរាជ័យនៅទឹកដីអ៊ីស្រាអែល Maccabi Haifa ២-០ កាន់តែកៀកមិនអាចបន្តឡើងវគ្គ ១៦ក្រុមចុងក្រោយ។ ពីរគ្រាប់ក្នុងវគ្គទី១ ដោយ Omer Atzili គ្រប់គ្រាន់សំរាប់ Maccabi Haifa យកបីពិន្ទុក្នុងទឹកដីរបស់ខ្លួន និងជាជ័យជំនះដំបូង ហើយក៏ជាពិន្ទុដំបូងក្នុងពូល H នេះដែរក្រោយចាញ់ ៣ប្រកួតផ្ទួនៗ។ ចំណែក Juventus ៤ប្រកួតកន្លងមកស្គាល់ជ័យជំនះតែ ១ប្រកួតគត់គឺឈ្នះ Maccabi Haifa នេះឯងនៅទឹកដីអ៊ីតាលី ៣-១ សប្តាហ៍មុន។ បរាជ័យនេះធ្វើឱ្យ Juventus ឈរលេខ៣ មានតែ ៣ពិន្ទុប៉ុណ្ណោះ។ មួយគូទៀតក្នុងពូលនេះដែរ Benfica បានទប់ស្មើនៅទឹកដី Paris Saint Germain ១-១។ជ័យជំនះអាចធ្វើឱ្យ PSG ធានាបានកៅអីនៅវគ្គ ១៦ក្រុមចុងក្រោយខណៈ Kylian Mbappe គឺជាអ្នកបើកការនាំមុខ ១-០ មុនដោយបាល់ពិន័យ ១១ម៉ែត្រនៅនាទីទី៣៩។ យ៉ាងណាក្តីក្រុមភ្ញៀវព័រទុយហ្កាល់ Benfica ក៏តាមស្មើវិញដោយបាល់ពិន័យ ១១ម៉ែត្រដូចគ្នានៅវគ្គទី២ ដោយ Joao Mario។ លទ្ធផលនេះធ្វើឱ្យក្រុមទាំងពីរមាន ៨ពិន្ទុដូចគ្នា និងចំណេញគ្រាប់បាល់ ៣គ្រាប់ដូចគ្នា៕អត្ថបទ៖នាង សុភាវុធ

សហព័ន្ធមានសុទិដ្ឋិនិយមខ្ពស់ចំពោះការបើកទំព័រថ្មីនៃពានបាល់ទះសម្ដេចតេជោ ហ៊ុន សែន ចុងសប្ដាហ៍នេះ

បាល់ទះ៖ ការប្រកួតបាល់ទះដណ្ដើមពានរង្វាន់សម្ដេចតេជោ ហ៊ុន សែន ឆ្នាំ២០២២ នឹងចាប់ផ្ដើមការប្រកួតនាថ្ងៃទី១៥ ខែតុលាចុងសប្ដាហ៍នេះនៅសាលទីលានបាល់ទះនៃកីឡដ្ឋានព្រីនស៍ ដោយមានបេក្ខភាពខ្លាំងៗ ១១ក្រុមចូលរួមប្រកួតប្រជែង។ ជាមួយការបើកសករាជថ្មីនេះ សហព័ន្ធកីឡាបាល់ទះកម្ពុជាបានបង្ហាញសុទិដ្ឋិនិយមខ្ពស់ ចំពោះព្រឹត្តិការណ៍នេះនឹងផ្ដល់នូវអត្ថប្រយោជន៍ជាច្រើនដើម្បីបំផុស និងជំរុញការអភិវឌ្ឍវិស័យកីឡានេះ ពិសេសត្រៀមស៊ីហ្គេមឆ្នាំ២០២៣ ខាងមុខ។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធបានថ្លែងក្នុងសន្និសីទសារព័ត៌មាន និងពិធីចាប់ឆ្នោតកាលពីថ្ងៃទី១១ ខែតុលាម្សិលមិញថា នេះគឺជាសកម្មមួយថ្មីមួយទៀតក្នុងចំណោមកម្មវិធីជាច្រើន ដែលត្រូវបានរៀបចំជាបន្ដបន្ទាប់ក្នុងឆ្នាំ២០២២ ហើយក៏ជាការជីកកកាយឡើងវិញនូវព្រឹត្តិការណ៍ធំៗ ដែលបានធ្លាប់រៀបចំពីមុនផងដែរ ជាក់ស្ដែងការប្រកួតបាល់ទះជើងឯកពានរង្វាន់សម្ដេចតេជោ ដែលធ្លាប់រៀបចំលើកដំបូងតាំងពីឆ្នាំ១៩៩៧ ហើយសហព័ន្ធបានប្ដេជ្ញាបន្ដនិរន្ដរភាពរៀបចំពាននេះរៀងរាល់ឆ្នាំ ដើម្បីជំរុញការអភិវឌ្ឍវិស័យបាល់ទះជាតិ។ លោក តែន ឡន អគ្គលេខាធិការរងសហព័ន្ធ និងជាមន្ដ្រីបច្ចេកទេសរៀបចំការប្រកួតនេះបានឲ្យដឹងថា បេក្ខភាពចូលរួមប្រកួតពានរង្វាន់សម្ដេចតេជោ ហ៊ុន សែន ឆ្នាំ២០២២ នេះគឺមាន ៥ក្រុមត្រូវបានសហព័ន្ធអញ្ជើញ និង ៦ក្រុមទៀតឡើងមកពីពានរង្វាន់សម្តេចក្រឡាហោម ស ខេង។ ក្រុមទាំង ១១ ត្រូវបែងចែកជា ៤ពូលដើម្បីធ្វើការប្រកួតវិលជុំសន្សំពិន្ទុ ១ជើង ហើយក្រុមលេខ១ និងលេខ២ តាមពូលនីមួយៗនឹងឡើងវគ្គ ៨ក្រុមចុងក្រោយ ក៏ដូចជាបន្ដការប្រកួតវគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ។ជាលទ្ធផលនៃការចាប់ឆ្នោត ពូល A គឺមានក្រុមបាល់ទះរដ្ឋបាលរាជធានីភ្នំពេញ, វិសាខា និងស្នងការដ្ឋាននគរបាលខេត្តបាត់ដំបង។ ពូល B មានក្រុមបញ្ជាការដ្ឋានអង្គរក្ស, ស្នងការដ្ឋាននគរបាលត្បូងឃ្មុំ និងខេត្តសៀមរាប។ ពូល C មានក្រុមកងពលធំអន្តរាគមន៍លេខ៣, កូននាគឧត្ដរ និងក្រុមស្នងការដ្ឋាននគរបាលខេត្តព្រះសីហនុ និងពូល D គឺមានក្រុមក្រសួងមហាផ្ទៃ និងក្រុមស្នងការដ្ឋាននគរបាលខេត្តស្វាយរៀង។ សម្រាប់ប្រាក់រង្វាន់ជ័យលាភីវិញ ក្រុមជើងឯកនឹងទទួលបានពាន ១ អមប្រាក់រង្វាន់ ១ម៉ឺនដុល្លារ, លេខ២ ទទួលបាន ៥ពាន់ដុល្លារ, លេខ៣ ទទួលបាន ៣ពាន់ដុល្លារ និងលេខ៤ ទទួលបាន ២ពាន់ដុល្លារ។ ចំពោះការប្រកួតគ្រោងនឹងបញ្ចប់នាថ្ងៃទី៣០ ខែតុលា ឆ្នាំ២០២២ ខាងមុខ។ អ្វីដែលកាន់តែអស្ចារ្យនោះគឺដើម្បីអបអរសាទរការរៀបចំព្រឹត្តិការណ៍ដ៏ធំនេះ សហព័ន្ធក៏បានរៀបចំការប្រកួតមិត្តភាពរវាងក្រុមបាល់ទះជម្រើសជាតិកម្ពុជាចំនួន ២ប្រកួតផងដែរ ពោលគឺក្រុមជម្រើសជាតិកម្ពុជាប្រកួតមិត្តភាពជាមួយក្រុមជម្រើសជាតិសិង្ហបុរី នៅថ្ងៃបើកនាថ្ងៃទី១៥ ខែតុលាចុងសប្ដាហ៍នេះ និងក្រុមជម្រើសជាតិកម្ពុជាប្រកួតមិត្តភាពលក្ខណៈដកស្រង់បច្ចេកទេស ជាមួយក្រុមជម្រើសជាតិគុយបានាថ្ងៃទី២០ ខែតុលាខាងមុខ៕អត្ថបទ៖ លី ឈុនឡា

Manchester City ស្មើនៅទឹកដី Copenhagen តែគ្រប់ពិន្ទុឡើងវគ្គ ១៦ក្រុមចុងក្រោយ UCL

បាល់ទាត់៖ ក្រុមជើងឯករងឆ្នាំ២០២០ Manchester City បានបន្តដំណើរឡើងវគ្គ ១៦ក្រុមចុងក្រោយ UEFA Champions League ហើយបើទោះជាស្មើ ០-០ នៅទឹកដី Copenhagen ក៏ដោយ។ ក្រុមរបស់លោក Pep Guardiola ដែលទុក Erling Haaland ឱ្យសម្រាកនោះមានឱកាសច្រើនក្នុងការប្រកួតនេះ ដូចជាឱកាសរបស់ស៊ុតពីចំងាយរបស់ Rodri តែអាជ្ញាកណ្តាលមិនឱ្យក្រោយឆែក VAR។ ក្រោយមក Riyad Mahrez មានឱកាសស៊ុតបាល់ពិន័យ ១១ម៉ែត្រមួយទៀតតែធ្វើមិនបានសម្រេច មុនពេលដែលខ្សែការពារ Sergio Gomez ត្រូវបានបណ្តេញចេញនៅនាទីទី៣០ ធ្វើឱ្យ Manchester City ត្រូវលេងភាគច្រើននៃការប្រកួតមានគ្នាត្រឹម ១០នាក់។ យ៉ាងណាក្តីគ្មានគ្រាប់បាល់បញ្ចូលទីឡើយក្នុងការប្រកួតនេះ បញ្ចប់ទៅដោយ Manchester City ស្មើ ០-០ នៅទឹកដី Copenhagen តែធានាបានកៅអីនៅវគ្គ ១៦ក្រុមចុងក្រោយបន្ទាប់ពី Dortmund និង Sevilla ស្មើគ្នានៅទឹកដីអាល្លឺម៉ង់។Tanguy Nianzou តែតបញ្ចូលទីនាំមុខមុនឱ្យ Sevilla មុនពេលដែល Dortmund តាមស្មើវិញដោយ Jude Bellingham ដែលជាគ្រាប់ទី៤ របស់កីឡាករវ័យ ១៩ឆ្នាំអង់គ្លេសរូបនេះនៅ UCL រដូវកាលនេះ។ លទ្ធផលនេះមានន័យថា Manchester City នៅតែឈរលើគេមាន ១០ពិន្ទុតាមពីក្រោយដោយ Dortmund មាន ៧ពិន្ទុ Sevilla លេខ៣ មាន ២ពិន្ទុ និង Copenhagen ក្រោមគេមាន ២ពិន្ទុផងដែរ៕អត្ថបទ៖នាង សុភាវុធ

កម្ពុជាបញ្ជូនគ្រូ និងកីឡាករ-កីឡាការិនី ៣៣រូបទៅបង្ហាត់គុនល្បុក្កតោ និងហាត់បញ្ចសិលានៅឥណ្ឌូនេស៊ី

ល្បុក្កតោ៖ សហព័ន្ធកីឡាគុនល្បុក្កតោកម្ពុជាបានបញ្ជូនប្រតិភូ គ្រូបង្វឹក និងកីឡាករ-កីឡាការិនីសរុបចំនួន ៣៣នាក់ ដើម្បីទៅបង្ហាត់កីឡាគុនល្បុក្កតោ និងហ្វឹកហាត់កីឡាបញ្ចសិលានៅប្រទេសឥណ្ឌូនេស៊ី ចាប់ពីថ្ងៃទី១២ ខែតុលារហូតដល់ការប្រកួតកីឡាស៊ីហ្គេមឆ្នាំ២០២៣ នៅកម្ពុជាទើបត្រឡប់មកវិញ។ មុនចាកចេញពីមាតុភូមិកាលពីថ្ងៃទី១១ ខែតុលាម្សិលមិញ ថ្នាក់ដឹកនាំសហព័ន្ធក៏បានជួបសំណេះវសំណាល និងជូនដំណើរផង ដែលធ្វើឡើងក្រោមអធិបតីភាពឯកឧត្តមបណ្ឌិតសភាចារ្យ ច័ន្ទ សារុន សមាជិករដ្ឋសភាជាតិ និងជាប្រធានសហព័ន្ធ, ឯកឧត្តម កែវ រ៉េមី រដ្ឋមន្ដ្រីប្រតិភូអមនាយករដ្ឋមន្ដ្រី និងជាអនុប្រធានសហព័ន្ធ រួមទាំងឯកឧត្តម វ៉ាត់ ចំរើន អគ្គលេខាធិការសហព័ន្ធ និងព្រឹទ្ធាចារ្យគុនល្បុក្កតោផ្សេងទៀត។ លោក អ៊ូ តារា អគ្គលេខាធិការរងសហព័ន្ធ បានឲ្យដឹងថា បេសកកម្មរបស់ក្រុមកីឡាគុនល្បុក្កតោនេះដឹកនាំដោយប្រតិភូ ១រូប ហើយមានគ្រូបង្វឹក ២រូបត្រូវទៅបង្ហាត់គុនល្បុក្កតោដល់កីឡាករ-កីឡាការិនីឥណ្ឌូនេស៊ី។ រីឯគ្រូបង្វឹក និងកីឡាករ-កីឡាការិនី ៣០នាក់ទៀតត្រូវទៅហ្វឹកហាត់កីឡាបញ្ចសិលា ដែលបង្ហាត់ដោយក្រុមគ្រូបង្វឹកឥណ្ឌូនេស៊ី។ ការផ្លាស់ប្ដូរនូវការហ្វឹកហាត់នៃការកីឡាក្បាច់គុនបុរាណរវាងប្រទេសទាំងពីរ ធ្វើឡើងក្រោយមានការចុះអនុស្សារណយោគយល់គ្នារវាងឯកឧត្តម វ៉ាត់ ចំរើន និងឯកឧត្តម ប្រាប៊ូវ៉ូ ស៊ូប៊ីយ៉ានតូ រដ្ឋមន្ត្រីក្រសួងការពារជាតិឥណ្ឌូនេស៊ី និងជាប្រធានសហព័ន្ធកីឡាបញ្ចសិលាអន្តរជាតិ ដោយមានការគាំទ្រពេញទំហឹងពីប្រមុខរាជរដ្ឋាភិបាលសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា កាលពីខែមិថុនាកន្លងទៅ។ទន្ទឹមជាមួយគ្នា គ្រូបង្វឹកក៏ដូចជាកីឡាករ-កីឡាការិនីដែលបានចេញទៅបោះជុំរុំហ្វឹកហាត់ត្រៀមស៊ីហ្គេមនេះ បានសម្ដែងនូវសេចក្ដីរីករាយ និងត្រៀមខ្លួនជាស្រេច ដើម្បីហ្វឹកហាត់នូវប្រភេទកីឡាបញ្ចសិលា ដោយពួកគេយល់ថា មិនសូវមានឧបសគ្គសម្រាប់ខ្លួនដែលមានមូលដ្ឋានគុនល្បុក្កតោស្រាប់នោះទេ ព្រោះក្បាច់គុនអាចប្រហាក់ប្រហែលគ្នា គ្រាន់តែអាស្រ័យលើឆន្ទៈ និងការខំប្រឹងប្រែងប៉ុណ្ណោះ។ ក្នុងឱកាសជួបសំណេះសំណាលដែរ ឯកឧត្តមបណ្ឌិតសភាចារ្យ ច័ន្ទ សារុន បានក្រើនរំឮកដល់ប្រតិភូ គ្រូបង្វឹក ពិសេសកីឡាករ-កីឡាការិនីត្រូវប្រកាន់ភ្ជាប់ឲ្យបាននូវវិន័យ ក្រមសីលធម៌ និងសាមគ្គីភាពក្រុម ហើយក៏ត្រូវថែរក្សាសុខភាពផងដែរ ដើម្បីធានាបាននូវការហ្វឹកហាត់ប្រកបដោយគុណផល សម្រាប់យកមកប្រកួតប្រជែងដណ្ដើមមេដាយជូនជាតិ ក្នុងព្រឹត្តិការណ៍ស៊ីហ្គេមឆ្នាំ២០២៣ នៅកម្ពុជា។ ឆ្លៀតឱកាសនោះ ឯកឧត្តមក៏បានឧបត្ថម្ភប្រាក់ហោប៉ាវក្នុងម្នាក់ៗចំនួន ៤០ម៉ឺនរៀលផងដែរ៕អត្ថបទ៖ លី ឈុនឡា

Rudiger តែតចុងម៉ោងឲ្យ Real Madrid តាមស្មើ Shakhtar Donetsk ១-១

បាល់ទាត់៖ ក្រុមការពារតំណែងជើងឯក Real Madrid ស្ទើរតែចាញ់ក្រុមអ៊ុយក្រែន Shakhtar Donetsk ទៅហើយមុនពេលដែល Rudiger ជាអ្នកសង្គ្រោះនៅចុងម៉ោង។ Oleksandr Zubkov ជាអ្នកតែតបញ្ចូលនាំមុខមុនឱ្យ Shakhtar Donetsk នៅនាទីទី៤៦ និងស្ទើរតែជាគ្រាប់បាល់ជ័យជំនះទៅហើយ តែក្រុមភ្ញៀវ Real Madrid ខ្សែការពារអាល្លឺម៉ង់ Antonio Rudiger គឺជាអ្នកតែតតាមស្មើវិញបានសំរេចនៅនាទីទី៩០+៥ ទៅហើយ។ តែមួយគ្រាប់របស់ Rudiger នេះក៏ធ្វើឱ្យគេរងរបួសហូរឈាមក្បាលដែរ ដោយប៉ះទង្គិចជាមួយអ្នកចាំទី Anatoliy Trubin។ លទ្ធផលនេះធ្វើឱ្យក្រុមរបស់លោក Carlo Ancelotti បន្តឈរលើគេក្នុងពូល F មាន ១០ពិន្ទុ ខណៈ Shakhtar Donetsk ឈរលេខ៣ មាន ៥ពិន្ទុ។ មួយប្រកួតទៀតក្នុងពូលនេះ Leipzig បានយកឈ្នះនៅទឹកដី Celtic ២-០ ដោយគ្រាប់បាល់របស់ Timo Werner និង Emil Forsberg។ បីពិន្ទុនេះ Leipzig ឡើងមកលេខ២ មាន ៦ពិន្ទុ ខណៈ Celtic អស់ឱកាសទៅវគ្គបន្តហើយក្រោយមានត្រឹម ១ពិន្ទុពីការប្រកួត ៤លើក៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ការប្រកួតកីឡាដើម្បីទាំងអស់គ្នានៅខេត្តកណ្ដាលបញ្ចប់ដោយជោគជ័យ

សហព័ន្ធគាំទ្រការបង្កើតពានបាល់ទះ Anchor Slamball លើកដំបូងនៅកម្ពុជា

បឹងកេតជួបវិសាខានៅវគ្គផ្ដាច់ព្រ័ត្រពានសម្ដេចតេជោ ហ៊ុន សែន លើកដំបូង

អ្នកគាំទ្រអេស្ប៉ាញម្នាក់ធ្វើដំណើរដោយថ្មើរជើងទៅកាតាដើម្បីទស្សនា World Cup

ខ្សែការពារ Liverpool ២នាក់ទៀតត្រូវអវត្តមាន ៣សប្តាហ៍ដោយសាររបួស

Juventus ចាញ់នៅផ្ទះ Maccai Haifa ខណៈ Benfica ស្មើនៅដី PSG

សហព័ន្ធមានសុទិដ្ឋិនិយមខ្ពស់ចំពោះការបើកទំព័រថ្មីនៃពានបាល់ទះសម្ដេចតេជោ ហ៊ុន សែន ចុងសប្ដាហ៍នេះ

Manchester City ស្មើនៅទឹកដី Copenhagen តែគ្រប់ពិន្ទុឡើងវគ្គ ១៦ក្រុមចុងក្រោយ UCL

កម្ពុជាបញ្ជូនគ្រូ និងកីឡាករ-កីឡាការិនី ៣៣រូបទៅបង្ហាត់គុនល្បុក្កតោ និងហាត់បញ្ចសិលានៅឥណ្ឌូនេស៊ី

Rudiger តែតចុងម៉ោងឲ្យ Real Madrid តាមស្មើ Shakhtar Donetsk ១-១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ការប្រកួត​កីឡា​ដើម្បី​ទាំងអស់គ្នានៅ​ខេត្តកណ្ដាល​បញ្ចប់​ដោយ​ជោគជ័យ​

សហព័ន្ធ​គាំទ្រ​ការបង្កើតពាន​បាល់ទះ Anchor Slamball លើកដំបូង​នៅ​កម្ពុជា​

បឹងកេត​ជួប​វិសាខា​នៅ​វគ្គ​ផ្ដាច់ព្រ័ត្រ​ពាន​សម្ដេច​តេ​ជោ ហ៊ុន សែន លើកដំបូង

អ្នកគាំទ្រ​អេ​ស្ប៉ា​ញ​ម្នាក់​ធ្វើដំណើរ​ដោយ​ថ្មើរជើង​ទៅ​កាតា​ដើម្បី​ទស្សនា World Cup

ខ្សែការពារ Liverpool ២នាក់​ទៀត​ត្រូវ​អវត្តមាន ៣សប្តាហ៍​ដោយសារ​របួស​

Juventus ចាញ់​នៅផ្ទះ Maccai Haifa ខណៈ Benfica ស្មើ​នៅ​ដី PSG

Manchester City ស្មើ​នៅ​ទឹកដី Copenhagen តែ​គ្រប់​ពិន្ទុ​ឡើង​វគ្គ ១៦ក្រុម​ចុងក្រោយ UCL

Rudiger តែ​ត​ចុង​ម៉ោង​ឲ្យ Real Madrid តាម​ស្មើ Shakhtar Donetsk ១-១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការប្រកួតកីឡាដើម្បីទាំងអស់គ្នានៅខេត្តកណ្ដាលបញ្ចប់ដោយជោគជ័យ

សហព័ន្ធគាំទ្រការបង្កើតពានបាល់ទះ Anchor Slamball លើកដំបូងនៅកម្ពុជា

បឹងកេតជួបវិសាខានៅវគ្គផ្ដាច់ព្រ័ត្រពានសម្ដេចតេជោ ហ៊ុន សែន លើកដំបូង

អ្នកគាំទ្រអេស្ប៉ាញម្នាក់ធ្វើដំណើរដោយថ្មើរជើងទៅកាតាដើម្បីទស្សនា World Cup

ខ្សែការពារ Liverpool ២នាក់ទៀតត្រូវអវត្តមាន ៣សប្តាហ៍ដោយសាររបួស

Juventus ចាញ់នៅផ្ទះ Maccai Haifa ខណៈ Benfica ស្មើនៅដី PSG

Manchester City ស្មើនៅទឹកដី Copenhagen តែគ្រប់ពិន្ទុឡើងវគ្គ ១៦ក្រុមចុងក្រោយ UCL

Rudiger តែតចុងម៉ោងឲ្យ Real Madrid តាមស្មើ Shakhtar Donetsk ១-១