BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

CAMSOC ជំរុញការរៀបចំហេដ្ឋារចនាសម្ព័ន្ធក្នុង និងក្រៅពហុកីឡដ្ឋានជាតិមរតកតេជោត្រូវរួចរាល់ ១០០ថ្ងៃមុនស៊ីហ្គេម

ស៊ីហ្គេម៖ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) កាលពីថ្ងៃទី១១ ខែតុលាបានដឹកនាំកិច្ចប្រជុំគណៈអចិន្ដ្រៃយ៍ត្រួតពិនិត្យការរៀបចំ និងសាងសង់ហេដ្ឋារចនាសម្ព័ន្ធ ទាំងក្នុង និងក្រៅពហុកីឡដ្ឋានជាតិមរតកតេជោ ដែលត្រូវជំរុញការរៀបចំឲ្យបានរួចរាល់ ១០០ថ្ងៃមុនពិធីបើកការប្រកួតកីឡាស៊ីហ្គេមឆ្នាំ២០២២។ ថ្លែងប្រាប់អ្នកសារព័ត៌មានក្រោយបញ្ចប់កិច្ចប្រជុំ ឯកឧត្តម វ៉ាត់ ចំរើន អគ្គលេខាធិការ CAMSOC បានបញ្ជាក់ថា កិច្ចប្រជុំនេះផ្ដោតលើ ២ចំណុចសំខាន់ៗ ទី១-ការរៀបចំហេដ្ឋារចនាសម្ព័ន្ធគាំទ្រដល់ពហុកីឡដ្ឋានជាតិមរតកតេជោ ដែលផ្ដោតលើហេដ្ឋារចនាសម្ព័ន្ធខាងក្រៅ ពិសេសផ្លូវធ្វើដំណើរសម្រាប់ប្រតិភូកីឡា និងទី២-ផ្ដោតលើការសាងសង់ភូមិកីឡា ដែលត្រូវសាងសង់ឲ្យបានរួចរាល់តាមការកំណត់ក្នុងចំនួននេះ ដែលអាចផ្ទុកប្រតិភូ និងកីឡាករ-កីឡាការិនីជាង ៤ពាន់នាក់ក្នុង ១ថ្ងៃ។ រដ្ឋលេខាធិការក្រសួងទេសចរណ៍ដដែលបានបន្ថែមថា ពាក់ព័ន្ធនឹងហេដ្ឋារចនាសម្ព័ន្ធគាំទ្រ និងភូមិកីឡាមកទល់ពេលនេះកំពុងដំណើរការយ៉ាងរលូន ក្រោមការយកចិត្តទុកដាក់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC ក៏ដូចជាឯកឧត្តមរដ្ឋមន្ដ្រី ថោង ខុន ជាក់ស្ដែងភូមិកីឡា ក្រុមហ៊ុនសាងសង់បានអះអាងជាថ្មីនឹងបិទការដ្ឋានសាងសង់នៅថ្ងៃទី១៥ ខែមករា ឆ្នាំ២០២៣ ដើម្បីប្រគល់ឲ្យគណៈកម្មការរៀបចំ ខណៈផ្លូវសម្រាប់បម្រើឲ្យប្រតិភូចូលរួមប្រកួតស៊ីហ្គេមក៏សាងសង់រួចរាល់ច្រើនដែរ។គួរដឹងថា ស៊ីហ្គេមលើកទី៣២ នៅកម្ពុជានឹងប្រព្រឹត្តទៅពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ មុនបន្ដរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ដែលនឹងប្រព្រឹត្តទៅពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ ដែលពិធីបើក-បិទ ក៏ដូចជាការប្រកួតកីឡាភាគច្រើន នឹងធ្វើឡើងនៅពហុកីឡដ្ឋានជាតិមរតកតេជោ៕អត្ថបទ៖ លី ឈុនឡា

Chelsea ឈ្នះ AC Milan ទាំងទៅទាំងមកឡើងឈរលើគេក្នុងពូល E

បាល់ទាត់៖ ក្រុមតោខៀវ Chelsea រកបានជ័យជំនះ ២ប្រកួតជាប់គ្នានៅក្របខណ្ឌ UEFA Champions League និងជាជ័យជំនះពីរប្រកួតផ្ទួនៗផងដែរលើក្រុមជើងឯកអ៊ីតាលី AC Milan។ ក្រុមរបស់លោក Graham Potter ទើបតែយកឈ្នះ AC Milan ៤-០ សប្តាហ៍មុននៅទឹកដី Stamford Bridge ខណៈការវិលទៅកាន់ទឹកដីអ៊ីតាលីវិញអតីតខ្សែការពារ Chelsea, Fikayo Tomori កៅឆាយជួបក្រុមចាស់ទទួលបានកាតក្រហមស្រស់ៗនៅនាទីទី១៨ ក្រោយកំហុសលើ Mason Mount ហើយ Jorginho គឺជាសម្រេចគ្រាប់បាល់ពិន័យ ១១ម៉ែត្រ។ ក្រោយមកអតីតខ្សែប្រយុទ្ធ AC Milan, Pierre-Emerick Aubameyang គឺជាអ្នកធានាជ័យជំនះឱ្យ Chelsea នៅនាទីទី៣៤ ទល់នឹងអតីតក្លិបរបស់ខ្លួន។យ៉ាងណាក្តី Chelsea ក៏មានបញ្ហារបួសម្នាក់គឺខ្សែការពារស្តាំអង់គ្លេស Reece James ត្រូវបានផ្លាស់ប្តូរចេញនៅវគ្គទី២។ ចប់ការប្រកួត Chelsea ទទួលបាន ៣ពិន្ទុបន្ថែមឡើងមកឈរលេខ១ ក្នុងពូលវិញមាន ៧ពិន្ទុតាមពីក្រោយដោយ Red Bull Salzburg ដែលបាត់បង់តំណែងលេខ១ ក្នុងពូលក្រោយស្មើនៅទឹកដី Dinamo Zagreb ១-១។ Salzburg ឈរលេខ២ មាន ៦ពិន្ទុ ខណៈ AC Milan ឈរលេខ៣ មាន ៤ពិន្ទុ និង Dinamo Zagreb មាន ៤ពិន្ទុ៕អត្ថបទ៖នាង សុភាវុធ

OCA ផ្ញើលិខិតអរគុណឯកឧត្ដមបណ្ឌិត ថោង ខុន ដែលរៀបចំមហាសន្និបាតដោយជោគជ័យ

អូឡាំពិក៖ ឯកឧត្តម Raja Randhir Singh ប្រធានស្តីទីក្រុមប្រឹក្សាអូឡាំពិកអាស៊ី (OCA) បានផ្ញើលិខិតថ្លែងអំណរគុណឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ អនុប្រធានអចិន្ដ្រៃយ៍ CAMSOC និងជាប្រធានគណៈកម្មាធិការជាតិអូឡាំពិកកម្ពុជា (NOCC) រួមទាំងក្រុមការងារដែលបានរៀបចំមហាសន្និបាតក្រុមប្រឹក្សាកីឡាអូឡាំពិកអាស៊ីលើកទី៤១ ប្រកបដោយភាពជោគជ័យ ពិសេសការទទួលបដិសណ្ឋារកិច្ចបានយ៉ាងល្អឥតខ្ចោះ។ ប្រធានស្ដីទី OCA ដដែលបានសម្ដែងការគោរពដ៏ជ្រាលជ្រៅ ចំពោះការរៀបចំមហាសន្និបាតរបស់កម្ពុជា ពិសេសឯកឧត្តមបណ្ឌិត ថោង ខុន ធ្វើឲ្យមហាសន្និបាតក្រុមប្រឹក្សាអូឡាំពិកអាស៊ីប្រព្រឹត្តទៅក្នុងលក្ខណៈមួយ ដែលមានជំនាញវិជ្ជាជីវៈច្បាស់លាស់ ការទទួលបដិសណ្ឋារកិច្ចយ៉ាងល្អឥតខ្ចោះ ជូនដល់ប្រតិភូកីឡាក្រុមប្រឹក្សាអូឡាំពិកអាស៊ី ធ្វើឲ្យប្រតិភូទាំងអស់បានទទួលនៅការចង់ចាំដ៏អស្ចារ្យ ក្នុងការអញ្ជើញមកចូលរួមក្នុងមហាសន្និបាតនេះ។ បន្ថែមលើនេះ ឯកឧត្តម Raja Randhir Singh បានជូនពរឯកឧត្តមបណ្ឌិត ថោង ខុន និងក្រុមការងារទទួលបានជោគជ័យ និងសម្រេចលទ្ធផល ក៏ដូចជាស្នាដៃធំៗបន្ថែមទៀត ពិសេសក្នុងការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ខាងមុខ។គួរដឹងថា មហាសន្និបាត OCA លើកទី៤១ បានធ្វើឡើងនៅរាជធានីភ្នំពេញកាលពីថ្ងៃទី០១ ដល់ថ្ងៃទី០៥ ខែតុលាកន្លងទៅ ដែលពិធីបើកមហាសន្និបាតបានធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ហើយសម្ដេចក៏បានថ្លែងនូវសន្ទរកថាគន្លឹះ ដើម្បីរួមចំណែកជាមួយចលនាអូឡាំពិកអាស៊ី និងអន្ដរជាតិ ក្នុងការជំរុញការអភិវឌ្ឍវិស័យកីឡាក្នុងតំបន់ ជាមួយក្រុមប្រឹក្សាកីឡាអូឡាំពិកអាស៊ីផងដែរ៕អត្ថបទ៖ លី ឈុនឡា

Max Verstappen គ្រងជើងឯក F1 ពិភពលោកលើកទី២ ក្រោយឈ្នះនៅជប៉ុន

ប្រណាំងរថយន្ត៖ កីឡាករប្រណាំង F1 ហូឡង់ Max Verstappen បានក្លាយជាជើងឯកពិភពលោក F1 ពីររដូវកាលជាប់គ្នា ក្រោយឈ្នះការប្រកួតនៅទឹកដីជប៉ុនថ្ងៃអាទិត្យម្សិលមិញនេះ។ ការប្រកួតដែលមានការរំខានដោយសារភ្លៀងធ្លាក់ត្រូវបានផ្អាកវិញ ក្រោយប្រណាំងបាន ២ជុំរង់ចាំស្ថានភាពអាកាសធាតុល្អប្រសើរឡើងវិញ។ការចាប់ផ្តើមឡើងវិញ Max Verstappen ដែលឈ្នះប្រកួតយកទីចេញដំណើរកាលពីថ្ងៃសៅរ៍ បានរក្សាការនាំមុខរបស់ខ្លួនតាំងពីពេលចេញដំណើររហូតដល់ទីព្រ័ត្រ។ ដំបូងឡើយការកំណត់ជើងឯកពិភពលោកត្រូវរង់ចាំនៅទីលានបន្ទាប់ដោយសារតែ Charles Leclerc បានបញ្ចប់នៅចំណាត់ថ្នាក់លេខ២ នៅជប៉ុននេះ តែកីឡាកររបស់ Ferrari រូបនេះមានកំហុសនៅផ្លូវបត់ចុងក្រោយនៃជុំចុងក្រោយធ្វើឱ្យ FIA សម្រេចពិន័យ ៥វិនាទីធ្វើឱ្យ Sergio Perez ឡើងមកលេខ២ ឯ Leclerc ធ្លាក់ទៅលេខ៣ វិញ។យោងតាមលទ្ធផលនេះ Max Verstappen ឈ្នះពិន្ទុដាច់ក្នុងតារាងជើងឯកពិភពលោក ១១៤ពិន្ទុពីលើ Charles Leclerc គ្រប់គ្រាន់ល្មមដើម្បីគ្រងជើងឯកបើទោះបីនៅសល់ ៤ទីលានទៀតក៏ដោយ ខណៈដែល Sergio Perez ឡើងមកលេខ២ ក្នុងតារាងជើងឯក។ ទីលានបន្ទាប់ពីចំនួនដែលនៅសល់រួមមានសហរដ្ឋអាមេរិកថ្ងៃទី២១ ខែតុលានេះ, ម៉ិកស៊ិកថ្ងៃទី២៨ ខែតុលានេះ, ប្រេស៊ីលថ្ងៃទី១១ ខែវិច្ឆិកា និងចុងក្រោយនៅអារ៉ាប់រួមថ្ងៃទី១៨ ខែវិច្ឆិកា៕អត្ថបទ៖នាង សុភាវុធ

Union Berlin ឈ្នះនៅផ្ទះ Stuttgart បន្តនាំមុខគេនៅ Bundesliga

បាល់ទាត់៖ ក្រុមបាល់ទាត់ Union Berlin បានបន្តការនាំមុខក្រោយសប្តាហ៍ទី៩ នៃក្របខណ្ឌកំពូលអាល្លឺម៉ង់ Bundesliga ក្រោយយកឈ្នះនៅទឹកដី Stuttgart ១-០ យប់មិញ។ គ្រាប់បាល់ជ័យជំនះរបស់ Union Berlin ត្រូវរង់ចាំដល់នាទីទី៧៦ ទើបកីឡាករអាល្លឺម៉ង់ Paul Jaekel ស៊ុតបញ្ចូលទីបានសម្រេច ដែលជាគ្រាប់បាល់បីពិន្ទុរបស់ Union Berlin។ Stuttgart បញ្ចប់ការប្រកួតដោយមានកីឡាករតែ ១០នាក់នៅលើទីលានបន្ទាប់ពី Serhou Guirassy ទទួលបានកាតក្រហមនៅនាទីទី៨២។ បីពិន្ទុនេះធ្វើឱ្យ Union Berlin បន្តនាំមុខគេក្នុងតារាងមាន ២០ពិន្ទុពីការប្រកួត ៩លើក នាំមុខក្រុមលេខ២ Freiburg ២ពិន្ទុ។ ចំណែកការប្រកួតកាលពីថ្ងៃសៅរ៍ជំនួបរវាងក្រុមយក្សនៅអាល្លឺម៉ង់ទាំងពីរ Borussia Dortmund ទទួល Bayern Munich បញ្ចប់ទៅដោយលទ្ធផល ២-២។ក្រុមភ្ញៀវ Bayern Munich នាំមុខ ២គ្រាប់មុនដោយ Leon Goretzka និង Leroy Sane តែម្ចាស់ផ្ទះ Dortmund ក៏តាមពីក្រោយវិញដោយ Youssoufa Moukoko នាទីទី៧៤ និងគ្រាប់តាមស្មើនៅនាទីទី៩០+៥ ទៅដោយ Anthony Modeste។ Bayern Munich បន្តឈរលេខ៣ មាន ១៦ពិន្ទុដូចគ្នានឹង Dortmund ដែលឈរលេខ៤៕អត្ថបទ៖នាង សុភាវុធ

Arthur Melo ដែល Liverpool ខ្ចីពី Juventus រងរបួសត្រូវវះកាត់ និងសម្រាកច្រើនខែ

បាល់ទាត់៖ ខ្សែបម្រើ Liverpool, Arthur Melo នឹងត្រូវអវត្តមានច្រើនខែក្រោយរងរបួសអំឡុងពេលហ្វឹកហាត់ និងឈានដល់ការវះកាត់។ កីឡាករប្រេស៊ីលវ័យ ២៦ឆ្នាំរូបនេះបានមកកាន់ Liverpool ក្នុងថ្ងៃចុងក្រោយនៃទីផ្សារដោះដូរកីឡាកររដូវក្តៅកន្លងមក ក្នុងលក្ខខណ្ឌខ្ចីជើងពេញមួយរដូវកាលពីក្លិបសេះបង្កង់ Juventus។ របួសរបស់ Arthur Melo នឹងធ្វើឱ្យគេអវត្តមានយ៉ាងហោចណាស់ ៣ ទៅ ៤ខែទំរាំជាសះស្បើយមកវិញ ដែលមានន័យថាក្តីសង្ឃឹមបង្ហាញខ្លួននៅ World Cup 2022 នៅកាតាឆ្នាំនេះជាមួយក្រុមជម្រើសជាតិប្រេស៊ីលត្រូវរលាយសាបសូន្យ។ តាំងពីផ្លាស់មកកាន់ Liverpool, Arthur មិនទាន់បានបង្ហាញខ្លួនជាជម្រើស ១១នាក់នៅឡើយ និងបានចូលលេងប៉ុន្មាននាទីប៉ុណ្ណោះពេល Liverpool ចាញ់នៅទឹកដី Napoli ៤-១ នៅ UEFA Champions League៕អត្ថបទ៖នាង សុភាវុធ

Djokovic ឈ្នះពាន Astana Open ជាពានទី៩០ នៅក្របខណ្ឌ ATP

វាយកូនបាល់៖ កីឡាករវាយកូនបាល់ស៊ែប Novak Djokovic បានគ្រងជើងឯកពានរង្វាន់ Astana Open នៅប្រទេសកាហ្សាក់ស្ថាន ក្រោយយកឈ្នះកីឡាករក្រិក Stefanos Tsitsipas នៅវគ្គផ្តាច់ព្រ័ត្រ។ នេះជាពានទី៩០ សម្រាប់ Djokovic នៅក្របខណ្ឌ ATP Tour បន្ទាប់ពីជ័យជំនះ ២សិតផ្ទួនៗ ៦-៣ និង ៦-៤ លើ Tsitsipas។ ជ័យជំនះនេះបានធានាកៅអីមួយសម្រាប់កីឡាករវ័យ ៣៥ឆ្នាំម្ចាស់ពាន Grand Slam ២១លើក Djokovic នៅការប្រកួតបិទរដូវកាល ATP Finals ផងដែរ។ ចំណែកឯកីឡាករក្រិក Stefanos Tsitsipas នៅពេលនេះចាញ់នៅវគ្គផ្តាច់ព្រ័ត្រក្នុងក្របខណ្ឌ ATP ៩លើកហើយបូកទាំងចាញ់ Djokovic លើកនេះ។ ដោយឡែកការប្រកួតនៅពានរង្វាន់ផ្សេងទៀត កីឡាករអាមេរិក Taylor Fritz បានយកឈ្នះមិត្តរួមជាតិ Frances Tiafoe ដើម្បីលើកពាន Japan Open។ រីឯការប្រកួតផ្នែកនារីវិញ កីឡាការិនីឆែក Barbora Krejcikova បានគ្រងជើងឯក Ostrava Open ដែលពាន WTA ពីរកម្មវិធីផ្ទួនក្រោយយកឈ្នះកីឡាការិនីលំដាប់លេខ ១ ពិភពលោកសញ្ជាតិប៉ូឡូញ Iga Swiatek។ ជាមួយគ្នានោះដែរ កីឡាការិនីប៊ែលហ្ស៊ិក Elise Mertens បានយកឈ្នះកីឡាការិនីបារាំង Alize Cornet ដើម្បីគ្រងជើងឯក Jasmine Open នៅទុយនេស៊ី៕អត្ថបទ៖នាង សុភាវុធ

Ronaldo រកបានគ្រាប់ទី៧០០ ឲ្យក្លិបអាជីព និងជាគ្រាប់ដំបូងរដូវកាលនេះនៅ Premier League

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo ទីបំផុតរកបានគ្រាប់ដំបូងរបស់ខ្លួននៅក្របខណ្ឌ English Premier League រដូវកាលនេះស្របពេល Manchester United វាយបកយកឈ្នះ Everton ២-១ នៅ Goodison Park។ ក្រុមរបស់ Frank Lampard បានបើកការនាំមុខមុននៅនាទីទី៥ ដោយ Alex Iwobi មុនពេលដែល Antony Santos ស៊ុតបញ្ចូលទីតាមស្មើនៅនាទីទី១៥ ដែលជាគ្រាប់ទី៣ របស់ខ្លួនរដូវកាលនេះ។ Anthony Martial ដែលចាប់ផ្តើម ១១នាក់ដំបូងប្រកួតនេះក៏ត្រូវផ្លាស់ប្តូរចេញវិញត្រឹមនាទីទី២៩ ដោយសាររបួស ធ្វើឱ្យ Cristiano Ronaldo ចូលជំនួស។ កីឡាករវ័យ ៣៧ឆ្នាំរូបនេះក៏រកបានគ្រាប់បាល់ដំបូងរបស់ខ្លួននៅ Goodison Park រាប់តាំងពីឆ្នាំ២០០៥ និងជាគ្រាប់បាល់ជ័យជំនះ ២-១ លើ Everton ផងដែរ។ នេះជាគ្រាប់បាល់ទី៧០០ សម្រាប់ក្លិបអាជីពរបស់ Cristiano Ronaldo តាំងពីចាប់ផ្តើមអាជីពដំបូងជាមួយ Sporting Lisbon នៅឆ្នាំ២០០២ Manchester United, Real Madrid, Juventus និងត្រលប់មក Manchester United ម្តងទៀត។ បីពិន្ទុនេះធ្វើឱ្យក្រុមរបស់លោក Erik ten Hag ឡើងមកលេខ៥ មាន ១៥ពិន្ទុតាមពីក្រោយ Chelsea ១ពិន្ទុ។ចំណែកមួយប្រកួតទៀតក្រុមកំពូលតារាង Arsenal នៅតែបន្តឈរកំពូលតារាងដដែល ក្រោយយកឈ្នះហង្សក្រហម Liverpool ៣-២។ Gabriel Martinelli បើកការនាំមុខឱ្យ Arsenal ត្រឹមវិនាទីទី៥៨ ប៉ុណ្ណោះ មុនពេលដែល Darwin Nunez តាមស្មើវិញនៅនាទីទី៣៤។ Bukayo Saka ជាអ្នកស៊ុតនាំមុខឱ្យ Arsenal ជាថ្មីតែ Roberto Firmino ក៏តាមស្មើឱ្យ Liverpool ម្តងទៀតមុនពេលដែល Saka ស៊ុតបាល់ពិន័យ ១១ម៉ែត្រសម្រេចបីពិន្ទុឱ្យ Arsenal បន្តនាំមុខ Manchester City ១ពិន្ទុ៕អត្ថបទ៖នាង សុភាវុធ

សហព័ន្ធបន្ដចាប់ដៃជាមួយក្លិបសមាជិករៀបចំពានរង្វាន់ប៊ីយ៉ាការ៉ុម ដើម្បីសម្រួចទិសដៅស៊ីហ្គេម

ស្នូកឃ័រ៖ សហព័ន្ធកីឡាប៊ីយ៉ា និងស្នូកឃ័រកម្ពុជាបានបន្ដចាប់ដៃគូ សហការជាមួយក្លិបសមាជិករបស់ខ្លួនគឺក្លិប LUX98 ដើម្បីរៀបចំព្រឹត្តិការណ៍ថ្មីមួយទៀតគឺការប្រកួតពានរង្វាន់ប៊ីយ៉ាការ៉ុម ឬ COROM / 3C Cup 2022 ដែលធ្វើឡើង ១ថ្ងៃពេញនៅទីតាំងក្លិបនាក្រុងតាខ្មៅកាលពីចុងសប្ដាហ៍កន្លងទៅ។ លោក ម៉ារ៉ា សុជាតិ អគ្គលេខាធិការសហព័ន្ធបានវាយតម្លៃខ្ពស់ចំពោះការរៀបចំនេះ ពិសេសក្នុងនាមសហព័ន្ធលោកបានកោតសរសើរក្លិប ដែលមានឆន្ទៈរួមចំណែកអភិវឌ្ឍន៍វិស័យកីឡាមួយនេះ ដើម្បីសម្រួចទិសដៅឆ្ពោះទៅស៊ីហ្គេមឆ្នាំ២០២៣ ពិសេសវិញ្ញាសាការ៉ុម ដែលជាវិញ្ញាសាត្រូវបានដាក់ក្នុងការប្រកួត នៃព្រឹត្តិការណ៍ជាប្រវត្តិសាស្ដ្រនៅកម្ពុជានេះ។ គួរដឹងថា ការប្រកួតដណ្ដើមពានរង្វាន់វិញ្ញាសាការ៉ុម COROM / 3C Cup 2022 មានកីឡាករចូលរួម ១៦រូបដែលការប្រកួតធ្វើឡើងរយៈពេល ២ថ្ងៃនៅថ្ងៃទី០៨ និងថ្ងៃទី០៩ ខែតុលា។ ជាលទ្ធផលការប្រកួត កីឡាករ ពុធ ច័ន្ទដារ៉ា ទទួលបានជើងឯក។ លេខ២ កីឡាករ ហ៊ុយ វៀន និងលេខ៣ កីឡាករ ថុក ជុង៕អត្ថបទ៖ លី ឈុនឡា

គូព្រេងមិនព្រ័ត្រ អង់គ្លេស និងអ៊ីតាលីចាប់ឆ្នោតក្នុងពូលជាមួយគ្នានៅវគ្គជំរុះ Euro 2024

បាល់ទាត់៖ ក្រុមបាល់ទាត់ជម្រើសជាតិអង់គ្លេសដែលជាជើងឯករងពានរង្វាន់ទ្វីបអឺរ៉ុប ជាថ្មីម្តងទៀតនឹងត្រូវជួបជាមួយក្រុមជើងឯកអឺរ៉ុបអ៊ីតាលីនៅវគ្គជំរុះ Euro 2024 ដែលនឹងរៀបចំនៅប្រទេសអាល្លឺម៉ង់។ ការចាប់ឆ្នោតដែលរៀនចំនៅទីក្រុង Frankfurt ប្រទេសអាល្លឺម៉ង់ អ៊ីតាលីដែលបានយកឈ្នះអង់គ្លេសនៅវគ្គផ្តាច់ព្រ័ត្រ Euro 2020 ដោយបាល់ ១១ម៉ែត្រកាត់សេចក្តី និងជាក្រុមក្នុងពូលជាមួយគ្នាដែរនៅ UEFA Nations League ត្រូវស្ថិតក្នុងពូល C ជាមួយនឹងអ៊ុយក្រែន ម៉ាសេដ្វាន់ខាងជើង និងម៉ាល់តា។ ក្រុមទាំងពីរមានអនុស្សាវរីយ៍ជូរចត់ជាមួយគ្នាប៉ុន្មានឆ្នាំចុងក្រោយនេះ ហើយអង់គ្លេសតែងតែជួបនឹងលទ្ធផលមិនល្អ។ ចំណែកអ៊ីតាលីក៏នឹងត្រូវជួបជាមួយម៉ាសេដ្វាន់ខាងជើង ដែលធ្លាប់បានទំលាក់អ៊ីតាលីពីវគ្គ Play-Off ដែលធ្វើឱ្យក្រុមរបស់លោក Roberto Mancini ខកខានមិនបានចូលរួមការប្រកួត World Cup 2022 ឆ្នាំនេះ។ សម្រាប់លទ្ធផលការចាប់ឆ្នោតផ្សេងទៀតមានដូចជា បារាំងស្ថិតក្នុងពូល B ជាមួយហូឡង់ សាធារណរដ្ឋអៀកឡង់ ក្រិក និងស៊ីប្រាល់តា។ ពូល A អេស្ប៉ាញ ស្កុតឡេន ន័រវេស ហ្សកហ្ស៊ី និង កោះស៊ីប។ ពូល D ក្រូអាស៊ី វែល អាមេនី ទួកគី និងឡេតូនី។ ពូល E ប៉ូឡូញ ឆែក អាល់បានី ហ្វារូអ៊ីស្លង់ និងម៉ូលដាវី។ពូល F មានប៊ែលហ្ស៊ិក អូទ្រីស ស៊ុយអែត អាស៊ែបៃសង់ និងអេស្តូនី។ ពូល G មានហុងគ្រី ស៊ែប ម៉ុងតេណេក្រូ ប៊ុលហ្ការី និងលីទុយអានី។ ពូល H មានដាណឺម៉ាក ហ្វាំងឡង់ ស្លូវេនី កាហ្សាក់ស្ថាន អៀកឡង់ខាងជើង និងសាន់ម៉ារីណូ។ ពូល I ស្វីស អ៊ីស្រាអែល រ៉ូម៉ានី កូសូវ៉ូ បេឡារុស និងអង់ដូរ៉ា។ ពូល J ព័រទុយហ្កាល់ បូស្នៀ អ៊ីស្លង់ លុចហ្សាំបួរ ស្លូវ៉ាគី និងលិចស៊ែនស្តែន។ ការប្រកួតវគ្គជម្រុះនឹងចាប់ផ្តើមនៅថ្ងៃទី២៣ ខែមីនាឆ្នាំក្រោយបញ្ចប់នៅថ្ងៃទី២១ ខែវិច្ឆិកា ឆ្នាំ២០២៣ ដដែល៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

CAMSOC ជំរុញការរៀបចំហេដ្ឋារចនាសម្ព័ន្ធក្នុង និងក្រៅពហុកីឡដ្ឋានជាតិមរតកតេជោត្រូវរួចរាល់ ១០០ថ្ងៃមុនស៊ីហ្គេម

Chelsea ឈ្នះ AC Milan ទាំងទៅទាំងមកឡើងឈរលើគេក្នុងពូល E

OCA ផ្ញើលិខិតអរគុណឯកឧត្ដមបណ្ឌិត ថោង ខុន ដែលរៀបចំមហាសន្និបាតដោយជោគជ័យ

Max Verstappen គ្រងជើងឯក F1 ពិភពលោកលើកទី២ ក្រោយឈ្នះនៅជប៉ុន

Union Berlin ឈ្នះនៅផ្ទះ Stuttgart បន្តនាំមុខគេនៅ Bundesliga

Arthur Melo ដែល Liverpool ខ្ចីពី Juventus រងរបួសត្រូវវះកាត់ និងសម្រាកច្រើនខែ

Djokovic ឈ្នះពាន Astana Open ជាពានទី៩០ នៅក្របខណ្ឌ ATP

Ronaldo រកបានគ្រាប់ទី៧០០ ឲ្យក្លិបអាជីព និងជាគ្រាប់ដំបូងរដូវកាលនេះនៅ Premier League

សហព័ន្ធបន្ដចាប់ដៃជាមួយក្លិបសមាជិករៀបចំពានរង្វាន់ប៊ីយ៉ាការ៉ុម ដើម្បីសម្រួចទិសដៅស៊ីហ្គេម

គូព្រេងមិនព្រ័ត្រ អង់គ្លេស និងអ៊ីតាលីចាប់ឆ្នោតក្នុងពូលជាមួយគ្នានៅវគ្គជំរុះ Euro 2024

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Chelsea ឈ្នះ AC Milan ទាំង​ទៅ​ទាំង​មក​ឡើង​ឈរលើ​គេ​ក្នុង​ពូ​ល E

OCA ​ផ្ញើ​លិខិត​អរគុណ​ឯកឧត្ដម​បណ្ឌិត ថោង ខុន ដែល​រៀបចំ​មហាសន្និបាត​ដោយ​ជោគជ័យ​

Max Verstappen គ្រង​ជើងឯក F1 ពិភពលោក​លើក​ទី២ ក្រោយ​ឈ្នះ​នៅ​ជប៉ុន​

Union Berlin ឈ្នះ​នៅផ្ទះ Stuttgart បន្ត​នាំមុខគេ​នៅ Bundesliga

Arthur Melo ដែល Liverpool ខ្ចី​ពី Juventus រង​របួស​ត្រូវ​វះកាត់ និង​សម្រាក​ច្រើន​ខែ

Djokovic ឈ្នះ​ពាន Astana Open ជា​ពាន​ទី​៩០ នៅ​ក្របខណ្ឌ ATP

Ronaldo រកបាន​គ្រាប់​ទី​៧០០ ឲ្យ​ក្លិប​អាជីព និង​ជា​គ្រាប់​ដំបូង​រដូវ​​កាល​នេះ​នៅ Premier League

គូព្រេង​មិន​ព្រ័ត្រ អង់គ្លេស ​និង​អ៊ីតាលី​ចាប់ឆ្នោត​ក្នុង​ពូ​ល​ជាមួយគ្នា​នៅ​វគ្គ​ជំ​រុះ Euro 2024

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Chelsea ឈ្នះ AC Milan ទាំងទៅទាំងមកឡើងឈរលើគេក្នុងពូល E

OCA ផ្ញើលិខិតអរគុណឯកឧត្ដមបណ្ឌិត ថោង ខុន ដែលរៀបចំមហាសន្និបាតដោយជោគជ័យ

Max Verstappen គ្រងជើងឯក F1 ពិភពលោកលើកទី២ ក្រោយឈ្នះនៅជប៉ុន

Union Berlin ឈ្នះនៅផ្ទះ Stuttgart បន្តនាំមុខគេនៅ Bundesliga

Arthur Melo ដែល Liverpool ខ្ចីពី Juventus រងរបួសត្រូវវះកាត់ និងសម្រាកច្រើនខែ

Djokovic ឈ្នះពាន Astana Open ជាពានទី៩០ នៅក្របខណ្ឌ ATP

Ronaldo រកបានគ្រាប់ទី៧០០ ឲ្យក្លិបអាជីព និងជាគ្រាប់ដំបូងរដូវកាលនេះនៅ Premier League

គូព្រេងមិនព្រ័ត្រ អង់គ្លេស និងអ៊ីតាលីចាប់ឆ្នោតក្នុងពូលជាមួយគ្នានៅវគ្គជំរុះ Euro 2024