BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

កីឡាករគាំទ្រការបន្ថែមឧបសគ្គក្នុងព្រឹត្តិការណ៍ Enduro Cross វគ្គទី២ ចុងខែនេះ

ប្រណាំងម៉ូតូ៖ ព្រឹត្តិការណ៍ប្រណាំងម៉ូតូត្រៃដណ្ដើមជើងឯកឆ្នាំ២០២២ វគ្គទី២ ឬ Enduro Cross Challenge Championship Round 2 Series 2022 នឹងធ្វើឡើងនាថ្ងៃទី២៩ ខែតុលាខាងមុខនៅទីលានសន្ដិភាព ក្បែរគល់ស្ពានព្រែកព្នៅ ជាមួយការបន្ថែមនូវឧបសគ្គមួយចំនួន ក្នុងផ្លូវប្រណាំងដែលទទួលបានការសាទរទាំងស្រុងពីសំណាក់កីឡាករចូលរួម។ លោក ពេជ្រ សុខា អ្នកផ្ដួចផ្ដើមគំនិតរៀបចំព្រឹត្តិការណ៍នេះបានឲ្យដឹងថា ដោយសារមានការឧបត្ថម្ភគាំទ្រពីក្រុមហ៊ុនដៃគូ និងមានការគាំទ្រពីកីឡាករ ទើបជំរុញឲ្យមានព្រឹត្តិការណ៍វគ្គទី២ កើតឡើងនាពេលឆាប់ៗខាងមុខ ដើម្បីរួមចំណែកលើកស្ទួយវិស័យកីឡាម៉ូតូត្រៃកម្ពុជាឲ្យកាន់តែរីកចម្រើន ឈានទៅរកការប្រកួតប្រជែងលើឆាកអន្ដរជាតិ។ រីឯលោក នួន ឧត្តម តំណាងក្រុមហ៊ុន DUNLOP ក៏បានសម្ដែងការគាំទ្រពេញទំហឹង ចំពោះការរៀបចំព្រឹត្តិការណ៍នេះផងដែរ។ ដោយឡែកតំណាងក្លិប ពិសេសកីឡាករដែលបានចុះឈ្មោះរួចរាល់ ដើម្បីចូលរួមព្រឹត្តិការណ៍ Enduro Cross challenge Championship 2022 វគ្គទី២ ចុងខែនេះបានសម្ដែងសេចក្ដីរីករាយ ដែលកម្មវិធីនេះហៀបនឹងកើតឡើងជាថ្មី ពិសេសការបន្ថែមនូវឧបសគ្គលើផ្លូវប្រណាំង ដែលជាបច្ច័យដ៏ល្អសម្រាប់កីឡាករក្នុងការខិតខំ និងអភិវឌ្ឍន៍សមត្ថភាពបន្ថែមសម្រាប់ត្រៀមចូលរួមព្រឹត្តិការណ៍នេះ ក៏ដូចជាការប្រកួតអន្ដរជាតិផ្សេងៗ។គួរដឹងថា ព្រឹត្តិការណ៍ Enduro Cross challenge Championship 2022 វគ្គទី១ បានរៀបចំកាលពីចុងខែមីនា ឆ្នាំ២០២២ កន្លងទៅ ដោយមានកីឡាករ-កីឡាការិនីជាតិ និងអន្ដរជាតិជាង ១០០នាក់ចូលរួម។ ប៉ុន្ដែវគ្គទី២ នេះ គណៈកម្មការរៀបចំមានសុទិដ្ឋិនិយមថា នឹងមានអ្នកចូលរួមច្រើនមិនចាញ់វគ្គទី១ ឡើយ ដ្បិតមកទល់ពេលនេះមានកីឡាករប្រមាណ ៥០% ហើយដែលបានចុះឈ្មោះរួចរាល់ ខណៈការចុះឈ្មោះនឹងបន្ដទទួលពាក្យរហូតដល់ ១ថ្ងៃមុនការប្រកួតចាប់ផ្ដើម។ នេះបើតាមការបញ្ជាក់របស់លោក ពេជ្រ សុខា បន្ទាប់ពីលោកបានរៀបចំនូវការប្រកួតសមទីលានកាលពីល្ងាចថ្ងៃទី០៩ ខែតុលា ឆ្នាំ២០២២ ម្សិលមិញ៕អត្ថបទ៖ លី ឈុនឡា

ប្រមុខសហព័ន្ធកីឡាសូហ្វតិន្នីសថ្មីថា ស៊ីហ្គេមឆ្នាំ២០២៣ ត្រូវរកមេដាយឲ្យបាន

សូហ្វតិន្នីស៖ ឯកឧត្តម ប្រាក់ ផល្លា ទីប្រឹក្សាសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងជារដ្ឋលេខាធិការទីស្ដីការគណៈរដ្ឋមន្ដ្រី ដែលទទួលការគាំទ្រធ្វើជាប្រធានសហព័ន្ធកីឡាសូហ្វតិន្នីសកម្ពុជាអាណត្តិទី៣ ឆ្នាំ២០២២-២០២៦ បានលើកឡើងថា ស៊ីហ្គេមឆ្នាំ២០២៣ ត្រូវស្វែងរកមេដាយឲ្យខានតែបានក្នុងនាមកម្ពុជាជាម្ចាស់ផ្ទះលើកដំបូង។ នេះបើតាមការគូសបញ្ជាក់ក្នុងមហាសន្និបាតវិសាមញ្ញបូកសរុបការងារឆមាសទី១ បន្ដអនុវត្តការឆមាសទី២ លើកទិសដៅការងារសម្រាប់ឆ្នាំ២០២៣ និងកែសម្រួលសមាសភាពគណៈកម្មាធិការប្រតិបត្តិអាណត្តិទី៣ នៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីចុងសប្ដាហ៍កន្លងទៅ បន្ទាប់ពីប្រធានសហព័ន្ធអាណត្តិចាស់លោក ជា ប៊ុនហេង បានលាឈប់។ ឯកឧត្តម ប្រាក់ ផល្លា បានទទួលស្គាល់ចំពោះសមិទ្ធផលក្រោមការដឹកនាំរបស់ប្រធានសហព័ន្ធមុនៗ ពិសេសចាប់តាំងពីសហព័ន្ធកើតឡើងដំបូង ដែលទទួលបានមេដាយលើឆាកអន្ដរជាតិជាច្រើន។ ប៉ុន្ដែចំពោះមុខក្នុងឋានកម្ពុជាធ្វើម្ចាស់ផ្ទះព្រឹត្តិការណ៍ស៊ីហ្គេមលើកដំបូង ឯកឧត្តមបានជំរុញការអភិវឌ្ឍវិស័យកីឡាមួយនេះឲ្យកាន់តែខ្លាំង ដើម្បីប្រកួតប្រជែងដណ្ដើមមេដាយជូនជាតិឲ្យបាន។ដើម្បីសម្រេចនូវគោលដៅនេះ ប្រមុខសហព័ន្ធថ្មីដដែលបានតម្រូវឲ្យគណៈកម្មាធិការប្រតិបត្តិសហព័ន្ធ ផ្ដោតការយកចិត្តទុកដាល់លើ ២ចំណុចសំខាន់ៗ ទី១-ត្រូវជំរុញកីឡាករហ្វឹកហាត់ឲ្យបានច្រើន ហើយត្រូវរកប្រទេសណាដែលអាចជួយដល់កីឡាករក្នុងការចេញទៅហ្វឹកហាត់ក្រៅប្រទេសបាន និងទី២-ជំរុញផ្នែកស្មារតីកីឡាករ ត្រូវប្រកាន់ភ្ជាប់នូវស្មារតីប្រកួតប្រជែងដណ្ដើមមេដាយជូនជាតិឲ្យបានជានិច្ច។ ក្រឡេកទៅចាប់អារម្មណ៍ សមាជិកគណៈកម្មាធិការប្រតិបត្តិសហព័ន្ធដែលត្រូវបានកែតម្រូវក្នុងអាណត្តិថ្មីនេះដែរ ក្រៅពីឯកឧត្តម ប្រាក់ ផល្លា ជាប្រធាន គឺមានលោក ឆេង សុភ័ក្រ, លោក ជា វិបុល និងលោក វ៉ា គ្រី ជាអនុប្រធាន។ លោក ជា សែនវិស្សុត ជាអគ្គលេខាធិការ ព្រមទាំងអគ្គលេខាធិការរង ៣រូប។ លោក វ៉ង់ វុទ្ធា ជាអគ្គហេរញ្ញិក និងអគ្គហេរញ្ញិករង ២រូប ព្រមទាំងសមាជិកចំនួន ១៤រូបផ្សេងទៀត។ មហាសន្និបាតវិសាមញ្ញានេះដែរ ក៏មានការចូលរួមជាសក្ខីភាពពីមន្ដ្រីតំណាងក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាផងដែរ៕អត្ថបទ៖ លី ឈុនឡា

កម្ពុជាបញ្ចប់ភារកិច្ចប្រកួតជម្រុះពាន AFC U17 ដោយរកបាន ៣ពិន្ទុ

បាល់ទាត់៖ ក្រុមបាល់ទាត់ជម្រើសជាតិយុវជនអាយុក្រោម ១៧ឆ្នាំកម្ពុជាបានបញ្ចប់បេសកកម្មលើទឹកដីអូស្ដ្រាលី ក្នុងវគ្គជម្រុះពានរង្វាន់យុវជនអាស៊ី AFC U17 Asian Cup 2023 ហើយដោយរកបាន ៣ពិន្ទុប៉ុណ្ណោះ ក្រោយប្រកួតបញ្ចប់ពូល G បានយកឈ្នះក្រុមយុវជន U17 កោះម៉ារីអាណាខាងជើង ៤-០។ ជំនួបបង្គ្រប់កិច្ចនេះក្រុមគោព្រៃជំទង់កម្ពុជា បានបើកការនាំមុខក្រុមយុវជនកោះម៉ារីអាណាខាងជើង ៣-០ នៅវគ្គទី១ មុនបន្ថែម ១គ្រាប់ទៀតនៅវគ្គទី២។ នេះគឺជាជ័យជម្នះតែ ១គត់ក្នុងចំណោម ៣ប្រកួតនៃពូល G សម្រាប់បេសកកម្មមួយនេះ បន្ទាប់ពី ២ប្រកួតដំបូងបានចាញ់ក្រុមយុវជនចិន ៩-០ និងចាញ់ម្ចាស់ផ្ទះអូស្ដ្រាលី ១០-០។ យ៉ាងណាមិញក្នុងនាមក្រុមការងារក្រុមជម្រើសជាតិយុវជនកម្ពុជា តាមរយៈសហព័ន្ធកីឡាបាល់ទាត់កម្ពុជាបានសម្ដែងការអរគុណដល់អ្នកគាំទ្រដែលតែងគាំទ្រ និងលើកទឹកចិត្តកីឡាករកម្ពុជា ពិសេសប្រជាពលរដ្ឋខ្មែររស់នៅអូស្ដ្រាលី ដែលបានធ្វើដំណើរពីចម្ងាយដើម្បីចូលរួមទស្សនា និងគាំទ្រលើកទឹកចិត្តផ្ទាល់ដល់ក្រុមជម្រើសជាតិ U17 កម្ពុជា។ក្នុងពូលជាមួយក្រុមយុវជនកម្ពុជានេះដែរ ក្រុមម្ចាស់ផ្ទះ U17 អូស្ដ្រាលីបានដឹកដៃគ្នាជាមួយក្រុមយុវជនចិនឡើងទៅវគ្គបន្ដ ទោះបីប្រកួតបញ្ចប់ពូលអូស្ដ្រាលីបានយកឈ្នះចិន ៣-១ ក៏ដោយ។ អូស្ដ្រាលីបានឈរកំពូលតារាងដោយរកបាន ៩ពិន្ទុពេញ ខណៈចិនបានឡើងវគ្គបន្ដក្នុងនាមក្រុមលេខ២ ល្អជាងគេ៕អត្ថបទ៖ លី ឈុនឡា

Lewis Hamilton គ្មានគម្រោងចូលនិវត្តន៍ពី F1 ឡើយ ទោះផុតកុងត្រាជាមួយ Mercedes ក្តី

ប្រណាំងរថយន្ត៖ ជើងឯកប្រណាំង F1 ពិភពលោក ៧សម័យ Lewis Hamilton បានប្រកាសកាលពីថ្ងៃព្រហស្បតិ៍ថា គ្មានគម្រោងចូលនិវត្តន៍ពីអាជីពឡើយ ទោះបីជាផុតកុងត្រាជាមួយក្រុម Mercedes ក្តី។ កីឡាករវ័យ ៣៧ឆ្នាំអង់គ្លេសរូបនេះនៅមានសុពលភាពកិច្ចសន្យាជាមួយ Mercedes ដល់ដំណាច់ឆ្នាំ២០២៣ ដែលមានន័យថា គេនឹងនៅតែបន្តអាជីពរបស់ខ្លួនដដែលក្រោយផុតកិច្ចសន្យានៅចុងឆ្នាំ២០២៣ ដែលនៅពេលនោះមានវ័យ ៣៨ ជិតចូល ៣៩ឆ្នាំ។ ប្រធានគ្រប់គ្រងបច្ចេកទេសរបស់ Mercedes លោក Toto Wolff បាននិយាយសប្តាហ៍មុនថា Hamilton ធ្លាប់ប្រាក់លោកថា អាចនឹងប្រណាំងយ៉ាងហោចណាស់ ៥ឆ្នាំទៀត។ Hamilton បានចាប់ផ្តើមអាជីព F1 ដំបូងជាមួយក្រុមប្រណាំង McLaren នៅឆ្នាំ២០០៧ មុនពេលផ្លាស់មកកាន់ Mercedes នៅឆ្នាំ២០១២។Hamilton បានឈ្នះជើងឯកពិភពលោក F1 បួនសម័យកាលជាប់គ្នា និងសរុប ៧លើកមុនពេលដែលបញ្ចប់ដោយកីឡាករហូឡង់ Max Verstappen ដែលឈ្នះជើងឯករដូវកាល ២០២១ កន្លងទៅនៅទីលានចុងក្រោយ និងជុំចុងក្រោយបង្អស់នៅអារ៉ាប់រួម។ មកទល់ពេលនេះ Lewis Hamilton បានយកឈ្នះការប្រកួតសរុប ១០៣ទីលានហើយ តែរដូវកាល ២០២២ នេះមិនទាន់រកបានជ័យជំនះឡើយ ខណៈជួរមុខត្រូវបានគ្រប់គ្រងដោយ Red Bull និង Ferrari៕អត្ថបទ៖នាង សុភាវុធ

Sampdoria តែងតាំងអ្នកចាត់ការថ្មីអតីតខ្សែបម្រើ Inter Milan និង Lazio, Dejan Stankovic

បាល់ទាត់៖ ក្លិបអ៊ីតាលី Sampdoria បានប្រកាសតែងតាំងអ្នកចាត់ការថ្មីលោក Dejan Stankovic ដែលជាអតីតខ្សែបម្រើ Inter Milan និង Lazio។ បុរសវ័យ ៤៤ឆ្នាំរូបនេះបានចុះហត្ថលេខាដឹកនាំក្រុមដល់ដំណាច់ឆ្នាំ២០២៣ ជាមួយនឹងលក្ខខណ្ឌបន្តបន្ថែម។ មុនមកដល់ Sampdoria, Dejan Stankovic ទើបតែចាកចេញពីក្លិប Red Star Belgrade កាលពីខែសីហាក្រោយចំណាយពេល ២ឆ្នាំកន្លះនៅទីនោះ និងធ្លាប់មានបទពិសោធន៍ជាជំនួយការគ្រូបង្វឹកនៅ Udinese រយៈពេលខ្លីផងដែរ។ លោក Dejan Stankovic ធ្លាប់ឈ្នះជើងឯកអ៊ីតាលី Serie A មួយលើកជាមួយ Lazio និង ៥លើកជាមួយ Inter Milan ក្នុងពេលជាកីឡាករ និងជាសមាជិករបស់ Inter Milan ផងដែរពេលឈ្នះពាន UEFA Champions League កាលពីឆ្នាំ២០១០ ក្រោមការដឹកនាំរបស់ Jose Mourinho។Sampdoria ទើបតែបញ្ចប់តំណែងអ្នកចាត់ការ Marco Giampaolo កាលពីថ្ងៃអាទិត្យក្រោយចាញ់ Monza ៣-០ ក្នុងទឹកដីខ្លួនឯង និងធ្លាក់ខ្លួនដល់បាតតារាងមានតែ ២ពិន្ទុប៉ុណ្ណោះពីការប្រកួត ៨លើករដូវកាលនេះ។ ការងារដំបូងរបស់ Dejan Stankovic នឹងដឹកនាំ Sampdoria ទៅទឹកដីក្រុមលេខ ១៧ Bologna ថ្ងៃសៅរ៍នេះ៕អត្ថបទ៖នាង សុភាវុធ

Messi ថា World Cup 2022 នៅកាតានឹងជា World Cup ចុងក្រោយរបស់ខ្លួន

បាល់ទាត់៖ ខ្សែប្រយុទ្ធអាហ្សង់ទីន Lionel Messi បានបង្ហើបពីគម្រោងចូលនិវត្តន៍របស់ខ្លួនពីក្រុមជំរើសជាតិដោយលើកឡើងថា World Cup 2022 នៅកាតាឆ្នាំនេះនឹងជា World Cup ចុងក្រោយនៃអាជីពរបស់ខ្លួន។ កីឡាករវ័យ ៣៥ឆ្នាំរូបនេះបានលើកឡើងបែបនេះក្នុងកិច្ចសន្យាសម្ភាសន៍មួយជាមួយទូរទស្សន៍ EPSN ដោយថា គោលដៅរបស់ខ្លួនគឺមិនមែនសម្រេចឱ្យជោគជ័យ រឺបញ្ចប់អាជីពជាមួយភាពជោគជ័យណាមួយឡើយ ឈ្នះជើងឯករឺមិនឈ្នះជើង ឯកពិភពលោកជាមួយអាហ្សង់ទីន World Cup នៅកាតានឹងជា World Cup ចុងក្រោយរបស់ខ្លួន។ Lionel Messi បានបង្ហាញខ្លួនសរុប ៤លើករួចហើយនៅ World Cup ដែលរួមមានការបង្ហាញខ្លួនសរុប ១៩លើករកបាន ៦គ្រាប់។ឆ្នាំដែលអាចនិយាយបានជោគជ័យបំផុតនៅ World Cup គឺ ២០១៤ នៅទឹកដីប្រេស៊ីលដោយឡើងដល់វគ្គផ្តាច់ព្រ័ត្រ តែចាញ់អាល្លឺម៉ង់ក្នុងម៉ោងបន្ថែមកាត់សេចក្តី។ Messi បានចូលលេងឱ្យក្រុមជំរើសជាតិអាហ្សង់ទីនដំបូងនៅឆ្នាំ២០០៥ និងបង្ហាញខ្លួនសរុប ១៦៤លើករកបាន ៩០គ្រាប់។ World Cup 2022 នៅកាតាខែក្រោយនេះនឹងជា World Cup លើកទី៥ ដែល Messi បានចូលរួមតាមស្មើកំណត់ត្រារបស់ Diego Maradona និង Javier Mascherano។ អាហ្សង់ទីនដែលឈរលេខ៣ ក្នុងតារាង FIFA World Ranking បច្ចុប្បន្នស្ថិតក្នុងពូល C ជាមួយអារ៉ាប៊ីសាអ៊ូឌីត ម៉ិកស៊ិក និងប៉ូឡូញ៕អត្ថបទ៖នាង សុភាវុធ

ប្រេស៊ីលបន្តនាំមុខគេក្នុងតារាង FIFA World Ranking ខណៈអេស្ប៉ាញធ្លាក់ទៅក្រោមអ៊ីតាលី

បាល់ទាត់៖ ក្រុមបាល់ទាត់ជម្រើសជាតិប្រេស៊ីលបានបន្តនាំមុខគេ និងពន្លាតពិន្ទុក្នុងតារាងចំណាត់ថ្នាក់ពិភពលោក FIFA World Ranking ស្របពេលដែល World Cup 2022 នឹងចាប់ផ្តើមនៅខែក្រោយ។ ប្រេស៊ីលគឺជាក្រុមតែមួយគត់ដែលមានមុខនៅគ្រប់ព្រឹត្តិការណ៍ World Cup ទាំងអស់ ខណៈឆ្នាំនេះពួកគេកំពុងសម្លឹងពន្លាតកំណត់ត្រាឈ្នះជើងឯកច្រើនជាងគេដល់ ៦លើក។ ក្រោយជ័យជំនះលើហ្កាណា និងទុយនេស៊ីធ្វើឱ្យប្រេស៊ីលកាន់តែមានពិន្ទុនាំមុខគេក្នុងតារាង FIFA World Ranking ដាច់ក្រុមលេខ២ ប៊ែលហ្ស៊ិកដែលចាញ់ហូឡង់នៅក្របខណ្ឌ UEFA Nations League។ ចំណែកក្រុមអាហ្សង់ទីនបន្តឈរលេខ៣ តាមពីក្រោយដោយបារាំងលេខ៤ និងអង់គ្លេសលេខ៥។ ដោយឡែកសម្រាប់ជើងឯកអឺរ៉ុបអ៊ីតាលីដែលខកខានមិនបានលេង World Cup ឆ្នាំនេះបានឡើងមកឈរលេខ៦ ពីលើអេស្ប៉ាញវិញ។សម្រាប់ក្រុមដែលហក់ឡើងចំណាត់ថ្នាក់គួរកត់សំគាល់ មានក្រូអាស៊ីឡើង ៣ចំណាត់ថ្នាក់មកឈរលេខ១២ អ៊ីរ៉ង់ឡើងពីរចំណាត់ថ្នាក់មកឈរលេខ២០ និងស៊ែបលេខ២១។ សម្រាប់ក្រុមជំរើសជាតិកម្ពុជាបានធ្លាក់ចុះ ៣ចំណាត់ថ្នាក់វិញមកឈរលេខ១៧៧ ពិភពលោកក្រោយចាញ់បង់ក្លាដេសក្នុងជំនួបមិត្តភាពកាលពីខែកញ្ញា៕អត្ថបទ៖នាង សុភាវុធ

Sevilla តែងតាំង Jorge Sampaoli ផ្លូវការ ក្រោយបញ្ចប់តំណែងលោក Julen Lopetegui

បាល់ទាត់៖ ក្លិបអេស្ប៉ាញ Sevilla បានប្រកាសពីការតែងតាំងអ្នកចាត់ការថ្មីលោក Jorge Sampaoli ផ្លូវការក្រោយបញ្ចប់តំណែងលោក Julen Lopetegui។ បុរសវ័យ ៦២ឆ្នាំរូបនេះបានចុះហត្ថលេខារយៈពេល ២ឆ្នាំដឹកនាំ Sevilla ដល់ឆ្នាំ២០២៤ និងជាការត្រលប់មកដឹកនាំ Sevilla ជាលើកទី២ ផងដែរបន្ទាប់ពីធ្លាប់ដឹកនាំមួយរដូវកាល ២០១៦-១៧។ Sevilla បានសម្រេចបញ្ចប់តំណែងអ្នកចាត់ការ Julen Lopetegui ភ្លាមៗក្រោយបរាជ័យក្រោមស្នាដៃក្រុមភ្ញៀវ Borussia Dortmund ៤-១ នៅ UCL កាលពីយប់ថ្ងៃពុធ។ ក្រុមជើងឯក UEFA Europa League ៦សម័យមួយនេះបានបន្តដំណើរយ៉ាប់យ៉ឺនរដូវកាលនេះ ដោយឈ្នះតែ ១ប្រកួតគត់គ្រប់ក្របខណ្ឌ។ Sevilla មានត្រឹម ១ពិន្ទុប៉ុណ្ណោះនៅក្នុងពូល G ខណៈនៅក្របខណ្ឌអេស្ប៉ាញ La Liga កំពុងឈរលេខ ១៧ ក្នុងតារាងមានត្រឹម ៥ពិន្ទុ ដែលជាការចាប់ផ្តើមរដូវកាលដ៏អាក្រក់បំផុតតាំងពីឡើងមកក្របខណ្ឌកំពូលនៅឆ្នាំ២០០១។មុនមកដល់ Sevilla លើកនេះលោក Jorge Sampaoli បានចេញកាលពីក្លិបបារាំង Marseille កាលពីខែកក្កដា បន្ទាប់ពីមិនសប្បាយចិត្តពីគោលការទិញដូរកីឡាកររបស់ក្លិបបារាំងមួយនេះ ទោះបីជាបានដឹកនាំក្រុមបានលេខ២ នៅ Ligue 1 បង្ហាញខ្លួននៅ UEFA Champions League ក៏ដោយ៕អត្ថបទ៖នាង សុភាវុធ

Ronaldo មានឱកាសច្រើនតែគ្មានសំណាង ខណៈ Man Utd វាយបកយកឈ្នះ Omonia Nicosia

បាល់ទាត់៖ ក្រុមបិសាចក្រហម Manchester United បានវាយបកយកឈ្នះនៅទឹកដី Omonia Nicosia ៣-២ ដែលជាជ័យជំនះទី២ នៅក្របខណ្ឌ UEFA Europa League។ អ្នកចាត់ការ Erik ten Hag បានដាក់ខ្សែប្រយុទ្ធព័រទុយហ្កាល់ Cristiano Ronaldo ចូលលេង ១១នាក់ដំបូងរួមជាមួយខ្សែបម្រើ Casemiro ផងដែរ។ កីឡាករវ័យ ៣៧ឆ្នាំ Ronaldo នៅតែមិនអាចរកគ្រាប់បាល់បាន បើទោះបីជាមានឱកាសច្រើនលើកតែសុទ្ធតែជួយបានដោយអ្នកចាំទី និងគ្មានសំណាង។ ក្រុមម្ចាស់ផ្ទះកោះស៊ីបបាននាំមុខមុនដោយ Karim Ansarifard មុនពេលដែលកីឡាករបម្រុងទាំងពីរនាក់ Marcus Rashford រកបានពីរគ្រាប់ម្នាក់ឯង និង Anthony Martial មួយគ្រាប់វាយបកយកឈ្នះវិញ ៣-២ ខណៈម្ចាស់ផ្ទះតបបានមួយគ្រាប់វិញចុងម៉ោង។ បីពិន្ទុនេះធ្វើឱ្យ Manchester United ឈរលេខ២ ក្នុងពូលតាមពីក្រោយ Real Sociedad ដែលមាន ៩ពិន្ទុពេញក្រោយយកឈ្នះនៅទឹកដី Sheriff Tiraspol ២-០ យប់មិញ។ ងាកមកកាំភ្លើងធំ Arsenal មិនភ្លាត់បីពិន្ទុឡើយក្រោយយកឈ្នះ Bodo /Glimt ៣-០ បន្តនាំមុខគេក្នុងពូល A មាន ៩ពិន្ទុពេញ៕អត្ថបទ៖នាង សុភាវុធ

ថ្នាក់ដឹកនាំប្រដាល់សកលចាត់ទុកសង្វៀន Ultimate Pro Boxing ជាឱកាសវាស់ស្ទង់កីឡាករត្រៀមស៊ីហ្គេម

ប្រដាល់សកល៖ ការប្រកួតកីឡាប្រដាល់សកលអាជីព Ultimate Pro Boxing 2022 បានចាប់ផ្ដើមការប្រកួតជាថ្មីហើយកាលពីល្ងាចថ្ងៃទី០៦ ខែតុលា ឆ្នាំ២០២២ ដោយមានកីឡាករជម្រើសជាតិ ៥គូបានតតាំងគ្នាលើសង្វៀនក្នុងពហុកីឡដ្ឋានជាតិ។ លោក ប៊ុយ សុភ័ណ្ឌ អគ្គលេខាធិការសហព័ន្ធ បានចាត់ទុកការប្រកួតនេះគឺជាឱកាសវាស់ស្ទង់ និងពង្រឹងសមត្ថភាពកីឡាករជម្រើសជាតិត្រៀមការប្រកួតកីឡាស៊ីហ្គេមឆ្នាំ២០២៣ ខាងមុខ។ សម្រាប់កម្មវិធីប្រកួតដំបូងក៏ដូចជាលទ្ធផលនៃការប្រកួត Ultimate Pro Boxing 2022 រួមមាន៖ កីឡាករ ហ៊ុន គឹមហ៊ាន យកឈ្នះកីឡាករ សែត សារិត ដោយពិន្ទុ, កីឡាករ អុត វិចិត្រ យកឈ្នះកីឡាករ នៅ សុខទី ដោយពិន្ទុ, កីលាករ សៅ រង្សី យកឈ្នះកីឡាករ វណ្ណា លីហៀង ដោយពិន្ទុ។ រីឯគូអន្ដរជាតិគឺកីលាករ អុង ភារ៉ាក់ យកឈ្នះកីឡាករ Martin Chmielo ដោយពិន្ទុ និងកីឡាករ ពេញ វណ្ណថង យកឈ្នះកីឡាករ Remi Aleye ដោយពិន្ទុដូចគ្នា។ លោក ប៊ុន សុភ័ណ្ឌ បានគូសបញ្ជាក់ថា ការរៀបចំនេះដើម្បីផ្ដល់ឱកាសឲ្យកីឡាករជម្រើសជាតិ បានចូលរួមប្រកួតឲ្យបានច្រើន មុនពេលឈានទៅដល់ការប្រកួតនៅកម្រិតអន្តរជាតិ ក៏ដូចជាស៊ីហ្គេមឆ្នាំ២០២៣ តាមរយៈការដកស្រង់បច្ចេកទេស និងពង្រឹងសមត្ថភាពជាដើម ពិសេសស៊ីហ្គេមឆ្នាំ២០២៣។ អ្វីដែលពិសេស ក្រោយបញ្ចប់ការប្រកួតនេះ សហព័ន្ធនឹងបញ្ជូនកីឡាករមួយចំនួនទៅបោះជុំរុំហ្វឹកហាត់នៅថៃ មុនចេញទៅប្រកួតជើងឯកអាស៊ីនៅប្រទេសហ្សកដានីទៀតផង។អគ្គលេខាធិការសហព័ន្ធដដែលបានបន្ថែមថា ជាមួយការរៀបចំការប្រកួតកីឡាប្រដាល់សកលអាជីពនេះដែរ ក៏មានការចងក្រងក្បួនច្បាប់មួយចំនួន ដើម្បីឲ្យកីឡាករធ្វើយ៉ាងណាប្រកួតឲ្យអស់សមត្ថភាព ហើយប្រសិនបើមន្ត្រីគណៈកម្មការរៀបចំការប្រកួតមើលឃើញថា ប្រកួតមិនអស់សមត្ថភាពនឹងបណ្ដេញចុះពីលើសង្វៀន។ អ្វីដែលពិសេស ដើម្បីសម្រួចគោលដៅស៊ីហ្គេមឆ្នាំ២០២៣ សហព័ន្ធគ្រោងនឹងរៀបចំព្រឹត្តិការណ៍នេះរៀងរាល់ ២សប្ដាហ៍ម្ដង ដើម្បីសម្រួចសមត្ថភាពកីឡាករជម្រើសជាតិកម្ពុជាឲ្យកាន់តែល្អប្រសើរផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករគាំទ្រការបន្ថែមឧបសគ្គក្នុងព្រឹត្តិការណ៍ Enduro Cross វគ្គទី២ ចុងខែនេះ

ប្រមុខសហព័ន្ធកីឡាសូហ្វតិន្នីសថ្មីថា ស៊ីហ្គេមឆ្នាំ២០២៣ ត្រូវរកមេដាយឲ្យបាន

កម្ពុជាបញ្ចប់ភារកិច្ចប្រកួតជម្រុះពាន AFC U17 ដោយរកបាន ៣ពិន្ទុ

Lewis Hamilton គ្មានគម្រោងចូលនិវត្តន៍ពី F1 ឡើយ ទោះផុតកុងត្រាជាមួយ Mercedes ក្តី

Sampdoria តែងតាំងអ្នកចាត់ការថ្មីអតីតខ្សែបម្រើ Inter Milan និង Lazio, Dejan Stankovic

Messi ថា World Cup 2022 នៅកាតានឹងជា World Cup ចុងក្រោយរបស់ខ្លួន

ប្រេស៊ីលបន្តនាំមុខគេក្នុងតារាង FIFA World Ranking ខណៈអេស្ប៉ាញធ្លាក់ទៅក្រោមអ៊ីតាលី

Sevilla តែងតាំង Jorge Sampaoli ផ្លូវការ ក្រោយបញ្ចប់តំណែងលោក Julen Lopetegui

Ronaldo មានឱកាសច្រើនតែគ្មានសំណាង ខណៈ Man Utd វាយបកយកឈ្នះ Omonia Nicosia

ថ្នាក់ដឹកនាំប្រដាល់សកលចាត់ទុកសង្វៀន Ultimate Pro Boxing ជាឱកាសវាស់ស្ទង់កីឡាករត្រៀមស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ​គាំទ្រ​ការ​បន្ថែម​ឧបសគ្គ​ក្នុង​ព្រឹត្តិការណ៍​ Enduro Cross ​វគ្គ​ទី​២ ចុងខែ​នេះ​

ប្រមុខ​សហព័ន្ធ​កីឡា​សូ​ហ្វ​តិ​ន្នី​ស​ថ្មី​ថា ស៊ី​ហ្គេម​ឆ្នាំ​២០២៣ ត្រូវ​រក​មេដាយ​ឲ្យ​បាន​

កម្ពុជា​បញ្ចប់​ភារកិច្ច​ប្រកួត​ជម្រុះ​ពាន​ AFC U17 ​ដោយ​រក​បាន ៣​ពិន្ទុ​

Lewis Hamilton គ្មាន​គម្រោង​ចូលនិវត្តន៍​ពី F1 ឡើយ ​ទោះ​ផុត​កុងត្រា​ជាមួយ Mercedes ក្តី​

Sampdoria តែងតាំង​អ្នកចាត់ការ​ថ្មី​អតីត​ខ្សែបម្រើ Inter Milan និង Lazio, Dejan Stankovic

Messi ថា World Cup 2022 នៅ​កាតា​នឹង​ជា World Cup ចុងក្រោយ​របស់ខ្លួន

ប្រេ​ស៊ី​ល​បន្ត​នាំមុខគេ​ក្នុង​តារាង FIFA World Ranking ខណៈ​អេ​ស្ប៉ា​ញ​ធ្លាក់​ទៅ​ក្រោម​អ៊ីតាលី​

Sevilla តែងតាំង Jorge Sampaoli ផ្លូវការ ​ក្រោយ​បញ្ចប់​តំណែង​លោក Julen Lopetegui

Ronaldo មានឱកាស​ច្រើនតែ​គ្មាន​សំណាង​ ខណៈ Man Utd វាយបក​យកឈ្នះ Omonia Nicosia

ថ្នាក់ដឹកនាំ​ប្រដាល់​សកល​ចាត់​ទុក​សង្វៀន​ Ultimate Pro Boxing ជា​ឱកាស​វាស់​ស្ទង់​កីឡាករ​ត្រៀម​ស៊ី​ហ្គេម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករគាំទ្រការបន្ថែមឧបសគ្គក្នុងព្រឹត្តិការណ៍ Enduro Cross វគ្គទី២ ចុងខែនេះ

ប្រមុខសហព័ន្ធកីឡាសូហ្វតិន្នីសថ្មីថា ស៊ីហ្គេមឆ្នាំ២០២៣ ត្រូវរកមេដាយឲ្យបាន

កម្ពុជាបញ្ចប់ភារកិច្ចប្រកួតជម្រុះពាន AFC U17 ដោយរកបាន ៣ពិន្ទុ

Lewis Hamilton គ្មានគម្រោងចូលនិវត្តន៍ពី F1 ឡើយ ទោះផុតកុងត្រាជាមួយ Mercedes ក្តី

Sampdoria តែងតាំងអ្នកចាត់ការថ្មីអតីតខ្សែបម្រើ Inter Milan និង Lazio, Dejan Stankovic

Messi ថា World Cup 2022 នៅកាតានឹងជា World Cup ចុងក្រោយរបស់ខ្លួន

ប្រេស៊ីលបន្តនាំមុខគេក្នុងតារាង FIFA World Ranking ខណៈអេស្ប៉ាញធ្លាក់ទៅក្រោមអ៊ីតាលី

Sevilla តែងតាំង Jorge Sampaoli ផ្លូវការ ក្រោយបញ្ចប់តំណែងលោក Julen Lopetegui

Ronaldo មានឱកាសច្រើនតែគ្មានសំណាង ខណៈ Man Utd វាយបកយកឈ្នះ Omonia Nicosia

ថ្នាក់ដឹកនាំប្រដាល់សកលចាត់ទុកសង្វៀន Ultimate Pro Boxing ជាឱកាសវាស់ស្ទង់កីឡាករត្រៀមស៊ីហ្គេម