BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

ខេត្តកណ្ដាលរៀបចំព្រឹត្តិការណ៍កីឡាដើម្បីទាំងអស់គ្នា ដើម្បីជំរុញយុទ្ធនាការប្រជាជនម្នាក់លេងកីឡាមួយប្រភេទ

កណ្ដាល៖ មន្ទីរអប់រំ យុវជន និងកីឡាខេត្តកណ្ដាលបានប្រកាសរៀបចំ ព្រឹត្តិការណ៍ប្រកួតកីឡាដើម្បីទាំងអស់គ្នាឆ្នាំ២០២២ ដើម្បីគាំទ្រយុទ្ធនាការ “ប្រជាជនម្នាក់លេងកីឡាមួយប្រភេទប្រចាំជីវិត” ដែលជាយុទ្ធនាការឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ លោក ពៅ វណ្ណា ប្រធានការិយាល័យអប់រំកាយ និងកីឡានៃមន្ទីរអប់រំ យុវជន និងកីឡាខេត្តកណ្តាលបានឲ្យដឹងថា ព្រឹត្តិការណ៍នេះធ្វើឡើងរយៈពេល ១សប្ដាហ៍ចាប់ពីថ្ងៃទី០៦ ដល់ថ្ងៃទី១២ ខែតុលា ឆ្នាំ២០២២ នៅទីក្រុងតាខ្មៅ ខេត្តកណ្ដាល ដែលរៀបចំការប្រកួតលើ ៣ប្រភេទកីឡារួមមានកីឡាបាល់ទាត់ បាល់ទះ និងកីឡាបាល់បោះ។ លោកបន្ដថា ព្រឹត្តិការណ៍ប្រកួតកីឡាដើម្បីទាំងអស់គ្នានេះរៀបចំឡើងក្រោមប្រធានបទ “ប្រជាពលរដ្ឋម្នាក់ត្រូវចេះលេងកីឡាមួយប្រភេទប្រចាំជីវិត” ក្នុងគោលបំណងផ្សព្វផ្សាយប្រជាពលរដ្ឋទាំងអស់គ្នា ចូលរួមលេងកីឡាដើម្បីសុខុមាលភាព និងជៀសផុតពីជំងឺផ្សេងៗ ហើយក៏ក្នុងន័យបំផុសវិស័យកីឡានៅខេត្តកណ្តាលឲ្យកាន់តែរីកចម្រើនខ្លាំងឡើងថែមទៀត។ប្រធានការិយាល័យអប់រំកាយ និងកីឡាដដែលបន្ថែមថា ការប្រកួតប្រចាំឆ្នាំនេះក៏ជាឱកាសបំផុសចលនាកីឡាក្នុងខេត្ត ជំរុញទឹកចិត្តយុវជនឲ្យងាកមកនាំគ្នាចូលរួមលេងកីឡា ដើម្បីជ្រើសរើសកីឡាករ-កីឡាការិនីឆ្នើមសម្រាប់តំណាងខេត្ត ត្រៀមចូលរួមការប្រកួតថ្នាក់ជាតិនាពេលខាងមុខ ដែលរៀបចំដោយសហព័ន្ធកីឡាជាតិ ក៏ដូចជាក្រសួងអប់រំ យុវជន និងកីឡាផងដែរ។ សូមបញ្ជាក់ថា សម្រាប់ការប្រកួតនេះកីឡាបាល់ទាត់គឺមានក្រុមបុរស ១៥ក្រុម និងនារី ៤ក្រុមចូលរួម។ រីឯកីឡាបាល់ទះគឺមានក្រុមបុរស ៤ក្រុម និងនារី ៣ក្រុមចូលរួម គ្រាដែលកីឡាបាល់បោះគឺមានក្រុមបុរស ៤ក្រុម និងនារី ៣ក្រុមចូលរួមដូចគ្នា៕អត្ថបទ៖ លី ឈុនឡា

Maguire និង Varane អវត្តមានពី Man United ពេលជួប Omonia Nicosia នៅ Europa League

បាល់ទាត់៖ ក្រុមបិសាចក្រហម Manchester United បានបង្ហាញបញ្ជីកីឡាករ ២២នាក់សម្រាប់ការប្រកួតជុំបន្តនៃក្របខណ្ឌ UEFA Europa League យប់នេះ ដោយគេមិនឃើញមានវត្តមានខ្សែការពារកណ្តាលទាំងពីររូប Harry Maguire និង Raphael Varane។ ខ្សែប្រយុទ្ធព័រទុយហ្កាល់ Cristiano Ronaldo ស្ថិតក្នុងបញ្ជីរបស់លោក Erik ten Hag ហើយរំពឹងថានឹងជាជម្រើស ១១នាក់ដំបូងផងដែរសម្រាប់ជំនួបនៅទឹកដីកោះស៊ីបនេះ។ កីឡាករវ័យ ៣៧ឆ្នាំរូបនេះបានត្រឹមអង្គុយកៅអីបម្រុង ហើយក៏មិនត្រូវផ្លាស់ប្តូរចូលដែរក្នុងបរាជ័យនៅទឹកដី Manchester City កាលពីយប់ថ្ងៃសៅរ៍ ៦-៣។ មានរឿងរកាំរកូសច្រើនពីការសម្រេចចិត្តរបស់អ្នកចាត់ការ Erik ten Hag ពីការប្រើប្រាស់ Ronaldo តែអ្នកចាត់ការសញ្ជាតិហូឡង់រូបនេះបានប្រាប់ពីមូលហេតុរួចរាល់ដែរ។អតីតអ្នកចាត់ការ Ajax រូបនេះលើកឡើងថា ការមិនប្តូរចូល Ronaldo នៅវគ្គទី២ ពេលដែល Manchester City នាំមុខ ៤-០ នៅវគ្គទី១ ទៅហើយនោះគឺលោកគោរព Ronaldo គោរពអាជីពជោគជ័យរបស់គេ និងមិនចង់ឱ្យ Ronaldo ចូលលេងក្នុងស្ថានភាពអាក្រក់បែបនេះឡើយ។ Manchester United កំពុងមាន ៣ពិន្ទុក្នុងដៃពីការប្រកួតនៅ Europa League នេះតាមរយៈជ័យជំនះនៅទឹកដី Sheriff Tiraspol ដែលក្នុងនោះ Ronaldo ស៊ុតបញ្ចូលទី ១គ្រាប់ជាបាល់ពិន័យ ១១ម៉ែត្រ និងជាគ្រាប់ដំបូងប៉ុណ្ណោះក្នុងរដូវកាលនេះដែល Ronaldo រកបាន៕អត្ថបទ៖នាង សុភាវុធ

Sevilla បញ្ចប់តំណែងអ្នកចាត់ការ Julen Lopetegui ភ្លាមៗក្រោយចាញ់ Dortmund ក្នុងផ្ទះ

បាល់ទាត់៖ ក្លិបអេស្ប៉ាញ Sevilla បានសម្រេចបញ្ចប់តំណែងអ្នកចាត់ការ Julen Lopetegui ភ្លាមៗ ក្រោយបរាជ័យក្រោមស្នាដៃក្រុមភ្ញៀវ Borussia Dortmund នៅ UCL យប់មិញ។ ក្រុមជើងឯក UEFA Europa League ៦សម័យមួយនេះបានបន្តដំណើរយ៉ាប់យ៉ឺនរដូវកាលនេះ ដោយឈ្នះតែ ១ប្រកួតគត់គ្រប់ក្របខណ្ឌ។ Sevilla មានត្រឹម ១ពិន្ទុប៉ុណ្ណោះនៅក្នុងពូល G ខណៈនៅក្របខណ្ឌអេស្ប៉ាញ La Liga កំពុងឈរលេខ១៧ ក្នុងតារាងមានត្រឹម ៥ពិន្ទុដែលជាការចាប់ផ្តើមរដូវកាលដ៏អាក្រក់បំផុត តាំងពីឡើងមកក្របខណ្ឌកំពូលនៅឆ្នាំ២០០១។ លោក Julen Lopetegui ធ្លាប់ដឹកនាំ Sevilla ឈ្នះជើងឯក Europa League លើកទី៦ ក្នុងប្រវត្តិសាស្ត្រកាលពីឆ្នាំ២០២០។ បើតាមសារព័ត៌មានអេស្ប៉ាញមួយបានចុះផ្សាយថា អតីតអ្នកចាត់ការ Marseille លោក Jorge Sampaoli នឹងមកកាន់តំណែងនៅ Sevilla ជាលើកទី២៕អត្ថបទ៖នាង សុភាវុធ

Leverkusen ប្រកាសតែងតាំងគ្រូបង្វឹកថ្មីអតីតខ្សែបម្រើ Liverpool, Xabi Alonso

បាល់ទាត់៖ ក្លិបអាល្លឺម៉ង់ Bayer Leverkusen បានប្រកាសតែងតាំងគ្រូបង្វឹកថ្មីដែលជាអតីតខ្សែបម្រើ Liverpool, Xabi Alonso បន្ទាប់ពីបញ្ចប់តំណែងលោក Gerardo Seoane កាលពីថ្ងៃពុធ។ ក្លិបអាល្លឺម៉ង់បានប្រកាសពីការបញ្ចប់តំណែងគ្រូបង្វឹកសញ្ជាតិស្វីស និងជំនួសវិញដោយគ្រូបង្វឹកវ័យ ៤០ឆ្នាំ Xabi Alonso ដែលមានកិច្ចសន្យាដឹកនាំដល់ឆ្នាំ២០២៤។ Xabi Alonso ធ្លាប់មានអាជីពជោគជ័យពេលកីឡាករទាំងក្រុមជម្រើសជាតិអេស្ប៉ាញ និងក្លិបអាជីពដោយជួយអេស្ប៉ាញឈ្នះជើងឯក World Cup 2010 នៅអាហ្វ្រិកខាងត្បូងជាមួយនឹងការបង្ហាញខ្លួនសរុប ១១៤លើក បូករួមទាំងជើងឯកអឺរ៉ុបនៅឆ្នាំ២០០៨ និង ២០១២ ផងដែរ។ នៅក្លិបអាជីព Alonso ធ្លាប់ឈ្នះជើងឯក UEFA Champions League ជាមួយ Liverpool នៅឆ្នាំ២០០៥ និង Real Madrid នៅឆ្នាំ២០១៤ ក៏ដូចជាជើងឯកអាល្លឺម៉ង់ Bundesliga បីលើកជាមួយ Bayern Munich ផងដែរ។នេះជាលើកដំបូងក្នុងការដឹកនាំក្លិបអាជីពបែបនេះសម្រាប់ Xabi Alonso បន្ទាប់ពីធ្លាប់ដឹកនាំត្រឹមក្រុមបម្រុងរបស់ Real Sociedad រយៈពេល ៣ឆ្នាំ។ Bayer Leverkusen មានរដូវកាលដ៏អាក្រក់នៅពេលនេះដោយកំពុងឈរលេខ ១៧ មានត្រឹម ៥ពិន្ទុប៉ុណ្ណោះពីការប្រកួត ៨លើក ហើយចុងសប្តាហ៍នេះនឹងត្រូវទទួលក្រុមឡើងថ្មី Schalke 04៕អត្ថបទ៖នាង សុភាវុធ

PSG ខក ៣ពិន្ទុនៅទឹកដី Benfica ខណៈ Juventus រកបាន ៣ពិន្ទុដំបូង

បាល់ទាត់៖ ក្រុមជើងឯកបារាំង Paris Saint Germain ធ្វើដំណើរទៅទឹកដីព័រទុយហ្កាល់ Benfica នៅក្របខណ្ឌ UEFA Champions League តែកាន់ត្រលប់មកវិញត្រឹម ១ពិន្ទុប៉ុណ្ណោះ។ គ្រាប់បាល់នាំមុខរបស់ PSG កើតចេញពីការលេងយ៉ាងសង់តង់គ្នារបស់ខ្សែប្រយុទ្ធជួរមុខទាំងបីនាក់ Messi, Neymar និង Mbappe ខណៈបញ្ចប់ទីគឺ Lionel Messi ដែលជាស៊ុតបញ្ចូលទីយ៉ាងល្អនៅនាទីទី២២។ យ៉ាងណាក្តីគ្រាប់បាល់ជ័យជំនះរបស់ Messi ត្រូវបានលុបចោលវិញ ក្រោយក្រុមម្ចាស់ផ្ទះតាមស្មើនៅចុងវគ្គទី១ ដោយបាល់ចូលទីខ្លួនឯងរបស់ Danilo ពីបាល់កាត់របស់ Enzo Fernandez។ លទ្ធផលនេះមានន័យថា PSG និង Benfica បន្តឈរលេខ ១ លេខ ២ ក្នុងពូល H ដដែលមាន ៧ពិន្ទុដូចគ្នា។ចំណែកឯមួយគូទៀតក្នុងពូល H នេះដែរ ក្រុមសេះបង្កង់ Juventus រកបានជ័យជំនះដំបូងរបស់ខ្លួននៅ UCL រដូវកាលនេះ ក្រោយឈ្នះក្រុមភ្ញៀវអ៊ីស្រាអែល Maccabi Haifa ៣-១។ ខ្សែបម្រើ Adrien Rabiot រកបានពីរគ្រាប់ម្នាក់ឯង ខណៈមួយគ្រាប់ទៀតសម្រេចដោយខ្សែប្រយុទ្ធស៊ែប Dusan Vlahovic។ ការប្រកួតយប់មិញនៅកីឡដ្ឋាន Allianz Stadium របស់ Juventus មានអ្នកគាំទ្រមិនដល់ ៣ម៉ឺននាក់ផង ដោយសារពួកគេមិនសប្បាយចិត្តពីទម្រង់លេងបច្ចុប្បន្នរបស់ Juventus ខណៈអ្នកចាត់ការ Massimiliano Allegri កំពុងស្ថិតក្នុងសំពាធ៕អត្ថបទ៖នាង សុភាវុធ

Haaland រកបាន ២គ្រាប់ទៀត ខណៈ Man City ឈ្នះ Copenhagen ៥-០ នៅ UCL

បាល់ទាត់៖ ខ្សែប្រយុទ្ធន័រវេស រឺហៅថាម៉ាស៊ីនរកគ្រាប់បាល់ Erling Haaland បានបន្តកត់ត្រាស្ថិតិអស្ចារ្យរបស់ខ្លួនជាមួយ Manchester City បន្ទាប់ពីរកបាន ២គ្រាប់ទៀតក្នុងជ័យជំនះ ៥-០ លើ Copenhagen ក្នុងពូល G ក្របខណ្ឌ UEFA Champions League។ បន្ទាប់ពី Hat-Trick ពេលយកឈ្នះ Manchester United ៦-៣ កាលពីថ្ងៃសៅរ៍ អតីតខ្សែប្រយុទ្ធ Dortmund រូបនេះមាន ១៧គ្រាប់បាត់ទៅហើយក្នុងការបង្ហាញខ្លួន ១១លើក ខណៈពីរគ្រាប់បន្ថែមយប់មិញគឺជាគ្រាប់ទី១៩ ក្នុងការបង្ហាញខ្លួនត្រឹម ១២លើកប៉ុណ្ណោះនៅ Man City។ មួយគ្រាប់ចូលទីខ្លួនឯងរបស់ Copenhagen និងពីរគ្រាប់ទៀតធ្វើបានដោយ Riyad Mahrez និង Julian Alvarez ធ្វើឱ្យក្រុមរបស់លោក Pep Guardiola មាន ៩ពិន្ទុពេញពីជ័យជំនះ ៣ប្រកួតនៅក្នុងពូល G នេះ។ចំណែកឯ Dortmund រកបានបីពិន្ទុលើកទី២ របស់ខ្លួនតាមរយៈជ័យជំនះនៅទឹកដីអេស្ប៉ាញរបស់ Sevilla ៤-១។ ខ្សែបម្រើអង់គ្លេស Jude Bellingham ស៊ុតបញ្ចូលទីមួយគ្រាប់ និងបញ្ជូនមួយក្នុងចំណោម ៤គ្រាប់របស់ Dortmund។ កីឡាករវ័យ ១៩ឆ្នាំរូបនេះគឺជាក្រុមប្រធានក្រុមរបស់ Dortmund ដែលធ្វើឱ្យគេក្លាយជាកីឡាករក្មេងបំផុតទី៣ ក្នុងប្រវត្តិសាស្ត្រ UCL ដែលធ្វើជាប្រធានក្រុមក្នុងវ័យ ១៩ឆ្នាំ ៩៨ថ្ងៃ តាមពីក្រោយ Ruben Neves នៅ Porto អាយុ ១៨ឆ្នាំ ២២១ថ្ងៃ និង Matthijs de Ligt អាយុ ១៩ឆ្នាំ ៥១ថ្ងៃនៅ Ajax កាលពីឆ្នាំ២០១៨។ បីពិន្ទុនេះធ្វើឱ្យ Dortmund ឈរលេខ២ ក្នុងពូលមាន ៦ពិន្ទុ ខណៈ Sevilla និង Copenhagen កាន់ ១ពិន្ទុដូចគ្នា៕អត្ថបទ៖នាង សុភាវុធ

Rodrygo និង Vinicius Jr. រកបានម្នាក់មួយគ្រាប់ ខណៈ Real Madrid បន្តឈ្នះ ៣ប្រកួតផ្ទួនៗ

បាល់ទាត់៖ ក្រុមការពារតំណែងជើងឯក Real Madrid បានបន្តស្ថិតិល្អឥតខ្ចោះរបស់ខ្លួននៅ UCL រដូវកាលនេះក្រោយឈ្នះក្រុមភ្ញៀវអ៊ុយក្រែន Shakktar Donetsk ២-១ ដែលជាជ័យជំនះ ៣ប្រកួតផ្ទួនៗក្នុងពូល F។ Rodrygo និង Vinicius Junior រកបានម្នាក់មួយគ្រាប់នៅនាទីទី១៣ និង ២៨ មុនពេលដែលក្រុមភ្ញៀវ Shakhtar Donetsk តាមបានមួយគ្រាប់វិញមុនចប់វគ្គទី១ ដោយ Oleksandr Zubkov។ ជ័យជំនះនេះធ្វើឱ្យ Real Madrid មាន ៩ពិន្ទុពេញពីការប្រកួត ៣លើកក្នុងពូល ខណៈ Shakhtar Donetsk ឈរលេខ២ មាន ៤ពិន្ទុ។ មួយគូទៀតក្នុងពូល F នេះដែរក្រុមអាល្លឺម៉ង់ RB Leipzig រកបានជ័យជំនះដំបូងរបស់ខ្លួនក្រោយឈ្នះ Celtic ៣-១។ Christophe Nkunku បើកការនាំមុខនៅនាទីទី២៧ មុនពេលដែល Andre Silva រកបានពីរគ្រាប់ម្នាក់ឯងនៅវគ្គទី២។ នេះជាបីពិន្ទុដំបូងសម្រាប់ Leipzig ដើម្បីឈរលេខ៣ ក្នុងពូលមាន ៣ពិន្ទុ ខណៈក្រុមស្កុតឡេន Celtic នៅតែបន្តស្វែងរកជ័យជំនះដំបូងក្រោយមានត្រឹម ១ពិន្ទុឈរក្រោមគេ៕អត្ថបទ៖នាង សុភាវុធ

កៃ វ៉ាន់ស៊ីដែន ដណ្ដើមបានមេដាយមាសនៃព្រឹត្តិការណ៍ Jet Ski World Series 22 នៅអាមេរិក

ម៉ូតូទឹក៖ កីឡាករម៉ូតូទឹកជម្រើសជាតិកម្ពុជា កៃ វ៉ាន់ស៊ីដែន បានបើកទំព័រប្រវត្តិសាស្ដ្រក្នុងអាជីពរបស់ខ្លួនដោយដណ្ដើមបានមេដាយមាសលើកដំបូង ក្នុងការប្រកួតកីឡាម៉ូតូទឹកជ្រើសរើសជើងឯកពិភពលោក Jet Ski World Series Season 2022 សម្រាប់ការប្រកួតជុំទី២ ដែលធ្វើឡើងនៅរដ្ឋ Arizona សហរដ្ឋអាមេរិកក្នុងសប្ដាហ៍នេះ។ ក្នុងចំណោមកីឡាករកម្ពុជា ៥រូបដែលចូលរួមព្រឹត្តិការណ៍នេះ កៃ វ៉ាន់ស៊ីដែន គឺជាកីឡាករដំបូងដែលដណ្ដើមបានមេដាយមាសមុនគេ បន្ទាប់ពីរូបគេធ្វើបានយ៉ាងល្អលើវិញ្ញាសា Novice ski stock។ រីឯកីឡាករផ្សេងៗត្រូវប្រកួតនៅថ្ងៃបន្ដបន្ទាប់ ដ្បិតព្រឹត្តិការណ៍នេះចាប់ផ្ដើមប្រកួតពីថ្ងៃទី០៥ ដល់ថ្ងៃទី០៩ ខែតុលា ឆ្នាំ២០២២។ ក្រៅពីកីឡាករវ័យក្មេង កៃ វ៉ាន់ស៊ីដែន គឺមានម្ចាស់មេដាយមាសកីឡាអាស៊ី សាលី អ៊ូមើត ជាប្រធានក្រុម, កីឡាករ សាលី ហ្វីលីន, មីន មូស្ដាន់ និង មីន អូស្មាន់ ដែលធ្វើការប្រកួតលើផ្សេងៗគ្នា។ បេសកកម្មនេះក៏ជាឱកាសពង្រឹងសមត្ថភាពបន្ថែម ដើម្បីត្រៀមខ្លួនក្នុងការប្រកួតកីឡាស៊ីហ្គេមឆ្នាំ២០២៣ ដែលកម្ពុជានឹងធ្វើម្ចាស់ផ្ទះផងដែរ៕អត្ថបទ៖ លី ឈុនឡា

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan

បាល់ទាត់៖ ក្រុមជើងឯកឆ្នាំ២០២១ តោខៀវ Chelsea ទីបំផុតរកបានជ័យជំនះដំបូងរបស់ខ្លួនក្នុងរដូវកាលនេះនៅក្របខណ្ឌ UEFA Champions League ក្រោយយកឈ្នះក្រុមជើងឯកអ៊ីតាលី AC Milan នៅ Stamford Bridge ៣-០។ នេះជាជ័យជំនះដំបូងផងដែរនៅ UCL ក្នុងអាជីពរបស់អ្នកចាត់ការថ្មី Graham Potter។ ខ្សែការពារតម្លៃថ្លៃ Wesley Fofana រកបានគ្រាប់ដំបូងរបស់ខ្លួននៅ Chelsea ខណៈ Pierre-Emerick Aubameyang និង Reece James រកបានម្នាក់មួយគ្រាប់ផងដែរ។ ខ្សែការពារតម្លៃ ៧០លានផោន Wesley Fofana ក្រោយមកក៏មានរបួស និងត្រូវផ្លាស់ចេញត្រឹមនាទីទី៣៨។ ជ័យជំនះនេះធ្វើឱ្យ Chelsea ឡើងមកលេខ២ ក្នុងពូល E មាន ៤ពិន្ទុស្មើ AC Milan។ ក្រុមឈរលើគេក្នុងពូលគឺ Red Bull Salzburg ដែលបានយកឈ្នះ Dinamo Zagreb ១-០៕អត្ថបទ៖នាង សុភាវុធ

ប្រមុខតេក្វាន់ដូ ITF កម្ពុជាប្រាប់កីឡាករ-កីឡាការិនីកុំបាក់ទឹកចិត្ត ទោះបរាជ័យចូលស៊ីហ្គេមឆ្នាំ២០២៣

តេក្វាន់ដូ៖ ឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជាបានប្រកាសថា ការបញ្ចូលប្រភេទកីឡារបស់ខ្លួនចូលក្នុងស៊ីហ្គេមឆ្នាំ២០២៣ ត្រូវបានបរាជ័យ បន្ទាប់ពីមានការរារាំងពីប្រទេសមួយដែលឯកឧត្តមិនបានបញ្ជាក់ឈ្មោះ មិនឲ្យបណ្ដាប្រទេសអាស៊ានចូលរួម។ យ៉ាងណាក្ដីឯកឧត្តមបានប្រាប់កីឡាករ-កីឡាការិនីរបស់ខ្លួនកុំឲ្យបាក់ទឹកចិត្ត ត្រូវខិតខំប្រឹងប្រែងបន្ថែមដើម្បីត្រៀមការប្រកួតអន្ដរជាតិនានា។ ថ្លែងក្នុងពិធីបិទការប្រកួតជើងឯកថ្នាក់ជាតិកាលពីថ្មីៗ ឯកឧត្តមបានគូសបញ្ជាក់ថា ដោយសារតេក្វាន់ដូ ITF កម្ពុជាខ្លាំងពេក ទើបត្រូវប្រទេសមួយដើរខ្ទប់បណ្ដាប្រទេសអាស៊ានមិនឲ្យបញ្ជូនតេក្វាន់ដូ ITF មកប្រកួតស៊ីហ្គេមឆ្នាំ២០២២។ ទោះបែបនេះ ក៏ឯកឧត្តមថ្លែងនូវអំណរគុណចំពោះសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលបានជំរុញឲ្យគណៈកម្មាធិការជាតិ CAMSOC ក៏ដូចជាក្រសួងអប់រំ យុវជន និងកីឡា ដាក់បញ្ចូលតេក្វាន់ដូ ITF ចូលក្នុងស៊ីហ្គេមឆ្នាំ២០២៣ ទោះបីត្រូវបរាជ័យយ៉ាងណាក៏ដោយ។ ប្រមុខសហព័ន្ធដដែល បានរំលេចថា កីឡាតេក្វាន់ដូ ITF កម្ពុជា តាំងពីគេមិនស្គាល់ អត់មានអ្នកស្គាល់ថា តេក្វាន់ដូ ITF ម៉េច រហូតត្រូវបានគេស្គាល់ ស្គាល់ដល់អន្ដរជាតិ ហើយឯកឧត្តមផ្ទាល់បានក្លាយជាប្រធានសហព័ន្ធតេក្វាន់ដូ ITF អាស៊ីអាគ្នេយ៍ និងជាអនុប្រធានសហព័ន្ធអន្ដរជាតិ ពិសេសត្រូវបានថ្នាក់ដឹកនាំកំពូលប្រទេសកម្ពុជា គឺសម្ដេចតេជោនាយករដ្ឋមន្ដ្រីទទួលស្គាល់ ITF ថា ជាប្រភេទកីឡាតេក្វាន់ដូខ្លាំង។ ក៏ប៉ុន្ដែដោយសារខ្លាំងពេក ទើបគេបិទខ្ទប់ ដោយយកបញ្ហានយោបាយ ជាឬសគល់នៃការរារាំងនេះ។ឯកឧត្តម កែវ រ៉េមី បានពន្យល់បន្ថែមថា កីឡាមានសារៈសំខាន់ណាស់ ហើយការព្យាយាមដាក់តេក្វាន់ដូ ITF ក្នុងស៊ីហ្គេមឆ្នាំ២០២៣ ក៏ដើម្បីជំរុញឲ្យជាតិសាសន៍ ២ ដែលកំពុងបែកបាក់គ្នា មានការរួបរួមគ្នាឡើងវិញតាមរយៈកីឡា។ ប៉ុន្ដែផ្ទុយទៅវិញ ជាតិសាសន៍ ២ នោះដែលពុំត្រូវបានឯកឧត្តមបញ្ជាក់ឈ្មោះថា នៅតែប្រឆាំងគ្នាឥតឈប់ឈរ ទោះបីជាបងប្អូននឹងគ្នាក្ដី។ តាមរយៈការប្រឆាំងគ្នាឥតឈប់ឈរនេះ ឯកឧត្តមមើលឃើញថា ជាតិសាសន៍នេះ គ្មានថ្ងៃរួបរួមគ្នាគ្នាបានឡើយ ទោះបីសម្ដេចតេជោ ហ៊ុន សែន ក៏បានធ្វើបទបង្ហាញក្នុងវេទិការពិភពលោក ចង់ឃើញប្រទេសពីរនោះរួបរួមគ្នាដែរយ៉ាងណាក្ដី។ ឯកឧត្តមបានសម្ដែងនូវការសោកស្ដាយ ដែលការព្យាយាមដាក់តេក្វាន់ដូ ITF ចូលស៊ីហ្គេមឆ្នាំ២០២៣ ត្រូវបរាជ័យ។ តែយ៉ាងណាក្ដី ឯកឧត្តមបានក្រើនរំឮកដល់កីឡាករ-កីឡាការិនីកម្ពុជាថា កម្ពុជាគ្មានអ្វីត្រូវចាញ់នោះទេ ព្រោះកន្លងមកប្រភេទកីឡានេះក៏មិនធ្លាប់ចូលស៊ីហ្គេមដែរ ហើយបើបន្ដមិនចូលទៀតក៏មិនថ្វីដែរ។ ប៉ុន្ដែឯកឧត្តមបានដាស់ស្មារតីឲ្យកីឡាករ-កីឡាការិនីទាំងអស់ត្រូវបន្ដការខិតខំប្រឹងប្រែងទៀត ដើម្បីត្រៀមចូលរួមការប្រកួជើងឯកពិភពលោក និងព្រឹត្តិការណ៍អន្ដរជាតិនានាដើម្បីឈ្នះមេដាយ គឺពួកគេអាចលើកទង់ជាតិកម្ពុជាបានដូចគ្នា។ប្រធានសហព័ន្ធដដែលបានសង្កត់ធ្ងន់ថា យ៉ាងម៉េចក៏ដោយមិនត្រូវបាក់ទឹកចិត្តនោះទេ ព្រោះកម្ពុជាអត់ដែលចាញ់ គ្មានអ្វីត្រូវបាត់បង់ឡើយ។ តាំងពីងើបបាត់ដៃទទេរហូតដល់ហក់ចូលទៅស៊ីហ្គេម ត្រូវគេទប់ខ្វែងដៃខ្វៃជើងគឺជាជោគជ័យមួយទៅហើយ។ មានតែកម្ពុជាប៉ុណ្ណោះដែលបង្កើតប្រវត្តិសាស្ដ្របញ្ចូលតេក្វាន់ដូ ITF ចូលស៊ីហ្គេម សូម្បីតែនៅអឺរ៉ុប ពិភពលោកក៏គេទទួលស្គាល់ និងអបអរសាទរចំពោះស្នាដៃតេក្វាន់ដូ ITF របស់កម្ពុជាដែរ។ ក្នុងនាមសហព័ន្ធ ឯកឧត្ដមបានប្ដេជ្ញាបន្ដជំរុញតេក្វាន់ដូ ITF កម្ពុជាឲ្យកាន់តែខ្លាំង ហើយសង្ឃឹមថា ថ្ងៃណាមួយតេក្វាន់ដូ ITF កម្ពុជា នឹងចូលស៊ីហ្គេមឲ្យខានតែបាន៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Maguire និង Varane អវត្តមានពី Man United ពេលជួប Omonia Nicosia នៅ Europa League

Sevilla បញ្ចប់តំណែងអ្នកចាត់ការ Julen Lopetegui ភ្លាមៗក្រោយចាញ់ Dortmund ក្នុងផ្ទះ

Leverkusen ប្រកាសតែងតាំងគ្រូបង្វឹកថ្មីអតីតខ្សែបម្រើ Liverpool, Xabi Alonso

PSG ខក ៣ពិន្ទុនៅទឹកដី Benfica ខណៈ Juventus រកបាន ៣ពិន្ទុដំបូង

Haaland រកបាន ២គ្រាប់ទៀត ខណៈ Man City ឈ្នះ Copenhagen ៥-០ នៅ UCL

Rodrygo និង Vinicius Jr. រកបានម្នាក់មួយគ្រាប់ ខណៈ Real Madrid បន្តឈ្នះ ៣ប្រកួតផ្ទួនៗ

កៃ វ៉ាន់ស៊ីដែន ដណ្ដើមបានមេដាយមាសនៃព្រឹត្តិការណ៍ Jet Ski World Series 22 នៅអាមេរិក

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan

ប្រមុខតេក្វាន់ដូ ITF កម្ពុជាប្រាប់កីឡាករ-កីឡាការិនីកុំបាក់ទឹកចិត្ត ទោះបរាជ័យចូលស៊ីហ្គេមឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Maguire និង Varane អវត្តមាន​ពី Man United ពេល​ជួប Omonia Nicosia នៅ Europa League

Sevilla បញ្ចប់​តំណែង​អ្នកចាត់ការ Julen Lopetegui ភ្លាមៗ​ក្រោយ​ចាញ់ Dortmund ក្នុងផ្ទះ

Leverkusen ប្រកាស​តែងតាំង​គ្រូបង្វឹក​ថ្មី​អតីត​ខ្សែបម្រើ Liverpool, Xabi Alonso

PSG ខក​ ៣​ពិន្ទុ​នៅ​ទឹកដី Benfica ខណៈ Juventus រកបាន​ ៣ពិន្ទុ​ដំបូង

Haaland រកបាន ២​គ្រាប់​ទៀត ​ខណៈ Man City ឈ្នះ Copenhagen ៥-០ នៅ UCL

Rodrygo និង Vinicius Jr. រកបាន​ម្នាក់​មួយ​គ្រាប់​ ខណៈ Real Madrid បន្ត​ឈ្នះ ៣ប្រកួត​ផ្ទួនៗ

កៃ វ៉ាន់​ស៊ី​ដែន ដណ្ដើមបាន​មេដាយមាស​នៃ​ព្រឹត្តិការណ៍​ Jet Ski World Series 22 នៅ​អាមេរិក

Chelsea ស្គាល់​ជ័យជំនះ​នៅ UCL រដូវ​កាល​នេះ​ក្រោយ​ឈ្នះ AC Milan

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Maguire និង Varane អវត្តមានពី Man United ពេលជួប Omonia Nicosia នៅ Europa League

Sevilla បញ្ចប់តំណែងអ្នកចាត់ការ Julen Lopetegui ភ្លាមៗក្រោយចាញ់ Dortmund ក្នុងផ្ទះ

Leverkusen ប្រកាសតែងតាំងគ្រូបង្វឹកថ្មីអតីតខ្សែបម្រើ Liverpool, Xabi Alonso

PSG ខក ៣ពិន្ទុនៅទឹកដី Benfica ខណៈ Juventus រកបាន ៣ពិន្ទុដំបូង

Haaland រកបាន ២គ្រាប់ទៀត ខណៈ Man City ឈ្នះ Copenhagen ៥-០ នៅ UCL

Rodrygo និង Vinicius Jr. រកបានម្នាក់មួយគ្រាប់ ខណៈ Real Madrid បន្តឈ្នះ ៣ប្រកួតផ្ទួនៗ

កៃ វ៉ាន់ស៊ីដែន ដណ្ដើមបានមេដាយមាសនៃព្រឹត្តិការណ៍ Jet Ski World Series 22 នៅអាមេរិក

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan