BTV NEWS

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

Hervé Renard វិលត្រឡប់មកដឹកនាំក្រុមជម្រើសជាតិកូតឌីវ័រ ជាលើកទី២

អ្នកណាខ្លះអាចជាបេក្ខភាពប្រជែងតំណែងប្រធាន FIFA ជាមួយ Gianni Infantino នៅឆ្នាំ២០២៧?

គ្រូបង្វឹកជម្រើសជាតិកាប់វែរ ទទួលបានតំណែងដឹកនាំក្លិបអាជីពមួយនៅម៉ារ៉ុកក្រោយជោគជ័យនៅ World Cup

ព័ត៌មានកីឡា

Haaland រកបាន ២គ្រាប់ទៀត ខណៈ Man City ឈ្នះ Copenhagen ៥-០ នៅ UCL

បាល់ទាត់៖ ខ្សែប្រយុទ្ធន័រវេស រឺហៅថាម៉ាស៊ីនរកគ្រាប់បាល់ Erling Haaland បានបន្តកត់ត្រាស្ថិតិអស្ចារ្យរបស់ខ្លួនជាមួយ Manchester City បន្ទាប់ពីរកបាន ២គ្រាប់ទៀតក្នុងជ័យជំនះ ៥-០ លើ Copenhagen ក្នុងពូល G ក្របខណ្ឌ UEFA Champions League។ បន្ទាប់ពី Hat-Trick ពេលយកឈ្នះ Manchester United ៦-៣ កាលពីថ្ងៃសៅរ៍ អតីតខ្សែប្រយុទ្ធ Dortmund រូបនេះមាន ១៧គ្រាប់បាត់ទៅហើយក្នុងការបង្ហាញខ្លួន ១១លើក ខណៈពីរគ្រាប់បន្ថែមយប់មិញគឺជាគ្រាប់ទី១៩ ក្នុងការបង្ហាញខ្លួនត្រឹម ១២លើកប៉ុណ្ណោះនៅ Man City។ មួយគ្រាប់ចូលទីខ្លួនឯងរបស់ Copenhagen និងពីរគ្រាប់ទៀតធ្វើបានដោយ Riyad Mahrez និង Julian Alvarez ធ្វើឱ្យក្រុមរបស់លោក Pep Guardiola មាន ៩ពិន្ទុពេញពីជ័យជំនះ ៣ប្រកួតនៅក្នុងពូល G នេះ។ចំណែកឯ Dortmund រកបានបីពិន្ទុលើកទី២ របស់ខ្លួនតាមរយៈជ័យជំនះនៅទឹកដីអេស្ប៉ាញរបស់ Sevilla ៤-១។ ខ្សែបម្រើអង់គ្លេស Jude Bellingham ស៊ុតបញ្ចូលទីមួយគ្រាប់ និងបញ្ជូនមួយក្នុងចំណោម ៤គ្រាប់របស់ Dortmund។ កីឡាករវ័យ ១៩ឆ្នាំរូបនេះគឺជាក្រុមប្រធានក្រុមរបស់ Dortmund ដែលធ្វើឱ្យគេក្លាយជាកីឡាករក្មេងបំផុតទី៣ ក្នុងប្រវត្តិសាស្ត្រ UCL ដែលធ្វើជាប្រធានក្រុមក្នុងវ័យ ១៩ឆ្នាំ ៩៨ថ្ងៃ តាមពីក្រោយ Ruben Neves នៅ Porto អាយុ ១៨ឆ្នាំ ២២១ថ្ងៃ និង Matthijs de Ligt អាយុ ១៩ឆ្នាំ ៥១ថ្ងៃនៅ Ajax កាលពីឆ្នាំ២០១៨។ បីពិន្ទុនេះធ្វើឱ្យ Dortmund ឈរលេខ២ ក្នុងពូលមាន ៦ពិន្ទុ ខណៈ Sevilla និង Copenhagen កាន់ ១ពិន្ទុដូចគ្នា៕អត្ថបទ៖នាង សុភាវុធ

Rodrygo និង Vinicius Jr. រកបានម្នាក់មួយគ្រាប់ ខណៈ Real Madrid បន្តឈ្នះ ៣ប្រកួតផ្ទួនៗ

បាល់ទាត់៖ ក្រុមការពារតំណែងជើងឯក Real Madrid បានបន្តស្ថិតិល្អឥតខ្ចោះរបស់ខ្លួននៅ UCL រដូវកាលនេះក្រោយឈ្នះក្រុមភ្ញៀវអ៊ុយក្រែន Shakktar Donetsk ២-១ ដែលជាជ័យជំនះ ៣ប្រកួតផ្ទួនៗក្នុងពូល F។ Rodrygo និង Vinicius Junior រកបានម្នាក់មួយគ្រាប់នៅនាទីទី១៣ និង ២៨ មុនពេលដែលក្រុមភ្ញៀវ Shakhtar Donetsk តាមបានមួយគ្រាប់វិញមុនចប់វគ្គទី១ ដោយ Oleksandr Zubkov។ ជ័យជំនះនេះធ្វើឱ្យ Real Madrid មាន ៩ពិន្ទុពេញពីការប្រកួត ៣លើកក្នុងពូល ខណៈ Shakhtar Donetsk ឈរលេខ២ មាន ៤ពិន្ទុ។ មួយគូទៀតក្នុងពូល F នេះដែរក្រុមអាល្លឺម៉ង់ RB Leipzig រកបានជ័យជំនះដំបូងរបស់ខ្លួនក្រោយឈ្នះ Celtic ៣-១។ Christophe Nkunku បើកការនាំមុខនៅនាទីទី២៧ មុនពេលដែល Andre Silva រកបានពីរគ្រាប់ម្នាក់ឯងនៅវគ្គទី២។ នេះជាបីពិន្ទុដំបូងសម្រាប់ Leipzig ដើម្បីឈរលេខ៣ ក្នុងពូលមាន ៣ពិន្ទុ ខណៈក្រុមស្កុតឡេន Celtic នៅតែបន្តស្វែងរកជ័យជំនះដំបូងក្រោយមានត្រឹម ១ពិន្ទុឈរក្រោមគេ៕អត្ថបទ៖នាង សុភាវុធ

កៃ វ៉ាន់ស៊ីដែន ដណ្ដើមបានមេដាយមាសនៃព្រឹត្តិការណ៍ Jet Ski World Series 22 នៅអាមេរិក

ម៉ូតូទឹក៖ កីឡាករម៉ូតូទឹកជម្រើសជាតិកម្ពុជា កៃ វ៉ាន់ស៊ីដែន បានបើកទំព័រប្រវត្តិសាស្ដ្រក្នុងអាជីពរបស់ខ្លួនដោយដណ្ដើមបានមេដាយមាសលើកដំបូង ក្នុងការប្រកួតកីឡាម៉ូតូទឹកជ្រើសរើសជើងឯកពិភពលោក Jet Ski World Series Season 2022 សម្រាប់ការប្រកួតជុំទី២ ដែលធ្វើឡើងនៅរដ្ឋ Arizona សហរដ្ឋអាមេរិកក្នុងសប្ដាហ៍នេះ។ ក្នុងចំណោមកីឡាករកម្ពុជា ៥រូបដែលចូលរួមព្រឹត្តិការណ៍នេះ កៃ វ៉ាន់ស៊ីដែន គឺជាកីឡាករដំបូងដែលដណ្ដើមបានមេដាយមាសមុនគេ បន្ទាប់ពីរូបគេធ្វើបានយ៉ាងល្អលើវិញ្ញាសា Novice ski stock។ រីឯកីឡាករផ្សេងៗត្រូវប្រកួតនៅថ្ងៃបន្ដបន្ទាប់ ដ្បិតព្រឹត្តិការណ៍នេះចាប់ផ្ដើមប្រកួតពីថ្ងៃទី០៥ ដល់ថ្ងៃទី០៩ ខែតុលា ឆ្នាំ២០២២។ ក្រៅពីកីឡាករវ័យក្មេង កៃ វ៉ាន់ស៊ីដែន គឺមានម្ចាស់មេដាយមាសកីឡាអាស៊ី សាលី អ៊ូមើត ជាប្រធានក្រុម, កីឡាករ សាលី ហ្វីលីន, មីន មូស្ដាន់ និង មីន អូស្មាន់ ដែលធ្វើការប្រកួតលើផ្សេងៗគ្នា។ បេសកកម្មនេះក៏ជាឱកាសពង្រឹងសមត្ថភាពបន្ថែម ដើម្បីត្រៀមខ្លួនក្នុងការប្រកួតកីឡាស៊ីហ្គេមឆ្នាំ២០២៣ ដែលកម្ពុជានឹងធ្វើម្ចាស់ផ្ទះផងដែរ៕អត្ថបទ៖ លី ឈុនឡា

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan

បាល់ទាត់៖ ក្រុមជើងឯកឆ្នាំ២០២១ តោខៀវ Chelsea ទីបំផុតរកបានជ័យជំនះដំបូងរបស់ខ្លួនក្នុងរដូវកាលនេះនៅក្របខណ្ឌ UEFA Champions League ក្រោយយកឈ្នះក្រុមជើងឯកអ៊ីតាលី AC Milan នៅ Stamford Bridge ៣-០។ នេះជាជ័យជំនះដំបូងផងដែរនៅ UCL ក្នុងអាជីពរបស់អ្នកចាត់ការថ្មី Graham Potter។ ខ្សែការពារតម្លៃថ្លៃ Wesley Fofana រកបានគ្រាប់ដំបូងរបស់ខ្លួននៅ Chelsea ខណៈ Pierre-Emerick Aubameyang និង Reece James រកបានម្នាក់មួយគ្រាប់ផងដែរ។ ខ្សែការពារតម្លៃ ៧០លានផោន Wesley Fofana ក្រោយមកក៏មានរបួស និងត្រូវផ្លាស់ចេញត្រឹមនាទីទី៣៨។ ជ័យជំនះនេះធ្វើឱ្យ Chelsea ឡើងមកលេខ២ ក្នុងពូល E មាន ៤ពិន្ទុស្មើ AC Milan។ ក្រុមឈរលើគេក្នុងពូលគឺ Red Bull Salzburg ដែលបានយកឈ្នះ Dinamo Zagreb ១-០៕អត្ថបទ៖នាង សុភាវុធ

ប្រមុខតេក្វាន់ដូ ITF កម្ពុជាប្រាប់កីឡាករ-កីឡាការិនីកុំបាក់ទឹកចិត្ត ទោះបរាជ័យចូលស៊ីហ្គេមឆ្នាំ២០២៣

តេក្វាន់ដូ៖ ឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជាបានប្រកាសថា ការបញ្ចូលប្រភេទកីឡារបស់ខ្លួនចូលក្នុងស៊ីហ្គេមឆ្នាំ២០២៣ ត្រូវបានបរាជ័យ បន្ទាប់ពីមានការរារាំងពីប្រទេសមួយដែលឯកឧត្តមិនបានបញ្ជាក់ឈ្មោះ មិនឲ្យបណ្ដាប្រទេសអាស៊ានចូលរួម។ យ៉ាងណាក្ដីឯកឧត្តមបានប្រាប់កីឡាករ-កីឡាការិនីរបស់ខ្លួនកុំឲ្យបាក់ទឹកចិត្ត ត្រូវខិតខំប្រឹងប្រែងបន្ថែមដើម្បីត្រៀមការប្រកួតអន្ដរជាតិនានា។ ថ្លែងក្នុងពិធីបិទការប្រកួតជើងឯកថ្នាក់ជាតិកាលពីថ្មីៗ ឯកឧត្តមបានគូសបញ្ជាក់ថា ដោយសារតេក្វាន់ដូ ITF កម្ពុជាខ្លាំងពេក ទើបត្រូវប្រទេសមួយដើរខ្ទប់បណ្ដាប្រទេសអាស៊ានមិនឲ្យបញ្ជូនតេក្វាន់ដូ ITF មកប្រកួតស៊ីហ្គេមឆ្នាំ២០២២។ ទោះបែបនេះ ក៏ឯកឧត្តមថ្លែងនូវអំណរគុណចំពោះសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលបានជំរុញឲ្យគណៈកម្មាធិការជាតិ CAMSOC ក៏ដូចជាក្រសួងអប់រំ យុវជន និងកីឡា ដាក់បញ្ចូលតេក្វាន់ដូ ITF ចូលក្នុងស៊ីហ្គេមឆ្នាំ២០២៣ ទោះបីត្រូវបរាជ័យយ៉ាងណាក៏ដោយ។ ប្រមុខសហព័ន្ធដដែល បានរំលេចថា កីឡាតេក្វាន់ដូ ITF កម្ពុជា តាំងពីគេមិនស្គាល់ អត់មានអ្នកស្គាល់ថា តេក្វាន់ដូ ITF ម៉េច រហូតត្រូវបានគេស្គាល់ ស្គាល់ដល់អន្ដរជាតិ ហើយឯកឧត្តមផ្ទាល់បានក្លាយជាប្រធានសហព័ន្ធតេក្វាន់ដូ ITF អាស៊ីអាគ្នេយ៍ និងជាអនុប្រធានសហព័ន្ធអន្ដរជាតិ ពិសេសត្រូវបានថ្នាក់ដឹកនាំកំពូលប្រទេសកម្ពុជា គឺសម្ដេចតេជោនាយករដ្ឋមន្ដ្រីទទួលស្គាល់ ITF ថា ជាប្រភេទកីឡាតេក្វាន់ដូខ្លាំង។ ក៏ប៉ុន្ដែដោយសារខ្លាំងពេក ទើបគេបិទខ្ទប់ ដោយយកបញ្ហានយោបាយ ជាឬសគល់នៃការរារាំងនេះ។ឯកឧត្តម កែវ រ៉េមី បានពន្យល់បន្ថែមថា កីឡាមានសារៈសំខាន់ណាស់ ហើយការព្យាយាមដាក់តេក្វាន់ដូ ITF ក្នុងស៊ីហ្គេមឆ្នាំ២០២៣ ក៏ដើម្បីជំរុញឲ្យជាតិសាសន៍ ២ ដែលកំពុងបែកបាក់គ្នា មានការរួបរួមគ្នាឡើងវិញតាមរយៈកីឡា។ ប៉ុន្ដែផ្ទុយទៅវិញ ជាតិសាសន៍ ២ នោះដែលពុំត្រូវបានឯកឧត្តមបញ្ជាក់ឈ្មោះថា នៅតែប្រឆាំងគ្នាឥតឈប់ឈរ ទោះបីជាបងប្អូននឹងគ្នាក្ដី។ តាមរយៈការប្រឆាំងគ្នាឥតឈប់ឈរនេះ ឯកឧត្តមមើលឃើញថា ជាតិសាសន៍នេះ គ្មានថ្ងៃរួបរួមគ្នាគ្នាបានឡើយ ទោះបីសម្ដេចតេជោ ហ៊ុន សែន ក៏បានធ្វើបទបង្ហាញក្នុងវេទិការពិភពលោក ចង់ឃើញប្រទេសពីរនោះរួបរួមគ្នាដែរយ៉ាងណាក្ដី។ ឯកឧត្តមបានសម្ដែងនូវការសោកស្ដាយ ដែលការព្យាយាមដាក់តេក្វាន់ដូ ITF ចូលស៊ីហ្គេមឆ្នាំ២០២៣ ត្រូវបរាជ័យ។ តែយ៉ាងណាក្ដី ឯកឧត្តមបានក្រើនរំឮកដល់កីឡាករ-កីឡាការិនីកម្ពុជាថា កម្ពុជាគ្មានអ្វីត្រូវចាញ់នោះទេ ព្រោះកន្លងមកប្រភេទកីឡានេះក៏មិនធ្លាប់ចូលស៊ីហ្គេមដែរ ហើយបើបន្ដមិនចូលទៀតក៏មិនថ្វីដែរ។ ប៉ុន្ដែឯកឧត្តមបានដាស់ស្មារតីឲ្យកីឡាករ-កីឡាការិនីទាំងអស់ត្រូវបន្ដការខិតខំប្រឹងប្រែងទៀត ដើម្បីត្រៀមចូលរួមការប្រកួជើងឯកពិភពលោក និងព្រឹត្តិការណ៍អន្ដរជាតិនានាដើម្បីឈ្នះមេដាយ គឺពួកគេអាចលើកទង់ជាតិកម្ពុជាបានដូចគ្នា។ប្រធានសហព័ន្ធដដែលបានសង្កត់ធ្ងន់ថា យ៉ាងម៉េចក៏ដោយមិនត្រូវបាក់ទឹកចិត្តនោះទេ ព្រោះកម្ពុជាអត់ដែលចាញ់ គ្មានអ្វីត្រូវបាត់បង់ឡើយ។ តាំងពីងើបបាត់ដៃទទេរហូតដល់ហក់ចូលទៅស៊ីហ្គេម ត្រូវគេទប់ខ្វែងដៃខ្វៃជើងគឺជាជោគជ័យមួយទៅហើយ។ មានតែកម្ពុជាប៉ុណ្ណោះដែលបង្កើតប្រវត្តិសាស្ដ្របញ្ចូលតេក្វាន់ដូ ITF ចូលស៊ីហ្គេម សូម្បីតែនៅអឺរ៉ុប ពិភពលោកក៏គេទទួលស្គាល់ និងអបអរសាទរចំពោះស្នាដៃតេក្វាន់ដូ ITF របស់កម្ពុជាដែរ។ ក្នុងនាមសហព័ន្ធ ឯកឧត្ដមបានប្ដេជ្ញាបន្ដជំរុញតេក្វាន់ដូ ITF កម្ពុជាឲ្យកាន់តែខ្លាំង ហើយសង្ឃឹមថា ថ្ងៃណាមួយតេក្វាន់ដូ ITF កម្ពុជា នឹងចូលស៊ីហ្គេមឲ្យខានតែបាន៕អត្ថបទ៖ លី ឈុនឡា

បឹងកេត និងវិសាខាទទួលជ័យជម្នះរៀងខ្លួនក្នុងវគ្គ ១/២ ផ្ដាច់ព្រ័ត្រពានសម្ដេចតេជោជើងទី១

បាល់ទាត់៖ ក្រុមបាល់ទាត់បឹងកេត និងវិសាខាបានយកឈ្នះគូប្រកួតរៀងៗខ្លួន សម្រាប់ការប្រកួតវគ្គពាក់កណ្ដាលផ្ដាច់ព្រ័ត្រជើងទី១ នៃពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) កាលពីល្ងាចថ្ងៃទី០៥ ខែតុលា ឆ្នាំ២០២២។ ក្រុមនាគខៀវបឹងកេតបានយកឈ្នះក្រុមភ្ញៀវអគ្គិសនីកម្ពុជា ៣-០ នៅកីឡដ្ឋានខេមបូឌាអ៊ែរវ៉េរបស់ខ្លួន។ គ្រាប់បាល់ជ័យជម្នះរបស់អតីតក្រុមជើងឯកឆ្នាំ២០១៩ ធ្វើសម្រេចដោយកីឡាករ សេត រ៉ូស៊ីប នៅនាទី២២ និង ២គ្រាប់ទៀត រកបានដោយកីឡាករ ម៉ាត់ នូរុណ នៅនាទី២៥ និងនាទី៩០+៣។ រីឯក្រុមវិសាខាបានយកឈ្នះក្រុមម្ចាស់ផ្ទះភ្នំពេញក្រោនដោយលទ្ធផល ២-១។ ជំនួបដ៏តានតឹងក្រោមតំណក់ភ្លៀងនេះ វិសាខា ជាអ្នករកបាន ១គ្រាប់មុនដោយកីឡាករ អ៊ុក សុវណ្ណ នៅនាទីទី៦ តែត្រូវបានកីឡាករ យ៉ែម ដេវីត រកបានគ្រាប់តាមស្មើឲ្យក្រុមភ្នំពេញក្រោនវិញនៅនាទី១៦ ហើយការប្រកួតបានបន្ដរហូតដល់វគ្គទី២ នៅនាទី៥២ ទើបកីឡាករ រ៉ឹង ប៊ុនហៀង រកបាន ១គ្រាប់បន្ថែមឲ្យវិសាខា ដែលជាគ្រាប់បាល់ជ័យជម្នះតែម្ដង។យ៉ាងណាក្ដីការប្រកួតវគ្គពាក់កណ្ដាលផ្ដាច់ព្រ័ត្រ នៃពានរង្វាន់សម្ដេចតេជោនាយករដ្ឋមន្ដ្រីនេះនៅសល់ ១ជើងទៀត ដើម្បីកាត់សេចក្ដីរកបេក្ខភាពឡើងវគ្គផ្ដាច់ព្រ័ត្រផ្លូវការ ដែលការប្រកួតគ្រោងធ្វើឡើងនាថ្ងៃទី១២ ខែតុលាខាងមុខ ដោយក្រុមអគ្គិសនីកម្ពុជាត្រូវបើកទ្វារផ្ទះទទួលក្រុមបឹងកេតវិញម្ដង ខណៈភ្នំពេញក្រោនត្រូវធ្វើដំណើរទៅតតាំងជាមួយក្រុមការពារតំណែងជើងឯកវិសាខាដូចគ្នា៕អត្ថបទ៖ លី ឈុនឡា

បាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន ២០២២ ឈានដល់វគ្គពាក់កណ្ដាលផ្ដាច់ព្រ័ត្រថ្ងៃពុធនេះ

បាល់ទាត់៖ ការប្រកួតបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៦ ឆ្នាំ២០២២ ថ្ងៃពុធទី៥ ខែតុលានេះ ជាថ្ងៃប្រកួតវគ្គពាក់កណ្តាលផ្តាច់ព្រ័ត្រដោយក្លិបខ្លាំងទាំង៤ រកឃើញហើយ។ នៅកីឡដ្ឋានខេមបូឌា អ៊ែរវ៉េ នាខណ្ឌច្បារអំពៅ ក្លិបបឹងកេតទទួលក្លិបដែលមិនប្រើកីឡាករបរទេសអគ្គិសនីកម្ពុជានៅម៉ោង ៣និង៣០នាទីរសៀល ហើយមានផ្សាយផ្ទាល់តាមទូរទស្សន៍ BTV News។ចំនែកនៅទឹកដី RSN ក្លិបភ្នំពេញក្រោនទទួលក្លិបម្ចាស់ពានវិសាខាម៉ោង ៦និង៣០នាទីល្ងាច។ ចំពោះមុខមុនការប្រកួតមកក្លិបទាំងអស់បានធ្វើហាត់ត្រៀមលក្ខណៈចុងក្រោយ ស្វែងរកកៅអីទៅកាន់វគ្គផ្តាច់ព្រ័ត្រចុងដើមខែក្រោយ។ លោក ហៅ សុជាតិ គ្រូបង្វឹកក្លិបបឹងកេតបានបញ្ជាក់ថា ក្រុមរបស់លោកបានត្រៀមលក្ខណៈរួចរាល់ហើយ។ នេះជាលើកទី៣ ដែលបឹងកេតឡើងវគ្គពាក់កណ្តាលផ្តាច់ព្រ័ត្រតាំងពីពានរង្វាន់សម្តេចតេជោ បង្កើតឡើងក្នុងឆ្នាំ២០០៧ ហើយមានតែឆ្នាំ២០១៩ មួយទេដែលបឹងកេតឡើងដល់វគ្គផ្តាច់ព្រ័ត្រ និងឈ្នះពានលើកដំបូង។ ដើម្បីឡើងមកដល់វគ្គនេះ បឹងកេតបានយកឈ្នះ ២ទល់នឹង០ ក្រៅដី និងស្មើ ៣ទល់នឹង៣ ក្នុងដី សរុបលទ្ធផលរួមបឹងកេតឈ្នះ ៥ទល់នឹង៣។នេះជាលើកទី២ ដែលអគ្គិសនីកម្ពុជាឡើងដល់វគ្គពាក់កណ្តាលផ្តាច់ព្រ័ត្រ ដោយលើកទី១ ធ្វើបាននៅឆ្នាំ២០១៧ តែធ្លាក់ក្រោមថ្វីបច្ចេកទេសរបស់ព្រះខ័នរាជស្វាយរៀង។ តែឆ្នាំនេះអគ្គិសនីកម្ពុជាទម្លាក់ម្ចាស់ពាន ៤សម័យវិញដើម្បីមកជួបបឹងកេត បន្ទាប់ពីជើងទី១ ស្មើគ្នា ១ទល់នឹង១ ក្នុងដី និងជើងទី២ ក្លិបអគ្គិសនីកម្ពុជាឈ្នះ ១ទល់នឹង៣ ក្រៅដី។ជើងទី២ វគ្គពាក់កណ្តាលផ្តាច់ព្រ័ត្រថ្ងៃទី១២ ខែតុលា អគ្គិសនីទទួលបឹងកេតនៅកីឡដ្ឋានអគ្គិសនី និងវិសាខាទទួលភ្នំពេញក្រោននៅពហុកីឡដ្ឋានព្រីនស៍។ សូមជម្រាបជូនថា តាមការគ្រោងទុកវគ្គផ្តាច់ព្រ័ត្រពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០២២ នឹងធ្វើនៅថ្ងៃទី៦ ខែវិច្ឆិកាខាងមុខ ប៉ុន្តែទីកន្លែងប្រកួតមិនទាន់កំណត់នៅឡើយ៕អត្ថបទ៖ គង់ ហួន

Middlesbrough បណ្ដេញអ្នកចាត់ការ Chris Wilder ចេញពីតំណែងក្រោយក្រុមធ្លាក់ដល់លេខ២២

បាល់ទាត់៖ ក្លិប Middlesbrough បានសម្រេចបណ្តេញអ្នកចាត់ការ Chris Wilder ចេញពីតំណែងហើយក្រោយក្លិបធ្លាក់ដល់លេខ២២ ក្នុងតារាងនៅក្របខណ្ឌទី២ League Championship។ Middlesbrough ឈ្នះតែ ២ប្រកួតគត់ក្នុង ១១ប្រកួតចុងក្រោយក្នុងលីគរដូវកាលនេះ ខណៈប្រកួតចុងក្រោយបំផុត Middlesbrough ចាញ់ Coventry City ១-០ កាលពីថ្ងៃសៅរ៍។ គ្រូបង្វឹកវ័យ ៥៥ឆ្នាំរូបនេះទើបតែបានដឹកនាំក្រុមបាន ១១ខែប៉ុណ្ណោះក្រោយទទួលតំណែងបន្តពីលោក Neil Warnock។ ក្នុងចំណោម ១១ខែក្នុងតំណែងលោក Chris Wilder ដឹកនាំក្រុមឈ្នះ ១៨ ក្នុងចំណោម ៤៥ប្រកួតបញ្ចប់រដូវកាលមុនលេខ៧ ក្នុងតារាង។ រដូវកាលមុននេះដែរក្រោមការដឹកនាំលោក Wilder, Middlesbrough ធ្លាប់បានយកឈ្នះ Manchester United និង Tottenham Hotspur នៅ FA Cup៕អត្ថបទ៖នាង សុភាវុធ

អ៊ុយក្រែនគ្រោងចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

បាល់ទាត់៖ ថ្វីបើកំពុងស្ថិតក្នុងភ្នក់ភ្លើងសង្គ្រាមពីរុស្ស៊ី អ៊ុយក្រែនបានប្រកាសខ្លួនពីគម្រោងចូលរួមជាមយយអេស្ប៉ាញ និងព័រទុយហ្កាល់ក្នុងការដេញថ្លៃធ្វើម្ចាស់ផ្ទះរៀបចំព្រឹត្តិការណ៍បាល់ទាត់ពិភពលោក FIFA World Cup 2030 នេះបើតាមការចុះផ្សាយពីសារព័ត៌មាន The Time នៅថ្ងៃចន្ទម្សិលមិញ។ នៅក្នុងគម្រោងរបស់អ៊ុយក្រែន គឺចង់រួមចំនែកធ្វើជាម្ចាស់ផ្ទះរៀបចំការប្រកួតក្នុងពូលមួយចំនួន ដែលត្រូវបានគេដឹងថា នេះជាផែនការមួយរបស់ប្រធានាធិបតីអ៊ុយក្រែនបច្ចុប្បន្នលោក Volodymyr Zelenskiy។ របាយការណ៍ដដែលបន្ថែមថា សហព័ន្ធបាល់ទាត់អេស្ប៉ាញ និងព័រទុយហ្កាល់នឹងប្រកាសពីដៃគូសហការរបស់ខ្លួនផ្លូវការនៃការចូលរួមដេញថ្លៃនេះ ក្នុងសន្និសីទសារព័ត៌មានមួយនៅទីស្នាក់ការកណ្តាលរបស់ UEFA នៅថ្ងៃពុធស្អែកនេះ។ សូមបញ្ជាក់ថា បន្ទាប់ពី World Cup 2022 នៅកាតាដែលនឹងចាប់ផ្តើមនៅខែវិច្ឆិកាខាងមុខ World Cup បន្ទាប់នៅឆ្នាំ២០២៦ នឹងរៀបចំនៅសហរដ្ឋអាមេរិក កាណាដា និងម៉ិកស៊ិក៕អត្ថបទ៖នាង សុភាវុធ

Konate វិលចូលហ្វឹកហាត់វិញស្របពេល Liverpool ជួប Rangers យប់នេះ

បាល់ទាត់៖ ខ្សែការពារ Liverpool, Ibrahima Konate បានត្រលប់មកហ្វឹកហាត់ជាមួយក្រុមវិញហើយ ក្រោយសម្រាករយៈពេល ២ខែដោយសាររបួសសាច់ដុំ ស្របពេល Liverpool នឹងត្រូវទទួលស្វាគមន៍ក្រុមភ្ញៀវស្កុតឡេន Glasgow Rangers យប់នេះក្របខណ្ឌ UEFA Champions League។ Konate បានរងរបួសនេះតាំងពីការប្រកួតកំដៅសាច់ដុំមុនរដូវកាលថ្មីមកដល់ ពេលជួបជាមួយក្លិបបារាំង Strasbourg កាលពីចុងខែកក្កដា និងបានអវត្តមានពីការប្រកួតផ្លូវការទាំងស្រុងតាំងពីពេលនោះមក។ កីឡាករវ័យ ២៣ឆ្នាំរូបនេះត្រូវបាន Liverpool ទិញមកក្នុងតម្លៃ ៣៦លានផោនពី Leipzig កាលពីរដូវកាលមុន។ ការវិលត្រលប់មកវិញរបស់ Konate ក៏បានធ្វើឱ្យលោក Jurgen Klopp ធូរស្បើយអារម្មណ៍បន្តិចដែរ តែកីឡាករផ្សេងទៀតរួមមាន Alex Oxlade-Chamberlain និង Naby Keita នៅតែមិនទាន់ជាពីរបួសភ្លៅនៅឡើយ ស្របពេលដែលខ្សែការពារ Andy Robertson មានរបួសពេលលេងឱ្យស្កុតឡេន។Liverpool មាន ៣ពិន្ទុពីការប្រកួត ២លើករបស់ខ្លួននៅ UCL ក្នុងពូល A នេះដោយចាញ់ Napoli និងឈ្នះ Ajax ខណៈ Rangers ក្រោមគេចាញ់ទាំងពីរប្រកួត។ មួយគូទៀតក្នុងពូល A នេះ Ajax ទទួលក្រុមលេខ១ ក្នុងពូល Napoli៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

ជនអន្តោប្រវេសនាំគ្នាសម្រាកនៅលើឆ្នេរសមុទ្រស្ថិតក្នុងដែនដី Ceuta របស់អេស្ប៉ាញ ក្រោយការជាន់គ្នាស្លាប់មនុស្ស

សារព័ត៌មានរដ្ឋអ៊ីរ៉ង់បង្ហាញស្ពានរងការខូចខាត ក្រោយការវាយប្រហាររបស់សហរដ្ឋអាមេរិក

ពលរដ្ឋហ្គាតេម៉ាឡាជម្លៀសខ្លួនទៅកាន់ទីជម្រក ពេលភ្នំភ្លើងព្រួសកម្អែកាន់តែខ្លាំង

អគ្គិភ័យក្នុងរោងចក្រគីមី បង្ខំឲ្យជម្លៀសអ្នកស្រុក ១៥០នាក់នៅតំបន់ជាយក្រុង Sao Paulo ប្រទេសប្រេស៊ីល

លោក Macron បញ្ជាក់ថា EU នឹងបង្កើនសម្ពាធលើរុស្ស៊ី និងពង្រឹងការគាំទ្រផ្នែកយោធាដល់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Haaland រកបាន ២គ្រាប់ទៀត ខណៈ Man City ឈ្នះ Copenhagen ៥-០ នៅ UCL

Rodrygo និង Vinicius Jr. រកបានម្នាក់មួយគ្រាប់ ខណៈ Real Madrid បន្តឈ្នះ ៣ប្រកួតផ្ទួនៗ

កៃ វ៉ាន់ស៊ីដែន ដណ្ដើមបានមេដាយមាសនៃព្រឹត្តិការណ៍ Jet Ski World Series 22 នៅអាមេរិក

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan

ប្រមុខតេក្វាន់ដូ ITF កម្ពុជាប្រាប់កីឡាករ-កីឡាការិនីកុំបាក់ទឹកចិត្ត ទោះបរាជ័យចូលស៊ីហ្គេមឆ្នាំ២០២៣

បឹងកេត និងវិសាខាទទួលជ័យជម្នះរៀងខ្លួនក្នុងវគ្គ ១/២ ផ្ដាច់ព្រ័ត្រពានសម្ដេចតេជោជើងទី១

បាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន ២០២២ ឈានដល់វគ្គពាក់កណ្ដាលផ្ដាច់ព្រ័ត្រថ្ងៃពុធនេះ

Middlesbrough បណ្ដេញអ្នកចាត់ការ Chris Wilder ចេញពីតំណែងក្រោយក្រុមធ្លាក់ដល់លេខ២២

អ៊ុយក្រែនគ្រោងចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

Konate វិលចូលហ្វឹកហាត់វិញស្របពេល Liverpool ជួប Rangers យប់នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Haaland រកបាន ២​គ្រាប់​ទៀត ​ខណៈ Man City ឈ្នះ Copenhagen ៥-០ នៅ UCL

Rodrygo និង Vinicius Jr. រកបាន​ម្នាក់​មួយ​គ្រាប់​ ខណៈ Real Madrid បន្ត​ឈ្នះ ៣ប្រកួត​ផ្ទួនៗ

កៃ វ៉ាន់​ស៊ី​ដែន ដណ្ដើមបាន​មេដាយមាស​នៃ​ព្រឹត្តិការណ៍​ Jet Ski World Series 22 នៅ​អាមេរិក

Chelsea ស្គាល់​ជ័យជំនះ​នៅ UCL រដូវ​កាល​នេះ​ក្រោយ​ឈ្នះ AC Milan

បឹងកេត និង​វិសាខា​ទទួល​ជ័យជម្នះ​រៀងខ្លួន​ក្នុង​វគ្គ ១/២ ផ្ដាច់ព្រ័ត្រ​ពាន​សម្ដេច​តេ​ជោ​ជើង​ទី​១

Middlesbrough បណ្ដេញ​អ្នកចាត់ការ Chris Wilder ចេញពី​តំណែង​ក្រោយ​ក្រុម​ធ្លាក់​ដល់​លេខ២២

អ៊ុយ​ក្រែ​ន​គ្រោង​ចូលរួម​ជាមួយ​អេ​ស្ប៉ា​ញ និង​ព័រទុយហ្កាល់​ដេញថ្លៃ​ធ្វើ​ម្ចាស់ផ្ទះ World Cup 2030

Konate វិល​ចូល​ហ្វឹកហាត់​វិញ​ស្របពេល Liverpool ជួប Rangers យប់​នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Haaland រកបាន ២គ្រាប់ទៀត ខណៈ Man City ឈ្នះ Copenhagen ៥-០ នៅ UCL

Rodrygo និង Vinicius Jr. រកបានម្នាក់មួយគ្រាប់ ខណៈ Real Madrid បន្តឈ្នះ ៣ប្រកួតផ្ទួនៗ

កៃ វ៉ាន់ស៊ីដែន ដណ្ដើមបានមេដាយមាសនៃព្រឹត្តិការណ៍ Jet Ski World Series 22 នៅអាមេរិក

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan

បឹងកេត និងវិសាខាទទួលជ័យជម្នះរៀងខ្លួនក្នុងវគ្គ ១/២ ផ្ដាច់ព្រ័ត្រពានសម្ដេចតេជោជើងទី១

Middlesbrough បណ្ដេញអ្នកចាត់ការ Chris Wilder ចេញពីតំណែងក្រោយក្រុមធ្លាក់ដល់លេខ២២

អ៊ុយក្រែនគ្រោងចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

Konate វិលចូលហ្វឹកហាត់វិញស្របពេល Liverpool ជួប Rangers យប់នេះ