BTV NEWS

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

Hervé Renard វិលត្រឡប់មកដឹកនាំក្រុមជម្រើសជាតិកូតឌីវ័រ ជាលើកទី២

អ្នកណាខ្លះអាចជាបេក្ខភាពប្រជែងតំណែងប្រធាន FIFA ជាមួយ Gianni Infantino នៅឆ្នាំ២០២៧?

គ្រូបង្វឹកជម្រើសជាតិកាប់វែរ ទទួលបានតំណែងដឹកនាំក្លិបអាជីពមួយនៅម៉ារ៉ុកក្រោយជោគជ័យនៅ World Cup

ព័ត៌មានកីឡា

សហព័ន្ធបាល់ទះប្រកាសរៀបចំ និងទទួលពាក្យចូលរួមប្រកួតពានសម្ដេចតេជោ ហ៊ុន សែន

បាល់ទះ៖ សហព័ន្ធកីឡាបាល់ទះកម្ពុជាបានជូនដំណឹងជាផ្លូវការ ពីការរៀបចំការប្រកួតកីឡាបាល់ទះដណ្ដើមពានរង្វាន់ សម្ដេចអគ្គមហាសេនាបតីតេជោ ហ៊ុន សែន ឆ្នាំ២០២២ ដែលគ្រោងនឹងធ្វើការប្រកួតពីថ្ងៃទី១៥ រហូតដល់ថ្ងៃទី២៨ ខែតុលាខាងមុខនៅពហុកីឡដ្ឋានព្រីនស៍។ តាមរយៈសេចក្ដីជូនដំណឹងនេះដែរ សហព័ន្ធក៏បានអំពាវនាវដល់បណ្ដាក្លិបសមាជិកចំនួន ១២ រួមមានសមាគមបាល់ទះវិសាខា, ក្រសួងមហាផ្ទៃ, ក្លិបកងពលធំអន្ដរាគមន៍លេខ៣, ស្នងការដ្ឋាននគរបាលខេត្តស្វាយរៀង, ខេត្តសៀមរាប, ខេត្តព្រះសីហនុ, ខេត្តបាត់ដំបង, ខេត្តឧត្ដរមានជ័យ, ខេត្តតាកែវ, រាជធានីភ្នំពេញ, ខេត្តកំពង់ស្ពឺ និងក្លិបស្នងការដ្ឋាននគរបាលខេត្ដត្បូងឃ្មុំរួសរាន់ចុះឈ្មោះ ខណៈការទទួលពាក្យចាប់ផ្ដើមពីថ្ងៃជូនដំណឹងរហូតដល់ថ្ងៃទី០២ ខែតុលាខាងមុខនៅទីស្នាក់ការសហព័ន្ធស្ថិតនៅពហុកីឡដ្ឋានជាតិ។លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងកាលពីថ្មីៗថា ពានរង្វាន់សម្ដេចតេជោ ហ៊ុន សែន ធ្វើឡើងក្នុងគោលបំណងសំខាន់ដើម្បីបំផុសការចូលរួម និងជំរុញការអភិវឌ្ឍវិស័យកីឡាបាល់ទះជាតិ តាមរយៈការដុសខាតសមត្ថភាពកីឡាករ ពិសេសកីឡាករជម្រើសជាតិដើម្បីត្រៀមស្វាគមន៍ការប្រកួតកីឡាស៊ីហ្គេមលើកទី៣២ ឆ្នាំ២០២៣ ខាងមុខ។ អ្វីដែលពិសេសសហព័ន្ធក៏បានអញ្ជើញក្រុមជម្រើសជាតិសិង្ហបុរី មកប្រកួតមិត្ដភាពជាមួយក្រុមជម្រើសជាតិកម្ពុជា ដើម្បីអបអរសាទរពិធីបើកការប្រកួតព្រឹត្តិការណ៍ដ៏ធំនេះផងដែរ៕អត្ថបទ៖ លី ឈុនឡា

ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ឈានដល់វគ្គពាក់កណ្តាលផ្តាច់ព្រ័ត្រអាទិត្យនេះ

គុនខ្មែរ៖ ព្រឹត្តិការណ៍ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ក្នុងប្រភេទទំងន់ ៦០គីឡូក្រាមនឹងឈានដល់វគ្គពាក់កណ្តាលផ្តាច់ព្រ័ត្រថ្ងៃអាទិត្យចុងសប្តាហ៍នេះហើយ ក្រោយបញ្ចប់ការប្រកួតវិលចុំសន្សំពិន្ទុដែលចំណាយអស់ពេលប្រមាណជាបីខែ។ សម្រាប់ពូលកម្ពុជាកីឡាករគុនខ្មែរពីររូបរួមមាន ពេជ្រ សម្បត្តិ និង ធន់ ផានិត បានឡើងមកកាន់វគ្គពាក់កណ្តាលផ្តាច់ព្រ័ត្រនេះក្រោយឈ្នះបីប្រកួតចាញ់ ១ប្រកួតដូចគ្នា។ ចំណែកពូលថៃកីឡាករជើងចាស់ ទួនប៉េស៊ីត សាមផាយ៉ាក និង ផាត់ថាណា ស៊ីតអាចានវីន ក៏បានកក់កៅអីនៅវគ្គនេះដែរក្រោយមានសរុប ១០ពិន្ទុប្រកួតឈ្នះ ៣ ចាញ់ ១ ដូចគ្នា។ បើតាមលក្ខខណ្ឌដែលបានចងក្រងសម្រាប់រដូវកាលទី៨ នេះកីឡាករលេខ ១ និងលេខ ២ នៃពូលនីមួយនឹងត្រូវជួបគ្នាតែម្តង មិនខ្វែងដូចរដូវកាលមុនៗឡើយ។ មានន័យថា កូនសិស្សលោកគ្រូ ពេជ្រ សុផាន់ កីឡាករ ពេជ្រ សម្បត្តិ ត្រូវជួបជាមួយកូនសិស្សលោកគ្រូ ធន់ សុភា កីឡាករ ធន់ ផានិត ស្របពេលដែលអ្នកលេងគុនថៃឆ្លងដែនទាំងពីរនាក់ ទួនប៉េ និង ផាត់ថាណា នឹងត្រូវជួបគ្នាផងដែរ។អ្នកឈ្នះនឹងឡើងទៅជួបគ្នានៅវគ្គផ្តាច់ព្រ័ត្រដែលនឹងត្រូវធ្វើឡើងនៅចុងខែតុលាខាងមុខ រវាងកីឡាករគុនខ្មែរជួបជាមួយកីឡាករគុនថៃ។ ដូច្នេះកុំភ្លេចរង់ចាំតាមដានទស្សនាការប្រកួតដ៏កក្រើកនេះ នៅសង្វៀនស្ទូឌីយោស្ទឹងមានជ័យថ្ងៃអាទិត្យចុងសប្តាហ៍នេះវេលាម៉ោង ៦ល្ងាចតទៅ ផ្សាយផ្ទាល់ពីទូរទស្សន៍បាយ័ន និងផេកហ្វេសប៊ុកផ្លូវការ Bayon & BTV Boxing៕អត្ថបទ៖នាង សុភាវុធ

ប្រមុខអូឡាំពិកកម្ពុជា និងអ៊ីរ៉ង់គ្រោងចុះ MOU ដើម្បីពង្រឹងវិស័យកីឡា និងទេសចរណ៍រវាងប្រទេសទាំងពីរ

អូឡាំពិក៖ គណៈកម្មាធិការជាតិអូឡាំពិកកម្ពុជា (NOCC) និងគណៈកម្មាធិការជាតិអូឡាំពិកអ៊ីរ៉ង់ គ្រោងនឹងធ្វើការចុះអនុស្សារណៈយោគយល់គ្នា (MOU) នាពេលឆាប់ៗ ដើម្បីពង្រឹងកិច្ចសហប្រតិបត្តិការលើវិស័យកីឡាផង និងទេសចរណ៍ផងរវាងប្រទេសទាំងពីរ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បន្ទាប់ពីឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធាន NOCC បានអនុញ្ញាតឲ្យប្រធានគណៈកម្មាធិការជាតិអូឡាំពិកអ៊ីរ៉ង់លោក Mahmoud Khosravi Vafa ចូលជួបសម្ដែងការគួរសម និងពិភាក្សាការងារកាលពីថ្ងៃទី២៩ ខែកញ្ញា ឆ្នាំ២០២២ នៅសណ្ឋាគារសុខា។ ឯកឧត្តមមានប្រសាសន៍ថា កិច្ចសន្ទនានេះធ្វើឡើងស្របពេលប្រតិភូកីឡាជាន់ខ្ពស់អ៊ីរ៉ង់បានធ្វើដំណើរមកកម្ពុជា ដើម្បីចូលរួមមហាសន្និបាតក្រុមប្រឹក្សាកីឡាអូឡាំពិកអាស៊ីលើកទី៤១ ចាប់ពីថ្ងៃទី០១-០៥ ខែតុលាខាងមុខ ហើយបានស្នើសុំជួបជាមួយប្រមុខអូឡាំពិកកម្ពុជា ដើម្បីពិភាក្សាការងារ ពិសេសការរៀបចំនូវអនុស្សារណៈយោគយល់គ្នា ដែលផ្ដោតសំខាន់លើការអភិវឌ្ឍវិស័យកីឡា និងទេសចរណ៍។ក្រោយការផ្លាស់ប្ដូរយោបល់គ្នា ភាគីទាំងពីរបានឯកភាពលើការរៀបចំអនុស្សារណៈយោគយល់គ្នានេះ ដែលឯកឧត្តមបានចាត់ទុកជាសញ្ញាណវិជ្ជមានមួយសម្រាប់វិស័យកីឡាកម្ពុជា ក្នុងដំណាក់ការត្រៀមធ្វើម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣។ ប៉ុន្ដែយ៉ាងណាការចុះ MOU នេះអាចកើតឡើងបានក៏ត្រូវឆ្លងកាត់ការស្នើសុំគោលការណ៍ និងការអនុញ្ញាតដ៏ខ្ពង់ខ្ពស់ពីសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជាជាមុនសិនដែរ។ គួរបញ្ជាក់ថា កន្លងមកកម្ពុជា និងអ៊ីរ៉ង់ធ្លាប់មានកិច្ចសហប្រតិបត្តិលើការអភិវឌ្ឍវិស័យកីឡារួចមកហើយ ពិសេសក្នុងអំឡុងពេលកម្ពុជាត្រៀមធ្វើម្ចាស់ផ្ទះស៊ីហ្គេមឆ្នាំ២០២៣ អ៊ីរ៉ង់តែងផ្ដល់នូវការគាំទ្រផ្នែកបច្ចេកទេស និងអ្នកជំនាញកម្រិតខ្ពស់ជួយពង្រឹងដល់ប្រភេទកីឡាមួយចំនួន ជាក់ស្ដែងបច្ចុប្បន្នអ៊ីរ៉ង់បានផ្ដល់គ្រូបង្វឹកដែលមានគុណវុឌ្ឍខ្ពស់ ២រូបដែលកំពុងដឹកនាំក្រុមជម្រើសជាតិកីឡាការ៉ាតេ និងកីឡាចំបាប់ជាដើម ដើម្បីសមត្ថភាពឆ្ពោះទៅប្រកួតប្រជែងមេដាយ ក្នុងព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានាឆ្នាំក្រោយ៕អត្ថបទ៖ លី ឈុនឡា

ជើងចាស់ស្នូកឃ័រទាំងពីរ Mark Williams និង John Higgins ធ្លាក់ពី British Open នៅជុំទី២

ស្នូកឃ័រ៖ កីឡាករស្នូកឃ័រការពារតំណែងជើងឯក British Open, Mark Williams បានធ្លាក់ចេញពីការប្រកួតហើយនៅត្រឹមជុំទី២ ក្រោយចាញ់កីឡាករ Ben Woollaston។ កីឡាករសញ្ជាតិវែលរូបនេះបានរងបរាជ័យដោយលទ្ធផល ៤-១ហ្វ្រេមដោយលទ្ធផលនេះគឺ Williams គឺជាអ្នកឈ្នះហ្វ្រេមដំបូង មុនពេលដែលកីឡាករលំដាប់លេខ៤៤ ពិភពលោក Ben Woollaston វាយបកយកឈ្នះវិញ ៤ហ្វ្រេមជាប់ៗគ្នា។ ងាកមកកីឡាករជើងចាស់មួយរូបទៀត John Higgins ដែលជាអតីតជើងឯក British Open នេះបួនលើកបានរងបរាជ័យក្រោមស្នាដៃកីឡាករចិន Yuan Sijun ដោយលទ្ធផល ៤-៣ហ្វ្រេម។ ក្នុងចំណោម ៣ហ្វ្រេមរបស់ John Higgins មានមួយហ្វ្រេមធ្វើបានមួយឈើ ១៣២ពិន្ទុក្លាយជាកីឡាករទី២ ដែលធ្វើបានលើសពី ១០០ពិន្ទុក្នុងមួយហ្វ្រេមសរុប ៩០០លើក។ មានតែ Ronnie O’Sullivan ប៉ុណ្ណោះដែលឈរលើគេ និងច្រើនជាងគេដាច់ដែរសរុប ១១៧២លើក។ ដោយលទ្ធផលផ្សេងទៀតកីឡាករអង់គ្លេសមួយរូបទៀត Stuart Bingham ក៏ធ្លាក់ត្រឹមជុំទី២ ដែរក្រោយចាញ់កីឡាករចិន Zhao Xintong ៤-១ហ្វ្រេម។ ជាមួយគ្នានោះដែរមិនមានបញ្ហាឡើយសម្រាប់កីឡាករអង់គ្លេស Mark Selby ក្រោយយកឈ្នះ Mark Joyce៕អត្ថបទ៖នាង សុភាវុធ

ដាណឺម៉ាកបញ្ចេញឯកសណ្ឋានសម្រាប់ World Cup ជាមួយនឹងអត្ថន័យប្រឆាំងតវ៉ាម្ចាស់ផ្ទះកាតា

បាល់ទាត់៖ ក្រុមដាណឺម៉ាកនឹងពាក់ឯកសណ្ឋានក្នុងព្រឹត្តិការណ៍ World Cup ដែលមានអត្ថន័យប្រឆាំងនឹងកំណត់ត្រាសិទ្ធិមនុស្សរបស់ប្រទេសកាតាជាម្ចាស់ផ្ទះ ជាមួយនឹងជម្រើសអាវពណ៌ខ្មៅដែលបានបង្ហាញកាលពីថ្ងៃពុធម្សិលមិញ ដើម្បីផ្តល់កិត្តិយសដល់កម្មករចំណាកស្រុកដែលបានស្លាប់ ក្នុងអំឡុងពេលធ្វើការសំណង់បម្រើឱ្យព្រឹត្តិការណ៍។ ក្រុមហ៊ុនផលិតសំលៀកបំពាក់ Hummel បាននិយាយនៅក្នុងការបង្ហោះនៅលើ Instagram ដោយបញ្ចេញការរចនាជម្រើសទីបីពណ៌ខ្មៅថា "ពណ៌នៃការកាន់ទុក្ខ"។ ក្រុមហ៊ុនបាននិយាយថា "យើងគាំទ្រក្រុមជម្រើសជាតិដាណឺម៉ាកគ្រប់មធ្យោបាយ នេះមិនគួរច្រឡំជាមួយនឹងការគាំទ្រសម្រាប់ការប្រកួត ដែលបានធ្វើឱ្យមនុស្សរាប់ពាន់នាក់បាត់បង់ជីវិតរបស់ពួកគេនោះទេ"។ ទោះបីជាច្បាប់របស់ FIFA World Cup ហាមឃាត់មិនឱ្យមានសារពាក់ព័ន្ធនឹងនយោបាយលើឯកសណ្ឋានក្រុមក៏ដោយ អាវដាណឺម៉ាកទាំងបីដែលរចនាជាពណ៌ក្រហម ស និងខ្មៅទាំងអស់មិនបានបង្ហាញជាលាយលក្ខណ៍អក្សរពីសារនយោបាយណាមួយឡើយ។ដាណឺម៉ាកដែលជាក្រុមចំណាត់ថ្នាក់លេខ ១០ របស់ពិភពលោក ដែលបានឈានដល់វគ្គពាក់កណ្តាលផ្តាច់ព្រ័ត្រពានរង្វាន់ទ្វីបអឺរ៉ុបកាលពីឆ្នាំមុន គឺជាក្រុមមួយក្នុងចំណោមក្រុមចំនួន ៣២ ដែលទំនងជាមានជំហររឹងមាំប្រឆាំងនឹងកាតា។ សហព័ន្ធដាណឺម៉ាកក៏បានចូលរួមក្នុងយុទ្ធនាការអឺរ៉ុប ដែលបានចាប់ផ្តើមកាលពីសប្តាហ៍មុន សម្រាប់ប្រធានក្រុមពាក់ខ្សែដៃ "One Love" ពហុពណ៌រាងបេះដូងនៅក្នុងការប្រកួតបាល់ទាត់ពិភពលោក។ សូមរំលឹកថា កាតាត្រូវបានគេរិះគន់យ៉ាងចាស់ដៃក្នុងទសវត្សរ៍ចុងក្រោយនេះ សម្រាប់ការទង្វើរមិនយកចិត្តទុកដាក់លើពលករចំណាកស្រុក ដែលភាគច្រើនមកពីអាស៊ីខាងត្បូង។ ដាណឺម៉ាកត្រូវបានចាប់ឆ្នោតក្នុងពូល World Cup ជាមួយនឹងក្រុមការពារតំណែងជើងឯកបារាំង អូស្ត្រាលី និងទុយនីស៊ី៕អត្ថបទ៖នាង សុភាវុធ

ខ្សែការពារ Everton, Nathan Patterson ត្រូវអវត្តមានដល់ ៥សប្តាហ៍ដោយសាររបួសកជើង

បាល់ទាត់៖ ខ្សែការពារ Everton, Nathan Patterson នឹងត្រូវអវត្តមានយ៉ាងហោចណាស់ ៥សប្តាហ៍បន្ទាប់ពីរងរបួសកជើង អំឡុងការប្រកួតឱ្យក្រុមជំរើសជាតិស្កុតឡេន។ កីឡាករខ្សែការពារស្លាបស្តាំវ័យ ២០ឆ្នាំរូបនេះបានរងរបួសនេះ អំឡុងការប្រកួតដែលស្កុតឡេនយកឈ្នះអ៊ុយក្រែននៅក្របខណ្ឌ UEFA Nations League កាលពីថ្ងៃទី២១ ខែកញ្ញា។ របួសកជើងរបស់ Patterson ត្រូវទទួលការវះកាត់ និងតម្រូវឱ្យសម្រាករបួសដល់ ៥សប្តាហ៍យ៉ាងតិច។ Nathan Patterson គឺជាសមាជិកសំខាន់របស់ Frank Lampard នៅ Everton ដោយបានចូលលេងគ្រប់នាទីទាំងអស់នៅ Premier League រដូវកាលនេះ។ យ៉ាងណាក្តីរបួសនេះនឹងធ្វើឱ្យកីឡាករវ័យ ២០ឆ្នាំរូបនេះអវត្តមានពីការប្រកួតសំខាន់ៗដូចជាពេលជួប Manchester United នៅថៃ្ងអាទិត្យ ទី៩ ខែតុលា និងជួប Spurs ៦ថ្ងៃបន្ទាប់។ Everton ក៏នឹងត្រូវជួបជាមួយ Newcastle, Crystal Palace និង Fulham ផងដែរមុនពេល English Premier League ត្រូវសម្រាកឱ្យក្រុមជំរើសជាតិត្រៀម World Cup 2022 នៅកាតា៕អត្ថបទ៖នាង សុភាវុធ

អតីតកីឡាករ Chelsea និងនីហ្សេរីយ៉ា John Obi Mikel ប្រកាសចូលនិវត្តន៍ក្នុងវ័យ ៣៥ឆ្នាំ

បាល់ទាត់៖ អតីតកីឡាករជម្រើសជាតិនីហ្សេរីយ៉ា John Obi Mikel បានសំរេចចិត្តចូលនិវត្តន៍ពីអាជីពកីឡាករបាល់ទាត់ហើយនៅក្នុងវ័យ ៣៥ឆ្នាំ។ ក្នុងរយៈពេល ១៨ឆ្នាំនៃអាជីពជាកីឡាករបាល់ទាត់របស់ខ្លួន John Obi Mikel និយាយថា ពេញចិត្តនៃអ្វីដែលបានឆ្លងកាត់ និងសមិទ្ធផលនៃអាជីពរបស់ខ្លួន។ ខ្សែបម្រើដែលធ្លាប់លើកពាន UEFA Champions League ជាមួយ Chelsea កាលពីឆ្នាំ២០១២ ធ្លាប់លេងឱ្យជម្រើសជាតិនីហ្សេរីយ៉ា ៨៩លើកឈ្នះពាន Africa Cup of Nations នៅឆ្នាំ២០១៣ មុនពេលចូលនិវត្តន៍ពីក្រុមជម្រើសជាតិនៅឆ្នាំ២០១៩។ ជោគជ័យនៃអាជីពរបស់ Mikel គឺរយៈពេល ១១ឆ្នាំនៅតោខៀវ Chelsea ទោះបីត្រូវរង់ចាំដល់ប្រកួតទី១៨៥ ទើបអាចរកបានគ្រាប់បាល់ដំបូងក៏ដោយ។ សរុបជារួម Obi Mikel បង្ហាញខ្លួនសរុប ២៤៩លើកនៅ Premier League ជាមួយ Chelsea ដែលបូកទាំងការឈ្នះពាន Europa League និង English Premier League ពីរលើក FA Cup បួនលើក និង League Cup ពីរលើក។ បន្ទាប់ពីចាកចេញពី Chelsea នៅឆ្នាំ២០១៧ Obi Mikel បានទៅប្រកបអាជីពនៅទឹកដីចិនជាមួយក្លិប Tianjin TEDA មុនពេលត្រលប់មកកាន់អង់គ្លេសវិញនៅឆ្នាំ២០១៩ ផ្ទេរមកកាន់ Middlesbrough។ បន្តមក Obi Mikel ផ្លាស់ទៅកាន់ក្លិបទួកគី Trabzonspor លេងបានមួយរដូវកាល មុនត្រលប់មកកាន់អង់គ្លេសម្តងទៀតលេងឱ្យ Stoke City។ ចុងក្រោយបំផុត Obi Mikel បានផ្លាស់ទៅកាន់ក្លិបគុយវ៉ែត Kuwait SC តែក៏សម្រេចចិត្តរំលាយកិច្ចសន្យាវិញរយៈពេល ៤ខែបន្ទាប់៕អត្ថបទ៖នាង សុភាវុធ

ខ្សែការពារ Liverpool, Ibrahima Konate វិលមកហ្វឹកហាត់វិញក្រោយរបួសសម្រាកអស់ ២ខែ

បាល់ទាត់៖ ខ្សែការពារ Liverpool, Ibrahima Konate បានត្រលប់មកហ្វឹកហាត់ជាមួយក្រុមវិញហើយក្រោយសម្រាករយៈពេល ២ខែដោយសាររបួសសាច់ដុំ។ Konate បានរងរបួសនេះតាំងពីការប្រកួតកំដៅសាច់ដុំមុនរដូវកាលថ្មីមកដល់ពេលជួបជាមួយក្លិបបារាំង Strasbourg កាលពីចុងខែកក្កដា និងបានអវត្តមានពីការប្រកួតផ្លូវការទាំងស្រុងតាំងពីពេលនោះមក។ កីឡាករវ័យ ២៣ឆ្នាំរូបនេះត្រូវបាន Liverpool ទិញមកក្នុងតម្លៃ ៣៦លានផោនពី Leipzig កាលពីរដូវកាលមុន។ ការវិលត្រលប់មកវិញរបស់ Konate ក៏បានធ្វើឱ្យលោក Jurgen Klopp ធូរស្បើយអារម្មណ៍បន្តិចដែរមុនការប្រកួតចុងសប្តាហ៍នេះទទួលភ្ញៀវ Brighton នៅ Anfield។ ដោយឡែកកីឡាករផ្សេងទៀតរួមមាន Alex Oxlade-Chamberlain និង Naby Keita នៅតែមិនទាន់ជាពីរបួសភ្លៅនៅឡើយ ស្របពេលដែលខ្សែការពារ Andy Robertson មានរបួសពេលលេងឱ្យស្កុតឡេន។ របួសបានបង្អាក់ដំណើរមួយចំណែកធំរបស់ Liverpool រដូវកាលនេះដោយពួកគេរកបានត្រឹម ៩ពិន្ទុប៉ុណ្ណោះពីការប្រកួត ៦លើកនៅ Premier League៕អត្ថបទ៖នាង សុភាវុធ

ក្នុងចំណោមលីគកំពូល ៥ នៅអឺរ៉ុប Premier League ជាលីគដែលមានកីឡាកររងរបួសច្រើនបំផុត

បាល់ទាត់៖ English Premier League ជាលីគបាល់ទាត់ដែលមានកីឡាកររងរបួសច្រើនបំផុត ក្នុងចំណោមលីគកំពូលទាំង ៥ របស់អឺរ៉ុបកាលពីរដូវកាលមុន។ ទិន្នន័យដែលបានប្រមូលពីលីគកំពូលទាំង ៥ របស់អឺរ៉ុបចុះផ្សាយដោយសារព័ត៌មានអង់គ្លេស BBC បានបញ្ជាក់ថា Premier League មានកីឡាកររងរបួសសរុប ១២៣១ករណី ក្នុងនោះ Chelsea រងគ្រោះធ្ងន់បំផុតដោយមានកីឡាកររងរបួសសរុប ៩៧ករណីតូចធំ។ ក្លិបនៅអង់គ្លេសបានបង្ហាញទិន្នន័យនៃការខាតបង់ពីបញ្ហារបួសកីឡាករផងដែរដល់ទៅ ១៨៤.៥៧លានផោន។ សរុបជារួមនៅក្នុងលីគកំពូលទាំង ៥ របស់អឺរ៉ុបរួមមានអង់គ្លេស អេស្ប៉ាញ អ៊ីតាលី អាល្លឺម៉ង់ និងបារាំងមានកីឡាកររងរបួសសរុប ៤៨១០ករណីសំរាប់រដូវកាល ២០២១-២០២២ ដែលជាការកើនឡើង ២០% បើប្រៀបធៀបនឹងរដូវកាល ២០២០-២១។ បើតាមការសិក្សារបស់ភ្នាក់ងារធានារ៉ាប់រងមួយនៅអង់គ្លេសបានរកឃើញថា តម្លៃនៃការខាតបង់ពីបញ្ហារបួសកីឡាករនៅអឺរ៉ុបមានសរុបដល់ទៅ ៥១៣.២៣លានផោនកើនឡើង ២៩%។ ក្លិបបារាំង Paris Saint Germain បានចំណាយដល់ ៣៤.២២លានផោនឈរលើគេលើបញ្ហារបួស ខណៈ Real Madrid ឈរទី២ ចំណាយអស់ ៣៣.៩៥លានផោន។នៅអង់គ្លេស Manchester United, Liverpool, Chelsea និង Manchester City រួមបញ្ចូលគ្នាមានមធ្យមភាគយ៉ាងហោចណាស់ ៣នាក់ត្រូវអវត្តមានក្នុងមួយប្រកួតដោយសារបញ្ហារបួស។ ចំណែកនៅឯកីឡាករក្រោមអាយុ ២១ឆ្នាំក៏មានការកើនឡើងដែរដោយមានសរុប ៣២៦ករណីនៅរដូវកាល ២០២១-២០២២ ខណៈរដូវកាល ២០១៨-១៩ មានត្រឹម ៣០ករណី៕អត្ថបទ៖នាង សុភាវុធ

លោក ជ្រិន សុធា ថា នឹងស្លាប់បិទភ្នែកជិត បើសិនតេក្វាន់ដូ WT ឈ្នះមេដាយអូឡាំពិក

តេក្វាន់ដូ៖ លោកបណ្ឌិត ជ្រិន សុធា អគ្គលេខាធិការខេមរសហព័ន្ធតេក្វាន់ដូ WT កម្ពុជាបានបង្ហើបថា គោលដៅធំបំផុតរបស់សហព័ន្ធគឺដំណើរឆ្ពោះទៅប្រជែងមេដាយអូឡាំពិក ដោយលោកសង្កត់ធ្ងន់ថា នឹងស្លាប់បិទភ្នែកជិត ប្រសិនកីឡាករ-កីឡាការិនីតេក្វាន់ដូ WT កម្ពុជាដណ្ដើមបានមេដាយពីព្រឹត្តិការណ៍ពិភពលោក ៤ឆ្នាំម្ដងនេះ។ អគ្គលេខាធិការសហព័ន្ធដដែលបានបញ្ជាក់ថា ស៊ីហ្គេមឆ្នាំ២០២២ គឺជាគោលដៅមួយដែលជាក្ដីសង្ឃឹមសម្រាប់សហព័ន្ធក្នុងការស្វែងរកមេដាយ ព្រោះស៊ីហ្គេម និងកីឡាអាស៊ីសុទ្ធតែតេក្វាន់ដូ WT ធ្លាប់ដណ្ដើមបានមេដាយមាសរួចហើយ នៅឡើយកីឡាអូឡាំពិក។ ដូច្នេះមហិច្ឆតារបស់សហព័ន្ធគឺធ្វើម៉េចដើម្បីជំរុញការអភិវឌ្ឍសមត្ថភាព និងបច្ចេកទេសកីឡាករ-កីឡាការិនីឆ្ពោះទៅសម្រេចគោលដៅនេះ។ គួរដឹងថា ក្រោយពីដណ្ដើមបានមេដាយស៊ីហ្គេមជាបន្ដបន្ទាប់ តេក្វាន់ដូ WT កម្ពុជាបានបំបែកកំណត់ត្រាប្រវត្តិសាស្ដ្រជូនជាតិ ដោយដណ្ដើមមេដាយមាសកីឡាអាស៊ីលើកដំបូងតាមរយៈវីរៈកីឡាការិនី ស៊ន សៀវម៉ី កាលពីឆ្នាំ២០១៤។ រីឯការប្រកួតកីឡាអូឡាំពិក ពួកគេទើបឆ្លងផុតវគ្គជម្រុះដើម្បីទទួលបានសិទ្ធចូលរួមប្រកួតព្រឹត្តិការណ៍ពិភពលោកនេះម្ដងប៉ុណ្ណោះ ដោយវីរៈកីឡាការិនី ស៊ន សៀវម៉ី ដដែលកាលពីឆ្នាំ២០១៦ កន្លងទៅ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

ជនអន្តោប្រវេសនាំគ្នាសម្រាកនៅលើឆ្នេរសមុទ្រស្ថិតក្នុងដែនដី Ceuta របស់អេស្ប៉ាញ ក្រោយការជាន់គ្នាស្លាប់មនុស្ស

សារព័ត៌មានរដ្ឋអ៊ីរ៉ង់បង្ហាញស្ពានរងការខូចខាត ក្រោយការវាយប្រហាររបស់សហរដ្ឋអាមេរិក

ពលរដ្ឋហ្គាតេម៉ាឡាជម្លៀសខ្លួនទៅកាន់ទីជម្រក ពេលភ្នំភ្លើងព្រួសកម្អែកាន់តែខ្លាំង

អគ្គិភ័យក្នុងរោងចក្រគីមី បង្ខំឲ្យជម្លៀសអ្នកស្រុក ១៥០នាក់នៅតំបន់ជាយក្រុង Sao Paulo ប្រទេសប្រេស៊ីល

លោក Macron បញ្ជាក់ថា EU នឹងបង្កើនសម្ពាធលើរុស្ស៊ី និងពង្រឹងការគាំទ្រផ្នែកយោធាដល់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សហព័ន្ធបាល់ទះប្រកាសរៀបចំ និងទទួលពាក្យចូលរួមប្រកួតពានសម្ដេចតេជោ ហ៊ុន សែន

ប្រមុខអូឡាំពិកកម្ពុជា និងអ៊ីរ៉ង់គ្រោងចុះ MOU ដើម្បីពង្រឹងវិស័យកីឡា និងទេសចរណ៍រវាងប្រទេសទាំងពីរ

ជើងចាស់ស្នូកឃ័រទាំងពីរ Mark Williams និង John Higgins ធ្លាក់ពី British Open នៅជុំទី២

ដាណឺម៉ាកបញ្ចេញឯកសណ្ឋានសម្រាប់ World Cup ជាមួយនឹងអត្ថន័យប្រឆាំងតវ៉ាម្ចាស់ផ្ទះកាតា

ខ្សែការពារ Everton, Nathan Patterson ត្រូវអវត្តមានដល់ ៥សប្តាហ៍ដោយសាររបួសកជើង

អតីតកីឡាករ Chelsea និងនីហ្សេរីយ៉ា John Obi Mikel ប្រកាសចូលនិវត្តន៍ក្នុងវ័យ ៣៥ឆ្នាំ

ខ្សែការពារ Liverpool, Ibrahima Konate វិលមកហ្វឹកហាត់វិញក្រោយរបួសសម្រាកអស់ ២ខែ

ក្នុងចំណោមលីគកំពូល ៥ នៅអឺរ៉ុប Premier League ជាលីគដែលមានកីឡាកររងរបួសច្រើនបំផុត

លោក ជ្រិន សុធា ថា នឹងស្លាប់បិទភ្នែកជិត បើសិនតេក្វាន់ដូ WT ឈ្នះមេដាយអូឡាំពិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សហព័ន្ធ​បាល់ទះ​ប្រកាស​រៀបចំ និង​ទទួល​ពាក្យ​ចូលរួម​ប្រកួត​ពាន​សម្ដេច​តេ​ជោ ហ៊ុន សែន​

ជើងចាស់​ស្នូកឃ័រ​ទាំងពីរ Mark Williams និង John Higgins ធ្លាក់​ពី British Open នៅ​ជុំ​ទី​២

ដា​ណឺ​ម៉ាក​បញ្ចេញ​ឯកសណ្ឋាន​សម្រាប់ World Cup ជាមួយ​នឹង​អត្ថន័យ​ប្រឆាំង​តវ៉ា​ម្ចាស់ផ្ទះ​កាតា​

ខ្សែការពារ Everton, Nathan Patterson ត្រូវ​អវត្តមាន​ដល់ ៥សប្តាហ៍​ដោយសារ​របួស​កជើង

អតីត​កីឡាករ Chelsea និង​នី​ហ្សេ​រី​យ៉ា John Obi Mikel ប្រកាស​ចូលនិវត្តន៍​ក្នុង​វ័យ ៣៥ឆ្នាំ​

ខ្សែការពារ Liverpool, Ibrahima Konate វិល​មក​ហ្វឹកហាត់​វិញ​ក្រោយ​របួស​សម្រាក​អស់ ២ខែ

ក្នុងចំណោម​លី​គ​កំពូល ៥ នៅ​អឺរ៉ុប Premier League ជាលី​គ​ដែលមាន​កីឡាករ​រងរបួស​ច្រើន​បំផុត

លោក ជ្រិ​ន សុធា ថា នឹង​ស្លាប់​បិទ​ភ្នែក​ជិត បើសិន​តេ​ក្វាន់​ដូ​ WT ​ឈ្នះ​មេដាយ​អូឡាំពិក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហព័ន្ធបាល់ទះប្រកាសរៀបចំ និងទទួលពាក្យចូលរួមប្រកួតពានសម្ដេចតេជោ ហ៊ុន សែន

ជើងចាស់ស្នូកឃ័រទាំងពីរ Mark Williams និង John Higgins ធ្លាក់ពី British Open នៅជុំទី២

ដាណឺម៉ាកបញ្ចេញឯកសណ្ឋានសម្រាប់ World Cup ជាមួយនឹងអត្ថន័យប្រឆាំងតវ៉ាម្ចាស់ផ្ទះកាតា

ខ្សែការពារ Everton, Nathan Patterson ត្រូវអវត្តមានដល់ ៥សប្តាហ៍ដោយសាររបួសកជើង

អតីតកីឡាករ Chelsea និងនីហ្សេរីយ៉ា John Obi Mikel ប្រកាសចូលនិវត្តន៍ក្នុងវ័យ ៣៥ឆ្នាំ

ខ្សែការពារ Liverpool, Ibrahima Konate វិលមកហ្វឹកហាត់វិញក្រោយរបួសសម្រាកអស់ ២ខែ

ក្នុងចំណោមលីគកំពូល ៥ នៅអឺរ៉ុប Premier League ជាលីគដែលមានកីឡាកររងរបួសច្រើនបំផុត

លោក ជ្រិន សុធា ថា នឹងស្លាប់បិទភ្នែកជិត បើសិនតេក្វាន់ដូ WT ឈ្នះមេដាយអូឡាំពិក