BTV NEWS

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

Hervé Renard វិលត្រឡប់មកដឹកនាំក្រុមជម្រើសជាតិកូតឌីវ័រ ជាលើកទី២

អ្នកណាខ្លះអាចជាបេក្ខភាពប្រជែងតំណែងប្រធាន FIFA ជាមួយ Gianni Infantino នៅឆ្នាំ២០២៧?

គ្រូបង្វឹកជម្រើសជាតិកាប់វែរ ទទួលបានតំណែងដឹកនាំក្លិបអាជីពមួយនៅម៉ារ៉ុកក្រោយជោគជ័យនៅ World Cup

ព័ត៌មានកីឡា

កីឡដ្ឋានស្ដង់ដារថ្មី ២ នឹងបើកទ្វារស្វាគមន៍ការប្រកួតដំបូងនាចុងសប្ដាហ៍នេះ

បាល់ទាត់៖ កីឡដ្ឋានស្ដង់ដារថ្មីចំនួន ២ នឹងត្រូវបើកទ្វារស្វាគមន៍ការប្រកួតផ្លូវការលើកដំបូងនាចុងសប្ដាហ៍នេះ ពោលគឺមានកីឡដ្ឋានខេត្តកំពង់ស្ពឺដែលជាមូលដ្ឋានរបស់ក្រុមណាហ្គាវើលដ៏ និងកីឡដ្ឋាន KMH Park របស់ក្រុមក្របខណ្ឌលីគទី២ ISI ដង្កោសែនជ័យ។ កីឡដ្ឋានខេត្តកំពង់ស្ពឺត្រូវបានសម្ពោធដាក់ឲ្យប្រើប្រាស់ជាផ្លូវការកាលពីថ្ងៃទី០៦ ខែកញ្ញាកន្លងទៅ បន្ទាប់ពីកីឡដ្ឋានស្ដង់ដារអន្ដរជាតិនេះបានសាងសង់រួចរាល់ជាស្ថាពរ ក្រោមគំនិតផ្ដួចផ្ដើមរបស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអ្នកតំណាងរាស្ដ្រខេត្តកំពង់ស្ពឺ ដែលចំណាយថវិកាសរុបជាង ៤លានដុល្លារ។ សម្រាប់ប្រកួតផ្លូវការដំបូងនៅកីឡដ្ឋានថ្មីសន្លាងនេះ គឺក្រុមណាហ្គាវើលដ៏នឹងត្រូវបើកទ្វារផ្ទះទទួលក្រុមគិរីវង់សុខសែនជ័យ នាល្ងាចថ្ងៃទី០១ ខែតុលា ឆ្នាំ២០២២ ក្នុងក្របខណ្ឌលីគកំពូលកម្ពុជាសប្ដាហទី១៨។ ដោយឡែកកីឡដ្ឋាន KMH Park វិញ ដ្បិតមិនទាន់មានពិធីសម្ពោធដាក់ឲ្យប្រើប្រាស់ផ្លូវការ តែកាលពីចុងខែសីហាកន្លងទៅក្លិប ISI ដង្កោសែនជ័យ បានរៀបចំពិធីបើកដំណើរការសាកល្បង បន្ទាប់ពីកីឡដ្ឋាននេះសាងសង់រួចរាល់ស្ទើរ ១០០%។ ប៉ុន្ដែមកទល់ពេលនេះហេដ្ឋារចនាសម្ព័ន្ធទាំងអស់ត្រូវបានសាងសង់រួចរាល់ ហើយប្រកួតដំបូងដែល ISI ដង្កោសែនជ័យត្រូវបើកទ្វារសម្ពោធការប្រកួតផ្លូវការនៅកីឡដ្ឋានថ្មីរបស់ខ្លួន គឺត្រូវជួបក្រុមយុវជនសាលាបាល់ទាត់ជាតិបាទីក្នុងក្របខណ្ឌលីគទី២ សប្ដាហ៍ទី១៨ ដូចគ្នានាថ្ងៃទី០២ ខែតុលាចុងសប្ដាហ៍នេះ។គួរដឹងថា វត្តមានរបស់កីឡដ្ឋានស្ដង់ដារថ្មីសន្លាងទាំងពីរ ត្រូវបានសាទរពីអ្នកគាំទ្រ និងបានចាត់ទុកជាផ្នែកមួយដ៏សំខាន់នៃការអភិវឌ្ឍវិស័យកីឡាបាល់ទាត់ជាតិ ហើយក៏រួមចំណែកបំផុសចលនាគាំទ្រវិស័យកីឡានេះនៅតាមមូលដ្ឋាននីមួយៗផងដែរ ពិសេសកីឡដ្ឋានខេត្តកំពង់ស្ពឺ ដែលជាកីឡដ្ឋានស្ដង់ដារអន្ដរជាតិលើកដំបូង នឹងប្រើប្រាស់ដោយក្រុមក្របខណ្ឌលីគកំពូលនៅទីនោះ ដើម្បីលើកមុខមាត់ប្រជាពលរដ្ឋខេត្តកំពង់ស្ពឺផ្ទាល់តែម្ដង៕អត្ថបទ៖ លី ឈុនឡា

អេស្ប៉ាញយកឈ្នះព័រទុយហ្កាល់ចុងម៉ោងឡើងវគ្គពាក់កណ្តាលផ្តាច់ព្រ័ត្រ UEFA Nations League

បាល់ទាត់៖ ខ្សែប្រយុទ្ធ Atletico Madrid, Alvaro Morata បានក្លាយជាវីរៈបុរសរបស់អេស្ប៉ាញ បន្ទាប់ពីស៊ុតបញ្ចូលទីគ្រាប់ជ័យជំនះនៅចុងម៉ោងឱ្យអេស្ប៉ាញយកឈ្នះព័រទុយហ្កាល់ ១-០ ឡើងវគ្គពាក់កណ្តាលផ្តាច់ព្រ័ត្រ UEFA Nations League។ អតីតខ្សែប្រយុទ្ធ Chelsea រូបនេះស៊ុតបញ្ចូលទីបានសំរេចនៅនាទីទី៨៨ បន្ទាប់ពីការតែតបញ្ជូនយ៉ាងល្អពី Neco Williams។ ព័រទុយហ្កាល់ដែលមុនការប្រកួតនេះត្រូវការត្រឹមស្មើប៉ុណ្ណោះ ដើម្បីកៅអីនៅវគ្គ ៤ក្រុមចុងក្រោយនោះ មានឱកាសជាច្រើនក្នុងការរកគ្រាប់បាល់ជាពិសេសឱកាសពីរលើករបស់ Cristiano Ronaldo សុទ្ធតែជួយបានដោយអ្នកចាំទីអេស្ប៉ាញ។ ជ័យជំនះនេះធ្វើឱ្យអេស្ប៉ាញត្រូវឡើងវគ្គ ៤ក្រុមចុងក្រោយរួមជាមួយក្រូអាស៊ី អ៊ីតាលី និងហូឡង់។ អេស្ប៉ាញគឺជាជើងឯករង UEFA Nations League រដូវកាលមុនដោយចាញ់បារាំងនៅវគ្គផ្តាច់ព្រ័ត្រ ខណៈព័រទុយហ្កាល់គឺជាជើងឯកនៅរដូវកាល ២០១៨-១៩ ដែលជារដូវកាលចាប់ផ្តើមដំបូងនៃក្របខណ្ឌ UEFA Nations League៕អត្ថបទ៖នាង សុភាវុធ

អតីតខ្សែបម្រើ Man City, Fabian Delph ប្រកាសចូលនិវត្តន៍ត្រឹមវ័យ ៣២ឆ្នាំ

បាល់ទាត់៖ អតីតខ្សែបម្រើ Manchester City, Fabian Delph បានប្រកាសចូលនិវត្តន៍ពីអាជីពកីឡាករបាល់ទាត់ហើយត្រឹមវ័យ ៣២ឆ្នាំប៉ុណ្ណោះ។ Fabian Delph ដែលធ្លាប់បង្ហាញខ្លួនឱ្យក្រុមជំរើសជាតិអង់គ្លេសបាន ២០លើកដែរនោះបានបង្ហាញខ្លួននៅក្របខណ្ឌ English Premier League ជាង ២០០ប្រកួតជាមួយ Leeds United, Aston Villa, Manchester City និង Everton។ ក្នុងរយៈពេល ១៦ឆ្នាំនៃអាជីពបាល់ទាត់របស់ខ្លួន Fabian Delph បានឈ្នះពាន English Premier League ពីរលើកជាមួយ Manchester City និងឡើងវគ្គផ្តាច់ព្រ័ត្រ League Cup និង FA Cup ជាមួយ Aston Villa។ ចុងក្រោយនៃអាជីពរបស់ខ្លួន Fabian Delph បានផ្លាស់មកកាន់ Everton នៅឆ្នាំ២០១៩ និងបង្ហាញខ្លួនបាន ៣៥លើកប៉ុណ្ណោះដោយសារមានរបួសញាំញី។ Fabian Delph ទើបតែបានចាកចេញពី Everton កាលពីខែកក្កដាប៉ុណ្ណោះក្រោយផុតកិច្ចសន្យា៕អត្ថបទ៖នាង សុភាវុធ

ប្រេស៊ីលឈ្នះទុយនីស៊ីជំនួបមិត្តភាព តែ Richarlison រងការរើសអើង

បាល់ទាត់៖ ខ្សែប្រយុទ្ធ Spurs, Richarlison ជាថ្មីម្តងទៀតបានរងគ្រោះក្នុងការរើសអើងពីអ្នកគាំទ្រ អំឡុងការប្រកួតដែលប្រេស៊ីលយកឈ្នះទុយនីស៊ី ៥-១ ក្នុងជំនួបមិត្តភាពអន្តរជាតិយប់មិញនេះនៅទីក្រុងប៉ារីសប្រទេសបារាំង។ Richarlison ជាអ្នកស៊ុតបញ្ចូលទីគ្រាប់នាំមុខ ២-០ បន្ទាប់ពីគ្រាប់ដំបូងធ្វើបានដោយ Raphinha តែការអបអរសាទរគ្រាប់បាល់របស់ Richarlison នោះ អ្នកគាំទ្របានចោលចេកមកលើទីលានដែលជាទង្វើររើសអើងមួយ។ សហព័ន្ធបាល់ទាត់ប្រេស៊ីល ក៏ដូចជាម្ចាស់ផ្ទះបារាំងបានថ្កោលទោស និងទទូចឱ្យរកមុខអ្នកគាំទ្រដែលមានទង្វើរអសីលធម៌នេះ។ ក្រុមសាំបាប្រេស៊ីលបានបន្តការត្រៀមលក្ខណៈយ៉ាងល្អរបស់ខ្លួនមុនឈានទៅ World Cup 2022 នៅកាតាឆ្នាំនេះតាមរយៈជ័យជំនះបន្តបន្ទាប់នៅការប្រកួតអន្តរជាតិនានា។ Raphinha រកបានពីរគ្រាប់ម្នាក់ឯងក្នុងវគ្គទី១ ខណៈ Neymar ក៏រកបានមួយគ្រាប់ដែរដោយបាល់ពិន័យ ១១ម៉ែត្រដែលជាគ្រាប់ទី៧៥ របស់គេឱ្យក្រុមជម្រើសជាតិប្រេស៊ីល និងដេញពីតាមពីក្រោយកំណត់ត្រារបស់ Pele តែ ២គ្រាប់ប៉ុណ្ណោះ។ ប្រេស៊ីលស្ថិតក្នុងពូល G នៅ World Cup ដោយនឹងត្រូវជួបជាមួយស៊ែប ស្វីស និងកាមេរូន៕អត្ថបទ៖នាង សុភាវុធ

កម្ពុជាចាប់អារម្មណ៍ធ្វើម្ចាស់ផ្ទះការប្រកួតបាល់ទះឆ្នេរខ្សាច់អាស៊ី ៤ទល់៤

បាល់ទះ៖ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានបង្ហាញពីចំណាប់អារម្មណ៍ចង់ធ្វើម្ចាស់ផ្ទះការប្រកួតបាល់ទះឆ្នេរខ្សាច់ជើងឯកអាស៊ី ៤នាក់ទល់ ៤នាក់ ដើម្បីបង្ហាញពីសក្ដានុពលវិស័យកីឡាបាល់ទះជាតិទៅលើឆាកអន្ដរជាតិ ពិសេសដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមឆ្នាំ២០២៣ ខាងមុខ។ ការលើកឡើងនេះ បន្ទាប់ពីលោកបានទទួលសារពីសហព័ន្ធកីឡាបាល់ទះអាស៊ី ដែលគ្រោងរៀបចំការប្រកួតបាល់ទះឆ្នេរខ្សាល់ ៤ទល់៤ នាពេលឆាប់ៗខាងមុខ ហើយលោកក៏បានផ្ញើសារតបវិញថា កម្ពុជាចាប់អារម្មណ៍ និងចង់ធ្វើជាម្ចាស់ផ្ទះផងដែរ។ តាមរយៈនេះ លោកនឹងធ្វើការជាមួយថ្នាក់ដឹកនាំសហព័ន្ធ ក៏ដូចជាសហព័ន្ធអន្ដរជាតិដើម្បីពិនិត្យលទ្ធភាពក្នុងការរៀបចំព្រឹត្តិការណ៍កម្រិតអាស៊ីនេះ។គួរដឹងថា មួយរយៈពេលចុងក្រោយនេះ វិស័យបាល់ទះកម្ពុជាត្រូវបានចាប់អារម្មណ៍ខ្លាំងពីអន្ដរជាតិ បន្ទាប់ពីក្រុមបាល់ទះក្នុងសាលកម្ពុជាដណ្ដើមបានមេដាយសំរឹទ្ធ លើកដំបូងក្នុងប្រវត្តិសាស្ដ្រស៊ីហ្គេម។ ហេតុនេះ សហព័ន្ធអន្ដរជាតិតែងអញ្ជើញថ្នាក់ដឹកនាំ និងមន្ដ្រីបច្ចេកទេសកម្ពុជាចូលរួមកម្មវិធីផ្សេងៗ ទាំងការប្រកួត និងវគ្គបណ្ដុះបណ្ដាលបច្ចេកទេស ដើម្បីគាំទ្រវិស័យកីឡាបាល់ទះកម្ពុជា ទាំងបាល់ទះក្នុងសាល និងបាល់ទះឆ្នេរខ្សាច់ក្នុងដំណើរឆ្ពោះទៅស៊ីហ្គេមឆ្នាំ២០២៣ ដែលកម្ពុជាធ្វើម្ចាស់ផ្ទះផងដែរ៕អត្ថបទ៖ លី ឈុនឡា

ប្រធានសហព័ន្ធវ៉ូវីណាមស្នើទូរទស្សន៍ក្នុងស្រុកបង្កើតឲ្យមានការប្រកួត ២ដងក្នុងមួយឆ្នាំ

វ៉ូវីណាម៖ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បានស្នើសុំឲ្យបណ្ដាស្ថានីយទូរទស្សន៍ក្នុងស្រុក ពិចារណារៀបចំកម្មវិធីប្រកួតឲ្យបានយ៉ាងហោច ២ដងក្នុង ១ឆ្នាំដើម្បីរួមចំណែកអភិវឌ្ឍន៍វិស័យកីឡានេះឲ្យកាន់តែរីកចម្រើន ពិសេសដុសខាតសមត្ថភាពកម្រិតខ្ពស់ដល់កីឡាករ-កីឡាការិនីត្រៀមការប្រកួតប្រជែងលើឆាកអន្ដរជាតិ ។ ការគូសបញ្ជាក់នេះ ក្រោយបញ្ចប់ការប្រកួតជើងឯកថ្នាក់ជាតិកាលពីថ្មីៗ ដ្បិតឯកឧត្តមយល់ថា ការប្រកួតជើងឯកថ្នាក់ជាតិ ក៏ដូចជាការប្រកួតកីឡាជាតិលើកទី៣ នាពេលខាងមុខមិនទាន់គ្រប់គ្រាន់សម្រាប់កីឡាករ-កីឡាការិនីដុសខាត់សមត្ថភាពនោះទេ។ ហេតុនេះសហព័ន្ធស្នើឲ្យទូរទស្សន៍ក្នុងស្រុក បង្កើតឲ្យមានសង្វៀនប្រកួតបន្ថែមឲ្យបានលើសពី ២ដងក្នុងមួយឆ្នាំដើម្បីឲ្យកីឡាករ-កីឡាការិនីបង្កើនសិទ្ធផល បន្សាំខ្លួន ពង្រឹងសមត្ថភាព ស្មារតី ពិសេសបច្ចេកទេស និងយុទ្ធសាស្ដ្រលើវិញ្ញាសាប្រកួតរបស់ខ្លួន។ ឯកឧត្តមប្រធានសហព័ន្ធបានសង្កត់ធ្ងន់ថា កាលណាមានការប្រកួតកាន់តែច្រើននឹងធ្វើឲ្យកីឡាករ-កីឡាការិនីមានភាពជឿជាក់ និងមានស្មារតីប្រយុទ្ធកាន់តែល្អប្រសើរនៅលើទីលាន ត្រៀមធ្វើការប្រកួតនៅក្នុងព្រឹត្តិការណ៍កម្រិតអន្តរជាតិនានា ពិសេសព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជា គឺការប្រកួតកីឡាស៊ីហ្គេមលើកទី៣២ ឆ្នាំ២០២៣ ខាងមុខ។ដោយឡែកសហព័ន្ធបានត្រៀមខ្លួនជាស្រេច ក្នុងការសហការរៀបចំលើការងារបច្ចេកទេស ក្នុងការរៀបចំមន្ដ្រីជំនាញចូលរួមរៀបចំការប្រកួត និងពិនិត្យមើលពីសិទ្ធផល កម្លាំងកាយ និងបច្ចេកទេសរបស់កីឡាករ-កីឡាការិនី ដោយគោរពតាមនិយាមបច្ចេកទេសអន្ដរជាតិ ដើម្បីធានាបាននូវការប្រកួតប្រកបដោយភាពត្រឹមត្រូវ។ ម្យ៉ាងក៏ជាឱកាសពង្រឹងសមត្ថភាពមន្ដ្រីបច្ចេកទេស ដូចជាអាជ្ញាកណ្ដាល-ចៅក្រមត្រៀមកាត់សេចក្ដីក្នុងស៊ីហ្គេមឆ្នាំ២០២៣ ផងដែរ។ នេះបើតាមការបញ្ជាក់បន្ថែមរបស់ឯកឧត្តម អ៊ូ រតនា។ គួរដឹងថា កីឡាវ៉ូវីណាមគឺជាកីឡាដ៏មានសក្ដានុពលមួយរបស់កម្ពុជាក្នុងការស្វែងរកមេដាយជូនជាតិ ជាក់ស្ដែងក្នុងការប្រកួតកីឡាស៊ីហ្គេមលើកទី៣១ នៅវៀតណាម កាលពីខែឧសភាកន្លងទៅ ពួកគេដណ្ដើមបានមេដាយច្រើនជាងគេសរុប ១៤គ្រឿងរួមមានមេដាយមាស ៣ ប្រាក់ ២ និងសំរឹទ្ធ ៩។ ប៉ុន្ដែសម្រាប់ស៊ីហ្គេមឆ្នាំ២០២៣ នៅកម្ពុជា សហព័ន្ធបានដាក់គោលដៅដណ្ដើមមេដាយមាសឲ្យបានយ៉ាងហោច ៩គ្រឿង៕អត្ថបទ៖ លី ឈុនឡា

ម្ចាស់ផ្ទះកាតាបង្អួតរថយន្តក្រុងដឹកអ្នកដំណើរ ៤ពាន់គ្រឿងប្រើប្រាស់សម្រាប់ World Cup

បាល់ទាត់៖ ម្ចាស់ផ្ទះកាតាបានដាក់បង្ហាញ និងធ្វើតេស្តសាកល្បងនៃការប្រើប្រាស់រថយន្តក្រុងដឹកអ្នកដំណើរនៅ World Cup 2022 ខែវិច្ឆិកាខាងមុខ នៅពេលប្រទេសដ៏តូចក្នុងតំបន់អារ៉ាប់មួយនេះនឹងទទួលអ្នកគាំទ្របាល់ទាត់ប្រមាណ ១លាន ២សែននាក់។ លោក Thani Al Zarraa ដែលទទួលបន្ទុកមើលការខុសត្រូវ គ្រប់គ្រងលើមធ្យោបាយដឹកជញ្ជូនមនុស្សតាមរថយន្តក្រុងបាននិយាយថា រថយន្តក្រុងប្រមាណ ៤ពាន់គ្រឿងនឹងត្រូវយកមកប្រើប្រាស់សំរាប់ព្រឹត្តិការណ៍បាល់ទាត់ធំជាងគេនៅលើលោកមួយនេះ។ ក្នុងចំណោម ៤ពាន់គ្រឿងនោះមាន ៣ពាន់គ្រឿងទើបទិញថ្មីៗ ហើយក្នុងចំណោមនោះដែរមាន ៧០០គ្រឿងប្រើប្រាស់ថាមពលអគ្គីសនី។ រថយន្តក្រុងទាំងអស់នេះនឹងប្រើប្រាស់សម្រាប់ដឹកអ្នកដំណើរជាអ្នកគាំទ្រ ពីតំបន់ប្រជុំជនសំខាន់ៗទៅកាន់កីឡដ្ឋានទាំង ៨ និងគោលដៅផ្សេងៗទៀត។អ្នកជិះរថយន្តក្រុងទាំងនេះនឹងមិនត្រូវគិតប្រាក់ឡើយចំពោះអ្នកគាំទ្រណាដែលមានកាត Hayya ដែលប្រៀបបាននឹងសំបុត្រចូលទស្សនាការប្រកួត។ រាល់ភ្ញៀវទេសចរណ៍ដែលមកកាន់កាតា ទោះបីជាគ្មានគម្រោងមកទស្សនា World Cup ក្តី ត្រូវការចាំបាច់ឱ្យមានកាត Hayya នេះដើម្បីចូលប្រទេសកាតាបានអំឡុងព្រឹត្តិការណ៍ World Cup៕អត្ថបទ៖នាង សុភាវុធ

កីឡាករចិន Zhou Guanyu បន្តនៅជាមួយក្រុម F1 Alfa Romeo មួយរដូវកាលទៀត

ប្រណាំងរថយន្ត៖ កីឡាករប្រណាំង Formula One ចិន Zhou Guanyu នឹងនៅបន្តស្នាក់នៅជាមួយក្រុមប្រណាំង F1 Alfa Romeo មួយរដូវកាលទៀតនៅឆ្នាំ២០២៣ ខាងមុខ។ កីឡាករវ័យ ២៣ឆ្នាំរូបនេះបានទទួលការកោតសរសើរខ្លាំងពីនាយកបញ្ជាបច្ចេកទេសរបស់ Alfa Romeo លោក Frederic Vasseur ពីការអភិវឌ្ឍខ្លួនក្រោយឡើងមកពី Formula Two។ ចំណែក Zhou Guanyu ក៏បានសម្តែងអារម្មណ៍រីករាយដែរសំរាប់ការសហការជាមួយ Alfa Romeo មួយរដូវកាលទៀតនេះ។ សូមបញ្ជាក់ថា Zou Guanyu ទើបតែឡើងមកកាន់ចង្កូត F1 រដូវកាលដំបូងក្នុងឆ្នាំ២០២២ នេះប៉ុណ្ណោះតែរកបាន ៦ពិន្ទុក្នុងចំណោម ៥២ពិន្ទុសរុបរបស់ក្រុម Alfa Romeo ដែលកំពុងឈរលេខ ៦ ក្នុងតារាងផលិត។ Zhou Guanyu មានស្ថិតិជាមធ្យមក្នុងការប្រណាំងនៅពីក្រោម ០.៤វិនាទីប៉ុណ្ណោះបើប្រៀបធៀបជាមួយមិត្តរួមក្រុមកីឡាករហ្វាំងឡង់ Valtteri Bottas ដែលរកបាន ៤៦ពិន្ទុរដូវកាលនេះក្រោយចាកចេញពី Mercedes ក្រោយចប់រដូវកាលមុន៕អត្ថបទ៖នាង សុភាវុធ

អាល្លឺម៉ង់ប្រកាសផ្តល់ប្រាក់រង្វាន់ ៤០ម៉ឺនអឺរ៉ូម្នាក់សម្រាប់កីឡាករជំរើសជាតិ ប្រសិនឈ្នះជើងឯក World Cup ឆ្នាំនេះ

បាល់ទាត់៖ កីឡាកររបស់ក្រុមជំរើសជាតិអាល្លឺម៉ង់ម្នាក់ៗនឹងទទួលបានប្រាក់រង្វាន់ ៤០ម៉ឺនអឺរ៉ូ ប្រសិនបើអាល្លឺម៉ង់អាចឈ្នះពានបាល់ទាត់ពិភពលោក FIFA World Cup 2022 នៅកាតាឆ្នាំនេះ នេះបើតាមការប្រកាសផ្លូវការរបស់សហព័ន្ធបាល់ទាត់អាល្លឺម៉ង់ DFB កាលពីចុងសប្តាហ៍កន្លងទៅ។ប្រាក់រង្វាន់លើកទឹកចិត្តនេះមានការកើនឡើងបើប្រៀបធៀបនឹង World Cup 2018 នៅរុស្ស៊ីដោយអាល្លឺម៉ង់គ្រោងផ្តល់ប្រាក់រង្វាន់ ៣៥ម៉ឺនអឺរ៉ូប៉ុណ្ណោះក្នុងមួយនាក់ តែអាល្លឺម៉ង់បានត្រឹមវគ្គវិលជុំក្នុងពូលប៉ុណ្ណោះ។ កាលពីពេលអាល្លឺម៉ង់ឈ្នះពាន World Cup 2014 នៅប្រេស៊ីលកីឡាករម្នាក់ៗទទួលបានប្រាក់រង្វាន់ ៣០ម៉ឺនអឺរ៉ូនៅពេលនោះ។ជាមួយគ្នានោះដែរ ប្រសិនបើឆ្លងផុតវគ្គវិលជុំក្នុងពូលកីឡាករអាល្លឺម៉ង់ម្នាក់ៗនឹងទទួលបានប្រាក់រង្វាន់ ៥ម៉ឺនអឺរ៉ូ ឡើងដល់វគ្គ ៨ក្រុមចុងក្រោយទទួលបាន ១០ម៉ឺនអឺរ៉ូ ឡើងដល់វគ្គពាក់កណ្តាលផ្តាច់ព្រ័ត្រ ១៥ម៉ឺនអឺរ៉ូ ទទួលបានចំណាត់ថ្នាក់លេខបី ២០ម៉ឺនអឺរ៉ូ និងជើងឯករង ២៥ម៉ឺនអឺរ៉ូ។ អាល្លឺម៉ង់ស្ថិតក្នុងពូល E នៅ World Cup ឆ្នាំនេះជាមួយអេស្ប៉ាញ កូស្តារីកា និងជប៉ុន។ ព្រឹត្តិការណ៍ World Cup 2022 នៅកាតានឹងចាប់ផ្តើមនៅថ្ងៃទី២០ ខែវិច្ឆិកា ខណៈអាល្លឺម៉ង់នឹងជួបជាមួយជប៉ុននៅថ្ងៃទី២៣៕អត្ថបទ៖នាង សុភាវុធ

ក្រុម F1 Alpha Tauri សម្រេចរក្សាកៅអីកីឡាករជប៉ុន Yuki Tsunoda នៅឆ្នាំក្រោយ

ប្រណាំងរថយន្ត៖ កីឡាករប្រណាំងរថយន្ត F1 ជប៉ុន Yuki Tsunoda នឹងនៅតែជាកីឡាកររបស់ក្រុមប្រណាំង Red Bull Alpha Tauri ដដែលសម្រាប់ឆ្នាំ២០២៣ ខាងមុខ។ កីឡាករវ័យ ២២ឆ្នាំរូបនេះធ្វើបានល្អក្នុងរដូវកាល ២០២២ នេះមិនខុសគ្នាឆ្ងាយប៉ុន្មានឡើយ បើប្រៀបធៀបជាមួយនឹងមិត្តរួមក្រុមកីឡាករបារាំង Pierre Gasly។ លោក Franz Tost នាយកបញ្ជាបច្ចេកទេសរបស់ក្រុម Alpha Tauri និយាយថា Yuki Tsudona ជាកីឡាករដែលមានសមត្ថភាពម្នាក់ ហើយរូបគេតែងតែអភិវឌ្ឍខ្លួនល្អពីមួយឆ្នាំទៅមួយឆ្នាំ។ Yuki Tsunoda កំពុងឈរលេខ ១៦ ក្នុងតារាងជើងឯកពិភពលោកបច្ចុប្បន្នមាន ១១ពិន្ទុ ខណៈមិត្តរួមក្រុម Pierre Gasly ឈរលេខ ១១ មាន ២២ពិន្ទុ។ Yuki Tsunoda ធ្លាប់មានលទ្ធផលល្អបំផុតគឺនៅ Abu Dhabi អារ៉ាប់រួមឆ្នាំ២០២១ ដោយបញ្ចប់នៅចំណាត់ថ្នាក់លេខ៤៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

ជនអន្តោប្រវេសនាំគ្នាសម្រាកនៅលើឆ្នេរសមុទ្រស្ថិតក្នុងដែនដី Ceuta របស់អេស្ប៉ាញ ក្រោយការជាន់គ្នាស្លាប់មនុស្ស

សារព័ត៌មានរដ្ឋអ៊ីរ៉ង់បង្ហាញស្ពានរងការខូចខាត ក្រោយការវាយប្រហាររបស់សហរដ្ឋអាមេរិក

ពលរដ្ឋហ្គាតេម៉ាឡាជម្លៀសខ្លួនទៅកាន់ទីជម្រក ពេលភ្នំភ្លើងព្រួសកម្អែកាន់តែខ្លាំង

អគ្គិភ័យក្នុងរោងចក្រគីមី បង្ខំឲ្យជម្លៀសអ្នកស្រុក ១៥០នាក់នៅតំបន់ជាយក្រុង Sao Paulo ប្រទេសប្រេស៊ីល

លោក Macron បញ្ជាក់ថា EU នឹងបង្កើនសម្ពាធលើរុស្ស៊ី និងពង្រឹងការគាំទ្រផ្នែកយោធាដល់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡដ្ឋានស្ដង់ដារថ្មី ២ នឹងបើកទ្វារស្វាគមន៍ការប្រកួតដំបូងនាចុងសប្ដាហ៍នេះ

អេស្ប៉ាញយកឈ្នះព័រទុយហ្កាល់ចុងម៉ោងឡើងវគ្គពាក់កណ្តាលផ្តាច់ព្រ័ត្រ UEFA Nations League

អតីតខ្សែបម្រើ Man City, Fabian Delph ប្រកាសចូលនិវត្តន៍ត្រឹមវ័យ ៣២ឆ្នាំ

ប្រេស៊ីលឈ្នះទុយនីស៊ីជំនួបមិត្តភាព តែ Richarlison រងការរើសអើង

កម្ពុជាចាប់អារម្មណ៍ធ្វើម្ចាស់ផ្ទះការប្រកួតបាល់ទះឆ្នេរខ្សាច់អាស៊ី ៤ទល់៤

ប្រធានសហព័ន្ធវ៉ូវីណាមស្នើទូរទស្សន៍ក្នុងស្រុកបង្កើតឲ្យមានការប្រកួត ២ដងក្នុងមួយឆ្នាំ

ម្ចាស់ផ្ទះកាតាបង្អួតរថយន្តក្រុងដឹកអ្នកដំណើរ ៤ពាន់គ្រឿងប្រើប្រាស់សម្រាប់ World Cup

កីឡាករចិន Zhou Guanyu បន្តនៅជាមួយក្រុម F1 Alfa Romeo មួយរដូវកាលទៀត

ក្រុម F1 Alpha Tauri សម្រេចរក្សាកៅអីកីឡាករជប៉ុន Yuki Tsunoda នៅឆ្នាំក្រោយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡដ្ឋាន​ស្ដង់ដារ​ថ្មី ២ នឹង​បើកទ្វារ​ស្វាគមន៍​ការប្រកួត​ដំបូង​នា​ចុង​សប្ដាហ៍​នេះ

អេ​ស្ប៉ា​ញ​យកឈ្នះ​ព័រទុយហ្កាល់​ចុង​ម៉ោង​ឡើង​វគ្គ​ពាក់កណ្តាល​ផ្តាច់ព្រ័ត្រ UEFA Nations League

អតីត​ខ្សែបម្រើ Man City, Fabian Delph ប្រកាស​ចូលនិវត្តន៍​ត្រឹម​វ័យ ៣២ឆ្នាំ

ប្រេ​ស៊ី​ល​ឈ្នះ​ទុយ​នី​ស៊ី​ជំនួប​មិត្តភាព ​តែ Richarlison រង​ការរើសអើង

កម្ពុជា​ចាប់អារម្មណ៍​ធ្វើ​ម្ចាស់ផ្ទះ​ការប្រកួត​បាល់ទះ​ឆ្នេរ​ខ្សាច់​អាស៊ី ៤​ទល់​៤

ប្រធាន​សហព័ន្ធ​វ៉ូ​វី​ណា​ម​ស្នើ​ទូរទស្សន៍​ក្នុងស្រុក​បង្កើត​ឲ្យ​មានការ​ប្រកួត ២​ដង​ក្នុង​មួយ​ឆ្នាំ​

ម្ចាស់ផ្ទះ​កាតា​បង្អួត​រថ​យន្ត​ក្រុង​ដឹក​អ្នកដំណើរ ៤​ពាន់​គ្រឿង​ប្រើ​ប្រាស់​សម្រាប់ World Cup

កីឡាករ​ចិន Zhou Guanyu បន្ត​នៅ​ជាមួយ​ក្រុម F1 Alfa Romeo មួយ​រដូវ​កាល​ទៀត​

ក្រុម F1 Alpha Tauri សម្រេច​រក្សា​កៅអី​កីឡាករ​ជប៉ុន Yuki Tsunoda នៅ​ឆ្នាំក្រោយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡដ្ឋានស្ដង់ដារថ្មី ២ នឹងបើកទ្វារស្វាគមន៍ការប្រកួតដំបូងនាចុងសប្ដាហ៍នេះ

អេស្ប៉ាញយកឈ្នះព័រទុយហ្កាល់ចុងម៉ោងឡើងវគ្គពាក់កណ្តាលផ្តាច់ព្រ័ត្រ UEFA Nations League

អតីតខ្សែបម្រើ Man City, Fabian Delph ប្រកាសចូលនិវត្តន៍ត្រឹមវ័យ ៣២ឆ្នាំ

ប្រេស៊ីលឈ្នះទុយនីស៊ីជំនួបមិត្តភាព តែ Richarlison រងការរើសអើង

កម្ពុជាចាប់អារម្មណ៍ធ្វើម្ចាស់ផ្ទះការប្រកួតបាល់ទះឆ្នេរខ្សាច់អាស៊ី ៤ទល់៤

ប្រធានសហព័ន្ធវ៉ូវីណាមស្នើទូរទស្សន៍ក្នុងស្រុកបង្កើតឲ្យមានការប្រកួត ២ដងក្នុងមួយឆ្នាំ

ម្ចាស់ផ្ទះកាតាបង្អួតរថយន្តក្រុងដឹកអ្នកដំណើរ ៤ពាន់គ្រឿងប្រើប្រាស់សម្រាប់ World Cup

កីឡាករចិន Zhou Guanyu បន្តនៅជាមួយក្រុម F1 Alfa Romeo មួយរដូវកាលទៀត

ក្រុម F1 Alpha Tauri សម្រេចរក្សាកៅអីកីឡាករជប៉ុន Yuki Tsunoda នៅឆ្នាំក្រោយ