BTV NEWS

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

Hervé Renard វិលត្រឡប់មកដឹកនាំក្រុមជម្រើសជាតិកូតឌីវ័រ ជាលើកទី២

អ្នកណាខ្លះអាចជាបេក្ខភាពប្រជែងតំណែងប្រធាន FIFA ជាមួយ Gianni Infantino នៅឆ្នាំ២០២៧?

គ្រូបង្វឹកជម្រើសជាតិកាប់វែរ ទទួលបានតំណែងដឹកនាំក្លិបអាជីពមួយនៅម៉ារ៉ុកក្រោយជោគជ័យនៅ World Cup

ព័ត៌មានកីឡា

Ronnie O’Sullivan ធ្លាក់ត្រឹមជុំទី១ ស្នូកឃ័រជើងឯក British Open

ស្នូកឃ័រ៖ កំពូលកីឡាករស្នូកឃ័រជើងឯកពិភពលោក ៧សម័យ Ronnie O’Sullivan បានធ្លាក់ចេញពីព្រឹត្តិការណ៍ស្នូកឃ័រជើងឯក British Open ត្រឹមជុំទី១ ក្រោយរងបរាជ័យក្រោមស្នាដៃកីឡាករលំដាប់លេខ ៦៣ ពិភពលោក Alexander Ursenbacher។ នេះជាបរាជ័យលើកទី៣ របស់ Ronnie O’Sullivan ក្នុងប្រវត្តិជួបជាមួយកីឡាករស្វីសវ័យ ២៦ឆ្នាំរូបនេះ។ កីឡាករវ័យ ៤៦ឆ្នាំ Roonie O’Sullivan ឈ្នះតែមួយប្រកួតគត់ក្នុងប្រវត្តិជួបគ្នា ៤លើកជាមួយ Alexander Ursenbacher។ អ្នកការពារតំណែងជើងឯកពិភពលោក O’Sullivan ចាប់ផ្តើមដោយត្រូវបាន Ursenbacher នាំមុខមុន ២ហ្វ្រេម មុនពេលដែលតាមបានមួយហ្វ្រេមវិញនៅហ្វ្រេមទី៣។ យ៉ាងណាក្តី Ursenbacher ដែលកំពុងមានទំរង់ល្អក៏បានយកឈ្នះ ២ហ្វ្រេមផ្ទួនៗដើម្បីយកឈ្នះការប្រកួតដោយលទ្ធផល ៤-១ហ្វ្រេម។ចំណែកឯលទ្ធផលផ្សេងទៀត Shaun Murphy បានរងបរាជ័យក្រោមស្នាដៃកីឡាករ Gary Wilson និងជាបរាជ័យមិនអស់ចិត្ត បន្ទាប់គ្រាប់កាត់សេចក្តីចុងក្រោយនៃហ្វ្រេមកាត់សេចក្តីទី៧ Murphy វាយបញ្ចូលឡូគ្រាប់ខ្មៅចុងក្រោយតែគ្រាប់សបែជាធ្លាក់ចូលឡូដែរ ធ្វើឱ្យ Gary Wilson ជាអ្នកឈ្នះដោយលទ្ធផល ៤-៣ហ្វ្រេម។ រីឯអ្នកការពារតំណែងជើងឯកនៅ British Open នេះកីឡាករជើងចាស់ Mark Williams មិនមានបញ្ហាឡើយដោយបន្តដំណើរទៅជុំទី២ ជាមួយនឹងអតីតជើងឯកពិភពលោកទាំងពីរ Judd Trump និង Mark Selby៕អត្ថបទ៖នាង សុភាវុធ

Nicolas Latifi នឹងបាត់បង់កៅអី F1 ពីក្រុម Williams ក្រោយចប់រដូវកាលនេះ

ប្រណាំងរថយន្ត៖ កីឡាករប្រណាំង F1 កាណាដា Nicolas Latifi នឹងចាកចេញពីក្រុម F1 Williams ក្រោយចប់រដូវកាល ២០២២ នេះហើយ។ កីឡាករវ័យ ២៧ឆ្នាំរូបនេះបានចូលរួមជាមួយក្រុម Williams តាំងពីឆ្នាំ២០២០ តែមិនអាចប្រជែងជាមួយមិត្តរួមក្រុម George Russell និង Alex Albon បាន។ ក្រុម F1 Williams ទើបតែបានប្រកាសកាលពីដើមខែថា កីឡាករថៃ Alex Albon នឹងបន្តនៅជាមួយក្រុមសម្រាប់ឆ្នាំ ២០២៣។ រដូវកាល ២០២២ នេះ Nicolas Latifi រកមិនទាន់បានសូម្បីមួយពិន្ទុដោយឈរលេខ ២១ ក្នុងតារាងចំណាត់ថ្នាក់ពិភពលោក។ Nicolas Latifi ធ្លាប់មានចំនាត់ថ្នាក់ល្អបំផុតកាលពីឆ្នាំ២០២១ ដោយបានបញ្ចប់ការប្រកួតនៅប្រទេសហុងគ្រីនៅចំណាត់ថ្នាក់លេខ ៧។ ដោយឡែកសម្រាប់កៅអីដែលនឹងមកជំនួសតំណែង Latifi នៅក្រុម Williams ឆ្នាំក្រោយត្រូវបានគេជឿថាជាកីឡាករអូស្ត្រាលី Oscar Piastri ដែលជាជើងឯកពិភពលោក Formula 2៕អត្ថបទ៖នាង សុភាវុធ

Harry Maguire មានបញ្ហាម្តងទៀត ខណៈអង់គ្លេស និងអាល្លឺម៉ង់ស្មើគ្នា ៣-៣ នៅ Wembley

បាល់ទាត់៖ កំហុសពីរចំនុចសំខាន់ៗដោយកីឡាករ ២នាក់របស់អង់គ្លេសធ្វើឱ្យការប្រកួតទល់នឹងអាល្លឺម៉ង់បានបញ្ចប់ត្រឹមលទ្ធផលស្មើគ្នា ៣-៣ ក្នុងជំនួបនៃក្របខណ្ឌ UEFA Nations League។ បន្ទាប់ពីការប្រកួតវគ្គទី១ ដែលគ្មានគ្រាប់បាល់ វគ្គទី២ ខ្សែការពារ Manchester United, Harry Maguire ធ្វើឱ្យមានកំហុសបង្ករឱ្យមានគ្រាប់បាល់ដំបូង ក្រោយបញ្ជូនបាល់ឡើងមិនល្អ ហើយក៏ទាត់ជើង Jamal Musiala ក្នុងប្រអប់គ្រោះថ្នាក់ធ្វើឱ្យ Ilkay Gundogan ជាអ្នកស៊ុតបាល់ ១១ម៉ែត្រឱ្យអាល្លឺម៉ង់នាំមុខមុន។ ខ្សែប្រយុទ្ធ Chelsea, Kai Havertz ជាអ្នកបន្ថែមការនាំមុខ ២-០ ឱ្យអាល្លឺម៉ង់មុនពេលដែល Luke Shaw ស៊ុតតាមពីក្រោយឱ្យអង់គ្លេសវិញ និង Mason Mount ស៊ុតតាមស្មើ ២-២ ត្រឹមនាទីទី៧៥។អង់គ្លេសក៏មានឱកាសនាំមុខសារជាថ្មីដោយបាល់ពិន័យ ១១ម៉ែត្ររបស់ Harry Kane និងគួរតែជាគ្រាប់ជ័យជំនះទៅហើយ តែគ្រាប់តាមស្មើរបស់អាល្លឺម៉ង់ក៏កើតឡើង ដោយសារកំហុសចាប់បាល់មិនជាប់របស់អ្នកចាំទី Nick Pope ធ្វើឱ្យ Kai Havertz ស៊ុតតាមស្មើបានសំរេច ៣-៣។ លទ្ធផលនេះធ្វើឱ្យក្រុមទាំង២ បញ្ចប់ការប្រកួតក្នុងពូលដោយអាល្លឺម៉ង់លេខ៣ មាន ១០ពិន្ទុ និងអង់គ្លេសបាតពូលមានត្រឹម ៣ពិន្ទុ។ អ៊ីតាលីជាអ្នកឈ្នះក្នុងពូលមាន ១១ពិន្ទុឡើងវគ្គពាក់កណ្តាលផ្តាច់ព្រ័ត្រ ខណៈហុងគ្រីបានត្រឹមលេខ២ មាន ១០ពិន្ទុ៕អត្ថបទ៖នាង សុភាវុធ

កម្ពុជាត្រៀមខ្លួនរួចរាល់ដើម្បីរៀបចំមហាសន្និបាតក្រុមប្រឹក្សាកីឡាអូឡាំពិកអាស៊ីចុងសប្ដាហ៍នេះ

កីឡាអូឡាំពិកអាស៊ី៖ កិច្ចប្រជុំក្រុមប្រឹក្សាកីឡាអូឡាំពិកអាស៊ីលើកទី៤ (41st OCA General Assembly) ដែលកម្ពុជាទទួលបានសិទ្ធធ្វើម្ចាស់ផ្ទះនឹងត្រូវរៀបចំចុងសប្ដាហ៍នេះចាប់ពីថ្ងៃទី០១ ដល់ថ្ងៃទី០៥ ខែតុលា ឆ្នាំ២០២២ ដោយមានប្រតិភូកីឡា និងឥស្សរជនជាន់ខ្ពស់នៃចលនាអូឡាំពិកអាស៊ី និងពិភពលោកប្រមាណ ៤០០នាក់ចូលរួម។ បើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានឲ្យដឹងថា ពិធីបើកមហាសន្និបាតនេះនឹងធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ហើយសម្ដេចនឹងថ្លែងនូវសន្ទរកថាគន្លឹះ ដើម្បីបង្ហាញនូវសុច្ឆន្ទៈដ៏ខ្លាំងក្លារបស់រាជរដ្ឋាភិបាល ក្នុងការកសាង និងជំរុញចលនាកីឡាជាតិ ចលនាកីឡាអូឡាំពិក ក៏ដូចជាសន្ទរកថាគន្លឹះ បង្ហាញជូននូវសក្ដានុពលរបស់រាជរដ្ឋាភិបាល ចំពោះនយោបាយកីឡាជាតិ ជាមួយចលនាអូឡាំពិកអន្ដរជាតិ ដើម្បីកសាងសង់ពិភពលោកមួយដ៏ល្អប្រសើរ តាមពាក្យស្លោករបស់អូឡាំពិក “Sports Build Better World” ដែលបានន័យថា កីឡាគឺបានកសាងពិភពលោកមួយឲ្យមានសុខដុមរមនាផងដែរ។រដ្ឋលេខាធិការក្រសួងទេសចរណ៍ដដែលបានបញ្ជាក់ថា កម្ពុជាបានត្រៀមខ្លួនរួចរាល់ដើម្បីស្វាគមន៍ និងរៀបចំព្រឹត្តិការណ៍ដ៏មានសារៈសំខាន់នេះ ពោលគឺរង់ចាំតែការទទួលបដិសណ្ឋារកិច្ចប្រតិភូ និងភ្ញៀវពេលអញ្ជើញមកដល់ប៉ុណ្ណោះ ពិសេសដើម្បីបង្ហាញពីសភាពការណ៍ពិត សន្ដិភាព និងការអភិវឌ្ឍ ដល់បណ្ដាប្រទេសចលនាអូឡាំពិកអន្ដរជាតិទាំងអស់ ដែលនឹងមកចូលរួមមហាសន្និបាតនេះ។ កម្ពុជាបានចាត់ទុកមហាសន្និបាតក្រុមប្រឹក្សាកីឡាអូឡាំពិកអាស៊ីនេះ គឺជាពេលវេលាមួយដ៏កម្រសម្រាប់កម្ពុជាដែលត្រូវបានសហគមន៍អន្ដរជាតិ ក៏ដូចជាក្រុមប្រឹក្សាអូឡាំពិកអាស៊ី មើលឃើញពីភាពជាក់លាក់ និងសក្ដានុពលផ្នែកកីឡា សេដ្ឋកិច្ច ពិសេសសន្ដិភាពពេញលេញនៅកម្ពុជា និងជាប្រទេសគោលដៅសុវត្ថិភាពក្នុងបញ្ហាកូវីដ-១៩ ដែលនាំឲ្យ OCA សម្រេចលើកយកមហាសន្និបាតកម្រិតពិភពលោកនេះមករៀបចំនៅកម្ពុជា ដ្បិតដំបូងឡើងមហាសន្និបាតនេះត្រូវធ្វើនៅចិន តែដោយសារការអាក់ខានដោយសារបញ្ហាកូវីដ-១៩។ឯកឧត្តម វ៉ាត់ ចំរើន មានប្រសាសន៍ថា ផលចំណេញនៃការរៀបចំមហាសន្និបាតនេះ អ្វីដែលសំខាន់គឺកេរ្ដិ៍ឈ្មោះរបស់កម្ពុជា និងការផ្ដល់នូវការគាំទ្រដល់កម្ពុជាពេញទំហឹង ក្នុងការធ្វើម្ចាស់ផ្ទះស៊ីហ្គេម-អាស៊ានប៉ារ៉ាហ្គេមឆ្នាំ២០២៣ និងការធ្វើម្ចាស់ផ្ទះការប្រកួតកីឡាអូឡាំពិកយុវជនអាស៊ីឆ្នាំ២០២៩ ដែលជាព្រឹត្តិការណ៍កំណត់ត្រាប្រវត្តិសាស្ដ្ររបស់កម្ពុជា។ នេះគឺជាអ្វីដែលកម្ពុជាចង់បាន ហើយចង់ឲ្យប្រទេសទាំងអស់ មើលឃើញពីសក្ដានុពលកីឡាជាតិ ហេដ្ឋារចនាសម្ព័ន្ធ ការអភិវឌ្ឍ និងការប្រែមុខមាត់ថ្មីនៃប្រទេសកម្ពុជា ពិសេសទីក្រុងភ្នំពេញក្រោមម្លប់សន្ដិភាព សម័យតេជោ ហើយបណ្ដាប្រទេសចូលរួមទាំងអស់ នឹងផ្ដល់នូវសភាពការណ៍ពិតរបស់កម្ពុជាទៅកាន់ពិភពលោក។ក្រោមការគិតគូរ និងយកចិត្តទុកដាក់របស់ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ CAMSOC ក្រៅពីការត្រៀមលក្ខណៈរៀបចំមហាសន្និបាតក្រុមប្រឹក្សាអូឡាំពិកអាស៊ីនេះ ឯកឧត្តមរដ្ឋមន្ដ្រី ក៏បានដាក់ចេញនូវវិធានការផ្សេងៗ ដូចជាការត្រៀមរៀបចំពិព័រណ៌អំពីស៊ីហ្គេម-អាស៊ានប៉ារ៉ាហ្គេមឆ្នាំ២០២៣, ទស្សនាកម្ពុជាឆ្នាំ២០២៣, ពិព័រណ៌ទេសចរណ៍ និងការរៀបចំកញ្ចប់ទស្សនកិច្ចទៅតាមគោលដៅទេសចរណ៍សំខាន់ដល់ប្រតិភូកីឡាទាំងអស់ ក្រោយបញ្ចប់កិច្ចប្រជុំទៀតផង។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន កាលពីថ្មីៗ៕អត្ថបទ៖ លី ឈុនឡា

Roger Federer បង្ហាញអារម្មណ៍ភ័យខ្លាចមុនការប្រកួតចុងក្រោយបំផុតនៃអាជីព

វាយកូនបាល់៖ កំពូលកីឡាករវាយកូនបាល់ស្វីស Roger Federer បានបង្ហាញអារម្មណ៍ភ័យខ្លាច មុនការប្រកួតចុងក្រោយនៃអាជីពវាយកូនបាល់របស់ខ្លួនក្នុងព្រឹត្តិការណ៍ Laver Cup។ និយាយក្នុងសន្និសីទសារព័ត៌មាន Federer ថា មានរឿងជាច្រើននៅពីក្រោយស្ថានការបែបនេះ ទាំងបញ្ហាកាយសម្បទា និងផ្លូវចិត្ត។ Roger Federer នឹងចូលក្នុងក្រុមជាមួយក្រុមអឺរ៉ុបដែលមានវត្តមានកីឡាករកំពូលៗដូចជា Rafael Nadal, Novak Djokovic និង Andy Murray ដើម្បីប្រកួតជាមួយក្រុមដែលមានកីឡាករមកពីជុំវិញពិភពលោក។ Federer រំពឹងថា នឹងប្រកួតលក្ខណៈវាយគូបើកឆាកនៃព្រឹត្តិការណ៍ Laver Cup នៅទីក្រុងឡុងដ៍ចុងសប្តាហ៍នេះ។ រំលឹកថា Roger Federer បានប្រកាសចូលនិវត្តន៍ពីអាជីពវាយកូនបាល់របស់ខ្លួនកាលពីសប្តាហ៍មុន បន្ទាប់ពីឈ្នះជើងឯកសរុប ១០៣ពានសំខាន់ដែលរួមបញ្ចូលទាំងពាន Grand Slam ២០លើក៕អត្ថបទ៖នាង សុភាវុធ

Manuel Neuer និង Goretzka តេស្តវិជ្ជមានកូវីដ-១៩ ខកខានពីក្រុមអាល្លឺម៉ង់នៅ Nations League

បាល់ទាត់៖ អ្នកចាំទី Bayern Munich, Manuel Neuer និងមិត្តរួមក្រុម Leon Goretzka ត្រូវធ្វើតេស្តឃើញវិជ្ជមានកូវីដ-១៩ ដែលធ្វើឱ្យខកខានពីក្រុមជម្រើសជាតិអាល្លឺម៉ង់នៅការប្រកួតក្របខណ្ឌ UEFA Nations League។ កីឡាកររបស់ Bayern Munich ទាំងពីររូបនៅតែបន្តតាមយន្តការសុខាភិបាលគឺរក្សាខ្លួននៅដាច់ដោយឡែក និងបានចាកចេញពីជំរុំហ្វឹកហាត់របស់អាល្លឺម៉ង់ហើយកាលពីថ្ងៃពុធម្សិលមិញ។ អ្នកទាំង២ នឹងអវត្តមាន ២ប្រកួតជាមួយក្រុមអាល្លឺម៉ង់ពេលជួបហុងគ្រី និងអង់គ្លេសនៅថ្ងៃសុក្រ និងថ្ងៃចន្ទដើមសប្តាហ៍ក្រោយ។ ចំណែកឯកីឡាករដែលប៉ះពាល់ផ្ទាល់ជាមួយអ្នកទាំង២ នឹងត្រូវបានធ្វើតេស្តជារៀងរាល់ថ្ងៃ តែមិនដាក់ឱ្យនៅដាច់ដោយឡែកដូចមុនឡើយ៕អត្ថបទ៖នាង សុភាវុធ

ក្លិបនៅ Premier League ព្រមព្រៀងច្បាប់ដាក់បម្រាមលើទង្វើខុសឆ្គងរបស់អ្នកគាំទ្រ

បាល់ទាត់៖ អ្នកគាំទ្រណាដែលមានអាកប្បកិរិយាមិនសមរម្យ និងរើសអើងជាដើមនឹងត្រូវដាក់បម្រាមយ៉ាងហោចណាស់មួយឆ្នាំ។ ក្លិបបាល់ទាត់នៅ Premier League ទាំងអស់បានយល់ព្រមច្បាប់នេះ រួមជាមួយក្របខណ្ឌបាល់ទាត់អង់គ្លេស English Football League ដែលបានលើកយកមកពិភាក្សាតាំងពីខែកក្កដា។ បន្ទាប់ពីមានការកិច្ចប្រជុំគ្រប់ភាគីពាក់ព័ន្ធ បូករួមទាំងម្ចាស់ភាគហ៊ុននៃក្លិបទាំងអស់នៅ Premier League បានសំរេចដាក់ច្បាប់នេះឱ្យអនុវត្តជាធរមានទាំងការប្រកួតក្នុង និងក្រៅដី ពោលគឺអ្នកគាំទ្រណាម្នាក់ដែលមានកំហុស នឹងត្រូវហាមឃាត់មិនឱ្យចូលទស្សនាបាល់ទាត់ពេញមួយឆ្នាំ។ ខ្សែការពារ Spurs, Eric Dier បានប្រាប់សារព័ត៌មាន BBC ថា បញ្ហារបស់អ្នកគាំទ្រនឹងអាក្រក់ទៅៗ ប្រសិនណាបើមិនមានការចាត់វិធានការណាមួយ។កីឡាករវ័យ ២៨ឆ្នាំជម្រើសជាតិអង់គ្លេសរូបនេះបាននិយាយថា រូបគេ និងក្រុមគ្រួសារតែងតែមានការព្រួយបារម្ភរាល់ការប្រកួតនៅក្រៅទឹកដី។ រំលឹកដែរថា អ្នកចាំទី Aston Villa, Robin Olsen ត្រូវបានគេបំពាននៅការប្រកួតចុងក្រោយបិទរដូវកាលមុននៅទឹកដី Manchester City ស្របពេលដែលអ្នកគាំទ្រ Nottingham Forest ម្នាក់ត្រូវជាប់ពន្ធនាគារបន្ទាប់ពីប្រើក្បាលជល់កីឡាកររបស់ Sheffield United, Billy Sharp នៅការប្រកួត Play-Off រវាងក្រុមទាំងពីរ៕អត្ថបទ៖នាង សុភាវុធ

Fabio Cannavaro ត្រូវបានប្រកាសតែងតាំងជាអ្នកចាត់ការក្លិបអ៊ីតាលី Benevento

បាល់ទាត់៖ អតីតប្រធានក្រុមជម្រើសជាតិអ៊ីតាលីដែលឈ្នះជើងឯកបាល់ទាត់ពិភពលោក FIFA World Cup 2006 នៅអាល្លឺម៉ង់ Fabio Cannavaro ត្រូវបានប្រកាសតែងតាំងជាអ្នកចាត់ការក្លិបនៅក្របខណ្ឌទីពីរអ៊ីតាលី Serie B, Benevento ផ្លូវការហើយ។ អតីតខ្សែការពារ Real Madrid, Juventus និង Inter Milan ដែលជាម្ចាស់ជ័យលាភី Ballon d’Or ផងដែរកាលពីឆ្នាំ២០០៦ នោះនឹងចុះហត្ថលេខារយៈពេល ១ឆ្នាំកន្លះដឹកនាំ Benevento។ Benevento បានធ្លាក់ពីក្របខណ្ឌកំពូល Serie A កាលពីរដូវកាល ២០២០-២១ ខណៈបច្ចុប្បន្នកំពុងឈរលេខ ១៣ នៅ Serie B។ Fabio Cannavaro បានចូលនិវត្តន៍ពីអាជីពកីឡាករបាល់ទាត់កាលពីឆ្នាំ២០១១ និងទទួលបានអាជីពគ្រូបង្វឹក ២ឆ្នាំបន្ទាប់ក្នុងនាមជាជំនួយការនៅក្លិប Al-Ahli របស់អារ៉ាប់រួម មុនពេលដែលក្លាយជាគ្រូបង្គោលក្លិបចិន Guangzhou និងក្លិប Al-Nassr របស់អារ៉ាប៊ីសាអ៊ូឌីត។បុរសវ័យ ៤៩ឆ្នាំរូបនេះក៏ធ្លាប់ដឹកនាំក្រុមជម្រើសជាតិចិនរយៈពេលជិត ២ឆ្នាំដែរមុនពេលលាលែងពីតំណែងដើម្បីផ្តោតអារម្មណ៍លើការដឹកនាំក្លិប Guangzhou។ Fabio Cannavaro ធ្លាប់បាននិយាយកាលពីខែកុម្ភៈថា ត្រៀមខ្លួនរួចរាល់ក្នុងការវិលត្រលប់មកអាជីពគ្រូបង្វឹកនៅអឺរ៉ុប។ Benevento នឹងទទួលស្វាគមន៍ក្រុមលេខ ១១ Ascoli នៅថ្ងៃទី២ ខែតុលាខាងមុខ៕អត្ថបទ៖នាង សុភាវុធ

Floyd Mayweather ប្រកាសចង់ប្រកួតជាមួយ Conor McGregor ឆ្នាំក្រោយ

ប្រដាល់៖ កំពូលកីឡាករប្រដាល់អាមេរិក Floyd Mayweather បានប្រកាសពីបំណងចង់ឡើងសង្វៀនប្រកួតជាមួយតារាប្រដាល់គុនចម្រុះ UFC, Conor McGregor ជាថ្មីម្តងទៀតនៅឆ្នាំ២០២៣ ខាងមុខ។ កីឡាករវ័យ ៤៥ឆ្នាំរូបនេះ បានយកឈ្នះ McGregor ត្រឹមទឹកទី ១០ កាលពីឆ្នាំ២០១៧ ដែលប្រកួតចុងក្រោយនៃអាជីពប្រដាល់របស់ខ្លួន។ ក្រោយ Mayweather ក៏បានធ្វើការប្រកួតមិត្តភាពផ្សេងៗដែរក្រោយពេលចូលនិវត្តន៍ និងចង់ប្រកួតជាមួយ Conor McGregor ម្តងទៀត។ យ៉ាងណាក្តីបន្ទាប់ពីការប្រកាសរបស់ Mayweather នៅលើបណ្តាញសង្គមបែបនេះ McGregor ក៏បានបង្ហោះដែរថាមិនចាប់អារម្មណ៍។ Floyd Mayweather ថែមទាំងនិយាយពីគម្រោងទីតាំងប្រកួតផងដែរ ថ្វីបើមិនមានភ្លើងខៀវពី McGregor ដោយចង់ប្រកួតនៅកីឡដ្ឋាន Allegiant ដែលជាទឹកដីរបស់ក្លិបបាល់ឱបអាមេរិក Las Vegas Raiders។សូមបញ្ជាក់ថា កីឡាករអាមេរិក Floyd Mayweather បានចូលនិវត្តន៍ពីអាជីពប្រដាល់របស់ខ្លួនកាលពីឆ្នាំ២០១៧ ជាមួយនឹងស្ថិតិប្រកួត ៥០លើកឈ្នះទាំង ៥០ ក្រោយមកបានចូលរួមការប្រកួតមិត្តភាពផ្សេងៗដែលមានដូចជាប្រកួតជាមួយកីឡាករគុនចម្រុះ MMA ជប៉ុន Mikuru Asakura ក៏ដូចជាប្រកួតជាមួយតារា YouTube, Logan Paul កាលពីឆ្នាំមុនផងដែរ។ ចំណែកឯ McGregor ដែលវិលមកប្រកួតនៅ UFC វិញក្រោយចាញ់ Mayweather នោះ ធ្វើមិនបានល្អឡើយបន្ទាប់ពីកីឡាករវ័យ ៣៤ឆ្នាំអៀកឡង់រូបនេះចាញ់ ៣ ក្នុងចំណោម ៤ប្រកួតចុងក្រោយ ខណៈបច្ចុប្បន្នកំពុងសម្រាកព្យាបាលរបួសជើងដែលបាក់ពេលចាញ់ Dustin Poirier ឆ្នាំមុន៕អត្ថបទ៖នាង សុភាវុធ

Cristiano Ronaldo គ្មានគម្រោងចូលនិវត្តន៍ និងចង់លេងបាល់ដល់ Euro 2024

បាល់ទាត់៖ ខ្សែប្រយុទ្ធក្រុមបិសាចក្រហម Manchester United, Cristiano Ronaldo គ្មានគម្រោងចូលនិវត្តន៍ពីអាជីពបាល់ទាត់ឡើយ និងមានបំណងលេងដល់ Euro 2024។ កីឡាករវ័យ ៣៧ឆ្នាំរូបនេះបានលើកឡើង អំឡុងពេលទទួលពានពីសហព័ន្ធបាល់ទាត់ព័រទុយហ្កាល់ ក្នុងនាមជាកីឡាករដែលស៊ុតបញ្ចូលទីច្រើនជាងគេឱ្យក្រុមជំរើសជាតិកាលពីថ្ងៃអង្គារថា ដំណើរជីវិតបាល់ទាត់របស់គេមិនទាន់ដល់ទីបញ្ចប់ឡើយ ហើយវានឹងនៅរយៈពេលយូរអង្វែងទៀត ជាពិសេសគឺការផ្តោតអារម្មណ៍ និងមហិច្ឆតាបាល់ទាត់នៅ World Cup ឆ្នាំនេះ និង Euro 2024។Cristiano Ronaldo បានស៊ុតបញ្ចូលទីឱ្យក្រុមជម្រើសជាតិព័រទុយហ្កាល់សរុប ១១៧គ្រាប់ក្នុងការបង្ហាញខ្លួន ១៨៩ប្រកួត ខណៈការលេងនៅ World Cup 2022 ខាងមុខនេះនឹងជាព្រឹត្តិការណ៍បាល់ទាត់សំខាន់ទី១០ ដែលរូបគេបានចូលរួមនៅក្នុងអាជីព។ កីឡាករវ័យ ៣៧ឆ្នាំរូបនេះបានបំបែកកំណត់ត្រាអ្នកស៊ុតបញ្ចូលទីច្រើនបំផុត នៅក្រុមជម្រើសជាតិកាលពីខែកញ្ញា ឆ្នាំ ២០២១ ពេលជួបជាមួយសាធារណរដ្ឋអៀកឡង់ និងបានបំបែកកំណត់ត្រារបស់កីឡាករអ៊ីរ៉ង់ Ali Daei ដែលមានសរុប ១០៩គ្រាប់៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អ៊ីរ៉ង់ និងអាមេរិក អះអាងថាកិច្ចព្រមព្រៀងស្តីពីច្រកសមុទ្ទ Hormuz ជិតសម្រេចបានហើយ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

ជនអន្តោប្រវេសនាំគ្នាសម្រាកនៅលើឆ្នេរសមុទ្រស្ថិតក្នុងដែនដី Ceuta របស់អេស្ប៉ាញ ក្រោយការជាន់គ្នាស្លាប់មនុស្ស

សារព័ត៌មានរដ្ឋអ៊ីរ៉ង់បង្ហាញស្ពានរងការខូចខាត ក្រោយការវាយប្រហាររបស់សហរដ្ឋអាមេរិក

ពលរដ្ឋហ្គាតេម៉ាឡាជម្លៀសខ្លួនទៅកាន់ទីជម្រក ពេលភ្នំភ្លើងព្រួសកម្អែកាន់តែខ្លាំង

អគ្គិភ័យក្នុងរោងចក្រគីមី បង្ខំឲ្យជម្លៀសអ្នកស្រុក ១៥០នាក់នៅតំបន់ជាយក្រុង Sao Paulo ប្រទេសប្រេស៊ីល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ronnie O’Sullivan ធ្លាក់ត្រឹមជុំទី១ ស្នូកឃ័រជើងឯក British Open

Nicolas Latifi នឹងបាត់បង់កៅអី F1 ពីក្រុម Williams ក្រោយចប់រដូវកាលនេះ

Harry Maguire មានបញ្ហាម្តងទៀត ខណៈអង់គ្លេស និងអាល្លឺម៉ង់ស្មើគ្នា ៣-៣ នៅ Wembley

កម្ពុជាត្រៀមខ្លួនរួចរាល់ដើម្បីរៀបចំមហាសន្និបាតក្រុមប្រឹក្សាកីឡាអូឡាំពិកអាស៊ីចុងសប្ដាហ៍នេះ

Roger Federer បង្ហាញអារម្មណ៍ភ័យខ្លាចមុនការប្រកួតចុងក្រោយបំផុតនៃអាជីព

Manuel Neuer និង Goretzka តេស្តវិជ្ជមានកូវីដ-១៩ ខកខានពីក្រុមអាល្លឺម៉ង់នៅ Nations League

ក្លិបនៅ Premier League ព្រមព្រៀងច្បាប់ដាក់បម្រាមលើទង្វើខុសឆ្គងរបស់អ្នកគាំទ្រ

Fabio Cannavaro ត្រូវបានប្រកាសតែងតាំងជាអ្នកចាត់ការក្លិបអ៊ីតាលី Benevento

Floyd Mayweather ប្រកាសចង់ប្រកួតជាមួយ Conor McGregor ឆ្នាំក្រោយ

Cristiano Ronaldo គ្មានគម្រោងចូលនិវត្តន៍ និងចង់លេងបាល់ដល់ Euro 2024

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Ronnie O’Sullivan ធ្លាក់​ត្រឹម​ជុំ​ទី១ ​ស្នូកឃ័រ​ជើងឯក British Open

Nicolas Latifi នឹង​បាត់បង់​កៅអី F1 ពី​ក្រុម Williams ក្រោយ​ចប់​រដូវ​កាល​នេះ​

Harry Maguire មាន​បញ្ហា​ម្តងទៀត ​ខណៈ​អង់គ្លេស និង​អាល្លឺម៉ង់​ស្មើគ្នា ៣-៣ នៅ Wembley

Roger Federer បង្ហាញ​អារម្មណ៍​ភ័យខ្លាចមុន​ការប្រកួត​ចុងក្រោយ​បំផុត​នៃ​អាជីព​

Manuel Neuer និង Goretzka តេស្ត​វិជ្ជមាន​កូ​វីដ​-១៩ ខកខាន​ពី​ក្រុម​អាល្លឺម៉ង់​នៅ Nations League

ក្លិប​នៅ Premier League ព្រមព្រៀង​ច្បាប់​ដាក់​បម្រាម​លើ​ទង្វើ​ខុសឆ្គង​របស់​អ្នកគាំទ្រ​

Fabio Cannavaro ត្រូវ​បានប្រកាស​តែងតាំង​ជា​អ្នកចាត់ការ​ក្លិប​អ៊ីតាលី Benevento

Floyd Mayweather ប្រកាស​ចង់​ប្រកួត​ជាមួយ Conor McGregor ឆ្នាំក្រោយ

Cristiano Ronaldo គ្មាន​គម្រោង​ចូលនិវត្តន៍ និង​ចង់​លេង​បាល់​ដល់ Euro 2024

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Ronnie O’Sullivan ធ្លាក់ត្រឹមជុំទី១ ស្នូកឃ័រជើងឯក British Open

Nicolas Latifi នឹងបាត់បង់កៅអី F1 ពីក្រុម Williams ក្រោយចប់រដូវកាលនេះ

Harry Maguire មានបញ្ហាម្តងទៀត ខណៈអង់គ្លេស និងអាល្លឺម៉ង់ស្មើគ្នា ៣-៣ នៅ Wembley

Roger Federer បង្ហាញអារម្មណ៍ភ័យខ្លាចមុនការប្រកួតចុងក្រោយបំផុតនៃអាជីព

Manuel Neuer និង Goretzka តេស្តវិជ្ជមានកូវីដ-១៩ ខកខានពីក្រុមអាល្លឺម៉ង់នៅ Nations League

ក្លិបនៅ Premier League ព្រមព្រៀងច្បាប់ដាក់បម្រាមលើទង្វើខុសឆ្គងរបស់អ្នកគាំទ្រ

Fabio Cannavaro ត្រូវបានប្រកាសតែងតាំងជាអ្នកចាត់ការក្លិបអ៊ីតាលី Benevento

Floyd Mayweather ប្រកាសចង់ប្រកួតជាមួយ Conor McGregor ឆ្នាំក្រោយ

Cristiano Ronaldo គ្មានគម្រោងចូលនិវត្តន៍ និងចង់លេងបាល់ដល់ Euro 2024