BTV NEWS

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

Hervé Renard វិលត្រឡប់មកដឹកនាំក្រុមជម្រើសជាតិកូតឌីវ័រ ជាលើកទី២

អ្នកណាខ្លះអាចជាបេក្ខភាពប្រជែងតំណែងប្រធាន FIFA ជាមួយ Gianni Infantino នៅឆ្នាំ២០២៧?

គ្រូបង្វឹកជម្រើសជាតិកាប់វែរ ទទួលបានតំណែងដឹកនាំក្លិបអាជីពមួយនៅម៉ារ៉ុកក្រោយជោគជ័យនៅ World Cup

ព័ត៌មានកីឡា

លោក ប៊ូ វីរៈ៖ កីឡាជាតិលើកទី៣ ជាផែនការយុទ្ធសាស្ត្រ សហព័ន្ធម៉ូតូទឹកដុសខាត់សមត្ថភាពឆ្ពោះទៅស៊ីហ្គេមឆ្នាំ២០២៣

ម៉ូតូទឹក៖ លោក ប៊ូ វីរៈ អគ្គលេខាធិការសហព័ន្ធកីឡាម៉ូតូទឹកកម្ពុជាបានបញ្ជាក់ថា សម្រាប់ព្រឹត្តិការណ៍កីឡាជាតិលើកទី៣ ឆ្នាំ២០២២ នេះ សហព័ន្ធបានត្រៀមដាក់ ៥ប្រភេទវិញ្ញាសាអោយអត្តពលិក ២៥រូបមកពី ៧រាជធានី-ខេត្ត-ក្រុង និងក្រសួង ស្ថាប័ន ប្រកួតប្រជែង។ លោកអគ្គលេខាធិការបន្តថា អត្តពលិក ២៥រូបខាងលើ សហព័ន្ធបានធ្វើការជ្រើសរើសយ៉ាងយកចិត្តទុកដាក់ កីឡាករមកពីបណ្តាក្លឹបនានា និងក្រុមជម្រើសជាតិដើម្បីសម្រួច និងដុសខាត់សមត្ថភាពឆ្ពោះទៅដណ្តើមមេដាយពីព្រឹត្តិការណ៍កីឡាស៊ីហ្គេមលើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ក្នុងនោះសហព័ន្ធក៏បានត្រៀមមន្ត្រីបច្ចេកទេសសរុបចំនួន ៣៥នាក់ និង ១០នាក់មកពីក្លឹប Flamingo Jet Ski ប្រទេសថៃ មកជួយរៀបចំកីឡាជាតិលើកទី៣ នេះដែរ។ លោក ប៊ូ វីរៈ បន្ថែមថា កីឡាជាតិលើកទី៣ នេះគឺជាឱកាសអោយអត្តពលិកជម្រើសជាតិដែលហ្វឹកហាត់ជាមួយគ្រូកម្រិតអន្តរជាតិ និងកីឡាករមកពីក្លឹបក្នុងស្រុក និងមន្ត្រីបច្ចេកទេសបានផ្លាស់ប្តូរបទពិសោធន៍ បច្ចេកទេស និងចែករំលែកគ្នាទៅវិញទៅមក ជាពិសេសពិនិត្យមើលពីចំណុចខ្វះខាត ចំណុចខ្សោយ ដើម្បីធ្វើការកែប្រែឱ្យបានល្អប្រសើរត្រៀមខ្លួនចូលរួមក្នុងព្រឹត្តិការណ៍ ទាំងកម្រិតតំបន់ និងអន្តរជាតិនាពេលខាងមុខនេះ។ លោកអគ្គលេខាធិការអះអាងថា សហព័ន្ធមានគម្រោងបើកវគ្គបណ្តុះបណ្តាលកម្រិតជាតិ និងអន្តរជាតិអោយបានច្រើនដង និងបញ្ជូនមន្ត្រីបច្ចេកទេសទៅចូលរួមកាត់សេចក្តីការប្រកួតជាលក្ខណៈអន្តរជាតិផងដែរ។គួរបញ្ជាក់ថា ក្រៅពីការប្រកួតកម្រិតជាតិ ដូចជាការប្រកួតជើងឯកថ្នាក់ជាតិប្រចាំឆ្នាំកីឡាជាតិលើកទី៣ ឆ្នាំ២០២២ សហព័ន្ធមានការប្រកួតកម្រិតទ្វីប ៤លើកក្នុងមួយឆ្នាំ គឺការប្រកួត Jet Ski Pro Tour ជើងឯកតំបន់អាស៊ីនៅថៃ, ការប្រកួត Jet ski World cup និង World Series នាខែកក្កដានៅទ្វីបអឺរ៉ុប ខែតុលានៅសហរដ្ឋអាមេរិក ខែធ្នូការប្រកួតផ្តាច់ព្រ័ត្រនៅប្រទេសថៃ និងការប្រកួត Aquabike world championship ធំជាងគេប្រចាំទ្វីបអឺរ៉ុប។ សូមបញ្ជាក់ផងដែរថា សម្រាប់ទីតាំងប្រកួតកីឡាជាតិលើកទី៣ ឆ្នាំ២០២២ ខាងមុខនេះ សហព័ន្ធបានសម្រេចជ្រើសរើសយកឆ្នេរសុខា ខេត្តព្រះសីហនុ ដែលជាទីតាំងត្រៀមប្រកួតព្រឹត្តិការណ៍ស៊ីហ្គេមលើកទី៣២ នាឆ្នាំ២០២៣ ផងដែរ៕អត្ថបទ៖ លី ឈុនឡា

វាយកូនបាល់ជ្រើសរើសបានកីឡាករឆ្នើមៗ ៥រូបទៅប្រកួត Davis Cup នៅបារ៉ែន

វាយកូនបាល់៖ ក្រុមកីឡាករ-កីឡាការិនីកំពុងត្រៀមខ្លួនយ៉ាងល្អ និងកំពុងត្រៀមចេញទៅប្រកួតព្រឹត្តិការណ៍ Davis Cup 2022 ( Group IV ) នៅប្រទេសបារ៉ែន ដែលគ្រោងចេញដំណើរនៅថ្ងៃទី១២ ខែតុលា និងត្រឡប់មកវិញនៅថ្ងៃទី២៤ ខែតុលា ឆ្នាំ២០២២។ លោក ជា ពៅ គ្រូបង្វឹកកីឡាវាយកូនបាល់កម្ពុជាបានឲ្យដឹងថា ការចេញដំណើរគឺនឹងទៅឲ្យបានមុនការចាប់ផ្ដើមកម្មវិធីប្រកួតពី ៣ ទៅ ៤ថ្ងៃព្រោះក្នុងគោលបំណងហ្វឹកហាត់នៅទីនោះឲ្យបានស៊ាំជាមួយអាកាសធាតុ និងបានសម្រាកគ្រប់គ្រាន់។ ឆ្នាំនេះកម្ពុជាគឺមានមហិច្ឆតាទៅប្រកួតដណ្ដើមយកជ័យជម្នះ ធ្វើយ៉ាងណាឲ្យបានឡើងមកកាន់ Group III វិញ បន្ទប់ពីបានធ្លាក់ទៅ Group IV។ «ការចេញទៅលើកនេះ យើងជឿថា យើងនឹងទទួលបានលទ្ធផលល្អមិនខាន។ យើងមានមហិច្ឆតាចង់ដណ្ដើមយក Group III មកវិញ ព្រោះតែយើងក៏បានប្រឹងប្រែងខ្លាំងមកដែរមួយរយៈពេលមកនេះ។ ឆ្នាំនេះ យើងឃើញថា កីឡាករ-កីឡាការិនីយើងមានសមត្ថភាពរីកចម្រើនច្រើនជាងមុនខ្លាំង»។ នេះជាការលើកឡើងរបស់លោក ជា ពៅ។ គ្រូបង្វឹកដដែលបន្ថែមថា កីឡាករដែលត្រូវទៅប្រកួត មាន ប៊ុន កេន្នី, ឡុង សំនៀង, ឃ្លាំង ពន្លក, ក្រូសលីន ម៉ាធីវដាវីត និង ឡេង សារិនរាជ។ ក្រៅពីនេះក៏មានគ្រូបង្វឹក គ្រូជំនួយ គ្រូពេទ្យផ្នែកចលនា និងថ្នាក់ដឹកនាំ សរុបទាំងអស់ ៩នាក់៕អត្ថបទ៖ លី ឈុនឡា

កម្ពុជានឹងលេងដោយទំនុកចិត្តទល់បង់ក្លាដែសយប់នេះ ទោះមិនសូវសម្បូរកីឡាករមានបទពិសោធន៍ក៏ដោយ

បាល់ទាត់៖ លោក Ryu Hirose គ្រូបង្វឹកក្រុមជម្រើសជាតិកម្ពុជាបានលើកឡើងថា ក្រុមរបស់ខ្លួននឹងលេងដោយទំនុកចិត្តក្នុងជំនួបមិត្តភាពអន្ដរជាតិជាមួយក្រុមជម្រើសជាតិបង់ក្លាដែស នាវេលាម៉ោង ៧យប់ថ្ងៃទី២២ ខែកញ្ញានេះ ទោះបីមិនសូវសម្បូរកីឡាករមានបទពិសោធន៍ក៏ដោយ។ គ្រូបង្វឹកជនជាតិជប៉ុនរូបនេះបានថ្លែងក្នុងសន្និសីទសារព័ត៌មានមុនការប្រកួតថា កម្ពុជាកំពុងស្រេកឃ្លានជ័យជម្នះក្នុងការប្រកួតនេះ ប៉ុន្ដែមិនមានន័យថា ជាការប្រកួតដែលងាយស្រួលនោះទេ តែវាជាកាតព្វកិច្ចដែលកូនក្រុមរបស់ខ្លួនត្រូវខំប្រឹងយកឈ្នះឲ្យខានតែបានក្នុងនាមជាម្ចាស់ផ្ទះ។ បុរសវ័យ ៦៦ឆ្នាំដដែលបានបញ្ជាក់ថា ទោះបីជាការប្រមូលផ្ដុំលើកនេះមិនសូវមានកីឡាករដែលមានបទពិសោធន៍ លេងឲ្យក្រុមជម្រើសជាតិឈុតធំកម្ពុជាដូចមុន តែក្រុមរបស់ខ្លួននឹងលេងដោយមានទំនុកចិត្ដខ្ពស់ និងលេងឲ្យអស់ពីសមត្ថភាព ដើម្បីស្វែងរកលទ្ធផលល្អក្នុងជំនួបមិត្តភាពអន្ដរជាតិនេះ។ ដោយឡែកលោក Javier Fernandez Cabrera Martin គ្រូបង្វឹកក្រុមជម្រើសជាតិបង់ក្លាដែស បានសម្ដែងការកោតសរសើរក្រុមជម្រើសជាតិកម្ពុជា ដែលបានត្រៀមខ្លួនយ៉ាងល្អដើម្បីស្វាគមន៍ក្រុមរបស់ខ្លួន ហើយក៏ជាកត្ដាសំខាន់សម្រាប់កីឡាកររបស់ខ្លួន ត្រៀមខ្លួនតតាំងជាមួយក្រុមម្ចាស់ផ្ទះកម្ពុជាផងដែរ។អាស្រ័យហេតុនេះ ក្រុមបង់ក្លាដែសគឺបានត្រៀមកម្លាំងកាយ និងកម្លាំងចិត្តរួចរាល់ ដើម្បីបង្ហាញភាពខ្លាំងរបស់ខ្លួន ក្នុងការប្រកួតមិត្តភាពអន្ដរជាតិនេះ និងស្វែងរកជ័យជម្នះឲ្យខានតែបាននៅលើទឹកដីរបស់កម្ពុជា។ នេះបើតាមការបញ្ជាក់បន្ថែមរបស់គ្រូបង្វឹកជនជាតិអេស្ប៉ាញដដែល។ គួរដឹងថា សមាសភាពកីឡាករនៃក្រុមជម្រើសជាតិកម្ពុជាលើកនេះមានការផ្លាស់ប្ដូរមួយចំនួន បន្ទាប់ពីអ្នកចាត់ការទូទៅក្រុមលោក Keisuke Honda សម្រេចជ្រើសរើសកីឡាករជម្រើសជាតិដោយត្រូវធ្វើតេស្ដកម្លាំងអំណត់ 30-15IFT test។ តាមរយៈនេះបានធ្វើឲ្យកីឡាករមានបទពិសោធន៍ជោគជាំជាមួយក្រុមជម្រើសជាតិកម្ពុជាជាច្រើនត្រូវអវត្តមាន បន្ទាប់ពីពួកគេបរាជ័យក្នុងការធ្វើតេស្ដ ដែលជំនួសមកវិញដោយកីឡាករវ័យក្មេងជាច្រើន ដែលមិនសូវជាប់ជម្រើសជាតិនាពេលកន្លងមក៕អត្ថបទ៖ លី ឈុនឡា

ជ័យលាភី World Cup 2006 ជាមួយអ៊ីតាលី Fabio Cannavaro គ្រោងមកដឹកនាំក្លិបមួយនៅ Serie B

បាល់ទាត់៖ អតីតប្រធានក្រុមជម្រើសជាតិអ៊ីតាលីដែលឈ្នះជើងឯកបាល់ទាត់ពិភពលោក FIFA World Cup 2006 នៅអាល្លឺម៉ង់ Fabio Cannavaro ត្រូវបានគេដឹងថា ខិតជិតមកដឹកនាំក្លិបបាល់ទាត់នៅក្របខណ្ឌទីពីរអ៊ីតាលី Serie B, Benevento នេះបើតាមការចុះផ្សាយរបស់សារព័ត៌មានកីឡាអ៊ីតាលីមួយ។ អតីតខ្សែការពារ Real Madrid, Juventus និង Inter Milan ដែលជាម្ចាស់ជ័យលាភី Ballon d’Or ផងដែរកាលពីឆ្នាំ២០០៦ នោះនឹងចុះហត្ថលេខារយៈពេល ១ឆ្នាំកន្លះដឹកនាំ Benevento។ Benevento បានធ្លាក់ពីក្របខណ្ឌកំពូល Serie A កាលពីរដូវកាល ២០២០-២១ ខណៈបច្ចុប្បន្នកំពុងឈរលេខ ១៣ នៅ Serie B។ Fabio Cannavaro បានចូលនិវត្តន៍ពីអាជីពកីឡាករបាល់ទាត់កាលពីឆ្នាំ២០១១ និងទទួលបានអាជីពគ្រូបង្វឹក ២ឆ្នាំបន្ទាប់ក្នុងនាមជាជំនួយការនៅក្លិប Al-Ahli របស់អារ៉ាប់រួម មុនពេលដែលក្លាយជាគ្រូបង្គោលក្លិបចិន Guangzhou និងក្លិប Al-Nassr របស់អារ៉ាប៊ីសាអ៊ូឌីត។បុរសវ័យ ៤៩ឆ្នាំរូបនេះក៏ធ្លាប់ដឹកនាំក្រុមជម្រើសជាតិចិនរយៈពេលជិត ២ឆ្នាំដែរមុនពេលលាលែងពីតំណែងដើម្បីផ្តោតអារម្មណ៍លើការដឹកនាំក្លិប Guangzhou។ Fabio Cannavaro ធ្លាប់បាននិយាយកាលពីខែកុម្ភៈថា ត្រៀមខ្លួនរួចរាល់ក្នុងការវិលត្រលប់មកអាជីពគ្រូបង្វឹកនៅអឺរ៉ុប។ Benevento នឹងទទួលស្វាគមន៍ក្រុមលេខ ១១ Ascoli នៅថ្ងៃទី២ ខែតុលាខាងមុខ៕អត្ថបទ៖នាង សុភាវុធ

គ្មាន Ramos គ្មាន Fati អេស្ប៉ាញហ្វឹកហាត់ត្រៀម Nations League ជួបស្វីស និងព័រទុយហ្កាល់

បាល់ទាត់៖ ក្រុមបាល់ទាត់ជម្រើសជាតិអេស្ប៉ាញបានប្រមូលផ្តុំហ្វឹកហាត់នៅទីក្រុង Madrid ដើម្បីត្រៀមលក្ខណៈសម្រាប់ការប្រកួតក្របខណ្ឌ UEFA Nations League សប្តាហ៍នេះ។ កីឡាករក្នុងបញ្ជី ២៥នាក់មានកីឡាករចំនូលថ្មី Nico Williams ខ្សែបម្រើស្លាបរបស់ Athletic Bilbao និងខ្សែប្រយុទ្ធវ័យ ២៩ឆ្នាំរបស់ Real Betis, Borja Iglesias។ គ្រូបង្វឹកអេស្ប៉ាញលោក Luis Enrique ក៏មិនបានកោះហៅកីឡាករមួយចំនួនដែលនាំអេស្ប៉ាញឡើងវគ្គពាក់កណ្តាលផ្តាច់ព្រ័ត្រ Euro កន្លងទៅមានដូចជា Gerard Moreno, Mikel Oyarzabal និង Dani Olmo ក៏ដូចជាខ្សែការពារកណ្តាល Aymeric Laporte ជាដើម។ ជាមួយគ្នានោះដែរ Ansu Fati ក៏អវត្តមានដែរ បន្ទាប់ពីមិនសូវមានឱកាសលេងបាល់នៅ Barcelona ខណៈអតីតប្រធានក្រុមអេស្ប៉ាញ Sergio Ramos ក៏ដូចគ្នា។ អេស្ប៉ាញនឹងត្រូវទទួលស្វាគមន៍ស្វីសនៅទីក្រុង Zaragoza នៅថ្ងៃទី២៤ ខែកញ្ញានេះ មុនធ្វើដំណើរទៅទីក្រុង Braga ជួបព័រទុយហ្កាល់បីថ្ងៃបន្ទាប់។ អេស្ប៉ាញកំពុងនាំមុខគេក្នុងពូលនេះមាន ៨ពិន្ទុ ១ពិន្ទុពីលើព័រទុយហ្កាល់៕អត្ថបទ៖នាង សុភាវុធ

UEFA សម្រេចហាមមិនឲ្យរុស្ស៊ីប្រកួតជម្រុះ Euro 2024 ដោយសារបញ្ហាសង្គ្រាមនៅអ៊ុយក្រែន

បាល់ទាត់៖ សមាគមបាល់ទាត់ទ្វីបអឺរ៉ុប UEFA បានសម្រេចដាក់បម្រាមមិនឱ្យរុស្ស៊ីប្រកួតជម្រុះ Euro 2024 ឡើយដោយសារតែបញ្ហាសង្គ្រាមនៅលើទឹកដីអ៊ុយក្រែន។ សហព័ន្ធបាល់ទាត់រុស្ស៊ី ក៏ដូចជាក្លិបបាល់ទាត់រុស្ស៊ីត្រូវបានដាក់បម្រាមដោយ UEFA និង FIFA តាំងពីចាប់ផ្តើមជម្លោះនៅទឹកដីអ៊ុយក្រែនកាលពីខែកុម្ភៈម្ល៉េះ។ ការចាប់ឆ្នោតបែកចែកពូលប្រកួតជម្រុះ Euro 2024 នឹងធ្វើឡើងនៅទីក្រុង Frankfurt ប្រទេសអាល្លឺម៉ង់ថ្ងៃទី៩ ខែតុលាខាងមុខ។ រំលឹកថា រុស្ស៊ីធ្លាប់បានធ្វើការប្តឹងតវ៉ាបម្រាមទៅកាន់តុលាការកណ្តាលកីឡាដែរ តែមិនជោគជ័យកាលពីខែកក្កដាកន្លងទៅ។ រុស្ស៊ីត្រូវបានដកសិទ្ធពីការប្រកួត Play-Off យកកៅអី World Cup 2022 នេះដែរកាលពីខែមីនា ខណៈក្រុមបាល់ទាត់ស្ត្រីរុស្ស៊ីក៏ត្រូវបានដកហូតសិទ្ធ ពីការប្រកួតបាល់ទាត់ស្ត្រីជើងឯកអឺរ៉ុបដែរកាលពីខែកក្កដាកន្លងទៅ ដោយកៅអីត្រូវជំនួសដោយព័រទុយហ្កាល់នៅពេលនោះ៕អត្ថបទ៖នាង សុភាវុធ

Ronaldo ហ្វឹកហាត់ជាមួយក្រុមព័រទុយហ្កាល់ត្រៀមជួបឆែកក្របខណ្ឌ Nations League

បាល់ទាត់៖ ខ្សែប្រយុទ្ធ Manchester United, Cristiano Ronaldo បានចូលរួមហ្វឹកហាត់ជាមួយក្រុមជម្រើសជាតិព័រទុយហ្កាល់មុនការប្រកួតក្របខណ្ឌ UEFA Nations League ទល់នឹងក្រុមម្ចាស់ផ្ទះសាធារណរដ្ឋឆែកចុងសប្តាហ៍នេះ។ គ្រូបង្វឹកព័រទុយហ្កាល់លោក Fernando Santos បញ្ជាក់ថា លោកគ្មានការព្រួយបារម្ភឡើយពី Ronaldo ទោះបីជាមិនសូវបានលេងជាប់លាប់នៅ Manchester United រដូវកាលនេះ។ បន្ទាប់ពីចាញ់ស្វ៊ីសប្រកួតចុងក្រោយបំផុតលោក Fernando Santos បានកោះហៅកីឡាករសំខាន់ៗសំរាប់ការប្រកួតលើកនេះមានដូចជា Joao Felix, Diogo Jota, Bernando Silva និង Bruno Fernandes រួមជាមួយ Joao Cancelo, Pepe និងកីឡាករចំនូលថ្មី Tiago Djalo។ដោយឡែកកីឡាករមួយចំនួនត្រូវអវត្តមានវិញដោយសាររបួសមានដូចជា Otavio និង Renato Sanches ជាដើមខណៈកីឡាករមួយចំនួនមិនត្រូវបានកោះហៅមានដូចជា Andre Silva, Goncalo Guedes និង Joao Moutinho។ ព័រទុយហ្កាល់ដែលជាជើងឯក UEFA Nations League រដូវកាលដំបូងកាលពីឆ្នាំ២០១៩ កំពុងតាមពីក្រោយអេស្ប៉ាញ ១ពិន្ទុនៅក្នុងពូលទី២ នៃ League A និងនាំមុខឆែក ៣ពិន្ទុ៕អត្ថបទ៖នាង សុភាវុធ

ឯកឧត្តមបណ្ឌិត ថោង ខុន បន្ដបើកកិច្ចប្រជុំត្រួតពិនិត្យការងារត្រៀមរៀបចំមហាសន្និបាត OCA

ស៊ីហ្គេម៖ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ នៃគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) កាលពីល្ងាចថ្ងៃទី២០ ខែកញ្ញាបានបើកកិច្ចប្រជុំថ្មីមួយទៀត ដើម្បីត្រួតពិនិត្យការងារត្រៀមរៀបចំមហាសន្និបាតក្រុមប្រឹក្សាកីឡាអូឡាំពិកអាស៊ី(OCA) លើកទី៤១ នៅសណ្ឋាគារសុខាចាប់ពីថ្ងៃទី០១ ដល់ថ្ងៃទី០៥ ខែតុលា ឆ្នាំ២០២២ ខាងមុខ។ ថ្លែងប្រាប់អ្នកសារព័ត៌មានក្រោយចប់កិច្ចប្រជុំ ឯកឧត្តម វ៉ាត់ ចំរើន អគ្គលេខាធិការ CAMSOC បានគូសបញ្ជាក់ថា ដើម្បីធានាបាននូវជោគជ័យក្នុងនាមម្ចាស់ផ្ទះ នៃមហាសន្និបាតក្រុមប្រឹក្សាកីឡាអូឡាំពិកអាស៊ីនេះ គណៈកម្មការជំនាញបានធ្វើការប្រជុំជាបន្ដបន្ទាប់ ពិសេសក្រោមការចង្អុលបង្ហាញរបស់ឯកឧត្តមរដ្ឋមន្ដ្រី ថោង ខុន ជាក់ស្ដែងកាលពីល្ងាចថ្ងៃអង្គារ៍ ឯកឧត្តមបានជំរុញបន្ថែមលើការងារសំខាន់ៗជាច្រើន ពិសេសផ្នែកសណ្ឋាគារដែលត្រូវយកចិត្តទុកដាក់ ទាំងម្ហូបអាហារ ការស្នាក់នៅ និងការទទួលបដិសណ្ឋារកិច្ចជាដើម។គួរដឹងថា ការទទួលសិទ្ធធ្វើម្ចាស់ផ្ទះរៀបចំមហាសន្និបាតក្រុមប្រឹក្សាអូឡាំពិកអាស៊ីលើកទី៤១ ក្រោយទទួលបានការអនុញ្ញាតជាគោលការណ៍ដ៏ខ្ពង់ខ្ពស់ពីសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាកាលពីថ្មីៗ ដែលតាមគម្រោងនឹងមានប្រតិភូកីឡាមកពីបណ្ដាប្រទេសទាំង ៤៥ ក្នុងទ្វីបអាស៊ី និងភ្ញៀវអន្ដរជាតិមកពីជុំវិញពិភពលោកប្រមាណ ៤០០នាក់ចូលរួម។ អ្វីដែលពិសេស សម្ដេចតេជោនាយករដ្ឋមន្ដ្រី នឹងផ្ដល់កិត្តិយសដ៏ខ្ពង់ខ្ពស់អញ្ជើញថ្លែងសន្ទរកថាគន្លឹះ និងបើកមហាសន្និបាតដ៏ធំនេះទៀតផង។ តាមរយៈការធ្វើម្ចាស់ផ្ទះព្រឹត្តិការណ៍ប្រចាំឆ្នាំរបស់ស្ថាប័នកីឡាដ៏ធំប្រចាំទ្វីបអាស៊ីនេះ សម្ដេចពិជ័យសេនា ទៀ បាញ់ បានផ្តល់អនុសាសន៍ឲ្យអ្នកជំនាញកម្ពុជាខិតខំស្វែងរកការគាំទ្រពីអន្តរជាតិឲ្យបានពេញទំហឹង សម្រាប់គោលដៅធ្វើម្ចាស់ផ្ទះស៊ីហ្គេម-អាស៊ានប៉ារ៉ាហ្គេមឆ្នាំ២០២៣ និងការធ្វើម្ចាស់ផ្ទះការប្រកួតកីឡាយុវជនអាស៊ីឆ្នាំ២០២៩ នៅកម្ពុជា៕អត្ថបទ៖ លី ឈុនឡា

Jordan Henderson ត្រូវកោះហៅចូលក្រុមជម្រើសជាតិអង់គ្លេសត្រៀមប្រកួត Nations League

បាល់ទាត់៖ ប្រធានក្រុម Liverpool, Jordan Henderson ត្រូវបានកោះហៅចូលក្រុមជម្រើសជាតិអង់គ្លេសសំរាប់ការប្រកួតក្របខណ្ឌ UEFA Nations League សប្តាហ៍នេះទល់នឹងអ៊ីតាលី និងអាល្លឺម៉ង់។ កីឡាករវ័យ ៣២ឆ្នាំរូបនេះមិនស្ថិតក្នុងជម្រើសរបស់គ្រូបង្វឹកអង់គ្លេសលោក Gareth Southgate ឡើយក្នុងបញ្ជីឈ្មោះដំបូងដោយសាររបួសសសៃពួរ។ យ៉ាងណាក្តីអតីតខ្សែបម្រើ Southampton រូបនេះក៏ជាពីរបួសទាន់ពេលដើម្បីមកជំនួសតំណែងខ្សែបម្រើ Manchester City, Kalvin Phillips ដែលមានរបួសស្មា។ Jordan Henderson ដែលធ្លាប់ជាប់ជម្រើសជាតិអង់គ្លេស ៦៩ប្រកួតបានអវត្តមានពីការប្រកួត ៣លើកចុងក្រោយជាមួយ Liverpool បន្ទាប់ពីមានរបួសអំឡុងជ័យជំនះលើ Newcastle កាលពីថ្ងៃទី៣១ ខែសីហា។ Henderson លេងបានមួយប្រកួតគត់ឱ្យអង់គ្លេសក្នុងឆ្នាំ២០២២ នេះគឺនៅពេលអង់គ្លេសយកឈ្នះស្វ៊ីសលក្ខណៈមិត្តភាពកាលពីខែមីនា។ អង់គ្លេសនឹងត្រូវជួបក្រុមជើងឯកអឺរ៉ុបអ៊ីតាលីនៅកីឡដ្ឋាន San Siro ថ្ងៃសុក្រនេះ មុនបន្តជួបអាល្លឺម៉ង់នៅ Wembley នៅថ្ងៃចន្ទ៕អត្ថបទ៖នាង សុភាវុធ

U23 កម្ពុជាចាញ់ U23 ជប៉ុន ៣-១ ចំពោះមុខអ្នកគាំទ្រជិត ១ម៉ឺននាក់

បាល់ទាត់៖ ក្រុមជម្រើសជាតិអាយុក្រោម ២៣ឆ្នាំកម្ពុជាបានរងបរាជ័យក្នុងលទ្ធផល ៣-១ ក្រោមថ្វីជើងក្រុមជម្រើសជាតិ U23 ជប៉ុន ក្នុងជំនួបមិត្តភាពអន្ដរជាតិនៅពហុកីឡដ្ឋានជាតិកាលពីរាត្រីថ្ងៃទី២០ ខែកញ្ញា ឆ្នាំ២០២២ ម្សិលមិញ ។ ការប្រកួតមានអ្នកគាំទ្រចូលទស្សនាផ្ទាល់សរុបចំនួន ៩៦៥៤នាក់នេះ ក្រុមយុវជន U23 ជប៉ុនបានស៊ុតបើកការនាំមុខក្រុមម្ចាស់ផ្ទះ ១គ្រាប់មុននៅនាទី១៤ ដោយកីឡាករ Komori Hiiro មុនប្រធានក្រុម ជួន ចាន់ចាវ រកបានគ្រាប់តាមស្មើឲ្យក្រុមគោព្រៃជំទង់កម្ពុជាដោយការទាត់បាល់ពិន័យ ១១ម៉ែត្រនៅនាទី២៧។ យ៉ាងណាក្ដីក្រុមភ្ញៀវជប៉ុននៅតែព្យាយាមដាក់សម្ពាធរហូតរកបាន ២គ្រាប់បន្ថែមទៀតដោយកីឡាករ Fujii Kaito នៅនាទី៣៧ និងកីឡាករ Yamada Shin នៅនាទី៦៤។សូមបញ្ជាក់ថា ការប្រកួតមិត្តភាពអន្ដរជាតិនេះធ្វើឡើងក្នុងគោលបំណងសំខាន់ ដើម្បីត្រៀមលក្ខណៈឆ្ពោះទៅស៊ីហ្គេមឆ្នាំ២០២៣ នៅកម្ពុជា។ អ្វីដែលគួរឲ្យកត់សម្គាល់ មុនការប្រកួតនេះក្រុមជម្រើសជាតិ U23 កម្ពុជាក៏មិនខុសពីក្រុមជម្រើសជាតិ ឬក្រុមធំកម្ពុជាដែរក្រោមការដឹកនាំរបស់អ្នកចាត់ការទូទៅលោក Keisuke Honda គឺបានផ្លាស់ប្ដូរយុទ្ធសាស្ដ្រថ្មីក្នុងការជ្រើសរើសកីឡាករ ដោយត្រូវឆ្លងកាត់ការធ្វើតេស្ដកម្លាំងអំណត់ 30-15IFT test ទៀតផង៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

អ៊ីរ៉ង់ និងអាមេរិក អះអាងថាកិច្ចព្រមព្រៀងស្តីពីច្រកសមុទ្ទ Hormuz ជិតសម្រេចបានហើយ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

ជនអន្តោប្រវេសនាំគ្នាសម្រាកនៅលើឆ្នេរសមុទ្រស្ថិតក្នុងដែនដី Ceuta របស់អេស្ប៉ាញ ក្រោយការជាន់គ្នាស្លាប់មនុស្ស

សារព័ត៌មានរដ្ឋអ៊ីរ៉ង់បង្ហាញស្ពានរងការខូចខាត ក្រោយការវាយប្រហាររបស់សហរដ្ឋអាមេរិក

ពលរដ្ឋហ្គាតេម៉ាឡាជម្លៀសខ្លួនទៅកាន់ទីជម្រក ពេលភ្នំភ្លើងព្រួសកម្អែកាន់តែខ្លាំង

អគ្គិភ័យក្នុងរោងចក្រគីមី បង្ខំឲ្យជម្លៀសអ្នកស្រុក ១៥០នាក់នៅតំបន់ជាយក្រុង Sao Paulo ប្រទេសប្រេស៊ីល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

វាយកូនបាល់ជ្រើសរើសបានកីឡាករឆ្នើមៗ ៥រូបទៅប្រកួត Davis Cup នៅបារ៉ែន

កម្ពុជានឹងលេងដោយទំនុកចិត្តទល់បង់ក្លាដែសយប់នេះ ទោះមិនសូវសម្បូរកីឡាករមានបទពិសោធន៍ក៏ដោយ

ជ័យលាភី World Cup 2006 ជាមួយអ៊ីតាលី Fabio Cannavaro គ្រោងមកដឹកនាំក្លិបមួយនៅ Serie B

គ្មាន Ramos គ្មាន Fati អេស្ប៉ាញហ្វឹកហាត់ត្រៀម Nations League ជួបស្វីស និងព័រទុយហ្កាល់

UEFA សម្រេចហាមមិនឲ្យរុស្ស៊ីប្រកួតជម្រុះ Euro 2024 ដោយសារបញ្ហាសង្គ្រាមនៅអ៊ុយក្រែន

Ronaldo ហ្វឹកហាត់ជាមួយក្រុមព័រទុយហ្កាល់ត្រៀមជួបឆែកក្របខណ្ឌ Nations League

ឯកឧត្តមបណ្ឌិត ថោង ខុន បន្ដបើកកិច្ចប្រជុំត្រួតពិនិត្យការងារត្រៀមរៀបចំមហាសន្និបាត OCA

Jordan Henderson ត្រូវកោះហៅចូលក្រុមជម្រើសជាតិអង់គ្លេសត្រៀមប្រកួត Nations League

U23 កម្ពុជាចាញ់ U23 ជប៉ុន ៣-១ ចំពោះមុខអ្នកគាំទ្រជិត ១ម៉ឺននាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

វាយ​កូន​បាល់​ជ្រើសរើស​បាន​កីឡាករ​ឆ្នើម​ៗ ​៥រូប​ទៅ​ប្រកួត Davis Cup នៅ​បា​រ៉ែ​ន

កម្ពុជា​នឹង​លេង​ដោយ​ទំ​នុកចិត្តទល់​បង់​ក្លា​ដែ​សយ​ប់​នេះ ទោះ​មិនសូវ​សម្បូរ​កីឡាករ​មានបទពិសោធន៍​ក៏ដោយ

ជ័យលាភី World Cup 2006 ជាមួយ​អ៊ីតាលី Fabio Cannavaro គ្រោង​មក​ដឹកនាំ​ក្លិប​មួយ​នៅ Serie B

គ្មាន Ramos គ្មាន Fati អេ​ស្ប៉ា​ញ​ហ្វឹកហាត់​ត្រៀម Nations League ជួប​ស្វីស និង​ព័រទុយហ្កាល់​

UEFA សម្រេច​ហាម​មិន​ឲ្យ​រុស្ស៊ី​ប្រកួត​ជម្រុះ Euro 2024 ដោយសារ​បញ្ហា​សង្គ្រាម​នៅ​អ៊ុយ​ក្រែ​ន

Ronaldo ហ្វឹកហាត់​ជាមួយ​ក្រុម​ព័រទុយហ្កាល់​ត្រៀម​ជួប​ឆែក​ក្របខណ្ឌ Nations League

ឯកឧត្តម​បណ្ឌិត ថោង ខុន បន្ដ​បើក​កិច្ចប្រជុំ​ត្រួតពិនិត្យ​ការងារ​ត្រៀម​រៀបចំ​មហាសន្និបាត​ OCA

Jordan Henderson ត្រូវ​កោះហៅ​ចូល​ក្រុម​ជម្រើសជាតិ​អង់គ្លេស​ត្រៀម​ប្រកួត Nations League

U23 ​កម្ពុជាចាញ់​ U23 ​ជប៉ុន ៣-១ ចំពោះមុខ​អ្នកគាំទ្រ​ជិត ១​ម៉ឺន​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វាយកូនបាល់ជ្រើសរើសបានកីឡាករឆ្នើមៗ ៥រូបទៅប្រកួត Davis Cup នៅបារ៉ែន

កម្ពុជានឹងលេងដោយទំនុកចិត្តទល់បង់ក្លាដែសយប់នេះ ទោះមិនសូវសម្បូរកីឡាករមានបទពិសោធន៍ក៏ដោយ

ជ័យលាភី World Cup 2006 ជាមួយអ៊ីតាលី Fabio Cannavaro គ្រោងមកដឹកនាំក្លិបមួយនៅ Serie B

គ្មាន Ramos គ្មាន Fati អេស្ប៉ាញហ្វឹកហាត់ត្រៀម Nations League ជួបស្វីស និងព័រទុយហ្កាល់

UEFA សម្រេចហាមមិនឲ្យរុស្ស៊ីប្រកួតជម្រុះ Euro 2024 ដោយសារបញ្ហាសង្គ្រាមនៅអ៊ុយក្រែន

Ronaldo ហ្វឹកហាត់ជាមួយក្រុមព័រទុយហ្កាល់ត្រៀមជួបឆែកក្របខណ្ឌ Nations League

ឯកឧត្តមបណ្ឌិត ថោង ខុន បន្ដបើកកិច្ចប្រជុំត្រួតពិនិត្យការងារត្រៀមរៀបចំមហាសន្និបាត OCA

Jordan Henderson ត្រូវកោះហៅចូលក្រុមជម្រើសជាតិអង់គ្លេសត្រៀមប្រកួត Nations League

U23 កម្ពុជាចាញ់ U23 ជប៉ុន ៣-១ ចំពោះមុខអ្នកគាំទ្រជិត ១ម៉ឺននាក់