BTV NEWS

MOI Kompong Dewa ប្រកាសនាំយកកីឡាករប្រេស៊ីល ២ រូប មកពង្រឹងក្រុមមុនរដូវកាលថ្មី

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

Hervé Renard វិលត្រឡប់មកដឹកនាំក្រុមជម្រើសជាតិកូតឌីវ័រ ជាលើកទី២

អ្នកណាខ្លះអាចជាបេក្ខភាពប្រជែងតំណែងប្រធាន FIFA ជាមួយ Gianni Infantino នៅឆ្នាំ២០២៧?

ព័ត៌មានកីឡា

U23 កម្ពុជាចាញ់ U23 ជប៉ុន ៣-១ ចំពោះមុខអ្នកគាំទ្រជិត ១ម៉ឺននាក់

បាល់ទាត់៖ ក្រុមជម្រើសជាតិអាយុក្រោម ២៣ឆ្នាំកម្ពុជាបានរងបរាជ័យក្នុងលទ្ធផល ៣-១ ក្រោមថ្វីជើងក្រុមជម្រើសជាតិ U23 ជប៉ុន ក្នុងជំនួបមិត្តភាពអន្ដរជាតិនៅពហុកីឡដ្ឋានជាតិកាលពីរាត្រីថ្ងៃទី២០ ខែកញ្ញា ឆ្នាំ២០២២ ម្សិលមិញ ។ ការប្រកួតមានអ្នកគាំទ្រចូលទស្សនាផ្ទាល់សរុបចំនួន ៩៦៥៤នាក់នេះ ក្រុមយុវជន U23 ជប៉ុនបានស៊ុតបើកការនាំមុខក្រុមម្ចាស់ផ្ទះ ១គ្រាប់មុននៅនាទី១៤ ដោយកីឡាករ Komori Hiiro មុនប្រធានក្រុម ជួន ចាន់ចាវ រកបានគ្រាប់តាមស្មើឲ្យក្រុមគោព្រៃជំទង់កម្ពុជាដោយការទាត់បាល់ពិន័យ ១១ម៉ែត្រនៅនាទី២៧។ យ៉ាងណាក្ដីក្រុមភ្ញៀវជប៉ុននៅតែព្យាយាមដាក់សម្ពាធរហូតរកបាន ២គ្រាប់បន្ថែមទៀតដោយកីឡាករ Fujii Kaito នៅនាទី៣៧ និងកីឡាករ Yamada Shin នៅនាទី៦៤។សូមបញ្ជាក់ថា ការប្រកួតមិត្តភាពអន្ដរជាតិនេះធ្វើឡើងក្នុងគោលបំណងសំខាន់ ដើម្បីត្រៀមលក្ខណៈឆ្ពោះទៅស៊ីហ្គេមឆ្នាំ២០២៣ នៅកម្ពុជា។ អ្វីដែលគួរឲ្យកត់សម្គាល់ មុនការប្រកួតនេះក្រុមជម្រើសជាតិ U23 កម្ពុជាក៏មិនខុសពីក្រុមជម្រើសជាតិ ឬក្រុមធំកម្ពុជាដែរក្រោមការដឹកនាំរបស់អ្នកចាត់ការទូទៅលោក Keisuke Honda គឺបានផ្លាស់ប្ដូរយុទ្ធសាស្ដ្រថ្មីក្នុងការជ្រើសរើសកីឡាករ ដោយត្រូវឆ្លងកាត់ការធ្វើតេស្ដកម្លាំងអំណត់ 30-15IFT test ទៀតផង៕អត្ថបទ៖ លី ឈុនឡា

នាយកប្រតិបត្តិ Bayern Munich, Oliver Kahn នៅតែគាំទ្រ Julian Nagelsmann ទោះចាប់ផ្តើមរដូវកាលមិនល្អ

បាល់ទាត់៖ នាយកប្រតិបត្តិនៃក្លិប Bayern Munich លោក Oliver Kahn នៅតែគាំទ្រគ្រូបង្វឹកលោក Julian Nagelsmann បើទោះជាចាប់ផ្តើមរដូវកាលមិនល្អនៅ Bundesliga ក្តី។ Bayern Munich បានរងបរាជ័យ ១-០ នៅទឹកដី Augsburg កាលពីថ្ងៃសៅរ៍គឺជាប្រកួតដំបូងក្នុងចំណោម ៨៧ប្រកួតចុងក្រោយដែល Bayern Munich រកគ្រាប់បាល់មិនបានក្នុងមួយប្រកួតបែបនេះនៅក្នុងលីគ និងជាលើកដំបូងក្នុងរយៈពេល ២០ឆ្នាំដែល Bayern Munich លេងមិនឈ្នះ ៤ប្រកួតជាប់គ្នានៅក្នុងលីគផងដែរ។ Bayern Munich បច្ចុប្បន្នកំពុងឈរលេខ៥ នឹងត្រូវជួបជាមួយ Bayer Leverkusen នៅថ្ងៃទី៣០ ខែកញ្ញានេះ ខណៈលោកអតីតអ្នកចាំទី Bayern Munich បច្ចុប្បន្នជា CEO លោក Oliver Kahn និយាយថា គ្រប់គ្នាត្រូវឆ្លើយតបមកវិញពីការធ្លាក់ចុះទម្រង់លេងជាក្រុម ហើយក្លិបមិនមានគំរោងរកគ្រូបង្វឹកថ្មីឡើយ ទោះបីជាក្លិបមិនសប្បាយចិត្តចំពោះទំរង់លេងបច្ចុប្បន្នក្តី។សូមបញ្ជាក់ថា Bayern Munich ឈ្នះចុងក្រោយបំផុតនៅក្នុងលីគគឺឈ្នះនៅទឹកដី Bochum ៧-០ តាំងពីថ្ងៃទី២១ ខែសីហា ហើយក្រោយមកក៏ស្មើ ៣ប្រកួតជាប់គ្នាមុនពេលចាញ់ Augsburg កាលពីថ្ងៃសៅរ៍កន្លងទៅ។ យ៉ាងណាក្តីក្រុមរបស់លោក Julian Nagelsamnn មានស្ថិតិល្អនៅ UEFA Champions League ដោយឈ្នះ ២ប្រកួតដំបូងក្នុងពូលរួមមានឈ្នះនៅទឹកដី Inter Milan និងឈ្នះ Barcelona នៅក្នុងផ្ទះ៕អត្ថបទ៖នាង សុភាវុធ

La Liga ថ្កោលទោសរឿងរើសអើងលើ Vinicius Jr. អំឡុងការប្រកួតនៅទឹកដី Atletico Madrid

បាល់ទាត់៖ ក្របខណ្ឌបាល់ទាត់លីគកំពូលអេស្ប៉ាញ La Liga បានថ្កោលទោសចំពោះការរើសអើងទៅលើខ្សែប្រយុទ្ធស្បែកខ្មៅរបស់ Real Madrid, Vinicius Junior អំឡុងការប្រកួតនៅទឹកដី Atletico Madrid ចុងសប្តាហ៍កន្លងទៅ។ Real Madrid បានយកឈ្នះនៅទឹកដី Atletico Madrid ២-១ ខណៈដែលមានអ្នកគាំទ្រមួយចំនួនបានច្រៀងចម្រៀង ដែលមានអត្ថន័យរើសអើងអំឡុងការដើរចូលទីលាន។ ការលេចឡើងសកម្មភាពរើសអើងនេះដែរ បន្ទាប់ពី Vinicius Junior បាននិយាយពាក្យថា សេចក្តីសុខរបស់កីឡាករស្បែកខ្មៅប្រេស៊ីលនៅអឺរ៉ុប។ មិនត្រឹមតែចម្រៀងរើសអើងទេ គេឃើញមានអ្នកគាំទ្រកាន់រូបស្វាពាក់អាវ Real Madrid ទៀតផង។ La Liga បានហៅទង្វើបែបនេះជារឿងដែលមិនអាចទទួលយកបាន ខណៈស្ថាប័នបាល់ទាត់កំពុងធ្វើការជាមួយភាគីក្លិបម្ចាស់ផ្ទះដើម្បីវែកមុខមនុស្សអគតិទាំងនោះ។កីឡាករវ័យ ២២ឆ្នាំ Vinicius Junior ធ្លាប់បានស៊ុតបញ្ចូលទីហើយអបអរគ្រាប់បាល់របស់ខ្លួន ដោយការរាំឆ្លើយតបនឹងការរិះគន់មិនពេញចិត្តនឹងការរាំរបស់គេ។ ចំណែកការប្រកួតនៅទឹកដី Atletico Madrid មិត្តរួមក្រុម Rodrygo បានស៊ុតបញ្ចូលទីគ្រាប់ដំបូងក៏បានអបអរគ្រាប់បាល់ដោយរាំដូចនឹង Vinicius Junior ដែរដើម្បីគាំទ្រមិត្តរួមក្រុម។ តាមរយៈការរើសអើងនេះ តារាបាល់ទាត់ប្រេស៊ីលមួយចំនួនបានបង្ហោះសារ លើបណ្តាញសង្គមក្នុងអត្ថន័យគាំទ្រ Vinicius Junior មានដូចជា Pele និង Neymar ជាដើម៕អត្ថបទ៖នាង សុភាវុធ

Hugo Lloris អវត្តមានពីក្រុមបារាំងនៅ Nations League ដោយសាររបួស

បាល់ទាត់៖ អ្នកចាំទី Tottenham Hotspur, Hugo Lloris នឹងអវត្តមានពីក្រុមជម្រើសជាតិបារាំងសំរាប់ការប្រកួតក្របខណ្ឌ UEFA Nations League សប្តាហ៍នេះដោយសាររបួសភ្លៅ នេះបើតាមការបញ្ជាក់របស់សហព័ន្ធបាល់ទាត់បារាំង។ Hugo Lloris បានចូលលេងប្រកួតចុងក្រោយឱ្យ Spurs ពេលយកឈ្នះ Leicester City កាលពីថ្ងៃអាទិត្យជាប្រកួតដែលក្រោយមកដឹងថា Lloris មានបញ្ហាភ្លៅខាងស្តាំ។ អវត្តមានរបស់ Hugo Lloris មានន័យថា ក្រុមជើងឯកពិភពលោកបារាំងនឹងអវត្តមានកីឡាករសំខាន់ៗជាច្រើនរូប មុនការប្រកួតលក្ខណៈអន្តរជាតិសប្តាហ៍នេះ។ ខ្សែការពារ AC Milan, Theo Hernandez ក៏អវត្តមានដែរដោយសាររបួសដូចគ្នា ធ្វើឱ្យអវត្តមាននេះត្រូវជំនួសដោយអ្នកចាំទី Nantes, Alban Lafont និងខ្សែការពារ Aston Villa, Lucas Digne។ក្រុមរបស់លោក Didier Deschamps ក៏មិនមានវត្តមានខ្សែប្រយុទ្ធ Real Madrid, Karim Benzema ដែរដោយសាររបួសភ្លៅទាំងសងខាងអំឡុងជ័យជំនះនៅទឹកដី Celtics ក្របខណ្ឌ UEFA Champions League។ បារាំងស្ថិតនៅក្រោមគេក្នុងពូលទី១ នៃ League A ដោយមានត្រឹម ២ពិន្ទុប៉ុណ្ណោះពីការប្រកួត ៤លើក ខណៈសប្តាហ៍នេះនឹងត្រូវជួបជាមួយអូទ្រីសនៅថ្ងៃព្រហស្បតិ៍ និងទៅទឹកដីដាណឺម៉ាកនៅថ្ងៃអាទិត្យ៕អត្ថបទ៖នាង សុភាវុធ

Luis Suarez នឹងចាកចេញពីក្លិប Nacional មុន World Cup ចាប់ផ្តើម

បាល់ទាត់៖ ខ្សែប្រយុទ្ធអ៊ុយរូហ្កាយ Luis Suarez នឹងចាកចេញពីក្លិបកំណើតរបស់ខ្លួន Nacional មុនចូលរួមជាមួយក្រុមជំរើសជាតិអ៊ុយរូហ្កាយនៅ World Cup 2022 ខាងមុខនេះ។ អតីតខ្សែប្រយុទ្ធ Atletico Madrid រូបនេះបានផ្លាស់ទៅកាន់ក្លិបដើមរបស់ខ្លួនកាលពីខែមិថុនា ទោះបីជាមានទំនាក់ទំនងផ្ទេរត្រលប់ទៅកាន់ English Premier League ក្តី។ កីឡាករវ័យ ៣៥ឆ្នាំរូបនេះបានបង្ហាញទំរង់លេងល្អផងដែរនៅ Nacional ដោយរកបាន ៤គ្រាប់ក្នុងការបង្ហាញខ្លួន ៨ប្រកួត។ ការវិលត្រលប់មកកាន់ Nacional ត្រូវបានគេដឹងថាក្នុងកិច្ចសន្យារយៈពេលខ្លីប៉ុណ្ណោះ តែម្ចាស់ក្លិបមិនបានបង្ហាញលំអិតពីកិច្ចសន្យានេះឡើយ តែនៅពេលនេះលោក Jose Fuentes បានបញ្ជាក់ច្បាស់ថា Luis Suarez នឹងចាកចេញពិតប្រាកដ។ សូមបញ្ជាក់ថា ការត្រលប់មកកាន់ Nacional គឺដើម្បីឱកាសលេងបាល់ទៀងទាត់មួយ ធ្វើយ៉ាងណារក្សាទំរង់លេងដើម្បីជួយក្រុមជំរើសជាតិអ៊ុយរូហ្កាយនៅ World Cup 2022 ឆ្នាំនេះ៕អត្ថបទ៖នាង សុភាវុធ

យុវជនថៃម្នាក់អរគុណបាល់ទាត់កម្ពុជាធ្វើឲ្យខ្លួនទទួលបានកុងត្រាអាជីពនៅស្រុកកំណើត

បាល់ទាត់៖ កីឡាករជនជាតិថៃ Suphanuth Nira បានសម្ដែងការអរគុណចំពោះបាល់ទាត់នៅកម្ពុជា ដែលធ្វើឲ្យខ្លួនទទួលបានកុងត្រានៅក្លិបមួយនាប្រទេសកំណើត បន្ទាប់ពីរូបគេបានវិវត្តន៍ខ្លួនពីការលេងនៅលីគកំពូលហ្វូតសាលកម្ពុជាជាមួយក្រុម Panda FT និងការដឹកនាំការប្រកួតស្ម័គ្រចិត្តនៅក្រុមវិទ្យាល័យ ហ៊ុន សែន សេរីភាព។ យុវជនថៃរូបនេះបានឲ្យដឹងថា ខ្លួនបានមកកម្ពុជាកាលពីឆ្នាំ២០២០ ក្នុងគោលបំណងសិក្សាឱកាសធ្វើអាជីវកម្ម ហើយឆ្លៀតពេលទំនេរលេងបាល់ទាត់ជាមួយក្រុមពាក់កណ្ដាលអាជីព Bayon Wanderer ដែលជាក្រុមប្រមូលផ្ដុំដោយកីឡាករបរទេសចម្រុះជាតិសាសន៍ល្អៗ។ បន្ទាប់ពីឃើញសមត្ថភាព និងទម្រង់លេងរបស់គេ ក្រុម Panda FT ក៏បាននាំគេមកជួយក្រុមលេងពានបាល់ទាត់ក្នុងសាលកម្រិតជាតិជាច្រើន។ រហូតដល់ឆ្នាំ២០២២ កាលពីថ្មីៗនេះ Suphanuth ក៏បានត្រឡប់ទៅធ្វើតេស្ដជាមួយក្លិប Muangkrung FC នៃក្របខណ្ឌលីគទី៤ ប្រទេសថៃ ហើយបានជាប់ និងទទួលបានកុងត្រាអាជីពតែម្ដង។ តាមរយៈនេះរូបគេបានសម្ដែងសេចក្ដីរីករាយ ហើយបានអរគុណបាល់ទាត់កម្ពុជាដែលជួយឲ្យខ្លួនរីកចម្រើន និងផ្ដល់បទពិសោធន៍ល្អៗរហូតឈានដល់កម្រិតមួយកាន់តែប្រសើរ និងក្លាយជាកីឡាករអាជីពនៅប្រទេសកំណើតថែមទៀត។យ៉ាងណាមិញ ទោះមានឱកាសប្រកបអាជីបនៅប្រទេសថៃវិញក្ដី តែកីឡាករ Suphanuth បានបង្ហើបថា ខ្លួននឹងត្រឡប់មកកម្ពុជាវិញនាថ្ងៃអនាគតដើម្បីបង្កើតក្រុមបាល់ទាត់មួយ និងជំរុញកីឡាករមានសក្តានុពលអាចទៅលេងនៅក្រៅប្រទេសបានដូចជាថៃ និងឥណ្ឌូនេស៊ីជាដើម។ គួរដឹងថា មុនមកកម្ពុជា Suphanuth បានផ្តើមហ្វឹកហាត់បាល់ទាត់តាំងពីកុមារនៅសាលាកីឡាមួយ ដែលផលិតកីឡាករជម្រើសជាតិថៃជាច្រើនដូចជា Channathip Songkrasin, Thitiphan Puangchan, Tanaboon Kesarat ជាដើម។ នៅទីនោះក្នុងវ័យ ១៦ឆ្នាំ គេត្រូវបានក្លិប Raj Vithi FC នៅលីគទី២ ថៃចាប់អារម្មណ៍ ប៉ុន្តែត្រូវខកខានដោយសារឪពុកម្តាយចង់ឲ្យផ្តោតលើការសិក្សាជាមុនសិន៕អត្ថបទ៖ លី ឈុនឡា

រឿង World Cup មិនទាន់ច្បាស់ តែរបួសស្មារបស់ Kalvin Phillips ត្រូវការវះកាត់

បាល់ទាត់៖ អ្នកចាត់ការក្លិប Manchester City លោក Pep Guardiola បានបញ្ជាក់ថា របួសស្មារបស់ខ្សែបម្រើអង់គ្លេស Kalvin Phillips អាចមានលទ្ធភាពជាទាន់ World Cup តែត្រូវការវះកាត់។ Kalvin Phillips មិនស្ថិតក្នុងក្រុម Manchester City ឡើយពេលយកឈ្នះនៅដី Wolverhampton សប្តាហ៍មុន បន្ទាប់ពីរងរបួសស្មាតាំងពីការប្រកួតមិត្តភាពជាមួយ Barcelona នៅអេស្ប៉ាញខែមុន។ កីឡាករវ័យ ២៦ឆ្នាំរូបនេះបានរងរបួសញាំញីតាំងពីផ្លាស់ពី Leeds United ដោយបង្ហាញខ្លួនបានត្រឹម ១៣នាទីប៉ុណ្ណោះជាមួយក្លិបថ្មីរបស់ខ្លួន។ របួសរបស់ Kalvin Phillips ធ្វើឱ្យគេអវត្តមានពីក្រុមជំរើសជាតិអង់គ្លេសសម្រាប់ការប្រកួតក្របខណ្ឌ UEFA Nations League សប្តាហ៍នេះនៅពេលអង់គ្លេសជួបអ៊ីតាលី និងអាល្លឺម៉ង់។ អង់គ្លេសស្ថិតក្នុងពូល B នៅ World Cup ដោយនឹងត្រូវជួបជាមួយអ៊ីរ៉ង់មុនគេនៅថ្ងៃទី២១ ខែវិច្ឆិកា ជួបអាមេរិកថ្ងៃទី២៥ និងជួបវែលថ្ងៃទី២៩ ខែវិច្ឆិកាដដែល៕អត្ថបទ៖នាង សុភាវុធ

កីឡាវ៉ូវីណាមសម្លឹងឃើញធនធានថ្មីៗ និងមានសមត្ថភាពខ្ពស់ក្រោយចប់ជើងឯកថ្នាក់ជាតិ

វ៉ូវីណាម៖ ការប្រកួតកីឡាវ៉ូវីណាមជ្រើសរើសជើងឯកថ្នាក់ជាតិឆ្នាំ២០២២ បានបញ្ចប់ដោយជោគជ័យ ក្រោយដំណើរការប្រកួតរយៈពេល ៣ថ្ងៃចាប់ពីថ្ងៃទី១៧ ដល់ថ្ងៃទី១៩ ខែកញ្ញា នៅសាលដំបូលទូកនៃសាកលវិទ្យាល័យភូមិន្ទភ្នំពេញ គ្រាដែលសហព័ន្ធបានសម្លឹកឃើញធនធានថ្មីៗដែលមានសមត្ថភាព និងបច្ចេកទេសខ្ពស់គួរឲ្យកត់សម្គាល់ ក្រោយបញ្ចប់ការប្រកួតប្រចាំឆ្នាំនេះ។ពិធីបិទការប្រកួតនេះបានធ្វើឡើងក្រោមវត្តមានឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា និងលោកជំទាវ សៅ ស្រីពៅ អនុប្រធានកិត្តិយសហព័ន្ធកីឡាវ៉ូវីណាមកម្ពុជា, ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា ហើយក៏មានការចូលរួមជាកិត្តិយសពីលោក Snatiphap Intaraphart អនុប្រធានសហព័ន្ធកីឡាវ៉ូវីណាមអាស៊ីអាគ្នេយ៍ផងដែរ។ លោក យាំ ថៃសាន អគ្គលេខាធិការសហព័ន្ធបានបញ្ជាក់ថា ការប្រកួតទទួលបានការឧបត្ថម្ភគាំទ្រដោយក្រសួងអប់រំ យុវជន និងកីឡា និងមានការជួយជ្រោមជ្រែងពីវិស័យឯកជននេះ មានកីឡាករ-កីឡាការិនីចូលរួមសរុប ៨២នាក់មកពី ៨សមាគម/ក្លិប ក្រសួង និងរាជធានី/ខេត្ត ដែលធ្វើការប្រកួតលើ ១៩វិញ្ញាសា។ ជាលទ្ធផលបច្ចេកទេស ក្រៅពីកំណត់បាននូវកីឡាករ-កីឡាការិនីជ័យលាភី សហព័ន្ធបានសម្លឹងឃើញកីឡាករ-កីឡាការិនីថ្មីៗដែលមានបច្ចេកទេស ទេពកោសល្យ និងសមត្ថភាពខ្ពស់ មានស្មារតីអង់អាចក្លាហានដែលអាចប្រកួតប្រជែងនៅកម្រិតជាតិ និងអន្ដរជាតិបាន។រីឯអាជ្ញាកណ្ដាល-ចៅក្រម និងមន្ដ្រីបច្ចេកទេសរៀបចំការប្រកួតវិញ គឺមានសមត្ថភាពគ្រប់គ្រាន់ក្នុងការរៀបចំការប្រកួតនានា ពិសេសបង្ហាញនូវការត្រៀមលក្ខណៈរួចរាល់ ដើម្បីរៀបចំការប្រកួតកីឡាជាតិលើកទី៣ នាខែវិច្ឆិកាខាងមុខ និងការប្រកួតកីឡាស៊ីហ្គេមលើកទី៣២ ឆ្នាំ២០២៣ តែម្ដង។ បន្ថែមលើនេះ ឯកឧត្តម អ៊ូ រតនា បានធ្វើការវាយតម្លៃខ្ពស់ចំពោះការខិតខំរៀបចំការប្រកួតរបស់មន្ដ្រីបច្ចេកទេស ពិសេសការខិតខំប្រឹងអស់ពីកម្លាំងកាយចិត្ត និងសមត្ថភាពរបស់កីឡាករ-កីឡាការិនី ដែលជំរុញឲ្យព្រឹត្តិការណ៍ថ្នាក់ជាតិនេះដំណើរការប្រកួតដោយរលូន និងទទួលបានផ្លែផ្កាជាវិជ្ជមាន ស្របតាមផែនការយុទ្ធសាស្ដ្ររបស់សហព័ន្ធ ដែលកំពុងសម្រួចទិសដៅឆ្ពោះទៅធ្វើម្ចាស់ផ្ទះការប្រកួតកីឡាស៊ីហ្គេមនាឆ្នាំ២០២៣ ខាងមុខ។ សម្រាប់លទ្ធផលជារួម ក្រោយឆ្លងកាត់ការប្រកួតដ៏ស្វិតស្វាញរយៈពេល ៣ថ្ងៃ គេឃើញក្លិបកីឡាវ៉ូវីណាមក្រសួងការពារជាតិ ដណ្ដើមបានមេដាយច្រើនជាងគេសរុប ១៥គ្រឿង (មាស ៩ ប្រាក់ ២ និងសំរឹទ្ធ ៤) ខណៈខេត្តស្វាយរៀងឈរលេខ២ ដណ្ដើមបានមេដាយសរុប ៦គ្រឿង (មាស ២ ប្រាក់ ៣ និងសំរឹទ្ធ ១) និងក្រសួងមហាផ្ទៃឈរលេខ៣ ឈ្នះមេដាយមាស ២ ប្រាក់ ២ និងសំរឹទ្ធ ១០ សរុប ១៤គ្រឿង។ ចំណែកក្លិបខណ្ឌសែនសុខឈរលេខ៤ ឈ្នះមេដាយសរុប ១០គ្រឿង (មាស ២ ប្រាក់ ២ និងសំរឹទ្ធ ៦) និងខេត្តកំពង់ស្ពឺឈរលេខ៥ ឈ្នះមេដាយសរុប ៣គ្រឿងរួមមានមេដាយមាស ២ និងប្រាក់ ១៕អត្ថបទ៖ លី ឈុនឡា

គ្រូ U23 ថា ការប្រកួតថ្ងៃនេះមិនងាយស្រួលឡើយ ស្របពេលគ្រូជប៉ុនចង់ឈ្នះ

បាល់ទាត់៖ ក្រុមបាល់ទាត់ជម្រើសជាតិយុវជនអាយុក្រោម ២៣ឆ្នាំកម្ពុជានឹងធ្វើការប្រកួតមិត្តភាពអន្ដរជាតិជាមួយក្រុមជម្រើសជាតិអាយុក្រោម ២៣ឆ្នាំជប៉ុននាវេលាម៉ោង ៧យប់ថ្ងៃទី២០ ខែកញ្ញា ឆ្នាំ២០២២ នៅពហុកីឡដ្ឋានជាតិមរតកតេជោ។ ជុំវិញការប្រកួតដែលអ្នកគាំទ្រចាប់អារម្មណ៍ ពិសេសសមាសភាពកីឡាករជប៉ុនដែលភាគច្រើនជានិស្សិតនេះ គ្រូបង្វឹកក្រុមគោព្រៃជំទង់កម្ពុជាលោក Ryu Hirose បានលើកឡើងថា មិនមែនជាការប្រកួតងាយស្រួលនោះទេ ស្របពេលគ្រូបង្វឹកក្រុមជប៉ុនបានបង្ហាញពីមហិច្ឆតាចង់ឈ្នះដូចគ្នា។ លោក Ryu Hirose បានលើកឡើងក្នុងសន្និសីទសារព័ត៌មានមុនការប្រកួតថា ទោះបីកីឡាករជប៉ុនទាំងអស់មកពីក្រុមសាកលវិទ្យាល័យ ប៉ុន្ដែពួកគេសុទ្ធតែជាកីឡាករកម្រិតខ្ពស់ និងជាអនាគតកីឡាករអាជីពក្នុងលីគកំពូលជប៉ុន។ ដូច្នេះត្រូវផ្លាស់ប្ដូរការគិត ព្រោះនេះមិនមែនជាការប្រកួតងាយស្រួល ដូចអ្នកគាំទ្រកម្ពុជាមួយចំនួនលើកឡើងនោះទេ។ លើសពីនេះលោកបានចាត់ទុកការប្រកួតនេះ គឺជាឱកាសមួយដ៏ល្អសម្រាប់ក្រុមយុវជន U23 កម្ពុជា ដើម្បីវាស់ស្ទង់សមត្ថភាព ជាមួយក្រុមយុវជនជប៉ុនដែលមកពីជំនាន់ដូចគ្នា។ នេះគឺជាការត្រៀមដ៏ល្អសម្រាប់ការប្រកួតបន្ដបន្ទាប់ទៀត។ លោកសង្ឃឹមថា កូនក្រុមរបស់ខ្លួននឹងព្យាយាមឲ្យអស់ពីសមត្ថភាពដើម្បីទទួលបានលទ្ធផលល្អប្រសើរ។ដោយឡែកលោក Lee Wooyoung គ្រូបង្វឹកក្រុមជម្រើសជាតិ U23 ជប៉ុនបានបង្ហាញក្ដីរំពឹងថា កូនក្រុមរបស់ខ្លួននឹងធ្វើបានល្អដើម្បីទទួលបានជ័យជម្នះជូនអ្នកគាំទ្ររបស់ខ្លួន ទោះបីកីឡាករភាគច្រើនមកពីក្រុមសាកលវិទ្យាល័យក៏ដោយ។ លោកបង្ហើបថា បន្ទាប់ពីចប់ការប្រកួតមិត្តភាពអន្ដរជាតិជាមួយកម្ពុជា កីឡាករភាគច្រើននឹងចូលរួមជាមួយក្លិបអាជីពនៅលីគកំពូល និងលីគទី២ ជប៉ុន។ ទន្ទឹមជាមួយគ្នា គ្រូបង្វឹករូបនេះក៏បានអរគុណសហព័ន្ធកីឡាបាល់ទាត់កម្ពុជាដែលបានអញ្ជើញក្រុមខ្លួន និងរៀបចំឲ្យមានការប្រកួតមិត្តភាពអន្ដរជាតិនេះផងដែរ។ សូមបញ្ជាក់ថា ការប្រកួតមិត្តភាពរវាងក្រុម U23 កម្ពុជា និង U23 ជប៉ុននេះនឹងមានផ្សាយផ្ទាល់លើកញ្ចក់ទូរទស្សន៍ BTV-News៕អត្ថបទ៖ លី ឈុនឡា

កីឡាករលេខ ១ ពិភពលោកថ្មី Carlos Alcaraz នាំអេស្ប៉ាញឈ្នះកូរ៉េឡើងវគ្គ ៨ក្រុមចុងក្រោយ Davis Cup

វាយកូនបាល់៖ កីឡាករលំដាប់លេខ ១ ពិភពលោកថ្មីថ្មោង Carlos Alcaraz រកបានជ័យជំនះដំបូងរបស់ខ្លួនក្នុងរជ្ជកាលនៃតំណែងលេខ ១ ពិភពលោកក្រោយយកឈ្នះកីឡាករកូរ៉េ Kwon Soon-woo នាំក្រុមអេស្ប៉ាញឡើងវគ្គ ៨ក្រុមចុងក្រោយនៃព្រឹត្តិការណ៍ Davis Cup។ Carlos Alcaraz ដែលឡើងមកឈរលំដាប់កំពូលរបស់ពិភពលោកតាមរយៈការឈ្នះជើងឯក Grand Slam លើកដំបូងរបស់ខ្លួននៅ US Open បានយកឈ្នះ Kwon Soon-woo ដោយលទ្ធផល ៦-៤ និង ៧-៦(៧-១)។ ជាមួយគ្នានោះដែរ Roberto Bautista Agut គឺជាអ្នករកបានជ័យជំនះដំបូងឱ្យអេស្ប៉ាញក្រោយយកឈ្នះ Hong Seong-chan ៦-១ និង ៦-៣។ ជើងឯក ៦សម័យអេស្ប៉ាញនឹងបន្តជួបជាមួយក្រូអាស៊ី ដើម្បីកៅអីនៅវគ្គពាក់កណ្តាលផ្តាច់ព្រ័ត្រ។ចំណែកការប្រកួតក្នុងពូល B នៅប្រទេសអ៊ីតាលី ក្រុមម្ចាស់ផ្ទះក៏បានបន្តដំណើរឡើងជុំបន្តដែរតាមរយៈជ័យជំនះរបស់ Matteo Berrettini លើកីឡាករ Elias Ymer ៦-៤ និង ៦-៤ មុនពេលដែល Mikael Ymer យកឈ្នះ Jannik Sinner វិញ ៦-៤, ៣-៦ និង ៦-៣។ ប្រកួតកាត់សេចក្ដី វាយគូកីឡាករ Simone Bolelli និង Fabio Fognini ឈ្នះ Andre Goransson និង Dragos Nicolae Madaras ៧-៦ និង ៦-២។ តាមរយៈលទ្ធផលនេះអ៊ីតាលីឈ្នះក្រុមស៊ុយអែត ២ទល់១ ឡើងជួបជាមួយអាមេរិកនៅវគ្គ ៨ក្រុមចុងក្រោយ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ម៉ាឡេស៊ី ថា នឹងមិនបញ្ជូនជនភៀសខ្លួនរ៉ូហ៊ីងយ៉ាត្រឡប់ទៅមីយ៉ាន់ម៉ាវិញទេ ប្រសិនបើជីវិតពួកគេស្ថិតក្នុងហានិភ័យ

MOI Kompong Dewa ប្រកាសនាំយកកីឡាករប្រេស៊ីល ២ រូប មកពង្រឹងក្រុមមុនរដូវកាលថ្មី

ចិន វាយបកអាមេរិកដោយទណ្ឌកម្ម និងរឹតបន្តឹងការនាំចេញយានដ្រូន មុនជំនួបលោក Xi-Trump

រដ្ឋមន្ត្រីមហាផ្ទៃ៖ យានដ្រូនផ្ទុកគ្រឿងផ្ទុះនៅអាកាសយានដ្ឋានប្រទេសអាល្លឺម៉ង់ បង្កើនគ្រោះថ្នាក់ថ្មី

អ៊ីស្រាអែល បន្តការវាយប្រហារលើលីបង់ ខណៈការចរចាកំពុងបន្តដំណើរការនៅអ៊ីតាលី

អ៊ីរ៉ង់ គំរាមវាយប្រហាររដ្ឋឈូងសមុទ្រជាថ្មី ប្រសិនបើសហរដ្ឋអាមេរិកបើកការវាយប្រហារថ្មីទៀត

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងពិធីប្រគល់សញ្ញាបត្រជូននិស្សិតជ័យលាភី និងសម្ពោធអគារសិក្សានៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

អ៊ីរ៉ង់ និងអាមេរិក អះអាងថាកិច្ចព្រមព្រៀងស្តីពីច្រកសមុទ្ទ Hormuz ជិតសម្រេចបានហើយ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

U23 កម្ពុជាចាញ់ U23 ជប៉ុន ៣-១ ចំពោះមុខអ្នកគាំទ្រជិត ១ម៉ឺននាក់

នាយកប្រតិបត្តិ Bayern Munich, Oliver Kahn នៅតែគាំទ្រ Julian Nagelsmann ទោះចាប់ផ្តើមរដូវកាលមិនល្អ

La Liga ថ្កោលទោសរឿងរើសអើងលើ Vinicius Jr. អំឡុងការប្រកួតនៅទឹកដី Atletico Madrid

Hugo Lloris អវត្តមានពីក្រុមបារាំងនៅ Nations League ដោយសាររបួស

Luis Suarez នឹងចាកចេញពីក្លិប Nacional មុន World Cup ចាប់ផ្តើម

យុវជនថៃម្នាក់អរគុណបាល់ទាត់កម្ពុជាធ្វើឲ្យខ្លួនទទួលបានកុងត្រាអាជីពនៅស្រុកកំណើត

រឿង World Cup មិនទាន់ច្បាស់ តែរបួសស្មារបស់ Kalvin Phillips ត្រូវការវះកាត់

កីឡាវ៉ូវីណាមសម្លឹងឃើញធនធានថ្មីៗ និងមានសមត្ថភាពខ្ពស់ក្រោយចប់ជើងឯកថ្នាក់ជាតិ

គ្រូ U23 ថា ការប្រកួតថ្ងៃនេះមិនងាយស្រួលឡើយ ស្របពេលគ្រូជប៉ុនចង់ឈ្នះ

កីឡាករលេខ ១ ពិភពលោកថ្មី Carlos Alcaraz នាំអេស្ប៉ាញឈ្នះកូរ៉េឡើងវគ្គ ៨ក្រុមចុងក្រោយ Davis Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

U23 ​កម្ពុជាចាញ់​ U23 ​ជប៉ុន ៣-១ ចំពោះមុខ​អ្នកគាំទ្រ​ជិត ១​ម៉ឺន​នាក់​

នាយក​ប្រតិបត្តិ Bayern Munich, Oliver Kahn នៅតែ​គាំទ្រ Julian Nagelsmann ទោះ​ចាប់ផ្តើម​រដូវ​កាល​មិនល្អ​

La Liga ថ្កោលទោស​រឿង​រើសអើង​លើ Vinicius Jr. អំឡុង​ការប្រកួត​នៅ​ទឹកដី Atletico Madrid

Hugo Lloris អវត្តមាន​ពី​ក្រុម​បារាំង​នៅ Nations League ដោយសារ​របួស

Luis Suarez នឹង​ចាក​ចេញពី​ក្លិប Nacional មុន World Cup ចាប់ផ្តើម​

យុវជន​ថៃ​ម្នាក់​អរគុណ​បាល់ទាត់​កម្ពុជា​ធ្វើ​ឲ្យ​ខ្លួន​ទទួល​បាន​កុងត្រា​អាជីព​នៅ​ស្រុកកំណើត​

រឿង World Cup មិនទាន់​ច្បាស់ ​តែ​របួស​ស្មា​របស់ Kalvin Phillips ត្រូវការ​វះកាត់

កីឡា​វ៉ូ​វី​ណា​ម​សម្លឹង​ឃើញ​ធនធាន​ថ្មីៗ និង​មាន​សមត្ថភាព​ខ្ពស់​ក្រោយ​ចប់​ជើងឯក​ថ្នាក់ជាតិ

គ្រូ U23 ថា ការប្រកួត​ថ្ងៃនេះ​មិន​ងាយស្រួល​ឡើយ ស្របពេល​គ្រូ​ជប៉ុន​ចង់​ឈ្នះ

កីឡា​ករលេខ ១ ពិភពលោក​ថ្មី Carlos Alcaraz នាំ​អេ​ស្ប៉ា​ញ​ឈ្នះ​កូរ៉េ​ឡើង​វគ្គ ៨ក្រុម​ចុងក្រោយ Davis Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

U23 កម្ពុជាចាញ់ U23 ជប៉ុន ៣-១ ចំពោះមុខអ្នកគាំទ្រជិត ១ម៉ឺននាក់

នាយកប្រតិបត្តិ Bayern Munich, Oliver Kahn នៅតែគាំទ្រ Julian Nagelsmann ទោះចាប់ផ្តើមរដូវកាលមិនល្អ

La Liga ថ្កោលទោសរឿងរើសអើងលើ Vinicius Jr. អំឡុងការប្រកួតនៅទឹកដី Atletico Madrid

Hugo Lloris អវត្តមានពីក្រុមបារាំងនៅ Nations League ដោយសាររបួស

Luis Suarez នឹងចាកចេញពីក្លិប Nacional មុន World Cup ចាប់ផ្តើម

យុវជនថៃម្នាក់អរគុណបាល់ទាត់កម្ពុជាធ្វើឲ្យខ្លួនទទួលបានកុងត្រាអាជីពនៅស្រុកកំណើត

រឿង World Cup មិនទាន់ច្បាស់ តែរបួសស្មារបស់ Kalvin Phillips ត្រូវការវះកាត់

កីឡាវ៉ូវីណាមសម្លឹងឃើញធនធានថ្មីៗ និងមានសមត្ថភាពខ្ពស់ក្រោយចប់ជើងឯកថ្នាក់ជាតិ

គ្រូ U23 ថា ការប្រកួតថ្ងៃនេះមិនងាយស្រួលឡើយ ស្របពេលគ្រូជប៉ុនចង់ឈ្នះ

កីឡាករលេខ ១ ពិភពលោកថ្មី Carlos Alcaraz នាំអេស្ប៉ាញឈ្នះកូរ៉េឡើងវគ្គ ៨ក្រុមចុងក្រោយ Davis Cup