BTV NEWS

នាយករដ្ឋមន្ត្រីកាណាដា៖ ខ្ញុំលែងមានទំនុកចិត្តលើប្រធាន FIFA លោក Gianni Infantino

MOI Kompong Dewa ប្រកាសនាំយកកីឡាករប្រេស៊ីល ២ រូប មកពង្រឹងក្រុមមុនរដូវកាលថ្មី

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

Hervé Renard វិលត្រឡប់មកដឹកនាំក្រុមជម្រើសជាតិកូតឌីវ័រ ជាលើកទី២

ព័ត៌មានកីឡា

កីឡាករលេខ ១ ពិភពលោកថ្មី Carlos Alcaraz នាំអេស្ប៉ាញឈ្នះកូរ៉េឡើងវគ្គ ៨ក្រុមចុងក្រោយ Davis Cup

វាយកូនបាល់៖ កីឡាករលំដាប់លេខ ១ ពិភពលោកថ្មីថ្មោង Carlos Alcaraz រកបានជ័យជំនះដំបូងរបស់ខ្លួនក្នុងរជ្ជកាលនៃតំណែងលេខ ១ ពិភពលោកក្រោយយកឈ្នះកីឡាករកូរ៉េ Kwon Soon-woo នាំក្រុមអេស្ប៉ាញឡើងវគ្គ ៨ក្រុមចុងក្រោយនៃព្រឹត្តិការណ៍ Davis Cup។ Carlos Alcaraz ដែលឡើងមកឈរលំដាប់កំពូលរបស់ពិភពលោកតាមរយៈការឈ្នះជើងឯក Grand Slam លើកដំបូងរបស់ខ្លួននៅ US Open បានយកឈ្នះ Kwon Soon-woo ដោយលទ្ធផល ៦-៤ និង ៧-៦(៧-១)។ ជាមួយគ្នានោះដែរ Roberto Bautista Agut គឺជាអ្នករកបានជ័យជំនះដំបូងឱ្យអេស្ប៉ាញក្រោយយកឈ្នះ Hong Seong-chan ៦-១ និង ៦-៣។ ជើងឯក ៦សម័យអេស្ប៉ាញនឹងបន្តជួបជាមួយក្រូអាស៊ី ដើម្បីកៅអីនៅវគ្គពាក់កណ្តាលផ្តាច់ព្រ័ត្រ។ចំណែកការប្រកួតក្នុងពូល B នៅប្រទេសអ៊ីតាលី ក្រុមម្ចាស់ផ្ទះក៏បានបន្តដំណើរឡើងជុំបន្តដែរតាមរយៈជ័យជំនះរបស់ Matteo Berrettini លើកីឡាករ Elias Ymer ៦-៤ និង ៦-៤ មុនពេលដែល Mikael Ymer យកឈ្នះ Jannik Sinner វិញ ៦-៤, ៣-៦ និង ៦-៣។ ប្រកួតកាត់សេចក្ដី វាយគូកីឡាករ Simone Bolelli និង Fabio Fognini ឈ្នះ Andre Goransson និង Dragos Nicolae Madaras ៧-៦ និង ៦-២។ តាមរយៈលទ្ធផលនេះអ៊ីតាលីឈ្នះក្រុមស៊ុយអែត ២ទល់១ ឡើងជួបជាមួយអាមេរិកនៅវគ្គ ៨ក្រុមចុងក្រោយ៕អត្ថបទ៖នាង សុភាវុធ

Marco Reus រងរបួសត្រូវសម្រាកយ៉ាងហោចណាស់ ៤សប្តាហ៍

បាល់ទាត់៖ ប្រធានក្រុម Borussia Dortmund និងក្រុមជម្រើសជាតិអាល្លឺម៉ង់ Marco Reus នឹងត្រូវសម្រាកយ៉ាងហោចណាស់ ៤សប្តាហ៍បន្ទាប់ពីទទួលរងរបួសកជើងអំឡុងការប្រកួតដែល Dortmund យកឈ្នះ ១-០ លើ Schalke កាលពីថ្ងៃសៅរ៍។ កីឡាករវ័យ ៣៣ឆ្នាំរូបនេះចូលលេងបានត្រឹម ២៨នាទីក៏រងរបួសកជើងត្រូវសែងចេញពីទីលាន បន្ទាប់ពីទទួលការពិនិត្យបន្ថែមនៅលើទីលានច្រើននាទី។ របួសដែលត្រូវសម្រាករយៈពេល ៤សប្តាហ៍នេះក៏បានធ្វើឱ្យឱកាសជាមួយក្រុមជម្រើសជាតិអាល្លឺម៉ង់នៅ World Cup 2022 នៅកាតាចុងឆ្នាំនេះស្ថិតក្នុងមន្ទិលផងដែរ។ រំលឹកថា Marco Reus ធ្លាប់អវត្តមានពីក្រុមអាល្លឺម៉ង់នៅព្រឹត្តិការណ៍ធំៗ ជាច្រើនលើករួចមកហើយដោយសាររបួសដូចជា Euro 2012, World Cup 2014, Euro 2016 និង Euro 2021៕អត្ថបទ៖នាង សុភាវុធ

Union Berlin ត្រលប់មកកំពូលតារាងវិញក្រោយឈ្នះ Wolfsburg ២-០ ស្របពេល Bayern Munich ចាញ់

បាល់ទាត់៖ ក្លិប Union Berlin បានត្រលប់ឡើងមកឈរកំពូលតារាងវិញនៃក្របខណ្ឌកំពូលអាល្លឺម៉ង់ Bundesliga ក្រោយយកឈ្នះ Wolfsburg ២-០ យប់មិញក្នុងសប្តាហ៍ទី៧។ Union Berlin ដែលឡើងមកកំពូលតារាងកាលពីសប្តាហ៍ទី៦ ជាលើកដំបូងក្នុងប្រវត្តិសាស្ត្រក្លិបនោះត្រូវរង់ចាំដល់វគ្គទី២ ក្នុងការប្រកួតនេះទើបអាចរកបានគ្រាប់នាំមុខធ្វើបានដោយខ្សែប្រយុទ្ធអាមេរិក Jordan Pefok នៅនាទីទី៥៤ មុនពេលដែល Sheraldo Becker ជាអ្នកធានាជ័យជំនះនៅនាទីទី៧៧។ ជ័យជំនះនេះធ្វើឱ្យ Union Berlin ត្រលប់មកឈរកំពូលតារាងវិញពីលើ Dortmund ២ពិន្ទុ ខណៈ Dortmund បានយកឈ្នះ Schalke 04 ១-០ កាលពីថ្ងៃសៅរ៍។ជាមួយគ្នានោះដែរ Bayern Munich កាលពីថ្ងៃសៅរ៍បន្តរកមិនបានជ័យជំនះនៅក្នុងលីគ ៤ប្រកួតផ្ទួនៗក្រោយចាញ់នៅទឹកដី Augsburg ១-០។ បរាជ័យនេះមានន័យថា តាំងពីឈ្នះ Bochum ៧-០ កាលពីថ្ងៃទី២១ ខែសីហា Bayern Munich ក្រោយមកក៏ស្មើ ៣ប្រកួតជាប់គ្នា មុនពេលចាញ់ Augsburg ក្នុងសប្តាហ៍ទី៧ នេះធ្លាក់ទៅឈរលេខ៥ ក្នុងតារាងមានត្រឹម ១២ពិន្ទុដេញពីក្រោយក្រុមកំពូលតារាង Union Berlin ៥ពិន្ទុ៕អត្ថបទ៖នាង សុភាវុធ

Brighton រកបានអ្នកចាត់ការថ្មី Roberto de Zerbi ធ្លាប់ដឹកនាំ Shakhtar Donetsk

បាល់ទាត់៖ ក្លិប Brighton រកបានអ្នកចាត់ការថ្មីហើយគឺលោក Roberto de Zerbi ដើម្បីជំនួសតំណែងលោក Graham Potter ដែលចាកចេញទៅដឹកនាំតោខៀវ Chelsea។ បុរសសញ្ជាតិអ៊ីតាលីវ័យ ៤៣ឆ្នាំ Robert de Zerbi បាននៅទំនេរពីអាជីពអ្នកចាត់ការតាំងពីចាកចេញពីក្លិបអ៊ុយក្រែន Shakhtar Donetsk កាលពីខែកក្កដាដោយសារតែសង្គ្រាមនៅក្នុងទឹកដីអ៊ុយក្រែន។ Roberto de Zerbi បានចុះហត្ថលេខាដឹកនាំ Brighton រយៈពេល ៤ឆ្នាំនៅកីឡដ្ឋាន Amex Stadium។ អតីតខ្សែបម្រើរបស់ក្លិប Napoli រូបនេះក៏ធ្លាប់មានអាជីពជោគជ័យគួរសមដែរនៅក្លិបអ៊ីតាលី Sassuolo ដោយដឹកនាំក្រុមបញ្ចប់នៅចំណាត់ថ្នាក់លេខ៨ ពីររដូវកាលជាប់គ្នា។ ការងារដំបូងរបស់លោក Zerbi ដឹកនាំ Brighton គឺនឹងចំពេលធ្វើដំណើរទៅទឹកដី Liverpool ថ្ងៃទី១ ខែតុលាខាងមុខ៕អត្ថបទ៖នាង សុភាវុធ

Canelo Alvarez យកឈ្នះ Gennady Golovkin ការពារខ្សែក្រវាត់ទាំង ៤ស្ថាប័នរបស់ខ្លួនបានសម្រេច

ប្រដាល់៖ កីឡាករប្រដាល់ម៉ិកស៊ិក Saul Canelo Alvarez នៅតែអាចការពារខ្សែក្រវាត់ទាំង ៤ស្ថាប័នរបស់ខ្លួនបានសំរេច ក្រោយយកឈ្នះកីឡាករប្រដាល់កាហ្សាក់ស្ថាន Gennady Golovkin ពេញ ១២ទឹកដោយពិន្ទុឯកច្ឆន្ទ។ នេះជាជំនួបទី៣ ហើយរវាងកំពូលកីឡាករប្រដាល់ទាំងពីរនៅទីក្រុង Las Vegas នេះស្របពេលដែល Canelo Alvarez ដណ្តើមបានជ័យជំនះជាលើកទី២ បន្ទាប់ពីប្រកួតដំបូងស្មើគ្នាទាំងប្រទាំងប្រទូស។ ចៅក្រមទាំង ៣ បានសំរេចឱ្យ Canelo Alvarez ឈ្នះដោយពិន្ទុ ១១៦-១១២, ១១៥-១១៣ និង ១១៥-១១៣។ បន្ទាប់ពីបញ្ចប់ការប្រកួតដ៏តានតឹងកីឡាករទាំងពីរបានគោរពគ្នាទៅវិញទៅមក ស្របពេលដែលអ្នកចាញ់គឺកីឡាករ Gennady Golovkin បានអបអរសាទរជ័យជំនះរបស់ Canelo និងនិយាយថា Canelo ជាកំពូលកីឡាករប្រដាល់ក្នុងប្រភេទទំងន់ពិតៗ។ កីឡាករវ័យ ៣២ឆ្នាំ Canelo Alvarez នៅតែអាចរក្សាខ្សែក្រវាត់ទាំង ៤ស្ថាប័នក្នុងប្រភេទទំងន់មធ្យមនេះរួមមាន IBF, WBA, WBO និង WBC។គេមិនទាន់ដឹងពីអនាគតអ្នកទាំងពីរបែបណានៅឡើយ ខណៈ Canelo Alvarez បញ្ជាក់ថាត្រូវការសម្រាក មុននឹងសំរេចថាត្រូវប្រកួតសងសឹកជាមួយកីឡាកររុស្ស៊ី Dmitry Bivol រឺក៏អត់បន្ទាប់ពីធ្លាប់ចាញ់ពីរលើករួចមកហើយ។ ចំណែកឯ Gennedy Golovkin ដែលមានវ័យ ៤០ឆ្នាំទៅហើយនោះក៏មិនទាន់សំរេចចិត្តចូលនិវត្តន៍នៅឡើយ បន្ទាប់ពីស្គាល់បរាជ័យតែពីរលើកក្នុងចំណោមការប្រកួត ៤៥លើក ពោលគឺពីរលើកនេះគឺចាញ់ Canelo Alvarez នេះឯង៕អត្ថបទ៖នាង សុភាវុធ

ឯកឧត្តម វ៉ាត់ ចំរើន៖ ធ្វើអាជ្ញាកណ្ដាល-ចៅក្រមត្រូវស្គាល់តួនាទី និងលុបបំបាត់អគតិទាំង ៤

ចំបាប់៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) និងជាប្រធានសហព័ន្ធកីឡាចំបាប់កម្ពុជាមានប្រសាសន៍ថា ធ្វើអាជ្ញាកណ្ដាល-ចៅក្រមត្រូវស្គាល់តួនាទីរបស់ខ្លួនឲ្យបានច្បាស់ ពិសេសត្រូវចៀសឲ្យផុសនូវអគតិទាំង ៤ ដើម្បីរក្សានូវគុណតម្លៃ និងកេរ្ដិ៍ឈ្មោះក្នុងអាជីពមួយនេះ។ ការលើកឡើងនេះ បន្ទាប់ពីសហព័ន្ធកីឡាចំបាប់កម្ពុជាបានបញ្ចប់ការរៀបចំ វគ្គបណ្ដុះបណ្ដាលអាជ្ញាកណ្ដាល-ចៅក្រមកម្រិតមូលដ្ឋានដែលធ្វើឡើងរយៈពេល ៣ថ្ងៃកាលពីចុងសប្ដាហ៍កន្លងទៅ ក្រោមការឧបត្ថម្ភគាំទ្ររបស់ក្រសួងអប់រំ យុវជន និងកីឡា និងមានសិក្ខាកាមចំនួន ៣០នាក់ចូលរួមមកពីបណ្ដាក្លិបនៅរាជធានីភ្នំពេញ ខេត្តកណ្ដាល និងក្រសួងមហាផ្ទៃ។ តាមការបញ្ជាក់របស់មន្ដ្រីជំនាញដដែល អាជ្ញាកណ្ដាល-ចៅក្រមមានតួនាទីសំខាន់ ២ ទី១-ការការពារនូវរាល់បទបញ្ជាការប្រកួតតាមនិយាមរបស់សហព័ន្ធអន្ដរជាតិនីមួយៗ ទី២-ត្រូវបញ្ជ្រាបចំណេះដឹងដល់មនុស្សទូទៅ មិនថាគ្រូបង្វឹក កីឡាករ-កីឡាការិនី ឬមហាជននោះទេ ដើម្បីជ្រាបច្បាស់ពីក្បួនច្បាប់នៃការប្រកួត ពិសេសនៅពេលមានការផ្លាស់ប្ដូរច្បាប់ណាមួយដោយសហព័ន្ធអន្ដរជាតិ។ ឯកឧត្តម វ៉ាត់ ចំរើន បន្ដថា ក្រៅពីត្រូវស្គាល់តួនាទី អាជ្ញាកណ្ដាល-ចៅក្រមត្រូវលុបបំបាត់អគតិទាំង ៤ ទី១-គ្រួសារនិយម ទី២-សេចក្ដីស្រលាញ់ (មនោសញ្ចេតនា) ទី៣-ស្រលាញ់ដោយសារផលប្រយោជន៍ និងទី៤-គំនាបរបស់នរណាម្នាក់។ ឯកឧត្តមថា អគតិទាំង ៤ នេះអាចធ្វើឲ្យគុណតម្លៃ និងកេរ្ដិ៍ឈ្មោះត្រូវបាត់បង់ភ្លាមៗ ប្រសិនបើមានក្នុងខ្លួនរបស់អាជ្ញាកណ្ដាល-ចៅក្រម។ដូច្នេះត្រូវចៀសវាងឲ្យផុតនូវអគតិទាំង ៤ ព្រោះវាជាគុណតម្លៃដ៏សំខាន់របស់អាជ្ញាកណ្ដាល-ចៅក្រម។ឆ្លៀតឱកាសនោះដែរ ឯកឧត្តមបានជំរុញឲ្យអាជ្ញាកណ្ដាល-ចៅក្រមទាំងអស់ ក្រោយបញ្ចប់ការសិក្សាវគ្គបណ្ដុះបណ្ដាលកម្រិតមូលដ្ឋាននេះ ត្រូវខិតខំសិក្សារៀនសូត្រ និងពង្រឹងសមត្ថភាពបន្ថែម ដើម្បីបង្កើនចំណេះដឹង និងជំនាញវិជ្ជាជីវៈរបស់ខ្លួន សម្រាប់ត្រៀមធ្វើម្ចាស់ផ្ទះការប្រកួតស៊ីហ្គេមឆ្នាំ២០២៣។ ពិសេសឯកឧត្តមបានជំរុញឲ្យអគ្គលេខាធិការ និងរដ្ឋបាលសហព័ន្ធរៀបចំអាជ្ញាកណ្ដាល-ចៅក្រមកម្ពុជាចូលរួមវគ្គបណ្ដុះបណ្ដាលកម្រិតអន្ដរជាតិនានា ដើម្បីទទួលបាននូវអាជ្ញាប័ណ្ឌអាជ្ញាកណ្ដាល-ចៅក្រមអន្ដរជាតិទៀតផង។ គួរដឹងថា វគ្គបណ្ដុះបណ្ដាលខាងលើគឺបង្រៀនដោយអាជ្ញាកណ្ដាលអន្ដរជាតិរបស់កម្ពុជា ២រូបគឺលោក នុត សេរីរដ្ឋា និង យឹង សុវណ្ណារ៉ា ខណៈជាលទ្ធផលក្រោយសិក្សារយៈពេល ៣ថ្ងៃមានសិក្ខាកាមទទួលបាននិទ្ទេសល្អ ៩០% និងនិទ្ទេសល្អបង្គួរ ១០%៕អត្ថបទ៖ លី ឈុនឡា

Ethan Nwaneri ក្លាយជាកីឡាករក្មេងបំផុតនៅ Premier League ក្រោយចូលលេងចុងម៉ោងឲ្យ Arsenal

បាល់ទាត់៖ កីឡាករវ័យទើបតែ ១៥ឆ្នាំ Ethan Nwaneri បានក្លាយជាកីឡាករវ័យក្មេងបំផុតក្នុងប្រវត្តិសាស្ត្រ Premier League បន្ទាប់ពីត្រូវបានផ្លាស់ប្តូរចូលលេងឱ្យ Arsenal ពេលយកឈ្នះនៅទឹកដី Brentford ៣-០ យប់មិញ។ កីឡាករវ័យ ១៥ឆ្នាំអង់គ្លេសរូបនេះបានដូរចូលជំនួស Fabio Vieira នៅកីឡដ្ឋាន Community Stadium របស់ Brentford។ Ethan Nwaneri ទើបតែត្រូវបានជ្រើសរើសឱ្យឡើងមកហ្វឹកហាត់ជាមួយក្រុមធំកាលពីសប្តាហ៍មុនប៉ុណ្ណោះ បន្ទាប់ពីអ្នកចាត់ការ Mikel Arteta ពេញចិត្តសមត្ថភាពរបស់កីឡាករវ័យ ១៥ឆ្នាំរូបនេះលេងឱ្យក្រុមយុវជន Arsenal អាយុក្រោម ២១ឆ្នាំ។ Ethan បានស៊ុតបញ្ចូលទី ៤គ្រាប់ និងបញ្ជូន ៤ រដូវកាលនេះទាំងនៅក្រុម Arsenal អាយុក្រោម ១៨ឆ្នាំ និង ២១ឆ្នាំ។ ការឈានជើងចូលទីលានយប់មិញធ្វើឱ្យ Ethan បានក្លាយជាកីឡាករវ័យក្មេងបំផុតនៅ Premier League ក្នុងវ័យ ១៥ឆ្នាំបំបែកកំណត់ត្រាចាស់របស់កីឡាករ Liverpool, Harvey Elliott ដែលចូលលេងក្នុងវ័យ ១៦ឆ្នាំ ៣០ថ្ងៃនៅពេលជាកីឡាកររបស់ Fulham។ចំណែកកីឡាករអេស្ប៉ាញ Cesc Fabregas គឺជាអ្នកកាន់កំណត់ត្រាកីឡាករក្មេងបំផុតរបស់ Arsenal តាំងពី២០០៣ ដោយបានចូលលេងក្នុងវ័យ ១៦ឆ្នាំ ១៧៧ថ្ងៃពេល Arsenal ជួបជាមួយ Rotherham ពានរង្វាន់ League Cup។ Arsenal បន្តនាំមុខគេក្នុងតារាងក្របខណ្ឌ English Premier League ក្រោយជ័យជំនះនៅទឹកដី Brentford យប់មិញ ៣-០៕អត្ថបទ៖នាង សុភាវុធ

កីឡាវាយសីបើកវគ្គបណ្ដុះបណ្ដាលជំនាញកម្រិតបឋម ដើម្បីស្វែងរកធនធានបន្ដវេន

វាយសី៖ សហព័ន្ធកីឡាវាយសីកម្ពុជាបានរៀបចំវគ្គបណ្ដុះបណ្ដាលជំនាញ កីឡាវាយសីកម្រិតមូលដ្ឋានរយៈពេល ៤ថ្ងៃចាប់ពីថ្ងៃទី១៨ ដល់ថ្ងៃទី២១ ខែកញ្ញា ឆ្នាំ២០២២ នៅទីស្នាក់ការគណៈកម្មាធិការជាតិអូឡាំពិកកម្ពុជា ដើម្បីស្វែងរកធនធានបន្ដវេនក្នុងការជួយបណ្ដុះបណ្ដាល និងរួមចំណែកអភិវឌ្ឍន៍វិស័យកីឡាវាយសីនាថ្ងៃអនាគត។ ថ្លែងក្នុងពិធីបើកវគ្គបណ្ដុះបណ្ដាលនេះ ឯកឧត្តម លី កុសល ប្រធានសហព័ន្ធមានប្រសាសន៍ថា វគ្គនេះគឺជាចំណុចចាប់ផ្ដើមដ៏សំខាន់ដើម្បីចែករំលែកចំណេះដឹង និងជំនាញដល់សិក្ខាសាកាមមកពីបណ្ដាក្លិបសមាជិក ពិសេសតាមគ្រឹះស្ថាននានាដែលជាមូលដ្ឋានដ៏សំខាន់ក្នុងការស្វែងរកអ្នកបន្ដវេន។ លោក ជាម សុភា អគ្គលេខាធិការសហព័ន្ធ បានឲ្យដឹងថា វគ្គបណ្ដុះបណ្ដាលរយៈពេល ៤ថ្ងៃនេះមានសិក្ខាកាមចូលរួមសរុប ៣១នាក់មកពីសមាគម/ក្លិបចំនួន ៧ ក្រោមការបង្ហាត់បង្រៀនរបស់ជំនាញការហ្វឹកហ្វឺនជាន់ខ្ពស់របស់សហព័ន្ធកីឡាវាយសីអាស៊ី លោក Sambenthan Sivaperumal។តាមរយៈវគ្គនេះដែរ ឯកឧត្តម លី កុសល សង្ឃឹមថា សិក្ខាកាមទាំងអស់នឹងមានភាពងាយស្រួលក្នុងការចាប់យកចំណេះដឹង ពីការបង្រៀនរបស់អ្នកជំនាញអន្ដរជាតិ ហើយពេលត្រឡប់ទៅគ្រឹះស្ថាន ឬក្លិបរបស់ខ្លួនវិញ នឹងអាចពាំនាំយកនូវចំណេះដឹងទាំងអស់ទៅផ្សព្វផ្សាយដល់សិស្សានុសិស្ស និងកីឡាករ-កីឡាការិនីរបស់ខ្លួន៕អត្ថបទ៖ លី ឈុនឡា

ក្រុមយុវជន U20 កម្ពុជាបញ្ចប់ការប្រកួតជម្រុះពាន AFC U20 ដោយរកបានត្រឹម ១ពិន្ទុ

បាល់ទាត់៖ ក្រុមជម្រើសជាតិយុវជនអាយុក្រោម ២០ឆ្នាំកម្ពុជាបានបញ្ចប់ការប្រកួតជម្រុះពានរង្វាន់យុវជនអាស៊ី AFC U20 Asian Cup 2022 ហើយដោយរកបានត្រឹម ១ពិន្ទុប៉ុណ្ណោះក្រោយស្មើ ១ និងចាញ់ ២។ បេសកកម្មលើទឹកដីកណ្ដាលនៃប្រទេសតាជីគីស្ថាននេះ សម្រាប់ការប្រកួតបញ្ចប់ពូល I កាលពីរាត្រីថ្ងៃទី១៨ ខែកញ្ញា ក្រុមគោព្រៃជំទង់កម្ពុជាបានចាញ់ក្រុមម្ចាស់ផ្ទះ U20 តាជីគីស្ថានដោយលទ្ធផល ២-១។ ការប្រកួតចុងក្រោយនេះ កីឡាករ Kamolov របស់ម្ចាស់ផ្ទះគឺជាអ្នកស៊ុតបើកការនាំមុខលើក្រុមកម្ពុជាមុននៅនាទី៥៩ ក្រោយរក្សាលទ្ធផល ០-០ នៅវគ្គទី១។តែ ៥នាទីក្រោយមកកីឡាករ ហៅ សុខនេត ក៏រកបានគ្រាប់តាមស្មើវិញនៅនាទី៦៤ មុនកីឡាករ Nishonobojzoda រកបាន ១គ្រាប់បន្ថែមឲ្យតាជីគីស្ថាន ដែលជាគ្រាប់ជ័យជម្នះរបស់ក្រុមម្ចាស់ផ្ទះ និងជួយឲ្យពួកគេឡើងវគ្គចុងក្រោយនាឆ្នាំ២០២៣ តែម្ដង។ គួរដឹងថា ៣ប្រកួតរបស់ក្រុមយុវជន U20 កម្ពុជា ប្រកួតទី១ បានចាញ់លីបង់ ១-០ បន្ទាប់មកបានប្រកួតស្មើសិង្ហបុរី ១-១ មុនប្រកួតចុងក្រោយចាញ់តាជីគីស្ថាន ២-១៕អត្ថបទ៖ លី ឈុនឡា

កីឡាបាល់ទះសម្រេចចុះកុងត្រាជាមួយគ្រូគុយបា ២រូបដើម្បីពង្រឹងក្រុមជម្រើសជាតិត្រៀមស៊ីហ្គេម

បាល់ទះ៖ ក្រោយមានការទំនាក់ទំនង និងសម្របសម្រួលរវាងសហព័ន្ធកីឡាបាល់ទះកម្ពុជា ជាមួយឯកអគ្គរដ្ឋទូតគុយបាប្រចាំនៅប្រទេសកម្ពុជា សហព័ន្ធបានឈានដល់ការចុះកិច្ចសន្យាជាមួយគ្រូបង្វឹកជនជាតិគុយបា ២រូបជាផ្លូវការ ដើម្បីរួមចំណែកពង្រឹងក្រុមជម្រើសជាតិបាល់ទះកម្ពុជា ទាំងក្នុងសាល និងឆ្នេរខ្សាច់ឆ្ពោះទៅស៊ីហ្គេមឆ្នាំ២០២៣ ខាងមុខ។ ពិធីចុះកិច្ចសន្យានេះបានធ្វើឡើងកាលពីចុងសប្ដាហ៍កន្លងទៅនៅទីស្នាក់ការសហព័ន្ធ ដោយមានការចូលរួមពីសំណាក់មន្ដ្រីសហព័ន្ធ ក្រុមគ្រូបង្វឹក និងកីឡាករជម្រើសជាតិមួយចំនួន ក្នុងនោះក៏មានវត្តមានចូលរួមជាសាក្សីពីលោកជំទាវ Liurka Rodríguez Barrios ឯកអគ្គរដ្ឋទូតគុយបាប្រចាំនៅកម្ពុជាផងដែរ។ រីឯគ្រូគុយបា ២រូបដែលសហព័ន្ធបានចុះកុងត្រាគឺមានលោក Karell Pena Ventoza ជាគ្រូបង្វឹកបាល់ទះឆ្នេរខ្សាច់បុរស និងលោក Berto Friol Barrios ជាគ្រូជំនួយក្រុមបាល់ទះក្នុងសាលបុរស។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងថា ការបន្ថែមក្បាលម៉ាស៊ីនសម្រាប់ក្រុមជម្រើសជាតិបាល់ទះក្នុងសាល និងបាល់ទះឆ្នេរខ្សាច់កម្ពុជានេះកើតឡើងដោយមានការជួយជ្រោមជ្រែង ពីសំណាក់លោកជំទាវឯកអគ្គរដ្ឋទូចគុយបាប្រចាំកម្ពុជា រហូតឈានដល់ការចុះកិច្ចសន្យាជាផ្លូវការ បន្ទាប់ពីសហព័ន្ធបានពិនិត្យឃើញបច្ចេកទេស និងការបង្ហាត់របស់គ្រូបង្វឹកជនជាតិគុយបាទាំង ២រូបអស់មួយរយៈពេលកន្លងមក។ លោកថា ក្រោយការធ្វើតេស្តសាកល្បង ពិនិត្យលើការផ្តល់តិចនិច និងទស្សនវិស័យមួយចំនួនរបស់គ្រូថ្មីទាំង ២ គឺស្របតាមអ្វីដែលឯកឧត្តមសន្តិបណ្ឌិត នេត សាវឿន ប្រធានសហព័ន្ធបានចង្អុលបង្ហាញ ក្នុងន័យតែមួយគត់គឺចង់បានមេដាយមាសពេលកម្ពុជាធ្វើជាម្ចាស់ផ្ទះស៊ីហ្គេម។តែអ្វីៗការប្រកួតលើទីលាន វាមិនស្រួលដូចការនិយាយនោះទេ ប៉ុន្ដែលោកជឿជាក់ថា ការបន្ថែមគ្រូបង្វឹកទាំងពីរនឹងជួយសហព័ន្ធឲ្យមានសង្ឃឹមកាន់តែធំ ក្នុងការប្រជែងយកមេដាយមាស។ អគ្គលេខាធិការសហព័ន្ធដដែលបន្ថែមថា ខ្លឹមសារនៃកិច្ចសន្យាគឺបើកទូលាយ ដោយសហព័ន្ធទទួលជាគ្រូបង្វឹកទាំងបាល់ទះឆ្នេរខ្សាច់ក្តី បាល់ទះក្នុងសាលក្តីរយៈពេល ១ឆ្នាំ បើងាកមើលទៅក្រោយស៊ីហ្គេមឆ្នាំ២០២៣ ចប់រយៈ ៣ខែទើបផុតកិច្ចសន្យា។ ក្នុងនោះសហព័ន្ធចង់បន្តកិច្ចសន្យាត្រូវជូនដំណឹងគ្នារយៈពេល ៣ខែមុន ប៉ុន្តែបន្ត ឬមិនបន្តគឺអាស្រ័យលើគុណផលរបស់គ្រូបង្វឹកទាំងពីរ ក្នុងការដឹកនាំក្រុមជម្រើសជាតិកម្ពុជាឈានទៅមុខដល់កម្រិតណា? បច្ចុប្បន្នទេពកោសល្យរបស់កីឡាករកម្ពុជាមាន ប៉ុន្តែត្រូវបន្ថែមលើបច្ចេកទេស និងរបៀបមួយចំនួន ពិសេសបាល់ទះក្នុងសាល មានន័យថា ពេលខ្លះគ្រូចិនលោក Li Jun អត់មាន គ្រូគុយបាអាចបំពេញបន្ថែម ឬអ្វីដែលគ្រូគុយបាអត់មាន តែគ្រូចិនមាន ឬគ្រូខ្មែរមានជាដើម។សហព័ន្ធរំពឹងថា សមត្ថភាពគ្រូទាំង ៣ដាក់បញ្ជូលគ្នានឹងអាចបំពេញចន្លោះប្រហោង ពិសេសរយៈពេល ៨ ទៅ ៩ខែទៀតនឹងជំរុញកីឡាករកម្ពុជាឈានដល់កម្រិតខ្ពស់ ដើម្បីត្រៀមប្រជែងមេដាយជូនជាតិ។ លោកបណ្ឌិត អាំង សិរីពិសិដ្ឋ បន្ថែម។ ទន្ទឹមជាមួយគ្នាលោក Leonid Abum Castillo និងកញ្ញា Natyelis Riol Cardenas ដែលជាអ្នកគ្រប់គ្រងរបស់គ្រូបង្វឹកគុយបាទាំង ២ សុទ្ធតែតាំងចិត្តនឹងចូលរួមជាធ្លុងមួយជាមួយក្រុមបាល់ទះជម្រើសជាតិកម្ពុជា ដើម្បីប្រជែងយកជ័យជម្នះក្នុងប្រកួតលើឆាកអន្តរជាតិនានា ជាពិសេសគឺដណ្តើមមេដាយក្នុងព្រឹត្តិការណ៍កីឡាស៊ីហ្គេមឆ្នាំ២០២៣ ខាងមុខ។ លើសពីនេះ ភាគីគុយបាក៏បានថ្លែងអំណរគុណដល់ថ្នាល់ដឹកនាំសហព័ន្ធ ដែលបានជួយសម្របសម្រួលការរស់នៅ និងការធ្វើការរបស់ខ្លួននៅលើទឹកដីកម្ពុជាផងដែរ។ ក្រៅពីនាំយកគ្រូបង្វឹកមកពីប្រទេសគុយបា សហព័ន្ធ ក៏កំពុងតែទាក់ទងតាមរយៈលោកជំទាវឯកអគ្គរដ្ឋទូតគុយបា ឲ្យមានការរៀបចំការប្រកួតមិត្តភាពរវាងក្រុមមកពីគុយបា ជាមួយក្រុមបាល់ទះជម្រើសជាតិកម្ពុជាផងដែរនៅអំឡុងខែតុលាខាងមុខ ពោលគឺស្របពេលនឹងការរៀបចំពានរង្វាន់បាល់ទះសម្តេចអគ្គមហាសេនាបតីតេជោ ហ៊ុន សែន ឆ្នាំ២០២២ បន្ថែមពីលើការប្រកួតមិត្តភាពអន្តរជាតិរវាងក្រុមជម្រើសជាតិកម្ពុជា និងសិង្ហបុរីទៀតផង៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

អង្គការសហប្រជាជាតិ៖បាតុភូតអែលនីញ៉ូ បង្កការគំរាមកំហែងភាពអត់ឃ្លានធ្ងន់ធ្ងរដល់មនុស្ស ៤៩ លាននាក់

លោក Trump បដិសេធសំណើអ៊ុយក្រែនសម្រាប់កញ្ចប់មីស៊ីលប៉ាទ្រីយ៉ូត ខណៈកំពុងរងការវាយប្រហារខ្លាំងពីរុស្ស៊ី

នាយករដ្ឋមន្ត្រីកាណាដា៖ ខ្ញុំលែងមានទំនុកចិត្តលើប្រធាន FIFA លោក Gianni Infantino

៧ខែឆ្នាំនេះកម្ពុជាបានចំណូលជាង២០លានដុល្លារ ពីការលក់សំបុត្រជូនទេសចរចូលទស្សនារមណីយដ្ឋានអង្គរ

ម៉ាឡេស៊ី ថា នឹងមិនបញ្ជូនជនភៀសខ្លួនរ៉ូហ៊ីងយ៉ាត្រឡប់ទៅមីយ៉ាន់ម៉ាវិញទេ ប្រសិនបើជីវិតពួកគេស្ថិតក្នុងហានិភ័យ

MOI Kompong Dewa ប្រកាសនាំយកកីឡាករប្រេស៊ីល ២ រូប មកពង្រឹងក្រុមមុនរដូវកាលថ្មី

ចិន វាយបកអាមេរិកដោយទណ្ឌកម្ម និងរឹតបន្តឹងការនាំចេញយានដ្រូន មុនជំនួបលោក Xi-Trump

រដ្ឋមន្ត្រីមហាផ្ទៃ៖ យានដ្រូនផ្ទុកគ្រឿងផ្ទុះនៅអាកាសយានដ្ឋានប្រទេសអាល្លឺម៉ង់ បង្កើនគ្រោះថ្នាក់ថ្មី

អ៊ីស្រាអែល បន្តការវាយប្រហារលើលីបង់ ខណៈការចរចាកំពុងបន្តដំណើរការនៅអ៊ីតាលី

អ៊ីរ៉ង់ គំរាមវាយប្រហាររដ្ឋឈូងសមុទ្រជាថ្មី ប្រសិនបើសហរដ្ឋអាមេរិកបើកការវាយប្រហារថ្មីទៀត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករលេខ ១ ពិភពលោកថ្មី Carlos Alcaraz នាំអេស្ប៉ាញឈ្នះកូរ៉េឡើងវគ្គ ៨ក្រុមចុងក្រោយ Davis Cup

Marco Reus រងរបួសត្រូវសម្រាកយ៉ាងហោចណាស់ ៤សប្តាហ៍

Union Berlin ត្រលប់មកកំពូលតារាងវិញក្រោយឈ្នះ Wolfsburg ២-០ ស្របពេល Bayern Munich ចាញ់

Brighton រកបានអ្នកចាត់ការថ្មី Roberto de Zerbi ធ្លាប់ដឹកនាំ Shakhtar Donetsk

Canelo Alvarez យកឈ្នះ Gennady Golovkin ការពារខ្សែក្រវាត់ទាំង ៤ស្ថាប័នរបស់ខ្លួនបានសម្រេច

ឯកឧត្តម វ៉ាត់ ចំរើន៖ ធ្វើអាជ្ញាកណ្ដាល-ចៅក្រមត្រូវស្គាល់តួនាទី និងលុបបំបាត់អគតិទាំង ៤

Ethan Nwaneri ក្លាយជាកីឡាករក្មេងបំផុតនៅ Premier League ក្រោយចូលលេងចុងម៉ោងឲ្យ Arsenal

កីឡាវាយសីបើកវគ្គបណ្ដុះបណ្ដាលជំនាញកម្រិតបឋម ដើម្បីស្វែងរកធនធានបន្ដវេន

ក្រុមយុវជន U20 កម្ពុជាបញ្ចប់ការប្រកួតជម្រុះពាន AFC U20 ដោយរកបានត្រឹម ១ពិន្ទុ

កីឡាបាល់ទះសម្រេចចុះកុងត្រាជាមួយគ្រូគុយបា ២រូបដើម្បីពង្រឹងក្រុមជម្រើសជាតិត្រៀមស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡា​ករលេខ ១ ពិភពលោក​ថ្មី Carlos Alcaraz នាំ​អេ​ស្ប៉ា​ញ​ឈ្នះ​កូរ៉េ​ឡើង​វគ្គ ៨ក្រុម​ចុងក្រោយ Davis Cup

Marco Reus រងរបួស​ត្រូវ​សម្រាក​យ៉ាងហោចណាស់ ៤សប្តាហ៍

Union Berlin ត្រលប់មក​កំពូល​តារាង​វិញ​ក្រោយ​ឈ្នះ Wolfsburg ២-០ ស្របពេល Bayern Munich ចាញ់

Brighton រកបាន​អ្នកចាត់ការ​ថ្មី Roberto de Zerbi ធ្លាប់​ដឹកនាំ Shakhtar Donetsk

Canelo Alvarez យកឈ្នះ Gennady Golovkin ការពារ​ខ្សែក្រវាត់​ទាំង ៤ស្ថាប័ន​របស់ខ្លួន​បានសម្រេច

ឯកឧត្តម វ៉ា​ត់ ចំរើន​៖ ធ្វើ​អាជ្ញាកណ្ដាល​-​ចៅក្រម​ត្រូវ​ស្គាល់​តួនាទី និង​លុបបំបាត់​អគតិ​ទាំង ៤

Ethan Nwaneri ក្លាយជា​កីឡាករ​ក្មេង​បំផុត​នៅ Premier League ក្រោយ​ចូល​លេង​ចុង​ម៉ោង​ឲ្យ Arsenal

កីឡា​វាយ​សី​បើក​វគ្គ​បណ្ដុះ​បណ្ដាល​ជំនាញ​កម្រិត​បឋម ដើម្បី​ស្វែងរក​ធនធាន​បន្ដវេន​

ក្រុមយុវជន​ U20 ​កម្ពុជាបញ្ចប់​ការប្រកួត​ជម្រុះ​ពាន​ AFC U20 ​ដោយ​រកបាន​ត្រឹម ១​ពិន្ទុ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករលេខ ១ ពិភពលោកថ្មី Carlos Alcaraz នាំអេស្ប៉ាញឈ្នះកូរ៉េឡើងវគ្គ ៨ក្រុមចុងក្រោយ Davis Cup

Marco Reus រងរបួសត្រូវសម្រាកយ៉ាងហោចណាស់ ៤សប្តាហ៍

Union Berlin ត្រលប់មកកំពូលតារាងវិញក្រោយឈ្នះ Wolfsburg ២-០ ស្របពេល Bayern Munich ចាញ់

Brighton រកបានអ្នកចាត់ការថ្មី Roberto de Zerbi ធ្លាប់ដឹកនាំ Shakhtar Donetsk

Canelo Alvarez យកឈ្នះ Gennady Golovkin ការពារខ្សែក្រវាត់ទាំង ៤ស្ថាប័នរបស់ខ្លួនបានសម្រេច

ឯកឧត្តម វ៉ាត់ ចំរើន៖ ធ្វើអាជ្ញាកណ្ដាល-ចៅក្រមត្រូវស្គាល់តួនាទី និងលុបបំបាត់អគតិទាំង ៤

Ethan Nwaneri ក្លាយជាកីឡាករក្មេងបំផុតនៅ Premier League ក្រោយចូលលេងចុងម៉ោងឲ្យ Arsenal

កីឡាវាយសីបើកវគ្គបណ្ដុះបណ្ដាលជំនាញកម្រិតបឋម ដើម្បីស្វែងរកធនធានបន្ដវេន

ក្រុមយុវជន U20 កម្ពុជាបញ្ចប់ការប្រកួតជម្រុះពាន AFC U20 ដោយរកបានត្រឹម ១ពិន្ទុ