BTV NEWS

FIFA សុំទោសសមាជិកជុំវិញគម្រោងលក់ភាគហ៊ុន ខណៈ Infantino នៅតែទទួលបានការគាំទ្រពីថ្នាក់ដឹកនាំ

នាយករដ្ឋមន្ត្រីកាណាដា៖ ខ្ញុំលែងមានទំនុកចិត្តលើប្រធាន FIFA លោក Gianni Infantino

MOI Kompong Dewa ប្រកាសនាំយកកីឡាករប្រេស៊ីល ២ រូប មកពង្រឹងក្រុមមុនរដូវកាលថ្មី

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

ព័ត៌មានកីឡា

កីឡាបាល់ទះសម្រេចចុះកុងត្រាជាមួយគ្រូគុយបា ២រូបដើម្បីពង្រឹងក្រុមជម្រើសជាតិត្រៀមស៊ីហ្គេម

បាល់ទះ៖ ក្រោយមានការទំនាក់ទំនង និងសម្របសម្រួលរវាងសហព័ន្ធកីឡាបាល់ទះកម្ពុជា ជាមួយឯកអគ្គរដ្ឋទូតគុយបាប្រចាំនៅប្រទេសកម្ពុជា សហព័ន្ធបានឈានដល់ការចុះកិច្ចសន្យាជាមួយគ្រូបង្វឹកជនជាតិគុយបា ២រូបជាផ្លូវការ ដើម្បីរួមចំណែកពង្រឹងក្រុមជម្រើសជាតិបាល់ទះកម្ពុជា ទាំងក្នុងសាល និងឆ្នេរខ្សាច់ឆ្ពោះទៅស៊ីហ្គេមឆ្នាំ២០២៣ ខាងមុខ។ ពិធីចុះកិច្ចសន្យានេះបានធ្វើឡើងកាលពីចុងសប្ដាហ៍កន្លងទៅនៅទីស្នាក់ការសហព័ន្ធ ដោយមានការចូលរួមពីសំណាក់មន្ដ្រីសហព័ន្ធ ក្រុមគ្រូបង្វឹក និងកីឡាករជម្រើសជាតិមួយចំនួន ក្នុងនោះក៏មានវត្តមានចូលរួមជាសាក្សីពីលោកជំទាវ Liurka Rodríguez Barrios ឯកអគ្គរដ្ឋទូតគុយបាប្រចាំនៅកម្ពុជាផងដែរ។ រីឯគ្រូគុយបា ២រូបដែលសហព័ន្ធបានចុះកុងត្រាគឺមានលោក Karell Pena Ventoza ជាគ្រូបង្វឹកបាល់ទះឆ្នេរខ្សាច់បុរស និងលោក Berto Friol Barrios ជាគ្រូជំនួយក្រុមបាល់ទះក្នុងសាលបុរស។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងថា ការបន្ថែមក្បាលម៉ាស៊ីនសម្រាប់ក្រុមជម្រើសជាតិបាល់ទះក្នុងសាល និងបាល់ទះឆ្នេរខ្សាច់កម្ពុជានេះកើតឡើងដោយមានការជួយជ្រោមជ្រែង ពីសំណាក់លោកជំទាវឯកអគ្គរដ្ឋទូចគុយបាប្រចាំកម្ពុជា រហូតឈានដល់ការចុះកិច្ចសន្យាជាផ្លូវការ បន្ទាប់ពីសហព័ន្ធបានពិនិត្យឃើញបច្ចេកទេស និងការបង្ហាត់របស់គ្រូបង្វឹកជនជាតិគុយបាទាំង ២រូបអស់មួយរយៈពេលកន្លងមក។ លោកថា ក្រោយការធ្វើតេស្តសាកល្បង ពិនិត្យលើការផ្តល់តិចនិច និងទស្សនវិស័យមួយចំនួនរបស់គ្រូថ្មីទាំង ២ គឺស្របតាមអ្វីដែលឯកឧត្តមសន្តិបណ្ឌិត នេត សាវឿន ប្រធានសហព័ន្ធបានចង្អុលបង្ហាញ ក្នុងន័យតែមួយគត់គឺចង់បានមេដាយមាសពេលកម្ពុជាធ្វើជាម្ចាស់ផ្ទះស៊ីហ្គេម។តែអ្វីៗការប្រកួតលើទីលាន វាមិនស្រួលដូចការនិយាយនោះទេ ប៉ុន្ដែលោកជឿជាក់ថា ការបន្ថែមគ្រូបង្វឹកទាំងពីរនឹងជួយសហព័ន្ធឲ្យមានសង្ឃឹមកាន់តែធំ ក្នុងការប្រជែងយកមេដាយមាស។ អគ្គលេខាធិការសហព័ន្ធដដែលបន្ថែមថា ខ្លឹមសារនៃកិច្ចសន្យាគឺបើកទូលាយ ដោយសហព័ន្ធទទួលជាគ្រូបង្វឹកទាំងបាល់ទះឆ្នេរខ្សាច់ក្តី បាល់ទះក្នុងសាលក្តីរយៈពេល ១ឆ្នាំ បើងាកមើលទៅក្រោយស៊ីហ្គេមឆ្នាំ២០២៣ ចប់រយៈ ៣ខែទើបផុតកិច្ចសន្យា។ ក្នុងនោះសហព័ន្ធចង់បន្តកិច្ចសន្យាត្រូវជូនដំណឹងគ្នារយៈពេល ៣ខែមុន ប៉ុន្តែបន្ត ឬមិនបន្តគឺអាស្រ័យលើគុណផលរបស់គ្រូបង្វឹកទាំងពីរ ក្នុងការដឹកនាំក្រុមជម្រើសជាតិកម្ពុជាឈានទៅមុខដល់កម្រិតណា? បច្ចុប្បន្នទេពកោសល្យរបស់កីឡាករកម្ពុជាមាន ប៉ុន្តែត្រូវបន្ថែមលើបច្ចេកទេស និងរបៀបមួយចំនួន ពិសេសបាល់ទះក្នុងសាល មានន័យថា ពេលខ្លះគ្រូចិនលោក Li Jun អត់មាន គ្រូគុយបាអាចបំពេញបន្ថែម ឬអ្វីដែលគ្រូគុយបាអត់មាន តែគ្រូចិនមាន ឬគ្រូខ្មែរមានជាដើម។សហព័ន្ធរំពឹងថា សមត្ថភាពគ្រូទាំង ៣ដាក់បញ្ជូលគ្នានឹងអាចបំពេញចន្លោះប្រហោង ពិសេសរយៈពេល ៨ ទៅ ៩ខែទៀតនឹងជំរុញកីឡាករកម្ពុជាឈានដល់កម្រិតខ្ពស់ ដើម្បីត្រៀមប្រជែងមេដាយជូនជាតិ។ លោកបណ្ឌិត អាំង សិរីពិសិដ្ឋ បន្ថែម។ ទន្ទឹមជាមួយគ្នាលោក Leonid Abum Castillo និងកញ្ញា Natyelis Riol Cardenas ដែលជាអ្នកគ្រប់គ្រងរបស់គ្រូបង្វឹកគុយបាទាំង ២ សុទ្ធតែតាំងចិត្តនឹងចូលរួមជាធ្លុងមួយជាមួយក្រុមបាល់ទះជម្រើសជាតិកម្ពុជា ដើម្បីប្រជែងយកជ័យជម្នះក្នុងប្រកួតលើឆាកអន្តរជាតិនានា ជាពិសេសគឺដណ្តើមមេដាយក្នុងព្រឹត្តិការណ៍កីឡាស៊ីហ្គេមឆ្នាំ២០២៣ ខាងមុខ។ លើសពីនេះ ភាគីគុយបាក៏បានថ្លែងអំណរគុណដល់ថ្នាល់ដឹកនាំសហព័ន្ធ ដែលបានជួយសម្របសម្រួលការរស់នៅ និងការធ្វើការរបស់ខ្លួននៅលើទឹកដីកម្ពុជាផងដែរ។ ក្រៅពីនាំយកគ្រូបង្វឹកមកពីប្រទេសគុយបា សហព័ន្ធ ក៏កំពុងតែទាក់ទងតាមរយៈលោកជំទាវឯកអគ្គរដ្ឋទូតគុយបា ឲ្យមានការរៀបចំការប្រកួតមិត្តភាពរវាងក្រុមមកពីគុយបា ជាមួយក្រុមបាល់ទះជម្រើសជាតិកម្ពុជាផងដែរនៅអំឡុងខែតុលាខាងមុខ ពោលគឺស្របពេលនឹងការរៀបចំពានរង្វាន់បាល់ទះសម្តេចអគ្គមហាសេនាបតីតេជោ ហ៊ុន សែន ឆ្នាំ២០២២ បន្ថែមពីលើការប្រកួតមិត្តភាពអន្តរជាតិរវាងក្រុមជម្រើសជាតិកម្ពុជា និងសិង្ហបុរីទៀតផង៕អត្ថបទ៖ លី ឈុនឡា

ខ្សែប្រយុទ្ធ Brentford, Ivan Toney ត្រូវកោះហៅចូលក្រុមជំរើសជាតិអង់គ្លេសលើកដំបូង

បាល់ទាត់៖ ខ្សែប្រយុទ្ធក្លិប Brentford, Ivan Toney ត្រូវបានអ្នកចាត់ការ Gareth Southgate កោះហៅចូលក្រុមជំរើសជាតិអង់គ្លេសលើកដំបូងក្នុងអាជីព សំរាប់ការប្រកួតលក្ខណៈអន្តរជាតិនៃក្របខណ្ឌ UEFA Nations League ក្នុងខែកញ្ញានេះ។ កីឡាករវ័យ ២៦ឆ្នាំរូបនេះបានស៊ុតបញ្ចូលទី ៥គ្រាប់ក្នុង ៦ប្រកួតនៅ English Premier League រដូវកាលនេះ។ អ្នកចាំទី Dean Henderson ខ្សែការពារ Eric Dier និង Ben Chilwell ត្រូវបានកោះហៅសាជាថ្មីផងដែរ។ ជាមួយគ្នានោះដែរ Jordan Henderson និងអ្នកចាំទី Jordan Pickford មិនមានវត្តមានឡើយដោយសាររបួស។ ខ្សែការពារ Manchester United, Harry Maguire និង Luke Shaw នៅតែស្ថិតក្នុងបញ្ជីរបស់លោក Gareth Southgate បើទោះជាមិនសូវលេងជាប់លាប់រដូវកាលនេះ តែមិត្តរួមក្រុម Marcus Rashford និង Jadon Sancho ត្រូវបានមើលរំលងសាជាថ្មី។Rashford ខកខានមិនបានលេងឱ្យក្រុមជម្រើសជាតិអង់គ្លេសតាំងពីខែកក្កដា ឆ្នាំ២០២១ ដោយសារមានរបួសាច់ដុំ តែលោក Gareth Southgate បញ្ជាក់ថា Rashford នៅមានពេលវេលាច្រើនថែមទៀតដើម្បីមានឱកាសនៅ World Cup។ ក្រុមអង់គ្លេសនឹងត្រូវជួបជាមួយអ៊ីតាលីនៅទីក្រុម Milan ថ្ងៃទី២៣ នេះមុនជួបអាល្លឺម៉ង់ថ្ងៃទី២៦ នៅ Wembley នៃក្របខណ្ឌ UEFA Nations League៕អត្ថបទ៖នាង សុភាវុធ

Rafael Nadal៖ ការចូលនិវត្តន៍របស់ Federer ជារឿងសោកសៅក្នុងពិភពកីឡា

វាយកូនបាល់៖ ការសំរេចចិត្តចូលនិវត្តន៍របស់កីឡាករវាយកូនបាល់ស្វ៊ីស Roger Federer បានធ្វើឱ្យពិភពកីឡាសោកសៅ ជាពិសេសអ្នកគាំទ្រទូទាំងពិភពលោក។ នេះជាការលើកឡើងរបស់ដៃគូដ៏ស្វិតស្វាញ Rafael Nadal។ ម្ចាស់ជើងឯក Grand Slam ២០ឆ្នាំរូបនេះបានប្រកាសចូលនិវត្តន៍នៅថ្ងៃព្រហស្បតិ៍ម្សិលមិញ ក្រោយបំពេញកាតព្វកិច្ចរួចរាល់ក្នុងការចូលរួមការប្រកួត Laver Cup ក្នុងខែកញ្ញានេះ។ Rafael Nadal បានសរសេរនៅលើបណ្តាញសង្គម Twitter របស់ខ្លួនថា គេមិនចង់ឱ្យមានថ្ងៃនេះឡើយ ជាថ្ងៃដែលគេមានអារម្មណ៍សោកសៅមួយ មិនថាសម្រាប់រូបគេផ្ទាល់ តែសម្រាប់មជ្ឈដ្ឋានកីឡាទាំងអស់ទូទាំងពិភពលោក។ កីឡាករអេស្ប៉ាញដដែលបានបន្តថា រូបគេមានកិត្តិយសពន់ពេកក្នុងរយៈពេលកន្លងមកដែលបានប្រកួតប្រជែងជាមួយ Federer ដែលមានទាំងអនុស្សាវរីយ៍រីករាយ និងទឹកភ្នែក។សូមបញ្ជាក់ថា Rafael Nadal និង Roger Federer ត្រូវបានគេស្គាល់ច្បាស់ថា ជាដៃគូប្រកួតដ៏ស្វិតស្វាញកាលពីអតីតកាលដែលគេឃើញនៅវគ្គផ្តាច់ព្រ័ត្រ Grand Slam សឹងតែគ្រប់កម្មវិធី។ អ្នកទាំងពីរមានប្រវត្តិជួបគ្នា ៤០លើកដោយ Nadal ឈ្នះ ២៤ ខណៈ Federer ឈ្នះ ១៦ ហើយអ្នកទាំងពីរបានចែករំលែកនូវទស្សនីយភាព និងការចងចាំជាច្រើនដល់រលកក្រោយនៃវិស័យកីឡាវាយកូនបាល់ពិភពលោក៕អត្ថបទ៖នាង សុភាវុធ

អតីតខ្សែបម្រើ Real Madrid, James Rodriguez ផ្លាស់ទៅក្លិបក្រិក Olympiakos

បាល់ទាត់៖ ខ្សែបម្រើកូឡុំប៊ី James Rodriguez បានចុះហត្ថលេខាលេងឱ្យក្លិប Olympiakos នេះបើតាមការប្រកាសរបស់ក្លិបជើងឯកក្រិកថ្ងៃព្រហស្បតិ៍ម្សិលមិញ។ កីឡាករវ័យ ៣១ឆ្នាំរូបនេះបានត្រលប់មកកាន់ទឹកអឺរ៉ុបវិញ បន្ទាប់ពីចំណាយពេលខ្លីជាមួយក្លិបកាតា Al-Rayyan។ James Rodriguez ធ្លាប់ចំណាយពេលលេងឱ្យក្លិបធំៗនៅអឺរ៉ុបជាច្រើនមានដូចជា Porto, Monaco និង Real Madrid និងធ្លាប់ឈ្នះពានកីឡាករស៊ុតបញ្ចូលទីច្រើនជាងគេនៅ World Cup 2014 ជាមួយក្រុមជម្រើសជាតិកូឡុំប៊ីក្រោយរកបាន ៦គ្រាប់។ James Rodriguez បានចំនាយពេលជាមួយ Real Madrid ចន្លោះឆ្នាំ២០១៤-២០២០ ដែលបូកបញ្ចូលទាំងរយៈពេល ២ឆ្នាំនៅ Bayern Munich ក្នុងលក្ខខណ្ឌខ្ចីជើង។ ការផ្លាស់មកកាន់ Olympiakos នៅពេលនេះ James នឹងជួបជាមួយអតីតមិត្តរួមក្រុម Real Madrid, Marcelo ដែលបានមកកាន់ទឹកដីក្រិកកាលពីដើមខែកញ្ញានេះ៕អត្ថបទ៖នាង សុភាវុធ

ការចូលនិវត្តន៍របស់ Roger Federer បន្សល់ទុកស្នាដៃឈ្នះពាន ATP សរុប ១០៣លើក

វាយកូនបាល់៖ កីឡាករ Roger Federer បានចាប់ផ្តើមអាជីពវាយកូនបាល់ដំបូងនៅឆ្នាំ១៩៩៨ ក្នុងវ័យ ១៦ឆ្នាំហើយ។ រយៈពេល ៣ឆ្នាំនៃការខិតខំប្រឹងប្រែងរបស់ខ្លួនក្នុងវ័យ ១៩ឆ្នាំនៅឆ្នាំ២០០១ Roger Federer ក៏បានឈ្នះពានដំបូងក្នុងអាជីពរបស់ខ្លួននៅក្នុងក្របខណ្ឌ ATP Tour នៃកម្មវិធី Hopman Cup រឺ Hamburg Masters ក្រោយយកឈ្នះកីឡាករកំពូលរុស្ស៊ី Marat Safin នៅវគ្គផ្តាច់ព្រ័ត្រ។ ជាពានដំបូង និងជាការចាប់ផ្តើមនៃភាពជោគជ័យរបស់ខ្លួន និងពានបន្តបន្ទាប់ទៀតមកដល់ថ្ងៃនេះសរុប ១០៣ពាន។ ក្នុងចំណោម ១០៣ពានក្នុងអាជីពរួមមាន Grand Slam ២០លើក (Australian Open ៦លើក, French Open ១លើក, Wimbledon ៨លើក និង US Open ៥លើក) ក្នុងចំណោមការឈានឡើងវគ្គផ្តាច់ព្រ័ត្រសរុប ៣១លើក។ នៅក្នុងក្របខណ្ឌ ATP 250 Federer ឡើងវគ្គផ្តាច់ព្រ័ត្រ ៣៤លើកឈ្នះពាន ២៥លើក។ ក្របខណ្ឌ ATP Tour 500 ឡើងវគ្គផ្តាច់ព្រ័ត្រ ៣១លើកឈ្នះពាន ២៤លើក។ ក្របខណ្ឌ ATP Masters 1000 ឡើងវគ្គផ្តាច់ព្រ័ត្រ ៥០លើកឈ្នះពាន ២៨លើក។ ព្រឹត្តិការណ៍បញ្ចប់ឆ្នាំឡើងវគ្គផ្តាច់ព្រ័ត្រ ១០លើកឈ្នះពាន ៦លើក។សរុបពានដែលឈ្នះសរុប ១០៣លើក តែ Federer បានត្រឹមឈរលេខ២ ប៉ុណ្ណោះក្នុងកំណត់ត្រាកីឡាករដែលឈ្នះពានច្រើនបំផុតក្នុងអាជីព ពោលគឺនៅពីក្រោមកីឡាករអាមេរិក Jimmy Connors ដែលឈ្នះបានសរុប ១០៩លើក។ កីឡាករដែលនៅបន្តអាជីព និងឈ្នះពានច្រើនក្នុងអាជីពនៅសល់ Rafael Nadal ឈ្នះពានសរុប ៩២លើក និង Novak Djokovic ឈ្នះពានសរុប ៨៨លើក៕អត្ថបទ៖នាង សុភាវុធ

ក្លិប E-Sports ចិន EDG ប្រកាសសាងសង់មជ្ឈមណ្ឌលកីឡា E-Sports យក្សនៅទីក្រុងសៀងហៃ

E-Sports៖ ក្លឹបកីឡាអេឡិចត្រូនិករបស់ចិន EDG បានប្រកាសកាលពីថ្ងៃអង្គារពីគំរោងរបស់ខ្លួន ក្នុងការសាងសង់មជ្ឈមណ្ឌលកីឡាអេឡិចត្រូនិកដ៏ធំបំផុតនៅទីក្រុងសៀងហៃ ដែលត្រូវចំណាយថវិកាប្រមាណ ៩ពាន់លានយន់ ហើយគ្រោងនឹងបើកដំណើរការនៅឆ្នាំ២០២៥។មានទីតាំងនៅតំបន់ឆ្នេរ Hongqiao មជ្ឈមណ្ឌលកីឡាអេឡិចត្រូនិច Shanghai Super Hopson One មានទំហំសំណង់សរុបប្រហែល ៧០ម៉ឺនម៉ែត្រការ៉េ។ ទីតាំងនេះជាគោលដៅរៀបចំព្រឹត្តិការណ៍កីឡាអេឡិចត្រូនិក ទីស្នាក់ការកណ្តាល ដែលនឹងក្លាយជាគម្រោងហេដ្ឋារចនាសម្ព័ន្ធធំបំផុត ក្នុងឧស្សាហកម្មកីឡាអេឡិចត្រូនិកក្នុងទីក្រុងសៀងហៃ។ មជ្ឈមណ្ឌលនេះនឹងរួមមានកីឡដ្ឋានចំនួន ២ ដោយទី១ គឺជាកីឡដ្ឋានកីឡាអេឡិចត្រូនិកស្តង់ដារអន្តរជាតិដំបូងគេ នៅភាគខាងកើតប្រទេសចិនដែលមានផ្ទៃដី ១៥,០០០ម៉ែត្រការ៉េ មានចំណុះ ៣,០០០កៅអី។មួយទៀតគឺ "EDG League of Heroes Home Arena" ដែលគ្របដណ្តប់លើផ្ទៃដី ៦,០០០ម៉ែត្រការ៉េ មានចំណុះ ១,០០០កៅអី។ លើសពីនេះ មជ្ឈមណ្ឌលនេះនឹងក្លាយជាទីតាំងកំសាន្តផ្សេងៗ សំរាប់មហាជនដែលមានទំហំ ១៨,០០០ម៉ែត្រការ៉េផងដែរ។ បន្ថែមពីលើកីឡាអេឡិចត្រូនិក Shanghai Super Hopson One ក៏នឹងបង្កើតហាងលក់សម្ភារៈកីឡាដំបូងគេជាច្រើននៅក្នុងប្រទេសចិនផងដែរ រួមទាំងសាលមុជក្នុងអគារជម្រៅ ៤៦ម៉ែត្រ រួមជាមួយនឹងហេដ្ឋារចនាសម្ព័ន្ធពិសេសៗជាច្រើនទៀត៕អត្ថបទ៖នាង សុភាវុធ

ខេត្តស្វាយរៀងនឹងរៀបចំពិធីប្រណាំងទូកឆ្នាំ២០២២ នៅទន្លេវ៉ៃគោនាចុងខែតុលា

ប្រណាំងទូក៖ រដ្ឋបាលខេត្តស្វាយរៀងបានជូនដំណឹងដល់មន្ទីរ អង្គភាព រដ្ឋបាលក្រុង-ស្រុក និងឃុំ-សង្កាត់ចំណុះសាលាខេត្ត និងប្រជាពលរដ្ឋថា ខេត្តស្វាយរៀងនឹងរៀបចំពិធីប្រណាំងទូកខ្នាតអន្ដរជាតិ និងទូកក្ដារបីសន្លឹកប្រចាំឆ្នាំ២០២២ នៅទន្លេវ៉ៃគោនាក្រុងស្វាយរៀងនៅថ្ងៃទី២៩-៣០ ខែតុលា ឆ្នាំ២០២២ ខាងមុខ។ យោងតាមសេចក្ដីជូនដំណឹងចុះហត្ថលេខាដោយឯកឧត្តម ម៉ែន វិបុល អភិបាលនៃគណៈអភិបាលខេត្ដស្វាយរៀង កម្មវិធីនេះរៀបចំឡើងដើម្បីអបអរសាទរព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ដែលជាពិធីបុណ្យប្រពៃណីជាតិខ្មែរតាំងពីយូរលង់មកហើយ និងបង្កបរិយាកាសសប្បាយរីករាយជូនប្រជាពលរដ្ឋបានទស្សនាកម្សាន្ត។ តាមរយៈសេចក្ដីជូនដំណឹងនេះដែរ រដ្ឋបាលខេត្តអំពាវនាវឲ្យគ្រប់បណ្ដាមន្ទីរ អង្គភាព រដ្ឋបាលក្រុង-ស្រុក ឃុំ-សង្កាត់ និងមហាជន ដែលមានទូកខ្នាតអន្ដរជាតិ និងទូកក្ដារបីសន្លឹកអាចចុះឈ្មោះចូលរួមប្រណាំងបាននៅមន្ទីរទេសចរណ៍ខេត្ត ដើម្បីឲ្យពិធីប្រណាំងទូកនៅទន្លេវ៉ៃគោនាពេលឆាប់ៗខាងមុខនេះ ប្រព្រឹត្តទៅក្នុងបរិយាកាសសប្បាយរីករាយ និងមានភាពអធិកអធម៕អត្ថបទ៖ លី ឈុនឡា

កំពូលកីឡាករវាយកូនបាល់ស្វីស Roger Federer ប្រកាសចូលនិវត្តន៍ហើយ

វាយកូនបាល់៖ កំពូលកីឡាករវាយកូនបាល់ស្វីស Roger Federer បានប្រកាសចូលនិវត្តន៍ហើយពីអាជីពវាយកូនបាល់របស់ខ្លួន ក្រោយបញ្ចប់ការប្រកួត Laver Cup នៅទីក្រុងឡុងដ៍ខែកញ្ញានេះ។ ម្ចាស់ជើងឯក Grand Slam ២០លើករូបនេះបានខកខានចូលរួមការប្រកួតតាំងពី Wimbledon នៅឆ្នាំ២០២១ ដោយសារមានរបួសជង្គង់ឈានដល់ការវះកាត់។បុរសវ័យ ៤១រូបនេះបាននិយាយថា រាងកាយបានប្រាប់រូបគេច្បាស់ណាស់ថា វាមិនអាចទៅមុខទៀតរួចឡើយ។ Federer មានបញ្ហាជង្គង់របស់ខ្លួនតាំងពី ៣ឆ្នាំមុនម្ល៉េះដែលធ្វើឱ្យគេខកខានមិនបានចូលរួមការប្រកួតជាច្រើន ជាពិសេសគឺចូលលេងក្នុងព្រឹត្តិការណ៍ Grand Slam បានត្រឹម ៣លើកប៉ុណ្ណោះតាំងពីដើមឆ្នាំ២០២០។ Roger Federer ដែលធ្លាប់ឈ្នះពាន Grand Slam ២០លើក មានតែមនុស្សពីរនាក់ប៉ុណ្ណោះដែលឈរលើស្ថិតិនេះគឺ Rafael Nadal ឈ្នះ ២២លើក និង Novak Djokovic ឈ្នះ ២១លើក។ រំលឹកថា Roger Federer បានចាប់ផ្តើមអាជីពវាយកូនបាល់ដំបូងតាំងពីឆ្នាំ១៩៩៨ ក្នុងវ័យត្រឹម ១៦ឆ្នាំប៉ុណ្ណោះ ហើយក៏បានឈ្នះពាន Grand Slam, Wimbledon ដំបូងរបស់ខ្លួននៅឆ្នាំ២០០៣ ក្នុងវ័យ ២១ឆ្នាំ។ក្នុងចំណោម Grand Slam ទាំង ២០លើកនោះ Federer ឈ្នះច្រើនជាងគេ Wimbledon សរុប ៨លើក។ Federer ឡើងវគ្គផ្តាច់ព្រ័ត្រ Grand Slam ចុងក្រោយបំផុតនៅឆ្នាំ២០១៨ ក្នុងព្រឹត្តិការណ៍ Australian Open ក្នុងវ័យ ៣៦ឆ្នាំនៅពេលនោះ ដែលធ្វើឱ្យគេបានក្លាយជាកីឡាករដែលមានវ័យចំណាស់បំផុតទី២ ឈានឡើងវគ្គផ្តាច់ព្រ័ត្រ Grand Slam។ បន្ទាប់ពីឡើងឈរលេខ ១ ពិភពលោកជាលើកដំបូងនៅឆ្នាំ២០០៤ Roger Federer បានរក្សាតំណែងកំពូលគេនេះរយៈពេល ៣១០សប្តាហ៍ តែកំណត់ត្រានេះត្រូវបានបញ្ចប់ដោយ Novak Djokovic កាលពីខែកុម្ភៈ ឆ្នាំ២០២១ កន្លងទៅ។ សូមបញ្ជាក់ថា នៅក្នុងខែកញ្ញានេះមានកំពូលអត្តពលិកវាយកូនបាល់ ២រូបហើយដែលប្រកាសបញ្ចប់អាជីពរបស់ខ្លួនបន្ទាប់ពី Serena Williams ដែលជាម្ចាស់ពាន Grand Slam ២៣លើកបានសំរេចចិត្តចូលនិវត្តន៍កាលពីដើមខែ៕អត្ថបទ៖នាង សុភាវុធ

ជើងឯកវ៉ូវីណាមថ្នាក់ជាតិនឹងចាប់ផ្ដើមការប្រកួតនាចុងសប្ដាហ៍នេះ

វ៉ូវីណាម៖ សហព័ន្ធកីឡាវ៉ូវីណាមកម្ពុជានឹងរៀបចំ ការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២២ នៅចុងសប្ដាហ៍នេះដែលគ្រោងធ្វើឡើងរយៈពេល ៣ថ្ងៃពីថ្ងៃទី១៧ ដល់ថ្ងៃទី១៩ ខែកញ្ញានៅសាលដំបូលទូកនៃសាកលវិទ្យាល័យភូមិន្ទភ្នំពេញ។ ព្រឹត្តិការណ៍ប្រចាំឆ្នាំដែលឧបត្ថម្ភគាំទ្រដោយក្រសួងអប់រំ យុវជន និងកីឡានេះ សហព័ន្ធបានកំណត់វិញ្ញាសាប្រកួតចំនួន ១៨វិញ្ញាសាក្នុងការប្រកួតឆ្នាំនេះ ក្នុងនោះមានវិញ្ញាសាមេគុនឯកត្តជនពេញវ័យ ៩វិញ្ញាសា, វិញ្ញាសាមេគុនអាយុក្រោម ១៦ឆ្នាំមាន ២វិញ្ញាសា និងវិញ្ញាសាប្រយុទ្ធមាន ៧វិញ្ញាសា។ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជាបានឲ្យដឹងថា មុនឈានដល់ការប្រកួតផ្លូវការ សហព័ន្ធក៏មានរៀបចំវគ្គបណ្ដុះបណ្ដាលអាជ្ញាកណ្ដាល-ចៅក្រម ដើម្បីធានាបាននូវការកាត់សេចក្ដីដោយយុត្តិធម៌ និងតម្លាភាពដល់កីឡាករ-កីឡាការិនីចូលរួម ក៏ដូចជាបង្កើននូវសមត្ថភាពមន្ដ្រីបច្ចេកទេសរបស់ខ្លួនឆ្ពោះទៅរកការប្រកួតធំៗនានផងដែរ ពិសេសដំណើរឆ្ពោះទៅស៊ីហ្គេមឆ្នាំ២០២៣ តែម្ដង៕អត្ថបទ៖ លី ឈុនឡា

Cristiano Ronaldo ស៊ុតបញ្ចូលគ្រាប់ដំបូងបំផុតក្នុងអាជីពនៅ Europa League

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo បានបញ្ចប់ការទន្ទឹងរង់ចាំក្នុងការរកគ្រាប់បាល់ដំបូងក្នុងរដូវកាលនេះ និងជាគ្រាប់បាល់ដំបូងបំផុតក្នុងអាជីពរបស់ខ្លួននៅក្របខណ្ឌ UEFA Europa League ក្រោយរកបានមួយគ្រាប់ក្នុងជ័យជំនះរបស់ Manchester United នៅទឹកដី Sheriff Tiraspol ២-០ យប់មិញ។ ក្រុមរបស់លោក Erik ten Hag បានរងបរាជ័យប្រកួតដំបូងរបស់ខ្លួនសប្តាហ៍មុន ក្នុងទឹកដីខ្លួនឯងក្រោមស្នាដៃរបស់ Real Sociedad។ គ្រាប់ដំបូងនៅទឹកដី Moldova យប់មិញសំរេចដោយកីឡាករអង់គ្លេស Jadon Sancho នៅនាទីទី១៧ មុនពេលដែលខ្សែការពារ Sheriff Tiraspol ធ្វើឱ្យមានកំហុសលើ Diogo Dalot ក្នុងប្រអប់គ្រោះថ្នាក់។ Cristiano Ronaldo គឺជាអ្នកស៊ុតសំរេចគ្រាប់បាល់ ១១ម៉ែត្រនៅនាទីទី៣៩។ នេះជាគ្រាប់បាល់ទី៦៩៩ សំរាប់ Cristiano Ronaldo ជាមួយក្លិបអាជីព ខណៈគ្រាប់ទី៧០០ ស្ទើតែសំរេចបានទៅហើយនៅវគ្គទី២ តែគ្មានសំណាង។មួយប្រកួតទៀតក្នុងពូល E នេះដែរ Real Sociedad យកឈ្នះ Omonia Nicosia ដើម្បីឈរលើគេមាន ៦ពិន្ទុពេញខណៈ Manchester United និង Sheriff Tiraspol មាន ៣ពិន្ទុដូចគ្នា។ Manchester United មិនមានការប្រកួតទៀតឡើយលុះបញ្ចប់ការប្រកួតអន្តរជាតិរបស់ក្រុមជំរើសជាតិ ពោលគឺក្នុងរយៈពេល ៤៣ថ្ងៃ Manchester United មានការប្រកួតសរុប ១៣ប្រកួតមុនរដូវកាលត្រូវសម្រាកនៅខែវិច្ឆិកានៃព្រឹត្តិការណ៍ FIFA World Cup 2022 នៅកាតា៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សម្ដេចធិបតី៖ រាជរដ្ឋាភិបាលកំពុងលើកកម្ពស់គុណភាពនៃការអប់រំ និងការបណ្តុះបណ្តាលវិជ្ជាជីវៈ

សម្ដេចធិបតី៖ ក្រោមម្លប់សន្តិភាព ២៨ឆ្នាំមកនេះ កម្ពុជាពូនជ្រំសមិទ្ធផលជាច្រើន និងកំពុងបង្កើតបន្ថែមទៀត

ពលរដ្ឋហ្កាហ្សាដែលរងទុក្ខលំបាកជាយូរ ទទួលបានក្តីសង្ឃឹមខណៈក្រុមហាម៉ាសយល់ព្រមរំសាយអាវុធ

មជ្ឈមណ្ឌលពាណិជ្ជកម្មអន្តរជាតិ៖ ការបិទច្រកសមុទ្រ Hormuz ប៉ះពាល់ដល់ការផ្គត់ផ្គង់ថាមពល និងជីសកល

នគរបាលប៉ាគីស្ថាន បាញ់ឧស្ម័នបង្ហៀរទឹកភ្នែកលើក្រុមអ្នកគាំទ្រលោក Imran Khan ក្នុងពេលទៅប្រមូលផ្តុំគ្នា

ប្រទេសអ៊ីរ៉ាក់ ប្រឈមនឹងវិបត្តិខណៈក្រុមប្រដាប់អាវុធស៊ីអ៊ីតបំពានការរំសាយអាវុធ

មន្ត្រីអាមេរិក បានច្រានចោលរបាយការណ៍អំពីការផ្គត់ផ្គង់គ្រាប់រំសេវធ្លាក់ចុះទាបខ្លាំង

អនុប្រធានាធិបតីអាមេរិក ការពារការចរចាជាមួយអ៊ីរ៉ង់ដោយនិយាយថាមេដឹកនាំទីក្រុងតេអេរ៉ង់ជាមនុស្សពិបាកនិយាយគ្នា

អង្គការសហប្រជាជាតិ៖បាតុភូតអែលនីញ៉ូ បង្កការគំរាមកំហែងភាពអត់ឃ្លានធ្ងន់ធ្ងរដល់មនុស្ស ៤៩ លាននាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាបាល់ទះសម្រេចចុះកុងត្រាជាមួយគ្រូគុយបា ២រូបដើម្បីពង្រឹងក្រុមជម្រើសជាតិត្រៀមស៊ីហ្គេម

ខ្សែប្រយុទ្ធ Brentford, Ivan Toney ត្រូវកោះហៅចូលក្រុមជំរើសជាតិអង់គ្លេសលើកដំបូង

Rafael Nadal៖ ការចូលនិវត្តន៍របស់ Federer ជារឿងសោកសៅក្នុងពិភពកីឡា

អតីតខ្សែបម្រើ Real Madrid, James Rodriguez ផ្លាស់ទៅក្លិបក្រិក Olympiakos

ការចូលនិវត្តន៍របស់ Roger Federer បន្សល់ទុកស្នាដៃឈ្នះពាន ATP សរុប ១០៣លើក

ក្លិប E-Sports ចិន EDG ប្រកាសសាងសង់មជ្ឈមណ្ឌលកីឡា E-Sports យក្សនៅទីក្រុងសៀងហៃ

ខេត្តស្វាយរៀងនឹងរៀបចំពិធីប្រណាំងទូកឆ្នាំ២០២២ នៅទន្លេវ៉ៃគោនាចុងខែតុលា

កំពូលកីឡាករវាយកូនបាល់ស្វីស Roger Federer ប្រកាសចូលនិវត្តន៍ហើយ

ជើងឯកវ៉ូវីណាមថ្នាក់ជាតិនឹងចាប់ផ្ដើមការប្រកួតនាចុងសប្ដាហ៍នេះ

Cristiano Ronaldo ស៊ុតបញ្ចូលគ្រាប់ដំបូងបំផុតក្នុងអាជីពនៅ Europa League

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ខ្សែប្រយុទ្ធ Brentford, Ivan Toney ត្រូវ​កោះហៅ​ចូល​ក្រុម​ជំរើសជាតិ​អង់គ្លេស​លើកដំបូង​

Rafael Nadal៖ ការចូលនិវត្តន៍​រប​ស់ Federer ជា​រឿង​សោកសៅ​ក្នុង​ពិភព​កីឡា

អតីត​ខ្សែបម្រើ Real Madrid, James Rodriguez ផ្លាស់​ទៅ​ក្លិប​ក្រិ​ក Olympiakos

ការចូលនិវត្តន៍​រប​ស់ Roger Federer បន្សល់ទុក​ស្នាដៃ​ឈ្នះ​ពាន ATP សរុប ១០៣លើក​

ក្លិប E-Sports ចិន EDG ប្រកាស​សាងសង់​មជ្ឈមណ្ឌល​កីឡា E-Sports យក្ស​នៅ​ទីក្រុង​សៀង​ហៃ​

ខេត្ត​ស្វាយរៀង​នឹង​រៀបចំ​ពិធី​ប្រណាំង​ទូក​ឆ្នាំ​២០២២ នៅ​ទន្លេ​វ៉ៃ​គោ​នា​ចុងខែ​តុលា​

កំពូល​កីឡាករ​វាយ​កូន​បាល់​ស្វីស Roger Federer ប្រកាស​ចូលនិវត្តន៍​ហើយ​

ជើងឯក​វ៉ូ​វី​ណា​ម​ថ្នាក់ជាតិ​នឹង​ចាប់ផ្ដើម​ការប្រកួត​នា​ចុង​សប្ដាហ៍​នេះ

Cristiano Ronaldo ស៊ុត​បញ្ចូល​គ្រាប់​ដំបូង​បំផុត​ក្នុង​អាជីព​នៅ Europa League

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខ្សែប្រយុទ្ធ Brentford, Ivan Toney ត្រូវកោះហៅចូលក្រុមជំរើសជាតិអង់គ្លេសលើកដំបូង

Rafael Nadal៖ ការចូលនិវត្តន៍របស់ Federer ជារឿងសោកសៅក្នុងពិភពកីឡា

អតីតខ្សែបម្រើ Real Madrid, James Rodriguez ផ្លាស់ទៅក្លិបក្រិក Olympiakos

ការចូលនិវត្តន៍របស់ Roger Federer បន្សល់ទុកស្នាដៃឈ្នះពាន ATP សរុប ១០៣លើក

ក្លិប E-Sports ចិន EDG ប្រកាសសាងសង់មជ្ឈមណ្ឌលកីឡា E-Sports យក្សនៅទីក្រុងសៀងហៃ

ខេត្តស្វាយរៀងនឹងរៀបចំពិធីប្រណាំងទូកឆ្នាំ២០២២ នៅទន្លេវ៉ៃគោនាចុងខែតុលា

កំពូលកីឡាករវាយកូនបាល់ស្វីស Roger Federer ប្រកាសចូលនិវត្តន៍ហើយ

ជើងឯកវ៉ូវីណាមថ្នាក់ជាតិនឹងចាប់ផ្ដើមការប្រកួតនាចុងសប្ដាហ៍នេះ

Cristiano Ronaldo ស៊ុតបញ្ចូលគ្រាប់ដំបូងបំផុតក្នុងអាជីពនៅ Europa League