BTV NEWS

FIFA សុំទោសសមាជិកជុំវិញគម្រោងលក់ភាគហ៊ុន ខណៈ Infantino នៅតែទទួលបានការគាំទ្រពីថ្នាក់ដឹកនាំ

នាយករដ្ឋមន្ត្រីកាណាដា៖ ខ្ញុំលែងមានទំនុកចិត្តលើប្រធាន FIFA លោក Gianni Infantino

MOI Kompong Dewa ប្រកាសនាំយកកីឡាករប្រេស៊ីល ២ រូប មកពង្រឹងក្រុមមុនរដូវកាលថ្មី

Mohamed Salah ខិតជិតការផ្ទេរទៅកាន់ក្លិបទួកគី Trabzonspor

ព័ត៌មានកីឡា

កម្ពុជាបន្ដជួបសិង្ហបុរីនាម៉ោង ៧យប់នេះនៃវគ្គជម្រុះពាន AFC U20 Asian Cup 2023

បាល់ទាត់៖ ក្រុមបាល់ទាត់ជម្រើសជាតិយុវជនអាយុក្រោម ២០ឆ្នាំកម្ពុជានឹងត្រូវជួបក្រុមជម្រើសជាតិ U20 សិង្ហបុរីនាវេលាម៉ោង ៧យប់ថ្ងៃទី១៦ ខែកញ្ញានេះនៃវគ្គជម្រុះពានរង្វាន់ជើងឯកអាស៊ីយុវជនអាយុក្រោម ២០ឆ្នាំ AFC U20 Asian Cup 2023 នៅកីឡដ្ឋាន Republican Central នាប្រទេសតាជីគីស្ថាន។ នេះគឺជាប្រកួតទី២ ក្នុងពូល I របស់ក្រុមទាំងពីរ ដ្បិតកាលពីប្រកួតបើកឆាកក្រុមគោព្រៃជំទង់កម្ពុជាបានចាញ់ក្រុមខ្លាំងលីបង់ ១-០ ខណៈក្រុមយុវជន U20 សិង្ហបុរីស្មើក្រុមម្ចាស់ផ្ទះតាជីគីស្ថាន ០-០។ ទោះបីរបូត ៣ពិន្ទុថ្ងៃបើកឆាក តែក្រុមយុវជនកម្ពុជាត្រូវបានអ្នកគាំទ្រកោតសសើរចំពោះទម្រង់លេង ទោះបីពួកគេមានវេលាសម្រាកមិនគ្រប់គ្រាន់ ក្រោយធ្វើដំណើរទៅដល់ស្ទើរ ១ថ្ងៃមុនការប្រកួតជាមួយលីបង់យ៉ាងណាក៏ដោយ។ ក្រឡេកមកកាន់ការប្រកួតជាមួយសិង្ហបុរីនេះវិញ គេជឿជាក់ថា ក្រុមគោព្រៃជំទង់កម្ពុជានឹងអាចធ្វើបានកាន់តែល្អប្រសើរ បន្ទាប់ពីពួកគេបានហ្វឹកហាត់ និងសម្រាកគ្រប់គ្រាន់មុនឈានដល់ការប្រកួតបន្ទាប់របស់ខ្លួន។ម្យ៉ាងនេះគឺជាការប្រកួតដ៏សំខាន់ដែលកម្ពុជាត្រូវការឈ្នះដាច់ខាត ដើម្បីរក្សាឱកាសឡើងទៅវគ្គបន្ដ។ គួរដឹងថា បេសកកម្មនេះក្រុមជម្រើសជាតិ U20 កម្ពុជាស្ថិតក្នុងពូល I ជាមួយលីបង់ សិង្ហបុរី និងម្ចាស់ផ្ទះតាជីគីស្ថាន គ្រាដែលក្រោយជួបសិង្ហបុរី ក្រុមគោព្រៃជំទង់កម្ពុជានឹងត្រូវជួបក្រុមម្ចាស់ផ្ទះក្រោយគេនាថ្ងៃទី១៨ ខែកញ្ញា ឆ្នាំ២០២២ ចុងសប្ដាហ៍នេះ៕អត្ថបទ៖ លី ឈុនឡា

Gavi បន្តកិច្ចសន្យាជាមួយ Barcelona ដល់ឆ្នាំ២០២៦ អមជាមួយតម្លៃផ្តាច់កុងត្រា ១ពាន់លានអឺរ៉ូ

បាល់ទាត់៖ ខ្សែបម្រើអេស្ប៉ាញ Gavi បានសំរេចបន្តកិច្ចសន្យាជាមួយ Barcelona រហូតដល់ឆ្នាំ២០២៦ អមជាមួយនឹងតម្លៃផ្តាច់កុងត្រាដល់ទៅ ១ពាន់លានអឺរ៉ូ។ កីឡាករវ័យ ១៨ឆ្នាំរូបនេះគឺជាកីឡាកររបស់ Barcelona តាំងពីឆ្នាំ២០១៥ និងមានសុពលភាពកិច្ចសន្យាចាស់ដល់ឆ្នាំ២០២៣។ នៅខែសីហា ឆ្នាំ២០២១ Gavi បានចូលលេងឱក្រុមធំ Barcelona ក្នុងវ័យ ១៧ឆ្នាំ ២៤ថ្ងៃក្លាយជាកីឡាករវ័យក្មេងបំផុតទី៤ ក្នុងប្រវត្តិសាស្ត្រ Barcelona។ រដូវកាលនេះ Gavi តែងតែជាជម្រើសដំបូងរាល់ប្រកួតនៅក្របខណ្ឌអេស្ប៉ាញ La Liga ផងដែរ។ Gavi ក៏បានក្លាយជាកីឡាករវ័យក្មេងបំផុតទី៣ ដែលអាចរកគ្រាប់បាល់បាននៅពេលស៊ុតបញ្ចូលទីទល់នឹង Elche កាលពីខែធ្នូ ឆ្នាំ២០២១។ជាមួយនឹងសមត្ថភាពលេចធ្លោ Gavi ត្រូវបានកោះហៅចូលក្រុមជំរើសជាតិអេស្ប៉ាញកាលពីខែតុលា ឆ្នាំ២០២១ និងបានក្លាយជាកីឡាករវ័យក្មេងបំផុតបង្ហាញខ្លួនឲ្យក្រុមជំរើសជាតិអេស្ប៉ាញ។ មិនតែប៉ុណ្ណោះ Gavi ក៏បានក្លាយជាកីឡាករវ័យក្មេងបំផុតដែលរកគ្រាប់បាល់បាននៅក្រុមជម្រើសជាតិអេស្ប៉ាញ អំឡុងការប្រកួតទល់នឹងសាធារណរដ្ឋឆែកក្នុងវ័យ ១៧ឆ្នាំ ៣០៤ថ្ងៃបំបែកកំណត់ត្រាចាស់របស់ Ansu Fati កាលពីឆ្នាំ២០២០៕អត្ថបទ៖នាង សុភាវុធ

បងប្រុសរបស់ Pogba និងមនុស្ស ៣នាក់ទៀតត្រូវបានឃុំខ្លួនក្នុងសំណុំរឿងជំរិតទារប្រាក់ពីប្អូនប្រុសខ្លួនឯង

បាល់ទាត់៖ អាជ្ញាធរបារាំងបានឱ្យដឹងនៅថ្ងៃពុធថា បងប្រុសរបស់តារាបាល់ទាត់ Paul Pogba កំពុងស្ថិតក្នុងការឃុំឃាំងរបស់ប៉ូលីសរួមជាមួយនឹងមនុស្សបីនាក់ផ្សេងទៀត ដែលជាផ្នែកមួយនៃការស៊ើបអង្កេតលើការចោទប្រកាន់ថា បានព្យាយាមជំរិតទារប្រាក់រាប់លានអឺរ៉ូពីម្ចាស់ជើងឯក World Cup របស់បារាំង និងខ្សែបម្រើ Juventus, Paul Pogba ។ Mathias Pogba បានមកជួបប៉ូលិសទីក្រុងប៉ារីសអំពីការស៊ើបអង្កេតនេះកាលពីថ្ងៃពុធ ហើយត្រូវបានឃុំខ្លួនដើម្បីសាកសួរ នេះបើយោងតាមមន្ត្រីជិតស្និទ្ធនឹងការស៊ើបអង្កេត។ Mathias Pogba ស្ថិតក្នុងចំណោមមនុស្ស ៤នាក់ដែលត្រូវបានដាក់ឱ្យស្ថិតនៅក្រោមការឃុំឃាំងរបស់ប៉ូលីសកាលពីថ្ងៃអង្គារ និងថ្ងៃពុធ ដែលជាផ្នែកមួយនៃការស៊ើបអង្កេត។ Mathias បានបដិសេធមិនចូលរួមក្នុងការប៉ុនប៉ងជំរិតទារប្រាក់ ប្រឆាំងនឹងប្អួនប្រុសរបស់ខ្លួនឡើយ។ ការិយាល័យរដ្ឋអាជ្ញាក្រុងប៉ារីស បានបើកការស៊ើបអង្កេតកាលពីខែមុនលើការចោទប្រកាន់ថា Paul គឺជាគោលដៅនៃផែនការជំរិតទារប្រាក់ដោយបងប្រុស និងមិត្តភក្តិ កុមារភាពរបស់គាត់ដែលបានទាមទារប្រាក់ចំនួន ១៣លានអឺរ៉ូ។Mathias Pogba ជាកីឡាករបាល់ទាត់មួយរូបដែលបានចំណាយពេលច្រើនក្នុងអាជីពរបស់គាត់ ជាមួយក្រុមនៅក្របខណ្ឌខាងក្រោមក្នុងប្រទេសអង់គ្លេស និងបណ្តាប្រទេសអឺរ៉ុបផ្សេងទៀត។ Paul Pogba ដែលឈ្នះជើងឯក World Cup ជាមួយបារាំងក្នុងឆ្នាំ២០១៨ បានផ្លាស់ទៅ Juventus ពី Manchester United វិញ តែមិនទាន់បានចូលលេងនៅឡើយដោយសារបញ្ហារបួស៕អត្ថបទ៖នាង សុភាវុធ

Haaland ធ្វើឲ្យក្លិបចាស់ឈឺចាប់ក្រោយស៊ុតគ្រាប់ជ័យជំនះចុងម៉ោងឲ្យ Man City ឈ្នះ Dortmund

បាល់ទាត់៖ Manchester City រកបានជ័យជំនះទីពីររបស់ខ្លួននៅក្នុងពូល G នៃក្របខណ្ឌ UEFA Champions League ក្រោយវាយបកយកឈ្នះ Dortmund ២-១។ បន្ទាប់ពីខ្សែបម្រើអង់គ្លេស Jude Bellingham បើកការនាំមុខឱ្យ Dortmund នៅនាទីទី៥៦ Manchester City ត្រូវរង់ចាំដល់នាទីទី៨០ ទើបខ្សែការពារអង់គ្លេស John Stones ស៊ុតពីរចំងាយយ៉ាងអស្ចារ្យតាមស្មើ។ មិនយូរប៉ុន្មាន ៤នាទីបន្ទាប់ពីបាល់កាត់ចូលយ៉ាងល្អពី Joao Cancelo ទៅដល់ Erling Haaland បញ្ចប់ទីបានសំរេចគ្រាប់ជ័យជំនះឱ្យ Manchester City។ នេះជាគ្រាប់ទី១៣ របស់ខ្សែប្រយុទ្ធន័រវេសរូបនេះ និងជាគ្រាប់បាល់ទី២៦ របស់កីឡាករវ័យ ២២ឆ្នាំរូបនេះនៅ UEFA Champions League។មួយគូទៀតក្នុងពូល G នេះដែរជំនួបរវាងក្រុមម្ចាស់ផ្ទះដាណឺម៉ាក FC Copenhagen និង Sevilla បញ្ចប់ដោយស្មើគ្នា ០-០។ Manchester City ឈរលើគេក្នុងពូលមាន ៦ពិន្ទុពេញ ខណៈ Dortmund លេខពីរមាន ៣ពិន្ទុ Copenhagen និង Sevilla មានមួយពិន្ទុដូចគ្នា៕អត្ថបទ៖នាង សុភាវុធ

Rashford គ្មានវត្តមានឡើយពេល Man United ជួប Sheriff Tiraspol យប់នេះនៅ Europa League

បាល់ទាត់៖ ខ្សែប្រយុទ្ធអង់គ្លេស Marcus Rashford នឹងមិនមានវត្តមានឡើយសំរាប់ការប្រកួតនៅក្របខណ្ឌ UEFA Europa League រាត្រីនេះពេល Manchester United ទៅទឹកដីម៉ុលដូវ៉ាជួប Sheriff Tiraspol។ កីឡាករវ័យ ២៤ឆ្នាំរូបនេះត្រូវបានអ្នកចាត់ការ Erik ten Hag បញ្ជាក់ថា មានរបួសសាច់ដុំបន្តិចបន្តួច តែរំពឹងថានឹងអាចចូលលេងវិញបានឆាប់ៗនេះ។ Marcus Rashford ក៏រំពឹងថានឹងអាចបង្ហាញខ្លួននៅក្រុមជម្រើសជាតិអង់គ្លេសវិញផងដែរ សំរាប់ការប្រកួតមិត្តភាពសប្តាហ៍ក្រោយនេះ បន្ទាប់ពីខកខានតាំងពីអង់គ្លេសចាញ់អ៊ីតាលីនៅវគ្គផ្តាច់ព្រ័ត្រ Euro ២០២០ ឆ្នាំមុន។ Rashford បានស៊ុតបញ្ចូលទីពីរគ្រាប់ឱ្យ Manchester United យកឈ្នះ Arsenal ៣-១ មុនពេលដែលអវត្តមានពីក្រុមវិញនៅពេល Manchester United ចាញ់ Real Sociedad សប្តាហ៍មុន៕អត្ថបទ៖នាង សុភាវុធ

Messi Mbappe និង Neymar រកបានម្នាក់មួយគ្រាប់ឲ្យ PSG វាយបកយកឈ្នះនៅដី Maccabi Haifa

បាល់ទាត់៖ ក្រុមបារាំង Paris Saint Germain រកបានបីពិន្ទុពីរប្រកួតផ្ទួនៗ ក្រោយយកឈ្នះនៅទឹកដីអ៊ីស្រាអែលរបស់ Maccabi Haifa ៣-១។ Tjaronn Chery បើកការនាំមុខឱ្យម្ចាស់ផ្ទះអ៊ីស្រាអែលនៅនាទីទី២៤ តែ Lionel Messi តាមស្មើវិញនៅនាទីទី៣៤ បន្ទាប់ពីទទួលបាល់ពី Kylian Mbappe។ គ្រាប់បាល់របស់ Messi មានន័យថា ខ្សែប្រយុទ្ធអាហ្សង់ទីនស៊ុតបញ្ចូលទីទល់នឹង ៣៩ក្រុមវ៉ាផុត Cristiano Ronaldo ដែលស៊ុតបញ្ចូលទីសរុប ៣៨ក្រុម។ មិនតែប៉ុណ្ណោះ Messi បានក្លាយជាកីឡាករទី១ នៅ UCL ដែលស៊ុតបញ្ចូលទីសរុប ១៨រដូវកាល។ ឈានចូលវគ្គទី២ PSG រកបានគ្រាប់នាំមុខលើកដំបូងនៅនាទីទី៦៩ ដោយ Kylian Mbappe មុនពេលដែល Neymar ធានាជ័យជំនះនៅនាទីទី៨៨។ បីពិន្ទុនេះធ្វើឱ្យ PSG ឈរលើគេក្នុងពូលមាន ៦ពិន្ទុពេញជាមួយនឹង Benfica ដែលបានយកឈ្នះនៅទឹកដី Juventus ២-១។មិនខុសពី PSG ឡើយ Benfica បានវាយបកយកឈ្នះនៅទឹកដីអ៊ីតាលីបន្ទាប់ពី Arkadiusz Milik បើកការនាំមុខឱ្យ Juventus ខណៈ Joao Mario និង David Neres រកបានម្នាក់មួយគ្រាប់ឱ្យ Benifca។ ដោយឡែកមួយគូទៀតបង្គ្រប់ការប្រកួតនៅពូល A Napoli បានយកឈ្នះនៅទឹកដី Rangers ៣-០ ដើម្បីឡើងឈរលើគេក្នុងពូល A មាន ៦ពិន្ទុ៕អត្ថបទ៖នាង សុភាវុធ

Real Madrid ស៊ុតពីរគ្រាប់ចុងម៉ោងយកឈ្នះ Leipzig ឡើងឈរលើគេក្នុងពូល F

បាល់ទាត់៖ ក្រុមការពារតំណែងជើងឯក Real Madrid ត្រូវរង់ចាំដល់ចុងម៉ោងទើបរកគ្រាប់ជ័យជំនះបានទៅលើក្រុមភ្ញៀវអាល្លឺម៉ង់ RB Leipzig ដើម្បីជ័យជំនះពីរប្រកួតផ្ទួនៗនៅក្នុងពូល F។ ក្រុមភ្ញៀវ Leipzig មានឱកាសច្រើននៅទឹកដីអេស្ប៉ាញនេះតែមិនមានសំណាងដូចជាឱកាសរបស់ Christopher Nkunku ពីរលើកតែត្រូវជួយបានដោយអ្នកចាំទីប៊ែលហ្ស៊ិក Thibaut Courtois។ អ្វីៗត្រូវរង់ចាំដល់ ១០នាទីចុងក្រោយនៃការប្រកួតទើប Federico Valverde បើកការនាំមុខឱ្យ Real Madrid នៅនាទីទី៨០ មុនពេលដែល Marco Asensio ស៊ុតជាធានាជ័យជំនះនៅនាទីទី៩០+១។ ថ្វីត្បិតតែ Real Madrid ជាក្រុមជើងឯក UCL ច្រើនជាគេក្តី តែនេះជាលើកដំបូងប៉ុណ្ណោះរាប់ពីរដូវកាល ២០១៧-២០១៨ ដែល Real Madrid ឈ្នះពីរប្រកួតដំបូងនៅក្នុងពូល។ ជាមួយគ្នានោះដែរលោក Carlo Ancelotti បានក្លាយជាអ្នកចាត់ទី២ ដែលដឹកនាំក្រុមឈ្នះ ១០០ប្រកួតនៅ UCL តាមពីក្រោយ Sir Alex Ferguson ដែលដឹកនាំ Manchester United ឈ្នះ ១០២ប្រកួត។ មួយប្រកួតទៀតក្នុងពូល F នេះដែរ Shakhtar Donetsk និង Celtics បញ្ចប់ទៅដោយលទ្ធផល ១-១ មានន័យថា ក្រុមអ៊ុយក្រែន Shakhtar Donetsk ឈរលេខ២ ក្នុងពូលមាន ៤ពិន្ទុតាមពីក្រោយ Real Madrid ដែលមាន ៦ពិន្ទុពេញ៕អត្ថបទ៖នាង សុភាវុធ

Chelsea ចាប់ផ្តើមរជ្ជកាលថ្មីក្រោមការដឹកនាំរបស់លោក Graham Potter តែបានត្រឹមស្មើ

បាល់ទាត់៖ អ្នកចាត់ការថ្មីរបស់ក្រុមតោខៀវ Chelsea, Graham Potter បានចាប់ដឹកនាំប្រកួតដំបូងរបស់ខ្លួនតាំងពីចូលមកកាន់តំណែងជំនួសលោក Thomas Tuchel តែ Chelsea បានត្រឹមស្មើ ១-១ ក្នុងដីខ្លួនឯងពេលទទួលភ្ញៀវ RB Salzburg យប់មិញ។ នេះក៏ជាប្រកួតដំបូងផងដែរនៅ UCL របស់អតីតអ្នកចាត់ការ Brighton រូបនេះ ខណៈដែលខ្សែប្រយុទ្ធអង់គ្លេស Raheem Sterling ធ្វើឱ្យអ្នកគាំទ្រនៅ Stamford Bridge សប្បាយចិត្តក្រោយរកបានគ្រាប់នាំមុខនៅនាទីទី៤៨។ យ៉ាងណាក្តីមិនមានការអបអរជ័យជំនះប្រកួតដំបូងរបស់ Graham Potter ឡើយបន្ទាប់ពីក្រុមភ្ញៀវ Salzburg រកបានគ្រាប់តាមស្មើវិញនៅនាទីទី៧៥ Noah Okafor។ លទ្ធផលនេះមានន័យថា Chelsea ចាប់ផ្តើមរដូវកាលថ្មីនៅ UCL មិនទាន់ស្គាល់ឈ្នះនៅឡើយមានត្រឹម ១ពិន្ទុឈរក្រោមគេក្នុងពូល E។ ចំណែកឯ AC Milan ឡើងឈរលើគេក្រោយយកឈ្នះ Dinamo Zagreb ៣-១ នៅទីក្រុង Milan៕អត្ថបទ៖នាង សុភាវុធ

កម្ពុជារបូត ៣ពិន្ទុក្រោយចាញ់លីបង់ ១-០ ក្នុងជំនួបបើកឆាកវគ្គជម្រុះពាន AFC U20

បាល់ទាត់៖ ក្រុមជម្រើសជាតិយុវជនអាយុក្រោម ២០ឆ្នាំកម្ពុជាបានរងបរាជ័យដោយលទ្ធផល ១-០ ក្នុងជំនួបបើកឆាកវគ្គជម្រុះពានរង្វាន់ជើងឯកអាស៊ីយុវជនអាយុក្រោម ២០ឆ្នាំ AFC U20 Asian Cup 2023 ពូល I ជាមួយក្រុមជម្រើសជាតិ U20 លីបង់កាលពីរាត្រីថ្ងៃទី១៤ ខែកញ្ញា ឆ្នាំ២០២២ នៅកីឡដ្ឋាន Republican Central នាប្រទេសតាជីគីស្ថាន។ ជំនួបនេះធ្វើឡើង ១ថ្ងៃបន្ទាប់ពីក្រុមគោព្រៃជំទង់ធ្វើដំណើរដល់ប្រទេសតាជីគីស្ថាននេះ កម្ពុជាបានរបូត ១គ្រាប់មុនតាំងពីនាទីទី៩ ដែលធ្វើសម្រេចដោយខ្សែប្រយុទ្ធលីបង់កីឡាករ Mohammad Sadek។ បន្ទាប់មកកម្ពុជាក៏បានព្យាយាមគ្រប់គ្រងបាល់ និងវាយបកវិញពិសេសនៅវគ្គទី២ តែមិនអាចស្វែងរកគ្រាប់បាល់តាមស្មើបានឡើយ មុនអាជ្ញាកណ្ដាលផ្លុំកញ្ចែបញ្ចប់ការប្រកួតពេញម៉ោង។ បន្ទាប់ពីរបូត ៣ពិន្ទុក្នុងថ្ងៃបើកឆាកនេះ សម្រាប់ប្រកួតបន្ទាប់របស់ក្រុមយុវជន U20 កម្ពុជានឹងត្រូវជួបក្រុមយុវជន U20 សិង្ហបុរីវិញម្ដងនាថ្ងៃទី១៦ ខែកញ្ញា មុនប្រកួតបញ្ចប់ពូលជាមួយក្រុមម្ចាស់ផ្ទះ U20 តាជីគីស្ថាននាថ្ងៃទី១៨ ខែកញ្ញា ឆ្នាំ២០២២ ខាងមុខ៕អត្ថបទ៖ លី ឈុនឡា

ក្លិបអ៊ីតាលី Monza បណ្តេញគ្រូបង្វឹកចេញក្រោយលេងមិនឈ្នះនៅ Serie A

បាល់ទាត់៖ ក្លិបអ៊ីតាលី Monza បានសំរេចបណ្តេញគ្រូបង្វឹកលោក Giovanni Stroppa ចេញពីតំណែងហើយក្រោយលេង ៦ប្រកួតរដូវកាលនេះមិនទាន់ស្គាល់ជ័យជំនះ។ Monza ដែលស្ថិតក្រោមការវិនិយោគរបស់អតីតនាយករដ្ឋមន្ត្រីអ៊ីតាលី Silvio Berlusconi បានទទួលកៅអីនៅ Serie A ក្រោយឈ្នះវគ្គ Play-Off នៅ Serie B រដូវកាលមុន ដើម្បីឡើងមកកាន់ក្របខណ្ឌកំពូលអ៊ីតាលីជាលើកដំបូងក្នុងប្រវត្តិសាស្ត្រក្លិប។ Monza រដូវកាលនេះរកបានតែ ១ពិន្ទុប៉ុណ្ណោះក្នុងចំណោម ៦ប្រកួត និងរបូតគ្រាប់បាល់ដល់ទៅ ១៤គ្រាប់។ រំលឹកថា លោក Giovanni Stropp ត្រូវបានតែងតាំងឱ្យដឹកនាំ Monza នៅខែឧសភា ឆ្នាំ២០២១ ជាការវិលត្រលប់មកវិញបន្ទាប់ពីឃ្លាតឆ្ងាយរយៈពេល ៣២ឆ្នាំតាំងពីការប្រកបអាជីពជាកីឡាករ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ទីក្រុង Ceuta របស់អេស្ប៉ាញ ស្វែងរកការផ្ទេរអនីតិជនអន្តោប្រវេសន៍គ្មានអ្នកអមដំណើរទៅកាន់ដីគោកអេស្ប៉ាញ

ទីភ្នាក់ងារUN ព្រមានថាវិបត្តិកង្វះអាហារូបត្ថម្ភរបស់កុមារនៅអាហ្វហ្គានីស្ថាននឹងកាន់តែធ្ងន់ធ្ងររហូតដល់ខែតុលា

សម្តេចធិបតី ណែនាំសាលារៀនត្រូវពង្រឹងបទបញ្ជាផ្ទៃក្នុង ដើម្បីកែប្រែឥរិយាបថសិស្សកុំពឹងលើសញ្ញាបត្រ

សម្តេធិបតីណែនាំឱ្យសាលាបន្តលើកកម្ពស់ការអប់រំឌីជីថល ដើម្បីរួមចំណែកកសាងពលរដ្ឋឌីជីថល

សម្ដេចធិបតី៖ រាជរដ្ឋាភិបាលកំពុងលើកកម្ពស់គុណភាពនៃការអប់រំ និងការបណ្តុះបណ្តាលវិជ្ជាជីវៈ

សម្ដេចធិបតី៖ ក្រោមម្លប់សន្តិភាព ២៨ឆ្នាំមកនេះ កម្ពុជាពូនជ្រំសមិទ្ធផលជាច្រើន និងកំពុងបង្កើតបន្ថែមទៀត

ពលរដ្ឋហ្កាហ្សាដែលរងទុក្ខលំបាកជាយូរ ទទួលបានក្តីសង្ឃឹមខណៈក្រុមហាម៉ាសយល់ព្រមរំសាយអាវុធ

មជ្ឈមណ្ឌលពាណិជ្ជកម្មអន្តរជាតិ៖ ការបិទច្រកសមុទ្រ Hormuz ប៉ះពាល់ដល់ការផ្គត់ផ្គង់ថាមពល និងជីសកល

នគរបាលប៉ាគីស្ថាន បាញ់ឧស្ម័នបង្ហៀរទឹកភ្នែកលើក្រុមអ្នកគាំទ្រលោក Imran Khan ក្នុងពេលទៅប្រមូលផ្តុំគ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កម្ពុជាបន្ដជួបសិង្ហបុរីនាម៉ោង ៧យប់នេះនៃវគ្គជម្រុះពាន AFC U20 Asian Cup 2023

Gavi បន្តកិច្ចសន្យាជាមួយ Barcelona ដល់ឆ្នាំ២០២៦ អមជាមួយតម្លៃផ្តាច់កុងត្រា ១ពាន់លានអឺរ៉ូ

បងប្រុសរបស់ Pogba និងមនុស្ស ៣នាក់ទៀតត្រូវបានឃុំខ្លួនក្នុងសំណុំរឿងជំរិតទារប្រាក់ពីប្អូនប្រុសខ្លួនឯង

Haaland ធ្វើឲ្យក្លិបចាស់ឈឺចាប់ក្រោយស៊ុតគ្រាប់ជ័យជំនះចុងម៉ោងឲ្យ Man City ឈ្នះ Dortmund

Rashford គ្មានវត្តមានឡើយពេល Man United ជួប Sheriff Tiraspol យប់នេះនៅ Europa League

Messi Mbappe និង Neymar រកបានម្នាក់មួយគ្រាប់ឲ្យ PSG វាយបកយកឈ្នះនៅដី Maccabi Haifa

Real Madrid ស៊ុតពីរគ្រាប់ចុងម៉ោងយកឈ្នះ Leipzig ឡើងឈរលើគេក្នុងពូល F

Chelsea ចាប់ផ្តើមរជ្ជកាលថ្មីក្រោមការដឹកនាំរបស់លោក Graham Potter តែបានត្រឹមស្មើ

កម្ពុជារបូត ៣ពិន្ទុក្រោយចាញ់លីបង់ ១-០ ក្នុងជំនួបបើកឆាកវគ្គជម្រុះពាន AFC U20

ក្លិបអ៊ីតាលី Monza បណ្តេញគ្រូបង្វឹកចេញក្រោយលេងមិនឈ្នះនៅ Serie A

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កម្ពុជាបន្ដ​ជួប​សិង្ហ​បុរីនា​ម៉ោង ៧​យប់​នេះនៃវគ្គ​ជម្រុះ​ពាន​ AFC U20 Asian Cup 2023

Gavi បន្ត​កិច្ចសន្យា​ជាមួយ Barcelona ដល់​ឆ្នាំ​២០២៦ អម​ជាមួយ​តម្លៃ​ផ្តាច់​កុងត្រា ១​ពាន់​លាន​អឺរ៉ូ​

Haaland ធ្វើ​ឲ្យ​ក្លិប​ចាស់​ឈឺចាប់​ក្រោយ​ស៊ុត​គ្រាប់​ជ័យជំនះ​ចុង​ម៉ោង​ឲ្យ Man City ឈ្នះ Dortmund

Rashford គ្មាន​វត្តមាន​ឡើយ​ពេល Man United ជួប Sheriff Tiraspol យប់​នេះ​នៅ Europa League

Messi Mbappe និង Neymar រកបាន​ម្នាក់​មួយគ្រា​ប់​ឲ្យ PSG វាយបក​យកឈ្នះ​នៅ​ដី Maccabi Haifa

Real Madrid ស៊ុត​ពីរ​គ្រាប់​ចុង​ម៉ោង​យកឈ្នះ Leipzig ឡើងឈរ​លើ​គេ​ក្នុង​ពូ​ល F

Chelsea ចាប់ផ្តើម​រជ្ជកាល​ថ្មី​ក្រោម​ការដឹកនាំ​របស់លោក Graham Potter តែ​បាន​ត្រឹម​ស្មើ​

កម្ពុជា​របូត ៣​ពិន្ទុ​ក្រោយ​ចាញ់​លី​បង់ ១-០ ក្នុង​ជំនួប​បើកឆាក​វគ្គ​ជម្រុះ​ពាន​ AFC U20

ក្លិប​អ៊ីតាលី Monza បណ្តេញ​គ្រូបង្វឹក​ចេញ​ក្រោយ​លេង​មិន​ឈ្នះ​នៅ Serie A

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាបន្ដជួបសិង្ហបុរីនាម៉ោង ៧យប់នេះនៃវគ្គជម្រុះពាន AFC U20 Asian Cup 2023

Gavi បន្តកិច្ចសន្យាជាមួយ Barcelona ដល់ឆ្នាំ២០២៦ អមជាមួយតម្លៃផ្តាច់កុងត្រា ១ពាន់លានអឺរ៉ូ

Haaland ធ្វើឲ្យក្លិបចាស់ឈឺចាប់ក្រោយស៊ុតគ្រាប់ជ័យជំនះចុងម៉ោងឲ្យ Man City ឈ្នះ Dortmund

Rashford គ្មានវត្តមានឡើយពេល Man United ជួប Sheriff Tiraspol យប់នេះនៅ Europa League

Messi Mbappe និង Neymar រកបានម្នាក់មួយគ្រាប់ឲ្យ PSG វាយបកយកឈ្នះនៅដី Maccabi Haifa

Real Madrid ស៊ុតពីរគ្រាប់ចុងម៉ោងយកឈ្នះ Leipzig ឡើងឈរលើគេក្នុងពូល F

Chelsea ចាប់ផ្តើមរជ្ជកាលថ្មីក្រោមការដឹកនាំរបស់លោក Graham Potter តែបានត្រឹមស្មើ

កម្ពុជារបូត ៣ពិន្ទុក្រោយចាញ់លីបង់ ១-០ ក្នុងជំនួបបើកឆាកវគ្គជម្រុះពាន AFC U20

ក្លិបអ៊ីតាលី Monza បណ្តេញគ្រូបង្វឹកចេញក្រោយលេងមិនឈ្នះនៅ Serie A