BTV NEWS

ឯកឧត្តម កែវ រ៉េមី ចាត់ទុកការឈ្នះមេដាយ ៨គ្រឿងថ្ងៃបើកឆាកតេក្វាន់ដូ ITF ជើងឯកអាស៊ី ជាកាដូ និងសារជូនពរដ៏ថ្លៃថ្លា ជូនសម្ដេចតេជោ

FIFA សុំទោសសមាជិកជុំវិញគម្រោងលក់ភាគហ៊ុន ខណៈ Infantino នៅតែទទួលបានការគាំទ្រពីថ្នាក់ដឹកនាំ

នាយករដ្ឋមន្ត្រីកាណាដា៖ ខ្ញុំលែងមានទំនុកចិត្តលើប្រធាន FIFA លោក Gianni Infantino

MOI Kompong Dewa ប្រកាសនាំយកកីឡាករប្រេស៊ីល ២ រូប មកពង្រឹងក្រុមមុនរដូវកាលថ្មី

ព័ត៌មានកីឡា

ក្លិបអ៊ីតាលី Monza បណ្តេញគ្រូបង្វឹកចេញក្រោយលេងមិនឈ្នះនៅ Serie A

បាល់ទាត់៖ ក្លិបអ៊ីតាលី Monza បានសំរេចបណ្តេញគ្រូបង្វឹកលោក Giovanni Stroppa ចេញពីតំណែងហើយក្រោយលេង ៦ប្រកួតរដូវកាលនេះមិនទាន់ស្គាល់ជ័យជំនះ។ Monza ដែលស្ថិតក្រោមការវិនិយោគរបស់អតីតនាយករដ្ឋមន្ត្រីអ៊ីតាលី Silvio Berlusconi បានទទួលកៅអីនៅ Serie A ក្រោយឈ្នះវគ្គ Play-Off នៅ Serie B រដូវកាលមុន ដើម្បីឡើងមកកាន់ក្របខណ្ឌកំពូលអ៊ីតាលីជាលើកដំបូងក្នុងប្រវត្តិសាស្ត្រក្លិប។ Monza រដូវកាលនេះរកបានតែ ១ពិន្ទុប៉ុណ្ណោះក្នុងចំណោម ៦ប្រកួត និងរបូតគ្រាប់បាល់ដល់ទៅ ១៤គ្រាប់។ រំលឹកថា លោក Giovanni Stropp ត្រូវបានតែងតាំងឱ្យដឹកនាំ Monza នៅខែឧសភា ឆ្នាំ២០២១ ជាការវិលត្រលប់មកវិញបន្ទាប់ពីឃ្លាតឆ្ងាយរយៈពេល ៣២ឆ្នាំតាំងពីការប្រកបអាជីពជាកីឡាករ៕អត្ថបទ៖នាង សុភាវុធ

ម្ចាស់ក្លិបថ្មី Chelsea ពន្យល់មូលហេតុបញ្ចប់តំណែងលោក Tuchel

បាល់ទាត់៖ ម្ចាស់ក្លិបថ្មីរបស់តោខៀវ Chelsea លោក Todd Boehly បានពន្យល់ជាសាធារណៈពីមូលហេតុដែលឈានដល់ការចែកផ្លូវគ្នាជាមួយអ្នកចាត់ការ Thomas Tuchel។ អ្នកចាត់ការសញ្ជាតិអាល្លឺម៉ង់រូបនេះត្រូវបានបញ្ចប់តំណែង បន្ទាប់ពីបរាជ័យនៅទឹកដី Dinamo Zagreb ១-០ នៅ UCL តែលទ្ធផលគ្រាន់តែជាចំណែកមួយនៃការបញ្ចប់តំណែងប៉ុណ្ណោះ ខណៈទំនាក់ទំនងរវាង Tuchel និងលោក Boehly គឺជាបញ្ហាចម្បង។ និយាយក្នុងសន្និសីទសារព័ត៌មានមួយលោក Todd Boehly បានពន្យល់ថា អតីតអ្នកចាត់ការ PSG និង Dortmund រូបនេះមិនបានស្របជាមួយចក្ខុវិស័យរបស់នាយកក្លិបថ្មីឡើយ។ លោក Todd Boehly បន្តថា នៅពេលដែលអ្នកកាន់កាប់ជំនួញអ្វីមួយ ចាំបាច់ណាស់អ្នករួមដំណើរទាំងអស់ត្រូវមានចក្ខុវិស័យដូចៗគ្នា ត្រូវជិះលើទូកតែមួយ។ លោក Tuchel ជាអ្នកចាត់ការដែលមានសមត្ថភាពម្នាក់ គ្រាន់តែពួកយើងមិនស្របគំនិតគ្នាប៉ុណ្ណោះ។ រំលឹកថា លោក Tuchel បានមកកាន់តំណែងនៅ Stamford Bridge កាលពីថ្ងៃទី២៦ ខែមករា ឆ្នាំ២០២១ ជំនួសលោក Frank Lampard និងបានដឹកនាំក្រុមឈ្នះជើងឯក UEFA Champions League ត្រឹមរយៈពេល ៤ខែក្នុងតំណែង។ក្រោមការវិនិយោគដោយម្ចាស់ក្លិបថ្មីលោក Todd Boehly ដែលទិញភាគហ៊ុនក្លិបមកគ្រប់គ្រងពីសេដ្ឋីរុស្ស៊ី Roman Abramovich នោះ Chelsea បានចំណាយលុយ ២៥៥.៣លានផោនក្នុងការនាំចូលកីឡាករថ្មីដែលមានដូចជា Raheem Sterling ពី Manchester City, ខ្សែការពារ Cucurella ពី Brighton ជាដើម។ Chelsea ចាប់ផ្តើមរដូវកាលនៅ English Premier League ក៏មិនល្អដែរដោយកំពុងឈរលេខ ៦ ក្នុងតារាងឈ្នះ ៣ ស្មើ ១ ចាញ់ ២៕អត្ថបទ៖នាង សុភាវុធ

Spurs ចាញ់នៅដី Sporting ខណៈ Frankfurt ឈ្នះនៅដី Marseille

បាល់ទាត់៖ ក្រុមអង់គ្លេស Tottenham Hotspur បានរងបរាជ័យនៅទឹកដីព័រទុយហ្កាល់របស់ Sporting Lisbon ទាំងមិនអស់ចិត្តក្រោយរបូតពីរគ្រាប់ចុងម៉ោងបន្ថែមបង្គ្រប់។ ក្រុមទាំងពីរមានឱកាសទៅវិញទៅមកជាពិសេសនៅវគ្គទី១ ឱកាសរបស់ Sporting Lisbon ពីរលើកតែមិនបានសំរេច បន្ទាប់ពីការសង្គ្រោះបាល់យ៉ាងល្អពីអ្នកចាំទីបារាំង Hugo Lloris។ វគ្គទី២ អ្នកចាំទីក្រុមទាំងសងខាងបំពេញតួនាទីសង្គ្រោះបានយ៉ាងល្អទៀត មុនពេលគ្រាប់បាល់កើតឡើងនៅនាទីទី៩០ ដោយបាល់ជ្រុងតែតបញ្ចូលទីដោយ Paulinho មុនពេលដែល Arthur Gomes អូសបាល់ម្នាក់ឯងទៅស៊ុតបញ្ចូលទីធានាជ័យជំនះនៅនាទីទី៩០+៣។ ជ័យជំនះនេះធ្វើឱ្យ Sporting Lisbon ឈរលើគេក្នុងពូល D មាន ៦ពិន្ទុពេញក្រោយឈ្នះទាំងពីរប្រកួត។ចំណែកឯមួយប្រកួតទៀតក្រុមបារាំង Olympique Marseille បើកទ្វារផ្ទះទទួលស្វាគមន៍ក្រុមជើងឯក Europa League អាល្លឺម៉ង់ Eintracht Frankfurt។ Jesper Lindstroem ជាអ្នកសំរេចគ្រាប់ជ័យជំនះមួយគ្រាប់គត់ក្នុងការប្រកួតនេះឱ្យ Frankfurt យកបីពិន្ទុពីទឹកដីបារាំងឈរលេខ៣ ក្នុងពូល ខណៈ Marseille នៅមិនទាន់មានពិន្ទុរាប់នៅឡើយ៕អត្ថបទ៖នាង សុភាវុធ

Lewandowski ធ្វើអ្វីមិនចេញ ខណៈ Bayern Munich យកឈ្នះ Barcelona ២-០

បាល់ទាត់៖ មិនមែនជាថ្ងៃសំណាងល្អសំរាប់ខ្សែប្រយុទ្ធ Robert Lewandowski ឡើយក្នុងការវិលត្រលប់មកកាន់កីឡដ្ឋាន Allianz Arena ខណៈ Bayern Munich យកឈ្នះ Barcelona ២-០ ប្រកួតទី២ ក្នុងពូល C។ ក្រុមភ្ញៀវ Barcelona មានឱកាសជាច្រើននៅពីមុខទីរបស់ Bayern Munich ក្នុងវគ្គទី១ តែធ្វើអ្វីមិនចេញ ជាពិសេសឱកាសល្អរបស់ Lewandowski នៅនាទីទី១៨ តែមិនចំគោលដៅ មុនពេលដែលឱកាសតែតមួយទៀតជួយបានដោយអ្នកចាំទីអាល្លឺម៉ង់ Manuel Neuer។ ចូលវគ្គទី២ អ្វីៗបានផ្លាស់ប្តូរ Bayern Munich មានការឱកាសគ្របទៅលើ Barcelona វិញ និងរកបានពីរគ្រាប់ផ្ទួនៗនៅនាទីទី៥០ ដោយការតែតបញ្ចូលទីដោយ Lucas Hernandez និងនាទីទី៥៤ ដោយ Leroy Sane។ ចប់ការប្រកួត Bayern Munich យកឈ្នះ Barcelona ២-០ ខណៈគ្រូបង្វឹក Bayern Munich, Julian Nagelsmann រត់ទៅឱប Lewandowski តែមិនមែនជាយប់រីករាយឡើយសម្រាប់កីឡាករវ័យ ៣៤ឆ្នាំរូបនេះ។ដោយឡែកមួយគូទៀតក្នុងពូល C នេះដែរ Inter Milan រកបានបីពិន្ទុលើកដំបូងរបស់ខ្លួន ក្រោយយកឈ្នះនៅទឹកដីឆេករបស់ Viktoria Plzen ២-០។ ខ្សែប្រយុទ្ធវ័យចំណាស់ Eden Dzeko និងខ្សែការពារហូឡង់ Denzel Dumfries រកបានម្នាក់មួយគ្រាប់ក្នុងវគ្គនីមួយៗ។ Inter Milan ដែលបើកឆាកប្រកួតដំបូងចាញ់ Bayern Munich ក្នុងដីខ្លួនឯងនៅពេលនេះឈរលេខ៣ ជាមួយ Barcelona មាន ៣ពិន្ទុដូចគ្នា៕អត្ថបទ៖នាង សុភាវុធ

Club Bruges យកឈ្នះនៅដី Porto ៤-០ ខណៈ Leverkusen ឈ្នះ Atletico Madrid ២-០ ចុងម៉ោង

បាល់ទាត់៖ ក្រុមប៊ែលហ្ស៊ិក Club Bruges រកបានជ័យជំនះដ៏កម្រនៅទឹកដីព័រទុយហ្កាល់របស់ FC Porto ដោយលទ្ធផល ៤-០ ដើម្បីឡើងឈរលើគេក្នុងពូល B។ គ្រាប់បាល់ពិន័យ ១១ម៉ែត្រតាំងពីនាទីទី១៥ ដោយ Ferran Jutgla និងបីគ្រាប់នៅវគ្គទី២ ដោយ Kamal Sowah, Andreas Olsen និង Antonio Nusa ធ្វើឱ្យ Club Bruges ឈ្នះពីរប្រកួតជាប់គ្នានៅ Champions League លើកដំបូង ខណៈរដូវកាលមុនបានត្រឹមបាតពូល។ ជ័យជំនះនេះ Club Bruges ឈរលើគេក្នុងពូលមាន ៦ពិន្ទុពេញបន្ទាប់ពីឈ្នះពីរប្រកួតជាប់គ្នា។ ចំណែកឯ Bayer Leverkusen ក៏រកបានបីពិន្ទុដំបូងរបស់ខ្លួនដែរក្រោយយកឈ្នះក្រុមភ្ញៀវអេស្ប៉ាញ Atletico Madrid ២-០ ចុងម៉ោង។ ការប្រកួតត្រូវរង់ចាំដល់នាទីទី៨៤ ទើប Robert Andrich ស៊ុតគ្រាប់នាំមុខបានសំរេចឱ្យ Leverkusen បន្ទាប់ពីទទួលបាល់ពី Jeremie Frimpong។ Frimpong ដដែលជាអ្នកបើកឱ្យមានគ្រាប់ទី២ ដោយការបញ្ជូនការយ៉ាងល្អទៅឱ្យ Moussa Diaby ស៊ុតធានាជ័យជំនះឱ្យ Leverkusen នៅនាទីទី៨៧។ បីពិន្ទុនេះ Leverkusen ឡើងមកលេខ៣ មានបីពិន្ទុមុនពេលទៅទឹកដី Porto ដើមខែក្រោយ ខណៈ Atletico Madrid ទទួល Club Bruges៕អត្ថបទ៖នាង សុភាវុធ

ជំនាញការពិភពលោកថា កង្វះខាតធនធានមនុស្សគឺជាឧបសគ្គសម្រាប់អត្តពលកម្មកម្ពុជា

ស៊ីហ្គេម៖ លោក Oliver Scheer ជំនាញការអន្ដរជាតិមកពីស្ថាប័នកីឡាអត្តពលកម្មពិភពលោក (World Athletics) បានលើកឡើងថា កង្វះខាតធនធានមនុស្សគឺជាឧបសគ្គ សម្រាប់សហព័ន្ធខ្មែរអត្តពលកម្មស្ម័គ្រចិត្តក្នុងការស្វែងរកនូវលទ្ធផលល្អ។ ការគូសបញ្ជាក់នេះ បន្ទាប់ពីលោកបានចូលរួមគម្រោងការអភិវឌ្ឍប្រព័ន្ធកីឡាជាតិសម្រាប់កីឡាអត្តពលកម្ម ក្រោមជំនួយរបស់អង្គការសាមគ្គីអូឡាំពិកតាមរយៈគណៈកម្មាធិការជាតិអូឡាំពិកកម្ពុជា (NOCC) សហការជាមួយស្ថាប័នអត្តពលកម្មពិភពលោក និងសហព័ន្ធខ្មែរអត្តពលកម្មស្ម័គ្រចិត្ត ដែលបានប្រព្រឹត្តទៅចាប់ពីថ្ងៃទី០៦-១៣ ខែកញ្ញា ឆ្នាំ២០២២ កន្លងទៅ។ លោកថា កត្ដាធនធានមនុស្ស ពិសេសថ្នាលគឺជាភាពខ្វះខាតមួយដែលនាំឲ្យសហព័ន្ធមិនអាចមានលទ្ធផលល្អ។ ហេតុនេះលោកបានត្រៀមនូវផែនការមួយចំនួន ដើម្បីចូលរួមជាមួយសហព័ន្ធក្នុងការអភិវឌ្ឍវិស័យកីឡាមួយនេះឲ្យរីកចម្រើន ស្របតាមស្ដង់ដារត្រឹមត្រូវ ទោះបីជាមានពេលវេលាខ្លីសម្រាប់ការត្រៀមធ្វើម្ចាស់ផ្ទះស៊ីហ្គេមឆ្នាំ២០២៣ តែលោកនឹងព្យាយាមដើម្បីអនាគតកីឡាអត្តពលកម្មកម្ពុជា។ដោយឡែកលោក ប៊ុយ សុភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា បានចាត់ទុកគម្រោងនេះគឺជាគម្រោងដ៏មានសារៈសំខាន់ ដែលមានការចូលរួមវាយតម្លៃផ្ទាល់ពីជំនាញការអន្ដរជាតិ ប្រកបដោយសូចនាករត្រឹមត្រូវ និងច្បាស់លាស់ដើម្បីកែសម្រួល និងបង្ហាញពីវិធីសាស្ដ្ររៀបចំ និងពង្រឹងការអភិវឌ្ឍសហព័ន្ធឲ្យបានរឹងមាំ។ តាមរយៈគម្រោងដែលឧបត្ថម្ភគាំទ្រដោយអង្គការសាមគ្គីអូឡាំពិកនេះដែរ លោក Oliver Schee នឹងធ្វើដំណើរទស្សនកិច្ចមកកម្ពុជាម្ដងទៀតចាប់ពីថ្ងៃទី២៤-៣១ ខែមករា ឆ្នាំ២០២៣ ខាងមុខ ដើម្បីធ្វើសិក្ខាសាលាស្ដីពីវាយតម្លៃរចនាសម្ព័ន្ធ/យុទ្ធសាស្ដ្រគម្រោង និងរៀបចំប្រព័ន្ធនៃការបង្វឹកដល់សហព័ន្ធខ្មែរអត្តពលកម្មស្ម័គ្រចិត្ត ព្រមទាំងការរៀបចំសិក្ខាសាលាបណ្ដុះបណ្ដាលគ្រូបង្វឹកប្រចាំចំនួន ១២លើកតាមរយៈប្រព័ន្ធ Online ផងដែរ៕អត្ថបទ៖ លី ឈុនឡា

Matip តែតចុងម៉ោងឱ្យ Liverpool យកឈ្នះ Ajax តានតឹង ២-១

បាល់ទាត់៖ ក្រុមហង្សក្រហម Liverpool បានរើបម្រាសពីការធ្លាក់ចុះទំរង់លេងរបស់ខ្លួន ក្រោយយកឈ្នះក្រុមកំពុងមានទំរង់លេងល្អ Ajax Amsterdam ជុំទី២ ក្នុងពូល A ក្របខណ្ឌ UEFA Champions League។ ក្រុមរបស់លោក Jurgen Klopp ដែលចាញ់នៅទឹកដី Napoli ៤-១ សប្តាហ៍មុន បានបើកការនាំមុខនៅនាទីទី១៧ ដោយ Mohamed Salah តែ Ajax ក៏តាមស្មើវិញ ១០នាទីក្រោយមកដោយ Mohammed Kudus។ ទំរាំតែរកបានគ្រាប់ជ័យជំនះ Liverpool ត្រូវរង់ចាំដល់នាទីទី៨៩ ដោយការតែតបញ្ចូលទីរបស់ Joel Matip។ អ្នកចាត់ការ Liverpool លោក Jurgen Klopp បាននិយាយថា លោកមើលឃើញថា Liverpool ពេលនេះខុសពី Liverpool ពេលជួប Napoli ឆ្ងាយ អ្វីៗបានកែប្រែល្អប្រសើរជាងមុនច្រើន។ចំណែកគ្រូបង្វឹក Ajax លោក Alfred Schreuder ថា ក្រុមរបស់លោកមានការលំបាកនៅទឹកដី Liverpool តែក៏បានផ្តល់បទពិសោធច្រើនដល់កីឡាករក្មេងៗរបស់លោកដែលមិនធ្លាប់លេងនៅ Champions League សោះ។ បីពិន្ទុនេះធ្វើឱ្យ Liverpool ឡើងមកលេខ២ ក្នុងពូល A បណ្តោះអាសន្នតែការប្រកួតរបស់ Rangers និង Napoli នៅទឹកដីស្កុតឡេនត្រូវលេងយប់នេះតាមការស្នើសុំរបស់ Rangers៕អត្ថបទ៖នាង សុភាវុធ

U20 កម្ពុជាហាត់ភ្លាមៗក្រោយចុះពីយន្ដហោះ មុនទៅសណ្ឋាគារត្រៀមប៉ះលីបង់យប់នេះ

បាល់ទាត់៖ បន្ទាប់ពីធ្វើដំណើរជាង ២០ម៉ោង និងទៅដល់ប្រទេសតាជីគីស្ថានដោយសុវត្ថិភាពកាលពីព្រលប់ថ្ងៃទី១៣ ខែកញ្ញាម្សិលមិញ ក្រុមជម្រើសជាតិយុវជនអាយុក្រោម ២០ឆ្នាំកម្ពុជាបានបន្ដដំណើរទៅទីលានហ្វឹកហាត់ភ្លាមៗ មុនធ្វើដំណើរទៅសណ្ឋាគារដើម្បីសម្រាក សម្រាប់ត្រៀមការប្រកួតបើកឆាកពូល I នៃវគ្គជម្រុះពានរង្វាន់ជើងឯកយុវជនអាស៊ីអាយុក្រោម ២០ឆ្នាំ AFC U20 Asian Cup 2023 នាម៉ោង ៨យប់ថ្ងៃទី១៤ ខែកញ្ញានេះ។ ក្រុមគោព្រៃជំទង់កម្ពុជាបានចាកចេញពីមាតុភូមិកាលពីយប់រំលងអធ្រាត្រថ្ងៃទី១២ ឈានដល់ថ្ងៃទី១៣ ខែកញ្ញា ឆ្នាំ២០២២ ដែលត្រូវចំណាយពេលធ្វើដំណើរ និងរង់ចាំរហូតដល់ជាង ២០ម៉ោងទើបទៅដល់ប្រទេសតាជីគីស្ថាន ដែលជាទឹកដីកណ្ដាលនៃការប្រកួតជម្រុះពានរង្វាន់ AFC U20 Asian Cup 2023 ពូល I ។ តាមរយៈនេះក្រុមកម្ពុជាគឺមានពេលវេលាតិចតួចប៉ុណ្ណោះដើម្បីសម្រាក បន្ទាប់ពីការហ្វឹកហាត់ផ្លូវការបានតែម្ដងគត់មុនជួបក្រុមយុវជន U20 លីបង់យប់នេះ។ គួរដឹងថា ក្រុមយុវជន U20 កម្ពុជាស្ថិតក្នុងពូល I ជាមួយក្រុមម្ចាស់ផ្ទះតាជីគីស្ថាន លីបង់ និងសិង្ហបុរី។ចំពោះកម្មវិធីប្រកួតបន្ទាប់ពីប្រកួតបើកឆាកជាមួយលីបង់ កម្ពុជានឹងត្រូវជួបក្រុម U20 សិង្ហបុរីនាថ្ងៃទី១៦ ខែកញ្ញា និងចុងក្រោយជួបក្រុម U20 តាជីគីស្ថាននាថ្ងៃទី១៨ ខែកញ្ញា ឆ្នាំ២០២២ ខាងមុខ។ បេសកកម្មនេះដែរដឹកនាំដោយគ្រូបង្វឹកជប៉ុនលោក Koji Gyotoku គ្រូបង្វឹកក្រុមជម្រើសជាតិ U20 កម្ពុជារួមជាមួយកីឡាករ ២៣នាក់មកពីសាលាបាល់ទាត់ជាតិបាទី ៧នាក់, ព្រៃវែង ៤នាក់, សូលទីឡូអង្គរ ៣នាក់, ភ្នំពេញក្រោន ២នាក់, វិសាខា ២នាក់, ព្រះខ័នរាជស្វាយរៀងម្នាក់, កងយោធពលខេមរភូមិម្នាក់, អង្គរថាយហ្គឺរម្នាក់, ណាហ្គាវើលដ៏ម្នាក់ និងកីឡាករអាស៊ីអឺរ៉ុបម្នាក់៕អត្ថបទ៖ លី ឈុនឡា

បីប្រកួតទៀតនៅ Premier League សប្តាហ៍នេះត្រូវលើកពេល

បាល់ទាត់៖ ការប្រកួតក្របខណ្ឌកំពូលអង់គ្លេស Premier League បីប្រកួតទៀតចុងសប្តាហ៍នេះត្រូវលើកពេល មុនពិធីបុណ្យសពម្ចាស់ក្សត្រី Elizabeth II។ ការប្រកួតរវាង Chelsea ទទួលភ្ញៀវ Liverpool នៅ Stamford Bridge និង Manchester United ទទួល Leeds United ត្រូវបានសំរេចលើកពេល។ ចំណែកមួយប្រកួតទៀតរវាង Brighton និង Crystal Palace ក៏ត្រូវសំរេចលើកពេលដែរដោយសារបាតុកម្ម។ ដោយ ឡែកការប្រកួតដែលនៅសេសសល់សម្រាប់សប្តាហ៍នេះចន្លោះថ្ងៃទី១៦ ដល់ ១៨ នឹងដំណើរការធម្មតា បន្ទាប់ពីសប្តាហ៍មុនត្រូវបានលើកពេលទាំងស្រុង ដើម្បីកាន់ទុក្ខនៃការយាងសោយព្រះពិរាល័យម្ចាស់ក្សត្រីយ៍ Elizabeth II។ ព្រះរាជពិធីបុណ្យសពម្ចាស់ក្សត្រី Elizabeth II នឹងត្រូវប្រារព្ធធ្វើឡើងនៅថ្ងៃចន្ទដើមសប្តាហ៍ក្រោយ។ ដោយឡែកសំរាប់ការប្រកួតរាត្រីនៃក្របខណ្ឌ UEFA Champions League នៅយប់ថ្ងៃពុធ Chelsea ទទួល Red Bull Salzburg នៅដំណើរការធម្មតា តែការប្រកួតនៅក្របខណ្ឌ UEFA Europa League នៅយប់ថ្ងៃព្រហស្បតិ៍រវាង Arsenal ទទួល PSV Eindhoven ក៏ត្រូវលើកពេលដែរ៕អត្ថបទ៖នាង សុភាវុធ

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព

បាល់ទាត់៖ ខ្សែបម្រើស្លាបរបស់ក្លិបតោខៀវ Chelsea, Hakim Ziyech ត្រូវបានកោះហៅចូលក្រុមជំរើសជាតិម៉ារ៉ុកសាជាថ្មី ក្រោមការដឹកនាំរបស់គ្រូបង្វឹកថ្មីលោក Walid Regragui ក្រោយអវត្តមានអស់រយៈពេល ១៥ខែ។ កីឡាករវ័យ ២៩ឆ្នាំរូបនេះមិនស្ថិតក្នុងជម្រើសរបស់អតីតគ្រូបង្វឹកម៉ារ៉ុកលោក Vahid Halihodzic ឡើយ តែអតីតគ្រូបង្វឹកក្រុមជំរើសជាតិជប៉ុនរូបនេះក៏ត្រូវបានបណ្តេញចេញកាលពីខែសីហាកន្លងទៅ ដោយសារតែបញ្ហាជ្រើសរើសកីឡាករ។ ឆ្នាំមុនលោក Halihodzic ចោតថា Hakim Ziyech បន្លំថា ខ្លួនឯងមានរបួសគេចវេសមិនលេងឱ្យក្រុមជម្រើសជាតិក្នុងការប្រកួតមិត្តភាព និងជម្រុះ World Cup និងបាល់ទាត់ជើងឯកទ្វីបអាហ្វ្រិក ខណៈ Ziyech ខ្លួនឯងក្រោយមកបដិសេធមិនលេងក្រោមការដឹកនាំរបស់លោក Halihodzic។មិនត្រឹមតែ Ziyech ទេខ្សែការពារ Bayern Munich, Noussair Mazraoui ដែលមានបញ្ហាជាមួយ Halihodzic នោះក៏ត្រូវកោះហៅត្រលប់មកវិញដែរ។ ម៉ារ៉ុកត្រូវប្រកួតមិត្តភាពជាមួយក្រុមស៊ីលីនៅទីក្រុង Barcelona ថ្ងៃទី២៣ ខែកញ្ញានេះ មុនជួបប៉ារ៉ាហ្កាយបួនថ្ងៃបន្ទាប់នៅទីក្រុង Seville ប្រទេសអេស្ប៉ាញដដែល។ ម៉ារ៉ុកស្ថិតក្នុងពូល F នៅ World Cup ដោយត្រូវជួបជាមួយប៊ែលហ្ស៊ិក កាណាដា និងក្រូអាស៊ី៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អនុប្រធានទី១ រដ្ឋសភា ជំរុញឱ្យនិស្សិតជ័យលាភីអាហារូបករណ៍ទៅសិក្សានៅប្រទេសបារាំង និងប្រទេសអៀរឡង់ ដើរតួនាទីជា «ទូតមិត្តភាព» ដើម្បីលើកកម្ពស់មុខមាត់កម្ពុជា

អ្នកនាំពាក្យក្រសួងយុត្តិធម៌៖ ក្រសួងយុត្តិធម៌តែងតែបើកទ្វារស្វាគមន៍ និងទទួលរាល់ពាក្យបណ្ដឹង ឬពាក្យសុំអន្តរាគមន៍នានារបស់ពលរដ្ឋ និងគ្រប់ភាគីពាក់ព័ន្ធ

ពលរដ្ឋអរគុណរាជរដ្ឋាភិបាលដែលបន្តគិតគូរសុខទុក្ខ និងការផ្តល់សេវាសាធារណៈកាន់តែប្រសើរ

ទីក្រុង Ceuta របស់អេស្ប៉ាញ ស្វែងរកការផ្ទេរអនីតិជនអន្តោប្រវេសន៍គ្មានអ្នកអមដំណើរទៅកាន់ដីគោកអេស្ប៉ាញ

ទីភ្នាក់ងារUN ព្រមានថាវិបត្តិកង្វះអាហារូបត្ថម្ភរបស់កុមារនៅអាហ្វហ្គានីស្ថាននឹងកាន់តែធ្ងន់ធ្ងររហូតដល់ខែតុលា

សម្តេចធិបតី ណែនាំសាលារៀនត្រូវពង្រឹងបទបញ្ជាផ្ទៃក្នុង ដើម្បីកែប្រែឥរិយាបថសិស្សកុំពឹងលើសញ្ញាបត្រ

សម្តេធិបតីណែនាំឱ្យសាលាបន្តលើកកម្ពស់ការអប់រំឌីជីថល ដើម្បីរួមចំណែកកសាងពលរដ្ឋឌីជីថល

សម្ដេចធិបតី៖ រាជរដ្ឋាភិបាលកំពុងលើកកម្ពស់គុណភាពនៃការអប់រំ និងការបណ្តុះបណ្តាលវិជ្ជាជីវៈ

សម្ដេចធិបតី៖ ក្រោមម្លប់សន្តិភាព ២៨ឆ្នាំមកនេះ កម្ពុជាពូនជ្រំសមិទ្ធផលជាច្រើន និងកំពុងបង្កើតបន្ថែមទៀត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្លិបអ៊ីតាលី Monza បណ្តេញគ្រូបង្វឹកចេញក្រោយលេងមិនឈ្នះនៅ Serie A

ម្ចាស់ក្លិបថ្មី Chelsea ពន្យល់មូលហេតុបញ្ចប់តំណែងលោក Tuchel

Spurs ចាញ់នៅដី Sporting ខណៈ Frankfurt ឈ្នះនៅដី Marseille

Lewandowski ធ្វើអ្វីមិនចេញ ខណៈ Bayern Munich យកឈ្នះ Barcelona ២-០

Club Bruges យកឈ្នះនៅដី Porto ៤-០ ខណៈ Leverkusen ឈ្នះ Atletico Madrid ២-០ ចុងម៉ោង

ជំនាញការពិភពលោកថា កង្វះខាតធនធានមនុស្សគឺជាឧបសគ្គសម្រាប់អត្តពលកម្មកម្ពុជា

Matip តែតចុងម៉ោងឱ្យ Liverpool យកឈ្នះ Ajax តានតឹង ២-១

U20 កម្ពុជាហាត់ភ្លាមៗក្រោយចុះពីយន្ដហោះ មុនទៅសណ្ឋាគារត្រៀមប៉ះលីបង់យប់នេះ

បីប្រកួតទៀតនៅ Premier League សប្តាហ៍នេះត្រូវលើកពេល

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្លិប​អ៊ីតាលី Monza បណ្តេញ​គ្រូបង្វឹក​ចេញ​ក្រោយ​លេង​មិន​ឈ្នះ​នៅ Serie A

ម្ចាស់​ក្លិប​ថ្មី Chelsea ពន្យល់​មូលហេតុ​បញ្ចប់​តំណែង​លោក Tuchel

Spurs ចាញ់​នៅ​ដី Sporting ខណៈ Frankfurt ឈ្នះ​នៅ​ដី Marseille

Lewandowski ធ្វើ​អ្វី​មិន​ចេញ​ ខណៈ Bayern Munich យកឈ្នះ Barcelona ២-០

Club Bruges យកឈ្នះ​នៅ​ដី Porto ៤-០ ខណៈ Leverkusen ឈ្នះ Atletico Madrid ២-០ ចុង​ម៉ោង​

ជំនាញការ​ពិភពលោក​ថា កង្វះខាត​ធនធាន​មនុស្ស​គឺជា​ឧបសគ្គ​សម្រាប់​អត្តពលកម្ម​កម្ពុជា

Matip តែ​ត​ចុង​ម៉ោង​ឱ្យ Liverpool យកឈ្នះ Ajax តានតឹង ២-១

U20 ​កម្ពុជាហាត់​ភ្លាមៗក្រោយ​ចុះ​ពី​យន្ដហោះ មុន​ទៅ​សណ្ឋាគារត្រៀម​ប៉ះ​លី​បង់​យប់​នេះ

បី​ប្រកួត​ទៀត​នៅ Premier League សប្តាហ៍​នេះ​ត្រូវ​លើក​ពេល​

គ្រូបង្វឹក​ម៉ា​រ៉ុ​ក​ថ្មី​កោះហៅ Hakim Ziyech ចូល​ក្រុម​ជម្រើសជាតិ​វិញ​ត្រៀម​ប្រកួត​មិត្តភាព​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្លិបអ៊ីតាលី Monza បណ្តេញគ្រូបង្វឹកចេញក្រោយលេងមិនឈ្នះនៅ Serie A

ម្ចាស់ក្លិបថ្មី Chelsea ពន្យល់មូលហេតុបញ្ចប់តំណែងលោក Tuchel

Spurs ចាញ់នៅដី Sporting ខណៈ Frankfurt ឈ្នះនៅដី Marseille

Lewandowski ធ្វើអ្វីមិនចេញ ខណៈ Bayern Munich យកឈ្នះ Barcelona ២-០

Club Bruges យកឈ្នះនៅដី Porto ៤-០ ខណៈ Leverkusen ឈ្នះ Atletico Madrid ២-០ ចុងម៉ោង

ជំនាញការពិភពលោកថា កង្វះខាតធនធានមនុស្សគឺជាឧបសគ្គសម្រាប់អត្តពលកម្មកម្ពុជា

Matip តែតចុងម៉ោងឱ្យ Liverpool យកឈ្នះ Ajax តានតឹង ២-១

U20 កម្ពុជាហាត់ភ្លាមៗក្រោយចុះពីយន្ដហោះ មុនទៅសណ្ឋាគារត្រៀមប៉ះលីបង់យប់នេះ

បីប្រកួតទៀតនៅ Premier League សប្តាហ៍នេះត្រូវលើកពេល

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព