BTV NEWS

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ឯកឧត្តម កែវ រ៉េមី ចាត់ទុកការឈ្នះមេដាយ ៨គ្រឿងថ្ងៃបើកឆាកតេក្វាន់ដូ ITF ជើងឯកអាស៊ី ជាកាដូ និងសារជូនពរដ៏ថ្លៃថ្លា ជូនសម្ដេចតេជោ

FIFA សុំទោសសមាជិកជុំវិញគម្រោងលក់ភាគហ៊ុន ខណៈ Infantino នៅតែទទួលបានការគាំទ្រពីថ្នាក់ដឹកនាំ

នាយករដ្ឋមន្ត្រីកាណាដា៖ ខ្ញុំលែងមានទំនុកចិត្តលើប្រធាន FIFA លោក Gianni Infantino

ព័ត៌មានកីឡា

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព

បាល់ទាត់៖ ខ្សែបម្រើស្លាបរបស់ក្លិបតោខៀវ Chelsea, Hakim Ziyech ត្រូវបានកោះហៅចូលក្រុមជំរើសជាតិម៉ារ៉ុកសាជាថ្មី ក្រោមការដឹកនាំរបស់គ្រូបង្វឹកថ្មីលោក Walid Regragui ក្រោយអវត្តមានអស់រយៈពេល ១៥ខែ។ កីឡាករវ័យ ២៩ឆ្នាំរូបនេះមិនស្ថិតក្នុងជម្រើសរបស់អតីតគ្រូបង្វឹកម៉ារ៉ុកលោក Vahid Halihodzic ឡើយ តែអតីតគ្រូបង្វឹកក្រុមជំរើសជាតិជប៉ុនរូបនេះក៏ត្រូវបានបណ្តេញចេញកាលពីខែសីហាកន្លងទៅ ដោយសារតែបញ្ហាជ្រើសរើសកីឡាករ។ ឆ្នាំមុនលោក Halihodzic ចោតថា Hakim Ziyech បន្លំថា ខ្លួនឯងមានរបួសគេចវេសមិនលេងឱ្យក្រុមជម្រើសជាតិក្នុងការប្រកួតមិត្តភាព និងជម្រុះ World Cup និងបាល់ទាត់ជើងឯកទ្វីបអាហ្វ្រិក ខណៈ Ziyech ខ្លួនឯងក្រោយមកបដិសេធមិនលេងក្រោមការដឹកនាំរបស់លោក Halihodzic។មិនត្រឹមតែ Ziyech ទេខ្សែការពារ Bayern Munich, Noussair Mazraoui ដែលមានបញ្ហាជាមួយ Halihodzic នោះក៏ត្រូវកោះហៅត្រលប់មកវិញដែរ។ ម៉ារ៉ុកត្រូវប្រកួតមិត្តភាពជាមួយក្រុមស៊ីលីនៅទីក្រុង Barcelona ថ្ងៃទី២៣ ខែកញ្ញានេះ មុនជួបប៉ារ៉ាហ្កាយបួនថ្ងៃបន្ទាប់នៅទីក្រុង Seville ប្រទេសអេស្ប៉ាញដដែល។ ម៉ារ៉ុកស្ថិតក្នុងពូល F នៅ World Cup ដោយត្រូវជួបជាមួយប៊ែលហ្ស៊ិក កាណាដា និងក្រូអាស៊ី៕អត្ថបទ៖នាង សុភាវុធ

Newcastle នាំយកអតីតអ្នកចាំទី Liverpool, Loris Karius ក្នុងកិច្ចសន្យាខ្លីត្រឹមខែមករា

បាល់ទាត់៖ ក្លិបសារិកាព្រៃ Newcastle បានសំរេចក្នុងការនាំយកអ្នកចាំទីអាល្លឺម៉ង់ Loris Karius ក្នុងកិច្ចសន្យារយៈពេលខ្លីត្រឹមខែមករាដើម្បីបំពេញការខ្វះខាតអ្នកចាំទីដៃទី២។ កីឡាករវ័យ ២៩ឆ្នាំរូបនេះបាននៅទំនេរពីក្លិបអាជីពបន្ទាប់ពីចាកចេញពី Liverpool ចុងរដូវកាលមុន ហើយការមកដល់កីឡដ្ឋាន St. James Park នេះ Karius ក៏មានលក្ខខណ្ឌបន្តបន្ថែមកិច្ចសន្យាដល់ចប់រដូវកាលផងដែរ។ Loris Karius មកកាន់ Newcastle បន្ទាប់ពីអ្នកចាំទីដៃទី២ Karl Darlow មានរបួសកជើងត្រូវសម្រាកច្រើនខែ។ Newcastle បានបាត់អ្នកចាំទីដៃទី១ របស់ខ្លួន Martin Dubravka ដែលផ្លាស់ទៅកាន់ Manchester United ក្នុងលក្ខខណ្ឌខ្ចី ខណៈអ្នកចាំទីអង់គ្លេស Nick Pope គឺជាជម្រើសដំបូងក្រោយផ្លាស់ពី Burnley។ រំលឹកថា Loris Karius មានប្រវត្តិជូរចត់ការពីឆ្នាំ២០១៨ នៅវគ្គផ្តាច់ព្រ័ត្រ UCL ពេល Liverpool ចាញ់ Real Madrid ៣-១ ពោលគឺ Karius មានកំហុសធ្ងន់ធ្វើឱ្យមានគ្រាប់បាល់ពីរគ្រាប់ក្នុងចំណោម ៣ នោះ៕អត្ថបទ៖នាង សុភាវុធ

គ្រូ Bayern Munich កំពុងគិតថា បិទអតីតខ្សែប្រយុទ្ធរបស់ខ្លួន Lewandowski បែបណា

បាល់ទាត់៖ អ្នកចាត់ការក្លិបអាល្លឺម៉ង់លោក Julian Nagelsmann នឹងសំរេចចិត្តនៅកៀកម៉ោងនៃការប្រកួតថា តើនឹងដាក់ខ្សែការពារកណ្តាលរូបណាដើម្បីទប់ទល់អតីតខ្សែប្រយុទ្ធរបស់ខ្លួន Robert Lewandowski នៅពេលទទួល Barcelona រាត្រីនេះក្របខណ្ឌ UEFA Champions League ពូល C។ ខ្សែប្រយុទ្ធប៉ូឡូញដែលស៊ុតបញ្ចូលទីបាន ៣៤៤គ្រាប់ក្នុងចំណោម ៣៧៥ប្រកួតនៅ Bayern Munich រយៈពេល ៨ឆ្នាំនោះបានផ្លាស់ទៅកាន់ Barcelona កាលពីខែកក្កដាក្នុងតម្លៃ ៤៥លានអឺរ៉ូ។ អតីតអ្នកចាត់ការ Leipzig លោក Nagelsmann អាចនឹងជ្រើសរើសខ្សែការពារកណ្តាលរួមមាន Dayot Upamecano, Matthijs de Ligt និង Lucas Hernandez ជាជម្រើសដំបូង។ លោក Nagelsmann បាននិយាយថា ថ្វីបើឈានចូលវ័យ ៣៤ឆ្នាំ Lewandowski នៅតែស្ថិតនៅកម្រិតកំពូលដែលអាចរកបាន ៤០គ្រាប់ក្នុងមួយរដូវកាល។Lewandowski មកទល់ពេលនេះរកបាន ៦គ្រាប់ហើយក្នុងចំណោម ៥ប្រកួតឱ្យ Barcelona នៅ La Liga។ Bayern Munich ចាប់ផ្តើមប្រកួតដំបូងនៅ UCL សប្តាហ៍មុនយកឈ្នះនៅទឹកដី Inter Milan ២-០ តែក្រោយមកក៏ស្មើ Stuttgart ក្នុងដី ២-២ នៅ Bundesliga ខណៈ Barcelona យកឈ្នះ Viktoria Plzen ៥-១ និងឈ្នះនៅដី Cadiz ៤-០ នៅ La Liga៕អត្ថបទ៖នាង សុភាវុធ

Diego Costa ផ្លាស់មកកាន់ Wolverhampton ផ្លូវការក្រោយតវ៉ាជាមួយ FA បានសម្រេច

បាល់ទាត់៖ ខ្សែប្រយុទ្ធអេស្ប៉ាញ Diego Costa បានផ្លាស់មកកាន់ក្លិបបាល់ទាត់ Wolverhampton ផ្លូវការហើយក្រោយចុះកិច្ចសន្យាលេងដល់ចប់រដូវកាល។ កីឡាករវ័យ ៣៣ឆ្នាំ Diego Costa បានទៅដល់ជំរុំហ្វឹកហាត់ Compton របស់ Wolves តាំងពីសប្តាហ៍មុនរង់ចាំការអនុញ្ញាតពី FA ក្នុងការចុះបញ្ជី។ បើតាមច្បាប់របស់ FA កង្វះសកម្មភាពបាល់ទាត់ប៉ុន្មានខែចុងក្រោយនេះមានន័យថា Diego Costa មិនទាន់បានការចុះបញ្ជីឈ្មោះដោយស្វ័យប្រវត្តិពីការស្នើសុំរបស់ក្លិបឡើយ។ អតីតខ្សែប្រយុទ្ធតោខៀវ Chelsea រូបនេះត្រូវបាន Wolves ធ្វើទំនាក់ទំនងនាំយកមកកាន់ទឹកដីអង់គ្លេសវិញ បន្ទាប់ពីក្លិបបាត់បង់ខ្សែប្រយុទ្ធទាំងពីររូបដោយសាររបួសរួមមាន Sasa Kaladzic និង Raul Jimenez។Diego Costa បាននៅទំនេរពីការប្រកួតឱ្យក្លិបអាជីពតាំងពីខែមករា ក្រោយចាកចេញពីក្លិបប្រេស៊ីល Atletico Mineiro ពោលគឺកីឡាករវ័យ ៣៣ឆ្នាំរូបនេះមិនបានចូលប្រកួតបាល់ទាត់អាជីពតាំងពីថ្ងៃទី១២ ខែធ្នូចុងឆ្នាំមុន។ រំលឹកថា Diego Costa ធ្លាប់មានអាជីពជោគជ័យនៅ Chelsea ដោយឈ្នះជើងឯក Premier League ពីរលើក និងឈ្នះពានផ្សេងទៀតជាមួយក្លិបអេស្ប៉ាញ Atletico Madrid។ Wolves បច្ចុប្បន្នឈរលេខ ១៤ នៅ Premier League រដូវកាលនេះក្រោយឈ្នះ ១ប្រកួតគត់៕អត្ថបទ៖នាង សុភាវុធ

ក្រុមធ្លាក់ទម្រង់ Liverpool ទទួលក្រុមឡើងជើង Ajax រាត្រីនេះក្របខណ្ឌ UCL

បាល់ទាត់៖ ក្រុមដែលកំពុងធ្លាក់ចុះទម្រង់លេងខ្លាំងហង្សក្រហម Liverpool នឹងទទួលស្វាគមន៍ក្រុមដែលកំពូលឡើងជើងខ្លាំង Ajax Amsterdam រាត្រីនេះប្រកួតទី២ នៃវគ្គវិលជុំក្នុងពូល A ក្របខណ្ឌ UEFA Champions League។ ក្រុមរបស់លោក Jurgen Klopp បានរងបរាជ័យធ្ងន់ករនៅទឹកដី Napoli សប្តាហ៍មុន ៤-១ ខណៈ Ajax យកឈ្នះ Rangers ៤-០។ បរាជ័យរបស់ Liverpool នៅទឹកដីអ៊ីតាលីសប្តាហ៍មុនត្រូវបានលោក Jurgen Klopp ហៅថា ជាការប្រកួតអន់បំផុតក្រោមការដឹកនាំរបស់លោកតាំងពីមកកាន់តំណែងនៅ Liverpool។ អ្នកចាត់ការសញ្ជាតិអាល្លឺម៉ង់រូបនេះ នៅពេលនេះមើលឃើញថា Ajax ជាក្រុមរៀបចំបានល្អ និងជាគូប្រកួតតានតឹងមួយក្នុងពូល A នេះ។ ខ្សែការពារឆ្វេងរបស់ Liverpool, Andy Robertson នឹងអវត្តមានយប់នេះដោយសាររបួសជង្គង់ ខណៈកីឡាករផ្សេងទៀតដែលមានរបួសរួមមាន Curtis Jones, Naby Keita និង Alex Oxlade-Chamberlain។ចំណែក Ajax មានកីឡាករម្នាក់តែប៉ុណ្ណោះដែលមានរបួសគឺខ្សែការពារឆ្វេង Owen Wijndal ដែលមានរបួសកជើង។ Ajax មុនមកដល់ប្រកួតនេះបានយកឈ្នះ Heerenveen ៥-០ ក្នុងលីគ ខណៈ Liverpool មិនមានការប្រកួតឡើយ ដោយសារអង់គ្លេសកាន់ទុក្ខនៃការយាងសោយព្រះពិរាល័យម្ចាស់ក្សត្រីយ៍ Elizabeth II៕អត្ថបទ៖នាង សុភាវុធ

កីឡាករ-កីឡាការិនីវាយកូនបាល់ ៦រូបកំពុងសំងំហាត់នៅអាមេរិកត្រៀមស៊ីហ្គេម

វាយកូនបាល់៖ កីឡាករ-ការិនីវាយកូនបាល់ជម្រើសជាតិកម្ពុជា ៦រូបកំពុងសំងំហ្វឹកហាត់នៅអាមេរិក ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា។ នេះបើតាមការបញ្ជាក់របស់លោក ជា ពៅ គ្រូបង្វឹកក្រុមកីឡាវាយកូនបាល់កម្ពុជា។ គ្រូបង្វឹកដដែលបានបញ្ជាក់ថា សមាជិកក្រុមជម្រើសជាតិវាយកូនបាល់កម្ពុជា ដែលកំពុងប្រមូលផ្ដុំហ្វឹកហាត់ត្រៀមស៊ីហ្គេមគឺមាន ១១នាក់ក្នុងនោះ ៥នាក់កំពុងហ្វឹកហាត់ក្នុងស្រុក និង ៦នាក់ទៀតត្រូវបានសហព័ន្ធបញ្ជូនទៅហ្វឹកហាត់នៅអាមេរិកគឺមានកីឡាករ ៣នាក់ និងកីឡាការិនី ៣នាក់។ លោកថា បច្ចុប្បន្នសហព័ន្ធកំពុងខិតខំ និងយកចិត្តទុកដាក់ជាខ្លាំងក្នុងការពង្រឹងសមត្ថភាពក្រុមជម្រើសជាតិរបស់ខ្លួន ដើម្បីឈានទៅសម្រេចផែនការដណ្ដើមមេដាយមាសយ៉ាងហោច ១គ្រឿងដែលគណៈកម្មាធិការជាតិ CAMSOC បានកំណត់សន្ទស្សន៍មេដាយសម្រាប់ព្រឹត្តិការណ៍ជាប្រវត្តិសាស្ដ្រនៅកម្ពុជានាឆ្នាំក្រោយ។តាមរយៈនេះសហព័ន្ធបានពង្រឹងផែនការហ្វឹកហាត់ទាំងក្នុងស្រុក និងក្រៅស្រុក ក៏ដូចជារៀបចំការប្រកួតជាច្រើនដើម្បីពង្រឹងសមត្ថភាពកីឡាករ-កីឡាការិនី។ ជាការកត់សម្គាល់ សហព័ន្ធសង្កេតឃើញក្រុមកីឡាករ-កីឡាការិនីកម្ពុជាឆ្នាំនេះមានភាពរីកចម្រើនគួរឲ្យកត់សម្គាល់ ដែលជាក្ដីសង្ឃឹមឆ្ពោះទៅដណ្ដើមមេដាយជូនជាតិ។ លោក ជា ពៅ បានឲ្យដឹងថា កីឡាករ-កីឡាការិនីវាយកូនបាល់កម្ពុជា ៦រូបដែលកំពុងហ្វឹកហាត់នៅអាមេរិករួមមានកីឡាករ ក្រូសលីន ម៉ាឌីវ ដាវិត, ឡេង សារិនរាជ និងកីឡាករ ទេព ទីម៉ូធី រួមជាមួយកីឡាការិនី កាអង់ដ្រេអា ដារ៉ាវី, ក្រូសលីន ហ្គ្រាសអានិត្យ និងកីឡាការិនី ស៊ុម ចិន្ដា៕អត្ថបទ៖ លី ឈុនឡា

CAMSOC ផ្ដល់សិទ្ធឲ្យក្រុមហ៊ុនឯកជន ដើម្បីរកចំណូលសម្រាប់គាំទ្រការរៀបចំស៊ីហ្គេម

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានយល់ព្រមផ្ដល់សិទ្ធឲ្យក្រុមហ៊ុន Pahmmazing ដើម្បីស្វែងរកចំណូល សម្រាប់គាំទ្រដល់ការរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ពិសេសដើម្បីអនុវត្តបាននូវគោលការណ៍សន្សំសំចៃ ដែលដាក់ចេញដោយថ្នាក់ដឹកនាំតែម្ដង។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC ក្រោយបញ្ចប់កិច្ចប្រជុំគណៈអចិន្ដ្រៃយ៍ប្រចាំសប្ដាហ៍ដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍នៃគណៈកម្មាធិការជាតិ CAMSOC នៅទីស្នាក់ការគណៈកម្មាធិការជាតិអូឡាំពិកកម្ពុជានៅថ្ងៃទី១២ ខែកញ្ញា ឆ្នាំ២០២២ នេះ។ ឯកឧត្តមមានប្រសាសន៍ថា កិច្ចប្រជុំនេះឯកឧត្តមបណ្ឌិត ថោង ខុន បានញែកការងារ និងប្រគល់ភារកិច្ចច្បាស់លាស់ដល់ក្រុមហ៊ុនឯកជន បន្ទាប់ពី CAMSOC បានផ្ដល់សិទ្ធឲ្យរកចំណូលក្រោមការដឹកនាំ និងមើលការខុសត្រូវរបស់គណៈកម្មការទីផ្សារ និងចលនូបត្ថម្ភ។ ឯកឧត្តមថា ការធ្វើបែបនេះដើម្បីឲ្យស្របតាមគោលការណ៍គណនេយ្យភាព តម្លាភាព និងសុចរឹតភាពតាមរយៈច្រកចេញចូលតែមួយ។រដ្ឋលេខាធិការក្រសួងទេសចរណ៍ដដែលបានបញ្ជាក់ថា មកទល់ពេលនេះគណៈកម្មការទីផ្សារ និងចលនូបត្ថម្ភ រួមជាមួយក្រុមហ៊ុនឯកជនដែលទទួលបានសិទ្ធិពី CAMSOC ដើម្បីរកចំណូលគឺក្រុមហ៊ុន Pahmmazing ក៏ដូចជាគណៈកម្មការផ្សេងៗគឺបានចាប់ផ្ដើមសកម្មភាពការងាររបស់ខ្លួន។ ឯកឧត្តមសង្ឃឹមថា ការអនុវត្តតាមគោលការណ៍ណែនាំរបស់ថ្នាក់ដឹកនាំនេះនឹងទទួលបានជោគជ័យ សម្រាប់ព្រឹត្តិការណ៍ជាប្រវត្តិសាស្ដ្រស៊ីហ្គេមឆ្នាំ២០២៣ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំនាពេលខាងមុខ៕អត្ថបទ៖ លី ឈុនឡា

ទូតចិនជួបសំណេះសំណាល និងជូនដំណើរអត្តពលិកកម្ពុជា ១៦១នាក់ មុនចេញទៅហាត់នៅចិនសប្ដាហ៍នេះ

ស៊ីហ្គេម៖ នៅព្រឹកថ្ងៃទី១៣ ខែកញ្ញានេះ ឯកឧត្តម Wu Gouquan កុងស៊ុលផ្នែកសេដ្ឋកិច្ច និងពាណិជ្ជកម្មតំណាងឯកអគ្គរដ្ឋទូតចិនប្រចាំកម្ពុជាបានជួបសំណេះសំណាល និងជូនដំណើរប្រតិភូ កីឡាករ-កីឡាការិនីជម្រើសជាតិកម្ពុជាសរុបចំនួន ១៦១នាក់លើ ១២ប្រភេទកីឡាដែលត្រៀមចេញទៅហ្វឹកហាត់នៅចិននាថ្ងៃទី១៥ ខែកញ្ញា ឆ្នាំ២០២២ ខាងមុខ។កម្មវិធីជួបសំណេះសំណាល និងជូនដំណើរនេះមានការអញ្ជើញចូលរួមពីឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ព្រមទាំងប្រតិភូ គ្រូបង្វឹក និងកីឡាករ-កីឡាការិនីដែលត្រៀមចេញទៅហាត់នៅចិន ក្រោមជំនួយឥតសំណងរបស់រដ្ឋាភិបាលចិនផងដែរ។ ឆ្លៀតឱកាសនោះ ឯកឧត្តម Wu Gouquan បានអបអរសាទរប្រតិភូ និងអត្តពលិកកកម្ពុជាទាំងអស់ដែលត្រៀមចេញទៅហាត់នៅចិននាពេលនេះ បន្ទាប់ពីការខិតខំប្រឹងប្រែងរវាងភាគីចិន និងកម្ពុជាដើម្បីជំរុញគម្រោងមួយនេះឲ្យដំណើរការរលូន។ ឯកឧត្តមបានចាត់ទុកការផ្ដល់ជំនួយបច្ចេកទេសកីឡារបស់ចិននេះ គឺជាផ្នែកមួយទៀតដើម្បីពង្រឹងចំណងមិត្តភាពមិត្តដែកថែប និងយុទ្ធសាស្ដ្រយូរអង្វែងរវាងចិន និងកម្ពុជា។ តំណាងឯកអគ្គរដ្ឋទូតចិនប្រចាំកម្ពុជាដដែលបន្ថែមថា ដើម្បីជួយកម្ពុជាធ្វើម្ចាស់ផ្ទះស៊ីហ្គេមឆ្នាំ២០២៣ រដ្ឋាភិបាលចិនមិនត្រឹមតែអនុវត្តគម្រោងសាងសង់ពហុកីឡដ្ឋានជាតិមរតកតេជោនោះទេ ថែមទាំងផ្ដល់ជំនួយបច្ចេកទេសកីឡា ក្នុងគោលបំណងបង្កើនបច្ចេកទេសតាមរយៈការហ្វឹកហាត់ និងផ្ដល់សម្ភារៈ ដើម្បីពង្រឹងទំនាក់ទំនងភាពជាដៃគូយុទ្ធសាស្ដ្រគ្រប់ជ្រុងជ្រោយរវាងចិន និងកម្ពុជាឲ្យកាន់តែស៊ីជម្រៅថែមទៀតផង។ឯកឧត្តម វ៉ាត់ ចំរើន បានចាត់ទុកវេទិកាជួបសំណេះសំណាល និងជូនដំណើរនេះគឺជាព្រឹត្តិការណ៍ដ៏មានអត្ថន័យជ្រាលជ្រៅមួយ សម្រាប់ដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រនៅកម្ពុជា ដែលកើតចេញពីកិច្ចសហប្រតិបត្តិការពិសេសនៃមិត្តដែកថែប និងយុទ្ធសាស្ដ្រយូរអង្វែងរវាងកម្ពុជា-ចិន បានចេញជាលទ្ធផលនៃការជួយដល់វិស័យកីឡាកម្ពុជា ពិសេសការផ្ដល់ជំនួយឥតសំណងសាងសង់ពហុកីឡដ្ឋានជាតិមរតកតេជោ និងជួយកីឡាករ-កីឡាការិនីក្នុងការស្វែងរកបច្ចេកទេសហ្វឹកហាត់ខ្ពស់ តាមរយៈការចេញទៅហ្វឹកហាត់នៅចិននៅពេលនេះ។ ទន្ទឹមជាមួយគ្នា ឯកឧត្តមបានជំរុញ និងផ្ដាំផ្ញើដល់ប្រតិភូ កីឡាករ-កីឡាការិនីទាំងអស់ត្រូវយកឱកាសហ្វឹកហាត់ដ៏មានសារៈសំខាន់នេះ ខិតខំឲ្យអស់ពីកម្លាំងកាយចិត្ត ដើម្បីស្រូបបានមកវិញនូវសិទ្ធផល និងគុណផលកីឡាកម្រិតខ្ពស់ត្រឡប់មកវិញ សម្រាប់ត្រៀមព្រឹត្តិការណ៍ប្រវត្តិសាស្ដ្រ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំ។ ឯកឧត្តមបានសង្កត់ធ្ងន់ថា កីឡាករ-កីឡាការិនីទាំងអស់ត្រូវត្រៀមទទួលយកនូវរាល់ការលំបាក និងការឈឺចាប់ក្នុងការហ្វឹកហាត់ដោយចាត់ទុកជារឿងធម្មតា ហើយប្រែរឿងធម្មតានោះទៅជារឿងអស្ចារ្យក្នុងអាជីព និងប្រទេសជាតិ។ លើសពីនេះត្រូវរក្សានូវវិន័យ និងសេចក្ដីថ្លៃថ្នូរក្នុងការចេញទៅហ្វឹកហាត់ ក្នុងនាមអត្តពលិកតំណាងជាតិទាំងមូល និងក្នុងនាមកិច្ចសហការរវាងប្រទេសទាំងពីររវាងរដ្ឋាភិបាល និងរដ្ឋាភិបាល។ ហេតុនេះត្រូវរក្សាកិត្តិយស និងមិត្តភាពនេះដើម្បីជំរុញដំណើរឆ្ពោះទៅស៊ីហ្គេមឆ្នាំ២០២៣ ឲ្យទទួលបានជោគជ័យ។ នេះបើតាមការបញ្ជាក់បន្ថែមរបស់ប្រតិបត្តិករកីឡាកម្ពុជា ឯកឧត្តម វ៉ាត់ ចំរើន៕អត្ថបទ៖ លី ឈុនឡា

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

ប្រណាំងរថយន្ត៖ កីឡាករប្រណាំង F1 ហូឡង់ Max Verstappen បានប្រជែងឈ្នះការប្រណាំង F1 លើកដំបូងក្នុងអាជីពនៅលើទីលាន Monza ប្រទេសអ៊ីតាលី បន្ទាប់ពីរថយន្តសុវត្ថិភាពនៅជុំចុងក្រោយ។ កីឡាកររបស់ក្រុម Red Bull រូបនេះបានយកឈ្នះកីឡាករម៉ូណាកូ Charles Leclerc របស់ Ferrari ដែលប្រើប្រាស់យុទ្ធសាស្ត្រ Pit Stop ពីរលើក និងបាននាំមុខ Verstappen ពីរលើក។ Leclerc គឺជាអ្នកចេញដំណើរមុខគេ ខណៈ Verstappen ចេញពីលេខរៀងទី៧។ លេខ៣ ក្នុងការប្រកួតបានទៅកីឡាកររបស់ Mercedes, George Russell តាមពីក្រោយដោយ Carlos Sainz និង Lewis Hamilton។ នេះជាជ័យជំនះលើកទី១១ សំរាប់ Max Verstappen ក្នុងរដូវកាល ២០២២ នេះ ហើយក៏បាននាំមុខដាច់ក្នុងតារាងជើងឯកពិភពលោកដល់ទៅ ១១៦ពិន្ទុពីលើអ្នកលេខ២ Charles Leclerc ដែលមានន័យថា Verstappen អាចនឹងក្លាយជាជើងឯកពិភពលោកតែម្តង នៅទីលានបន្ទាប់នៅប្រទេសសិង្ហបុរីចុងខែកញ្ញានេះ៕អត្ថបទ៖នាង សុភាវុធ

Remco Evenepoel គ្រងជើងឯកប្រណាំងកង់ Grand Tour, Vuelta a Espana

ប្រណាំងកង់៖ ទីបំផុតអ្នកនាំមុខគេក្នុងតារាងវេលារួមតាំងពីដំណាក់កាលទី៦ កីឡាករប៊ែលហ្ស៊ិក Remco Evenepoel បានក្លាយជាជើងឯកហើយនៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana បន្ទាប់ពីបញ្ចប់ការប្រកួតដំណាក់កាលចុងក្រោយទី២១ នៅទីក្រុង Madrid ថ្ងៃអាទិត្យម្សិលមិញ។ កីឡាករវ័យ ២២ឆ្នាំរបស់ក្រុម Quick-Step Alpha Vinyl បានក្លាយជាកីឡាករប៊ែលហ្ស៊ិកទី១ ដែលឈ្នះជើងឯក Grand Tour ក្នុងរយៈពេល ៤៤ឆ្នាំ។ កីឡាករកូឡុំប៊ី Juan Sebastian Molano គឺជាអ្នកប្រជែងឈ្នះដំណាក់កាលចុងក្រោយដែលមានចំងាយផ្លូវ ១០០គីឡូម៉ែត្រ តាមពីក្រោយដោយកីឡាករដាណឺម៉ាក Mads Pedersen និងលេខ៣ កីឡាករអាល្លឺម៉ង់ Pascal Ackermann។ Remco Evenepoel បានបញ្ចប់ការប្រកួតទាំងស្រុងដោយមានវេលាចំណេញពីលើអ្នកលេខ២ កីឡាករអេស្ប៉ាញ Enric Mas ចំនួន ២នាទី ៥វិនាទី និងលេខ៣ កីឡាករអេស្ប៉ាញ Juan Ayuso៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Trump នៅតែបន្តបង្ហាញរូបភាពវិជ្ជមាន អំពីការចរចា រវាងសហរដ្ឋអាមេរិក និងអ៊ីរ៉ង់

រុស្ស៊ី៖ ជោគវាសនារបស់ប្រជាពលរដ្ឋជាង ៣០០នាក់ នៅតំបន់ KURSK នៅមិនទាន់ដឹងនៅឡើយ

អ្នកជំនាញ៖ ទួរគីកំពុងបង្កើនកិច្ចខិតខំប្រឹងប្រែងសម្របសម្រួល ដើម្បីស្វែងរកដំណោះស្រាយជម្លោះនៅអ៊ុយក្រែន

មេបញ្ជាការកងទ័ព៖ យោធាអ៊ីស្រាអែល នឹងបន្តធ្វើប្រតិបត្តិការបុរេសកម្ម នៅក្នុងតំបន់ហ្កាហ្សា

អាមេរិកបន្តព្រមានចំពោះការធ្វើដំណើរទៅកាន់កូរ៉េខាងជើង ដោយសារហានិភ័យធ្ងន់ធ្ងរនៃការចាប់ខ្លួននិងឃុំខ្លួន

គេហទំព័រ៖ ហេដ្ឋារចនាសម្ព័ន្ធកំពង់ផែជាង ១.០០០កន្លែង រងការខូចខាត នៅក្នុងតំបន់ ODESSA

លោក TRUMPថា ប្រទេសនៅអឺរ៉ុបខ្វះកងកម្លាំងប្រដាប់អាវុធរឹងមាំដោយសារតែការពឹងផ្អែកលើអាមេរិក

កងកម្លាំងសន្តិសុខនីហ្សេរីយ៉ា ជួយសង្គ្រោះជនរងគ្រោះពីការចាប់ជំរិតចំនួន ៣០០នាក់

ឯកឧត្តម ហ៊ុន ម៉ានី៖ កម្ពុជាចែករំលែកបទពិសោធន៍ជោគជ័យនៃកំណែទម្រង់រដ្ឋបាលសាធារណៈជូនប្រទេសជាសមាជិកអាស៊ាន និងដៃគូ ក្នុងកិច្ចប្រជុំ ACCSM និង ACCSM+3 ឆ្នាំ២០២៦

បារ៉ែនប្រាប់អ៊ីរ៉ង់ឲ្យបញ្ឈប់ការវាយប្រហារលើប្រទេសជិតខាងក្នុងតំបន់ និងគោរពតាមសេចក្តីសម្រេចរបស់UN

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព

Newcastle នាំយកអតីតអ្នកចាំទី Liverpool, Loris Karius ក្នុងកិច្ចសន្យាខ្លីត្រឹមខែមករា

គ្រូ Bayern Munich កំពុងគិតថា បិទអតីតខ្សែប្រយុទ្ធរបស់ខ្លួន Lewandowski បែបណា

Diego Costa ផ្លាស់មកកាន់ Wolverhampton ផ្លូវការក្រោយតវ៉ាជាមួយ FA បានសម្រេច

ក្រុមធ្លាក់ទម្រង់ Liverpool ទទួលក្រុមឡើងជើង Ajax រាត្រីនេះក្របខណ្ឌ UCL

កីឡាករ-កីឡាការិនីវាយកូនបាល់ ៦រូបកំពុងសំងំហាត់នៅអាមេរិកត្រៀមស៊ីហ្គេម

CAMSOC ផ្ដល់សិទ្ធឲ្យក្រុមហ៊ុនឯកជន ដើម្បីរកចំណូលសម្រាប់គាំទ្រការរៀបចំស៊ីហ្គេម

ទូតចិនជួបសំណេះសំណាល និងជូនដំណើរអត្តពលិកកម្ពុជា ១៦១នាក់ មុនចេញទៅហាត់នៅចិនសប្ដាហ៍នេះ

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

Remco Evenepoel គ្រងជើងឯកប្រណាំងកង់ Grand Tour, Vuelta a Espana

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

គ្រូបង្វឹក​ម៉ា​រ៉ុ​ក​ថ្មី​កោះហៅ Hakim Ziyech ចូល​ក្រុម​ជម្រើសជាតិ​វិញ​ត្រៀម​ប្រកួត​មិត្តភាព​

Newcastle នាំយក​អតីត​អ្នកចាំទី Liverpool, Loris Karius ក្នុង​កិច្ចសន្យា​ខ្លី​ត្រឹម​ខែមករា​

គ្រូ Bayern Munich កំពុង​គិត​ថា ​បិទ​អតីត​ខ្សែប្រយុទ្ធ​របស់​ខ្លួន Lewandowski បែប​ណា

Diego Costa ផ្លាស់​មកកាន់ Wolverhampton ផ្លូវការ​ក្រោយ​តវ៉ា​ជាមួយ FA បានសម្រេច​

ក្រុម​ធ្លាក់​ទម្រង់ Liverpool ទទួល​ក្រុម​ឡើង​ជើង Ajax រាត្រី​នេះ​ក្របខណ្ឌ UCL

កីឡាករ​-​កីឡាការិនី​វាយ​កូន​បាល់ ៦​រូប​កំពុងសំងំហាត់​នៅ​អាមេរិក​ត្រៀម​ស៊ី​ហ្គេម

CAMSOC ​ផ្ដល់​សិទ្ធ​ឲ្យ​ក្រុមហ៊ុន​ឯកជន ដើម្បី​រក​ចំណូល​សម្រាប់​គាំទ្រ​ការរៀបចំ​ស៊ី​ហ្គេម

ទូត​ចិន​ជួប​សំណេះសំណាល និង​ជូន​ដំណើរ​អត្ត​ព​លិ​ក​កម្ពុជា ១៦១​នាក់ មុន​ចេញទៅ​ហាត់​នៅ​ចិនសប្ដាហ៍​នេះ​

Max Verstappen ឈ្នះ​ការប្រណាំង F1 លើកដំបូង​នៅ​ទឹកដី​អ៊ីតាលី​

Remco Evenepoel គ្រង​ជើងឯក​ប្រណាំង​កង់ Grand Tour, Vuelta a Espana

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព

Newcastle នាំយកអតីតអ្នកចាំទី Liverpool, Loris Karius ក្នុងកិច្ចសន្យាខ្លីត្រឹមខែមករា

គ្រូ Bayern Munich កំពុងគិតថា បិទអតីតខ្សែប្រយុទ្ធរបស់ខ្លួន Lewandowski បែបណា

Diego Costa ផ្លាស់មកកាន់ Wolverhampton ផ្លូវការក្រោយតវ៉ាជាមួយ FA បានសម្រេច

ក្រុមធ្លាក់ទម្រង់ Liverpool ទទួលក្រុមឡើងជើង Ajax រាត្រីនេះក្របខណ្ឌ UCL

កីឡាករ-កីឡាការិនីវាយកូនបាល់ ៦រូបកំពុងសំងំហាត់នៅអាមេរិកត្រៀមស៊ីហ្គេម

CAMSOC ផ្ដល់សិទ្ធឲ្យក្រុមហ៊ុនឯកជន ដើម្បីរកចំណូលសម្រាប់គាំទ្រការរៀបចំស៊ីហ្គេម

ទូតចិនជួបសំណេះសំណាល និងជូនដំណើរអត្តពលិកកម្ពុជា ១៦១នាក់ មុនចេញទៅហាត់នៅចិនសប្ដាហ៍នេះ

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

Remco Evenepoel គ្រងជើងឯកប្រណាំងកង់ Grand Tour, Vuelta a Espana