BTV NEWS

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ឯកឧត្តម កែវ រ៉េមី ចាត់ទុកការឈ្នះមេដាយ ៨គ្រឿងថ្ងៃបើកឆាកតេក្វាន់ដូ ITF ជើងឯកអាស៊ី ជាកាដូ និងសារជូនពរដ៏ថ្លៃថ្លា ជូនសម្ដេចតេជោ

ព័ត៌មានកីឡា

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

ប្រណាំងរថយន្ត៖ កីឡាករប្រណាំង F1 ហូឡង់ Max Verstappen បានប្រជែងឈ្នះការប្រណាំង F1 លើកដំបូងក្នុងអាជីពនៅលើទីលាន Monza ប្រទេសអ៊ីតាលី បន្ទាប់ពីរថយន្តសុវត្ថិភាពនៅជុំចុងក្រោយ។ កីឡាកររបស់ក្រុម Red Bull រូបនេះបានយកឈ្នះកីឡាករម៉ូណាកូ Charles Leclerc របស់ Ferrari ដែលប្រើប្រាស់យុទ្ធសាស្ត្រ Pit Stop ពីរលើក និងបាននាំមុខ Verstappen ពីរលើក។ Leclerc គឺជាអ្នកចេញដំណើរមុខគេ ខណៈ Verstappen ចេញពីលេខរៀងទី៧។ លេខ៣ ក្នុងការប្រកួតបានទៅកីឡាកររបស់ Mercedes, George Russell តាមពីក្រោយដោយ Carlos Sainz និង Lewis Hamilton។ នេះជាជ័យជំនះលើកទី១១ សំរាប់ Max Verstappen ក្នុងរដូវកាល ២០២២ នេះ ហើយក៏បាននាំមុខដាច់ក្នុងតារាងជើងឯកពិភពលោកដល់ទៅ ១១៦ពិន្ទុពីលើអ្នកលេខ២ Charles Leclerc ដែលមានន័យថា Verstappen អាចនឹងក្លាយជាជើងឯកពិភពលោកតែម្តង នៅទីលានបន្ទាប់នៅប្រទេសសិង្ហបុរីចុងខែកញ្ញានេះ៕អត្ថបទ៖នាង សុភាវុធ

Remco Evenepoel គ្រងជើងឯកប្រណាំងកង់ Grand Tour, Vuelta a Espana

ប្រណាំងកង់៖ ទីបំផុតអ្នកនាំមុខគេក្នុងតារាងវេលារួមតាំងពីដំណាក់កាលទី៦ កីឡាករប៊ែលហ្ស៊ិក Remco Evenepoel បានក្លាយជាជើងឯកហើយនៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana បន្ទាប់ពីបញ្ចប់ការប្រកួតដំណាក់កាលចុងក្រោយទី២១ នៅទីក្រុង Madrid ថ្ងៃអាទិត្យម្សិលមិញ។ កីឡាករវ័យ ២២ឆ្នាំរបស់ក្រុម Quick-Step Alpha Vinyl បានក្លាយជាកីឡាករប៊ែលហ្ស៊ិកទី១ ដែលឈ្នះជើងឯក Grand Tour ក្នុងរយៈពេល ៤៤ឆ្នាំ។ កីឡាករកូឡុំប៊ី Juan Sebastian Molano គឺជាអ្នកប្រជែងឈ្នះដំណាក់កាលចុងក្រោយដែលមានចំងាយផ្លូវ ១០០គីឡូម៉ែត្រ តាមពីក្រោយដោយកីឡាករដាណឺម៉ាក Mads Pedersen និងលេខ៣ កីឡាករអាល្លឺម៉ង់ Pascal Ackermann។ Remco Evenepoel បានបញ្ចប់ការប្រកួតទាំងស្រុងដោយមានវេលាចំណេញពីលើអ្នកលេខ២ កីឡាករអេស្ប៉ាញ Enric Mas ចំនួន ២នាទី ៥វិនាទី និងលេខ៣ កីឡាករអេស្ប៉ាញ Juan Ayuso៕អត្ថបទ៖នាង សុភាវុធ

Union Berlin ឡើងឈរកំពូលតារាង Bundesliga អាល្លឺម៉ង់លើកដំបូងក្នុងប្រវត្តិសាស្ត្រក្លិប

បាល់ទាត់៖ ក្រុម Union Berlin បានឡើងឈរលើគេក្នុងតារាងក្របខណ្ឌបាល់ទាត់កំពូលអាល្លឺម៉ង់ Bundesliga លើកដំបូងក្នុងប្រវត្តិសាស្ត្រក្លិបក្រោយយកឈ្នះ FC Cologne នៅសប្តាហ៍ទី៦។ គ្រាប់បាល់ចូលទីខ្លួនឯងរបស់ Cologne តាំងពីនាទីទី៣ គឺជាបីពិន្ទុរបស់ Union Berlin បើទោះជាក្រុមម្ចាស់ផ្ទះ Berlin សល់គ្នាត្រឹម ១០នាក់នៅនាទីទី៨១ នៅពេល Luca Kilian ទទួលបានកាតលឿងទី២។ គិតត្រឹម ៦សប្តាហ៍នេះ Union Berlin មិនដែលចាញ់ឡើយមាន ១៤ពិន្ទុឈរលើគេបន្ទាប់ពី Freiburg ស្មើ Borussia Moenchengladbach និង Bayern Munich ស្មើ Stuttgart ២-២ ក្នុងដីខ្លួនឯង។ Union Berlin រដូវកាលនេះមានកៅអីនៅ UEFA Europa League បន្ទាប់ពីខកខានឱកាសលេងនៅ UEFA Champions League ក្រោយឈរលេខ ៥ រដូវកាលមុនចាញ់ក្រុមលេខ ៤ ត្រឹម ១ពិន្ទុ៕អត្ថបទ៖នាង សុភាវុធ

ជំនួបរវាង Rangers និង Napoli នៅ UCL ត្រូវលើកទៅយប់ថ្ងៃពុធវិញ

បាល់ទាត់៖ ការប្រកួតក្របខណ្ឌ UEFA Champion League មួយគូរវាង Glasgow Rangers ទទួលស្វាគមន៍ក្រុមភ្ញៀវអ៊ីតាលី Napoli ត្រូវលើកពេល ២៤ម៉ោងពីយប់ថ្ងៃអង្គារទៅយប់ថ្ងៃពុធវិញ នេះបើតាមសេចក្តីជូនដំណឹងរបស់ UEFA។UEFA បានបញ្ជាក់ថា ការលើកពេលប្រកួតនេះគឺទៅតាមការស្នើសុំរបស់ភាគីម្ចាស់ផ្ទះស្កុតឡេន ជុំវិញការកាន់ទុក្ខនៃការសោយព្រះពិរាល័យម្ចាស់ក្សត្រី Elizabeth II ដែលធ្វើឱ្យមានកង្វះខាតធនធាននគរបាលការពារសុវត្ថិភាព។ UEFA ក៏បានបន្ថែមទៀតថា ការប្រកួតនៅយប់ថ្ងៃពុធនោះក៏មិនអនុញ្ញាតឱ្យមានអ្នកគាំទ្រក្រុមភ្ញៀវដែរ ហើយភាគីស្កុតឡេននឹងប៉ះប៉ូវវិញនៅជើងទី២ ទឹកដី Napoli អ្នកគាំទ្រ Rangers ក៏នឹងមិនទៅចូលរួមដូចគ្នា។ Rangers បើកឆាកប្រកួតដំបូងនៅ UCL កាលពីថ្ងៃពុធសប្តាហ៍មុនដោយចាញ់នៅទឹកដី Ajax Amsterdam ៤-០ ខណៈ Napoli យកឈ្នះក្រុមជើងឯករងឆ្នាំមុន Liverpool ៤-១៕អត្ថបទ៖នាង សុភាវុធ

គោព្រៃជំទង់កម្ពុជានឹងចេញទៅប្រកួតជម្រុះ AFC U20 នៅតាជីគីស្ថានយប់នេះ

បាល់ទាត់៖ ក្រុមបាល់ទាត់ជម្រើសជាតិយុវជនអាយុក្រោម ២០ឆ្នាំកម្ពុជានឹងចេញទៅប្រកួតជម្រុះពានរង្វាន់ជើងឯកអាស៊ីយុវជនអាយុក្រោម ២០ឆ្នាំ AFC U20 Asian Cup 2023 នៅប្រទេសតាជីគីស្ថាននាវេលាម៉ោង ១១៖៥៥នាទីយប់ ថ្ងៃទី១២ ខែកញ្ញានេះ។ តាមការគ្រោងទុកក្រុមគោព្រៃជំទង់កម្ពុជានឹងត្រូវចំណាយពេលប្រមាណជាង ១៩ម៉ោងក្នុងការធ្វើដំណើរ ពោលគឺគ្រោងទៅដល់ប្រទេសតាជីគីស្ថាននាល្ងាចថ្ងៃទី១៣ ខែកញ្ញា មុនប្រកួតបើកឆាកជាមួយក្រុមជម្រើសជាតិ U20 លីបង់ នាថ្ងៃបន្ទាប់។ គួរដឹងថា ក្រុមយុវជន U20 កម្ពុជាស្ថិតក្នុងពូល I ជាមួយក្រុមម្ចាស់ផ្ទះតាជីគីស្ថាន លីបង់ និងសិង្ហបុរី។ ចំពោះកម្មវិធីប្រកួតបន្ទាប់ពីប្រកួតបើកឆាកជាមួយលីបង់ កម្ពុជានឹងត្រូវជួបក្រុម U20 សិង្ហបុរីនាថ្ងៃទី១៦ ខែកញ្ញា និងចុងក្រោយជួបក្រុម U20 តាជីគីស្ថាននាថ្ងៃទី១៨ ខែកញ្ញា ឆ្នាំ២០២២ ខាងមុខ។បេសកកម្មនេះដែរដឹកនាំដោយគ្រូបង្វឹកជប៉ុនលោក Koji Gyotoku គ្រូបង្វឹកក្រុមជម្រើសជាតិ U20 កម្ពុជា រួមជាមួយកីឡាករ ២៣នាក់មកពីសាលាបាល់ទាត់ជាតិបាទី ៧នាក់, ព្រៃវែង ៤នាក់, សូលទីឡូអង្គរ ៣នាក់, ភ្នំពេញក្រោន ២នាក់, វិសាខា ២នាក់, ព្រះខ័នរាជស្វាយរៀងម្នាក់, កងយោធពលខេមរភូមិម្នាក់, អង្គរថាយហ្គឺរម្នាក់, ណាហ្គាវើលដ៏ម្នាក់ និងកីឡាករអាស៊ីអឺរ៉ុបម្នាក់៕អត្ថបទ៖ លី ឈុនឡា

Real Madrid វាយបកពីក្រោយយកឈ្នះ Mallorca ៤-១ ត្រលប់មកកំពូលតារាង La Liga

បាល់ទាត់៖ ក្រុមការពារតំណែងជើងឯក Real Madrid បានត្រលប់ឡើងមកឈរកំពូលតារាងនៅក្របខណ្ឌកំពូលអេស្ប៉ាញ La Liga វិញក្រោយវាយបកយកឈ្នះក្រុមភ្ញៀវ Real Mallorca ៤-១ នៅ Santiago Bernabeu។ ចាប់ផ្តើមដោយមានឱកាសជាច្រើនលើក្រុមភ្ញៀវតែ Real Madrid បែជាត្រូវ Mallorca នាំមុខមុននៅនាទីទី៣៥ ដោយ Vedat Muriqi តែ Federico Valverde តាមស្មើវិញនៅចុងវគ្គទី១។ Vinicius Junior ស៊ុតនាំមុខលើកដំបូងឱ្យ Real Madrid នៅនាទីទី៧២ មុនពេលដែលពីរគ្រាប់ចុងម៉ោងធានាជ័យជំនះឱ្យ Real Madrid នៅនាទីទី៨៩ និង ៩០+៣ ដោយ Rodrygo និង Antonio Rudiger។ ក្រុមរបស់លោក Carlo Ancelotti នៅពេលនេះមាន ១៥ពិន្ទុពេញពីការប្រកួត ៥លើកឈ្នះទាំង ៥ រុញ Barcelona ទៅលេខ២ វិញបន្ទាប់ពីក្រុមរបស់លោក Xavi Hernandez យកឈ្នះនៅទឹកដី Cadiz ៤-០ កាលពីថ្ងៃសៅរ៍។ ការប្រកួតរវាង Cadiz និង Barcelona ត្រូវផ្អាកជិត ៥០នាទីបន្ទាប់ពីមានអ្នកគាំទ្រម្នាក់សន្លប់ ខណៈអ្នកចាំទី Cadiz, Jeremias Ledesma ជាអ្នកខ្នះខ្នែងរត់យកប្រអប់សង្គ្រោះបឋមបោះទៅកៅអីអ្នកគាំទ្រ មុនពេលបញ្ជូនទៅមន្ទីរពេទ្យ ហើយសំណាងល្អអ្នកគាំទ្រម្នាក់នោះមិនមានគ្រោះថ្នាក់ដល់ជីវិតឡើយ។មុនការប្រកួតត្រូវបានផ្អាក Barcelona បាននាំមុខ ២-០ ទៅហើយពេលចាប់ផ្តើមឡើងវិញ ១០នាទីចុងក្រោយ Barcelona បន្ថែមពីរគ្រាប់ទៀតយកឈ្នះ ៤-០។ អ្នកចាត់ការ Barcelona លោក Xavi និយាយក្រោយចប់ការប្រកួតថា រូបភាពនេះយើងមិនអាចបន្តការប្រកួតបានឡើយ អ្វីៗត្រូវទុកនៅពីក្រោយសិន សំខាន់ជីវិតមនុស្ស ហើយក៏អរគុណខ្លាំងដល់ Ledesma ខណៈគ្រប់គ្នាក៏សប្បាយចិត្តនៅពេលដឹងថាអ្នកគាំទ្រមានសុវត្ថិភាព៕អត្ថបទ៖នាង សុភាវុធ

OCA បើកភ្លើងខៀវជួយកម្ពុជាលើការគ្រប់គ្រង និងអភិវឌ្ឍន៍ក្រុមជម្រើសជាតិត្រៀមស៊ីហ្គេម

ស៊ីហ្គេម៖ ប្រតិភូក្រុមប្រឹក្សាកីឡាអាស៊ី (OCA) ៣រូបដឹកនាំដោយលោកបណ្ឌិត Takash Waku អគ្គនាយករងមជ្ឈមណ្ឌលកីឡាកម្រិតខ្ពស់ និងជាប្រធាននាយកដ្ឋានព័ត៌មាន និងទំនាក់ទំនងអន្ដរជាតិកាលពីថ្ងៃទី១១ ខែកញ្ញាបានធ្វើដំណើរមកទស្សនកិច្ចនៅកម្ពុជាដើម្បីផ្លាស់ប្ដូរបទពិសោធន៍ ពិសេសពិនិត្យនូវបញ្ហាប្រឈមមួយចំនួន ដែលខ្លួនអាចជួយកម្ពុជាបាន ដើម្បីត្រៀមការប្រកួតកីឡាស៊ីហ្គេមឆ្នាំ២០២៣ ខាងមុខ។ ដំណើរទស្សនកិច្ចរបស់មន្ដ្រីជាន់ខ្ពស់ក្រុមប្រឹក្សាកីឡាអាស៊ីនេះ បានទទួលស្វាគមន៍យ៉ាងកក់ក្ដៅពីសំណាក់លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡា ក៏ដូចជាលោក តូ រិទ្ធីយ៉ា នាយករងវិទ្យាស្ថានជាតិអប់រំកាយ និងកីឡា។ លោក ប៉ុន សុខ បានបញ្ជាក់ថា ទស្សនកិច្ចនេះមានរយៈពេល ៣ថ្ងៃដើម្បីពិនិត្យមើលមជ្ឍមណ្ឌលជាតិហ្វឹកហ្វឺនកីឡា មានកម្មវិធីហ្វឹកហាត់អ្វីខ្លះ? ហើយបញ្ហាប្រឈមអ្វីខ្លះ ដើម្បីឲ្យកម្ពុជាអាចស្នើសុំខាងវិទ្យាស្ថានកីឡាកម្រិតខ្ពស់អាស៊ីជួយទៅលើការគ្រប់គ្រងកីឡាករ-កីឡាការិនីជម្រើសរើសជាតិ ក៏ដូចជាផែនការយុទ្ធសាស្ត្ររបស់មជ្ឍមណ្ឌលក្នុងការអភិវឌ្ឍសិទ្ធផល និងគុណផលត្រៀមស៊ីហ្គេមឆ្នាំក្រោយ។ លោកបន្ថែមថា ក្រៅពីពិនិត្យមើលពីការគ្រប់គ្រងហាត់ហ្វឹកហ្វឺនអត្តពលិក និងផ្នែកបច្ចេកទេស ខាងប្រតិភូក្រុមប្រឹក្សាកីឡាអាស៊ី និងមជ្ឍមណ្ឌលជាតិហ្វឹកហ្វឺនកីឡា ក៏ជំរុញឲ្យមានការផ្តល់អ្នកជំនាញមកបើកវគ្គបណ្តុះបណ្តាលបន្ថែមផ្នែកវេជ្ជសាស្ត្រកីឡា និងវិទ្យាសាស្ត្រកីឡានៅកម្ពុជា ឬក៏បញ្ជូនមន្ត្រីទៅសិក្សានៅប្រទេសជប៉ុនទៀតផង។ដោយឡែកលោក តូ រិទ្ធីយ៉ា បានចាត់ទុកដំណើរទស្សនកិច្ចរបស់មន្ដ្រីជាន់ខ្ពស់ នៃក្រុមប្រឹក្សាកីឡាអាស៊ីនាពេលនេះ គឺមានសារៈសំខាន់សម្រាប់កម្ពុជា ក្នុងការជួយជំរុញឲ្យរៀបចំបង្កើតសកលវិទ្យាល័យជាតិអប់រំកាយ និងកីឡាជាលក្ខណស្តង់ដារអន្តរជាតិមួយនៅក្នុងតំបន់អាស៊ាន សិក្សាលើថ្នាក់បរិញ្ញាបត្រ ជាពិសេសជួយជ្រោមជ្រែងផ្នែកបច្ចេកទេស គ្រូជំនាញ កម្មវិធីសិក្សាឲ្យស្របតាមលក្ខណស្តង់ដារ។ ក្នុងនោះក៏គ្រោងនឹងបង្កើតនាយកដ្ឋានថ្មីមួយ ដើម្បីធ្វើការស្រាវជ្រាវកីឡាកម្រិតខ្ពស់ ទៅតាមលទ្ធផលភាពដែលភាគីជប៉ុនជួយមកកម្ពុជាផងដែរ៕អត្ថបទ៖ លី ឈុនឡា

Alexandra Eala ក្លាយជាកីឡាការិនីហ្វីលីពីនទីមួយឈ្នះជើងឯក Grand Slam, US Open ផ្នែកយុវនារី

វាយកូនបាល់៖ ជាប្រវត្តិសាស្ត្រមិនធ្លាប់មានទេសំរាប់ប្រទេសហ្វីលីពីន តែកីឡាការិនី Alexandra Eala បានបង្កើតប្រវត្តិសាស្ត្រក្លាយជាកីឡាការិនីហ្វីលីពីនទីមួយដែលឈ្នះជើងឯកវាយកូនបាល់ Grand Slam, US Open ផ្នែកយុវនារី។ មិនមែនជារឿងងាយស្រួលឡើយសំរាប់ក្មេងស្រីវ័យ ១៧ឆ្នាំដែលឈរលំដាប់ថ្នាក់លេខ ១០ ក្នុងកម្មវិធី ពោលគឺនាងបានជួបជាមួយគូប្រកួតដែលមានលំដាប់ល្អជាងតាំងពីជុំទី៣។នៅជុំទី៣ Eala បានយកឈ្នះកីឡាការិនីលំដាប់លេខ ៨ អូស្ត្រាលី Taylah Preston, ជួបកីឡាការិនីរុស្ស៊ីលំដាប់លេខ ១៤ Mirra Andreeva នៅវគ្គ ៨នាក់ចុងក្រោយ, ជួបជាមួយកីឡាការិនីលំដាប់លេខ ៩ កាណាដា Victoria Mboko នៅវគ្គពាក់កណ្តាលផ្តាច់ព្រ័ត្រ មុនយកឈ្នះកីឡាការិនីលំដាប់លេខ ២ មកពីឆែក Lucie Havlickova នៅវគ្គផ្តាច់ព្រ័ត្រ។ សូមបញ្ជាក់ថា Alexandra Eala មានដើមកំណើតនៅទីក្រុង Quezon City ប្រទេសហ្វីលីពីនឆ្នាំ២០០៥។ទេពកោសល្យរបស់នាងបានទាក់ទាញក្រុមការងារតាមដាន នៃសាលាវាយកូនបាល់របស់ Rafael Nadal នៅប្រទេសអេស្ប៉ាញ ហើយក៏បានផ្លាស់ទៅរស់នៅប្រទេសអេស្ប៉ាញតែម្តង។ ត្រឹមវ័យ ១៤ឆ្នាំ Eala បានចូលរួមការប្រកួតផ្នែកយុវនារី US Open លើកដំបូងនៅឆ្នាំ២០១៩ ឡើងបានត្រឹមជុំទី២ ហើយនៅឆ្នាំ២០២១ ឡើងដល់វគ្គ ៨នាក់ចុងក្រោយ៕អត្ថបទ៖នាង សុភាវុធ

ប្រមុខកីឡាវាយកូនឃ្លីលើតុប្រាប់កីឡាករ-កីឡាការិនីត្រូវចេះក្ដោបឱកាសពេលទៅហាត់នៅចិន

វាយកូនឃ្លីលើតុ៖ ឯកឧត្តមនាយឧត្តមសេនីយ៍ គៀត ច័ន្ទថារិទ្ធ ប្រធានសហព័ន្ធកីឡាវាយកូនឃ្លីលើតុកម្ពុជាបានផ្ដាំផ្ញើ និងក្រើនរំលឹកដល់កីឡាករ-កីឡាការិនីជម្រើសជាតិរបស់ខ្លួនត្រូវចេះក្ដោបឱកាស អំឡុងពេលចេញទៅហ្វឹកហាត់នៅសាធារណរដ្ឋប្រជាមានិតចិននាពេលឆាប់ៗខាងមុខ ដើម្បីសម្រួចសមត្ថភាពឆ្ពោះទៅប្រជែងមេដាយស៊ីហ្គេមឆ្នាំ២០២៣ ក្នុងនាមកម្ពុជាជាម្ចាស់ផ្ទះ។ ការផ្ដាំផ្ញើនេះធ្វើឡើងក្នុងឱកាសឯកឧត្តមប្រធានសហព័ន្ធ បានជួបសំណេះសំណាលជាមួយប្រតិភូ និងកីឡាករ-កីឡាការិនីជម្រើសជាតិរបស់ខ្លួន ១០រូបកាលពីថ្ងៃទី១១ ខែកញ្ញាម្សិលមិញដែលត្រៀមចេញទៅហ្វឹកហាត់នៅចិន ជាមួយអត្តពលិកកីឡាកម្ពុជា ១១ប្រភេទកីឡាផ្សេងទៀត ក្រោមជំនួយឥតសំណងរបស់រាជរដ្ឋាភិបាលចិនដល់ក្រុមកីឡាករ-កីឡាការិនីកម្ពុជា។ ប្រមុខសហព័ន្ធដដែលបានគូសបញ្ជាក់ថា គោលដៅទៅហ្វឹកហាត់រយៈពេលវែងនៅចិននេះគឺដើម្បីបង្កើនសមត្ថភាព ហើយពេលត្រឡប់មកវិញគឺមានសមត្ថភាពគ្រប់គ្រាន់ ដើម្បីចូលរួមប្រកួតប្រជែងក្នុងព្រឹត្តិការណ៍ស៊ីហ្គេមឆ្នាំ២០២២ ដែលទាំងអស់គ្នាចង់ឈ្នះមេដាយមាសឲ្យបានច្រើនក្នុងនាមម្ចាស់ផ្ទះ ក៏ដូចជាត្រៀមការប្រកួតកម្រិតថ្នាក់ជាតិ និងអន្ដរជាតិផ្សេងៗទៀត។តាមរយៈនេះ ឯកឧត្តម គៀត ច័ន្ទថារិទ្ធ បានជំរុញដល់គ្រូដែលត្រូវអមដំណើរ ពិសេសកីឡាករ-កីឡការិនីដែលមានឱកាសបំពេញបេសកកម្មបោះជុំរុំហ្វឹកហាត់នៅចិននេះ ត្រូវក្ដោបឱកាសនេះឲ្យជាប់ដើម្បីសិក្សាស្វែងយល់ ទាំងទ្រឹស្ដី បច្ចេកទេស និងកម្មវិធីផ្សេងៗ ដើម្បីជាក្ដីសង្ឃឹមសម្រាប់សហព័ន្ធ ក្នុងការប្រកួតប្រជែងដណ្ដើមមេដាយ និងឧត្តមភាពជាតិជូនប្រទេសជាតិនាពេលខាងមុខ។ បន្ថែមលើនេះ ក្នុងនាមប្រធានសហព័ន្ធ ឯកឧត្តមបានប្រាប់កីឡាករ-កីឡាការិនីក្នុងនាមអត្តពលិកតំណាងជាតិ ត្រូវប្រកាន់ភ្ជាប់ឲ្យបាននូវវិន័យ និងក្របសីលធម៌ដែលជាសេចក្ដីថ្លៃថ្នូរ និងកិត្តិយសជាតិ ចាំបាច់ត្រូវប្រកាន់ភ្ជាប់ឲ្យបានខ្ជាប់ខ្ជួននូវទំនាក់ទំនងល្អជាមួយមិត្តភ័ក្ដ្រ និងគ្រូបង្វឹកអំឡុងពេលស្នាក់នៅ និងហ្វឹកហាត់រយៈពេលប្រមាណ ៨ខែនៅចិន។លោក ស៊ុន សុទ្ធារិទ្ធ អគ្គលេខាធិការសហព័ន្ធបានឲ្យដឹងថា ប្រតិភូ និងកីឡាករ-កីឡាការិនីដែលសហព័ន្ធនឹងបញ្ជូនទៅហ្វឹកហាត់នៅចិន តាមរយៈគណៈកម្មាធិការជាតិ CAMSOC រួមមានលោក អ៊ិន មីឌី ជាគ្រូជំនួយជម្រើសជាតិ ព្រមទាំងកីឡាករ សឺង តុលា, សារៈ ស៊ូព្រីង, ប៊ុន វិសាល, យីវ សុវណ្ណបញ្ញា, កាង យូឃាង, ឃុន ប៊ុនហៀប រួមជាមួយកីឡាការិនី យិន ចាន់រតនា, បូរ ស៊ីនស៊ូ និងកីឡាការិនី ខៀវ ចិន្ដារ័ត្ន។ ក្នុងឱកាសនៃការជួបសំណេះសំណាលនោះដែរ ឯកឧត្តម គៀត ច័ន្ទថារិទ្ធ ក៏បានឧបត្ថម្ភថវិកាឧបត្ថម្ភ ទាំងគ្រូបង្វឹក និងកីឡាករ-កីឡាការិនី ១០នាក់ ក្នុងម្នាក់ៗចំនួន ៥០០ដុល្លារសម្រាប់ត្រៀមលក្ខណៈ និងដំណើរចេញទៅហ្វឹកហាត់រយៈពេលវែងនៅចិន ដែលគ្រោងចេញដំណើរនាថ្ងៃទី១៥ ខែកញ្ញាក្នុងសប្ដាហ៍នេះផងដែរ៕អត្ថបទ៖ លី ឈុនឡា

Carlos Alcaraz គ្រងជើងឯក Grand Slam លើកដំបូងក្នុងអាជីព

វាយកូនបាល់៖ កីឡាករវាយកូនបាល់អេស្ប៉ាញ Carlos Alcaraz បានបំពេញក្តីបំណង និងការប្រឹងប្រែងរបស់ខ្លួនក្រោយដណ្តើមបានជើងឯក Grand Slam លើកដំបូងក្នុងអាជីពដោយយកឈ្នះកីឡាករន័រវេស Casper Ruud នៅវគ្គផ្តាច់ព្រ័ត្រ US Open។ កីឡាករវ័យ ១៩ឆ្នាំរូបនេះបានយកឈ្នះ Casper Ruud ដោយលទ្ធផល ៦-៤, ២-៦, ៧-៦(៧-១) និង ៦-៣ បានក្លាយជាកីឡាករក្មេងបំផុតដែលឈ្នះពាន Grand Slam ចាប់តាំងពីឆ្នាំ២០០៥ ដែលធ្វើបានដោយ Rafael Nadal ឈ្នះពាន French Open។ ចំណែកកីឡាករវ័យ ២៣ឆ្នាំ Casper Ruud បានត្រឹមខកបំណងបន្ទាប់ពីបរាជ័យនៅវគ្គផ្តាច់ព្រ័ត្រ Grand Slam ពីរលើកផ្ទួនៗបូករួមទាំង Wimbledon។ អ្នកឈ្នះពីការប្រកួតវគ្គផ្តាច់ព្រ័ត្រព្រឹកមិញនេះ មានលទ្ធភាពឡើងឈរលេខ ១ ពិភពលោកដូចគ្នាដែលមានន័យថា Carlos Alcaraz បានក្លាយជាកីឡាករវ័យក្មេងបំផុតត្រឹម ១៩ឆ្នាំឡើងឈរលេខ ១ ពិភពលោកក្នុងរយៈពេល ៤៩ឆ្នាំនៃប្រវត្តិសាស្ត្រ ATP World Ranking។រីឯការប្រកួតផ្នែកនារីវិញកាលពីថ្ងៃសៅរ៍ កីឡាការិនីលេខ ១ ពិភពលោក Iga Swiatek បានគ្រងជើងឯក Grand Slam លើកទី២ ក្នុងអាជីពរបស់ខ្លួនបន្ទាប់ពីយកឈ្នះកីឡាការិនីទុយនេស៊ី Ons Jabeur នៅវគ្គផ្តាច់ព្រ័ត្រ ៦-២ និង ៧-៦(៧-៥)។ នេះជាបរាជ័យនៅវគ្គផ្តាច់ព្រ័ត្រ ២ព្រឹត្តិការណ៍ជាប់គ្នានៅពានរង្វាន់ Grand Slam បន្ទាប់ពីចាញ់នៅវគ្គផ្តាច់ព្រ័ត្រ Wimbledon ដែរកាលពីខែកក្កដា៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ពលរដ្ឋបង់ក្លាដែសខឹងសម្បារចំពោះសុន្ទរកថាទៅកាន់សារព័ត៌មានរបស់អតីតលោកស្រីនាយករដ្ឋមន្រ្តី Hasina

ភ្ញៀវទេសចរមានការភ្ញាក់ផ្អើលយ៉ាងខ្លាំងចំពោះរលកកម្តៅនៅប្រទេសប៉ូឡូញ និងរ៉ូម៉ានី

អគ្គនាយកដ្ឋានអន្តោប្រវេសន៍បណ្ដេញជនជាតិថៃ ១៤នាក់ ពាក់ព័ន្ធករណី Online Scams និងបទល្មើសផ្សេងៗទៀតចេញពីកម្ពុជា

នាយករដ្ឋមន្ត្រីជប៉ុនលោកស្រី Takaichi បដិសេធមិនបញ្ជាក់ពីគោលការណ៍មិនមែននុយក្លេអ៊ែរទាំង ៣ របស់ប្រទេស

ប្រធានាធិបតីកូរ៉េខាងត្បូង បញ្ជាឱ្យឆ្លើយតបតាមគ្រប់មធ្យោបាយចំពោះរលកកម្តៅ ខណៈអ្នកស្លាប់កើនឡើងជាង២០នាក់

កិច្ចព្រមព្រៀងស្តីពីច្រកសមុទ្រ Hormuz ពុំមែនមានន័យថាបញ្ចប់វិបត្តិនោះទេ

រ៉យទ័រ៖ ប្រមុខ NATO សន្យាជំរុញការផ្គត់ផ្គង់មីស៊ីលស្ទាក់ចាប់ជាបន្ទាន់ដល់អ៊ុយក្រែន

រដ្ឋមន្ត្រីការបរទេសអាមេរិក និងអង់គ្លេស ពិភាក្សាសង្គ្រាមអ៊ុយក្រែន និងតួនាទីអឺរុបក្នុងសន្តិសុខរបស់ខ្លួន

ទណ្ឌកម្មរបស់សហរដ្ឋអាមេរិក បង្កគ្រោះថ្នាក់ដល់ជីវិតអ្នកជំងឺនៅក្នុងប្រទេសគុយបា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

Remco Evenepoel គ្រងជើងឯកប្រណាំងកង់ Grand Tour, Vuelta a Espana

Union Berlin ឡើងឈរកំពូលតារាង Bundesliga អាល្លឺម៉ង់លើកដំបូងក្នុងប្រវត្តិសាស្ត្រក្លិប

ជំនួបរវាង Rangers និង Napoli នៅ UCL ត្រូវលើកទៅយប់ថ្ងៃពុធវិញ

គោព្រៃជំទង់កម្ពុជានឹងចេញទៅប្រកួតជម្រុះ AFC U20 នៅតាជីគីស្ថានយប់នេះ

Real Madrid វាយបកពីក្រោយយកឈ្នះ Mallorca ៤-១ ត្រលប់មកកំពូលតារាង La Liga

OCA បើកភ្លើងខៀវជួយកម្ពុជាលើការគ្រប់គ្រង និងអភិវឌ្ឍន៍ក្រុមជម្រើសជាតិត្រៀមស៊ីហ្គេម

Alexandra Eala ក្លាយជាកីឡាការិនីហ្វីលីពីនទីមួយឈ្នះជើងឯក Grand Slam, US Open ផ្នែកយុវនារី

ប្រមុខកីឡាវាយកូនឃ្លីលើតុប្រាប់កីឡាករ-កីឡាការិនីត្រូវចេះក្ដោបឱកាសពេលទៅហាត់នៅចិន

Carlos Alcaraz គ្រងជើងឯក Grand Slam លើកដំបូងក្នុងអាជីព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Max Verstappen ឈ្នះ​ការប្រណាំង F1 លើកដំបូង​នៅ​ទឹកដី​អ៊ីតាលី​

Remco Evenepoel គ្រង​ជើងឯក​ប្រណាំង​កង់ Grand Tour, Vuelta a Espana

Union Berlin ឡើងឈរ​កំពូល​តារាង Bundesliga អាល្លឺម៉ង់​លើកដំបូង​ក្នុង​ប្រវត្តិសាស្ត្រ​ក្លិប​

ជំនួប​រវាង Rangers និង Napoli នៅ UCL ត្រូវ​លើក​ទៅ​យប់​ថ្ងៃ​ពុធ​វិញ​

គោព្រៃ​ជំទង់​កម្ពុជានឹង​ចេញទៅ​ប្រកួត​ជម្រុះ​ AFC U20 ​នៅ​តាជី​គី​ស្ថានយប់​នេះ​

Real Madrid វាយបក​ពីក្រោយ​យកឈ្នះ Mallorca ៤-១ ត្រលប់មក​កំពូល​តារាង La Liga

OCA ​បើកភ្លើង​ខៀវ​ជួយ​កម្ពុជា​លើ​ការគ្រប់គ្រង និង​អភិវឌ្ឍន៍​ក្រុម​ជម្រើស​ជាតិ​ត្រៀម​ស៊ី​ហ្គេម​

Alexandra Eala ក្លាយជា​កីឡាការិនី​ហ្វីលីពីន​ទីមួយ​ឈ្នះ​ជើងឯក Grand Slam, US Open ផ្នែក​យុវនារី​

ប្រមុខ​កីឡាវាយកូនឃ្លីលើតុ​ប្រាប់​កីឡាករ​-​កីឡាការិនី​ត្រូវ​ចេះ​ក្ដោប​ឱកាស​ពេល​ទៅ​ហាត់​នៅ​ចិន

Carlos Alcaraz គ្រង​ជើងឯក Grand Slam លើកដំបូង​ក្នុង​អាជីព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

Remco Evenepoel គ្រងជើងឯកប្រណាំងកង់ Grand Tour, Vuelta a Espana

Union Berlin ឡើងឈរកំពូលតារាង Bundesliga អាល្លឺម៉ង់លើកដំបូងក្នុងប្រវត្តិសាស្ត្រក្លិប

ជំនួបរវាង Rangers និង Napoli នៅ UCL ត្រូវលើកទៅយប់ថ្ងៃពុធវិញ

គោព្រៃជំទង់កម្ពុជានឹងចេញទៅប្រកួតជម្រុះ AFC U20 នៅតាជីគីស្ថានយប់នេះ

Real Madrid វាយបកពីក្រោយយកឈ្នះ Mallorca ៤-១ ត្រលប់មកកំពូលតារាង La Liga

OCA បើកភ្លើងខៀវជួយកម្ពុជាលើការគ្រប់គ្រង និងអភិវឌ្ឍន៍ក្រុមជម្រើសជាតិត្រៀមស៊ីហ្គេម

Alexandra Eala ក្លាយជាកីឡាការិនីហ្វីលីពីនទីមួយឈ្នះជើងឯក Grand Slam, US Open ផ្នែកយុវនារី

ប្រមុខកីឡាវាយកូនឃ្លីលើតុប្រាប់កីឡាករ-កីឡាការិនីត្រូវចេះក្ដោបឱកាសពេលទៅហាត់នៅចិន

Carlos Alcaraz គ្រងជើងឯក Grand Slam លើកដំបូងក្នុងអាជីព