BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

Carlos Alcaraz គ្រងជើងឯក Grand Slam លើកដំបូងក្នុងអាជីព

វាយកូនបាល់៖ កីឡាករវាយកូនបាល់អេស្ប៉ាញ Carlos Alcaraz បានបំពេញក្តីបំណង និងការប្រឹងប្រែងរបស់ខ្លួនក្រោយដណ្តើមបានជើងឯក Grand Slam លើកដំបូងក្នុងអាជីពដោយយកឈ្នះកីឡាករន័រវេស Casper Ruud នៅវគ្គផ្តាច់ព្រ័ត្រ US Open។ កីឡាករវ័យ ១៩ឆ្នាំរូបនេះបានយកឈ្នះ Casper Ruud ដោយលទ្ធផល ៦-៤, ២-៦, ៧-៦(៧-១) និង ៦-៣ បានក្លាយជាកីឡាករក្មេងបំផុតដែលឈ្នះពាន Grand Slam ចាប់តាំងពីឆ្នាំ២០០៥ ដែលធ្វើបានដោយ Rafael Nadal ឈ្នះពាន French Open។ ចំណែកកីឡាករវ័យ ២៣ឆ្នាំ Casper Ruud បានត្រឹមខកបំណងបន្ទាប់ពីបរាជ័យនៅវគ្គផ្តាច់ព្រ័ត្រ Grand Slam ពីរលើកផ្ទួនៗបូករួមទាំង Wimbledon។ អ្នកឈ្នះពីការប្រកួតវគ្គផ្តាច់ព្រ័ត្រព្រឹកមិញនេះ មានលទ្ធភាពឡើងឈរលេខ ១ ពិភពលោកដូចគ្នាដែលមានន័យថា Carlos Alcaraz បានក្លាយជាកីឡាករវ័យក្មេងបំផុតត្រឹម ១៩ឆ្នាំឡើងឈរលេខ ១ ពិភពលោកក្នុងរយៈពេល ៤៩ឆ្នាំនៃប្រវត្តិសាស្ត្រ ATP World Ranking។រីឯការប្រកួតផ្នែកនារីវិញកាលពីថ្ងៃសៅរ៍ កីឡាការិនីលេខ ១ ពិភពលោក Iga Swiatek បានគ្រងជើងឯក Grand Slam លើកទី២ ក្នុងអាជីពរបស់ខ្លួនបន្ទាប់ពីយកឈ្នះកីឡាការិនីទុយនេស៊ី Ons Jabeur នៅវគ្គផ្តាច់ព្រ័ត្រ ៦-២ និង ៧-៦(៧-៥)។ នេះជាបរាជ័យនៅវគ្គផ្តាច់ព្រ័ត្រ ២ព្រឹត្តិការណ៍ជាប់គ្នានៅពានរង្វាន់ Grand Slam បន្ទាប់ពីចាញ់នៅវគ្គផ្តាច់ព្រ័ត្រ Wimbledon ដែរកាលពីខែកក្កដា៕អត្ថបទ៖នាង សុភាវុធ

Lewis Hamilton ត្រូវពិន័យចេញដំណើរក្រោយគេនៅអ៊ីតាលីដោយសារប្រើប្រាស់ម៉ាស៊ីនលើសកំណត់

ប្រណាំងរថយន្ត៖ កីឡាករប្រណាំង F1 អង់គ្លេស Lewis Hamilton ត្រូវពិន័យឱ្យចេញដំណើរនៅជួរក្រោយគេក្នុងការប្រកួតនៅទីលាន Monza ប្រទេសអ៊ីតាលីចុងសប្តាហ៍នេះដោយសាររថយន្ត Mercedes របស់គេប្រើប្រាស់ម៉ាស៊ីនលើសកំណត់។ ជើងឯកពិភពលោក ៧សម័យរូបនេះត្រូវបានក្រុម Mercedes បំពាក់ម៉ាស៊ីនទី៤ នៅលើរថយន្តរបស់គេលើសពីការកំណត់របស់ F1 ត្រឹម៣។ ម៉ាស៊ីនទី៣ នៃរថយន្តរបស់ Hamilton ទើបតែបំពាក់ថ្មីៗតែក៏ត្រូវខូចខាតអំឡុងពេលប៉ះទង្គិចជាមួយ Fernando Alonso របស់ក្រុម Alpine សប្តាហ៍មុននៅប៊ែលហ្ស៊ិក។ Lewis Hamilton កំពុងឈរលេខ៦ ក្នុងតារាងជើងឯកពិភពលោករដូវកាលនេះមិនទាន់ឈ្នះមួយទីលានណាឡើយ ខណៈអ្នកនាំមុខគេគឺអ្នកការពារតំណែងជើងឯក Max Verstappen៕អត្ថបទ៖នាង សុភាវុធ

Serge Aurier ក្លាយជាកីឡាករទី២២ ដែលផ្លាស់មកកាន់ Nottingham Forest

បាល់ទាត់៖ ក្លិបឡើងថ្មី Nottingham Forest មិនទាន់បិទបញ្ចប់ការនាំចូលកីឡាករថ្មីរបស់ខ្លួននៅឡើយ ទោះទិញមិនបានដោយសារទីផ្សារទិញដូរកីឡាករបិទក៏ដោយក្តី ដោយបាននាំយកកីឡាករទី២២ គឺខ្សែការពារកូឌីវ័រ Serge Aurier ដោយគ្មានតម្លៃផ្ទេរ។ ប្រធានក្រុមជម្រើសជាតិកូឌីវ័រវ័យ ២៩ឆ្នាំរូបនេះបានផ្លាស់មកកាន់ Nottingham Forest ក្រោយកិច្ចសន្យារបស់គេអស់សុពលភាពនៅក្លិបអេស្ប៉ាញ Villarreal។ Serge Aurier ធ្លាប់ចំណាយពេល ៤ឆ្នាំនៅ Tottenham Hotspur ក្រោយផ្លាស់ពី Paris Saint Germain កាលពីឆ្នាំ២០១៧ តម្លៃ ២៣លានផោន។ Serge Aurier ក៏បានចាកចេញពី Spurs នៅឆ្នាំ២០២១ ក្រោយការព្រមព្រៀងរំលាយកិច្ចសន្យារៀងខ្លួន។ Aurier គឺជាសមាជិករបស់ Spurs ដែលឡើងដល់វគ្គផ្តាច់ព្រ័ត្រ UEFA Champions League កាលពីឆ្នាំ២០១៩ តែចាញ់ Liverpool។ រដូវកាលមុនគេបង្ហាញខ្លួននៅ Villarreal បាន ២៤ប្រកួត បូករួមទាំង ៥ប្រកួតនៅ UCL៕អត្ថបទ៖នាង សុភាវុធ

Remco Evenepoel ពន្លាតការនាំមុខក្នុងតារាងរួមក្រោយឈ្នះដំណាក់កាលទី១៨ Vuelta a Espana

ប្រណាំងកង់៖ កីឡាករប៊ែលហ្ស៊ិក Remco Evenepoel បានពន្លាតការនាំមុខក្នុងតារាងរួមក្រោយប្រជែងឈ្នះដំណាក់កាលទី១៨ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana ថ្ងៃព្រហស្បតិ៍ម្សិលមិញ។ ដំណាក់កាលទី១៨ ដែលមានចំងាយផ្លូវ ១៩១.៧គីឡូម៉ែត្រ កីឡាកររបស់ក្រុម Quick-Step Alpha, Remco Evenepoel បានប្រជែងឈ្នះគូប្រជែងកីឡាករម្ចាស់ផ្ទះអេស្ប៉ាញនៅចំនុចចុងក្រោយ ដើម្បីមកដល់ទីព្រ័ត្រមុនគេប្រើពេល ៤ម៉ោង ៤៥វិនាទី ១៧វិនាទី លឿនជាង Enric Mas ២វិនាទី និងលេខ៣ កីឡាករហូឡង់ Rebert Gesink។ ក្រោយប្រណាំងបាន ១៨ដំណាក់កាលនេះ Remco Evenepoel បានពន្លាតការនាំមុខរបស់ខ្លួនក្នុងតារាងរួមឡើងដល់ ២នាទី ៧វិនាទី ពីលើអ្នកលេខ២ Enric Mas និងលេខ៣ កីឡាករអេស្ប៉ាញ Juan Ayuso យឺតជាង៥ នាទី ១៤វិនាទី។ សំរាប់ដំណាក់កាលទី១៩ ថ្ងៃនេះមានចំងាយផ្លូវ ១៣២.៧គីឡូម៉ែត្រ។ សូមបញ្ជាក់ថា ការប្រកួតប្រណាំងកង់ Vuelta a Espana នឹងបិទបញ្ចប់នៅដំណាក់កាលទី២១ ថ្ងៃអាទិត្យនេះនៅទីក្រុង Madrid៕អត្ថបទ៖នាង សុភាវុធ

កីឡាការិនីទុយនេស៊ី Ons Jabeur ឡើងវគ្គផ្តាច់ព្រ័ត្រ US Open ក្រោយឈ្នះ Caroline Garcia

វាយកូនបាល់៖ កីឡាការិនីវាយកូនបាល់ទុយនេស៊ី Ons Jabeur បានពន្លាតជ័យជំនះផ្ទួនៗរបស់ខ្លួនក្រោយយកឈ្នះកីឡាការិនីបារាំង Caroline Garcia ឡើងវគ្គផ្តាច់ព្រ័ត្រ US Open និងជាការឡើងវគ្គផ្តាច់ព្រ័ត្រ Grand Slam លើកទី២ ក្នុងឆ្នាំនេះ។ កីឡាការិនីបារាំង Caroline Garcia ឡើងមកកាន់វគ្គពាក់កណ្តាលផ្តាច់ព្រ័ត្រ US Open នេះដោយជ័យជំនះទាំងអស់របស់ខ្លួនមិនចាញ់មួយសិតណាឡើយ តែ Ons Jabeur បានយកឈ្នះសិតដំបូង ៦-១ ត្រឹម ២៣នាទីដែលរួមមានការវាយចេញសេវាបានពិន្ទុ ៦លើក និងវាយឈ្នះពិន្ទុ ១១លើក។ ឈានចូលសិតទីពីរ Ons Jabeur ក៏មិនបង្អង់ដៃដោយបន្តយកឈ្នះ ៦-៣ ទៀតដើម្បីឡើងវគ្គផ្តាច់ព្រ័ត្រ Grand Slam ជាលើកទី២ ក្នុងឆ្នាំនេះ។ Ons Jabeur បានក្លាយជាកីឡាការិនីអារ៉ាប់ទី១ ដែលឡើងដល់វគ្គផ្តាច់ព្រ័ត្រ Wimbledon នាពេលកន្លងមក ហើយក៏នឹងបន្តបង្កើតប្រវត្តិសាស្ត្រទៀតក្នុងការឈានឡើងវគ្គផ្តាច់ព្រ័ត្រ US Open នេះ៕អត្ថបទ៖នាង សុភាវុធ

Manchester United ចាញ់ តែ Arsenal និង West Ham ឈ្នះរៀងខ្លួននៅក្របខណ្ឌអឺរ៉ុប

បាល់ទាត់៖ ក្រុមបិសាចក្រហម Manchester United បានរងបរាជ័យជាថ្មីក្រោយឈ្នះ ៤ប្រកួតជាប់គ្នាក្នុងលីគ ក្រោយចាញ់ក្រុមភ្ញៀវអេស្ប៉ាញ Real Sociedad ១-០ ក្នុងទឹកដីខ្លួនឯងប្រកួតទី១ ក្នុងពូល E នៃក្របខណ្ឌ UEFA Europa League។ ការប្រកួតនេះអាចដំណើរការទៅបាន បន្ទាប់ពីមានការជជែកពិភាក្សារវាង FA និង UEFA ស្របពេលអង់គ្លេសកំពុងកាន់ទុក្ខនៃការយាងសោយព្រះពិរាល័យម្ចាស់ក្សត្រីយ៍ Elizabeth II។ មិនមានភ្លេងចាក់ក្នុងកីឡដ្ឋាន Old Trafford ឡើយ ខណៈកីឡាករសុទ្ធតែពាក់ខ្សែខ្មៅកាន់ទុក្ខ និងស្ងៀមស្ងាត់មួយនាទីមុនការប្រកួតដើម្បីគោរពវិញ្ញាណក្ខន្ធផងដែរ។ Cristiano Ronaldo ចាប់ផ្តើម ១១នាក់ដំបូងការប្រកួតនេះតែខកខានឱកាសជាច្រើន ខណៈ Real Sociedad រកបានគ្រាប់ជ័យជំនះនៅនាទីទី៥៩ ដោយបាល់ ១១ម៉ែត្ររបស់ Brais Mendez។ ប្រកួតបន្ទាប់របស់ Manchester United នៅ UEL ត្រូវទៅទឹកដីម៉ុលដូវ៉ារបស់ Sheriif Tiraspol សប្តាហ៍ក្រោយ។ងាកមកក្រុមកាំភ្លើងធំ Arsenal នៅក្របខណ្ឌ Europa League ដែរបានយកឈ្នះនៅទឹកដីស្វ៊ីសរបស់ Zurich ២-១។ គ្រាប់បាល់នាំមុខរបស់ Arsenal រកបានដោយ Marquinhos មុនពេលដែល Zurich តាមស្មើវិញមុនចប់វគ្គទី១ ដោយបាល់ពិន័យ ១១ម៉ែត្ររបស់ Mirlind Kryeziu ខណៈគ្រាប់ជ័យជំនះរបស់ Arsenal ត្រូវរង់ចាំដល់នាទីទី៦២ ធ្វើបានដោយ Eddie Nketiah។ ប្រកួតបន្ទាប់ Arsenal ត្រូវជួបក្រុមហូឡង់ PSV Eindhoven សប្តាហ៍ក្រោយ។ ងាកមកក្របខណ្ឌទី៣ UEFA Europa Conference League ក្រុមញញួរធំ West Ham បានយកឈ្នះក្រុមរ៉ូម៉ានី FCSB ៣-១៕អត្ថបទ៖នាង សុភាវុធ

CAMSOC កោះប្រជុំគណៈកម្មការត្រៀមធ្វើម្ចាស់ផ្ទះមហាសន្និបាត OCA នាដើមខែក្រោយ

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) នៅថ្ងៃទី០៨ ខែកញ្ញាម្សិលមិញបានកោះប្រជុំជាមួយគណៈកម្មការ និងភាគីពាក់ព័ន្ធដើម្បីត្រៀមធ្វើម្ចាស់ផ្ទះរៀបចំមហាសន្និបាតក្រុមប្រឹក្សាអូឡាំពិកអាស៊ីលើកទី៤១ (41st OCA General Assembly) ដែលធ្វើឡើងនៅរាជធានីភ្នំពេញចាប់ពីថ្ងៃទី០១ ដល់ថ្ងៃទី០៥ ខែតុលា ឆ្នាំ២០២២ ខាងមុខ។ កិច្ចប្រជុំនេះដឹកនាំដោយឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC និងជាអនុប្រធានប្រចាំការរៀបចំមហាសន្និបាត OCA ដើម្បីបញ្ជាក់ពីតួនាទីភារកិច្ច និងការទទួលខុសត្រូវរបស់គណៈកម្មការនីមួយៗ ក្នុងការរៀបចំ ទាំងការស្នាក់នៅ ហូបចុក ដឹកជញ្ជូន ទទួលបដិសណ្ឋារកិច្ច និងការរៀបចំដំណើរទស្សនកិច្ចដល់ភ្ញៀវអន្ដរជាតិ ដែលនឹងមកចូលរួមមហាសន្និបាតដ៏ធំនៅកម្ពុជានេះ។ ឯកឧត្តម វ៉ាត់ ចំរើន មានប្រសាសន៍ថា ដោយមានការចង្អុលបង្ហាញដ៏ខ្ពង់ខ្ពស់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC ក៏ដូចជាឯកឧត្តមរដ្ឋមន្ដ្រី ថោង ខុន អនុប្រធានអចិន្ដ្រៃយ៍ CAMSOC គណៈកម្មការនីមួយៗបានត្រៀមខ្លួនរួចរាល់ ដើម្បីស្វាគមន៍ឥស្សរជនកីឡា និងថ្នាក់ដឹកនាំកីឡាទាំង ៤៥ប្រទេសក្នុងទ្វីបអាស៊ី ក៏ដូចជាថ្នាក់ដឹកនាំមកពីអង្គការកីឡាធំៗលើពិភពលោក ដើម្បីបង្ហាញពីស្ថានភាពពិត និងសក្ដានុពលជាតិដល់បណ្ដាប្រទេសចូលរួម។គួរដឹងថា ការទទួលសិទ្ធធ្វើម្ចាស់ផ្ទះរៀបចំមហាសន្និបាតក្រុមប្រឹក្សាអូឡាំពិកអាស៊ីលើកទី៤១ ក្រោយទទួលបានការអនុញ្ញាតជាគោលការណ៍ដ៏ខ្ពង់ខ្ពស់ពីសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាកាលពីថ្មីៗ ដែលតាមគម្រោងនឹងមានប្រតិភូកីឡាមកពីបណ្ដាប្រទេសទាំង ៤៥ ក្នុងទ្វីបអាស៊ី និងភ្ញៀវអន្ដរជាតិមកពីជុំវិញពិភពលោកប្រមាណ ៤០០នាក់ចូលរួម។ តាមរយៈការធ្វើម្ចាស់ផ្ទះព្រឹត្តិការណ៍ប្រចាំឆ្នាំ របស់ស្ថាប័នកីឡាដ៏ធំប្រចាំទ្វីបអាស៊ីនេះ សម្ដេចពិជ័យសេនា ទៀ បាញ់ បានផ្តល់អនុសាសន៍ឲ្យអ្នកជំនាញកម្ពុជា ខិតខំស្វែងរកការគាំទ្រពីអន្តរជាតិឲ្យបានពេញទំហឹង សម្រាប់គោលដៅធ្វើម្ចាស់ផ្ទះស៊ីហ្គេម-អាស៊ានប៉ារ៉ាហ្គេមឆ្នាំ២០២៣ និងការធ្វើម្ចាស់ផ្ទះការប្រកួតកីឡាយុវជនអាស៊ីឆ្នាំ២០២៩ នៅកម្ពុជា៕អត្ថបទ៖ លី ឈុនឡា

Leipzig តែងតាំងអតីតគ្រូ Dortmund, Marco Rose ជំនួសគ្រូបង្វឹក Domenico Tedesco

បាល់ទាត់៖ ក្លិបអាល្លឺម៉ង់ RB Leipzig រកបានគ្រូបង្វឹកថ្មីហើយក្រោយបញ្ចប់តំណែងលោក Domenico Tedesco បានមួយថ្ងៃគឺតែងតាំងលោក Marco Rose ដែលធ្លាប់ដឹកនាំ Dortmund។ Leipzig កំពុងឈរលេខ ១១ នៅ Bundesliga ក្រោយឈ្នះតែ ១ប្រកួតគត់ក្នុងចំណោម ៥ប្រកួតក្រោមការដឹកនាំរបស់លោក Domenico Tedesco ខណៈនៅ Champions League ក៏ទើបចាញ់ Shakhtar Donetsk ធ្ងន់ករក្នុងដីខ្លួនឯង។ សម្រាប់លោក Marco Rose ធ្លាប់មានប្រវត្តិដឹកនាំ Moenchengladbach និង Dortmund តែទើបត្រូវបាន Dortmund បញ្ចប់តំណែងកាលពីខែឧសភា។ បុរសវ័យ ៤៥ឆ្នាំរូបនេះក៏ធ្លាប់ជាគ្រូបង្វឹកនៅក្លិប RB Salzburg ផងដែរក្នុងក្រុមយុវជនអំឡុងរដូវកាល ២០១៣-១៧ និងជាគ្រូបង្វឹកក្រុមធំនៅឆ្នាំ២០១៧ ដល់ ២០១៩ ឈ្នះជើងឯកលីគកំពូលអូទ្រីសពីរលើក។ ប្រកួតដំបូងរបស់ Leipzig ក្រោមការដឹកនាំរបស់លោក Marco Rose គឺជួបជាមួយក្លិបចាស់ Borussia Dortmund តែម្តងនៅថ្ងៃសៅរ៍ចុងសប្តាហ៍នេះ៕អត្ថបទ៖នាង សុភាវុធ

Chelsea តែងតាំងគ្រូ Brighton, Graham Potter ជំនួសលោក Thomas Tuchel

បាល់ទាត់៖ ក្លិបតោខៀវ Chelsea រកបានអ្នកចាត់ការថ្មីហើយគឺលោក Graham Potter ដែលចាកចេញពី Brighton មកជំនួសតំណែងអ្នកចាត់ការអាល្លឺម៉ង់ Thomas Tuchel ដែលត្រូវបានបញ្ចប់តំណែងកាលពីថ្ងៃពុធ។ បុរសវ័យ ៤៧ឆ្នាំ Graham Potter បានចុះហត្ថលេខាដឹកនាំ Chelsea រយៈពេល ៥ឆ្នាំក្រោយចំណាយពេល ៣ឆ្នាំដឹកនាំ Brighton។ ក្រុមការងាររបស់លោក Graham Potter រួមមានគ្រូបង្វឹក Bjorn Hamberg និង Bruno ក៏ដូចជាគ្រូអ្នកចាំទី Ben Roberts និងជំនួយការ Kyle Macaulay សុទ្ធតែបានផ្លាស់មកកាន់ Chelsea ទាំងអស់ បន្ទាប់ពីក្លិបនៅទីក្រុងឡុងដ៍មួយនេះចំណាយលុយ ២១លានផោនសំរាប់ការផ្ទេរនេះ។ រំលឹកថា លោក Graham Potter ដែលបានចូលមកដឹកនាំ Brighton កាលពីឆ្នាំ២០១៩ បានដឹកនាំក្រុមបញ្ចប់នៅចំណាត់ថ្នាក់លេខ៩ រដូវកាលមុន ដែលជាចំណាតថ្នាក់ល្អបំផុតក្នុងប្រវត្តិសាស្ត្រក្លិបនៅលីគកំពូលអង់គ្លេស។បច្ចុប្បន្ន Brighton ចាប់ផ្តើមរដូវកាល English Premier League ក៏បានល្អទៀតដោយកំពុងឈរលេខ៤ ក្នុងតារាងក្រោយឈ្នះ៤ ស្មើ១ ចាញ់១ ហើយក្នុងនោះមានឈ្នះនៅទឹកដី Manchester United ថ្ងៃបើករដូវកាលផងដែរ។ ដោយឡែកសម្រាប់ការដកតំណែងលោក Thomas Tuchel គឺបន្ទាប់ពីក្លិបចាប់ផ្តើមរដូវកាលនៅ EPL មិនល្អបូករួមទាំងចាញ់ប្រកួតទី១ នៅ UCL។ យ៉ាងណាក្តីការបណ្តេញលោក Tuchel ត្រូវបានគេដឹងអ្នកចាត់ការអាល្លឺម៉ង់រូបនេះខ្វែងគំនិតគ្នាជាមួយម្ចាស់ក្លិបថ្មីលោក Todd Boehly ច្រើនជាង៕អត្ថបទ៖នាង សុភាវុធ

បើគ្មានការប្រែប្រួលនោះទេ អត្តពលិកកម្ពុជា ១៦១នាក់នឹងចេញទៅហាត់នៅចិននាសប្ដាហ៍ក្រោយ

ស៊ីហ្គេម៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ បានបញ្ជាក់ថា ប្រសិនបើគ្មានការប្រែប្រួលនោះទេ អត្តពលិកកម្ពុជាចំនួន ១៦១នាក់លើ ១២ប្រភេទកីឡា នឹងចេញទៅបោះជុំរុំហ្វឹកហាត់រយៈពេលវែងនៅចិននាថ្ងៃទី១៥ ខែកញ្ញាសប្ដាហ៍ក្រោយនេះ ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមនៅកម្ពុជា។ ឯកឧត្តមមានប្រសាសន៍ថា ក្រោយខកខានជាយូរដោយសារបញ្ហាកូវីដ-១៩ ឥលូវបានទទួលគោលការណ៍អនុញ្ញាតដ៏ខ្ពង់ខ្ពស់ពីសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC រួចហើយក្នុងការបញ្ជូនអត្តពលិក ១២ប្រភេទស្មើនឹង ១៦១នាក់ទៅហាត់នៅចិននាពេលឆាប់ៗខាងមុខ ក្រោមជំនួយឥតសំណង់របស់រដ្ឋាភិបាល និងប្រជាជនចិនដល់រាជរដ្ឋាភិបាលកម្ពុជា។ ចំពោះអត្តពលិកទាំង ១២ប្រភេទកីឡាដែលកម្ពុជាត្រៀមបញ្ជូនទៅហាត់នៅចិននាសប្ដាហ៍ក្រោយនេះ រួមមានប្រតិភូដឹកនាំ ២នាក់, កីឡាកាយសម្ព័ន្ធ ១១នាក់, កីឡាយូដូ ៥នាក់, កីឡាវូស៊ូ ១០នាក់, កីឡាបាល់បោះ ១៥នាក់, កីឡាវាយកូនឃ្លីលើតុ ១០នាក់, កីឡាអត្តពលកម្ម ២០នាក់, កីឡាចំបាប់ ១៥នាក់, កីឡាវាយសី ១២នាក់, កីឡាហែលទឹក ១១នាក់, កីឡាលើកទម្ងន់ ១០នាក់, កីឡាបាល់ទាត់-នារី ២៥នាក់ និងបាល់ទះ ១៥នាក់។តាមគម្រោងអត្តពលិកទាំងអស់នឹងហ្វឹកហាត់នៅចិនរហូតដល់ការប្រកួតស៊ីហ្គេមឆ្នាំ២០២៣ នៅកម្ពុជា ហើយក្រោយបញ្ចប់បេសកកម្មក្នុងការប្រកួតព្រឹត្តិការណ៍ជាប្រវត្តិសាស្ដ្រនៅកម្ពុជា កីឡាករ-កីឡាការិនីទាំង ១៦១នាក់ដដែលនឹងត្រូវត្រលប់ទៅហ្វឹកហាត់បន្តនៅចិនវិញ រហូតចប់កិច្ចសន្យាជំនួយឥតសំណងដែលមានរយៈពេល ២ឆ្នាំ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ការបរទេស៖ ការបង្កើតស្ថានកុងស៊ុលកិត្តិយសស្រីលង្កា គឺជាជំហានថ្មីមួយទៀតក្នុងការពង្រឹងទំនាក់ទំនងរវាងកម្ពុជា និងស្រីលង្កា

ក្រសួងអប់រំ ព្រមានបញ្ចប់ក្របខណ្ឌបុគ្គលដែលធ្វើឱ្យបែកធ្លាយវិញ្ញាសាប្រឡងបាក់ឌុបមុនការប្រកាសលទ្ធផល

ជំនួយស្បៀងអាហាររបស់លោកជំទាវ សុខា គងពិសី គីម រិទ្ធី ត្រូវបានជូនដល់ដៃវីរកងទ័ពសមរភូមិមុខទិសទី១ ប្រាសាទព្រះវិហារ

ឯកឧត្តម ហ៊ុន ម៉ានី៖ «ACCSM មិនត្រឹមតែពង្រឹងកិច្ចសហការវិជ្ជាជីវៈប៉ុណ្ណោះទេ តែជាបេះដូងនៃសាមគ្គីភាពរបស់សហគមន៍អាស៊ាន»

ក្រុមអ្នកស្រាវជ្រាវជាន់ខ្ពស់ចិន ឡាវ និងមីយ៉ាន់ម៉ា ធ្វើទស្សនកិច្ចពិនិត្យជាក់ស្តែងនៅដែនជម្រកសត្វផ្សោតទន្លេមេគង្គ ក្នុងខេត្តក្រចេះ

មន្ដ្រីជាន់ខ្ពស់ក្រសួងផែនការ បើកកិច្ចប្រជុំផ្សព្វផ្សាយលទ្ធផលបឋមផលិតផលក្នុងស្រុកសរុប ឆ្នាំ២០២៥ ខេត្តតាកែវ

ឆមាសទី១ឆ្នាំនេះ សមត្ថកិច្ចបង្ក្រាបបទល្មើសជួញដូរមនុស្ស និងអាជីវកម្មផ្លូវភេទជាង ១១០ករណី និងសង្គ្រោះបាន ៥៨១នាក់

គណបក្សនយោបាយ មានសុទិដ្ឋិនិយមដែលប្រទេសកម្ពុជារៀបចំធ្វើជាម្ចាស់ផ្ទះសន្និសីទប្រធានសភានៃអន្តរសភានាចុងខែសីហានេះ

គ្រួសារកសិករកូឡុំប៊ី រក្សាកេរតំណែលឲ្យរស់រាន តាមរយៈការអភិរក្សពិធីបុណ្យផ្កា

លីបង់ និងអ៊ីស្រាអែលរាយការណ៍ពីវឌ្ឍនភាពក្នុងកិច្ចចរចាទីក្រុងរ៉ូម ខណៈអំពើហិង្សានៅតាមព្រំដែនកើនឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Carlos Alcaraz គ្រងជើងឯក Grand Slam លើកដំបូងក្នុងអាជីព

Lewis Hamilton ត្រូវពិន័យចេញដំណើរក្រោយគេនៅអ៊ីតាលីដោយសារប្រើប្រាស់ម៉ាស៊ីនលើសកំណត់

Serge Aurier ក្លាយជាកីឡាករទី២២ ដែលផ្លាស់មកកាន់ Nottingham Forest

Remco Evenepoel ពន្លាតការនាំមុខក្នុងតារាងរួមក្រោយឈ្នះដំណាក់កាលទី១៨ Vuelta a Espana

កីឡាការិនីទុយនេស៊ី Ons Jabeur ឡើងវគ្គផ្តាច់ព្រ័ត្រ US Open ក្រោយឈ្នះ Caroline Garcia

Manchester United ចាញ់ តែ Arsenal និង West Ham ឈ្នះរៀងខ្លួននៅក្របខណ្ឌអឺរ៉ុប

CAMSOC កោះប្រជុំគណៈកម្មការត្រៀមធ្វើម្ចាស់ផ្ទះមហាសន្និបាត OCA នាដើមខែក្រោយ

Leipzig តែងតាំងអតីតគ្រូ Dortmund, Marco Rose ជំនួសគ្រូបង្វឹក Domenico Tedesco

Chelsea តែងតាំងគ្រូ Brighton, Graham Potter ជំនួសលោក Thomas Tuchel

បើគ្មានការប្រែប្រួលនោះទេ អត្តពលិកកម្ពុជា ១៦១នាក់នឹងចេញទៅហាត់នៅចិននាសប្ដាហ៍ក្រោយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Carlos Alcaraz គ្រង​ជើងឯក Grand Slam លើកដំបូង​ក្នុង​អាជីព

Lewis Hamilton ត្រូវ​ពិន័យ​ចេញដំណើរ​ក្រោយ​គេ​នៅ​អ៊ីតាលី​ដោយសារ​ប្រើប្រាស់​ម៉ាស៊ីន​លើស​កំណត់​

Serge Aurier ក្លាយជា​កីឡាករទី​២២ ដែល​ផ្លាស់​មកកាន់ Nottingham Forest

Remco Evenepoel ពន្លាត​ការនាំ​មុខ​ក្នុង​តារាង​រួម​ក្រោយ​ឈ្នះ​ដំណាក់កាល​ទី​១៨ Vuelta a Espana

កីឡាការិនី​ទុយ​នេ​ស៊ី Ons Jabeur ឡើង​វគ្គ​ផ្តាច់ព្រ័ត្រ US Open ក្រោយ​ឈ្នះ Caroline Garcia

Manchester United ចាញ់​ តែ Arsenal និង West Ham ឈ្នះ​រៀងខ្លួន​នៅ​ក្របខណ្ឌ​អឺរ៉ុប

CAMSOC ​កោះប្រជុំ​គណៈកម្មការ​ត្រៀម​ធ្វើ​ម្ចាស់ផ្ទះ​មហាសន្និបាត​ OCA ​នា​ដើមខែ​ក្រោយ​

Leipzig តែងតាំង​អតីត​គ្រូ Dortmund, Marco Rose ជំនួស​គ្រូបង្វឹក Domenico Tedesco

Chelsea តែង​តាំង​គ្រូ Brighton, Graham Potter ជំនួស​លោក Thomas Tuchel

បើ​គ្មាន​ការប្រែប្រួល​នោះទេ អត្ត​ព​លិ​ក​កម្ពុជា ១៦១​នាក់​នឹង​ចេញទៅ​ហាត់​នៅ​ចិន​នា​សប្ដាហ៍​ក្រោយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Carlos Alcaraz គ្រងជើងឯក Grand Slam លើកដំបូងក្នុងអាជីព

Lewis Hamilton ត្រូវពិន័យចេញដំណើរក្រោយគេនៅអ៊ីតាលីដោយសារប្រើប្រាស់ម៉ាស៊ីនលើសកំណត់

Serge Aurier ក្លាយជាកីឡាករទី២២ ដែលផ្លាស់មកកាន់ Nottingham Forest

Remco Evenepoel ពន្លាតការនាំមុខក្នុងតារាងរួមក្រោយឈ្នះដំណាក់កាលទី១៨ Vuelta a Espana

កីឡាការិនីទុយនេស៊ី Ons Jabeur ឡើងវគ្គផ្តាច់ព្រ័ត្រ US Open ក្រោយឈ្នះ Caroline Garcia

Manchester United ចាញ់ តែ Arsenal និង West Ham ឈ្នះរៀងខ្លួននៅក្របខណ្ឌអឺរ៉ុប

CAMSOC កោះប្រជុំគណៈកម្មការត្រៀមធ្វើម្ចាស់ផ្ទះមហាសន្និបាត OCA នាដើមខែក្រោយ

Leipzig តែងតាំងអតីតគ្រូ Dortmund, Marco Rose ជំនួសគ្រូបង្វឹក Domenico Tedesco

Chelsea តែងតាំងគ្រូ Brighton, Graham Potter ជំនួសលោក Thomas Tuchel

បើគ្មានការប្រែប្រួលនោះទេ អត្តពលិកកម្ពុជា ១៦១នាក់នឹងចេញទៅហាត់នៅចិននាសប្ដាហ៍ក្រោយ