BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

កម្ពុជាត្រៀមប្រកួតមិត្តភាពជាមួយសិង្ហបុរីអបអរលីគបាល់ទះពានសម្ដេចតេជោលើកដំបូង

បាល់ទះ៖ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានបង្ហើបថា សហព័ន្ធនឹងរៀបចំការប្រកួតលីគបាល់ទះដណ្ដើមពានរង្វាន់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា លើកដំបូងនាពាក់កណ្ដាលខែតុលាខាងមុខ ខណៈដើម្បីអបអរសាទរពិធីបើកព្រឹត្តិការណ៍នេះ សហព័ន្ធក៏នឹងរៀបចំឲ្យមានការប្រកួតមិត្តភាពអន្ដរជាតិរវាងក្រុមបាល់ទះជម្រើសជាតិកម្ពុជា និងក្រុមជម្រើសជាតិសិង្ហបុរីផងដែរ។ លោកបញ្ជាក់ថា ពានរង្វាន់សម្ដេចតេជោនាយករដ្ឋមន្ដ្រីគឺជាពានរង្វាន់ធំ និងអស្ចារ្យ ដែលសហព័ន្ធប្ដេជ្ញាខិតខំរៀបចំឲ្យខានតែបាន ដើម្បីសម្រួចដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជា។ អ្វីដែលពិសេសគឺភាគីសិង្ហបុរីបានឯកភាពតាមការអញ្ជើញរបស់កម្ពុជា ក្នុងការបញ្ជូនក្រុមជម្រើសជាតិរបស់ខ្លួនមកប្រកួតមិត្តភាពជាមួយម្ចាស់ផ្ទះកម្ពុជា ដើម្បីអបអរសាទរព្រឹត្តិការណ៍នេះដែរ។ ម្យ៉ាងវិញទៀត សហព័ន្ធក៏មានគម្រោងបញ្ជូនក្រុមបាល់ទះកម្ពុជា ចេញទៅប្រកួតមិត្តភាពជាមួយបណ្ដាប្រទេសផ្សេងៗមុនស៊ីហ្គេមមកដល់ទៀតផង។តាមការបញ្ជាក់របស់អគ្គលេខាធិការសហព័ន្ធដដែល ចំពោះលីគបាល់ទះពានរង្វាន់សម្ដេចតេជោ ហ៊ុន សែន ដែលកំពុងស្នើសុំគោលការណ៍ដើម្បីរៀបចំការប្រកួតនាពាក់កណ្ដាលខែតុលាខាងមុខនេះ ក្លិបចូលរួមគឺមាន ៨ក្រុមជាបេក្ខភាពមកពីពានរង្វាន់សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃឆ្នាំ២០២២ កាលពីថ្មីៗ ព្រមទាំងក្លិបកម្រិត A ផ្សេងៗទៀតដែលមានធនធានកីឡាករល្អៗ ក៏សហព័ន្ធបើកទ្វារឲ្យចូលរួមប្រកួតក្នុងព្រឹត្តិការណ៍ដ៏ធំនេះដែរ៕អត្ថបទ៖ លី ឈុនឡា

Leipzig បណ្ដេញគ្រូបង្គោល Domenico Tedesco ក្រោយចាញ់ធ្ងន់ករប្រកួតដំបូងនៅ UCL

បាល់ទាត់៖ ក្លិបអាល្លឺម៉ង់ RB Leipzig បានបណ្តេញគ្រូបង្គោលលោក Domenico Tedesco ចេញពីតំណែងហើយប៉ុន្មានម៉ោងប៉ុណ្ណោះបន្ទាប់ពី Leipzig ចាញ់ Shakhtar Donetsk ក្នុងដីខ្លួនឯងធ្ងន់ករ ៤-១ ប្រកួតដំបូងនៅ UEFA Champions League កាលពីយប់ថ្ងៃអង្គារ។ គ្រូបង្វឹកសញ្ជាតិអាល្លឺម៉ង់រូបនេះបានដឹកនាំក្រុម ឈ្នះជើងឯកសំខាន់លើកដំបូងក្នុងរយៈពេល ១៣ឆ្នាំគឺឈ្នះពាន German Cup រដូវកាលមុន តែចាប់ផ្តើមរដូវកាលថ្មីនៅក្របខណ្ឌអាល្លឺម៉ង់ Bundesliga មិនបានល្អដោយចុងក្រោយបំផុតចាញ់ Frankfurt ៤-០ ចុងសប្តាហ៍កន្លងទៅ។ កាលវិភាគប្រកួតបន្តរបស់ Leipzig សុទ្ធតែជួបក្រុមខ្លាំងៗដូចជាទទួល Borussia Dortmund ថ្ងៃសៅរ៍នេះ និងទៅទឹកដី Real Madrid សប្តាហ៍ក្រោយ។Shakhtar Donetsk ដែលយកឈ្នះនៅទឹកដី Leipzig កាលពីយប់ថ្ងៃអង្គារបានបាត់បង់កីឡាករបរទេសជាច្រើននាក់ ដោយសារបញ្ហាសង្គ្រាមរុស្ស៊ីលើអ៊ុយក្រែន និងខកខានប្រកួតក្នុងលីគមួយរយៈពេលធំ តែនៅតែអាចយកឈ្នះនៅទឹកដី Leipzig បានដោយមិនលំបាក។ រំលឹកថា លោក Domenico Tedesco ត្រូវបាន Leipzig តែងតាំងជាគ្រូបង្វឹក ៩ខែមុនក្រោយចំណាយពេល ២ឆ្នាំដឹកនាំក្លិបរុស្ស៊ី Spartak Moscow៕អត្ថបទ៖នាង សុភាវុធ

Frances Tiafoe ឡើងវគ្គពាក់កណ្តាលផ្តាច់ព្រ័ត្រ Grand Slam លើកដំបូងក្នុងអាជីព

វាយកូនបាល់៖ កីឡាករវាយកូនបាល់អាមេរិក Frances Tiafoe បានឈានឡើងវគ្គពាក់កណ្តាលផ្តាច់ព្រ័ត្រក្នុងព្រឹត្តិការណ៍ Grand Slam លើកដំបូងក្នុងអាជីពបន្ទាប់ពីជ័យជំនះលើកីឡាកររុស្ស៊ី Andrey Rublev នៅ US Open។ កីឡាករវ័យ ២៤ឆ្នាំអាមេរិករូបនេះបានយកឈ្នះដោយលទ្ធផលតានតឹងក្នុងសិតនីមួយៗ ៧-៦(៧-៣) ៧-៦(៧-០) និងសិតចុងក្រោយ ៦-៤។ Frances Tiafoe ដែលទំលាក់ Rafael Nadal មុនឡើងមកកាន់វគ្គនេះនឹងឡើងមកកាន់លំដាប់ Top20 លើកដំបូងក្នុងតារាងចំណាត់ថ្នាក់ពិភពលោកនៅដើមសប្តាហ៍ក្រោយ។ចំណែកការប្រកួតផ្នែកនារីវិញ កីឡាការិនីលំដាប់លេខ ១ ពិភពលោក Iga Swiatek ក៏បានបន្តដំណើរឡើងវគ្គពាក់កណ្តាលផ្តាច់ព្រ័ត្រដែរ ក្រោយយកឈ្នះកីឡាការិនីម្ចាស់ផ្ទះអាមេរិក Jessica Pegula ដោយលទ្ធផល ២សិតផ្ទួនៗ ៦-៣និង ៧-៦(៧-៤)។ ជ័យជំនះនេះធ្វើឱ្យកីឡាការិនីប៉ូឡូញ Iga Swiatek បន្តដំណើរឡើងវគ្គ ៤នាក់ចុងក្រោយដោយត្រូវជួបជាមួយកីឡាការិនីបេឡារុស Aryna Sabalenka ដែលបានយកឈ្នះកីឡាការិនីឆែក Karolina Pliskova៕អត្ថបទ៖នាង សុភាវុធ

Chelsea សំរេចចិត្តដេញអ្នកចាត់ការ Thomas Tuchel ចេញពីតំណែង

បាល់ទាត់៖ ក្លិបតោខៀវ Chelsea បានសំរេចបណ្តេញអ្នកចាត់ការ Thomas Tuchel ចេញពីតំណែងហើយចំថ្ងៃទី ១០០ នៃការចូលកាន់កាប់របស់ម្ចាស់ក្លិបថ្មី។ អតីតអ្នកចាត់ការ Dortmund និង PSG រូបនេះបានចាកចេញពី Stamford Bridge បន្ទាប់ពីឈ្នះពានសំខាន់ចំនួន ៣ ក្នុងរយៈពេល ២០ខែក្នុងតំណែង។ការសំរេចបណ្តេញអ្នកចាត់ការសញ្ជាតិអាល្លឺម៉ង់រូបនេះគឺបន្ទាប់ពី Chelsea ចាញ់ប្រកួតដំបូងនៅ UEFA Champions League រដូវកាលនេះនៅទឹកដី Dinamo Zagreb និងបូករួមទាំងស្ថិតិមិនល្អនៅ English Premier League រដូវកាលនេះ។ លោក Tuchel បានមកកាន់តំណែងនៅ Stamford Bridge កាលពីថ្ងៃទី២៦ ខែមករា ឆ្នាំ២០២១ ជំនួសលោក Frank Lampard និងបានដឹកនាំក្រុមឈ្នះជើងឯក UEFA Champions League ត្រឹមរយៈពេល ៤ខែក្នុងតំណែង។ ក្រោមការវិនិយោគដោយម្ចាស់ក្លិបថ្មីលោក Todd Boehly ដែលទិញភាគហ៊ុនក្លិបមកគ្រប់គ្រងពីសេដ្ឋីរុស្ស៊ី Roman Abramovich នោះ Chelsea បានចំណាយលុយ ២៥៥.៣លានផោនក្នុងការនាំចូលកីឡាករថ្មីដែលមានដូចជា Raheem Sterling ពី Manchester City ខ្សែការពារ Cucurella ពី Brighton ជាដើម។Chelsea ចាប់ផ្តើមរដូវកាលនៅ English Premier League ក៏មិនល្អដែរដោយកំពុងឈរលេខ៦ ក្នុងតារាងឈ្នះ៣ ស្មើ១ ចាញ់២។ អ្នកចាត់ការដែលគេគិតថាអាចមកជំនួសតំណែងនៅ Stamford Bridge បន្តពី Thomas Tuchel មានដូចជាអ្នកចាត់ការ Brighton បច្ចុប្បន្នលោក Graham Potter, លោក Zinedine Zidane អតីតអ្នកចាត់ការ Real Madrid និង Mauricio Pochettino អតីតអ្នកចាត់ការ Spurs និង PSG៕អត្ថបទ៖នាង សុភាវុធ

Richarlison ស៊ុតពីរគ្រាប់ម្នាក់ឯង ខណៈ Spurs វិលមក UCL វិញជាមួយជ័យជំនះ

បាល់ទាត់៖ ខ្សែប្រយុទ្ធប្រេស៊ីល Richarlison ទីបំផុតរកបានគ្រាប់បាល់ដំបូងតាំងពីផ្លាស់ពី Everton មកកាន់ Tottenham Hotspur និងជាអ្នកស៊ុតបញ្ចូលទី ២គ្រាប់ម្នាក់ឯងដែរស្របពេល Spurs វិលត្រលប់មក UEFA Champions League វិញជាមួយនឹងជ័យជំនះលើក្រុមបារាំង Olympique Marseille។ ក្រុមភ្ញៀវ Marseille ក៏បានធ្វើឱ្យក្រុមម្ចាស់ផ្ទះតឹងចិត្តដែរ បន្ទាប់ពីការការពារស្អិតមិនរបូតគ្រាប់បាល់សោះក្នុងវគ្គទី១ មុនពេលដែលដើមវគ្គទី២ Chancel Mbemba ត្រូវបានបណ្តេញចេញក្រោយកំហុសលើ Heung-min Son។ ១៤នាទីមុនចប់ កីឡាករដែលមានតម្លៃ ៦០លានផោនផ្ទេរពី Everton, Richarlison ក៏រកបានគ្រាប់ដំបូងរបស់ខ្លួន ហើយក៏រកបានគ្រាប់ទីពីរទៀតនៅនាទីទី៨១។ ចប់ការប្រកួត Spurs យកឈ្នះ Marseille ២-០ ទទួលបានបីពិន្ទុឈរលេខ២ ក្នុងពូល D នេះ ខណៈលេខ១ គឺ Sporting Lisbon ដែលយកឈ្នះនៅទឹកដីជើងឯក Europa League, Eintracht Frankfurt ៣-០៕អត្ថបទ៖នាង សុភាវុធ

Lewandowski ស៊ុតបញ្ចូលទី ៣គ្រាប់ម្នាក់ឯងមុនជួបក្លិបចាស់សប្តាហ៍ក្រោយ

បាល់ទាត់៖ ខ្សែប្រយុទ្ធប៉ូឡូញ Robert Lewandowski បានកំដៅសាច់ដុំមុនជួបក្លិបចាស់ Bayern Munich សប្តាហ៍ក្រោយ ដោយស៊ុតបញ្ចូលទី ៣គ្រាប់ម្នាក់ឯងឱ្យ Barcelona យកឈ្នះក្លិបឆែក Viktoria Plzen ៥-១។ បន្ទាប់ពីគ្រាប់បើកឆាកដោយនាំមុខដោយ Frank Kessie នៅនាទីទី១៣ កីឡាករវ័យ ៣៤ឆ្នាំ Lewandowski ក៏រកបានគ្រាប់ទី១ របស់ខ្លួននៅនាទីទី៣៤ មុនពេលដែលក្រុមភ្ញៀវតបបានមួយគ្រាប់វិញនាទីទី៤៤ ដោយ Jan Sykora តែ Lewandowski ក៏រកបានគ្រាប់ទីពីររបស់ខ្លួននៅនាទីទី៤៥+៣។ ឈានចូលវគ្គទី២ ខ្សែប្រយុទ្ធប៉ូឡូញដដែលក៏រកបានគ្រាប់បាល់ទីបីររបស់ខ្លួននៅនាទីទី៦៧ មុនពេលដែល Ferran Torres សំរេចគ្រាប់ទី៥ ឱ្យ Barcelona យកឈ្នះ ៥-១ ឈរលើគេក្នុងពូល C នេះ។មួយប្រកួតទៀតជំនួបរវាងក្រុមយក្សទាំងពីរគឺយក្សអ៊ីតាលី និងយក្សអាល្លឺម៉ង់ Inter Milan ទទួល Bayern Munich។ អតីតខ្សែបម្រើ Manchester City, Leroy Sane ស៊ុតបញ្ចូលទីឱ្យ Bayern Munich នាំមុខនៅនាទីទី២៥ មុនពេលដែល Inter Milan កីឡាករ Danilo D’Ambrosio ភ្លាត់ចូលទីខ្លួនឯង។ ជំនួបបន្តក្នុងពូល C នេះ Inter Milan ធ្វើដំណើរទៅទឹកដីឆែករបស់ Viktoria Plzen សប្តាហ៍ក្រោយ ខណៈ Bayern Munich ទទួល Barcelona៕អត្ថបទ៖នាង សុភាវុធ

Antoine Griezmann បំបែកកំណត់ត្រារកបានគ្រាប់បាល់នាទីចុងក្រោយបំផុតនៅ UCL

បាល់ទាត់៖ អភិនីហារបានកើតឡើងនៅកីឡដ្ឋាន Wanda Metropolitano របស់ Atletico Madrid បន្ទាប់ពីការប្រកួតត្រូវសំរេចគ្រាប់បាល់នៅម៉ោងបន្ថែមបង្គ្រប់ទាំងអស់។ Altetico Madrid បើកទ្វារផ្ទះទទួលស្វាគមន៍ក្រុមភ្ញៀវព័រទុយហ្កាល់ FC Porto ជាការប្រកួតពេញដោយភាពស្ងប់ស្ងាត់ស្ទើរពេញ ៩០នាទី។ លុះឈានដល់នាទីទី៨២ ខ្សែប្រយុទ្ធអ៊ីរ៉ង់ Mehdi Taremi ទទួលបានកាតលឿងទី២ បណ្តេញចេញពីការប្រកួត ក្រោយកំហុសធ្វើជាដួលចង់បាន ១១ម៉ែត្រ មុនពេលដែល Mario Hermaso ស៊ុតបញ្ចូលទីនៅនាទីទី៩០+១ ដែលគិតថាជាគ្រាប់ជ័យជំនះទៅហើយសំរាប់ Atletico Madrid។ មិនមែនទេ Mateus Uribe គឺជាអ្នកស៊ុតតាមស្មើឱ្យ Porto ដោយបាល់ពិន័យ ១១ម៉ែត្រនាទីទី៩០+៦ នៃម៉ោងបន្ថែមបង្គ្រប់ បន្ទាប់ពីកំហុសរបស់ Hermaso ចុះទៅការពារដល់ក្រោមហើយធ្វើឱ្យមានកំហុសដៃប៉ះបាល់។ មិនទាន់បញ្ចប់ទេ Antoine Griezmann គឺជាអ្នកតែតបញ្ចូលទីសំរេចគ្រាប់ជ័យជំនះពិតប្រាកដនៅនាទីទី៩០+១១ ឱ្យ Atletico Madrid យកឈ្នះ Porto ២-១។បើតាមការកត់ត្រារបស់ Opta តាំងពីឆ្នាំ២០០៣ មកគ្រាប់បាល់របស់ Griezmann នាទីទី១០០ និង ២១វិនាទី រឺនាទីទី៩០+១១ នេះជាគ្រាប់បាល់ដែលរកបាននៅនាទីចុងក្រោយបំផុតបំបែកកំណត់ត្រានៅ UEFA Champions League មិនគិតម៉ោងបន្ថែម ១៥នាទីពីរដង។ មិនតែប៉ុណ្ណោះបីគ្រាប់ក្នុងម៉ោងបន្ថែមបង្គ្រប់នេះគឺជាលើកទី២ ដែលកើតឡើងនៅ UCL បន្ទាប់ពីលើកទី១ កាលពីខែធ្នូ ឆ្នាំ២០២១ ក៏ជាជំនួបរវាងក្រុមទាំងពីរដែរ។ បីពិន្ទុនេះធ្វើឱ្យ Atletico Madrid ឈរលើគេក្នុងពូល B នេះជាមួយ Club Bruges ដែលយកឈ្នះ Bayer Leverkusen ១-០ យប់មិញផងដែរ៕អត្ថបទ៖នាង សុភាវុធ

សូហ្វតេន្នីសរំពឹងកីឡាករ-កីឡាការិនីវ័យក្មេងរបស់ខ្លួននឹងរីកចម្រើន ក្រោយបោះជុំរុំនៅកូរ៉េ

សូហ្វតេន្នីស៖ សហព័ន្ធកីឡាសូហ្វតេន្នីសកម្ពុជាបានបញ្ជូនកីឡាករ-កីឡាការិនីវ័យក្មេង ៨រូបទៅបោះជុំរុំហ្វឹកហាត់ និងចូលរួមប្រកួតព្រឹត្តិការណ៍អន្ដរជាតិ The 2022 NH Nonghyup Bank Incheon Korea Cup International Soft Tennis Tournament រយៈពេល ៣សប្ដាហ៍នៅសាធារណរដ្ឋកូរ៉េ ដើម្បីពង្រឹងសមត្ថភាព និងបច្ចេកទេស ក្រោយខកខានរយៈពេល ២ឆ្នាំដោយសារវិបត្តិកូវីដ-១៩។ តាមរយៈការបោះជុំរុំហ្វឹកហាត់ និងប្រកួតក្រៅប្រទេសនេះ សហព័ន្ធរំពឹងថា កីឡាករ-កីឡាការិនីវ័យក្មេងរបស់ខ្លួននឹងមានភាពរីកចម្រើន ទាំងការបន្សំជាមួយការប្រកួតលក្ខណៈអន្ដរជាតិ ពិសេសពង្រឹងសមត្ថភាពកាន់តែប្រសើរ ស្របតាមផែនការយុទ្ធសាស្ដ្ររបស់សហព័ន្ធក្នុងការត្រៀមឆ្ពោះទៅស៊ីហ្គេមឆ្នាំ២០២៣ នៅកម្ពុជា។ នេះបើតាមការបញ្ជាក់របស់លោក ជា សែនវិស្សុត អគ្គលេខាធិការសហព័ន្ធ។ អគ្គលេខាធិការសហព័ន្ធដដែលបន្ដថា កីឡាករ-កីឡាការិនីសូហ្វតេន្នីសកម្ពុជាដែលបានចេញទៅហ្វឹកហាត់ និងប្រកួតនៅកូរ៉េ រួមមានកីឡាករ កាន់ សោភ័ណ្ឌ, ចន ម៉ាដា, សាយ សុចិត្រា, សំ ចាន់កាប៊ី, សយ សុធន់, សម ដេវីដ រួមជាមួយកីឡាការិនី ម៉េត ម៉ារីយ៉ាន និងកីឡាការិនី ឃុន ចន្ទរ៉ូសិកា ដែលពួកគេបានចាកចេញពីមាតុភូមិកាលពីចុងខែសីហាកន្លងទៅ។លោកបន្ថែមថា ក្រៅពីការបញ្ជូនកីឡាករ-កីឡាការិនីទៅហ្វឹកហាត់ និងពង្រឹងសមត្ថភាពក្រៅស្រុក សហព័ន្ធក៏មានគម្រោងស្នើសុំគណៈកម្មាធិការជាតិ CAMSOC ដើម្បីស្វែងរកគ្រូបង្វឹកអន្តរជាតិមកហ្វឹកហាត់ដល់កីឡាករ-កីឡាការិនីរយៈពេលពី ៧ ទៅ ៨ខែមុនស៊ីហ្គេមឆ្នាំ២០២៣ មកដល់ផងដែរ ដើម្បីឆ្ពោះទៅសម្រេចគោលដៅដណ្ដើមបានមេដាយមាស ៣គ្រឿងក្នុងចំណោម ៧វិញ្ញាសានៃព្រឹត្តិការណ៍ជាប្រវត្តិសាស្ដ្រនៅកម្ពុជានេះ។ គួរដឹងថា កីឡាសូហ្វតេន្នីសត្រូវបានចាត់ទុកជាប្រភេទកីឡាមានសក្ដានុពលមួយរបស់កម្ពុជា ក្នុងក្ដីរំពឹងស្វែងរកមេដាយមាសជូនជាតិនៃការប្រកួតកីឡាស៊ីហ្គេមលើកទី៣២ ដែលនឹងប្រព្រឹត្តទៅចាប់ពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ ខាងមុខ៕អត្ថបទ៖ លី ឈុនឡា

Liverpool ចាញ់ធ្ងន់នៅដី Napoli ខណៈ Ajax បំបាក់ Rangers ៤-០

បាល់ទាត់៖ ក្រុមជើងឯករង UEFA Champions League រដូវកាលមុនហង្សក្រហម Liverpool ចាប់ផ្តើមរដូវកាលថ្មីក្នុងពូល A មិនល្អឡើយក្រោយរងបរាជ័យធ្ងន់ករនៅទឹកដីអ៊ីតាលី Napoli ៤-១។ ក្រុមរបស់លោក Jurgen Klopp បានរបូតបីគ្រាប់ក្នុងវគ្គទី១ ដោយបាល់ ១១ម៉ែត្ររបស់ Piotr Zielinski នាទីទី៥។ Andre-Frank Anguissa និង Giovanni Simeone ក៏រកបានម្នាក់មួយគ្រាប់មុនចប់វគ្គទី១ មុនពេល Napoli បន្ថែមមួយគ្រាប់ទៀតនៅដើមវគ្គទី២ ដោយ Zielinski។ Liverpool តបបានមួយគ្រាប់វិញដោយ Luis Diaz តែមិនអាចរកបានគ្រាប់លើសនេះឡើយ ខណៈ Liverpool បញ្ចប់ការប្រកួតដោយបរាជ័យ ៤-១ នេះ។ ងាកមកមួយគូទៀតក្នុងពូល A នេះដែរ Rangers បើកទំព័រនៃការវិលត្រលប់មកកាន់ក្របខណ្ឌកំពូលអឺរ៉ុបលើកដំបូងក្នុងរយៈពេល ១២ឆ្នាំជាមួយនឹងបរាជ័យធ្ងន់ករដែរនៅទឹកដីហូឡង់របស់ Ajax Amsterdam។មិនខុសពី Napoli ឡើយ Ajax រកបានគ្រាប់នាំមុខបីគ្រាប់ក្នុងវគ្គទី១ ដោយកីឡាករបីនាក់ផ្សេងទៀតរួមមាន Edson Alvarez, Steven Berghuis និង Mohammed Kudus មុនពេលដែលអតីតកីឡាកររបស់ Spurs, Steven Bergwijn រកបានគ្រាប់ចុងក្រោយនៅវគ្គទី២។ នេះជាបរាជ័យ ៤-០ លើកទី២ សំរាប់ Rangers ក្នុងរយៈពេល ១សប្តាហ៍ប៉ុណ្ណោះ បន្ទាប់ពីទើបចាញ់គូប្រជែងស្លាប់រស់ Celtic កាលពីថ្ងៃសៅរ៍៕អត្ថបទ៖នាង សុភាវុធ

សហព័ន្ធ E-Sports ប្រកាសវិញ្ញាសាផ្លូវការសម្រាប់ការប្រកួតកីឡាស៊ីហ្គេមឆ្នាំ២០២៣

កីឡាអេឡិចត្រូនិច៖ សហព័ន្ធកីឡាអេឡិចត្រូនិកកម្ពុជាបានប្រកាសវិញ្ញាសា សម្រាប់ដាក់ក្នុងការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជាជាផ្លូវការហើយដែលមានសរុបចំនួន ៩វិញ្ញាសាដើម្បីធ្វើការប្រកួតប្រជែងក្នុងព្រឹត្តិការណ៍ជាប្រវត្តិសាស្ត្រលើកដំបូងនៅកម្ពុជានេះ។ វិញ្ញាសាទាំង ៩ ដែលសហព័ន្ធទើបប្រកាសកាលពីថ្ងៃទី០៧ ខែកញ្ញាម្សិលមិញរួមមាន៖ ទី១-វិញ្ញាសាក្រុម AK2(PC), ទី២-វិញ្ញាសាឯកត្តជន AK2(PC), ទី៣-វិញ្ញាសាក្រុម PUBG Mobile, ទី៤-វិញ្ញាសាឯកត្តជន PUBG Mobile, ទី៥-វិញ្ញាសាក្រុមបុរស Mobile Leagends: Bang Bang (Mobile), ទី៦-វិញ្ញាសាក្រុមនារី Mobile Leagends: Bang Bang (Mobile), ទី៧-វិញ្ញាសាក្រុមបុរស League Of League: Wild Rift (Mobile), ទី៨-វិញ្ញាសាក្រុមនារី League Of League: Wild Rift (Mobile) និងទី៩-វិញ្ញាសាក្រុម Cross Fire (PC)។ ទន្ទឹមជាមួយការប្រកាសវិញ្ញាសាសម្រាប់ស៊ីហ្គេមឆ្នាំ២០២៣ ជាផ្លូវការនេះ សហព័ន្ធបានក្រើនរំលឹកដល់កីឡាករ-កីឡាការិនីរបស់ខ្លួនឲ្យបន្ដការហ្វឹកហាត់ពង្រឹងសមត្ថភាពបន្ថែមតាមវិញ្ញាសារៀងៗខ្លួន ដើម្បីអាចចូលរួមប្រកួតប្រជែងដណ្ដើមមេដាយជូនជាតិមាតុភូមិ ក្នុងព្រឹត្តិការណ៍ជាប្រវត្តិសាស្ដ្រដែលកម្ពុជាទន្ទឹងរង់ចាំអស់រយៈពេល ៦៤ឆ្នាំនេះ។គួរបញ្ជាក់ថា ការប្រកាសវិញ្ញាសានេះ បន្ទាប់ពីក្រុមប្រឹក្សាសហព័ន្ធកីឡាអាស៊ីអាគ្នេយ៍បានកំណត់ប្រភេទកីឡា ៣៩ បូកកីឡាសម្ដែង ១ប្រភេទដាក់ក្នុងការប្រកួតស៊ីហ្គេមឆ្នាំ២០២៣ នៅកម្ពុជាកាលពីថ្មីៗ និងការប្រជុំលេខាធិការដ្ឋានក្រុមប្រឹក្សាសហព័ន្ធកីឡាអាស៊ីអាគ្នេយ៍នៅទីក្រុងបាងកកកាលពីថ្មីៗ ដែលបានពិភាក្សា និងកំណត់វិញ្ញាសាប្រកួត តាមប្រភេទកីឡានីមួយៗសម្រាប់ស៊ីហ្គេមនៅកម្ពុជា៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ប្រព័ន្ធមីស៊ីលបាញ់ពីដីទៅលើអាកាស ត្រូវបានដាក់ពង្រាយនៅទីក្រុងតៃប៉ិ អំឡុងសមយុទ្ធយោធាប្រចាំឆ្នាំ

មនុស្សយ៉ាងហោច៦នាក់ស្លាប់ ក្នុងហេតុការណ៍បាក់ដំបូលផ្ទះនៅភាគខាងជើងប្រទេសឥណ្ឌា

យោធាកូរ៉េខាងត្បូង បញ្ជាក់ថា កូរ៉េខាងជើង បាញ់គ្រាប់រ៉ូកែតមិនស្គាល់ប្រភេទ

ក្រុមហ៊ូទីអះអាងថា ខ្លួនបានបាញ់មីស៊ីលវាយប្រហារលើនាវាដឹកប្រេងរបស់អារ៉ាប៊ីសាអ៊ូឌីតនៅឈូងសមុទ្រ Aden

លោក Min Aung Hlaing៖ មីយ៉ាន់ម៉ាស្ថិតលើមាគ៌ាឆ្ពោះទៅរកលទ្ធិប្រជាធិបតេយ្យ

មន្ត្រីជាន់ខ្ពស់ការបរទេស៖ ការបង្កើតស្ថានកុងស៊ុលកិត្តិយសស្រីលង្កា គឺជាជំហានថ្មីមួយទៀតក្នុងការពង្រឹងទំនាក់ទំនងរវាងកម្ពុជា និងស្រីលង្កា

ក្រសួងអប់រំ ព្រមានបញ្ចប់ក្របខណ្ឌបុគ្គលដែលធ្វើឱ្យបែកធ្លាយវិញ្ញាសាប្រឡងបាក់ឌុបមុនការប្រកាសលទ្ធផល

ជំនួយស្បៀងអាហាររបស់លោកជំទាវ សុខា គងពិសី គីម រិទ្ធី ត្រូវបានជូនដល់ដៃវីរកងទ័ពសមរភូមិមុខទិសទី១ ប្រាសាទព្រះវិហារ

ឯកឧត្តម ហ៊ុន ម៉ានី៖ «ACCSM មិនត្រឹមតែពង្រឹងកិច្ចសហការវិជ្ជាជីវៈប៉ុណ្ណោះទេ តែជាបេះដូងនៃសាមគ្គីភាពរបស់សហគមន៍អាស៊ាន»

ក្រុមអ្នកស្រាវជ្រាវជាន់ខ្ពស់ចិន ឡាវ និងមីយ៉ាន់ម៉ា ធ្វើទស្សនកិច្ចពិនិត្យជាក់ស្តែងនៅដែនជម្រកសត្វផ្សោតទន្លេមេគង្គ ក្នុងខេត្តក្រចេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កម្ពុជាត្រៀមប្រកួតមិត្តភាពជាមួយសិង្ហបុរីអបអរលីគបាល់ទះពានសម្ដេចតេជោលើកដំបូង

Leipzig បណ្ដេញគ្រូបង្គោល Domenico Tedesco ក្រោយចាញ់ធ្ងន់ករប្រកួតដំបូងនៅ UCL

Frances Tiafoe ឡើងវគ្គពាក់កណ្តាលផ្តាច់ព្រ័ត្រ Grand Slam លើកដំបូងក្នុងអាជីព

Chelsea សំរេចចិត្តដេញអ្នកចាត់ការ Thomas Tuchel ចេញពីតំណែង

Richarlison ស៊ុតពីរគ្រាប់ម្នាក់ឯង ខណៈ Spurs វិលមក UCL វិញជាមួយជ័យជំនះ

Lewandowski ស៊ុតបញ្ចូលទី ៣គ្រាប់ម្នាក់ឯងមុនជួបក្លិបចាស់សប្តាហ៍ក្រោយ

Antoine Griezmann បំបែកកំណត់ត្រារកបានគ្រាប់បាល់នាទីចុងក្រោយបំផុតនៅ UCL

សូហ្វតេន្នីសរំពឹងកីឡាករ-កីឡាការិនីវ័យក្មេងរបស់ខ្លួននឹងរីកចម្រើន ក្រោយបោះជុំរុំនៅកូរ៉េ

Liverpool ចាញ់ធ្ងន់នៅដី Napoli ខណៈ Ajax បំបាក់ Rangers ៤-០

សហព័ន្ធ E-Sports ប្រកាសវិញ្ញាសាផ្លូវការសម្រាប់ការប្រកួតកីឡាស៊ីហ្គេមឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កម្ពុជា​ត្រៀម​ប្រកួត​មិត្តភាព​ជាមួយ​សិង្ហ​បុរី​អបអ​រលីគ​បាល់ទះ​ពាន​សម្ដេច​តេ​ជោ​លើកដំបូង​

Leipzig បណ្ដេញ​គ្រូ​បង្គោល Domenico Tedesco ក្រោយ​ចាញ់​ធ្ងន់​ករ​ប្រកួត​ដំបូង​នៅ UCL

Frances Tiafoe ឡើង​វគ្គ​ពាក់កណ្តាល​ផ្តាច់ព្រ័ត្រ Grand Slam លើកដំបូង​ក្នុង​អាជីព

Chelsea សំរេចចិត្ត​ដេញ​អ្នកចាត់ការ Thomas Tuchel ចេញពី​តំណែង

Richarlison ស៊ុត​ពីរ​គ្រាប់​ម្នាក់ឯង ​ខណៈ Spurs វិល​មក UCL វិញ​ជាមួយ​ជ័យជំនះ​

Lewandowski ស៊ុត​បញ្ចូល​ទី ៣​គ្រាប់​ម្នាក់ឯង​មុន​ជួប​ក្លិប​ចាស់​សប្តាហ៍​ក្រោយ​

Antoine Griezmann បំបែក​កំណត់ត្រា​រក​បាន​គ្រាប់​បាល់​នាទី​ចុង​ក្រោយ​បំផុត​នៅ UCL

សូ​ហ្វ​តេ​ន្នី​ស​រំពឹង​កីឡាករ​-​កីឡាការិនី​វ័យក្មេង​របស់ខ្លួននឹង​រីកចម្រើន ក្រោយ​បោះជុំរុំ​នៅ​កូរ៉េ​

Liverpool ចាញ់​ធ្ងន់​នៅ​ដី Napoli ខណៈ Ajax បំបាក់ Rangers ៤-០

សហព័ន្ធ​ E-Sports ​ប្រកាស​វិញ្ញាសា​ផ្លូវការសម្រាប់​ការប្រកួត​កីឡា​ស៊ី​ហ្គេមឆ្នាំ​២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាត្រៀមប្រកួតមិត្តភាពជាមួយសិង្ហបុរីអបអរលីគបាល់ទះពានសម្ដេចតេជោលើកដំបូង

Leipzig បណ្ដេញគ្រូបង្គោល Domenico Tedesco ក្រោយចាញ់ធ្ងន់ករប្រកួតដំបូងនៅ UCL

Frances Tiafoe ឡើងវគ្គពាក់កណ្តាលផ្តាច់ព្រ័ត្រ Grand Slam លើកដំបូងក្នុងអាជីព

Chelsea សំរេចចិត្តដេញអ្នកចាត់ការ Thomas Tuchel ចេញពីតំណែង

Richarlison ស៊ុតពីរគ្រាប់ម្នាក់ឯង ខណៈ Spurs វិលមក UCL វិញជាមួយជ័យជំនះ

Lewandowski ស៊ុតបញ្ចូលទី ៣គ្រាប់ម្នាក់ឯងមុនជួបក្លិបចាស់សប្តាហ៍ក្រោយ

Antoine Griezmann បំបែកកំណត់ត្រារកបានគ្រាប់បាល់នាទីចុងក្រោយបំផុតនៅ UCL

សូហ្វតេន្នីសរំពឹងកីឡាករ-កីឡាការិនីវ័យក្មេងរបស់ខ្លួននឹងរីកចម្រើន ក្រោយបោះជុំរុំនៅកូរ៉េ

Liverpool ចាញ់ធ្ងន់នៅដី Napoli ខណៈ Ajax បំបាក់ Rangers ៤-០

សហព័ន្ធ E-Sports ប្រកាសវិញ្ញាសាផ្លូវការសម្រាប់ការប្រកួតកីឡាស៊ីហ្គេមឆ្នាំ២០២៣