BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

ការតាក់តែងច្បាប់គ្រប់គ្រងអនុវិស័យអប់រំកាយ និងកីឡាបានបញ្ចប់ក្រោយចាយពេល ៣ឆ្នាំ

ភ្នំពេញ៖ ឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡាបានបញ្ជាក់ថា ការរៀបចំតាក់តែងសេចក្ដីព្រាងច្បាប់ស្ដីពីការគ្រប់គ្រងអនុវិស័យអប់រំកាយ និងកីឡាបានបញ្ចប់ហើយ និងបានសម្រេចលទ្ធផលមួយជំហានធំផងដែរបន្ទាប់ពីចំណាយពេលរៀបចំ ៣ឆ្នាំកន្លងមក។ ការលើកឡើងនេះបន្ទាប់ពីក្រសួងអប់រំ យុវជន និងកីឡាបានរៀបចំពិធីផ្ដល់ប័ណ្ណសរសើរ និងលើកទឹកចិត្តដល់ថ្នាក់ដឹកនាំ សមាជិកគណៈកម្មការ និងអនុគណៈកម្មការរៀបចំតាក់តែងសេចក្ដីព្រាងច្បាប់ ស្ដីពីការគ្រប់គ្រងអនុវិស័យអប់រំកាយ និងកីឡាកាលពីថ្ងៃទី០៦ ខែកញ្ញា ឆ្នាំ២០២២ នៅសាលប្រជុំមជ្ឈមណ្ឌលជាតិហ្វឹកហ្វឺនកីឡា។ ក្នុងនាមក្រសួងអប់រំ ឯកឧត្តម ប៊ូ ជុំសេរី បានសម្ដែងការកោតសរសើរ និងវាយតម្លៃខ្ពស់ចំពោះមន្ត្រីពាក់ព័ន្ធទាំងអស់ ដែលបានខិតខំប្រឹងប្រែងឲ្យសម្រេចបាននូវសមិទ្ធផល នៃការតាក់តែងសេចក្ដីព្រាងច្បាប់នេះ បន្ទាប់ពីដំណើរការការតស៊ូមតិ ប្រមូលធាតុចូល ក្នុងកិច្ចប្រជុំ និងសិក្ខាសាលាជាច្រើនលើកក្នុងរយៈពេល ៣ឆ្នាំកន្លងមក។ ឯកឧត្តមបន្ថែមថា សេចក្តីព្រាងច្បាប់ស្តីពីការគ្រប់គ្រងអនុវិស័យអប់រំកាយ និងកីឡានឹងត្រូវបន្តឆ្លងជាច្រើនដំណាក់កាលទៀតនៅគណៈរដ្ឋមន្ត្រី មុនពេលសម្រេច និងបញ្ជូនទៅសភាជាតិ។ បន្ទាប់ពីប្រកាសឲ្យប្រើប្រាស់ជាផ្លូវការ ច្បាប់ស្តីពីការគ្រប់គ្រងអនុវិស័យអប់រំកាយ និងកីឡានេះនឹងក្លាយជាប្រទីបបំភ្លឺផ្លូវសម្រាប់វិស័យអប់រំកាយ និងកីឡាកម្ពុជាឲ្យកាន់តែរីកចម្រើនបន្ថែមទៀត។គួរដឹងថា គណៈកម្មការសិក្សាស្រាវជ្រាវតាក់តែងច្បាប់អនុគ្រប់គ្រងវិស័យអប់រំកាយ និងកីឡា ព្រមទាំងភាគីពាក់ព័ន្ធទាំងអស់ ដែលបានដឹកនាំ និងចូលរួមអង្គប្រជុំប្រមាណ ១២៦លើក ជុំវិញការប្រមូលធាតុចូលក្នុងការរៀបចំតាក់តែងច្បាប់កីឡានេះ ដោយចាប់តាំងពីខែកុម្ភៈ ឆ្នាំ២០១៩ រហូតដល់ដើមឆ្នាំ២០២២។ នេះជាភាពជោគជ័យមួយជំហាន ស្របតាមផែនការរបស់ក្រសួងអប់រំ យុវជន និងកីឡា។ សេចក្តីព្រាងច្បាប់នេះនឹងជាមូលដ្ឋានគ្រឹះសម្រាប់អត្តពលិកជំនាន់ក្រោយ ក្នុងការស្រាវជ្រាវ ការងារគ្រប់គ្រងអង្គការកីឡា ការគ្រប់គ្រងសកម្មភាពហាត់ប្រាណ និងលេងកីឡានៅតាមគ្រឹះស្ថានសិក្សា ការគ្រប់គ្រងសកម្មភាពហាត់ប្រាណ និងលេងកីឡា ការគ្រប់គ្រងការរៀបចំការប្រកួត និងព្រឹត្តិការណ៍កីឡា ការគ្រប់គ្រងកីឡាករកម្រិតខ្ពស់ ការបណ្ដុះបណ្ដាលធនធានមនុស្ស ការគ្រប់គ្រងហិរញ្ញវត្ថុកីឡា ក្រមសីលធ៌មកីឡា ការដោះស្រាយវិវាទកីឡា និងការងារពាក់ព័ន្ធនានាក្នុងវិស័យកីឡារបស់ជាតិយើងជាដើម៕អត្ថបទ៖ លី ឈុនឡា

BTV នឹងផ្សាយផ្ទាល់ជំនួបមិត្តភាពអន្ដរជាតិរបស់ក្រុមជម្រើសជាតិ និង U23 កម្ពុជានាចុងខែនេះ

បាល់ទាត់៖ ស្ថានីយទូរទស្សន៍ BTV-News បានទទួលសិទ្ធិជាដៃគូផ្សាយផ្ទាល់ការប្រកួតមិត្តភាពអន្តរជាតិចំនួន ២ប្រកួតរបស់ក្រុមជម្រើសជាតិកម្ពុជា និងក្រុមជម្រើសជាតិយុវជនអាយុក្រោម ២៣ឆ្នាំកម្ពុជានាចុងខែកញ្ញា ឆ្នាំ២០២២ នេះ។ សម្រាប់ក្រុមជម្រើសជាតិ U23 កម្ពុជានឹងត្រូវជួបក្រុមជម្រើសជាតិ U23 ជប៉ុននាថ្ងៃទី២០ ខែកញ្ញា ខណៈក្រុមជម្រើសជាតិកម្ពុជានឹងត្រូវប្រកួតមិត្តភាពអន្ដរជាតិ ជាមួយក្រុមជម្រើសជាតិបង់ក្លាដែសនាថ្ងៃទី២២ ខែកញ្ញានៅក្នុងវិមានកីឡដ្ឋាននៃពហុកីឡដ្ឋានជាតិមរតកតេជោតែមួយគត់។ គួរដឹងថា ក្រុមជម្រើសជាតិរបស់កម្ពុជាទាំង ២ក្រុមក្រោមការដឹកនាំរបស់អ្នកចាត់ការទូទៅលោក Keisuke Honda បានបង្ហាញបញ្ជីឈ្មោះបឋមដែលត្រូវធ្វើតេស្ដកាយសម្បទារួចហើយ ដោយក្រុមធំនៃក្រុមគោព្រៃកម្ពុជាគឺបានកោះហៅកីឡាករ ៤៣នាក់មកធ្វើតេស្ដ ខណៈក្រុមជម្រើសជាតិ U23 កម្ពុជាបានកោះហៅកីឡាករ ៣៥នាក់មកធ្វើតេស្ដនាថ្ងៃទី១៣ ខែកញ្ញា ដើម្បីចម្រាញ់កីឡាករចុងក្រោយត្រៀមការប្រកួតមិត្តភាពអន្ដរជាតិនាពេលខាងមុខ៕អត្ថបទ៖ លី ឈុនឡា

ការប្រកួតជំរុះ AFC U20 ជើងឯកអាស៊ីពូល H ត្រូវលើកចេញពីប្រទេសអ៊ីរ៉ាក់ដោយសារបញ្ហាសន្តិសុខ

បាល់ទាត់៖ ការប្រកួតជំរុះជើងឯកអាស៊ីអាយុក្រោម ២០ឆ្នាំ AFC U20 Asian Cup នៅក្នុងពូល H ដែលគ្រោងធ្វើនៅទីក្រុង Basra ប្រទេសអ៊ីរ៉ាក់នោះត្រូវបានផ្លាស់ប្តូរចេញហើយដោយសារបញ្ហាសន្តិសុខក្នុងប្រទេស នេះបើតាមការបញ្ជាក់របស់សហព័ន្ធបាល់ទាត់ទ្វីបអាស៊ី AFC។ ការប្រកួតជំរុះនៅក្នុងពូល H រួមមានវត្តមានរបស់អ៊ីរ៉ាក់ និងគុយវ៉ែត ឥណ្ឌា និងអូស្ត្រាលី តែនៅពេលនេះអូស្ត្រាលីបានដកខ្លួនដោយសារបារម្ភពីបញ្ហាសុវត្ថិភាព ខណៈការប្រកួតគ្រោងធ្វើឡើងនៅក្នុងខែនេះ។ មួយរយៈចុងក្រោយនេះ ទីក្រុង Basra ការប៉ះទង្គិចគ្នាក្នុងចំណោមគូប្រជែងរបស់ពួកសកម្មប្រយុទ្ធមូស្លីម Shi'ite នៅ Basra បានសម្លាប់មនុស្សយ៉ាងហោចណាស់ ៤នាក់កាលពីសប្តាហ៍មុន ខណៈដែលអំពើហិង្សាដែលបណ្តាលមកពីវិបត្តិនយោបាយកាន់តែអាក្រក់ បានវាយប្រហារភាគខាងត្បូងនៃប្រទេស។ អ៊ីរ៉ាក់គឺជាប្រទេសមួយក្នុងចំណោមប្រទេសចំនួន ១៩ ដែលរដ្ឋាភិបាលអូស្ត្រាលីណែនាំពលរដ្ឋរបស់ខ្លួនឱ្យជៀសវាង។ ពានរង្វាន់ AFC Asian Cup អាយុក្រោម ២០ឆ្នាំធ្វើឡើងនៅប្រទេសអ៊ូសបេគីស្ថានក្នុងឆ្នាំ២០២៣៕អត្ថបទ៖នាង សុភាវុធ

Reece James បន្តកិច្ចសន្យាជាមួយ Chelsea ដល់ឆ្នាំ២០២៨

បាល់ទាត់៖ ខ្សែការពារស្លាបស្តាំអង់គ្លេស Reece James បានប្តេជ្ញាចិត្តនៅជាមួយក្លិបតោខៀវ Chelsea រយៈពេលយូរអង្វែងបន្តទៀត ក្រោយចុះហត្ថលេខាលើកិច្ចសន្យាថ្មីដែលនឹងរក្សារូបគេនៅ Stamford Bridge ដល់ឆ្នាំ២០២៨។ កីឡាករដែលចេញពីយុវជនថ្នាល Chelsea រូបនេះទើបតែចុះកិច្ចសន្យាថ្មីកាលពីខែមករា ឆ្នាំ២០២០ ដែលមានសុពលភាពដល់ឆ្នាំ២០២៥ ខណៈកិច្ចសន្យាថ្មីនេះមានរួមបញ្ចូលការតម្លើងប្រាក់ឈ្នួល និងលក្ខខណ្ឌផ្សេងៗទៀត។ កីឡាករវ័យ ២២ឆ្នាំរូបនេះបានបង្ហាញខ្លួនសរុបឱ្យក្រុមតោខៀវ Chelsea ១២៨ប្រកួតតាំងពីឡើងមកកាន់ក្រុមធំកាលពីខែកញ្ញា ឆ្នាំ២០១៩ ក្នុងវ័យ ១៩ឆ្នាំនៅពេលនោះ។ Reece James គឺជាសមាជិកសំខាន់របស់ Chelsea ដែលឈ្នះជើងឯក UEFA Champions League កាលពីរដូវកាល ២០២០-២០២១ ដែល Chelsea យកឈ្នះ Manchester City ១-០៕អត្ថបទ៖នាង សុភាវុធ

MotoGP ចុះកិច្ចព្រមព្រៀងប្រណាំងនៅលើទឹកដីអារ៉ាប៊ីសាអ៊ូឌីត

ប្រណាំងម៉ូតូ៖ ព្រឹត្តិការណ៍ប្រណាំង MotoGP ពិភពលោកនឹងមានវត្តមាននៅលើទឹកដីអារ៉ាប៊ីសាអ៊ូឌីតនាពេលអនាគត បន្ទាប់ពីភាគីអារ៉ាប៊ីសាអ៊ូឌីត និង MotoGP បានចុះអនុស្សរណៈយោគយល់គ្នាកាលពីថ្ងៃចន្ទ។ នៅក្នុង MOU នោះបានបញ្ជាក់ថា ព្រឹត្តិការណ៍ Saudi Arabian MotoGP នឹងមានវត្តមានភ្លាមនៅពេលទីលានថ្មីសាងសង់រួច ដែលមិនទាន់អាចកំណត់បានថានៅឆ្នាំណា។ ព្រឹត្តិការណ៍ MotoGP មានវត្តមាននៅលើទឹកដីមជ្ឈិមបូព៌ាតាំងពីឆ្នាំ២០០៤ ដែលដំបូងគេប្រទេសកាតាដែលជាការប្រណាំងនៅពេលយប់។ MotoGP បានបញ្ជាក់ដែរថា នៅក្នុង MOU នោះក៏មានគម្រោងអភិវឌ្ឍយុវជនលើវិស័យកីឡាប្រណាំងម៉ូតូ នៅក្នុងប្រទេសអារ៉ាប៊ីសាអ៊ូឌីតផងដែរ។ សូមបញ្ជាក់ថា អារ៉ាប៊ីសាអ៊ូឌីតកាលពីខែធ្នូកន្លងទៅក៏បានរៀបចំព្រឹត្តិការណ៍ប្រណាំង F1 ពិភពលោកផងដែរ ក្រោយចុះកិច្ចព្រមព្រៀងរយៈពេល ១៥ឆ្នាំជាមួយ F1 ហើយប្រទេសនេះក៏ស្ថិតក្នុងកាលវិភាគប្រកួត Dakar Rally ក៏ដូចជាការប្រកួតរថយន្តអគ្គិសនី Formula E ពិភពលោកផងដែរ៕អត្ថបទ៖នាង សុភាវុធ

Sabalenka និង Pliskova ឡើងវគ្គ ៨នាក់ចុងក្រោយ US Open

វាយកូនបាល់៖ កីឡាការិនីវាយកូនបាល់ឆែក Karolina Pliskova បានបន្តដំណើរឡើងវគ្គ ៨នាក់ចុងក្រោយហើយនៃព្រឹត្តិការណ៍ Grand Slam, US Open ក្រោយយកឈ្នះកីឡាការិនីបេឡារុស Victoria Azarenka។ កីឡាករលំដាប់លេខ២២ រូបនេះបានយកឈ្នះសិតដំបូង ៧-៥ មុនពេល Azarenka តបបានមួយសិតវិញ ៧-៦(៧-៥)។ ការប្រកួតដែលចំណាយពេលដល់ទៅជាង ៣ម៉ោង Pliskova បានយកឈ្នះសិតចុងក្រោយ ៦-២។ ជើងឯកឆ្នាំ២០១៦ Karolina Pliskova នឹងបន្តជួបជាមួយកីឡាការិនីបេឡារុស Aryna Sabalenka នៅវគ្គ ៨នាក់ចុងក្រោយ។ កីឡាការិនីលំដាប់លេខ៦ Aryna Sabalenka បានកក់កៅអីនៅវគ្គ ៨នាក់ចុងក្រោយបន្ទាប់ពីយកឈ្នះកីឡាការិនីអាមេរិក Danielle Collins។ Danielle Collins បានយកឈ្នះសិតដំបូង ៦-៣ តែ Sabalenka បានវាយបកយកឈ្នះ ២សិតផ្ទួន ៦-៤ និង ៦-០។ងាកមកកីឡាការិនីលំដាប់លេខ ១ ពិភពលោក Iga Swiatek ក៏បន្តដំណើរឡើងវគ្គ ៨នាក់ចុងក្រោយដែរ តែត្រូវវាយបកពីក្រោយទំរាំយកឈ្នះកីឡាការិនីលំដាប់លេខ ១០៨ ពិភពលោក Jule Niemeier។ នេះជាលើកដំបូងដែល Iga Swiatek ឡើងវគ្គ ៨នាក់ចុងក្រោយ US Open ដោយនឹងត្រូវជួបជាមួយកីឡាការិនីអាមេរិក Jessica Pegula៕អត្ថបទ៖នាង សុភាវុធ

Rafael Nadal ចាញ់ការប្រកួតនៅ Grand Slam លើកដំបូងក្នុងឆ្នាំ២០២២

វាយកូនបាល់៖ កីឡាករវាយកូនបាល់អេស្ប៉ាញ Rafael Nadal បានរងបរាជ័យក្នុងព្រឹត្តិការណ៍ Grand Slam ជាលើកដំបូងក្នុងឆ្នាំ២០២២ នេះបន្ទាប់ពីចាញ់កីឡាករអាមេរិក Frances Tiafoe នៅជុំទី៤ Grand Slam, US Open។ កីឡាករអាមេរិក Frances Tiafoe បានធ្វើឱ្យអ្នកគាំទ្រម្ចាស់ផ្ទះអាមេរិកហ៊ោកញ្ជ្រៀវតាមរយៈជ័យជំនះ ៦-៤, ៤-៦, ៦-៤ និង ៦-៣ លើជើងឯក ៤សម័យ Rafael Nadal។ បរាជ័យនេះក៏បានបញ្ចប់ការប៉ុនប៉ងរបស់ Rafael Nadal ដែលចង់ឈ្នះជើងឯក Grand Slam ២៣លើក។ ក្រោយចប់ការប្រកួតកីឡាករវ័យ ៣៦ឆ្នាំរូបនេះមិនទាន់ច្បាស់ថានឹងវិលមកទីលានវិញពេលណានៅឡើយ។ Rafael Nadal មានកាលវិភាគប្រកួតពានរង្វាន់ Laver Cup នៅចុងខែកញ្ញានេះដោយនឹងចាប់ដៃគូជាមួយ Roger Federer, Novak Djokovic និង Andy Murray។ ចំណែកឯអ្នកឈ្នះ Frances Tiafoe នឹងត្រូវបន្តជួបជាមួយកីឡាកររុស្ស៊ីលំដាប់លេខ៩ Andrey Rublev នៅវគ្គ ៨នាក់ចុងក្រោយ។ Andrey Rublev បានយកឈ្នះកីឡាករលំដាប់កំពូលរបស់អង់គ្លេស Cameron Norrie ៦-៤, ៦-៤ និង ៦-៤៕អត្ថបទ៖នាង សុភាវុធ

Pogba វះកាត់ជង្គង់ជាថ្មី មិនទាន់ប្រាកដថាជួយក្រុមបារាំងបានរឺអត់នៅ World Cup

បាល់ទាត់៖ ខ្សែបម្រើ Juventus, Paul Pogba មិនទាន់ប្រាកដថាអាចជួយក្រុមជំរើសជាតិបារាំងបាន រឺអត់នៅឡើយទេនៅ World Cup 2022 នៅកាតាចុងឆ្នាំនេះបន្ទាប់ពីទទួលការវះកាត់ជង្គង់។ កីឡាករវ័យ ២៩ឆ្នាំរូបនេះមានរបួសជង្គង់អំឡុងការហ្វឹកហាត់កាលពីខែកក្កដា និងមិនទាន់បានចូលលេងមួយប្រកួតណាឡើយជាមួយ Juventus។ ប្រកួតដំបូងរបស់ក្រុមបារាំងនៅ World Cup គឺជួបអូស្ត្រាលីនៅថ្ងៃទី២២ ខែវិច្ឆកា។ អ្នកចាត់ការ Juventus លោក Massimiliano Allegri បានឱ្យដឹងថា Pogba បានចូលហ្វឹកហាត់ជាមួយក្រុមម្សិលមិញក្រោយមកក៏ផ្អាកទៀត មុនពេលសំរេចចិត្តឱ្យគាត់វះកាត់ជង្គង់ ហើយបើនិយាយពីការជាសះស្បើយ ១០០% អាននិយាយបានថានៅខែមករា។ រំលឹកថា Paul Pogba ទើបផ្លាស់ត្រលប់មកកាន់សេះបង្កង់ Juventus វិញក្រោយចាកចេញពី Manchester United ក្រោយចប់រដូវកាលមុន។ លីគបាល់ទាត់អ៊ីតាលីនឹងឈប់សម្រាកត្រឹមថ្ងៃទី១៣ ខែវិច្ឆិកាដើម្បីឱ្យក្រុមជំរើសជាតិប្រមូលផ្តុំត្រៀម World Cup ហើយនឹងចាប់ផ្តើមប្រកួតលីគបន្តនៅខែមករា៕អត្ថបទ៖នាង សុភាវុធ

អ្នកគាំទ្រ Olympiakos ២ម៉ឺននាក់ស្វាគមន៍វត្តមានអតីតខ្សែការពារ Real Madrid, Marcelo

បាល់ទាត់៖ អ្នកគាំទ្រប្រហែល ២ម៉ឺននាក់បានទទួលស្វាគមន៍តារាបាល់ទាត់ប្រេស៊ីល Marcelo ដែលផ្លាស់មកកាន់ក្លិបក្រិក Olympiakos ក្រោយចាកចេញពី Real Madrid។ អ្នកគាំទ្របានស្រែកច្រៀង និងដុតភ្លើងកាំជ្រួច ខណៈកីឡាករចំណូលថ្មីរូបនេះធ្វើដំណើរទៅកាន់ទីលានកីឡដ្ឋាន Georgios Karaiskakis។ Marcelo អមជាមួយភរិយា និងកូនប្រុស ២នាក់របស់ខ្លួនបានមកដល់អាកាសយានដ្ឋានអន្តរជាតិទីក្រុងអាតែន នៅពេលរសៀលដោយយន្តហោះឯកជន ហើយត្រូវបានអមដំណើរទៅកាន់កីឡដ្ឋានដោយនាយកកីឡាក្លឹប Olympiakos លោក Christian Karembeu។ Marcelo បានដើរចូលទីលានដោយពាក់អាវលេខ ១២ ដូចអាវដែលពាក់នៅ Real Madrid រយៈពេល ១៦រដូវកាលកន្លងមក។ ខ្សែការពារឆ្វេងរូបនេះបានចុះហត្ថលេខាកាលពីថ្ងៃសៅរ៍ ហើយលក្ខខណ្ឌនៃកិច្ចសន្យាមិនត្រូវបានប្រកាសទេ។ គេហទំព័រកីឡាក្រិកបានរាយការណ៍ថា កិច្ចសន្យានេះគឺសម្រាប់មួយឆ្នាំអមជាមួយលក្ខខណ្ឌបន្តបន្ថែមមួយឆ្នាំទៀត។Marcelo វ័យ 34ឆ្នាំបានបង្ហាញខ្លួន 58ប្រកួតឱ្យប្រេស៊ីលពីឆ្នាំ២០០៦-២០១៨ រួមទាំងការប្រកួតបាល់ទាត់ពិភពលោកឆ្នាំ២០១៤ និង ២០១៨។ Olympiakos គឺជាជើងឯកលីគកំពូលក្រិក Superleague បីរដូវកាលចុងក្រោយ ខណៈរដូវកាលនេះកំពុងស្វែងរកជើងឯកលើកទី៤៨ ក្នុងប្រវត្តិសាស្ត្រ៕អត្ថបទ៖នាង សុភាវុធ

ពហុកីឡដ្ឋានខេត្តកំពង់ស្ពឺ ត្រូវបានសម្ពោធដាក់ឲ្យប្រើប្រាស់ជាផ្លូវការហើយនៅព្រឹកនេះ

ពហុកីឡដ្ឋានខេត្តកំពង់ស្ពឺ នៅភូមិតាម៉ុល សង្កាត់ច្បារមន ក្រុងច្បារមន បានសម្ពោធដាក់ឲ្យប្រើប្រាស់ជាផ្លូវការហើយ នៅព្រឹកថ្ងៃទី០៦ ខែកញ្ញានេះ ក្រោមអធិបតីភាពឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

បណ្ដាញសង្គម

ព័ត៌មានថ្មីៗ

រោងចក្រកាត់ដេរសម្លៀកបំពាកអាហ្វ្រិកខាងត្បូងជួបការលំបាក ក្រោយកម្មករចំណាកស្រុករត់ភៀសខ្លួន

របាយការណ៍៖ លំហូរព័ត៌មានសម្ងាត់របស់អាមេរិក ទៅអ៊ុយក្រែន មានសន្ទុះឡើងវិញ

ក្រសួងការពារជាតិជប៉ុន៖ គ្មានការខូចខាតត្រូវបានរាយការណ៍នោះទេ ក្រោយការបាញ់មីស៊ីលរបស់កូរ៉េខាងជើង

អនុប្រធានាធិបតីអាមេរិកថា អ៊ីរ៉ង់ជាមនុស្សសែនពិបាកនិយាយគ្នា ហើយកិច្ចព្រមព្រៀងត្រូវការចំណាយពេលទៀត

លីទុយអានី៖ រុស្ស៊ីអាចប្រើប្រាស់យានដ្រូនរបស់អ៊ុយក្រែន ប្រឆាំងនឹងតំបន់បាល់ទិក

ការផ្អាកជំនួយ ក្រោយការវាយប្រហារ ពន្យឺតដល់ការឆ្លើយតបជំងឺអេបូឡានៅភាគខាងកើតកុងហ្គោ

ប្រភព៖ ការប្រកាសពីកិច្ចព្រមព្រៀងបើកច្រកសមុទ្រ Hormuz ៦០ថ្ងៃ រវាងអ៊ីរ៉ង់ និងអូម៉ង់ ជិតកើតឡើងហើយ

ឯកឧត្តម ហ៊ុន ម៉ានី បង្ហាញលទ្ធផលកិច្ចប្រជុំរដ្ឋមន្ត្រីមុខងារសាធារណៈអាស៊ាន និងការអនុម័តឯកសារចំនួន៤

កម្ពុជា និងបែលហ្ស៊ិក ពង្រឹងកិច្ចសហប្រតិបត្តិការទ្វេភាគីលើវិស័យជាច្រើន

ប៉ាគីស្ថានរំពឹងថា កិច្ចព្រមព្រៀងច្រកសមុទ្រ Hormuz នឹងនាំទៅរកការចាប់ផ្ដើមកិច្ចចរចាអ៊ីរ៉ង់-អាមេរិកឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ការតាក់តែងច្បាប់គ្រប់គ្រងអនុវិស័យអប់រំកាយ និងកីឡាបានបញ្ចប់ក្រោយចាយពេល ៣ឆ្នាំ

BTV នឹងផ្សាយផ្ទាល់ជំនួបមិត្តភាពអន្ដរជាតិរបស់ក្រុមជម្រើសជាតិ និង U23 កម្ពុជានាចុងខែនេះ

ការប្រកួតជំរុះ AFC U20 ជើងឯកអាស៊ីពូល H ត្រូវលើកចេញពីប្រទេសអ៊ីរ៉ាក់ដោយសារបញ្ហាសន្តិសុខ

Reece James បន្តកិច្ចសន្យាជាមួយ Chelsea ដល់ឆ្នាំ២០២៨

MotoGP ចុះកិច្ចព្រមព្រៀងប្រណាំងនៅលើទឹកដីអារ៉ាប៊ីសាអ៊ូឌីត

Sabalenka និង Pliskova ឡើងវគ្គ ៨នាក់ចុងក្រោយ US Open

Rafael Nadal ចាញ់ការប្រកួតនៅ Grand Slam លើកដំបូងក្នុងឆ្នាំ២០២២

Pogba វះកាត់ជង្គង់ជាថ្មី មិនទាន់ប្រាកដថាជួយក្រុមបារាំងបានរឺអត់នៅ World Cup

អ្នកគាំទ្រ Olympiakos ២ម៉ឺននាក់ស្វាគមន៍វត្តមានអតីតខ្សែការពារ Real Madrid, Marcelo

ពហុកីឡដ្ឋានខេត្តកំពង់ស្ពឺ ត្រូវបានសម្ពោធដាក់ឲ្យប្រើប្រាស់ជាផ្លូវការហើយនៅព្រឹកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ការ​តាក់តែង​ច្បាប់​គ្រប់គ្រង​អនុ​វិស័យ​អប់រំ​កាយ និង​កីឡា​បាន​បញ្ចប់ក្រោយ​ចាយ​ពេល ៣​ឆ្នាំ​

BTV ​នឹង​ផ្សាយ​ផ្ទាល់​ជំនួប​មិត្តភាព​អន្ដរជាតិ​របស់​ក្រុម​ជម្រើសជាតិ និង​ U23 ​កម្ពុជានា​ចុងខែ​នេះ

ការប្រកួត​ជំ​រុះ AFC U20 ជើងឯក​អាស៊ី​ពូ​ល H ត្រូវ​លើក​ចេញពី​ប្រទេស​អ៊ីរ៉ាក់​ដោយសារ​បញ្ហា​សន្តិសុខ​

Reece James បន្ត​កិច្ចសន្យា​ជាមួយ Chelsea ដល់​ឆ្នាំ២០២៨

MotoGP ចុះ​កិច្ចព្រមព្រៀង​ប្រណាំង​នៅ​លើ​ទឹកដី​អារ៉ាប៊ីសាអ៊ូឌីត​

Sabalenka និង Pliskova ឡើង​វគ្គ ៨​នាក់​ចុងក្រោយ US Open

Rafael Nadal ចាញ់​ការប្រកួត​នៅ Grand Slam លើកដំបូង​ក្នុង​ឆ្នាំ​២០២២

Pogba វះកាត់​ជង្គង់​ជាថ្មី មិនទាន់​ប្រាកដ​ថា​ជួយ​ក្រុម​បារាំង​បាន​រឺ​អត់​នៅ World Cup

អ្នកគាំទ្រ Olympiakos ២​ម៉ឺន​នាក់​ស្វាគមន៍​វត្តមាន​អតីត​ខ្សែ​ការពារ Real Madrid, Marcelo

ពហុកីឡដ្ឋានខេត្តកំពង់ស្ពឺ ត្រូវបានសម្ពោធដាក់ឲ្យប្រើប្រាស់ជាផ្លូវការហើយនៅព្រឹកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការតាក់តែងច្បាប់គ្រប់គ្រងអនុវិស័យអប់រំកាយ និងកីឡាបានបញ្ចប់ក្រោយចាយពេល ៣ឆ្នាំ

BTV នឹងផ្សាយផ្ទាល់ជំនួបមិត្តភាពអន្ដរជាតិរបស់ក្រុមជម្រើសជាតិ និង U23 កម្ពុជានាចុងខែនេះ

ការប្រកួតជំរុះ AFC U20 ជើងឯកអាស៊ីពូល H ត្រូវលើកចេញពីប្រទេសអ៊ីរ៉ាក់ដោយសារបញ្ហាសន្តិសុខ

Reece James បន្តកិច្ចសន្យាជាមួយ Chelsea ដល់ឆ្នាំ២០២៨

MotoGP ចុះកិច្ចព្រមព្រៀងប្រណាំងនៅលើទឹកដីអារ៉ាប៊ីសាអ៊ូឌីត

Sabalenka និង Pliskova ឡើងវគ្គ ៨នាក់ចុងក្រោយ US Open

Rafael Nadal ចាញ់ការប្រកួតនៅ Grand Slam លើកដំបូងក្នុងឆ្នាំ២០២២

Pogba វះកាត់ជង្គង់ជាថ្មី មិនទាន់ប្រាកដថាជួយក្រុមបារាំងបានរឺអត់នៅ World Cup

អ្នកគាំទ្រ Olympiakos ២ម៉ឺននាក់ស្វាគមន៍វត្តមានអតីតខ្សែការពារ Real Madrid, Marcelo