BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

Francesco Bagnaia ក្លាយជាកីឡាករប្រណាំងម៉ូតូរបស់ក្រុម Ducati ទីមួយឈ្នះ ៤ទីលានជាប់គ្នា

ប្រណាំងម៉ូតូ៖ កីឡាករអ៊ីតាលី Francesco Bagnaia បានក្លាយជាកីឡាកររបស់ក្រុម Ducati ទីមួយដែលឈ្នះការប្រណាំងម៉ូតូ GP បួនទីលានជាប់គ្នា បន្ទាប់ពីឈ្នះការប្រកួតនៅទីលាន San Marino ចុងសប្តាហ៍កន្លងទៅ។ កីឡាករអ៊ីតាលីរូបនេះចាប់ផ្តើមការប្រកួតនៅលំដាប់ទី៣ ពេលចេញដំណើរបន្ទាប់ពីទទួលការពិន័យ តែមិនថ្វីទេ Francesco Bagnaia បានប្រជែងគ្នាយ៉ាងស្វិតស្វាញនៅជុំចុងក្រោយនៅពេលវ៉ាជែងមិត្តរួមជាតិ Enea Bastianini ខណៈលេខ៣ បានទៅកីឡាករអេស្ប៉ាញ Maverick Vinales។ ជ័យជំនះនេះធ្វើឱ្យ Francesco Bagnaia ឡើងមកលេខ២ ក្នុងតារាងជើងឯកពិភពលោក តាមពីក្រោយអ្នកនាំមុខគេកីឡាករបារាំង Fabio Quartararo ត្រឹម ៣០ពិន្ទុប៉ុណ្ណោះ បន្ទាប់ពីកីឡាកររបស់ក្រុម Yamaha រូបនេះបានលេខ៥ នៅ San Marino នេះ។ ម៉ូតូ GP ជុំបន្តនឹងត្រូវធ្វើឡើងនៅទីលាន Aragon ប្រទេសអេស្ប៉ាញថ្ងៃទី១៨ ខែកញ្ញានេះដែលជាទីលានទី១៥ ក្នុងចំណោម ២០ទីលានរដូវកាលនេះ៕អត្ថបទ៖នាង សុភាវុធ

Max Verstappen ឈ្នះការប្រកួត F1 ក្នុងប្រទេសកំណើតពន្លាតពិន្ទុនាំមុខក្នុងតារាងជើងឯក

ប្រណាំងរថយន្ត៖ កីឡាករប្រណាំង F1 ហូឡង់ Max Verstappen បានបន្តដំណើរស្វែងរកជើងឯកពិភពលោកលើកទី២ របស់ខ្លួនបន្ទាប់ពីជ័យជំនះនៅលើទឹកដីកំណើត Dutch F1 Grand Prix ដើម្បីពន្លាតពិន្ទុនាំមុខក្នុងតារាងជើងឯកពិភពលោក។ កីឡាកររបស់ក្រុមប្រណាំង Red Bull រូបនេះបានវ៉ាជែងជើងឯក ៧សម័យ Lewis Hamilton បន្ទាប់ពីការប្រកួតដែលត្រូវនាំមុខដោយរថយន្តសុវត្ថិភាព Safety Car។ Max Verstappen បានបន្តការនាំមុខរហូតដល់ទីព្រ័ត្រ ខណៈ Lewis Hamilton បានបាត់បង់តំណែងលេខ១ និងធ្លាក់ដល់លេខ៤ បន្ទាប់ពីមិត្តរួមក្រុម George Russell និងកីឡាកររបស់ Ferrari, Charles Leclerc វ៉ាជែងនៅពេលជិតចប់ការប្រកួត។ជ័យជំនះនេះធ្វើឱ្យ Max Verstappen ពន្លាតពិន្ទុនាំមុខក្នុងតារាងជើងឯកពិភពលោកដោយមានពិន្ទុសរុប ៣១០ពិន្ទុដាច់អ្នកលេខ២ Charles Leclerc និង Sergio Perez ១០៩ពិន្ទុដូចគ្នា។ នៅសល់តែ ៧ទីលានទៀតប៉ុណ្ណោះ Formula One រដូវកាល ២០២២ នឹងបញ្ចប់ ខណៈទីលានបន្ទាប់គឺបន្តដំណើរនៅក្នុងទឹកដីអឺរ៉ុបដដែល ចុងសប្តាហ៍នេះនៅទីលាន Monza ប្រទេសអ៊ីតាលីដែលជាទឹកដីរបស់ក្រុមប្រណាំង Ferrari៕អត្ថបទ៖នាង សុភាវុធ

Coco Gauff ឡើងវគ្គ ៨នាក់ចុងក្រោយ US Open លើកដំបូងក្នុងអាជីព

វាយកូនបាល់៖ កីឡាការិនីអាមេរិក Coco Gauff បានឈានឡើងវគ្គ ៨នាក់ចុងក្រោយ Grand Slam, US Open ជាលើកដំបូងក្នុងអាជីពក្រោយយកឈ្នះកីឡាការិនីចិន Zhang Shuai។ កីឡាការិនីអាមេរិកលំដាប់លេខ ១២ រូបនេះបានយកឈ្នះដោយលទ្ធផល ៧-៥ និង ៧-៥ លើ Zhang Shuai ដើម្បីបន្តដំណើរជួបជាមួយកីឡាការិនី Caroline Garcia នៅវគ្គ ៨នាក់ចុងក្រោយ។ Coco Gauff ដែលគេស្គាល់ថាជា Serena Williams តូចនោះមិនទាន់ចាញ់មួយសិតឡើយនៅ US Open ឆ្នាំនេះ តែនិមិត្តរូបរបស់នាងគឺកីឡាការិនី Serena Williams ដែលជាជើងឯក Grand Slam ២៣លើកនោះបានធ្លាក់ចេញពីការប្រកួតហើយក្រោយចាញ់កីឡាការិនីអូស្ត្រាលី Ajla Tomljanovic កាលពីព្រឹកថ្ងៃសៅរ៍។ Serena Williams ដែលនឹងឈានចូលវ័យ ៤១ឆ្នាំនៅខែក្រោយនោះបានលាអ្នកគាំទ្ររបស់នាងទាំងទឹកភ្នែក ក្រោយបញ្ចប់បេសកកម្មនៅ US Open និងជាព្រឹត្តិការណ៍ចុងក្រោយនៃអាជីពវាយកូនបាល់របស់ខ្លួន។ងាកមកដល់លទ្ធផលផ្សេងទៀតផ្នែកនារីនេះដែរ កីឡាការិនីអេស្ប៉ាញ Caroline Garcia បានបន្តស្ថិតិមិនចាញ់ ១០ប្រកួតជាប់គ្នារបស់ខ្លួនក្រោយយកឈ្នះកីឡាការិនីអាមេរិក Riske-Amritraj ៦-៤ និង ៦-១។ ជ័យជំនះនេះធ្វើឱ្យ Caroline Garcia ឡើងវគ្គ ៨នាក់ចុងក្រោយនៅ Grand Slam ម្តងទៀត បន្ទាប់ពីធ្លាប់ធ្វើបានបែបនេះកាលពីឆ្នាំ២០១៧ នៅ French Open៕អត្ថបទ៖នាង សុភាវុធ

Casper Ruud ឡើងវគ្គ ៨នាក់ចុងក្រោយ US Open លើកដំបូងក្នុងអាជីព

វាយកូនបាល់៖ កីឡាករន័រវេស Casper Ruud បានឈានឡើងវគ្គ ៨នាក់ចុងក្រោយ Grand Slam, US Open ជាលើកដំបូងក្នុងអាជីពក្រោយយកឈ្នះកីឡាករបារាំង Corentin Moutet។ Casper Ruud បានយកឈ្នះពីរសិតដំបូង ៦-២ និង ៦-២ តែកីឡាករបារាំង Corentin Moutet តបបានមួយសិតវិញ ៧-៦(៧-៤) មុនពេលដែល Casper Ruud យកឈ្នះនៅសិតទីបួន ៦-២ ម្តងទៀតដើម្បីឡើងវគ្គ ៨នាក់ចុងក្រោយបន្តជួបជាមួយកីឡាករអ៊ីតាលី Matteo Berrettini។ Matteo Berrettini ដែលកក់កៅអីនៅវគ្គ ៨នាក់ចុងក្រោយនោះត្រូវធ្វើការងារធ្ងន់ទំរាំរកបានជ័យជំនះរបស់ខ្លួន ពោលគឺត្រូវលេងដល់ ៥សិតទំរាំយកឈ្នះកីឡាករអេស្ប៉ាញ Alejandro Davidovich Fokina នៅកីឡដ្ឋាន Louis Armstrong នៅទីក្រុងញូវយ៉ក។Berrettini ដែលធ្លាប់ឡើងដល់វគ្គពាក់កណ្តាលផ្តាច់ព្រ័ត្រនៅ US Open នេះឆ្នាំ២០១៩ បានយកឈ្នះពីរសិតផ្ទួនៗ ៧-៦(៧-២) និង ៦-៣ បន្ទាប់ពី Fokina យកឈ្នះសិតដំបូង ៦-៣ និងសិតទីបួន ៦-៤។ ការប្រកួតនៅសិតកាត់សេចក្តីទី៥ កីឡាករអេស្ប៉ាញ Fokina មានបញ្ហារបួសជង្គង់នៅពេល Berrettini កំពុងនាំមុខ ៤-២ ហើយក៏មិនអាចតបតអ្វីបានដែរ ខណៈកីឡាករអ៊ីតាលី Berrettini យកឈ្នះសិតចុងក្រោយនេះ ៦-២។ Matteo Berrettini នឹងបន្តជួបជាមួយ Casper Ruud នៅវគ្គ ៨នាក់ចុងក្រោយថ្ងៃអង្គារស្អែកនេះ៕អត្ថបទ៖នាង សុភាវុធ

យុវជន-យុវនារីជាង ៣០០នាក់ជិះកង់លើផ្លូវល្បឿនលឿនលើកដំបូងក្នុងស្មារតីអរគុណសន្តិភាព

ជិះកង់៖ យុវជន-យុវនារីខ្មែររួមទាំងជនបរទេសផងប្រមាណជាង ៣០០នាក់បានបង្កើតគំនិតបបួលគ្នាជិះកង់លើផ្លូវល្បឿនលឿន ចាប់ពីភ្នំពេញទៅកាន់ខេត្តព្រះសីហនុ (ប្រវែង ២០០គីឡូម៉ែត្រ) ក្នុងគោលបំណងបំផុសស្មារតីឲ្យកូនខ្មែរគ្រប់រូប មកចាប់អារម្មណ៍លេងសប្បាយនឹងកីឡាប្រសើរជាជាងការសេពនូវគ្រឿងញៀន និងរឿងអបាយមុខផ្សេងៗ ខណៈព្រឹត្តិការណ៍មួយនេះគឺបានកើតឡើងជាលើកដំបូងបំផុត ស្ថិតនៅលើផ្លូវល្បឿនលឿននៃប្រទេសកម្ពុជានោះ។ ព្រឹត្តិការណ៍កីឡាជិះកង់លើផ្លូវល្បឿនលឿនភ្នំពេញ-ខេត្តព្រះសីហនុប្រវែង ២០០គីឡូម៉ែត្រក្នុងស្មារតីយុវជន «អរគុណសន្តិភាព» នេះគឺបានធ្វើឡើងនាព្រឹកថ្ងៃទី៣ ខែកញ្ញា ឆ្នាំ២០២២ ដោយមានក្រុមអ្នកនិយមលេងកីឡាជិះកង់ជាង ៣០០នាក់ដែលមកពីក្រុមផ្សេងៗគ្នា បន្ទាប់ពីមានការផ្តួចផ្តើមគំនិតដោយចលនាយុវជនកម្ពុជា «ក្រុម១៧៥»។ ថ្លែងប្រាប់អ្នកសារព័ត៌មាននៅក្នុងព្រឹត្តិការណ៍ជិះកង់នោះឯកឧត្តម ម៉ឹង ពន្លក ប្រធានចលនាយុវជនកម្ពុជា «ក្រុម១៥៧» បានលើកឡើងថា ការលេងកីឡាជិះកងនេះគឺដើម្បីបង្កើនស្មារតីមួយ ប្រាប់ដល់យុវជនយុវនារីខ្មែរយើងទាំងអស់ឲ្យមកចាប់អារម្មណ៍លេងកីឡាឲ្យបានគ្រប់ៗគ្នា ប្រាស់ចាកនូវអំពើអបាយផ្សេងៗ។ហើយមួយវិញទៀតការសម្រេចជិះលើផ្លូវល្បឿនលឿននេះគឺចង់បង្ហាញថា ក្រោមការដឹកនាំរបស់ប្រមុខរាជរដ្ឋាភិបាលបច្ចុប្បន្នបានធ្វើឲ្យប្រទេសមានសុខសន្តិភាព មានការអភិវឌ្ឍរីកចម្រើនជាបន្តបន្ទាប់ជាក់ស្ដែង គឺពេលនេះកម្ពុជាយើងបានចាប់ផ្តើមមានផ្លូវល្បឿនលឿនជាលើកដំបូង ដែលមិនធ្លាប់មានពីមុនមកនោះ។ ជាមួយគ្នានោះដែរ ឯកឧត្ដមបានលើកឡើងផងដែរថា ការប្រមូលគ្នាជិះកងរួមគ្នានេះនឹងធ្វើឡើងជាបន្តបន្ទាប់ទៀត ក្នុងស្មារតីយុវជនកម្ពុជា «អរគុណសន្តិភាព» និងក្នុងស្មារតីបំផុសបំផុលលើកកម្ពស់វិស័យកីឡា នៅកម្ពុជាឲ្យកាន់តែរីកចម្រើនបន្ថែមទៀតផងដែរ៕អត្ថបទ៖ បាន ចក់

កីឡាករហូឡង់ Thyman Arensman ឈ្នះដំណាក់កាលទី១៥ Vuelta a Espana ខណៈអ្នកនាំមុខនៅដដែល

ប្រណាំងកង់៖ កីឡាករហូឡង់ Thyman Arensman បានប្រជែងឈ្នះដំណាក់កាលទី១៥ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana នៅលើទឹកដីអេស្ប៉ាញថ្ងៃអាទិត្យម្សិលមិញនេះ ដែលជាជ័យជំនះក្នុងដំណាក់កាលជាលើកដំបូងសំរាប់កីឡាកររបស់ក្រុមប្រណាំង DSM រូបនេះ។ ដំណាក់កាលទី១៥ ដែលមានចំងាយផ្លូវ ១៤៨.១គីឡូម៉ែត្រ Thyman Arensman ដែលជិះឱ្យក្រុម DSM បានមកដល់ទីព្រ័ត្រមុនគេប្រើពេល ៤ម៉ោង ១៧នាទី ១៧វិនាទី តាមពីក្រោយដោយកីឡាករអេស្ប៉ាញ Enric Mas យឺតជាង ១នាទី ២៣វិនាទី និងលេខ៣ កីឡាករកូឡុំប៊ី Miguel Angel Lopez យឺតជាង ១នាទី ២៥វិនាទី។ យ៉ាងណាក្តីកីឡាករប៊ែលហ្ស៊ិក Remco Evenepoel ដែលបានបញ្ចប់ដំណាក់កាលទី១៥ នៅចំណាត់ថ្នាក់លេខ១០ នោះនៅតែបន្តនាំមុខគេក្នុងតារាងរួមដដែលមានដោយមានវេលាចំណេញ ១នាទី ៣៤វិនាទី ពីលើអ្នកលេខ២ ដែលជាអ្នកការពារតំណែងជើងឯក Primoz Roglic និងលេខ៣ នៅតែជា Enric Mas ដដែលយឺតជាង ២នាទី ១វិនាទី។សំរាប់ថ្ងៃចន្ទនេះមិនមានការប្រកួតឡើយ ខណៈដំណាក់កាលទី១៦ ថ្ងៃស្អែកមានចំងាយផ្លូវ ១៨៨.៩គីឡូម៉ែត្រ។ ប្រណាំងកង់ Vuelta a Espana នឹងបិទបញ្ចប់នៅថ្ងៃទី១១ ថ្ងៃអាទិត្យចុងសប្តាហ៍នេះនៅដំណាក់កាលទី២១ ដែលទីព្រ័ត្រនៅរដ្ឋធានី Madrid៕អត្ថបទ៖នាង សុភាវុធ

ខេមរៈសហព័ន្ធតេក្វាន់ដូ WT រៀបចំកម្មវិធីអបអរថ្ងៃ “Teakwondo Day”

តេក្វាន់ដូ៖ ខេមរៈសហព័ន្ធតេក្វាន់ដូ WT កាលពីថ្ងៃទី០៤ ខែកញ្ញា ឆ្នាំ២០២២ ម្សិលមិញបានរៀបចំកម្មវិធីអបអរសាទរទិវាតេក្វាន់ដូ ឬ Teakwondo Day នៅពហុកីឡដ្ឋានជាតិ ដោយមានសិស្សគុនមកពីបណ្ដាក្លិបសមាជិកសហព័ន្ធក្នុងរាជធានីភ្នំពេញ និងក្រុងតាខ្មៅសរុប ១៦៣នាក់ចូលរួម។ លោកបណ្ឌិត ជ្រិន សុធា អគ្គលេខាធិការសហព័ន្ធបានបញ្ជាក់ថា ការជួបជុំសិស្សគុនតេក្វាន់ដូ WT នេះគឺស្របពេលពិភពលោកបានរៀបចំកម្មវិធី Teakwondo Day ដើម្បីរំលឹកពីគុណតម្លៃកីឡាតេក្វាន់ដូ ដែលជាប្រភេទកីឡាអូឡាំពិក និងការហាត់ប្រាណសម័យថ្មីដល់ប្រជាពលរដ្ឋ ពិសេសកីឡាករ-កីឡាការិនីប្រមាណ ៨លាននាក់ដែលកំពុងប្រកបអាជីពកីឡានេះនៅ ២០០ប្រទេស។ លោក ឆយ យ៉ុងសុក តំណាងឲ្យបណ្ឌិត្យសភាតេក្វាន់ដូកម្ពុជាបានឲ្យដឹងថា កម្មវិធីនេះតែងរៀបចំរៀងរាល់ឆ្នាំនៅទូទាំងពិភពលោក ដោយមានសិស្សគុនរាប់លាននាក់ចូលរួមដើម្បីផ្សព្វផ្សាយ និងលើកកម្ពស់ពីការលេងកីឡាដើម្បីសុខភាព ក៏ដូចជាបង្កើនភាពរហ័សរហួនផង និងជំរុញការអភិវឌ្ឍប្រភេទកីឡាអូឡាំពិកនេះឲ្យកាន់តែរីកចម្រើនផងដែរ កម្ពុជាក្នុងនាមសមាជិកសហព័ន្ធតេក្វាន់ដូ WT អន្ដរជាតិ ក្រោមការដឹកនាំរបស់ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ដ្រីក្រសួងអប់រំ យុវជន និងកីឡា និងជាប្រធានសហព័ន្ធក៏តែងរៀបចំជារឿយៗផងដែរ៕អត្ថបទ៖ លី ឈុនឡា

Antony ស៊ុតចូលទីប្រកួតដំបូង ខណៈ Manchester United បញ្ចប់ស្ថិតិឈ្នះសុទ្ធរបស់ Arsenal

បាល់ទាត់៖ ស្ថិតិល្អឥតខ្ចោះរបស់ក្រុមកាំភ្លើងធំ Arsenal ៥ប្រកួតឈ្នះទាំង ៥ បានបញ្ចប់ត្រឹមប្រកួតទី៦ យប់មិញនៅទឹកដី Old Trafford របស់ក្រុមបិសាចក្រហម Manchester United។ កីឡាករចំនូលថ្មីតម្លៃ ៨២លានផោនរបស់ Manchester United ដែលទើបទិញពី Ajax, Antony បានចូលលេងប្រកួតដំបូង និងរកគ្រាប់បាល់បានតែម្តងឱ្យក្រុមថ្មីនាំមុខ ១-០ ត្រឹមនាទីទី៣៥ បន្ទាប់ពីគ្រាប់នាំមុខរបស់ Arsenal ដោយ Martinelli ត្រូវលុបចោលដោយ VAR។ Arsenal ដែលចាប់ផ្តើមរដូវកាលល្អឥតខ្ចោះ ហាក់ប្រសើរឡើងវិញនៅវគ្គទី២ នៅពេល Buyako Saka ស៊ុតតាមស្មើនៅនាទីទី៦០ តែ Marcus Rashford ជាអ្នកស៊ុតនាំមុខសាជាថ្មីឱ្យ Manchester United នៅនាទីទី៦៦ និងគ្រាប់ធានាជ័យជំនះនៅនាទីទី៧៥ ដោយ Rashford ដដែល។នេះជាការប្រកួតដែលខ្សែប្រយុទ្ធ Marcus Rashford រកបានពីរគ្រាប់លើកដំបូងតាំងពីខែធ្នូ ឆ្នាំ២០២០ និងជាពីរគ្រាប់ដែលនាំ Manchester United ឡើងមកដល់លេខ៥ ក្នុងតារាងក្រោយឈ្នះ ៤ប្រកួតជាប់គ្នា។ Arsenal នៅតែបន្តនាំមុខគេដដែលក្រោយលេងបាន ៦ប្រកួតដូចគ្នាមាន ១៥ពិន្ទុឈ្នះ៥ ចាញ់១៕អត្ថបទ៖នាង សុភាវុធ

ពានរង្វាន់យុវជន U15 និង U18 រកឃើញជើងឯកប្រចាំឆ្នាំ២០២២

បាល់ទាត់៖ ការប្រកួតបាល់ទាត់ជម្រើសជើងឯកយុវជនអាយុក្រោម ១៥ឆ្នាំ និងអាយុក្រោម ១៨ឆ្នាំរដូវកាលឆ្នាំ២០២២ បានបញ្ចប់ហើយ ដោយក្រុមយុវជន U15 កងយោធពលខេមរភូមិន្ទ និងក្រុមយុវជន U18 វិសាខាបានគ្រងជើងឯករៀងៗខ្លួន បន្ទាប់ពីយកឈ្នះគូប្រកួតក្នុងវគ្គផ្ដាច់ព្រ័ត្រកាលពីល្ងាចថ្ងៃទី០៤ ខែកញ្ញា នៅមជ្ឈមណ្ឌល និងសាលាបាល់ទាត់ជាតិបាទី។ សម្រាប់ក្រុមយុវជន U18 វិសាខាគឺបានគ្រងជើងឯកពានរង្វាន់យុវជនអាយុក្រោម ១៨ឆ្នាំ បន្ទាប់ពីយកឈ្នះក្រុម U18 ភ្នំពេញក្រោនវិញក្នុងលទ្ធផល ៣-១។ ជំនួបវគ្គផ្ដាច់ព្រ័ត្រក្រោមតំណក់ទឹកភ្លៀងនេះ វគ្គទី១ វិសាខា បានបើកការនាំមុខ ១គ្រាប់ មុនបន្ថែម ២គ្រាប់ទៀតនៅដើមវគ្គទី២ គ្រាដែលយុវជនភ្នំពេញក្រោនវាយបកបានត្រឹម ១គ្រាប់ប៉ុណ្ណោះដែលធ្វើឲ្យក្រុមជើងឯកឆ្នាំ២០២០ ទទួលបានត្រឹមជើងឯករង ខណៈយុវជនវិសាខាបានគ្រងជើងឯកលើកដំបូង។ ដោយឡែកក្រុមយុវជន U15 កងយោធពលខេមរភូមិន្ទបានលើកពានរង្វាន់យុវជនអាយុក្រោម ១៥ឆ្នាំ បន្ទាប់ពីយកឈ្នះក្រុមយុវជនសាលាបាល់ទាត់តម្រង់ទិសខេត្តស្វាយរៀង ដោយការទាត់បាល់ប៉េណាល់ទីកាសេចក្ដី ក្នុងលទ្ធផល ៤-២ បន្ទាប់ពីប្រកួត ៩០នាទីស្មើគ្នា ១-១។ពិធីបិទការប្រកួតនេះបានធ្វើឡើងក្រោមវត្តមានឯកឧត្តម ឡា ឡៃ តំណាងឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា ហើយឯកឧត្តមបានវាយតម្លៃខ្ពស់ ចំពោះដំណើរការប្រកួតពានរង្វាន់យុវជនឆ្នាំនេះ ដែលដំណើរការប្រកួតដោយរលូន និងបញ្ចប់ដោយជោគជ័យ ពិសេសបានផ្ដល់ឱកាស និងចម្រាញ់បាននូវធនធានបន្ដវេនជាច្រើន ដើម្បីជំរុញការអភិវឌ្ឍវិស័យកីឡាបាល់ទាត់ជាតិឲ្យកាន់តែរីកចម្រើន៕អត្ថបទ៖ លី ឈុនឡា

កីឡាកាយសម្ព័ន្ធដណ្ដើមបានមេដាយ ៣គ្រឿងក្នុងការប្រកួតជើងឯកអាស៊ីនៅថៃ

កាយសម្ព័ន្ធ៖ កីឡាកាយសម្ព័ន្ធដណ្ដើមបានមេដាយ ៣គ្រឿងបណ្ដោះអាសន្ននៃការប្រកួតកីឡាកាយសម្ព័ន្ធជើងឯកអាស៊ីលើកទី៧ (7th AEROBIC GYMNASTICS ASIAN CHAMPIONSHIPS) នៅប្រទេសថៃគិតត្រឹមថ្ងៃទី០៤ ខែកញ្ញាម្សិលមិញ។ នេះបើតាមការបញ្ជាក់របស់លោក ណយ ផាណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា និងប្រធានប្រតិភូកីឡាកាយសម្ព័ន្ធកម្ពុជា។ សមិទ្ធផលដែលក្រុមអត្តពលិកកាយសម្ព័ន្ធកម្ពុជា ធ្វើបានក្នុងការប្រកួតជើងឯកអាស៊ីនេះរួមមានមេដាយប្រាក់ ២ និងសំរឹទ្ធ ១ ដែលដណ្ដើមបានលើ ៣វិញ្ញាសាផ្សេងគ្នាក្នុងនោះកីឡាករ ស្រ៊ាន វួចទ្រី និងកីឡាការិនី ឈួន ស្រីនាត ដណ្ដើមបានមេដាយប្រាក់ ១ លើវិញ្ញាសាគូបុរស-នារី ខណៈមេដាយប្រាក់ ១ ទៀតដណ្ដើមបានលើវិញ្ញាសាក្រុមនារី គឺមានកីឡាការិនី ឌឹម អ៊នធីតា, ណេម សុខហេង, ស៊ីវ ចន្ថា, សួស ស្រីពៅ និងកីឡាការិនី ឈួន សុវណ្ណបញ្ញា។ ចំណែកមេដាយសំរឹទ្ធ ១គ្រឿងដណ្ដើមបានលើវិញ្ញាសាទ្រីយ៉ូដោយកីឡាករ ស្រ៊ាន វួចទ្រី, កីឡាការិនី ឈួន ស្រីនាត និងកីឡាការិន ច្រឹង ចាន់ត្រា។លោក ណយ ផាណា បានបញ្ជាក់ថា មេដាយទទួលបាននេះគឺដណ្ដើមបានដោយក្រុមកីឡាករ-កីឡាការិនីអាយុក្រោម ១៥ឆ្នាំ និងអាយុក្រោម ១៨ឆ្នាំ ហើយមានកីឡាការិនីអាយុក្រោម ១៨ឆ្នាំម្នាក់ត្រូវប្រកួតវគ្គផ្ដាច់ព្រ័ត្រនៅថ្ងៃទី០៥ ខែកញ្ញានេះ ជាមួយក្រុមកីឡាករ-កីឡាការិនីអាយុលើស ១៨ឆ្នាំផ្សេងទៀតដែលឆ្លងផុតការប្រកួតវគ្គជម្រុះ កាលពីម្សិលមិញ។ តាមរយៈការប្រកួតនេះ សហព័ន្ធបានចាត់ទុកជាបេសកកម្មដ៏សំខាន់មួយ សម្រាប់កីឡាករ-កីឡាការិនីកាយសម្ព័ន្ធកម្ពុជាក្នុងការវាស់ស្ទង់ និងពង្រឹងសមត្ថភាពបន្ថែមតាមរយៈការប្រកួតលក្ខណៈអន្ដរជាតិធំៗ ជាក់ស្ដែងការប្រកួតជើងឯកអាស៊ីនេះជាដើម ដើម្បីត្រៀមឆ្ពោះទៅព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានាឆ្នាំ២០២៣៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

រោងចក្រកាត់ដេរសម្លៀកបំពាកអាហ្វ្រិកខាងត្បូងជួបការលំបាក ក្រោយកម្មករចំណាកស្រុករត់ភៀសខ្លួន

របាយការណ៍៖ លំហូរព័ត៌មានសម្ងាត់របស់អាមេរិក ទៅអ៊ុយក្រែន មានសន្ទុះឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Francesco Bagnaia ក្លាយជាកីឡាករប្រណាំងម៉ូតូរបស់ក្រុម Ducati ទីមួយឈ្នះ ៤ទីលានជាប់គ្នា

Max Verstappen ឈ្នះការប្រកួត F1 ក្នុងប្រទេសកំណើតពន្លាតពិន្ទុនាំមុខក្នុងតារាងជើងឯក

Coco Gauff ឡើងវគ្គ ៨នាក់ចុងក្រោយ US Open លើកដំបូងក្នុងអាជីព

Casper Ruud ឡើងវគ្គ ៨នាក់ចុងក្រោយ US Open លើកដំបូងក្នុងអាជីព

យុវជន-យុវនារីជាង ៣០០នាក់ជិះកង់លើផ្លូវល្បឿនលឿនលើកដំបូងក្នុងស្មារតីអរគុណសន្តិភាព

កីឡាករហូឡង់ Thyman Arensman ឈ្នះដំណាក់កាលទី១៥ Vuelta a Espana ខណៈអ្នកនាំមុខនៅដដែល

ខេមរៈសហព័ន្ធតេក្វាន់ដូ WT រៀបចំកម្មវិធីអបអរថ្ងៃ “Teakwondo Day”

Antony ស៊ុតចូលទីប្រកួតដំបូង ខណៈ Manchester United បញ្ចប់ស្ថិតិឈ្នះសុទ្ធរបស់ Arsenal

ពានរង្វាន់យុវជន U15 និង U18 រកឃើញជើងឯកប្រចាំឆ្នាំ២០២២

កីឡាកាយសម្ព័ន្ធដណ្ដើមបានមេដាយ ៣គ្រឿងក្នុងការប្រកួតជើងឯកអាស៊ីនៅថៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Francesco Bagnaia ក្លាយជា​កីឡាករ​ប្រណាំង​ម៉ូតូ​របស់​ក្រុម Ducati ទី​មួយ​ឈ្នះ ៤ទីលាន​ជាប់​គ្នា​

Max Verstappen ឈ្នះ​ការប្រកួត F1 ក្នុង​ប្រទេស​កំណើតពន្លាត​ពិន្ទុ​នាំមុខ​ក្នុង​តារាង​ជើងឯក

Coco Gauff ឡើង​វគ្គ ៨​នាក់​ចុងក្រោយ US Open លើកដំបូង​ក្នុង​អាជីព

Casper Ruud ឡើង​វគ្គ ៨នាក់​ចុងក្រោយ US Open លើកដំបូង​ក្នុង​អាជីព

យុវជន-យុវនារី​ជាង​ ៣០០​នាក់​ជិះ​កង់​លើ​ផ្លូវ​ល្បឿន​លឿន​លើកដំបូង​ក្នុង​ស្មារតី​អរគុណ​សន្តិភាព​

កីឡាករ​ហូ​ឡង់ Thyman Arensman ឈ្នះ​ដំណាក់កាល​ទី​១៥ Vuelta a Espana ខណៈ​អ្នក​នាំមុខ​នៅ​ដដែល

ខេមរៈ​សហព័ន្ធ​តេ​ក្វាន់​ដូ​ WT ​រៀបចំ​កម្មវិធី​អបអរ​ថ្ងៃ “Teakwondo Day”

Antony ស៊ុត​ចូល​ទី​ប្រកួត​ដំបូង​ ខណៈ Manchester United បញ្ចប់​ស្ថិតិ​ឈ្នះ​សុទ្ធ​របស់ Arsenal

ពានរង្វាន់​យុវជន​ U15 ​និង​ U18 ​រកឃើញ​ជើងឯក​ប្រចាំឆ្នាំ​២០២២

កីឡា​កាយសម្ព័ន្ធ​ដណ្ដើម​បាន​មេដាយ ៣​គ្រឿង​ក្នុង​ការ​ប្រកួត​ជើងឯក​អាស៊ី​នៅ​ថៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Francesco Bagnaia ក្លាយជាកីឡាករប្រណាំងម៉ូតូរបស់ក្រុម Ducati ទីមួយឈ្នះ ៤ទីលានជាប់គ្នា

Max Verstappen ឈ្នះការប្រកួត F1 ក្នុងប្រទេសកំណើតពន្លាតពិន្ទុនាំមុខក្នុងតារាងជើងឯក

Coco Gauff ឡើងវគ្គ ៨នាក់ចុងក្រោយ US Open លើកដំបូងក្នុងអាជីព

Casper Ruud ឡើងវគ្គ ៨នាក់ចុងក្រោយ US Open លើកដំបូងក្នុងអាជីព

យុវជន-យុវនារីជាង ៣០០នាក់ជិះកង់លើផ្លូវល្បឿនលឿនលើកដំបូងក្នុងស្មារតីអរគុណសន្តិភាព

កីឡាករហូឡង់ Thyman Arensman ឈ្នះដំណាក់កាលទី១៥ Vuelta a Espana ខណៈអ្នកនាំមុខនៅដដែល

ខេមរៈសហព័ន្ធតេក្វាន់ដូ WT រៀបចំកម្មវិធីអបអរថ្ងៃ “Teakwondo Day”

Antony ស៊ុតចូលទីប្រកួតដំបូង ខណៈ Manchester United បញ្ចប់ស្ថិតិឈ្នះសុទ្ធរបស់ Arsenal

ពានរង្វាន់យុវជន U15 និង U18 រកឃើញជើងឯកប្រចាំឆ្នាំ២០២២

កីឡាកាយសម្ព័ន្ធដណ្ដើមបានមេដាយ ៣គ្រឿងក្នុងការប្រកួតជើងឯកអាស៊ីនៅថៃ