BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

កីឡាការ៉ាតេដណ្ដើមបានមេដាយ ៧គ្រឿងនៃព្រឹត្តិការណ៍ Thailand Karate Open 2022

ការ៉ាតេ៖ ក្រុមកីឡាករ-កីឡាការិនីការ៉ាតេកម្ពុជាដណ្តើមបានមេដាយចំនួន ៧គ្រឿងរួមមានមេដាយប្រាក់៣ និងសំរឹទ្ធ៤ នៃព្រឹត្តិការណ៍ការប្រកួតកីឡាការ៉ាតេ Thailand Karate Open 2022 នៅខេត្តភូកេត ប្រទេសថៃកាលពីថ្មីៗ។ នេះបើតាមការបញ្ជាក់របស់មន្ដ្រីសហព័ន្ធ ដែលជាសញ្ញាណវិជ្ជមានមួយសម្រាប់ក្រុមកីឡាការ៉ាតេដូកម្ពុជា ក្នុងដំណើរឆ្ពោះទៅស៊ីហ្គេមឆ្នាំ២០២៣ ខាងមុខ។ មេដាយដែលអត្តពលិកក្រុមកីឡាការ៉ាតេកម្ពុជា ទទួលបានពីព្រឹត្តិការណ៍អន្ដរជាតិនេះរួមមានមេដាយប្រាក់ ៣ សុទ្ធតែដណ្ដើមបានលើវិញ្ញាសាឯកត្តជនដោយកីឡាករ ងួន សុខក្រៃលែង, កីឡាករ ស្រៀងវិរៈ និងកីឡាការិនី ឆន ស្រីភា។ រីឯមេដាយសំរឹទ្ធ ៤គ្រឿងដណ្ដើមបានលើវិញ្ញាសាឯកត្តជនដោយកីឡាការិនី សំណាង ឧត្តរ៉ា, កីឡាករ ជ្រុន វិរៈបុត្រ និងកីឡាករ ប៊ិន ម៉េងលី ខណៈ ១គ្រឿងទៀតឈ្នះលើវិញ្ញាសាជាក្រុមនារី ៤នាក់។គួរដឹងថា ព្រឹត្តិការណ៍កីឡាការ៉ាតេលក្ខណៈបើកទូលាយដែលថៃធ្វើម្ចាស់ផ្ទះនេះ គឺមានអត្តពលិកចូលរួមសរុប ៦៥០នាក់មកពី ២៥ប្រទេសគ្រប់បណ្ដាទ្វីបលើពិភពលោក ហើយកម្ពុជាក៏បានបញ្ជូនប្រតិភូ និងអត្តពលិកសរុប ៤៨នាក់ចូលរួមក្នុងនោះមានកីឡាករ-កីឡាការិនី ៣៦នាក់ដើម្បីជាការវាស់ស្ទង់ និងធ្វើតេស្ដសមត្ថភាពដើម្បីត្រៀមលក្ខណៈធ្វើម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣ ផងដែរ៕អត្ថបទ៖ លី ឈុនឡា

ឯកឧត្តម ហ៊ុន ម៉ានី៖ ក្នុងនាមយុវជនកុំភ្លេចគុណតម្លៃ និងការលះបង់របស់ចាស់ៗ មិនថាក្នុងកីឡា ឬនយោបាយឡើយ

ភ្នំពេញ៖ ឯកឧត្តម ហ៊ុន ម៉ានី មានប្រសាសន៍ថា ក្នុងនាមយុវជន មិនត្រូវបំភ្លេចគុណតម្លៃ និងការលះបង់របស់ថ្នាក់ដឹកនាំ ឬព្រឹទ្ធាចារ្យជំនាន់មុនឡើយ មិនថាក្នុងវិស័យកីឡា ឬក្នុងនយោបាយ ឬក្នុងអ្វីឡើយ អ្វីៗដែលមានសព្វថ្ងៃ ក៏ដោយសារយុវជនជំនាន់មុន ដែលជាថ្នាក់ដឹកនាំបច្ចុប្បន្ននេះដែរ ។ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងប្រធានគណៈកម្មការទី៧ នៃរដ្ឋសភា ដែលទទួលបន្ទុកអប់រំ យុវជន កីឡា ទេសចរណ៍ ធម្មការ កិច្ចការសាសនា និងវប្បធម៌ មានប្រសាសន៍បែបនេះ ក្នុងឱកាសអញ្ជើញចូលរួមប្រកួតទាត់លក្ខណៈមិត្តភាពដណ្ដើមពានរង្វាន់ និងបើករដូវកាលថ្មី នៃក្លិបបាល់ទាត់វ័យចាស់ ប៉េង ហួត នៅព្រឹកថ្ងៃទី០៣ ខែកញ្ញានេះ ក្នុងនោះក៏មានការចូលរួមពីឯកឧត្តម សាយ សំអាល់ រដ្ឋមន្ដ្រីក្រសួងបរិស្ថាន រួមជាមួយមន្ដ្រី ពិសេសអតីតកីឡាករជម្រើសជាតិជាច្រើនផងដែរ ។ឯកឧត្តម ហ៊ុន ម៉ានីម បានចាត់ទុកការប្រកួតនេះ គឺជាឱកាសជួបជុំប្រកបដោយអត្ថន័យ ដែលបង្ហាញពីស្មារតី និងទឹកចិត្ត សាមគ្គីភាព ដែលលើសពីការលេងកីឡាដើម្បីសុខភាព ដោយមិនប្រកាន់វ័យ ពិសេសគឺការប្រមូលផ្ដុំអតីតកីឡាករជម្រើសជាតិជំនាន់មុន ដែលបានចូលនិវត្តន៍ ដើម្បីបានចូលរួមប្រកួតលក្ខណៈមិត្តភាពនេះ ។ឆ្លៀតឱកាសនោះ ឯកឧត្តម ក៏បានផ្ញើសារមួយចំនួន ដល់យុវជនបច្ចុប្បន្ន ក៏ដូចជាយុវជនជំនាន់ក្រោយ ត្រូវស្វែងយល់ពីសង្គម និងប្រវត្តិសាស្ដ្រឲ្យបានច្បាស់ ហើយមានកត្ដាមួយ ដែលត្រូវចង់ចាំ គឺកុំភ្លេចគុណតម្លៃរបស់អ្នកជំនាន់មុន ដែលជាថ្នាក់ដឹកនាំបច្ចុប្បន្ន ហើយចាស់់ព្រឹទ្ធាចារ្យ ដែលបានលះបង់ច្រើនណាស់ ដើម្បីភាពរីកចម្រើនដូចសព្វថ្ងៃ មិនថា ក្នុងកីឡា ឬនយោបាយនោះទេ ។ទន្ទឹមជាមួយការកៀរគរអតីតកីឡាករចាស់ៗ មកចូលរួមប្រកួតលក្ខណៈមិត្តភាព នៅក្លិបបាល់ទាត់ ប៉េង ហួត នេះដែរ លោក សោម រ៉ន ហៅ គ្រូមាំង បានសម្ដែងនូវសេចក្ដីត្រេកអរ និងរីករាយជាខ្លាំង ដែលមានឱកាសជួបជុំ និងសប្បាយរីករាយ ពិសេសលោកបានរំឭកដល់គុណបំណាច់របស់សម្ដេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ដែលធ្វើឲ្យប្រទេសមានសុខសន្ដិភាព និងមានឱកាសលេងកីឡា ដើម្បីសុខភាព និងរឹតចំណងមិត្តភាព សាមគ្គីភាព បែបនេះ ។គួររម្លឹកថា ដោយទទួលបានការអនុញ្ញាតដ៏ខ្ពង់ខ្ពស់ពីសម្ដេចតេជោ នាយករដ្ឋមន្ដ្រី បន្ទាប់ពីបញ្ចប់ការប្រកួតមិត្តភាព ដណ្ដើមពានរង្វាន់ និងបើករដូវកាលថ្មីនេះ ឯកឧត្តមបណ្ឌិត ម៉ៅ ហាវណ្ណាល់ ក្នុងនាមប្រធានក្រុមបាល់ទាត់ ប៉េង ហួត នឹងរៀបចំឲ្យមានការប្រកួតរៀងរាល់ខែ ដើម្បីរឹតចំណងមិត្តភាព សាមគ្គីភាព និងទទួលបានសុខភាពល្អផង និងជាប្រមូលផ្ដុំជួបជុំ រវាងកីឡាករចាស់ៗ ដែលជាអតីតកីឡាករជម្រើសជាតិជំនាន់មុនផង ៕ អត្ថបទ៖ លី ឈុនឡា

កីឡាការិនីអ៊ុយក្រែន Marta Kostyuk បដិសេធមិនចាប់ដៃកីឡាការិនីបេឡារុស Victoria Azarenka នៅ US Open

វាយកូនបាល់៖ កីឡាការិនីអ៊ុយក្រែន Marta Kostyuk បានបដិសេធមិនចាប់ដៃជាមួយកីឡាការិនីបេឡារុស Victoria Azarenka ឡើយក្រោយការប្រកួតជុំទី២ Grand Slam, US Open។ Victoria Azarenak បានយកឈ្នះការប្រកួតនេះ ៦-២ និង ៦-៣ តែជាធម្មតាដែលក្រោយចប់ការប្រកួតមានការគោរពគ្នាដោយឱប រឺចាប់ដៃគ្នានោះបានផ្លាស់ប្តូរមកជាប៉ះទង្គិចរ៉ាកែតគ្នាវិញ។ ក្រោយចប់ការប្រកួតកីឡាការិនីអ៊ុយក្រែន Marta Kostyuk បាននិយាយថា គ្រប់គ្នាពិតជាបានយល់ពីទង្វើរបស់នាង នេះមិនមែនជាពេលវេលាត្រឹមត្រូវមួយឡើយ ប្រជាជនអ៊ុយក្រែនបានស្លាប់រាល់ថ្ងៃដោយសារសង្គ្រាម។ ចំណែកកីឡាការិនីបេឡារុស Victoria Azarenka ដែលធ្លាប់ឈ្នះជើងឯក Grand Slam ពីរលើកបាននិយាយថា នាងមានការភ្ញាក់ផ្អើលខ្លាំងក្រោយចប់ការប្រកួតដោយការចាប់ដៃជារឿងគួរសមបំផុត មិនគួរយករឿងអ្វីផ្សេងមកឡូកឡំលើសពីកីឡាឡើយ។ងាកមកលទ្ធផលផ្នែកនារីផ្សេងទៀត កីឡាការិនីបេឡារុសមួយរូបទៀត Aryna Sabalenka បានបន្តដំណើរទៅជុំបន្តក្រោយយកឈ្នះកីឡាការិនីអេស្តូនី Kaia Kanepi ដើម្បីឈានទៅជុំទី៣។ ចំណែកឯកីឡាការិនីលំដាប់លេខ ១ ពិភពលោក Iga Swiatek បានឈានចូលជុំទី៣ ហើយក្រោយយកឈ្នះកីឡាការិនីអាមេរិកជើងឯកឆ្នាំ២០១៧ Sloane Stephens។ ការប្រកួតត្រឹម ១ម៉ោង ១៥នាទីកីឡាការិនីប៉ូឡូញ Iga Swiatek បានយកឈ្នះ Stephens ដោយលទ្ធផល ៦-៣ និង ៦-២ បន្តជួបជាមួយ Lauren Davis នៅជុំទី៣៕អត្ថបទ៖នាង សុភាវុធ

កីឡាករវ័យក្មេងអេស្ប៉ាញ Carlos Alcaraz ឡើងជុំទី៣ US Open ក្រោយឈ្នះ Federico Coria

វាយកូនបាល់៖ កីឡាករវាយកូនបាល់វ័យក្មេងអេស្ប៉ាញ Carlos Alcaraz បានបន្តដំណើរឡើងជុំទី៣ ហើយនៃព្រឹត្តិការណ៍ Grand Slam, US Open ក្រោយយកឈ្នះកីឡាករអាហ្សង់ទីន Federico Coria។ កីឡាករវ័យ ១៩ឆ្នាំអេស្ប៉ាញរូបនេះបានបន្តដំណើរស្វែងរកក្តីស្រមៃចង់ឈ្នះពាន Grand Slam លើកដំបូងរបស់ខ្លួនដោយយកឈ្នះលទ្ធផល ៦-២, ៦-១ និង ៧-៥។ Carlos Alcaraz ជាកីឡាករម្នាក់ក្នុងចំណោម ៤ ដែលអាចនឹងកាន់កាប់តំណែងលេខ ១ ពិភពលោកក្រោយចប់ US Open នេះ។ ជុំទី៣ Carlos Alcaraz នឹងបន្តជួបជាមួយកីឡាករអាមេរិក Jenson Brooksby ដែលបានយកឈ្នះកីឡាករក្រូអាស៊ី Borna Coric។ លទ្ធផលគូផ្សេងទៀតរួមមានកីឡាករវ័យ ៣៦ឆ្នាំបារាំង Richard Gasquet ដែលធ្លាប់ឡើងដល់វគ្គពាក់កណ្តាលផ្តាច់ព្រ័ត្រកាលពីឆ្នាំ២០១៣ បានទំលាក់កីឡាករស៊ែប Miomir Kecmanovic។កីឡាកររុស្ស៊ី Andrey Rublev យកឈ្នះកីឡាករកូរ៉េ Kwon Soon-woo បន្តជួបជាមួយកីឡាករកាណាដា Denis Shapovalov។ ចំណែកឯកីឡាករអ៊ីតាលី Jannik Sinner បេក្ខភាពវគ្គ ៨នាក់ចុងក្រោយនៅ Australian Open និង Wimbledon ឆ្នាំនេះបានយកឈ្នះកីឡាករអាមេរិក Christopher Eubanks បន្តជួប Brandon Nakashima៕អត្ថបទ៖នាង សុភាវុធ

Nottingham Forest បំបែកកំណត់ត្រាទិញចូលកីឡាករច្រើនបំផុតក្នុងមួយរដូវកាលនៅចក្រភពអង់គ្លេស

បាល់ទាត់៖ ក្លិបឡើងថ្មី Nottingham Forest បានបំបែកកំណត់ត្រានៅចក្រភពអង់គ្លេស ជាក្លិបដែលទិញចូលកីឡាករច្រើនបំផុតក្នុងមួយរដូវកាលនៃទីផ្សារដោះដូរកីឡាកររដូវក្តៅនេះ។ ក្លិបដែលឡើងមកកាន់ English Premier League លើកដំបូងក្រោយវត្តមានចុងក្រោយតាំងពីឆ្នាំ១៩៩៩ នោះបាននាំយកកីឡាករថ្មីសរុប ២១នាក់។ មិនត្រឹមតែប៉ុណ្ណោះ Nottingham Forest ស្ទើរតែអាចនាំយកកីឡាករទី ២២ ទៅហើយតែការចរចាថ្ងៃចុងក្រោយមិនបានសំរេចក្នុងការនាំយកខ្សែប្រយុទ្ធប៊ែលហ្ស៊ិក Michy Batshuayi ពី Chelsea។ ការនាំចូលកីឡាករថ្មី ២១នាក់នេះ Nottingham Forest បានបំបែកកំណត់ត្រាចាស់របស់ក្លិបស្កុតឡេន Livingston កាលពីឆ្នាំ២០០១ និង Dundee United នៅឆ្នាំ២០០០ ដែលនាំយកកីឡាករថ្មី ១៩នាក់។ ចំណែកនៅក្របខណ្ឌ English Premier League ក្លិបដែលធ្លាប់ទិញកីឡាករច្រើនបំផុតក្នុងមួយរដូវកាលគឺ Crystal Palace កាលពីឆ្នាំ២០១៣ សរុបចំនួន ១៧នាក់។ កីឡាករចុងក្រោយបីនាក់ដែល Nottingham Forest នាំយកមកក្នុងថ្ងៃចុងក្រោយរួមមានខ្សែការពារ Wolves, Willy Boly ខ្សែបម្រើស្លាប Blackpool, Josh Bowler និងខ្សែការពារក្លិបបារាំង Rennes, Loic Bade៕អត្ថបទ៖នាង សុភាវុធ

Richard Carapaz ឈ្នះដំណាក់កាលទី១២ ប្រណាំងកង់ Vuelta a Espana ខណៈអ្នកនាំមុខនៅដដែល

ប្រណាំងកង់៖ កីឡាករសញ្ជាតិអេក្វាដ័រ Richard Carapaz បានស្គាល់ជ័យជំនះនៅក្នុងដំណាក់កាលជាលើកដំបូងនៅព្រឹត្តិការណ៍ Grand Tour, Vuelta a Espana ក្រោយប្រជែងឈ្នះដំណាក់កាលទី១២ ថ្ងៃព្រហស្បតិ៍ម្សិលមិញ។ ដំណាក់កាលទី១២ ដែលមានចំងាយផ្លូវ ១៩៥.៥គីឡូម៉ែត្រកីឡាកររបស់ក្រុមប្រណាំង Ineos Grenadiers វ័យ ២៩ឆ្នាំ Richard Carapaz បានមកដល់ទីព្រ័ត្រមុនគេប្រើពេល ៤ម៉ោង ៣៨នាទី ២៦វិនាទី។ លេខ២ ក្នុងដំណាក់កាលគឺកីឡាករហូឡង់ Wilco Kelderman យឺតជាង ៩វិនាទី និងលេខ៣ កីឡាករអេស្ប៉ាញ Marc Soler យឺតជាង ២៤វិនាទី។ យ៉ាងណាក្តីក្រោយ ១២ដំណាក់កាលនេះ កីឡាករប៊ែលហ្ស៊ិក Remco Evenepoel នៅតែបន្តនាំមុខរួមដដែលដោយមានវេលាចំណេញ ២នាទី ៤១វិនាទីពីលើអ្នកលេខ២ អ្នកការពារតំណែងជើងឯក Primoz Roglic និងលេខ៣ កីឡាករអេស្ប៉ាញ Enric Mas យឺតជាង ៣នាទី ៣វិនាទី។ សំរាប់ដំណាក់កាលទី១៣ ថ្ងៃសុក្រនេះមានចំងាយផ្លូវ ១៧១គីឡូម៉ែត្រ៕អត្ថបទ៖នាង សុភាវុធ

ខ្លីៗពីព័ត៌មានដោះដូរកីឡាករចុងក្រោយនៅក្របខណ្ឌ English Premier League

បាល់ទាត់៖ ទីផ្សារដោះដូរកីឡាករបាល់ទាត់នៅអឺរ៉ុបបានបិទបញ្ចប់ហើយ ខណៈការដោះដូរថ្ងៃចុងក្រោយ Deadline Day ការចរចាបានសំរេចច្រើន។ ខាងក្រោមគឺការផ្ទេរកីឡាករសំខាន់ៗក្នុងថ្ងៃចុងក្រោយ៖ Antony ចុះហត្ថលេខាផ្លូវការម្សិលមិញផ្ទេរមកកាន់ Manchester United តម្លៃ ៨២លានផោន។ អ្នកចាំទីស្លូវ៉ាគី Martin Dubravka ផ្លាស់មកកាន់ Manchester United ក្នុងលក្ខខណ្ឌខ្ចីពេញមួយរដូវកាល។ Manchester City ទិញបានខ្សែការពារស្វ៊ីស Manuel Akanji ពី Borussia Dortmund តម្លៃ ១៥លានផោន។ កីឡាករវ័យ ២៧ឆ្នាំរូបនេះធ្លាប់បង្ហាញខ្លួន ១៥៨ប្រកួតឱ្យ Dortmund តាំងពីផ្លាស់ពី Basel នៅឆ្នាំ២០១៨ និងបង្ហាញខ្លួនឱ្យក្រុមជំរើសជាតិស្វ៊ីសបាន ៤១លើក និងជាសមាជិកសំខាន់របស់ស្វ៊ីសក្នុងវគ្គជំរុះ World Cup 2022 នៅកាតា។ Chelsea បានសំរេចក្នុងការនាំយកខ្សែប្រយុទ្ធហ្កាបុង Pierre-Emerick Aubameyang ក្នុងតម្លៃ ១០.៣លានផោនពី FC Barcelona។ កីឡាករវ័យ ៣៣ឆ្នាំរូបនេះបានស៊ុតបញ្ចូលទី ១៣គ្រាប់ក្នុងការបង្ហាញខ្លួន ២៤លើកឱ្យ Barcelona តាំងពីផ្លាស់ពី Arsenal កាលពីខែកុម្ភៈ។ ពាក់ព័ន្ធនឹង Chelsea ដែរខ្សែការពារអេស្ប៉ាញ Marcos Alonso ត្រូវបានគេដឹងថានឹងចូលរួមជាមួយ Barcelona ផងដែរក្រោយចាកចេញពី Chelsea។ ជាមួយគ្នានោះដែរ Chelsea ក៏បាននាំយកខ្សែបម្រើស្វ៊ីសវ័យ ២៥ឆ្នាំ Danis Zakaria ផងដែរក្នុងលក្ខខណ្ឌខ្ចីពី Juventus។នៅក្នុងក្របខណ្ឌ English Premier League ផងដែរអតីតខ្សែបម្រើ Manchester United, Daniel James បានផ្លាស់ពី Leeds ទៅកាន់ Fulham ក្នុងលក្ខខណ្ឌខ្ចី។ ខ្សែការពារ Southampton, Jan Bednarek ផ្លាស់ទៅកាន់ Aston Villa ក្នុងលក្ខខណ្ឌខ្ចី។ James Garners ផ្លាស់ពី Manchester United ទៅកាន់ Everton តម្លៃ ៩លានផោន។ Willian បំពេញរួចរាល់ក្នុងការវិលត្រលប់មកកាន់ English Premier League វិញក្រោយចុះហត្ថលេខាជាមួយ Fulham។ Everton នាំយក Idrissa Gueye ពី Paris Saint Germain ត្រលប់មកវិញក្នុងតម្លៃ ២លានផោន។ ខ្សែការពារ Layvin Kurzawa ផ្លាស់ពី PSG មកកាន់ Fulham ក្នុងលក្ខខណ្ឌខ្ចី។ Arthur Melo ផ្លាស់ពី Juventus មកកាន់ Liverpool ក្នុងលក្ខខណ្ឌខ្ចី។ Billy Gilmour ផ្លាស់ពី Chelsea ទៅកាន់ Brighton តម្លៃ ៧.៥លានផោន។ ខ្សែបម្រើប៊ែលហ្ស៊ិក Leander Dendoncker ផ្លាស់ពី Wolves ទៅកាន់ Aston Villa តម្លៃ ១៣លានផោន៕ អត្ថបទ៖នាង សុភាវុធ

Antony បំពេញរួចរាល់ក្នុងការផ្លាស់មកកាន់ Manchester United ផ្លូវការ

បាល់ទាត់៖ Manchester United បានបំពេញរួចរាល់ផ្លូវការក្នុងការចុះហត្ថលេខានាំយកខ្សែបម្រើប្រេស៊ីល Antony ពី Ajax Amsterdam ក្នុងតម្លៃ ៨២លានផោន រឺ ៩៥លានអឺរ៉ូ។ តម្លៃនៃការផ្ទេរនេះនឹងត្រូវបន្ថែម ៥លានអឺរ៉ូផ្សេងទៀតដែលធ្វើឱ្យ Antony ក្លាយជាកីឡាករថ្លៃបំផុតទី៤ ដែលផ្លាស់មកកាន់ក្របខណ្ឌ English Premier League និងជាកីឡាករទី២ ដែលផ្ទេរមកកាន់ Manchester United ថ្លៃបំផុតបន្ទាប់ពី Paul Pogba តម្លៃ ៨៩លានផោន។ កីឡាករវ័យ ២២ឆ្នាំប្រេស៊ីលរូបនេះបានចុះហត្ថលេខារយៈពេល ៥ឆ្នាំដែលនឹងរក្សារូបគេនៅ Old Trafford ដល់ឆ្នាំ២០២៧។ Antony ស៊ុតបញ្ចូលទីបាន ២៥គ្រាប់ ២២បាល់បញ្ជូនក្នុងការបង្ហាញខ្លួនសរុប ៨២ប្រកួតឱ្យ Ajax តាំងពីផ្លាស់ពីក្លិបប្រេស៊ីល Sao Paulo នៅឆ្នាំ២០២០ ក្រោមការដឹកនាំរបស់លោក Erik ten Hag នៅពេលនោះ។ Antony ត្រូវបានកោះហៅចូលក្រុមជំរើសជាតិប្រេស៊ីលនៅខែតុលា ឆ្នាំ២០២១ ស៊ុតបញ្ចូលទីបាន ២គ្រាប់ក្នុងការបង្ហាញខ្លួន ៩លើក។ ថ្ងៃជាមួយគ្នានេះដែរ Manchester United ក៏បានប្រកាសពីការមកដល់របស់អ្នកចាំទីស្លូវ៉ាគី Martin Dubravka ក្នុងលក្ខខណ្ឌខ្ចីពី Newcastle United ដល់ចប់រដូវកាលផងដែរ៕អត្ថបទ៖នាង សុភាវុធ

ប្រធានសហព័ន្ធខ្មែរអត្តពលកម្មប្រគល់កាតាបចំនួន ៨០០ ដល់អង្គការផ្កាយសមុទ្រ

អត្តពលកម្ម៖ ឯកឧត្តម សំហេង បុរស រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានសហព័ន្ធខ្មែរអត្តពលកម្មស្ម័គ្រចិត្ត កាលពីល្ងាចថ្ងៃទី០១ ខែកញ្ញាបាននាំយកកាតាបចំនួន ៨០០ ប្រគល់ដល់អង្គការផ្កាយសមុទ្រដើម្បីរួមចំណែកបម្រើឲ្យការអប់រំក្នុងអង្គការ ពិសេសឯកឧត្តមចង់លើទឹកចិត្ត និងជំរុញឲ្យកុមារ និងយុវជន-យុវនារីលេងកីឡាតែម្ដង។ ឯកឧត្តមបានបញ្ជាក់ថា កម្មវិធីសប្បុរសធម៌នេះអាចដំណើរការបាន ដោយមានការឧបត្ថម្ភសម្ភារៈពីផលិតផល STARBALM ស្របតាមចក្ខុវិស័យរបស់ខ្លួន ដែលចង់លើកកម្ពស់វិស័យអប់រំដល់កុមារកំព្រា និងចង់ឲ្យពួកគេចូលរួមលេងកីឡាឲ្យបានច្រើនដើម្បីសុខភាព បញ្ញាស្មារតី ដូចអ្វីដែលអង្គការផ្កាយសមុទ្រធ្លាប់បានអនុវត្តជារឿយៗកន្លងមក ហើយអាចវិវឌ្ឍន៍ខ្លួនទៅជាអត្តពលិកតំណាងជាតិ និងដណ្ដើមមេដាយជូនជាតិថែមទៀតផង។ទន្ទឹមជាមួយគ្នា លោកស្រី ជួប វិច្ឆិកា នាយិកាអង្គការផ្កាយសមុទ្រ បានថ្លែងអំណរគុណចំពោះប្រធានសហព័ន្ធខ្មែរអត្តពលកម្មស្ម័គ្រចិត្រ ដែលតែងជួយគាំទ្រដល់អង្គការជាបន្តបន្ទាប់ ពិសេសលើកនេះបានផ្ដល់នូវកាតាបស្តាបាំ ចំនួន ៨០០ សម្រាប់ចែកជូនដល់បុគ្គលិក និងសិស្សានុសិស្សរបស់អង្គការទាំងអស់ ដែលជួយសន្សំសំចៃថវិការបស់អង្គការមួយផ្នែក ដែលត្រូវចំណាយលើការទិញសម្ភារៈជូនដល់កូនសិស្សទាំងអស់ ជារៀងរាល់ឆ្នាំផងដែរ៕អត្ថបទ៖ លី ឈុនឡា

ណាហ្គាត្រៀមខ្លួនជាស្រេចដើម្បីបើកទ្វារកីឡដ្ឋានកំពង់ស្ពឺស្វាគមន៍ប្រកួតផ្លូវការនាពេលឆាប់ៗ

បាល់ទាត់៖ លោក ឃឹម បូរី គ្រូបង្វឹកក្រុមណាហ្គាវើលដ៏បានត្រៀមខ្លួនជាស្រេច ដើម្បីស្វាគមន៍សមិទ្ធផលថ្មីនៃខេត្តកំពង់ស្ពឺគឺកីឡដ្ឋានខេត្តកំពង់ស្ពឺ ដើម្បីបើកទ្វារស្វាគមន៍ការប្រកួតផ្លូវការនាពេលឆាប់ៗខាងមុខ។ ការលើកឡើងនេះ បន្ទាប់ពីកីឡដ្ឋានស្ដង់ដារអន្ដរជាតិនេះបានសាងសង់រួចរាល់ និងត្រៀមសម្ពោធដាក់ឲ្យប្រើប្រាស់ជាផ្លូវការនាថ្ងៃទី០៦ ខែកញ្ញាខាងមុខក្រោមអធិបតីភាពឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពសង់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា។ គ្រូបង្វឹកដដែលបានបង្ហាញសេចក្ដីសោមនស្សរីករាយក្រៃលែង ចំពោះកីឡដ្ឋានខេត្តកំពង់ស្ពឺដែលជាកីឡដ្ឋានដ៏ស្រស់ស្អាត ខណៈក្រោយសម្ពោធរួច ក្លិបគ្រោងរៀបចំការប្រកួតមិត្តភាពមួយចំនួនក្នុងខែកញ្ញានេះ មុនឈានទៅបើកទ្វារទទួលការប្រកួតផ្លូវការជាមួយក្រុមគិរីវង់សុខសែនជ័យមុនគេ នាដើមខែតុលា ឆ្នាំ២០២២ ខាងមុខ។ជាមួយគ្នាដែរ ប្រធានក្រុមណាហ្គាវើលដ៏កីឡាករ គួច សុកុម្ភៈ ក៏បានលើកឡើងស្រដៀងគ្នាពីទិដ្ឋភាព ក៏ដូចជាសោភ័ណ្ឌកីឡដ្ឋានថ្មីដែលជាគំនិតផ្ដួចផ្ដើមរបស់ឯកឧត្តម ហ៊ុន ម៉ានី អ្នកតំណាងរាស្ដ្រមណ្ឌលខេត្តកំពង់ស្ពឺ ដោយលោករំពឹងថា វត្តមានកីឡដ្ឋានេះនឹងក្លាយជាកម្លាំងចលកថ្មីទៀត ដើម្បីរួមចំណែកកសាង និងអភិវឌ្ឍន៍វិស័យកីឡាបាល់ទាត់ជាតិ។ គួរដឹងថា កីឡដ្ឋានខេត្តកំពង់ស្ពឺបានរៀបចំពិធីក្រុងពាលី បើកការដ្ឋានសាងសង់ជាផ្លូវការកាលពីថ្ងៃទី២១ ខែកុម្ភៈ ឆ្នាំ២០២១ ក្រោមគំនិតផ្ដួចផ្ដើមរបស់ឯកឧត្តម ហ៊ុន ម៉ានី ដោយចំណាយថវិកាជាង ៣លានដុល្លារ។ កីឡដ្ឋាននេះប្រើប្រាស់ស្មៅសិប្បនិម្មិត អមជាមួយការសាងសង់អាគារដ្ឋបាល និងកន្លែងអង្គុយទស្សនា ៣,០០០នាក់ រួមជាមួយហេដ្ឋារចនាសម្ព័ន្ធជាច្រើនទៀត ពិសេសគឺមានបង្គោលភ្លើងសម្រាប់បម្រើការប្រកួតពេលយប់បានទៀតផង៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាការ៉ាតេដណ្ដើមបានមេដាយ ៧គ្រឿងនៃព្រឹត្តិការណ៍ Thailand Karate Open 2022

ឯកឧត្តម ហ៊ុន ម៉ានី៖ ក្នុងនាមយុវជនកុំភ្លេចគុណតម្លៃ និងការលះបង់របស់ចាស់ៗ មិនថាក្នុងកីឡា ឬនយោបាយឡើយ

កីឡាការិនីអ៊ុយក្រែន Marta Kostyuk បដិសេធមិនចាប់ដៃកីឡាការិនីបេឡារុស Victoria Azarenka នៅ US Open

កីឡាករវ័យក្មេងអេស្ប៉ាញ Carlos Alcaraz ឡើងជុំទី៣ US Open ក្រោយឈ្នះ Federico Coria

Nottingham Forest បំបែកកំណត់ត្រាទិញចូលកីឡាករច្រើនបំផុតក្នុងមួយរដូវកាលនៅចក្រភពអង់គ្លេស

Richard Carapaz ឈ្នះដំណាក់កាលទី១២ ប្រណាំងកង់ Vuelta a Espana ខណៈអ្នកនាំមុខនៅដដែល

ខ្លីៗពីព័ត៌មានដោះដូរកីឡាករចុងក្រោយនៅក្របខណ្ឌ English Premier League

Antony បំពេញរួចរាល់ក្នុងការផ្លាស់មកកាន់ Manchester United ផ្លូវការ

ប្រធានសហព័ន្ធខ្មែរអត្តពលកម្មប្រគល់កាតាបចំនួន ៨០០ ដល់អង្គការផ្កាយសមុទ្រ

ណាហ្គាត្រៀមខ្លួនជាស្រេចដើម្បីបើកទ្វារកីឡដ្ឋានកំពង់ស្ពឺស្វាគមន៍ប្រកួតផ្លូវការនាពេលឆាប់ៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡា​កា​រ៉ា​តេដ​ណ្ដើ​ម​បាន​មេដាយ ៧​គ្រឿង​នៃ​ព្រឹត្តិការណ៍​ Thailand Karate Open 2022

ឯកឧត្តម ហ៊ុន ម៉ានី៖ ក្នុងនាមយុវជនកុំភ្លេចគុណតម្លៃ និងការលះបង់របស់ចាស់ៗ មិនថាក្នុងកីឡា ឬនយោបាយឡើយ

កីឡាការិនី​អ៊ុយ​ក្រែ​ន Marta Kostyuk បដិសេធ​មិន​ចាប់ដៃ​កីឡា​ការិនី​បេឡា​រុស Victoria Azarenka នៅ US Open

កីឡាករ​វ័យក្មេង​អេ​ស្ប៉ា​ញ Carlos Alcaraz ឡើង​ជុំ​ទី៣ US Open ក្រោយ​ឈ្នះ Federico Coria

Nottingham Forest បំបែក​កំណត់ត្រា​ទិញ​ចូល​កីឡាករ​ច្រើន​បំផុត​ក្នុង​មួយ​រដូវ​កាល​នៅ​ចក្រភព​អង់គ្លេស​

Richard Carapaz ឈ្នះ​ដំណាក់កាល​ទី១២ ប្រណាំង​កង់ Vuelta a Espana ខណៈ​អ្នក​នាំមុខ​នៅ​ដដែល​

ខ្លីៗ​ពី​ព័ត៌មាន​ដោះដូរ​កីឡាករ​ចុងក្រោយ​នៅ​ក្របខណ្ឌ English Premier League

Antony បំពេញ​រួចរាល់​ក្នុងការ​ផ្លាស់​មកកាន់ Manchester United ផ្លូវការ

ប្រធាន​សហព័ន្ធ​ខ្មែរ​អត្តពលកម្ម​ប្រគល់​កាតា​ប​ចំនួន ៨០០ ដល់​អង្គការ​ផ្កាយ​សមុទ្រ

ណាហ្គា​ត្រៀមខ្លួន​ជាស្រេចដើម្បី​បើកទ្វារ​កីឡដ្ឋាន​កំពង់ស្ពឺស្វាគមន៍​ប្រកួត​ផ្លូវការនាពេល​ឆាប់ៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាការ៉ាតេដណ្ដើមបានមេដាយ ៧គ្រឿងនៃព្រឹត្តិការណ៍ Thailand Karate Open 2022

កីឡាការិនីអ៊ុយក្រែន Marta Kostyuk បដិសេធមិនចាប់ដៃកីឡាការិនីបេឡារុស Victoria Azarenka នៅ US Open

កីឡាករវ័យក្មេងអេស្ប៉ាញ Carlos Alcaraz ឡើងជុំទី៣ US Open ក្រោយឈ្នះ Federico Coria

Nottingham Forest បំបែកកំណត់ត្រាទិញចូលកីឡាករច្រើនបំផុតក្នុងមួយរដូវកាលនៅចក្រភពអង់គ្លេស

Richard Carapaz ឈ្នះដំណាក់កាលទី១២ ប្រណាំងកង់ Vuelta a Espana ខណៈអ្នកនាំមុខនៅដដែល

ខ្លីៗពីព័ត៌មានដោះដូរកីឡាករចុងក្រោយនៅក្របខណ្ឌ English Premier League

Antony បំពេញរួចរាល់ក្នុងការផ្លាស់មកកាន់ Manchester United ផ្លូវការ

ប្រធានសហព័ន្ធខ្មែរអត្តពលកម្មប្រគល់កាតាបចំនួន ៨០០ ដល់អង្គការផ្កាយសមុទ្រ

ណាហ្គាត្រៀមខ្លួនជាស្រេចដើម្បីបើកទ្វារកីឡដ្ឋានកំពង់ស្ពឺស្វាគមន៍ប្រកួតផ្លូវការនាពេលឆាប់ៗ