BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

ពានបាល់ទាត់ពិភពលោកធ្វើដំណើរដល់ទឹកដីអ៊ីរ៉ង់

បាល់ទាត់៖ ពានរង្វាន់បាល់ទាត់ពិភពលោកបានធ្វើដំណើរដល់ទីក្រុងតេអេរ៉ង់ ប្រទេសអ៊ីរ៉ង់ហើយ ក្នុងដំណើរទស្សនាចរជុំវិញពិភពលោកមុនទៅដល់ទឹកដីម្ចាស់ផ្ទះកាតា។ ការមកដល់ទឹកអ៊ីរ៉ង់នេះបានទទួលការស្វាគមន៍ដោយអតីតកីឡាករជំរើសជាតិអ៊ីរ៉ង់មួយចំនួនដូចជា Ahmad Reza Abedzadeh ដែលធ្លាប់ជាប្រធានក្រុមជំរើសជាតិនៅពេលអ៊ីរ៉ង់ ចូលរួមការប្រកួតបាល់ទាត់ពិភពលោកកាលពីឆ្នាំ១៩៩៨ នៅទឹកដីបារាំង។នេះជាលើកដំបូងបំផុតដែល FIFA សំរេចដាក់បង្ហាញពានបាល់ទាត់ពិភពលោក នៅតាមប្រទេសដែលមានកៅអីនៅ World Cup ផ្តាច់ព្រ័ត្រទាំង ៣២ប្រទេសឆ្នាំនេះដែលនឹងចាប់ផ្តើមនៅខែវិច្ឆិកាខាងមុខលើទឹកដីកាតា។ កីឡាករបាល់ទាត់អ៊ីរ៉ង់ទាំងនារី និងបុរសមានឱកាសថតរូបទុកជាអនុស្សាវរិ៍ ជាមួយពានបាល់ទាត់ពិភពលោកមួយនេះ។ បន្ទាប់ពីអ៊ីរ៉ង់ ពានបាល់ទាត់ពិភពលោកនឹងបន្តដំណើរទៅទឹកដីហ្កាណានៅថ្ងៃទី៣ ខែកញ្ញាស្អែកនេះ។ អ៊ីរ៉ង់ស្ថិតក្នុងពូល B នៅ World Cup ឆ្នាំនេះរួមជាមួយអង់គ្លេស អាមេរិក និងវែល ហើយនឹងចាប់ផ្តើមប្រកួតដំបូងរបស់ខ្លួនទល់នឹងអង់គ្លេសនៅថ្ងៃទី២១ ខែវិច្ឆិកា។ អ៊ីរ៉ង់នឹងបង្ហាញមុខនៅ World Cup ៣លើកជាប់គ្នា ហើយនឹងជាលើកទី៦ ក្នុងប្រវត្តិសាស្ត្រ។រំលឹកថា ពានរង្វាន់បាល់ទាត់ពិភពលោកក៏ធ្លាប់បាន ធ្វើដំណើរមកកាន់ទឹកដីកម្ពុជាផងដែរកាលពីខែមិថុនា ដោយមានការទទួលស្វាគមន៍ដ៏ខ្ពង់ខ្ពស់ដោយសម្តេចអគ្គមហាសេនាបតីតេជោ ហ៊ុន សែន មុននឹងដាក់បង្ហាញនៅពហុកីឡដ្ឋានមរតកតេជោ អនុញ្ញាតឱ្យប្រជាជនកម្ពុជាមានឱកាសថតរូប ឈរក្បែរពានដ៏មានតម្លៃមួយនេះ៕អត្ថបទ៖នាង សុភាវុធ

Sancho ស៊ុតគ្រាប់ជ័យជំនះឱ្យ Manchester United ឈ្នះ ៣ប្រកួតជាប់គ្នា

បាល់ទាត់៖ ក្រុមបិសាចក្រហម Manchester United រកបានជ័យជំនះ ៣ប្រកួតជាប់ៗគ្នាក្រោមការដឹកនាំរបស់អ្នកចាត់ការ Erik ten Hag ក្រោយយកឈ្នះ ១-០ នៅទឹកដី Leicester City សប្តាហ៍ទី៥ នៃក្របខណ្ឌ English Premier League។ គ្រាប់ជ័យជំនះរបស់ Manchester United កើតឡើងនៅនាទីទី២៣ ដោយខ្សែប្រយុទ្ធស្លាប Sancho ក្រោយទទួលបានពី Marcus Rashford។ Manchester United ដែលឈ្នះពីរប្រកួតផ្ទួនៗកន្លងមករួមមានឈ្នះ Liverpool និង Southampton នោះមានការគ្រប់គ្រងបាល់ច្រើន និងមានឱកាសច្រើនក្នុងការរកគ្រាប់បាល់នៅកីឡដ្ឋាន King Power តែមិនមានសំណាង។នេះជាជ័យជំនះបីប្រកួតជាប់គ្នាលើកដំបូងសំរាប់ Manchester United រាប់ពីខែមេសា ឆ្នាំ២០២១ ខណៈបីពិន្ទុលើកទី ៣ នេះ Manchester United ឡើងមកដល់លេខ៥ ក្នុងតារាងមាន ៩ពិន្ទុពីការប្រកួត ៥លើក។ ការប្រកួតសប្តាហ៍ទី៦ នឹងបន្តទៀតចុងសប្តាហ៍នេះដោយ Manchester United ត្រូវទទួលកាំភ្លើងធំ Arsenal នៅថ្ងៃអាទិត្យ ខណៈ Leicester City ទៅផ្ទះ Brighton៕អត្ថបទ៖នាង សុភាវុធ

Serena Williams ទំលាក់កីឡាការិនីអេស្តូនី Anett Kontaveit បន្តក្តីសង្ឃឹមនៅ US Open

វាយកូនបាល់៖ កីឡាការិនីអាមេរិក Serena Williams បានបន្តក្តីសង្ឃឹមរបស់ខ្លួននៅ Grand Slam, US Open បន្ទាប់ពីវាយបកពីក្រោយយកឈ្នះកីឡាការិនីអេស្តូនី Anett Kontaveit។ Serena Williams ដែលបច្ចុប្បន្នឈរលេខ ៤១៣ ពិភពលោក និងឈានចូលវ័យ ៤១ឆ្នាំនៅខែក្រោយនោះបានយកឈ្នះ Anett Kontaveit ដោយលទ្ធផល ៧-៦(៧-៤), ២-៦ និង ៦-២។ម្ចាស់ជើងឯក Grand Slam ២៣លើករូបនេះបានប្រកាសហើយថា នឹងចូលនិវត្តន៍ពីអាជីពនៅពេលបញ្ចប់ព្រឹត្តិការណ៍ US Open នេះ។ តែការលាចាកពីអាជីពរបស់កីឡាការិនីវ័យ ៤០ឆ្នាំរូបនេះត្រូវពន្យារពេលបន្ថែមទៀត ដោយត្រូវឈានឡើងជុំបន្តជួបជាមួយកីឡាការិនីអូស្ត្រាលី Ajla Tomljanovic នៅថ្ងៃសុក្រស្អែកនេះ។ដោយឡែកលទ្ធផលផ្សេងទៀត កីឡាការិនីលំដាប់លេខ ៣ ពិភពលោក Maria Sakkari បានធ្លាក់ចេញពីការប្រកួតហើយក្រោយចាញ់កីឡាការិនីចិន Wang Xiyu។ កីឡាការិនីក្រិក Maria Sakkari ដែលឡើងដល់វគ្គពាក់កណ្តាលផ្តាច់ព្រ័ត្ររដូវកាលមុនបានយកឈ្នះសិតដំបូង ៦-៣ មុនពេលដែល Wang Xiyu វាយបកយកឈ្នះ ២សិតវិញ ៧-៥ និង ៧-៥ ដើម្បីឡើងជុំទី៣ US Open ជាលើកដំបូងក្នុងអាជីព៕អត្ថបទ៖នាង សុភាវុធ

Andy Murray ឡើងវគ្គ ៣២នាក់ចុងក្រោយ US Open លើកដំបូងក្នុងរយៈពេល ៦ឆ្នាំ

វាយកូនបាល់៖ អតីតកីឡាករលេខ ១ ពិភពលោក Andy Murray បានឈានជើងឡើងជុំទី៣ រឺវគ្គ ៣២នាក់ចុងក្រោយនៃព្រឹត្តិការណ៍ Grand Slam, US Open ជាលើកដំបូងតាំងពីឆ្នាំ២០១៦ ក្រោយយកឈ្នះកីឡាករអាមេរិក Emilio Nava។ កីឡាករស្កុតឡេនវ័យ ៣៥ឆ្នាំរូបនេះបានចាញ់សិតដំបូង ៥-៧ មុនពេលវាយបកយកឈ្នះវិញ ២សិតផ្ទួនៗ ៦-៣, ៦-១ និង ៦-០។ ជើងឯក US Open ឆ្នាំ២០១២ Andy Murray នឹងត្រូវជួបជាមួយជើងខ្លាំងអ៊ីតាលី Matteo Berrettini លំដាប់លេខ ១៣ នៅជុំទី៣។ ងាកមកកីឡាករកំពូលរបស់អូស្ត្រាលី Nick Kyrgios ក៏បានបន្តដំណើរទៅមុខដែរក្រោយយកឈ្នះកីឡាករបារាំងលំដាប់លេខ ៥០ ពិភពលោក Benjamin Bonzi លទ្ធផល ៧-៦(៧-៣), ៦-៤, ៤-៦ និង ៦-៤។ កីឡាករវ័យ ២៣ឆ្នាំដែលជាជើងឯករង Wimbledon រូបនេះនឹងបន្តជួបជាមួយកីឡាករអាមេរិក Tommy Paul នៅវគ្គ ៣២នាក់ចុងក្រោយ៕អត្ថបទ៖នាង សុភាវុធ

កីឡាករអូស្ត្រាលី Kaden Groves ឈ្នះដំណាក់កាលទី១១ Vuelta a Espana តែអ្នកនាំមុខនៅដដែល

ប្រណាំងកង់៖ កីឡាករអូស្ត្រាលី Kaden Groves បានប្រជែងឈ្នះដំណាក់កាលទី១១ នៃព្រឹត្តិការណ៍ប្រណាំងកង់ Grand Tour, Vuelta a Espana តែអ្នកនាំមុខរួមនៅដដែល។ ដំណាក់កាលទី១១ ដែលមានចំងាយផ្លូវ ១៩១.២គីឡូម៉ែត្រ កីឡាកររបស់ក្រុមប្រណាំង BikeExchange-Jayco, Kaden Groves បានមកដល់ទីព្រ័ត្រមុនគេប្រើពេល ៥ម៉ោង ៣នាទី ១៤វិនាទី។ ស្ថិតក្នុងថេរវេលាដូចគ្នា កីឡាករហូឡង់ Danny van Poppel បានមកដល់ទីលំដាប់លេខ២ និងលេខ៣ កីឡាករប៊ែលហ្ស៊ិក Tim Merlier។ ដោយឡែកសំរាប់តារាងវេលារួមវិញ កីឡាករប៊ែលហ្ស៊ិក Remco Evenepoel នៅតែបន្តនាំមុខគេដដែលជាមួយនឹងវេលាចំណេញ ២នាទី ៤១វិនាទីពីលើអ្នកការពារតំណែងជើងឯក Primoz Roglic និងលេខ៣ នៅតែជាកីឡាករអេស្ប៉ាញដដែល Enric Mas យឺតជាង ៣នាទី ៣វិនាទី។ សំរាប់ដំណាក់កាលទី១២ ថ្ងៃព្រហស្បតិ៍នេះ ១៩៥.៥គីឡូម៉ែត្រ៕អត្ថបទ៖នាង សុភាវុធ

Chelsea ទិញខ្សែការពារ Wesley Fofana ពី Leicester ទាល់តែបានក្នុងតម្លៃ ៧០លានផោន

បាល់ទាត់៖ ក្លិបតោខៀវ Chelsea ទីបំផុតតាមទិញខ្សែការពារ Wesley Fofana ពី Leicester City ទាល់តែបានសំរេចក្នុងតម្លៃផ្ទេរ ៧០លានផោន ក្លាយជាខ្សែការពារថ្លៃបំផុតទី៣ នៅ English Premier League។ កីឡាករក្រុមជម្រើសជាតិបារាំងអាយុក្រោម ២១ឆ្នាំរូបនេះបានចុះហត្ថលេខារយៈពេល ៧ឆ្នាំនៅកីឡដ្ឋាន Stamford Bridge។ Wesley Fofana បង្ហាញខ្លួនឱ្យ Leicester City សរុប ៣៧ប្រកួតនៅ Premier League តាំងពីផ្លាស់ពីក្លិបបារាំង Saint Etienne នៅឆ្នាំ២០២០។ តែរដូវកាលមុនគេបង្ហាញខ្លួនបានត្រឹម ៧លើកប៉ុណ្ណោះនៅក្នុងលីគដោយសាររបួសបាក់ជើងពេលប្រកួត Pre-Season។ តម្លៃនៃការផ្ទេរ ៧០លានផោននេះបានធ្វើឱ្យ Wesley Fofana ក្លាយជាខ្សែការពារតម្លៃបំផុតទី៣ ក្នុងប្រវត្តិសាស្ត្រ Premier League បន្ទាប់ពី Harry Maguire ផ្ទេរពី Leicester ទៅ Manchester United តម្លៃ ៨០លានផោននៅឆ្នាំ២០១៩ និង Virjil van Dijk ផ្ទេរពី Southampton ទៅ Liverpool តម្លៃ ៧៥លានផោនកាលពីឆ្នាំ២០១៧។ Wesley Fofana ក៏ឈរលេខ ១២ ផងដែរជាកីឡាករដែលមានតម្លៃផ្ទេរខ្ពស់បំផុតនៅ Premier League តែនឹងធ្លាក់ទៅលេខ ១៣ វិញនៅពេល Antony ចុះហត្ថលេខាផ្លូវការផ្លាស់មកកាន់ Manchester United ក្នុងតម្លៃ ៨១.៣លានផោន៕អត្ថបទ៖នាង សុភាវុធ

CAMSOC ជំរុញសហព័ន្ធខ្វះបទពិសោធន៍រៀបចំប្រកួតអន្ដរជាតិ រួសរាន់ធ្វើការជាមួយអ្នកជំនាញអន្ដរជាតិ

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានជំរុញឲ្យសហព័ន្ធកីឡាជាតិដែលពុំធ្លាប់មានបទពិសោធន៍រៀបចំ ឬធ្វើម្ចាស់ផ្ទះការប្រកួតលក្ខណៈអន្ដរជាតិត្រូវរួសរាន់ធ្វើការជាមួយអ្នកជំនាញអន្ដរជាតិ តាមរយៈប្រធានប្រតិភូបច្ចេកទេសដែលតែងតាំងដោយសហព័ន្ធកីឡាអន្ដរជាតិ ដើម្បីធានាបាននូវការត្រៀមខ្លួនរួចរាល់ សម្រាប់រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ ខាងមុខ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការ CAMSOC បន្ទាប់ពីមានការចង្អុលបង្ហាញដ៏ខ្ពង់ខ្ពស់របស់សម្ដេចពិជ័យសេនា ទៀ បាញ់ ប្រធានគណៈកម្មាធិការជាតិ CAMSOC និងឯកឧត្តមរដ្ឋមន្ដ្រី ថោង ខុន អនុប្រធានអចិន្ដ្រៃយ៍ CAMSOC ធ្វើការកោះហៅថ្នាក់ដឹកនាំសហព័ន្ធកីឡាជាតិចំនួន ៣៩ ចូលរួមកិច្ចប្រជុំបច្ចេកទេស ដើម្បីស្វែងរកការឯកភាពគ្នាកាលពីល្ងាចថ្ងៃទី៣១ ខែសីហា ឆ្នាំ២០២២ នៅទីស្នាក់ការគណៈកម្មាធិការជាតិអូឡាំពិកកម្ពុជា។ ឯកឧត្តមមានប្រសាសន៍ថា ពាក់ព័ន្ធសហព័ន្ធមួយចំនួនដែលធ្លាប់រៀបចំការប្រកួតអន្ដរជាតិ រហូតដល់កម្រិតពិភពលោកគឺមិនមានអ្វីត្រូវបារម្ភនោះទេ តែក្ដីកង្វល់បន្ដិចបន្ដួចនោះគឺសហព័ន្ធដែលខ្វះបទពិសោធន៍រៀបចំការប្រកួតអន្ដរជាតិ ទាមទារឲ្យធ្វើការចាំបាច់ជាមួយប្រធានប្រតិភូបច្ចេកទេស របស់សហព័ន្ធអន្ដរជាតិដែលត្រៀមមកជួយសហព័ន្ធកីឡាជាតិនីមួយៗ ដើម្បីត្រៀមរៀបចំការប្រកួតកីឡាស៊ីហ្គេមលើកដំបូងនៅកម្ពុជា ឲ្យដំណើរការរលូន និងទទួលបានជោគជ័យ។សូមបញ្ជាក់ថា គិតត្រឹមថ្ងៃទី០១ ខែកញ្ញានេះកម្ពុជានៅសល់រយៈពេល ២៤៥ថ្ងៃគត់សម្រាប់ដំណើរឆ្ពោះទៅស៊ីហ្គេម លើកទី៣២ នៅកម្ពុជា ដែលនឹងប្រារព្ធពិធីបើកការប្រកួតនាថ្ងៃទី០៥ ខែឧសភា និងបិទនៅថ្ងៃទី១៧ ខែឧសភា ឆ្នាំ២០២៣។ ចំពោះការរៀបចំការប្រកួតតាមប្រភេទកីឡានីមួយៗ គឺជាបន្ទុករបស់សហព័ន្ធកីឡាជាតិផ្ទាល់។ ហេតុនេះ សហព័ន្ធត្រូវធានាបាននូវការត្រៀមខ្លួនរាល់ ទាំងឧបករណ៍ និងមន្ដ្រីបច្ចេកទេស ដើម្បីជំរុញព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះឲ្យទទួលបានជោគជ័យ៕អត្ថបទ៖ លី ឈុនឡា

Haaland ធ្វើបាន Hat-Trick ពីរប្រកួតជាប់គ្នា ខណៈ Manchester City បំបាក់ក្រុមឡើងថ្មី Nottingham Forest

បាល់ទាត់៖ ខ្សែប្រយុទ្ធន័រវេស Erling Haaland មិនបង្អង់ដៃក្នុងការរកគ្រាប់បាល់ក្នុងអាជីពដំបូងរបស់ខ្លួននៅក្របខណ្ឌកំពូល English Premier League ឡើយ បន្ទាប់ពីរកបានបីគ្រាប់ម្នាក់ឯងពីរប្រកួតជាប់គ្នាស្របពេល Manchester City បំបាក់ក្រុមទិញកីឡាករច្រើន Nottingham Forest ៦-០។ កាលពីថ្ងៃសៅរ៍កីឡាករវ័យ ២២ឆ្នាំរូបនេះក៏រកបានបីគ្រាប់ដែរត្រឹមចន្លោះពេល ១៩នាទីប៉ុណ្ណោះនៅពេល Manchester City វាយបកពីក្រោយ ២គ្រាប់យកឈ្នះ Bournemouth ៤-២។ យប់មិញម្តងទៀតអតីតខ្សែប្រយុទ្ធ Dortmund រូបនេះរកបានបីគ្រាប់ទៀតក្នុងចន្លោះពេល ២៦ រវាងគ្រាប់ទី១ ដល់គ្រាប់ទី៣ របស់ខ្លួនពោលគឺគ្រាប់ទី១ នៅនាទីទី១២, គ្រាប់ទី២ នៅនាទីទី ២៣ និងទីបីនាទីទី៣៨ ខណៈវគ្គទី២ Manchester City បន្ថែមបីគ្រាប់ទៀតដោយ Joao Cancelo និង Julian Alvarez ពីរគ្រាប់ម្នាក់ឯង។ សរុបត្រឹម ៥ប្រកួតរដូវកាលនេះ Erling Haaland រកបានសរុប ៩គ្រាប់ហើយ។ បីពិន្ទុបន្ថែមនេះក្រុមរបស់លោក Pep Guardiola បន្តឈរលេខ២ ក្នុងតារាងមាន ១៣ពិន្ទុដេញពីក្រោយក្រុមកំពូលតារាង Arsenal ២ពិន្ទុ។Arsenal បន្តស្ថិតិឥតខ្ចោះរបស់ខ្លួនរដូវកាលនេះក្រោយឈ្នះ ៥ប្រកួតជាប់គ្នាបន្ទាប់ពីជ័យជំនះ ២-១ លើ Aston Villa យប់មិញ។ Gabriel Jesus រកបានគ្រាប់ទី៣ របស់ខ្លួនរដូវកាលនេះតែក្រុមភ្ញៀវ Aston Villa តាមស្មើវិញនៅនាទីទី៧៤ ដោយ Douglas Luiz។ Gabriel Martinelli គឺជាអ្នកសំរេចគ្រាប់ជ័យជំនះឱ្យ Arsenal នៅនាទីទី៧៧ ធ្វើឱ្យក្រុមរបស់លោក Mikel Arteta បន្តកាន់កាប់កំពូលតារាងមាន ១៥ពិន្ទុពេញ។ លទ្ធផលគូផ្សេងទៀតមាន Liverpool យកឈ្នះ Newcastle ២-១, West Ham ១-១ Tottenham Hotspur និង Bournemouth ០-០ Wolverhampton៕អត្ថបទ៖នាង សុភាវុធ

សហព័ន្ធកីឡាវាយកូនឃ្លីលើតុសង្ឃឹមសម្រេចជោគជ័យទាំងពីរនាស៊ីហ្គេមឆ្នាំ២០២៣

វាយកូនឃ្លីលើតុ៖ ឯកឧត្តមនាយឧត្តមសេនីយ៍ គៀត ច័ន្ទថារិទ្ធ ប្រធានសហព័ន្ធកីឡាវាយកូនឃ្លីលើតុកម្ពុជា បានបង្ហាញសុទិដ្ឋិនិយមដោយសង្ឃឹមនឹងសម្រេចជោគជ័យទាំងពីរ ពោលគឺទាំងការរៀបចំការប្រកួត និងការប្រជែងមេដាយក្នុងនាមម្ចាស់ផ្ទះនៃការប្រកួតកីឡាស៊ីហ្គេមលើកទី៣២ ឆ្នាំ២០២៣។ ការគូសបញ្ជាក់នេះធ្វើឡើងក្នុងពិធីបិទវគ្គបណ្តុះបណ្តាលហ្វឹកហ្វឺនបច្ចេកទេស កីឡាវាយកូនឃ្លីលើតុកម្រិតអន្តរជាតិ សម្រាប់អាជ្ញាកណ្តាលថ្នាក់ជាតិប្រចាំឆ្នាំ២០២២ កាលពីថ្ងៃទី៣១ ខែសីហា នៅទីស្នាក់ការគណៈកម្មាធិការជាតិអូឡាំពិកកម្ពុជា ដោយឯកឧត្តមប្រធានសហព័ន្ធបានចាប់ទុកជាជោគជ័យដ៏ធំធេងសម្រាប់ជាតិ ក៏ដូចជាគ្រួសារកីឡាវាយកូនខ្លីលើតុកម្ពុជា ប្រសិនបើសហព័ន្ធអាចសម្រេចជោគជ័យទាំងពីរផ្នែកនេះ។ ឯកឧត្តមបន្ដថា ខណៈនេះក្រុមកីឡាករ-កីឡាការិនីវាយកូនឃ្លីលើតុកម្ពុជា កំពុងខិតខំហ្វឹកហាត់ត្រៀមប្រកួតប្រជែងក្នុងស៊ីហ្គេម ២០២៣។ ប្រសិនបើការខិតខំនេះដណ្តើមបានមេដាយជូនជាតិគឺជាជោគជ័យមួយ តែប្រសិនបើមិនដណ្តើមបានមេដាយទេ គឺត្រូវតែទទួលបានជោគជ័យមួយទៀតគឺការរៀបចំដោយសារកម្ពុជាជាម្ចាស់ផ្ទះ ដូច្នេះកុំឲ្យគេថា មិនជោគជ័យទាំងពីរគឺជាការពិបាកទទួលយកមួយសម្រាប់សហព័ន្ធ។តាមរយៈនេះ ប្រមុខសហព័ន្ធដដែលបានជំរុញឲ្យសិក្ខាកាមជាមន្ដ្រីបច្ចេកទេស ក៏ដូចជាកីឡាករ-កីឡាការិនីត្រូវពួតដៃគ្នាដើម្បីពង្រឹង និងជំរុញសមត្ថភាពឈានទៅរកកម្រិតខ្ពស់ ដើម្បីស្វែងរកជោគជ័យណាមួយ ឬជោគជ័យទាំងពីរផ្នែកដើម្បីជាការលើកកម្ពស់កិត្តិយសជាតិ កិត្យានុភាពជាតិលើឆាកអន្ដរជាតិ នៅក្នុងព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ។ ពាក់ព័ន្ធនឹងវគ្គបណ្តុះបណ្តាលហ្វឹកហ្វឺនបច្ចេកទេស កីឡាវាយកូនឃ្លីលើតុកម្រិតអន្តរជាតិវិញ លោក ស៊ុន សុទ្ធារិទ្ធ អគ្គលេខាធិការសហព័ន្ធបានបញ្ជាក់ថា ធ្វើឡើងរយៈពេល ៥ថ្ងៃពីថ្ងៃទី២៧ ដល់ថ្ងៃទី៣១ ខែសីហា ក្រោមការបង្រៀនរបស់លោកស្រី Rachel DL Ramos ដែលជាចៅក្រមអាជ្ញាកណ្តាលអន្តរជាតិមកពីសហព័ន្ធកីឡាវាយកូនឃ្លីលើតុអន្តរជាតិ (ITTF) និងមានសិក្ខាកាមជាអាជ្ញាកណ្តាលចំនួន ៣៥នាក់ចូលរួម។ វគ្គនេះធ្វើឡើងស្របតាមផែនការសកម្មភាពប្រចាំឆ្នាំរបស់សហព័ន្ធ និងក្រោមថវិកាគាំទ្ររបស់ក្រសួងអប់រំ យុវជន និងកីឡា ដើម្បីពន្លឿនផែនការអភិវឌ្ឍសហព័ន្ធកីឡាជាតិឆ្ពោះទៅស៊ីហ្គេមឆ្នាំ២០២៣៕អត្ថបទ៖ លី ឈុនឡា

កម្ពុជាកោះហៅកូនខ្មែរ-អាមេរិកត្រៀមប្រកួតមិត្តភាពជាមួយបង់ក្លាដែស

បាល់ទាត់៖ កីឡាករកូនកាត់ខ្មែរ-អាមេរិក ថេឡរ នីកូឡាស់ ឌឿង (Nick Taylor) បានស្ថិតក្នុងបញ្ជីបឋមនៃក្រុមជម្រើសជាតិកម្ពុជា សម្រាប់ត្រៀមប្រមូលផ្ដុំហ្វឹកហាត់ធ្វើការប្រកួតមិត្តភាពអន្ដរជាតិ ជាមួយក្រុមជម្រើសជាតិបង់ក្លាដែសនាថ្ងៃទី២២ ខែកញ្ញាខាងមុខនៅពហុកីឡដ្ឋានជាតិមរតកតេជោ។ ក្រៅពីកីឡាករវ័យ ២៣ឆ្នាំរូបនេះគឺមានកីឡាករ ៣៩រូបផ្សេងទៀតដែលត្រូវបានធ្វើការកោះហៅដូចគ្នា ដើម្បីធ្វើតេស្ដកាយសម្បទាដែលគ្រោងធ្វើឡើងនាថ្ងៃទី១៣ ខែកញ្ញាខាងមុខក្នុងនោះមានកីឡាករបឹងកេត ៦នាក់, ព្រះខ័នរាជស្វាយរៀង ៥នាក់, ភ្នំពេញក្រោន ៥នាក់, អគ្គិសនីកម្ពុជា ៥នាក់, ណាហ្គាវើលដ៏ ៣នាក់, កងយោធពលខេមរភូមិន្ទ ២នាក់ ព្រមទាំងសមាជិកក្រុមគិរីវង់, ព្រៃវែង និងសូលទីឡូអង្គរម្នាក់ៗដូចគ្នា។សម្រាប់កម្លាំងថ្មីរបស់ក្រុមគោព្រៃកម្ពុជា Nick Taylor បច្ចុប្បន្នកំពុងប្រកបអាជីពនៅក្របខណ្ឌលីកទី៣ (MSL Next Pro) លើទឹកដីអាមេរិកជាមួយក្លិប Orlando City។ ខ្សែបម្រើ-ប្រយុទ្ធរូបនេះបានកើតនៅរដ្ឋតិចសាស សហរដ្ឋអាមេរិក ដែលមានម្ដាយជាជនជាតិខ្មែរ និងឪពុកជាជនជាតិអាមេរិក។ ថ្មីៗមានព័ត៌មានចចាមអារ៉ាមជាច្រើនបានចុះផ្សាយពីរូបគេ ដែលចាប់អារម្មណ៍មកលេងឲ្យក្រុមជម្រើសជាតិកម្ពុជាផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ពានបាល់ទាត់ពិភពលោកធ្វើដំណើរដល់ទឹកដីអ៊ីរ៉ង់

Sancho ស៊ុតគ្រាប់ជ័យជំនះឱ្យ Manchester United ឈ្នះ ៣ប្រកួតជាប់គ្នា

Serena Williams ទំលាក់កីឡាការិនីអេស្តូនី Anett Kontaveit បន្តក្តីសង្ឃឹមនៅ US Open

Andy Murray ឡើងវគ្គ ៣២នាក់ចុងក្រោយ US Open លើកដំបូងក្នុងរយៈពេល ៦ឆ្នាំ

កីឡាករអូស្ត្រាលី Kaden Groves ឈ្នះដំណាក់កាលទី១១ Vuelta a Espana តែអ្នកនាំមុខនៅដដែល

Chelsea ទិញខ្សែការពារ Wesley Fofana ពី Leicester ទាល់តែបានក្នុងតម្លៃ ៧០លានផោន

CAMSOC ជំរុញសហព័ន្ធខ្វះបទពិសោធន៍រៀបចំប្រកួតអន្ដរជាតិ រួសរាន់ធ្វើការជាមួយអ្នកជំនាញអន្ដរជាតិ

Haaland ធ្វើបាន Hat-Trick ពីរប្រកួតជាប់គ្នា ខណៈ Manchester City បំបាក់ក្រុមឡើងថ្មី Nottingham Forest

សហព័ន្ធកីឡាវាយកូនឃ្លីលើតុសង្ឃឹមសម្រេចជោគជ័យទាំងពីរនាស៊ីហ្គេមឆ្នាំ២០២៣

កម្ពុជាកោះហៅកូនខ្មែរ-អាមេរិកត្រៀមប្រកួតមិត្តភាពជាមួយបង់ក្លាដែស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ពាន​បាល់ទាត់​ពិភពលោក​ធ្វើដំណើរ​ដល់​ទឹកដី​អ៊ីរ៉ង់

Sancho ស៊ុត​គ្រាប់​ជ័យជំនះ​ឱ្យ Manchester United ឈ្នះ ៣ប្រកួត​ជាប់​គ្នា

Serena Williams ទំលាក់​កីឡាការិនី​អេ​ស្តូ​នី Anett Kontaveit បន្ត​ក្តីសង្ឃឹម​នៅ US Open

Andy Murray ឡើង​វគ្គ ៣២នាក់​ចុងក្រោយ US Open លើកដំបូង​ក្នុង​រយៈពេល ៦ឆ្នាំ

កីឡាករ​អូស្ត្រាលី Kaden Groves ឈ្នះ​ដំណាក់កាល​ទី១១ Vuelta a Espana តែ​អ្នក​នាំមុខ​នៅ​ដដែល​

Chelsea ទិញ​ខ្សែការពារ Wesley Fofana ពី Leicester ទាល់តែ​បាន​ក្នុង​តម្លៃ ៧០លាន​ផោន

CAMSOC ​ជំរុញ​សហព័ន្ធ​ខ្វះ​បទពិសោធន៍​រៀបចំ​ប្រកួត​អន្ដរជាតិ រួសរាន់​ធ្វើការ​ជាមួយ​អ្នកជំនាញ​អន្ដរជាតិ​

Haaland ធ្វើបាន Hat-Trick ពីរ​ប្រកួត​ជាប់​គ្នា ​ខណៈ Manchester City បំបាក់​ក្រុម​ឡើង​ថ្មី Nottingham Forest

សហព័ន្ធ​កីឡាវាយកូនឃ្លីលើតុ​សង្ឃឹម​សម្រេច​ជោគជ័យ​ទាំងពីរ​នា​ស៊ី​ហ្គេម​ឆ្នាំ​២០២៣

កម្ពុជា​កោះហៅ​កូន​ខ្មែរ​-​អាមេរិក​ត្រៀម​ប្រកួត​មិត្តភាព​ជាមួយ​បង់​ក្លា​ដែ​ស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពានបាល់ទាត់ពិភពលោកធ្វើដំណើរដល់ទឹកដីអ៊ីរ៉ង់

Sancho ស៊ុតគ្រាប់ជ័យជំនះឱ្យ Manchester United ឈ្នះ ៣ប្រកួតជាប់គ្នា

Serena Williams ទំលាក់កីឡាការិនីអេស្តូនី Anett Kontaveit បន្តក្តីសង្ឃឹមនៅ US Open

Andy Murray ឡើងវគ្គ ៣២នាក់ចុងក្រោយ US Open លើកដំបូងក្នុងរយៈពេល ៦ឆ្នាំ

កីឡាករអូស្ត្រាលី Kaden Groves ឈ្នះដំណាក់កាលទី១១ Vuelta a Espana តែអ្នកនាំមុខនៅដដែល

Chelsea ទិញខ្សែការពារ Wesley Fofana ពី Leicester ទាល់តែបានក្នុងតម្លៃ ៧០លានផោន

CAMSOC ជំរុញសហព័ន្ធខ្វះបទពិសោធន៍រៀបចំប្រកួតអន្ដរជាតិ រួសរាន់ធ្វើការជាមួយអ្នកជំនាញអន្ដរជាតិ

Haaland ធ្វើបាន Hat-Trick ពីរប្រកួតជាប់គ្នា ខណៈ Manchester City បំបាក់ក្រុមឡើងថ្មី Nottingham Forest

សហព័ន្ធកីឡាវាយកូនឃ្លីលើតុសង្ឃឹមសម្រេចជោគជ័យទាំងពីរនាស៊ីហ្គេមឆ្នាំ២០២៣

កម្ពុជាកោះហៅកូនខ្មែរ-អាមេរិកត្រៀមប្រកួតមិត្តភាពជាមួយបង់ក្លាដែស