BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

គោព្រៃជំទង់កម្ពុជាកោះហៅកីឡាករ ៣៥នាក់ត្រៀមប្រមូលផ្ដុំប្រកួតមិត្តភាពជាមួយជប៉ុន

បាល់ទាត់៖ ក្រុមបាល់ទាត់ជម្រើសជាតិយុវជនអាយុក្រោម ២៣ឆ្នាំកម្ពុជាបានកោះហៅកីឡាករសរុប ៣៥នាក់ដើម្បីធ្វើការប្រមូលផ្ដុំហ្វឹកហាត់ដំណាក់កាលទី១ សម្រាប់ត្រៀមការប្រកួតមិត្តភាពអន្ដរជាតិជាមួយក្រុមជម្រើសជាតិ U23 ជប៉ុន នាថ្ងៃទី២០ ខែកញ្ញាខាងមុខនៅពហុកីឡដ្ឋានជាតិមរតកតេជោ។ យោងតាមសហព័ន្ធកីឡាបាល់ទាត់កម្ពុជាដែលទើបប្រកាសនៅព្រឹកថ្ងៃទី០១ ខែកញ្ញានេះ កីឡាករស្ថិតក្នុងបញ្ជីឈ្មោះបម្រុងក្រុមគោព្រៃជំទង់កម្ពុជា ដែលត្រៀមប្រកួតមិត្តភាពអន្ដរជាតិនាពេលខាងមុខគឺមានកីឡាករបឹងកេត ៥នាក់, ព្រះខ័នរាជស្វាយរៀង ៣នាក់, ណាហ្គាវើលដ៏ ៤នាក់, អគ្គិសនីកម្ពុជា ៣នាក់, កងយោធពលខេមរភូមិន្ទ ៣នាក់, ព្រៃវែង ៤នាក់, គិរីវង់សុខសែនជ័យ ៣នាក់, ភ្នំពេញក្រោន ២នាក់, អង្គរថាយហ្គឺរ ២នាក់, វិសាខា ២នាក់, នគរបាលជាតិ ២នាក់ រួមជាមួយសមាជិកក្រុមកោះកុងអេហ្វស៊ី និង ISI ដង្កោសែនជ័យម្នាក់ដូចគ្នា។តាមការគ្រោងទុកកីឡាករស្ថិតក្នុងបញ្ជីឈ្មោះបម្រុងនេះ នឹងត្រូវធ្វើតេស្ដកាយសម្បទានាថ្ងៃទី១៣ ខែកញ្ញាខាងមុខ ដំណាលគ្នានឹងក្រុមជម្រើសជាតិកម្ពុជា ឬក្រុមធំដែរ មុនឈានដល់ការជម្រុះកីឡាករបញ្ជីឈ្មោះចុងក្រោយ សម្រាប់ត្រៀមការប្រកួតមិត្តភាពអន្ដរជាតិជាមួយក្រុមជម្រើសជាតិ U23 ជប៉ុននាពេលឆាប់ៗខាងមុខ៕អត្ថបទ៖ លី ឈុនឡា

អគ្គិសនីកម្ពុជា បឹងកេត វិសាខា និងក្រោនឡើងវគ្គ ១/២ ផ្ដាច់ព្រ័ត្រពានសម្ដេចតេជោ-ថ្នាក់ជាតិ

បាល់ទាត់៖ ពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ បានរកឃើញក្រុមឡើងវគ្គពាក់កណ្ដាលផ្ដាច់ព្រ័ត្រហើយ បន្ទាប់ពីបញ្ចប់ការប្រកួតកាត់សេចក្ដីជើងទី២ នៃវគ្គ ៨ក្រុមចុងក្រោយកាលពីល្ងាចថ្ងៃទី៣១ ខែសីហាម្សិលមិញ រួមមានក្រុមអគ្គិសនីកម្ពុជា បឹងកេត ភ្នំពេញក្រោន និងក្រុមការពារតំណែងជើងឯកវិសាខា។ ចំពោះក្រុមអគ្គិសនីកម្ពុជាបានសាងភាពភ្ញាក់ផ្អើល ក្រោយយកឈ្នះក្រុមជើងឯករងព្រះខ័នរាជស្វាយរៀងដោយលទ្ធផល ៣-១។ ជំនួបកាត់សេចក្ដីនៅកីឡដ្ឋានខេត្តស្វាយរៀងនេះ កីឡាករ ចិន វណ្ណៈ បានស៊ុតគ្រាប់នាំមុខឲ្យអគ្គិសនីកម្ពុជា ១គ្រាប់មុននៅនាទីទី៤ មុនកីឡាករ ជា សំណាង រកបានគ្រាប់តាមស្មើឲ្យក្រុមម្ចាស់ផ្ទះវិញនៅនាទី៤១ ។ ចូលវគ្គទី២ ក្រុមកំពូលតារាងលីគទី២ អគ្គិសនីកម្ពុជាបានបន្ថែម ២គ្រាប់ទៀតដោយកីឡាករ យ៉ាន់ សុខា និង ហេង គឹមហុង ដែលជាគ្រាប់បាល់ជួយឲ្យក្រុមខ្លាំងឡើងវគ្គបន្ដតែម្ដង បន្ទាប់ពីក្រុមព្រះខ័នរាជស្វាយរៀងមិនមានឱកាសតបត។ សរុបលទ្ធផលទាំង ២ជើង អគ្គិសនីកម្ពុជាបានយកឈ្នះព្រះខ័នរាជស្វាយរៀង ៤-២ បន្ទាប់ពីប្រកួតជើងទី១ ស្មើគ្នា ១-១។ តាមរយៈជ័យជម្នះនេះ អគ្គិសនីកម្ពុជានឹងត្រូវឡើងទៅជួបក្រុមបឹងកេតនៅវគ្គពាក់កណ្ដាលផ្ដាច់ព្រ័ត្រ បន្ទាប់ពីក្រុមនាគខៀវនេះបានប្រកួតកាត់សេចក្ដីជាមួយក្រុមកោះកុងអេហ្វស៊ី លើទឹកដីរបស់ខ្លួនបានត្រឹមស្មើគ្នា ៣-៣ នៅថ្ងៃជាមួយគ្នា។ តែដោយសារបឹងកេតបានយកឈ្នះកោះកុង ២-០ កាលពីជើងទី១ ទើបធ្វើឲ្យពួកគេធានាបានកៅអីវគ្គបន្ដ។ចំណែកក្រុមភ្នំពេញក្រោនបានទម្លាក់ក្រុមណាហ្គាវើលដ៏ ដោយការទាត់បាល់ប៉េណាល់ទីសេចក្ដីក្នុងលទ្ធផល ៤-៣ បន្ទាប់ពីឆ្លងកាត់ការប្រកួតទាំង ២ជើងរក្សាលទ្ធផលស្មើគ្នា ០-០។ ជ័យជម្នះនេះនាំឲ្យក្រុមសិង្ហក្រហមភ្នំពេញក្រោន ត្រូវជួបក្រុមជើងឯក ២សម័យវិសាខា បន្ទាប់ពីវិសាខាបានបន្ដយកឈ្នះក្រុមកងយោធពលខេមរភូមិន្ទ ៣-០ នៅទឹកដីរបស់ខ្លួន។ សរុបទាំង ២ជើង វិសាខាបានយកឈ្នះអតីតក្រុមជើងឯក ៣សម័យនេះ ៦-១។ សម្រាប់ការប្រកួតវគ្គពាក់កណ្ដាលផ្ដាច់ព្រ័ត្រនឹងធ្វើឡើងក្រោយសម្រាកថ្ងៃ FIFA Day ដែលគ្រោងធ្វើការប្រកួត ២ជើងដូចគ្នាដើម្បីកាត់សេចក្ដីរកក្រុមឡើងវគ្គផ្ដាច់ព្រ័ត្រ ក្នុងនោះជើងទី១ គ្រោងប្រកួតនាថ្ងៃទី០៥ ខែតុលា និងជើងទី២ គ្រោងប្រកួតនាថ្ងៃទី១២ ខែតុលា ឆ្នាំ២០២២ ខាងមុខ៕អត្ថបទ៖ លី ឈុនឡា

Scott Parker ក្លាយជាអ្នកចាត់ការទី១ ដែលត្រូវបណ្តេញចេញនៅ Premier League រដូវកាលនេះ

បាល់ទាត់៖ ក្លិបទើបឡើងថ្មី AFC Bournemouth បានសំរេចបណ្តេញអ្នកចាត់ការលោក Scott Parker ចេញពីតំណែងហើយក្រោយដឹកនាំរដូវកាលថ្មីនេះទើបបាន ៤ប្រកួត។ បុរសវ័យ ៤១ឆ្នាំរូបនេះបាននិយាយថា លោកមិនមានការភ្ញាក់ផ្អើលឡើយចំពោះដំណឹងនេះ ហើយលោកក៏បានក្លាយជាអ្នកចាត់ការទី១ រដូវកាលនេះដែលត្រូវបានបណ្តេញចេញ។ ការសំរេចបណ្តេញលោក Scott Parker ចេញពីតំណែងគឺបន្ទាប់ពី Bournemouth បានរងបរាជ័យ ៣ប្រកួតផ្ទួនៗ ជាពិសេសគឺបរាជ័យធ្ងន់ក ៩-០ នៅទឹកដី Liverpool កាលពីថ្ងៃសៅរ៍។ បរាជ័យនៅទឹកដី Anfield គឺជាបរាជ័យ ៣ប្រកួតជាប់គ្នាសំរាប់ Bournemouth បើទោះជាបើកឆាកប្រកួតដំបូងជាមួយនឹងជ័យជំនះក្តី។ បន្ទាប់ពីឈ្នះ Aston Villa ២-០ សប្តាហ៍ទី១ នោះ Bournemouth បានរបូតគ្រាប់បាល់ដល់ទៅ ១៦គ្រាប់ ៣ប្រកួតបន្ទាប់ដោយរួមមានចាញ់ Manchester City ៤-០, ចាញ់ Arsenal ៣-០ និងចាញ់ Liverpool ៩-០។រំលឹកថា លោក Scott Parkers បានចាកចេញពី Fulham កាលពីឆ្នាំ២០២១ មកដឹកនាំ Bournemouth និងបានដឹកនាំក្រុមឡើងមកកាន់ក្របខណ្ឌកំពូល English Premier League ក្នុងនាមជាក្រុមជើងឯករងនៅក្របខណ្ឌទី២ League Championship។ Bournemouth ត្រូវបើកទ្វាផ្ទះទទួល Wolverhampton យប់នេះសប្តាហ៍ទី៥ ហើយក្រុមនឹងស្ថិតក្រោមការដឹកនាំបណ្តោះអាសន្នដោយ Gary O’Neil៕អត្ថបទ៖នាង សុភាវុធ

Roma ឡើងនាំមុខគេនៅ Serie A អ៊ីតាលីក្រោយឈ្នះ Monza ៣-០

បាល់ទាត់៖ AS Roma ដែលស្ថិតក្រោមការដឹកនាំរបស់ Jose Mourinho បានបន្តរដូវកាលដ៏រឹងមាំរបស់ខ្លួនក្រោយជ័យជំនះ ៣-០ នៅក្នុងទឹកដីលើក្រុមឡើងថ្មី Monza ៣-០ សប្តាហ៍ទី៤ នៃក្របខណ្ឌអ៊ីតាលី Serie A។ កីឡាករចំនូលថ្មី Paulo Dybala ដែលផ្លាស់ពីសេះបង្កង់ Juventus បានបើកការនាំមុខមុននៅនាទីទី១៨ ដោយទទួលបាល់បញ្ជូនពីខ្សែប្រយុទ្ធអង់គ្លេស Tammy Abraham មុនពេលដែលកីឡាករអាហ្សង់ទីនដដែលនេះក៏រកបានគ្រាប់ទីពីររបស់ខ្លួននៅនាទីទី៣២។ Roma ដែលចាប់ផ្តើមរដូវកាលថ្មីនេះមិនទាន់ចាញ់នៅឡើយ ក៏រកបានគ្រាប់ជ័យជំនះ ៣-០ នៅនាទីទី៦១ ដោយ Roger Ibanez។ជ័យជំនះនេះធ្វើឱ្យក្រុមរបស់លោក Jose Mourinho ឡើងមកនាំមុខគេបណ្តោះអាសន្នមាន ១០ពិន្ទុក្រោយលេងបាន ៤ប្រកួតឈ្នះ ៣ ស្មើ ១។ មួយគូទៀតយប់មិញផងដែរ Inter Milan បានយកឈ្នះ Cremonese ៣-១។ Joaquin Correa និង Nicolo Barella រកបានម្នាក់មួយគ្រាប់ក្នុងវគ្គទី១ ខណៈខ្សែប្រយុទ្ធអាហ្សង់ទីន Lautaro Martinez បន្ថែមមួយគ្រាប់ទៀតនៅនាទីទី៧៦ មុនពេលដែល Cremonese តបបានមួយគ្រាប់វិញចុងម៉ោង។ ជ័យជំនះនេះធ្វើឱ្យ Inter Milan ឈរលេខ២ មាន ៩ពិន្ទុក្រោយលេងបាន ៤ប្រកួតឈ្នះ ៣ ចាញ់ ១៕អត្ថបទ៖នាង សុភាវុធ

កីឡាករប៊ែលហ្ស៊ិក Remco Evenepoel ពន្លាតការនាំមុខនៅ Vuelta a Espana ក្រោយឈ្នះដំណាក់កាលទី១០

ប្រណាំងកង់៖ កីឡាករប៊ែលហ្ស៊ិក Remco Evenepoel បានពន្លាតការនាំមុខក្នុងតារាងរួមនៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana ក្រោយប្រជែងឈ្នះដំណាក់កាលទី១០ ម្សិលមិញនេះ។ ដំណាក់កាលទី១០ ដែលមានចំងាយផ្លូវត្រឹម ៣១.១គីឡូម៉ែត្រជាការប្រកួតប្រណាំងយកថេរវេលាផ្ទាល់ខ្លួន កីឡាកររបស់ក្រុម Quick-Step Alpha រូបនេះបានមកដល់ទីព្រ័ត្រមុនគេប្រើពេល ៣៣នាទី ១៨វិនាទី តាមពីក្រោយដោយអ្នកការពារតំណែងជើងឯកកីឡាករស្លូវេនី Primoz Roglic យឺតជាង ៤៨វិនាទី និងលេខ៣ កីឡាករបារាំង Remi Cavagna យឺងជាង ១នាទី។ជ័យជំនះដ៏មានសារៈសំខាន់នៃការប្រណាំងយកថេរវេលាផ្ទាល់ខ្លួននេះ ធ្វើឱ្យកីឡាករប៊ែលហ្ស៊ិកវ័យ ២២ឆ្នាំ Remco Evenepoel ពន្លាតការនាំមុខក្នុងតារាងវេលារួម ២នាទី ៤១វិនាទីពីលើអ្នកលេខ២ Primoz Roglic ដែលជិះឱ្យក្រុម Jumbo-Visma និងលេខ៣ នៅតែជាកីឡាករអេស្ប៉ាញ Enric Mas យឺតជាង ៣នាទី ៣វិនាទី។ សំរាប់ដំណាក់កាលទី១១ នេះជាការប្រកួតលើស្ថានភាពផ្លូវធម្មតាមានចំងាយផ្លូវ ១៩៣គីឡូម៉ែត្រ៕អត្ថបទ៖នាង សុភាវុធ

Raducanu មិនអាចការពារជើងឯក US Open ក្រោយចាញ់ Alize Cornet ជុំដំបូង

វាយកូនបាល់៖ អ្នកការពារតំណែងជើងឯកវាយកូនបាល់ Grand Slam, US Open កីឡាការិនីអង់គ្លេស Emma Raducanu បានទទួលរងបរាជ័យក្នុងការការពារជើងឯករបស់ខ្លួនត្រឹមជុំដំបូងប៉ុណ្ណោះ ក្រោយចាញ់កីឡាការិនីបារាំង Alize Cornet នៅជុំដំបូង។ កីឡាករវ័យ ១៩ឆ្នាំ Emma Raducanu ធ្លាប់បានធ្វើឱ្យពិភពលោកភ្ញាក់ផ្អើលដោយឈ្នះជើងឯក US Open ទាំងវ័យក្មេងកាលពីឆ្នាំ២០២១ កន្លងទៅ និងថែមទាំងជាកីឡាការិនីដែលចេញពីវគ្គជំរុះទៅទៀត។ តែការវិលត្រលប់មកវិញឆ្នាំនេះ Raducanu ក៏បានធ្វើឱ្យពិភពលោកភ្ញាក់ផ្អើលម្តងទៀតគឺបរាជ័យត្រឹមជុំទី១ ដោយលទ្ធផល ៦-៣ និង ៦-៣ ក្រោមស្នាដៃកីឡាការិនីបារាំងលំដាប់លេខ ៤០ ពិភពលោក Alize Cornet។ដោយឡែកមិនខុសពី Raducanu ឡើយ កីឡាការិនីកំពូលមួយរូបទៀត Elena Rybakina ដែលជាជើងឯក Wimbledon ថ្មីៗឆ្នាំនេះបានធ្លាក់ចេញពី US Open ត្រឹមជុំទី១ ផងដែរក្រោយចាញ់កីឡាការិនីលំដាប់លេខ ១៣១ ពិភពលោក Clara Burel។ កីឡាការិនីដែលមានដើមកំណើតនៅទឹកដីរុស្ស៊ី Elena Rybakina តែប្រកួតតំណាងឱ្យប្រទេសកាហ្សាក់ស្ថានបានទទួលរងបរាជ័យក្នុងលទ្ធផល ៦-៤ និង ៦-៤។ ជាមួយគ្នានោះដែរមិនមានបញ្ហាទេសំរាប់កីឡាការិនីលំដាប់លេខ ១ ពិភពលោក Iga Swiatek ដោយបានយកឈ្នះកីឡាការិនីអ៊ីតាលី Jasmine Paolini ៦-៣ និង ៦-០ ប្រើពេលត្រឹម ១ម៉ោង ៦នាទីដើម្បីបន្តដំណើរជួបជាមួយកីឡាការិនីអាមេរិកជើងឯកឆ្នាំ២០១៧ Sloane Stephens នៅជុំទី២៕អត្ថបទ៖នាង សុភាវុធ

Timo Werner ស៊ុតបីគ្រាប់ម្នាក់ឯង ខណៈ Leipzig បំបាក់ក្រុមនៅលីគទីបួន ៨-០ ពាន German Cup

បាល់ទាត់៖ អតីតខ្សែប្រយុទ្ធ Chelsea, Timo Werner បានស៊ុតបញ្ចូលទី ៣គ្រាប់ម្នាក់ឯងក្នុងវគ្គទី១ បូករួមទាំងបាល់បញ្ជូនមួយទៀតក្នុងជ័យជំនះ ៨-០ របស់ Leipzig លើក្រុមមកពីលីគទី៤ អាល្លឺម៉ង់ Teutonia Ottensen ជុំទី១ ពានរង្វាន់ German Cup។ ក្រុមការពារតំណែងជើងឯក Leipzig រកបានពីរគ្រាប់នាំមុខដំបូងដោយ Timo Werner ពីរនាទីជាប់គ្នាពោលគឺនៅនាទីទី១៩ និង ២០ មុនពេលដែល Andre Silva បន្ថែមគ្រាប់ទី៣ និង Werner រកបានគ្រាប់ Hat-Trick របស់ខ្លួននៅនាទីទី៤២។ វគ្គទី២ ខ្សែប្រយុទ្ធអាល្លឺម៉ង់រូបនេះក៏ត្រូវបានផ្លាស់ប្តូរចេញនៅនាទីទី៥៧ ស្របពេល Leipzig មិនបង្អង់ដៃបន្តរកបាន ៤គ្រាប់បន្ថែមទៀតដោយ Andre Silva, Emil Forsberg, Christopher Nkunku និង Dani Olmo។ យប់នេះនឹងមានការប្រកួតបន្តទៀតគឺក្រុមជើងឯក ២០សម័យ Bayern Munich ធ្វើដំណើរទៅទឹកដី Viktoria Koln ដែលជាក្រុមលេងនៅលីគលំដាប់៣ អាល្លឺម៉ង់៕អត្ថបទ៖នាង សុភាវុធ

អតីតខ្សែបម្រើ Arsenal, Willian ខិតជិតត្រលប់មកកាន់ Premier League វិញ

បាល់ទាត់៖ អតីតខ្សែបម្រើក្រុមជំរើសជាតិប្រេស៊ីល Willian ខិតជិតត្រលប់មកកាន់ក្របខណ្ឌ English Premier League វិញហើយដោយនឹងមកចូលរួមជាមួយក្លិបឡើងថ្មី Fulham។ កីឡាករវ័យ ៣៤ឆ្នាំរូបនេះបានបញ្ចប់កិច្ចសន្យារបស់ខ្លួនជាមួយក្លិបប្រេស៊ីល Corinthians បន្ទាប់ពីទទួលការគំរាមកំហែងដល់អាយុជីវិតរបស់ខ្លួន និងក្រុមគ្រួសារ។Willian ត្រូវបានគេដឹងថា ឈានដល់កិច្ចព្រមព្រៀងហើយជាមួយ Fulham រង់ចាំតែការពិនិត្យសុខភាព តែមិនមានការបែកធ្លាយទំហំនៃកិច្ចសន្យានោះឡើយ។ Willian ធ្លាប់ឈ្នះពានចំនួនប្រាំក្នុងរយៈពេល ៧ឆ្នាំនៅអង់គ្លេសរួមមាន English Premier League ពីរលើកជាមួយ Chelsea មុនពេលផ្លាស់មកកាន់កាំភ្លើងធំ Arsenal នៅឆ្នាំ២០២០។ ក្រោយមកកិច្ចសន្យារបស់ Willian ជាមួយ Arsenal ក៏ត្រូវបញ្ចប់មុនកំណត់ ហើយក៏ចាកចេញទៅក្លិបនៅប្រទេសកំណើតប្រេស៊ីល Corinthians៕អត្ថបទ៖នាង សុភាវុធ

Chelsea បន្តរដូវកាលអាក្រក់របស់ខ្លួន ក្រោយចាញ់នៅទឹកដី Southampton ២-១

បាល់ទាត់៖ ក្រុមតោខៀវ Chelsea បានបន្តរដូវកាលមិនល្អរបស់ខ្លួននៅក្របខណ្ឌ English Premier League ក្រោយរងបរាជ័យនៅទឹកដី Southampton ២-១ យប់មិញនៃសប្តាហ៍ទី៥។ បើទោះបីជាខ្សែប្រយុទ្ធអង់គ្លេស Raheem Sterling បើកការនាំមុខមុនឱ្យ Chelsea នៅនាទីទី២៣ ក្តី ក្រុមម្ចាស់ផ្ទះ Southampton ក៏បានវាយបកនាំមុខ ២-១ វិញនៅក្នុងវគ្គទី១ តែម្តងដោយ Romeo Lavia នាទីទី២៨ និងនាទីទី៤៥+១ ចុងវគ្គទី១ ដោយ Adam Armstrong។ ជ័យជំនះនេះធ្វើឱ្យក្រុមរបស់លោក Ralph Hasenhuttl ឡើងមកកាន់លេខ៧ ក្នុងតារាងមាន ៧ពិន្ទុពីលើ Chelsea ដែលមាន ៧ពិន្ទុដូចគ្នាឈរលេខ៨។ ចំណែកលទ្ធផលផ្សេងទៀតក្រុមជើងឯក League Championship, Fulham បានបន្តរដូវកាលដ៏ល្អរបស់ខ្លួននៅក្របខណ្ឌកំពូលបន្ទាប់ពីយកឈ្នះ Brighton ២-១។ Alexander Mitrovic បានស៊ុតបញ្ចូលទីគ្រាប់បាល់ទី៥ របស់ខ្លួននៅ Premier League រដូវកាលនេះ និងជាគ្រាប់បាល់ទី១០០ ឱ្យ Fulham នាំមុខមុននៅនាទីទី៤៨។ វគ្គទី២ Fulham បង្កើនការនាំមុខ ២-០ នៅពេលខ្សែការពារ Brighton, Lewis Dunk ភ្លាត់ចូលទីខ្លួនឯង ហើយ Brighton ក៏តបបានមួយគ្រាប់វិញដោយ Mac Allister នៅនាទីទី៦០។ ជ័យជំនះនេះធ្វើឱ្យ Fulham ឡើងមកលេខ៦ ក្នុងតារាងមាន ៨ពិន្ទុខណៈ Brighton បន្តឈរលេខ៤ មាន ១០ពិន្ទុ។ លទ្ធផលពីរគូផ្សេងទៀតយប់មិញរួមមាន Leeds ១-១ Everton និង Crystal Palace ១-១ Brentford៕អត្ថបទ៖នាង សុភាវុធ

អ្នកលេងគុនខ្មែរតាំងចិត្តខ្ពស់ដើម្បីប្រជែងជ័យជម្នះលើសង្វៀន World Fight ល្ងាចនេះ

គុនខ្មែរ៖ កម្មវិធីទី៣ នៃព្រឹត្តិការណ៍ “សង្វៀនគុនខ្មែរជើងឯកពិភពលោក ឬ World Fight Kun Khmer Series” នឹងត្រូវធ្វើការប្រកួតនាល្ងាចថ្ងៃទី៣១ ខែសីហា ឆ្នាំ២០២២ នេះនៅមជ្ឈមណ្ឌលកីឡាកងយោធពលខេមរភូមិន្ទ (ស្ដាតចាស់) ដោយមានអ្នកលេងគុនខ្មែរ និងបរទេស ៥គូត្រូវជួបគ្នាលើសង្វៀនដ៏ធំនេះ។ សម្រាប់កម្មវិធីប្រកួតល្ងាចនេះរួមមានកីឡាករ ឡៅ ស៊ីនេត ត្រូវជួបកីឡាករថៃ Tiger M-One Lumpinee, ម្ចាស់មេដាយមាសស៊ីហ្គេម ប៉ឹត សង្ឃឹម ជួបជើងខ្លាំងនេប៉ាល់ Gunaraja Ruchal។ កីឡាករ រិន សារ័ត្ន នឹងត្រូវប្រកួតបេក្ខភាពដណ្ដើមខ្សែក្រវាត់ World Fight ទម្ងន់ ៦៣,៥គីឡូក្រាមជាមួយកីឡាករថៃ Saen Chor Rattakchai។ កីឡាករ ឡៅ ចិត្រា ជួបជើងខ្លាំងអ៊ីរ៉ង Daniel Yousefnezhang។ រីឯគូចុងក្រោយគឺជាជំនួបមិត្តភាពជាតិរវាងកីឡាការិនីកម្ពុជា សំ សំណាង និងកីឡាការិនី លីន ស្រីម៉ៅ។ ក្រោយថ្លឹងទម្ងន់ និងពិនិត្យសុខភាពរួចរាល់កាលពីល្ងាចថ្ងៃទី៣០ ខែសីហា គេឃើញកីឡាករ-កីឡាការិនីទាំងអស់បានបង្ហាញការត្រៀមខ្លួនរួចរាល់ ដើម្បីបង្ហាញសមត្ថភាពលើសង្វៀនដ៏ធំនេះ ពិសេសអ្នកលេងគុនខ្មែររួមមានកីឡាករ ឡៅ ចិត្រា, ប៉ឺត សង្ឃឹម និងកីឡាករវ័យក្មេង ឡៅ ស៊ីនេត ជាដើម បានបង្ហាញការតាំងចិត្តយ៉ាងមុតមាំក្នុងនាមម្ចាស់ផ្ទះ ដើម្បីប្រជែងជ័យជម្នះលើសង្វៀនគុនខ្មែរជើងឯកពិភពលោកនេះ។គួរដឹងថា នេះគឺជាកម្មវិធីទី៣ ក្នុងចំណោម ១១កម្មវិធីដែលស្ថាប័ន World Fight ក្រោមការដឹកនាំរបស់លោក តូនី អាន់ សហការជាមួយសហព័ន្ធកីឡាប្រដាល់គុនខ្មែរ និងមានការគាំទ្រពីក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជារៀបចំឡើង ក្នុងគោលបំណងរួមចំណែកផ្សព្វផ្សាយពីប្រដាល់គុនខ្មែរផង និងចូលរួមអភិវឌ្ឍវិស័យកីឡាមួយនេះឆ្ពោះទៅរកការប្រកួតប្រជែងលើឆាកអន្ដរជាតិផង ពិសេសត្រៀមដំណើរឆ្ពោះទៅការប្រកួតកីឡាស៊ីហ្គេមឆ្នាំ២០២៣ នៅកម្ពុជា៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

គោព្រៃជំទង់កម្ពុជាកោះហៅកីឡាករ ៣៥នាក់ត្រៀមប្រមូលផ្ដុំប្រកួតមិត្តភាពជាមួយជប៉ុន

អគ្គិសនីកម្ពុជា បឹងកេត វិសាខា និងក្រោនឡើងវគ្គ ១/២ ផ្ដាច់ព្រ័ត្រពានសម្ដេចតេជោ-ថ្នាក់ជាតិ

Scott Parker ក្លាយជាអ្នកចាត់ការទី១ ដែលត្រូវបណ្តេញចេញនៅ Premier League រដូវកាលនេះ

Roma ឡើងនាំមុខគេនៅ Serie A អ៊ីតាលីក្រោយឈ្នះ Monza ៣-០

កីឡាករប៊ែលហ្ស៊ិក Remco Evenepoel ពន្លាតការនាំមុខនៅ Vuelta a Espana ក្រោយឈ្នះដំណាក់កាលទី១០

Raducanu មិនអាចការពារជើងឯក US Open ក្រោយចាញ់ Alize Cornet ជុំដំបូង

Timo Werner ស៊ុតបីគ្រាប់ម្នាក់ឯង ខណៈ Leipzig បំបាក់ក្រុមនៅលីគទីបួន ៨-០ ពាន German Cup

អតីតខ្សែបម្រើ Arsenal, Willian ខិតជិតត្រលប់មកកាន់ Premier League វិញ

Chelsea បន្តរដូវកាលអាក្រក់របស់ខ្លួន ក្រោយចាញ់នៅទឹកដី Southampton ២-១

អ្នកលេងគុនខ្មែរតាំងចិត្តខ្ពស់ដើម្បីប្រជែងជ័យជម្នះលើសង្វៀន World Fight ល្ងាចនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

គោព្រៃ​ជំទង់​កម្ពុជា​កោះហៅ​កីឡាករ ៣៥​នាក់​ត្រៀម​ប្រមូលផ្ដុំ​ប្រកួត​មិត្តភាព​ជាមួយ​ជប៉ុន​

អគ្គិសនី​កម្ពុជា បឹងកេត វិសាខា និង​ក្រោ​នឡើង​វគ្គ ១/២ ផ្ដាច់ព្រ័ត្រ​ពាន​សម្ដេច​តេ​ជោ​-​ថ្នាក់ជាតិ​

Scott Parker ក្លាយជា​អ្នកចាត់ការ​ទី១ ដែល​ត្រូវ​បណ្តេញចេញ​នៅ Premier League រដូវ​កាល​នេះ​

Roma ឡើង​នាំមុខគេ​នៅ Serie A អ៊ីតាលី​ក្រោយ​ឈ្នះ Monza ៣-០

កីឡាករ​ប៊ែ​ល​ហ្ស៊ិ​ក Remco Evenepoel ពន្លាត​ការនាំ​មុខ​នៅ Vuelta a Espana ក្រោយ​ឈ្នះ​ដំណាក់កាល​ទី១០

Raducanu មិនអាច​ការពារ​ជើងឯក US Open ក្រោយ​ចាញ់ Alize Cornet ជុំ​ដំបូង​

Timo Werner ស៊ុត​បី​គ្រាប់​ម្នាក់ឯង ​ខណៈ Leipzig បំបាក់​ក្រុម​នៅ​លី​គ​ទី​បួន ៨-០ ពាន German Cup

អតីត​ខ្សែបម្រើ Arsenal, Willian ខិតជិត​ត្រលប់​មកកាន់ Premier League វិញ​

Chelsea បន្ត​រដូវ​កាល​អាក្រក់​របស់​ខ្លួន​ ក្រោយ​ចាញ់​នៅ​ទឹកដី Southampton ២-១

អ្នកលេង​គុន​ខ្មែរ​តាំងចិត្ត​ខ្ពស់​ដើម្បី​ប្រជែង​ជ័យជម្នះ​លើស​ង្វៀន​ World Fight ​ល្ងាច​នេះ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គោព្រៃជំទង់កម្ពុជាកោះហៅកីឡាករ ៣៥នាក់ត្រៀមប្រមូលផ្ដុំប្រកួតមិត្តភាពជាមួយជប៉ុន

អគ្គិសនីកម្ពុជា បឹងកេត វិសាខា និងក្រោនឡើងវគ្គ ១/២ ផ្ដាច់ព្រ័ត្រពានសម្ដេចតេជោ-ថ្នាក់ជាតិ

Scott Parker ក្លាយជាអ្នកចាត់ការទី១ ដែលត្រូវបណ្តេញចេញនៅ Premier League រដូវកាលនេះ

Roma ឡើងនាំមុខគេនៅ Serie A អ៊ីតាលីក្រោយឈ្នះ Monza ៣-០

កីឡាករប៊ែលហ្ស៊ិក Remco Evenepoel ពន្លាតការនាំមុខនៅ Vuelta a Espana ក្រោយឈ្នះដំណាក់កាលទី១០

Raducanu មិនអាចការពារជើងឯក US Open ក្រោយចាញ់ Alize Cornet ជុំដំបូង

Timo Werner ស៊ុតបីគ្រាប់ម្នាក់ឯង ខណៈ Leipzig បំបាក់ក្រុមនៅលីគទីបួន ៨-០ ពាន German Cup

អតីតខ្សែបម្រើ Arsenal, Willian ខិតជិតត្រលប់មកកាន់ Premier League វិញ

Chelsea បន្តរដូវកាលអាក្រក់របស់ខ្លួន ក្រោយចាញ់នៅទឹកដី Southampton ២-១

អ្នកលេងគុនខ្មែរតាំងចិត្តខ្ពស់ដើម្បីប្រជែងជ័យជម្នះលើសង្វៀន World Fight ល្ងាចនេះ