BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

កម្ពុជាត្រូវជួបថៃការប្រកួតបាល់ទាត់ជើងឯកអាស៊ីអាគ្នេយ៍២០២២ នេះ

បាល់ទាត់៖ ពេលនេះក្រុមបាល់ទាត់ជម្រើសជាតិកម្ពុជាដឹងថា ក្រុមបាល់ទាត់ក្នុងតំបន់ណាខ្លះដែលខ្លួនត្រូវជួប ក្រោយការចាប់ឆ្នោតការប្រកួតបាល់ទាត់ជើងឯកអាស៊ីអាគ្នេយ៍ (AFF Mitsubishi Electric Cup) ឆ្នាំ២០២២ ធ្វើឡើងនៅថ្ងៃទី៣០ ខែសីហាម្សិលមិញ។ លទ្ធផលបង្ហាញថា កម្ពុជាស្ថិតក្នុងពូល A ដោយត្រូវជួបអ្នកការពារតំណែងជើងឯកថៃ ហ្វីលីពីន ឥណ្ឌូនេស៊ី និងអ្នកឈ្នះការប្រកួតជម្រុះរវាងជម្រើសជាតិទីម័រខាងកើត និងព្រុយណេដារ៉ូសាឡឹមដែលត្រូវប្រកួតពីរជើង។ ចំនែកពូល B មានម្ចាស់មេដាយមាសស៊ីហ្គេមវៀតណាម ម៉ាឡេស៊ី សិង្ហបុរី សហភាពមីយ៉ាន់ម៉ា និងឡាវ។ ប្រធានសហព័ន្ធកីឡាបាល់ទាត់អាស៊ាន ឯកឧត្តម ខៀវ សាម៉េត លើកឡើងថា ការប្រកួតបាល់ទាត់ជើងឯកអាស៊ានជាសកម្មភាពដ៏មានតម្លៃសម្រាប់តំបន់អាស៊ីអាគ្នេយ៍ ហើយយើងរីករាយដែលឃើញព្រឹត្តិការណ៍បាល់ទាត់តំបន់នេះត្រឡប់មកវិញឆ្នាំនេះ។ ប៉ុន្មានឆ្នាំចុងក្រោយនេះ តំបន់យើងជួបស្ថានភាពតានតឹងដោយសារជំងឺរាត្បាតសកល ប៉ុន្តែយើងមានមោទនភាពដែលដឹងថា យើងកាន់តែខ្លាំងជាងមុន ជំនះនូវឧបសគ្គនេះ ហើយយើងកាន់តែរួបរួមគ្នាក្នុងនាមសហគមន៍បាល់ទាត់។កម្ពុជាបើកការប្រកួតដោយត្រូវជួបហ្វីលីពីនថ្ងៃទី២៣ ខែធ្នូ ឆ្នាំ២០២២ មុនជួបជាមួយឥណ្ឌូនេស៊ី មុនជួបអ្នកឈ្នះវគ្គជម្រុះ និងចុងក្រោយត្រូវជួបថៃថ្ងៃទី៤ ខែមករា ឆ្នាំ២០២៣។ វគ្គផ្តាច់ព្រ័ត្រការប្រកួតជើងឯកអាស៊ាននេះធ្វើឡើងនៅថ្ងៃទី១២ និងទី១៥ ខែមករា ឆ្នាំ២០២៣។ សូមជម្រាបជូនថា ការប្រកួតឆ្នាំ២០២០ ដែលលើកមកប្រកួតនៅឆ្នាំ២០២១ កម្ពុជាធ្វើមិនបានល្អទេក្នុងពូល B ដោយចាញ់ម៉ាឡេស៊ី ១ទល់នឹង៣, ចាញ់ឥណ្ឌូនេស៊ី ២ទល់នឹង៤, ឈ្នះឡាវ ៣ទល់នឹង០ និងចាញ់វៀតណាម ០ទល់នឹង៤៕អត្ថបទ៖ គង់ ហួន

គ្រូបង្វឹកអគ្គិសនីកម្ពុជាថា ការប្រកួតជើងទី២ ជាមួយព្រះខ័នរាជនៅតែតានតឹង

បាល់ទាត់៖ ការប្រកួតបាល់ទាត់ពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ នឹងធ្វើការប្រកួតជើងទី២ នៃវគ្គ ៨ក្រុមចុងក្រោយនៅថ្ងៃទី៣១ ខែសីហានេះដើម្បីកាត់សេចក្ដីរកបេក្ខភាព ៤ក្រុមចុងក្រោយដែលឡើងវគ្គពាក់កណ្ដាលផ្ដាច់ព្រ័ត្រ។ចំពោះកម្មវិធីប្រកួតជើងទី២ នេះរួមមានក្រុមបឹងកេតត្រូវបើកទ្វារផ្ទះទទួលក្រុមកោះកុងអេហ្វស៊ីនាវេលាម៉ោង ៣៖៣០នាទីរសៀលនៅកីឡដ្ឋានខេមបូឌាអ៊ែរវ៉េ បន្ទាប់ពីយកឈ្នះក្រៅដីកាលពីជើងទី១ ដោយលទ្ធផល ២-០។ រីឯ ៣គូទៀតនឹងត្រូវចាប់ផ្ដើមការប្រកួតដំណាលៗគ្នានាម៉ោង ៦៖៣០នាទីល្ងាច រួមមានក្រុមព្រះខ័នរាជស្វាយរៀងបើកទ្វារផ្ទះទទួលក្រុមអគ្គិសនីកម្ពុជា, វិសាខាជួបក្រុមភ្ញៀវកងយោធពលខេមរភូមិន្ទ និងក្រុមណាហ្គាវើលដ៏ជួបក្រុមភ្នំពេញក្រោននៅកីឡដ្ឋានស្ដាតចាស់។ ក្នុងពេលដឹកនាំកូនក្រុមហ្វឹកហាត់នៅកីឡដ្ឋានខេត្តស្វាយរៀង លោក ទុំ សារាយ គ្រូបង្វឹកអគ្គិសនីកម្ពុជាបានប្រាប់ឱ្យដឹងថា ក្រុមរបស់លោកបានរៀបចំល្អហើយសម្រាប់ជួបម្ចាស់ផ្ទះព្រះខ័នរាជស្វាយរៀង ហើយការប្រកួតនេះល្ងាចនៅតែតានតឹងដូចជើងទី១។កាលពីជើងទី១ អគ្គិសនីកម្ពុជាបានវាយបកតាមស្មើព្រះខ័នរាជស្វាយរៀង ១-១ លើទឹកដីរបស់ខ្លួន ស្របពេលភ្នំពេញក្រោន និងណាហ្គាវើលដ៏បានរក្សាលទ្ធផល ០-០ ពេញ ៩០នាទី។ រីឯវិសាខាគឺបានយកឈ្នះក្រុមម្ចាស់ផ្ទះកងយោធពលខេមរភូមិន្ទ ៣-១ នៅកីឡដ្ឋានស្ដាតចាស់។ បន្ទាប់ពីចប់ការប្រកួតជើងទី២ នេះ ពានរង្វាន់សម្ដេចតេជោ ហ៊ុន សែន នឹងត្រូវសម្រាកជាង ១ខែអំឡុងថ្ងៃ FIFA Day ដោយគ្រោងនឹងដំណើរការប្រកួតឡើងវិញនាថ្ងៃទី០៥ ខែតុលា ឆ្នាំ២០២២ ជាមួយការប្រកួតវគ្គពាក់កណ្ដាលផ្ដាច់ព្រ័ត្រជើងទី១ តែម្ដង មុនឈានដល់វគ្គផ្ដាច់ព្រ័ត្រដែលគ្រោងធ្វើឡើងនាថ្ងៃទី២៦ ខែតុលាខាងមុខ៕អត្ថបទ៖ គង់ ហួន

Serena Williams មិនទាន់លាពីអាជីពវាយកូនបាល់ទេ ក្រោយឈ្នះជុំដំបូង US Open

វាយកូនបាល់៖ អតីតកីឡាការិនីលំដាប់លេខ ១ អាមេរិក Serena Williams បានពន្យារពេលចូលនិវត្តន៍របស់ខ្លួនជាមួយនឹងជ័យជំនះជុំដំបូងនៅ Grand Slam, US Open នៅទីក្រុងញូវយ៉កសហរដ្ឋអាមេរិក។ កីឡាការិនីវ័យ ៤០ឆ្នាំរូបនេះបានប្រកាសថា នឹងចូលនិវត្តន៍ក្រោយបញ្ចប់បេសកកម្មនៅ US Open នេះតែបេសកកម្មរបស់នាងមិនទាន់បញ្ចប់ឡើយ ក្រោយយកឈ្នះកីឡាការិនីមកពីម៉ុងតេណេក្រូ Danka Kovinci ៦-៣ និង ៦-៣ នៅចំពោះមុខអ្នកគាំទ្រជិត ២៥០០០នាក់។ ម្ចាស់ជើងឯក Grand Slam ២៣លើករូបនេះនឹងបន្តជួបជាមួយកីឡាការិនីអេស្តូនី Anett Kontaveit នៅជុំទី២ ថ្ងៃពុធស្អែកនេះ។ដោយឡែកលទ្ធផលផ្សេងទៀត កីឡាការិនីអ៊ុយក្រែនដែលមកពីវគ្គជំរុះ Daria Snigur បានសម្រក់ទឹកភ្នែកក្រោយយកឈ្នះកីឡាការិនីរ៉ូម៉ានី Simona Halep មិនគួរឱ្យជឿ ៦-២, ០-៦ និង ៦-៤។ នេះជាជ័យជំនះធំបំផុតក្នុងអាជីពរបស់កីឡាការិនីវ័យ ២០ឆ្នាំ Daria Snigur ខណៈជុំបន្តនាងនឹងត្រូវជួបជាមួយកីឡាការិនីកាណាដា Rebecca Marino ដែលទើបយកឈ្នះកីឡាការិនីប៉ូឡូញ Magdalena Frech ៦-២ និង ៦-៣។ រីឯកីឡាការិនីទុយនេស៊ី Ons Jabeur ក៏បានឈានចូលជុំបន្តដែរក្រោយឈ្នះកីឡាការិនីអាមេរិក Madison Brengle ខណៈកីឡាការិនីក្រិក Maria Sakkari យកឈ្នះកីឡាការិនី Tatjana Maria៕អត្ថបទ៖នាង សុភាវុធ

អ្នកការពារជើងឯក Daniil Medvedev ចាប់ផ្តើម US Open ជាមួយជ័យជំនះ

វាយកូនបាល់៖ កីឡាករវាយកូនបាល់លំដាប់លេខ ១ ពិភពលោក Daniil Medvedev បានចាប់ផ្តើមការពារតំណែងជើងឯក Grand Slam, US Open របស់ខ្លួនជាមួយនឹងជ័យជំនះនៅជុំដំបូងលើកីឡាករម្ចាស់ផ្ទះអាមេរិក Stefan Kozlov។ កីឡាករវ័យ ២៦ឆ្នាំរូបនេះបានយកឈ្នះគូប្រកួតរបស់ខ្លួនជាមួយនឹងជ័យជំនះ ៣សិតផ្ទួនៗ ៦-២, ៦-៤ និង ៦-០។ Daniil Medvedev គឺជាជើងឯក US Open ឆ្នាំមុនដែលជាជើងឯក Grand Slam ដំបូងរបស់ខ្លួនក្រោយយកឈ្នះកីឡាករស៊ែប Novak Djokovic ដែលមិនអាចចូលរួមការប្រកួតឆ្នាំនេះបានដោយសារបញ្ហាវ៉ាក់សាំងកូវីដ-១៩។ ជុំបន្ត Daniil Medvedev នឹងជួបជាមួយកីឡាករបារាំង Arthur Rinderknech នៅជុំទី២។ ចំណែកឯកីឡាករស្កុតឡេន Andy Murray ក៏បានបន្តដំណើរទៅជុំទី២ ដែរក្រោយយកឈ្នះកីឡាករលំដាប់លេខ ២៤ អាហ្សង់ទីន Francisco Cerundolo ៧-៥, ៦-៣ និង ៦-៣។ អតីតកីឡាករលំដាប់លេខ ១ ពិភពលោកវ័យ ៣៥ឆ្នាំរូបនេះនឹងបន្តជួបជាមួយកីឡាករម្ចាស់ផ្ទះអាមេរិកវ័យ ២០ឆ្នាំ Emilio Nava នៅជុំទី២។លទ្ធផលសំខាន់ៗផ្សេងទៀតរួមមានជើងឯករង Wimbledon ឆ្នាំមុនកីឡាករអ៊ីតាលី Matteo Berrettini យកឈ្នះកីឡាករស៊ីលី Nicolas Jarry តែជើងឯកឆ្នាំ២០២០ Dominic Thiem បានធ្លាក់ពីការប្រកួតហើយក្រោយចាញ់កីឡាករអេស្ប៉ាញ Pablo Carreno Busta និងកីឡាករអេស្ប៉ាញលំដាប់លេខ ១៦ Roberto Bautista Agut ក៏ធ្លាក់ចេញពីការប្រកួតដែរក្រោយចាញ់កីឡាករម្ចាស់ផ្ទះអាមេរិក JJ Wolf៕អត្ថបទ៖នាង សុភាវុធ

Nottingham Forest នាំយកកីឡាករទី១៨ Renan Lodi ផ្ទេរពី Atletico Madrid

បាល់ទាត់៖ ក្លិបអង់គ្លេស Nottingham Forest បានសំរេចក្នុងការនាំចូលកីឡាករទី១៨ គឺកីឡាករប្រេស៊ីលខ្សែការពារស្លាបឆ្វេង Renan Lodi ផ្លាស់ពីក្លិបអេស្ប៉ាញ Atletico Madrid ក្នុងលក្ខខណ្ឌខ្ចីជើង។ កីឡាករវ័យ ២៤ឆ្នាំរូបនេះបានចូលរួមជាមួយ Atletico Madrid នៅឆ្នាំ២០១៩ និងបង្ហាញខ្លួនបាន ១១៩ប្រកួតឱ្យក្រុមរបស់លោក Diego Simeone ដែលឈ្នះជើងឯក La Liga កាលពីឆ្នាំ២០២១ បូករួមទាំងបង្ហាញខ្លួនបាន ២៧ប្រកួតនៅ UEFA Champions League ផងដែរ។ Renan Lodi ត្រូវបានកោះហៅចូលក្រុមជម្រើសជាតិប្រេស៊ីលដំបូងនៅឆ្នាំ២០១៩ បង្ហាញខ្លួនសរុបមកដល់ពេលនេះបាន ១៥លើក។Nottingham Forest បច្ចុប្បន្នកំពុងឈរលេខ១៤ ក្នុងតារាងនៅក្របខណ្ឌ English Premier League ខណៈប្រកួតចុងក្រោយបំផុតចាញ់ Spurs ក្នុងទឹកដីខ្លួនឯង ២-០។ បើតាមការការចុះផ្សាយពីសារព័ត៌មាន Sky Sports អង់គ្លេសឱ្យដឹងថា Nottingham Forest ដែលឡើងមកកាន់ English Premier League ដំបូងតាំងពីឆ្នាំ១៩៩៩ នោះនៅមិនទាន់ឈប់នាំចូលកីឡាករថ្មីឡើយ ពោលគឺក្លិបកំពុងចរចាជាមួយ Wolverhampton ក្នុងការនាំយកខ្សែការពារកណ្តាល Willy Boly៕អត្ថបទ៖នាង សុភាវុធ

Thierry Henry មានភាគហ៊ុនវិនិយោគក្លិបនៅលីគទី២ អ៊ីតាលី Como

បាល់ទាត់៖ អតីតខ្សែប្រយុទ្ធ Arsenal, Thierry Henry ត្រូវបានប្រកាសថា មានភាគហ៊ុនមួយចំនែកក្នុងការវិនិយោគក្លិបនៅលីគទី២ អ៊ីតាលី Como។ អតីតកីឡាករជម្រើសជាតិបារាំង និង Arsenal រូបនេះត្រូវបានប្រកាសបែបនេះ នៅក្នុងសន្និសីទសារព័ត៌មានមួយរួមជាមួយនាយកប្រតិបត្តិក្លិបលោក Dannis Wise ដែលជាអតីតប្រធានក្រុមបាល់ទាត់តោខៀវ Chelsea។ Como ជាក្លិបដែលអភិវឌ្ឍខ្លួនពីក្លិបពាក់កណ្តាលអាជីពរហូតឡើងមកកាន់ក្របខណ្ឌទី២ អ៊ីតាលី ហើយថ្មីៗនេះទើបតែបាននាំយកអតីតមិត្តរួមក្រុម Thierry Henry គឺខ្សែបម្រើកណ្តាល Cesc Fabregas។ កីឡាករវ័យ ៣៥ឆ្នាំ Cesc Fabregas ក៏មានភាគហ៊ុនមួយចំនែកដែរនៅក្លិប Como នេះ។ សូមបញ្ជាក់ថា Como ស្ថិតក្រោមការគ្រប់គ្រងដោយម្ចាស់ភាគហ៊ុនធំគឺក្រុមហ៊ុនថ្នាំជក់ធំបំផុតមួយនៅឥណ្ឌូនេស៊ី។ក្លិបបាល់ទាត់ Como ដែលមានដើមកំណើតដំបូងតាំងពីឆ្នាំ១៩០៧ ធ្លាប់បង្ហាញខ្លួននៅក្របខណ្ឌកំពូលអ៊ីតាលី Serie A ចុងក្រោយបំផុតនៅឆ្នាំ២០០៣ តែក្រោយមកក៏បានប្រកាសក្ស័យធន់នៅឆ្នាំ២០០៤។ បន្ទាប់ពីទទួលបានការវិនិយោគ Como បានចាប់ផ្តើមពីលីគទី៤ អ៊ីតាលីរហូតមកដល់លីគទី២ រដូវកាលមុនដែលបានបញ្ចប់នៅចំណាត់ថ្នាក់លេខ១៣ នៅក្របខណ្ឌអ៊ីតាលី Serie D៕អត្ថបទ៖នាង សុភាវុធ

Valencia ឈានដល់កិច្ចព្រមព្រៀងនាំយកខ្សែប្រយុទ្ធអ៊ុយរូហ្កាយ Edinson Cavani

បាល់ទាត់៖ ក្លិបអេស្ប៉ាញ Valencia បានបញ្ជាក់ពីការឈានដល់កិច្ចព្រមព្រៀងក្នុងការនាំយកខ្សែប្រយុទ្ធអ៊ុយរូហ្កាយ Edinson Cavani។ អតីតខ្សែប្រយុទ្ធក្រុមបិសាចក្រហម Manchester United រូបនេះបានព្រមព្រៀងកិច្ចសន្យាពីរឆ្នាំដែលនឹងរក្សារូបគេនៅកីឡដ្ឋាន Mestalla រហូតដល់ឆ្នាំ២០២៤។ កីឡាករវ័យ ៣៥ឆ្នាំរូបនេះបានស៊ុតបញ្ចូលទី ១២គ្រាប់នៅ English Premier League រយៈពេល ២រដូវកាលនៅ Manchester United ក្រោយផ្លាស់ពី Paris Saint Germain នៅខែតុលា ឆ្នាំ២០២០។ Valencia ដែលបច្ចុប្បន្នកំពុងឈរលេខ១៤ នៅ La Liga បានប្រកាសពីភាពជោគជ័យរបស់ខ្លួននៃការមកដល់របស់ Edinson Cavani ដែលធ្លាប់បានស៊ុតបញ្ចូលទីគ្រប់ទិសទីរាល់ក្លិបដែលឆ្លងកាត់ និងធ្លាប់ឈ្នះពានសំខាន់ៗ ២៥។រំលឹកថា Edinson Cavani ធ្លាប់មានអាជីពជោគជ័យបំផុតនៅក្លិបបារាំង Paris Saint Germain ដោយបង្ហាញខ្លួនសរុប ២០០ប្រកួតរកបាន ១៣៨គ្រាប់ឈ្នះពានលីគកំពូលបារាំង ៦លើក, Coupe de France ៥លើក, Coupe de la Ligue ៦លើក, Trophee des Champions ៤លើក និងជើងឯករង UEFA Champions League មួយលើកកាលពីឆ្នាំ២០២០ ពេល PSG ចាញ់ Bayern Munich នៅវគ្គផ្តាច់ព្រ័ត្រ និងជើងឯករង Europa League មួយលើកពេល Manchester United ចាញ់ Villarreal នៅវគ្គផ្តាច់ព្រ័ត្រ។ ជាមួយក្រុមជម្រើសជាតិអ៊ុយរូហ្កាយ Edinson Cavani បង្ហាញខ្លួនសរុប ១៣៣ប្រកួតរកបាន ៥៨គ្រាប់ឈ្នះជើងឯក Copa America មួយលើកកាលពីឆ្នាំ២០១១៕អត្ថបទ៖នាង សុភាវុធ

វ៉ូវីណាមជើងឯកអាស៊ីអាគ្នេយ៍នឹងធ្វើនៅកម្ពុជាខែមីនាឆ្នាំក្រោយ

វ៉ូវីណាម៖ ការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍ឆ្នាំ២០២៣ នឹងត្រូវធ្វើជាផ្លូវការនៅព្រះរាជាណាចក្រកម្ពុជាកំឡុងខែមីនា ឆ្នាំ២០២៣ បន្ទាប់ពីគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ (CAMSOC) អនុញ្ញាតជាគោលការណ៍។ យោងសេចក្តីជូនដំណឹងរបស់ CAMSOC សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអនុញ្ញាតឱ្យសហព័ន្ធកីឡាវ៉ូវីណាមកម្ពុជា រៀបចំការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍ ចាប់ពីថ្ងៃទី២៥ ដល់ថ្ងៃទី៣០ ខែមីនា ឆ្នាំ២០២៣ នៅរាជធានីភ្នំពេញ។ CAMSOC នៅបានឱ្យសហព័ន្ធសាមីរៀបចំបទបញ្ជាការប្រកួតជាភាសាអង់គ្លេស សហការជាមួយគណៈកម្មការហិរញ្ញវត្ថុ និងផ្គត់ផ្គង់រៀបចំគម្រោងចំណាយ និងធ្វើរបាយការណ៍ជូន CAMSOC ក្រោយបញ្ចប់ការប្រកួត។ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជាធ្លាប់បានបញ្ជាក់ថា ការប្រកួតវ៉ូវីណាមអាស៊ីអាគ្នេយ៍នេះជាការត្រៀម និងវាស់ស្ទង់កម្រិតរបស់វ៉ូវីណាមកម្ពុជាជាមួយបណ្តាប្រទេសក្នុងតំបន់ និងការឆ្ពោះទៅប្រកួស៊ីហ្គេម ២០២៣ កំឡុងខែឧសភា ឆ្នាំ២០២៣។ ប្រកួតឆ្នាំក្រោយនេះ វិញ្ញាសា ៣០ នឹងត្រូវដាក់ឱ្យអត្តពលិកវ៉ូវីណាមនៅអាស៊ីអាគ្នេយ៍ប្រកួតប្រជែង។ សូមរំលឹកថា ក្នុងការប្រកួតស៊ីហ្គេមលើកទី៣១ នៅវៀតណាមនាពេលថ្មីៗនេះ វ៉ូវីណាមជាប្រភេទកីឡាដែលដណ្តើមបានមេដាយច្រើនជាងគេក្នុងនោះមាស ៣គ្រឿង, ប្រាក់ ២គ្រឿង និងសំរឹទ្ធ ៩គ្រឿង សរុប ១៤គ្រឿង៕អត្ថបទ៖ គង់ ហួន

West Ham ទិញបានខ្សែបម្រើប្រេស៊ីល Lucas Paqueta តម្លៃផ្ទេរបំបែកកំណត់ត្រាក្លិប

បាល់ទាត់៖ ក្លិបញញួរធំ West Ham បានប្រកាសពីការមកដល់របស់ខ្សែបម្រើប្រេស៊ីល Lucas Paqueta ដែលផ្ទេរមកពីក្លិបបារាំង Olympique Lyon ក្នុងតម្លៃបំបែកកំណត់ត្រាក្លិប។ កីឡាករវ័យ ២៥ឆ្នាំរូបនេះបានចុះហត្ថលេខារយៈពេល ៥ឆ្នាំផ្ទេរមកកាន់ West Ham ក្នុងតម្លៃ ៣៦.៥លានផោនបូកនឹងប្រាក់បន្ថែមផ្សេងៗអាចនឹងកើនដល់ ៥០លានផោន ដែលតម្លៃនេះបានបំបែកកំណត់ត្រាការចំណាយកន្លងមកដែលធ្លាប់ទិញ Sebastian Haller ពី Eintracht Frankfurt តម្លៃ ៤៥លានផោនកាលពីឆ្នាំ២០១៩។ Lucas Paqueta បានស៊ុតបញ្ចូលទី ៩គ្រាប់បញ្ជូន ៦ ក្នុងការបង្ហាញខ្លួន ៣៥ប្រកួតនៅក្របខណ្ឌបារាំង Ligue 1 រដូវកាលមុន។ លោក David Moyes បានបញ្ជាក់ពីការចាប់អារម្មណ៍កីឡាករប្រេស៊ីលរូបនេះ តាមរយៈស្ថិតិកន្លងមកដែលក្រុមការងារបានអង្កេត។ Lucas Paqueta ដែលស៊ុតបញ្ចូលទីបាន ៧គ្រាប់ក្នុងការបង្ហាញខ្លួន ៣៣ប្រកួតឱ្យក្រុមជម្រើសជាតិប្រេស៊ីលនោះគឺជាសមាជិករបស់ Lyon នៅពេលជួប West Ham រដូវកាលមុននៅវគ្គ ៨ក្រុមចុងក្រោយ UEFA Europa League ដែល West Ham យកឈ្នះទាំងពីរជើង ៤-១។សរុបស្ថិតិជាមួយ Lyon, Lucas Paqueta បង្ហាញខ្លួនសរុប ៨០ប្រកួតស៊ុតបញ្ចូលទីបាន ២១គ្រាប់បញ្ជូន ១៤ តាំងពីផ្លាស់ពី AC Milan ២ឆ្នាំមុន។ West Ham ថ្មីៗនេះទើបតែទិញបានខ្សែការពារប្រេស៊ីល Emerson Palmieri ផងដែរពី Chelsea។ ចាប់ផ្តើមរដូវកាលថ្មី English Premier League ក្រុមញញួរធំ West Ham ទើបរកបាន ៣ពិន្ទុដំបូងក្រោយយកឈ្នះនៅទឹកដី Aston Villa៕អត្ថបទ៖នាង សុភាវុធ

កម្ពុជានាំមន្ដ្រីបច្ចេកទេស និងគ្រូបាល់ទះឆ្នេរខ្សាច់គុយបាមកពង្រឹងបច្ចេកទេសត្រៀមស៊ីហ្គេម

បាល់ទះ៖ សហព័ន្ធកីឡាបាល់ទះកម្ពុជាបាននាំយកមន្ដ្រីបច្ចេកទេស និងគ្រូបង្វឹកបាល់ទះឆ្នេរខ្សាច់ជនជាតិគុយបា ៤រូបមកជួយពង្រឹងបច្ចេកទេសដល់ក្រុមបាល់ទះឆ្នេរខ្សាច់កម្ពុជា ដើម្បីត្រៀមប្រកួតប្រជែងមេដាយស៊ីហ្គេមឆ្នាំ២០២៣ នៅកម្ពុជា។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធបានឲ្យដឹងថា ការនាំយកអ្នកជំនាញគុយបាមកពង្រឹងក្រុមបាល់ទះឆ្នេរខ្សាច់កម្ពុជានេះ ធ្វើឡើងតាមរយៈកិច្ចសហប្រតិបត្តិការរវាងសហព័ន្ធជាមួយស្ថានទូតគុយបាប្រចាំប្រទេសកម្ពុជា ស្របពេលមានការអនុញ្ញាតពីឯកឧត្តមសន្តិបណ្ឌិត នេត សាវឿន ប្រធានសហព័ន្ធកីឡាបាល់ទះកម្ពុជា។ ការលើកឡើងនេះ បន្ទាប់ពីលោកអគ្គលេខាធិការ រួមជាមួយមន្ដ្រីសហព័ន្ធ គ្រូបង្វឹក និងកីឡាករបាល់ទះឆ្នេរខ្សាច់កម្ពុជាបានជួប និងទទួលស្វាគមន៍អ្នកជំនាញគុយបាកាលពីល្ងាចថ្ងៃទី២៩ ខែសីហានៅពហុកីឡដ្ឋានជាតិក្នុងនោះគឺមានលោក Karell Pena Ventoza ជាគ្រូជំនាញបាល់ទះឆ្នេរខ្សាច់ លោក Berto Friol Barrios ជាគ្រូជំនាញបាល់ទះក្នុងសាល រួមទាំងមន្ដ្រីបច្ចេកទេសលោក Leonid Abum Castillo និងកញ្ញា Natyelis Riol Cardenas ផងដែរ ។លោកបណ្ឌិត អាំង សិរីពិសិដ្ឋ បន្ថែមថា ការនាំយកមន្ដ្រីបច្ចេកទេស និងគ្រូបរទេសមកពង្រឹងក្រុមបាល់ទះឆ្នេរខ្សាច់កម្ពុជានេះ ព្រោះស៊ីហ្គេមឆ្នាំ២០២៣ សល់ពេលកាន់តែខ្លី។ ហេតុនេះសហព័ន្ធចង់ពង្រឹងសមត្ថភាពឲ្យបានខ្លាំង ពិសេសបាល់ទះឆ្នេរខ្សាច់ឲ្យឈានដល់កម្រិតខ្ពស់ក្នុងការប្រកួតប្រជែងមេដាយ។ យ៉ាងណាក្ដីសហព័ន្ធក៏ត្រូវការពេលវេលាដើម្បីសាកល្បងអ្នកជំនាញមកពីគុយបានេះសិនដែរ។ បន្ទាប់ពីបញ្ចប់នូវជំនួបសំណេះសំណាលនេះដែរ លោកបណ្ឌិត អាំង សិរីពិសិដ្ឋ រួមជាមួយមន្ដ្រីបច្ចេកទេស និងគ្រូបង្វឹកគុយបាក៏បានធ្វើការត្រួតពិនិត្យមើលពីបច្ចេកទេសរបស់កីឡាករបាល់ទះឆ្នេរខ្សាច់កម្ពុជា ក៏ដូចជាទីលានហ្វឹកហាត់នៅក្នុងបរិវេណនៃពហុកីឡដ្ឋានជាតិ។ លើសពីនេះសហព័ន្ធក៏មានផែនការរៀបចំ ការប្រកួតបាល់ទះឆ្នេរខ្សាច់មួយនាពេលខាងមុខផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កម្ពុជាត្រូវជួបថៃការប្រកួតបាល់ទាត់ជើងឯកអាស៊ីអាគ្នេយ៍២០២២ នេះ

គ្រូបង្វឹកអគ្គិសនីកម្ពុជាថា ការប្រកួតជើងទី២ ជាមួយព្រះខ័នរាជនៅតែតានតឹង

Serena Williams មិនទាន់លាពីអាជីពវាយកូនបាល់ទេ ក្រោយឈ្នះជុំដំបូង US Open

អ្នកការពារជើងឯក Daniil Medvedev ចាប់ផ្តើម US Open ជាមួយជ័យជំនះ

Nottingham Forest នាំយកកីឡាករទី១៨ Renan Lodi ផ្ទេរពី Atletico Madrid

Thierry Henry មានភាគហ៊ុនវិនិយោគក្លិបនៅលីគទី២ អ៊ីតាលី Como

Valencia ឈានដល់កិច្ចព្រមព្រៀងនាំយកខ្សែប្រយុទ្ធអ៊ុយរូហ្កាយ Edinson Cavani

វ៉ូវីណាមជើងឯកអាស៊ីអាគ្នេយ៍នឹងធ្វើនៅកម្ពុជាខែមីនាឆ្នាំក្រោយ

West Ham ទិញបានខ្សែបម្រើប្រេស៊ីល Lucas Paqueta តម្លៃផ្ទេរបំបែកកំណត់ត្រាក្លិប

កម្ពុជានាំមន្ដ្រីបច្ចេកទេស និងគ្រូបាល់ទះឆ្នេរខ្សាច់គុយបាមកពង្រឹងបច្ចេកទេសត្រៀមស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កម្ពុជា​ត្រូវ​ជួប​ថៃ​ការប្រកួត​បាល់ទាត់​ជើងឯក​អាស៊ីអាគ្នេយ៍​២០២២ ​នេះ​

គ្រូបង្វឹក​អគ្គិសនី​កម្ពុជា​ថា ​ការប្រកួត​ជើង​ទី​២ ជាមួយ​ព្រះខ័ន​រាជ​នៅតែ​តានតឹង​

Serena Williams មិនទាន់​លា​ពី​អាជីព​វាយ​កូន​បាល់​ទេ​ ក្រោយ​ឈ្នះ​ជុំ​ដំបូង US Open

អ្នកការពារ​ជើងឯក Daniil Medvedev ចាប់ផ្តើម US Open ជាមួយ​ជ័យជំនះ​

Nottingham Forest នាំយក​កីឡា​ករទី១៨ Renan Lodi ផ្ទេរ​ពី Atletico Madrid

Thierry Henry មាន​ភាគហ៊ុន​វិនិយោគ​ក្លិប​នៅ​លី​គ​ទី២ អ៊ីតាលី Como

Valencia ឈានដល់​កិច្ចព្រមព្រៀង​នាំយក​ខ្សែប្រយុទ្ធ​អ៊ុយ​រូ​ហ្កា​យ Edinson Cavani

វ៉ូ​វី​ណា​ម​ជើងឯក​អាស៊ីអាគ្នេយ៍​នឹង​ធ្វើ​នៅ​កម្ពុជា​ខែ​មីនា​ឆ្នាំក្រោយ​

West Ham ទិញ​បាន​ខ្សែបម្រើ​ប្រេ​ស៊ី​ល Lucas Paqueta តម្លៃ​ផ្ទេរ​បំបែក​កំណត់ត្រា​ក្លិប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាត្រូវជួបថៃការប្រកួតបាល់ទាត់ជើងឯកអាស៊ីអាគ្នេយ៍២០២២ នេះ

គ្រូបង្វឹកអគ្គិសនីកម្ពុជាថា ការប្រកួតជើងទី២ ជាមួយព្រះខ័នរាជនៅតែតានតឹង

Serena Williams មិនទាន់លាពីអាជីពវាយកូនបាល់ទេ ក្រោយឈ្នះជុំដំបូង US Open

អ្នកការពារជើងឯក Daniil Medvedev ចាប់ផ្តើម US Open ជាមួយជ័យជំនះ

Nottingham Forest នាំយកកីឡាករទី១៨ Renan Lodi ផ្ទេរពី Atletico Madrid

Thierry Henry មានភាគហ៊ុនវិនិយោគក្លិបនៅលីគទី២ អ៊ីតាលី Como

Valencia ឈានដល់កិច្ចព្រមព្រៀងនាំយកខ្សែប្រយុទ្ធអ៊ុយរូហ្កាយ Edinson Cavani

វ៉ូវីណាមជើងឯកអាស៊ីអាគ្នេយ៍នឹងធ្វើនៅកម្ពុជាខែមីនាឆ្នាំក្រោយ

West Ham ទិញបានខ្សែបម្រើប្រេស៊ីល Lucas Paqueta តម្លៃផ្ទេរបំបែកកំណត់ត្រាក្លិប