BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

ពានសម្ដេចតេជោ-ថ្នាក់ជាតិនឹងប្រកួតកាត់ក្ដីរកបេក្ខភាពវគ្គពាក់កណ្ដាលផ្ដាច់ព្រ័ត្រស្អែកនេះ

បាល់ទាត់៖ ពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ នឹងធ្វើការប្រកួតជើងទី២ នៃវគ្គ ៨ក្រុមចុងក្រោយនៅថ្ងៃទី៣១ ខែសីហាស្អែកនេះ ដើម្បីកាត់សេចក្ដីរកបេក្ខភាព ៤ក្រុមចុងក្រោយដែលឡើងវគ្គពាក់កណ្ដាលផ្ដាច់ព្រ័ត្រ។ ចំពោះកម្មវិធីប្រកួតជើងទី២ នេះរួមមានក្រុមបឹងកេតត្រូវបើកទ្វារផ្ទះទទួលក្រុមកោះកុងអេហ្វស៊ីនាវេលាម៉ោង ៣៖៣០នាទីរសៀលនៅកីឡដ្ឋានខេមបូឌាអ៊ែរវ៉េ បន្ទាប់ពីយកឈ្នះក្រៅដី កាលពីជើងទី១ ដោយលទ្ធផល ២-០។ រីឯ ៣គូទៀត នឹងត្រូវចាប់ផ្ដើមការប្រកួតដំណាលៗគ្នានាម៉ោង ៦៖៣០នាទីល្ងាច រួមមានក្រុមព្រះខ័នរាជស្វាយរៀងបើកទ្វារផ្ទះទទួលក្រុមអគ្គិសនីកម្ពុជា, វិសាខាជួបក្រុមភ្ញៀវកងយោធពលខេមរភូមិន្ទ និងក្រុមណាហ្គាវើលដ៏ជួបក្រុមភ្នំពេញក្រោននៅកីឡដ្ឋានស្ដាតចាស់។ កាលពីជើងទី១ អគ្គិសនីកម្ពុជាបានវាយបកតាមស្មើព្រះខ័នរាជស្វាយរៀង ១-១ លើទឹកដីរបស់ខ្លួន ស្របពេលភ្នំពេញក្រោន និងណាហ្គាវើលដ៏បានរក្សាលទ្ធផល ០-០ ពេញ ៩០នាទី។ រីឯវិសាខាគឺបានយកឈ្នះក្រុមម្ចាស់ផ្ទះកងយោធពលខេមរភូមិន្ទ ៣-១ នៅកីឡដ្ឋានស្ដាតចាស់។បន្ទាប់ពីចប់ការប្រកួតជើងទី២ នេះ ពានរង្វាន់សម្ដេចតេជោ ហ៊ុន សែន នឹងត្រូវសម្រាកជាង ១ខែអំឡុងថ្ងៃ FIFA Day ដោយគ្រោងនឹងដំណើរការប្រកួតឡើងវិញនាថ្ងៃទី០៥ ខែតុលា ឆ្នាំ២០២២ ជាមួយការប្រកួតវគ្គពាក់កណ្ដាលផ្ដាច់ព្រ័ត្រ ជើងទី១ តែម្ដង មុនឈានដល់វគ្គផ្ដាច់ព្រ័ត្រដែលគ្រោងធ្វើឡើងនាថ្ងៃទី២៦ ខែតុលាខាងមុខ៕អត្ថបទ៖ លី ឈុនឡា

Rory McIlroy ក្លាយជាកីឡាករវាយកូនគោលទី១ ដែលឈ្នះពាន FedEx Cup ៣លើក

វាយកូនគោល៖ កីឡាករអៀរឡង់ខាងជើង Rory McIlroy បានក្លាយជាកីឡាករវាយកូនគោលទី១ ដែលឈ្នះជើងឯកពានរង្វាន់ FedEx Cup ៣លើកក្នុងអាជីពបន្ទាប់ពីឈ្នះជើងឯក Tour Championship នៃក្របខណ្ឌ PGA Tour។ កីឡាករវ័យ ៣៣ឆ្នាំរូបនេះបានតាមពីក្រោយពីការនាំមុខដល់ទៅ ៦ស្ត្រូកនៃការនាំមុខរបស់ Scottie Scheffler រហូតធ្វើបានសរុប ២១អាន់ឌើផា ឈ្នះមួយស្ត្រូកវិញលើកីឡាករ Scottie Scheffler និងកីឡាករអាមេរិក Sungjae Im ដែលធ្វើបាន ២០អាន់ឌើផាដូចគ្នា។ ជើងឯកកម្មវិធីធំ ៤លើក Rory McIlroy ធ្វើបាន ៤អាន់ឌើផានៅថ្ងៃចុងក្រោយ គ្រប់គ្រាន់ល្មមដើម្បីគ្រងជើងឯកដើម្បីទទួលបានប្រាក់រង្វាន់ ១៩លានដុល្លារអាមេរិក បន្ទាប់ពីឈ្នះពានទី៥ ក្នុងរដូវកាលនេះ៕អត្ថបទ៖នាង សុភាវុធ

កីឡាករអាហ្វ្រិកខាងត្បូង Louis Meintjes ឈ្នះដំណាក់កាលទី៩ ប្រណាំងកង់ Vuelta a Espana

ប្រណាំងកង់៖ កីឡាករអាហ្វ្រិកខាងត្បូង Louis Meintjes បានប្រជែងឈ្នះដំណាក់កាលទី៩ នៃព្រឹត្តិការណ៍ប្រណាំងកង់ Grand Tour, Vuelta a Espana។ ដំណាក់កាលទី៩ ដែលមានចំងាយផ្លូវ ១៧៥.៥គីឡូម៉ែត្រ កីឡាកររបស់ក្រុមប្រណាំង Wanty-Gobert រូបនេះបានមកដល់ទីព្រ័ត្រមុនគេប្រើពេល ៤ម៉ោង ៣២នាទី ៣៩វិនាទី ដែលជាជ័យជំនះនៅព្រឹត្តិការណ៍ Grand Tour ជាលើកដំបូងសំរាប់កីឡាករវ័យ ៣០ឆ្នាំរូបនេះ។ លេខ២ ក្នុងដំណាក់កាលបានទៅកីឡាករអ៊ីតាលី Samuele Battistella យឺតជាង ១នាទី ១វិនាទី និងលេខ៣ កីឡាករអ៊ីតាលីមួយរូបទៀត Edoardo Zambanini យឺតជាង ១នាទី ១៤វិនាទី។យ៉ាងណាក្តីក្រោយដំណាក់កាលទី៩ នេះកីឡាករប៊ែលហ្ស៊ិក Remco Evenepoel ដែលបានបញ្ចប់នៅចំណាត់ថ្នាក់លេខ៤ នោះនៅតែបន្តនាំមុខគេដដែលដោយមានវេលាចំណេញ ១នាទី ១២វិនាទីពីលើអ្នកលេខ២ កីឡាករអេស្ប៉ាញ Enric Mas និងលេខ៣ អ្នកការពារតំណែងជើងឯក Primoz Roglic។ មិនមានការប្រកួតនៅថ្ងៃនេះឡើយ តែសំរាប់ដំណាក់កាលទី១០ ថ្ងៃអង្គារស្អែកមានចំងាយផ្លូវ ៣១.១គីឡូម៉ែត្រដែលជាដំណាក់កាលប្រណាំងយកថេរវេលាផ្ទាល់ខ្លួន៕អត្ថបទ៖នាង សុភាវុធ

Max Verstappen ចេញដំណើរពីលេខ១៤ យកឈ្នះការប្រកួត F1 នៅប៊ែលហ្ស៊ិក

ប្រណាំងរថយន្ត៖ កីឡាករប្រណាំង F1 ជើងឯកពិភពលោក Max Verstappen បានប្រជែងឈ្នះការប្រកួតនៅប៊ែលហ្ស៊ិកពីរឆ្នាំជាប់គ្នា បន្ទាប់ពីឈ្នះការប្រកួតនៅថ្ងៃអាទិត្យម្សិលមិញ ថ្វីបើចេញដំណើរនៅលេខរៀងទី១៤ ក្តី។ F1 បានសំរេចពិន័យ Red Bull ដែលបានប្រើប្រាស់ការផ្លាស់ប្តូរគ្រឿងបន្លាស់ច្រើនពេកលើរថយន្តរបស់ Verstappen ស្របពេលដែលការពិន័យនេះក៏បានធ្វើឡើងចំពោះ Ferrari ដែរលើរថយន្តរបស់ Charles Leclerc។ ថ្វីបើចេញដំណើរពីលេខ១៤ ក្តី Max Verstappen បានឡើងមកនាំមុខគេនៅត្រឹមជុំទី១៨ និងរក្សាការនាំមុខឆ្ងាយទៅៗរហូតដល់ទីព្រ័ត្រ។ មិត្តរួមក្រុម Red Bull កីឡាករម៉ិកស៊ិក Sergio Perez បានមកដល់ទីលំដាប់លេខ២ ខណៈ Carlos Sainz របស់ Ferrari បានលេខ៣ តាមពីក្រោយដោយ George Russell របស់ Mercedes លេខ៤ និងលេខ៥ Fernando Alonso លេខ៦ Charles Leclerc។ នៅក្នុងតារាងជើងឯកនៅពេលនេះ Max Verstappen កំពុងនាំមុខគេដាច់មានសរុប ២៨៤ពិន្ទុក្រោយឈ្នះសរុប ៩ទីលាននាំមុខដាច់មិត្តរួមក្រុម Sergio Perez ដែលមានត្រឹម ១៩១ពិន្ទុ និងលេខ៣ Charles Leclerc មាន ១៨៦ពិន្ទុ។ សំរាប់ទីលានបន្ទាប់ F1 ធ្វើដំណើរទៅទឹកដីហូឡង់សប្តាហ៍នេះ៕អត្ថបទ៖នាង សុភាវុធ

Lewandowski ស៊ុត ២គ្រាប់ឲ្យ Barcelona ឈ្នះពីរប្រកួតជាប់គ្នា

បាល់ទាត់៖ ក្រុម FC Barcelona រកបានជ័យជំនះពីរប្រកួតផ្ទួនៗបន្ទាប់ពីយកឈ្នះ Valladolid ៤-០ ដោយគ្រាប់បាល់ពីរគ្រាប់របស់ខ្សែប្រយុទ្ធប៉ូឡូញ Robert Lewandowski។ កីឡាករវ័យ ៣៤ឆ្នាំរូបនេះរកបានគ្រាប់នាំមុខដំបូងនៅនាទីទី២៤ មុនពេលដែល Pedri បន្ថែមការនាំមុខ ២-០ មុនចប់វគ្គទី១។ ឈានចូលវគ្គទី២ អតីតខ្សែប្រយុទ្ធ Bayern Munich រូបនេះក៏រកបានគ្រាប់ទីពីររបស់ខ្លួននៅនាទីទី៦៤ មុនខណៈមួយគ្រាប់ចុងក្រោយធ្វើបានដោយ Sergio Roberto។ នេះជាជ័យជំនះ ២ប្រកួតជាប់គ្នាសំរាប់ក្រុមលោក Xavi Hernandez ដើម្បីឈរលេខ៣ ក្នុងតារាងមាន ៧ពិន្ទុ។ងាកមកក្រុមការពារតំណែងជើងឯក Real Madrid វិញរកបានគ្រាប់ជ័យជំនះចុងម៉ោងលើម្ចាស់ផ្ទះ Espanyol ៣-១។ Vinicius Junior បើកការនាំមុខឱ្យ Real Madrid តាំងពីនាទីទី១២ តែម្ចាស់ផ្ទះ Espnayol តាមស្មើវិញនៅនាទីទី៤៣ ដោយ Joselu។ ហៀបនឹងចប់ទៅហើយជ័យលាភីកីឡាករឆ្នើមបំផុតប្រចាំឆ្នាំរបស់ UEFA, Karim Benzema ក៏រកបានគ្រាប់ជ័យជំនះឱ្យ Real Madrid នៅនាទីទី៨៨ ហើយក៏រកបានមួយគ្រាប់ទៀតនៅម៉ោងបន្ថែមបង្គ្រប់ ៩០+១០។ នេះជាគ្រាប់បាល់ទី ៣២៧ ហើយសំរាប់ Karim Benzema នៅ Real Madrid។ បីប្រកួតរដូវកាលថ្មី Real Madrid ឈ្នះទាំងបីប្រកួតឈរលើគេមាន ៩ពិន្ទុពេញស្មើគ្នាជាមួយក្រុមលេខ២ Real Betis មាន ៩ពិន្ទុដូចគ្នា៕អត្ថបទ៖នាង សុភាវុធ

Harry Kane រកបាន ២គ្រាប់ឲ្យ Spurs យកឈ្នះ ២-០ នៅទឹកដី Nottingham Forest

បាល់ទាត់៖ ខ្សែប្រយុទ្ធអង់គ្លេស Harry Kane បានស៊ុតបញ្ចូលទី ២គ្រាប់ម្នាក់ឯងឱ្យ Tottenham Hotspur យកឈ្នះនៅទឹកដីក្រុមឡើងថ្មី Nottingham Forest ២-០ សប្តាហ៍ទី៤ ក្របខណ្ឌ English Premier League។ កីឡាករវ័យ ២៩ឆ្នាំរូបនេះរកបានគ្រាប់នាំមុខដំបូងតាំងពីនាទីទី៥ មុនពេលមានឱកាសស៊ុតបាល់ពិន័យ ១១ម៉ែត្រ ១គ្រាប់តែធ្វើមិនបានសំរេចដោយសង្គ្រោះបានដោយ Dean Henderson។ យ៉ាងណាក្តី Harry Kane ដដែលក៏រកបានគ្រាប់ទី២ របស់ខ្លួនដែលជាគ្រាប់ធានាជ័យជំនះឱ្យ Spurs នៅនាទីទី៨១។ ជ័យជំនះនេះធ្វើឱ្យក្រុមរបស់លោក Antonio Conte បន្តឈរលេខ៣ ក្នុងតារាងមាន ១០ពិន្ទុស្មើគ្នាជាមួយ Manchester City និង Brighton ខណៈ Arsenal កំពុងនាំមុខគេមាន ១២ពិន្ទុពេញ។ លទ្ធផលផ្សេងទៀតយប់ថ្ងៃអាទិត្យម្សិលមិញ Newcastle តាមស្មើចុងម៉ោង ១-១ នៅទឹកដី Wolverhampton។ក្រុមម្ចាស់ផ្ទះនាំមុខមុននៅនាទីទី៣៨ ដោយ Ruben Neves ខណៈគ្រាប់តាមស្មើរបស់ Newcastle ត្រូវរង់ចាំដល់នាទីទី៩០ ដោយ Allan Saint-Maximin។ លទ្ធផលនេះមានន័យថា Newcastle បន្តស្ថិតិមិនចាញ់ ៤ប្រកួតកន្លងមកឈ្នះ១ ស្មើ៣ ឈរលេខ៧ មាន ៦ពិន្ទុ ខណៈ Wolves ឈរលេខ១៩ មានត្រឹម ២ពិន្ទុមិនទាន់ស្គាល់ឈ្នះ។ មួយគូទៀត West Ham ស្គាល់ជ័យជំនះដំបូងរបស់ខ្លួនក្រោយយកឈ្នះនៅទឹកដី Aston Villa ១-០ ដោយគ្រាប់បាល់របស់ Pablo Fornal៕អត្ថបទ៖នាង សុភាវុធ

បាល់ទះគ្រោងរៀបចំលីគ ៦ស្មើនាឆ្នាំក្រោយ បន្ទាប់ពីរកឃើញជើងឯក GSV League 2022

បាល់ទះ៖ សហព័ន្ធកីឡាបាល់ទះកម្ពុជា គ្រោងរៀបចំការប្រកួតលីគបាល់ទះលក្ខណៈលីគស្ដង់ដារ ៦ ទល់ ៦ ឡើងវិញនាឆ្នាំក្រោយ២០២៣ ខាងមុខ បន្ទាប់ពីទទួលបានជោគជ័យក្នុងការប្រកួតលក្ខណៈលីគ ៤ស្មើលើកដំបូងគឺពានរង្វាន់ Ganzberg Special Volleyball League 2022 ដែលទើបបញ្ចប់ការប្រកួតកាលពីចុងសប្ដាហ៍កន្លងទៅ។ នេះបើតាមការបញ្ជាក់របស់លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា។ សម្រាប់ក្រុមជើងឯកពានរង្វាន់ ៤ ទល់ ៤ នេះគឺបានទៅសមាគមបាល់ទះវិសាខា បន្ទាប់ពីយកឈ្នះក្រុមក្រសួងការពារជាតិដោយលទ្ធផល ២-០សិតជាមួយពិន្ទុ ២៥-២៣ និង ២៨-២៦ ក្នុងវគ្គផ្ដាច់ព្រ័ត្រ ខណៈលេខ៣ បានទៅក្រុមរដ្ឋបាលរាជធានីភ្នំពេញក្រោយយកឈ្នះក្រុម PS Concrete ដោយលទ្ធផល ២-១សិតជាមួយពិន្ទុ ១៦-២៥,២៥-២២ និង ១៥-១១។ ពិធីបិទការប្រកួតនេះក៏មានការចូលរួមពីថ្នាក់ដឹកនាំសហព័ន្ធផងដែរ។ លោកបណ្ឌិត អាំង សិរីពិសិដ្ឋ បានចាត់ទុកពានរង្វាន់ Ganzberg Special Volleyball League 2022 គឺជាការប្រកួតដ៏អស្ចារ្យមួយដែលជាការរៀបចំបញ្ចូលគ្នា រវាងបទបញ្ជាការប្រកួតបាល់ទះក្នុងសាល និងបាល់ទះឆ្នេរខ្សាច់។តាមរយៈជោគជ័យនេះសហព័ន្ធសង្ឃឹមយ៉ាងមុតមាំថា នឹងក្លាយជាស្ពានឆ្ពោះទៅរៀបចំការប្រកួតលីគស្ដង់ដារ ៦ស្មើឡើងវិញនាឆ្នាំ២០២៣ ខាងមុខ ដើម្បីជំរុញការអភិវឌ្ឍវិស័យកីឡាដ៏មានប្រជាប្រិយនេះឲ្យកាន់តែរីកចម្រើនបន្ថែមទៀត។ សូមបញ្ជាក់ថា ពានរង្វាន់ Ganzberg Special Volleyball League 2022 បានចាប់ផ្ដើមការប្រកួតតាំងពីចុងខែមីនា ដោយមាន ១៣ក្រុមចូលរួម ខណៈជាលទ្ធផល ក្រុមវិសាខាគ្រងជើងឯក អមប្រាក់រង្វាន់ ២០លានរៀល ខណៈលេខ២ បានទៅក្រុមក្រសួងមហាផ្ទៃ អមប្រាក់រង្វាន់ ៨លានរៀល និងលេខ៣ ក្រុមរដ្ឋបាលរាជធានីភ្នំពេញទទួលបានប្រាក់រង្វាន់ ៤លានរៀល។ ក្រៅពីនេះក៏មានការផ្ដល់ជូននូវរង្វាន់ឯកត្តជន ដល់កីឡាករធ្វើបានឆ្នើមៗប្រចាំព្រឹត្តិការណ៍នេះផងដែរ៕អត្ថបទ៖ លី ឈុនឡា

Manchester United ព្រមព្រៀងទិញ Antony ពី Ajax តម្លៃ ៨០លានផោន

បាល់ទាត់៖ ក្រុមបិសាចក្រហម Manchester United ទីបំផុតបានឈានដល់កិច្ចព្រមព្រៀងហើយក្នុងការនាំយកខ្សែប្រយុទ្ធស្លាបប្រេស៊ល Antony តម្លៃ ៨០.៧៥លានផោនពីក្លិបហូឡង់ Ajax Amsterdam។ កីឡាករវ័យ ២២ឆ្នាំរូបនេះស្ថិតក្នុងគោលដៅរបស់ Manchester United ច្រើនខែមកហើយ តែការចរចាទើបបានសំរេចនៅពេលនេះ ខណៈ Antony នឹងមកដល់ទីក្រុង Manchester ថ្ងៃនេះដើម្បីពិនិត្យសុខភាព។ តម្លៃនៃការផ្ទេរនេះត្រូវបានគេដឹងថា ៨០.៧៥លានផោនបូកនឹងប្រាក់បន្ថែមផ្សេងៗ ៤.២៥លានផោនដែលនឹងអាចធ្វើឱ្យគេក្លាយជាកីឡាករទី២ ដែលផ្ទេរមកកាន់ Manchester United ថ្លៃបំផុតបន្ទាប់ពី Paul Pogba តម្លៃ ៨៩លានផោន។ Antony ស៊ុតបញ្ចូលទីបាន ២៥គ្រាប់ ២២បាល់បញ្ជូនក្នុងការបង្ហាញខ្លួនសរុប ៨២ប្រកួតឱ្យ Ajax តាំងពីផ្លាស់ពីក្លិបប្រេស៊ីល Sao Paulo នៅឆ្នាំ២០២០ ក្រោមការដឹកនាំរបស់លោក Erik ten Hag នៅពេលនោះ។Antony ត្រូវបានកោះហៅចូលក្រុមជំរើសជាតិប្រេស៊ីលនៅខែតុលា ឆ្នាំ២០២១ ស៊ុតបញ្ចូលទីបាន ២គ្រាប់ក្នុងការបង្ហាញខ្លួន ៩លើក។ Antony នឹងក្លាយជាកីឡាករទី៥ ដែលមកកាន់ Manchester United រដូវក្តៅនេះបន្ទាប់ពី Lisandro Martinez, Casemiro, Tyrell Malacia និង Christian Eriksen។ Manchester United នឹងត្រូវជួបជាមួយម្ចាស់ផ្ទះ Leicester City យប់ថ្ងៃសុក្រនេះសប្តាហ៍ទី៥ នៃក្របខណ្ឌ English Premier League៕អត្ថបទ៖នាង សុភាវុធ

រកឃើញជើងខ្លាំងពាន King Snooker Cup ខណៈសហព័ន្ធប្ដេជ្ញាបង្កើនការប្រកួតកាន់តែច្រើន

ស្នូកឃ័រ៖ ការប្រកួតកីឡាស្នូកឃ័រដណ្ដើមពានរង្វាន់ King Snooker Cup 2022 ដែលសហការរៀបចំរវាងសហព័ន្ធកីឡាប៊ីយ៉ា និងស្នូកឃ័រកម្ពុជាជាមួយក្លិប King Snooker Sport Club បានបញ្ចប់ហើយដោយកីឡាករ ថាយ តិចហុក បានគ្រងជើងឯកបន្ទាប់ពីយកឈ្នះកីឡាករ សាត ច័ន្ទវីរៈ នៅវគ្គផ្ដាច់ព្រ័ត្រ។ ពិធីបិទការប្រកួតដ៏ធំនេះធ្វើឡើងក្រោមវត្តមានឯកឧត្តម ជុំ កុសល រដ្ឋលេខាធិការក្រសួងព័ត៌មាន និងជាប្រធានសហព័ន្ធកីឡាប៊ីយ៉ា និងស្នូកឃ័រកម្ពុជាកាលពីចុងសប្ដាហ៍កន្លងទៅ ហើយឯកឧត្តមបានធ្វើការវាយតម្លៃខ្ពស់ចំពោះការរៀបចំពានរង្វាន់នេះ។ ក្នុងនាមសហព័ន្ធ ឯកឧត្តមបានប្ដេជ្ញានឹងខិតខំកៀរគរឲ្យមានការប្រកួតកាន់តែច្រើនបន្ថែមទៀត ដើម្បីជំរុញវិស័យកីឡានេះឲ្យកាន់តែរីកចម្រើន ពិសេសពង្រឹងធនធានត្រៀមស៊ីហ្គេមឆ្នាំ២០២៣។ លោក ម៉ារ៉ា សុជាតិ អគ្គលេខាធិការសហព័ន្ធបានឲ្យដឹងថា ការប្រកួតនេះមានកីឡាករ ១៦រូបចូលរួមហើយបានបែងចែកជា ៤ពូលដើម្បីធ្វើការប្រកួតជម្រុះ រកកីឡាករជើងខ្លាំងឡើងវគ្គបន្ដបន្ទាប់រហូតដល់វគ្គផ្ដាច់ព្រ័ត្រ ដែលកីឡាករ ថាយ តិចហុក បានយកឈ្នះកីឡាករ សាត ច័ន្ទវីរៈ ដោយលទ្ធផល ៥-២ហ្វ្រេម។យ៉ាងណាក្ដីលោកបានវាយតម្លៃខ្ពស់ចំពោះដំណើរការប្រកួត ពិសេសកីឡាករចូលរួមដែលបានបង្ហាញអស់ពីសមត្ថភាព ហើយលោកបានលើកទឹកចិត្តដល់បណ្ដាក្លិបផ្សេងៗ បន្ដរៀបចំការប្រកួតបែបនេះ ដើម្បីជំរុញការអភិវឌ្ឍវិស័យកីឡាប៊ីយ៉ា និងស្នូកឃ័រកម្ពុជាឲ្យកាន់តែរីកចម្រើន ពិសេសដើម្បីចម្រាញ់បានធនធានឆ្នើមៗ សម្រាប់ត្រៀមដំណើរឆ្ពោះទៅស៊ីហ្គេមឆ្នាំ២០២៣ ខាងមុខ។ ទន្ទឹមជាមួយគ្នាបន្ទាប់ពីដណ្ដើមបានជើងឯក កីឡាករ ថាយ តិចហុក បានប្ដេជ្ញានឹងខំប្រឹងហ្វឹកហាត់ឲ្យកាន់តែខ្លាំង ដើម្បីពង្រឹងសមត្ថភាពត្រៀមចូលរួមការប្រកួតផ្សេងៗទៀត ពិសេសការប្រកួតកីឡាជាតិលើកទី៣ នាខែវិច្ឆិកាខាងមុខ ដើម្បីស្វែងរកឱកាសជាប់ជម្រើសជាតិ និងបានបង្ហាញសមត្ថភាពក្នុងព្រឹត្តិការណ៍ស៊ីហ្គេមឆ្នាំ២០២៣ នៅកម្ពុជា។ គួរដឹងថា ក្រោយស្ថានភាពកូវីដ-១៩ ធូរស្រាល សហព័ន្ធកីឡាប៊ីយ៉ា និងស្នូកឃ័រកម្ពុជាក្រោមការដឹកនាំរបស់ឯកឧត្តម ជុំ កុសល បានជំរុញឲ្យមានការប្រកួតកាន់តែច្រើន ដើម្បីសម្រិតសម្រាំងលើកីឡាករ-កីឡាការិនីឆ្នើមៗសម្រាប់ត្រៀមការប្រកួតកីឡាស៊ីហ្គេមឆ្នាំ២០២៣ នៅកម្ពុជា ជាក់ស្ដែងក្នុងខែសីហានេះសហព័ន្ធបានរៀបចំការប្រកួតចំនួនពីររួចមកហើយ ហើយសហព័ន្ធនឹងបន្ដរៀបចំការប្រកួតផ្សេងៗទៀត នាពេលខាងមុខ៕អត្ថបទ៖ លី ឈុនឡា

ប្រធានសហព័ន្ធកីឡាប៉េតង់ចាត់ទុកពានវ័យចាស់គឺជាការគោរពដល់ចាស់ព្រឹទ្ធាចារ្យ

ប៉េតង់៖ ឯកឧត្តម សុខ សូកាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានសហព័ន្ធកីឡាប៊ូល និងប៉េតង់កម្ពុជាបានចាត់ទុកការប្រកួត “ពានរង្វាន់កីឡាប៉េតង់វ័យចាស់” គឺជាកម្មវិធីដ៏ល្អ និងប្រកបដោយអត្ថន័យជ្រាលជ្រៅ ក្នុងការគោរពដល់ចាស់ព្រឹទ្ធាចារ្យដែលស្រលាញ់ចូលចិត្ត និងតែងតែបន្ដស្មារតីគាំទ្រការលេងកីឡាប៉េតង់ ព្រមទាំងរឹតចំណងមិត្តភាព សាមគ្គីភាព សុខភាព និងចូលរួមលើកម្ពស់វិស័យកីឡាប៉េតង់កម្ពុជាឲ្យកាន់តែរីកចម្រើន។ ការគូសបញ្ជាក់នេះ បន្ទាប់ពីឯកឧត្តមប្រធានសហព័ន្ធបានអញ្ជើញជាអធិបតីក្នុងពិធីបើកការប្រកួត “ពានរង្វាន់កីឡាប៉េតង់វ័យចាស់ឆ្នាំ២០២២” ដែលរៀបចំដោយសមាគមកីឡាប៉េតង់វ័យចាស់កម្ពុជា សហការជាមួយក្រុមហ៊ុនបុរីធីវីស្ដារ នៅពហុកីឡដ្ឋានជាតិកាលពីថ្ងៃទី២៨ ខែសីហា ឆ្នាំ២០២២។ ការប្រកួតរយៈពេល ១ថ្ងៃពេញនេះមានក្រុមកីឡាប៉េតង់វ័យចាស់ចូលរួមសរុប ៤៦ក្រុមមកពី ៩រាជធានី-ខេត្តស្មើនឹងកីឡាករ ២២៥នាក់ដែលធ្វើការប្រកួតលើវិញ្ញាសា ៣នាក់ទល់ ៣នាក់។ ប្រធានសហព័ន្ធថ្មីដែលទើបទទួលបានការបោះឆ្នោតគាំទ្រដដែលបន្ដថា វិស័យប៉េតង់កម្ពុជា ទទួលបានភាពល្បីល្បាញ និងការកោតសរសើរលើសកលលោកដូចសព្វថ្ងៃនេះ គឺបានមកពីការជ្រោមជ្រែង និងការត្រួសត្រាយផ្លូវរបស់ថ្នាក់ដឹកនាំជំនាន់មុនតាំងពីឆ្នាំ១៩៩២ មក ដែលមានសម្ដេចវិបុលបញ្ញា សុខ អាន ជាប្រធាន និងសម្ដេចក្រឡាហោម ស ខេង ជាប្រធានកិត្តិយស ក្រោមម្លប់សន្តិភាពនៃការដឹកនាំប្រកបដោយគតិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រហូតកម្ពុជាទទួលពានរង្វាន់ មេដាយកម្រិតអន្តរជាតិសរុបប្រមាណ ៣៨១គ្រឿង ពិសេសការឈ្នះមេដាយមាសពិភពលោកលើវិញ្ញាសាវាយយកពិន្ទុ ៥ជំនាន់ជាប់គ្នាដែលបានទទួលងារជា «មហាអំណាចកីឡាប៉េតង់»។ទន្ទឹមជាមួយគ្នាលោក សាំង វាសនា អគ្គនាយកក្រុមហ៊ុនដែលបានចូលរួមឧបត្ថម្ភការប្រកួតនេះ បានសម្ដែងនូវសេចក្ដីរីករាយចំពោះការរួមចំណែកជាមួយវិស័យកីឡា ពិសេសកីឡាប៉េតង់វ័យចាស់ដែលប្រមូលផ្តុំដោយកីឡាករប៉េតង់វ័យចាស់ និងមហាជន ដើម្បីបានរឹតចំណងមិត្តភាព សាមគ្គីភាព ហើយគោលបំណងចម្បងនោះគឺដើម្បីសុខភាពតែម្ដង។ សូមបញ្ជាក់ថា ក្នុងឱកាសនៃការប្រកួតកីឡាប៉េតង់វ័យចាស់ប្រចាំឆ្នាំនេះ ឯកឧត្តម សុខ សូកាន ក៏បានប្រកាសត្រៀមរៀបចំការប្រកួតធំៗ ៣ ជាបន្ដបន្ទាប់ទៀតផងដែរ រួមមានការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២២ ការប្រកួតកីឡាជាតិលើកទី៣ និងការប្រកួតពានរង្វាន់គរុគុណ មុនឈានដល់ដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រស៊ីហ្គេមលើកទី៣២ ឆ្នាំ២០២៣ នៅកម្ពុជាផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ពានសម្ដេចតេជោ-ថ្នាក់ជាតិនឹងប្រកួតកាត់ក្ដីរកបេក្ខភាពវគ្គពាក់កណ្ដាលផ្ដាច់ព្រ័ត្រស្អែកនេះ

Rory McIlroy ក្លាយជាកីឡាករវាយកូនគោលទី១ ដែលឈ្នះពាន FedEx Cup ៣លើក

កីឡាករអាហ្វ្រិកខាងត្បូង Louis Meintjes ឈ្នះដំណាក់កាលទី៩ ប្រណាំងកង់ Vuelta a Espana

Max Verstappen ចេញដំណើរពីលេខ១៤ យកឈ្នះការប្រកួត F1 នៅប៊ែលហ្ស៊ិក

Lewandowski ស៊ុត ២គ្រាប់ឲ្យ Barcelona ឈ្នះពីរប្រកួតជាប់គ្នា

Harry Kane រកបាន ២គ្រាប់ឲ្យ Spurs យកឈ្នះ ២-០ នៅទឹកដី Nottingham Forest

បាល់ទះគ្រោងរៀបចំលីគ ៦ស្មើនាឆ្នាំក្រោយ បន្ទាប់ពីរកឃើញជើងឯក GSV League 2022

Manchester United ព្រមព្រៀងទិញ Antony ពី Ajax តម្លៃ ៨០លានផោន

រកឃើញជើងខ្លាំងពាន King Snooker Cup ខណៈសហព័ន្ធប្ដេជ្ញាបង្កើនការប្រកួតកាន់តែច្រើន

ប្រធានសហព័ន្ធកីឡាប៉េតង់ចាត់ទុកពានវ័យចាស់គឺជាការគោរពដល់ចាស់ព្រឹទ្ធាចារ្យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ពាន​សម្ដេច​តេ​ជោ​-​ថ្នាក់ជាតិនឹង​ប្រកួត​កាត់ក្ដី​រក​បេក្ខភាព​វគ្គ​ពាក់កណ្ដាល​ផ្ដាច់ព្រ័ត្រ​ស្អែក​នេះ

Rory McIlroy ក្លាយជា​កីឡាករ​វាយកូនគោល​ទី១ ដែល​ឈ្នះ​ពាន FedEx Cup ៣លើក​

កីឡាករ​អាហ្វ្រិក​ខាងត្បូង Louis Meintjes ឈ្នះ​ដំណាក់កាល​ទី៩ ប្រណាំង​កង់ Vuelta a Espana

Max Verstappen ចេញដំណើរ​ពី​លេខ១៤ យកឈ្នះ​ការប្រកួត F1 នៅ​ប៊ែ​ល​ហ្ស៊ិ​ក​

Lewandowski ស៊ុត​ ២​គ្រាប់​ឲ្យ Barcelona ឈ្នះ​ពីរ​ប្រកួត​ជាប់​គ្នា

Harry Kane រកបាន ២​គ្រាប់​ឲ្យ Spurs យកឈ្នះ ២-០ នៅ​ទឹកដី Nottingham Forest

បាល់ទះ​គ្រោង​រៀបចំ​លី​គ ៦​ស្មើ​នា​ឆ្នាំក្រោយ​ បន្ទាប់ពី​រក​ឃើញ​ជើងឯក​ GSV League 2022

Manchester United ព្រមព្រៀង​ទិញ Antony ពី Ajax តម្លៃ ៨០លាន​ផោន

រក​ឃើញ​ជើង​ខ្លាំង​ពាន​ King Snooker Cup ​ខណៈ​សហព័ន្ធ​ប្ដេជ្ញា​បង្កើន​ការប្រកួត​កាន់តែច្រើន​

ប្រធាន​សហព័ន្ធ​កីឡា​ប៉េតង់​ចាត់ទុកពាន​វ័យចាស់​គឺជា​ការគោរព​ដល់​ចាស់ព្រឹទ្ធាចារ្យ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពានសម្ដេចតេជោ-ថ្នាក់ជាតិនឹងប្រកួតកាត់ក្ដីរកបេក្ខភាពវគ្គពាក់កណ្ដាលផ្ដាច់ព្រ័ត្រស្អែកនេះ

Rory McIlroy ក្លាយជាកីឡាករវាយកូនគោលទី១ ដែលឈ្នះពាន FedEx Cup ៣លើក

កីឡាករអាហ្វ្រិកខាងត្បូង Louis Meintjes ឈ្នះដំណាក់កាលទី៩ ប្រណាំងកង់ Vuelta a Espana

Max Verstappen ចេញដំណើរពីលេខ១៤ យកឈ្នះការប្រកួត F1 នៅប៊ែលហ្ស៊ិក

Lewandowski ស៊ុត ២គ្រាប់ឲ្យ Barcelona ឈ្នះពីរប្រកួតជាប់គ្នា

Harry Kane រកបាន ២គ្រាប់ឲ្យ Spurs យកឈ្នះ ២-០ នៅទឹកដី Nottingham Forest

បាល់ទះគ្រោងរៀបចំលីគ ៦ស្មើនាឆ្នាំក្រោយ បន្ទាប់ពីរកឃើញជើងឯក GSV League 2022

Manchester United ព្រមព្រៀងទិញ Antony ពី Ajax តម្លៃ ៨០លានផោន

រកឃើញជើងខ្លាំងពាន King Snooker Cup ខណៈសហព័ន្ធប្ដេជ្ញាបង្កើនការប្រកួតកាន់តែច្រើន

ប្រធានសហព័ន្ធកីឡាប៉េតង់ចាត់ទុកពានវ័យចាស់គឺជាការគោរពដល់ចាស់ព្រឹទ្ធាចារ្យ