BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

ពានយុវជន U15 និង U18 រកឃើញបេក្ខភាពវគ្គផ្ដាច់ព្រ័ត្រដែលត្រូវប្រកួតនាចុងសប្ដាហ៍នេះ

បាល់ទាត់៖ ការប្រកួតបាល់ទាត់ជម្រើសជើងឯកយុវជនអាយុក្រោម ១៥ឆ្នាំ និងអាយុក្រោម ១៨ឆ្នាំរដូវកាលឆ្នាំ២០២២ បានរកឃើញបេក្ខភាពវគ្គផ្ដាច់ព្រ័ត្រហើយ ដែលនឹងត្រូវប្រកួតកាត់សេចក្ដីរកក្រុមជើងឯកនាចុងសប្ដាហ៍នេះ។សម្រាប់ពានយុវជន U15 គឺក្រុមយុវជនសាលាតម្រង់ទិសខេត្តស្វាយរៀង និងក្រុមយុវជនក្លិបកងធពលខេមរភូមិន្ទ ដឹកដៃគ្នាឡើងវគ្គផ្ដាច់ព្រ័ត្រ បន្ទាប់ពីយកឈ្នះគូប្រកួតរៀងៗខ្លួនក្នុងវគ្គពាក់កណ្ដាលផ្ដាច់ព្រ័ត្រ កាលពីចុងសប្ដាហ៍កន្លងទៅ ក្នុងនោះក្រុមសាលាតម្រង់ទិសខេត្តស្វាយរៀង បានយកឈ្នះក្រុមអង្គរថាយហ្គឺរដោយកាត់ទាត់បាល់ប៉េណាល់ទី ៧-៦ ក្រោយប្រកួតពេញម៉ោងស្មើគ្នា ០-០។ រីឯក្រុមយុវជនកងយោធពលខេមរភូមិន្ទបានយកឈ្នះក្រុមណាហ្គាវើលដ៏-កំពង់ស្ពឺដោយលទ្ធផល ២-០។រីឯពានយុវជន U18 វិញ ក្រុមយុវជនភ្នំពេញក្រោនបានយកឈ្នះក្រុមសាលាបាល់ទាត់ជាតិបាទី ៤-០ ខណៈក្រុមវិសាខាបានយកឈ្នះក្រុមសាលាតម្រង់ទិសខេត្តបន្ទាយមានជ័យ ៤-០ ដូចគ្នាក្នុងវគ្គពាក់កណ្ដាលផ្ដាច់ព្រ័ត្រ ដែលនាំឲ្យក្រុមទាំងពីរដឹកដៃគ្នាឡើងវគ្គផ្ដាច់ព្រ័ត្រ។ ចំពោះការប្រកួតវគ្គផ្ដាច់ព្រ័ត្រនឹងត្រូវធ្វើឡើងនៅទឹកដីកណ្ដាល ដោយគណៈកម្មការរៀបចំការប្រកួតនឹងរៀបចំនៅមជ្ឈមណ្ឌលសាលាបាល់ទាត់ជាតិបាទីនាថ្ងៃទី០៤ ខែកញ្ញាចុងសប្ដាហ៍នេះ៕អត្ថបទ៖ លី ឈុនឡា

កីឡាករអូស្ត្រាលី Jay Vine ឈ្នះដំណាក់កាលទី៦ ប្រណាំងកង់ Vuelta a Espana

ប្រណាំងកង់៖ កីឡាករអូស្ត្រាលី Jay Vine បានប្រជែងឈ្នះដំណាក់កាលទី៦ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana នៅប្រទេសអេស្ប៉ាញ ស្របពេលអ្នកនាំមុខរួមនៅពេលនេះគឺកីឡាករប៊ែលហ្ស៊ិក Remco Evenepoel។ ដំណាក់កាលទី៦ ដែលមានចំងាយផ្លូវ ១៨០គីឡូម៉ែត្រ កីឡាកររបស់ក្រុមប្រណាំង Alpecin-Deceuninck វ័យ ២៦ឆ្នាំ Jay Vine បានតាមទាន់កីឡាករអ៊ុយក្រែន Mark Padun នៅចំនុចផ្លូវដែលកំពុងមានភ្លៀងធ្លាក់ និងព្យាយាមប្រើល្បឿនខ្លួននៅចំនុចចុងក្រោយដើម្បីមកដល់ទីព្រ័ត្រមុនគេប្រើពេល ៤ម៉ោង ៣៨នាទី តាមពីក្រោយដោយកីឡាករប៊ែលហ្ស៊ិក Remco Evenepoel យឺតជាង ១៥វិនាទី និងលេខ៣ កីឡាករអេស្ប៉ាញ Enric Mas យឺតជាង ១៦វិនាទី។ចំណែកឯអ្នកការពារតំណែងជើងឯកស្លូវេនី Primoz Roglic បានត្រឹមចំណាត់ថ្នាក់លេខ៥ ប៉ុណ្ណោះ។ យ៉ាងណាក្តីក្រោយដំណាក់កាលទី៦ នេះ កីឡាករប៊ែលហ្ស៊ិក Remco Evenepoel របស់ក្រុម Quick-Step Alpha Vinyl បានឡើងមកនាំមុខគេក្នុងតារាងរួមជាលើកដំបូងក្នុងអាជីព ដោយមានវេលាចំណេញលើអ្នកលេខ២ កីឡាករបារាំង Rudy Molard ២១វិនាទី និងលេខ៣ Enric Mas យឺតជាង ២៨វិនាទី។ សំរាប់ដំណាក់កាលទី៧ ថ្ងៃសុក្រនេះមានចំងាយផ្លូវ ១៩០.១គីឡូម៉ែត្រ៕អត្ថបទ៖នាង សុភាវុធ

កីឡាករថ្លៃបំផុតរបស់ Arsenal, Nicolas Pepe ចាកចេញទៅ Nice ក្នុងលក្ខខណ្ឌខ្ចីជើង

បាល់ទាត់៖ ខ្សែបម្រើស្លាបដែលមានតម្លៃផ្ទេរថ្លៃបំផុតរបស់ក្រុមកាំភ្លើងធំ Arsenal, Nicolas Pepe បានចាកចេញទៅកាន់ទឹកដីបារាំងហើយចូលរួមជាមួយក្លិប OGC Nice ក្នុងលក្ខខណ្ឌខ្ចីពេញមួយរដូវកាល។ មិនមានភ្ជាប់លក្ខខណ្ឌទិញផ្តាច់ឡើយក្នុងកិច្ចសន្យាខ្ចីកីឡាករវ័យ ២៧ឆ្នាំរូបនេះ ខណៈដែលការចាកចេញនេះគឺដើម្បីឱកាសលេងបាល់ បន្ទាប់ពីចូលលេងបានត្រឹម ៥លើកប៉ុណ្ណោះរដូវកាលមុន។ កីឡាករជំរើសជាតិកូឌីវ័ររូបនេះបានផ្លាស់មកកាន់ Arsenal កាលពីឆ្នាំ២០១៩ ក្នុងតម្លៃផ្ទេរ ៧២លានផោនពីក្លិបបារាំង Lille ដែលនេះជាតម្លៃផ្ទេរខ្ពស់បំផុតរបស់ Arsenal បង្ហាញខ្លួនបានសរុប ១១២ប្រកួតរកបាន ២៧គ្រាប់។Nicolas Pepe ដែលនឹងផុតកិច្ចសន្យាជាមួយ Arsenal នៅឆ្នាំ២០២៤ នោះមិនដែលឃើញមុខឡើយក្នុងបញ្ជីរបស់ Arsenal សំរាប់ការប្រកួតរដូវកាលថ្មីនេះដែល Arsenal កំពុងនាំមុខគេក្នុងតារាងក្រោយឈ្នះទាំង ៣ប្រកួត។ ក្រោមការដឹកនាំរបស់អ្នកចាត់ការ Mikel Arteta, Arsenal បាននាំយកខ្សែប្រយុទ្ធប្រេស៊ីល Gabriel Jesus, Fabio Vieira និងកីឡាករវ័យក្មេងប្រេស៊ីល Marquinhos ស្របពេលដែលកំពុងចរចានាំយកខ្សែបម្រើស្លាប Pedro Neto ពី Wolverhampton ផងដែរ៕អត្ថបទ៖នាង សុភាវុធ

ខ្សែការពារ Barcelona, Samuel Umtiti ផ្លាស់ទៅកាន់ក្លិបអ៊ីតាលី Lecce ក្នុងលក្ខខណ្ឌខ្ចីជើង

បាល់ទាត់៖ ក្លិបអេស្ប៉ាញ FC Barcelona បានបញ្ជាក់ពីការចាកចេញរបស់ខ្សែការពារកណ្តាលបារាំង Samuel Umtiti ទៅកាន់ក្លិបអ៊ីតាលី Leece ក្នុងលក្ខខណ្ឌខ្ចីពេញមួយរដូវកាល។ កីឡាករវ័យ ២៨ឆ្នាំរូបនេះបានចូលរួមជាមួយ Barcelona តាំងពីឆ្នាំ២០១៦ ផ្លាស់ពី Olympique Lyon។ យ៉ាងណាក្តី Umtiti មានការលំបាកក្នុងការប្រជែងតំណែង ១១នាក់ដំបូងប៉ុន្មានឆ្នាំចុងក្រោយនេះ។ រដូវកាលមុន ២០២១-២២ Samuel Umtiti ចូលលេងឱ្យ Barcelona បានតែ ១ប្រកួតប៉ុណ្ណោះ ស្របពេលដែល Barcelona ក៏មិនព្រមលក់ចេញទៅទៀតកាលពីរដូវកាលមុន បើទោះបីជាមានក្លិបជាច្រើនតាមទិញក៏ដោយ។ យ៉ាងណាក្តីនៅពេលនេះ Barcelona ដែលបាននាំចូលកីឡាករជាច្រើនក្នុងរដូវក្តៅនេះនោះ ត្រូវបង្ខំចិត្តបញ្ចេញកីឡាករមួយចំនួនដើម្បីចុះបញ្ជីកីឡាករថ្មីនោះនៅក្នុងក្របខណ្ឌ La Liga ដូចជាខ្សែការពារ Jules Kounde និង Andreas Christensen សុទ្ធតែមិនទាន់ចុះបញ្ជី។រំលឹកថា Samuel Umtiti គឺជាសមាជិករបស់ក្រុមជំរើសជាតិបារាំងដែលឈ្នះជើងឯកពិភពលោក ២០១៨ នៅប្រទេសរុស្ស៊ី ដោយបង្ហាញខ្លួនសរុបនៅក្រុមជំរើសជាតិបាន ៣១លើករកបាន ៤គ្រាប់ បូករួមទាំង ១គ្រាប់ដែលតែតបញ្ចូលទីយកឈ្នះប៊ែលហ្ស៊ិកនៅវគ្គពាក់កណ្តាលផ្តាច់ព្រ័ត្រផងដែរ៕អត្ថបទ៖នាង សុភាវុធ

Haaland និង Lewandowski ត្រូវជួបក្លិបចាស់រៀងខ្លួនក្រោយការចាប់ឆ្នោតបែងចែកពូល UCL

បាល់ទាត់៖ ខ្សែប្រយុទ្ធ Manchester City, Erling Haaland នឹងបានជួបជាមួយអតីតក្លិបរបស់ខ្លួន Borussia Dortmund ក្រោយក្រុមទាំងពីរត្រូវបានចាប់ឆ្នោតស្ថិតក្នុងពូល G ជាមួយគ្នា។ ក្លិបអេស្ប៉ាញ Sevilla និងក្លិបដាណឺម៉ាក FC Copenhagen ក៏ស្ថិតក្នុងពូល G ផងដែរ។ ក្រុមការពារតំណែងជើងឯក Real Madrid ស្ថិតក្នុងពូល F ជាមួយ RB Leipzig, Shakhtar Donetsk និង Dinamo Zagreb។ ចំណែកឯហង្សក្រហមដែលជាជើងឯករង Liverpool ស្ថិតក្នុងពូល A ជាមួយ Napoli, Ajax និង Rangers ដែលទើបឈ្នះពីវគ្គ Play-Off បង្ហាញខ្លួននៅ UCL លើកដំបូងក្នុងរយៈពេល ១២ឆ្នាំ។ ពូល C វិញប្រមូលផ្តុំដោយក្លិបយក្សបីគឺ Bayern Munich, Barcelona និង Inter Milan បូកនឹងក្រុមដែលទើបឈ្នះពីវគ្គជំរុះ Viktoria Plzen របស់ឆេក។ Robert Lewandowski ដែលផ្ទេរមកកាន់ Barcelona នឹងត្រូវប្រឈមជាមួយក្លិបចាស់ Bayern Munich។ពូល B រួមមាន FC Porto, Atletico Madrid, Bayer Leverkusen និង Club Bruges។ ពូល E រួមមាន Chelsea, AC Milan, RB Salzburg និង Dinamo Zagreb។ ពូល D រួមមានជើងឯក Europa League, Eintracht Frankfurt, Tottenham Hotspur, Sporting Lisbon និង Olympique de Marseille។ ពូល H រួមមាន Paris Saint Germain, Juventus, Benfica និង Maccabi Haifa។ ការប្រកួតវគ្គ Group Stage នឹងចាប់ផ្តើមពីថ្ងៃទី៦ ខែកញ្ញាខាងមុខនេះ ខណៈវគ្គផ្តាច់ព្រ័ត្រនឹងធ្វើនៅថ្ងៃទី១០ ខែមិថុនា ឆ្នាំ២០២៣ លើទឹកដីទួកគីទីក្រុង Istanbul កីឡដ្ឋាន Ataturk៕អត្ថបទ៖នាង សុភាវុធ

Karim Benzema ឈ្នះពានកីឡាករឆ្នើមប្រចាំឆ្នាំរបស់ UEFA លើកដំបូងក្នុងអាជីព

បាល់ទាត់៖ ខ្សែប្រយុទ្ធបារាំង Karim Benzema បានក្លាយជាម្ចាស់ពានជ័យលាភីកីឡាករឆ្នើមបំផុតប្រចាំឆ្នាំរបស់ UEFA ក្រោយជួយ Real Madrid ឈ្នះពាន UEFA Champions League រដូវកាលមុន។ កីឡាករវ័យ ៣៤ឆ្នាំរូបនេះស៊ុតបញ្ចូលទីបាន ៤២គ្រាប់សរុបទាំង La Liga និង UEFA Champions League ររដូវកាលមុនលើកពានធំទាំងពីរក្នុងមួយរដូវកាល។ ចំណែកឯផ្នែកនារីវិញ កីឡាការិនី Alexia Putellas ត្រូវបានបោះឆ្នោតជាកីឡាការិនីឆ្នើមបំផុតប្រចាំឆ្នាំ បន្ទាប់ពីជួយក្រុមបាល់ទាត់នារី Barcelona ឈ្នះពាន UEFA Champions League។ ជាមួយគ្នានោះដែរលោកស្រី Sarina Wiegman ក្លាយជាម្ចាស់ពានជ័យលាភីគ្រូបង្វឹកឆ្នើមបំផុត ក្រោយដឹកនាំក្រុមនារីអង់គ្លេសឈ្នះពានបាល់ទាត់អឺរ៉ុប និងដឹកនាំក្រុមអង់គ្លេសមិនចាញ់សោះ ២០ប្រកួតកន្លងមករួមមានឈ្នះ ១៨ ស្មើ ២។រីឯលោក Carlo Ancelotti ជាគ្រូបង្វឹកតែម្នាក់គត់ក្នុងប្រវត្តិសាស្ត្រដែលឈ្នះពាន UEFA Champions League ៤លើករួមមាន AC Milan ២លើក និង Real Madrid ២លើកទទួលបានពានជ័យលាភីគ្រូបង្វឹកឆ្នើមបំផុតប្រចាំឆ្នាំផងដែរ ក្រោយដឹកនាំ Real Madrid លើកពានបាល់ទាត់ក្លិបកំពូលអឺរ៉ុបលើកទី១៤ ក្នុងប្រវត្តិសាស្ត្ររដូវកាលមុនដែលយកឈ្នះ Liverpool នៅវគ្គផ្តាច់ព្រ័ត្រ៕អត្ថបទ៖នាង សុភាវុធ

លោកជំទាវ មិថុនា ភូថង ជំរុញឱ្យមានការពង្រឹងលេងកីឡាបាល់ទះនៅមូលដ្ឋានកាន់តែច្រើន

បាល់ទះ៖ លោកជំទាវ មិថុនា ភូថង អភិបាលខេត្តកោះកុងរសៀលថ្ងៃទី២៥ ខែសីហាម្សិលមិញបានជំរុញដល់ប្រធានក្លិបកីឡាបាល់ទះខេត្ត បង្កើនការពង្រឹងសមត្ថភាពគៀងគរលើកស្ទួយវិស័យលេងកីឡាបាល់ទះ នៅថ្នាក់មូលដ្ឋានកាន់តែច្រើនដើម្បីសុខភាព និងប្រកួតប្រជែងកម្រិតជាតិ។ ការលើកទឹកចិត្តរបស់លោកជំទាវអភិបាលខេត្តយ៉ាងដូច្នេះ គឺធ្វើឡើងក្នុងពិធីប្រកាសទទួលស្គាល់ក្លិបកីឡាបាល់ទះខេត្ត ដោយមានសមាជិក ៥៥នាក់បែងចែកជា ១៥ក្រុមធំៗ។ លោកជំទាវ មិថុនា ភូថង ថ្លែងថា ការបង្កើតក្លិបកីឡាបាល់ទះខេត្តកោះកុងនៅពេលនេះ ក្នុងគោលបំណងដើម្បីរួមចំណែកលើកស្ទួយវិស័យកីឡា ឱ្យមានការទទួលស្គាល់ពីគ្រប់មជ្ឈដ្ឋាន ចៀសវាងអំពើអបាយមុខផ្សេងៗជំនួយមកវិញនូវសាមគ្គីភាព និងសុខភាពរឹងមាំល្អជាដើម។ លោកជំទាវអភិបាលខេត្តបំផុសដល់ប្រធានក្លិបកីឡាបាល់ទះ ចាំបាច់បង្កើនការពង្រឹងចំណេះដឹងសមត្ថភាព ដល់អ្នកដែលមានចាប់អារម្មណ៍ចូលរួមលេងកីឡាកាន់តែច្រើន តាំងពីថ្នាក់មូលដ្ឋានរហូតដល់ឈានទៅប្រកួតប្រជែងកម្រិតថ្នាក់ជាតិ ឬកីឡាស៊ីហ្គេមឆ្នាំ២០២៣ ខាងមុខ។ ប្រសិនបើអ្នកមិនខិតខំបង្ហូរញើសនៅទីលានហ្វឹកហាត់ អ្នកនឹងទទួលបរាជ័យនៅលើទីលានប្រកួត។ប្រធានថ្មីក្លិបកីឡាបាល់ទះខេត្តកោះកុងលោកឧត្តមសេនីយ៍ទោ គង់ មនោ ស្នងការនគរបាលខេត្តប្ដេជ្ញាចិត្តថា នឹងគៀងគរដល់សាធារណជនមកចូលរួមកីឡានេះឱ្យបានគ្រប់ៗគ្នា និងបង្កើតកម្មវិធីប្រកួតបានញឹកញាប់តាមរយៈបង្ហាត់បង្រៀនពីគ្រូបង្គោលបច្ចេកទេសកីឡា។ តាមគម្រោងទុកជាមុន ក្រោយការប្រកាសដំណើរផ្លូវការនូវក្លិបកីឡាបាល់ទះខេត្តរួចរាល់ហើយ នៅខែធ្នូរដ្ឋបាលខេត្តកោះកុងនឹងរៀបចំឱ្យមានកម្មវិធីប្រកួត ជម្រើសកីឡាករល្អៗតាមក្រុមនីមួយៗដើម្បីចំណាត់ថ្នាក់ជ័យលាភី ដោយបន្តចូលរួមប្រកួតជម្រើសជាតិផងដែរ៕អត្ថបទ៖ ឈឹម មករា

កីឡាការ៉ាតេអញ្ជើញអ្នកជំនាញអន្ដរជាតិមកបណ្ដុះបណ្ដាលអាជ្ញាកណ្ដាល-ចៅក្រមត្រៀមស៊ីហ្គេម

ការ៉ាតេ៖ សហព័ន្ធកីឡាការ៉ាតេកម្ពុជានៅថ្ងៃទី២៥ ខែសីហា ឆ្នាំ២០២២ ម្សិលមិញបានរៀបចំសិក្ខាសាលាស្ដីពីវគ្គអាជ្ញាកណ្ដាល-ចៅក្រម រៀបចំព្រឹត្តិការណ៍ប្រកួតកីឡាស៊ីហ្គេមឆ្នាំ២០២៣ ដោយបានអញ្ជើញអ្នកជំនាញអន្ដរជាតិ ២រូបមកបង្រៀន រួមមានលោក Mansour ប្រធានអាជ្ញាកណ្តាលសម្រាប់ស៊ីហ្គេមឆ្នាំ២០២៣ និងគ្រូឧទ្ទេសជនជាតិម៉ាឡេស៊ីលោក Chen Chee Hong អគ្គលេខាធិការសហព័ន្ធកីឡាការ៉ាតេពិភពលោក, សហព័ន្ធកីឡាការ៉ាតេអាស៊ី និងជាអគ្គលេខាធិការសហព័ន្ធកីឡាការ៉ាតេអាស៊ីអាគ្នេយ៍ផងដែរ។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC និងជាអគ្គលេខាធិការសហព័ន្ធកីឡាការ៉ាតេកម្ពុជាមានប្រសាសន៍ថា សិក្ខាសាលានេះដំណើរការទៅបានក្រោមការគម្រោងថវិកា គាំទ្រប្រចាំឆ្នាំរបស់ក្រសួងអប់រំ យុវជន និងកីឡា និងក្រោមការគាំទ្រយ៉ាងពេញទំហឹងពីកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានសហព័ន្ធកីឡាការ៉ាតេកម្ពុជា។ សហព័ន្ធរៀបចំសិក្ខាសាលាស្តីពីវគ្គអាជ្ញាកណ្តាល-ចៅក្រមត្រៀមឆ្ពោះទៅស៊ីហ្គេមឆ្នាំ២០២៣ ដើម្បីបណ្តុះបណ្តាលធនធានមនុស្សលើផ្នែកអាជ្ញាកណ្តាលចៅក្រម ដែលជាមនុស្សដ៏សំខាន់ក្នុងការថែរក្សាគោលការណ៍លេងដោយយុត្តិធម៌ បទបញ្ជាការប្រកួត និងរបៀបរបបនៃការវិនិច្ឆ័យ ដើម្បីជំរុញឲ្យការប្រកួតមួយប្រកបដោយស្តង់ដារអន្ដរជាតិ។តាមរយៈការអញ្ជើញអ្នកជំនាញអន្ដរជាតិមកបង្ហាត់បង្រៀនផ្ទាល់នេះ ទោះបីមានរយៈពេលខ្លីក្ដី តែឯកឧត្តម វ៉ាត់ ចំរើន បានជំរុញឲ្យសិក្ខាកាមទាំងអស់ត្រូវខិតខំយកចិត្តទុកដាក់ ទទួលយកចំណេះដឹងពីគ្រូឧទ្ទេស ព្រោះការចែករំលែកពីគ្រូកម្រិតអន្តរជាតិនេះ មិនមែនសំខាន់តែទៅលើមន្ត្រីអាជ្ញាកណ្តាល-ចៅក្រមប៉ុណ្ណោះទេ ប៉ុន្តែវាមានសារៈសំខាន់ដូចគ្នាសម្រាប់កីឡាករ-កីឡាការិនី ពោលគឺការក្តាប់បាននូវចំណេះដឹងពីច្បាប់ បទបញ្ជាការប្រកួតច្បាស់លាស់ នឹងផ្តល់ទំនុកចិត្តកាន់តែខ្ពស់ក្នុងការប្រើប្រាស់បច្ចេកទេស។ ប្រសិនបើកីឡាករ-កីឡាការិនីណាម្នាក់ចេះមិនច្បាស់ពីក្បួនច្បាប់បច្ចេកទេសកីឡាការ៉ាតេ មិនដឹងពីរបៀបរបបនៃការដាក់ពិន្ទុច្បាស់លាស់ទេ នោះអត្តពលិករូបនោះមិនអាចបញ្ចេញជំនាញបច្ចេកទេសឲ្យទទួលបានពិន្ទុល្អបានទេ។ជាមួយគ្នា ឯកឧត្តមអគ្គលេខាធិការបានសំណូមដោយទទូចថា ពេលនេះគឺជាពេលវេលាដ៏សំខាន់ក្នុងការសម្រួចគោលដៅ ឆ្ពោះទៅរៀបចំការប្រកួតកីឡាស៊ីហ្គេមឆ្នាំ២០២៣ ហើយមន្ត្រីជំនាញទាំងអស់គប្បីឆ្លៀតពេលទទួលយកចំណេះដឹង ពីការអភិវឌ្ឍបច្ចេកទេសថ្មីៗរបស់ពិភពលោក ដើម្បីចូលរួមកាត់សេចក្តីក្នុងពេលកម្ពុជាធ្វើម្ចាស់ផ្ទះឲ្យទទួលបានជោគជ័យ។ បទបញ្ជាការប្រកួតប្រភេទកីឡាការ៉ាតេត្រូវបានគោរពនៅលើពិភពលោក ដោយមានពុម្ព ស្តង់ដា គំរូតែមួយ ហើយភាពហ្មត់ចត់ច្បាស់របស់ប្រភេទកីឡាការ៉ាតេនេះហើយ ដែលធ្វើឲ្យជំនាញកីឡាមួយនេះមានដំណើរការអភិវឌ្ឍក្នុងពិភពលោក៕អត្ថបទ៖ លី ឈុនឡា

ឯកឧត្តម ហ៊ុន ម៉ានី ចូលរួមប្រកួតមិត្តភាព និងពិនិត្យកីឡដ្ឋានខេត្តកំពង់ស្ពឺ មុនសម្ពោធនាដើមខែក្រោយ

បាល់ទាត់៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអ្នកតំណាងរាស្ដ្រមណ្ឌលកំពង់ស្ពឺ រួមជាមួយឯកឧត្តម វី សំណាង អភិបាលនៃគណៈអភិបាលខេត្តកំពង់ស្ពឺកាលពីថ្ងៃទី២៥ ខែសីហា បានអញ្ជើញចូលរួមប្រកួតបាល់ទាត់លក្ខណៈមិត្តភាពចម្រុះជាមួយក្រុមកីឡាករ នៃក្លិបណាហ្គាវើលដ៏នៅកីឡដ្ឋានខេត្តកំពង់ស្ពឺ ដើម្បីជាការតេស្ដសាកល្បង ក៏ដូចជាពិនិត្យវឌ្ឍនភាពសាងសង់កីឡដ្ឋានស្ដង់ដារអន្ដរជាតិនេះ ដែលគ្រោងនឹងសម្ពោធដាក់ឲ្យប្រើប្រាស់ជាផ្លូវការនាថ្ងៃទី០៦ ខែកញ្ញាខាងមុខ។ លោក អ៊ុង រដ្ឋា អ្នកសម្របសម្រួលគម្រោងសាងសង់កីឡដ្ឋានខេត្តកំពង់ស្ពឺបានបញ្ជាក់ថា ការប្រកួតមិត្តភាពនេះគ្រាន់តែបង្កលក្ខណៈសប្បាយរីករាយរវាងដៃគូសំខាន់ៗ ៣ ដែលជំរុញឲ្យគម្រោងកីឡដ្ឋាននេះលេចចេញជារូបរាង ទី១-អ្នកឧបត្ថម្ភធំគឺក្រុមហ៊ុនណាហ្គាវើលដ៏ ទី២-រដ្ឋបាលខេត្តកំពង់ស្ពឺ និងទី៣-ក្រុមការងារឯកឧត្តម ហ៊ុន ម៉ានី ដែលមានឯកឧត្តមអ្នកផ្ដួចផ្ដើមគំនិតសាងសង់គម្រោងនេះផ្ទាល់តែម្ដង។ អ្នកសម្របសម្រួលគម្រោងសាងសង់ដដែលបន្ដថា មកទល់ពេលនេះកីឡដ្ឋានខេត្តកំពង់ស្ពឺបានសម្រេចការសាងសង់ជាង ៩៥% ហើយគ្រោងនឹងបញ្ចប់ក្នុងពេលដ៏ខ្លីខាងមុខ ដើម្បីសម្ពោធដាក់ឲ្យប្រើប្រាស់ផ្លូវការនាថ្ងៃទី០៦ ខែកញ្ញាក្រោមអធិបតីភាពឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរោបនីយកម្ម និងសំណង់។ ក្រោមចក្ខុវិស័យរបស់ឯកឧត្តម ហ៊ុន ម៉ានី លោកបានបង្ហាញសុទិដ្ឋិនិយមខ្ពស់ចំពោះវត្តមានកីឡដ្ឋានស្ដង់ដារអន្ដរជាតិនេះ។ទន្ទឹមជាមួយគ្នា ឯកឧត្តម វី សំណាង បានសម្ដែងនូវសេចក្ដីសោមនស្សរីករាយក្រៃលែង ចំពោះលេចចេញជារូបរាងផ្លូវការរបស់កីឡដ្ឋានខេត្តកំពង់ស្ពឺ ដែលជាសមិទ្ធផលថ្មីមួយទៀតបានកើតឡើងក្រោមម្លប់សន្ដិភាព។ ឯកឧត្តមបានអំពាវនាវឲ្យប្រជាពលរដ្ឋចូលរួមអបអរសាទរជាមួយសមិទ្ធផលថ្មីនេះ នឹងរួមគ្នាប្រើប្រាស់ និងថែរក្សាឲ្យបានយូរអង្វែង ពិសេសសម្រាប់បម្រើឲ្យផលប្រយោជន៍ដល់ប្រជាពលរដ្ឋអ្នកខេត្តកំពង់ស្ពឺតែម្ដង។ គួរដឹងថា កីឡដ្ឋានខេត្តកំពង់ស្ពឺបានរៀបចំពិធីក្រុងពាលីបើកការដ្ឋានសាងសង់ជាផ្លូវការកាលពីថ្ងៃទី២១ ខែកុម្ភៈ ឆ្នាំ២០២១ ក្រោមគំនិតផ្ដួចផ្ដើមរបស់ឯកឧត្តម ហ៊ុន ម៉ានី ដោយចំណាយថវិកាជាង ៣លានដុល្លារ។ កីឡដ្ឋាននេះប្រើប្រាស់ស្មៅសិប្បនិម្មិត អមជាមួយការសាងសង់អគារដ្ឋបាល និងកន្លែងអង្គុយទស្សនា ៣,០០០នាក់ រួមជាមួយហេដ្ឋារចនាសម្ព័ន្ធជាច្រើនទៀត ។ កីឡដ្ឋាននេះមានបង្គោលភ្លើងសម្រាប់បម្រើការប្រកួតពេលយប់ ហើយបើគ្មានការប្រែប្រួលទេនោះ ក្រោយពិធីសម្ពោធដាក់ឲ្យប្រើប្រាស់ជាផ្លូវការហើយ កីឡដ្ឋានដែលនឹងក្លាយជាមូលដ្ឋានរបស់ក្លិបណាហ្គាវើលដ៏នេះ នឹងបើកទ្វារស្វាគមន៍ការប្រកួតផ្លូវការដំបូងជាមួយក្រុមគិរីវង់សុខសែនជ័យ នាដើមខែតុលាខាងមុខ៕អត្ថបទ៖ លី ឈុនឡា

កីឡាករអេស្ប៉ាញ Marc Soler ឈ្នះដំណាក់កាលទី៥ ប្រណាំងកង់ Vuelta a Espana តែអ្នកនាំមុខរួមប្តូរមុខ

ប្រណាំងកង់៖ កីឡាករម្ចាស់ផ្ទះអេស្ប៉ាញ Marc Soler បានប្រជែងឈ្នះដំណាក់កាលទី៥ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana តែអ្នកនាំមុខក្នុងតារាងរួមមិនមែន Primoz Roglic ទៀតឡើយ។ ដំណាក់កាលទី៥ ថ្ងៃពុធម្សិលមិញដែលមានចំងាយផ្លូវ ១៨៧គីឡូម៉ែត្របញ្ចប់នៅទីក្រុង Bilbao កីឡាកររបស់ក្រុម UAE Team Emirate, Marc Soler បានមកដល់ទីព្រ័ត្រមុនគេប្រើពេល ៤ម៉ោង ១៥នាទី ២៣វិនាទី តាមពីក្រោយដោយកីឡាករអាហ្វ្រិកខាងត្បូង Daryl Impey យឺតជាង ៤វិនាទី និងលេខ៣ កីឡាករអង់គ្លេស Fred Wright របស់ក្រុម Bahrain Victorious។ ជាមួយគ្នានោះដែរ អ្នកនាំមុខគេមុនការប្រកួតដំណាក់កាលទី៥ នេះ Primoz Roglic បានធ្លាក់មកឈរលេខ៥ វិញនៅក្នុងតារាងរួម ខណៈអ្នកនាំមុខរួមគឺកីឡាករបារាំង Rudy Molard ដែលបានលេខ៤ នៅដំណាក់កាលទី៥ នេះ។កីឡាកររបស់ក្រុម Groupama-FDJ, Rudy Molard នាំមុខគេក្នុងតារាងរួមដោយមានវេលាចំណេញ ២វិនាទីពីលើអ្នកលេខ២ Fred Wright និងលេខ៣ កីឡាករអាល្លឺម៉ង់ Nikias Arndt យឺតជាង ៩វិនាទី។ សំរាប់ដំណាក់កាលទី៦ ថ្ងៃព្រហស្បតិ៍នេះការប្រកួតមានចំងាយផ្លូវ ១៨០គីឡូម៉ែត្រប្រណាំងឆ្លងកាត់ស្ថានភាពផ្លូវឡើង និងចុះភ្នំ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ពានយុវជន U15 និង U18 រកឃើញបេក្ខភាពវគ្គផ្ដាច់ព្រ័ត្រដែលត្រូវប្រកួតនាចុងសប្ដាហ៍នេះ

កីឡាករអូស្ត្រាលី Jay Vine ឈ្នះដំណាក់កាលទី៦ ប្រណាំងកង់ Vuelta a Espana

កីឡាករថ្លៃបំផុតរបស់ Arsenal, Nicolas Pepe ចាកចេញទៅ Nice ក្នុងលក្ខខណ្ឌខ្ចីជើង

ខ្សែការពារ Barcelona, Samuel Umtiti ផ្លាស់ទៅកាន់ក្លិបអ៊ីតាលី Lecce ក្នុងលក្ខខណ្ឌខ្ចីជើង

Haaland និង Lewandowski ត្រូវជួបក្លិបចាស់រៀងខ្លួនក្រោយការចាប់ឆ្នោតបែងចែកពូល UCL

Karim Benzema ឈ្នះពានកីឡាករឆ្នើមប្រចាំឆ្នាំរបស់ UEFA លើកដំបូងក្នុងអាជីព

លោកជំទាវ មិថុនា ភូថង ជំរុញឱ្យមានការពង្រឹងលេងកីឡាបាល់ទះនៅមូលដ្ឋានកាន់តែច្រើន

កីឡាការ៉ាតេអញ្ជើញអ្នកជំនាញអន្ដរជាតិមកបណ្ដុះបណ្ដាលអាជ្ញាកណ្ដាល-ចៅក្រមត្រៀមស៊ីហ្គេម

ឯកឧត្តម ហ៊ុន ម៉ានី ចូលរួមប្រកួតមិត្តភាព និងពិនិត្យកីឡដ្ឋានខេត្តកំពង់ស្ពឺ មុនសម្ពោធនាដើមខែក្រោយ

កីឡាករអេស្ប៉ាញ Marc Soler ឈ្នះដំណាក់កាលទី៥ ប្រណាំងកង់ Vuelta a Espana តែអ្នកនាំមុខរួមប្តូរមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ពាន​យុវជន​ U15 ​និង​ U18 ​រកឃើញ​បេក្ខភាព​វគ្គ​ផ្ដាច់ព្រ័ត្រដែល​ត្រូវ​ប្រកួត​នា​ចុង​សប្ដាហ៍​នេះ​

កីឡាករ​អូស្ត្រាលី Jay Vine ឈ្នះ​ដំណាក់កាល​ទី៦ ប្រណាំង​កង់ Vuelta a Espana

កីឡាករ​ថ្លៃ​បំផុត​របស់ Arsenal, Nicolas Pepe ចាក​ចេញទៅ Nice ក្នុង​លក្ខខណ្ឌ​ខ្ចី​ជើង​

ខ្សែការពារ Barcelona, Samuel Umtiti ផ្លាស់​ទៅកាន់​ក្លិប​អ៊ីតាលី Lecce ក្នុង​លក្ខខណ្ឌ​ខ្ចី​ជើង​

Haaland និង Lewandowski ត្រូវ​ជួប​ក្លិប​ចាស់​រៀងខ្លួន​ក្រោយ​ការចាប់​ឆ្នោត​បែងចែក​ពូ​ល UCL

Karim Benzema ឈ្នះ​ពាន​កីឡាករ​ឆ្នើម​ប្រចាំឆ្នាំ​របស់ UEFA លើកដំបូង​ក្នុង​អាជីព

លោកជំទាវ មិថុនា ភូ​ថង ជំរុញឱ្យមាន​ការពង្រឹង​លេង​កីឡាបាល់ទះ​នៅ​មូលដ្ឋាន​កាន់តែច្រើន​

កីឡា​កា​រ៉ា​តេ​អញ្ជើញ​អ្នកជំនាញ​អន្ដរជាតិមក​បណ្ដុះបណ្ដាល​អាជ្ញាកណ្ដាល​-​ចៅក្រម​ត្រៀម​ស៊ី​ហ្គេម​

កីឡាករ​អេ​ស្ប៉ា​ញ Marc Soler ឈ្នះ​ដំណាក់កាល​ទី៥ ប្រណាំង​កង់ Vuelta a Espana តែ​អ្នក​នាំមុខ​រួម​ប្តូរ​មុខ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពានយុវជន U15 និង U18 រកឃើញបេក្ខភាពវគ្គផ្ដាច់ព្រ័ត្រដែលត្រូវប្រកួតនាចុងសប្ដាហ៍នេះ

កីឡាករអូស្ត្រាលី Jay Vine ឈ្នះដំណាក់កាលទី៦ ប្រណាំងកង់ Vuelta a Espana

កីឡាករថ្លៃបំផុតរបស់ Arsenal, Nicolas Pepe ចាកចេញទៅ Nice ក្នុងលក្ខខណ្ឌខ្ចីជើង

ខ្សែការពារ Barcelona, Samuel Umtiti ផ្លាស់ទៅកាន់ក្លិបអ៊ីតាលី Lecce ក្នុងលក្ខខណ្ឌខ្ចីជើង

Haaland និង Lewandowski ត្រូវជួបក្លិបចាស់រៀងខ្លួនក្រោយការចាប់ឆ្នោតបែងចែកពូល UCL

Karim Benzema ឈ្នះពានកីឡាករឆ្នើមប្រចាំឆ្នាំរបស់ UEFA លើកដំបូងក្នុងអាជីព

លោកជំទាវ មិថុនា ភូថង ជំរុញឱ្យមានការពង្រឹងលេងកីឡាបាល់ទះនៅមូលដ្ឋានកាន់តែច្រើន

កីឡាការ៉ាតេអញ្ជើញអ្នកជំនាញអន្ដរជាតិមកបណ្ដុះបណ្ដាលអាជ្ញាកណ្ដាល-ចៅក្រមត្រៀមស៊ីហ្គេម

កីឡាករអេស្ប៉ាញ Marc Soler ឈ្នះដំណាក់កាលទី៥ ប្រណាំងកង់ Vuelta a Espana តែអ្នកនាំមុខរួមប្តូរមុខ