BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

Leicester City បដិសេធសំណើទិញខ្សែការពារ Wesley Fofana ជាលើកទី៣ ពី Chelsea

បាល់ទាត់៖ ក្លិប Leicester City ជាថ្មីម្តងទៀតបានបដិសេធសំណើទិញខ្សែការពារ Wesley Fofana ពីតោខៀវ Chelsea ជាលើកទី៣។ សំណើលើកទី៣ របស់ Chelsea ត្រូវបានគេដឹងថាក្នុងតម្លៃចន្លោះពី ៦០ ទៅ ៧០លានផោន។ Leicester City ចាប់ផ្តើមរដូវកាលនេះមិនទាន់ឈ្នះនៅឡើយ ខណៈ Wesley Fofana មិនស្ថិតក្នុងបញ្ជីលក់ចេញឡើយ។ ប្រសិនបើ Chelsea នៅតែបន្តប៉ុនប៉ងចង់បានកីឡាករវ័យ ២១ឆ្នាំខ្សែការពារកណ្តាលរូបនេះ និងហ៊ានឱ្យថ្លៃលើសពី ៨០លានផោនមានន័យថា Wesley Fofana នឹងក្លាយជាខ្សែការពារដែលមានតម្លៃផ្ទេរខ្ពស់បំផុតលើលោក។ Wesley Fofana មិនស្ថិតក្នុងបញ្ជីប្រកួតរបស់ Leicester City ឡើយកាលពីថ្ងៃសៅរ៍។ Wesley Fofana បានមកដល់ Leicester City កាលពីឆ្នាំ២០២០ ផ្ទេរពីក្លិបបារាំង Saint Etienne និងបានចុះហត្ថលេខារយៈពេល ៥ឆ្នាំនៅពេលនោះមានន័យថា គេនៅសល់សុពលភាពកិច្ចសន្យា ៣ឆ្នាំទៀត។គេមិនទាន់ដឹងថា Fofana មានក្នុងបញ្ជីឈ្មោះប្រកួតរឺអត់ចុងសប្តាហ៍នេះនៅពេល Leicester City ធ្វើដំណើរទៅទឹកដី Stamford Bridge ជួប Chelsea។ សូមបញ្ជាក់ថា Chelsea បានចំណាយលុយប្រហែល ១៧០លានផោនហើយក្នុងការទិញដូរកីឡាកររដូវក្តៅនេះ ហើយថ្មីៗនេះក៏កំពុងតាមទិញខ្សែប្រយុទ្ធ Everton, Anthony Gordon ដែរក្នុងសំណើតម្លៃ ៤០លានផោន៕អត្ថបទ៖នាង សុភាវុធ

Emerson Palmieri ផ្លាស់ពី Chelsea មក West Ham ផ្លូវការតម្លៃ ១៥លានផោន

បាល់ទាត់៖ ក្លិបញញួរធំ West Ham បានសំរេចក្នុងការនាំយកខ្សែការពារស្លាបឆ្វេងអ៊ីតាលី Emerson Palmieri ផ្លូវការហើយផ្ទេរពីតោខៀវ Chelsea ក្នុងតម្លៃ ១៥លានផោន។ កីឡាករវ័យ ២៨ឆ្នាំជំរើសជាតិអ៊ីតាលីរូបនេះបានចុះហត្ថលេខារយៈពេល ៤ឆ្នាំក្នុងតម្លៃផ្ទេរ ១៣លានផោនបូកនឹងបន្ថែមផ្សេងៗ ២លានផោនសរុប ១៥លានផោន។ Palmieri បានចំណេយពេលពេញមួយរដូវកាលមុនជាកីឡាករខ្ចីជើងនៅក្លិបបារាំង Olympique Lyon បន្ទាប់ពីហក់ចូលក្នុងជំរើសដំបូងនៅ Stamford Bridge មិនរួចតាំងពីផ្លាស់ពី AS Roma នៅឆ្នាំ២០១៨។ Emerson Palmieri ដែលជាសមាជិកក្រុមអ៊ីតាលីឈ្នះពាន Euro 2020 បានក្លាយជាកីឡាករទី៧ ហើយដែលមកកាន់ West Ham រដូវកាលនេះ។ ក្រុមរបស់លោក David Moyes បច្ចុប្បន្នកំពុងឈរបាតតារាងនៅ Premier League ក្រោយចាប់ផ្តើម ៣ប្រកួតដំបូងចាញ់ទាំងបី។កីឡាករដែល West Ham ចំណាយលុយទិញថ្លៃបំផុតក្នុងរដូវក្តៅនេះគឺ Gianluca Scamacca ពី Sampdoria តម្លៃ ៣០លានផោន, ខ្សែការពារក្លិបបារាំង Rennes, Nayef Aguerd តម្លៃ ៣០លានផោន, ខ្សែប្រយុទ្ធ Burnley, Maxwel Cornet តម្លៃ ១៧.៥លានផោន។ ក្រៅពីនោះមានខ្សែបម្រើ Flynn Downes ពី Swansea តម្លៃ ១២លានផោន, ខ្សែការពារ Thilo Kehrer និងអ្នកចាំទី Alphonse Areola តម្លៃ ១០លានផោនដូចគ្នាពី Paris Saint Germain៕អត្ថបទ៖នាង សុភាវុធ

ប្រដាល់សកលនឹងរៀបចំការប្រកួតកម្រិតអាជីពដើម្បីពង្រឹងជម្រើសជាតិត្រៀមស៊ីហ្គេម

ប្រដាល់សកល៖ សហព័ន្ធកីឡាប្រដាល់សកលកម្ពុជា នឹងរៀបចំការប្រកួតកីឡាប្រដាល់សកលអាជីព Ultimate Pro Boxing 2022 នាដើមខែតុលាខាងមុខ ដើម្បីពង្រឹងសមត្ថភាពក្រុមជម្រើសជាតិត្រៀមស៊ីហ្គេមឆ្នាំ២០២៣ នៅកម្ពុជា។ ការប្រកួតនេះគ្រោងរៀបចំឡើងនៅពហុកីឡដ្ឋានជាតិ ឬស្ដាតអូឡាំពិករៀងរាល់ ២សប្ដាហ៍ម្ដងដោយអនុញ្ញាតឲ្យអ្នកគាំទ្រចូលរួមទស្សនាដោយផ្ទាល់ដោយសេរី ជាមួយការប្រកួតកម្រិតអាជីពដែលមានការផ្គូរផ្គងរវាងកីឡាករ-កីឡាការិនីជាច្រើននៅលើសង្វៀន Ultimate Pro Boxing 2022។ អ្វីដែលពិសេស សហព័ន្ធនឹងផ្ដល់ឱកាសដល់កីឡាករ-កីឡាការិនីនៃក្រុមជម្រើសជាតិកីឡាប្រដាល់សកលកម្ពុជា ចូលរួមការប្រកួតនេះដើម្បីវាស់ស្ទង់ និងពង្រឹងសមត្ថភាពបន្ថែម ក្នុងការត្រៀមលក្ខណៈប្រកួតប្រជែងមេដាយជូនជាតិ នៅក្នុងព្រឹត្តិការណ៍ស៊ីហ្គេមជាប្រវត្តិសាស្ដលើកដំបូងនៅកម្ពុជានាឆ្នាំ២០២៣ ខាងមុខ។គួរដឹងថា កាលពីឆ្នាំ២០២១ សហព័ន្ធធ្លាប់បានរៀបចំការប្រកួត Ultimate Boxing Championship 2021 ម្ដងរួចមកហើយដែលបញ្ចប់ដោយជោគជ័យ ក្រោយដំណើរការប្រកួតចំនួន ៦សប្ដាហ៍។ យ៉ាងណាមិញការប្រកួត Ultimate Pro Boxing 2022 នេះវិញ សហព័ន្ធរំពឹងថា នឹងទទួលបានការគាំទ្រ ក៏ដូចជាផ្លែផ្កាកាន់តែប្រសើរ ដើម្បីគាំទ្រដល់ផែនការយុទ្ធសាស្ដ្រនៃដំណើរឆ្ពោះទៅស៊ីហ្គេមឆ្នាំក្រោយ៕អត្ថបទ៖ លី ឈុនឡា

កម្ពុជាទទួលបានផលចំណេញអ្វីខ្លះក្នុងការធ្វើម្ចាស់ផ្ទះមហាសន្និបាត OCA លើកទី៤១?

អូឡាំពិក៖ កម្ពុជាបានទទួលសិទ្ធធ្វើម្ចាស់ផ្ទះមហាសន្និបាតក្រុមប្រឹក្សាអូឡាំពិកអាស៊ីលើកទី៤១ (41st OCA General Assembly) បន្ទាប់ពីចិនអាក់ខានរៀបចំ ដំណាលគ្នានឹងការពន្យាពេលការប្រកួតកីឡាអាស៊ីលើកទី១៩ ដែលបានលើកពេលពីឆ្នាំ២០២២ ទៅឆ្នាំ២០២៣។ មហាសន្និបាតនេះនឹងរៀបចំនៅរាជធានីភ្នំពេញចាប់ពីថ្ងៃទី០១ ដល់ថ្ងៃទី០៥ ខែតុលាខាងមុខ ក្រោយទទួលបានការអនុញ្ញាតជាគោលការណ៍ដ៏ខ្ពង់ខ្ពស់ពីសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា។ ដើម្បីត្រៀមលក្ខណៈរៀបចំមហាសន្និបាត និងទទួលបដិសណ្ឋារកិច្ចប្រតិភូ ក៏ដូចជាថ្នាក់ដឹកនាំកីឡាជុំវិញពិភពលោកប្រមាណ ៤០០នាក់ដែលនឹងចូលរួមព្រឹត្តិការណ៍នេះ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍គណៈកម្មាធិការជាតិ រៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ បានរៀបចំកិច្ចប្រជុំពិសេសមួយកាលពីថ្ងៃទី២៣ ខែតុលា ដើម្បីជំរុញការរៀបចំមហាសន្និបាតនេះទទួលបានជោគជ័យ ប្រកបដោយសេចក្ដីថ្លៃថ្នូរ និងកិត្តិយសជាតិ។ តើការទទួលធ្វើម្ចាស់ផ្ទះមហាសន្និបាតដ៏ធំនេះ កម្ពុជានឹងទទួលបានផលចំណេញអ្វីខ្លះ? ការណ៍នេះ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានមានប្រសាសន៍ថា នេះគឺជាកិច្ចប្រជុំដ៏កម្រ ហើយក៏ជាឱកាសល្អ ដែលស្ដែងឃើញការគាំទ្ររបស់សហគមន៍កីឡាអន្ដរជាតិ និងពិភពលោកចំពោះកម្ពុជា ពិសេសការគាំទ្រពេញទំហឹងសម្រាប់ដំណើរឆ្ពោះទៅធ្វើម្ចាស់ផ្ទះ ការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ និងការធ្វើម្ចាស់ផ្ទះការប្រកួតកីឡាយុវជនអាស៊ីឆ្នាំ២០២៩ ផងដែរ។រដ្ឋលេខាធិការក្រសួងទេសចរណ៍ដដែលពន្យល់ថា ត្បិតតែមហាសន្និបាតកម្រិតអាស៊ី តែការចូលរួមគឺកម្រិតពិភពលោក តែមានអង្គការកីឡាធំៗលើពិភពលោកនឹងមកប្រមូលផ្ដុំក្នុងមហាសន្និបាតនៅរាជធានីភ្នំពេញនេះ ដែលជំរុញឲ្យព្រឹត្តិការណ៍នេះក្លាយជាដែកឆក់មួយ ដើម្បីទាក់អារម្មណ៍ពិភពលោកមកកម្ពុជា ពិសេសផ្ដល់នូវកេរ្ដិ៍ឈ្មោះដ៏ល្អសម្រាប់កម្ពុជា ក្រោមម្លប់សន្ដិភាព និងការអភិវឌ្ឍនៃសម័យតេជោ សែន តែម្ដង។ អ្វីដែលពិសេស ពិធីបើកមហាសន្និបាត OCA នៅកម្ពុជានេះនឹងទទួលបានការផ្ដល់កិត្តិយសអញ្ជើញចូលរួម ដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី ហើយសម្ដេចនឹងថ្លែងសន្ទរកថាគន្លឹះ ដើម្បីបង្ហាញនូវសុច្ឆន្ទៈដ៏ខ្លាំងក្លារបស់រាជរដ្ឋាភិបាល ក្នុងការកសាង និងជំរុញចលនាកីឡាជាតិ ជាមួយចលនាអូឡាំពិកអន្ដរជាតិទៀតផង។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន។ឯកឧត្តម វ៉ាត់ ចំរើន បន្ដថា ក្រោមការគិតគូរ និងយកចិត្តទុកដាក់របស់ឯកឧត្តមបណ្ឌិត ថោង ខុន ក្រៅពីការត្រៀមលក្ខណៈរៀបចំមហាសន្និបាតក្រុមប្រឹក្សាអូឡាំពិកអាស៊ីនេះ ឯកឧត្តមរដ្ឋមន្ដ្រីក៏បានដាក់ចេញនូវវិធានការផ្សេងៗ ដូចជាការត្រៀមរៀបចំពិព័រណ៍អំពីស៊ីហ្គេម-អាស៊ានប៉ារ៉ាហ្គេមឆ្នាំ២០២៣, ទស្សនាកម្ពុជាឆ្នាំ២០២៣, ពិព័រណ៍ទេសចរណ៍ និងការរៀបចំកញ្ចប់ទស្សនកិច្ចទៅតាមគោលដៅទេសចរណ៍សំខាន់ ដល់ប្រតិភូកីឡាទាំងអស់ក្រោយបញ្ចប់កិច្ចប្រជុំផងដែរ។ គណៈកម្មការជំនាញនីមួយៗបានដឹងពីគោលដៅ របៀបរបបការងារ និងតួនាទីភារកិច្ចរបស់ខ្លួន ដោយរង់ចាំតែការអនុវត្តប៉ុណ្ណោះ ដើម្បីជំរុញព្រឹត្តិការណ៍ជាកំណត់ត្រាប្រវត្តិសាស្ដ្រឲ្យទទួលបានជោគជ័យ៕អត្ថបទ៖ លី ឈុនឡា

Kyren Wilson យកឈ្នះ Barry Hawkins គ្រងជើងឯកស្នូកឃ័រ European Masters

ស្នូកឃ័រ៖ កីឡាករស្នូកឃ័រអង់គ្លេស Kyren Wilson បានក្លាយជាជើងឯកនៃការប្រកួតស្នូកឃ័រកម្មវិធី European Masters នៅទឹកដីអាល្លឺម៉ង់ក្រោយយកឈ្នះមិត្តរួមជាតិ Barry Hawkins នៅវគ្គផ្តាច់ព្រ័ត្រ។ Kyren Wilson បាននាំមុខការប្រកួត ៣-០ហ្វ្រេមនៅដំណាក់កាលដំបូង មុនពេល Barry Hawkins បានតាមពីក្រោយ ២ហ្វ្រេមវិញ។ ក្រោយមក Kyren Wilson បានយកឈ្នះ ៣ហ្វ្រេមបន្ទាប់ មុននឹងធ្វើបានមួយឈើ ៥៥ពិន្ទុដើម្បីនាំមុខ ៦-២ហ្វ្រេម។ យ៉ាងណាក្តីកីឡាករវ័យ ៣០ឆ្នាំ Kyren Wilson បានយកឈ្នះបីហ្វ្រេមបន្ទាប់ពី Hawkins តបបានមួយគ្រាប់ មុននឹងការប្រកួតបញ្ចប់ដោយលទ្ធផល ៩-៣ហ្វ្រេមលើកីឡាករវ័យ ៤៣ឆ្នាំ Barry Hawkins ដើម្បីលើកពានទី៥ ក្នុងអាជីព។សូមបញ្ជាក់ថា កីឡាករអង់គ្លេស Kyren Wilson ដែលបច្ចុប្បន្នកំពុងឈរលេខ៥ ពិភពលោកបានឡើងមកកាន់វគ្គផ្តាច់ព្រ័ត្របន្ទាប់ពីយកឈ្នះកីឡាករចិន Lyu Haotian ជុំដំបូង យកឈ្នះកីឡាករអង់គ្លេស Jimmy Robertson នៅជុំទី២ យកឈ្នះ Shaun Murphy នៅវគ្គ ១៦នាក់ចុងក្រោយ យកឈ្នះកីឡាករចិន Si Jiahui នៅវគ្គ ៨នាក់ចុងក្រោយ និងយកឈ្នះ Ali Carter នៅវគ្គពាក់កណ្តាលផ្តាច់ព្រ័ត្រ៕អត្ថបទ៖នាង សុភាវុធ

កីឡាករលេខ២ ពិភពលោក Alexander Zverev ដកខ្លួនពី US Open ដោយសាររបួសកជើង

វាយកូនបាល់៖ កីឡាករវាយកូនបាល់លំដាប់លេខ២ ពិភពលោក Alexander Zverev បានសំរេចចិត្តដកខ្លួនចេញពីព្រឹត្តិការណ៍ Grand Slam, US Open ហើយដោយសារមិនទាន់ជាពីរបួសកជើង។ កីឡាករអាល្លឺម៉ង់វ័យ ២៥ឆ្នាំរូបនេះបានរងរបួសកជើងនេះកាលពីវគ្គពាក់កណ្តាលផ្តាច់ព្រ័ត្រ French Open នៅពេលជួបជាមួយជើងឯក Rafael Nadal។ ម្ចាស់មេដាយមាសអូឡាំពិករូបនេះបានទទួលការវះកាត់ជោគជ័យកាលពីដើមខែមិថុនា ហើយត្រូវការពេលវេលាច្រើនទៀតដើម្បីសម្រាកព្យាបាលរបួសរបស់ខ្លួន។ ការដកខ្លួនរបស់ Alexander Zverev ក៏ធ្វើឱ្យមានការកែប្រែចំណាត់ថ្នាក់ក្នុងកម្មវិធីប្រកួតរបស់ US Open ដែរដែលមានន័យថា កីឡាករអេស្ប៉ាញលំដាប់លេខ៣ ពិភពលោក Rafael Nadal នឹងឡើងមកឈរលេខ២ ក្នុងកម្មវិធីពីក្រោមកីឡាកររុស្ស៊ី Daniil Medvedev។ជាមួយគ្នានោះដែរ កីឡាករជំនាញដៃឆ្វេងរបស់អង់គ្លេស Cameron Norrie ឡើងមកឈរលេខ៨ មានន័យថា កីឡាករវ័យ ២៦ឆ្នាំរូបនេះនឹងមិនជួបកីឡាករដែលមានចំណាត់ថ្នាក់ល្អជាងខ្លួនឡើយរហូតដល់វគ្គ ៨នាក់ចុងក្រោយ។ ព្រឹត្តិការណ៍ Grand Slam ចុងក្រោយប្រចាំឆ្នាំ២០២២ នេះ US Open នឹងចាប់ផ្តើមនៅថ្ងៃទី២៩ ខែសីហានេះ៕អត្ថបទ៖នាង សុភាវុធ

Jeonbuk ឡើងជួប Urawa Red វគ្គពាក់កណ្តាលផ្តាច់ព្រ័ត្រ AFC Champions League

បាល់ទាត់៖ ការប្រកួតក្របខណ្ឌក្លិបកំពូលអាស៊ី AFC Champions League រកឃើញក្លិបពីរឡើងវគ្គពាក់កណ្តាលផ្តាច់ព្រ័ត្រហើយគឺអតីតជើងឯកទាំងពីរ Jeonbuk Motor របស់កូរ៉េត្រូវជួបជាមួយក្លិបជប៉ុន Urawa Red Diamonds។ ក្រុមបាល់ទាត់កូរ៉េ Jeonbuk Motors ដែលជាអតីតជើងឯកនៅឆ្នាំ២០០៦ និង ២០១៦ បានយកឈ្នះក្រុមជប៉ុន Vissel Kobe នៅម៉ោងបន្ថែម ១៥នាទីពីរដង ៣-១។ Vissel Kobe ដែលទើបទំលាក់ Yokohama នៅវគ្គ ១៦ក្រុមបាននាំមុខមុនក្នុងការប្រកួតនេះនៅនាទីទី៦៤ ដោយ Koya Yukuri មុនពេលដែល Jeonbuk តាមស្មើវិញពីរនាទីក្រោយមកដោយ Modou Secka Barrow។ លុះដល់វគ្គបន្ថែម ១៥នាទីពីរដងកាត់សេចក្តី Jeobuk Motors ក៏រកបានពីរគ្រាប់ដោយ Gustavo នាទីទី១០៤ និង Seon-min Moon នាទីទី១២០+២។ ងាកមកមួយប្រកួតទៀតជើងឯកពីរសម័យដូចគ្នា Urawa Red Diamonds បានយកឈ្នះក្រុមជើងឯកថៃ BG Pathum United ៤-០ ដើម្បីឡើងវគ្គពាក់កណ្តាលផ្តាច់ព្រ័ត្រ AFC Champions League ជាលើកទី៥។ ៤គ្រាប់របស់ Urawa ធ្វើបានក្នុងវគ្គទី១ ពីរគ្រាប់ដោយ David Modberg Karlsson និង Takuya Iwanami និងពីរគ្រាប់ទៀតនៅវគ្គទី២ ដោយ Yoshio Koizumi និង Takahiro Akimoto។ ក្រុមទាំងពីរ Urawa Red Diamonds និង Jeonbuk Motors នឹងត្រូវជួបគ្នានៅថ្ងៃព្រហស្បតិ៍នេះ ដើម្បីកៅអីនៅវគ្គផ្តាច់ព្រ័ត្ររង់ចាំក្រុមមកពីតំបន់អាស៊ីខាងលិច។ ក្រុមនៅតំបន់អាស៊ីខាងលិចទើបបញ្ចប់វគ្គ ១៦ក្រុមចុងក្រោយប៉ុណ្ណោះ ខណៈវគ្គ ៨ក្រុមចុងក្រោយនឹងធ្វើនៅអំឡុងខែកុម្ភៈ ឆ្នាំ២០២៣ ឯណោះ៕អត្ថបទ៖នាង សុភាវុធ

Chris Smalling រកបានគ្រាប់ជ័យជំនះឲ្យ Roma ឈ្នះ Cremonese នៅ Serie A

បាល់ទាត់៖ ក្រុមកញ្ជ្រោង AS Roma ចាប់ផ្តើមរដូវកាលរបស់ខ្លួនបានយ៉ាងល្អឥតខ្ចោះក្រោយឈ្នះ ២ប្រកួតជាប់គ្នាបន្ទាប់ពីយកឈ្នះក្រុមឡើងថ្មី Cremonese ១-០ យប់មិញ។ខ្សែការពារអង់គ្លេស និងជាអតីតខ្សែការពារ Manchester United, Chris Smalling គឺជាអ្នកតែតបញ្ចូលទីសំរេចគ្រាប់បាល់ជ័យជំនះ ៣ពិន្ទុសំរាប់ AS Roma នៅនាទីទី៦៥ ពីបាល់ជ្រុងរបស់ Lorenzo Pellegrini។ ក្រុមភ្ញៀវ Cremonese ក៏មានឱកាសល្អក្នុងការរកគ្រាប់បាល់ដែរ តែខ្សែប្រយុទ្ធនីហ្សេរីយ៉ា Cyriel Dessers ស៊ុតបុករបាទី។ AS Roma ដែលជាជើងឯក UEFA Europa Conference League រដូវកាលមុន មកដល់ពេលនេះឈ្នះ ២ប្រកួតជាប់គ្នា និងមិនទាន់របូតគ្រាប់បាល់ឡើយមាន ៦ពិន្ទុពេញឈរលេខ៣ ស្មើពិន្ទុជាមួយ Napoli និង Inter Milan។ងាកមកមួយគូទៀតយប់មិញដែរ Juventus បាត់បង់ ៣ពិន្ទុក្រោយស្មើនៅទឹកដី Sampdoria ០-០។ ក្រុមរបស់លោក Massimiliano Allegri នៅពេលនេះឈរលេខ៤ មាន ៤ពិន្ទុក្រោយលេង ២ប្រកួតឈ្នះ១ ស្មើ១ ខណៈ Sampdoria ឈរលេខ១៦ មាន ១ពិន្ទុ៕អត្ថបទ៖នាង សុភាវុធ

Casemiro បង្ហាញមុខនៅ Old Trafford ផ្លូវការក្រោយផ្លាស់ពី Real Madrid តម្លៃ ៧០លានផោន

បាល់ទាត់៖ ខ្សែបម្រើប្រេស៊ីល Casemiro បានបង្ហាញមុខជាផ្លូវការនៅកីឡដ្ឋាន Old Trafford នៅចំពោះមុខអ្នកគាំទ្រមុនការប្រកួតដែល Manchester United យកឈ្នះ Liverpool ២-១ យប់មិញ។ Manchester United ត្រូវចំណាយលុយការផ្ទេរនេះទៅកាន់ Real Madrid ប្រមាណ ៧០លានផោនដើម្បីនាំយកកីឡាករប្រេស៊ីលរូបនេះ ដែលចុះហត្ថលេខារយៈពេល ៤ឆ្នាំនៅ Old Trafford។ កីឡាករវ័យ ៣០ឆ្នាំរូបនេះបាននិយាយថា នេះជាក្លិបបាល់ទាត់ធំបំផុតមួយលើលោកដែលគេបានចូលរួម។ Casemiro បានក្លាយជាកីឡាករដែលមានប្រាក់ឈ្នួលថ្លៃបំផុតម្នាក់នៅ Manchester United តែកីឡាករវ័យ ៣០ឆ្នាំរូបនេះបញ្ជាក់ថា ការផ្លាស់មកពេលនេះគឺមិនមែនដោយសាររឿងលុយឡើយ។ រំលឹកថា Casemiro បានមកដល់ Real Madrid តាំងពីឆ្នាំ២០១៣ ផ្លាស់ពីក្លិបប្រេស៊ីល Sao Paulo។ រយៈពេល ៩ឆ្នាំនៅអេស្ប៉ាញ Casemiro បានឈ្នះពាន La Liga ៣លើក, Copa del Rey ១លើក, UEFA Champions League ៥លើក និង FIFA Club World Cup ៣លើក៕អត្ថបទ៖នាង សុភាវុធ

Manchester United ស្គាល់ជ័យជំនះដំបូងនៅ EPL ក្រោមការដឹកនាំរបស់លោក Erik ten Hag

បាល់ទាត់៖ ទីបំផុតក្រុមបិសាចក្រហម Manchester United ស្គាល់ជ័យជំនះដំបូងហើយនៅក្របខណ្ឌ English Premier League រដូវកាលនេះក្រោមការដឹកនាំរបស់អ្នកចាត់ការថ្មីលោក Eric ten Hag ក្រោយយកឈ្នះ Liverpool ២-១ នៅ Old Trafford។ អតីតអ្នកចាត់ការ Ajax រូបនេះបានសំរេចមិនដាក់ប្រធានក្រុម Harry Maguire និងខ្សែប្រយុទ្ធ Cristiano Ronaldo ឱ្យលេងជម្រើសដំបូង ខណៈទំរង់លេងឆ្លើយតបមកវិញនូវភាពប្រសើរឡើង ដើម្បីបន្ធូរបន្ថយសំពាធនៅខាងក្រៅកីឡដ្ឋានដែលមានការបាតុកម្មប្រឆាំងប្រធានក្លិប។ អតីតកីឡាកររបស់ Dortmund, Jadon Sancho បានបើកការនាំមុខមុននៅនាទីទី១៦ មុនពេលដែលវគ្គទី២ កីឡាករបម្រុង Anthony Martial បញ្ជូនបាល់ឱ្យ Marcus Rashford ស៊ុតបញ្ចូលទីគ្រាប់នាំមុខ ២-០ នៅនាទីទី៥៣។ Liverpool ក៏តបបានមួយគ្រាប់វិញដែរនៅនាទីទី៨១ ដោយ Mohamed Salah តែមិនគ្រប់គ្រាន់ឡើយ ខណៈការប្រកួតបញ្ចប់ដោយ Manchester United យកឈ្នះ Liverpool ២-១។ជ័យជំនះដំបូងនេះធ្វើឱ្យ Manchester United ឡើងមកលេខ១៤ ក្នុងតារាងលេង ៣ប្រកួតឈ្នះ១ ចាញ់២ មាន ៣ពិន្ទុ ខណៈ Liverpool នៅតែបន្តស្វែងជ័យជំនះរបស់ខ្លួននៅឡើយក្រោយលេង ៣ប្រកួតស្មើ២ ចាញ់១ មាន ២ពិន្ទុ។ ប្រកួតបន្ទាប់ Manchester United ត្រូវធ្វើដំណើរទៅទឹកដី Southampton ថ្ងៃសៅរ៍នេះ ខណៈ Liverpool ទទួល Bournemouth៕អត្ថបទ៖នាង សុភាវុធ