BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

ស្រួង ភាវី ប្ដេជ្ញាខំប្រឹងហាត់កាន់តែខ្លាំងដើម្បីត្រៀមប្រជែងមេដាយស៊ីហ្គេមឆ្នាំ២០២៣

ស្នូកឃ័រ៖ កីឡាការិនីជម្រើសជាតិប៊ីយ៉ា និងស្នូកឃ័រកម្ពុជា ស្រួង ភាវី ដែលជាជើងខ្លាំងលំដាប់អន្ដរជាតិលើវិញ្ញាសាប៊ីយ៉ាការ៉ុម បានសម្ដែងនូវសេចក្ដីរំភើបរីករាយជាខ្លាំង ក្រោយវិញ្ញាសាខ្លួនកំពុងប្រកបអាជីពត្រូវបានដាក់បញ្ចូលក្នុងការប្រកួតកីឡាស៊ីហ្គេមឆ្នាំ២០២៣។ លោកស្រីបានប្ដេជ្ញាពង្រឹងការហ្វឹកហាត់កាន់តែខ្លាំង ដើម្បីត្រៀមប្រកួតប្រជែងមេដាយជូនជាតិក្នុងព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ។ ភាវី បានបញ្ជាក់ថា ពីមុនវិញ្ញាសាការ៉ុមគឺមានភាពស្រពេចស្រពិលសម្រាប់ស៊ីហ្គេមនៅកម្ពុជា តែពេលនេះច្បាស់ការហើយ បន្ទាប់ពីលោកស្រីទទួលបានដំណឹងពីសហព័ន្ធកីឡាប៊ីយ៉ា និងស្នូកឃ័រកម្ពុជាថា វិញ្ញាសានេះត្រូវបានដាក់បញ្ចូលផ្លូវការក្នុងការប្រកួតស៊ីហ្គេមលើកទី៣២ ធ្វើឲ្យលោកស្រីរំភើប និងសប្បាយរីករាយជាពន់ពេក ដែលជាឱកាសបង្ហាញសមត្ថភាពក្នុងព្រឹត្តិការណ៍ដ៏អស្ចារ្យ លើទឹកដីកំណើតរបស់ខ្លួនលើកដំបូង។ កីឡាការិនីមានដើមកំណើតពីខេត្ដត្បូងឃ្មុំ និងបានសាងភាពល្បីល្បាញលើទឹកដីកូរ៉េ តាមវិញ្ញាសាអាជីពកីឡាប៊ីយ៉ាការ៉ុមរូបនេះបន្ដថា ក្នុងនាមប្រជាពលរដ្ឋខ្មែរម្នាក់ លោកស្រីបានត្រៀមខ្លួនជាស្រេចដើម្បីចូលរួមព្រឹត្តិការណ៍នេះ ហើយប្ដេជ្ញានឹងខិតខំឲ្យអស់ពីកម្លាំងកាយចិត្តធ្វើយ៉ាងណា ដណ្ដើមជ័យជម្នះជូនជាតិ និងប្រជាពលរដ្ឋខ្មែរឲ្យខានតែបាន ដ្បិតស៊ីហ្គេមឆ្នាំ២០២៣ គឺជាព្រឹត្តិការណ៍ និងជាកិត្តិយសដ៏ធំធេងរបស់ជាតិ។ជុំវិញដំណើរឆ្ពោះទៅស៊ីហ្គេមឆ្នាំ២០២៣ នេះ លោក ម៉ារ៉ា សុជាតិ អគ្គលេខាធិការសហព័ន្ធកីឡាប៊ីយ៉ា និងស្នូកឃ័រកម្ពុជាបានឲ្យដឹងថា សហព័ន្ធបានត្រៀម ១០វិញ្ញាសាសម្រាប់ការប្រកួត ក្នុងនោះមានផ្នែកបុរស ៦វិញ្ញាសា និងនារី ៤វិញ្ញាសា។ សម្រាប់កីឡាការិនី ស្រួង ភារី នឹងចូលរួមប្រកួតលើ ២វិញ្ញាសារួមមានវិញ្ញាសាប៊ីយ៉ាការ៉ុម ១បាំង (1 Cushion) និង ៣បាំង (3 Cushion) ដោយលោកមានសុទិដ្ឋិនិយមខ្ពស់ថា លោកស្រីនឹងអាចដណ្ដើមបានមេដាយមាសជូនជាតិ ដោយផ្អែកលើសមត្ថភាព បច្ចេកទេស និងបទពិសោធន៍ជាង ១ទសវត្សរ៍កន្លងមក៕អត្ថបទ៖ លី ឈុនឡា

ម្ចាស់មេដាយសំរឹទ្ធស៊ីហ្គេម ២រូបនឹងចេញទៅប្រកួតអន្ដរជាតិនៅសិង្ហបុរីនាខែក្រោយ

ប្រដាល់សកល៖ សហព័ន្ធកីឡាប្រដាល់សកលកម្ពុជាត្រៀមបញ្ជូនកីឡាករ ២រូបរួមមានកីឡាករ សៅ រង្សី និងកីឡាករ ហ៊ុន គឹមហ៊ាង ចេញទៅប្រកួតអន្ដរជាតិនៃព្រឹត្តិការណ៍ Syed Kadir Boxing Championship 2022 នៅប្រទេសសិង្ហបុរីចាប់ពីថ្ងៃទី០៩ ដល់ថ្ងៃទី១១ ខែកញ្ញាខាងមុខ។ អ្នកទាំងពីរសុទ្ធតែជាសមាជិកក្រុមកីឡាប្រដាល់សកលជម្រើសជាតិកម្ពុជា ហើយក៏ជាម្ចាស់មេដាយសំរឹទ្ធនៃព្រឹត្តិការណ៍ស៊ីហ្គេមលើកទី៣១ នៅប្រទេសវៀតណាមកាលពីខែឧសភាកន្លងទៅផងដែរលើ ២ប្រភេទទម្ងន់ផ្សេងគ្នាគឺកីឡាករ សៅ រង្សី ទម្ងន់ ៥៤គីឡូក្រាម និងកីឡាករ ហ៊ុន គឹមហ៊ាង ទម្ងន់ ៧១គីឡូក្រាម។ តាមការបញ្ជាក់របស់មន្ដ្រីសហព័ន្ធ ការបញ្ជូនកីឡាករជម្រើសជាតិទាំង ២រូបចូលរួមប្រកួតព្រឹត្តិការណ៍អន្ដរជាតិនៅសិង្ហបុរីនេះ គឺដើម្បីពង្រឹងបទពិសោធន៍ប្រកួតលក្ខណៈអន្ដរជាតិ និងបច្ចេកទេសបន្ថែមដល់កីឡាករកម្ពុជាដែលកំពុងយកចិត្តទុកដាក់ហ្វឹកហាត់ ពិសេសក្រោយការហ្វឹកហាត់ជាមួយគ្រូបង្វឹកថ្មី ដើម្បីត្រៀមដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជា។ ក្រៅពីការប្រកួតលក្ខណៈអន្ដរជាតិនេះ សហព័ន្ធក៏គ្រោងនឹងបញ្ជូនក្រុមជម្រើសជាតិប្រដាល់សកលកម្ពុជា ចូលរួមប្រកួតជ្រើសរើសជើងឯកអាស៊ីនៅប្រទេសហ្ស៊កដានីនាខែតុលាខាងមុខផងដែរ៕អត្ថបទ៖ លី ឈុនឡា

Francesco Bagnaia ឈ្នះការប្រណាំងម៉ូតូ GP នៅអូទ្រីសជាជ័យជំនះលើកទី៣ រដូវកាលនេះ

ប្រណាំងម៉ូតូ៖ កីឡាករអ៊ីតាលី Francesco Bagnaia បានប្រជែងឈ្នះការប្រណាំងម៉ូតូ GP នៅប្រទេសអូទ្រីសដែលជាជ័យជំនះទី៣ ក្នុងរដូវកាល។ កីឡាកររបស់ក្រុម Ducati រូបនេះបាននាំមុខការប្រកួតតាំងពីពេលចេញដំណើរ បន្ទាប់ពីចេញដំបូងនៅលេខ២ ហើយបានវ៉ាជែងអ្នកនាំមុខ Enea Bastianini តាំងពីពេលដំបូង។ Francesco Bagnaia បានមកដល់ទីព្រ័ត្រមុនគេនៅចំពោះមុខកីឡាកររបស់ក្រុម Yamaha, Fabio Quartararo និងលេខ៣ កីឡាកររបស់ក្រុម Ducati មួយរូបទៀត Jack Miller។ ជ័យជំនះនេះធ្វើឱ្យ Bagnaia បានក្លាយជាកីឡាករអ៊ីតាលីទី២ ប៉ុណ្ណោះដែលឈ្នះការប្រកួត ៣ទីលានជាប់គ្នាបន្ទាប់ពី Valentino Rossi។ យ៉ាងណាក្តីអ្នកនាំមុខគេក្នុងតារាងជើងឯកពិភពលោក នៅតែជាកីឡាករបារាំង Fabio Quartararo មានសរុប ២០០ពិន្ទុ, លេខ២ កីឡាករអេស្ប៉ាញ Aleix Espargaro មាន ១៦៨ពិន្ទុ និងលេខ៣ Francesco Bagnaia មាន ១៥៦ពិន្ទុ។ ទីលានបន្ទាប់ម៉ូតូ GP នឹងបន្តទៅទឹកដីសាន់ម៉ារីណូនៅថ្ងៃទី៤ ខែកញ្ញាដែលជាទីលានទី១៤ រដូវកាលនេះ៕អត្ថបទ៖នាង សុភាវុធ

Sadio Mane រកបានពីរគ្រាប់ ខណៈ Bayern Munich បំបាក់ម្ចាស់ផ្ទះ Bochum ៧-០

បាល់ទាត់៖ ក្រុមការពារតំណែងជើងឯក Bundesliga អាល្លឺម៉ង់ Bayern Munich បានធ្វើដំណើរទៅយកបីពិន្ទុពីក្រុមម្ចាស់ផ្ទះ Vfl Bochum មិនលំបាកក្រោយយកឈ្នះដោយលទ្ធផលធំធេង ៧-០។ អតីតខ្សែបម្រើ Manchester City, Leroy Sane បើកការនាំមុខតាំងពីនាទីទី៤ មុនពេលដែលកីឡាករចំនូលថ្មីផ្ទេរពី Juventus, Matthijs De Ligt បន្ថែមគ្រាប់ទីពីរ និង Kingsley Coman រកបានគ្រាប់នាំមុខ ៣-០ នៅនាទីទី៣៣។ ខ្សែប្រយុទ្ធសេណេហ្កាល់ Sadio Mane ដែលចាកចេញពី Liverpool មកជំនួស Robert Lewandowski នោះក៏រកបានគ្រាប់នាំមុខ ៤-០ នៅនាទីទី៤២ ខណៈគ្រាប់ទីពីររបស់គេកើតឡើងនៅវគ្គទី២ នាទីទី៦០ ដោយបាល់ពិន័យ ១១ម៉ែត្រ។ មិនទាន់អស់ទេម្ចាស់ផ្ទះ Bochum ក៏បានកាដូមួយគ្រាប់ទៀតឱ្យ Bayern Munich មុនពេលដែល Serge Gnabry បង្ហើយគ្រាប់ចុងក្រោយឱ្យ Bayern Munich យកឈ្នះម្ចាស់ផ្ទះ Bochum ៧-០។គិតត្រឹមសប្តាហ៍ទី៣ នេះ Bayern Munich បានស៊ុតបញ្ចូលទីសរុប ១៥គ្រាប់ហើយបើទោះបីជាខ្សែប្រយុទ្ធកំពូល Robert Lewandowski បានចាកចេញក៏ដោយ។ Bayern Munich នៅពេលនេះមាន ៩ពិន្ទុពេញក្នុងដៃតាមពីក្រោយដោយ Borussia Moenchengladbach មាន ៧ពិន្ទុរួមជាមួយ Mainz និង Union Berlin៕អត្ថបទ៖នាង សុភាវុធ

Borna Coric និង Caroline Garcia បង្កើតប្រវត្តិសាស្ត្រក្រោយឈ្នះជើងឯកវាយកូនបាល់ Cincinnati Open

វាយកូនបាល់៖ ការប្រកួតវាយកូនបាល់កម្មវិធី Cincinnati Open នៅសហរដ្ឋអាមេរិកបានបិទបញ្ចប់ហើយ ដោយជើងឯកបានទៅកីឡាករក្រូអាស៊ី Borna Coric ផ្នែកបុរស ខណៈផ្នែកនារីបានទៅកីឡាការិនីបារាំង Caroline Garcia។ សំរាប់ការប្រកួតផ្នែកនារី កីឡាការិនីបារាំង Caroline Garcia បានបង្កើតប្រវត្តិសាស្ត្រក្រោយក្លាយជាកីឡាការិនីទី១ ដែលមកពីវគ្គជំរុះរហូតឈ្នះជើងឯកនៅក្របខណ្ឌក្របខណ្ឌ WTA 1000។ ការប្រកួតវគ្គផ្តាច់ព្រ័ត្រកីឡាការិនីវ័យ ២៨ឆ្នាំបារាំងរូបនេះបានយកឈ្នះកីឡាការិនីឆេក Petra Kvitova ដោយលទ្ធផល ៦-២ និង ៦-៤។ នេះជាជើងឯកនៅក្របខណ្ឌ Masters លើកទី៣ ប៉ុណ្ណោះសំរាប់ Caroline Garcia បន្ទាប់ពីឈ្នះពីរលើកមុននៅទីក្រុងវូហាន និងប៉េកាំងប្រទេសចិនកាលពី ៥ឆ្នាំមុន។ ជ័យជំនះនេះដែរធ្វើឱ្យ Caroline Garcia ដែលឈរលេខ៣៥ ពិភពលោក ឡើងមកឈរលេខ២០ ពិភពលោកជាលើកដំបូងរាប់ពីឆ្នាំ២០១៧។ងាកមកការប្រកួតផ្នែកបុរសវិញក៏មានការបំបែកប្រវត្តិសាស្ត្រដែរ ដោយកីឡាករក្រូអាស៊ី Borna Coric បានក្លាយជាកីឡាករដែលមានចំណាត់ថ្នាក់ពិភពលោកទាបបំផុតឈ្នះជើងឯកក្នុងកម្មវិធី Masters។ Borna Coric មានចំណាត់ថ្នាក់ពិភពលោកលេខ ១៥២ បានយកឈ្នះកីឡាករក្រិក Stefanos Tsitsipas នៅវគ្គផ្តាច់ព្រ័ត្រ ៧-៦(៧-០) និង ៦-២។ កីឡាករវ័យ ២៥ឆ្នាំរូបនេះបានបំបែកកំណត់ត្រារបស់កីឡាករអេស្ប៉ាញ Roberto Carretero ដែលមានចំណាត់ថ្នាក់ពិភពលោកលេខ ១៤៣ ឈ្នះជើងឯកនៅទីក្រុង Hamburg ប្រទេសអាល្លឺម៉ង់កាលពីឆ្នាំ១៩៩៦។ សូមបញ្ជាក់ថា Borna Coric ធ្លាប់មានចំណាត់ថ្នាក់ពិភពលោកល្អបំផុតលេខ ១២ តែក៏បានអវត្តមានមួយឆ្នាំពេញដោយសាររបួសស្មា និងទើបតែវិលចូលប្រកួតវិញកាលពីខែមិនាប៉ុណ្ណោះ៕អត្ថបទ៖នាង សុភាវុធ

ទើបផ្លាស់ពី PSG ទៅ Roma បានពីរសប្តាហ៍ Wijnaldum បាក់ជើងពេលហ្វឹកហាត់ប្រឈមអវត្តមានពី World Cup

បាល់ទាត់៖ ខ្សែបម្រើនៃក្លិបអ៊ីតាលី AS Roma, Georginio Wijnaldum បានរងរបួសរហូតបាក់ជើងអំឡុងការហ្វឹកហាត់កាលពីថ្ងៃអាទិត្យ ធ្វើឱ្យអតីតកីឡាកររបស់ Liverpool រូបនេះប្រឈមនឹងអវត្តមានពី World Cup។ ខ្សែបម្រើហូឡង់វ័យ ៣១ឆ្នាំរូបនេះទើបតែចូលរួមជាមួយ AS Roma ពីរសប្តាហ៍មុនប៉ុណ្ណោះក្រោយផ្លាស់ពីក្លិបបារាំង Paris Saint Germain។ក្លិបនៅ Serie A មួយនេះបានបញ្ជាក់ពីរបួសជើងឆ្វេងរបស់ Wijnaldum តែមិនបានបញ្ជាក់ថានឹងត្រូវអវត្តមានរយៈពេលយូរកម្រិតណាឡើយ ខណៈក្រុមគ្រូពេទ្យនៅបន្តតាមដានស្ថានភាពរបួសនៅឡើយ។ Georginio Wijnaldum គឺជាសមាជិកឈ្នះជើងឯក English Premier League និង UEFA Champions League ជាមួយហង្សក្រហម Liverpool មុនពេលផ្លាស់ទៅកាន់ Paris Saint Germain។ កីឡាករដែលមានដើមកំណើតនៅទីក្រុង Rotterdam ប្រទេសហូឡង់រូបនេះធ្លាប់បង្ហាញខ្លួនឱ្យក្រុមជំរើសជាតិហូឡង់បាន ៨៦លើក។ ក្រុមហូឡង់ស្ថិតក្នុងពូល A នៅ World Cup 2022 ប្រទេសកាតាឆ្នាំនេះជាមួយក្រុមម្ចាស់ផ្ទះកាតា សេណេហ្កាល់ និងអេក្វាដ័រ៕អត្ថបទ៖នាង សុភាវុធ

Jamie Vardy មិនទៅណាពី Leicester ក្រោយបន្តកិច្ចសន្យា ២ឆ្នាំបន្ថែម

បាល់ទាត់៖ ខ្សែប្រយុទ្ធវ័យចំណាស់អង់គ្លេស Jamie Vardy បានសំរេចបន្តកិច្ចសន្យាពីរឆ្នាំបន្ថែមបន្តរួមរស់ជាមួយ Leicester City រហូតដល់ឆ្នាំ២០២៤។ កីឡាករវ័យ ៣៥ឆ្នាំរូបនេះបានស្នាក់នៅ Leicester City អស់រយៈពេល ១០ឆ្នាំមកហើយ និងបានស៊ុតបញ្ចូលទីសរុប ១៣៣គ្រាប់ក្នុងការបង្ហាញខ្លួនសរុប ២៧២ប្រកួត។ កាលពីរដូវកាល ២០១៥-២០១៦ Jamie Vardy ស៊ុតបញ្ចូលទីបាន ២៤គ្រាប់ក្នុងមួយរដូវកាលជួយឱ្យ Leicester City ឈ្នះជើងឯក English Premier League គួរឱ្យភ្ញាក់ផ្អើល បូករួមទាំងឈ្នះជើងឯក FA Cup និងបង្ហាញខ្លួននៅ UEFA Champions League លើកដំបូងនៅពេលនោះតាំងពីផ្លាស់ពីក្លិបពាក់កណ្តាលអាជីព Fleetwood នៅឆ្នាំ២០១២។ កិច្ចសន្យាចាស់របស់ Vardy គ្រោងនឹងអស់សុពលភាពនៅឆ្នាំ២០២៣ និងធ្លាប់មានទំនាក់ទំនងផ្ទេរទៅកាន់ Manchester United ផងដែរក្នុងរយៈពេលនៃការដូរដោះកីឡាករនៅពេលនេះ។Jamie Vardy ធ្លាប់ឈ្នះជ័យលាភីស្បែកជើងមាសកាលពីរដូវកាល ២០១៩-២០ ក្រោយស៊ុតបាន ២៣គ្រាប់ និងរកបាន ៧គ្រាប់ផងដែរក្នុងការបង្ហាញខ្លួន ២៦លើកឱ្យក្រុមជំរើសជាតិអង់គ្លេស។ យ៉ាងណាក្តី Leicester City ចាប់ផ្តើមរដូវកាលថ្មីនេះមិនបានល្អឡើយក្រោយលេង ៣ប្រកួតរកបានតែ ១ពិន្ទុបន្ទាប់ពីប្រកួតចុងក្រោយចាញ់ Southampton ១-២ ក្នុងទឹកដីខ្លួនឯង៕អត្ថបទ៖នាង សុភាវុធ

Antony មិនមានវត្តមានពេល Ajax ឈ្នះយប់មិញរំពឹងផ្លាស់មកកាន់ Manchester United

បាល់ទាត់៖ ក្រុមការពារតំណែងជើងឯកលីគកំពូលហូឡង់ Ajax Amsterdam បានបន្តការចាប់ផ្តើមរដូវកាលថ្មីល្អឥតខ្ចោះរបស់ខ្លួនជាមួយនឹងជ័យជំនះ ១-០ នៅទឹកដី Sparta Rotterdam ក្នុងសប្តាហ៍ទី៣។ គេមិនឃើញមានវត្តមានខ្សែប្រយុទ្ធប្រេស៊ីល Antony ក្នុងបញ្ជីកីឡាកររបស់ក្លិបឡើយ ខណៈគេរំពឹងថាកីឡាករវ័យ ២២ឆ្នាំរូបនេះអាចនឹងផ្លាស់មកកាន់ Manchester United ក្នុងសប្តាហ៍នេះ។ គ្រូបង្វឹក Ajax លោក Alfred Schreuder បានបញ្ជាក់មុនការប្រកួតថា Antony មិនស្ថិតក្នុងគំរោងរបស់លោកឡើយសំរាប់ការប្រកួតយប់មិញ តែមិនបានលំអិតពីមូលហេតុអ្វីនោះឡើយ។ ជ័យជំនះរបស់ Ajax យប់មិញសំរេចបានដោយគ្រាប់បាល់របស់អតីតកីឡាកររបស់ Spurs, Steven Bergwijn នៅនាទីទី៣៧។ បីពិន្ទុនេះធ្វើឱ្យ Ajax បន្តការនាំមុខគេក្នុងតារាងលីគកំពូលហូឡង់ក្រោយលេងបាន ៣សប្តាហ៍មាន ៩ពិន្ទុពេញ និងបន្តស្ថិតិឈ្នះលើ Sparta Rotterdam ដល់ ១២ប្រកួត៕អត្ថបទ៖នាង សុភាវុធ

កីឡាករអៀកឡង់ Sam Bennett ឈ្នះពីរដំណាក់កាលជាប់គ្នានៅ Vuelta a Espana

ប្រណាំងកង់៖ កីឡាករមកពីសាធារណរដ្ឋអៀកឡង់ Sam Bennett បានប្រជែងឈ្នះដំណាក់កាលទី៣ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana ដែលជាជ័យជំនះពីរដំណាក់កាលជាប់គ្នា។ ដំណាក់កាលទី៣ មានចំងាយផ្លូវ ១៩៣.២គីឡូម៉ែត្រដែលការប្រកួតស្ថិតនៅលើទឹកដីហូឡង់នៅឡើយនោះ កីឡាកររបស់ក្រុមប្រណាំង Bora-Hansgrohe រូបនេះបានមកដល់ទីព្រ័ត្រមុនគេប្រើពេល ៤ម៉ោង ៥នាទី ៥៣វិនាទី តាមពីក្រោយដោយកីឡាករពីររូបស្ថិតក្នុងថេរវេលាដូចគ្នារួមមានកីឡាករដាណឹម៉ាក Mads Pedersen របស់ក្រុម Trek-Segafredo និងលេខ៣ កីឡាករអង់គ្លេស Daniel McLay របស់ក្រុម Arkea-Samsic។យ៉ាងណាក្តីជ័យជំនះរបស់ Sam Bennett មិនបានរំខានការនាំមុខរួមរបស់កីឡាករអ៊ីតាលី Edoardo Affini ឡើយដោយកីឡាកររបស់ក្រុម Jumbo-Visma រូបនេះបន្តនាំមុខក្នុងថេរវេលា ៨ម៉ោង ២០នាទី ៧វិនាទី តាមពីក្រោយ កីឡាករហូឡង់ Sam Oomen និងអ្នកការពារតំណែងជើងឯក Primoz Roglic។ សំរាប់ដំណាក់កាលទី៤ Vuelta a Espana នឹងធ្វើដំណើរក្នុងប្រទេសអេស្ប៉ាញវិញលើចំងាយផ្លូវ ១៥៣.៥គីឡូម៉ែត្រនៅថ្ងៃស្អែក ខណៈថ្ងៃនេះមិនមានការប្រកួតឡើយ៕អត្ថបទ៖នាង សុភាវុធ

ក្រុមកីឡាតេន្នីសគ្រីឃីតកម្ពុជាប្រកួតមិត្តភាព និងដកស្រង់បច្ចេកទេសជាមួយក្រុមខ្លាំងឥណ្ឌា

តេន្នីសគ្រីឃីត៖ ក្រុមកីឡាតេន្នីសគ្រីឃីត នៃសមាគមកីឡាគ្រីឃីតកម្ពុជាកាលពីចុងសប្ដាហ៍កន្លងទៅ បានធ្វើការប្រកួតមិត្តភាពអន្ដរជាតិជាមួយក្រុមខ្លាំងឥណ្ឌា នៅកីឡដ្ឋានខេត្តកណ្ដាលដែលការប្រកួតមានរយៈពេល ២ថ្ងៃនៅថ្ងៃទី២០ និងថ្ងៃទី២១ ខែសីហា ឆ្នាំ២០២២ ដោយមានការចូលរួមពីឯកឧត្តម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងមន្ដ្រីស្ថានទូតឥណ្ឌាប្រចាំនៅកម្ពុជាទៀតផង។ លោក សេន វិទ្យា ប្រធានសមាគមកីឡាគ្រីឃីតកម្ពុជាបានឲ្យដឹងថា ដោយសារសមាគមមានទំនាក់ទំនងល្អជាមួយសហព័ន្ធកីឡាតេន្នីសគ្រីឃីតឥណ្ឌា ក៏ដូចជាសហព័ន្ធកីឡាតេន្នីសគ្រីឃីតអន្ដរជាតិ ទើបជំរុញឲ្យមានជំនួបមិត្តភាពអន្ដរជាតិនេះឡើងជាមួយក្រុមកីឡាតេន្នីសគ្រីឃីតឥណ្ឌា ដែលជាក្រុមដ៏ខ្លាំងមួយលើពិភពលោក។ លោកបានចាត់ទុកនេះគឺជាការប្រកួតដកស្រង់បទពិសោធន៍ និងបច្ចេកទេសដ៏ល្អដើម្បីជំរុញការអភិវឌ្ឍវិស័យកីឡាគ្រីឃីតកម្ពុជា។ លោក Kanhiya Gurjar ប្រធានសហព័ន្ធកីឡាតេន្នីសគ្រីឃីតឥណ្ឌា ដែលបានដឹកនាំក្រុមកីឡាតេន្នីសគ្រីឃីតឥណ្ឌា មកប្រកួតមិត្តភាពជាមួយក្រុមកម្ពុជា បានបង្ហាញនូវសេចក្ដីរីករាយក្នុងការសហការជាមួយសមាគមកីឡាគ្រីឃីតកម្ពុជា ដើម្បីរៀបចំកម្មវិធីផ្សេងៗ ហើយលោកបានប្ដេជ្ញាជំរុញឲ្យមានការប្រកួតជាបន្ដបន្ទាប់ និងកាន់តែល្អប្រសើរថែមទៀត ដើម្បីរួមចំណែកអភិវឌ្ឍន៍វិស័យកីឡាគ្រីឃីតនៅកម្ពុជា ពិសេសផ្នែកកីឡាតេន្នីសគ្រីឃីតប៉ារ៉ាឡាំពិកតែម្ដង។ទន្ទឹមជាមួយគ្នាលោក ឃិត ឈឿន ម្ចាស់ផ្សារ KC ដែលបានចូលរួមឧបត្ថម្ភដល់ការប្រកួតមិត្តភាពអន្ដរជាតិនេះ បានសម្ដែងនូវសេចក្ដីរីករាយដែលបានរួមចំណែកអភិវឌ្ឍន៍វិស័យកីឡាជាតិ ពិសេសកីឡាគ្រីឃីត ជាក់ស្ដែងលោកក៏បានបរិច្ចាគដីជាង ៤ហិចតាស្ថិតនៅឃុំព្រះខែ ស្រុកបរសេដ្ឋ ខេត្តកំពង់ស្ពឺ ដល់សមាគមកីឡាគ្រីឃីតកម្ពុជា សម្រាប់ធ្វើទីលានស្ដង់ដារបម្រើឲ្យការហ្វឹកហាត់ បណ្ដុះបណ្ដាល និងអភិវឌ្ឍន៍វិស័យកីឡានេះផងដែរ។ សូមបញ្ជាក់ថា ក្នុងការប្រកួតមិត្តភាពអន្ដរជាតិនេះដែរ ក្រុមកីឡាតេន្នីសគ្រីឃីតឥណ្ឌាដែលជាក្រុមខ្លាំងលំដាប់ពិភពលោក គឺបានទទួលជ័យជម្នះលើក្រុមកីឡាតេន្នីសគ្រីឃីតកម្ពុជា។ ពិធីប្រគល់ពាននេះបានធ្វើឡើងក្រោមវត្តមានឯកឧត្តម យី វាសនា ក៏ដូចជាផ្ដល់លិខិតបញ្ជាក់ដល់កីឡាករល្អៗប្រចាំការប្រកួតនេះផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ស្រួង ភាវី ប្ដេជ្ញាខំប្រឹងហាត់កាន់តែខ្លាំងដើម្បីត្រៀមប្រជែងមេដាយស៊ីហ្គេមឆ្នាំ២០២៣

ម្ចាស់មេដាយសំរឹទ្ធស៊ីហ្គេម ២រូបនឹងចេញទៅប្រកួតអន្ដរជាតិនៅសិង្ហបុរីនាខែក្រោយ

Francesco Bagnaia ឈ្នះការប្រណាំងម៉ូតូ GP នៅអូទ្រីសជាជ័យជំនះលើកទី៣ រដូវកាលនេះ

Sadio Mane រកបានពីរគ្រាប់ ខណៈ Bayern Munich បំបាក់ម្ចាស់ផ្ទះ Bochum ៧-០

Borna Coric និង Caroline Garcia បង្កើតប្រវត្តិសាស្ត្រក្រោយឈ្នះជើងឯកវាយកូនបាល់ Cincinnati Open

ទើបផ្លាស់ពី PSG ទៅ Roma បានពីរសប្តាហ៍ Wijnaldum បាក់ជើងពេលហ្វឹកហាត់ប្រឈមអវត្តមានពី World Cup

Jamie Vardy មិនទៅណាពី Leicester ក្រោយបន្តកិច្ចសន្យា ២ឆ្នាំបន្ថែម

Antony មិនមានវត្តមានពេល Ajax ឈ្នះយប់មិញរំពឹងផ្លាស់មកកាន់ Manchester United

កីឡាករអៀកឡង់ Sam Bennett ឈ្នះពីរដំណាក់កាលជាប់គ្នានៅ Vuelta a Espana

ក្រុមកីឡាតេន្នីសគ្រីឃីតកម្ពុជាប្រកួតមិត្តភាព និងដកស្រង់បច្ចេកទេសជាមួយក្រុមខ្លាំងឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ស្រួ​ង ភា​វី ប្ដេជ្ញា​ខំប្រឹង​ហាត់​កាន់តែខ្លាំងដើម្បី​ត្រៀម​ប្រជែង​មេដាយ​ស៊ី​ហ្គេមឆ្នាំ​២០២៣

ម្ចាស់​មេដាយ​សំរឹទ្ធ​ស៊ី​ហ្គេម ២​រូប​នឹង​ចេញទៅ​ប្រកួត​អន្ដរជាតិ​នៅ​សិង្ហ​បុរី​នា​ខែក្រោយ​

Francesco Bagnaia ឈ្នះ​ការប្រណាំង​ម៉ូតូ GP នៅ​អូទ្រីស​ជា​ជ័យជំនះ​លើក​ទី៣ រដូវ​កាល​នេះ​

Sadio Mane រកបាន​ពីរ​គ្រាប់​ ខណៈ Bayern Munich បំបាក់​ម្ចាស់ផ្ទះ Bochum ៧-០

Borna Coric និង Caroline Garcia បង្កើត​ប្រវត្តិសាស្ត្រ​ក្រោយ​ឈ្នះ​ជើងឯក​វាយ​កូន​បាល់ Cincinnati Open

ទើប​ផ្លាស់​ពី PSG ទៅ Roma បាន​ពីរ​សប្តាហ៍ Wijnaldum បាក់​ជើងពេល​ហ្វឹកហាត់​ប្រឈម​អវត្តមាន​ពី World Cup

Jamie Vardy មិន​ទៅណា​ពី Leicester ក្រោយ​បន្ត​កិច្ចសន្យា ២ឆ្នាំ​បន្ថែម

Antony មិនមាន​វត្តមាន​ពេល Ajax ឈ្នះ​យប់មិញ​រំពឹង​ផ្លាស់​មកកាន់ Manchester United

កីឡាករ​អៀក​ឡង់ Sam Bennett ឈ្នះ​ពីរ​ដំណាក់កាល​ជាប់​គ្នា​នៅ Vuelta a Espana

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្រួង ភាវី ប្ដេជ្ញាខំប្រឹងហាត់កាន់តែខ្លាំងដើម្បីត្រៀមប្រជែងមេដាយស៊ីហ្គេមឆ្នាំ២០២៣

ម្ចាស់មេដាយសំរឹទ្ធស៊ីហ្គេម ២រូបនឹងចេញទៅប្រកួតអន្ដរជាតិនៅសិង្ហបុរីនាខែក្រោយ

Francesco Bagnaia ឈ្នះការប្រណាំងម៉ូតូ GP នៅអូទ្រីសជាជ័យជំនះលើកទី៣ រដូវកាលនេះ

Sadio Mane រកបានពីរគ្រាប់ ខណៈ Bayern Munich បំបាក់ម្ចាស់ផ្ទះ Bochum ៧-០

Borna Coric និង Caroline Garcia បង្កើតប្រវត្តិសាស្ត្រក្រោយឈ្នះជើងឯកវាយកូនបាល់ Cincinnati Open

ទើបផ្លាស់ពី PSG ទៅ Roma បានពីរសប្តាហ៍ Wijnaldum បាក់ជើងពេលហ្វឹកហាត់ប្រឈមអវត្តមានពី World Cup

Jamie Vardy មិនទៅណាពី Leicester ក្រោយបន្តកិច្ចសន្យា ២ឆ្នាំបន្ថែម

Antony មិនមានវត្តមានពេល Ajax ឈ្នះយប់មិញរំពឹងផ្លាស់មកកាន់ Manchester United

កីឡាករអៀកឡង់ Sam Bennett ឈ្នះពីរដំណាក់កាលជាប់គ្នានៅ Vuelta a Espana