BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

គុនខ្មែរធ្វើឲ្យពិភពលោកភ្ញាក់ផ្អើលក្រោយឈ្នះមេដាយមាស ៧គ្រឿងនៃព្រឹត្តិការណ៍ Grand Slam Tournament នៅម៉ាឡេស៊ី

គុនខ្មែរ៖ ក្រុមកីឡាប្រដាល់គុនខ្មែរជម្រើសជាតិកម្ពុជា បានត្រឡប់មកមាតុភូមិវិញហើយកាលពីចុងសប្ដាហ៍កន្លងទៅ ក្រោយសម្រេចជោគជ័យយ៉ាងត្រចះត្រចង់ក្នុងព្រឹត្តិការណ៍កីឡាប្រដាល់អន្ដរជាតិ IFMA Grand Slam tournament 2022 នៅប្រទេសម៉ាឡេស៊ី ដែលធ្វើឲ្យពិភពលោកមានការភ្ញាក់ផ្អើល ក្រោយអ្នកលេងគុនខ្មែរដណ្ដើមបានមេដាយមាស ៧គ្រឿង, ខ្សែក្រវាត់ ២ និងពាន ១ ពីព្រឹត្តិការណ៍អន្ដរជាតិនេះ។ ដំណើរមាតុភូមិនិវត្តន៍របស់ប្រតិភូ និងក្រុមជម្រើសជាតិប្រដាល់គុនខ្មែរនេះ គេឃើញមានថ្នាក់ដឹកនាំជាច្រើន អញ្ជើញទទួលស្វាគមន៍ដូចជាឯកឧត្តម សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា, ឯកឧត្តម តែម ម៉ឺន ប្រធានសហព័ន្ធកីឡាប្រដាល់គុនខ្មែរ និងឯកឩត្តម វ៉ា ស៊ិនភីរម្យ ទីប្រឹក្សារជាន់ខ្ពស់គណៈកម្មាធិការជាតិអូឡាំពិកកម្ពុជាទទួលបន្ទុកបេសកកម្មពិសេស និងជាអនុប្រធានទី១ សហព័ន្ធកីឡាប្រដាល់គុនខ្មែរ ព្រមទាំងមន្ដ្រីថ្នាក់ដឹកនាំកីឡា និងអ្នកគាំទ្រជាច្រើនទៀត។ ឯកឧត្តម តែម ម៉ឺន បានសម្ដែងការអបអរសាទរ កោតសរសើរ និងវាយតម្លៃខ្ពស់ចំពោះសមិទ្ធផលក្នុងបេសកកម្មលើកនេះ ដោយឯកឧត្តមបានចាត់ទុកជោគជ័យនេះគឺជាសញ្ញាណវិជ្ជមាន ក្នុងផែនការយុទ្ធសាស្ដ្រ ក៏ដូចជាការត្រៀមលក្ខណៈឆ្ពោះទៅស៊ីហ្គេមឆ្នាំ២០២៣។ ហើយសហព័ន្ធនឹងបន្ដរៀបចំ និងចូលរួមការប្រកួតផ្សេងៗទៀត ដើម្បីពង្រឹងសមត្ថភាពកីឡាករគុនខ្មែរឲ្យកាន់តែខ្លាំង មុនព្រឹត្តិការណ៍ស៊ីហ្គេមមកដល់។ដោយឡែកឯកឧត្តម ហេង សុខឃន អគ្គលេខាធិការសហព័ន្ធ ដែលបានចូលរួមផ្ទាល់ក្នុងព្រឹត្តិការណ៍នេះ បានបង្ហាញនូវមោទនភាពចំពោះការខិតខំប្រឹងប្រែងរបស់កីឡាករ-កីឡាការិនីគុនខ្មែររហូតសម្រេចបានជោគជ័យលើសពីការរំពឹង ពិសេសបានធ្វើឲ្យពិភពលោកភ្ញាក់ផ្អើល ចំពោះភាពខ្លាំងរបស់កីឡាករគុនខ្មែរ និងបានធ្វើឲ្យពិភពលោកស្គាល់កាន់តែច្បាស់ពីក្បាច់គុនបុរាណខ្មែរ រហូតមានការចាប់អារម្មណ៍ និងស្នើឲ្យមានការផ្លាស់ប្ដូរកីឡាករ ក៏ដូចជាការប្រកួតរវាងកម្ពុជា និងបណ្ដាប្រទេសចូលរួមទៀតផង។ សូមបញ្ជាក់ថា អ្នកលេងគុនខ្មែរដែលដណ្ដើមបានមេដាយមាសជូនជាតិពីព្រឹត្តិការណ៍អន្ដរជាតិនេះ រួមមានកីឡាករ ឈឿង ល្វៃ, ខាំ ខ្លានាង, ភួង ឡាំងកូស៊ិន, រិន ដេវីត, ស៊ន រ៉ាគីម និងកីឡាករ ផុន ពិសិដ្ឋ ដែលធ្វើឲ្យកម្ពុជាឈរចំណាត់ថ្នាក់លេខ១ ដែលដណ្ដើមបានមេដាយសរុប ៧គ្រឿង រួមជាមួយខ្សែក្រវាត់ ២ និងពាន ១។ ក្នុងនោះកីឡាករ រិន ដេវីត ក៏ទទួលបានឱកាសចូលរួមប្រកួតខ្សែក្រវាត់ អមប្រាក់រង្វាន់ ១ម៉ឺនដុល្លារនាចុងឆ្នាំ២០២២ នេះ បន្ទាប់ពីប្រកួតឈ្នះកីឡាករម្ចាស់ផ្ទះម៉ាឡេស៊ីក្នុងព្រឹត្តិការណ៍ IFMA Grand Slam tournament 2022 នេះផងដែរ៕អត្ថបទ៖ លី ឈុនឡា

ធន់ ផានិត បំបាក់ខ្លាចាស់ ទួនប៉េ យកបីពិន្ទុ ខណៈ ផាន ផាន់ណាត់ ស្គាល់ជ័យជំនះដំបូង

គ្រុនខ្មែរ៖ ព្រឹត្តិការណ៍ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ លើប្រភេទទំងន់ ៦០គីឡូក្រាមបានបញ្ចប់សប្តាហ៍ទី៦ ជុំទី៣ ហើយនៅថ្ងៃអាទិត្យម្សិលមិញនេះ។ មិនខុសពីរាល់សប្តាហ៍ សង្វៀនប្រដាល់ស្ទូឌីយោស្ទឹងមានជ័យពេញដោយទស្សនិកជន ដើម្បីចូលរួមលើកទឹកចិត្តគាំទ្រកីឡាករគុនខ្មែរក្នុងការប្រជែងខ្សែក្រវាត់រដូវកាលនេះ។ កីឡាករ ធន់ ផានិត មិនធ្វើឱ្យអ្នកគាំទ្រខកបំណងឡើយ ក្រោយដេញវាយខ្លាចាស់ ទួនប៉េ ស៊ីតសាមផាយ៉ាក ពេញប្រាំទឹកដើម្បីបីពិន្ទុដ៏មានសារៈសំខាន់។ កូនសិស្សរបស់លោក ធន់ សុភា រូបនេះបានប្រើជើងទាត់ និងបោះជង្គង់ បូករួមទាំងការចេញកែងដ៏មានប្រសិទ្ធភាពទៅលើកីឡាករវ័យចាស់វាយមិនចេះឈឺ ទួនប៉េ ធ្វើឱ្យចៅក្រមទាំង ៥ សំរេចឱ្យ ធន់ ផានិត ឈ្នះដោយឯកច្ឆន្ទ ៥-០។ បីពិន្ទុនេះក៏បានធានាឱ្យ ធន់ ផានិត មានមុខនៅវគ្គពាក់កណ្តាលផ្តាច់ព្រ័ត្រផងដែរ ខណៈកីឡាករថៃ ទួនប៉េ ក៏មានភាគរយខ្ពស់ឈានទៅជុំបន្តដែរបើទោះជាចាស់ប្រកួតនេះ។ ងាកមកមួយទៀត ផាន ផាន់ណាត់ ដែលអស់ឱកាសទៅវគ្គបន្តទៅហើយនោះ ក៏មិនបានធ្វើឱ្យទស្សនិកជនខកបំណងដែរក្រោយយកឈ្នះកីឡាករថៃដែលអស់ឱកាសដូចគ្នា ផេតម៉េតម៉ៃ ស៊ីតណងឡេក ដោយពិន្ទុ។ មិនខុសពីគូ ធន់ ផានិត និងទួនប៉េឡើយ កូនសិស្សរបស់លោកគ្រូហង្សស៊ឺនបានដេញវាយពេញប្រាំទឹក ខណៈ ផេតម៉េតម៉ៃ ក៏មិនឱ្យ ផាន់ណាត់ វាយស្រួលៗដែរ។ ព្រឹត្តិការណ៍ប្រដាល់គុខខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ លើប្រភេទទំងន់ ៦០គីឡូក្រាមនេះនឹងឈានដល់ជុំចុងក្រោយនៃវគ្គវិលជុំក្នុងពូលថ្ងៃទី៤ ខែកញ្ញាខាងមុខដែលរួមមានជំនួបរវាង ជ័រ ពៅ និងទួនប៉េស៊ីតសាមផាយ៉ាក និង ពេជ្រ សម្បត្តិ ជួបជាមួយ ផេតម៉េតម៉ៃ ស៊ីតណងឡេក៕អត្ថបទ៖នាង សុភាវុធ

អ្នកប្រដាល់គុនខ្មែរនឹងត្រឡប់មកដល់កម្ពុជាវិញយប់នេះ ក្រោយឈ្នះមេដាយមាស ៧ និងខ្សែក្រវាត់២ នៅម៉ាឡេស៊ី

ភ្នំពេញ៖ ក្រុមកីឡាប្រដាល់គុនខ្មែរជម្រើសជាតិកម្ពុជា នឹងត្រឡប់មកមាតុភូមិវិញ នារាត្រីថ្ងៃទី២០ ខែសីហានេះ ក្រោយដណ្ដើមបានមេដាយមាស ៧គ្រឿង ខ្សែក្រវាត់ ២គ្រឿង និងពាន ១ នៅក្នុងការប្រកួតកីឡាប្រដាល់អន្ដរជាតិ នៅប្រទេសម៉ាឡេស៊ី ។ឯកឧត្តម ហេង សុខឃន អគ្គលេខាធិការសហព័ន្ធកីឡាប្រដាល់គុនខ្មែរ បានបញ្ជាក់ថា ព្រឹត្តិការណ៍អន្ដរជាតិនេះ ធ្វើឡើងជាង ១០ថ្ងៃ ចាប់ពីថ្ងៃទី០៩ ដល់ថ្ងៃទី២១ ខែសីហា ដោយមានអត្តពលិកមកពី ១១០ប្រទេសចូលរួម ក្នុងនោះក៏មានអ្នកលេងគុនខ្មែរ ៨រូបផងដែរ ។ឯកឧត្តម បន្ដថា តាមរយៈការដណ្ដើមបានមេដាយមាស ៧គ្រឿង ខ្សែក្រវាត់ ២គ្រឿង និងពាន ១ មួយនេះ គឺជាជោគជ័យមួយដ៏ធំ សម្រាប់ក្រុមជម្រើសជាតិកីឡាប្រដាល់គុនខ្មែរ និងបានផ្សព្វផ្សាយពីភាពខ្លាំង នៃប្រភេទកីឡាអត្តសញ្ញាណជាតិមួយនេះ ទៅកាន់ឆាកអន្ដរជាតិផងដែរ ។ ចំពោះកីឡាករដណ្ដើមបានមេដាយមាសជូនជាតិ ក្នុងព្រឹត្តិការណ៍កីឡាប្រដាល់អន្ដរជាតិនេះ រួមមានកីឡាករ ផុន ពិសិដ្ឋ, កីឡាករ ខាំ ខ្លានាង, ភួង ឡាំងកូស៊ិន, រិន ដេវិត, ស៊ន រ៉ាគីម និងកីឡាករ ឈឿង ល្វៃ ៕អត្ថបទ៖ លី ឈុនឡា

មិនទាន់ឈប់ទិញទេ Nottingham Forest ព្រមព្រៀងតម្លៃ ២៥លានផោនទៀតទិញខ្សែបម្រើ Wolves

បាល់ទាត់៖ ក្រុមឡើងថ្មី Nottingham Forest មិនទាន់បិទបញ្ចប់ការនាំចូលកីឡាករថ្មីឡើយ បន្ទាប់ពីថ្ងៃព្រហស្បតិ៍ម្សិលមិញនេះបានឈានដល់កិច្ចព្រមព្រៀងតម្លៃ ២៥លានផោនក្នុងការនាំយកខ្សែបម្រើ Wolves, Morgan Gibbs-White។ កីឡាករវ័យ ២២ឆ្នាំរូបនេះនឹងក្លាយជាកីឡាករថ្មីទី១៦ ដែលផ្លាស់មកកាន់ Nottingham Forest រដូវកាលថ្មីនេះ។ តាមពិតទៅ Nottingham បានព្យាយាមចរចាយក Gibbs-White យូរមកហើយតែអ្វីៗមិនសំរេចតាមការគ្រោងទុក។ Morgan Gibbs-White គឺជាកីឡាករដែលចេញពីយុវជនថ្នាលរបស់ Wolves ស្រាប់ និងជាជម្រើសដំបូងរបស់លោក Bruno Lage រដូវកាលថ្មីនេះដោយចាប់ផ្តើម ១១នាក់ដំបូងទាំងពីរប្រកួតនៅ EPL។ Forest នឹងត្រូវចំណាយលុយ ២៥លានផោនទៅឱ្យ Wolves បូករួមទាំងប្រាក់បន្ថែមផ្សេងៗទៀតប្រមាណ ១៧លានផោនអាស្រ័យទៅលើទំរង់លេងរបស់ Gibbs-White ពេលមកដល់ Forest។Nottingham Forest បានចាប់អារម្មណ៍លើ Gibbs-White ដែលធ្លាប់ជាកីឡាករជម្រើសជាតិអង់គ្លេសអាយុក្រោម ២១ឆ្នាំ ១០លើករូបនេះនៅពេលគេចំនាយពេលជាកីឡាករខ្ចីជើងនៅ Sheffield United រដូវកាលមុន។ Nottingham Forest ចាប់ផ្តើមរដូវកាលថ្មី English Premier League ជាមួយនឹងជ័យជំនះ ១ប្រកួត បរាជ័យ ១ប្រកួត ខណៈប្រកួតទី៣ នឹងត្រូវធ្វើដំណើរទៅទឹកដី Everton ថ្ងៃសៅរ៍នេះ៕អត្ថបទ៖នាង សុភាវុធ

Rafael Nadal ចាញ់ប្រកួតដំបូងក្រោយជាពីរបួស

វាយកូនបាល់៖ កីឡាករវាយកូនបាល់កំពូលរបស់អេស្ប៉ាញ Rafael Nadal ទើបតែជាពីរបួសតាំងពីដកខ្លួនពីវគ្គពាក់កណ្តាលផ្តាច់ព្រ័ត្រ Wimbledon ហើយក៏រងបរាជ័យតែម្តងនៅពេលជួបជាមួយកីឡាករក្រូអាស៊ី Borna Coric នៅកម្មវិធី Cincinnati Open។ កីឡាករវ័យ ៣៦ឆ្នាំរូបនេះបានរងបរាជ័យដោយលទ្ធផលតានតឹង ៧-៦(៩-៧) ៤-៦ និង ៦-៣ ក្រោមស្នាដៃកីឡាករលំដាប់លេខ ១៥២ ពិភពលោកបច្ចុប្បន្ន Borna Coric។ រំលឹកថា Rafael Nadal បានចំនាយពេល ៦សប្តាហ៍ដើម្បីសម្រាកព្យាបាលរបួសរបស់ខ្លួន តែការវិលត្រលប់មកនេះបានត្រឹមបរាជ័យ ដែលការប្រកួតមួយដើម្បីត្រៀមលក្ខណៈសំរាប់ព្រឹត្តិការណ៍ Grand Slam, US Open ដែលនឹងចាប់ផ្តើមថ្ងៃទី២៩ ខែសីហានេះ។ ងាកមកលទ្ធផលគូផ្សេងទៀត កីឡាករលេខ ១ ពិភពលោក Daniil Medvedev បានយកឈ្នះកីឡាករកាណាដា Danis Shapovalov ដោយលទ្ធផល ៧-៥ និង ៧-៥។ កីឡាកររុស្ស៊ី Daniil Medvedev មុនមកដល់កម្មវិធីនេះ ទើបតែបរាជ័យនៅកម្មវិធី Canadian Masters ជុំដំបូង។វគ្គ ៨នាក់ចុងក្រោយ Cincinnati Open នេះ Daniil Medvedev នឹងបន្តជួបជាមួយកីឡាករម្ចាស់ផ្ទះអាមេរិក Taylor Fritz។ ចំណែកឯផ្នែកនារីកីឡាការិនីលេខ ១ ពិភពលោក Iga Swiatek បានធ្លាក់ចេញពីកម្មវិធីហើយក្រោយចាញ់កីឡាការិនីម្ចាស់ផ្ទះអាមេរិក Madison Keys ៦-៣ និង ៦-៤។ ជ័យជំនះរបស់ Madison Keys មិនត្រឹមធ្វើឱ្យនាងបានឡើងជុំបន្តនោះទេ តែវាជារឿងខកបំណងមួយសំរាប់ Iga Swiatek ដែលស្គាល់បរាជ័យដំបូងក្រោយឈ្នះជាប់គ្នា ៥០ប្រកួតរួចមកហើយ។ Madison Keys ដែលធ្លាប់ឈ្នះជើងឯកនៅទីនេះកាលពីឆ្នាំ២០១៩ នឹងបន្តជួបជាមួយកីឡាការិនីជើងឯក Wimbledon, Elena Rybakina៕អត្ថបទ៖នាង សុភាវុធ

Vissel Kobe និង Jeonbuk ឡើងវគ្គ ៨ក្រុមចុងក្រោយ AFC Champions League

បាល់ទាត់៖ ក្លិបជប៉ុន Vissel Kobe បានកក់កៅអីនៅវគ្គ ៨ក្រុមចុងក្រោយនៃក្របខណ្ឌក្លិបកំពូលអាស៊ី AFC Champions League ហើយក្រោយយកឈ្នះក្រុមរួមលីគជប៉ុន Yokohama F.Marinos ៣-២។ ការប្រកួតនៅកីឡដ្ឋាន World Cup, Saitama ក្រុម Vissel Kobe បានបើកការនាំមុខនៅនាទីទី៧ ដោយ Nanasei Iino តែក៏ត្រូវ Yokohama តាមស្មើវិញពីរនាទីបន្ទាប់ដោយ Takuma Nishimura។ ក្រោយមក Vissel ក៏មានឱកាសនាំមុខសាជាថ្មីដោយបាល់ពិន័យ ១១ម៉ែត្ររបស់ Daiju Sasaki បន្ទាប់ពីកំហុសបាល់ប៉ះដៃរបស់ Yuki Saneto។ ឈានដល់វគ្គទី២ ហើយការប្រកួតនៅសល់តែ ១០នាទី Vissel Kobe កាន់តែកក់ក្តៅនៅពេល Yutaro Oda បន្ថែមការនាំមុខ ៣-១ មុនពេលដែល Yokohama តបបានមួយគ្រាប់វិញដោយ Anderson Lopes នាទីទី៨៩។ Vissel Kobe ដែលបច្ចុប្បន្នកំពុងឈរលេខ៣ រាប់ពីបាតតារាងមកវិញនៅលីគកំពូលជប៉ុនត្រូវឡើងវគ្គ ៨ក្រុមចុងក្រោយ ខណៈ Yokohama ខកខានឡើងវគ្គ ៨ក្រុមចុងក្រោយ ACL ពីរដូវកាលជាប់គ្នា។ងាកមកមួយប្រកួតទៀតក្រុមកូរ៉េ Jeonbuk Motors បានបន្តដំណើរឡើងវគ្គ ៨ក្រុមុចុងក្រោយផងដែរក្រោយយកឈ្នះក្រុមរួមលីគ Daugu FC។ ក្រុមទាំងពីរបញ្ចប់ ៩០នាទីដោយលទ្ធផល ១-១ បន្ទាប់ពី Jeonbuk នាំមុខមួយគ្រាប់មុននៅនាទីទី៤៦ ដោយ Song Min Kyu មុនពេលដែល Daegu FC តាមស្មើវិញនៅនាទីទី៥៦ ដោយ Zeca។ ឈានដល់វគ្គបន្ថែម ១៥នាទីពីរដង Jeonbuk ធ្វើឱ្យ Daegu កកឈាមនៅពេល Kim Jin Gyu រកបានគ្រាប់ជ័យជំនះនៅនាទីទី១២០+១ ជិតចប់ទៅហើយ។ នៅសល់ពីរប្រកួតទៀតធ្វើឡើងថ្ងៃនេះដែលជាជំនួបរវាង BG Pathum United ជួប Kitchee FC និង Johor Darul Ta’Zim ជួប Urawa Red Diamonds៕អត្ថបទ៖នាង សុភាវុធ

Ajax បដិសេធសំណើ ៨០លានអឺរ៉ូរបស់ Manchester United ទិញ Anthony

បាល់ទាត់៖ ក្លិបបិសាចក្រហម Manchester United ត្រូវបានគេដឹងថា បានដាក់សំណើ ៨០លានអឺរ៉ូក្នុងការនាំយកខ្សែបម្រើប្រេស៊ីល Anthony ពី Ajax Amsterdam តែសំណើនេះត្រូវបានបដិសេធពីក្លិបហូឡង់រួចហើយ។ បើតាមការចុះផ្សាយពីសារព័ត៌មានកីឡា The Athletic ឱ្យដឹងថា Ajax ចង់រក្សាកីឡាករវ័យ ២២ឆ្នាំរូបនេះមួយឆ្នាំទៀតមិនពិចារណាលក់។ Anthony បានក្លាយជាគោលដៅរបស់ Manchester United តាំងពីការមកដល់របស់អ្នកចាត់ថ្មី Erik ten Hag ម្ល៉េះ ខណៈអ្នកទាំងពីរធ្លាប់រួមការងារនឹងគ្នានៅ Ajax។ Anthony បានចូលរួមជាមួយ Ajax កាលពីឆ្នាំ២០២០ ផ្ទេរពីក្លិប្រេស៊ីល Sao Paulo បង្ហាញខ្លួនបាន ៥៧លើកស៊ុតបញ្ចូលទីបាន ១៨គ្រាប់។ សូមបញ្ជាក់ថា Antony បានក្លាយជាសមាជិកសំខាន់របស់ Ajax ក្នុងរយៈពេល ១៨ខែកន្លងមកបន្ទាប់ពីផ្លាស់ពីក្លិបប្រេស៊ីល Sao Paulo ហើយក្លិបប្រេស៊ីលមួយនេះក៏នឹងទទួលបានលាភសការៈផងដែរ ប្រសិនការផ្ទេរបានសំរេចដែលជាផ្នែកមួយនៃកិច្ចសន្យាកន្លងមក៕អត្ថបទ៖នាង សុភាវុធ

សំណើ ១៣៥លានអឺរ៉ូរបស់ Manchester United ទិញ Joao Felix ត្រូវ Atletico Madrid បដិសេធ

បាល់ទាត់៖ ក្លិបអេស្ប៉ាញ Atletico Madrid បានសំរេចបដិសេធសំណើ ១៣៥លានអឺរ៉ូពីក្លិបបិសាចក្រហម Manchester United ក្នុងការនាំយកខ្សែប្រយុទ្ធព័រទុយហ្កាល់ Joao Felix ទៅកាន់ Old Trafford។ បើតាមការចុះផ្សាយរបស់សារព័ត៌មានអេស្ប៉ាញ Marca លោក Miguel Angel Gil Marin ដែលជាប្រធានក្លិប Atletico Madrid បានបញ្ជាក់ថា ក្លិបមិនមានបំណងលក់ Joao Felix ឡើយនៅពេលនេះ។ លោក Gil Marin បានហោះហើរទៅកាន់ទីក្រុង Lisbon ដើម្បីចរចានាំយក Joao Felix ពី Benifca ផ្ទាល់ដៃកាលពីឆ្នាំ២០១៩ និងសង្ឃឹមថា កីឡាករវ័យ ២២ឆ្នាំរូបនេះនឹងក្លាយជាគ្រាប់ពេជ្ររបស់ក្លិប និងជាកីឡាករកំពូលម្នាក់លើលោកនាពេលអនាគត។ កិច្ចសន្យារបស់ Joao Felix នៅ Atletico Madrid មានរយៈពេលវែងនៅឡើយ ហើយផ្លូវតែមួយគត់ដែល Manchester United អាចទិញបាននោះគឺមានលុយទិញផ្តាច់កុងត្រាដែលមានតម្លៃដល់ទៅ ៣៥០លានអឺរ៉ូ។សូមបញ្ជាក់ថា Manchester United កំពុងមមារញឹកក្នុងការស្វែងរកកីឡាករចំនូលថ្មីមកពង្រឹងក្លិប ដែលកំពុងដុនដាបពីរប្រកួតដំបូងនៅ Premier League ចាញ់ទាំងពីរប្រកួត។ កីឡាករជាច្រើនដែល Manchester United ចាប់អារម្មណ៍ និងបានដាក់សំណើមានដូចជា Casemiro ពី Real Madrid, ខ្សែបម្រើអាមេរិក Christian Pulisic ចង់ខ្ចីពី Chelsea ក៏ដូចជា Anthony ពី Ajax ជាដើម៕អត្ថបទ៖នាង សុភាវុធ

កីឡាហុកគីនារីកម្ពុជាទទួលបានការសរសើរ ក្រោយបញ្ចប់ការប្រកួតកម្រិតអាស៊ីនៅថៃ

ហុកគី៖ ក្រុមកីឡាហុកគីនារីជម្រើសជាតិកម្ពុជា បានទទួលការកោតសរសើរពីបណ្ដាប្រទេសចូលរួម ក្រោយបញ្ចប់ការប្រកួតជើងឯកហុកគីនារីក្នុងសាលអាស៊ី Women’s Indoor Hockey Asia Cup 2022 នៅប្រទេសថៃកាលពីដើមសប្ដាហ៍កន្លងទៅ។ នេះបើតាមការបញ្ជាក់របស់លោក Rana Asif Maqsood គ្រូបង្វឹកក្រុមកីឡាហុកគីនារីជម្រើសជាតិកម្ពុជា។ ការប្រកួតនេះធ្វើឡើងរយៈពេល ៨ថ្ងៃដោយមាន ៩ក្រុមចូលរួម និងបែងចែកជា ២ពូលក្នុងនោះកម្ពុជាស្ថិតក្នុងពូល B ជាមួយម្ចាស់ផ្ទះថៃ ម៉ាឡេស៊ី និងសិង្ហបុរី ខណៈពូល A មានកាហ្សាក់ស្ថាន ឥណ្ឌូនេស៊ី អ៊ីរ៉ង់ ឆាយនីសតៃប៉ិ និងប៉ាគីស្ថាន។ ជាលទ្ធផលប្រកួតក្នុងពូល កម្ពុជាបានយកឈ្នះសិង្ហបុរី ៣-០ តែចាញ់ថៃ ៥-០ និងចាញ់ម៉ាឡេស៊ី ១៤-១។ ក្រោយខកខានឡើងវគ្គពាក់កណ្ដាលផ្ដាច់ព្រ័ត្រ ក្រុមកម្ពុជាដែលឈរលេខ៣ ក្នុងពូលត្រូវប្រកួតដណ្ដើមចំណាត់ថ្នាក់ ចន្លោះលេខ៥ ដល់លេខ៨ ហើយលទ្ធផលកម្ពុជាបានត្រឹមចំណាត់ថ្នាក់លេខ៨ បន្ទាប់ពីប្រកួតចាញ់ក្រុមលេខ៤ ក្នុងពូល B ឆាយនីសតៃប៉ិដោយលទ្ធផល ៣-២ និងប្រកួតចុងក្រោយចាញ់ក្រុមសិង្ហបុរីវិញដោយលទ្ធផល ២-០។ លោក Rana Asif Maqsood បានគូសបញ្ជាក់ថា ទោះបីជាលទ្ធផលមិនសមប្រកប ប៉ុន្តែទម្រង់លេងរបស់កូនក្រុមខ្លួនមានភាពរីកចម្រើនគួរឲ្យកត់សម្គាល់ ទោះបីមិនទាន់មានទីលានហ្វឹកហាត់ត្រឹមត្រូវក៏ដោយ។ ម្យ៉ាងក៏មិនមានពេលវេលាហ្វឹកហាត់គ្រប់គ្រាន់នៅថៃមុនការប្រកួតដែរ ដ្បិតមុនចេញដំណើរមានកីឡាការិនីមួយចំនួនបានឆ្លងជំងឺកូវីដ-១៩។តែយ៉ាងណាក្ដីបណ្ដាប្រទេសជាច្រើនបានភ្ញាក់ផ្អើល ដែលកម្ពុជាបានវិវឌ្ឍន៍ខ្លួនយ៉ាងឆាប់រហ័ស បើធៀបនឹងការប្រកួតមុនៗ។ នេះបើតាមការបញ្ជាក់បន្ថែមរបស់គ្រូបង្វឹកសញ្ជាតិប៉ាគីស្ថានរូបនេះ។ លោក កាំង សុធា អគ្គលេខាធិការសហព័ន្ធហុកគីកម្ពុជាបានសម្ដែងការពេញចិត្ត ចំពោះសិទ្ធផលដែលក្រុមកីឡាការិនីកម្ពុជាធ្វើបានពេលនេះ ដែលជាសញ្ញាវិជ្ជមានរបស់ក្រុមកីឡាហុកគីនារីកម្ពុជា ក្នុងដំណើរឆ្ពោះទៅស៊ីហ្គេមឆ្នាំ២០២៣ ពិសេសវិញ្ញាសាហុកគីនារីក្នុងសាលដែលត្រូវបានដាក់ក្នុងការប្រកួត នៃព្រឹត្តិការណ៍ជាប្រវត្តិសាស្ដ្រនៅកម្ពុជានាឆ្នាំក្រោយតែម្ដង៕អត្ថបទ៖ លី ឈុនឡា

CAMSOC បើកកិច្ចប្រជុំត្រួតពិនិត្យកម្លាំងហ្វឹកហាត់ និងសម្ដែងអបអរពិធីបើក-បិទស៊ីហ្គេមឆ្នាំ២០២៣

ស៊ីហ្គេម៖ គណៈអចិន្ដ្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) នៅព្រឹកថ្ងៃទី១៩ ខែសីហានេះបានបើកកិច្ចប្រជុំត្រួតពិនិត្យកម្លាំងសម្រាប់ហ្វឹកហាត់ និងសម្ដែងអបអរសាទរពិធីបើក-បិទការប្រកួតកីឡាស៊ីហ្គេមឆ្នាំ២០២៣ នៅរាជធានីភ្នំពេញ។ កិច្ចប្រជុំនេះដឹកនាំដោយឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC និងមានការចូលរួមពីតំណាងភាគីពាក់ព័ន្ធ ពិសេសតំណាងក្រសួងការពារជាតិដែលជាផ្នែកមួយដ៏សំខាន់ ក្នុងការសហការផ្ដល់កម្លាំងកងយោធពលខេមរភូមិន្ទដើម្បីចូលរួមហ្វឹកហាត់ និងសម្ដែងអបអរសាទរព្រឹត្តិការណ៍ជាប្រវត្តិសាស្ដ្រនៅកម្ពុជានាឆ្នាំក្រោយ។ ឯកឧត្តម វ៉ាត់ ចំរើន បានបញ្ជាក់ថា កិច្ចប្រជុំនេះធ្វើឡើងដើម្បីពិនិត្យកម្លាំងស្ម័គ្រចិត្ត និងតម្រូវការ ក៏ដូចជាការបែងចែកផ្នែកដែលត្រូវហាត់សម និងសម្ដែងសម្រាប់ត្រៀមព្រឹត្តិការណ៍ស៊ីហ្គេមឆ្នាំ២០២៣ ស្របទៅតាមផែនការ និងទិដ្ឋភាពសំខាន់ៗដែលត្រូវបង្ហាញ រួមមានទិដ្ឋភាពវប្បធម៌ អរិយធម៌ និងទិដ្ឋភាពកីឡា រួមជាមួយទិដ្ឋភាពផ្សេងៗទៀតដើម្បីជំរុញឲ្យពិធីបើក-បិទព្រឹត្តិការណ៍ជាប្រវត្តិសាស្ដ្រនេះមានភាពអធិកអធម និងអស្ចារ្យ។ ទន្ទឹមជាមួយគ្នា ក្រោមកិច្ចសហការរវាងរាជរដ្ឋាភិបាលកម្ពុជា និងរដ្ឋាភិបាលចិនដែលសន្យាជួយលើផ្នែកបទពិសោធន៍ និងបច្ចេកទេសរៀបចំពិធីបើក-បិទ អ្នកជំនាញការចិនក៏គ្រោងនឹងធ្វើដំណើរមកកម្ពុជានាពេលឆាប់ៗខាងមុខ ដើម្បីធ្វើការជាមួយភាគីកម្ពុជា និងបន្ស៊ីគ្នារវាងវប្បធម៌ និងបច្ចេកវិទ្យាទំនើប ដើម្បីរៀបចំ និងបង្កើតឲ្យមាននូវទស្សនីយភាពស្របគ្នាមួយដ៏អស្ចារ្យ ក្នុងព្រឹត្តិការណ៍ដែលពិភពលោកកំពុងទន្ទឹងរង់ចាំទស្សនានេះផងដែរ។ឯកឧត្តម វ៉ាត់ ចំរើន បានបន្ថែមថា ទាំងអស់នេះគឺជាអ្វីដែល CAMSOC និងគ្រប់ភាគីពាក់ព័ន្ធត្រូវយកចិត្តទុកដាក់ ពិសេសលើការត្រៀមកម្លាំង សម្រាប់ហ្វឹកហាត់ និងសម្ដែងតែម្ដង។ ម្យ៉ាងក្រៅពីពិធីបើក-បិទ ក៏មានពិធីជាច្រើនទៀត ដែលត្រូវការកម្លាំងចូលរួមផងដែរ ដូចជាពិធីស្វាគមន៍ការមកដល់ ឬពិធីបង្ហូតទង់ជាតិនៃបណ្ដាប្រទេសសមាជិកស៊ីហ្គេមជាដើម។ សូមបញ្ជាក់ថា គិតត្រឹមថ្ងៃទី១៩ ខែសីហានេះ កម្ពុជានៅសល់ពេល ២៥៨ថ្ងៃប៉ុណ្ណោះសម្រាប់ការត្រៀមធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ ដែលនឹងប្រារព្ធពិធីបើកនាថ្ងៃទី០៥ ខែឧសភា និងពិធីបិទនាថ្ងៃទី១៧ ខែឧសភា ឆ្នាំ២០២៣ មុនបន្ដរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ចាប់ពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ដដែល៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

គុនខ្មែរធ្វើឲ្យពិភពលោកភ្ញាក់ផ្អើលក្រោយឈ្នះមេដាយមាស ៧គ្រឿងនៃព្រឹត្តិការណ៍ Grand Slam Tournament នៅម៉ាឡេស៊ី

ធន់ ផានិត បំបាក់ខ្លាចាស់ ទួនប៉េ យកបីពិន្ទុ ខណៈ ផាន ផាន់ណាត់ ស្គាល់ជ័យជំនះដំបូង

អ្នកប្រដាល់គុនខ្មែរនឹងត្រឡប់មកដល់កម្ពុជាវិញយប់នេះ ក្រោយឈ្នះមេដាយមាស ៧ និងខ្សែក្រវាត់២ នៅម៉ាឡេស៊ី

មិនទាន់ឈប់ទិញទេ Nottingham Forest ព្រមព្រៀងតម្លៃ ២៥លានផោនទៀតទិញខ្សែបម្រើ Wolves

Rafael Nadal ចាញ់ប្រកួតដំបូងក្រោយជាពីរបួស

Vissel Kobe និង Jeonbuk ឡើងវគ្គ ៨ក្រុមចុងក្រោយ AFC Champions League

Ajax បដិសេធសំណើ ៨០លានអឺរ៉ូរបស់ Manchester United ទិញ Anthony

សំណើ ១៣៥លានអឺរ៉ូរបស់ Manchester United ទិញ Joao Felix ត្រូវ Atletico Madrid បដិសេធ

កីឡាហុកគីនារីកម្ពុជាទទួលបានការសរសើរ ក្រោយបញ្ចប់ការប្រកួតកម្រិតអាស៊ីនៅថៃ

CAMSOC បើកកិច្ចប្រជុំត្រួតពិនិត្យកម្លាំងហ្វឹកហាត់ និងសម្ដែងអបអរពិធីបើក-បិទស៊ីហ្គេមឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ធន់ ផានិត​ បំបាក់​ខ្លា​ចាស់​ ទួន​ប៉េ ​យក​បី​ពិន្ទុ​ ខណៈ​ ផាន​ ផាន់​ណាត់ ​ស្គាល់​ជ័យជំនះ​ដំបូង

អ្នកប្រដាល់គុនខ្មែរនឹងត្រឡប់មកដល់កម្ពុជាវិញយប់នេះ ក្រោយឈ្នះមេដាយមាស ៧ និងខ្សែក្រវាត់២ នៅម៉ាឡេស៊ី

មិនទាន់​ឈប់​ទិញ​ទេ Nottingham Forest ព្រមព្រៀង​តម្លៃ ២៥​លាន​ផោន​ទៀត​ទិញ​ខ្សែបម្រើ Wolves

Rafael Nadal ចាញ់​ប្រកួត​ដំបូង​ក្រោយ​ជា​ពីរ​បួស​

Vissel Kobe និង Jeonbuk ឡើង​វគ្គ ៨ក្រុម​ចុងក្រោយ AFC Champions League

Ajax បដិសេធ​សំណើ ៨០​លាន​អឺរ៉ូ​របស់ Manchester United ទិញ Anthony

សំណើ ១៣៥លាន​អឺរ៉ូ​របស់ Manchester United ទិញ Joao Felix ត្រូវ Atletico Madrid បដិសេធ

កីឡា​ហុក​គី​នារី​កម្ពុជា​ទទួលបាន​ការសរសើរ ក្រោយ​បញ្ចប់​ការប្រកួត​កម្រិត​អាស៊ី​នៅ​ថៃ

CAMSOC ​បើក​កិច្ចប្រជុំ​ត្រួតពិនិត្យ​កម្លាំង​ហ្វឹកហាត់ និង​សម្ដែង​អបអរ​ពិធី​បើក​-​បិទ​ស៊ី​ហ្គេមឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ធន់ ផានិត បំបាក់ខ្លាចាស់ ទួនប៉េ យកបីពិន្ទុ ខណៈ ផាន ផាន់ណាត់ ស្គាល់ជ័យជំនះដំបូង

មិនទាន់ឈប់ទិញទេ Nottingham Forest ព្រមព្រៀងតម្លៃ ២៥លានផោនទៀតទិញខ្សែបម្រើ Wolves

Rafael Nadal ចាញ់ប្រកួតដំបូងក្រោយជាពីរបួស

Vissel Kobe និង Jeonbuk ឡើងវគ្គ ៨ក្រុមចុងក្រោយ AFC Champions League

Ajax បដិសេធសំណើ ៨០លានអឺរ៉ូរបស់ Manchester United ទិញ Anthony

សំណើ ១៣៥លានអឺរ៉ូរបស់ Manchester United ទិញ Joao Felix ត្រូវ Atletico Madrid បដិសេធ

កីឡាហុកគីនារីកម្ពុជាទទួលបានការសរសើរ ក្រោយបញ្ចប់ការប្រកួតកម្រិតអាស៊ីនៅថៃ

CAMSOC បើកកិច្ចប្រជុំត្រួតពិនិត្យកម្លាំងហ្វឹកហាត់ និងសម្ដែងអបអរពិធីបើក-បិទស៊ីហ្គេមឆ្នាំ២០២៣