BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

Sergio Gomez មកដល់ Manchester City ផ្លូវការតម្លៃ ១១លានផោនផ្ទេរពី Anderlecht

បាល់ទាត់៖ ក្លិប Manchester City បានប្រកាសពីការមកដល់ផ្លូវការរបស់ខ្សែការពារអេស្ប៉ាញ Sergio Gomez ដែលផ្លាស់ពីក្លិបប៊ែលហ្ស៊ិក Anderlecht ក្នុងតម្លៃ ១១លានផោន។ កីឡាករវ័យ ២១ឆ្នាំរូបនេះបានចុះហត្ថលេខារយៈពេល ៤ឆ្នាំដែលនឹងរក្សារូបគេនៅកីឡដ្ឋាន Etihad ដល់ឆ្នាំ២០២៦។ Sergio Gomez បានទទួលអាវលេខ ២១ ដែលធ្លាប់ពាក់ដោយខ្សែបម្រើអេស្ប៉ាញ David Silva ដែលធ្លាប់ឈ្នះជើងឯក English Premier League ៤លើក និងពានសំខាន់ៗ ១០ ផ្សេងទៀត។ កីឡាករវ័យ ២១ឆ្នាំរូបនេះគឺជាកីឡាករដែលចេញពីថ្នាលយុវជនរបស់ Barcelona មុនពេលផ្លាស់ទៅកាន់ Borussia Dortmund។ Sergio Gomez ក្រោយមកក៏បានចំណាយពេលពីរឆ្នាំជាកីឡាករខ្ចីជើងនៅក្លិបអេស្ប៉ាញ Huesca នៅឆ្នាំ២០១៩ មុនពេលផ្លាស់ទៅកាន់ Anderlecht ក្រោមការដឹកនាំរបស់អតីតប្រធានក្រុម Manchester City, Vincent Kompany៕អត្ថបទ៖នាង សុភាវុធ

Tottenham Hotspur ទិញបានខ្សែការពារអ៊ីតាលី Destiny Odogie ពី Udinese តម្លៃ ១៥លានផោន

បាល់ទាត់៖ ក្លិប Tottenham Horspur បានសំរេចក្នុងការនាំយកខ្សែការពារវ័យក្មេងអ៊ីតាលី Destiny Odogie ពីក្លិបអ៊ីតាលី Udinese តម្លៃ ១៥លានផោន។ កីឡាករវ័យ ១៩ឆ្នាំរូបនេះបានព្រមព្រៀងកិច្ចសន្យារយៈពេល ៥ឆ្នាំ ខណៈតម្លៃផ្ទេរអាចកើនឡើង ៣លានផោនបន្ថែមទៀត។ កីឡាករជម្រើសជាតិអ៊ីតាលីអាយុក្រោម ២១ឆ្នាំទើបក្លាយជាកីឡាកររបស់ Udinese រដូវកាលនេះ ហើយក៏បន្តនៅទឹកដីអ៊ីតាលីពេញមួយរដូវកាលនេះក្នុងលក្ខខណ្ឌខ្ចី។ Destiny Odogie មានតួនាទីជាខ្សែការពារឆ្វេងបានស៊ុតបញ្ចូលទី ៥គ្រាប់ និងបញ្ជូន៤ ក្នុងការបង្ហាញខ្លួន ៣៥លើកក្នុងលីគជាមួយ Udinese រដូវកាលមុន។ សូមបញ្ជាក់ថា Destiny Odogie ត្រូវបាន Udinese ខ្ចីពី Hallas Verona កាលពីឆ្នាំ២០២១៕អត្ថបទ៖នាង សុភាវុធ

ការផ្ទេរ Adrien Rabiot មកកាន់ Manchester United មិនអាចទៅរួចឡើយដោយសាររឿងប្រាក់ឈ្នួល

បាល់ទាត់៖ ក្លិបបិសាចក្រហម Manchester United បានបញ្ឈប់ការចរចានាំយកខ្សែបម្រើកណ្ដាលបារាំង Adrien Rabiot ពីក្លិប Juventus ហើយ។ ក្រុមរបស់លោក Erik ten Hag សង្ឃឹមថានឹងអាចនាំយកកីឡាករវ័យ ២៧ឆ្នាំរូបនេះមកកាន់ Old Trafford ដើម្បីបំពេញចន្លោះប្រហោងនៅតំបន់កណ្តាល។ តាមពិតទៅក្លិបទាំងពីរ Manchester United និង Juventus បានព្រមព្រៀងគ្នាទៅហើយ តែបញ្ហានៅត្រង់ប្រាក់ឈ្នួលដែល Manchester United មិនផ្តល់ឱ្យបានតាមការចង់បានរបស់ Adrien Rabiot។ កីឡាករវ័យ ២៧ឆ្នាំរូបនេះបានស្ថិតនៅក្រៅជំរើសនៅ Juventus ខណៈកិច្ចសន្យារបស់គេនៅសល់តែមួយឆ្នាំទៀតប៉ុណ្ណោះ។ រំលឹកថា Adrien Rabiot បានផ្លាស់ទៅកាន់ Juventus កាលពីឆ្នាំ២០១៩ ក្រោយចាកចេញពី Paris Saint Germain ដោយគ្មានតម្លៃផ្ទេរ៕អត្ថបទ៖នាង សុភាវុធ

អារម្មណ៍មិនចង់នៅបន្តរបស់ Ronaldo ធ្វើឲ្យ Manchester United គ្រោងអនុញ្ញាតឲ្យរូបគេចាកចេញ

បាល់ទាត់៖ ក្លិបបិសាចក្រហម Manchester United គ្រោងអនុញ្ញាតឱ្យខ្សែប្រយុទ្ធ Cristiano Ronaldo ចាកចេញក្នុងរដូវក្តៅនេះ ដោយសារតែអារម្មណ៍មិនចង់នៅរបស់គេប៉ះពាល់ស្មារតីក្រុមទាំងមូល។ អ្នកចាត់ការ Erik ten Hag ធ្លាប់បាននិយាយ និងតែងតែនិយាយដដែលៗថា លោកមិនចង់ឱ្យកីឡាករវ័យ ៣៧ឆ្នាំរូបនេះចាកចេញឡើយ ហើយ Ronaldo តែងតែស្ថិតក្នុងគំរោងរបស់លោកជានិច្ច។ យ៉ាងណាក្តីតាមរយៈការស្ទាបស្ទង់ឃើញថា ស្មារតីក្រុមទាំងមូលហាក់ធ្លាក់ចុះខ្លាំងបើប្រៀបធៀបនឹងពេលដែល Manchester United ចេញប្រកួត Pre-Season កន្លងមកដោយគ្មាន Ronaldo។ អតីតខ្សែប្រយុទ្ធ Real Madrid រូបនេះនៅសល់កិច្ចសន្យាមួយឆ្នាំទៀតនៅ Manchester United បន្ទាប់ពីត្រលប់មកកាន់ទឹកដី Old Trafford វិញរដូវកាលមុន ក្រោយចាកចេញពី Juventus។ការប្រកួតពីរប្រកួតរដូវកាលថ្មីនៅក្របខណ្ឌ English Premier League, Manchester United បានរងបរាជ័យ ២ប្រកួតផ្ទួនៗតាមរយៈទំរង់លេងដែលមិនអាចទទួលយកបាន ពោលគឺចាញ់ Brighton ក្នុងផ្ទះខ្លួនឯង និងចាញ់នៅទឹកដី Brentford ៤-០។ យ៉ាងណាក្តីមកទល់ពេលនេះមិនមានសំណើពីក្លិបណាមួយក្នុងការទាក់ទងយក Cristiano Ronaldo ពី Manchester United ឡើយបន្ទាប់ពីក្លិបធំៗមួយចំនួនសុទ្ធតែបានដកខ្លួនមានដូចជា Chelsea និង Bayern Munich ជាដើម៕អត្ថបទ៖នាង សុភាវុធ

កម្ពុជាទទួលសំណើបង់ក្លាដែសដើម្បីប្រកួតមិត្តភាពអន្ដរជាតិនាខែកញ្ញាខាងមុខ

បាល់ទាត់៖ សហព័ន្ធកីឡាបាល់ទាត់កម្ពុជា(FFC) បានប្រកាសទទួលសំណើរបស់សហព័ន្ធកីឡាបាល់ទាត់បង់ក្លាដែស ដើម្បីរៀបចំការប្រកួតមិត្តភាពអន្ដរជាតិរវាងក្រុមជម្រើសជាតិទាំងពីរនាថ្ងៃទី២២ ខែកញ្ញាខាងមុខនៅពហុកីឡដ្ឋានជាតិមរតកតេជោ។ កន្លងមកធ្លាប់មានសេចក្ដីរាយការណ៍ថា សហព័ន្ធកីឡាបាល់ទាត់បង់ក្លាដែសក៏ធ្លាប់អញ្ជើញក្រុមជម្រើសជាតិកម្ពុជា ប្រកួតមិត្តភាពផងដែរកាលពីអំឡុងខែឧសភាកន្លងទៅ តែត្រូវបានកម្ពុជាបដិសេធ ព្រោះកម្ពុជាចង់ប្រកួតជាមួយប្រទេសជិតខាងជាង គ្រាដែលបង់ក្លាដែសចង់ប្រកួតជាមួយកម្ពុជាលើទឹកដីរបស់ខ្លួន។ ក្រុមទាំងពីរធ្លាប់ជួបគ្នានៅរាជធានីភ្នំពេញម្ដងរួចមកហើយ មុនផ្ទុះជំងឺរាតត្បាតជាសកលកូវីដ-១៩ កាលពីដើមឆ្នាំ២០១៩ ដោយកាលនោះកម្ពុជា បានចាញ់ក្រុមភ្ញៀវបង់ក្លាដែសដោយលទ្ធផល ១-០ នៅចុងម៉ោងនៅពហុកីឡដ្ឋានជាតិអូឡាំពិក។សម្រាប់ជំនួបមិត្តភាពអន្ដរជាតិនាចុងខែកញ្ញាខាងមុខនេះដែរ ក៏ជាការត្រៀមរបស់ក្រុមគោព្រៃកម្ពុជាដើម្បីចូលរួមការប្រកួតពានរង្វាន់ជើងឯកអាស៊ីអាគ្នេយ៍ AFF Mitsubishi Electric Cup 2022 នាអំឡុងខែធ្នូ ឆ្នាំ២០២២ និងខែមករា ឆ្នាំ២០២៣ ខាងមុខផងដែរ៕អត្ថបទ៖ លី ឈុនឡា

ពាន King Snooker Cup ឈានដល់វគ្គ ៨នាក់ចុងក្រោយ

ស្នូកឃ័រ៖ ការប្រកួតកីឡាប៊ីយ៉ា និងស្នូកឃ័រដណ្ដើមពានរង្វាន់ King Snooker Cup 2022 បានឈានដល់វគ្គ ៨នាក់ចុងក្រោយហើយ បន្ទាប់ពីឆ្លងកាត់ការប្រកួតជម្រុះដែលមានបេក្ខភាពចូលរួម ១៦រូបកាលពីថ្ងៃទី០៨ ខែសីហាកន្លងទៅ។ សម្រាប់បេក្ខភាព ៨នាក់ចុងក្រោយដែលត្រៀមប្រកួតដណ្ដើមកៅអីវគ្គពាក់កណ្ដាលផ្ដាច់ព្រ័ត្រ នៃពានរង្វាន់ដ៏ធំនេះ រួមមានកីឡាករ សេង ពិសាខបូប្រឹក្ស និង ហ៊ុល សារ៉ាវន្ដ ឈរលេខ១ និងលេខ២ នៃពូល A។ កីឡាករ ថាយ តិចហុក និង សុត ខា ឈរលេខ១ និងលេខ២ នៃពូល B។ កីឡាករ សាត ច័ន្ទវិរៈ និង លឹម ចុងអៀវ ឈរលេខ១ និងលេខ២ នៃពូល C ខណៈកីឡាកឈរលេខ១ និងលេខ២ នៃពូល D រួមមានកីឡាករ ឡេង ចន្ទគ្រីស្នា និងកីឡាករ កាំង សុវណ្ណរ៉ា ។ ចំពោះការប្រកួតវគ្គ ៨នាក់ចុងក្រោយនេះនឹងធ្វើការប្រកួត ២ថ្ងៃនៅថ្ងៃទី១៧ និងថ្ងៃទី១៨ ខែសីហានេះនៅក្លិប King Snooker ដោយប្រើប្រាស់រូបមន្ដប្រកួតខ្វែងពូល ក្នុងនោះថ្ងៃទី១៧-សីហា មាន ២គូគឺកីឡាករ សេង ពិសាខបូប្រឹក្ស ជួបកីឡាករ សុត ខា និងកីឡាករ សាត ច័ន្ទវីរៈ ជួបកីឡាករ កាំង សុវណ្ណរ៉ា។រីឯថ្ងៃទី១៨-សីហា គឺមាន ២គូដូចគ្នារួមមានកីឡាករ ហ៊ុល សារ៉ាវន្ដ ជួបកីឡាករ ថាយ តិចហុក និងកីឡាករ លឹម ចុងអៀវ ជួបកីឡាករ ឡេង ចន្ទគ្រីស្នា។ សូមបញ្ជាក់ថា ពានរង្វាន់ King Snooker Cup 2022 រៀបចំឡើងក្នុងគោលបំណងបំផុសសកម្មភាពកីឡាប៊ីយ៉ា និងស្នូកឃ័រកម្ពុជាឲ្យកាន់តែរីកចម្រើន ពិសេសចម្រាញ់បាននូវធនធានឆ្នើមៗ សម្រាប់ត្រៀមការប្រកួតកីឡាស៊ីហ្គេមលើកទី៣២ ឆ្នាំ២០២៣ ខាងមុខ។ នេះបើតាមការបញ្ជាក់របស់លោក ម៉ារ៉ា សុជាតិ អគ្គលេខាធិការសហព័ន្ធកីឡប៊ីយ៉ា និងស្នូកឃ័រកម្ពុជា៕អត្ថបទ៖ លី ឈុនឡា

CAMSOC ជំរុញគណៈជំនាញពង្រីកការផ្សព្វផ្សាយយុទ្ធនាការឆ្ពោះទៅស៊ីហ្គេមឆ្នាំ២០២៣

ស៊ីហ្គេម៖ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ត្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានជំរុញគណៈកម្មការវប្បធម៌ បរិស្ថាន និងអប់រំកីឡា ត្រូវពង្រីកការផ្សព្វផ្សាយយុទ្ធនាការឆ្ពោះទៅស៊ីហ្គេមឆ្នាំ២០២៣ ពិសេសរាជធានី-ខេត្តចំនួន ៥ ដែលត្រូវទទួលរៀបចំព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ។ឯកឧត្តមបានលើកឡើងបែបនេះនៅក្នុងកិច្ចប្រជុំប្រចាំសប្ដាហ៍ របស់គណៈអចិន្ដ្រៃយ៍នៃគណៈកម្មាធិការជាតិ CAMSOC ដើម្បីត្រួតពិនិត្យរបាយការណ៍ការងារ និងកំណត់ផែនការសកម្មភាពការងារ ក៏ដូចជាទិសដៅអនុវត្តការងារបន្ដដល់គណៈកម្មការវប្បធម៌ បរិស្ថាន និងអប់រំកីឡា នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) កាលពីថ្ងៃទី១៦ ខែសីហា ឆ្នាំ២០២២ ម្សិលមិញ។ យុទ្ធនាការឆ្ពោះទៅស៊ីហ្គេមឆ្នាំ២០២៣ ដែលត្រូវបានឯកឧត្តមរដ្ឋមន្ដ្រី ជំរុញគណៈកម្មការជំនាញត្រូវយកចិត្តទុកដាក់ និងពង្រីកការផ្សព្វផ្សាយ ដើម្បីបញ្ជ្រាបការយល់ដឹងដល់ប្រជាជនទូទាំងប្រទេសនេះមានដូចជា៖ យុទ្ធនាការកីឡារស់ក្នុងសន្ដិភាព, ប្រជាជនម្នាក់លេងកីឡាមួយមុខក្នុងមួយជីវិត, កម្ពុជាស្អាត បដិសណ្ឋារកិច្ចល្អ, កាត់បន្ថយការគ្រោះថ្នាក់ចរាចរណ៍ និងកាត់បន្ថយគ្រឿងញៀន។ ឯកឧត្តមបានគូសបញ្ជាក់ថា នេះគឺជារឿងសំខាន់ដែលគណៈកម្មការវប្បធម៌ បរិស្ថាន និងអប់រំកីឡាមានតួនាទីផ្សព្វផ្សាយ ក្រោមកិច្ចសហការជាមួយអាជ្ញាធររាជធានី-ខេត្ត ពិសេសតំបន់គោលដៅសំខាន់ៗទាំង ៥ ដែលត្រូវទទួលរៀបចំការប្រកួតកីឡាស៊ីហ្គេមរួមមានរាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកំពត និងខេត្តកែប។ ក្នុងនោះរាជធានីភ្នំពេញគឺជាគោលដៅធំជាងគេ ព្រោះជាកន្លែងរៀបចំព្រឹត្តិការណ៍ធំជាងគេផងដែរ។ទន្ទឹមជាមួយគ្នាក្នុងនាមប្រធានគណៈកម្មការជំនាញ ឯកឧត្តម តុប សុភ័ក រដ្ឋលេខាធិការក្រសួងទេសចរណ៍បានអះអាងថា កន្លងមកគណៈកម្មការរបស់ខ្លួនបានធ្វើសកម្មភាពផ្សព្វផ្សាយមួយចំនួនមកហើយ និងកំពុងធ្វើការជាមួយអគ្គលេខាធិការដ្ឋាន CAMSOC ដើម្បីជំរុញការផ្សព្វផ្សាយយុទ្ធនាការឆ្ពោះទៅស៊ីហ្គេមឆ្នាំ២០២៣ ពិសេសកៀគរប្រជាពលរដ្ឋឲ្យចូលរួមយុទ្ធនាការទាំងអស់ ពិសេសការរៀបចំសណ្ដាប់ធ្នាប់ អនាម័យ ក៏ដូចជាការរៀបចំផ្ទះសម្បែងឲ្យបានស្អាត និងល្អ ត្រៀមទទួលបដិសណ្ឋារកិច្ចប្រកបដោយស្នាមញញឹម និងភាពរួសរាយរាក់ទាក់។ អ្វីដែលពិសេសគឺរាជធានី-ខេត្តគោលដៅទាំង ៥ ដែលគណៈកម្មការរបស់ខ្លួននឹងខិតខំពង្រីកការផ្សព្វផ្សាយឲ្យបានកាន់តែទូលំទូលាយ ក្រោមកិច្ចសហការជាមួយអាជ្ញាធរដែនដី។ លើសពីនេះដោយមានការចង្អុលបង្ហាញពីឯកឧត្តមបណ្ឌិត ថោង ខុន ឯកឧត្តមក៏ត្រៀមរៀបចំនូវបទចម្រៀងអបអរសាទរព្រឹត្តិការណ៍ស៊ីហ្គេម សម្រាប់ធ្វើការផ្សព្វផ្សាយផងដែរ ព្រោះបទចម្រៀងអាចមានសក្ដានុពល និងជ្រូតជ្រាបខ្លាំងទៅដល់មហាជនទាំងអស់ដែលនិយមទស្សនាទស្សនាទូរទស្សន៍ និងប្រព័ន្ធផ្សព្វផ្សាយនានា។ គួរដឹងថា គិតត្រឹមថ្ងៃទី១៧ ខែសីហានេះ កម្ពុជានៅសល់រយៈពេល ២៦០ថ្ងៃទៀតប៉ុណ្ណោះសម្រាប់ដំណើរឆ្ពោះទៅស៊ីហ្គេមលើកទី៣២ ដែលនឹងប្រារព្ធពិធីបើកការប្រកួតនៅថ្ងៃទី០៥ ខែឧសភា និងបិទនៅថ្ងៃទី១៧ ខែឧសភា ឆ្នាំ២០២៣ ខាងមុខ មុនបន្ដរៀបចំការប្រកួតកីឡអាស៊ានប៉ារ៉ាហ្គេមលើកទី១២ ចាប់ពីថ្ងៃទី០៣-០៩ ខែមិថុនា ឆ្នាំ២០២៣ ខាងមុខ៕អត្ថបទ៖ លី ឈុនឡា

Andy Murray យកឈ្នះ Stan Wawrinka ឡើងជុំទី២ វាយកូនបាល់ Cincinnati Open

វាយកូនបាល់៖ អតីតកីឡាករវាយកូនបាល់លេខ១ ពិភពលោក Andy Murray បានឆ្លងផុតជុំទី១ នៃការប្រកួតពានរង្វាន់ Cincinnati Open នៅសហរដ្ឋអាមេរិក ក្រោយយកឈ្នះកីឡាករជើងចាស់ស្វ៊ីស Stanislas Wawrinka។ កីឡាករវ័យ ៣៥ឆ្នាំ Andy Murray បានយកឈ្នះក្នុងលទ្ធតានតឹងលើកីឡាករវ័យ ៣៧ឆ្នាំ Stan Wawrinka ៧-៦(៧-៣), ៥-៧ និង ៧-៥។ ជ័យជំនះនេះធ្វើឱ្យកីឡាករលំដាប់លេខ៤៧ ពិភពលោកស្កុតឡេនរូបនេះរក្សាក្តីសង្ឃឹមមានលំដាប់ថ្នាក់នៅ Grand Slam, US Open ដោយមិនបាច់ប្រកួតជំរុះ។ ជុំបន្ត Andy Murray នឹងត្រូវជួបជាមួយកីឡាករអង់គ្លេស Cameron Norrie ដែលទើបយកឈ្នះកីឡាករដាណឺម៉ាក Holger Rune។ដោយឡែកលទ្ធផលផ្សេងទៀត កីឡាករកំពស់ខ្ពស់សេវាខ្លាំងអាមេរិក John Isner ក៏បានបន្តដំណើរឡើងជុំទី២ ដែរក្រោយយកឈ្នះកីឡាករបារាំង Benjamin Bonzi ដោយលទ្ធផល ៧-៧(១១-៧), ៣-៦ និង ៧-៦(៧-៤)។ គូចុងក្រោយនេះកីឡាករ Diego Schwartzman បានយកឈ្នះកីឡាករ Alex Molcan ៥-៧, ៦-៤ និង ៦-២។ ព្រឹត្តិការណ៍វាយកូនបាល់ Cincinnati Open នឹងបញ្ចប់នៅសប្តាហ៍ក្រោយ ខណៈព្រឹត្តិការណ៍ Grand Slam, US Open នឹងចាប់ផ្តើមនៅថ្ងៃទី២៩ ខែសីហានេះ៕អត្ថបទ៖នាង សុភាវុធ

Angel Di Maria ស៊ុតគ្រាប់ដំបូងក្នុងការបង្ហាញខ្លួនដំបូងឱ្យក្លិបថ្មី Juventus

បាល់ទាត់៖ កីឡាករចំនូលថ្មីសញ្ជាតិអាហ្សង់ទីន Angel Di Maria ដែលផ្លាស់ពី Paris Saint Germain បានស៊ុតបញ្ចូលទីគ្រាប់ដំបូងរបស់ខ្លួនក្នុងការបង្ហាញខ្លួនដំបូងផងដែរឱ្យក្លិបថ្មី Juventus យកឈ្នះ Sassuolo ៣-០ សប្តាហ៍ទី ១ ក្របខណ្ឌអ៊ីតាលី Serie A។ កីឡាករវ័យ ៣៤ឆ្នាំរូបនេះបានចាកចេញពី PSG ក្រោយចំណាយពេល ៧ឆ្នាំនៅទឹកដីបារាំង ហើយអតីតកីឡាកររបស់ Manchester United រូបនេះផងដែរក៏រកបានគ្រាប់នាំមុខឱ្យម្ចាស់ផ្ទះ Juventus នៅនាទីទី២៦។ មុនចប់វគ្គទី១ ខ្សែប្រយុទ្ធស៊ែប Dusan Vlahovic បន្ថែមគ្រាប់នាំមុខ ២-០ ដោយបាល់ពិន័យ ១១ម៉ែត្រមុនពេលដែលអតីតខ្សែប្រយុទ្ធ Fiorentina ដដែលនេះរកបានគ្រាប់ទីពីររបស់ខ្លួននៅនាទីទី៥១ ធ្វើឱ្យ Juventus ចាប់ផ្តើមរដូវកាលថ្មីរបស់ខ្លួនយកឈ្នះ Sassuolo ៣-០។នេះជាការចាប់ផ្តើមរដូវកាលដ៏ល្អសំរាប់ក្រុមលោក Massimiliano Allegri បន្ទាប់ពីបញ្ចប់រដូវកាលមុនបានត្រឹមលេខ៤ ចាញ់ក្រុមជើងឯក AC Milan ដាច់ដល់ទៅ ១៦ពិន្ទុ។ សូមបញ្ជាក់ថា រដូវកាលថ្មីក្របខណ្ឌអ៊ីតាលី Serie A បានចាប់ផ្តើមសប្តាហ៍ទី១ របស់ខ្លួនដោយគ្មានក្រុមស្មើគ្នាឡើយ ខណៈដែលក្រុមធំដូចជា Napoli, AC Milan, Inter Milan, Lazio, Roma និង Fiorentina ជាដើមសុទ្ធតែទទួលបានបីពិន្ទុរៀងខ្លួន៕អត្ថបទ៖នាង សុភាវុធ

Ramla Ali ពីជនភៀសខ្លួនពីសង្គ្រាមនៅសូម៉ាលីក្លាយជាកីឡាការិនីប្រដាល់អាជីពវាយមិនទាន់ស្គាល់ចាញ់

ប្រដាល់៖ ស្នូរសន្ធឹកអ្នកគាំទ្រស្រែកឈ្មោះ Ali Ali Ali នៅក្នុងកីឡដ្ឋាន O2 Arena កីឡាការិនីប្រដាល់ Ramla Ali បានបន្តស្ថិតិប្រកួតមិនដែលចាញ់របស់ខ្លួនកាលពីខែមុន។ កីឡាករវ័យ ៣២ឆ្នាំរូបនេះស្ថិតនៅក្នុងអាជីពថ្មីថ្មោងនៅឡើយ ប៉ុន្តែការតាមដាន និងចំណាប់អារម្មណ៍ពីមហាជននោះគឺស្នាដៃរបស់នាងទាំងក្នុង និងក្រៅពីវិស័យកីឡា។ ដំណើររបស់ Ali បាននាំនាងពីជនភៀសខ្លួនកុមារ ចាកចេញពីប្រទេសសូម៉ាលីដែលហែកហួរដោយសង្គ្រាម មកក្លាយជាអ្នកប្រយុទ្ធមូស្លីមដំបូងគេដែលឈ្នះពាននៅទឹកដីអង់គ្លេស ក្នុងនាមជាអ្នកប្រដាល់ស្ម័គ្រចិត្ត។ Ramla Ali គឺជាអត្តពលិក សកម្មជន អ្នកនិពន្ធ និងជាតារាម៉ូដែលដ៏ជោគជ័យម្នាក់ដែលត្រូវបានជ្រើសរើសដោយ Meghan Markle ឱ្យមានវត្តមាននៅលើគម្របទស្សនាវដ្ដី Vogue។ និយាយពីប្រវត្តិរបស់ Ramla Ali បងប្រុសរបស់នាងត្រូវបានសម្លាប់តាំងពីវ័យ ១២ឆ្នាំនៅប្រទេសសូម៉ាលីអំឡុងសង្គ្រាមស៊ីវិលនៅទសវត្សរ៍ឆ្នាំ១៩៩០។ គ្រួសាររបស់នាងបានរត់គេចពីរដ្ឋធានី Mogadishu។ បន្ទាប់ពីការធ្វើដំណើរតាមទូករយៈពេលប្រាំបួនថ្ងៃទៅកាន់ប្រទេសកេនយ៉ា ដែលក្នុងនោះអ្នកជិះលើយន្តហោះខ្លះបានស្លាប់ដោយការអត់ឃ្លាន ទីបំផុតពួកគេបានរកឃើញទីជម្រកនៅទីក្រុងឡុងដ៍។កាលនៅវ័យជំទង់ Ali ត្រូវបានគេបៀតបៀននៅសាលាដោយសារលើសទម្ងន់ ដូច្នេះបានទៅកន្លែងហាត់ប្រាណក្នុងស្រុក ហើយសាកល្បងហាត់ប្រដាល់ ប៉ុន្តែនាងមិនបានប្រាប់ក្រុមគ្រួសាររបស់នាងទេ ព្រោះនាងគិតថា ពួកគេនឹងមិនយល់ព្រមចំពោះកីឡាសម្រាប់ក្មេងស្រីម៉ូស្លីម។ យ៉ាងណាក្តីនាងបានចាប់ផ្តើមប្រឡូកខ្លួននៅក្នុងវិស័យកីឡាប្រដាល់ ដោយរៀនតាមវីដេអូអនឡាញ មុនពេលទទួលបានការប្រកួតស្ម័គ្រចិត្តលើកដំបូងនៅអំឡុងឆ្នាំ២០១០។ មិនយូរប៉ុន្មាន Ramla Ali ក៏មានឱកាសប្រកួតតំណាងឱ្យប្រទេសអង់គ្លេស និងឈ្នះពាននៅពេលនោះ តែម្តាយរបស់នាងដឹងក៏បានសុំឱ្យកូនស្រីឈប់។ នាងមិនបានបញ្ឈប់ក្តីស្រមៃរបស់នាងឡើយ និងបានជម្នះចិត្តម្តាយរហូតមានឱកាសប្រកួតលើឆាកអន្តរជាតិ និងសំរេចចិត្តប្រកួតតំណាងឱ្យប្រទេសកំណើតរបស់ខ្លួន និងថែមទាំងជាអ្នកកាន់ទង់ជាតិសូម៉ាលីដង្ហែនៅព្រឹត្តិការណ៍អូឡាំពិកទីក្រុងតូក្យូឆ្នាំមុន ពោលគឺ Ali បានក្លាយជាកីឡាការិនីប្រដាល់ទី១ របស់សូម៉ាលីដែលមានមុខនៅអូឡាំពិក។ សប្តាហ៍នេះនៅទីក្រុង Jeddah កីឡាការិនី Ramla Ali នឹងបង្កើតប្រវត្តិសាស្ត្រម្តងទៀត នៅពេលបង្ហាញខ្លួននៅលើសង្វៀនដែលមានវត្តមានប្រកួតរបស់កំពូលកីឡាករប្រដាល់ពីររូប Oleksandr Usyk និង Anthony Joshua ក្នុងការប្រកួតស្ត្រីអាជីពដំបូងដែលធ្វើឡើងនៅប្រទេសអារ៉ាប៊ីសាអូឌីត៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ខេត្តព្រះវិហារ បោះជំហានឈានមុខគេ ខាងផលិតស្រូវសរីរាង្គតាមរយៈកិច្ចសន្យា ត្រៀមចាក់បញ្ចូលថវិកា ១២លានដុល្លារ ចូលចរន្តសេដ្ឋកិច្ចគ្រួសារកសិករ!

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Sergio Gomez មកដល់ Manchester City ផ្លូវការតម្លៃ ១១លានផោនផ្ទេរពី Anderlecht

Tottenham Hotspur ទិញបានខ្សែការពារអ៊ីតាលី Destiny Odogie ពី Udinese តម្លៃ ១៥លានផោន

ការផ្ទេរ Adrien Rabiot មកកាន់ Manchester United មិនអាចទៅរួចឡើយដោយសាររឿងប្រាក់ឈ្នួល

អារម្មណ៍មិនចង់នៅបន្តរបស់ Ronaldo ធ្វើឲ្យ Manchester United គ្រោងអនុញ្ញាតឲ្យរូបគេចាកចេញ

កម្ពុជាទទួលសំណើបង់ក្លាដែសដើម្បីប្រកួតមិត្តភាពអន្ដរជាតិនាខែកញ្ញាខាងមុខ

ពាន King Snooker Cup ឈានដល់វគ្គ ៨នាក់ចុងក្រោយ

CAMSOC ជំរុញគណៈជំនាញពង្រីកការផ្សព្វផ្សាយយុទ្ធនាការឆ្ពោះទៅស៊ីហ្គេមឆ្នាំ២០២៣

Andy Murray យកឈ្នះ Stan Wawrinka ឡើងជុំទី២ វាយកូនបាល់ Cincinnati Open

Angel Di Maria ស៊ុតគ្រាប់ដំបូងក្នុងការបង្ហាញខ្លួនដំបូងឱ្យក្លិបថ្មី Juventus

Ramla Ali ពីជនភៀសខ្លួនពីសង្គ្រាមនៅសូម៉ាលីក្លាយជាកីឡាការិនីប្រដាល់អាជីពវាយមិនទាន់ស្គាល់ចាញ់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Sergio Gomez មកដល់ Manchester City ផ្លូវការ​តម្លៃ ១១​លាន​ផោន​ផ្ទេរ​ពី Anderlecht

Tottenham Hotspur ទិញ​បាន​ខ្សែការពារ​អ៊ីតាលី Destiny Odogie ពី Udinese តម្លៃ ១៥​លាន​ផោន

ការផ្ទេរ Adrien Rabiot មកកាន់ Manchester United មិនអាច​ទៅរួច​ឡើយ​ដោយសារ​រឿង​ប្រាក់​ឈ្នួល

អារម្មណ៍​មិន​ចង់​នៅ​បន្ត​របស់ Ronaldo ធ្វើឲ្យ Manchester United គ្រោង​អនុញ្ញាត​ឲ្យរូបគេចាកចេញ

កម្ពុជា​ទទួល​សំណើ​បង់​ក្លា​ដែ​ស​ដើម្បី​ប្រកួត​មិត្តភាព​អន្ដរជាតិ​នា​ខែកញ្ញា​ខាងមុខ​

ពាន​ King Snooker Cup ​ឈានដល់​វគ្គ ៨​នាក់​ចុងក្រោយ​

CAMSOC ​ជំរុញ​គណៈ​ជំនាញ​ពង្រីក​ការផ្សព្វផ្សាយ​យុទ្ធនាការ​ឆ្ពោះទៅ​ស៊ី​ហ្គេម​ឆ្នាំ​២០២៣

Andy Murray យកឈ្នះ Stan Wawrinka ឡើង​ជុំ​ទី២ វាយ​កូន​បាល់ Cincinnati Open

Angel Di Maria ស៊ុត​គ្រាប់​ដំបូង​ក្នុងការ​បង្ហាញខ្លួន​ដំបូង​ឱ្យ​ក្លិប​ថ្មី Juventus

Ramla Ali ពី​ជនភៀសខ្លួន​ពី​សង្គ្រាម​នៅ​សូ​ម៉ាលីក្លាយ​ជា​កីឡា​ការិនី​ប្រដាល់​អាជីព​វាយ​មិនទាន់​ស្គាល់​ចាញ់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Sergio Gomez មកដល់ Manchester City ផ្លូវការតម្លៃ ១១លានផោនផ្ទេរពី Anderlecht

Tottenham Hotspur ទិញបានខ្សែការពារអ៊ីតាលី Destiny Odogie ពី Udinese តម្លៃ ១៥លានផោន

ការផ្ទេរ Adrien Rabiot មកកាន់ Manchester United មិនអាចទៅរួចឡើយដោយសាររឿងប្រាក់ឈ្នួល

អារម្មណ៍មិនចង់នៅបន្តរបស់ Ronaldo ធ្វើឲ្យ Manchester United គ្រោងអនុញ្ញាតឲ្យរូបគេចាកចេញ

កម្ពុជាទទួលសំណើបង់ក្លាដែសដើម្បីប្រកួតមិត្តភាពអន្ដរជាតិនាខែកញ្ញាខាងមុខ

ពាន King Snooker Cup ឈានដល់វគ្គ ៨នាក់ចុងក្រោយ

CAMSOC ជំរុញគណៈជំនាញពង្រីកការផ្សព្វផ្សាយយុទ្ធនាការឆ្ពោះទៅស៊ីហ្គេមឆ្នាំ២០២៣

Andy Murray យកឈ្នះ Stan Wawrinka ឡើងជុំទី២ វាយកូនបាល់ Cincinnati Open

Angel Di Maria ស៊ុតគ្រាប់ដំបូងក្នុងការបង្ហាញខ្លួនដំបូងឱ្យក្លិបថ្មី Juventus

Ramla Ali ពីជនភៀសខ្លួនពីសង្គ្រាមនៅសូម៉ាលីក្លាយជាកីឡាការិនីប្រដាល់អាជីពវាយមិនទាន់ស្គាល់ចាញ់