BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

វគ្គបណ្ដុះបណ្ដាលគ្រូបង្វឹកកីឡាវាយកូនបាល់ ITF/OS បញ្ចប់ដោយជោគជ័យ

វាយកូនបាល់៖ វគ្គបណ្ដុះបណ្ដាលគ្រូបង្វឹកកីឡាវាយកូនបាល់ ITF/OS សម្រាប់អត្តពលិកកម្រិតដំបូង និងមធ្យម ដែលសហការរៀបចំរវាងគណៈកម្មាធិការជាតិអូឡាំពិកកម្ពុជា(NOCC) និងសហព័ន្ធកីឡាវាយកូនបាល់កម្ពុជា ក្រោមកិច្ចសហការ និងឧបត្ថម្ភគាំទ្ររបស់អង្គការសាមគ្គីអូឡាំពិកកម្ពុជា(OS) បានបញ្ចប់ដោយជោគជ័យ ក្រោយដំណើរការសិក្សារយៈពេល ១២ថ្ងៃនៅកម្ពុជាដែលទើបបញ្ចប់ការកាលចុងសប្ដាហ៍កន្លងទៅ។ វគ្គបណ្ដុះបណ្ដាលកម្រិតអន្ដរជាតិនេះមានសិក្ខាកាមចូលរួម ១៩នាក់មកពី ៥ប្រទេសរួមមានកម្ពុជា មីយ៉ាន់ម៉ា ទីម័រខាងកើត បង់ក្លាដេស និងហ្វីជី ក្រោមការបង្ហាត់បង្រៀន និងចែករំលែកបទពិសោធន៍របស់គ្រូឧទ្ទេសកម្រិតអន្ដរជាតិ ៣រូបគឺមានលោក Jonathan Stubbs លោក Gary Pucell និងលោក Amir Borghei មកពីសហព័ន្ធកីឡាវាយកូនបាល់អន្តរជាតិ “ITF”។ ថ្លែងក្នុងពិធីបិទ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានចាត់ទុកវគ្គបណ្ដុះបណ្ដាលនេះគឺជាវគ្គដ៏មានសារៈសំខាន់ ពិសេសសម្រាប់កីឡាវាយកូនបាល់កម្ពុជាដែលកំពុងត្រៀមលក្ខណៈធ្វើម្ចាស់ផ្ទះលើកដំបូងនៃព្រឹត្តិការណ៍ស៊ីហ្គេមឆ្នាំ២០២៣។ លើសពីនេះ ឯកឧត្តមក៏បានបើកភ្លើងខៀវ សម្រាប់សិក្ខាកាមទាំងអស់ដែលមានបំណងចូលរួមស្ម័គ្រចិត្ត ចូលរួមរៀបចំព្រឹត្តិការណ៍ជាប្រវត្តិសាស្ដ្រនៅកម្ពុជានេះដែរ។អ្នកជំនាញកីឡាកម្ពុជាដដែលបន្ថែមថា ដោយសារវិស័យកីឡាកម្ពុជាទើបតែងើបឡើងវិញ ហើយងើបឡើងចំពេលកម្ពុជាទទួលបានសិទ្ធិរៀបចំការប្រកយតកីឡាស៊ីហ្គេម។ ដូច្នេះកម្ពុជាត្រូវការការបណ្ដុះបណ្ដាលគ្រប់ទម្រង់ ដើម្បីជំរុញការអភិវឌ្ឍឲ្យកាន់តែរីកចម្រើនឆ្ពោះទៅរកភាពស្មើមុខមាត់លើឆាកអន្ដរជាតិ ពិសេសកីឡាវាយកូនបាល់កម្ពុជា ដោយឯកឧត្តមរំពឹងថា បន្ទាប់ពីចប់វគ្គបណ្ដុះបណ្ដាលនេះ វិស័យកីឡាមួយនេះនឹងធ្វើដំណើរឆ្ពោះទៅមុខប្រកបដោយសក្ដានុពលបន្ថែមទៀត៕អត្ថបទ៖ លី ឈុនឡា

ថ្នាក់ដឹកនាំកីឡាលើកទម្ងន់ប្រាប់មន្ដ្រីបច្ចេកទេសខ្លួនឲ្យខំប្រឹងត្រៀមប្រឡងយកសញ្ញាបត្រអន្ដរជាតិ

លើកទម្ងន់៖ លោក ផាត់ បញ្ញាសុជាតក៍ អនុប្រធានសហព័ន្ធកីឡាលើកទម្ងន់កម្ពុជា បានជំរុញឲ្យមន្ដ្រីបច្ចេកទេសរបស់ខ្លួនត្រូវខិតខំសិក្សារៀនសូត្រឲ្យកាន់តែច្រើនបន្ថែមទៀត ពិសេសពង្រឹងផ្នែកភាសាបរទេសដើម្បីត្រៀមប្រឡងយកសញ្ញាបត្រអន្ដរជាតិ។ ការលើកឡើងនេះ បន្ទាប់ពីសហព័ន្ធបានរៀបចំសិក្ខាសាលា ស្ដីពីការបណ្ដុះបណ្ដាលមន្ដ្រីបច្ចេកទេសកីឡាលើកទម្ងន់កម្រិតបឋមឆ្នាំ២០២២ ដោយជោគជ័យ ដែលទើបបញ្ចប់កាលពីថ្ងៃទី១៤ ខែសីហា ឆ្នាំ២០២២ កន្លងទៅនៅទីស្នាក់ការគណៈកម្មាធិការជាតិអូឡាំពិកកម្ពុជា។ អនុប្រធានសហព័ន្ធដដែលបានកោតសរសើរ និងវាយតម្លៃខ្ពស់ ចំពោះសមិទ្ធផលដែលសិក្ខាកាមជាមន្ដ្រីបច្ចេកទេសរបស់ខ្លួន សម្រេចបានក្នុងវគ្គបណ្ដុះបណ្ដាលកម្រិតបឋមនេះ។ ប៉ុន្ដែក្រោយចប់វគ្គនេះលោកថា សិក្ខាកាមទាំងអស់ត្រូវសិក្សាជាច្រើនទៀត ដើម្បីចូលរួមវគ្គបណ្ដុះបណ្ដាលកម្រិតអន្ដរជាតិមួយទៀតនាខែកញ្ញាខាងមុខ។លោកបន្ដថា វគ្គបណ្ដុះបណ្ដាលមន្ដ្រីបច្ចេកទេសអន្ដរជាតិគឺមានសារៈសំខាន់ណាស់ ដែលមនុស្សជាច្រើនចង់ចូលរួម និងចង់បានសញ្ញាបត្រទទួលស្គាល់ពីវគ្គនេះ។ ហេតុនេះ មន្ដ្រីបច្ចេកទេសកីឡាលើកទម្ងន់កម្ពុជាត្រូវយកចិត្តទុកដាក់ និងត្រៀមខ្លួនចូលរួម ដើម្បីទទួលបាននូវអត្ថប្រយោជន៍ជាច្រើនសម្រាប់ខ្លួនឯង និងប្រទេសជាតិ ប្រសិនបើប្រឡងជាប់សញ្ញាបត្រអន្ដរជាតិ ដែលទទួលស្គាល់ដោយសហព័ន្ធកីឡាលើកទម្ងន់អន្ដរជាតិនោះ។ សូមបញ្ជាក់ថា សិក្ខាសាលាស្ដីពីការបណ្ដុះបណ្ដាលមន្ដ្រីបច្ចេកទេសកីឡាលើកទម្ងន់កម្រិតបឋមឆ្នាំ២០២២ ធ្វើឡើងរយៈពេល ២ថ្ងៃនៅថ្ងៃទី១៣-១៤ ខែសីហា ដោយមានសិក្ខាកាមចូលរួមចំនួន ៣៣នាក់។ ជាលទ្ធផលមានសិក្ខាកាមទទួលបាននិទ្ទេសល្អចំនួន ៣៥%, និទ្ទេសល្អបង្គួរ ៥៥% និងនិទ្ទេសមធ្យមចំនួន ១០%៕អត្ថបទ៖ លី ឈុនឡា

កម្ដៅនៅ Stamford Bridge អ្នកចាត់ការទាំងពីរ Tuchel និង Conte ទទួលបានកាតក្រហម

បាល់ទាត់៖ ការប្រកួតក្របខណ្ឌ English Premier League រវាងក្រុមម្ចាស់ផ្ទះ Chelsea ទទួលភ្ញៀវ Tottenham Hotspur នៅ Stamford Bridge បានបញ្ចប់ទៅដោយកម្តៅក្រហល់ក្រហាយរវាងអ្នកចាត់ការទាំងពីរ Thomas Tuchel និង Antonio Conte។ ការប្រកួតដែលបញ្ចប់ដោយលទ្ធផលស្មើគ្នា ២-២ អ្នកចាត់ការទាំងពីរមានការប៉ះពាពាក្យសំដីនឹងគ្នាអំឡុងការប្រកួត និងរហូតដល់ចប់ការប្រកួត ដែលយើងឃើញការចាប់ដៃគ្នាជាចុងក្រោយ តែចាប់មិនលែងរហូតផ្ទុះកំហឹង និងធ្វើឱ្យអាជ្ញាកណ្តាល Anthony Taylor ផ្តល់កាតក្រហមម្នាក់មួយ បើទោះជាការប្រកួតបានបញ្ចប់ក៏ដោយក្តី។ លោក Antonio Conte ដែលធ្លាប់ជោគជ័យឈ្នះជើងឯក EPL ជាមួយ Chelsea ដែរនោះបានអបអរគ្រាប់បាល់តាមស្មើ ១-១ នៅចំពោះមុខ Thomas Tuchel ធ្វើឱ្យកម្តៅកើនឡើងតាំងពីពេលនោះ។ ក្រោយការនាំមុខសាជាថ្មីរបស់ Chelsea ២-១ ដោយ Reece James នោះ Spurs ក៏តាមស្មើវិញនៅចុងម៉ោងនាទីទី៩០+៦ នៃនាទីបន្ថែមបង្គ្រប់ ៦នាទីដោយការតែតបញ្ចូលទីរបស់ Harry Kane នោះ ការប្រកួតបញ្ចប់ដោយលទ្ធផល ២-២ ខណៈអ្នកចាត់ការទាំងពីរដើរទៅចាប់ដៃគ្នា តែចាប់មិនលែងរហូតផ្ទុះកំហឹង។យ៉ាងណាក្តី និយាយក្នុងសន្និសីទសារព័ត៌មានក្រោយចប់ការប្រកួតនោះ អ្នកចាត់ការទាំងពីរប្រែមកជាញញឹមវិញ បើទោះជាទទួលបានកាតក្រហមម្នាក់មួយក៏ដោយ។ លោក Thomas Tuchel និយាយថា លោកមិនសប្បាយពីចំពោះការសំរេចចិត្តរបស់អាជ្ញាកណ្តាល Anthony Taylor តែរឿងចុងក្រោយនោះជារឿងធម្មតាទេ ពួកយើងគ្រាន់តែធ្វើអ្វីៗដើម្បីក្លិបរៀងខ្លួន គ្មាននរណារបួស គ្មានការជេរប្រមាថអ្វីឡើយ នេះគឺបាល់ទាត់។ ចំណែកលោក Antonio Conte ក៏និយាយស្រដៀងគ្នាដែរថា ធម្មតាមហិច្ចតាខ្ពស់វាអូសទាញឱ្យពួកយើងឈានដល់កម្រិតនេះ ពួកយើងសប្បាយចិត្ត និងពេញចិត្តការប្រកួតនេះ មិនមានបញ្ហាអ្វីធំដុំទេសំរាប់រូបលោក និង Tuchel អ្វីៗតែងតែចប់ មិនអូសបន្តដល់ពេលក្រោយទេ។ សូមបញ្ជាក់ថា ក្រោយលេងបាន ២ប្រកួតក្រុមទាំងពីរមាន ៤ពិន្ទុដូចគ្នាបន្ទាប់ពីឈ្នះ ១ និងស្មើ ១ ដូចគ្នាខណៈ Manchester City និង Arsenal កំពុងនាំមុខគេមាន ៦ពិន្ទុ៕អត្ថបទ៖នាង សុភាវុធ

ក្រុមកីឡាប៊ូលីងកម្ពុជាចេញទៅប្រកួតកម្រិតអាស៊ីនៅប្រទេសថៃ

ប៊ូលីង៖ ប្រតិភូ និងកីឡាករ-កីឡាការិនីនៃកីឡាប៊ូលីងកម្ពុជាសរុបចំនួន ១៣នាក់បានចេញទៅចូលរួមព្រឹត្តិការណ៍ The 21st MWA Asian Junior Tenpin Bowling Championships 2022 នៅប្រទេសថៃ ដែលការប្រកួតនឹងធ្វើឡើងរយៈពេល ១សប្ដាហ៍ចាប់ពីថ្ងៃទី១៤ ដល់ថ្ងៃទី២០ ខែសីហា ឆ្នាំ២០២២។ ក្រុមកីឡាប៊ូលីងកម្ពុជាបានចាកចេញពីមាតុភូមិ ដើម្បីបំពេញបេសកកម្មនេះកាលពីចុងសប្ដាហ៍កន្លងទៅ ដោយមានការអញ្ជើញជូនដំណឹង និងលើកទឹកចិត្តពីសំណាក់ឯកឧត្តមឧត្តមសេនីយ៍ទោ វ៉ា ស៊ីនភីរម្យ ទីប្រឹក្សាជាន់ខ្ពស់គណៈកម្មាធិការជាតិអូឡាំពិកកម្ពុជា ទទួលបន្ទុកបេសកកម្មពិសេស។ ក្នុងឱកាសនៃការជូនដំណើរនោះដែរ ឯកឧត្តម វ៉ា ស៊ីនភីរម្យ បានផ្កល់អនុសាសន៍មួយចំនួន ដើម្បីពង្រឹងស្មារតីអត្តពលិកប៊ូលីងកម្ពុជា ពិសេសឯកឧត្តមបានជំរុញកីឡាករ-កីឡាការិនីម្នាក់ៗ ត្រូវខិតខំតាំងចិត្តប្រឹងប្រែងប្រកួតប្រជែងយកមេដាយជូនជាតិ ដ្បិតនេះគឺជាឱកាសដ៍ល្អមួយដើម្បីបង្ហាញអន្តរជាតិអំពីសក្កានុពល និងសមត្ថភាពលើវិស័យកីឡាប៉ូលីងរបស់កម្ពុជា។ម្យ៉ាងស្របតាមអនុសាសន៍ណែនាំរបស់ថ្នាក់ដឹកនាំក្រសួងអប់រំ យុវជន និងកីឡា ក៏ដូចជាគណៈកម្មាធិការជាតិអូឡាំពិកកម្ពុជា ពិសេសគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ឯកឧត្តមក៏បានក្រើនរំឮកកីឡាករ-កីឡាការិនីទាំងអស់ត្រូវយកវេទិការប្រកួតកម្រិតអាស៊ីនេះ ដើម្បីពង្រឹងសមត្ថភាពបន្ថែមសម្រាប់ត្រៀមព្រឹត្តិការណ៍ស៊ីហ្គេមឆ្នាំក្រោយផងដែរ។ ទន្ទឹមជាមួយគ្នាលោក វ៉ា វណ្ណារាជ្យ ក្នុងនាមតំណាងក្រុមកីឡាប៊ូលីងកម្ពុជា មុនចាកចេញពីមាតុភូមិក៏បានថ្លែងអំណរគុណថ្នាក់ដឹកនាំ ដែលបានយកចិត្តទុកដាក់ និងលើកទឹកចិត្តដល់ក្រុមរបស់ខ្លួន ដែលជាការផ្ដល់នូវភាពកក់ក្ដៅ និងជំរុញទឹកចិត្តដល់សំខាន់ធ្វើឲ្យកីឡាករ-កីឡាការិនីរបស់ខ្លួនកាន់តែខិតខំប្រឹង ដើម្បីប្រកួតប្រជែងដណ្ដើមជ័យលាភីជូនជាតិក្នុងព្រឹត្តិការណ៍ដ៏ធំនេះ៕អត្ថបទ៖ លី ឈុនឡា

កីឡាករកម្ពុជាគ្រងជើងឯកពានរង្វាន់ LUX98-POOL 9-BALL Open រដូវកាលទី១

ស្នូកឃ័រ៖ ការប្រកួតកីឡាប៊ីយ៉ា និងស្នូកឃ័រដណ្ដើមពានរង្វាន់ LUX98-POOL 9-BALL Open 2022 រដូវកាលទី១ បានបញ្ចប់ដោយជោគជ័យ ក្រោយដំណើរការប្រកួត ២ថ្ងៃកាលពីថ្ងៃទី១៣-១៤ ខែសីហាចុងសប្ដាហ៍កន្លងទៅ គ្រាដែលជើងឯកបានទៅកីឡាករកម្ពុជា ងួន តាក់ បន្ទាប់ពីយកឈ្នះកីឡាករជើងខ្លាំងហ្វីលីពីន ALLEN JAY ក្នុងវគ្គផ្ដាច់ព្រ័ត្រដោយលទ្ធផល ៩-៦។ លោក ម៉ារ៉ា សុជាតិ អគ្គលេខាធិការសហព័ន្ធកីឡាប៊ីយ៉ា និងស្នូកឃ័រកម្ពុជាបានឲ្យដឹងថា ការប្រកួតនេះមានកីឡាករជើងខ្លាំង ១៦រូបចូលរួមមកពី ៥ជាតិសាសន៍ផ្សេងៗរួមមានម្ចាស់ផ្ទះកម្ពុជា ហ្វីលីពីន វៀតណាម ចិន និងបារាំង។ ជាលទ្ធផលទទួលបានយ៉ាងល្អប្រសើរ ពិសេសកីឡាករកម្ពុជាដែលដណ្ដើមបានជ័យលាភី ក្នុងព្រឹត្តិការណ៍បើកទូលាយនេះ ហើយសហព័ន្ធ និងក្លិប LUX98 គ្រោងនឹងបន្ដសហការរៀបចំការប្រកួតផ្សេងៗទៀត ដើម្បីជំរុញការអភិវឌ្ឍវិស័យកីឡានេះ ពិសេសវិញ្ញាសាប៊ីយ៉ា POOL 9-Ball ដែលជាវិញ្ញាសាត្រៀមស៊ីហ្គេមឆ្នាំ២០២៣ តែម្ដង។ ជាមួយនឹងការរៀបចំការប្រកួតថ្មីនេះដែរ ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា បានកោតសរសើរសហព័ន្ធ ដែលខិតខំខ្នះខ្នែងរៀបចំព្រឹត្តិការណ៍នានា ក្រោមកិច្ចសហការជាមួយក្លិបសមាជិករបស់ខ្លួន ដើម្បីសម្រិតសម្រាំងរកធនធានកីឡាករល្អៗត្រៀមស៊ីហ្គេមជាប្រវត្តិសាស្ដ្រនៅកម្ពុជា។បន្ថែមលើនេះ ឯកឧត្តមបានផ្ដល់អនុសាសន៍មួយចំនួនដល់សហព័ន្ធ ក្នុងការត្រៀមលក្ខណៈធ្វើជាម្ចាស់ផ្ទះ ត្រូវមានសម្ភារៈ ឧបករណ៍ រួមទាំងធនធានមនុស្ស ទាំងមន្ដ្រី និងកីឡាករឆ្នើមៗ ដើម្បីធានាបាននូវជោគជ័យនាស៊ីហ្គេមឆ្នាំ២០២៣ ផងដែរ។ ទន្ទឹមជាមួយគ្នា កីឡាករ ងួន តាក់ ម្ចាស់ជើងឯកពានរង្វាន់ LUX98-POOL 9-BALL Open 2022 បានសម្ដែងនូវសេចក្ដីរីករាយដែលសហព័ន្ធក៏ដូចជាក្លិប បានចាប់ដៃគ្នារៀបចំប្រឹត្តិការណ៍នេះឡើង ផ្ដល់ឱកាសឲ្យកីឡាករទាំងអស់បានចូលរួមបង្ហាញសមត្ថភាព និងទេពកោសល្យរបស់ខ្លួន។ ងួន តាក់ បានប្ដេជ្ញានឹងបន្ដការខិតខំប្រឹងប្រែងហ្វឹកហាត់បន្ថែមទៀត ដើម្បីត្រៀមចូលរួមការប្រកួតថ្នាក់ជាតិនានា ក៏ដូចជាទាក់ចិត្តសហព័ន្ធក្នុងការជ្រើសរើសខ្លួនចូលរួមជាមួយក្រុមជម្រើសជាតិកម្ពុជា ហើយចូលរួមប្រកួតអន្ដរជាតិនានា ពិសេសការប្រកួតកីឡាស៊ីហ្គេម ឆ្នាំ២០២៣ តែម្ដង៕អត្ថបទ៖ លី ឈុនឡា

កម្ពុជា និងវៀតណាមពិភាក្សាលម្អិតពី MOU ជួយពង្រឹងកីឡាអេឡិចត្រូនិចត្រៀមស៊ីហ្គេម ២០២៣

ស៊ីហ្គេម៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) កាលពីចុងសប្ដាហ៍កន្លងទៅ បានជួបជាមួយថ្នាក់ដឹកនាំសហព័ន្ធកីឡាអេឡិចត្រូនិចវៀតណាម នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) ដើម្បីពិភាក្សាការងារលម្អិតអំពីការចុះអនុស្សារណៈយោគយល់គ្នា (MOU) ដែលភាគីទាំងពីរបានចុះកិច្ចសន្យាបឋមកាលពីខែឧសភាកន្លងទៅ នៅប្រទេសវៀតណាម។ ឯកឧត្តម វ៉ាត់ ចំរើន បានបញ្ជាក់ថា ខ្លឹមសារសំខាន់ក្នុង MOU ដែលសហព័ន្ធអេឡិចត្រូនិកកម្ពុជា និងវៀតណាមបានចុះកិច្ចសន្យាបឋមជាមួយគ្នា ហើយត្រូវបានលើកមកជជែកគ្នាលម្អិតនាពេលនេះផ្ដោតសំខាន់លើ ២ចំណុចដែលវៀតណាមសន្យារជួយដល់កម្ពុជា ទី១-ការជួយរៀបចំលក្ខណៈបច្ចេកទេសក្នុងការរៀបចំ ការប្រកួតកីឡាអេឡិចត្រូនិចក្នុងព្រឹត្តិការណ៍ស៊ីហ្គេមឆ្នាំ២០២៣ និងទី២-ការជួយពង្រឹងធនធានមនុស្សត្រៀមព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ។សូមបញ្ជាក់ថា កីឡាអេឡិចត្រូនិចគឺជាកីឡា១ ក្នុងចំណោមកីឡាទាំង ៣៩ប្រភេទបូកនឹងកីឡាសម្ដែង ១ប្រភេទ ដែលត្រូវបានក្រុមប្រឹក្សាសហព័ន្ធកីឡាអាស៊ីអាគ្នេយ៍ អនុម័តរួចរាល់សម្រាប់ស៊ីហ្គេមឆ្នាំ២០២៣ នៅកម្ពុជា។ កីឡាអេឡិចត្រូនិចទើបបង្ហាញខ្លួនក្នុងព្រឹត្តិការណ៍កីឡាប្រចាំតំបន់នេះ ២ដងប៉ុណ្ណោះកាលស៊ីហ្គេមឆ្នាំ២០១៩ នៅហ្វីលីពីន និងឆ្នាំ២០២២ នៅវៀតណាម ខណៈកម្ពុជាគឺជាលើកទី៣ ដែលកីឡាទំនើបមួយនេះត្រូវបង្ហាញវត្តមាន៕អត្ថបទ៖ លី ឈុនឡា

ពានយុវជន U15 និង U18 បានរកឃើញបេក្ខភាពវគ្គ ១/៤ ផ្ដាច់ព្រ័ត្រ

បាល់ទាត់៖ ការប្រកួតបាល់ទាត់ជម្រើសជើងឯកយុវជនអាយុក្រោម ១៥ឆ្នាំ (U15) និងអាយុក្រោម ១៨ឆ្នាំ (U18) ឆ្នាំ២០២២ បានរកឃើញបេក្ខភាពឡើងវគ្គ ៨ក្រុមចុងក្រោយ ឬវគ្គ ១/៤ផ្ដាច់ព្រ័ត្រហើយ បន្ទាប់ពីធ្វើការប្រកួតជម្រុះវគ្គ ១៦ក្រុមចុងក្រោយតែ ១ជើងកាលពីចុងសប្ដាហ៍កន្លងទៅ។សម្រាប់ពានរង្វាន់យុវជន U15 ក្រុមដែលបានយកឈ្នះគូប្រកួតឡើងវគ្គបន្ដ រួមមានក្រុមយុវជន U15 កងយោធពលខេមរភូមិន្ទយកឈ្នះក្រុមយុវជនព្រះខ័នរាជស្វាយរៀង ដោយការទាត់បាល់ប៉េណាល់ទីកាត់សេចក្ដី ៥-៤ បន្ទាប់ពីប្រកួតម៉ោងធម្មតាស្មើគ្នា ២-២, ក្រុមអគ្គិសនីកម្ពុជាយកឈ្នះក្រុមសាលាតម្រង់ទិសខេត្តកំពង់ឆ្នាំង ៣-១, ក្រុមអង្គរថាយហ្គឺរយកឈ្នះក្រុមសាលាតម្រង់ទិសខេត្តឧត្ដរមានជ័យ ៣-១ ដូចគ្នា។ រីឯក្រុមក្រុមសាលាតម្រង់ទិសខេត្តបន្ទាយមានជ័យ បានយកឈ្នះសាលាតម្រង់ទិសខេត្តព្រះវិហារ ១-០, ក្រុមណាហ្គាវើលដ៏-កំពង់ស្ពឺយកឈ្នះសាលាតម្រង់ទិសខេត្តកែប ៣-០, ក្រុមសាលាតម្រង់ទិសខេត្តកំពតយកឈ្នះក្រុមសាលាតម្រង់ទិសខេត្តកណ្ដាល ២-១, ក្រុមសាលាតម្រង់ទិសខេត្តស្វាយរៀងយកឈ្នះក្រុមសាលាតម្រង់ទិសខេត្តក្រចេះ ៤-០ និងក្រុមសាលាតម្រង់ទិសខេត្តរតនៈគិរីយកឈ្នះសាលាតម្រង់ទិសខេត្តត្បូងឃ្មុំ ៤-១។សម្រាប់កម្មវិធីប្រកួតវគ្គ ៨ក្រុមចុងក្រោយនៃពានយុវជនអាយុក្រោម ១៥ឆ្នាំនេះរួមមានក្រុមយុវជន U15 កងយោធពលខេមរភូមិន្ទជួបក្រុមសាលាតម្រង់ទិសខេត្តរតនៈគិរី, ក្រុមអគ្គិសនីកម្ពុជាជួបក្រុមសាលាតម្រង់ទិសខេត្តស្វាយរៀង, ក្រុមយុវជនអង្គរថាយហ្គឺរជួបក្រុមសាលាតម្រង់ទិសខេត្តកំពត, ក្រុមសាលាតម្រង់ទិសខេត្តបន្ទាយមានជ័យជួបក្រុមយុវជនណាហ្គាវើលដ៏-ខេត្តកំពង់ស្ពឺ។ ការប្រកួតគ្រោងធ្វើឡើងនាថ្ងៃទី២១ ខែសីហាខាងមុខនេះ។ ដោយឡែកពានរង្វាន់យុវជន U18 វិញ ក្រុមដែលបានឡើងវគ្គ ៨ក្រុមចុងក្រោយរួមមានក្រុមវិសាខាយកឈ្នះក្រុមអគ្គិសនីកម្ពុជា ៣-០, ក្រុមភ្នំពេញក្រោនយកឈ្នះក្រុមបឹងកេត ១-០, ក្រុមអង្គរថាយហ្គឺរយកឈ្នះក្រុមសាលាតម្រង់ទិសខេត្តកំពង់ឆ្នាំង ២-១, ក្រុមសាលាតម្រង់ទិសខេត្តបន្ទាយមានជ័យ បានយកឈ្នះក្រុមសាលាតម្រង់ទិសខេត្តឧត្តរមានជ័យ ដោយកាត់ទាត់បាល់ប៉េណាល់ទីកាត់សេចក្ដី ៤-៣ ក្រោយប្រកួតម៉ោងធម្មតាស្មើគ្នា ២-២។ចំណែកក្រុមណាហ្គាវើលដ៏-កំពង់ស្ពឺ បានយកឈ្នះក្រុមសាលាតម្រង់ទិសខេត្តព្រះសីហនុ ៨-១, ក្រុមសាលាបាល់ទាត់ជាតិបាទីយកឈ្នះក្រុមសាលាតម្រង់ទិសខេត្តកោះកុង ៣-១, ក្រុមសាលាតម្រង់ទិសខេត្តស្វាយរៀង យកឈ្នះក្រុមសាលាតម្រង់ទិសខេត្តស្ទឹងត្រែង ៣-២ និងក្រុមសាលាតម្រង់ទិសខេត្ដកំពង់ចាម យកឈ្នះក្រុមសាលាតម្រង់ទិសខេត្តក្រចេះ ២-០។ ចំពោះកម្មវិធីប្រកួតវគ្គ ៨ក្រុមចុងក្រោយនៃពានរង្វាន់យុវជន U18 ដែលគ្រោងប្រកួតនាថ្ងៃទី២១ ខែសីហាខាងមុខ រួមមានក្រុមយុវជនវិសាខាជួបក្រុមសាលាតម្រង់ទិសខេត្តកំពង់ចាម, ក្រុមភ្នំពេញក្រោនជួបក្រុមសាលាតម្រង់ទិសខេត្តស្វាយរៀង, ក្រុមអង្គរថាយហ្គឺរជួបក្រុមសាលាបាល់ទាត់ជាតិបាទី និងក្រុមសាលាតម្រង់ទិសខេត្តបន្ទាយមានជ័យជួបក្រុមបាល់ទាត់ណាហ្គាវើលដ៏-កំពង់ស្ពឺ៕ អត្ថបទ៖ លី ឈុនឡា

Premier League សប្តាហ៍ទី២ នេះនឹងមានការសម្រាកផឹកទឹកដោយសារអាកាសធាតុក្តៅខ្លាំង

បាល់ទាត់៖ ការប្រកួតក្របខណ្ឌ English Premier League សប្តាហ៍ទី២ ចុងសប្តាហ៍នេះនឹងមានការសម្រាកផឹកទឹករឺហៅថា Drinks Breaks ស្របពេលដែលអាកាសធាតុចាប់ផ្តើមក្តៅខ្លាំងនៅចក្រភពអង់គ្លេស។ ការិយាល័យឧតុនិយមអង់គ្លេសបានបញ្ជាក់ថា នឹងមានរលកកំដៅបោកបក់នៅតំបន់ជាច្រើនក្នុងចក្រភពអង់គ្លេស ហើយសីតុណ្ហភាពនឹងឡើងជាអតិបរមា ៣៧អង្សារ។ នៅ English Premier League ទើបតែសំរេចអនុវត្តបែបនេះ តែនៅក្របខណ្ឌខាងក្រោមគឺ English Football League បានសំរេចឱ្យមានការសម្រាកផឹកទឹកនេះនៅពេលសីតុណ្ហភាពលើសពី ៣០អង្សារ។ ការសម្រាកផឹកទឹកនេះទើបតែត្រូវបានសំរេចឱ្យអនុវត្ត ដោយសមាគមបាល់ទាត់អង់គ្លេស FA អំឡុងពេលនៃជំងឺរាតត្បាតកូវីដ-១៩ ប៉ុណ្ណោះនៅពេលបាល់ទាត់ចាប់ផ្តើមឡើងវិញនៅរដូវកាល ២០១៩-២០២០៕អត្ថបទ៖នាង សុភាវុធ

Casper Ruud ឡើងវគ្គ ៨នាក់ចុងក្រោយ Canadian Open តែ Cameron Norrie ចាញ់

វាយកូនបាល់៖ កីឡាករន័រវេស Casper Ruud បានបន្តដំណើរឡើងវគ្គ ៨នាក់ចុងក្រោយហើយនៃការប្រកួតកម្មវិធី ATP Montreal Masters រឺ Canadian Open ក្រោយយកឈ្នះកីឡាករអេស្ប៉ាញ Roberto Bautista Agut។ កីឡាករលំដាប់លេខ៤ ពិភពលោករូបនេះបានរងបរាជ័យនៅសិតដំបូង ៦-៧(៤-៧) មុនពេលវាយបកយកឈ្នះវិញពីរសិតផ្ទួនៗ ៧-៦(៧-៤) និង ៦-៤។ ការប្រកួតនេះទម្រាំតែរកចាញ់ឈ្នះឃើញត្រូវប្រើពេលដល់ទៅ ៣ម៉ោង ១៩នាទីខណៈ Casper Ruud នៅពេលនេះនឹងត្រូវជួបជាមួយកីឡាករកាណាដា Felix Auger-Aliasimme។ កីឡាករម្ចាស់ផ្ទះ Aliasimme មិនធ្វើឱ្យអ្នកគាំទ្ររបស់ខ្លួនខកបំណងឡើយ ជាមួយនឹងជ័យជំនះលើកីឡាករកំពូលរបស់អង់គ្លេសបច្ចុប្បន្ន Cameron Norrie ៦-៣ និង ៦-៤។ងាកមកកីឡាករប៉ូឡូញ Hubert Hurkacz ក៏បានកក់កៅអីវគ្គបន្តដែរក្រោយយកឈ្នះកីឡាករអេស្ប៉ាញ Albert Ramos Vinolas ៦-៧(៦-៨), ៦-២ និង ៧-៦(៧-៣)។ ជុំបន្តកីឡាករលំដាប់លេខ៨ Hurkacz នឹងត្រូវជួបជាមួយកីឡាករអូស្ត្រាលី Nick Kyrgios ដែលបានយកឈ្នះកីឡាករប៊ែលហ្ស៊ិក Alex De Minaur៕អត្ថបទ៖នាង សុភាវុធ

កីឡាករបារាំង Axel Zingle ឈ្នះដំណាក់កាលដំបូងប្រណាំងកង់ Artic Race នៅន័រវេស

ប្រណាំងកង់៖ កីឡាករបារាំង Axel Zingle បានប្រជែងឈ្នះដំណាក់កាលដំបូងនៃព្រឹត្តិការណ៍ប្រណាំងកង់កម្មវិធី Artic Race នៅប្រទេសន័រវេស។ ដំណាក់កាលដំបូងដែលមានចម្ងាយផ្លូវ ១៨៦.៨គីឡូម៉ែត្រចេញដំណើរ និងបញ្ចប់នៅតំបន់ Mo I Rana ភាគខាងជើងប្រទេសន័រវេស កីឡាករនៃក្រុមប្រណាំង Cofidis, Axel Zingle បានមកដល់ទីព្រ័ត្រមុនគេប្រើពេល ៤ម៉ោង ៥០នាទី ៩វិនាទី តាមពីក្រោយដោយកីឡាករ Gleb Syritsa រុស្ស៊ី Gleb Syritsa របស់ក្រុម Astana យឺតជាង ៦វិនាទី និងលេខ៣ កីឡាករបារាំង Mathieu Burgaudeau របស់ក្រុម Totalenergies យឺតជាង ៧វិនាទី។ ការប្រកួតដំណាក់កាលទី២ ថ្ងៃនេះមានចម្ងាយផ្លូវ ១៥៤.៤គីឡូម៉ែត្រ។ ប្រណាំងកង់កម្មវិធី Artic Race នេះមានត្រឹម ៤ដំណាក់កាលប៉ុណ្ណោះនឹងបញ្ចប់នៅថ្ងៃអាទិត្យចុងសប្តាហ៍នេះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រសួងការងារ៖ ប្រទេសកម្ពុជាមានឱកាសការងារជាង ៩ម៉ឺនកន្លែងកំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ

អតីតសិស្សនិទ្ទេស A៖ ការជ្រើសរើសរៀនជំនាញ IT ក្នុងវិស័យ TVET គឺជាជម្រើសដ៏ល្អសម្រាប់ខ្ញុំ ដើម្បីចាប់យកឱកាសការងារតាមយុគសម័យឌីជីថល

ឯកឧត្តម គន់ គីម អញ្ជើញចុះពិនិត្យទីតាំងដីសម្បទានសង្គមកិច្ចសម្រាប់សាងសង់ផ្ទះជូនអតីតយុទ្ធជន និងនិវត្តជន

វិចារណកថា ព្រៃឈើលើសពីបណ្ដុំនៃដើមឈើ៖«ព្រៃឈើ មិនមែនគ្រាន់តែជាបណ្ដុំនៃដើមឈើច្រើនដើមនោះទេ ប៉ុន្តែគឺជាសហគមន៍នៃទំនាក់ទំនង»

លិខិតចំហ៖អង្គការសង្គមស៊ីវិលផ្ញើជូន ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន

កម្ពុជា-ICRC ពង្រឹងកិច្ចសហប្រតិបត្តិការផ្តោតសំខាន់លើសកម្មភាពមនុស្សធម៌

តំណាងស្ថានទូតកម្ពុជាបានចូលរួមកិច្ចគណៈកម្មាធិការអាស៊ាននៅទីក្រុងតូក្យូ (ACT) លើកទី ៣៣០

ឧត្តមសេនីយ៍ទោ ស សំបូរធន អញ្ជើញដឹកនាំកិច្ចប្រជុំត្រួតពិនិត្យការងារហ្វឹកហ្វឺន

អ៊ីរ៉ង់ មានចំណាត់ការរឹតបន្តឹងការគ្រប់គ្រងនៅច្រកសមុទ្រ Hormuz ក្នុងពេលមានភាពតានតឹងជាថ្មី

អេស្ប៉ាញ ដាក់ការត្រួតពិនិត្យព្រំដែនលើអ៊ីតាលី ខណៈដំណោះស្រាយជនអន្តោប្រវេសន៍កាន់តែធំឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

វគ្គបណ្ដុះបណ្ដាលគ្រូបង្វឹកកីឡាវាយកូនបាល់ ITF/OS បញ្ចប់ដោយជោគជ័យ

ថ្នាក់ដឹកនាំកីឡាលើកទម្ងន់ប្រាប់មន្ដ្រីបច្ចេកទេសខ្លួនឲ្យខំប្រឹងត្រៀមប្រឡងយកសញ្ញាបត្រអន្ដរជាតិ

កម្ដៅនៅ Stamford Bridge អ្នកចាត់ការទាំងពីរ Tuchel និង Conte ទទួលបានកាតក្រហម

ក្រុមកីឡាប៊ូលីងកម្ពុជាចេញទៅប្រកួតកម្រិតអាស៊ីនៅប្រទេសថៃ

កីឡាករកម្ពុជាគ្រងជើងឯកពានរង្វាន់ LUX98-POOL 9-BALL Open រដូវកាលទី១

កម្ពុជា និងវៀតណាមពិភាក្សាលម្អិតពី MOU ជួយពង្រឹងកីឡាអេឡិចត្រូនិចត្រៀមស៊ីហ្គេម ២០២៣

ពានយុវជន U15 និង U18 បានរកឃើញបេក្ខភាពវគ្គ ១/៤ ផ្ដាច់ព្រ័ត្រ

Premier League សប្តាហ៍ទី២ នេះនឹងមានការសម្រាកផឹកទឹកដោយសារអាកាសធាតុក្តៅខ្លាំង

Casper Ruud ឡើងវគ្គ ៨នាក់ចុងក្រោយ Canadian Open តែ Cameron Norrie ចាញ់

កីឡាករបារាំង Axel Zingle ឈ្នះដំណាក់កាលដំបូងប្រណាំងកង់ Artic Race នៅន័រវេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

វគ្គ​បណ្ដុះបណ្ដាល​គ្រូបង្វឹក​កីឡា​វាយ​កូន​បាល់​ ITF/OS ​បញ្ចប់​ដោយ​ជោគជ័យ

កម្ដៅ​នៅ Stamford Bridge អ្នកចាត់ការ​ទាំងពីរ Tuchel និង Conte ទទួល​បាន​កាត​ក្រហម

ក្រុមកីឡា​ប៊ូ​លីង​កម្ពុជា​ចេញទៅ​ប្រកួត​កម្រិត​អាស៊ី​នៅ​ប្រទេស​ថៃ

កីឡាករ​កម្ពុជា​គ្រង​ជើងឯក​ពានរង្វាន់​ LUX98-POOL 9-BALL Open ​រដូវ​កាល​ទី​១

កម្ពុជា និង​វៀតណាមពិភាក្សា​លម្អិត​ពី​ MOU ​ជួយ​ពង្រឹង​កី​ឡាអេ​ឡិច​ត្រូ​និ​ចត្រៀម​ស៊ី​ហ្គេម ២០២៣

ពាន​យុវជន​ U15 ​និង​ U18 ​បាន​រកឃើញ​បេក្ខភាព​វគ្គ ១/៤ ផ្ដាច់ព្រ័ត្រ​

Premier League សប្តាហ៍​ទី២ នេះ​នឹង​មានការ​សម្រាក​ផឹកទឹក​ដោយសារ​អាកាសធាតុ​ក្តៅ​ខ្លាំង​

Casper Ruud ឡើង​វគ្គ ៨​នាក់​ចុងក្រោយ Canadian Open តែ Cameron Norrie ចាញ់​

កីឡាករ​បារាំង Axel Zingle ឈ្នះ​ដំណាក់កាល​ដំបូង​ប្រណាំង​កង់ Artic Race នៅ​ន័រវេស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វគ្គបណ្ដុះបណ្ដាលគ្រូបង្វឹកកីឡាវាយកូនបាល់ ITF/OS បញ្ចប់ដោយជោគជ័យ

កម្ដៅនៅ Stamford Bridge អ្នកចាត់ការទាំងពីរ Tuchel និង Conte ទទួលបានកាតក្រហម

ក្រុមកីឡាប៊ូលីងកម្ពុជាចេញទៅប្រកួតកម្រិតអាស៊ីនៅប្រទេសថៃ

កីឡាករកម្ពុជាគ្រងជើងឯកពានរង្វាន់ LUX98-POOL 9-BALL Open រដូវកាលទី១

កម្ពុជា និងវៀតណាមពិភាក្សាលម្អិតពី MOU ជួយពង្រឹងកីឡាអេឡិចត្រូនិចត្រៀមស៊ីហ្គេម ២០២៣

ពានយុវជន U15 និង U18 បានរកឃើញបេក្ខភាពវគ្គ ១/៤ ផ្ដាច់ព្រ័ត្រ

Premier League សប្តាហ៍ទី២ នេះនឹងមានការសម្រាកផឹកទឹកដោយសារអាកាសធាតុក្តៅខ្លាំង

Casper Ruud ឡើងវគ្គ ៨នាក់ចុងក្រោយ Canadian Open តែ Cameron Norrie ចាញ់

កីឡាករបារាំង Axel Zingle ឈ្នះដំណាក់កាលដំបូងប្រណាំងកង់ Artic Race នៅន័រវេស