BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

ទិញ Cucurella មិនបាន Man City ព្រមព្រៀងទិញខ្សែការពារវ័យក្មេងអេស្ប៉ាញ Sergio Gomez

បាល់ទាត់៖ ក្លិប Manchester City បានឈានដល់កិច្ចព្រមព្រៀងហើយក្នុងតម្លៃ ១៣លានអឺរ៉ូនាំយកខ្សែការពារអេស្ប៉ាញ Sergio Gomez ពីក្លិបប៊ែលហ្ស៊ិក Anderlecht។ Manchester City បានធ្វើការស្វែងរកកីឡាករក្នុងតំណែងខ្សែការពារខាងឆ្វេង បន្ទាប់ពីបរាជ័យក្នុងការចរចាទិញ Marc Cucurella ពី Brighton ដែលបានសំរេចផ្លាស់ទៅ Chelsea សប្តាហ៍មុនក្នុងតម្លៃ ៦២.៥លានផោន។ ប្រសិនមិនអាចឡើងមកប្រកួតនៅក្រុមធំបាន Sergio Gomez អាចនឹងត្រូវ Manchester City បញ្ចេញឱ្យក្រុមដែលស្ថិតក្រោមការវិនិយោគដោយក្រុមហ៊ុន City Football Group ជាមួយគ្នានៅអេស្ប៉ាញគឺ Girona ខ្ចីជើង។ កីឡាករវ័យ ២១ឆ្នាំរូបនេះគឺជាកីឡាករដែលចេញពីថ្នាលយុវជនរបស់ Barcelona មុនពេលផ្លាស់ទៅកាន់ Borussia Dortmund។ Sergio Gomez ក្រោយមកក៏បានចំណាយពេល ២ឆ្នាំជាកីឡាករខ្ចីជើងនៅក្លិបអេស្ប៉ាញ Huesca នៅឆ្នាំ២០១៩ មុនពេលផ្លាស់ទៅកាន់ Anderlecht ក្រោមការដឹកនាំរបស់អតីតប្រធានក្រុម Manchester City, Vincent Kompany៕អត្ថបទ៖នាង សុភាវុធ

ផ្លូវការហើយ World Cup នឹងចាប់ផ្តើមមុនការគ្រោងទុកមួយថ្ងៃដោយក្រុមម្ចាស់ផ្ទះប្រកួតបើកឆាក

បាល់ទាត់៖ ផ្លូវការហើយព្រឹត្តិការណ៍បាល់ទាត់ពិភពលោក FIFA World Cup 2022 នៅប្រទេសកាតាចុងឆ្នាំនេះនឹងចាប់ផ្តើមមុនការគ្រោងទុកមួយថ្ងៃ។ កាលវិភាគចាស់គឺការប្រកួតបើកឆាកក្នុងពូល A គ្រោងធ្វើនៅថ្ងៃទី២១ ខែវិច្ឆិកា ឆ្នាំ២០២២ នេះរវាងក្រុមសេណេហ្កាល់ ជួបហូឡង់ តែនៅពេលនេះការប្រកួតត្រូវបានសំរេចចាប់ផ្តើមមុនមួយថ្ងៃពោលគឺ លើកមកថ្ងៃអាទិត្យ ទី២០ ខែវិច្ឆិការវាងក្រុមម្ចាស់ផ្ទះកាតាជួបអេក្វាដ័រជាជំនួបបើកឆាកវិញ។ ការផ្លាស់ប្តូរនេះនឹងមិនមានផលប៉ះពាល់ណាមួយជាមួយនឹងការប្រកាសបញ្ជីឈ្មោះកីឡាករឡើយ ស្របពេលដែលជំនួបបើកឆាកតាមកាលវិភាគចាស់ រវាងសេណេហ្កាល់ជួបហូឡង់នោះត្រូវរក្សានៅថ្ងៃចន្ទដដែល មានន័យថាក្នុងថ្ងៃចន្ទ ទី២១ នោះមានការប្រកួតតែ ៣គូប៉ុណ្ណោះខុសពីកាលវិភាគចាស់ ៤គូ។ ការផ្លាស់ប្តូរនេះគឺស្របតាមប្រពៃណីជាយូរមកហើយ ដោយក្រុមម្ចាស់ផ្ទះត្រូវចាប់ផ្តើមការប្រកួតមុនគេក្រោយពិធីបើកជាផ្លូវការ។ កាតាស្ថិតក្នុងពូល A ដែលត្រូវជួបជាមួយអេក្វាដ័រ ខណៈសេណេហ្កាល់ជួបហូឡង់៕អត្ថបទ៖នាង សុភាវុធ

ខ្សែបម្រើ Liverpool, Harvey Elliott បន្តកិច្ចសន្យារហូតដល់ឆ្នាំ២០២៧

បាល់ទាត់៖ ខ្សែបម្រើក្លិបហង្សក្រហម Liverpool, Harvey Elliott នឹងបន្តស្នាក់នៅ Anfield រហូតដល់ឆ្នាំ២០២៧ បន្ទាប់ពីចុះហត្ថលេខាបន្តកិច្ចសន្យានៅថ្ងៃព្រហស្បតិ៍ម្សិលមិញ។ កីឡាករវ័យ ១៩ឆ្នាំរូបនេះទើបតែទទួលបានកិច្ចសន្យាថ្មីកាលពីឆ្នាំមុនប៉ុណ្ណោះតែ Liverpool សំរេចធ្វើកិច្ចសន្យាដែលបូកបញ្ចូលទាំងការតម្លើងប្រាក់ឈ្នួល តាមរយៈការអភិវឌ្ឍសមត្ថភាពកន្លងមក។ Harvey Elliott ដែលលេងបានទាំងបម្រើកណ្តាល និងប្រយុទ្ធស្លាបនោះបានខកខានស្ទើរពេញមួយរដូវកាល ២០២១-២២ ដោយសាររបួស។ Elliott គឺជាកីឡាករជម្រើសជាតិអាយុក្រោម ២១ឆ្នាំអង់គ្លេសដោយធ្លាប់បានបង្ហាញខ្លួន ៣ប្រកួតតែមិនទាន់ត្រូវបានកោះហៅចូលក្រុមធំនៅឡើយ។ Elliott គឺជាកីឡាករដែលចេញពីយុវជនថ្នាលរបស់ Fulham និងបានផ្លាស់មកកាន់ Liverpool កាលពីឆ្នាំ២០១៩។ កាលពីប្រកួតបើករដូវកាល English Premier League រដូវកាលមុន Harvey Elliott ក៏បានចូលលេងដែរជាកីឡាករបម្រុងផ្លាស់ប្តូរចូលពេល Liverpool ស្មើនៅទឹកដី Fulham។ Liverpool នឹងត្រូវទទួលភ្ញៀវ Crystal Palace ចុងសប្តាហ៍នេះ៕អត្ថបទ៖នាង សុភាវុធ

ប្រធានតេក្វាន់ដូ ITF អាស៊ីមកទស្សនកិច្ច និងជួយពង្រឹងផ្នែកបច្ចេកទេសដល់កម្ពុជា

តេក្វាន់ដូ៖ លោក តាន់ ជេកស៊ី ប្រធានសហព័ន្ធកីឡាតេក្វាន់ដូ ITF អាស៊ី នៅថ្ងៃទី១១ ខែសីហាម្សិលមិញបានធ្វើដំណើរទស្សនកិច្ចមកកាន់ប្រទេសកម្ពុជា ដើម្បីចូលរួមបណ្ដុះបណ្ដាល និងចែករំលែកបទពិសោធន៍ដល់សហព័ន្ធកីឡាតេក្វាន់ដូ ITF កម្ពុជា ពិសេសពង្រឹងផ្នែកបច្ចេកទេសថ្មីៗ បន្ទាប់ពីការធ្វើបច្ចុប្បន្នភាពរបស់សហព័ន្ធអន្ដរជាតិតែម្ដង។ក្នុងដំណើរទស្សនកិច្ចនេះដែរ ក្រៅពីធ្វើការជាមួយសហព័ន្ធកីឡាតេក្វាន់ដូ ITF កម្ពុជាដែលជាសមាជិក លោក តាន់ ជេកស៊ី ក៏បានចូលជួបសំណេះសំណាលជាមួយឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មាធិការជាតិ CAMSOC ហើយបានពិភាក្សាការងារមួយចំនួនផងដែរ ពិសេសការត្រៀមធ្វើម្ចាស់ផ្ទះស៊ីហ្គេមឆ្នាំ២០២៣ នៅកម្ពុជា។ លោក បួនហ៊ីង សុធីយ៉ា អគ្គលេខាធិការសហព័ន្ធកីឡាតេក្វាន់ដូ ITF កម្ពុជាបានបញ្ជាក់ថា ដំណើរទស្សនកិច្ចរបស់មន្ដ្រីជាន់ខ្ពស់សហព័ន្ធតេក្វាន់ដូ ITF អាស៊ី និងសហការីនេះគឺរួមចំណែកបណ្ដុះបណ្ដាលកីឡាករ-កីឡាការិនីដល់បណ្ដាប្រទេសសមាជិក ហើយគោលបំណងសំខាន់គឺការពង្រឹងបច្ចេកទេសរវាងកីឡាតេក្វាន់ដូ ITF កម្ពុជា និងសហព័ន្ធកីឡាតេក្វាន់ដូ ITF អាស៊ី ហើយលើកកម្ពស់កិត្យានុភាពតេក្វាន់ដូ ITF កម្ពុជាលើឆាកអន្ដរជាតិបន្ថែមទៀត។សូមបញ្ជាក់ថា នៅល្ងាចថ្ងៃដដែល បន្ទាប់ពីជួបសំណេះសំណាលជាមួយមន្ដ្រីកីឡាជាន់ខ្ពស់របស់កម្ពុជា លោក តាន់ ជេកស៊ី ក៏បានចូលរួមសិក្ខាសាលារៀបចំដោយសហព័ន្ធកីឡាតេក្វាន់ដូ ITF កម្ពុជា ដើម្បីចែករំលែកបទពិសោធន៍ និងបច្ចេកទេសដោយផ្ទាល់ដល់កីឡាករ-កីឡាការិនីនៅជុំរុំហ្វឹកហាត់ក្នុងពហុកីឡដ្ឋានជាតិអូឡាំពិកផងដែរ៕អត្ថបទ៖ លី ឈុនឡា

ឈុន សុខឡុង ប៉ងចង់បានមេដាយមាស ទោះឱកាសចូលរួមស៊ីហ្គេម ២០២៣ នៅស្រពេចស្រពិល

តេក្វាន់ដូ៖ សមាជិកក្រុមជម្រើសជាតិតេក្វាន់ដូ WT កម្ពុជា ឈុន សុខឡុង បានបង្ហើបថា ខ្លួននៅតែរក្សាក្ដីស្រម៉ៃចង់ដណ្ដើមមេដាយមាសជូនជាតិសម្រាប់ការប្រកួតកីឡាស៊ីហ្គេម ពិសេសស៊ីហ្គេមឆ្នាំ២០២៣ ទោះបីឱកាសបង្ហាញខ្លួនក្នុងព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ ស្ថិតក្នុងភាពស្រពេចស្រពិលនៅឡើយក៏ដោយ។ ការលើកឡើងនេះ បន្ទាប់ពីខ្លួនខកខានឱកាសប្រជែងមេដាយមាសនៅស៊ីហ្គេមលើកទី៣១ នៅប្រទេសវៀតណាម កាលពីថ្មីៗ ដោយសារការរបួសជង្គង់អំឡុងការប្រកួតវគ្គពាក់កណ្ដាលផ្ដាច់ព្រ័ត្រ ហើយត្រូវបង្ខំចិត្តបោះបង់ការប្រកួត និងទទួលបានត្រឹមមេដាយសំរឹទ្ធប៉ុណ្ណោះ។ សុខឡុង ថា មកទល់ពេលនេះស្ថានភាពរបួសរបស់ខ្លួនមានភាពល្អប្រសើរ បន្ទាប់ពីធ្វើការវះកាត់ភ្លាមៗ និងមានការយកចិត្តទុកដាក់ពីថ្នាក់ដឹកនាំ។ កីឡាករវ័យ ២២ឆ្នាំរូបនេះបន្ដថា ក្រោយវះកាត់រួច ខ្លួនត្រូវសម្រាកព្យាបាលយ៉ាងហោច ៦ខែ តែជាង ២ខែកន្លងមកនេះរូបគេបានត្រឡប់ចូលហ្វឹកហាត់ពង្រឹងសាច់ដុំជាបណ្ដើរៗ ពោលគឺធ្វើយ៉ាងណាព្យាបាលឲ្យជាសះស្បើយទាន់ស៊ីហ្គេមឆ្នាំ២០២៣ ដើម្បីសម្រេចក្ដីស្រម៉ៃដែលខ្លួនប៉ងចង់ដណ្ដើមមេដាយមាសជូនជាតិ ពិសេសលើទឹកដីរបស់ខ្លួននេះតែម្ដង។ឈុន សុខឡុង បានបន្ថែមថា ក្នុងដំណាក់កាលស្រពេចស្រពិលនេះ ខ្លួនមិនទាន់គិតអ្វីច្រើនក្រៅពីការខំព្យាបាលរបួស និងប្រឹងប្រែងហ្វឹកហាត់តាមការណែនាំនោះទេ តែប្រសិនបើលក្ខខណ្ឌចាំបាច់ដែលខ្លួនមិនអាចចូលរួមប្រកួតស៊ីហ្គេមឆ្នាំ២០២៣ រូបគេនឹងប្ដូរពីតួនាទីជាកីឡាករមកជាអ្នកផ្ដល់យោបល់ឲ្យមិត្តរួមក្រុមវិញ ពោលគឺធ្វើយ៉ាងណាឲ្យតែបានរួមចំណែកក្នុងបេសកកម្មស្វែងរកមេដាយជូនជាតិ ក៏គេសប្បាយចិត្តដែរ។ គួរដឹងថា កីឡាករ ឈុន សុខឡុង ត្រូវបានធ្វើការវះកាត់ភ្លាមៗនៅប្រទេសវៀតណាម បន្ទាប់ពីពិនិត្យឃើញដាច់សរសៃជង្គង់អំឡុយការប្រកួតវគ្គពាក់កណ្ដាលផ្ដាច់ព្រ័ត្រ នៃព្រឹត្តិការណ៍ស៊ីហ្គេមលើកទី៣១ នៅទីក្រុងហាយណូកាលពីខែឧសភាកន្លងទៅ។ ក្រោយត្រឡប់មកដល់កម្ពុជាវិញ រូបគេត្រូវបានដានតានយ៉ាងយកចិត្តទុកដាក់ពីថ្នាក់ដឹកនាំក្រសួងអប់រំ យុវជន និងកីឡា, គណៈកម្មាធិការជាតិអូឡាំពិកកម្ពុជា, គណៈកម្មាធិការជាតិ CAMSOC និងសហព័ន្ធផ្ទាល់ ដើម្បីលើកទឹកចិត្តក្នុងការព្យាបាលរបួសរូបគេឲ្យឆាប់ជាសះស្បើយ និងត្រៀមខ្លួនចូលរួមប្រកួតស៊ីហ្គេមឆ្នាំ២០២៣ នៅកម្ពុជានាពេលខាងមុខ ៕អត្ថបទ៖ លី ឈុនឡា

កម្ពុជាត្រៀមជាង ៥០០វិញ្ញាសាសម្រាប់ការប្រកួតកីឡាស៊ីហ្គេមឆ្នាំ២០២៣

ស៊ីហ្គេម៖ កម្ពុជាបានត្រៀមវិញ្ញាសាប្រកួតប្រមាណជាង ៥០០វិញ្ញាសាសម្រាប់ដាក់បញ្ចូលក្នុងការប្រកួតកីឡាស៊ីហ្គេមឆ្នាំ២០២៣។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ។ ការគូសបញ្ជាក់នេះបន្ទាប់ពីទទួលបានការអនុញ្ញាតពីថ្នាក់ដឹកនាំ CAMSOC ក្នុងការកោះប្រជុំជាមួយសហព័ន្ធកីឡាជាតិ ដើម្បីជជែកអំពីការកំណត់វិញ្ញាសាប្រកួតតាមប្រភេទកីឡានីមួយៗ សម្រាប់ដាក់បញ្ចូលក្នុងការប្រកួតស៊ីហ្គេម ឆ្នាំ២០២៣ ខណៈក្រុមប្រឹក្សាកីឡាអាស៊ីអាគ្នេយ៍នឹងមានកិច្ចប្រជុំមួយ នៅទីក្រុងបាងកក ប្រទេសថៃ នាដើមសប្ដាហ៍ក្រោយ ដើម្បីត្រួតពិនិត្យពីកម្មវិធីប្រកួតរបស់ម្ចាស់ផ្ទះកម្ពុជា។ ជាលទ្ធផលឆ្លើយតបនឹងការអនុម័តកីឡាចំនួន ៣៩ប្រភេទ បូកកីឡាសម្ដែង ១ប្រភេទរបស់ក្រុមប្រឹក្សាកីឡាអាស៊ីអាគ្នេយ៍ កាលពីអំឡុងខែកក្កដាកន្លងទៅកិច្ចប្រជុំបានត្រៀមវិញ្ញាសាសរុបជាង ៥០០វិញ្ញាសាដើម្បីដាក់បង្ហាញក្នុងកិច្ចប្រជុំក្រុមប្រឹក្សាកីឡាអាស៊ីអាគ្នេយ៍ នាសប្ដាហ៍ក្រោយ ។ ឯកឧត្តមបានចាត់ទុកនេះគឺជាជោគជ័យមួយ លើការងារបច្ចេកទេសរបស់សហព័ន្ធក្នុងការត្រៀមខ្លួនទទួលព្រឹត្តិការណ៍ជាប្រវត្តិសាស្ដ្រ ដែលកម្ពុជាទន្ទឹងរង់ចាំអស់ ៦៤ឆ្នាំនេះ។ឯកឧត្តម វ៉ាត់ ចំរើន បានគូសបញ្ជាក់បន្ថែមថា ដោយគោរពតាមការណែនាំដ៏ខ្ពង់ខ្ពស់របស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធាន CAMSOC និងឯកឧត្តមបណ្ឌិត ថោង ខុន អនុប្រធានអចិន្ត្រៃយ៍ CAMSOC គឺត្រូវធ្វើយ៉ាងណាឲ្យមានភាពស្មោះត្រង់ និងមានភាពបរិសុទ្ធថ្លៃថ្នូ ក្នុងការធ្វើការងារបច្ចេកទេស មិនមែនជាការរៀបចំដោយមិនគោរពបទបញ្ជាការប្រកួត និងគោលការណ៍ Fair Play នោះឡើយ ពោលគឺធ្វើយុទ្ធសាស្ត្រនៅក្នុងបច្ចេកទេស និងក្នុងក្របខណ្ឌនៃបទបញ្ជាប្រកួត។ សូមបញ្ជាក់ថា គិតត្រឹមថ្ងៃទី១២ ខែសីហានេះកម្ពុជាសល់ពេល ២៦៦ថ្ងៃទៀតប៉ុណ្ណោះសម្រាប់ដំណើរឆ្ពោះទៅធ្វើម្ចាស់ផ្ទះលើកដំបូង នៃព្រឹត្តិការណ៍កីឡាស៊ីហ្គេមឆ្នាំ២០២៣ ដែលនឹងប្រារព្ធពិធីបើកនាថ្ងៃទី០៥ ខែឧសភា និងបិទនៅថ្ងៃទី១៧ ខែឧសភា ឆ្នាំ២០២៣ មុនបន្ដរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ចាប់ពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ដដែល៕អត្ថបទ៖ លី ឈុនឡា

បុរសសញ្ជាតិអេស្តូនី Jaan Roose ដើរលើខ្សែពួរ ៦២៥ម៉ែត្រឆ្លងកាត់ទន្លេរវាងអគារកម្ពស់ ១៨៨ម៉ែត្រ

កីឡាប្លែក៖ បុរសសញ្ជាតិអេស្តូនី Jaan Roose បានធ្វើរឿងមិនគួរឱ្យជឿមួយ ក្រោយសំរេចជោគជ័យក្នុងការដើរលើខ្សែពួរចម្ងាយ ៦២៥ម៉ែត្រឆ្លងកាត់ទន្លេ ដោយខ្សែពួរត្រូវបានចងភ្ជាប់រវាងអគារកម្ពស់ខ្ពស់ពីរនៅទីក្រុង Rotterdam ប្រទេសហូឡង់។ ការចងភ្ជាប់រវាងអគារខ្ពស់ពីរ Jaan Roose ត្រូវដើរឆ្លងកាត់ពីលើទន្លេដែលមានកម្ពស់ ១៨៨ម៉ែត្រពីទឹក និងបានសំរេចដើរឆ្លងពីម្ខាងទៅម្ខាងប្រើពេលដល់ទៅ ៤៩នាទី។ Jaan Roose បាននិយាយថា ការចាប់ផ្តើមចេញដំណើរមានការលំបាកបន្តិចដោយសារមានខ្យល់ តែកាន់តែលំបាកក្នុងចំណោមចម្ងាយ ៦២៥ម៉ែត្រ កម្ពស់ ១៨៨ម៉ែត្រពីទឹកគឺនៅពេលឆ្លងផុតពាក់កណ្តាលផ្លូវ ពោលគឺនៅពេលខ្សែពួរកោងត្រូវដើរឡើងចំណោតនៃខ្សែពួរ។នេះជារឿងមិនគួរឱ្យជឿសំរាប់ទស្សនិកជនដែលបានឃើញសមត្ថភាពបែបនេះ តែមិនមែនជារឿងចំឡែកសំរាប់ Jaan Roose ឡើយដោយរូបគេគឺជាជើងឯកពិភពលោកច្រើនសម័យកាល និងជាម្ចាស់កំណត់ត្រាពិភពលោកផងដែរក្នុងការដើរលើខ្សែពួរបែបនេះ ពោលគឺ Jaan Roose បានចាប់ផ្តើមដើរបែបនេះតាំងពីអាយុ ១៨ឆ្នាំ៕អត្ថបទ៖នាង សុភាវុធ

Brentford ទិញបានខ្សែបម្រើស្លាបដាណឺម៉ាក Mikkel Damsgaard ពី Sampdoria

បាល់ទាត់៖ ក្លិប Brentford បានសំរេចក្នុងការនាំយកខ្សែបម្រើស្លាបដាណឺម៉ាក Mikkel Damsgaard ផ្លូវការហើយក្នុងតម្លៃប្រមាណ ១៥លានផោនពីក្លិបអ៊ីតាលី Sampdoria។ កីឡាករវ័យ ២២ឆ្នាំរូបនេះបានមកដល់ទឹកដីអង់គ្លេសថ្ងៃពុធម្សិលមិញ និងបានចុះហត្ថលេខារយៈពេល ៥ឆ្នាំនៅកីឡដ្ឋាន Community Stadium។Mikkel Damsgaard គឺជាអ្នកស៊ុតបញ្ចូលទីបាល់ Freekick នាំមុខអង់គ្លេសនៅវគ្គពាក់កណ្តាលផ្តាច់ព្រ័ត្រ Euro 2020 ឆ្នាំមុន មុនពេលអង់គ្លេសវាយបកយកឈ្នះវិញនៅម៉ោងបន្ថែម។ Mikkel Damsgaard បានផ្លាស់ទៅ Sampdoria កាលពីខែកក្កដា ឆ្នាំ២០២០ ស៊ុតបញ្ចូលទីបាន ២គ្រាប់ក្នុងការបង្ហាញខ្លួន ៤៩ប្រកួត។ តែសម្រាប់ជំរើសជាតិដាណឺម៉ាក Mikkel Damsgaard រកបាន ៤គ្រាប់ក្នុងការបង្ហាញខ្លួន ១៦លើកប៉ុណ្ណោះ។គិតមកដល់ពេលនេះ Brentford បាននាំចូលកីឡាករថ្មី ៤នាក់ហើយរួមមានខ្សែការពារ Ben Mee និង Aaron Hickey ខណៈខ្សែប្រយុទ្ធមាន Keane Lewis-Potter និងអ្នកចាំទី Thomas Strakosha ហើយ Damsgaard នឹងជាកីឡាករទី៥។ Brentford បើកឆាកប្រកួតដំបូងនៅ English Premier League ស្មើនៅទឹកដី Leicester City ខណៈចុងសប្តាហ៍នេះត្រូវទទួល Manchester United៕អត្ថបទ៖នាង សុភាវុធ

World Cup 2022 គ្រោងចាប់ផ្តើមមុនការគ្រោងទុកមួយថ្ងៃ

បាល់ទាត់៖ ព្រឹត្តិការណ៍បាល់ទាត់ពិភពលោក FIFA World Cup 2022 នៅប្រទេសកាតាចុងឆ្នាំនេះ គ្រោងនឹងផ្លាស់ប្តូរកាលវិភាគបន្តិចបន្តួចគឺចាប់ផ្តើមមុនការគ្រោងទុកមួយថ្ងៃ។ កាលវិភាគចាស់គឺការប្រកួតបើកឆាកក្នុងពូល A គ្រោងធ្វើនៅថ្ងៃទី២១ ខែវិច្ឆិកា ឆ្នាំ២០២២ នេះរវាងក្រុមសេណេហ្កាល់ជួបហូឡង់។ តែនៅពេលនេះម្ចាស់ផ្ទះគ្រោងចាប់ផ្តើមមុនមួយថ្ងៃពោលគឺលើកមកថ្ងៃអាទិត្យ ទី២០ ខែវិច្ឆិការវាងក្រុមម្ចាស់ផ្ទះកាតាជួបអេក្វាដ័រជាជំនួបបើកឆាកវិញ។ ការផ្លាស់ប្តូរនេះគឺស្របតាមប្រពៃណីជាយូរមកហើយ ដោយក្រុមម្ចាស់ផ្ទះត្រូវចាប់ផ្តើមការប្រកួតមុនគេក្រោយពិធីបើកជាផ្លូវការ។ យ៉ាងណាក្តីគំរោងផ្លាស់ប្តូរកាលវិភាគប្រកួតមកមុនមួយថ្ងៃនេះ នៅមិនទាន់សំរេចផ្លូវការនៅឡើយ ពោលគឺ FIFA ត្រូវធ្វើការជជែកពិភាក្សាជាមួយបណ្តាភាគីពាក់ព័ន្ធជាមុនសិន។ កាតាស្ថិតក្នុងពូល A ដែលត្រូវជួបជាមួយអេក្វាដ័រ ខណៈសេណេហ្កាល់ជួបហូឡង់៕អត្ថបទ៖នាង សុភាវុធ

Alexis Sanchez ផ្លាស់ទៅក្លិបបារាំង Marseille ផ្លូវការក្រោយចាកចេញពី Inter Milan

បាល់ទាត់៖ ក្លិបបារាំង Olympique Marseille បានសំរេចក្នុងការនាំយកខ្សែប្រយុទ្ធស៊ីលី Alexis Sanchez ផ្លូវការ ដោយគ្មានតម្លៃផ្ទេរជាមួយនឹងកិច្ចសន្យា ២ឆ្នាំ។ កីឡាករវ័យ ៣៣ឆ្នាំរូបនេះទើបតែបានចែកផ្លូវគ្នាជាមួយក្លិបអ៊ីតាលី Inter Milan ដោយព្រមព្រៀងរៀងខ្លួន។ កីឡាករជំរើសជាតិស៊ីលីរូបនេះស៊ុតបញ្ចូលទី ២០គ្រាប់ក្នុងការបង្ហាញខ្លួន ១០៩ប្រកួតជាមួយក្លិបនៅ Serie A មួយនេះតាំងពីផ្ទេរពី Manchester United ក្នុងលក្ខខណ្ឌខ្ចី និងទិញផ្តាច់នៅឆ្នាំ២០១៩។ ក្រោយមកកីឡាករវ័យ ៣៣ឆ្នាំរូបនេះបានរួមចំណែកជួយ Inter Milan ឈ្នះពានលីគកំពូលអ៊ីតាលី Serie A លើកដំបូងក្នុងរយៈពេល ១១ឆ្នាំនៅរដូវកាល ២០២០-២១ តែក្រោយមកក៏មិនសូវមានឱកាសលេងពេញលេញឡើយនៅរដូវកាលមុន។Alexis Sanchez ដែលធ្លាប់រួមអាជីពជាមួយកាំភ្លើងធំ Arsenal រយៈពេល ៤រដូវកាលនោះនឹងអាចបង្ហាញខ្លួនលើកដំបូងតែម្តងនៅទឹកដីបារាំងនៅពេល Marseille ធ្វើដំណើរទៅទឹកដី Brest នៅថ្ងៃចន្ទដែលជាសប្តាហ៍ទី២ ក្របខណ្ឌបារាំង Ligue 1 បន្ទាប់ពីសប្តាហ៍ទី១ Marseille យកឈ្នះ Reims ៤-១៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមប្រឹក្សាសន្តិសុខUN ថ្កោលទោសការវាយប្រហាររបស់ក្រុមហ៊ូទី និងជើងហោះហើរគ្មានការអនុញ្ញាតទៅកាន់យេម៉ែន

កម្ពុជា៖របាយការណ៍របស់អ្នករាយការណ៍ពិសេស UN ពាក់ព័ន្ធនឹងជនភៀសសឹកកម្ពុជាដោយសារទង្វើឈ្លានពានរបស់កងទ័ពថៃ គឺស្របតាមការពិតជាក់ស្ដែងនៃវត្តមានជនភៀសសឹកកម្ពុជា

សមាជិក ប.ស.ស. សាទរចំពោះម៉ាស៊ីនបញ្ជាក់អត្តសញ្ញាណស្វ័យប្រវត្តិជួយកាត់បន្ថយការរង់ចាំ

ក្រសួងការងារ៖ ប្រទេសកម្ពុជាមានឱកាសការងារជាង ៩ម៉ឺនកន្លែងកំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ

អតីតសិស្សនិទ្ទេស A៖ ការជ្រើសរើសរៀនជំនាញ IT ក្នុងវិស័យ TVET គឺជាជម្រើសដ៏ល្អសម្រាប់ខ្ញុំ ដើម្បីចាប់យកឱកាសការងារតាមយុគសម័យឌីជីថល

ឯកឧត្តម គន់ គីម អញ្ជើញចុះពិនិត្យទីតាំងដីសម្បទានសង្គមកិច្ចសម្រាប់សាងសង់ផ្ទះជូនអតីតយុទ្ធជន និងនិវត្តជន

វិចារណកថា ព្រៃឈើលើសពីបណ្ដុំនៃដើមឈើ៖«ព្រៃឈើ មិនមែនគ្រាន់តែជាបណ្ដុំនៃដើមឈើច្រើនដើមនោះទេ ប៉ុន្តែគឺជាសហគមន៍នៃទំនាក់ទំនង»

លិខិតចំហ៖អង្គការសង្គមស៊ីវិលផ្ញើជូន ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន

កម្ពុជា-ICRC ពង្រឹងកិច្ចសហប្រតិបត្តិការផ្តោតសំខាន់លើសកម្មភាពមនុស្សធម៌

តំណាងស្ថានទូតកម្ពុជាបានចូលរួមកិច្ចគណៈកម្មាធិការអាស៊ាននៅទីក្រុងតូក្យូ (ACT) លើកទី ៣៣០

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ទិញ Cucurella មិនបាន Man City ព្រមព្រៀងទិញខ្សែការពារវ័យក្មេងអេស្ប៉ាញ Sergio Gomez

ផ្លូវការហើយ World Cup នឹងចាប់ផ្តើមមុនការគ្រោងទុកមួយថ្ងៃដោយក្រុមម្ចាស់ផ្ទះប្រកួតបើកឆាក

ខ្សែបម្រើ Liverpool, Harvey Elliott បន្តកិច្ចសន្យារហូតដល់ឆ្នាំ២០២៧

ប្រធានតេក្វាន់ដូ ITF អាស៊ីមកទស្សនកិច្ច និងជួយពង្រឹងផ្នែកបច្ចេកទេសដល់កម្ពុជា

ឈុន សុខឡុង ប៉ងចង់បានមេដាយមាស ទោះឱកាសចូលរួមស៊ីហ្គេម ២០២៣ នៅស្រពេចស្រពិល

កម្ពុជាត្រៀមជាង ៥០០វិញ្ញាសាសម្រាប់ការប្រកួតកីឡាស៊ីហ្គេមឆ្នាំ២០២៣

បុរសសញ្ជាតិអេស្តូនី Jaan Roose ដើរលើខ្សែពួរ ៦២៥ម៉ែត្រឆ្លងកាត់ទន្លេរវាងអគារកម្ពស់ ១៨៨ម៉ែត្រ

Brentford ទិញបានខ្សែបម្រើស្លាបដាណឺម៉ាក Mikkel Damsgaard ពី Sampdoria

World Cup 2022 គ្រោងចាប់ផ្តើមមុនការគ្រោងទុកមួយថ្ងៃ

Alexis Sanchez ផ្លាស់ទៅក្លិបបារាំង Marseille ផ្លូវការក្រោយចាកចេញពី Inter Milan

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ទិញ Cucurella មិនបាន Man City ព្រមព្រៀង​ទិញ​ខ្សែ​ការពារ​វ័យក្មេង​អេ​ស្ប៉ា​ញ Sergio Gomez

ផ្លូវការ​ហើយ World Cup នឹង​ចាប់ផ្តើម​មុន​ការគ្រោងទុក​មួយថ្ងៃ​ដោយ​ក្រុម​ម្ចាស់ផ្ទះ​ប្រកួត​បើកឆាក

ខ្សែបម្រើ Liverpool, Harvey Elliott បន្ត​កិច្ចសន្យា​រហូតដល់​ឆ្នាំ​២០២៧

ប្រធាន​តេ​ក្វាន់​ដូ​ ITF ​អាស៊ី​មក​ទស្សនកិច្ច និង​ជួយ​ពង្រឹង​ផ្នែក​បច្ចេកទេស​ដល់​កម្ពុជា​

ឈុន សុខ​ឡុង ប៉ង​ចង់បាន​មេដាយ​មាស ទោះ​ឱកាស​ចូលរួម​ស៊ី​ហ្គេម ២០២៣ នៅ​ស្រពេចស្រពិល

កម្ពុជា​ត្រៀម​ជាង ៥០០​វិញ្ញាសា​សម្រាប់​ការប្រកួត​កីឡា​ស៊ី​ហ្គេម​ឆ្នាំ​២០២៣

បុរស​សញ្ជាតិ​អេ​ស្តូ​នី Jaan Roose ដើរ​លើ​ខ្សែពួរ ៦២៥ម៉ែត្រ​ឆ្លងកាត់​ទន្លេ​រវាង​អគារ​កម្ពស់ ១៨៨ម៉ែត្រ​

Brentford ទិញ​បាន​ខ្សែបម្រើ​ស្លា​បដា​ណឺ​ម៉ាក Mikkel Damsgaard ពី Sampdoria

World Cup 2022 គ្រោង​ចាប់ផ្តើម​មុន​ការគ្រោងទុក​មួយថ្ងៃ

Alexis Sanchez ផ្លាស់​ទៅ​ក្លិប​បារាំង Marseille ផ្លូវការ​ក្រោយ​ចាក​ចេញពី Inter Milan

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទិញ Cucurella មិនបាន Man City ព្រមព្រៀងទិញខ្សែការពារវ័យក្មេងអេស្ប៉ាញ Sergio Gomez

ផ្លូវការហើយ World Cup នឹងចាប់ផ្តើមមុនការគ្រោងទុកមួយថ្ងៃដោយក្រុមម្ចាស់ផ្ទះប្រកួតបើកឆាក

ខ្សែបម្រើ Liverpool, Harvey Elliott បន្តកិច្ចសន្យារហូតដល់ឆ្នាំ២០២៧

ប្រធានតេក្វាន់ដូ ITF អាស៊ីមកទស្សនកិច្ច និងជួយពង្រឹងផ្នែកបច្ចេកទេសដល់កម្ពុជា

ឈុន សុខឡុង ប៉ងចង់បានមេដាយមាស ទោះឱកាសចូលរួមស៊ីហ្គេម ២០២៣ នៅស្រពេចស្រពិល

កម្ពុជាត្រៀមជាង ៥០០វិញ្ញាសាសម្រាប់ការប្រកួតកីឡាស៊ីហ្គេមឆ្នាំ២០២៣

បុរសសញ្ជាតិអេស្តូនី Jaan Roose ដើរលើខ្សែពួរ ៦២៥ម៉ែត្រឆ្លងកាត់ទន្លេរវាងអគារកម្ពស់ ១៨៨ម៉ែត្រ

Brentford ទិញបានខ្សែបម្រើស្លាបដាណឺម៉ាក Mikkel Damsgaard ពី Sampdoria

World Cup 2022 គ្រោងចាប់ផ្តើមមុនការគ្រោងទុកមួយថ្ងៃ

Alexis Sanchez ផ្លាស់ទៅក្លិបបារាំង Marseille ផ្លូវការក្រោយចាកចេញពី Inter Milan