BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

Real Madrid លើកពាន UEFA Super Cup លើកទី៥ ក្រោយឈ្នះ Frankfurt

បាល់ទាត់៖ ក្រុមជើងឯកអេស្ប៉ាញ Real Madrid បានក្លាយជាជើងឯកការប្រកួតពានរង្វាន់ UEFA Super Cup ជាលើកទី៥ ក្នុងប្រវត្តិសាស្ត្រក្រោយយកឈ្នះ Frankfurt ២-០ នៅទីក្រុង Helsinki ប្រទេសហ្វាំងឡង់។ នេះជាការបង្ហាញខ្លួនដំបូងប៉ុណ្ណោះសំរាប់ Frankfurt ខណៈដែលក្រុមអាល្លឺម៉ង់មួយនេះគួរតែរកបានគ្រាប់នាំមុខមុនទៅហើយ តែខ្សែប្រយុទ្ធជប៉ុន Daichi Kamada ធ្វើមិនបានសំរេច។ ខ្សែប្រយុទ្ធបារាំង Karim Benzema បន្តស្ថិតិស៊ុតបញ្ចូលទីរបស់ខ្លួនដោយរកបានគ្រាប់ទី២ នៅវគ្គទី២ បន្ទាប់ពី David Alaba បើកការនាំមុខនៅវគ្គទី១។ ក្រុមរបស់លោក Carlo Ancelotti ឡើងមកការប្រកួតនេះក្នុងនាមជាជើងឯក UEFA Champions League ខណៈ Frankfurt ឡើងមកប្រកួតក្នុងនាមជាជើងឯក UEFA Europa League។ ជ័យជំនះរបស់ Real Madrid និងគ្រាប់បញ្ចូលទីរបស់ Karim Benzema ធ្វើឱ្យមជ្ឈដ្ឋានបាល់ទាត់គិតថា កីឡាករបារាំងរូបនេះមានលទ្ធភាពខ្ពស់ក្នុងការឈ្នះជ័យលាភីកីឡាករឆ្នើមបំផុតប្រចាំឆ្នាំ Ballon d’Or។មកដល់ពេលនេះ Karim Benzema ស៊ុតបញ្ចូលទីបាន ៤៤គ្រាប់ក្នុងការបង្ហាញខ្លួន ៤៦ប្រកួតឱ្យ Real Madrid រដូវកាលកន្លងមកឈ្នះពាន UEFA Champions League និង La Liga។ មួយគ្រាប់យប់មិញដែរជាគ្រាប់ទី៣២៤ របស់ Karim Benzema នៅ Real Madrid ផងដែរ។ Real Madrid នឹងបើករដូវកាលថ្មីក្របខណ្ដអេស្ប៉ាញ La Liga សប្តាហ៍នេះធ្វើដំណើរទៅទឹកដី Almeria៕អត្ថបទ៖នាង សុភាវុធ

រដ្ឋមន្ដ្រីក្រសួងអប់រំ និងប្រធាន ERIA ចាត់ទុកកីឡាគឺជាផ្នែកសំខាន់មួយនៃសង្គមទំនើប

ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា និងលោកសាស្ត្រាចារ្យ Hidetoshi Nishimura ប្រធានវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) បានលើកឡើងស្រដៀងគ្នា ដោយចាត់ទុកកីឡាគឺជាផ្នែកសំខាន់មួយនៃសង្គមទំនើប។ ការលើកឡើងនេះ ស្របពេលក្រសួងអប់រំ យុវជន និងកីឡា និងវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា បានសហការគ្នារៀបចំសិក្ខាសាលាមួយស្ដីពីការអភិវឌ្ឍតំបន់ហាត់ប្រាណ និងលេងកីឡានៅតំបន់អាស៊ានដែលរៀបចំរយៈពេល ២ថ្ងៃនៅថ្ងៃទី១០ និងថ្ងៃទី១១ ខែសីហា ឆ្នាំ២០២២ នៅសណ្ឋាគារសុខា ដោយមានការចូលរួមពីបណ្ដាប្រទេសអាស៊ានផងដែរ។ ថ្លែងក្នុងពិធីបើក ឯកឧត្តមរដ្ឋមន្ដ្រី ហង់ជួន ណារ៉ុន មានប្រសាសន៍ថា សិក្ខាសាលានេះរៀបចំឡើងដើម្បីចែករំលែកចំណេះដឹង និងការអនុវត្តល្អៗក្នុងចំណោមគ្រួសារអាស៊ាន ដើម្បីលើកកម្ពស់ជីវភាពប្រជាជនតាមរយៈសកម្មភាពកីឡា ពិសេសការជំរុញឲ្យមានតំបន់ហាត់ប្រាណគ្រប់បណ្ដាប្រទេស ក្នុងន័យបង្កើតកម្មវិធីកីឡាដ៏ទូលំទូលាយ ដើម្បីលើកទឹកចិត្តដល់របៀបរស់នៅឲ្យមានសុខភាពល្អ សកម្ម និងគាំទ្រដល់ការអភិវឌ្ឍជឿនលឿនក្នុងចំណោមរដ្ឋសមាជិកអាស៊ាន។ឯកឧត្តមបានសង្កត់ធ្ងន់ថា កីឡាគឺជាបាតុភូតសកល និងជាធាតុផ្សំសំខាន់នៃសង្គមទំនើប ដោយវាបានបង្រៀនពីតម្លៃ និងវិន័យ ហើយកីឡាក៏មានតម្លៃសង្គម និងសេដ្ឋកិច្ចដល់សង្គមដែរ ទោះបីវាមានទំហំខុសគ្នាពីប្រទេសមួយទៅប្រទេសមួយក៏ដោយ។ បន្ថែមពីលើនេះ ការហាត់ប្រាណ ឬការកម្សាន្ដក្នុងកីឡាគឺជាបទពិសោធន៍ ដែលកើតចេញពីការចូលរួមក្នុងសកម្មភាពរាងកាយ បញ្ញា ស្មារតី ការច្នៃប្រឌិត និងវប្បធម៌ ដែលលើកកម្ពស់សុខុមាលភាពបុគ្គល និងសហគមន៍ទៀតផង។ ដោយឡែកលោកសាស្ត្រាចារ្យ Hidetoshi Nishimura បានបញ្ចេញទស្សនៈផ្ទាល់ខ្លួនស្រដៀងគ្នានឹងឯកឧត្តមរដ្ឋមន្ដ្រីដែរ ព្រោះយល់ថា កីឡាក៏មានឥទ្ធិពលចំពោះសុខុមាលភាពសង្គម និងទំនាក់ទំនងយ៉ាងខ្លាំងជាមួយនឹងសេដ្ឋកិច្ច។ វិស័យកីឡាបានរួមចំណែកដល់សេដ្ឋកិច្ចតាមមធ្យោបាយជាច្រើន ព្រមទាំងបានបង្កើតនូវប្រាក់ចំណូល ពិសេសគឺការតភ្ជាប់កាន់តែជិតស្និទ្ធ និងបង្រួបបង្រួមមនុស្សចម្រុះ ដោយមិនប្រកាន់ភេទ ពូជសាសន៍ ឬពណ៌សម្បុរ។ ហេតុនេះលោកបានជំរុញឲ្យមានតំបន់ហាត់ប្រាណ និងការលេងកីឡាឲ្យបានច្រើន ដើម្បីទាញយកអត្ថប្រយោជន៍ជាច្រើនពីការលេងកីឡា ពិសេសក្នុងដំណាក់ការស្ដារឡើងវិញ ក្រោយជំងឺរាតត្បាលកូវីដ-១៩ តែម្ដង ៕អត្ថបទ៖ លី ឈុនឡា

ណាហ្កាវើលដ៍ វិសាខា បឹងកេត និងព្រះខ័នរាជស្វាយរៀងឡើងទៅវគ្គ ៨ក្រុមចុងក្រោយពានសម្តេចតេជោ

បាល់ទាត់៖ ក្លិបបួនដែលសុទ្ធតែធ្លាប់ជាម្ចាស់ពានបាល់ទាត់សម្តេចអគ្គមហាសេនាបតីតេជោ ហ៊ុន សែន ណាហ្កាវើលដ៍ វិសាខា បឹងកេត និងព្រះខ័នរាជស្វាយរៀងសុទ្ធតែបានឡើងទៅវគ្គ ១/៤ផ្តាច់ព្រ័ត្រការប្រកួតបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៦ ក្រោយឈ្នះគូប្រកួតរៀងៗខ្លួនទាំងពីរជើងវគ្គ ១៦ក្រុមចុងក្រោយ។ក្លិបណាហ្កាវើលដ៍ម្ចាស់ពានឆ្នាំ២០១៣ ជើងទី២ នេះបានត្រឹមតែស្មើអាស៊ីអឺរ៉ុប ០ទល់នឹង០ ទោះបីជាមានឱកាសច្រើនដងយ៉ាងណាក៏ដោយ។ តែជើងឯករងពានសម្តេច ៦ដង ណាហ្កា បានឡើងដោយសារជើងទី១ បានយកឈ្នះ ៤ទល់នឹង០។ វគ្គ ៨ក្រុមចុងក្រោយ ណាហ្កាវើលដ៍ត្រូវប្រកួតជាមួយអ្នកឈ្នះរវាងភ្នំពេញក្រោន និងខេត្តព្រៃវែង។ ម្ចាស់ជើងឯកពីរដង វិសាខា ឡើងវគ្គ ៨ក្រុមចុងក្រោយដែរបន្ទាប់ពីបានយកឈ្នះក្លិបបាល់ទាត់ខេត្តសៀមរាប ៣ទល់នឹង២ ជើងទី២ នៅទឹកដីព្រីនស៍។ ជំនួបនេះតង់ទី១ វិសាខានាំមុខ ២ទល់នឹង០ ដោយគ្រាប់បាល់របស់កីឡាករ ស៊ិន សុផាន់ណាត់ នាទីទី១៦ និងគី រីណា នាទីទី២៦។ តង់ទី២ នាទីទី៦៦ កីឡាកររ៉ឹង ប៊ុនហ៊ៀង។ តែនាទីទី៦៧ កីឡាករ វ៉ាន់ លុច វាយបកបានមួយគ្រាប់វិញឱ្យក្លិបសៀមរាប មុនពេលកីឡាករ ថា គ្រីយ៉ា បន្ថែមគ្រាប់ទី២ នៅនាទីទី៧៩។ នាទីនៅសល់គ្មានគ្រាប់បាល់បន្ថែមទៀតនោះទេ។ សរុបទាំងពីរជើងវិសាខាឈ្នះ ៩ទល់នឹង២ ឡើងទៅជួបអ្នកឈ្នះរវាងកងយោធពលខេមរភូមិន្ទ និងនគរបាលជាតិវគ្គបន្ទាប់។ ចំនែកម្ចាស់ពានរង្វាន់សម្តេចតេជោ ២០១៩ បឹងកេតឈ្នះអាយអេសអាយដង្កោសែនជ័យ ៣ទល់នឹង២ ជើងទី២ ខណៈជើងទី១ យកឈ្នះត្រឹមតែ ២ទល់នឹង០ ប៉ុណ្ណោះ។ ជំនួបជើងទី២ នេះបីគ្រាប់របស់បឹងកេតកើតឡើងដោយកីឡាករ ឱ ភារុណ នាទីទី៣០, សាន គឹមហេង នាទីទី៥៣ និងពុំ បារាំង ៧៩។ ពីរគ្រាប់របស់ អាយ អេស អាយ ដង្កោសែនជ័យធ្វើបានសម្រេចដោយកីឡាករ សាន ចំរ៉ុង នាទីទី៧៦ និង និន ម៉ាលីសក្តិ នាទីទី៨០។ វគ្គបន្ទាប់បឹងកេតត្រូវជួបអង្គរថាយហ្គឺរ រឺកោះកុងអេហ្វស៊ី។ដោយឡែកព្រះខ័នរាជស្វាយរៀង ក្រោយឈ្នះសូលទីឡូ ១ទល់នឹង០ ក្រៅដីជើងទី១, ថ្ងៃទី១០ ខែសីហា ត្រូវទទួលក្លិបមកពីសៀមរាបនៅទឹកដីខេត្តស្វាយរៀងវិញម្តង។ ជំនួបនេះម្ចាស់ពានបួនសម័យព្រះខ័នរាជស្វាយរៀងឈ្នះ ៤ទល់នឹង០។ លេងបាន ១៧នាទី កីឡាករ សា រ៉េត គ្រីយ៉ា តែតបញ្ចូលទីឱ្យព្រះខ័នរាជនាំមុខ។ ជិតចប់ការប្រកួតតង់ទី១ ប្រាក់ មុន្នីឧត្តម បន្ថែមគ្រាប់ទី២ ឱ្យព្រះខ័នរាជស្វាយរៀង។ តង់ទី២ នាទីទី៦៧ ព្រះខ័នរាជបន្ថែមមួយគ្រាប់ទៀតដោយគ្រាប់បាល់ទី២ របស់កីឡាករ សារ៉េត គ្រីយ៉ា។ នាទីទី៧៧ កីឡាករ ដូរចូល អ៊ាន ពិសី ស៊ុតបញ្ចូលទីគ្រាប់ទី៤ ឱ្យក្លិបម្ចាស់ផ្ទះ។ ចប់ការប្រកួតព្រះខ័នរាជស្វាយរៀងឈ្នះសូលទីឡូអង្គរ ៤ទល់នឹង០។ សរុបទាំងពីរជើងឈ្នះ ៥ទល់នឹង០។ វគ្គ ៨ក្រុមចុងក្រោយព្រះខ័នរាជស្វាយរៀង ត្រូវជួបអ្នកឈ្នះរវាងក្លិបអគ្គិសនីកម្ពុជា និងគីរីវង់សុខសែនជ័យ។សូមជម្រាបជូនថា ការប្រកួតបាល់ទាត់ពានង្វាន់សម្តេចអគ្គមហាសេនាបតីតេជោ ហ៊ុន សែន វគ្គ ១/៤ផ្តាច់ព្រ័ត្រនឹងត្រូវលេងនៅថ្ងៃទី២៤ និង៣១ ខែសីហាខាងមុខ ខណៈវគ្គផ្តាច់ព្រ័ត្រត្រូវលេងនៅថ្ងៃទី២៦ ខែតុលា ឆ្នាំ២០២២៕អត្ថបទ៖ គង់ ហួន

Serena Williams គ្រោងចូលនិវត្តន៍ពីអាជីពវាយកូនបាល់ក្រោយចប់ US Open

វាយកូនបាល់៖ កីឡាការិនីវាយកូនបាល់អាមេរិក Serena Williams បានបញ្ជាក់ពីគម្រោងចូលនិវត្តន៍របស់ខ្លួននៅក្រោយចប់ព្រឹត្តិការណ៍ Grand Slam, US Open ខាងមុខនេះ។ ម្ចាស់ជើងឯក Grand Slam ២៣លើករូបនេះបាននិយាយថា នាងនឹងបន្តដំណើរស្វែងរករឿងល្អៗក្នុងជីវិតរបស់នាង និងមិនចង់និយាយពាក្យថាចូលនិវត្តន៍ឡើយ។ Serena Williams បានវិលមកកាន់ការប្រកួតឯកត្តជនវិញកាលពីខែមិថុនាក្នុងព្រឹត្តិការណ៍ Wimbledon បន្ទាប់ពីរបួសដែលបានរំខានអស់រយៈពេលមួយឆ្នាំ។ កាលពីថ្ងៃចន្ទផងដែរ Williams ទើបតែស្គាល់ជ័យជំនះដំបូងរបស់ខ្លួនក្នុងកម្មវិធីប្រកួតមួយនៅទីក្រុង Toronto ប្រទេសកាណាដា។ Serena Williams នឹងបន្តចូលរួមការប្រកួត Grand Slam ចុងក្រោយប្រចាំឆ្នាំ US Open រឺក៏ជា Grand Slam ចុងក្រោយក្នុងអាជីពរបស់ខ្លួននៅចុងខែសីហានេះ។ កីឡាការិនីវ័យ ៤០ឆ្នាំរូបនេះធ្លាប់ឈ្នះពាន US Open ៦លើកក្នុងចំណោម Grand Slam ទាំង ២៣ របស់ខ្លួន។ សូមបញ្ជាក់ថា Serena Williams គឺជាកីឡាការិនីដែលឈ្នះពាន Grand Slam ច្រើនជាងគេទី២ សរុប ២៣លើកតាមពីក្រោយ Margaret Court ដែលមានសរុប ២៤លើក៕អត្ថបទ៖នាង សុភាវុធ

UEFA Super Cup យប់នេះនឹងប្រើប្រាស់ប្រព័ន្ធពាក់កណ្តាលស្វ័យប្រវត្តិចាប់ Off-Side

បាល់ទាត់៖ បច្ចេកវិទ្យាពាក់កណ្តាលស្វ័យប្រវត្តិក្នុងការចាប់បាល់ជំហរក្រៅល្បែង Off-Side នឹងត្រូវយកមកប្រើប្រាស់ក្នុងការប្រកួត UEFA Super Cup រាត្រីនេះរវាង Real Madrid និង Frankfurt នៅទីក្រុង Helsinki ប្រទេសហ្វាំងឡង់។ នេះជាជំនួបរវាងក្រុមជើងឯក UEFA Champions League រដូវកាលមុន Real Madrid និងជើងឯក Europa League, Frankfurt។ បច្ចេកវិទ្យាពាក់កណ្តាលស្វ័យប្រវត្តិក្នុងការចាប់បាល់ជំហរក្រៅល្បែង Off-Side ធ្លាប់ត្រូវបានយកមកប្រើប្រាស់រួចមកហើយអំឡុងការប្រកួត Arab Cup និង FIFA Club World Cup។ ក្រោយការប្រើប្រាស់សាកល្បងទទួលបានជោគជ័យតាមរយៈសុក្រឹត្យភាពខ្ពស់នោះ បច្ចេកវិទ្យានេះក៏នឹងត្រូវយកមកប្រើប្រាស់ផងដែរនៅ World Cup 2022 ប្រទេសកាតាឆ្នាំនេះ។ប្រព័ន្ធចាប់បាល់ជំហរក្រៅល្បែងស្វ័យប្រវត្តិហៅថា Semi-Automated Offside ត្រូវបានដំណើរការដោយកាមេរ៉ា ចន្លោះពី ១០ ទៅ ១២គ្រៀងដើម្បីប្រមូលយកទិន្នន័យ ២៩ភាគនៃរាងកាយកីឡាករម្នាក់ៗ។ ប្រសិនបើប្រព័ន្ធចាប់បានថា បាល់ Offside វានឹងបញ្ជូនសញ្ញាមកកាន់អាជ្ញាកណ្តាលដើម្បីសំរេចចុងក្រោយដូច VAR ដែរ៕អត្ថបទ៖នាង សុភាវុធ

Everton ទិញបានខ្សែបម្រើក្លិប Lille, Amadou Onana តម្លៃ ៣៣លានផោន

បាល់ទាត់៖ ក្លិប Everton បានសំរេចក្នុងការនាំយកខ្សែបម្រើប៊ែលហ្ស៊ិក Amadou Onana ពីក្លិបបារាំង Lille ក្នុងតម្លៃ ៣៣លានផោន។ កីឡាករវ័យ ២០ឆ្នាំរូបនេះមានវត្តមាននៅទឹកដី Goodison Park កាលពីថ្ងៃសៅរ៍នៅពេល Everton ចាញ់ Chelsea ១-០ ក្នុងថ្ងៃបើករដូវកាលថ្មី English Premier League។ West Ham ក៏ធ្លាប់មានចំណាប់អារម្មណ៍លើ Onana និងធ្លាប់ឈានដល់កិច្ចព្រមព្រៀងផងដែរ។ Amadou Onana បានក្លាយជាកីឡាករទី៥ ដែលមកកាន់ Everton បន្ទាប់ពី James Tarkowski, Dwight McNeil, Ruben Vinagre និង Conor Coady។ Amadou Onana បានមកកាន់ Lille កាលពីឆ្នាំ២០២១ ផ្ទេរពីក្លិបអាល្លឺម៉ង់ Hamburger ដោយបង្ហាញខ្លួនបាន ៣១ប្រកួតនៅក្លិបបារាំង។ Everton នឹងត្រូវធ្វើដំណើរទៅទឹកដី Aston Villa ថ្ងៃសៅរ៍នេះសប្តាហ៍ទី២ ក្របខណ្ឌ English Premier League៕អត្ថបទ៖នាង សុភាវុធ

Barcelona មិនទាន់បានចុះឈ្មោះកីឡាករចំណូលថ្មីនៅឡើយ ខណៈ La Liga បើករដូវកាលចុងសប្តាហ៍នេះ

បាល់ទាត់៖ ក្លិប FC Barcelona ត្រូវបានគេដឹងថា មិនទាន់បានចុះឈ្មោះកីឡាករថ្មីនៅឡើយសំរាប់ការប្រកួតនៅក្របខណ្ឌលីគអេស្ប៉ាញ La Liga ខណៈរដូវកាលថ្មីនឹងចាប់ផ្តើមចុងសប្តាហ៍នេះដោយ Barcelona ត្រូវជួបជាមួយ Rayo Vallecano។ Barcelona កំពុងតស៊ូជាមួយវិបត្តិហិរញ្ញវត្ថុរបស់ខ្លួន និងត្រូវរៀបចំប្រព័ន្ធហិរញ្ញវត្ថុរបស់ខ្លួនឱ្យស្របតាមគោលការរបស់ La Liga មានន័យថា ក្លឹបយក្សកាតាឡានមួយនេះបានលក់ចេញ នូវប្រាក់ចំណូលអនាគតដ៏ច្រើនសន្ធឹកសន្ធាប់របស់ខ្លួន ដើម្បីគោរពតាមគោលការណ៍ និងចុះឈ្មោះកីឡាករថ្មី។ Barcelona បានចំណាយលុយជាង ១២០លានផោនហើយនៅរដូវក្តៅនេះក្នុងការនាំចូលកីឡាករថ្មីដែលរួមមាន Robert Lewandowski ពី Bayern Munich, Raphinha ពី Leeds United និង Jules Kounde ពី Sevilla បូករួមទាំងកីឡាករដែលមកដល់ដោយគ្មានតម្លៃផ្ទេរ Andreas Christensen ពី Chelsea និង Franck Kessie ពី AC Milan។បញ្ហាប្រាក់ឈ្នួលកីឡាករបានក្លាយជាបញ្ហាចម្បងរបស់ក្លិប បូករួមជាមួយនឹងបំណុលជាច្រើនទៀត។ Frenkie de Jong ជាកីឡាករម្នាក់ក្នុងចំណោមកីឡាករមួយចំនួនទៀតដែលក្លិបបានជំពាក់ប្រាក់ឈ្នួល បញ្ហាប្រាក់ឈ្នួលនេះហើយដែលធ្វើឱ្យកីឡាករហូឡង់រូបនេះមិនទាន់ច្បាស់ពីអនាគតរបស់ខ្លួននៅ Nou Camp ស្របពេល Manchester United តាមប្រមាញ់អស់ជាច្រើនខែមកហើយ៕អត្ថបទ៖នាង សុភាវុធ

Manchester United បញ្ចប់ចំណាប់អារម្មណ៍លើ Arnautovic ក្រោយរងការរិះគន់

បាល់ទាត់៖ ក្លិបបិសាចក្រហម Manchester United បានបញ្ចប់ចំណាប់អារម្មណ៍របស់ខ្លួនហើយក្នុងការនាំយកខ្សែប្រយុទ្ធស្វ៊ីស Marko Arnautovic ពីក្លិបអ៊ីតាលី Bologna។ អ្នកចាត់ Manchester United លោក Erik ten Hag ត្រូវបានគេដឹងថា មានបំណងនាំយកកីឡាករវ័យ ៣៣ឆ្នាំរូបនេះមកកាន់ Old Trafford ដោយសារតែលោកធ្លាប់រួមការងារជាមួយ Arnautovic នៅក្លិបហូឡង់ FC Twente។ យ៉ាងណាក្តីគំរោងនេះត្រូវបានលុបចោលវិញ ដោយគេយល់ថា Bologna ទាមទារតម្លៃផ្ទេរខ្ពស់ បូករួមទាំងការរិះគន់មួយចាស់ដៃពីអ្នកគាំទ្រ និងអ្នកវិភាគពីការនាំយកអតីតខ្សែប្រយុទ្ធ West Ham រូបនេះ។ Manchester United បានចាប់ផ្តើមរដូវកាលថ្មីជាមួយនឹងបរាជ័យក្នុងទឹកដីខ្លួនឯង ក្រោមស្នាដៃក្រុមភ្ញៀវ Brighton ២-១ ខណៈប្រព័ន្ធប្រយុទ្ធត្រូវបានគេឃើញថាមានបញ្ហាខ្វះចន្លោះច្រើន បើទោះខ្សែប្រយុទ្ធវ័យចំណាស់ Cristiano Ronaldo ផ្លាស់ប្តូរចូលក្តី។រំលឹកថា Marko Arnautovic ធ្លាប់ជាកីឡាករនៅ Stoke City និង West Ham ស៊ុតបញ្ចូលទី ៤៣គ្រាប់ក្នុងការបង្ហាញខ្លួន ១៨៤ប្រកួត និងបច្ចុប្បន្នជាកីឡាកររបស់ក្លិបអ៊ីតាលី Bologna។ រដូវកាលមុនកីឡាករវ័យ ៣៣ឆ្នាំជំរើសជាតិអូទ្រីសរូបនេះរកបាន ១៤គ្រាប់ក្នុងការបង្ហាញខ្លួន ៣៣លើកនៅ Serie A៕អត្ថបទ៖នាង សុភាវុធ

Timo Werner ផ្លាស់ត្រលប់ទៅ RB Leipzig ផ្លូវការក្នុងតម្លៃ ២៥លានផោន

បាល់ទាត់៖ ក្លិបអាល្លឺម៉ង់ RB Leipzig បានសំរេចក្នុងការនាំយកត្រលប់មកវិញខ្សែប្រយុទ្ធអាល្លឺម៉ង់ Timo Werner ពីក្លិបតោខៀវ Chelsea ក្នុងតម្លៃប្រមាណ ២៥លានផោន។ ឆ្នាំ២០២០ Chelsea បាននាំយក Werner ទៅកាន់ Stamford Bridge ក្នុងតម្លៃផ្តាច់កុងត្រា ៤៥លានផោន។ កីឡាករវ័យ ២៦ឆ្នាំរូបនេះបានចុះហត្ថលេខារយៈពេល ៤ឆ្នាំដែលនឹងរក្សារូបគេនៅជាមួយក្លិបចាស់ RB Leipzig ដល់ឆ្នាំ២០២៦។ Timo Werner បានស៊ុតបញ្ចូលទី ២០គ្រាប់ក្នុងការបង្ហាញខ្លួន ៨៩ប្រកួតនៅ Chelsea ឈ្នះពាន UEFA Champions League នៅឆ្នាំ២០២១។ Timo Werner ធ្លាប់ស្ថិតក្នុងគោលដៅរបស់ក្លិបធំជាច្រើននៅអឺរ៉ុបដូចជា Liverpool, Bayern Munich និង Atletico Madrid បន្ទាប់ពីទំរង់លេងដ៏អស្ចារ្យរបស់ខ្លួននៅ Leipzig។បន្ទាប់ពីផ្លាស់ពី Stuttgart នៅឆ្នាំ២០១៦ Timo Werner បង្ហាញខ្លួនបានសរុប ១៥៩ប្រកួតក្នុងរយៈពេល ៤ឆ្នាំជាមួយ Leipzig ស៊ុតបញ្ចូលទីបានសរុប ៩៥គ្រាប់។ យ៉ាងណាក្តី Chelsea ដែលយកឈ្នះគូប្រជែងជាច្រើនក្នុងការចរចាទិញ Timo Werner នោះ មិនមែនជាទ្រនំជោគជ័យរបស់កីឡាករជំរើសជាតិអាល្លឺម៉ង់រូបនេះឡើយ៕អត្ថបទ៖នាង សុភាវុធ

អាស៊ានឯកភាពគ្នាក្នុងការអភិរក្ស និងអភិវឌ្ឍន៍កីឡាប្រពៃណីឲ្យនៅគង់វង្ស

អាស៊ាន៖ សិក្ខាសាលាអន្ដរជាតិស្តីពីការអភិរក្ស និងអភិវឌ្ឍន៍កីឡាប្រពៃណីក្នុងតំបន់អាស៊ាន ដែលរៀបចំដោយក្រសួងអប់រំ យុវជន និងកីឡាក្នុងឋានៈកម្ពុជាជាប្រធានអាស៊ានបានបញ្ចប់ដោយជោគជ័យ ក្រោយរៀបចំ ២ថ្ងៃនៅថ្ងៃទី០៨-០៩ ខែសីហា ឆ្នាំ២០២២ ខណៈបណ្ដាប្រទេសអាស៊ានទាំងអស់បានឯកភាពគ្នាក្នុងការអភិរក្ស និងអភិវឌ្ឍន៍វិស័យកីឡាប្រពៃណីក្នុងតំបន់ឲ្យកាន់តែរីកចម្រើន និងគង់វង្សយូរអង្វែង។ ថ្លែងក្នុងពិធីបិទ ឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡាមានប្រសាសន៍ថា ក្នុងនាមជាអ្នករៀបចំសិក្ខាសាលា ឯកឧត្តមថ្លែងអំណរចំពោះវាគ្មិន និងតំណាងប្រទេសចូលរួមទាំងអស់ សម្រាប់គំនិត ធាតុចូល ការពិភាក្សា និងកិច្ចសហប្រតិបត្តិការរបស់សមាជិក ដែលបានអនុញ្ញាតឲ្យក្រសួងបានរៀបចំសិក្ខាសាលានេះឡើង និងបានបញ្ចប់ដោយជោគជ័យ ដើម្បីរួមគ្នាអភិរក្សកីឡាប្រពៃណីក្នុងតំបន់។ លោក អ៊ុក ឌីវ៉ង់ អគ្គនាយករងនៃអគ្គនាយកដ្ឋានកីឡាបានបញ្ជាក់ថា ឆ្លងកាត់សិក្ខាសាលា ២ថ្ងៃកន្លងមក បណ្ដាប្រទេសអាស៊ានទាំងអស់បានឯកភាព និងប្ដេជ្ញារួមគ្នា ធ្វើការអភិរក្ស និងអភិវឌ្ឍន៍កីឡាប្រណៃទាំងអស់ ក្នុងន័យថែរក្សាឲ្យបានគង់វង្សយូរអង្វែងផង និងផ្សព្វផ្សាយពីប្រភេទកីឡាក្នុងតំបន់ទៅកាន់ពិភពលោកផង។ លើសពីនេះក៏មានការគាំទ្រចំពោះប្រភេទកីឡាប្រពៃណីជាតិខ្មែរ ដែលបានចូលរួមធ្វើបទបង្ហាញ និងសម្ដែងនាឱកាសផងដែរ។សូមបញ្ជាក់ថា ក្រោយបញ្ចប់សិក្ខាសាលានេះ ក្រសួងអប់រំ យុវជន និងកីឡានឹងបន្ដរៀបចំសិក្ខាសាលាមួយទៀត ស្ដីពីការអភិវឌ្ឍន៍តំបន់ហាត់ប្រាណ និងលេងកីឡានៅតំបន់អាស៊ាន។ សិក្ខាសាលាទី១ នេះមានរយៈពេល ២ថ្ងៃដូចគ្នានៅថ្ងៃទី១០ និងថ្ងៃទី១១ ខែសីហា ឆ្នាំ២០២២ នេះនៅសណ្ឋាគារសុខាភ្នំពេញ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

អាមេរិក នឹងដកការបិទច្រកកំពង់ផែអ៊ីរ៉ង់ នៅពេលការដឹកជញ្ជូនទំនិញបន្តជាថ្មីដោយគ្មានការារាំង

ប្រធានអាជ្ញាធរប៉ាឡេស្ទីន ស្វាគមន៍កតិកាសញ្ញាទីក្រុងមេកា ថាជាជំហានសម្រាប់សន្តិសុខរួម

នាយករដ្ឋមន្ត្រីថៃ សង្កត់ធ្ងន់លើការគ្រប់គ្រងអាវុធយ៉ាងតឹងរ៉ឹង បន្ទាប់ពីការបាញ់ប្រហារនៅសាលារៀន

មនុស្សរាប់ពាន់នាក់ ប្រមូលផ្តុំគ្នានៅទូទាំងប្រទេសប៉ាគីស្ថាន ប្រឆាំងការយកពន្ធប្រេងឥន្ធនៈ

ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សា នៅវត្តពោធិ៍ប្រាំពាន់ដើម ដើម្បីទ្រទ្រង់ និងលើកស្ទួយវិស័យព្រះពុទ្ធសាសនា!

អ្នកនាំពាក្យក្រសួងបរិស្ថាន អំពាវនាវដល់សាធារណជន និងអ្នកបង្កើតមាតិកាបញ្ឈប់ការផ្សព្វផ្សាយឬផលិតមាតិកាឃោសនា ជំរុញឬបង្ហាញពីការជួញដូរ បរិភោគ និងការចាប់សត្វព្រៃ ដែលជាអំពើល្មើសច្បាប់ ប៉ះពាល់ដល់សុខភាព និងបរិស្ថាន

កម្ពុជានាំចេញម្រេច GI ប្រមាណ ៥០តោន ទៅកាន់ទីផ្សារអន្តរជាតិ ក្នុងរយៈពេល៧ខែ

ក្រុមប្រឹក្សាសន្តិសុខUN ថ្កោលទោសការវាយប្រហាររបស់ក្រុមហ៊ូទី និងជើងហោះហើរគ្មានការអនុញ្ញាតទៅកាន់យេម៉ែន

កម្ពុជា៖របាយការណ៍របស់អ្នករាយការណ៍ពិសេស UN ពាក់ព័ន្ធនឹងជនភៀសសឹកកម្ពុជាដោយសារទង្វើឈ្លានពានរបស់កងទ័ពថៃ គឺស្របតាមការពិតជាក់ស្ដែងនៃវត្តមានជនភៀសសឹកកម្ពុជា

សមាជិក ប.ស.ស. សាទរចំពោះម៉ាស៊ីនបញ្ជាក់អត្តសញ្ញាណស្វ័យប្រវត្តិជួយកាត់បន្ថយការរង់ចាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Real Madrid លើកពាន UEFA Super Cup លើកទី៥ ក្រោយឈ្នះ Frankfurt

រដ្ឋមន្ដ្រីក្រសួងអប់រំ និងប្រធាន ERIA ចាត់ទុកកីឡាគឺជាផ្នែកសំខាន់មួយនៃសង្គមទំនើប

ណាហ្កាវើលដ៍ វិសាខា បឹងកេត និងព្រះខ័នរាជស្វាយរៀងឡើងទៅវគ្គ ៨ក្រុមចុងក្រោយពានសម្តេចតេជោ

Serena Williams គ្រោងចូលនិវត្តន៍ពីអាជីពវាយកូនបាល់ក្រោយចប់ US Open

UEFA Super Cup យប់នេះនឹងប្រើប្រាស់ប្រព័ន្ធពាក់កណ្តាលស្វ័យប្រវត្តិចាប់ Off-Side

Everton ទិញបានខ្សែបម្រើក្លិប Lille, Amadou Onana តម្លៃ ៣៣លានផោន

Barcelona មិនទាន់បានចុះឈ្មោះកីឡាករចំណូលថ្មីនៅឡើយ ខណៈ La Liga បើករដូវកាលចុងសប្តាហ៍នេះ

Manchester United បញ្ចប់ចំណាប់អារម្មណ៍លើ Arnautovic ក្រោយរងការរិះគន់

Timo Werner ផ្លាស់ត្រលប់ទៅ RB Leipzig ផ្លូវការក្នុងតម្លៃ ២៥លានផោន

អាស៊ានឯកភាពគ្នាក្នុងការអភិរក្ស និងអភិវឌ្ឍន៍កីឡាប្រពៃណីឲ្យនៅគង់វង្ស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Real Madrid លើក​ពាន UEFA Super Cup លើក​ទី៥ ក្រោយ​ឈ្នះ Frankfurt

រដ្ឋមន្ដ្រី​ក្រសួង​អប់រំ និង​ប្រធាន​ ERIA ​ចាត់​ទុក​កីឡា​គឺជា​ផ្នែក​សំខាន់​មួយ​នៃ​សង្គម​ទំនើប​

ណា​ហ្កា​វើ​លដ៍ វិសាខា បឹងកេត និង​ព្រះខ័ន​រាជ​ស្វាយរៀង​ឡើងទៅ​វគ្គ​ ៨​ក្រុម​ចុងក្រោយ​ពាន​សម្តេច​​តេ​ជោ

Serena Williams គ្រោង​ចូលនិវត្តន៍​ពី​អាជីព​វាយ​កូន​បាល់​ក្រោយ​ចប់ US Open

UEFA Super Cup យប់​នេះ​នឹង​ប្រើប្រាស់​ប្រព័ន្ធ​ពាក់កណ្តាល​ស្វ័យប្រវត្តិ​ចាប់ Off-Side

Everton ទិញ​បាន​ខ្សែបម្រើ​ក្លិប Lille, Amadou Onana តម្លៃ ៣៣​លាន​ផោន

Barcelona មិនទាន់បាន​ចុះឈ្មោះ​កីឡាករ​ចំណូល​ថ្មីនៅឡើយ ​ខណៈ La Liga បើក​រដូវ​កាល​ចុង​សប្តាហ៍​នេះ​

Manchester United បញ្ចប់​ចំណាប់អារម្មណ៍​លើ Arnautovic ក្រោយ​រង​ការរិះគន់​

Timo Werner ផ្លាស់​ត្រលប់​ទៅ RB Leipzig ផ្លូវការ​ក្នុងតម្លៃ ២៥លាន​ផោន

អាស៊ាន​ឯកភាព​គ្នា​ក្នុងការ​អភិរក្ស និង​អភិវឌ្ឍន៍​កីឡា​ប្រពៃណី​ឲ្យ​នៅ​គង់វង្ស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Real Madrid លើកពាន UEFA Super Cup លើកទី៥ ក្រោយឈ្នះ Frankfurt

រដ្ឋមន្ដ្រីក្រសួងអប់រំ និងប្រធាន ERIA ចាត់ទុកកីឡាគឺជាផ្នែកសំខាន់មួយនៃសង្គមទំនើប

ណាហ្កាវើលដ៍ វិសាខា បឹងកេត និងព្រះខ័នរាជស្វាយរៀងឡើងទៅវគ្គ ៨ក្រុមចុងក្រោយពានសម្តេចតេជោ

Serena Williams គ្រោងចូលនិវត្តន៍ពីអាជីពវាយកូនបាល់ក្រោយចប់ US Open

UEFA Super Cup យប់នេះនឹងប្រើប្រាស់ប្រព័ន្ធពាក់កណ្តាលស្វ័យប្រវត្តិចាប់ Off-Side

Everton ទិញបានខ្សែបម្រើក្លិប Lille, Amadou Onana តម្លៃ ៣៣លានផោន

Barcelona មិនទាន់បានចុះឈ្មោះកីឡាករចំណូលថ្មីនៅឡើយ ខណៈ La Liga បើករដូវកាលចុងសប្តាហ៍នេះ

Manchester United បញ្ចប់ចំណាប់អារម្មណ៍លើ Arnautovic ក្រោយរងការរិះគន់

Timo Werner ផ្លាស់ត្រលប់ទៅ RB Leipzig ផ្លូវការក្នុងតម្លៃ ២៥លានផោន

អាស៊ានឯកភាពគ្នាក្នុងការអភិរក្ស និងអភិវឌ្ឍន៍កីឡាប្រពៃណីឲ្យនៅគង់វង្ស