BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

កម្ពុជាលែងបារម្ភរឿងស្នាក់នៅ-ហូបចុក ក្រោយមានពន្លឺច្បាស់លាស់ពីភូមិកីឡា

ស៊ីហ្គេម៖ បញ្ហាស្នាក់នៅ-ហូបចុក និងការដឹកជញ្ជូនដែលជាកង្វល់របស់កម្ពុជា សម្រាប់ការត្រៀមលក្ខណៈស្វាគមន៍ប្រតិភូកីឡាក្នុងព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ត្រូវបានដោះស្រាយ និងលែងបារម្ភទៀតហើយ ក្រោយមានពន្លឺច្បាស់លាស់ពីភូមិកីឡានៃពហុកីឡដ្ឋានជាតិមរតកតេជោ ដែលកំពុងដំណើរការសាងសង់ដោយរលូន។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ រៀបចំការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ (CAMSOC) ក្រោយបញ្ចប់កិច្ចប្រជុំប្រចាំសប្ដាហ៍របស់គណៈអចិន្ដ្រៃយ៍ CAMSOC ក្រោមវត្តមានឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ CAMSOC កាលពីថ្ងៃទី០៩ ខែសីហា ក្នុងនោះក៏មានការពិនិត្យរបាយការណ៍គណៈកម្មការស្នាក់នៅ ហូបចុក និងដឹកជញ្ជូនផងដែរ។ ឯកឧត្តមបន្ដថា ដំបូងឡើយផែនការ A ពាក់ព័ន្ធនឹងការសាងសង់ភូមិកីឡា សម្រាប់ទទួលស្វាគមន៍ប្រតិភូកីឡានៃបណ្ដាប្រទេសអាស៊ានគឺមានភាពតានតឹង ព្រោះខ្លាចមានភាពយឺតយ៉ាវ មិនទាន់ពេលវេលា។ ប៉ុន្ដែបច្ចុប្បន្នការសាងសង់ភូមិកីឡាទទួលបានពន្លឺច្បាស់លាស់ ដែលមានលទ្ធភាពអាចទទួលប្រតិភូកីឡាបានប្រមាណជាង ៥ពាន់គ្រែ បូករួមទាំងកន្លែងហូបចុកនៅទីនោះស្រាប់ ដែលធ្វើឲ្យគណៈកម្មការរៀបចំធូរទ្រូង មិនមានបញ្ហាចោទសម្រាប់ការអនុវត្តផែនការ A ទៀតឡើយ។សូមបញ្ជាក់ថា ដោយសារបញ្ហាកូវីដ-១៩ បានធ្វើដំណើរការសាងសង់ភូមិកីឡា ដែលជាកន្លែងដ៏សំខាន់សម្រាប់ត្រៀមទទួលស្វាគមន៍ប្រតិភូ ពិសេសអត្តពលិកដែលនឹងមកចូលរួមប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជាមានភាពយឺតយ៉ាវ។ យ៉ាងណាក្ដីគណៈអចិន្ដ្រៃយ៍ CAMSOC ក្រោមការដឹកនាំរបស់ឯកឧត្តមបណ្ឌិត ថោង ខុន បានជំរុញក្រុមហ៊ុនសាងសង់រហូតសម្រេចបានសមិទ្ធផលជាបន្ដបន្ទាប់។ ប៉ុន្ដែប្រសិនបើផែនការ A នេះមិនទទួលបានជោគជ័យ CAMSOC ក៏បានត្រៀមផែនការ B ក្នុងការស្វែងរកសណ្ឋាគារផ្កាយប្រាំដើម្បីត្រៀមទទួលស្វាគមន៍ប្រតិភូ និងអត្តពលិកដែលនឹងមកចូលរួមប្រកួត ក៏ដូចជាអបអរសាទរព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានាឆ្នាំ២០២៣ ខាងមុខផងដែរ៕អត្ថបទ៖ លី ឈុនឡា

Thiago ប្រឈមអវត្តមាន ៦សប្តាហ៍ដោយសាររបួសសរសៃពួរ

បាល់ទាត់៖ ខ្សែបម្រើក្រុមហង្សក្រហម Liverpool, Thiago Alcantara ត្រូវប្រឈមអវត្តមានយ៉ាងហោចណាស់ ៦សប្តាហ៍ដោយសាររបួសសរសៃពួរអំឡុងការប្រកួតដែល Liverpool ស្មើគ្នា ២-២ នៅទឹកដី Fulham ថ្ងៃបើករដូវកាលថ្មី English Premier League។ កីឡាករអេស្ប៉ាញរូបនេះនៅតែមានបញ្ហាលើកាយសម្បទារបស់ខ្លួន តាំងពីផ្លាស់មកកាន់ Liverpool នៅឆ្នាំ២០២០ ដោយបង្ហាញខ្លួនបានត្រឹម ៤៩ប្រកួតប៉ុណ្ណោះក្នុងរយៈពេល ២រដូវកាលកន្លងមកនៅ Premier League។ របួសរបស់ Thiago ធ្វើឱ្យអ្នកចាត់ការ Jurgen Klopp កាន់តែឈឺក្បាលបន្ទាប់ពីកីឡាករផ្សេងទៀតមិនទាន់ជាពីរបួសដូចជា Alex Oxlade-Chamberlain, Curtis Jones និង Naby Keita តែយ៉ាងណាក្តី Liverpool គ្មានគម្រោងទិញចូលខ្សែបម្រើទៀតឡើយ។ Jordan Henderson និង Fabinho ចាប់ផ្តើម ១១នាក់ដំបូងពេលជួប Fulham រួមជាមួយ Thiago មុនត្រូវជំនួសដោយ Harvey Elliot នៅវគ្គទី២ ស្របពេល James Milner ក៏ដូរចូលគ្មានសល់ខ្សែបម្រើណាមួយឡើយនៅកៅអីបម្រុង។ Liverpool ត្រូវទទួលភ្ញៀវ Crystal Palace ចុងសប្តាហ៍នេះស្វែងរក ៣ពិន្ទុលើកដំបូងក្របខណ្ឌ English Premier League៕អត្ថបទ៖នាង សុភាវុធ

Inter Milan បញ្ចប់កិច្ចសន្យាជាមួយ Alexis Sanchez

បាល់ទាត់៖ ក្លិបអ៊ីតាលី Inter Milan បានបញ្ចប់កិច្ចសន្យាជាមួយខ្សែប្រយុទ្ធស៊ីលី Alexis Sanchez ហើយដោយការព្រមព្រៀងពីភាគីទាំងពីរ។ កីឡាករជំរើសជាតិស៊ីលីរូបនេះស៊ុតបញ្ចូលទី ២០គ្រាប់ក្នុងការបង្ហាញខ្លួន ១០៩ប្រកួតជាមួយក្លិបនៅ Serie A មួយនេះតាំងពីផ្ទេរពី Manchester United ក្នុងលក្ខខណ្ឌខ្ចី និងទិញផ្តាច់នៅឆ្នាំ២០១៩។ ក្រោយមកកីឡាករវ័យ ៣៣ឆ្នាំរូបនេះបានរួមចំណែកជួយ Inter Milan ឈ្នះពានលីគកំពូលអ៊ីតាលី Serie A លើកដំបូងក្នុងរយៈពេល ១១ឆ្នាំនៅរដូវកាល ២០២០-២១ តែក្រោយមកក៏មិនសូវមានឱកាសលេងពេញលេញឡើយនៅរដូវកាលមុន។ Alexis Sanchez ដែលធ្លាប់រួមអាជីពជាមួយកាំភ្លើងធំ Arsenal រយៈពេល ៤រដូវកាលនោះត្រូវបានគេដឹងថា មានទំនាក់ទំនងផ្ទេរទៅកាន់ក្លិបបារាំង Olympique Marseille។ Inter Milan នឹងបើករដូវកាលថ្មីក្របខណ្ឌអ៊ីតាលី Serie A ថ្ងៃសៅរ៍នេះធ្វើដំណើរទៅទឹកដី Lecce៕អត្ថបទ៖នាង សុភាវុធ

Manchester United ឈានដល់កិច្ចព្រមព្រៀង ១៥លានផោនយក Adrien Rabiot ពី Juventus

បាល់ទាត់៖ ក្រុមបិសាចក្រហម Manchester United បានឈានដល់កិច្ចព្រមព្រៀងហើយក្នុងតម្លៃ ១៥លានផោនក្នុងការនាំយកខ្សែបម្រើ Adrien Rabiot ពីសេះបង្កង់ Juventus នៅឡើយតែរង់ចាំការសំរេចចិត្តរបស់ម្តាយប៉ុណ្ណោះ នេះបើតាមការចុះផ្សាយរបស់សារព័ត៌មាន The Suns។ កីឡាករវ័យ ២៧ឆ្នាំរូបនេះបានស្ថិតនៅក្រៅជំរើសនៅ Juventus ខណៈកិច្ចសន្យារបស់គេនៅសល់តែមួយឆ្នាំទៀតប៉ុណ្ណោះ។ ការមកដល់របស់ Adrien Rabiot នឹងជួយដោះស្រាយបញ្ហាខ្សែបម្រើនៅ Manchester United ខណៈការបើករដូវកាលថ្មីកាលពីថ្ងៃអាទិត្យចាញ់ Brighton ក្នុងទឹកដីខ្លួនឯង ១-២។Adrien Rabiot បានផ្លាស់ទៅកាន់ Juventus កាលពីឆ្នាំ២០១៩ ក្រោយចាកចេញពី Paris Saint Germain ដោយគ្មានតម្លៃផ្ទេរ។ ការមកដល់របស់ Adrien Rabiot មិនបានធ្វើឱ្យ Manchester United បញ្ចប់ការចង់បាន Frenkie de Jong ពី Barcelona ដោយកីឡាករហូឡង់រូបនេះនៅតែគោលដៅចំបងរបស់អ្នកចាត់ការ Erik ten Hag៕អត្ថបទ៖នាង សុភាវុធ

Everton ខ្ចីខ្សែការពារអង់គ្លេស Conor Coady ពី Wolves ពេញមួយរដូវកាល

បាល់ទាត់៖ ក្លិប Everton បានសំរេចក្នុងការនាំយកខ្សែការពារអង់គ្លេស Conor Coady ពីក្លិបរួមលីគ Wolverhampton ក្នុងកិច្ចសន្យាខ្ចីពេញមួយរដូវកាល។ Everton ដែលដឹកនាំដោយ Frank Lampard កំពុងមានវិបត្តិខ្សែការពារធ្ងន់ធ្ងរ បន្ទាប់ពីកីឡាករសំខាន់ពីររូបរួមមាន Ben Godfrey និង Yerry Mina រងរបួសអំឡុងការប្រកួតដំបូង English Premier League រដូវកាលថ្មីនេះចាញ់ Chelsea កាលពីថ្ងៃសៅរ៍។ កីឡាករដែលមានដើមកំណើតនៅ Merseyside វ័យ ២៩ឆ្នាំរូបនេះទទួលបានអាវលេខ ៣០ នៅ Everton។Conor Coady គឺជាកីឡាករដែលចេញពីថ្នាលយុវជនរបស់ Liverpool និងបានផ្លាស់ទៅប្រកបអាជីពនៅ Huddersfield មុនពេលផ្ទេរទៅ Wolves នៅឆ្នាំ២០១៥ រហូតមកដល់ពេលនេះបង្ហាញខ្លួនបានជាង ៣០០ប្រកួត។ Conor Coady នឹងត្រូវសហការនៅតំបន់ការពាររបស់ Everton ជាមួយ James Tarkowski, Michael Keane និង Mason Holgate។ Wolves នឹងត្រូវទទួលស្វាគមន៍ក្រុមភ្ញៀវ Fulham ថ្ងៃសៅរ៍សប្តាហ៍នេះក្របខណ្ឌ English Premier League៕អត្ថបទ៖នាង សុភាវុធ

ប្រធានក្លិប Barcelona ថា Frenkie de Jong ចង់នៅបន្តជាមួយក្លិប

បាល់ទាត់៖ ខ្សែបម្រើហូឡង់ Frenkie de Jong ចង់បន្តស្នាក់នៅ Barcelona បន្តទៀត បើទោះជាមានការទាក់ទង់ស្អិតរមួតពី Manchester United មួយរយៈចុងក្រោយនេះក៏ដោយ នេះបើតាមការលើកឡើងរបស់ប្រធានក្លិប Barcelona លោក Joan Laporta។ ក្រុមបិសាចក្រហម Manchester United បានព្រមព្រៀងតម្លៃផ្ទេរ ៦៣.៥លានផោននាំយកកីឡាករវ័យ ២៥ឆ្នាំរូបនេះកាលពីខែមុន តែការផ្ទេរនៅទ្រឹងមិនទៅមុខមកដល់ពេលនេះ។ De Jong បានចូលលេងនៅវគ្គទី២ ក្នុងការប្រកួតដែល Barcelona យកឈ្នះក្លិបម៉ិកស៊ិក Pumas UNAM កាលពីថ្ងៃអាទិត្យ ៦-០។ បើតាមរបាយការព័ត៌មានមួយចំនួនឱ្យដឹងថា Barcelona ចង់ឱ្យ Frenkie de Jong កាត់ប្រាក់ឈ្នួលពាក់កណ្តាល ស្របពេលក្លិបកំពុងមានវិបត្តិហិរញ្ញវត្ថុនៅឡើយ។ បញ្ហាចម្រូងចម្រាសនៅពេលនេះគឺ De Jong មិនសប្បាយចិត្តជុំវិញរឿងប្រាក់ឈ្នួល ជាពិសេសគឺប្រាក់ឈ្នួលដែល Barcelona ជំពាក់ប៉ុន្មានឆ្នាំចុងក្រោយដោយសារវិបត្តិកូវីដ-១៩។ថ្វីបើជាក្លិបដែលកំពុងមានបំណុលរុំកោះក៏ដោយ Barcelona បានចំណាយលុយជាង ១២០លានផោនហើយនៅរដូវក្តៅនេះក្នុងការនាំចូលកីឡាករថ្មីដែលរួមមាន Robert Lewandowski ពី Bayern Munich, Raphinha ពី Leeds United និង Jules Kounde ពី Sevilla បូករួមទាំងកីឡាករដែលមកដល់ដោយគ្មានតម្លៃផ្ទេរ Andreas Christensen ពី Chelsea និង Franck Kessie ពី AC Milan។ ព័ត៌មានចុងក្រោយនេះដែរគឺខ្សែការពារអេស្ប៉ាញ Marcos Alonso ក៏ខិតជិតផ្ទេរពី Chelsea មកកាន់ Barcelona ផងដែរ៕អត្ថបទ៖នាង សុភាវុធ

Manchester United ចាប់ផ្តើមទាក់ទងទិញអតីតខ្សែប្រយុទ្ធ West Ham, Marko Arnautovic

បាល់ទាត់៖ ក្លិបបិសាចក្រហម Manchester United ត្រូវបានគេដឹងថា ចាប់ផ្តើមធ្វើទំនាក់ទំនងក្នុងការនាំយកអតីតខ្សែប្រយុទ្ធ West Ham, Marko Arnautovic។ អ្នកចាត់ការថ្មីលោក Erik ten Hag ត្រូវបានចោទសួរដោយអ្នកសារព័ត៌មានជុំវិញការផ្ទេរកីឡាករវ័យ ៣៣ឆ្នាំអូទ្រីសរូបនេះ តែអតីតអ្នកចាត់ការ Ajax រូបនេះមិនសង្កត់ធ្ងន់ជុំវិញរឿងនេះ។ Manchester United បានចាប់ផ្តើមរដូវកាលថ្មី ជាមួយនឹងបរាជ័យក្នុងទឹកដីខ្លួនឯងក្រោមស្នាដៃក្រុមភ្ញៀវ Brighton ២-១ ខណៈប្រព័ន្ធប្រយុទ្ធត្រូវបានគេឃើញថា មានបញ្ហាខ្វះចន្លោះច្រើន បើទោះខ្សែប្រយុទ្ធវ័យចំណាស់ Cristiano Ronaldo ផ្លាស់ប្តូរចូលក្តី។រំលឹកថា Marko Arnautovic ធ្លាប់ជាកីឡាករនៅ Stoke City និង West Ham ស៊ុតបញ្ចូលទី ៤៣គ្រាប់ក្នុងការបង្ហាញខ្លួន ១៨៤ប្រកួត និងបច្ចុប្បន្នជាកីឡាកររបស់ក្លិបអ៊ីតាលី Bologna។ រដូវកាលមុនកីឡាករវ័យ ៣៣ឆ្នាំជំរើសជាតិអូទ្រីសរូបនេះរកបាន ១៤គ្រាប់ក្នុងការបង្ហាញខ្លួន ៣៣លើកនៅ Serie A៕អត្ថបទ៖នាង សុភាវុធ

ប្រដាល់សកលចង់សម្រេចគោលដៅមេដាយមាសលើសពី ១គ្រឿងនៅស៊ីហ្គេមឆ្នាំ២០២៣

ប្រដាល់សកល៖ សហព័ន្ធកីឡាប្រដាល់សកលកម្ពុជា បាននឹងកំពុងពង្រឹងការហ្វឹកហាត់ជាខ្លាំងដល់ក្រុមជម្រើសជាតិរបស់ខ្លួន ទាំងបច្ចេកទេស និងស្មារតី ដើម្បីត្រៀមប្រជែងមេដាយជូនជាតិក្នុងឋានៈជាម្ចាស់ផ្ទះព្រឹត្តិការណ៍ស៊ីហ្គេមឆ្នាំ២០២៣ ពិសេសមេដាយមាសដែលសហព័ន្ធមានមហិច្ឆតាសម្រេចឲ្យបានលើសពី ១គ្រឿង។ លោក ប៊ុយ សោភ័ណ្ឌ អគ្គលេខាធិការសហព័ន្ធប្រដាល់សកលបានឲ្យដឹងថា គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានកំណត់សន្ទស្សន៍មេដាយមាស ១គ្រឿងសម្រាប់កីឡាប្រដាល់សកល។ ដើម្បីសម្រេចគោលដៅនេះ សហព័ន្ធបានរៀបចំយ៉ាងយកចិត្តទុកដាក់លើផែនការគ្រប់ជ្រុងជ្រោយ ពិសេសការបណ្ដុះបណ្ដាល និងពង្រឹងសមត្ថភាពកីឡាករ-កីឡាការិនីតែម្ដង។ ជាក់ស្ដែងសម្រាប់ផែនការត្រៀមស៊ីហ្គេមឆ្នាំ២០២៣ សហព័ន្ធមានកីឡាករខ្មែរម្នាក់ហាត់នៅថៃ ហើយម្នាក់ទៀតហាត់នៅវៀតណាម រួមជាមួយកីឡាករល្អៗមួយចំនួនធំសរុបមាន ១២នាក់ដែលកំពុងពង្រឹងការហ្វឹកហាត់ក្នុងស្រុក ជាមួយគ្រូបង្វឹកអន្ដរជាតិលោក Kkssymhanov Berikbol Amantayevich ជនជាតិកាហ្សាក់ស្ថាន ក្រោមការជួយឧបត្ថម្ភរបស់ CAMSOC ដើម្បីត្រៀមប្រកួតប្រជែង និងដណ្ដើមមេដាយជូនជាតិក្នុងព្រឹត្តិការណ៍ជាប្រវត្តិសាស្ដ្រ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំនេះ។អាស្រ័យហេតុនេះ សហព័ន្ធនឹងខិតខំសម្រេចឲ្យបាននូវសន្ទស្សន៍មេដាយមាស ដែលកំណត់ដោយគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) យ៉ាងហោចដណ្ដើមឲ្យបានមេដាយមាស ១គ្រឿង។ ប៉ុន្ដែជាគោលដៅ និងមហិច្ឆតារបស់សហព័ន្ធបានប្ដេជ្ញា នឹងព្យាយាមសម្រេចឲ្យបានលើសផែនការនេះ គឺព្យាយាមដណ្ដើមមេដាយមាសឲ្យបាន ២គ្រឿងតែម្ដង។ នេះបើតាមការបញ្ជាក់របស់លោក ប៊ុយ សុភ័ណ្ឌ។ ទន្ទឹងការខិតខំប្រឹងប្រែងនេះ ក្រៅពីការបញ្ជូនកីឡាករទៅហាត់នៅថៃរយៈពេល ២សប្ដាហ៍ សហព័ន្ធនឹងប្រឹងប្រែងស្វែងរកថវិកា ដើម្បីបានបញ្ជូនកីឡាករកម្ពុជាចេញទៅប្រកួតលក្ខណៈអន្តជាតិ ឲ្យបានច្រើនតាមដែលអាចធ្វើទៅបាន ដើម្បីឲ្យកីឡាករជម្រើសជាតិទទួលបានបទពិសោធកាន់តែច្រើន ព្រមទាំងអាចសម្រេចគោលដៅរបស់ CAMSOC។ មួយវិញទៀតសម្រាប់ឆ្នាំ២០២២ លោកក៏គ្រោងស្នើសុំទៅកាន់សហព័ន្ធកីឡាប្រដាល់សកលអន្តរជាតិ នូវថវិកាទ្រទ្រង់ដល់ការរៀបចំការប្រកួតប្រដាល់សកលក្នុងស្រុកឲ្យបានរៀងរាល់ ២សប្ដាហ៍ម្ដងចំនួន ៦លើកដូចកាលពីឆ្នាំ២០២១ ផងដែរ៕អត្ថបទ៖ លី ឈុនឡា

ពានសម្ដេចតេជោ-ថ្នាក់ជាតិនឹងបន្ដប្រកួតវគ្គជម្រុះ ១៦ក្រុមចុងក្រោយជើងទី២ ស្អែកនេះ

បាល់ទាត់៖ ពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ នឹងបន្ដការប្រកួតវគ្គជម្រុះ ១៦ក្រុមចុងក្រោយជើងទី២ នាថ្ងៃទី១០ ខែសីហាស្អែកនេះដោយមាន ៤គូ ខណៈ ៤គូផ្សេងទៀតនឹងត្រូវប្រកួតនាថ្ងៃទី១៧ ខែសីហាខាងមុខ។ សម្រាប់បេក្ខភាព ៤គូដែលត្រូវបានប្រកួតកាត់សេចក្ដីរកក្រុមខ្លាំងឡើងវគ្គ ៨ក្រុមចុងក្រោយស្អែកនេះរួមមាន ក្រុមព្រះខ័នរាជស្វាយរៀងត្រូវបើកទ្វារផ្ទះទទួលក្រុមសូលទីឡូអង្គរវិញម្ដង នាវេលាម៉ោង ៦៖៣០នាទីល្ងាចនៅកីឡដ្ឋានខេត្តស្វាយរៀង បន្ទាប់ពីរកបានជ័យជម្នះ ១-០ កាលពីជើងទី១ នៅទឹកដីខេត្ដសៀមរាប។ រីឯ ៣គូទៀតត្រូវប្រកួតនាម៉ោង ៣៖៣០នាទីរសៀលដំណាលៗគ្នា រួមមានក្រុមការពារតំណែងជើងឯកវិសាខា ប៉ះក្រុមសៀមរាបអេហ្វស៊ីនៅកីឡដ្ឋានព្រីនស៍, ក្រុមណាហ្គាវើលដ៏បន្ដជួបក្រុមអាស៊ីអឺរ៉ុបនៅកីឡដ្ឋាន AEU Sport Park និងក្រុមបឹងកេតបើកទ្វារកីឡដ្ឋានខេមបូឌាអ៊ែរវ៉េទទួលក្រុម ISI ដង្កោសែនជ័យ។ចំពោះលទ្ធផលកាលពីជើងទី១ ក្រុមសមាជិកលីគកំពូលកម្ពុជាសុទ្ធតែទទួលបានជ័យជម្នះ គឺក្រុមវិសាខាយកឈ្នះក្រុមសៀមរាបអេហ្វស៊ីដោយលទ្ធផល ៦-០, ក្រុមណាហ្គាវើលដ៏យកឈ្នះក្រុមអាស៊ីអឺរ៉ុបយូណាយធីតដោយលទ្ធផល ៤-០ និងក្រុមនាគខៀវបឹងកេតបានយកឈ្នះក្រុម ISI ដង្កោសែនជ័យដោយលទ្ធផល ២-០។ ក្រោយបញ្ចប់ការប្រកួតនេះ ក្រុមទទួលបានជ័យជម្នះក្នុងការប្រកួតសរុបទាំង ២ជើងនឹងត្រូវឡើងទៅឈរចាំនៅវគ្គ ៨ក្រុមចុងក្រោយ ដែលនឹងធ្វើការប្រកួតចំនួន ២ជើងដូចគ្នានាថ្ងៃទី២៤ និងថ្ងៃទី៣១ ខែសីហាខាងមុខ ដើម្បីចម្រាញ់ក្រុមខ្លាំងឡើងវគ្គពាក់កណ្ដាលផ្ដាច់ព្រ័ត្រ ក៏ដូចជាបន្ដការប្រកួតស្វែងរកបេក្ខភាពវគ្គផ្ដាច់ព្រ័ត្រ ដែលព្រឹត្តិការណ៍នេះគ្រោងនឹងបញ្ចប់នាថ្ងៃទី២៦ ខែតុលា ឆ្នាំ២០២២៕អត្ថបទ៖ លី ឈុនឡា

ក្រសួងអប់រំគាំទ្រការបង្កើតពាន King Snooker Cup ដើម្បីពង្រឹងធនធានត្រៀមស៊ីហ្គេម

ស្នូកឃ័រ៖ ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា នៃក្រសួងអប់រំ យុវជន និងកីឡាបានបង្ហាញការគាំទ្រពេញទំហឹងចំពោះសហព័ន្ធកីឡាប៊ីយ៉ា និងស្នូកឃ័រកម្ពុជាដែលបានរៀបចំពានរង្វាន់ King Snooker Cup 2022 ដោយឯកឧត្តមបានចាត់ទុកជាឱកាសពង្រឹងធនធាន ទាំងកីឡាករ និងមន្ដ្រីបច្ចេកទេសត្រៀមស៊ីហ្គេមឆ្នាំ២០២៣ ខាងមុខ។ ការបង្ហាញសុទិដ្ឋិនិយមនេះបន្ទាប់ពីពានរង្វាន់ King Snooker Cup 2022 ត្រូវបានប្រកាសបើកការប្រកួតជាផ្លូវការ កាលពីល្ងាចថ្ងៃទី០៨ ខែសីហា ក្រោមកិច្ចសហការរវាងសហព័ន្ធជាមួយក្លិប King Snooker Sport នៅទីតាំងក្លិបផ្ទាល់ ស្ថិតនៅសង្កាត់ជ្រោយចង្វារ ក្នុងនោះក៏មានការចូលរួមពីលោក ហេង សុវណ្ណ អនុប្រធានសហព័ន្ធកីឡាប៊ីយ៉ា និងស្នូកឃ័រកម្ពុជា តំណាងប្រធានសហព័ន្ធឯកឧត្តម ជុំ កុសល ផងដែរ។ ក្នុងនាមអាជ្ញាធរកីឡា និងជាអគ្គលេខាធិការរងទទួលបន្ទុកផ្នែកបច្ចេកទេសនៃគណៈកម្មាធិការជាតិ CAMSOC បានផ្ដល់ការគាំទ្រដល់សហព័ន្ធក្នុងការរៀបចំការប្រកួតឲ្យបានច្រើន ក្នុងន័យផ្ដល់ឱកាសឲ្យកីឡាករបានចូលរួមប្រកួត និងដុះខាតសមត្ថភាពឲ្យកាន់តែខ្លាំង ពិសេសសម្រិតសម្រាំងបាននូវធនធានកីឡាករឆ្នើមៗ សម្រាប់គោលដៅឆ្ពោះទៅប្រកួតក្នុងព្រឹត្តិការណ៍ជាប្រវត្តិសាស្ដ្រ នៅកម្ពុជានាឆ្នាំក្រោយ។ ម្យ៉ាងក៏ជាឱកាសពង្រឹងសមត្ថភាពមន្ដ្រីបច្ចេកទេសស្របតាមស្ដង់ដារអន្ដរជាតិ ដើម្បីមានលទ្ធភាពរៀបចំការប្រកួតអន្ដរជាតិនានា ពិសេសការប្រកួតកីឡាស៊ីហ្គេមឆ្នាំ២០២៣ ដែលសហព័ន្ធសាមី មិនត្រឹមតែបណ្ដុះបណ្ដាលកីឡាករ-កីឡាការិនី ដើម្បីប្រកួតប្រជែងមេដាយជូនជាតិនោះទេ តែក្នុងឋានៈជាម្ចាស់ផ្ទះ សហព័ន្ធក៏ត្រូវមានមន្ដ្រីបច្ចេកទេស ដូចជាអាជ្ញាកណ្ដាល-ចៅក្រមជាដើមដើម្បីចូលរួមរៀបចំការប្រកួតផងដែរ។លោក ហេង សុវណ្ណ បានបញ្ជាក់ថា ដើម្បីត្រៀមឆ្ពោះស៊ីហ្គេមឆ្នាំ២០២៣ សហព័ន្ធត្រូវការទាមទារនូវគុណភាពសមត្ថភាពកីឡាករ-កីឡាការិនីចម្បង ក្នុងគោលបំណងដើម្បីធានាការប្រកួតប្រជែងមេដាយជូនជាតិ។ តាមរយៈនេះ សហព័ន្ធនឹងបន្តការខិតខំរៀបចំការប្រកួតឲ្យបានកាន់តែច្រើន ដើម្បីឲ្យកាន់តែស្ទាត់ជំនាញលើផ្នែកបច្ចេកទេស អាចឈានទៅប្រកួតប្រជែងមេដាយក្នុងឋានៈជាម្ចាស់ផ្ទះ ដែលកម្ពុជាទន្ទឹងរង់ចាំអស់ ៦៤ឆ្នាំនេះ។ លោក ម៉ារ៉ា សុជាតិ អគ្គលេខាធិការសហព័ន្ធបានឲ្យដឹងថា ពានរង្វាន់ King Snooker Cup 2022 នេះគ្រោងដំណើរការប្រកួត ៣សប្ដាហ៍ ដោយមានកីឡាករឆ្នើមៗ ១៦រូបចូលរួម និងបែងចែកជា ៤ពូលដើម្បីធ្វើការប្រកួតជម្រុះរហូតចម្រាញ់បានកីឡាករជ័យលាភី។ ក្រៅពីព្រឹត្តិការណ៍នេះ សហព័ន្ធក៏មានផែនការរៀបចំការប្រកួតជាបន្ដបន្ទាប់ ពិសេសការត្រៀមរៀបចំការប្រកួតចំនួន ៦វិញ្ញាសាក្នុងព្រឹត្តិការណ៍កីឡាជាតិលើកទី៣ នាខែវិច្ឆិកាខាងមុខតែម្ដង៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

NEA និង គម្រោង AVT-GERMANY រៀបចំសិក្ខាសាលាផ្តល់ចំណេះដឹងដល់មន្ត្រី លើជំនាញវិស័យមេកានិចយានយន្ត និងអគ្គិសនី

ក្រសួងការងារ៖ ខេត្តកណ្ដាល មានឱកាសការងារជាង ២ម៉ឺនកន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ ខេត្តស្វាយរៀង មានឱកាសការងារជិត ២ពាន់កន្លែង កំពុងរង់ចាំប្រជាពលរដ្ឋ និងបងប្អូនអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

អាមេរិក នឹងដកការបិទច្រកកំពង់ផែអ៊ីរ៉ង់ នៅពេលការដឹកជញ្ជូនទំនិញបន្តជាថ្មីដោយគ្មានការារាំង

ប្រធានអាជ្ញាធរប៉ាឡេស្ទីន ស្វាគមន៍កតិកាសញ្ញាទីក្រុងមេកា ថាជាជំហានសម្រាប់សន្តិសុខរួម

នាយករដ្ឋមន្ត្រីថៃ សង្កត់ធ្ងន់លើការគ្រប់គ្រងអាវុធយ៉ាងតឹងរ៉ឹង បន្ទាប់ពីការបាញ់ប្រហារនៅសាលារៀន

មនុស្សរាប់ពាន់នាក់ ប្រមូលផ្តុំគ្នានៅទូទាំងប្រទេសប៉ាគីស្ថាន ប្រឆាំងការយកពន្ធប្រេងឥន្ធនៈ

ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សា នៅវត្តពោធិ៍ប្រាំពាន់ដើម ដើម្បីទ្រទ្រង់ និងលើកស្ទួយវិស័យព្រះពុទ្ធសាសនា!

អ្នកនាំពាក្យក្រសួងបរិស្ថាន អំពាវនាវដល់សាធារណជន និងអ្នកបង្កើតមាតិកាបញ្ឈប់ការផ្សព្វផ្សាយឬផលិតមាតិកាឃោសនា ជំរុញឬបង្ហាញពីការជួញដូរ បរិភោគ និងការចាប់សត្វព្រៃ ដែលជាអំពើល្មើសច្បាប់ ប៉ះពាល់ដល់សុខភាព និងបរិស្ថាន

កម្ពុជានាំចេញម្រេច GI ប្រមាណ ៥០តោន ទៅកាន់ទីផ្សារអន្តរជាតិ ក្នុងរយៈពេល៧ខែ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កម្ពុជាលែងបារម្ភរឿងស្នាក់នៅ-ហូបចុក ក្រោយមានពន្លឺច្បាស់លាស់ពីភូមិកីឡា

Thiago ប្រឈមអវត្តមាន ៦សប្តាហ៍ដោយសាររបួសសរសៃពួរ

Inter Milan បញ្ចប់កិច្ចសន្យាជាមួយ Alexis Sanchez

Manchester United ឈានដល់កិច្ចព្រមព្រៀង ១៥លានផោនយក Adrien Rabiot ពី Juventus

Everton ខ្ចីខ្សែការពារអង់គ្លេស Conor Coady ពី Wolves ពេញមួយរដូវកាល

ប្រធានក្លិប Barcelona ថា Frenkie de Jong ចង់នៅបន្តជាមួយក្លិប

Manchester United ចាប់ផ្តើមទាក់ទងទិញអតីតខ្សែប្រយុទ្ធ West Ham, Marko Arnautovic

ប្រដាល់សកលចង់សម្រេចគោលដៅមេដាយមាសលើសពី ១គ្រឿងនៅស៊ីហ្គេមឆ្នាំ២០២៣

ពានសម្ដេចតេជោ-ថ្នាក់ជាតិនឹងបន្ដប្រកួតវគ្គជម្រុះ ១៦ក្រុមចុងក្រោយជើងទី២ ស្អែកនេះ

ក្រសួងអប់រំគាំទ្រការបង្កើតពាន King Snooker Cup ដើម្បីពង្រឹងធនធានត្រៀមស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កម្ពុជា​លែង​បារម្ភ​រឿង​ស្នាក់នៅ​-​ហូបចុក ក្រោយ​មាន​ពន្លឺ​ច្បាស់លាស់​ពី​ភូមិ​កីឡា​

Thiago ប្រឈម​អវត្តមាន ៦សប្តាហ៍​ដោយសារ​របួស​សរសៃ​ពួរ​

Inter Milan បញ្ចប់​កិច្ចសន្យា​ជាមួយ Alexis Sanchez

Manchester United ឈានដល់​កិច្ចព្រមព្រៀង ១៥​លាន​ផោន​យក Adrien Rabiot ពី Juventus

Everton ខ្ចី​ខ្សែការពារ​អង់គ្លេស Conor Coady ពី Wolves ពេញ​មួយ​រដូវ​កាល​

ប្រធាន​ក្លិប Barcelona ថា Frenkie de Jong ចង់​នៅ​បន្ត​ជាមួយ​ក្លិប

Manchester United ចាប់ផ្តើម​ទាក់ទង​ទិញ​អតីត​ខ្សែប្រយុទ្ធ West Ham, Marko Arnautovic

ប្រដាល់​សកល​ចង់​សម្រេច​គោលដៅ​មេដាយ​មាស​លើស​ពី ១​គ្រឿង​នៅ​ស៊ី​ហ្គេម​ឆ្នាំ​២០២៣

ពាន​សម្ដេច​តេ​ជោ​-​ថ្នាក់​ជាតិ​នឹង​បន្ដ​ប្រកួត​វគ្គ​ជម្រុះ ១៦​ក្រុម​ចុងក្រោយ​ជើង​ទី​២ ស្អែក​នេះ​

ក្រសួង​អប់រំ​គាំទ្រ​ការ​បង្កើតពាន​ King Snooker Cup ​ដើម្បី​ពង្រឹង​ធនធាន​ត្រៀម​ស៊ី​ហ្គេម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាលែងបារម្ភរឿងស្នាក់នៅ-ហូបចុក ក្រោយមានពន្លឺច្បាស់លាស់ពីភូមិកីឡា

Thiago ប្រឈមអវត្តមាន ៦សប្តាហ៍ដោយសាររបួសសរសៃពួរ

Inter Milan បញ្ចប់កិច្ចសន្យាជាមួយ Alexis Sanchez

Manchester United ឈានដល់កិច្ចព្រមព្រៀង ១៥លានផោនយក Adrien Rabiot ពី Juventus

Everton ខ្ចីខ្សែការពារអង់គ្លេស Conor Coady ពី Wolves ពេញមួយរដូវកាល

ប្រធានក្លិប Barcelona ថា Frenkie de Jong ចង់នៅបន្តជាមួយក្លិប

Manchester United ចាប់ផ្តើមទាក់ទងទិញអតីតខ្សែប្រយុទ្ធ West Ham, Marko Arnautovic

ប្រដាល់សកលចង់សម្រេចគោលដៅមេដាយមាសលើសពី ១គ្រឿងនៅស៊ីហ្គេមឆ្នាំ២០២៣

ពានសម្ដេចតេជោ-ថ្នាក់ជាតិនឹងបន្ដប្រកួតវគ្គជម្រុះ ១៦ក្រុមចុងក្រោយជើងទី២ ស្អែកនេះ

ក្រសួងអប់រំគាំទ្រការបង្កើតពាន King Snooker Cup ដើម្បីពង្រឹងធនធានត្រៀមស៊ីហ្គេម