BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ប្រតិភូកីឡាអាស៊ានប៉ារ៉ាហ្គេម បានធ្វើមាតុភូមិនិវត្តន៍មកកម្ពុជាវិញ ប្រកបដោយសុវត្ថិភាព និងជោគជ័យ

ភ្នំពេញ៖ ប្រតិភូកីឡាអាស៊ានប៉ារ៉ាហ្គេមកម្ពុជាដឹកនាំដោយឯកឧត្តម ហ៊ុន ម៉ានី បានធ្វើមាតុភូមិនិវត្តន៍មកកម្ពុជាវិញ ប្រកបដោយសុវត្ថិភាពនិងជោគជ័យ នៅរសៀលថ្ងៃទី០៧ ខែសីហា ឆ្នាំ២០២២នេះ និងបានរៀបចំពិធីទទួលនិងដង្ហែទង់សហព័ន្ធកីឡាជនពិការអាស៊ាន និងជ័យលាភីកីឡាអាស៊ានប៉ារ៉ាហ្គេមលើកទី១១ ពីប្រទេសឥណ្ឌូនេស៊ី ក្រោមអធិបតីភាពសម្តេចពិជ័យសេនា ទៀ បាញ់ ប្រធានគណៈកម្មាធិការជាតិCAMSOC ។

កីឡាការិនីវាយកូនគោលជប៉ុន Hinako Shibuno នាំមុខថ្ងៃដំបូងកម្មវិធី Open Championship

វាយកូនគោល៖ កីឡាការិនីជប៉ុន Hinako Shibuno បានធ្វើការនាំមុខគេបណ្តោះអាសន្ន ក្រោយការប្រកួតថ្ងៃដំបូងនៃពានរង្វាន់វាយកូនគោលកម្មវិធីធំរបស់នារី The Open Championship។ Hinako Shibuno ដែលជាអតីតជើងឯកកាលពីឆ្នាំ២០១៩ ធ្វើបាន Birdies នៅបីឡូដំបូងមុនបញ្ចប់ការប្រកួតថ្ងៃដំបូងជាមួយនឹងពិន្ទុ ៦អាន់ឌើផា ៦៥។ កីឡាការិនីអាមេរិក Jessica Korda ឈរលេខ២ បណ្តោះអាសន្នផងដែរមាន ៥អាន់ឌើផាតាមពីក្រោយអ្នកនាំមុខ ១ស្ត្រូក ខណៈកីឡាការិនីស្កុតឡេន Louise Duncan ឈរលេខ៣ មាន ៤អាន់ឌើផា។សូមបញ្ជាក់ថា Open Championship ជាកម្មវិធីវាយកូនគោលធំប្រចាំឆ្នាំចុងក្រោយគេក្នុងឆ្នាំនេះ។ កញ្ចប់ប្រាក់រង្វាន់ឆ្នាំមុនគឺ ៥.៨លានដុល្លារអាមេរិក ខណៈឆ្នាំនេះមានការបង្កើនប្រាក់រង្វាន់ ២៦% ដល់ ៧.៣លានដុល្លារ ដោយជើងឯកទទួលបានប្រាក់រង្វាន់ជាង ១លានដុល្លារ។ ឆ្នាំ២០២១ កន្លងទៅកីឡាការិនីវ័យ ៣៤ឆ្នាំស៊ុយអែត Anna Nordqvist គឺជាជើងឯកដោយទទួលបានប្រាក់រង្វាន់ ៨៧ម៉ឺនដុល្លារ៕អត្ថបទ៖នាង សុភាវុធ

លែងជាតម្រូវការ Alex Telles ចាកចេញពី Manchester United ទៅ Sevilla ក្នុងលក្ខខណ្ឌខ្ចី

បាល់ទាត់៖ ខ្សែការពារប្រេស៊ីល Alex Telles បានផ្លាស់ទៅកាន់ទឹកដីអេស្ប៉ាញហើយចូលរួមជាមួយក្លិប Sevilla ក្នុងលក្ខខណ្ឌខ្ចីពេញមួយរដូវកាល។ កីឡាករវ័យ ២៩ឆ្នាំរូបនេះមិនស្ថិតក្នុងគំរោងប្រើប្រាស់របស់អ្នកចាត់ការថ្មីលោក Erik ten Hag ឡើយបន្ទាប់ពីការមកដល់របស់កីឡាករវ័យក្មេង Tyrell Malacia ពី Feyenoord និងខ្សែការពារកណ្តាលអាហ្សង់ទីន Lisandro Martinez ពី Ajax។ Sevilla នឹងរ៉ាប់រងប្រាក់ឈ្នួលទាំងស្រុងលើ Alex Telles តែមិនមានលក្ខខណ្ឌទិញផ្តាច់ឡើយ។ ការចាកចេញរបស់ Alex Telles គឺដើម្បីមានឱកាសលេងបាល់ទៀងទាត់មួយ ដើម្បីប្រជែងតំណែងខ្សែការពារស្លាបឆ្វេងក្រុមជំរើសជាតិប្រេស៊ីលនៅ World Cup 2022 កាតាឆ្នាំនេះ។Alex Telles បានផ្លាស់មកកាន់ Manchester United ពីក្លិបព័រទុយហ្កាល់ FC Porto ក្នុងតម្លៃ ១៥លានអឺរ៉ូកាលពីឆ្នាំ២០២០។ Manchester United នៅពេលនេះមានខ្សែការពារស្លាបឆ្វេងពីរនាក់គឺ Luke Shaw និង Tyrell Malacia ដែលត្រូវប្រជែងគ្នាដើម្បីតំណែងជម្រើសដំបូង៕អត្ថបទ៖នាង សុភាវុធ

Renato Sanches ផ្លាស់មកកាន់ PSG ជាមួយនឹងកិច្ចសន្យា ៥ឆ្នាំផ្ទេរពី Lille

បាល់ទាត់៖ ខ្សែបម្រើព័រទុយហ្កាល់ Renato Sanches បានចុះហត្ថលេខារយៈពេល ៥ឆ្នាំជាមួយក្លិបជើងឯកបារាំង Paris Saint Germain ក្រោយចាកចេញពី Lille។ កីឡាករវ័យ ២៤ឆ្នាំរូបនេះគឺជាសមាជិកសំខាន់របស់ Lille ដែលឈ្នះជើងឯកក្របខណ្ឌបារាំង Ligue 1 នៅរដូវកាល ២០២០-២១។ Sanches បានស៊ុតបញ្ចូលទី ៦គ្រាប់ក្នុងការបង្ហាញខ្លួនសរុប ៩០លើកជាមួយ Lille តាំងពីផ្ទេរពី Bayern Munich នៅឆ្នាំ២០១៩។ Sanches ធ្លាប់ចំនាយពេលពេញមួយរដូវកាល ២០១៧-១៨ English Premier League ជាមួយ Swansea City ក្នុងលក្ខខណ្ឌខ្ចីពី Bayern Munich។ Renato Sanches ដែលធ្លាប់រួមការងារជាមួយលោក Christophe Galtier ផងដែរកាលពីនៅ Lille នោះបានក្លាយជាកីឡាករទី៤ ហើយដែលផ្លាស់មកកាន់ PSG រដូវកាលនេះបន្ទាប់ពី Hugo Ekitie ខ្ចីជើងពី Reims, ខ្សែបម្រើព័រទុយហ្កាល់ Vitinha ពី Porto និងខ្សែការពារ Nordi Mukiele ពី Leipzig៕អត្ថបទ៖នាង សុភាវុធ

Chelsea ទិញបានខ្សែបម្រើវ័យ ១៨ឆ្នាំ Carney Chukwuemeka តម្លៃ ២០លានផោនពី Aston Villa

បាល់ទាត់៖ ក្លិបតោខៀវ Chelsea បានសំរេចក្នុងការនាំយកខ្សែបម្រើវ័យក្មេងអង់គ្លេស Carney Chukwuemeka តម្លៃ ២០លានផោនពី Aston Villa។ កីឡាករវ័យ ១៨ឆ្នាំរូបនេះគឺជាសមាជិករបស់ក្រុមជំរើសជាតិអង់គ្លេសអាយុក្រោម ១៩ឆ្នាំដែលគ្រងជើងឯកបាល់ទាត់អឺរ៉ុបអាយុក្រោម ១៩ កាលពីខែកក្កដាកន្លងទៅក្រោយយកឈ្នះអ៊ីស្រាអែលនៅវគ្គផ្តាច់ព្រ័ត្រ ៣-១។ Chukwuemeka ដែលស៊ុតបញ្ចូលមួយគ្រាប់ក្នុងម៉ោងបន្ថែមនោះបានចុះហត្ថលេខារយៈពេល ៦ឆ្នាំនៅ Stamford Bridge។ Carney Chukwuemeka ដែលបានបង្ហាញខ្លួន ១២ប្រកួតរដូវកាលមុនជាមួយ Aston Villa នោះបានបដិសេធសំណើបន្តកិច្ចសន្យាថ្មីជាមួយក្លិបក្នុងគោលបំណងចង់ចាកចេញពីក្លិប ស្របពេលមានការចាប់អារម្មណ៍ផងដែរពីក្លិបធំៗដូចជា Barcelona, AC Milan និង Borussia Dortmund។ Chelsea បច្ចុប្បន្នក៏ខិតជិតដល់កិច្ចព្រមព្រៀងផងដែរក្នុងការនាំយកខ្សែការពារ Marc Cucurella ពី Brighton ដែលទើបបដិសេធសំណើ ៣០លានផោនពី Manchester City៕អត្ថបទ៖នាង សុភាវុធ

ប្រធានក្រុម Cesar Azpilicueta បន្តកិច្ចសន្យាថ្មីនៅជាមួយ Chelsea ដល់ឆ្នាំ២០២៤

បាល់ទាត់៖ ខ្សែការពារសញ្ជាតិអេស្ប៉ាញ និងជាប្រធានក្រុមតោខៀវ Chelsea, Cesar Azpilicueta បានចុះហត្ថលេខាបន្តកិច្ចសន្យាដែលនឹងរក្សារូបគេនៅ Stamford Bridge ដល់ឆ្នាំ២០២៤។ កីឡាករវ័យ ៣២ឆ្នាំរូបនេះនៅសល់កិច្ចសន្យាមួយឆ្នាំទៀតជាមួយ Chelsea និងធ្លាប់បានចរចាផ្ទេរទៅកាន់ Barcelona នាពេលកន្លងមក។ Cesar Azpilicueta បានផ្លាស់មកកាន់ Chelsea តាំងពីឆ្នាំ២០១២ ផ្ទេរពីក្លិបបារាំង Olympique Marseille ក្នុងតម្លៃ ៧លានផោនបង្ហាញខ្លួនសរុបមកទល់ពេលនេះបាន ៤៧៦ប្រកួតរកបាន ១៧គ្រាប់។ Azpilicueta បានឈ្នះជើងឯកសំខាន់ៗទាំងអស់ជាមួយ Chelsea និងជាកីឡាករមួយក្នុងចំណោម ៦រូបដែលឈ្នះពាន English Premier League, FA Cup, League Cup, UEFA Champions League, UEFA Super Cup និង FIFA Club World Cup៕អត្ថបទ៖នាង សុភាវុធ

កីឡាករ-កីឡាការិនីជាតិ និងអន្ដរជាតិជាង ២ពាន់នាក់ត្រៀមរត់ម៉ារ៉ាតុងចក្រភពខ្មែរនាចុងសប្ដាហ៍នេះ

រត់ប្រណាំង៖ ទិវារត់ប្រណាំងម៉ារ៉ាតុងអន្ដរជាតិចក្រភពខ្មែរលើកទី៧ នៅតំបន់អង្គរ ខេត្តសៀមរាប នឹងមកដល់នាថ្ងៃទី០៧ ខែសីហាចុងសប្ដាហ៍នេះហើយ ដោយមានកីឡាករ-កីឡាការិនីជាតិ និងអន្ដរជាតិប្រមាណជាង ២ពាន់នាក់ បានត្រៀមខ្លួនរួចរាល់ដើម្បីចូលរួមព្រឹត្តិការណ៍កីឡា និងទេសចរណ៍ដ៏ធំនេះ។ លោក សែម ផល្លា នាយកបច្ចេកទេសរៀបចំទិវារត់ប្រណាំងម៉ារ៉ាតុងអន្ដរជាតិបានឲ្យដឹងថា ដោយសារគណៈកម្មការបានឈាប់ទទួលពាក្យលើវិញ្ញាសារត់ចម្ងាយ ៤២.១៩៥ម៉ែត្រ ២១គីឡូម៉ែត្រ និង ១០គីឡូម៉ែត្រ បានធ្វើឲ្យប្រជាពលរដ្ឋមួយចំនួនចុះឈ្មោះចូលរួមរត់កម្សាន្ដលើវិញ្ញ្ញាសា ៣គីឡូម៉ែត្រ ដែលធ្វើឲ្យអ្នកចុះឈ្មោះចូលរួមសរុបកើនដល់ជាង ២ពាន់នាក់ ក្នុងនោះក៏មានជនបរទេសជាង ៣០០នាក់ផងដែរ។ អ្នកជំនាញរូបនេះ ទោះបីចំនួនអ្នកចូលរួមនេះនៅមានកម្រិតបើធៀបនឹងឆ្នាំ២០១៩ មុនផ្ទុះជំងឺកូវីដ-១៩ ដែលបង្ខំឲ្យព្រឹត្តិការណ៍នេះត្រូវបានផ្អាករៀបចំរយៈពេល ២ឆ្នាំយ៉ាងណា តែនេះគឺជាសញ្ញាណវិជ្ជមានមួយក្នុងការទាក់ទាញភ្ញៀវទេសចរជាតិ និងអន្ដរជាតិចូលរួមរត់កម្សាន្ដ ក្នុងទិវារត់ប្រណាំងម៉ារ៉ាតុងអន្ដរជាតិចក្រភពខ្មែរឡើងវិញ ក្រោយវិបត្តិកូវីដ-១៩ ពិសេសក្នុងរដូវភ្លៀងដើម្បីរួមចំណែកលើកកម្ពស់វិស័យទេសចរណ៍តែម្ដង។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ធ្លាប់បានគូសបញ្ជាក់ថា គោលបំណងនៃការរៀបចំព្រឹត្តិការណ៍នេះ ផ្ដោតសំខាន់លើការទាក់ទាញភ្ញៀវទេសចរ និងលើកកម្ពស់វិស័យទេសចរណ៍ក្នុងរដូវភ្លៀង ដែលជារដូវធ្លាក់ចុះទេសចរណ៍ ហើយឯកឧត្តមក៏បានចាត់ទុកព្រឹត្តិការណ៍លើកទី៧ នេះជាដំណាក់កាលទី១ នៃការស្ដាតមុខមាត់ឡើងវិញដើម្បីជួយដល់សេដ្ឋកិច្ចក្រៅប្រព័ន្ធ បន្ទាប់ពីស្ថានភាពកូវីដ-១៩ ធូរស្រាលផងដែរ។ លើសពីនេះការរៀបចំឆ្នាំនេះ ក៏មានការរៀបចំនូវបដាផ្សព្វផ្សាយពីដំណើរឆ្ពោះទៅស៊ីហ្គេមឆ្នាំ២០២៣ ដើម្បីលើកកម្ពស់ការផ្សព្វផ្សាយពីព្រឹត្តិការណ៍ជាប្រវត្តិសាស្ដ្រនៅកម្ពុជា ឲ្យកាន់តែទូលំទូលាយបន្ថែមទៀតផង។ អ្វីដែលពិសេសគឺគណៈកម្មការជំនាញទីលាននៃគណៈកម្មាធិការជាតិ CAMSOC ក៏នឹងចូលរួមត្រួតពិនិត្យ និងវាស់វែងស្ថានភាពផ្លូវជាក់ស្ដែង ដើម្បីត្រៀមលក្ខណៈរៀបចំវិញ្ញាសារត់ម៉ារ៉ាតុងនេះ នៅក្នុងព្រឹត្តិការណ៍ស៊ីហ្គេមឆ្នាំ២០២៣ ទៀតផង៕អត្ថបទ៖ លី ឈុនឡា

ក្រសួងទេសចរណ៍រៀបចំ "ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ" នៅខេត្ដសៀមរាប

បាល់ទាត់៖ ក្រសួងទេសចរណ៍បានរៀបចំ "ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ" ដែលមានកីឡាករវ័យចំណាស់កម្ពុជាចំនួន ២១នាក់ កីឡាករវ័យចំណាស់ថៃ ឡាវចំនួន ១១០នាក់ និងកីឡាករវ័យចំណាស់វៀតណាមចំនួន ២០នាក់។ ការបង្កើតព្រឹត្ដិការណ៍នេះធ្វើឡើងចាប់ពីថ្ងៃទី០៤ ដល់ថ្ងៃទី០៧ ខែសីហា ឆ្នាំ២០២២ នៅកីឡដ្ឋានខេត្តសៀមរាប ដើម្បីពង្រីកនូវផលិតផលទេសចរណ៏ និងបង្កើនកិច្ចសហប្រតិបត្តិការអន្តរជាតិ នៅបណ្ដាប្រទេសតាមដងទន្លេមេគង្គ។ ឯកឧត្តម តុប សុភ័ក រដ្ឋលេខាធិការក្រសួងទេសចរណ៍មានប្រសាសន៍ថា ព្រឹត្តិការណ៍បាល់ទាត់វ័យចំណាស់មេគង្គនាពេលនេះ បានបង្កើនកិច្ចសហប្រតិបត្តិការអន្តរជាតិនៅបណ្តាប្រទេសតាមដងទន្លេមេគង្គ ជាពិសេសបានចូលរួមចំណែកអភិវឌ្ឍន៍ទេសចរណ៍សៀមរាប-អង្គរ ស្របតាម Road Map និងផែនការសកម្មភាពឆ្នាំ ២០២២-២០២៣ នៃផែនការមេអភិវឌ្ឍន៍ទេសចរណ៍ខេត្តសៀមរាប ២០២១-២០៣៥ ដែលទើបប្រកាសដាក់ឱ្យអនុវត្តកាលពីថ្ងៃទី១ ខែសីហា ឆ្នាំ២០២២នេះ។ ឯកឧត្ដមបានបន្ដថា ក្រៅពីគោលបំណងផ្សព្វផ្សាយសក្តានុពលទេសចរណ៍តំបន់សៀមរាប-អង្គរ ជំរុញកំណើនភ្ញៀវទេសចរ អភិវឌ្ឍន៍ធនធានមនុស្សក្នុងវិស័យកីឡាទេសចរណ៍ ទាក់ទាញចំណាប់អារម្មណ៍ពីសំណាក់អ្នកស្នេហាវិស័យកីឡាជាតិ និងអន្តរជាតិ ជាពិសេសស្របតាមយុទ្ធសាស្ត្រផ្សព្វផ្សាយទាក់ទាញភ្ញៀវទេសចរជាតិ និងអន្តរជាតិឆ្នាំ២០២៣ "Visit Cambodia Next 2023” ព្រឹត្តិការណ៍នេះក៏នឹងចូលរួមលើកស្ទួយវិស័យកីឡាទេសចរណ៍នៅកម្ពុជា ដើម្បីអបអរសាទរដំណើរឆ្ពោះទៅការប្រកួតកីឡា SEA GAMES – ASEAN PARA GAMES 2023 ដែលកម្ពុជាធ្វើជាម្ចាស់ផ្ទះផងដែរ។បច្ចុប្បន្ន រាជរដ្ឋាភិបាលបានផ្សព្វផ្សាយនូវយុទ្ធនាការ "កីឡាដើម្បីទាំងអស់គ្នា" ឬ "Sport for All" ដែលទទួលបានការគាំទ្រពីអង្គការសាមគ្គីអូឡាំពិកអន្តរជាតិ (OS) ដែលមានគោលបំណងបំផុសយុទ្ធនាការ "ប្រជាជនម្នាក់ លេងកីឡាមួយមុខ ឆ្ពោះទៅម្ចាស់ផ្ទះស៊ីហ្គេម២០២៣ និងបណ្តុះនូវស្មារតីកីឡាជូនដល់មហាជនទូទៅមិនថា ពួកគាត់ជាអត្តពលិកអាជីព ឬអ្នកលេងកីឡាដើម្បីសុខភាពនោះទេ ពោលគឺបញ្ជ្រាបនូវស្មារតីកីឡា ចំណេះដឹង ចលនាអូឡាំពិកទៅដល់ស្រទាប់មហាជននានា ជាពិសេសកីឡាបាល់ទាត់វ័យចំណាស់គឺជាប្រភេទកីឡា ដែលមានប្រជាប្រិយភាព និងពេញនិយម ជាប្រភេទកីឡាទេសចរណ៍កម្សាន្តលក្ខណៈមហាជន ក្នុងគោលបំណងបង្កើតភាពសប្បាយរីករាយ សុខភាពផ្លូវកាយ និងផ្លូវចិត្ត។ ឯកឧត្ដម ទៀ សីហា អភិបាលខេត្ដសៀមរាបមានប្រសាសន៍ថា ការរៀបចំព្រឹត្តិការណ៍បាល់ទាត់វ័យចំណាស់មេគង្គកម្ពុជា ថៃ ឡាវ វៀតណាម ដែលបង្ហាញឱ្យឃើញថា កម្ពុជាមានសុខសន្តិភាពពេញលេញ និងជាគោលដៅទេសចរណ៍គុណភាព សុវត្ថិភាព និងបរិយាប័ន្ន ក្នុងការអភិវឌ្ឍលើគ្រប់វិស័យ ជាពិសេសការជួបគ្នាក្នុងវិស័យកីឡានេះ ជាណងមិត្ដភាពយូរអង្វែងនៃប្រទេសតំបន់ទន្លេមេគង្គ។ ឯកឧត្ដមបន្ដថា ការលេងកីឡាបាននាំមកនូវសុខភាពល្អ និងកាយសប្បទារឹងមាំ នាំមកនូវសាមគ្គីភាពមិត្តភាពល្អ កីឡានាំមកនូវវិន័យល្អ កីឡានាំមកនូវភាពឈ្លាសវៃរហ័សរហួន៕អត្ថបទ៖ សៀមរាប

ឯកឧត្តម ហ៊ុន ម៉ានី បង្ហាញភាពកក់ក្ដៅ និងមោទនភាពចំពោះស្នាមញញឹមអត្តពលិកជនពិការកម្ពុជា

ប៉ារ៉ាឡាំពិក៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានប្រតិភូកីឡាប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបង្ហាញនូវភាពកក់ក្ដៅ និងមានមោទនភាពជាខ្លាំង ក្រោយឃើញស្នាមញញឹមរបស់អត្តពលិកជនពិការកម្ពុជា ទោះបីពួកគេបាននឹងកំពុងខិតខំប្រឹងប្រែងយ៉ាងខ្លាំងក្លាដោយឆន្ទៈ ស្មារតី និងការលះបង់គ្រប់បែបយ៉ាងដើម្បីដណ្ដើមមេដាយ និងកិត្តិយសជូនជាតិ។ ក្នុងនាមសមាជិកគណៈប្រតិភូ ក៏ដូចជាក្នុងនាមប្រជាពលរដ្ឋខ្មែរមួយរូប ឯកឧត្តមបានសាទរ និងមានមោទនភាពចំពោះអ្វីដែលកីឡាករ-កីឡាការិនីកម្ពុជាសម្រេចបាន ក្នុងការប្រកួតកីឡាអាស៊ានប៉ារ៉ាហ្គេមលើកទី១១ នៅទីក្រុងសូឡូ។ អ្វីដែលអត្តពលិកជនពិការកម្ពុជាបានខិតខំប្រឹងប្រែង និងការត្រៀមខ្លួនតំណាងជាតិ និងប្រជាពលរដ្ឋប្រមាណ ១៧លាននាក់គឺបានសម្រេចនូវជោគជ័យជាបន្ដបន្ទាប់ ហើយឯកឧត្តមក៏គ្មានអ្វីក្រៅពីការសាទរ មោទនភាព និងកោតសរសើរចំពោះស្នាមញញឹម និងភាពជោគជ័យដ៏អស្ចារ្យនេះដែរ។ សូមបញ្ជាក់ថា ការលើកឡើងនេះ ស្របពេលឯកឧត្តម ហ៊ុន ម៉ានី កំពុងស្ថិតនៅទីក្រុងសូឡូ ប្រទេសឥណ្ឌូនេស៊ី ដើម្បីគាំទ្រ និងលើកទឹកចិត្ដដោយផ្ទាល់ដោយកីឡាករ-កីឡាការិនីជនពិការកម្ពុជា ក្នុងការប្រកួតកីឡាអាស៊ានប៉ារ៉ាហ្គេមលើកទី១១ ដែលបានចាប់ផ្ដើមការប្រកួត តាំងពីថ្ងៃទី៣០ ខែកក្កដា ហើយគ្រោងនឹងប្រារព្ធពិធីបិទការប្រកួតផ្លូវការនាថ្ងៃទី០៦ ខែសីហាស្អែក ខណៈប្រភេទកីឡាទាំងអស់នឹងត្រូវបញ្ចប់ការប្រកួតនៅថ្ងៃទី០៥ ខែសីហានេះ។អ្វីដែលពិសេសគឺក្រុមអត្តពលិកជនពិការកម្ពុជា បានសម្រេចជោគជ័យជាប្រវត្តិសាស្ដ្រ ក្នុងការដណ្ដើមបានមេដាយដ៏ច្រើនលើសលុប បើធៀបនឹងការប្រកួតអាស៊ានប៉ារ៉ាហ្គេមមុនៗ បើគិតត្រឹមល្ងាចថ្ងៃទី០៤ ខែសីហា កម្ពុជាដណ្ដើមបានមេដាយសរុប ២៣គ្រឿងរួមមានមេដាយមាស ៦ ប្រាក់ ៨ និងសំរឹទ្ធ ៩ ហើយនៅសល់ ៣ប្រភេទកីឡាទៀត ដែលត្រូវបន្ដការប្រកួតនៅថ្ងៃសុក្រនេះ ក្នុងនោះក៏មានការប្រកួតវគ្គផ្ដាច់ព្រ័ត្ររវាងក្រុមបាល់បោះជិះរទេះជនពិការកម្ពុជា និងថៃលើវិញ្ញាសា ៥នាក់ទល់ ៥នាក់ដើម្បីប្រជែងមេដាយមាសផងដែរ៕ អត្ថបទ៖ លី ឈុនឡា

អ្នកចាំទី Chelsea, Kepa ខិតជិតឈានដល់កិច្ចព្រមព្រៀងផ្លាស់ទៅកាន់ Napoli

បាល់ទាត់៖ អ្នកចាំទីអេស្ប៉ាញរបស់ក្លិបតោខៀវ Chelsea, Kepa Arrizabalaga ត្រូវបានគេដឹងថា ខិតជិតឈានដល់កិច្ចព្រមព្រៀងហើយក្នុងការផ្លាស់ទៅកាន់ក្លិបអ៊ីតាលី Napoli នេះបើតាមការចុះផ្សាយរបស់សារព័ត៌មាន AS។ កីឡាករវ័យ ២៧ឆ្នាំរូបនេះមិនស្ថិតក្នុងជំរើសទី១ របស់លោក Thomas Tuchel ឡើយ ដោយតំណែងទី១ បានទៅអ្នកចាំទីសេណេហ្កាល់ Edouard Mendy។ ការចរចាផ្លាស់ទៅកាន់ Napoli នៅពេលនេះគឺត្រឹមលក្ខខណ្ឌខ្ចីប៉ុណ្ណោះ ខណៈក្លិបទាំងពីរកំពុងចរចាគ្នារឿងប្រាក់ឈ្នួលដោយ Kepa ត្រូវទទួលបាន ១៩ម៉ឺនផោនក្នុងមួយសប្តាហ៍។ រំលឹកថា Kepa Arrizabalaga បានមកដល់ Chelsea កាលពីឆ្នាំ២០១៨ ក្នុង ៨០លានអឺរ៉ូផ្លាស់ពីក្លិបអេស្ប៉ាញ Athletic Bilbao ក្រោយការចាកចេញរបស់ Thibaut Courtios ទៅកាន់ Real Madrid។ ក្រុមទាំងពីរ Napoli និង Chelsea មានទំនាក់ទំនងល្អនឹងគ្នានាពេលកន្លងមក តាមរយៈការដោះដូរកីឡាករកន្លងមកដោយរលូនដោយ Jorginho, Koulibaly និង Bakayoko ជាដើម៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

លោក Zelenskiy ៖ ហេដ្ឋារចនាសម្ព័ន្ធថាមពលរុស្ស៊ី ខាតបង់ប្រាក់រាប់សែនកោដិរូប្លិ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ប្រតិភូកីឡាអាស៊ានប៉ារ៉ាហ្គេម បានធ្វើមាតុភូមិនិវត្តន៍មកកម្ពុជាវិញ ប្រកបដោយសុវត្ថិភាព និងជោគជ័យ

កីឡាការិនីវាយកូនគោលជប៉ុន Hinako Shibuno នាំមុខថ្ងៃដំបូងកម្មវិធី Open Championship

លែងជាតម្រូវការ Alex Telles ចាកចេញពី Manchester United ទៅ Sevilla ក្នុងលក្ខខណ្ឌខ្ចី

Renato Sanches ផ្លាស់មកកាន់ PSG ជាមួយនឹងកិច្ចសន្យា ៥ឆ្នាំផ្ទេរពី Lille

Chelsea ទិញបានខ្សែបម្រើវ័យ ១៨ឆ្នាំ Carney Chukwuemeka តម្លៃ ២០លានផោនពី Aston Villa

ប្រធានក្រុម Cesar Azpilicueta បន្តកិច្ចសន្យាថ្មីនៅជាមួយ Chelsea ដល់ឆ្នាំ២០២៤

កីឡាករ-កីឡាការិនីជាតិ និងអន្ដរជាតិជាង ២ពាន់នាក់ត្រៀមរត់ម៉ារ៉ាតុងចក្រភពខ្មែរនាចុងសប្ដាហ៍នេះ

ក្រសួងទេសចរណ៍រៀបចំ "ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ" នៅខេត្ដសៀមរាប

ឯកឧត្តម ហ៊ុន ម៉ានី បង្ហាញភាពកក់ក្ដៅ និងមោទនភាពចំពោះស្នាមញញឹមអត្តពលិកជនពិការកម្ពុជា

អ្នកចាំទី Chelsea, Kepa ខិតជិតឈានដល់កិច្ចព្រមព្រៀងផ្លាស់ទៅកាន់ Napoli

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ប្រតិភូកីឡាអាស៊ានប៉ារ៉ាហ្គេម បានធ្វើមាតុភូមិនិវត្តន៍មកកម្ពុជាវិញ ប្រកបដោយសុវត្ថិភាព និងជោគជ័យ

កីឡាការិនី​វាយកូនគោល​ជប៉ុន Hinako Shibuno នាំមុខ​ថ្ងៃ​ដំបូង​កម្មវិធី Open Championship

លែង​ជា​តម្រូវការ Alex Telles ចាក​ចេញពី Manchester United ទៅ Sevilla ក្នុង​លក្ខខណ្ឌ​ខ្ចី​

Renato Sanches ផ្លាស់​មកកាន់ PSG ជាមួយនឹង​កិច្ចសន្យា ៥​ឆ្នាំ​ផ្ទេរ​ពី Lille

Chelsea ទិញ​បាន​ខ្សែបម្រើ​វ័យ ១៨ឆ្នាំ Carney Chukwuemeka តម្លៃ ២០លាន​ផោន​ពី Aston Villa

ប្រធាន​ក្រុម Cesar Azpilicueta បន្ត​កិច្ចសន្យា​ថ្មី​នៅ​ជាមួយ Chelsea ដល់​ឆ្នាំ​២០២៤

ក្រសួងទេសចរណ៍​រៀបចំ "​ព្រឹត្តិការណ៍​កីឡាបាល់ទាត់​មិត្តភាព​វ័យ​ចំណាស់​មេគង្គ​" នៅ​ខេត្ដ​សៀមរាប​

ឯកឧត្តម ហ៊ុន ម៉ា​នី បង្ហាញ​ភាព​កក់ក្ដៅ និង​មោទនភាព​ចំពោះ​ស្នាមញញឹម​អត្ត​ព​លិ​ក​ជនពិការ​កម្ពុជា

អ្នកចាំទី Chelsea, Kepa ខិតជិត​ឈានដល់​កិច្ចព្រមព្រៀង​ផ្លាស់​ទៅកាន់ Napoli

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាការិនីវាយកូនគោលជប៉ុន Hinako Shibuno នាំមុខថ្ងៃដំបូងកម្មវិធី Open Championship

លែងជាតម្រូវការ Alex Telles ចាកចេញពី Manchester United ទៅ Sevilla ក្នុងលក្ខខណ្ឌខ្ចី

Renato Sanches ផ្លាស់មកកាន់ PSG ជាមួយនឹងកិច្ចសន្យា ៥ឆ្នាំផ្ទេរពី Lille

Chelsea ទិញបានខ្សែបម្រើវ័យ ១៨ឆ្នាំ Carney Chukwuemeka តម្លៃ ២០លានផោនពី Aston Villa

ប្រធានក្រុម Cesar Azpilicueta បន្តកិច្ចសន្យាថ្មីនៅជាមួយ Chelsea ដល់ឆ្នាំ២០២៤

ក្រសួងទេសចរណ៍រៀបចំ "ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ" នៅខេត្ដសៀមរាប

ឯកឧត្តម ហ៊ុន ម៉ានី បង្ហាញភាពកក់ក្ដៅ និងមោទនភាពចំពោះស្នាមញញឹមអត្តពលិកជនពិការកម្ពុជា

អ្នកចាំទី Chelsea, Kepa ខិតជិតឈានដល់កិច្ចព្រមព្រៀងផ្លាស់ទៅកាន់ Napoli