BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

បួនប្រទេសនៅអាមេរិកខាងត្បូងរួមគ្នាដេញថ្លៃធ្វើម្ចាស់ផ្ទះ World Cup 2030

បាល់ទាត់៖ អាហ្សង់ទីន ស៊ីលី អ៊ុយរូហ្កាយ និងប៉ារ៉ាហ្កាយបានប្រកាសពីការរួបរួមគ្នា ក្នុងការដេញថ្លៃធ្វើម្ចាស់ផ្ទះព្រឹត្តិការណ៍បាល់ទាត់ពិភពលោកឆ្នាំ២០៣០។ អ៊ុយរូហ្កាយគឺជាម្ចាស់ផ្ទះដំបូងគេបង្អស់នៃពានរង្វាន់បាល់ទាត់ពិភពលោកតាំងពីឆ្នាំ១៩៣០ ខណៈដែលអ៊ុយរូហ្កាយចង់យក World Cup មករៀបចំម្តងទៀតដើម្បីអបអរខួប ១00ឆ្នាំគត់។ ប្រធានសហព័ន្ធបាល់ទាត់អាមេរិកខាងត្បូងលោក Alejandro Dominguez បាននិយាយថា នេះជាសុបិន្តរបស់ទ្វីបអាមេរិកខាងត្បូងទាំងមូល។ ១០០ឆ្នាំឆ្ងាយពីផ្ទះដូច្នេះ World Cup នឹងត្រលប់មកវិញនៅទឹកដីដែលព្រឹត្តិការណ៍បាន ចាប់ផ្តើមដំបូង។ ក្រៅពីអ៊ុយរូហ្កាយ ស៊ីលីក៏ធ្លាប់ធ្វើម្ចាស់ផ្ទះ World Cup ដែរកាលពីឆ្នាំ១៩៦២ ខណៈអាហ្សង់ទីនឆ្នាំ១៩៧៨។ World Cup 2022 ឆ្នាំនេះនឹងរៀបចំនៅប្រទេសកាតា ខណៈ World Cup បន្ទាប់ឆ្នាំ២០២៦ នឹងធ្វើនៅទឹកដីអាមេរិកខាងជើងមានសហរដ្ឋអាមេរិក កាណាដា និងម៉ិកស៊ិក។ FIFA គ្រោងនឹងប្រកាសប្រទេសឈ្នះសិទ្ធិរៀបចំ World Cup 2030 នៅឆ្នាំ២០២៤៕អត្ថបទ៖នាង សុភាវុធ

Kasper Schmeichel ចាកចេញពី Leicester City ទៅចូលរួមជាមួយក្លិបបារាំង Nice

បាល់ទាត់៖ អ្នកចាំទីប្រធានក្រុម Leicester City, Kasper Schmeichel បានចាកចេញពីក្លិបហើយក្រោយចំណាយពេល ១១ឆ្នាំដោយផ្លាស់ទៅចូលរួមជាមួយក្លិបបារាំង OGC Nice។ កីឡាករវ័យ ៣៥ឆ្នាំរូបនេះបានបង្ហាញខ្លួនសរុប ៤៧៩ប្រកួតឱ្យ Leicester City តាំងពីផ្លាស់ពី Leeds United នៅឆ្នាំ២០១១ ឈ្នះពាន English Premier League មួយលើក និង FA Cup មួយលើក។ Schmeichel បានចូលរួមជាមួយ Nice រួមជាមួយខ្សែបំរើវែល Aaron Ramsey ដែលទើបចាកចេញពីសេះបង្កង់ Juventus។ Kasper Schmeichel ដែលបង្ហាញខ្លួនឱ្យក្រុមជំរើសជាតិដាណឺម៉ាក ៨៤លើកនោះបានទទួលការអនុញ្ញាតពីក្លិប Leicester City ដោយសន្តិវិធីក្នុងការចាកចេញទៅចូលរួម Nice នេះ។ Leicester City គឺជាក្លិបតែមួយគត់ក្នុងក្របខណ្ឌកំពូលអឺរ៉ុបទាំង ៥ប្រទេសដែលមិនទិញកីឡាករសូម្បីតែម្នាក់ ខណៈដែលអ្នកចាត់ការ Brendan Rodgers ធ្លាប់បានបញ្ជាក់ថា ក្លិបត្រូវធ្វើការចាយវាយត្រឹមត្រូវ និងរឹតត្បឹតដើម្បីរក្សាស្ថិរភាពហិរញ្ញវត្ថុរបស់ក្លិប៕អត្ថបទ៖នាង សុភាវុធ

កីឡាប៊ីយ៉ា និងស្នូកឃ័របើកយុទ្ធនាការចម្រាញ់ជើងខ្លាំងវិញ្ញាសា POOL ត្រៀមស៊ីហ្គេម

ស្នូកឃ័រ៖ សហព័ន្ធកីឡាប៊ីយ៉ា និងស្នូកឃ័រកម្ពុជាបានសហការជាមួយក្លិប LUX 98 រៀបចំពានរង្វាន់ថ្មីមួយទៀតហើយគឺការប្រកួតកីឡាប៊ីយ៉ាដណ្ដើមពានរង្វាន់ LUX98-POOL 9-Ball Open 2022 ដើម្បីស្វែងរកធនធានកីឡាករឆ្នើមៗបន្ថែម សម្រាប់ត្រៀមគោលដៅឆ្ពោះទៅស៊ីហ្គេមឆ្នាំ២០២៣ នៅកម្ពុជា។ លោក មូន ម៉ារ៉ា អគ្គលេខាធិការសហព័ន្ធ បានថ្លែងក្នុងសន្និសីទសារព័ត៌មានកាលពីល្ងាចថ្ងៃទី០៣ ខែសីហាថា ពានរង្វាន់នេះគឺបើកទូលាយសម្រាប់កីឡាករខ្មែរ និងបរទេសដាក់ពាក្យចូលរួមប្រកួតលើវិញ្ញាសា POOL ជាវិញ្ញាសាមួយ ក្នុងចំណោមវិញ្ញាសាផ្សេងទៀត ដែលសហព័ន្ធត្រៀមដាក់បញ្ចូលក្នុងព្រឹត្តិការណ៍ជាប្រវត្តិសាស្ដ្រនៅកម្ពុជា។ តាមរយៈនេះលោករំពឹងថា ការប្រកួតប្រជែងនេះនឹងអាចវាស់ស្ទង់សមត្ថភាព និងស្មារតីរវាងកីឡាករកម្ពុជា និងបរទេស ហើយសហព័ន្ធនឹងអាចសម្រិតសម្រាំងបាននូវធនធានកីឡាករជ័យលាភីឆ្នើមៗ សម្រាប់បណ្ដុះបណ្ដាលបន្ថែម ហើយឈានទៅមានឱកាសចូលរួមប្រកួតឲ្យក្រុមជម្រើសជាតិកម្ពុជា ពិសេសត្រៀមស៊ីហ្គេមឆ្នាំ២០២៣ តែម្ដង។ដំណាលគ្នាផងដែរ កញ្ញា ហេង ចាង តំណាងក្លិប LUX 98 បានសម្ដែងនូវសេចក្ដីរីករាយដែលទទួលបានការគាំទ្រពីសហព័ន្ធ ក្នុងការរៀបចំព្រឹត្តិការណ៍ប្រកួតកីឡា LUX98-POOL 9-Ball Open 2022 ដោយកញ្ញារំពឹងថា នឹងមានការគាំទ្រ ក៏ដូចជាការចូលរួមច្រើនពីសំណាក់កីឡាករជាតិ និងអន្ដរជាតិ។ លើសពីនេះ ក្លិបក៏បានប្ដេជ្ញារៀបចំព្រឹត្តិការណ៍បែបនេះយ៉ាងហោច ១ឆ្នាំ ២ដងដើម្បីរួមចំណែកអភិវឌ្ឍន៍វិស័យកីឡាប៊ីយ៉ា និងស្នូកឃ័រនៅកម្ពុជាផងដែរ។ សូមបញ្ជាក់ថា ពានរង្វាន់ LUX98-POOL 9-Ball Open 2022 គ្រោងចាប់ផ្ដើមការប្រកួតផ្លូវការនាថ្ងៃទី១៣ ខែសីហាខាងមុខនៅក្លិបកីឡាប៊ីយ៉ាភូល និងស្នូកឃ័រ LUX 98 ច្បារអំពៅ ខណៈការទទួលពាក្យចូលរួមគឺបានបើកបន្ទាប់ពីធ្វើសន្និសីទសារព័ត៌មានរួច ដោយគណៈកម្មការអនុញ្ញាតឲ្យមានការចុះឈ្មោះចូលរួមប្រកួតដោយសេរី មិនថាកីឡាករក្នុងស្រុក ឬបរទេសឡើយ ដោយការប្រកួតនឹងគោរពតាមបញ្ជាការប្រកួតរបស់សហព័ន្ធកីឡាប៊ីយ៉ា និងស្នូកឃ័រកម្ពុជា និងសហប័ន្ធកីឡាប៊ីយ៉ា និងស្នូកឃ័រអាស៊ី៕អត្ថបទ៖ លី ឈុនឡា

អគ្គិសនីកម្ពុជាយកឈ្នះក្រុមលីគកំពូលគិរីវង់ ៣-២ ក្នុងជើងទី១ នៃពានសម្ដេចតេជោ-ថ្នាក់ជាតិ

បាល់ទាត់៖ ក្រុមមិនស្គាល់ចាញ់នៃលីគទី២ អគ្គិសនីកម្ពុជាបានយកឈ្នះក្រុមសមាជិកលីគកំពូលកម្ពុជា គិរីវង់សុខសែនជ័យដោយលទ្ធផល ៣-២ ក្នុងជំនួបជើងទី១ វគ្គជម្រុះ ១៦ក្រុមចុងក្រោយនៃពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ កាលពីល្ងាចថ្ងៃទី០៣ ខែសីហាម្សិលមិញ។ ការប្រកួតដ៏ទាក់ទាញនៅកីឡដ្ឋានអគ្គិសនីកម្ពុជានេះ ក្រុមម្ចាស់ផ្ទះធ្វើបានយ៉ាងល្អដោយបានស៊ុតបំប៉ោងសំណាញ់ទីក្រុមគិរីវង់ ២គ្រាប់មុនដោយកីឡាករ ច្រឹង ច័ន្ទវីរៈ នៅនាទីទី២ និងកីឡាករ ឈួត សិនទៀង នៅនាទី១៦ មុនកីឡាករ ហ៊ត ឈិនជិន រកបាន ១គ្រាប់ឲ្យក្រុមភ្ញៀវវិញនៅនាទី២៧។ ចូលវគ្គទី២ ក្រុមទាំងពីរបានព្យាយាមវាយសម្រុកគ្នាកាន់តែខ្លាំង ហើយកីឡាករ លី មស្លីម បានជួយឲ្យក្រុមគិរីវង់ទទួលបានគ្រាប់តាមស្មើក្រុមម្ចាស់ផ្ទះវិញ ២-២។ ប៉ុន្ដែគួរឲ្យស្ដាយសម្រាប់ក្រុមមាន់គក់ខេត្តតាកែវ បន្ទាប់ពីកីឡាករ ឈួត សិនទៀង រកបានគ្រាប់ទី៣ ជួយឲ្យក្រុមអគ្គិសនីកម្ពុជា បើកការនាំមុខជាថ្មី ៣-២ នៅនាទី៧៨ ហើយលទ្ធផលនេះក៏បានរក្សាដល់ចប់ការប្រកួតតែម្ដង។ប៉ុន្ដែជ័យជម្នះនេះមិនទាន់សុវត្ថិភាពសម្រាប់ក្រុមអគ្គិសនីកម្ពុជា ក្នុងការទទួលបានកៅអីវគ្គ ៨ក្រុមចុងក្រោយនៃពានរង្វាន់សម្ដេចតេជោ ហ៊ុន សែន-ថ្នាក់ជាតិនោះទេ ដ្បិតជើងទី២ ពួកគេនឹងត្រូវធ្វើដំណើរទៅតតាំងជាមួយក្រុមគិរីវង់សុខសែនជ័យ នៅទឹកដីខេត្តតាកែវវិញម្ដងនាថ្ងៃទី១៧ ខែសីហាខាងមុខ៕អត្ថបទ៖ លី ឈុនឡា

កងយោធពលខេមរភូមិន្ទវាយបកឈ្នះនគរបាលជាតិ ២-១ ក្នុងជើងទី១ នៃពានសម្ដេចតេជោ-ថ្នាក់ជាតិ

បាល់ទាត់៖ សមាគមកីឡាបាល់ទាត់កងយោធពលខេមរភូមិន្ទ វាយបកយកឈ្នះក្រុមម្ចាស់ផ្ទះកងយោធពលខេមរភូមិន្ទដោយលទ្ធផល ២-១ ក្នុងជំនួបជើងទី១ វគ្គជម្រុះ ១៦ក្រុមចុងក្រោយនៃពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ កាលពីល្ងាចថ្ងៃទី០៣ ខែសីហាម្សិលមិញ។ ជំនួបដ៏ស្វិតស្វាញនៅកីឡដ្ឋាន 7NG នាទឹកដីឃុំវិហារសួគ៌នេះ ក្រុមម្ចាស់ផ្ទះនគរបាលជាតិបានបើកការនាំមុខក្រុមកងយោធពលខេមរភូមិន្ទតាំងពីនាទីទី៤ ដែលធ្វើសម្រេចដោយកីឡាករ នី មូស្ដាហ្វា។ បន្ទាប់មកទើបកីឡាករ ណារ៉ុង កក្កដា រកបានគ្រាប់តាមស្មើឲ្យក្រុមភ្ញៀវវិញនៅនាទី៣៧ មុនបញ្ចប់វគ្គទី១។ ចូលវគ្គទី២ ក្រុមទាំងពីរបានព្យាយាមវាយសម្រុកគ្នាទៅវិញទៅមក ខណៈនៅនាទី៦៦ កីឡាករ ណារ៉ុង កក្កដា ដដែលបានស៊ុតបន្ថែមគ្រាប់បាល់ទី២ ជួយឲ្យក្រុមកងយោធពលខេមរភូមិន្ទនាំមុខក្រុមម្ចាស់ផ្ទះវិញ ២-១ ហើយលទ្ធផលនេះក៏បានរក្សារហូតដល់ចប់ការប្រកួតពេញម៉ោងតែម្ដង។ ប៉ុន្ដែក្រុមទាំងពីរនឹងត្រូវជួបគ្នាម្ដងទៀតនៅជើងទី២ នាទឹកដីកីឡដ្ឋានស្ដាតចាស់នាថ្ងៃទី១៧ ខែសីហាខាងមុខដើម្បីកាត់សេចក្ដីរកក្រុមឈ្នះ បន្ទាប់ពីឆ្លងកាត់ការប្រកួត ២ជើងឡើងទៅវគ្គ ៨ក្រុមចុងក្រោយ៕អត្ថបទ៖ លី ឈុនឡា

ក្រុមកីឡាអុកជនពិការចាត់ទុកការឈ្នះមេដាយអាស៊ានប៉ារ៉ាហ្គេមគឺជារឿងមិននឹកស្មាន

អុក៖ ក្រុមកីឡាអុកជនពិការកម្ពុជាដែលមានកីឡាករ ជា ស៊ីដេត និង ប៉ែន រ័ត្នទីណា បានសម្ដែងសេចក្ដីរីករាយជាខ្លាំងក្រោយដណ្ដើមបានមេដាយសំរឹទ្ធ ១គ្រឿងជូនជាតិ សម្រាប់ការបង្ហាញខ្លួនលើកដំបូងក្នុងព្រឹត្តិការណ៍អាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី ហើយបានចាត់ទុកការឈ្នះមេដាយនេះគឺជារឿងមិននឹកស្មានទៀតផង។ ក្នុងចំណោមអត្តពលិកជនពិការកម្ពុជា ១១ប្រភេទកីឡាដែលកំពុងប្រកួតប្រជែងនៅឥណ្ឌូនេស៊ី គឺមានតែកីឡាអុកជនពិការប៉ុណ្ណោះដែលត្រូវបានបញ្ជូនទៅហ្វឹកហាត់រយៈពេល ១ខែនៅទីនោះដើម្បីត្រៀមការប្រកួត ក្រោមការរ៉ាប់រងការស្នាក់នៅ និងហូបចុករបស់ភាគីគណៈកម្មាធិការរៀបចំការប្រកួតអាស៊ានប៉ារ៉ាហ្គេមឥណ្ឌូនេស៊ី និងការចំណាយផ្សេងៗរបស់គណៈកម្មាធិការជាតិប៉ារ៉ាឡាំពិកកម្ពុជា។ ឯកឧត្តម យីវាសនា អគ្គលេខាធិការគណៈកម្មាធិការប៉ារ៉ាឡាពិកកម្ពុជា និងជានាយបេសកកម្មធ្លាប់បានគូសបញ្ជាក់ថា ដោយសារព្រឹត្តិការណ៍អាស៊ានប៉ារ៉ាហ្គេមឆ្នាំ២០២៣ អត់មានវិញ្ញាសាអុកនេះ ដូច្នេះនេះជាកិច្ចការសំខាន់ដែលគណៈកម្មាធិការជាតិប៉ារ៉ាឡាំពិកកម្ពុជា ត្រូវរៀបចំឲ្យមានវិញ្ញាសាអុកចូលរួមហ្វឹកហាត់ និងប្រកួតនៅឥណ្ឌូនេស៊ី ដោយកីឡាករទាំង ២រូបបានដើរតួជាគ្រូផង និងជាកីឡាករផង ហើយក្រោយបញ្ចប់បេសកកម្មនេះពួកគេនឹងនាំនូវបទពិសោធន៍ ក៏ដូចជាចំណេះដឹងចែករំលែកដល់អត្តពលិកជនពិការកម្ពុជាផ្សេងទៀត។អ្វីដែលមិននឹកស្មាន ទោះបីក្រុមកីឡាអុកជនពិការកម្ពុជាទើបហ្វឹកហាត់បានរយៈពេលខ្លី តែកីឡាករ ជា ស៊ីដេត និង ប៉ែន រ័ត្នទីណា ធ្វើបានយ៉ាងល្អប្រសើរដែលអាចដណ្ដើមបានមេដាយសំរឹទ្ធ ១គ្រឿងក្នុងចំណោមមេដាយសរុប ១៨គ្រឿងដែលកម្ពុជាទទួលបានគិតត្រឹមល្ងាចថ្ងៃទី០៣ ខែសីហា ឆ្នាំ២០២២ ពីព្រឹត្តិការណ៍អាស៊ានប៉ាររ៉ាហ្គេមឆ្នាំ២០២២ នៅឥណ្ឌូនេស៊ី៕អត្ថបទ៖ លី ឈុនឡា

ឯកឧត្តម ហ៊ុន ម៉ានី៖ ពិការភាពមិនមែនជាឧបសគ្គក្នុងការដណ្ដើមកិត្តិយសជូនជាតិមាតុភូមិឡើយ

អាស៊ានប៉ារ៉ាហ្គេម៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានប្រតិភូកីឡាប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានបង្ហាញមោទនភាព និងកោតស្ញប់ស្ញែងចំពោះការលះបង់ និងខំប្រឹងរបស់អត្តពលិកជនពិការកម្ពុជា ក្នុងការប្រកួតកីឡាអាស៊ានប៉ារ៉ាហ្គេមលើកទី១១ នៅប្រទេសឥណ្ឌូនេស៊ី ហើយឯកឧត្តមបានសង្កត់ធ្ងន់ថា ពិការភាពមិនមែនជាឧបសគ្គក្នុងការដណ្ដើមកិត្តិយសជូនជាតិមាតុភូមិឡើយ។ ការលើកឡើងនេះ ស្របពេលក្រុមអត្តពលិកជនពិការកម្ពុជា កំពុងធ្វើការប្រកួតប្រជែងយ៉ាងស្វិតស្វាញ និងទទួលបានជោគជ័យជាបន្ដបន្ទាប់ក្នុងការប្រកួតអាស៊ានប៉ារ៉ាហ្គេមលើកទី១១ ដែលគិតមកទល់ពេលនេះ កម្ពុជាដណ្ដើមបានមេដាយសរុប ១៨គ្រឿងរួមមានមេដាយមាស ៥ ប្រាក់ ៧ និងសំរឹទ្ធ ៦ គ្រាដែលឯកឧត្តម ហ៊ុន ម៉ានី បានកំពុងមានវត្តមានផ្ទាល់ជាប់ជាមួយអត្តពលិកប៉ារ៉ាឡាំពិកកម្ពុជា ដើម្បីគាំទ្រ និងលើកទឹកចិត្តដល់ពួកគេនៅទីក្រុងសូឡូ។ ស្របពេលក្រុមប្រតិភូកីឡាប៉ារ៉ាឡាំពិកកម្ពុជា កំពុងខិតខំប្រឹងប្រែងអស់ពីលទ្ធភាពដោយមិនរុញរា ទោះបីខ្លួនស្ថិតក្នុងពិការភាពដើម្បីដណ្ដើមកិត្តិសយជូនជាតិ មាតុភូមិនេះ ឯកឧត្តម ហ៊ុន ម៉ានី បានបង្ហោះសារលើទំព័រហ្វេសប៊ុកផ្ទាល់ខ្លួនថា «ញើស និងឈាមក្នុងបុព្វហេតុជាតិ និងមាតុភូមិ! សម្រាប់ពួកគាត់ ពិការភាពមិនមែនជាឧបសគ្គ! ឧបសគ្គពិតនោះគឺការឈរឱបដៃមើល រិះគន់ និងការបណ្តោយតាមព្រហ្មលិខិត»។ នេះគឺជាសារមួយដ៏មានអត្ថន័យ ដើម្បីលើកទឹកចិត្ដដល់បងប្អូនជនពិការ ពិសេសអត្តពលិកជនពិការកម្ពុជាតែម្ដង។លើសពីនេះ ឯកឧត្តមបានបង្ហាញនូវមោទកភាពចំពោះក្រុមកីឡាករ-កីឡាការិនីជនពិការកម្ពុជាថា «ពួកគាត់មានពិការភាពតែអវយវៈ ប៉ុន្តែទឹកចិត្តរបស់ពួកគាត់មិនពិការឡើយ។ ពួកគាត់នៅពេលនេះជាតំណាងឲ្យកម្ពុជា! ពួកគាត់នៅពេលនេះជាមុខមាត់ជាតិ ។ ដូច្នេះទោះបីកីឡាករ-កីឡាការិនីស្ថិតក្នុងពិការភាព ក៏ពួកគាត់មិនបានដាក់បន្ទុកនេះឲ្យសង្គមជាតិឡើយ ផ្ទុយទៅវិញពួកគាត់បានប្រឹងប្រែងអស់ពីលទ្ធភាព ដើម្បីនាំកិត្តិយសជូនជាតិ មាតុភូមិ។ ទន្ទឹមជាមួយគ្នា ក្នុងនាមប្រធានប្រតិភូកីឡាប៉ារ៉ាឡាំពិកកម្ពុជា ឯកឧត្តម ហ៊ុន ម៉ានី ក៏បានគូសបញ្ជាក់ពីការយកចិត្តទុកដាក់របស់រាជរដ្ឋាភិបាល ចំពោះជនមានពិការភាព ដោយឯកឧត្តមបានលើកឡើងថា សម្រាប់ក្រុមជនដែលមានពិការភាព ការផ្តល់លទ្ធភាព និងគាំទ្រឲ្យបានចូលរួមប្រកួត ជាការលើកស្ទួយនូវសិទ្ធិ សេរីភាព សមភាព និងការទទួលស្គាល់នូវតម្លៃរបស់ពួកគាត់ជាប្រជាពលរដ្ឋពេញលេញ។សូមបញ្ជាក់ថា ការប្រកួតអាស៊ានប៉ារ៉ាហ្គេមលើកទី១១ នៅឥណ្ឌូនេស៊ី កម្ពុជាបានបញ្ជូនកីឡាករ-កីឡការិនី ១១៥នាក់ លើ ១១ប្រភេទកីឡាចូលរួមប្រកួត ខណៈលទ្ធផលបណ្ដោះអាសន្នដែលកម្ពុជាទទួលបានពេលនេះ បានបំបែកកំណត់ត្រាប្រវត្តិសាស្ដ្រព្រឹត្តិការណ៍កីឡាជនពិការប្រចាំតំបន់នេះហើយ ពោលគឺកម្ពុជាដណ្ដើមបានមេដាយច្រើនបំផុតក្នុងប្រវត្តិចូលរួមប្រកួត ១១លើកកន្លងមកគិតចាប់ពីឆ្នាំ២០០១ មកទល់បច្ចុប្បន្ន បន្ទាប់ពីកម្ពុជាដណ្ដើមបានមេដាយសរុប ១៤គ្រឿង មាស ៤ ប្រាក់ ៦ និងសំរឹទ្ធ ៤៕ អត្ថបទ៖ លី ឈុនឡា

កម្ពុជាបំបែកកំណត់ត្រាអាស៊ានប៉ារ៉ាហ្គេម ក្រោយឈ្នះមេដាយច្រើនបំផុតក្នុងប្រវត្តិសាស្ដ្ររបស់ខ្លួន

អាស៊ានប៉ារ៉ាហ្គេម៖ កម្ពុជាបានបំបែកកំណត់ត្រាក្នុងប្រវត្តិសាស្ដ្ររបស់ខ្លួន នៅក្នុងព្រឹត្តិការណ៍អាស៊ានប៉ារ៉ាហ្គេមបន្ទាប់ពីដណ្ដើមបានមេដាយច្រើនបំផុត សម្រាប់ការចូលព្រឹត្តិការណ៍កីឡាជនពិការប្រចាំតំបន់នេះ បើគិតចាប់ពីឆ្នាំ២០០១ ដែលជាឆ្នាំបង្កើកដំបូងរហូតមកទល់បច្ចុប្បន្ន។ សម្រាប់បេសកកម្មចូលរួមប្រកួតកីឡាអាស៊ានប៉ារ៉ាហ្គេមលើកទី១១ ដែលកំពុងប្រព្រឹត្តទៅនាទីក្រុងសូឡូ ប្រទេសឥណ្ឌូនេស៊ី គិតត្រឹមល្ងាចថ្ងៃទី០៣ ខែសីហាម្សិលមិញ កម្ពុជាដណ្ដើមបានមេដាយសរុប ១៨គ្រឿងរួមមានមេដាយមាស៥, ប្រាក់៧ និងសំរឹទ្ធ ៦គ្រឿង។ សមិទ្ធផលនេះបានធ្វើឲ្យកម្ពុជាបំបែកកំណត់ត្រាប្រវត្តិសាស្ដ្រលើកដំបូង ពោលគឺមិនធ្លាប់មានឆ្នាំណាដែលក្រុមអត្តពលិកជនពិការកម្ពុជា ដណ្ដើមបានមេដាយច្រើនបែបណាឡើយ ពិសេសមេដាយមាសដែលកម្ពុជាធ្លាប់ដណ្ដើមបានច្រើនបំផុតត្រឹម ៣គ្រឿងកាលពីអាស៊ានប៉ារ៉ាហ្គេមឆ្នាំ២០១៣ នៅមីយ៉ាន់ម៉ា។ សម្រាប់ប្រវត្តិចូលរួមប្រកួត និងដណ្ដើមមេដាយរបស់អត្តពលិកជនពិការកម្ពុជា ក្នុងព្រឹត្តិការណ៍អាស៊ានប៉ារ៉ាហ្គេមនេះរួមមាន៖-លើកទី១ ឆ្នាំ២០០១ នៅម៉ាឡេស៊ី៖ កម្ពុជាឈ្នះមេដាយមាស ១ ប្រាក់ ១ និងសំរឹទ្ធ ១ សរុប ៣-លើកទី២ ឆ្នាំ២០០៣ នៅវៀតណាម៖ កម្ពុជាឈ្នះមេដាយមាស ១ ប្រាក់ ៥ និងសំរឹទ្ធ ៣ សរុប ៩-លើកទី៣ ឆ្នាំ២០០៥ នៅហ្វីលីពីន៖ កម្ពុជាឈ្នះមេដាយប្រាក់ ៣ និងសំរឹទ្ធ ២ សរុប ៥-លើកទី៤ ឆ្នាំ២០០៧ នៅថៃ៖ កម្ពុជាឈ្នះមេដាយប្រាក់ ១ សរុប ១-លើកទី៥ ឆ្នាំ២០០៩ នៅម៉ាឡេស៊ី៖ កម្ពុជាឈ្នះមេដាយមាស ១ ប្រាក់ ២ និងសំរឹទ្ធ ៤ សរុប ៧-លើកទី៦ ឆ្នាំ២០១១ នៅឥណ្ឌូនេស៊ី៖ កម្ពុជាឈ្នះមេដាយប្រាក់ ៥ និងសំរឹទ្ធ ២ សរុប ៧-លើកទី៧ ឆ្នាំ២០១៣ នៅមីយ៉ាន់ម៉ា៖ កម្ពុជាឈ្នះមេដាយមាស ៣ ប្រាក់ ៤ និងសំរឹទ្ធ ២ សរុប ៩-លើកទី៨ ឆ្នាំ២០១៥ នៅសិង្ហបុរី៖ កម្ពុជាឈ្នះមេដាយមាស ១ ប្រាក់ ២ និងសំរឹទ្ធ ៦ សរុប ៩-លើកទី៩ ឆ្នាំ២០១៧ នៅម៉ាឡេស៊ី៖ កម្ពុជាឈ្នះមេដាយប្រាក់ ៥ និងសំរឹទ្ធ ៥ សរុប ១០-ចំណែកលើកទី១០ ឆ្នាំ២០១៩ នៅហ្វីលីពីនត្រូវបានម្ចាស់ផ្ទះសម្រេចលុបចោល ព្រោះបញ្ហាកូវីដ-១៩។ដោយឡែកការប្រកួតអាស៊ានប៉ារ៉ាហ្គេមលើកទី១១ ដែលកំពុងប្រព្រឹត្តទៅនៅឥណ្ឌូនេស៊ីពេលនេះវិញ ទោះបីកម្ពុជា បានបង្កើតកំណត់ត្រាដណ្ដើមបានមេដាយច្រើនពុំធ្លាប់មានយ៉ាងណា តែកម្ពុជានៅមានលទ្ធភាពដណ្ដើមមេដាយបន្ថែមទៀត ដ្បិតនៅសល់វិញ្ញាសាជាច្រើនត្រូវប្រកួត ខណៈវិញ្ញាសាមួយចំនួនបានឈានដល់វគ្គផ្ដាច់ព្រ័ត្រ រួមមានវិញ្ញាសាបាល់ទះអង្គុយបុរស និងវិញ្ញាសាបាល់បោះជិះរទេះជនពិការនារី ៥ ទល់ ៥ ជាដើម ដែលត្រូវប្រកួតដណ្ដើមមេដាយមាសជាមួយក្រុមថៃនៅថ្ងៃទី០៤ និងថ្ងៃទី០៥ ខែសីហានេះ៕ អត្ថបទ៖ លី ឈុនឡា

Leipzig ចាប់ផ្តើមចរចាជាមួយ Chelsea ដើម្បីយក Timo Werner ត្រលប់ទៅវិញ

បាល់ទាត់៖ ក្លិបអាល្លឺម៉ង់ RB Leipzig និងក្លិបអង់គ្លេសតោខៀវ Chelsea បានចាប់ផ្តើមធ្វើការចរចាជុំវិញការផ្ទេរខ្សែប្រយុទ្ធអាល្លឺម៉ង់ Timo Werner ត្រលប់ទៅកាន់ Bundesliga វិញក្នុងលក្ខខណ្ឌខ្ចី។ កីឡាករជំរើសជាតិអាល្លឺម៉ង់វ័យ ២៦ឆ្នាំរូបនេះបានចាកចេញពី Leipzig មកកាន់ Chelsea កាលពីឆ្នាំ២០២០ តែមិនជោគជ័យឡើយនៅលើទឹកដីអង់គ្លេសក្រោយរកបានត្រឹម ១០គ្រាប់ក្នុងការបង្ហាញខ្លួន ៥៦ប្រកួតនៅ English Premier League។ Chelsea បានពង្រឹងប្រព័ន្ធប្រយុទ្ធរបស់ខ្លួនសំរាប់រដូវកាលថ្មីនេះ តាមរយៈការនាំយកខ្សែប្រយុទ្ធស្លាប Raheem Sterling ពី Manchester City បើទោះបីជា Romelu Lukaku ចាកចេញទៅ Inter Milan វិញក៏ដោយ។ បញ្ហានៃការផ្ទេររបស់ Timo Werner ត្រលប់ទៅ Leipzig វិញក្នុងលក្ខខណ្ឌខ្ចីនោះគឺប្រាក់ឈ្នួល ពោលគឺ Chelsea អាចនឹងត្រូវចំណាយយ៉ាងហោចណាស់ប្រាក់ឈ្នួលប្រចាំសប្តាហ៍ពាក់កណ្តាលជាមួយ Leipzig។Newcastle ក៏ធ្លាប់បានចាប់អារម្មណ៍ក្នុងការផ្ទេរ Werner ទៅកាន់ St. James Park ដែរតែបញ្ហាក៏នៅត្រង់ប្រាក់ឈ្នួលនេះដែរ។ រំលឹកថា Timo Werner ធ្លាប់មានអាជីពជោគជ័យនៅ Leipzig ពីឆ្នាំ២០១៦ ដល់ ២០២០ ដោយស៊ុតបញ្ចូលទីបានសរុប ៧៨គ្រាប់ក្នុងការបង្ហាញខ្លួន ១២៧ប្រកួត និងត្រូវបានកោះហៅចូលក្រុមជំរើសជាតិអាល្លឺម៉ង់នៅឆ្នាំ២០១៧ បង្ហាញខ្លួនបាន ៥៣លើករកបាន ២៤គ្រាប់៕អត្ថបទ៖នាង សុភាវុធ

Fulham ទិញបានអ្នកចាំទី Bernd Leno ពី Arsenal តម្លៃ ៨លានផោន

បាល់ទាត់៖ ក្រុមជើងឯក League Championship Fulham បានសំរេចក្នុងការនាំយកអ្នកចាំទី Bernd Leno ពីក្រុមកាំភ្លើងធំ Arsenal ក្នុងតម្លៃ ៨លានផោន។ កីឡាករវ័យ ៣០ឆ្នាំរូបនេះបានចុះហត្ថលេខារយៈពេល ៣ឆ្នាំនៅទឹកដី Craven Cottage បន្ទាប់ពីបាត់បង់តំណែងដៃទី១ នៅ Arsenal រដូវកាលមុនក្រោយការមកដល់របស់ Aaron Ramsdale។រដូវកាលមុន Bernd Leno បង្ហាញខ្លួនបានត្រឹម ៩ប្រកួតប៉ុណ្ណោះ និងសរុបជារួម ១២៥ប្រកួត រក្សាសំណាញ់ទីបាន ៣៧លើកមិនឲ្យគូប្រកួតស៊ុតចូលតាំងពីផ្លាស់ពី Bayer Leverkusen នៅឆ្នាំ២០១៨ ក្នុងតម្លៃ ២០លានផោន។ Bernd Leno បានក្លាយជាកីឡាករទី៥ ដែលមកកាន់ Fulham ត្រៀមរដូវកាលថ្មីខាងមុខ បន្ទាប់ពី Joao Palhinha, Andreas Pereira, Kevin Mbabu និង Manor Salomon៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

លោក Zelenskiy ៖ ហេដ្ឋារចនាសម្ព័ន្ធថាមពលរុស្ស៊ី ខាតបង់ប្រាក់រាប់សែនកោដិរូប្លិ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

បួនប្រទេសនៅអាមេរិកខាងត្បូងរួមគ្នាដេញថ្លៃធ្វើម្ចាស់ផ្ទះ World Cup 2030

Kasper Schmeichel ចាកចេញពី Leicester City ទៅចូលរួមជាមួយក្លិបបារាំង Nice

កីឡាប៊ីយ៉ា និងស្នូកឃ័របើកយុទ្ធនាការចម្រាញ់ជើងខ្លាំងវិញ្ញាសា POOL ត្រៀមស៊ីហ្គេម

អគ្គិសនីកម្ពុជាយកឈ្នះក្រុមលីគកំពូលគិរីវង់ ៣-២ ក្នុងជើងទី១ នៃពានសម្ដេចតេជោ-ថ្នាក់ជាតិ

កងយោធពលខេមរភូមិន្ទវាយបកឈ្នះនគរបាលជាតិ ២-១ ក្នុងជើងទី១ នៃពានសម្ដេចតេជោ-ថ្នាក់ជាតិ

ក្រុមកីឡាអុកជនពិការចាត់ទុកការឈ្នះមេដាយអាស៊ានប៉ារ៉ាហ្គេមគឺជារឿងមិននឹកស្មាន

ឯកឧត្តម ហ៊ុន ម៉ានី៖ ពិការភាពមិនមែនជាឧបសគ្គក្នុងការដណ្ដើមកិត្តិយសជូនជាតិមាតុភូមិឡើយ

កម្ពុជាបំបែកកំណត់ត្រាអាស៊ានប៉ារ៉ាហ្គេម ក្រោយឈ្នះមេដាយច្រើនបំផុតក្នុងប្រវត្តិសាស្ដ្ររបស់ខ្លួន

Leipzig ចាប់ផ្តើមចរចាជាមួយ Chelsea ដើម្បីយក Timo Werner ត្រលប់ទៅវិញ

Fulham ទិញបានអ្នកចាំទី Bernd Leno ពី Arsenal តម្លៃ ៨លានផោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

បួន​ប្រទេស​នៅ​អាមេរិក​ខាងត្បូង​រួមគ្នា​ដេញថ្លៃ​ធ្វើ​ម្ចាស់ផ្ទះ World Cup 2030

Kasper Schmeichel ចាក​ចេញពី Leicester City ទៅ​ចូលរួម​ជាមួយ​ក្លិប​បារាំង Nice

កីឡា​ប៊ីយ៉ា និង​ស្នូកឃ័រ​បើក​យុទ្ធនាការ​ចម្រាញ់​ជើង​ខ្លាំង​វិញ្ញាសា​ POOL ​ត្រៀម​ស៊ី​ហ្គេម​

អគ្គិសនី​កម្ពុជា​យកឈ្នះ​ក្រុម​លី​គ​កំពូល​គិរីវង់ ៣-២ ក្នុង​ជើង​ទី​១ នៃ​ពាន​សម្ដេច​តេ​ជោ​-​ថ្នាក់ជាតិ​

កងយោធពល​ខេមរភូមិន្ទ​វាយបក​ឈ្នះ​នគរបាល​ជាតិ ២-១ ក្នុង​ជើង​ទី​១ នៃ​ពាន​សម្ដេច​តេ​ជោ​-​ថ្នាក់ជាតិ

ក្រុមកីឡា​អុក​ជនពិការ​ចាត់ទុក​ការ​ឈ្នះ​មេដាយ​អាស៊ាន​ប៉ា​រ៉ា​ហ្គេម​គឺជា​រឿង​មិន​នឹកស្មាន​

ឯកឧត្តម ហ៊ុន ម៉ា​នី​៖ ពិការភាព​មិនមែនជា​ឧបសគ្គក្នុងការ​ដណ្ដើម​កិត្តិយស​ជូន​ជាតិ​មាតុភូមិ​ឡើយ​

Leipzig ចាប់ផ្តើម​ចរចា​ជាមួយ Chelsea ដើម្បីយក Timo Werner ត្រលប់​ទៅវិញ​

Fulham ទិញ​បាន​អ្នកចាំទី Bernd Leno ពី Arsenal តម្លៃ ៨​លាន​ផោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បួនប្រទេសនៅអាមេរិកខាងត្បូងរួមគ្នាដេញថ្លៃធ្វើម្ចាស់ផ្ទះ World Cup 2030

Kasper Schmeichel ចាកចេញពី Leicester City ទៅចូលរួមជាមួយក្លិបបារាំង Nice

កីឡាប៊ីយ៉ា និងស្នូកឃ័របើកយុទ្ធនាការចម្រាញ់ជើងខ្លាំងវិញ្ញាសា POOL ត្រៀមស៊ីហ្គេម

អគ្គិសនីកម្ពុជាយកឈ្នះក្រុមលីគកំពូលគិរីវង់ ៣-២ ក្នុងជើងទី១ នៃពានសម្ដេចតេជោ-ថ្នាក់ជាតិ

កងយោធពលខេមរភូមិន្ទវាយបកឈ្នះនគរបាលជាតិ ២-១ ក្នុងជើងទី១ នៃពានសម្ដេចតេជោ-ថ្នាក់ជាតិ

ក្រុមកីឡាអុកជនពិការចាត់ទុកការឈ្នះមេដាយអាស៊ានប៉ារ៉ាហ្គេមគឺជារឿងមិននឹកស្មាន

ឯកឧត្តម ហ៊ុន ម៉ានី៖ ពិការភាពមិនមែនជាឧបសគ្គក្នុងការដណ្ដើមកិត្តិយសជូនជាតិមាតុភូមិឡើយ

Leipzig ចាប់ផ្តើមចរចាជាមួយ Chelsea ដើម្បីយក Timo Werner ត្រលប់ទៅវិញ

Fulham ទិញបានអ្នកចាំទី Bernd Leno ពី Arsenal តម្លៃ ៨លានផោន