BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Diogo Jota បន្តកិច្ចសន្យាថ្មីនៅជាមួយ Liverpool ដល់ឆ្នាំ២០២៧

បាល់ទាត់៖ ខ្សែប្រយុទ្ធព័រទុយហ្កាល់ Diogo Jota បានយល់ព្រមបន្តកិច្ចសន្យាថ្មីដែលនឹងរក្សារូបគេនៅជាមួយ Liverpool ដល់ឆ្នាំ២០២៧។ កីឡាករវ័យ ២៥ឆ្នាំរូបនេះបានស៊ុតបញ្ចូលទីសរុប ៣៤គ្រាប់ហើយក្នុងការបង្ហាញខ្លួន ៨៥ប្រកួតតាំងពីផ្លាស់ពី Wolverhampton កាលពីឆ្នាំ២០២០ ក្នុងតម្លៃ ៤១លានផោន។ រដូវកាលមុន Diogo Jota ស៊ុតបញ្ចូលទីបាន ២១គ្រាប់ខណៈ Liverpool ឈ្នះជើងឯក FA Cup និង League Cup និងជាជើងឯករង English Premier League និង UEFA Champions League។ Diogo Jota ដែលកិច្ចសន្យាចាស់ត្រូវអស់សុពលភាពនៅឆ្នាំ២០២៥ នោះមិនបានចូលរួមជាមួយ Liverpool ឡើយក្នុងការប្រកួតមិត្តភាព Pre-Season កន្លងទៅដោយសាររបួសសសៃពួរ។ រំលឹកថា កាលពីខែមុន Mohamed Salah ក៏ទើបតែបានបន្តកិច្ចសន្យាថ្មីជាមួយ Liverpool ផងដែរដល់ឆ្នាំ២០២៦ ដោយទទួលបានប្រាក់ឈ្នួលប្រចាំសប្តាហ៍ ៣៥ម៉ឺនផោន៕អត្ថបទ៖នាង សុភាវុធ

កីឡាការិនីវាយកូនគោលចិនអតីតលេខ ១ ពិភពលោក Feng Shanshan ប្រកាសចូលនិវត្តន៍

វាយកូនគោល៖ កីឡាករវាយកូនគោលចិនធ្លាប់ឈរតំណែងលេខ ១ ពិភពលោក Feng Shanshan បានប្រកាសចូលនិវត្តន៍ពីអាជីពវាយកូនគោលហើយ។ មុនការប្រកាសចូលនិវត្តន៍នៅលើបណ្តាញសង្គមកាលពីថ្ងៃអង្គារម្សិលមិញនោះ កីឡាការិនីវ័យ ៣២ឆ្នាំរូបនេះត្រូវបានតែងតាំងជាគ្រូបង្វឹកក្រុមជំរើសជាតិវាយកូនគោលនារីចិន។ Feng Shanshan ដែលនឹងឈានចូលវ័យ ៣៣ឆ្នាំនៅថ្ងៃសុក្រនេះ ធ្លាប់មានសមិទ្ធផលល្អៗជាច្រើនក្នុងអាជីពវាយកូនគោលរបស់ខ្លួន ដោយឈ្នះជើងឯកលំដាប់អន្តរជាតិចំនួន ២២លើកដែលបួករួមទាំង ១០លើកនៅក្នុងក្របខណ្ឌ LPGA Tour ផងដែរ។ កាលពីខែវិច្ឆិកា ឆ្នាំ២០១៧ Feng Shanshan បានឡើងឈរតំណែងលេខ១ ពិភពលោក និងឈរតំណែងនេះរយៈពេល ២៣សប្តាហ៍៕អត្ថបទ៖នាង សុភាវុធ

កីឡាជឺជិតស៊ូកម្ពុជាឈ្នះមេដាយ ១២គ្រឿងក្នុងការប្រកួត SIAM Cup នៅថៃ

ជឺជិតស៊ូ៖ ក្រុមកីឡាជឺជិតស៊ូកម្ពុជាបានបញ្ចប់បេសកកម្ម ក្នុងការប្រកួតកីឡាជឺជិតស៊ូអន្ដរជាតិស្យាមខាប់ (SIAM Cup) ឆ្នាំ២០២២ នៅទីក្រុងបាងកក ប្រទេសថៃ ដោយជោគជ័យ ក្រោយដណ្ដើមបានមេដាយសរុប ១២គ្រឿង និងឈរចំណាត់ថ្នាក់ទី១២ ក្នុងចំណោមអត្តពលិក ៣៩ប្រទេសចូលរួមព្រឹត្តិការណ៍នេះ។ តាមការបញ្ជាក់របស់លោក សៀន សុភ័ក្ដ្រ អគ្គលេខាធិការសហព័ន្ធកីឡាជឺជិតស៊ូកម្ពុជាបានឲ្យដឹងថា សហព័ន្ធបានបញ្ជូនប្រតិភូ និងកីឡាករ-កីឡាការិនីជាង ២០នាក់ចូលរួម ខណៈការប្រកួតបានធ្វើតែ ១ថ្ងៃប៉ុណ្ណោះកាលពីថ្ងៃទី៣០ ខែកក្កដាកន្លងទៅ ខណៈជាលទ្ធផលកម្ពុជាដណ្ដើមបានមេដាយមាស ៣ ប្រាក់ ៣ និងសំរឹទ្ធ ៦គ្រឿង រួមមាន៖កីឡាករ សៅ សុភារ៉ា ប្រកួតវិញ្ញាសាជឺជីតស៊ូ គ្មានហ្គី ទម្ងន់ក្រោម ៦១គីឡូក្រាម ឈ្នះមេដាយមាស ១ និងវិញ្ញាសាជឺជិតស៊ូមានហ្គី ទម្ងន់ ៦៤គីឡូក្រាមឈ្នះមេដាយសំរឹទ្ធ ១។ កីឡាការិនី ម៉ាប់ សុខហួយ ប្រកួតវិញ្ញាសាជឺជីតស៊ូ មានហ្គី ទម្ងន់ក្រោម ៥៨.៥គីឡូក្រាម ឈ្នះមេដាយប្រាក់ ១។ កីឡាករ ហួរ សេងហុង ប្រកួតវិញ្ញាសាជឺជីតស៊ូ មានហ្គី ទម្ងន់សេរី ឈ្នះមេដាយសំរឹទ្ធ ១។ កីឡាការិនីថ្នាល ស្រេង រ័ត្នកនិកា ប្រកួតវិញ្ញាសាជឺជីតស៊ូ គ្មានហ្គី អាយុ ១១ឆ្នាំ ទម្ងន់ក្រោម ៤០គីឡូក្រាម ឈ្នះមេដាយមាស ១ និងវិញ្ញាសាជឺជីតស៊ូ មានហ្គី អាយុ ១២ឆ្នាំ ទម្ងន់ក្រោម ៤០.៣គីឡូក្រាម ឈ្នះមេដាយប្រាក់ ១។ កីឡាករថ្នាល កៃ ហានរ៉េមមយ ប្រកួតវិញ្ញាសាជឺជីតស៊ូ មានហ្គី អាយុ ៨ឆ្នាំ ទម្ងន់ក្រោម ២៧គីឡូក្រាម ឈ្នះមេដាយមាស ១។កីឡាករថ្នាល អាធ័រ ប៊ីសេន ប្រកួតវិញ្ញាសាជឺជីតស៊ូ គ្មានហ្គី អាយុ ១០ឆ្នាំ ទម្ងន់ក្រោម ៤៦គីឡូក្រាម ឈ្នះមេដាយប្រាក់ ១ និងប្រកួតវិញ្ញាសាជឺជីតស៊ូ មានហ្គី អាយុ ១០ឆ្នាំ ទម្ងន់ក្រោម ៤៥.៣គីឡូក្រាម ឈ្នះមេដាយសំរឹទ្ធ ១។ កីឡាករថ្នាល នីកូឡាស យីរ៉េមមយ ប្រកួតវិញ្ញាសាជឺជីតស៊ូ មានហ្គី អាយុ ១២ឆ្នាំ ទម្ងន់ក្រោម ៣៣.២គីឡូក្រាមឈ្នះមេដាយសំរឹទ្ធ ១ និងប្រកួតវិញ្ញាសាជឺជីតស៊ូ គ្មានហ្គី អាយុ ១១ឆ្នាំ ទម្ងន់ក្រោម ៣៤គីឡូក្រាមឈ្នះមេដាយសំរឹទ្ធ ១កីឡាករថ្នាល ឡេង ចាន់សេរីបុត្រ ប្រកួតវិញ្ញាសាជឺជីតស៊ូ មានហ្គី អាយុ ១១ឆ្នាំ ទម្ងន់ក្រោម ៣៣.២គីឡូក្រាម ឈ្នះមេដាយសំរឹទ្ធ ១៕អត្ថបទ៖ លី ឈុនឡា

Brighton បញ្ចប់ការចរចាជាមួយ Manchester City រឿងផ្ទេរខ្សែការពារ Marc Cucurella

បាល់ទាត់៖ ក្លិប Brighton បានបិទបញ្ចប់ការចរចាជាមួយ Manchester City ជុំវិញរឿងលក់ខ្សែការពារអេស្ប៉ាញ Marc Cucurella ទៅកាន់ Etihad Stadium។ ខ្សែការពារវ័យ ២៤ឆ្នាំរូបនេះបានស្នើសុំចាកចេញពី Brighton សប្តាហ៍មុនក្នុងគោលបំណងផ្លាស់ទៅកាន់ Manchester City។ យ៉ាងណាក្តី Brighton ធ្លាប់បានបដិសេធសំណើ ៥០លានផោនម្តងរួចទៅហើយពី Manchester City ដែលជាតម្លៃស្មើនឹង Ben White ដែលផ្លាស់ទៅ Arsenal រដូវកាលមុន។ Marc Cucurella ត្រូវបានគេរំពឹងថា ជាគោលដៅរបស់លោក Pep Guardiola ក្នុងការជំនួសតំណែងខ្សែការពារអ៊ុយក្រែន Oleksandr Zunchenko ដែលផ្លាស់ទៅកាន់ Arsenal។ កិច្ចសន្យារបស់ Cucurella នៅមានសុពលភាពដល់ឆ្នាំ២០២៦ ឯណោះ បន្ទាប់ពីទើបតែផ្លាស់មកកាន់ Brighton នៅឆ្នាំ២០២១ ប៉ុណ្ណោះផ្លាស់ពីក្លិបអេស្ប៉ាញ Getafe ក្នុងតម្លៃ ១៥.៤លានផោន។រំលឹកថា Marc Cucurella បង្ហាញខ្លួនឱ្យ Brighton សរុប ៣៥លើកនៅ Premier League រដូវកាលមុន។ កីឡាករដែលចេញពីថ្នាលយុវជនរបស់ Barcelona រូបនេះធ្លាប់បង្ហាញខ្លួនឱ្យក្រុមជម្រើសជាតិអេស្ប៉ាញមួយលើក និងជាសមាជិករបស់ក្រុម U23 អេស្ប៉ាញដែលឈ្នះមេដាយប្រាក់អូឡាំពិក ២០២០ ទីក្រុងតូក្យូ៕អត្ថបទ៖នាង សុភាវុធ

Luke Donald ក្លាយជាប្រធានក្រុម Ryder Cup អឺរ៉ុបផ្លូវការក្រោយ Henrik Stenson ត្រូវបណ្តេញចេញ

វាយកូនគោល៖ អតីតកីឡាករវាយកូនគោលលំដាប់លេខ ១ ពិភពលោក Luke Donald ត្រូវបានប្រកាសតែងតាំងឱ្យធ្វើជាប្រធានក្រុម Ryder Cup អឺរ៉ុបជាផ្លូវការ ជំនួសកីឡាករស៊ុយអែត Henrik Stenson ដែលត្រូវបានបណ្តេញចេញ។ Henrik Stenson ត្រូវបានដកងារប្រធានក្រុមកាលពីចុងខែកក្កដាកន្លងទៅ បន្ទាប់ពីប្រកាសចូលរួមការប្រកួត LIV Golf Series របស់អារ៉ាប៊ីសាអ៊ូឌីតដែលជាសត្រូវរបស់ PGA Tour និង DP World Tour។ Stenson បានទទួលងាប្រធានក្រុម Ryder Cup អឺរ៉ុបត្រឹម ១២៧ថ្ងៃប៉ុណ្ណោះ បន្ទាប់ពីព្រមព្រៀងចូលរួមក្របខណ្ឌវាយកូនគោល LIV របស់អារ៉ាប៊ីសាអ៊ូឌីត ដែលត្រូវបានគេដឹងថាមានកិច្ចសន្យាជាមួយនឹងកញ្ចប់ទឹកប្រាក់ដល់ទៅ ៤០លានផោន។ សំរាប់កីឡាករវ័យ ៤៤ឆ្នាំ Luke Donald គឺជាកីឡាករដែលធ្លាប់ចូលរួមការប្រកួត Ryder Cup ៤លើកនៅឆ្នាំ២០០៤ ២០០៦ ២០១០ និង ២០១២ និងធ្លាប់ជាអនុប្រធានក្រុម Ryder Cup អឺរ៉ុបពីរព្រឹត្តិការណ៍ចុងក្រោយ។ជាមួយគ្នានោះដែរកីឡាករដាណឺម៉ាក Thomas Bjorn និងកីឡាករអ៊ីតាលី Edoardo Molinari នឹងនៅតែអនុប្រធានក្រុម Ryder Cup អឺរ៉ុបដដែល។ ព្រឹត្តិការណ៍វាយកូនគោល Ryder Cup ត្រូវបានរៀបចំឡើងជារៀងរាល់ពីរឆ្នាំម្តងរវាងក្រុមអាមេរិក និងអឺរ៉ុប។ ឆ្នាំ២០២៣ ខាងមុខ Ryder Cup នឹងធ្វើនៅទឹកដីអឺរ៉ុបនៅទីក្រុងរ៉ូមប្រទេសអ៊ីតាលី បន្ទាប់ពីឆ្នាំ២០២១ កន្លងទៅម្ចាស់ផ្ទះអាមេរិកគឺជាជើងឯកក្រោយយកឈ្នះអឺរ៉ុប ១៩-៩៕អត្ថបទ៖នាង សុភាវុធ

អ្នកគាំទ្រពេញកីឡដ្ឋានទទួលស្វាគមន៍ Luis Suarez ត្រលប់មកកាន់ក្លិបចាស់ Nacional

បាល់ទាត់៖ អ្នកគាំទ្រក្លិបអ៊ុយរូហ្កាយ Nacional រាប់ពាន់នាក់បានជួបជុំគ្នាស្ទើរពេញកីឡដ្ឋាន ដើម្បីទស្សនាការប្រគំតន្ត្រីអបអរដំណើរវិលត្រលប់មកវិញរបស់ខ្សែប្រយុទ្ធ Luis Suarez ដែលវិលត្រលប់មកកាន់ក្លិបដែលខ្លួនចាប់ផ្តើមអាជីពដំបូង។ Luis Suarez បាននិយាយទៅកាន់អ្នកគាំទ្ររបស់ខ្លួនថា នេះជាការវិលមកវិញដើម្បីអ្នកទាំងអស់គ្នា ជាមួយនឹងមហិច្ឆតាចង់ឈ្នះពានជាច្រើនជាមួយ Nacional ទាំងក្នុងស្រុក និងក្រៅស្រុក។ រំលឹកថា Luis Suarez បានចាប់ផ្តើមអាជីពបាល់ទាត់ដំបូងនៅឆ្នាំ២០០៥ ជាមួយក្លិបអ៊ុយរូហ្កាយ Nacional នេះឈ្នះជើងឯកលីគកំពូលអ៊ុយរូហ្កាយ មុនពេលផ្លាស់ទៅកាន់ក្លិបហូឡង់ Groningen។ ក្រោយទំរង់លេងល្អក្នុងរដូវកាលដំបូង Ajax ក៏ទិញពី Groningen ក្នុងតម្លៃ ៧លានអឺរ៉ូរហូតឈ្នះជើងឯកហូឡង់ជាមួយ Ajax ក្រោយស៊ុតបញ្ចូលទីសរុប ៨១គ្រាប់ក្នុងការបង្ហាញខ្លួន ១១០ប្រកួត។ឆ្នាំ២០១១ Luis Suarez បានផ្លាស់ទៅកាន់ Liverpool ក្នុងតម្លៃផ្ទេរ ២៣លានផោនស៊ុតបញ្ចូលទីបាន ៦៩គ្រាប់ក្នុងការបង្ហាញខ្លួន ១១០ប្រកួត មុនពេលផ្លាស់ទៅកាន់ Barcelona នៅឆ្នាំ២០១៤ ក្នុងតម្លៃផ្ទេរ ៦៥លានផោន។ Suarez បានចាប់ដៃគូប្រយុទ្ធជាមួយ Lionel Messi និង Neymar នៅ Barcelona ក្នុងរយៈពេល ៦ឆ្នាំបង្ហាញខ្លួនសរុប ១៩១ប្រកួតរកបាន ១៤៧គ្រាប់ឈ្នះជើងឯក La Liga បួនលើក, Copa del Rey បួនលើក និង UEFA Champions League ១លើក មុនពេលផ្លាស់មកកាន់ Atletico Madrid ឈ្នះជើងឯក La Liga ម្តងទៀត៕អត្ថបទ៖នាង សុភាវុធ

Aaron Ramsey ចាកចេញពី Juventus ផ្លាស់ទៅកាន់ក្លិបបារាំង OGC Nice

បាល់ទាត់៖ ខ្សែបម្រើវែល Aaron Ramsey បានសំរេចក្នុងការផ្លាស់ទៅកាន់ក្លិបបារាំង OGC Nice ក្រោយចាកចេញពីក្លិបអ៊ីតាលីសេះបង្កង់ Juventus។ កីឡាករវ័យ ៣១ឆ្នាំរូបនេះនៅសល់កិច្ចសន្យាមួយឆ្នាំទៀតជាមួយ Juventus តែក៏បានសំរេចចែកផ្លូវគ្នាដោយការព្រមព្រៀងរៀងខ្លួនកាលពីខែកក្កដាកន្លងទៅ។ មុននេះ Aaron Ramsey ត្រូវបានគេរំពឹងថា ផ្លាស់ទៅកាន់ទឹកដីកំណើត Cardiff City រឺ Nottingham Forest។ អតីតខ្សែបម្រើ Arsenal រូបនេះកំពុងស្វែងរកទ្រនំថ្មីដើម្បីឱកាសលេងបាល់ឱ្យបានច្រើន ក្នុងដំណើរត្រៀមលក្ខណៈជាមួយក្រុមជំរើសជាតិវែលក្នុងការបង្ហាញខ្លួន នៅព្រឹត្តិការណ៍បាល់ទាត់ពិភពលោក ២០២២ នៅទឹកដីកាតាចុងឆ្នាំនេះ។ Ramsey មកដល់ Juventus កាលពីឆ្នាំ២០១៩ ដោយគ្មានតម្លៃផ្ទេរ ដោយអតីតខ្សែបម្រើ Arsenal រូបនេះត្រូវបានគេដឹងថា ទទួលបានប្រាក់ឈ្នួលដល់ទៅ ៤០ម៉ឺនផោនក្នុងមួយសប្តាហ៍។ តែក្រោយមក Ramsey ក៏បានចំណាយពេលពាក់កណ្តាលរដូវកាល ២០២១-២២ កន្លងទៅជាកីឡាករខ្ចីជើងនៅក្លិបស្កុតឡេន Glasgow Rangers៕អត្ថបទ៖នាង សុភាវុធ

Newcastle ដាក់សំណើថ្មីទិញ James Maddison ពី Leicester ក្រោយសំណើចាស់ ៤០លានផោនបដិសេធ

បាល់ទាត់៖ ក្លិប Newcastle United បានបន្តដាក់សំណើលើកទី២ របស់ខ្លួនក្នុងការនាំយកខ្សែបម្រើ James Maddison ពី Leicester City បន្ទាប់ពីសំណើលើកទីមួយ ៤០លានផោនត្រូវបានបដិសេធ។ សំណើទីមួយ ៤០លានផោនត្រូវបានបដិសេធនោះថែមទាំងអ្នកចាត់ការ Brendan Rodgers និយាយថា ខ្សែបម្រើជំរើសជាតិអង់គ្លេសនេះមិនស្ថិតក្នុងគំរោងលក់ចេញ។ សំណើលើកទី២ នេះត្រូវបានគេដឹងថា ចន្លោះពី ៤០ ទៅ ៥០លានផោន តែបើតាមការចុះផ្សាយពីសារព័ត៌មានក្នុងស្រុកមួយថា Leicester City នឹងបដិសេធសំណើទី២ នេះទៀត ពោលគឺ Leicester City នឹងមិនលក់ Maddison ក្រោមតំលៃ ៦០លានផោនឡើយ។កីឡាករវ័យ ២៥ឆ្នាំរូបនេះនៅសល់កិច្ចសន្យាជាមួយ Leicester City ២ឆ្នាំទៀតបន្ទាប់ពីចុះហត្ថលេខាបន្តកិច្ចសន្យាថ្មីកាលពីឆ្នាំ២០២០។ រំលឹកថា James Maddison បានផ្លាស់មកកាន់ Leicester City កាលពីឆ្នាំ២០១៨ ក្នុងតម្លៃ ២០លានផោនពី Norwich City និងធ្លាប់ជាគោលដៅរបស់ក្រុមបិសាចក្រហម Manchester United ផងដែរនៅពេលក្រោមការដឹកនាំរបស់លោក Ole Gunnar Solskjaer៕អត្ថបទ៖នាង សុភាវុធ

Cesc Fabregas ផ្លាស់ទៅកាន់ក្លិបលីគទី២ អ៊ីតាលី Como ផ្លូវការ

បាល់ទាត់៖ អតីតខ្សែបម្រើក្រុមជំរើសជាតិអេស្ប៉ាញ Cesc Fabregas បានសំរេចក្នុងការផ្លាស់ទៅកាន់ក្លិបនៅលីគទី២ អ៊ីតាលី Serie B, Como ផ្លូវការហើយ និងមិនទាន់គិតគូរឿងចូលនិវត្តន៍ឡើយ។ កីឡាករវ័យ ៣៥ឆ្នាំអតីតខ្សែបម្រើ Arsenal និង Chelsea រូបនេះបានចុះហត្ថលេខារយៈពេល ២ឆ្នាំនៅក្លិប Serie B មួយនេះ។ Cesc Fabregas ថ្មីៗនេះទើបតែផុតសុពលភាពកិច្ចសន្យាជាមួយ AS Monaco ហើយក៏មានក្លិបនៅលីគទី២ អេស្ប៉ាញ Las Palmas ចង់បានផងដែរ។ រំលឹកថា Cesc Fabregas ធ្លាប់មានប្រវត្តិជោគជ័យជាច្រើននៅអឺរ៉ុប ដោយរូបគេគឺជាសមាជិកក្រុមអេស្ប៉ាញដែលឈ្នះជើងឯក World Cup ២០១០ នៅអាហ្វ្រិកខាងត្បូង និងធ្លាប់ឈ្នះជើងឯក English Premier League ពីរលើក និង Europa League មួយលើក FA Cup មួយលើកនៅ Chelsea បូករួមទាំង La Liga មួយលើក Copa del Rey មួយលើកនៅ FC Barcelona ជាដើម។ ចំណែកក្លិបអ៊ីតាលី Como បច្ចុប្បន្នមានអតីតកីឡាករ Chelsea លោក Dennis Wise ជានាយកបច្ចេកទេសបានបញ្ចប់រដូវកាលមុននៅចំណាត់ថ្នាក់លេខ១៣ ក្របខណ្ឌអ៊ីតាលី Serie B៕អត្ថបទ៖នាង សុភាវុធ

អ្នកគាំទ្ររាប់ពាន់នាក់អបអរក្រុមបាល់ទាត់នារីអង់គ្លេសក្រោយឈ្នះពានបាល់ទាត់អឺរ៉ុប

បាល់ទាត់៖ ក្រុមបាល់ទាត់នារីអង់គ្លេសបានធ្វើការអបអរសាទរជើងឯកបាល់ទាត់នារីអឹរ៉ុបរបស់ខ្លួន ដែលជាពានបាល់ទាត់ធំដំបូងក្រោយខកខានច្រើនឆ្នាំ នៅចំពោះមុខអ្នកគាំទ្ររាប់ពាន់នាក់នៅទីក្រុងឡុងដ៍ចក្រភពអង់គ្លេស។ ប្រធានក្រុមកីឡាការិនី Leah Williamson និងគ្រូបង្វឹក Sarina Wiegman ត្រូវបានចាត់ទុកជាបុគ្គលសំខាន់ដែលរួមចំនែកជួយអង់គ្លេសឈ្នះពានបាល់ទាត់នារី Euro ២០២២ នេះ។ ក្រុមបាល់ទាត់នារីអង់គ្លេសបានយកឈ្នះក្រុមជើងឯក ៨សម័យអាល្លឺម៉ង់ ២-១ ក្នុងម៉ោងបន្ថែមកាត់សេចក្តីនៅចំពោះមុខអ្នកគាំទ្រជាង ៨នាក់នៅកីឡដ្ឋាន Wembley។ សូមបញ្ជាក់ថា នេះជាពានបាល់ទាត់ធំទីមួយក្នុងរយៈពេល ៥៦ឆ្នាំនៃប្រវត្តិសាស្ត្របាល់ទាត់អង់គ្លេស ពោលគឺរាប់ទាំងបាល់ទាត់បុរស និងនារីអង់គ្លេសឈ្នះពានសំខាន់ចុងក្រោយបំផុតតាំងពីឆ្នាំ១៩៦៦ នៅពេលក្រុមបុរសលើកពាន World Cup។ព្រឹត្តិការណ៍បាល់ទាត់នារីជើងឯកអឺរ៉ុបមានអ្នកគាំទ្រចូលទស្សនាសរុបលើសពី ៥០ម៉ឺននាក់ក្រោយការប្រកួតវគ្គផ្តាច់ព្រ័ត្រនៅ Wembley នេះ ដែលជាចំនួនអ្នកទស្សនាច្រើនបំផុតបំបែកកំណត់ត្រាបាល់ទាត់នារីជើងឯកអឺរ៉ុប ពោលគឺបំបែកកំណត់ត្រាចាស់កាលពី Euro 2017 នៅប្រទេសហូឡង់ដែលមានអ្នកទស្សនាសរុបត្រឹមតែ ២៤០,០៥៥នាក់៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Diogo Jota បន្តកិច្ចសន្យាថ្មីនៅជាមួយ Liverpool ដល់ឆ្នាំ២០២៧

កីឡាការិនីវាយកូនគោលចិនអតីតលេខ ១ ពិភពលោក Feng Shanshan ប្រកាសចូលនិវត្តន៍

កីឡាជឺជិតស៊ូកម្ពុជាឈ្នះមេដាយ ១២គ្រឿងក្នុងការប្រកួត SIAM Cup នៅថៃ

Brighton បញ្ចប់ការចរចាជាមួយ Manchester City រឿងផ្ទេរខ្សែការពារ Marc Cucurella

Luke Donald ក្លាយជាប្រធានក្រុម Ryder Cup អឺរ៉ុបផ្លូវការក្រោយ Henrik Stenson ត្រូវបណ្តេញចេញ

អ្នកគាំទ្រពេញកីឡដ្ឋានទទួលស្វាគមន៍ Luis Suarez ត្រលប់មកកាន់ក្លិបចាស់ Nacional

Aaron Ramsey ចាកចេញពី Juventus ផ្លាស់ទៅកាន់ក្លិបបារាំង OGC Nice

Newcastle ដាក់សំណើថ្មីទិញ James Maddison ពី Leicester ក្រោយសំណើចាស់ ៤០លានផោនបដិសេធ

Cesc Fabregas ផ្លាស់ទៅកាន់ក្លិបលីគទី២ អ៊ីតាលី Como ផ្លូវការ

អ្នកគាំទ្ររាប់ពាន់នាក់អបអរក្រុមបាល់ទាត់នារីអង់គ្លេសក្រោយឈ្នះពានបាល់ទាត់អឺរ៉ុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Diogo Jota បន្ត​កិច្ចសន្យា​ថ្មី​នៅ​ជាមួយ Liverpool ដល់​ឆ្នាំ​២០២៧

កីឡាការិនី​វាយកូនគោល​ចិន​អតីត​លេខ ១ ពិភពលោក Feng Shanshan ប្រកាស​ចូលនិវត្តន៍

កីឡា​ជឺ​ជិត​ស៊ូ​កម្ពុជា​ឈ្នះ​មេដាយ ១២​គ្រឿង​ក្នុង​ការ​ប្រកួត​ SIAM Cup ​នៅ​ថៃ​

Brighton បញ្ចប់​ការចរចា​ជាមួយ Manchester City រឿង​ផ្ទេរ​ខ្សែ​ការពារ Marc Cucurella

Luke Donald ក្លាយជា​ប្រធាន​ក្រុម Ryder Cup អឺរ៉ុប​ផ្លូវការ​ក្រោយ Henrik Stenson ត្រូវ​បណ្តេញចេញ​

អ្នកគាំទ្រ​ពេញ​កីឡដ្ឋាន​ទទួល​ស្វាគមន៍ Luis Suarez ត្រលប់​មកកាន់​ក្លិប​ចាស់ Nacional

Aaron Ramsey ចាក​ចេញពី Juventus ផ្លាស់​ទៅកាន់​ក្លិប​បារាំង OGC Nice

Newcastle ដាក់​សំណើ​ថ្មី​ទិញ James Maddison ពី Leicester ក្រោយ​សំណើ​ចាស់ ៤០​លាន​ផោន​បដិសេធ​

Cesc Fabregas ផ្លាស់​ទៅកាន់​ក្លិប​លី​គ​ទី២ អ៊ីតាលី Como ផ្លូវការ

អ្នកគាំទ្រ​រាប់ពាន់នាក់​អបអរ​ក្រុមបាល់ទាត់​នារី​អង់គ្លេស​ក្រោយ​ឈ្នះ​ពាន​បាល់ទាត់​អឺរ៉ុប​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Diogo Jota បន្តកិច្ចសន្យាថ្មីនៅជាមួយ Liverpool ដល់ឆ្នាំ២០២៧

កីឡាការិនីវាយកូនគោលចិនអតីតលេខ ១ ពិភពលោក Feng Shanshan ប្រកាសចូលនិវត្តន៍

កីឡាជឺជិតស៊ូកម្ពុជាឈ្នះមេដាយ ១២គ្រឿងក្នុងការប្រកួត SIAM Cup នៅថៃ

Brighton បញ្ចប់ការចរចាជាមួយ Manchester City រឿងផ្ទេរខ្សែការពារ Marc Cucurella

Luke Donald ក្លាយជាប្រធានក្រុម Ryder Cup អឺរ៉ុបផ្លូវការក្រោយ Henrik Stenson ត្រូវបណ្តេញចេញ

អ្នកគាំទ្រពេញកីឡដ្ឋានទទួលស្វាគមន៍ Luis Suarez ត្រលប់មកកាន់ក្លិបចាស់ Nacional

Aaron Ramsey ចាកចេញពី Juventus ផ្លាស់ទៅកាន់ក្លិបបារាំង OGC Nice

Newcastle ដាក់សំណើថ្មីទិញ James Maddison ពី Leicester ក្រោយសំណើចាស់ ៤០លានផោនបដិសេធ

Cesc Fabregas ផ្លាស់ទៅកាន់ក្លិបលីគទី២ អ៊ីតាលី Como ផ្លូវការ

អ្នកគាំទ្ររាប់ពាន់នាក់អបអរក្រុមបាល់ទាត់នារីអង់គ្លេសក្រោយឈ្នះពានបាល់ទាត់អឺរ៉ុប