BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

សិក្ខាកាម ៥ប្រទេសចូលរួមវគ្គបណ្ដុះបណ្ដាលគ្រូបង្វឹកកីឡាវាយកូនបាល់នៅកម្ពុជា

វាយកូនបាល់៖ គណៈកម្មាធិការជាតិអូឡាំពិកកម្ពុជា(NOCC) បានបើកវគ្គបណ្ដុះបណ្ដាលគ្រូបង្វឹកកីឡាវាយកូនបាល់ ITF/OS ថ្នាក់តំបន់កម្រិតដំបូងសម្រាប់អត្តពលិក ដែលមានសិក្ខាកាមចំនួន ១៩នាក់មកពី ៥ប្រទេសចូលរួម រួមមានកម្ពុជា មីយ៉ាន់ម៉ា ទីម័រខាងកើត បង់ក្លាដេស និងហ្វីជី។ តាមការបញ្ជាក់របស់មន្ដ្រីគណៈកម្មាធិការជាតិអូឡាំពិកកម្ពុជាបានឲ្យដឹងថា វគ្គនេះធ្វើឡើងរយៈពេល ១២ថ្ងៃចាប់ពីថ្ងៃទី១ ដល់ថ្ងៃទី០១២ ខែសីហា ឆ្នាំ២០២២ ជាមួយការអនុវត្តជាក់ស្ដែងនៅទីលានវាយកូនបាល់ នាពហុកីឡដ្ឋានជាតិ(ស្ដាតអូឡាំពិក) ក្រោមកិច្ចសហការ និងឧបត្ថម្ភគាំទ្ររបស់អង្គការសាមគ្គីអូឡាំពិកកម្ពុជា(OS)។ លោក ជា ពៅ អគ្គលេខាធិការសហព័ន្ធកីឡាវាយកូនបាល់កម្ពុជាបានបញ្ជាក់ថា វគ្គបណ្ដុះបណ្ដាលជាលក្ខណៈអន្ដរជាតិនេះ មានគ្រូឧទ្ទេសកម្រិតអន្ដរជាតិ ៣រូបចូលរួមបង្រៀន និងចែករំលែកបទពិសោធន៍ រួមមានលោក Jonathan Stubbs លោក Gary Pucell និងលោក Amir Borghei មកពីសហព័ន្ធកីឡាវាយកូនបាល់អន្តរជាតិ “ITF”។តាមរយៈការរៀបចំវគ្គនេះ លោកបានចាត់ទុកពិតជាមានសារៈសំខាន់ណាស់ សម្រាប់សិក្ខាកាមជាគ្រូបង្វឹកកីឡាវាយកូនបាល់ក្នុងតំបន់ពិសេសគ្រូបង្វឹកកម្ពុជា ដែលទទួលបានការសិក្សាទាំងទ្រឹស្ដី និងការអនុវត្តផ្ទាល់លើទីលានជាមួយអ្នកជំនាញអន្ដរជាតិ ដើម្បីអភិវឌ្ឍន៍សមត្ថភាព បច្ចេកទេសឲ្យកាន់តែច្បាស់លាស់ ហើយធ្វើការចែករំលែក និងបណ្ដុះបណ្ដាលដល់កូនសិស្សកាន់តែប្រសើរ និងរីកចម្រើនបន្ថែមទៀត៕អត្ថបទ៖ លី ឈុនឡា

អត្តពលិកកម្ពុជា ដណ្តើមបានមេដាយ ០៧គ្រឿង ពីព្រឹត្តិការណ៍អាស៊ានប៉ារ៉ាហ្គេម លើកទី១១

ឥណ្ឌូនេស៊ី៖ គិតត្រឹមល្ងាចថ្ងៃទី០១ ខែសីហា ឆ្នាំ២០២២ បើយោងតាមឯកឧត្តម យី វាសនា អគ្គលេខាធិការ នៃគណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកកម្មអត្តពលិកជនពិការកម្ពុជា បានបញ្ជាក់ថាអត្តពលិកជនពិការកម្ពុជា ដណ្តើមបានមេដាយ៧គ្រឿងហើយ ក្នុងនោះមាស២គ្រឿង ប្រាក់៣គ្រឿង និងសំរិទ្ធ ២គ្រឿង ក្នុងព្រឹត្តិការណ៍អាស៊ានប៉ារ៉ាហ្គេម លើកទី១១ នៅទីក្រុងសូឡូ ប្រទេសឥណ្ឌូនេស៊ី។ ឯកឧត្តមបន្តថា ជ័យជំនះនេះ បានបង្កនូវភាពសប្បាយរីករាយ សម្រាប់គណៈប្រតិភូ និងអត្តពលិកជនពិការកម្ពុជា បន្ទាប់ពីឈ្នះមេដាយមាស ០១គ្រឿង ជាលើកដំបូង ដោយក្រុមកីឡាការិនីបាល់បោះជិះរទេះ ក្រោយយកឈ្នះក្រុមកីឡាការិនីបាល់បោះថៃ ក្នុងលទ្ធផល ៧-៥ លើវិញ្ញាសានារី ៣ទល់ ៣នាក់ ខណៈកីឡាវាយកូណឃ្លីលើតុ ឈ្នះមេដាយសំរឹទ្ធ លើវិញ្ញាសាវាយគូ កាលពីថ្ងៃទី៣១ ខែមិថុនា។ ចំណែកមេដាយមាសទី២របស់កម្ពុជាកើតឡើងនៅព្រឹកថ្ងៃទី០១ ខែសីហានេះ បន្ទាប់ពីកីឡាការិនី វិច ចន្ថា ឈ្នះលើវិញ្ញាសាលោតចម្ងាយ (T44)។ ថ្ងៃទី០១ ខែសីហានេះដែរ ក្រៅពីមេដាយទាំងនោះ កីឡាករ ខូយ កុយ ឈ្នះមេដាយប្រាក់វិញ្ញាសាហែលទឹក ១០០ម៉ែត្រ របៀបកង្កែប និងកីឡាករ យ៉ាង វណ្ណៈ ដណ្តើមបានមេដាយសំរឹទ្ធលើកវិញ្ញាសាហែលទឹក១០០ម៉ែត្រ របៀបកង្កែបនេះដែរ។ ដោយឡែកគីឡាករ ហៀក ហុក និងវ៉ាន វ៉ុនឈ្នះមេដាយប្រាក់ម្នាក់មួយគ្រឿងវិញ្ញាសាអត្តពលកម្មរទេះរុញ។ឯកឧត្តម អគ្គលេខាធិការ បានបន្ថែមថា ក្រៅពីការចូលរួមប្រកួតអាស៊ានប៉ារ៉ាហ្គេម ឆ្នាំ២០២២នេះ «គណៈប្រតិភូយើងដែលដឹកនាំដោយឯកឧត្តម ម៉ានី ឯកឧត្តម វ៉ាត់ ចំរើន ក៏កំពុងចុះសិក្សាស្វែងយល់គ្រប់ទីកន្លែងប្រកួត ដើម្បីយកបទពិសោធន៍ទៅវិញ កែច្នៃយ៉ាងមិចឲ្យកម្ពុជាយើងមានកេរ្តិ៍ឈ្មោះល្បីល្បាញ នៅក្នុងសហគមន៍អាស៊ាន ត្រៀមរៀបចំព្រឹត្តការណ៍អាស៊ានប៉ារ៉ាហ្គេម លើកទី១២ នាឆ្នាំ២០២៣ នៅកម្ពុជា អោយទទួលបានជោគជ័យ ។ក្រោយពិធីបើកឯកឧត្តម ហ៊ុន ម៉ានី បានលើកឡើងក្នុងសំនេរហ្វេសប៊ុកផ្ទាល់ខ្លួនថា កីឡាមិនត្រឹមតែនាំមកនូវសុខភាព ប៉ុន្តែកីឡាថែមទាំងបង្កើតបាននូវសាមគ្គីភាពសម្រាប់យើងគ្រប់គ្នា។ សម្រាប់ក្រុមជនដែលមានពិការភាព ការផ្តល់លទ្ធភាព និងគាំទ្រឲ្យបានចូលរួមប្រកួត ជាការលើកស្ទួយនូវសិទ្ធិ សេរីភាព សមភាព និងការទទួលស្គាល់នូវតម្លៃរបស់ពួកគាត់ជាប្រជាពលរដ្ឋពេញលេញ។ ក្នុងស្មារតីនេះ កម្ពុជាមិនត្រឹមតែបានបញ្ជូនក្រុមកីឡាករ កីឡាការិនីក្នុងទ្រង់ទ្រាយធំមកប្រកួតនាពេលនេះប៉ុណ្ណោះទេ ប៉ុន្តែកម្ពុជា នឹងទទួលធ្វើជាម្ចាស់ផ្ទះ អាស៊ានប៉ារ៉ាហ្គេមលើកទី១២ នៅឆ្នាំ២០២៣ ខាងមុខនេះ ក្នុងទឹកដីនៃព្រះរាជាណាចក្រកម្ពុជាទៀតផង។ នេះសរបញ្ជាក់យ៉ាងច្បាស់ពីគោលនយោបាយដ៏ត្រឹមត្រូវរបស់រដ្ឋាភិបាលយើង ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ដែលសម្តេច ក៏ជាជនពិការម្នាក់ដែរនោះ។ ពិតណាស់ ពួកគាត់មានពិការភាពតែអវយវៈ ប៉ុន្តែ ទឹកចិត្តរបស់ពួកគាត់មិនពិការឡើយ។ ពួកគាត់នៅពេលនេះជាតំណាងឲ្យកម្ពុជាយើង! ពួកគាត់នៅពេលនេះ ជាមុខមាត់ជាតិយើង! សូមចូលរួមគាំទ្រដល់កីឡាករ កិឡាការិនីយើងទាំងអស់គ្នា!គួរបញ្ជាក់ថា ព្រឹត្តការណ៍អាស៊ានប៉ារ៉ាហ្គេម លើកទី១១ នៅឥណ្ឌូនេស៊ី ចាប់ពីថ្ងៃទី៣០ ខែកក្កដា ដល់ថ្ងៃទី០៦ ខែសីហា ឆ្នាំ២០២២ ក្នុងនោះកម្ពុជា បានបញ្ជូនអត្តពលិកសរុប ១១៥នាក់ លើ១១ប្រភេទកីឡាចូលរួម គឺមានកីឡាអត្តពលកម្ម ហែលទឹក បាល់ទះអង្គុយបុរស និងនារី បាល់បោះរទេះបុរស និងនារី បាល់បោះជនពិការភ្នែក បាល់ទាត់ចលករខួរក្បាល (៧ម្ខាង) វាយកូនឃ្លីលើតុ វាយសី លើកទម្ងន់ អុក និងប៊ូស្យា៕

កីឡាការិនីហូឡង់ Annemiek van Vleuten គ្រងជើងឯកប្រណាំងកង់នារី Tour de France

ប្រណាំងកង់៖ ព្រឹត្តិការណ៍ប្រណាំងកង់នារីជើងឯក Tour de France ដែលរៀបចំជាលើកដំបូងបានបញ្ចប់ជាផ្លូវការនៅថ្ងៃអាទិត្យម្សិលមិញនេះ ដោយជើងឯកបានទៅកីឡាការិនីហូឡង់ Annemiek van Vleuten។ ដំណាក់កាលចុងក្រោយដែលមានចម្ងាយផ្លូវ ១២៣.៣គីឡូម៉ែត្រ កីឡាការិនី Annemiek van Vleuten ដែលជិះឱ្យក្រុមប្រណាំង Movistar បានមកដល់ទីព្រ័ត្រមុនពេលគេប្រើពេល ៣ម៉ោង ៣៧នាទី ២៣វិនាទី តាមពីក្រោយដោយមិត្តរួមជាតិហូឡង់ Demi Vollering យឺតជាង ៣០វិនាទី និងលេខ២ កីឡាការិនីអ៊ីតាលី Silvia Persico យឺតជាង ១នាទី ៤៣វិនាទី។ Annemiek van Vleuten ដែលយកឈ្នះដំណាក់កាលទី៧ ដែរនោះបានក្លាយជាជើងឯក Tour de France នារីនេះក្រោយឈ្នះដាច់ ៣នាទី ៤៨វិនាទីពីអ្នកលេខ២ Demi Vollering និងលេខ៣ បានទៅកីឡាការិនីប៉ូឡូញ Katarzyna Niewiadoma។ សូមបញ្ជាក់ថា ព្រឹត្តិការណ៍ប្រណាំងកង់ Tour de France នារីត្រូវបានរៀបចំឡើងលើកដំបូងប៉ុណ្ណោះ ក្រោយខកខានតាំងពីឆ្នាំ១៩៨៩៕អត្ថបទ៖នាង សុភាវុធ

ក្រុមបាល់ទាត់នារីប្រេស៊ីលលើកពាន Copa America នារីបួនលើកជាប់គ្នា

បាល់ទាត់៖ ក្រុមបាល់ទាត់នារីប្រេស៊ីលបានក្លាយជាជើងឯក ការប្រកួតបាល់ទាត់ពានរង្វាន់ជើងឯកអាមេរិកខាងត្បូងនារី Copa America បន្ទាប់ពីយកឈ្នះម្ចាស់ផ្ទះកូឡុំប៊ីនៅវគ្គផ្តាច់ព្រ័ត្រ។ បាល់ពិន័យ ១១ម៉ែត្រសំរេចដោយកីឡាការិនី Debinha នៅវគ្គទី១ និងជាគ្រាប់បាល់តែមួយគ្រាប់គត់ក្នុងវគ្គផ្តាច់ព្រ័ត្រ ធ្វើឱ្យប្រេស៊ីលគ្រងជើងឯក Copa America នារីនៅទីក្រុង Bucaramanga ប្រទេសកូឡុំប៊ី។ លោកស្រី Pia Sundhage គឺជាគ្រូបង្វឹកនារីទី១ ដែលលើកពាន Copa America នេះ ស្របពេលប្រេស៊ីលឈ្នះពាននេះជាលើកទី៨ ក្នុងចំណោម ៩ព្រឹត្តិការណ៍កន្លងមក។ ប្រេស៊ីលបានស៊ុតបញ្ចូលទីសរុប ២០គ្រាប់ក្នុងព្រឹត្តិការណ៍ឆ្នាំនេះ និងមិនរបូតគ្រាប់បាល់សូម្បីមួយគ្រាប់។ជើងឯក Copa America នេះប្រេស៊ីលទទួលបានប្រាក់រង្វាន់ ១.៥លានដុល្លារអាមេរិក ខណៈជើងឯករងអាហ្សង់ទីនទទួលបាន ៥០ម៉ឺនដុល្លារអាមេរិក។ ក្រុមទាំងពីរប្រេស៊ីល និងកូឡុំប៊ីដែលឡើងមកដល់វគ្គផ្តាច់ព្រ័ត្រ ក៏មានន័យថាពួកគេមានកៅអីស្វ័យប្រវត្តិនៅ World Cup នារី ២០២៣ និងកៅអីស្វ័យប្រវត្តិសំរាប់វិញ្ញាសាបាល់ទាត់នារីនៅព្រឹត្តិការណ៍អូឡាំពិករដូវក្តៅ ទីក្រុងប៉ារីសប្រទេសបារាំងឆ្នាំ២០២៤៕អត្ថបទ៖នាង សុភាវុធ

ក្រុមបាល់ទាត់នារីអង់គ្លេសលើកពានបាល់ទាត់នារីជើងឯកអឺរ៉ុបលើកដំបូងក្នុងប្រវត្តិសាស្ត្រ

បាល់ទាត់៖ ក្រុមបាល់ទាត់នារីអង់គ្លេសបានបង្កើតប្រវត្តិសាស្ត្ររបស់ខ្លួន ក្រោយឈ្នះជើងឯកបាល់ទាត់នារីជើងឯកអឺរ៉ុបលើកដំបូង បន្ទាប់ពីយកឈ្នះក្រុមនារីអាល្លឺម៉ង់ ២-១ ក្នុងម៉ោងបន្ថែមនៅវគ្គផ្តាច់ព្រ័ត្រ។ ក្រោមក្រសែភ្នែកទស្សនិកជនជាង ៨ម៉ឺននាក់នៅកីឡដ្ឋាន Wembley ទីក្រុងឡុងដ៍កីឡាការិនី Ella Toone គឺជាអ្នកបើកការនាំមុខមុនឱ្យអង់គ្លេសនៅនាទីទី៦២ មុនពេលដែលអាល្លឺម៉ង់តាមស្មើវិញនៅនាទីទី៧៩ ដោយ Lina Magull។ ១-១ នេះបានរក្សាដល់ចប់ការប្រកួត ៩០នាទីឈានដល់ម៉ោងបន្ថែម ១៥នាទីពីរដងទើបអង់គ្លេសរកបានគ្រាប់ជ័យជំនះដោយកីឡាការិនីបម្រុង Chloe Kelly នៅនាទីទី១១០។ សូមបញ្ជាក់ថា នេះជាពានបាល់ទាត់ធំទីមួយក្នុងរយៈពេល ៥៦ឆ្នាំនៃប្រវត្តិសាស្ត្របាល់ទាត់អង់គ្លេស ពោលគឺរាប់ទាំងបាល់ទាត់បុរស និងនារីអង់គ្លេសឈ្នះពានសំខាន់ចុងក្រោយបំផុតតាំងពីឆ្នាំ១៩៦៦ នៅពេលក្រុមបុរសលើកពាន World Cup។ព្រឹត្តិការណ៍បាល់ទាត់នារីជើងឯកអឺរ៉ុបមានអ្នកគាំទ្រចូលទស្សនាសរុបលើសពី ៥០ម៉ឺននាក់ក្រោយការប្រកួតវគ្គផ្តាច់ព្រ័ត្រនៅ Wembley នេះ ដែលជាចំនួនអ្នកទស្សនាច្រើនបំផុតបំបែកកំណត់ត្រាបាល់ទាត់នារីជើងឯកអឺរ៉ុប ពោលគឺបំបែកកំណត់ត្រាចាស់កាលពី Euro 2017 នៅប្រទេសហូឡង់ដែលមានអ្នកទស្សនាសរុបត្រឹមតែ ២៤០,០៥៥ នាក់៕អត្ថបទ៖នាង សុភាវុធ

ក្លិបឡើងថ្មី Nottingham Forest ទិញបានកីឡាករទី១២ ត្រៀមរដូវកាលថ្មី

បាល់ទាត់៖ ក្លិបឡើងថ្មី Nottingham Forest មិនទាន់បិទការចំណាយរបស់ខ្លួនឡើយក្នុងការទិញដូរកីឡាករត្រៀមរដូវកាលថ្មី បន្ទាប់ពីបានសំរេចក្នុងការនាំយកកីឡាករថ្មីទី១២ គឺខ្សែបម្រើប៊ែលហ្ស៊ិក Orel Mangala ពីក្លិបអាល្លឺម៉ង់ Stuttgart តម្លៃ ១២.៧លានផោន។ កីឡាករវ័យ ២៤ឆ្នាំរូបនេះបានបង្ហាញខ្លួន ២៩ប្រកួតនៅ Bundesliga រដូវកាលមុនជាមួយ Stuttgart និងធ្លាប់បង្ហាញខ្លួនឱ្យក្រុមជំរើសជាតិប៊ែលហ្ស៊ិកពីរលើកកាលពីខែមីនា។ នេះជាការវិលត្រលប់មកកាន់ក្របខណ្ឌកំពូល English Premier League ជាលើកដំបូងតាំងពីឆ្នាំ១៩៩៩ សំរាប់អតីតជើងឯកអឺរ៉ុប Nottingham Forest ហើយការមកកាន់ក្របខណ្ឌកំពូលនេះ Forest បានពង្រឹងសមាភាពកីឡាកររបស់ខ្លួនខ្លាំងសំរាប់រដូវកាលថ្មីនេះ។មុនការមកដល់របស់ Orel Mangala, Nottingham Forest បាននាំយកកីឡាករសំខាន់ៗជាច្រើនដូចជា Jesse Lingard ដែលចាកចេញពី Manchester United ក្រោយផុតកិច្ចសន្យា ក៏ដូចជាការចំណាយលុយបំបែកកំណត់ត្រារបស់ខ្លួនក្នុងការនាំយកខ្សែប្រយុទ្ធនីហ្សេរីយ៉ា Taiwo Awoniyi និង Neco Williams ពី Liverpool ជាដើម។ Nottingham Forest ត្រូវបើករដូវកាល English Premier League ធ្វើដំណើរទៅទឹកដី Newcastle United ថ្ងៃសៅរ៍ចុងសប្តាហ៍នេះ៕អត្ថបទ៖នាង សុភាវុធ

Neymar ស៊ុតពីរគ្រាប់ឲ្យ PSG លើកពានបើករដូវកាលក្រោយឈ្នះ Nantes ៤-០

បាល់ទាត់៖ ខ្សែប្រយុទ្ធប្រេស៊ីល Neymar បានស៊ុតបញ្ចូលទីពីរគ្រាប់ម្នាក់ឯងក្នុងជ័យជំនះ ៤-០ របស់ Paris Saint Germain លើ Nantes ដើម្បីគ្រងជើងឯកពានបើករដូវកាល Trophee des Champions។ នេះជាប្រកួតផ្លូវការដំបូងរបស់ PSG ក្រោមការដឹកនាំរបស់អ្នកចាត់ការថ្មីលោក Christophe Galtier ដែលជំនួសលោក Mauricio Pochettino។ Neymar ជាអ្នកបញ្ជូនគ្រាប់ដំបូងឱ្យ Lionel Messi ស៊ុតបើកការនាំមុខមុនពេល Neymar ខ្លួនឯងស៊ុតបាល់ Freekick នាំមុខ ២-០ ឱ្យ PSG ក្នុងការប្រកួតដែលរៀបចំនៅទីក្រុង Tel Aviv ប្រទេសអ៊ីស្រាអែល។ អតីតខ្សែការពារ Real Madrid, Sergio Ramos ជាអ្នករកបានគ្រាប់នាំមុខ ៣-០ ឱ្យ PSG មុនពេលដែល Neymar រកបានគ្រាប់ទីពីររបស់ខ្លួនដែលជាគ្រាប់បាល់ពិន័យ ១១ម៉ែត្រ។ Trophee des Champions មិនខុសពី FA Community Shield នៅអង់គ្លេសទេ គឺជាការជួបគ្នារវាងក្រុមជើងឯកលីគ និងក្រុមជើងឯកខាប់ក្នុងស្រុក។ គិតមកដល់ពេលនេះ PSG បានឈ្នះពាន Trophee des Champions នេះ ៩លើកហើយក្នុងចំណោម ១០រដូវកាលចុងក្រោយ៕អត្ថបទ៖នាង សុភាវុធ

ប្រធានសហព័ន្ធកីឡាបាញ់កាំភ្លើងជំរុញគណៈកម្មាធិការប្រតិបត្តិថ្មីបន្ដពង្រឹងយុទ្ធសាស្ត្រ ៣

បាញ់កាំភ្លើង៖ ឯកឧត្តម មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជា បានជំរុញគណៈកម្មាធិការប្រតិបត្តិថ្មីរបស់សហព័ន្ធត្រូវបន្ដពង្រឹងយុទ្ធសាស្ដ្រ ៣ ដើម្បីមានឱកាសបង្ហាញខ្លួនក្នុងព្រឹត្តិការណ៍ស៊ីហ្គេមឆ្នាំ២០២៣ ដ្បិតបច្ចុប្បន្នកីឡានេះស្ថិតក្នុងបញ្ជីកីឡាបម្រុង បន្ទាប់ពីក្រុមប្រឹក្សាកីឡាអាស៊ីអាគ្នេយ៍បានអនុម័តកីឡា ៣៩ប្រភេទ សម្រាប់ស៊ីហ្គេមនៅកម្ពុជាកាលពីថ្មីៗ។ ការលើកឡើងនេះ បន្ទាប់ពីសហព័ន្ធបានរៀបចំមហាសន្និបាតបញ្ចប់អាណត្តិទី២ និងបោះឆ្នោតជ្រើសរើសសមាជិកគណៈកម្មាធិការប្រតិបត្តិសម្រាប់អាណត្តិទី៣ ឆ្នាំ២០២២-២០២៦ នៅទីស្នាក់ការគណៈកម្មាធិការជាតិអូឡាំពិកកម្ពុជា កាលពីចុងសប្ដាហ៍កន្លងទៅ ដោយបានរុះរើសមាជិកគណៈកម្មាធិការប្រតិបត្តិមួយចំនួន ដើម្បីពង្រឹងសកម្មភាពការងារ និងជំរុញការអភិវឌ្ឍវិស័យកីឡាបាញ់កាំភ្លើងកម្ពុជា។ ក្រោយទទួលបានការគាំទ្របន្ដធ្វើប្រធានសហព័ន្ធ អាណត្តិទី៣ ឯកឧត្តម មៀច សុផាន់ណា បានបញ្ជាក់ថា មានភារកិច្ចជាច្រើនកំពុងរង់ចាំសមាជិកគណៈកម្មាធិការប្រតិបត្តិថ្មី ពិសេសយុទ្ធសាស្ដ្រ ៣ ដែលត្រូវសម្រេចឲ្យបានដើម្បីបង្ហាញដល់គណៈកម្មាធិការជាតិ CAMSOC និងគណៈកម្មាធិការជាតិអូឡាំពិកកម្ពុជា ក្នុងការបញ្ចូលប្រភេទកីឡានេះទៅក្នុងការប្រកួតកីឡាស៊ីហ្គេមជាប្រវត្តិសាស្ដ្រនៅកម្ពុជា។ភារកិច្ចធំៗទាំង ៣ ដែលប្រមុខសហព័ន្ធបានលើកឡើង ទី១-ត្រូវសម្រេចឲ្យបាននូវការរៀបចំទីតាំង ឬទីលានប្រកួតសម្រាប់ឆ្នាំ២០២៣ ទី២-រៀបចំក្រុមមន្ដ្រីបច្ចេកទេស ទាំងអាជ្ញាកណ្ដាល-ចៅក្រមកម្រិតអន្ដរជាតិសម្រាប់ដាក់ពិន្ទុនាឆ្នាំ២០២៣ និងទី៣-ត្រូវធានាឲ្យបាននូវការដណ្ដើមមេដាយក្នុងនាមម្ចាស់ផ្ទះ មិនមែនរៀបចំស៊ីហ្គេមហើយឲ្យមេដាយគេនោះទេ។ ដូច្នេះឯកឧត្តមសង្ឃឹមថា សមាជិកទាំងអស់ ពិសេសអគ្គលេខាធិការសហព័ន្ធថ្មីត្រូវពួតដៃគ្នាដោះស្រាយ និងស្វែងរកគ្រប់មធ្យោបាយ ក៏ដូចជាវិធីសាស្ដ្រដើម្បីសម្រេចគោលដៅនេះ។ សូមបញ្ជាក់ថា សមាជិកគណៈកម្មាធិការប្រតិបត្តិអាណត្ដិទី៣ របស់សហព័ន្ធគឺមានចំនួន ១៩រូប ក្នុងនោះមានឯកឧត្តម មៀច សុផាន់ណា បន្ដធ្វើជាប្រធាន អមជាមួយអនុប្រធាន ៦រូបគឺមានឯកឧត្តម ចាប ភក្ដី, ឯកឧត្តម វ៉ាត់ ចំរើន, ឯកឧត្តម សោម ចន្ទឌីណា, ឯកឧត្តម តាន់ សុខវិជ្ជា, ឯកឧត្តមក ទៀ ណារ៉ាវុធ និងលោក ស៊ី មិញចាវ។ រីឯអគ្គលេខាធិការគឺលោក កែវ ហុកលី អមអគ្គលេខាធិការរង ៦រូប គ្រាដែលលោក ខៃ វណ្ណៈ ត្រូវបានគាំទ្រធ្វើជាអគ្គហេរញ្ញិក រួមជាមួយអគ្គហេរញ្ញិករង ២រូប និងសមាជិក ២រូបទៀត៕អត្ថបទ៖ លី ឈុនឡា

Ronaldo វិលមកប្រកួតវិញតែ Manchester United បានត្រឹមស្មើ Rayo Vallecano នៅ Old Trafford

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo ដែលចង់ចាកចេញពី Manchester United នោះបានវិលមកទីលានហ្វឹកហាត់វិញសប្តាហ៍មុន និងបានចូលលេងការប្រកួតមិត្តភាពនៅ Old Trafford ដែលស្មើនឹងក្រុមភ្ញៀវអេស្ប៉ាញ Rayo Vallecano ១-១។ កីឡាករវ័យ ៣៧ឆ្នាំរូបនេះតែងតែចញ្ចឹមចិត្តចង់លេងបាល់ទាត់នៅក្របខណ្ឌកំពូល UEFA Champions League និងបានស្នើសុំចាកចេញពី Old Trafford ដើម្បីបំពេញមហិច្ចតារបស់ខ្លួន។ ក្រោយការចរចាដែលមិនទាន់ជាផ្លែផ្កាថាត្រូវនៅ រឺចាកចេញនោះ Ronaldo បានវិលមកការប្រកួតវិញលើកដំបូងក្នុងជំនួបមិត្តភាពរបស់ Manchester United។ Ronaldo ក៏មានឱកាសរកគ្រាប់បាល់ដែរក្នុងការប្រកួតនេះតែមិនបានសំរេច មុនពេលដែល Amad Diallo រកបានគ្រាប់នាំមុខឱ្យ Manchester United តែបានតែ ៩នាទី Rayo Vallecano ក៏តាមស្មើវិញដោយ Alvaro Garcia។នេះជាលទ្ធផលស្មើលើកដំបូងសំរាប់ Manchester United ក្នុងជំនួបមិត្តភាព Pre-Season របស់ខ្លួន បន្ទាប់ពីការប្រកួតកន្លងមកទាំងក្រៅស្រុក និងក្នុងស្រុកសុទ្ធតែឈ្នះ។ នេះជាប្រកួតមិត្តភាពចុងក្រោយផងដែរសំរាប់ Manchester United ខណៈត្រូវបើករដូវកាល English Premier League សប្តាហ៍នេះទទួល Brighton នៅថ្ងៃអាទិត្យ៕អត្ថបទ៖នាង សុភាវុធ

អត្តពលិកជនពិការកម្ពុជាដណ្តើមបានមេដាយ ៣គ្រឿងហើយពីព្រឹត្តិការណ៍អាស៊ានប៉ារ៉ាហ្គេមលើកទី១១

ប៉ារ៉ាឡាំពិក៖ គិតត្រឹមពេលនេះបើយោងតាមឯកឧត្តម យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកកម្មអត្តពលិកជនពិការកម្ពុជាបានបញ្ជាក់ថា អត្តពលិកជនពិការកម្ពុជាដណ្តើមបានមេដាយ ៣គ្រឿងហើយ ក្នុងនោះមាស ២គ្រឿង និងសំរឹទ្ធ ១គ្រឿងក្នុងព្រឹត្តិការណ៍អាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី។ ឯកឧត្តមបន្តថា ជ័យជំនះនេះបានបង្កនូវភាពសប្បាយរីករាយ សម្រាប់គណៈប្រតិភូ និងអត្តពលិកជនពិការកម្ពុជា បន្ទាប់ពីឈ្នះមេដាយមាស ១គ្រឿងជាលើកដំបូងដោយក្រុមកីឡាការិនីបាល់បោះជិះរទេះ ក្រោយយកឈ្នះក្រុមកីឡាការិនីបាល់បោះថៃក្នុងលទ្ធផល ៧-៥ លើវិញ្ញាសានារី ៣ទល់៣នាក់ ខណៈកីឡាវាយកូនឃ្លីលើតុឈ្នះមេដាយសំរឹទ្ធ លើវិញ្ញាសាវាយគូកាលពីថ្ងៃទី៣១ ខែមិថុនា។ ចំនែកមេដាយមាសទី២ របស់កម្ពុជាកើតឡើងនៅព្រឹកថ្ងៃទី០១ ខែសីហានេះ បន្ទាប់ពីកីឡាការិនី វិច ចន្ថា ឈ្នះលើវិញ្ញាសាលោតចម្ងាយ (T44)។ ឯកឧត្តមអគ្គលេខាធិការបានបន្ថែមថា ក្រៅពីការចូលរួមប្រកួតអាស៊ានប៉ារ៉ាហ្គេមឆ្នាំ២០២២នេះ «គណៈប្រតិភូយើងដែលដឹកនាំដោយឯកឧត្តម ហ៊ុន ម៉ានី ឯកឧត្តម វ៉ាត់ ចំរើន ក៏កំពុងចុះសិក្សាស្វែងយល់គ្រប់ទីកន្លែងប្រកួត ដើម្បីយកបទពិសោធន៍ទៅវិញ កែច្នៃយ៉ាងមិចឲ្យកម្ពុជាយើងមានកេរ្តិ៍ឈ្មោះល្បីល្បាញនៅក្នុងសហគមន៍អាស៊ាន ត្រៀមរៀបចំព្រឹត្តការណ៍អាស៊ានប៉ារ៉ាហ្គេមលើកទី១២ នាឆ្នាំ២០២៣ នៅកម្ពុជាអោយទទួលបានជោគជ័យ។គួរបញ្ជាក់ថា ព្រឹត្តការណ៍អាស៊ានប៉ារ៉ាហ្គេមលើកទី១១ នៅឥណ្ឌូនេស៊ីចាប់ពីថ្ងៃទី៣០ ខែកក្កដាដល់ថ្ងៃទី០៦ ខែសីហា ឆ្នាំ២០២២ ក្នុងនោះកម្ពុជាបានបញ្ជូនអត្តពលិកសរុប ១១៥នាក់លើ ១១ប្រភេទកីឡាចូលរួមគឺមានកីឡាអត្តពលកម្ម ហែលទឹក បាល់ទះអង្គុយបុរស និងនារី បាល់បោះរទេះបុរស និងនារី បាល់បោះជនពិការភ្នែក បាល់ទាត់ចលករខួរក្បាល (៧ម្ខាង) វាយកូនឃ្លីលើតុ វាយសី លើកទម្ងន់ អុក និងប៊ូស្យា៕អត្ថបទ៖ គង់ ហួន

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សិក្ខាកាម ៥ប្រទេសចូលរួមវគ្គបណ្ដុះបណ្ដាលគ្រូបង្វឹកកីឡាវាយកូនបាល់នៅកម្ពុជា

អត្តពលិកកម្ពុជា ដណ្តើមបានមេដាយ ០៧គ្រឿង ពីព្រឹត្តិការណ៍អាស៊ានប៉ារ៉ាហ្គេម លើកទី១១

កីឡាការិនីហូឡង់ Annemiek van Vleuten គ្រងជើងឯកប្រណាំងកង់នារី Tour de France

ក្រុមបាល់ទាត់នារីប្រេស៊ីលលើកពាន Copa America នារីបួនលើកជាប់គ្នា

ក្រុមបាល់ទាត់នារីអង់គ្លេសលើកពានបាល់ទាត់នារីជើងឯកអឺរ៉ុបលើកដំបូងក្នុងប្រវត្តិសាស្ត្រ

ក្លិបឡើងថ្មី Nottingham Forest ទិញបានកីឡាករទី១២ ត្រៀមរដូវកាលថ្មី

Neymar ស៊ុតពីរគ្រាប់ឲ្យ PSG លើកពានបើករដូវកាលក្រោយឈ្នះ Nantes ៤-០

ប្រធានសហព័ន្ធកីឡាបាញ់កាំភ្លើងជំរុញគណៈកម្មាធិការប្រតិបត្តិថ្មីបន្ដពង្រឹងយុទ្ធសាស្ត្រ ៣

Ronaldo វិលមកប្រកួតវិញតែ Manchester United បានត្រឹមស្មើ Rayo Vallecano នៅ Old Trafford

អត្តពលិកជនពិការកម្ពុជាដណ្តើមបានមេដាយ ៣គ្រឿងហើយពីព្រឹត្តិការណ៍អាស៊ានប៉ារ៉ាហ្គេមលើកទី១១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សិក្ខាកាម ៥​ប្រទេស​ចូលរួម​វគ្គ​បណ្ដុះបណ្ដាល​គ្រូបង្វឹក​កីឡា​វាយ​កូន​បាល់​នៅ​កម្ពុជា​

អត្តពលិកកម្ពុជា ដណ្តើមបានមេដាយ ០៧គ្រឿង ពីព្រឹត្តិការណ៍អាស៊ានប៉ារ៉ាហ្គេម លើកទី១១

កីឡាការិនី​ហូ​ឡង់ Annemiek van Vleuten គ្រង​ជើងឯក​ប្រណាំង​កង់​នារី Tour de France

ក្រុមបាល់ទាត់​នារី​ប្រេ​ស៊ី​ល​លើក​ពាន Copa America នារី​បួន​លើក​ជាប់​គ្នា​

ក្រុមបាល់ទាត់​នារី​អង់គ្លេស​លើក​ពាន​បាល់ទាត់​នារី​ជើងឯក​អឺរ៉ុប​លើកដំបូង​ក្នុង​ប្រវត្តិសាស្ត្រ​

ក្លិប​ឡើង​ថ្មី Nottingham Forest ទិញ​បាន​កីឡា​ករ​ទី​១២ ត្រៀម​រដូវ​កាល​ថ្មី​

Neymar ស៊ុត​ពីរ​គ្រាប់​ឲ្យ PSG លើក​ពាន​បើក​រដូវ​កាល​ក្រោយ​ឈ្នះ Nantes ៤-០

ប្រធាន​សហព័ន្ធ​កីឡា​បាញ់​កាំភ្លើង​ជំរុញ​គណៈកម្មាធិការ​ប្រតិបត្តិ​ថ្មី​បន្ដ​ពង្រឹង​យុទ្ធសាស្ត្រ ៣

Ronaldo វិល​មកប្រកួត​វិញ​តែ Manchester United បាន​ត្រឹម​ស្មើ Rayo Vallecano នៅ Old Trafford

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សិក្ខាកាម ៥ប្រទេសចូលរួមវគ្គបណ្ដុះបណ្ដាលគ្រូបង្វឹកកីឡាវាយកូនបាល់នៅកម្ពុជា

កីឡាការិនីហូឡង់ Annemiek van Vleuten គ្រងជើងឯកប្រណាំងកង់នារី Tour de France

ក្រុមបាល់ទាត់នារីប្រេស៊ីលលើកពាន Copa America នារីបួនលើកជាប់គ្នា

ក្រុមបាល់ទាត់នារីអង់គ្លេសលើកពានបាល់ទាត់នារីជើងឯកអឺរ៉ុបលើកដំបូងក្នុងប្រវត្តិសាស្ត្រ

ក្លិបឡើងថ្មី Nottingham Forest ទិញបានកីឡាករទី១២ ត្រៀមរដូវកាលថ្មី

Neymar ស៊ុតពីរគ្រាប់ឲ្យ PSG លើកពានបើករដូវកាលក្រោយឈ្នះ Nantes ៤-០

ប្រធានសហព័ន្ធកីឡាបាញ់កាំភ្លើងជំរុញគណៈកម្មាធិការប្រតិបត្តិថ្មីបន្ដពង្រឹងយុទ្ធសាស្ត្រ ៣

Ronaldo វិលមកប្រកួតវិញតែ Manchester United បានត្រឹមស្មើ Rayo Vallecano នៅ Old Trafford