BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ធន់ ផានិត ទទួលបានពិន្ទុលើកដំបូងពីការប្រកួតគុនខ្មែរ “ម្ចាស់ជើងឯកខ្សែក្រវាត់ខារ៉ាបាវ”

ប្រដាល់៖ ព្រឹត្តិការណ៍ប្រកួតប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី ៨ ក្នុងប្រភេទទំងន់ ៦០គីឡូក្រាមបានឆ្លងផុតជុំទី ២ ហើយក្រោយបញ្ចប់សប្តាហ៍ទី ៤ ថ្ងៃអាទិត្យម្សិលមិញ។ ការប្រកួតនៅសង្វៀនខារ៉ាបាវស្ទូឌីយោស្ទឹងមានជ័យ ក្រោមក្រសែភ្នែកទស្សនិកជនពេញស្ទូឌីយោ កីឡាករប្រដាល់គុនខ្មែរ ធន់ ផានិត មកពីសមាគមកីឡាប្រដាល់គុនខ្មែរក្រសួងមហាផ្ទៃ ដណ្តើមបានបីពិន្ទុដំបូងក្រោយយកឈ្នះ កីឡាករថៃ ផេតម៉េតម៉ៃ ស៊ីតណងឡេក ដោយពិន្ទុ។ ធន់ ផានិត ដែលចាញ់ ផាត់ថាណា ស៊ីតអាចានវីន កាលពីជុំទី ១ នោះបានវាយសំរុកខ្លាំងលើ ផេតម៉េតម៉ៃ តាមរយៈការវាយកូនកែង និងទាត់ដល់កញ្ចឹងក តែផេតម៉េតម៉ៃអាចស៊ូទ្រាំរហូតចប់ប្រាំទឹក។ លទ្ធផលចុងក្រោយធន់ ផានិត បានយកឈ្នះផេតម៉េតម៉ៃដោយពិន្ទុ ៥-០ ពីចៅក្រមទាំងប្រាំនាក់។ងាកមកការប្រកួតមួយគូទៀត ជ័រ ពៅ មកពីក្លិបប្រដាល់គុនខ្មែរថ្មគោលពោធិ៍សែនជ័យ បានរបូតបីពិន្ទុរបស់ខ្លួនក្នុងប្រកួតទីពីរនេះក្រោយចាញ់កីឡាករថៃ ផាត់ថាណា ស៊ីតអាចានវីន។ ការប្រកួតនេះ ជ័រ ពៅ ធ្វើបានល្អច្រើនតាមរយៈការវាយឆ្មក់ចូលផាត់ថាណាជាបន្តបន្ទាប់ តែ២ ទឹកចុងក្រោយ ផាត់ថាណា ធ្វើបានល្អច្រើនជាង ដែលធ្វើឱ្យចប់ការប្រកួតចៅក្រមកាត់សេចក្តីឱ្យកីឡាករថៃ ផាត់ថាណាឈ្នះដោយពិន្ទុ ៣-២ លើជ័រពៅ។ សរុបមកគិតត្រឹមជុំទី២ នេះ ក្នុងពូលកម្ពុជា កីឡាករកម្ពុជា ៤ រូបមាន ៤ពិន្ទុស្មើគ្នារួមមាន ពេជ្រ សម្បត្តិ ធន់ ផានិត និងជ័រពៅ ខណៈ ផាន ផាន់ណាត់ក្រោយគេមាន ២ពិន្ទុប៉ុណ្ណោះក្រោយចាញ់ទាំងពីរ។ចំណែកឯពូលថៃ ទួនប៉េ ស៊ីតសាមផាយ៉ាក និង ផាត់ថាណា ស៊ីតអាចានវីន មាន ៦ពិន្ទុដូចគ្នាក្រោយឈ្នះទាំងពីរប្រកួត ខណៈ រ៉ាក់ថែ ស៊ីតអាចានបៀរមាន ៤ពិន្ទុ និង ផេតម៉េតម៉ៃមាន ២ពិន្ទុក្រោយចាញ់ទាំងពីរប្រកួត។ ជុំទី៣ ជ័រ ពៅត្រូវជួប រ៉ាក់ថៃ ស៊ីតអាចានបៀរ, ពេជ្រ សម្បត្តិ ជួប ផាត់ថាណា ស៊ីតអាចានវីន, ផាន ផាន់ណាត់ ជួបផេតម៉េតម៉ៃ ស៊ីតណងឡេក និង ធន់ ផានិត ជួបទួនប៉េ ស៊ីតសាមផាយ៉ាក៕អត្ថបទ៖នាង សុភាវុធ

ឯកឧត្ដម ហ៊ុន ម៉ានី “កីឡាមិនត្រឹមតែនាំមកនូវសុខភាព ប៉ុន្តែកីឡាថែមទាំងបង្កើតសាមគ្គីភាពសម្រាប់យើងគ្រប់គ្នា”

អាស៊ានប៉ារ៉ាឡាំពិក៖ ពិធីបើកព្រឹត្តិការណ៍អាស៊ានប៉ារ៉ាឡាំពិកហ្គេមលើកទី១១ បានប្រព្រឹត្តិទៅជាផ្លូវការនៅល្ងាចថ្ងៃទី៣០ ខែកក្កដា ឆ្នាំ២០២២នេះនៅពហុកីឡដ្ឋាន Stadion Manahan ស្ថិតក្នុងទីក្រុងសូឡូ ខេត្តស៊ូរ៉ាកាតា ប្រទេសឥណ្ឌូនេស៊ី ក្រោមវត្តមានលោកបណ្ឌិត (H.C) K.H. MA’RUF AMIN អនុប្រធានាធិបតីសាធារណរដ្ឋឥណ្ឌូណេស៊ី និងថ្នាក់ដឹកនាំកីឡាប៉ារ៉ាឡាំពិកមកពីបណ្ដាប្រទេសអាស៊ានទាំង ១០ និងប្រទេសទីម័រខាងកើត។ ព្រឹត្តិការណ៍នេះទទួលបានការចូលរួមពីក្រុមកីឡាករ-កីឡាការិនីជាជនមានពិការភាពដែលនឹងធ្វើការប្រកួតលើ១៤ ប្រភេទកីឡា ដែលក្នុងនោះកម្ពុជាក៏បានបញ្ជូនក្រុមកីឡាករចំនួន ១១៥នាក់ចូលរួមប្រកួតលើ១១ ប្រភេទកីឡាផងដែរ។ យោងតាមហ្វេសប៊ុកផ្លូវការ ឯកឧត្តម ហ៊ុន ម៉ានី ប្រធានប្រតិភូអត្តពលិកប៉ារ៉ាឡាំពិកកម្ពុជាបានលើកឡើងថា ពិតណាស់ កីឡាមិនត្រឹមតែនាំមកនូវសុខភាព ប៉ុន្តែកីឡាថែមទាំងបង្កើតបាននូវសាមគ្គីភាពសម្រាប់យើងគ្រប់គ្នា។ សម្រាប់ក្រុមជនដែលមានពិការភាព ការផ្តល់លទ្ធភាព និងគាំទ្រឲ្យបានចូលរួមប្រកួត ជាការលើកស្ទួយនូវសិទ្ធិ សេរីភាព សមភាព និងការទទួលស្គាល់នូវតម្លៃរបស់ពួកគាត់ជាប្រជាពលរដ្ឋពេញលេញ។ឯកឧត្តមបន្តថា ក្នុងស្មារតីនេះ កម្ពុជាមិនត្រឹមតែបានបញ្ជូនក្រុមកីឡាករ កីឡាការិនីក្នុងទ្រង់ទ្រាយធំមកប្រកួតនាពេលនេះប៉ុណ្ណោះទេ ប៉ុន្តែកម្ពុជា នឹងទទួលធ្វើជាម្ចាស់ផ្ទះអាស៊ានប៉ារ៉ាហ្គេមលើកទី១២ នៅឆ្នាំ២០២៣ ខាងមុខនេះ ក្នុងទឹកដីនៃព្រះរាជាណាចក្រកម្ពុជាទៀតផង។ នេះសរបញ្ជាក់យ៉ាងច្បាស់ពីគោលនយោបាយដ៏ត្រឹមត្រូវរបស់រដ្ឋាភិបាលយើង ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ដែលសម្តេចក៏ជាជនពិការម្នាក់ដែរនោះ។ ឯកឧត្តមប្រធានប្រតិភូបន្តលើកឡើងថា ពិតណាស់ ពួកគាត់មានពិការភាពតែអវយវៈ ប៉ុន្តែទឹកចិត្តរបស់ពួកគាត់មិនពិការឡើយ។ ពួកគាត់នៅពេលនេះជាតំណាងឲ្យកម្ពុជាយើង ពួកគាត់នៅពេលនេះជាមុខមាត់ជាតិយើង! សូមចូលរួមគាំទ្រដល់កីឡាករ កីឡាការិនីយើងទាំងអស់គ្នា៕អត្ថបទ៖ គង់ ហួន

អបអរសាទរ កីឡាករតេក្វាន់ដូ WT ចំនួន០៣រូប ទទួលបានមេដាយមាស ពីការប្រកួត World Police & Fire Games 2022 នៅប្រទេសហូឡង់

បន្ទាប់ពីកីឡាករពីរ គឺកីឡាករ សំ យូដេត និងកីឡាករ វ៉ា មិថុនា ទទួលបានមេដាយមាស នៅថ្ងៃទី៣១កក្កដាម្សិលមិញ កីឡាករ ផល សុវណ្ណាត់ ក៏ទទួលបានមេដាយមាសមួយទៀត ពីការប្រកួត World Police & Fire Games 2022 នៅប្រទេសហូឡង់។ នេះគឺជាមោទនភាពរបស់ប្រទេសជាតិយើងទាំងមូល ដែលកីឡាករតេក្វាន់ដូ WT ចំនួន ០៣ រូប ដែលបានទៅចូលរូមកម្មវិធីប្រកួត World Police & Fire Games 2022 នៅប្រទេសហូឡង់ ចាប់ពីថ្ងៃទី២៦ ដល់ថ្ងៃទី៣១ ខែកក្កដា ឆ្នាំ២០២២ ហើយទទួលបានមេដាយមាសទាំង០៣នាក់ តែម្តង៕

អបអរសាទរ!! កម្ពុជាបានមេដាយមាសទី២ នៃការប្រកួតអាស៊ានប៉ារ៉ាហ្គេម លើវិញ្ញាសាលោតចម្ងាយ

នៅព្រឹកថ្ងៃទី០១ ខែសីហា ឆ្នាំ២០២២នេះ កម្ពុជា ទទួលបានមេដាយមាសទី២ ដោយ កីឡាការិនី វិត ចន្ថា លើវិញ្ញាសាលោតចម្ងាយ នៅអាស៊ានប៉ារ៉ាហ្គេម លើកទី១១ ប្រទេសឥណ្ឌូនេស៊ី។រូបថត៖ យឹម សុវឌ្ឍនា - AKP

អបអរសាទរ កម្ពុជាឈ្នះមេដាយមាសដំបូង នៃការប្រកួតអាស៊ានប៉ារ៉ាហ្គេម ដោយក្រុមបាល់បោះរទេះនារី

កម្ពុជា បានឈ្នះមេដាយមាស លើកដំបូង សម្រាប់ព្រឹត្តិការណ៍អាស៊ានប៉ារ៉ាហ្គេម លើកទី១១ ដោយក្រុមបាល់បោះរទេះជនពិការនារីកម្ពុជា ដែលទើបយកឈ្នះក្រុមថៃ ដោយលទ្ធផល ៧-៥ពិន្ទុ ក្នុងវគ្គផ្ដាច់ព្រ័ត្រលើវិញ្ញាសា ៣នាក់ ទល់ ៣នាក់ នៅទីក្រុងសូឡូ ប្រទេសឥណ្ឌូនេស៊ី។ទម្រាំដណ្ដើមបានមេដាយមាសជូនជាតិ ក្រុមកីឡាការិនីកម្ពុជា បានឆ្លងកាត់ ៤ប្រកួត និងបានយកឈ្នះគូប្រកួតទាំង ៤ប្រកួត ពោលគឺវគ្គសន្សំពិន្ទុវិលជុំ បានយកឈ្នះក្រុមឡាវ ១១-៥ពិន្ទុ, ឈ្នះក្រុមថៃ ៩-៨ពិន្ទុ និងឈ្នះក្រុមហ្វីលីពីន ១៨-០ពិន្ទុ មុនប្រកួតវគ្គផ្ដាច់ព្រ័ត្រ កម្ពុជា បានបន្តយកឈ្នះក្រុមថៃ ៧-៥ពិន្ទុ៕

ព្រឹត្តិការណ៍បាល់ទាត់នារីជើងឯកអឺរ៉ុបនឹងពន្លាតកំណត់ត្រាអ្នកគាំទ្រចូលទស្សនាលើស ៥០ម៉ឺននាក់

បាល់ទាត់៖ ព្រឹត្តិការណ៍បាល់ទាត់នារីជើងឯកអឺរ៉ុប នឹងមានអ្នកគាំទ្រចូលទស្សនាសរុបលើសពី ៥០ម៉ឺននាក់នៅពេលការប្រកួតវគ្គផ្តាច់ព្រ័ត្រនៅ Wembley ចុងសប្តាហ៍នេះរវាងម្ចាស់ផ្ទះអង់គ្លេស និងជើងឯក ៨សម័យអាល្លឺម៉ង់។ មកទល់ពេលនេះ UEFA បានបញ្ជាក់ហើយថា បាល់ទាត់នារីជើងឯកអឺរ៉ុបឆ្នាំនេះមានអ្នកគាំទ្រចូលទស្សនាសរុប ៤៨៧,៦៨៣នាក់ហើយដែលជាចំនួនបំបែកកំណត់ត្រាចាស់កាលពី Euro 2017 នៅប្រទេសហូឡង់ដែលមានអ្នកទស្សនាសរុបត្រឹមតែ ២៤០,០៥៥នាក់។ កីឡដ្ឋាន Wembley នៅទីក្រុងឡុងដ៍អាចផ្ទុកអ្នកទស្សនាបាន ៨៧,០០០នាក់មានន័យថា កំណត់ត្រានឹងពន្លាតលើសពី ៥០ម៉ឺននាក់ក្រោយវគ្គផ្តាច់ព្រ័ត្រ។ សូមបញ្ជាក់ថា ក្រុមម្ចាស់ផ្ទះអង់គ្លេសបានឡើងមកកាន់វគ្គនេះក្រោយយកឈ្នះស៊ុយអែត ៤-០ នៅវគ្គពាក់កណ្តាលផ្តាច់ព្រ័ត្រ ខណៈជើងឯក ៨សម័យអាល្លឺម៉ង់យកឈ្នះបារាំង ២-១៕អត្ថបទ៖នាង សុភាវុធ

ចម្លែក! ក្រុមជម្រើសជាតិកាតាប្រមូលផ្តុំ ៦ខែមុន World Cup ចាប់ផ្ដើម

បាល់ទាត់៖ ព្រឹត្តិការណ៍បាល់ទាត់ពិភពលោក FIFA World Cup 2022 នឹងចាប់ផ្តើមនៅខែវិច្ឆិកាខាងមុខនេះហើយ ដែលជាព្រឹត្តិការណ៍ដំបូងរៀបចំនៅលើទឹកដីអារ៉ាប់។ មិនត្រឹមតែជាលើកដំបូងនោះទេ World Cup នៅកាតាក៏ត្រូវបានរៀបចំឡើងក្នុងពេលវេលាប្លែកពីគេដែរ ដោយត្រូវរៀបចំឡើងក្នុងរដូវរងានៅតំបន់មជ្ឈិមបូព៌ាដើម្បីបញ្ចៀសពីបញ្ហាកម្ដៅអំឡុងខែកក្កដារឺសីហា ខណៈកីឡដ្ឋានប្រកួតក៏បំពាក់ដោយម៉ាស៊ីនត្រជាក់ថែមទៀត។ អ្វីៗសុទ្ធតែប្លែកពីគេ ហើយក៏ប្លែកពីគេមួយទៀតនោះគឺក្រុមបាល់ទាត់ជម្រើសជាតិម្ចាស់ផ្ទះកាតាបានប្រមូលផ្តុំហ្វឹកហាត់ និងស្នាក់នៅជុំគ្នា ៦ខែមុនព្រឹត្តិការណ៍មកដល់។ សមាជិកក្រុមជម្រើសជាតិសរុប ២៧នាក់បានប្រមូលផ្តុំជុំគ្នាកាលពីខែមុនក្រោមការដឹកនាំរបស់លោក Felix Sanchez។ ការប្រមូលផ្តុំរបស់ក្រុមកាតាធ្វើឡើងដំបូងនៅប្រទេសអេស្ប៉ាញ មុនពេលផ្លាស់ទៅទឹកដីអូទ្រីសដែលនឹងមានការប្រកួតកម្មវិធីមួយដែលមានប្រទេសចូលរួមចំនួន ៤ រួមមានម៉ារ៉ុក ហ្កាណា និងចាម៉ៃកា។ការប្រមូលផ្តុំក្រុមជម្រើសជាតិរយៈពេលយូរបែបនេះ ក៏បានទទួលការរិះគន់ផងដែរដោយសារកីឡាករទាំងអស់ ត្រូវស្ថិតក្នុងជំរំហ្វឹកហាត់មិនមានការប្រកួត។ តែគំនិតបែបនេះត្រូវបានគេដឹងថា កាតាទំនងធ្វើតាមលំនាំ ២០ឆ្នាំមុនដែលម្ចាស់ផ្ទះកូរ៉េខាងត្បូងប្រមូលផ្តុំក្រុមជំរើសជាតិ ៥ខែមុនព្រឹត្តិការណ៍ ហើយកូរ៉េក៏បានឡើងដល់វគ្គពាក់កណ្តាលផ្តាច់ព្រ័ត្រមិនគួរឱ្យជឿ។ កាតាស្ថិតក្នុងពូល A ដោយនឹងត្រូវជួបជាមួយសេណេហ្កាល់ ហូឡង់ និងអេក្វាដ័រ៕អត្ថបទ៖នាង សុភាវុធ

កីឡាការិនីហូឡង់ Lorena Wiebes ឈ្នះដំណាក់កាលទី៥ ប្រណាំងកង់ Tour de France នារី

ប្រណាំងកង់៖ កីឡាការិនីហូឡង់ Lorena Wiebes បានប្រជែងឈ្នះដំណាក់កាលទី៥ នៃព្រឹត្តិការណ៍ប្រណាំងកង់ Tour de France ផ្នែកនារីនៅថ្ងៃព្រហស្បតិ៍ម្សិលមិញនេះ ស្របពេលដែលកីឡាការិនី Marianne Vos បន្តនាំមុខគេរួមដដែល។ ដំណាក់កាលទី៥ ដែលមានចម្ងាយផ្លូវ ១៧៥.៦គីឡូម៉ែត្រ កីឡាការិនីដែលជិះឱ្យក្រុមប្រណាំង Team DSM, Lorena Wiebes បានមកដល់ទីព្រ័ត្រមុនគេប្រើពេល ៤ម៉ោង ៣២នាទី ១៦វិនាទីតាមពីក្រោយដោយកីឡាការិនីអ៊ីតាលី Elisa Balsamo និងលេខ៣ កីឡាការិនី Marianne Vos។ កីឡាការិនីហូឡង់ Marianne Vos នៅតែបន្តនាំមុខគេដដែលក្នុងតារាងវេលារួមបន្ទាប់ពីការប្រកួតចំនួន ៥ដំណាក់កាលកន្លងទៅនេះដោយមានវេលាសរុបតិចជាងគេអ្នកលេខ២ កីឡាការិនីអ៊ីតាលី Silvia Persico ២០វិនាទី និងអ្នកលេខ៣ កីឡាការិនីប៉ូឡូញ Katarzyna Niewiadoma យឺតជាង ២០វិនាទីដូចគ្នា។ ការប្រកួតផ្នែកនារី Tour de France មានត្រឹម ៨ដំណាក់កាលប៉ុណ្ណោះដែលនឹងបញ្ចប់នៅថ្ងៃអាទិត្យនេះ ខណៈដំណាក់កាលទី៦ ថ្ងៃសុក្រនេះមានចម្ងាយផ្លូវ ១២៩.២គីឡូម៉ែត្រឆ្លងកាត់ស្ថានភាពផ្លូវឡើងចុះភ្នំតូចៗ៕អត្ថបទ៖នាង សុភាវុធ

Everton ទិញបានខ្សែបម្រើស្លាប Dwight McNeil ពី Burnley តម្លៃ ២០លានផោន

បាល់ទាត់៖ ក្លិប Everton បានសំរេចក្នុងការនាំយកខ្សែបម្រើស្លាបអង់គ្លេស Dwight McNeil ពី Burnley ក្នុងតម្លៃ ២០លានផោនជាមួយនឹងកិច្ចសន្យារយៈពេល ៥ឆ្នាំនៅ Goodison Park។ កីឡាករវ័យ ២២ឆ្នាំរូបនេះបានបង្ហាញខ្លួនសរុបឱ្យ Burnley សរុប ១៤០ប្រកួត កម្រអវត្តមានពីទីលាន និងកម្រមានរបួសដូចគ្នា ពោលគឺអវត្តមានត្រឹម ២ប្រកួតប៉ុណ្ណោះតាំងពីខែធ្នូ ឆ្នាំ២០១៨ មកទល់ពេលនេះ។ ស្ថិតិរបស់ Dwight McNeil ដែលគួរឱ្យចាប់អារម្មណ៍នោះឈរលេខ២ នៅ Premier League រដូវកាលមុនជាកីឡាករដែលអូសបាល់ដាច់គូប្រកួតបានសរុប ៩០លើក និងឈរលេខ៣ ផងដែរជាកីឡាករដែលវាយកាត់បានសំរេចសរុប ១៩៩លើក។ Dwight McNeil ធ្លាប់ជាកីឡាករយុវជនអាយុក្រោម ២១ឆ្នាំអង់គ្លេសកាលពីឆ្នាំ២០១៩ តែមិនទាន់មានឱកាសហក់ចូលក្នុងក្រុមធំជម្រើសជាតិអង់គ្លេសនៅឡើយ។ Dwight McNeil គឺជាកីឡាករទី៣ ហើយដែលមកកាន់ Everton មុនរដូវកាលថ្មីចាប់ផ្តើមខាងមុខនេះបន្ទាប់ពី James Tarkowski ពី Burnley ដូចគ្នា និង Ruben Vinagre ខ្ចីពី Sporting Lisbon៕អត្ថបទ៖នាង សុភាវុធ

Luis Suarez ផ្លាស់ទៅកាន់ក្លិបដើមនៅអ៊ុយរូហ្កាយ Nacional ផ្លូវការ

បាល់ទាត់៖ អតីតខ្សែប្រយុទ្ធ Liverpool និង Barcelona, Luis Suarez បានផ្លាស់ត្រលប់ទៅកាន់ក្លិបដើមរបស់ខ្លួននៅអ៊ុយរូហ្កាយ Nacional ជាផ្លូវការហើយក្រោយចាកចេញពី Atletico Madrid។ អ្នកគាំទ្រប្រមាណ ២ម៉ឺននាក់បានពាក់ស្រោមមុខរូប Suarez អំឡុងការប្រកួតរបស់ Nacional កាលពីចុងសប្តាហ៍កន្លងទៅ ក្រោយដឹងដំណឹងថា អតីតខ្សែប្រយុទ្ធ Barcelona រូបនេះត្រលប់មកវិញ។ Suarez ក៏មានទំនាក់ទំនងផ្ទេរទៅកាន់ក្លិបអាល្លឺម៉ង់ Borussia Dortmund ផងដែរតែការចរចាមិនត្រូវរ៉ូវគ្នា។ រំលឹកថា Luis Suarez បានចាប់ផ្តើមអាជីពបាល់ទាត់ដំបូងនៅឆ្នាំ២០០៥ ជាមួយក្លិបអ៊ុយរូហ្កាយ Nacional នេះឈ្នះជើងឯកលីគកំពូលអ៊ុយរូហ្កាយ មុនពេលផ្លាស់ទៅកាន់ក្លិបហូឡង់ Groningen។ ក្រោយទំរង់លេងល្អក្នុងរដូវកាលដំបូង Ajax ក៏ទិញពី Groningen ក្នុងតម្លៃ ៧លានអឺរ៉ូរហូតឈ្នះជើងឯកហូឡង់ជាមួយ Ajax ក្រោយស៊ុតបញ្ចូលទីសរុប ៨១គ្រាប់ក្នុងការបង្ហាញខ្លួន ១១០ប្រកួត។ឆ្នាំ២០១១ Luis Suarez បានផ្លាស់ទៅកាន់ Liverpool ក្នុងតម្លៃផ្ទេរ ២៣លានផោនស៊ុតបញ្ចូលទីបាន ៦៩គ្រាប់ក្នុងការបង្ហាញខ្លួន ១១០ប្រកួត មុនពេលផ្លាស់ទៅកាន់ Barcelona នៅឆ្នាំ២០១៤ ក្នុងតម្លៃផ្ទេរ ៦៥លានផោន។ Suarez បានចាប់ដៃគូប្រយុទ្ធជាមួយ Lionel Messi និង Neymar នៅ Barcelona ក្នុងរយៈពេល ៦ឆ្នាំបង្ហាញខ្លួនសរុប ១៩១ប្រកួតរកបាន ១៤៧គ្រាប់ឈ្នះជើងឯក La Liga បួនលើក Copa del Rey បួនលើក និង UEFA Champions League ១លើក មុនពេលផ្លាស់មកកាន់ Atletico Madrid ឈ្នះជើងឯក La Liga ម្តងទៀត៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ធន់ ផានិត ទទួលបានពិន្ទុលើកដំបូងពីការប្រកួតគុនខ្មែរ “ម្ចាស់ជើងឯកខ្សែក្រវាត់ខារ៉ាបាវ”

អបអរសាទរ កីឡាករតេក្វាន់ដូ WT ចំនួន០៣រូប ទទួលបានមេដាយមាស ពីការប្រកួត World Police & Fire Games 2022 នៅប្រទេសហូឡង់

អបអរសាទរ!! កម្ពុជាបានមេដាយមាសទី២ នៃការប្រកួតអាស៊ានប៉ារ៉ាហ្គេម លើវិញ្ញាសាលោតចម្ងាយ

អបអរសាទរ កម្ពុជាឈ្នះមេដាយមាសដំបូង នៃការប្រកួតអាស៊ានប៉ារ៉ាហ្គេម ដោយក្រុមបាល់បោះរទេះនារី

ព្រឹត្តិការណ៍បាល់ទាត់នារីជើងឯកអឺរ៉ុបនឹងពន្លាតកំណត់ត្រាអ្នកគាំទ្រចូលទស្សនាលើស ៥០ម៉ឺននាក់

ចម្លែក! ក្រុមជម្រើសជាតិកាតាប្រមូលផ្តុំ ៦ខែមុន World Cup ចាប់ផ្ដើម

កីឡាការិនីហូឡង់ Lorena Wiebes ឈ្នះដំណាក់កាលទី៥ ប្រណាំងកង់ Tour de France នារី

Everton ទិញបានខ្សែបម្រើស្លាប Dwight McNeil ពី Burnley តម្លៃ ២០លានផោន

Luis Suarez ផ្លាស់ទៅកាន់ក្លិបដើមនៅអ៊ុយរូហ្កាយ Nacional ផ្លូវការ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ធន់ ផានិត​ ទទួលបាន​ពិន្ទុ​លើកដំបូង​ពី​ការប្រកួត​គុន​ខ្មែរ “​ម្ចាស់​ជើងឯក​ខ្សែក្រវាត់​ខា​រ៉ា​បាវ​”

អបអរសាទរ កីឡាករតេក្វាន់ដូ WT ចំនួន០៣រូប ទទួលបានមេដាយមាស ពីការប្រកួត World Police & Fire Games 2022 នៅប្រទេសហូឡង់

អបអរសាទរ!! កម្ពុជាបានមេដាយមាសទី២ នៃការប្រកួតអាស៊ានប៉ារ៉ាហ្គេម លើវិញ្ញាសា​លោតចម្ងាយ

អបអរសាទរ កម្ពុជាឈ្នះមេដាយមាសដំបូង នៃការប្រកួតអាស៊ានប៉ារ៉ាហ្គេម ដោយក្រុមបាល់បោះរទេះនារី

ចម្លែក​! ក្រុម​ជម្រើសជាតិ​កាតា​ប្រមូលផ្តុំ ៦ខែ​មុន World Cup ចាប់ផ្ដើម​

កីឡាការិនី​ហូ​ឡង់ Lorena Wiebes ឈ្នះ​ដំណាក់កាល​ទី៥ ប្រណាំង​កង់ Tour de France នារី​

Everton ទិញ​បាន​ខ្សែបម្រើ​ស្លាប Dwight McNeil ពី Burnley តម្លៃ ២០លាន​ផោន​

Luis Suarez ផ្លាស់​ទៅកាន់​ក្លិប​ដើម​នៅ​អ៊ុយ​រូ​ហ្កា​យ Nacional ផ្លូវការ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ធន់ ផានិត ទទួលបានពិន្ទុលើកដំបូងពីការប្រកួតគុនខ្មែរ “ម្ចាស់ជើងឯកខ្សែក្រវាត់ខារ៉ាបាវ”

អបអរសាទរ!! កម្ពុជាបានមេដាយមាសទី២ នៃការប្រកួតអាស៊ានប៉ារ៉ាហ្គេម លើវិញ្ញាសាលោតចម្ងាយ

ចម្លែក! ក្រុមជម្រើសជាតិកាតាប្រមូលផ្តុំ ៦ខែមុន World Cup ចាប់ផ្ដើម

កីឡាការិនីហូឡង់ Lorena Wiebes ឈ្នះដំណាក់កាលទី៥ ប្រណាំងកង់ Tour de France នារី

Everton ទិញបានខ្សែបម្រើស្លាប Dwight McNeil ពី Burnley តម្លៃ ២០លានផោន

Luis Suarez ផ្លាស់ទៅកាន់ក្លិបដើមនៅអ៊ុយរូហ្កាយ Nacional ផ្លូវការ