BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Barcelona ឈានដល់កិច្ចព្រមព្រៀង ៥០លានអឺរ៉ូទិញខ្សែការពារ Jules Kounde ពី Sevilla

បាល់ទាត់៖ ក្លិបអេស្ប៉ាញ FC Barcelona បានឈានដល់កិច្ចព្រមព្រៀងក្នុងការនាំយកខ្សែការពារកណ្តាលសញ្ជាតិបារាំង Jules Kounde ហើយពីក្លិបរួមលីគ Sevilla ក្នុងតម្លៃ ៥០លានអឺរ៉ូ។ កីឡាករវ័យ ២៣ឆ្នាំរូបនេះនឹងធ្វើការពិនិត្យសុខភាពមុនចុះហត្ថលេខានៅ Camp Nou ក្នុងសប្តាហ៍នេះ។ Jules Kounde បានទទួលការចាប់អារម្មណ៍ពីក្លិបជាច្រើននៅអឺរ៉ុប ជាពិសេសគឺតោខៀវ Chelsea ដែលកៀកជាងគេក្នុងការតាមប្រមាញ់តែត្រូវបាន Sevilla បដិសេធសំណើ។ Jules Kounde បានបង្ហាញខ្លួនសរុប ១៣៣លើកឱ្យ Sevilla តាំងពីផ្លាស់ពី Bordeaux នៅឆ្នាំ២០១៩ និងឈ្នះជើងឯក UEFA Europa League ក្នុងរដូវកាលដំបូងរបស់ខ្លួននៅអេស្ប៉ាញ។ Jules Kounde បង្ហាញខ្លួនឱ្យក្រុមជំរើសជាតិបារាំងបាន ១១លើក ត្រូវកោះហៅដំបូងនៅឆ្នាំ២០២១ និងជាសមាជិកក្រុមបារាំងដែលឈ្នះអេស្ប៉ាញ ២-១ លើកពាន UEFA Nations League ឆ្នាំមុន។គិតមកដល់ពេលនេះ Barcelona បាននាំចូលកីឡាករជាច្រើនសំរាប់រដូវកាលថ្មីខាងមុខនេះរួមមាន Robert Lewandowski ពី Bayern Munich តម្លៃ ៤២.៦លានផោន ខ្សែបម្រើស្លាបប្រេស៊ីល Raphinha ពី Leeds តម្លៃ ៥៥លានផោន រួមជាមួយកីឡាករមួយចំនួនទៀតដែលមកដល់ដោយគ្មានតម្លៃផ្ទេរ ដូចជាខ្សែបម្រើកូឌីវ័រ Franck Kessie និងខ្សែការពារដាណឺម៉ាក Andreas Christensen៕អត្ថបទ៖នាង សុភាវុធ

សប្ដាហ៍ទី៤ ជុំទី២ ខ្សែក្រវាត់ខារ៉ាបាវ ជ័រ ពៅ ជួបជើងខ្លាំង ផាត់ ថាណា ខណៈធន់ ផានិត ជួប ផេតម៉េតម៉ៃ

ប្រដាល់៖ ព្រឹត្តិការណ៍ប្រកួតប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ក្នុងប្រភេទទំងន់ ៦០គីឡូក្រាមនឹងឈានដល់សប្តាហ៍ទី៤ ជុំទី២ ថ្ងៃអាទិត្យនេះ។ កីឡាករកម្ពុជាពីររូបរួមមាន ជ័រ ពៅ និង ធន់ ផានិត នឹងឡើងសង្វៀនស្ទឹងមានជ័យដើម្បីស្វែងរក ៣ពិន្ទុ។ សំរាប់កីឡាករ ធន់ ផានិត មកពីសមាគមកីឡាប្រដាល់គុនខ្មែរក្រសួងការពារជាតិ ត្រូវការបីពិន្ទុជាចាំបាច់ដើម្បីឱកាសបន្តទៅជុំបន្ត ខណៈសប្តាហ៍នេះគេនឹងត្រូវជួបជាមួយកីឡាករថៃ ផេតម៉េតម៉ៃ ស៊ីតណងឡេក។ ធន់ ផានិតកាលពីជុំទី១ បានបាត់បង់បីពិន្ទុក្រោយចាញ់កីឡាករជើងខ្លាំងថៃ ផាត់ថាណា ស៊ីតអាចានវីនដោយពិន្ទុ និងជាការប្រកួតដ៏តានតឹង ខណៈ ផានិត ទទួលបានការគាំទ្រលើកទឹកចិត្តខ្លាំង ពីសំណាក់មជ្ឈដ្ឋានអ្នកស្រលាញ់គុនខ្មែរបើទោះជាបរាជ័យក៏ដោយ។ ចំណែកឯកីឡាករកម្ពុជាមួយរូបទៀតគឺ ជ័រ ពៅ សប្តាហ៍ទី១ របស់គេបានទទួលបីពិន្ទុក្រោយយកឈ្នះ ផេតម៉េតម៉ៃ ដោយពិន្ទុ តែជំនួបទល់នឹងកីឡាករថៃ ផាត់ថាណា សប្តាហ៍នេះ គេរំពឹងថានឹងពិបាកខ្លាំងសំរាប់កីឡាករដែលមកពីក្លិបប្រដាល់គុនខ្មែរថ្មគោលពោធិសែនជ័យរូបនេះ។សូមបញ្ជាក់ថា ការប្រកួតប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ នេះកីឡាករកម្ពុជា ២រូប និងថៃពីររូបបានបញ្ចប់ជុំទី២ របស់ខ្លួនបន្ទាប់ពីសប្តាហ៍មុន ពេជ្រ សម្បត្តិ យកឈ្នះ រ៉ាក់ថៃស៊ីត អាចានបៀរ និង ផាន ផាន់ណាត់ ចាញ់កីឡាករថៃ ទួនប៉េស៊ីត សាមផាយ៉ាក។ ពេជ្រ សម្បត្តិមាន ៤ពិន្ទុពីការប្រកួតពីរលើកឈរលើគេក្នុងពូលកម្ពុជា តែផាន ផាន់ណាត់មានត្រឹម ២ពិន្ទុក្រោយចាញ់ពីរប្រកួតផ្ទួនៗ។ ចំណែកពូលថៃ ទួនប៉េស៊ីតសាមផាយ៉ាកមាន ៦ពិន្ទុពេញតាមពីក្រោយដោយរ៉ាក់ថៃមាន ៤ពិន្ទុ៕អត្ថបទ៖នាង សុភាវុធ

គណៈកម្មការប្រតិបត្តិ APSF បន្តសាទរកម្ពុជាម្ចាស់ផ្ទះអាស៊ានប៉ារ៉ាហ្គេមឆ្នាំ២០២៣

អាស៊ានប៉ារ៉ាហ្គេម៖ កិច្ចប្រជុំគណៈកម្មាធិការប្រតិបត្តិសហព័ន្ធកីឡាអាស៊ានប៉ារ៉ា (APSF) ស្ដីពីការប្រកួតកីឡាអាស៊ានប៉ារ៉ាហ្គេមលើកទី១១ នៅប្រទេសឥណ្ឌូនេស៊ីបានសម្រេចលទ្ធផលជាវិជ្ជមាន ពិសេសគ្រប់សមាជិកគណៈកម្មាធិការប្រតិបត្តិសុទ្ធតែបានគាំទ្រ និងអបអសាទរកម្ពុជា ដែលបានត្រៀមខ្លួនរួចរាល់ក្នុងការធ្វើម្ចាស់ផ្ទះបន្ដវេន នៃព្រឹត្តិការណ៍កីឡាជនពិការប្រចាំតំបន់នេះនាឆ្នាំ២០២៣ ខាងមុខ។ កិច្ចប្រជុំនេះធ្វើឡើងកាលពីថ្ងៃទី២៨ ខែកក្កដាម្សិលមិញដឹកនាំដោយលោក Osoth Bhavilai ប្រធានសហព័ន្ធកីឡាអាស៊ានប៉ារ៉ា គណៈកម្មការរៀបចំអាស៊ានប៉ារ៉ាហ្គេមលើកទី១១ របស់ម្ចាស់ផ្ទះឥណ្ឌូនេស៊ី និងប្រតិភូបណ្ដាប្រទេសសមាជិក ១០ប្រទេសផ្សេងទៀត ក្នុងនោះក៏មានវត្តមានឯកឧត្តម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកកម្មអាស៊ានប៉ារ៉ាហ្គេមរបស់កម្ពុជាផងដែរ។ ឯកឧត្តម យី វាសនា បានមានប្រសាសន៍ថា កិច្ចប្រជុំមានរយៈពេលជាង ៥ម៉ោងនេះបានពិភាក្សាលម្អិតលើរបៀបវារៈសំខាន់ៗ និងបានសម្រេចផ្លែផ្កាជាច្រើនអំពីរបាយការណ៍ស្ដីពីការអភិវឌ្ឍឆ្នាំកន្លងមក ដោយកិច្ចប្រជុំបានវាយតម្លៃខ្ពស់ចំពោះភាពរីកចម្រើនគួរឲ្យកត់សម្គាល់ សម្រាប់ចលនាកីឡាប៉ារ៉ាឡាំពិកក្នុងតំបន់ ទោះបីរងនូវវិបត្តិកូវីដ-១៩ ក៏ដូចជាការខកខានរៀបចំការប្រកួតម្ដងកាលពីឆ្នាំ២០១៩ នៅហ្វីលីពីនក៏ដោយ។លើសពីនេះ គណៈកម្មាធិការប្រតិបត្តិសហព័ន្ធកីឡាអាស៊ានប៉ារ៉ា បានកោតសរសើរចំពោះការត្រៀមលក្ខណៈរួចរាល់ និងអស្ចារ្យរបស់កម្ពុជា ក្នុងការត្រៀមបន្ដវេនទទួលធ្វើម្ចាស់ផ្ទះការប្រកួតកីឡាអាស៊ានប៉ារ៉ាហ្គេមលើកទី១២ នាឆ្នាំ២០២៣ ដែលមានការយកចិត្តទុកដាក់ដ៏ខ្ពង់ខ្ពស់របស់រាជរដ្ឋាភិបាល។ ការគាំទ្រ និងអបអរសាទរនេះ បន្ទាប់ពីកិច្ចប្រជុំបានស្ដាប់នូវការធ្វើបទបង្ហាញ ក៏ដូចជាវឌ្ឍនភាពរបស់កម្ពុជា។ សូមបញ្ជាក់ថា កិច្ចប្រជុំនេះធ្វើឡើងមុនពិធីបើកការប្រកួតកីឡាអាស៊ានប៉ារ៉ាហ្គេមលើកទី១១ នាថ្ងៃទី៣០ ខែកក្កដាស្អែកនៅទីក្រុងសូឡូ ដែលព្រឹត្តិការណ៍នេះកម្ពុជា បានបញ្ជូនប្រតិភូ គ្រូបង្វឹក និងកីឡាករ-កីឡាការិនីលើ ១១ប្រភេទកីឡាទៅចូលរួម ដើម្បីប្រកួតប្រជែងស្វែងរកឧត្តមភាព និងមេដាយជូនជាតិផង ក៏ដូចជាចូលរួមសិក្សារៀនសូត្រ និងដកស្រង់បទពិសោធន៍លើការងារបច្ចេកទេស ដើម្បីត្រៀមបន្ដវេនធ្វើម្ចាស់ផ្ទះនាឆ្នាំក្រោយផង៕អត្ថបទ៖ លី ឈុនឡា

កីឡាការិនីស្វ៊ីស Marlen Reusser ឈ្នះដំណាក់កាលទី៤ ប្រណាំងកង់នារី Tour de France

ប្រណាំងកង់៖ កីឡាការិនីស្វ៊ីស Marlen Reusser បានប្រជែងឈ្នះដំណាក់កាលទី៤ នៃព្រឹត្តិការណ៍ប្រណាំងកង់នារីជើងឯក Tour de France។ ដំណាក់កាលទី៤ ដែលមានចំងាយផ្លូវ ១២៦.៨គីឡូម៉ែត្រ កីឡាការិនីជិះឱ្យក្រុមប្រណាំង SD Worx រូបនេះបានមកដល់ទីព្រ័ត្រមុនគេប្រើពេល ៣ម៉ោង ១៦នាទី ៣០វិនាទី តាមពីក្រោយដោយកីឡាការិនីម្ចាស់ផ្ទះបារាំង Evita Muzic យឺតជាង ១នាទី ២៤វិនាទី និងលេខ៣ កីឡាការិនីបេឡារុស Alena Amialiusik។ ក្រោយ ៤ដំណាក់កាលនេះកីឡាការិនីហូឡង់ Marianne Vos ដែលបញ្ចប់ដំណាក់កាលទី៤ នេះនៅចំណាត់ថ្នាក់លេខ៥ នោះនៅតែបន្តនាំមុខគេដដែលក្នុងតារាងរួមដោយមានវេលាចំណេញ ១៦វិនាទីពីអ្នកលេខ២ កីឡាការិនីអ៊ីតាលី Silvia Persico និងលេខ៣ កីឡាការិនីប៉ូឡូញ Katarzyna Niewiadoma។ សំរាប់ដំណាក់កាលទី៥ ថ្ងៃព្រហស្បតិ៍នេះមានចំងាយផ្លូវ ១៧៥.៦គីឡូម៉ែត្រឆ្លងកាត់ស្ថានភាពផ្លូវភ្នំតូចៗ៕អត្ថបទ៖នាង សុភាវុធ

អាល្លឺម៉ង់យកឈ្នះបារាំងឡើងវគ្គផ្តាច់ព្រ័ត្របាល់ទាត់នារីជើងឯកអឺរ៉ុបជួបអង់គ្លេស

បាល់ទាត់៖ ក្រុមបាល់ទាត់នារីអាល្លឺម៉ង់បានឈានឡើងវគ្គផ្តាច់ព្រ័ត្រ នៃការប្រកួតបាល់ទាត់នារីជើងឯកអឺរ៉ុបក្រោយយកឈ្នះបារាំង ២-១ យប់មិញ។ ជើងឯក ៨សម័យអាល្លឺម៉ង់បានបើកការនាំមុខមុននៅនាទីទី៤០ ដោយ Alexandra Popp ដែលជាគ្រាប់ទី៥ ក្នុងប្រាំប្រកួតរបស់ខ្លួនក្នុងព្រឹត្តិការណ៍នេះ មុនពេលដែលបារាំងតាមស្មើវិញមុនចប់វគ្គទី១ នាទីទី៤៤ ដោយបាល់ចូលទីខ្លួនឯងរបស់អ្នកចាំទី Merle Frohms។ តែអ្នកចាំទីអាល្លឺម៉ង់រូបនេះបានជួយសង្គ្រោះបាល់សំខាន់ៗ ៣លើករបស់បារាំង មុនពេលដែល Alexandra Popp តែតបញ្ចូលទីគ្រាប់ជ័យជំនះនៅនាទីទី៧៦ ដែលជាគ្រាប់ទី៦ របស់ខ្លួនក្នុងព្រឹត្តិការណ៍។ជ័យជំនះនេះធ្វើឱ្យអាល្លឺម៉ង់ឈានឡើងវគ្គផ្តាច់ព្រ័ត្រជាលើកទី៩ ពោលគឺឡើងវគ្គផ្តាច់ព្រ័ត្រ ៨លើកកន្លងមក អាល្លឺម៉ង់មិនដែលភ្លាត់ឡើយ។ វគ្គផ្តាច់ព្រ័ត្រនឹងធ្វើឡើងនៅកីឡដ្ឋាន Wembley ទីក្រុងឡុងដ៍ថ្ងៃទី៣១ ខែកក្កដានេះដោយនឹងអាចមានទស្សនិកជនចូលរួមទស្សនាសរុបដល់ ៨៧២០០នាក់ដែលចំនួនអតិបរមារបស់កីឡដ្ឋាន៕អត្ថបទ៖នាង សុភាវុធ

Fulham ទិញបានខ្សែការពារ Wolfsburg, Kevin Mbabu តម្លៃ ៦លានផោន

បាល់ទាត់៖ ក្រុមឡើងថ្មី Fulham បានសំរេចក្នុងការនាំយកខ្សែការពារស្វ៊ីស Kevin Mbabu ពីក្លិបអាល្លឺម៉ង់ Wolfsburg ក្នុងតម្លៃ ៦លានផោន។ កីឡាករវ័យ ២៧ឆ្នាំសមាជិកក្រុមជំរើសជាតិស្វ៊ីសរូបនេះបានចុះហត្ថលេខារយៈពេល ៣ឆ្នាំនៅកីឡដ្ឋាន Craven Cottage របស់ក្លិបបាល់ទាត់ Fulham ដែលជាជើងឯក League Championship ត្រលប់ឡើងមកកាន់ក្របខណ្ឌកំពូល English Premier League នេះ។ Kevin Mbabu បានចំណាយពេល ៣រដូវកាលចុងក្រោយនៅ Wolfsburg ហើយក៏ធ្លាប់មានបទពិសោធនៅ Premier League ដែរកាលពីឆ្នាំ២០១៣-២០១៧។ ជាមួយក្រុមជម្រើសជាតិស្វ៊ីស Kevin Mbabu បង្ហាញខ្លួនបាន ២២លើកផងដែរ។ Kevin Mbabu បានក្លាយជាកីឡាករទី៤ ដែលផ្លាស់មកកាន់ Fulham ត្រៀមរដូវកាលថ្មីខាងមុខនេះបន្ទាប់ពី Joao Palhinha, Andreas Pereira និង Manor Solomon៕អត្ថបទ៖នាង សុភាវុធ

ជើងឯករង Wimbledon ថ្មីៗ Nick Kyrgios ដកខ្លួនពី Atlanta Open ដោយសាររបួសជង្គង់

វាយកូនបាល់៖ ជើងឯករង Grand Slam, Wimbledon ថ្មីៗកីឡាករអូស្ត្រាលី Nick Kyrgios បានសំរេចដកខ្លួនចេញពីការប្រកួតកម្មវិធី ATP Atlanta Open ដោយសាររបួសជង្គង់។ Nick Kyrgios បានយកឈ្នះការប្រកួតនៅ Atlanta Open នេះជុំទី១ ក្នុងវិញ្ញាសាវាយគូចាប់ដៃគូជាមួយមិត្តរួមជាតិអូស្ត្រាលី Thanasi Kokkinakis ហើយក៏រងរបួសជង្គង់មិនអាចចូលរួមការប្រកួតឯកត្តជនបាន។ Nick Kyrgios ដែលជាជើងឯក Atlanta Open នេះកាលពីឆ្នាំ២០១៦ នោះនឹងត្រូវជំនួសដោយកីឡាករបារាំង Adrian Mannarino ដែលជាអ្នកមានសំណាងពីបរាជ័យនៅវគ្គជំរុះ។ សូមបញ្ជាក់ថា កីឡាករលំដាប់កំពូលរបស់អូស្ត្រាលី Nick Kyrgios កំពុងមានទំរង់លេងក្នុងឆ្នាំ២០២២ នេះតាមរយៈការឈានឡើងវគ្គផ្តាច់ព្រ័ត្រ Wimbledon ជាលើកដំបូងតែចាញ់កីឡាករស៊ែប Novak Djokovic។ កីឡាករវ័យ ២៧ឆ្នាំរូបនេះក៏បានឈ្នះជើងឯក Grand Slam, Australian Open ផងដែរកាលពីខែមករាក្នុងវិញ្ញាសាវាយគូបុរសជាមួយនឹង Thanasi Kokkinakis។ Nick Kyrgios នឹងមានកាលវិភាគប្រកួតជាច្រើនកម្មវិធីទៀតរួមមាន Western & Southern Open, Cincinnati Open, Ohio Open ដើម្បីត្រៀម Grand Slam ចុងក្រោយប្រចាំឆ្នាំ US Open ដែលនឹងចាប់ផ្តើមនៅថ្ងៃទី២៩ ខែសីហានេះ៕អត្ថបទ៖នាង សុភាវុធ

Lisandro Martinez មកដល់ Manchester United ផ្លូវការក្នុងតម្លៃផ្ទេរ ៥៧លានផោនផ្ទេរពី Ajax

បាល់ទាត់៖ ខ្សែការពារកណ្តាលអាហ្សង់ទីន Lisandro Martinez បានផ្លាស់មកកាន់ក្រុមបិសាចក្រហម Manchester United ជាផ្លូវការហើយផ្ទេរពីក្លិបហូឡង់ Ajax Amsterdam ក្នុងតម្លៃ ៥៧លានផោន។ កីឡាករវ័យ ២៤ឆ្នាំរូបនេះបានចុះហត្ថលេខារយៈពេល ៥ឆ្នាំនៅ Old Trafford អមជាមួយលក្ខខណ្ឌបន្តបន្ថែម។ នេះជាការរួបរួមគ្នាម្តងទៀតរបស់ Lisandro Martinez ជាមួយអ្នកចាត់ការ Erik ten Hag ដែលធ្លាប់នាំយកកីឡាករអាហ្សង់ទីនរូបនេះទៅកាន់ Ajax កាលពីឆ្នាំ២០១៩។ Martinez បង្ហាញខ្លួនបាន ១២០ប្រកួតឱ្យ Ajax បន្ទាប់ពីផ្ទេរពីក្លិបអាហ្សង់ទីន Defensa y Justicia ក្នុងតម្លៃ ៦.៣លានផោនកាលពីឆ្នាំ២០១៩ និងធ្លាប់លេងឱ្យក្លិប Newell’s Old Boys នៅអាហ្សង់ទីនផងដែរ។ Lisandro Martinez បានក្លាយជាកីឡាករទី២ ដែលផ្លាស់មកកាន់ Manchester United ពី Ajax ក្រោមការដឹកនាំរបស់អ្នកចាត់ការថ្មី Erik ten Hag បន្ទាប់ពីខ្សែការពារហូឡង់ Tyrell Malacia ផ្ទេរពី Ajax ផងដែរក្នុងតម្លៃ ១៣លានផោន។ សូមបញ្ជាក់ថា Lisandro Martinez ធ្លាប់បង្ហាញខ្លួនឱ្យក្រុមជំរើសជាតិអាហ្សង់ទីន ៧លើក និងបានផ្លាស់មកកាន់ Ajax កាលពីឆ្នាំ២០១៩ បង្ហាញខ្លួនបាន ១២០ប្រកួត៕អត្ថបទ៖នាង សុភាវុធ

អនាគតរបស់ Ronaldo នៅ Manchester United បន្តស្ថិតក្នុងមន្ទិល

បាល់ទាត់៖ អនាគតរបស់ខ្សែប្រយុទ្ធព័រទុយហ្កាល់ Cristiano Ronaldo នៅក្រុមបិសាចក្រហម Manchester United បន្តស្ថិតក្នុងមន្ទិលដដែល បើទោះជាមានការចរចាចុងក្រោយបំផុតនៅថ្ងៃអង្គារកន្លងទៅ។ ប្រធានក្រុមជម្រើសជាតិព័រទុយហ្កាល់រូបនេះបានមកដល់ទីលានហ្វឹកហាត់ Carrington របស់ Manchester United ជាមួយនឹងវត្តមានភ្នាក់ងារ Jorge Mendes ដើម្បីជជែកពីការអនាគតរបស់ Ronaldo ថាត្រូវចាកចេញរឺស្នាក់នៅបន្ត។ ស្ថិតក្នុងមហិច្ចតាចង់លេងនៅក្របខណ្ឌក្លិបកំពូល UEFA Champions League ធ្វើឱ្យ Ronaldo បន្តគំនិតចង់ចាកចេញពី Manchester United ឱ្យខានតែបានក្នុងអាជីពកីឡាករបាល់ទាត់ចុងក្រោយរបស់ខ្លួន។ សារព័ត៌មានអង់គ្លេសមួយបានចុះផ្សាយថា ការចរចាមិនជោគជ័យឡើយ បើទោះជាមានវត្តមាន Sir Alex Ferguson ក្នុងការចរចានោះក៏ដោយ។ ជំហររបស់ Manchester United គឺមិនចង់ឱ្យកីឡាករវ័យ ៣៧ឆ្នាំរូបនេះចាកចេញឡើយ ខណៈអ្នកចាត់ការថ្មីលោក Erik ten Hag ធ្លាប់បានបញ្ជាក់ថា Ronaldo ស្ថិតក្នុងគំរោងរបស់លោកសំរាប់រដូវកាលថ្មីខាងមុខ។បើទោះជាមានបំណងចង់លេងបាល់នៅ UEFA Champions League មកទល់ពេលនេះគេមិនទាន់ឃើញក្លិបណាមួយធ្វើទំនាក់ទំនងនាំយកអតីតខ្សែប្រយុទ្ធ Real Madrid រូបនេះនៅឡើយ។ Chelsea និង Bayern Munich ក៏ធ្លាប់បង្ហាញពីបំណងចង់បាន Ronaldo ដែរតែក្រោយមកក៏បានដកខ្លួនវិញ៕អត្ថបទ៖នាង សុភាវុធ

ម្ចាស់មេដាយស៊ីហ្គេម ៤រូបដណ្ដើមបានជ័យជម្នះរៀងខ្លួនក្នុងកម្មវិធីទី២ នៃសង្វៀន World Fight

គុនខ្មែរ៖ ម្ចាស់មេដាយស៊ីហ្គេមលើកទី៣១ នៅប្រទេសវៀតណាម ៤រូបរួមមានកីឡាករ យ៉េន ឌីណា, ឈឿង ល្វៃ, ឃឹម បូរ៉ា និង អេ អាំម៉ារីន ភូថង បានយកឈ្នះគូប្រកួតរៀងៗខ្លួននៅក្នុងការប្រកួតទី២ នៃព្រឹត្តិការណ៍ «សង្វៀនគុនខ្មែរជើងឯកពិភពលោក ឬ World Fight Tournament 2022 / Kun Khmer Series» កាលពីល្ងាចថ្ងៃទី២៧ ខែកក្កដា នៅក្នុងមជ្ឈមណ្ឌលកីឡាក្នុងសាលនៃពហុកីឡដ្ឋានជាតិមរតកតេជោ។ សម្រាប់កីឡាករ យ៉េន ឌីណា ម្ចាស់មេដាយមាសស៊ីហ្គេមបានផ្ដួលកីឡាករឥណ្ឌា Anil Mehta ត្រឹមទឹកទី៣ ដែលនាំឲ្យជើងខ្លាំងគុនខ្មែររូបនេះឡើងទៅវគ្គបន្ដ ក្នុងនាមគូដណ្ដើមខ្សែក្រវាត់អន្ដរជាតិប្រភេទទម្ងន់ ៦៣.៥គីឡូក្រាម។ រីឯម្ចាស់មេដាយប្រាក់ស៊ីហ្គេម ឈឿន ល្វៃ បានយកឈ្នះកីឡាករអង់គ្លេស Alexander Michael ដោយពិន្ទុ បន្ទាប់ពីវាយឲ្យអ្នកលេងឆ្លងដែនរូបនេះត្រូវបានអាជ្ញាកណ្ដាលរាប់ជាច្រើនដង។ ចំណែកកីឡាករ ឃឹម បូរ៉ា ម្ចាស់មេដាយសំរឹទ្ធស៊ីហ្គេមគឺបានយកឈ្នះកីឡាករថៃ Hurricane Sor.Decha Than ដោយពិន្ទុ និងកីឡាករ អេ អាំម៉ារីន ភូថង ម្ចាស់មេដាយសំរឹទ្ធស៊ីហ្គេមដូចគ្នាក៏បានយកឈ្នះកីឡាករអ៊ីរ៉ង់ Mohammad Esmaeil ដោយពិន្ទុផងដែរ។លើកលែងតែកីឡាការិនី ទួន ស្រីពីន ប៉ុណ្ណោះដែលរងបរាជ័យក្រោមថ្វីដៃភ្ញៀវ ពោលគឺចាញ់កីឡាការិនីប្រេស៊ីល Brabara Aguiar ដោយត្រូវអាជ្ញាកណ្ដាលបញ្ឈប់ការប្រកួតត្រឹមទឹកទី៣។ ជុំវិញការចូលរួមកម្មវិធីដ៏ធំនេះឃើញថា កីឡាករ-កីឡាការិនីដែលសុទ្ធសឹងជាសមាជិកក្រុមជម្រើសជាតិកម្ពុជា បានសម្ដែងការសប្បាយចិត្ត ដ្បិតពួកគេចាត់ទុកនេះគឺជាឱកាសមួយដើម្បីពង្រឹងសមត្ថភាពបន្ថែម ក្នុងការត្រៀមលក្ខណៈប្រកួតប្រជែង និងដណ្ដើមមេដាយជូនជាតិនៅក្នុងការប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើម្ចាស់ផ្ទះនាពេលខាងមុខ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Barcelona ឈានដល់កិច្ចព្រមព្រៀង ៥០លានអឺរ៉ូទិញខ្សែការពារ Jules Kounde ពី Sevilla

សប្ដាហ៍ទី៤ ជុំទី២ ខ្សែក្រវាត់ខារ៉ាបាវ ជ័រ ពៅ ជួបជើងខ្លាំង ផាត់ ថាណា ខណៈធន់ ផានិត ជួប ផេតម៉េតម៉ៃ

គណៈកម្មការប្រតិបត្តិ APSF បន្តសាទរកម្ពុជាម្ចាស់ផ្ទះអាស៊ានប៉ារ៉ាហ្គេមឆ្នាំ២០២៣

កីឡាការិនីស្វ៊ីស Marlen Reusser ឈ្នះដំណាក់កាលទី៤ ប្រណាំងកង់នារី Tour de France

អាល្លឺម៉ង់យកឈ្នះបារាំងឡើងវគ្គផ្តាច់ព្រ័ត្របាល់ទាត់នារីជើងឯកអឺរ៉ុបជួបអង់គ្លេស

Fulham ទិញបានខ្សែការពារ Wolfsburg, Kevin Mbabu តម្លៃ ៦លានផោន

ជើងឯករង Wimbledon ថ្មីៗ Nick Kyrgios ដកខ្លួនពី Atlanta Open ដោយសាររបួសជង្គង់

Lisandro Martinez មកដល់ Manchester United ផ្លូវការក្នុងតម្លៃផ្ទេរ ៥៧លានផោនផ្ទេរពី Ajax

អនាគតរបស់ Ronaldo នៅ Manchester United បន្តស្ថិតក្នុងមន្ទិល

ម្ចាស់មេដាយស៊ីហ្គេម ៤រូបដណ្ដើមបានជ័យជម្នះរៀងខ្លួនក្នុងកម្មវិធីទី២ នៃសង្វៀន World Fight

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Barcelona ឈានដល់​កិច្ចព្រមព្រៀង ៥០​លាន​អឺរ៉ូ​ទិញ​ខ្សែការពារ Jules Kounde ពី Sevilla

គណៈកម្មការ​ប្រតិបត្តិ​ APSF ​បន្ត​សាទរ​កម្ពុជា​ម្ចាស់ផ្ទះ​អាស៊ាន​ប៉ា​រ៉ា​ហ្គេម​ឆ្នាំ​២០២៣

កីឡាការិនី​ស្វ៊ី​ស Marlen Reusser ឈ្នះ​ដំណាក់កាល​ទី​៤ ប្រណាំង​កង់​នារី Tour de France

អាល្លឺម៉ង់​យកឈ្នះ​បារាំង​ឡើង​វគ្គ​ផ្តាច់ព្រ័ត្រ​បាល់ទាត់​នារី​ជើងឯក​អឺរ៉ុប​ជួប​អង់គ្លេស​

Fulham ទិញ​បាន​ខ្សែការពារ Wolfsburg, Kevin Mbabu តម្លៃ ៦លាន​ផោន​

ជើងឯក​រង Wimbledon ថ្មីៗ Nick Kyrgios ដកខ្លួន​ពី Atlanta Open ដោយសារ​របួស​ជង្គង់​

Lisandro Martinez មកដល់ Manchester United ផ្លូវការ​ក្នុងតម្លៃ​ផ្ទេរ ៥៧​លាន​ផោន​ផ្ទេរ​ពី Ajax

អនាគត​របស់ Ronaldo នៅ Manchester United បន្ត​ស្ថិត​ក្នុង​មន្ទិល

ម្ចាស់​មេដាយ​ស៊ី​ហ្គេម ៤​រូប​ដណ្ដើម​បាន​ជ័យជម្នះ​រៀងខ្លួន​ក្នុង​កម្មវិធី​ទី​២ នៃ​សង្វៀន​ World Fight

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Barcelona ឈានដល់កិច្ចព្រមព្រៀង ៥០លានអឺរ៉ូទិញខ្សែការពារ Jules Kounde ពី Sevilla

គណៈកម្មការប្រតិបត្តិ APSF បន្តសាទរកម្ពុជាម្ចាស់ផ្ទះអាស៊ានប៉ារ៉ាហ្គេមឆ្នាំ២០២៣

កីឡាការិនីស្វ៊ីស Marlen Reusser ឈ្នះដំណាក់កាលទី៤ ប្រណាំងកង់នារី Tour de France

អាល្លឺម៉ង់យកឈ្នះបារាំងឡើងវគ្គផ្តាច់ព្រ័ត្របាល់ទាត់នារីជើងឯកអឺរ៉ុបជួបអង់គ្លេស

Fulham ទិញបានខ្សែការពារ Wolfsburg, Kevin Mbabu តម្លៃ ៦លានផោន

ជើងឯករង Wimbledon ថ្មីៗ Nick Kyrgios ដកខ្លួនពី Atlanta Open ដោយសាររបួសជង្គង់

Lisandro Martinez មកដល់ Manchester United ផ្លូវការក្នុងតម្លៃផ្ទេរ ៥៧លានផោនផ្ទេរពី Ajax

អនាគតរបស់ Ronaldo នៅ Manchester United បន្តស្ថិតក្នុងមន្ទិល

ម្ចាស់មេដាយស៊ីហ្គេម ៤រូបដណ្ដើមបានជ័យជម្នះរៀងខ្លួនក្នុងកម្មវិធីទី២ នៃសង្វៀន World Fight